ROMË, 2 shkurt /ATSH/- Qeveria italiane po përshpejton një dekret sigurie pas përleshjeve të dhunshme në Torino, ku më shumë se 100 oficerë u plagosën dhe një polic u rrah me çekiç nga protestuesit e maskuar, një sulm që kryeministrja Giorgia Meloni e quajti një “tentativë vrasjeje”, sipas “Skytg24”.

Sipas mediave të huaja, polici, 29-vjeçari Alessandro Calista, i Njësisë Mobile të Policisë së Padovës, u rrethua nga demonstrues të maskuar dhe u godit vazhdimisht, përfshirë edhe me çekiç, përpara se një oficer tjetër të ndërhynte me një mburojë për ta nxjerrë nga turma.

Ai pësoi plagë të shumta dhe një dëmtim nga çekiçi, por doli nga spitali dje në mbrëmje, së bashku me një oficer tjetër, të shtruar në “Spitalin Molinette” të Torinos.

Autoritetet arrestuan tre burra të moshës 22, 31 dhe 35 vjeç pas dhunës të së shtunës gjatë një demonstrate kundër mbylljes së qendrës kulturore Askatasuna, e cila ka qenë një vend takimi për krahun e majtë të Torinos për disa dekada. Objekti u mbyll pak para Krishtlindjeve.

Po ashtu, më shumë se 20 individë po hetohen nga policia për akuza të ndryshme, duke përfshirë mbajtjen e armëve të papërshtatshme, rezistencën ndaj autoriteteve dhe maskimin e vetes, si dhe mbajtjen e objekteve të tilla si gurë, çelësa dhe thika, të cilat u janë sekuestruar disave prej tyre.

Qeveria propozon masa gjithëpërfshirëse

Kryeministrja Giorgia Meloni dënoi dhunën, duke e quajtur sulmin ndaj oficerit një “tentativë vrasjeje” – pasi vizitoi dje oficerët e plagosur në spitalin Molinette.

Ajo njoftoi se qeveria do të përshpejtonte një paketë sigurie që është tashmë në zhvillim e sipër, dhe zhvilloi sot një takim për të finalizuar masat që pritet t’i kalohen për miratim Këshillit te Ministrave, gjatë javës.

Masat që po shqyrtohen përfshijnë ndalimin parandalues ​​policor prej të paktën 12 orësh për shkelësit e përsëritur të dhunës, kufizime në shitjen e thikave për të miturit dhe mbrojtje të zgjeruar që shtrihet përtej policisë, edhe tek qytetarët e tjerë.

“Kur e godet dikë me çekiç, e bën duke e ditur se pasojat mund të jenë shumë, shumë serioze. Kjo nuk është protestë, këto nuk janë përplasje. Kjo quhet tentativë vrasjeje”, tha dje Meloni.

Ministri i Brendshëm, Matteo Piantedosi do të informojë nesër parlamentin mbi dhunën, të cilën zyrtarët qeveritarë e quajtën “terrorizëm urban” dhe “tentativë vrasjeje”.

Zëvendëskryeministri Matteo Salvini bëri thirrje për miratim të menjëhershëm të paketës së sigurisë, duke e përshkruar atë si antidotin më të mirë për të bllokuar menjëherë përpjekjen e së majtës ekstreme për të sjellë dhunë sërish në rrugët e qyteteve italiane. //a.i/

The post ITALI – Qeveria përgatit paketën e re të sigurisë, pas përleshjeve të dhunshme në Torino appeared first on Agjencia Telegrafike Shqiptare.

ISLAMABAD, 2 shkurt /ATSH-DPA/- Forcat e sigurisë pakistaneze vranë 22 militantë në një operacion të vazhdueshëm, duke e çuar numrin e të vdekurve në 177 në përleshjet me një grup rebelësh që luftojnë për pavarësi në provincën më të paqëndrueshme të vendit në kufi me Afganistanin.

Burime të sigurisë thanë se ushtria, agjencitë e inteligjencës dhe policia kishin shtrënguar kordonin rreth militantëve dhe mund të kishte më shumë viktima.

“Gjatë 48 orëve të fundit, të paktën 33 civilë dhe 17 anëtarë të forcave të sigurisë u vranë gjithashtu”, tha ministri i Mbrojtjes Khawaja Asif në parlament sot në mbrëmje.

Shumica e civilëve u vranë në Gawadar ku Kina po ndërton një port, si pjesë e Korridorit Ekonomik Kinë-Pakistan (CPEC) me vlerë miliarda dollarë, i cili synon të lidhë rajonin kinez Xinjiang me Portin Gwadar përmes një rrjeti autostradash dhe shinash hekurudhore.

CPEC është pjesë e Iniciativës “Një Brez, një Rrugë” të Pekinit për të përmirësuar logjistikën globale.

Asif tha se si India ashtu edhe Afganistani fshiheshin pas rritjes së militantizmit në provincën më të madhe të vendit, Baluçistani.

“Udhëheqja e terroristëve është e vendosur në Afganistan dhe ata marrin mbështetje nga atje”, tha ministri.

Ushtria Çlirimtare e Baluçistanit (BLA), një grup rebel që lufton për pavarësinë e rajonit nga Pakistani, mori përgjegjësinë për sulmet e shumëfishta dhe të koordinuara në të gjithë provincën.

Vitin e kaluar, Shtetet e Bashkuara të Amerikës e caktuan grupin separatist dhe krahun e tij të armatosur, Brigadën Majeed, si Organizata Terroriste të Huaja (FTO).

Baluçistani është provinca më e madhe e Pakistanit, që kufizohet me Afganistanin dhe Iranin.

Rajoni ka mbajtur barrën e një rritjeje të dhunës nga militantët islamikë dhe rebelët etnikë Baloç që luftojnë për pavarësi. //a.i/

The post PAKISTAN – Të paktën 177 të vrarë në përleshjet në Baluçistan appeared first on Agjencia Telegrafike Shqiptare.

Disa persona janë lënduar në një përleshje masive që shpërtheu në "periferi" të një gjyqi në qytetin perëndimor gjerman të Dusseldorfit.

Kjo, siç raportojnë mediat e huaja, përcjell Telegrafi, është bërë e ditur të mërkurën një zëdhënës i gjykatës.

Sipas mediave, rreth 20 deri në 25 persona filluan të përlesheshin në një korridor të Gjykatës Rajonale të Dusseldorfit.

Dhe përleshja thuhet se erdhi pas një deklarate dëshmitari në një gjyq të një shoferi të akuzuar për goditjen e një gruaje me makinën e tij gjatë një festivali në rrugë.

Dy oficerë të gjykatës janë midis të lënduarve, ka bërë të ditur zëdhënësi i gjykatës.

Si pasojë, gjyqi u ndërpre dhe u shty ndërkohë që shkaku i saktë i përleshjes deri më tani mbetet i paqartë. /Telegrafi/

Nnë orët e para të pasdites, momente tensioni shpërthyen në Como, vetëm disa orë para ndeshjes midis ekipit të Fabregas dhe Bologn-as.

Përleshjet ndodhën midis dy grupeve të tifozëve pranë stadiumit Sinigaglia, disa orë para fillimit të ndeshjes.

Dy autobusë që transportonin tifozë të Kuqeblu, që mbërritën pranë stadiumit Sinigaglia, rastësisht kaluan një bar të frekuentuar nga tifozët e Comos.

Situsta u tensionua në fillim aty dhe më pas u përshkallëzua në hedhjen e shisheve dhe shkëmbimin e fyerjeve.

Ndërhyrja e shpejtë e forcave të rendit parandaloi pasoja më serioze, duke rivendosur qetësinë brenda pak minutash.

Si masë paraprake, disa rrugë u mbyllën përkohësisht dhe autobusët që transportonin tifozë të Bologna-s u larguan nën shoqërimin e policisë.

10.01.2026🇮🇹Streetfight Como – Bologna, click for more here: https://t.co/8QBlqIUKiS

All in one place. Tap to download.
🔗 https://t.co/FXnrFRpzhv pic.twitter.com/2N7og8dBwL

— Hooligans.cz Official (@hooliganscz1999) January 10, 2026

The post Përleshje masive mes tifozëve përpara ndeshjes së Serie A Como-Bologna (VIDEO) appeared first on Albeu.com.

TEHERAN, 8 janar /ATSH-DPA/- Autoritetet iraniane kanë kufizuar ndjeshëm aksesin në internet mes protestave të vazhdueshme në të gjithë vendin, thanë sot grupet e monitorimit.

Në provincën perëndimore të Kermanshah, e cila është tronditur nga trazirat, organizata e monitorimit të internetit “NetBlocks” raportoi një ndërprerje totale në operatorin kryesor të internetit TCI.

Banorët raportuan se interneti ishte i kufizuar edhe në pjesë të tjera të vendit.

Interneti në telefonat celular u kufizua gjithashtu në disa qytete të mëdha.

Kufizimet, shihen gjerësisht si të lidhura me thirrjet e ripërtërira për protesta sot dhe nesër nga Reza Pahlavi, djali i i ish-monarkut të fundit të Iranit, i cili u rrëzua në Revolucionin Islamik të vitit 1979.

Një valë protestash ka përfshirë Iranin për 11 ditë, të shkaktuara nga kriza ekonomike në thellim dhe një rënie e ndjeshme e monedhës kombëtare, rialit iranian.

Në Teheran, tregtarët e zemëruar fillimisht dolën në rrugë, me demonstratat që u përhapën më pas në pjesë të mëdha të vendit.

“Të paktën 38 persona janë vrarë në përleshjet me autoritetet që nga shpërthimi i protestave”, sipas rrjetit të të drejtave të njeriut HRANA, me qendër në SHBA. //a.i/

The post TEHERAN – Irani kufizon aksesin në internet, ndërsa protestat vazhdojnë në mbarë vendin appeared first on Agjencia Telegrafike Shqiptare.

DAMASKË, 8 janar /ATSH-DPA/- Përleshjet e ashpra midis forcave të udhëhequra nga kurdët dhe trupave qeveritare kanë vazhduar në ditën e tyre të tretë, në qytetin verior sirian të Alepos.

Ky është konflikti më i rëndë – i parë ndonjëherë në qytetin e dytë më të madh të Sirisë – që nga përmbysja e sundimtarit Bashar al-Assad në fund të vitit 2024, tha Rami Abdel Rahman, kreu i Observatorit Sirian për të Drejtat e Njeriut.

Komiteti Qendror i Reagimit në Alepo tha se rreth 142 000 persona ishin zhvendosur nga lagjet “Sheikh Maqsoud” dhe “Ashrafieh”, si dhe zonat e banimit aty pranë, duke përfshirë rreth 13 000 banorë vetëm sot.

Një zëdhënës i Forcave Demokratike Siriane (SDF) të udhëhequra nga kurdët, Farhad al-Shami, tha se shifrat qeveritare ishin të ekzagjeruara.

Sipas autoriteteve lokale, janë ngritur strehimore të përkohshme emergjente në Alepo dhe zonat përreth, ndërsa banorët e plagosur mbetën të bllokuar në lagjet e prekura – që u shpallën zona ushtarake dhe të kufizuara nga ushtria siriane, një ditë më parë.

Zyra e OKB-së për Koordinimin e Çështjeve Humanitare tha dje se ishin zhvendosur mbi 30 000 banorë.

Pas një afati të evakuimit, ushtria siriane bombardoi objektivat e përcaktuara më parë në dy distrikte kurde.

“SDF u përgjigj me mortaja dhe raketa, duke plagosur të paktën pesë civilë”, tha zyrtari.

“Që nga e marta, të paktën 12 civilë janë vrarë, ndërsa katër anëtarë të forcave qeveritare dhe një luftëtar kurd kanë vdekur gjithashtu. Më shumë se 60 persona janë plagosur”, sipas observatorit. //a.i/

The post SIRI – Alepo në ditën e tretë të përleshjeve midis ushtrisë siriane dhe SDF-së të udhëhequr nga kurdët appeared first on Agjencia Telegrafike Shqiptare.

DAMASK, 28 dhjetor /ATSH-DPA/ – Dhuna shpërtheu sot midis mbështetësve dhe kundërshtarëve të qeverisë siriane, duke lënë disa të vrarë dhe dhjetëra të plagosur, sipas aktivistëve dhe mediave shtetërore.

Dy protestues kundër qeverisë u vranë në provincën bregdetare Latakia, pasi besnikët e qeverisë dhe forcat e sigurisë sulmuan demonstruesit, njoftoi Observatori Sirian për të Drejtat e Njeriut.

Protestat shpërthyen në disa provinca, përfshirë Latakian, e cila kryesisht banohet nga pakica fetare alavite, sipas grupit britanik që monitoron ngjarjet, duke cituar rrjetin e tij të aktivistëve brenda Sirisë.

Demonstrata të ngjashme u raportuan edhe në Tartus, Homs dhe Hama. Dhjetëra protestues antiqeveritarë u plagosën pasi u sulmuan me armë zjarri dhe thika, shtoi grupi.

Sipas aghjencisë shtetërore SANA, autoritetet siriane fajësuan mbështetësit e ish-udhëheqësit të rrëzuar Bashar al-Assad për sulmet ndaj forcave të sigurisë dhe civilëve gjatë trazirave në Latakia, duke shkaktuar tre të vdekur.

Të paktën 60 të tjerë u plagosën në Latakia, sipas raportimeve të autoriteteve shëndetësore. Ministria e Brendshme tha se një anëtar i forcave të sigurisë u vra dhe të tjerë u plagosën gjatë përleshjeve.

Protestat masive u nxitën nga thirrja e udhëheqësit të njohur alavite, Ghazal Ghazal, për të kërkuar të drejtën për vetëvendosje. Që nga rrëzimi i al-Assad vitin e kaluar, Siria është përballur me dhunë sektariane, pavarësisht premtimeve të presidentit të përkohshëm Ahmed al-Sharaa për të mbrojtur pakicat. /Ad.Ab./

The post DAMASK – Disa të vrarë dhe dhjetëra të plagosur gjatë përleshjeve në Siri appeared first on Agjencia Telegrafike Shqiptare.

Përleshjet shpërthyen në bregdetin e Sirisë midis protestuesve nga pakica fetare alevite dhe kundër-demonstruesve të dielën, dy ditë pas një bombardimi në një xhami alevite në qytetin e Homsit që vrau tetë persona dhe plagosi 18 të tjerë gjatë lutjeve.

Mijëra protestues u mblodhën në qytetet bregdetare të Latakias dhe Tartusit, si dhe gjetkë, transmeton Telegrafi.

Zyrtarët kanë thënë se hetimet paraprake tregojnë se pajisje shpërthyese ishin vendosur brenda xhamisë në Homs, por autoritetet nuk kanë identifikuar ende publikisht një të dyshuar për bombardimin e së premtes. Funeralet për të vdekurit u mbajtën të shtunën.

Një grup pak i njohur që e quan veten Saraya Ansar al-Sunna mori përgjegjësinë për sulmin në një deklaratë të postuar në kanalin e tij Telegram, në të cilën tregoi se sulmi kishte për qëllim të synonte anëtarët e sektit alevit, një degë e Islamit shiit të cilin islamistët e vijës së ashpër e konsiderojnë apostatë.

Demonstratat e së dielës u thirrën nga Ghazal Ghazal, një sheik alevit që jeton jashtë Sirisë i cili kryeson një grup të quajtur Këshilli i Lartë Islamik Alavite në Siri dhe Diasporë.

Një fotograf i Associated Press në Latakia pa kundërprotestuesit pro-qeveritarë duke hedhur gurë drejt demonstruesve alavitë, ndërsa një grup protestuesish rrahën një kundërdemonstrues që kaloi në anën e tyre.

Forcat e sigurisë u përpoqën të shpërndanin të dyja palët dhe qëlluan në ajër në një përpjekje për t'i shpërndarë ata. Demonstruesit u plagosën në përleshje, por nuk ishte menjëherë e qartë se sa.

Televizioni shtetëror i Sirisë raportoi se dy anëtarë të forcave të sigurisë u plagosën në zonën e Tartusit pasi dikush hodhi një granatë dore në një stacion policie, dhe makinat që i përkisnin forcave të sigurisë u vunë në flakë në Latakia.

Vendi ka përjetuar disa valë përleshjesh sektare që nga rënia e ish-presidentit Bashar Assad në një ofensivë të rrufeshme rebele në dhjetor 2024 që i dha fund gati 14 viteve luftë civile. Assad, një alavit, iku nga vendi në Rusi.

Në mars, një pritë e kryer nga mbështetësit e Assad kundër forcave të sigurisë shkaktoi ditë dhune që lanë qindra njerëz të vdekur, shumica prej tyre alavitë.

Që atëherë, megjithëse situata është qetësuar, alavitët janë shënjestruar herë pas here në sulme sektare. Ata janë ankuar gjithashtu për diskriminim ndaj tyre në punësimin publik që nga rënia e Asadit dhe për burra të rinj alavitë të ndaluar pa akuza.

Gjatë sundimit të dinastisë Assad, alavitët ishin të mbipërfaqësuar në punët qeveritare dhe në ushtri dhe forcat e sigurisë.

Zyrtarët qeveritarë e dënuan sulmin e së premtes dhe premtuan se do t'i mbajnë autorët përgjegjës, por ende nuk kanë njoftuar ndonjë arrestim. /Telegrafi/

Ligjvënësit turq shkëmbyen grushte gjatë një debati të nxehtë mbi propozimin e buxhetit të vitit 2026 të dielën, megjithëse si buxheti ashtu edhe projektligji i llogarive financiare të vitit 2024 u miratuan përfundimisht.

Shqetësimi shpërtheu pasi deputeti i Partisë AK në pushtet, Mustafa Varank, bëri vërejtje që synonin kryetarin e Partisë Republikane Popullore (CHP) të opozitës, Özgür Özel, gjatë diskutimeve për buxhetin në Asamblenë e Madhe Kombëtare.

Pasi Varank kritikoi Özel për imazhet e bëra në varrin e ish-deputetit të Tunceli, Kamer Genç, zëvendëskryetari i grupit CHP, Gökhan Günaydın, u përgjigj nga foltorja, duke akuzuar Partinë AK për krijimin e qëllimshëm të polemikave gjatë bisedimeve për buxhetin, transmeton Telegrafi.

Debati u përshkallëzua në një shkëmbim komentesh të ashpra rreth trashëgimisë së themeluesit të Republikës Turke, Mustafa Kemal Atatürk, kur provokime të mëtejshme rezultuan në një konfrontim, me deputetët që shtynin njëri-tjetrin përpara se të hidheshin grushte.

Shqetësimi zgjati rreth 10 minuta, me deputetët që shtynin njëri-tjetrin ndërsa rojet e sigurisë dhe ligjvënësit e tjerë përpiqeshin t'i ndanin. Luftimet rifilluan me ndërprerje gjatë një pushimi.

Pavarësisht dhunës, asambleja vazhdoi punën e saj. Propozimi i ligjit për buxhetin e vitit të ardhshëm u miratua me 320 vota pro dhe 249 kundër, ndërsa llogaria përfundimtare e vitit 2024 u miratua me 316 vota pro dhe 247 kundër.

Presidenti Recep Tayyip Erdogan vlerësoi votimin në një postim në X.

"Uroj që Propozimi i Ligjit për Buxhetin e Qeverisë Qendrore për vitin 2026, i cili u miratua në Asamblenë e Madhe Kombëtare të Turqisë këtë mbrëmje, të jetë i mbarë për vendin, kombin dhe ekonominë tonë", tha Erdogan. /Telegrafi/

Në Parlamentin e Bullgarisë ka ndodhur një situatë e pakëndshme e cila madje u transmetuar direkt në mediat e atjeshme.

Bëhet fjalë për një sulm fizik që ndodhi mes ligjvënësve nga pozita dhe partitë opozitare, transmeton Telegrafi.

Madje në një moment njëri prej tyre e godet një tjetër më grusht në fytyrë – duke i detyruar të pranishmit e tjerë të ndërhyjnë për ta qetësuar situatën.

Gjithçka ndodhi derisa po debatohej në Parlamentin bullgar për buxhetin – duke nxitur një përplasje pozitë-opozitë.

Në një moment njëri nga deputetët e godet me shqelm një tjetër dhe më pas e vazhdojnë me grushte.

E për ta qetësuar situatën, të pranishmit nxjerrin nga salla deputetin që sulmohet. /Telegrafi/

- YouTube www.youtube.com

Tensionet u ndezën të hënën jashtë Aeroportit Ndërkombëtar Nikos Kazantzakis në Iraklio, Kretë, ndërsa fermerët dhe blegtorët protestues u përpoqën të bllokonin hyrjen kryesore.

Demonstruesit ishin nisur nga stadiumi Pankritio i qytetit në një konvoj traktorësh, duke synuar të arrinin në aeroport si pjesë e përshkallëzimit të protestave mbarëkombëtare për shkak të vonesave të subvencioneve dhe rritjes së kostove të prodhimit.

Policia kishte rrethuar rrugët e hyrjes në terminal, duke penguar konvojin të arrinte në ambientet e aeroportit.

Dhe përleshjet shpërthyen kur protestuesit shtynë përpara, duke bërë që policia të përdorte gaz lotsjellës dhe “granata zhurmuese”.

- YouTube www.youtube.com

Demonstruesit hodhën gurë në përgjigje.

Nuk u raportuan menjëherë lëndime serioze.

Fermerët në të gjithë Greqinë kanë intensifikuar bllokadat rrugore në ditët e fundit.

Më shumë se 20 pika proteste janë ngritur në të gjithë vendin, me mijëra traktorë të rreshtuar përgjatë autostradave kryesore. /Telegrafi/

Një dasmë në Bodh Gaya të Indisë është shndërruar në një përleshje masive pasi në këndin e ëmbëlsirave mbaroi një lloj i tyre.

Ankesa e të afërmve të nuses thuhet se solli reagimin e ashpër të familjes së dhëndrit, dhe tensionet u rritën me shpejtësi, me pamje nga kamerat e sigurisë që tregonin të ftuarit duke goditur njëri-tjetrin e duke hedhur karrige.

Babai i nuses, Suresh Prasad, tha se situata ishte përkeqësuar edhe nga pretendimet për një shtesë të dhëndrit në pajën e kërkuar gjatë riteve të dasmës.

Ai u shpreh se disa persona nga ana e nuses janë lënduar dhe se është bërë një kallëzim në policinë e Bodh Gaya-s.

Policia konfirmoi të lënduar nga të dyja palët, ndërsa babai i dhëndrit këmbënguli se sherri nisi vetëm për mungesën e llojit të ëmbëlsirave, jo për pajën.

Ai shtoi se familja e dhëndrit ende dëshiron që martesa të realizohet, por pala e nuses ka refuzuar.

Oficerët po hetojnë rastin, në një kohë kur praktikat e dasmave në Indi po evoluojnë drejt ndarjes më të barabartë të kostove mes familjeve. /Telegrafi/

Në emisionin e mëngjesit në Top Channel, treshja Blendi Salaj, Enxhi Nasufi dhe Neada Muçaj dukej se kishin krijuar një dinamikë të qëndrueshme para kamerave. Energjia e tyre në studio jepte përshtypjen se gjithçka funksiononte mirë dhe se mes vajzave kishte harmoni profesionale.

Por mesa duket, kjo harmoni publike ka qenë më shumë fasadë sesa realitet. Sipas zërave që qarkullojnë lart e poshtë në rrjet, raportet mes Enxhit dhe Neadës kanë qenë të tensionuara, aq sa situata thuhet se ka degraduar deri në përplasje fizike në korridoret e Top-it. Fatkeqësisht, konflikti nuk është ndalur më vetëm te fjalët.

Të njëjtat burime shtojnë se edhe gjatë transmetimit të fundit, ftohtësia mes vajzave ishte e dukshme, ndërsa Blendi përpiqej të mbante balancën mes tyre. Një situatë aspak profesionale dhe jo e hijshme për imazhin e dy moderatoreve të njohura, figura publike, të cilat shikuesi i ka parë gjithmonë si shembull qytetarie, figura të qeta dhe komunikative.

Megjithatë, deri në këtë moment gjithçka mbetet në nivel aludimesh. Nuk ka asnjë reagim zyrtar nga Enxhi apo Neada, as rrëfim personal dhe as sqarim publik.

Deri sa vajzat të flasin vetë dhe të tregojnë versionin e tyre të ngjarjes, heshtja nga të dyja palët mbetet një formë pohimi.

The post Përplasje fizike mes vajzave të ekranit: Çfarë ndodhi në prapaskenë me Enxhi Nasufin dhe Neada Muçajn? appeared first on Albeu.com.

Më shumë se 120 persona u plagosën dhe 20 u arrestuan gjatë një proteste masive të shtunën në kryeqytetin e Meksikës kundër mënyrës se si presidentja po trajton krimin e dhunshëm.

Mijëra marshuan drejt sheshit historik kryesor publik të Mexico City, Zocalo, në një demonstratë të nxitur nga të rinjtë me lidhje me një valë globale protestash të Gjeneratës Z, si edhe nga mbështetësit e “Lëvizjes Sombrero” vendase, që u shfaq pas vrasjes së fundit të një kryetari komune të njohur për luftën kundër krimit të organizuar.

AFP vëzhgoi pjesëmarrës të të gjitha moshave që merrnin pjesë në tubim përpara Pallatit Kombëtar, ku jeton dhe punon presidentja Claudia Sheinbaum. Sipas gazetarëve të AFP-së, disa protestues, shumë prej të cilëve mbanin kapuçë, rrëzuan barrierat metalike që mbronin pallatin dhe hodhën kocka kalldrëmi ndaj policisë së trazirave, të cilët u përgjigjën me gaz lotsjellës.

“Për shumë orë, ky mobilizim vazhdoi dhe u zhvillua paqësisht, derisa një grup personash të maskuar filloi të kryente akte dhune”, u tha gazetarëve Pablo Vazquez, shefi i sigurisë së Mexico City.

Ai shtoi se njëzet protestues dhe 100 policë u plagosën, me 40 zyrtarë policorë të shtruar në spital për prerje dhe mavijosje. Policia arrestoi 20 persona për vjedhje dhe sulm, tha Vazquez, dhe kishte hapur gjithashtu një hetim për sulmin ndaj një gazetari të gazetës La Jornada, e cila pretendoi se pas incidentit qëndronin zyrtarë policorë.

Sheinbaum, në pushtet që nga tetori 2024, mbajti vlerësime të lartë nga qytetarët e Meksikës në vitin e saj të parë, por u përball me kritika gjithnjë e më të mëdha ndaj politikave të saj të sigurisë pas disa vrasjeve me profil të lartë.

“Kjo është një nga qeveritë më të korruptuara që kemi pasur ndonjëherë”, tha Valentina Ramirez, një studente e intervistuar nga AFP-ja. “Është një narko-qeveri e korruptuar që dëshiron të mbrojë të korruptuarit dhe kartelët në vend të njerëzve”.

Disa protestues mbanin sombrero të ngjashëm me stilin e kapeles së bërë të famshme nga Carlos Manzo, një kryetar komune në shtetin perëndimor Michoacan, i cili u vra më 1 nëntor. Ai ishte i njohur për fushatën e tij kundër bandave të trafikut të drogës në qytetin e tij të lindjes, Uruapan.

Megjithatë, e veja e kryetarit të vrarë të bashkisë e distancoi lëvizjen e bashkëshortit të saj me demonstratën e së shtunës. Bernardo Bravo, një drejtues i prodhuesve të limës në të njëjtën zonë, ishte gjithashtu qëlluar për vdekje në fund të tetorit.

Më herët këtë javë, Sheinbaum vuri në pikëpyetje motivimet e demonstratës dhe tha në konferencën e saj të rregullt të mëngjesit se protesta ishte “inorganike” dhe “e paguar”.

“Është një lëvizje e promovuar nga jashtë kundër qeverisë”, tha ajo.

Protestuesit shfaqën pankarta me mesazhe të tilla si “Ne jemi të gjithë Carlos Manzo” përkrah flamurit ikonik pirat nga manga japoneze One Piece, i cili është bërë simbol i protestës së të rinjve anembanë botës, nga Madagaskari te Filipinet e Peruja.

“Duhej ta kishit mbrojtur Carlos Manzon kështu!”, bërtisnin disa protestues ndaj forcave të sigurisë, të cilat u përgjigjën me fikëse zjarri dhe gaz lotsjellës.

The post Meksikë/ Gjenerata Z protestë kundër krimit dhe korrupsionit, 120 të plagosur appeared first on iconstyle.al.

Një ngjarje e rëndë ka ndodhur pasditen e sotme në Istog, ku një person ka pësuar lëndime të rënda trupore, dyshohet nga një sëpatë.

Sipas informacioneve, incidenti ka ndodhur pas një përleshjeje fizike mes viktimës dhe një personi tjetër të dyshuar.

Rastin për Telegrafin e ka konfirmuar zëdhënësi i Policisë për rajonin e Pejës, Fadil Gashi.

Ai bëri të ditur se i lënduari është transportuar menjëherë në Emergjencën e Spitalit Rajonal të Pejës për trajtim mjekësor.

“Njëri nga të përfshirët ka pësuar lëndime të rënda dhe është dërguar për trajtim mjekësor në Spitalin e Pejës. Personi i dyshuar, i cili është i njohur për organet e rendit, ka arritur të largohet nga vendi i ngjarjes dhe aktualisht është në kërkim”, tha Gashi.

Policia ka nisur hetimet për zbardhjen e plotë të rrethanave të ngjarjes dhe kërkon bashkëpunimin e qytetarëve për çdo informacion që mund të ndihmojë në kapjen e të dyshuarit. /Telegrafi/

ROMË, 18 shtator /ATSH-ANSA/ – Dhoma e Deputetëve miratoi sot reformën në drejtësi, në leximin e tretë, por që u shoqërua edhe me përleshje mes deputetëve.

Dhoma e Deputetëve miratoi ndarjen e karrierave me 243 vota pro dhe 109 kundër.

Shumica absolute, e cila u arrit, është e mjaftueshme që reforma kushtetuese të vazhdojë, e cila tani pret miratimin përfundimtar nga Senati.

Megjithatë, shumica prej dy të tretash që do të kishte parandaluar një referendum nuk u arrit, ashtu edhe siç pritej.

Në sallën e parlamentit italiane, pasi u hap drita jeshile për reformë, shpërtheu një përleshje mes deputetëve.

Partia Demokrate, përmes kryetares së grupit, Chiara Braga, kritikoi ashpër anëtarët e qeverisë të pranishëm pas miratimit.

Në atë çast, disa anëtarë të opozitës iu afruan anëtarëve të qeverisë për të protestuar.

Ndërsa presidenti i Dhomës, Sergio Costa, i bëri thirrje deputetëve të qëndronin të qetë, tensionet u rritën midis tyre nga fraksione të ndryshme politike.

Seanca u pezullua përkohësisht, vetëm për të rinisur disa minuta më vonë.

“Me miratimin e leximit të tretë në Dhomën e Deputetëve, ne po ecim përpara me procesin e reformës në drejtësi. Ne do të vazhdojmë të punojmë për t’i dhënë Italisë dhe italianëve një sistem gjyqësor gjithnjë e më efikas dhe transparent. Ndërsa presim miratimin përfundimtar të Senatit, ne do të ecim përpara me vendosmëri për t’i ofruar kombit një reformë historike dhe të shumëpritur”, deklaroi kryeministrja Giorgia Meloni në mediat sociale./  a.jor.

The post ITALI – Miratimi i reformës në drejtësi shoqërohet edhe me përleshje mes deputetëve appeared first on Agjencia Telegrafike Shqiptare.

Ky është momenti i tmerrshëm kur disa banda përdorin shpata, thika dhe shkopinj metalikë gjatë një përleshjeje "shumë të frikshme" jashtë një dyqani në Britani të Madhe.

Sipas mediave të huaja, përcjell Telegrafi, shtatë burra tani përballen me burg për përleshjen që shpërtheu midis dy “bandave familjare” në një rrugë kryesore britanike të ngarkuar.

Burrat dhe një djalë adoleshent kanë pranuar rolin e tyre në përleshjen masive ku u përdorën thika, shkopinj metalikë dhe një shpatë jashtë një dyqani kebapësh dhe një dyqani ushqimesh.

Katër burra u plagosën në betejën e përgjakshme - dhe disa nga të akuzuarit në gjykatë u fashuan pasi blerësit në rrugën e mbushur me njerëz u tronditën nga dhuna.

Rruga Tregtare e ngarkuar në qendër të Newport, Gwent - vetëm një distancë e shkurtër nga stacioni kryesor i policisë së qytetit - u mbyll për tre orë pas përleshjes së përgjakshme.

Një gjykatë dëgjoi se "shpërthimi i dhunës në shkallë të gjerë" lidhej me një mosmarrëveshje të dyshuar midis dy familjeve në zonat portale Pill të qytetit.

- YouTube www.youtube.com

Anëtarët e familjes në konflikt, të moshës midis 17 dhe 52 vjeç, të gjithë nga Newport pranuan akuzën në një gjykatë në Cardiff.

Të shtatë të pandehurit pranuan përdorimin ose kërcënimin me dhunë të paligjshme në prani të të tjerëve, duke bërë që ata që ishin të pranishëm të kishin frikë për sigurinë e tyre.

Në të përfshiheshin tre anëtarë të familjes Aksoy - Mehmet, 52 vjeç, Mazhar, 40 vjeç dhe Murat, 28 vjeç, dhe Burak Aksoy, 25 vjeç.

Gjithashtu në të përfshiheshin tre anëtarë të familjes Sayak - Savas, 33 vjeç, Yagmur 42 vjeç dhe Firat, 45 vjeç.

Një 17-vjeçar, emri i të cilit nuk mund të përmendet për arsye ligjore, gjithashtu pranoi akuzën.

Të gjithë u ndihmuan nga një përkthyes turk në gjykatë.

Të pandehurit e rritur u lanë në paraburgim, ndërsa i pandehuri i ri u lirua me kusht.

Të gjithë do të dënohen në Gjykatën e Kurorës së Cardiffit në nëntor. /Telegrafi/

Një ngjarje e dhunshme është regjistruar në Istog, ku katër persona – tre meshkuj dhe një femër – janë arrestuar nga Policia e Kosovës, pasi dyshohet se kanë sulmuar fizikisht dy qytetarë, një grua dhe një burrë.

Të lënduarit kanë marrë ndihmë mjekësore në Qendrën e Mjekësisë Familjare (QKMF).

Pas intervistimit të të dyshuarve, prokurori i rastit ka vendosur që dy prej tyre të lirohen në procedurë të rregullt, ndërsa dy të tjerët të dërgohen në mbajtje. /Telegrafi/

Tre vajza janë bërë protagoniste të një sherri në publik, mbrëmjen e të shtunës në zonën e Astirit në ktryeqytet. Pamjet e publikuara nga JOQ tregojnë tre vajza të reja të cilat janë kapur për flokësh dhe janë përleshur mes tyre, duke goditur njëra-tjetrën. Fillimisht sherri ndodhi pranë hyrjes së një lokali, ku disa djem […]

The post VIDEO/ Grushta dhe kapje për flokësh, vajzat përleshen me njëra-tjetrën në Astir appeared first on BoldNews.al.

Për të pestën natë me radhë, policia në Serbi është përleshur me protestuesit në disa qytete nëpër Serbi. Ministri i Brendshëm serb, Ivica Daçiq ka thënë në një konferencë për media në Beograd, pak para mesnatës, se ka pasur “shkelje drastike të rendit publik”. Përleshjet më të dhunshme janë regjistruar në Valljevë, në perëndim të […]

The post Vazhdojnë përleshjet mes protestuesve dhe policisë në tri qytete serbe appeared first on BoldNews.al.