Sipas Calciomercato, Juventusi ka hequr dorë nga mundësia për të transferuar në formë huazimi sulmuesin brazilian Endrick nga Real Madridi gjatë afatit kalimtar të dimrit.

Klubi bardhezi kishte shqyrtuar këtë opsion që në muajin nëntor, për shkak të shqetësimeve lidhur me repartin ofensiv.

Jonathan David dhe Lois Openda, të afruar gjatë verës së kaluar, nuk kishin arritur të përmbushnin pritshmëritë, duke e shtyrë Juventusin të kërkonte një sulmues të ri të tipit “numër nëntë”.

Gjatë këtij procesi, në radar të Juventusit ishin edhe emra të tjerë si Jean-Philippe Mateta, Youssef En-Nesyri dhe Randal Kolo Muani, çka dëshmon urgjencën e klubit për përforcime në sulm.

Sipas raportimeve, ishte rrethi i Endrick që iu afrua Juventusit me propozimin për huazim, por drejtuesit bardhezinj vendosën përfundimisht të mos e pranojnë marrëveshjen.

Arsyeja kryesore lidhej me faktin se huazimi nuk përfshinte një opsion blerjeje, gjë që, sipas Juventusit, do të forconte një aset të një klubi tjetër pa garantuar mundësinë për ta siguruar lojtarin në mënyrë permanente në rast se ai do të shkëlqente.

Pas kësaj, Endrick u transferua te Lyon në formë huazimi të thjeshtë. Sulmuesi 19-vjeçar ka lënë menjëherë gjurmë, duke shënuar pesë gola dhe duke dhënë një asist në pesë paraqitjet e para, çka thekson potencialin që Juventusi zgjodhi të mos shfrytëzojë.

Endrick u ble nga Real Madridi në verën e vitit 2024 për një shifër pak më të ulët se 50 milionë euro, ndërsa ka kontratë me klubin spanjoll deri në vitin 2030, duke mbetur një lojtar për t’u ndjekur me vëmendje edhe në muajt në vijim./Telegrafi/

Sipas gazetës Tuttosport, Milani po kërkon tashmë një qendërmbrojtës për sezonin 2026/27, dhe ka pasur një ofertë të refuzuar nga Juventusi për Federico Gattin në fund të janarit.

‘Rossonerët’ kanë dërguar një ofertë në minutat e fundit për mbrojtësin e Juventusit këtë të dielë, por 'Bianconerët' e refuzuan propozimin, pasi ishin në prag të dërgimit të Daniele Ruganit te Fiorentina.

Sipas Tuttosport, përpjekja e dështuar për të transferuar Gattin nuk e ka mbyllur interesin e Milanit për të, pasi mbrojtësi është shumë i vlerësuar nga trajneri Massimiliano Allegri.

Megjithatë, Milani ka vendosur të shikojë edhe alternativa të tjera. Nuk është sekret që Mario Gila i Lazios është një nga objektivat kryesorë të klubit për verën.

Igli Tare, i cili tani është në Milan, e solli Gilën te Lazio në vitin 2022, duke e blerë nga Real Madridi për 5 milionë euro plus një klauzolë 50% nga një shitje e ardhshme.

Kontrata e Gilës skadon në qershor 2027, dhe ai ka informuar tashmë Lazion se nuk është i interesuar për një rinovim.

Lazio kërkon 20 milionë euro për Gilën, por mbrojtësi do të ketë vetëm një vit të mbetur në kontratë kur të vijë vera, dhe marrëdhënia e shkëlqyer mes Tares dhe agjentit të lojtarit mund të lehtësojë një transferim në “San Siro” me një shumë më të ulët./Telegrafi/

Juventusi ka njoftuar zyrtarisht rinovimin e kontratës së Kenan Yildiz, duke e mbajtur sulmuesin turk në klub deri në vitin 2030.

Marrëveshja e re parashikon një rritje të ndjeshme të pagës së Yildiz, e cila nga 1.7 milionë euro rritet menjëherë në 6 milionë euro, ndërsa nga sezoni i ardhshëm do të arrijë në 7 milionë euro, plus bonuset.

Ky njoftim vjen pas muajsh negociatash të zhvilluara nga drejtori sportiv Damien Comolli me familjen dhe rrethin e ngushtë të lojtarit, duke siguruar kështu që Juventusi të ruajë një nga talentët më premtues të së ardhmes së tij.

Klubi e ka cilësuar këtë rinovim si një hap kyç, si për të tashmen ashtu edhe për të ardhmen e bardhezinjve.

Trajneri Luciano Spalletti e ka vlerësuar vazhdimisht Yildizin për cilësitë e tij teknike, duke e përshkruar atë me fjalë shumë të veçanta.

“Ai është si një alien, ndonjëherë bën gabime vetëm për të parë nëse mund të jetë normal, por nuk mundet. Ai nuk do të jetë kurrë një lojtar i zakonshëm, mbetet i jashtëzakonshëm”, ka thënë Spalletti për yllin turk.

Juventusi po planifikon edhe një festë të veçantë për rinovimin e kontratës, e cila do të shoqërohet me video, fotografi dhe përmbajtje të dedikuar në rrjetet sociale.

Njoftimi përkon me ndeshjen që Juventusi zhvillon ndaj Lazios në “Allianz Stadium”, ku pritet prania e rreth 41 mijë tifozëve, ndërsa nuk përjashtohet edhe prezenca e kryetarit John Elkann./Telegrafi/

Drejtuesit e Interit thuhet se janë bindur tashmë nga cilësitë e trajnerit të ri, Cristian Chivu, të cilët pritet t’ia rinovojnë kontratën me kushte të reja.

Të gjithë te Interi shpresonin për një performancë të tillë, por nuk ishte një përfundim i paracaktuar kur u mor vendimi për të punësuar një trajner që kishte vetëm 13 ndeshje në Serie A.

Megjithatë, Chivu i habiti të gjithë, duke arritur të lërë gjurmë pavarësisht se skuadra luante me të njëjtin formacion si në vitet e kaluara.

Për këtë arsye, sipas Corriere dello Sport, një rinovim i kontratës duket shumë i mundshëm dhe shumë më i shpejt sesa mendohej.

Kontrata aktuale e trajnerit skadon në qershor të vitit 2027, por është arritur tashmë një marrëveshje për ta zgjatur atë për një sezon tjetër, deri në vitin 2028.

Natyrisht, paga e Chivu, aktualisht pak mbi 2 milionë euro në sezon, do të rritet gjithashtu, duke thyer barrierën prej 3 milionë eurosh në vit. /Telegrafi/

Ish-mesfushori i Juventusit, Alessio Tacchinardi ka kritikuar Teun Koopmeiners, Lois Openda dhe Edon Zhegrova pas eliminimit të Zonjës së Vjetër nga Kupa e Italisë nga Atalanta.

Juventusi u përball me eliminimin nga Kupa e Italisë të enjten mbrëma, duke humbur 3-0 kundër Atalantës në Bergamo.

Ish-mesfushori i Juventusit, Tacchinardi, e shqyrtoi ndeshjen gjatë emisionit në SportMediaset, duke fajësuar rezervat e Zonjës së Vjetër dhe duke u përqendruar veçanërisht te tre lojtarë.

“Rezultati ishte shumë i ashpër për Juven, sepse ata bënë një performancë shumë të mirë”, ka thënë fillimisht Tacchinardi.

“Ata krijuan shumë para penalltisë, gjë që, për mua, nuk ekzistonte. Ata po luajnë futboll të shkëlqyer, por paguan një çmim të lartë sepse nuk ishin në gjendje të finalizonin sulmet e tyre. Në fund të fundit, kush fiton ka të drejtë”.

“Juventusi ka shumë ndeshje të vështira që vijnë dhe Davidi dhe Openda nuk po e rrisin nivelin e tyre. Shoh një lojtar që angazhohet, por po vuan. Rezervat e Juventusit po vuanin, por Spalletti nuk mund të përdorë vetëm 11 lojtarë dhe ka nevojë që të gjithë të përmirësohen”.

telegrafi.com

“Koopmeiners, Openda dhe Zhegrova nuk po japin asgjë, por Spalletti ka nevojë për ta sepse ka një muaj të tmerrshëm përpara”, përfundoi ish-ylli i Juves.

Gjigantët e Serie A do të presin Lazion në ndeshjen e tyre të radhës në Serie A të dielën, përpara se të vizitojnë Interin javën pasardhëse. Para fundit të shkurtit, ata do të takohen gjithashtu dy herë me Galatasarayn në ‘play-off’ të Ligës së Kampionëve dhe do të presin Comon në Serie A. /Telegrafi/

E ardhmja e Juventusit po lidhet gjithnjë e më ngushtë me talentin turk Kenan Yildiz, një prej emrave më premtues të brezit të ri, i cili po fiton gjithnjë e më shumë një rol qendror në projektin sportiv të klubit bardhezi.

Talenti i lindur në vitin 2005 është vetëm një hap larg rinovimit të kontratës me bardhezinjtë, marrëveshje që do ta lidhë atë me klubin deri në qershor të vitit 2031, duke e konfirmuar si një shtyllë qendrore të projektit teknik të “Zonjës së Vjetër”.

Sipas La Gazzetta dello Sport, njoftimi zyrtar pritet të vijë brenda dhjetë ditëve të ardhshme, duke formalizuar një marrëveshje që prej kohësh konsiderohet çështje kohe.

Kontrata e re parashikon edhe një rritje të ndjeshme të pagës, e cila pritet të arrijë rreth 6 milionë euro në sezon.

Ky është një sinjal i qartë i hapit përfundimtar të Yildiz drejt statusit të një lojtari lider dhe protagonisti absolut.

Sezoni aktual ka konfirmuar rritjen e vazhdueshme të numrit 10 të Juventusit, i cili ka qenë shpesh vendimtar me paraqitjet e tij: tetë gola dhe katër asistime në kampionat, si dhe një gol dhe dy asistime në Ligën e Kampionëve.

Shifra që dëshmojnë peshën dhe rëndësinë e tij në skuadër, si sot ashtu edhe për të ardhmen. /Telegrafi/

Milain po shqyrton seriozisht përforcimin e repartit sulmues dhe pritet që gjatë verës të nisë bisedimet me Fiorentinën për një marrëveshje të mundshme për transferimin e Moise Kean.

Sipas raportimeve të Calciomercato, drejtuesit e Rossonerëve janë të interesuar për shërbimet e sulmuesit italian, por nuk janë të gatshëm të paguajnë klauzolën e lirimit prej 62 milionë eurosh, të cilën e konsiderojnë të tepruar.

Për këtë arsye, Milani synon të hyjë në negociata me klubin Viola për të ulur çmimin ose për të gjetur një formulë më të favorshme transferimi.

Kean, 25 vjeç, nuk po kalon sezonin më të mirë në aspektin individual. Ai ka realizuar vetëm gjashtë gola këtë edicion, duke mos arritur të përsërisë formën mbresëlënëse të sezonit 2024/25, kur kishte shënuar plot 25 gola.

Kjo rënie e formës ka ndikuar edhe në vlerësimin e tij në treg, çka i hap rrugë një transferimi të mundshëm nëse palët gjejnë gjuhën e përbashkët.

Vlerësimi i tij aktual në faqen e specializuar të transferimeve Transfermarkt është 45 milionë euro. /Telegrafi/

Legjenda e Chelseat, John Terry, ka sugjeruar se ish-shoku i tij i skuadrës, Cesc Fabregas, një ditë mund të drejtojë një nga klubet e mëdha të Londrës, duke lavdëruar inteligjencën e tij taktike dhe suksesin aktual në Como.

Duke folur në Icon Series në TikTok, Terry u pyet nëse preferonte Fabregasin nga ditët e tij te Arsenali apo Chelsea.

Ai pranoi se vitet më të gjata dhe kulmore të mesfushorit ishin te Gunners, por veçoi sezonin e tyre fitues të titullit nën drejtimin e Antonio Contes.

"Fabregasi i Arsenalit për shkak të kohës që kaloi atje," tha Terry. "Por atë vit luajta me të dhe fituam ligën nën drejtimin e Contes. Sinqerisht, mendoj se ai ka trurin më të mirë të futbollit që kam parë".

Ish-kapiteni i Chelseat vazhdoi se Fabregas një ditë do të drejtojë njërën nga dy skuadrat më të mëdha të Londrës.

"Mënyra se si ai e kupton futbollin dhe rezultatet që po arrin në Como nuk janë rastësi. Mendoj se ai do të bëhet një menaxher i shkëlqyer dhe një ditë do të drejtojë Chelsea ose Arsenal në nivelin më të lartë."

Fabregas, i cili fitoi Ligën Premier me Chelsean në sezonin 2016/17, ka bërë përshtypje edhe në menaxhim, duke e udhëhequr Comon drejt rezultateve të forta në Serie A./Telegrafi/

Liga e Futbollit Serie A, në kërkim të ideve inovative për të kompensuar mungesën e fondeve të ngjashme me Premier League, ka zgjeruar ndjeshëm stafin e saj dhe po shfrytëzon çdo mundësi komerciale. Në këtë kuadër, u lançua në dhjetor dhe u festua dje në Milano, me praninë e Alex Del Piero dhe Ciro Ferrara, partneriteti me Haier. Kjo marrëveshje trevjeçare vlerësohet të jetë mbi 3 milionë euro…

Source

Legjenda e Juventusit, Alessandro Del Piero u jep shpresë tifozëve të ish-skuadrës së tij dhe paralajmëron Interin në luftën për Scudetto këtë edicion.

Del Piero është dhe ka qenë gjithçka, ose pothuajse gjithçka, për Juventusin dhe tifozët e saj, të cilët mezi presin rikthimin e tij, ndoshta në një rol menaxherial, nëse jo si president.

Megjithatë, në fushë, ‘Pinturicchio’ luajti edhe si numër 9, duke e interpretuar rolin në mënyrën e tij, por gjithmonë me klas dhe efektivitet të madh.

I intervistuar në Milano gjatë një eventi që festonte bashkëpunimin midis Haier dhe Lega Calcio Serie A , Del Piero vlerësoi performancën e ish-skuadrës së tij dhe tregoi nëse tifozët duhet të ëndërrojmë për titullin e Serie A këtë sezon.

Allegri dhe Milani 'shikojnë' një duel mes Interit dhe Napolit për titullin e Serie A

“Juve të fitojë Scudetton këtë vit? Pse jo, ka një besim të ri, ka qëndrueshmëri, por nuk e di nëse ky është qëllimi i vërtetë”, ka thënë fillimisht Del Piero.

“Kanë mbetur shumë ndeshje për të luajtur dhe unë gjithmonë besoj në të derisa numrat të thonë të kundërtën, edhe nëse ekipet e tjera kanë treguar më shumë qëndrueshmëri për momentin”.

Komenti i tij i fundit është një thirrje e vërtetë, e shoqëruar me një mesazh virtual për Interin: “Asgjë nuk mund të merret si e mirëqenë, edhe kur gjërat duken të qëndrueshme”. /Telegrafi/

Juventusi pritet të rikthehet në garë për nënshkrimin e Randal Kolo Muani gjatë merkatos së verës, kur sulmuesi francez të kthehet te Paris Saint-Germain pas huazimit te Tottenham.

Megjithatë, klubi bardhezi nuk është i gatshëm të përfshijë Khephren Thuram në asnjë marrëveshje të mundshme.

Bianconerët nuk e kanë fshehur asnjëherë dëshirën për ta rikthyer Kolo Muanin në Torino, interes që ka qenë i pranishëm si verën e kaluar ashtu edhe gjatë merkatos së janarit. Sulmuesi kishte lënë përshtypje pozitive gjatë huazimit të tij nga janari deri në korrik të vitit 2025, përfshirë paraqitjet në Kupën e Botës për Klube FIFA, ku regjistroi 10 gola në 22 ndeshje zyrtare, së bashku me tri asistime.

Megjithatë, negociatat për një huazim të ri me opsion blerjeje në fund të sezonit nuk u finalizuan dhe lojtari u transferua përkohësisht te Tottenham.

Juventusi tentoi sërish ta siguronte shërbimet e tij edhe muajin e kaluar, por Spurs refuzuan të ndërpresin marrëveshjen e huazimit para kohe.

Sipas burimeve të shumta, përfshirë analistin e transferimeve Fabrizio Romano dhe Calciomercato.com, Juventusi po përgatit një tjetër ofensivë për sezonin e ardhshëm. Kontrata e 27-vjeçarit me PSG-në është e vlefshme deri në qershor të vitit 2028, ndërsa klubi francez kishte paguar 95 milionë euro për ta transferuar atë nga Eintracht Frankfurt në vitin 2023.

Ndërkohë, çdo hipotezë për një shkëmbim që do të përfshinte Khephren Thuram në një marrëveshje për Kolo Muanin konsiderohet e pabazë. Raportohet se Juventusi është shumë i kënaqur me paraqitjet e mesfushorit francez dhe synon t’i ofrojë atij një kontratë të re me kushte financiare më të mira. /Telegrafi/

Amir Rrahmani pritet të jetë i gatshëm për ndeshjen e së shtunës, kur Napoli do të luajë në udhëtim te Genoa në kuadër të xhiros së 24-t të Serie A.

Në Itali, mediat kanë theksuar vazhdimisht rëndësinë e kapitenit të Kosovës për ekipin e udhëhequr nga trajneri Antonio Conte.

Të mërkurën, mediumi i afërt me klubin napolitan, “calcionapoli24”, publikoi statistika interesante për performancën e Napolit me dhe pa Rrahmanin në fushë.

Napoli duket si dy ekipe të ndryshme: me Rrahmanin dhe pa të. Ai mungoi në katër ndeshjet e fundit, ku skuadra regjistroi një barazim me Copenhagenin, një fitore ndaj Fiorentinës dhe humbje nga Juventusi dhe Chelsea, duke pranuar gjithsej tetë gola, shkruan ky medium.

Në total, pa Rrahmanin Napoli ka pësuar 26 gola në 15 ndeshje dhe ka regjistruar gjashtë humbje. Me Amirin në fushë, ekipi ka pranuar vetëm 11 gola në 19 ndeshje, shkruan “calcionapoli24”.

Amir Rrahmani nominohet për “EA Sports FC 26 Team of the Year”

Rrahmani, dy herë kampion i Italisë me Napolin, ka pësuar këtë sezon lëndime muskulore që e kanë mbajtur larg fushës. Një lëndim i ngjashëm kishte ndodhur edhe në shtator, gjatë ndeshjes së Kosovës ndaj Zvicrës.

Pritet që kualiteti i tij dhe prezenca në mbrojtje të ndihmojnë Napolin të rifitojë stabilitetin dhe rezultatet pozitive në Serie A. /Telegrafi/

Lorenzo Insigne është rikthyer zyrtarisht te Pescara, klubi që e lansoi në futbollin e nivelit të lartë.

Para debutimit të tij të dytë me fanellën e skuadrës nga Abruzzo, ish-kapiteni i Napolit u prezantua në një konferencë për shtyp, ku foli për rikthimin, të kaluarën dhe të ardhmen e tij.

Katërmbëdhjetë vjet pas sezonit historik që përfundoi me ngjitjen e Pescarës në Serie A, nën drejtimin e Zdenek Zemanit dhe me emra si Ciro Immobile e Marco Verratti në skuadër, Insigne është sërish pjesë e klubit adriatik. Ndërkohë, shumë gjëra kanë ndryshuar që nga ajo kohë, si për lojtarin ashtu edhe për klubin.

Pas largimit nga Napoli si lojtar i lirë dhe një eksperience jo të suksesshme në Kanada, Insigne pranoi se ka pasur kontakte për një rikthim te klubi napolitan, por marrëveshja nuk u konkretizua.

“Kisha oferta të tjera, por i premtova presidentit se në Serie B do të luaja vetëm për Pescaran. Me Napolin pati kontakt dhe u shpreha i gatshëm të luaja edhe falas, por në fund nuk ndodhi asgjë", deklaroi Insigne.

Aktualisht, Pescara po lufton për mbijetesë në Serie B dhe Insigne beson se skuadra ka mundësi të shmangë rënien nga kategoria.

“Ndihem mirë fizikisht, po stërvitem me ekipin dhe kam një program të personalizuar. Besoj në mbijetesë dhe shpresoj t’u dhurojmë tifozëve një fund sezoni pozitiv,” shtoi ai.

Gjatë konferencës, Insigne ndau edhe një moment emocional, duke zbuluar se ka biseduar së fundmi me Zdenek Zemanin, ish-trajnerin e tij, i cili u largua nga stoli i Pescarës për shkak të problemeve shëndetësore.

“Fola me Zemanin, ishte i lumtur për rikthimin tim dhe më tha ‘më bëj të kënaqem’. Për mua, ai ka qenë si një baba i dytë,” përfundoi Insigne. /Telegrafi/

Juventus ka vendosur rinovimin e kontratës së Kenan Yildiz si një nga objektivat kryesorë të klubit.

Edhe pse sezoni është ende në zhvillim, drejtuesit bardhezinj po lëvizin herët për të shmangur që talenti turk të bëhet një nga emrat më të nxehtë të afatit kalimtar të ardhshëm.

Yildiz shihet si një pjesë kyçe e projektit të ri sportiv në Torino.

Klubi i ka paraqitur lojtarit një ofertë ambicioze për zgjatjen e kontratës me pesë sezone të tjera, të shoqëruar me një rritje të ndjeshme page.

Propozimi parashikon një pagë rreth 6 milionë euro në sezon, çka do ta poziciononte Yildiz mes lojtarëve më të paguar të skuadrës, pavarësisht moshës së re.

Mesazhi i Juventusit është i qartë: ai konsiderohet yll i së tashmes dhe i së ardhmes.

Megjithatë, rrethi i afërt i lojtarit kërkon qetësi dhe kohë për të marrë një vendim.

Interesi nga klubet e Ligës Premier është konkret dhe serioz, me disa prej tyre të gatshme të ofrojnë kushte financiare shumë më të larta.

Po ashtu, edhe La Liga mbetet një opsion i mundshëm, ku disa klube të mëdha vlerësojnë profilin kreativ dhe potencialin e Yildiz.

Situata e vendos Kenan Yildiz në një pozicion force, ai ka besimin e Juventusit, minutazh dhe rol të rëndësishëm, por edhe një treg të gjerë alternativash.

Për lojtarin, vendimi nuk lidhet vetëm me pagën, por edhe me zhvillimin sportiv dhe stabilitetin.

Javët në vijim pritet të jenë vendimtare për të ardhmen e një prej talenteve më premtuese të futbollit evropian. /Telegrafi/

Manchester United ka vendosur të mbajë mbrojtësin Harry Maguire, duke refuzuar interesin e disa klubeve italiane, edhe pse kontrata e tij po hyn në muajt e fundit.

Klubi anglez duket se nuk është i gatshëm të heqë dorë nga një nga lojtarët e tij më me përvojë në mbrojtje, sidomos pas formës së tij të përmirësuar nën drejtimin e përkohshëm të trajnerit Michael Carrick.

Sipas gazetarit Fabrizio Romano, ofertat nga Serie A nuk kanë bindur United për të finalizuar një transferim, duke treguar se lojtari mbetet një pjesë kyçe e planeve të ekipit.

Maguire ka treguar rritje të besueshmërisë në fushë dhe është rikthyer në një formë që ka bindur trajnerin dhe stafit teknik.

Që nga ardhja e Carrick, Manchester United ka regjistruar rezultate të rëndësishme, duke përfshirë fitoret ndaj rivalëve kryesorë si Manchester City dhe Arsenal.

Këto rezultate kanë ndihmuar ekipin të ngjitet në tabelën e Ligës Premier dhe kanë rritur moralin brenda skuadrës.

Maguire ka qenë titullar në secilën nga ndeshjet e para nën drejtimin e Carrick, një shenjë e qartë e besimit të trajnerit në përvojën dhe lidershipin e tij në mbrojtje.

Vendimi i United për të mos shitur Maguire tregon qartë se klubi synon të mbajë një bërthamë të fortë lojtarësh me eksperiencë, ndërkohë që kërkon të konsolidojë pozitat e tij në Ligën Premier dhe të rikthehet në garën për vendet evropiane. /Telegrafi/

Shkaqet e dështimit të kontrolleve mjekësore të Jean-Philippe Mateta me gjigantët italianë AC Milan janë zbuluar, pasi transferimi i sulmuesit francez nga Crystal Palace u anulua në fund të afatit kalimtar të janarit.

28-vjeçari ishte i etur të largohej nga Selhurst Park dhe dukej se po i afrohej gjithnjë e më shumë një transferimi në San Siro.

Megjithatë, gjatë kontrolleve mjekësore u evidentuan disa probleme dhe Mateta mbetet ende lojtar i Crystal Palace.

Gjithçka dukej se po shkonte drejt realizimit të transferimit të dëshiruar, pasi të dy klubet kishin rënë dakord për marrëveshjen dhe Mateta kishte kryer vizitat mjekësore me Milanin përpara një kalimi të mundshëm.

Sidoqoftë, “Rossonerët” zbuluan një problem që e bëri transferimin jo tërheqës dhe për rrjedhojë vendosën të tërhiqeshin nga marrëveshja.

Sipas BBC Sport, Crystal Palace kishte informuar Milanin gjatë negociatave për problemet që Mateta ka pasur ndër vite me gjurin e djathtë.

Sulmuesi kishte pësuar këputje të meniskut në vitin 2019, teksa luante për Mainz, dhe iu nënshtrua një ndërhyrjeje kirurgjikale po atë vit, duke munguar për gjashtë muaj.

Milani tërhiqet përfundimisht nga Mateta pas kontrolleve mjekësore

Më pas, Milani vendosi se, në rast se do ta transferonte Matetan, ai do të duhej t’i nënshtrohej një operacioni tjetër për të zgjidhur përfundimisht problemin, çka forcoi edhe më shumë dyshimet e klubit italian për realizimin e marrëveshjes.

Ky zhvillim përbën një goditje serioze për Matetan. Forma e tij e shkëlqyer me Crystal Palace sezonin e kaluar i siguroi ftesën e parë në kombëtaren e Francës, ndërsa ai ka bërë paraqitje pozitive sa herë është aktivizuar nga ‘Gjelat’, duke shënuar dy gola në tri ndeshje me përfaqësuesen.

Ky fillim premtues në arenën ndërkombëtare dukej se kishte rritur ndjeshëm shanset e tij për t’u përfshirë në skuadrën e Didier Deschamps për Kupën e Botës 2026, që do të zhvillohet në Shtetet e Bashkuara të Amerikës, Kanada dhe Meksikë./Telegrafi/

Chelsea ka hartuar një ofertë të madhe financiare për të tërhequr dy nga lojtarët e rinj më premtues të Real Madridit. Klubi londinez planifikon të paguajë 120 milionë euro për të siguruar nënshkrimet e përhershme të Endrick dhe Nico Paz.

Të dy futbollistët kanë arritur të realizojnë potencialin e tyre jashtë kryeqytetit spanjoll, duke u bërë emra të shquar në skenën ndërkombëtare. Nico Paz ka dominuar futbollin italian me Comon, ndërsa sulmuesi brazilian vazhdon të fitojë përvojë me Lyonin.

Ky veprim strategjik i përgjigjet nevojës së klubit nga Stamford Bridge për të konsoliduar një sulm të ri, por menjëherë efektiv. Plani sportiv i Bluve synon të qëndrojë përpara konkurrencës duke siguruar talentë që tashmë e kanë provuar vlerën e tyre në ligat kryesore.

Nico Paz është bërë një nga zbulimet më mbresëlënëse në Serie A nën drejtimin e Cesc Fabregas. Mesfushori sulmues argjentinas ka treguar një pjekuri përtej moshës së tij, duke bërë që Real Madridi të reagojë menjëherë.

Klubi, i kryesuar nga Florentino Perez, do të ushtrojë klauzolën e riblerjes prej 9 milionë eurosh për të rifituar kontrollin e lojtarit. Megjithatë, Chelsea nuk është e gatshme të mbetet thjesht spektatorë dhe po përgatit një ofertë prej 50 milionë eurosh për organizatorin e lojës. Ideja është të krijohet një mesfushë sulmuese ëndrrash ku lojtari me këmbë të majtë do të bashkëpunonte me Cole Palmer dhe Estevao.

Chelsea po planifikon të largojë lojtarë si Pedro Neto dhe Jamie Gittens për t’i bërë vend kësaj gjenerate të re organizatorësh loje. Me mbërritjen e këtij organizatori, skuadra do të fitonte një rrjedhshmëri në pasimet e fundit që i ka munguar në situata me presion të lartë.

Nga ana tjetër, situata e sulmuesit brazilian është një nga temat më të shpeshta të bisedave në korridoret e Valdebebas. Endrick do ta përfundojë periudhën e tij të huazimit në Francë dhe do të konsiderojë një rikthim në Santiago Bernabeu vetëm nëse i garantohet kohë cilësore loje.

Duke pasur parasysh pasigurinë rreth rolit të tij te kampionët spanjollë, Chelsea ka dalë me një ofertë joshëse prej 70 milionë eurosh. Klubi londinez ka nevojë për një lojtar të synuar pas largimeve të planifikuara të sulmuesve të rinj Liam Delap dhe spanjollit Marc Guiu.

Për Liam Rosenior, trajnerin e Chelseat, blerja e një finalizuesi të kalibrit të amerikano-jugorit është një përparësi absolute për vitin 2026. Chelsea është i bindur se ky nënshkrim i dyfishtë do t'i lejonte klubit të garonte për titullin e Ligës Premier kundër Manchester Cityt dhe Liverpoolit. /Telegrafi/

Milani ka shënuar fitore bindëse me rezultat 3-0 në udhëtim ndaj Bolognas në kuadër të javës së 23-të në elitën e futbollit italian.

‘Rossonerët’ kaluan në epërsi në minutën e 20-të kur Ruben Loftus-Cheek shfrytëzoi një pasim tejet të bukur nga Adrien Rabiot për të realizuar për rezultatin 1-0.

Në minutën e 38-të mysafirët fituan një penallti të cilën Christopher Nkunku arriti ta shndërrojë në gol për rezultatin 2-0.

Me të filluar pjesa e dytë, të besuarit e Massimiliano Allegrit gjetën edhe golin e tretë, ku kësaj radhe Rabiot (48’) ishte në rolin e golashënuesit duke tundur rrjetën për 3-0 pas një gabimi të mbrojtjes vendase.

Deri në fishkëllimën e fundit të gjyqtarit nuk pati më ndonjë rast për t’u veçuar nga ndonjëra prej skuadrave dhe kështu Milani mori një fitore në një terren mjaft të komplikuar.

Pas këtij triumfi, Milani shkon në kuotën e 50 pikëve dhe mban pozitën e dytë në tabelë me pesë më pak se lideri Interi që ka 55 sosh./Telegrafi/

Ish-mbrojtësi i Interit, Nicolas Giani, ka ndërruar jetë në moshën 39-vjeçare, ka konfirmuar klubi.

Giani u formua në akademinë e Interit dhe ishte pjesë e klubit në nivel profesional në periudhën 2005–2008.

Edhe pse nuk arriti të debutojë me ekipin e parë, mbrojtësi qendror me origjinë nga Como zhvilloi një karrierë të suksesshme në nivelet e dyta dhe të treta të futbollit italian, duke luajtur për klube si Vicenza, Spezia dhe SPAL, ndër të tjera.

Pikërisht te SPAL, futbollisti italian ishte pjesë e një arritjeje historike, duke kontribuar në dy ngjitje radhazi në kategori dhe duke ndihmuar klubin të rikthehej në Serie A për herë të parë pas 49 vitesh.

Pas largimit nga Spezia, ai vazhdoi karrierën e tij në klube të kategorive më të ulëta në rajonin e Lombardisë.

Sezoni i fundit i karrierës së tij si futbollist e pa atë të vishte fanellën e skuadrës lokale Desenzano Calvina, e cila aktualisht garon në nivelin e pestë të piramidës së futbollit italian.

Giani u detyrua të pensionohej nga futbolli në moshën 36-vjeçare, në vitin 2022, pasi sipas Gazzetta dello Sport u zbulua se vuante nga një sëmundje e pashërueshme, identiteti i së cilës nuk është bërë publik.

Vdekja e tij, në moshën 39-vjeçare, u njoftua vonë të martën në mbrëmje, ndërsa disa nga ish-klubet e tij reaguan menjëherë me mesazhe ngushëllimi.

“FC Inter shpreh ngushëllimet më të thella pas ndarjes nga jeta të Nicolas Giani, mbrojtës i cili ishte pjesë e sektorit të të rinjve të Nerazzurrëve nga viti 1998 deri në 2005".

“Klubi i shpreh ngushëllimet më të sinqerta familjes së tij”, ka shkruar faqja zyrtare e Interit./Telegrafi/

Gjatë afatit kalimtar dimëror, Juventusi zhvilloi disa bisedime për afrimin e një sulmuesi të ri, por në fund mbeti pa përforcim në qendër të sulmit.

Trajneri Luciano Spalletti, pas fitores 3-0 ndaj Napolit, pranoi se skuadra kishte nevojë për një profil ndryshe nga Jonathan David dhe Lois Openda – një sulmues që mban topin dhe krijon hapësira për repartin ofensiv.

Pavarësisht kërkesës për një qendërsulmues, bardhezinjtë përfunduan afatin duke afruar anësorin Jeremie Boga dhe mbrojtësin e djathtë Emil Holm. Një sulmues i ri nuk u sigurua, pavarësisht përpjekjeve në disa fronte.

Mateta, objektivi i parë që dështoi

Emri i parë në listë ishte Jean-Philippe Mateta i Crystal Palace. Juventusi synonte një huazim me opsion blerjeje që mund të bëhej i detyrueshëm, por klubi anglez kërkonte vetëm transferim të përhershëm.

Mospajtimi për formulën e marrëveshjes bëri që bisedimet të dështojnë. Ai pastaj dështoi edhe t'i kalojë testet mjekësore te Milani.

En-Nesyri dhe refuzimi i lojtarit

Alternativa e radhës ishte Youssef En-Nesyri i Fenerbahçes. Edhe pse Juventusi arriti marrëveshje me klubin turk, sulmuesi maroken nuk pranoi të largohej me huazim, duke bllokuar transferimin.

Ai donte një transferim të përhershëm hap që Juventusi nuk ishte i gatshëm ta merrte.

Icardi dhe pista që nuk u konkretizua

Kontaktet me Galatasarayn për Mauro Icardin nuk hynë kurrë në një fazë serioze. Ideja u diskutua, por pa hapa konkretë drejt një marrëveshjeje.

Ai mbetet te gjiganti turk, edhe pse Spalletti ishte gati ta ofronte, pasi kishte punuar me të te Interi.

Kolo Muani, shpresa e fundit

Randal Kolo Muani ishte emri i fundit i diskutuar. Juventusi shpresonte ta rikthente në Torino, por Tottenham refuzoi të ndërpriste huazimin e sulmuesit nga PSG, duke mbyllur përfundimisht këtë pistë.

Ai kishte shkëlqyer te Juventusi dhe gjatë verës u punua shumë për të, por shuma e kërkuar nga PSG ishte e lartë për Zonjën e Vjetër.

Aktualisht, Jonathan David dhe Lois Openda janë të vetmit sulmues qendrorë në dispozicion të Spallettit. Dusan Vlahovic pritet të rikthehet nga lëndimi brenda një muaji, përpara largimit të tij të mundshëm nga Juventusi në fund të kontratës në qershor. /Telegrafi/