TIRANË, 2 gusht /ATSH/ Ministri i Punëve të Brendshme, Besfort Lamallari, ka apeluar për më shumë ndërgjegjësim dhe përgjegjësi nga të gjithë përdoruesit e rrugës, duke theksuar se, megjithëse aksidentet rrugore kanë shënuar një trend rënës ndër vite, ato vijojnë të jenë shkaktari kryesor i humbjeve të jetëve njerëzore.

Në një reagim të publikuar në rrjetet sociale, ministri Lamallari nënvizoi se respektimi i rregullave të qarkullimit rrugor mbetet faktor kyç për parandalimin e aksidenteve dhe mbrojtjen e jetës së qytetarëve.

“Nuk është kurrë mjaftueshëm ndërgjegjësimi mbi nevojën e respektimit të normave të drejtimit të automjetit dhe sigurisë rrugore. Do të vijojmë çdo ditë me apelin për ndërgjegjësim, mbikëqyrje dhe sanksionim me qëllim parandalimin e humbjeve në jetë njerëzore dhe lëndimin e qytetarëve”, shprehet ministri.

Ai theksoi se Policia e Shtetit vijon kontrollet intensive në të gjitha akset kryesore të vendit, duke përdorur makinat inteligjente, radarët dhe dronët për monitorimin e qarkullimit dhe evidentimin e shkeljeve që rrezikojnë sigurinë rrugore.

Ministri Lamallari bëri të ditur gjithashtu se projekti Smart City, i cili pritet të vihet në funksion së shpejti, përfaqëson investimin më të madh të qeverisë shqiptare në fushën e sigurisë rrugore.

“Smart City vjen së shpejti si investimi më i madh i qeverisë shqiptare për sigurinë rrugore dhe mbrojtjen e jetës dhe shëndetit”, theksoi ministri.

Ministria e Punëve të Brendshme dhe Policia e Shtetit u bëjnë thirrje të gjithë drejtuesve të mjeteve të respektojnë rregullat e qarkullimit, kufijtë e shpejtësisë dhe të shmangin çdo sjellje që rrezikon jetën e tyre dhe të përdoruesve të tjerë të rrugës.

/gj.m/j.p/

The post Lamallari: Siguria rrugore prioritet, Smart City do të sjellë standard të ri monitorimi appeared first on Agjencia Telegrafike Shqiptare.

DUBLIN, 2 gusht /ATSH-DPA/ – Me shqetësimin në rritje në Bashkimin Evropian pasi dhjetëra mijëra emigrantë hynë në enklavën spanjolle të Ceutës në Afrikën e Veriut, ministrat e Brendshëm të BE-së do të takohen për bisedime të martën, postoi në mediet sociale kryeministri irlandez, Micheal Martin.

“Si mbajtëse e presidencës, Irlanda do të thërrasë një takim të martën të Këshillit të Drejtësisë dhe Çështjeve të Brendshme të BE-së, të kryesuar nga Jim O’Callaghan për të diskutuar zhvillimet në Ceuta,” postoi Martin në X të shtunën.

Irlanda aktualisht mban presidencën e Këshillit të BE-së dhe O’Callaghan është ministri i Drejtësisë, Punëve të Brendshme dhe Migracionit i Irlandës.

Zyrtarët do të diskutojnë zhvillimet në Ceuta, sipas informacionit.

“Ne mbetemi në kontakt të ngushtë me të gjitha shtetet anëtare të BE-së dhe institucionet dhe po vazhdojmë të monitorojmë situatën”, shkroi Martin.

Gjatë ditëve të fundit, rreth 60 000 persona mbërritën në Ceuta nga Maroku, me të paktën 67 persona të vdekur në përpjekje.

Shërbimet e emergjencës vazhduan kërkimet në det.

Pas ngjarjeve në Ceuta, disa vende të BE-së shtuan presionin mbi Spanjën.

Në një letër të nënshkruar nga 22 nga 27 udhëheqësit e BE-së, përfshirë Friedrich Merz të Gjermanisë, ata shprehën shqetësim të madh për situatën.

Ata akuzuan indirekt Madridin se u kishte dhënë njerëzve stimuj, përmes vendimeve të fundit, për të guxuar të bënin udhëtimin drejt BE-së.

Kryeministri spanjoll Pedro Sánchez u ankua në një letër drejtuar Martinit për sjelljen e disa shteteve anëtare në krizën e Ceutës.

Ai theksoi se Ceuta nuk i përket zonës Schengen.

Kjo do të thotë që njerëzit nuk mund të udhëtojnë thjesht që andej në vende të tjera të BE-së.

Sánchez i dërgoi një letër identike presidentes së Komisionit Evropian, Ursula von der Leyen, raportoi transmetuesi shtetëror spanjoll i televizionit RTVE.

Sipas qeverisë spanjolle, pothuajse të gjithë emigrantët tani janë kthyer në Marok./ a.jor.

The post BRUKSEL – Ministrat e Brendshëm takohen për situatën në Ceuta appeared first on Agjencia Telegrafike Shqiptare.

Pickimi nga insektet apo peshqit në det mund të jetë vetëm pikënisja e një infeksioni të rëndë nëse neglizhohet dhe nuk trajtohet në kohë. Mjekja pediatre Sonila Brati thotë se gjatë vizitave ditore gjatë kësaj periudhe ndjek edhe raste të pickimeve te fëmijë të vegjël.

“Ndonjëherë mund të kenë goxha probleme nga pickimet. Pra, kemi pasur raste që janë detyruar të përdorin edhe antibiotik për shkak të infektimit dhe të një temperature goxha të lartë.”, tha mjekja.

Jo rrallëherë prindërit reagojnë vetë të parët ndaj këtyre pickimeve, pa pritur ndihmën mjekësore.

“Ndonjëherë prindërve mund t’u duket një gjë e thjeshtë, të fillojnë ndonjë mjekim vetë, të japin një antialergjik vetë, përdorin shpeshherë këto kompresa, por ndonjëherë duhet që të drejtohen te mjeku, sepse problematikat mund të jenë pak më serioze”, tha mjekja.

Rastet më të rënda që shkaktojnë helmime biologjike janë të shpeshta edhe në shërbimin e Toksikologjisë në QSUT.

“Pickimet nga peshqit. Kemi raste të tilla, sidomos nga zonat bregdetare, që janë rrezik. Kemi edhe raste të tilla që kërkojnë asistencë mjekësore. Janë edhe lëndime të tjera biologjike nga akrepi, bleta, grerëza, skolopendra e të tjerë”, tha Andrin Tahiri, shef i Toksikologjisë në QSUT.

Mjekët rekomandojnë kërkimin e menjëhershëm të ndihmës nëse shfaqen vështirësi në frymëmarrje, ënjtje e fytyrës ose e fytit, dhimbje shumë të forta, temperaturë, infeksion ose përkeqësim i plagës.

Terreni i pakalueshëm nuk i ndaloi zjarrfikësit e Gramshit të ndërhynin për shuarjen e një zjarri të rënë në malin e Vinës. Për të mbërritur në vatrën e flakëve, efektivët ecën rreth dy orë në këmbë, pasi mjetet zjarrfikëse nuk mund të depërtonin në zonë.

Të pajisur me pompa krahu dhe mjete rrethanore, ata arritën ta izolojnë dhe më pas ta shuajnë zjarrin, duke parandaluar përhapjen e tij në sipërfaqe të tjera.

Me temperaturat që vijojnë të mbeten të larta, Shërbimi i Mbrojtjes nga Zjarri dhe Shpëtimi apelon për kujdes të shtuar, duke u kërkuar qytetarëve të mos ndezin zjarre në natyrë dhe të sinjalizojnë menjëherë çdo vatër të konstatuar.

The post Dy orë në këmbë për të shuar flakët, zjarrfikësit neutralizojnë zjarrin në malin e Vinës, Gramsh appeared first on Euronews Albania.

Policia Rrugore e Tiranës ka vijuar kontrollet intensive në akset kryesore dhe në rrugët me qarkullim të lartë, me synim parandalimin e aksidenteve dhe rritjen e sigurisë rrugore. Sipas bilancit të javës së fundit, shërbimet e Policisë Rrugore, të mbështetura nga monitorimi me mjete bashkëkohore, kanë konstatuar gjithsej 12,505 shkelje të rregullave të qarkullimit rrugor. […]

Qyteti spanjoll i Ceutës po rikthehet gradualisht në normalitet, pasi u përball me një valë të paprecedentë emigrantësh, ku mbi 60 mijë persona mbërritën brenda dy ditësh, duke shkaktuar kaos dhe mbylljen e qytetit për 24 orë.

Dyqanet dhe lokalet kanë nisur të rihapin aktivitetin, megjithëse shumë prej tyre vazhdojnë të funksionojnë me masa shtesë sigurie. Banorët thonë se situata është përmirësuar, por frika mbetet se një krizë e ngjashme mund të përsëritet.

Carlos, një tregtar që jeton prej dekadash në Ceuta, kujton se ka përjetuar edhe krizën migratore të vitit 2021, por thekson se ngjarjet e ditëve të fundit kanë qenë shumë më të rënda.

“Problemi ishte numri i madh i njerëzve dhe mungesa e përgatitjes nga autoritetet. Ishte një katastrofë,” u shpreh ai, duke kritikuar mënyrën se si u menaxhua situata, shkruan A2.

Edhe banorë të tjerë ndajnë të njëjtin shqetësim. Antonio dhe Margot, një çift pensionistësh, besojnë se kjo nuk do të jetë hera e fundit që qyteti përballet me një situatë të tillë.

“Kemi kaluar momentin më të vështirë, por nuk ka përfunduar. Kjo që ndodhi mund të ndodhë sërish” shprehen ata për “El Mundo”.

Ndër bizneset që nuk e ndërprenë plotësisht punën ishin farmacitë. Ali dhe Amal, dy farmaciste në Ceuta, tregojnë se u ofruan ndihmë dhjetëra emigrantëve që mbërritën në qytet.

“Sollën fëmijë, persona me diabet dhe të plagosur që kërkonin fasha e ilaçe. Shumica paguan për produktet, ndërsa të tjerëve ua dhamë falas,” rrëfyen ato.

Ndërkohë, autoritetet spanjolle kanë nisur një operacion për kthimin e emigrantëve në vendin e origjinës. Megjithatë, qindra persona vazhdojnë të qëndrojnë në Ceuta, të strehuar në parqe, sheshe dhe zona të ndryshme të qytetit.

Forcat e Policisë Kombëtare, policia lokale dhe ushtria patrullojnë rrugët për të “bindur” emigrantët të largohen, ndërsa në disa lagje banorët kanë organizuar patrulla vullnetare për të garantuar sigurinë gjatë natës.

Pavarësisht rikthimit të pjesshëm të normalitetit, banorët e Ceutës thonë se pasiguria dhe shqetësimi vazhdojnë të jenë të pranishme, ndërsa autoritetet përballen me sfidën e menaxhimit të një prej krizave më të mëdha migratore që ka përjetuar qyteti.

Projekti është përgatitur, financuar dhe nisur nga Qeveria e kaluar. Këta erdhën në fund, kur gjithçka ishte gati, për të shpërndarë çelësat dhe për t’u fotografuar.

Biznesmeni Ermal Beqiri, i arrestuar më 24 korrik në Francë pasi fluturoi me një avion mbi hapësirën ajrore të kufizuar të centralit bërthamor të Penly, rezulton të jetë pronar i një kështjelle luksoze me vlerë rreth 2.6 milionë euro, e cila tashmë është pjesë e hetimeve të Prokurorisë së Posaçme. Sipas të dhënave të referuara […]

The post FOTOT/ 1.200 m² dhe me vlerë 2.6 mln euro, si duket kështjella luksoze e Ermal Beqirit në Francë appeared first on BoldNews.al.

Policia Rrugore e Tiranës ka vijuar kontrollet intensive në akset kryesore dhe në rrugët me qarkullim të lartë, me synim parandalimin e aksidenteve dhe rritjen e sigurisë rrugore.

Sipas bilancit të javës së fundit, shërbimet e Policisë Rrugore, të mbështetura nga monitorimi me mjete bashkëkohore, kanë konstatuar gjithsej 12,505 shkelje të rregullave të qarkullimit rrugor.

Gjatë kësaj periudhe janë evidentuar edhe 24 raste të veprave penale në fushën e qarkullimit rrugor, ndërsa autorët janë arrestuar ose proceduar penalisht.

Po ashtu, është proceduar penalisht një drejtues automjeti, i cili tentoi të korruptonte një efektiv të Policisë Rrugore duke i ofruar 2,000 lekë, me qëllim shmangien e masës administrative, pasi u kap duke drejtuar automjetin pa vendosur rripin e sigurimit.

Në kuadër të kontrolleve, Policia Rrugore ka vendosur 74 masa administrative për mospozicionim të rregullt të mjeteve në karrexhatë, një shkelje që favorizon manovrat e rrezikshme dhe krijon vështirësi në qarkullim.

Gjithashtu, janë ndëshkuar 12 drejtues mjetesh që u konstatuan duke drejtuar automjetin nën efektin e alkoolit, ndërsa 31 automjete të ndaluara ose të parkuara në kundërshtim me Kodin Rrugor janë larguar me mjet ngritës.

Për përdorimin e celularit gjatë drejtimit të automjetit, mosvendosjen e rripit të sigurimit dhe mungesën e kaskës mbrojtëse për drejtuesit e motomjeteve janë vendosur 1,562 masa administrative.

Policia Rrugore u bën thirrje të gjithë përdoruesve të rrugës të respektojnë rregullat e qarkullimit, të shmangin drejtimin e automjetit nën efektin e alkoolit ose pa leje drejtimi dhe të tregojnë përgjegjshmëri, në funksion të rritjes së sigurisë rrugore dhe parandalimit të aksidenteve.

E ndjen shumë përgjegjësinë ndaj fanelës.

Lionel Mesi, edhe pse 39 vjeç, edhe pse ka pasur 12 muaj tepër të ngarkuar, nuk u vonua shumë me pushimet dhe ja ku është gati për të ndihmuar ekipin e tij në Shtetet e Bashkuara.

Legjenda argjentinase, ish-kampion I botës, dhe tani nënkampion në fuqi, u kthye këtë fundjavë tek skuadra e tij, Inter në Majemi, I cili lufton për titullin kampion.

Mesi u aktivizua në minutën e 53-të të duelit në Florida ndaj rivalit Këlambës, duke I pasur pushimet vetëm 11 ditë.

Kjo bëri që ai të humbiste vetëm dy ndeshje që pas përfundimit të Kupës së Botës.

Gjithsesi, prania e kapitenit nuk është se e ndihmoi shumë Interin, dhe logjika ta do që ai të mos jetë në 100 për qind të formës.

Ndeshja përfundoi 2-2, me vendasit që ishin në epërsi dy herë, por që nuk e morën dot tripikëshin.

Luis Suarez shënoi për 1-0 në 16’, pastaj miqtë barazuan me autogolin e brazilianit Kasemiro në 34’, ndërsa Interi u ndihmua nga VAR-i për të gjetur epërsinë në minutën e pestë shtesë të pjesës së parë.

Në 84’, me Mesin në fushë, Këlambës barazoi për 2-2 pasi realizoi Mendesh.

Drejtuesi politik i Partisë Socialiste për Qarkun Tiranë, Taulant Balla, vizitoi sipërmarrjen tekstile të Ylli Elmazit në Kavajë, ku u ndal në rëndësinë e mbështetjes së bizneseve prodhuese përmes programit qeveritar “Dyfisho Sipërmarrjen Tënde”.

Gjatë vizitës, Balla theksoi se edhe sektori fason mund të përfitojë nga kjo skemë financimi, e cila synon të nxisë investimet dhe zgjerimin e aktivitetit të sipërmarrjeve shqiptare.

“Programi ofron garanci sovrane deri në 70%, normë interesi preferenciale 2–3% dhe financim deri në 200 milionë lekë për çdo përfitues, duke krijuar mundësi për investime në teknologji, pajisje, rritje të prodhimit, si dhe zhvillimin e sektorëve të bujqësisë, turizmit dhe industrisë përpunuese”.

Balla vlerësoi sipërmarrjet që investojnë në prodhim dhe punësim, duke theksuar se mbështetja e biznesit mbetet një nga prioritetet për zhvillimin ekonomik dhe rritjen e konkurrueshmërisë./kb

– Kolona të gjata automjetesh dhe pritje që në disa raste kanë arritur deri në 10 orë janë regjistruar gjatë fundjavës në pikën kufitare Karasoviçi–Debeli Brijeg, në kufirin mes Kroacisë dhe Malit të Zi, duke krijuar një nga situatat më të vështira të sezonit turistik në rajonin e Adriatikut, sipas thedubrovniktimes.com. Sipas medieve kroate, mijëra […]

**

Që nga kjo e diel, kompanitë që krijojnë ose përdorin përmbajtje të gjeneruar nga inteligjenca artificiale (AI) duhet ta etiketojnë qartë atë, sipas rregullave të reja të Bashkimit Evropian për transparencën.
Qëllimi është që qytetarët të kuptojnë menjëherë nëse një tekst, foto, video apo material tjetër që shohin në internet është krijuar nga një njeri apo nga inteligjenca artificiale. Sipas udhëzimeve të reja, sistemet e AI-së si chatbot-et duhet të identifikohen qartë si të tilla, ndërsa imazhet, videot dhe tekstet e krijuara me AI duhet të mbajnë etiketa ose shenja identifikuese, si watermark-e apo forma të tjera që lehtësojnë zbulimin e tyre. Kompanitë që nuk respektojnë këto rregulla rrezikojnë gjoba të larta.
Rregullorja kërkon gjithashtu që përdoruesit të informohen kur ekspozohen ndaj:
• sistemeve të njohjes së emocioneve dhe kategorizimit biometrik;
• përmbajtjeve të tipit deepfake;
• teksteve mbi çështje me interes publik të krijuara nga AI pa mbikëqyrje apo redaktim njerëzor.

BE-ja shpreh shqetësim të veçantë për përhapjen e deepfake-ve, pasi inteligjenca artificiale po e bën gjithnjë e më të vështirë dallimin mes përmbajtjes reale dhe asaj të krijuar artificialisht. Sipas zyrtarëve evropianë, rregullat synojnë të ruajnë besimin e qytetarëve në atë që shohin, dëgjojnë dhe lexojnë. Detyrimi zbatohet për përmbajtjen e krijuar për qëllime profesionale, ndërsa përdorimi personal i AI-së nuk preket nga këto rregulla. Sistemet ekzistuese të inteligjencës artificiale kanë afat deri më 2 dhjetor 2026 për t’u përshtatur, ndërsa përjashtohen veprat artistike, krijuese, satirike dhe fiktive. Rregullat e reja kanë ngjallur debat mes kompanive të teknologjisë, të cilat paralajmërojnë se zbatimi i tyre mund të jetë i ndërlikuar. Megjithatë, disa prej tyre kanë nisur tashmë etiketimin e përmbajtjeve të krijuara me AI. TikTok kërkon prej vitesh që krijuesit të etiketojnë imazhet, videot dhe audiot e gjeneruara nga AI, ndërsa Meta përdor etiketën “AI Info” në Facebook dhe Instagram. Edhe Google ka nënshkruar kodin evropian të transparencës për AI dhe po punon me kompani si Nvidia, OpenAI dhe Apple për zhvillimin e mjeteve të etiketimit digjital./FC

Të paktën pesë persona kanë vdekur dhe 41 të tjerë rezultojnë të zhdukur pasi një zjarr shpërtheu në një traget pranë ishullit indonezian të Madurës, njoftoi të dielën agjencia e kërkim-shpëtimit e vendit.

Trageti mbante 271 pasagjerë dhe anëtarë të ekuipazhit, 225 prej të cilëve janë shpëtuar, thanë gjithashtu shërbimet e shpëtimit.

Një operacion kërkim-shpëtimi është duke u zhvilluar. Trageti ishte nisur nga Surabaya me destinacion qytetin e Makassarit në jug të ishullit Sulawesi.

The post Indonezi, 5 të vdekur dhe 41 të zhdukur nga zjarri në një anije appeared first on Euronews Albania.

Fluksi i lartë i udhëtarëve drejt Shqipërisë gjatë sezonit turistik ka sjellë shtim të pritjeve në pikat kufitare mes Kroacisë dhe Malit të Zi, veçanërisht gjatë fundjavave dhe ditëve me lëvizje të shtuar.

Ministria për Evropën dhe Punët e Jashtme bën me dije se është në komunikim të vazhdueshëm me autoritetet dhe institucionet përgjegjëse të të dyja vendeve, me qëllim lehtësimin e kalimit të qytetarëve shqiptarë dhe reduktimin e kohës së pritjes në kufi.

MEPJ thekson se po bashkërendohen veprimet me autoritetet përkatëse për identifikimin e zgjidhjeve praktike dhe shtimin e kapaciteteve në kufi, në mënyrë që kalimi i qytetarëve të jetë sa më i shpejtë dhe i lehtë.

Sipas ministrisë, një zgjidhje afatgjatë pritet të jetë edhe zgjerimi i plotë i hapësirës Schengen në këtë pjesë të rajonit, që do të lehtësonte ndjeshëm lëvizjen e qytetarëve.

Njoftimi i Ministrisë së Jashtme:

Mbi masat për lehtësimin e kalimit të qytetarëve shqiptarë në pikat kufitare mes Kroacisë dhe Malit të Zi gjatë sezonit veror, në kushtet e fluksit të lartë të udhëtarëve.

Rritja e ndjeshme e mobilitetit në rajon dhe flukset gjithnjë e më të mëdha të udhëtarëve që udhëtojnë drejt Shqipërisë me rrugë tokësore gjatë sezonit turistik shoqërohen, në periudhat e pikut, me pritje të gjata në pikat kufitare ndërmjet Kroacisë dhe Malit të Zi. Ky është një fenomen që, për shkak të volumit shumë të lartë të lëvizjeve, përsëritet pothuajse çdo verë, veçanërisht gjatë fundjavave dhe ditëve me fluksin më të madh.

Ministria për Evropën dhe Punët e Jashtme dhe përfaqësitë tona diplomatike janë në komunikim të vazhdueshëm me autoritetet dhe institucionet përgjegjëse, me synimin që, në përputhje me legjislacionin dhe procedurat në fuqi në secilin shtet, kalimi i qytetarëve të jetë sa më i shpejtë dhe sa më i lehtë, duke shtuar kapacitetet për të minimizuar, në masën më të madhe të mundshme, pritjet në pikat kufitare.

Vetëm gjatë sezonit veror, rreth 300 mijë shtetas shqiptarë kalojnë përmes këtij korridori rrugor. Një volum i tillë lëvizjesh krijon, në periudha të caktuara, ngarkesa të konsiderueshme për infrastrukturën dhe shërbimet kufitare. Megjithatë, kjo nuk e zbeh angazhimin tonë për të bashkërenduar veprimet me autoritetet përkatëse, për të identifikuar zgjidhje praktike dhe për të lehtësuar sa më shumë lëvizjen e qytetarëve tanë, deri në ditën kur hapësira Schengen të shtrihet tërësisht edhe në këtë pjesë të rajonit tonë.

PRISHTINË, 2 gusht/ATSH/ Kryeministri në detyrë i Kosovës, Albin Kurti, ka thënë se ka “vullnet dhe gatishmëri” mes partisë së tij Lëvizja Vetëvendosje dhe Lidhjes Demokratike për arritjen e një marrëveshjeje për formimin e institucioneve të reja të vendit gjatë javës së ardhshme.

The post Kurti thotë se ka “vullnet e gatishmëri” për marrëveshje me LDK-në para seancës konstituive appeared first on Agjencia Telegrafike Shqiptare.

Sekretari për të Drejtat e Njeriut në Partinë Demokratike, Franci Nuri ka komentuar vizitën e delegacionit shqiptar në Vietnam dhe nënshkrimit të një marrëveshjeje për sjelljen e punëtorëve vietnamezë në Shqipëri. Në një reagim në rrjetet sociale, Nuri akuzon qeverinë se po përpiqet të mbulojë dështimin e politikave të saj me importin e fuqisë punëtore […]

The post Nuri/ Shpopullimi vazhdon: ikin Shqiptarët, vijnë Vietnamezët appeared first on BoldNews.al.

Policia e Shkodrës ka vijuar kontrollet në zonat turistike për monitorimin e nivelit të zhurmave dhe respektimin e orareve të lejuara për aktivitetet me muzikë. Gjatë kontrolleve të zhvilluara nga shërbimet e Stacionit të Policisë Velipojë, pas edhe ankesave të ardhura nga qytetarët, është konstatuar një subjekt që ushtronte aktivitet me muzikë mbi kufirin e lejuar. Për këtë shkelje…

Source

Mijëra njerëz u urdhëruan të largoheshin nga shtëpitë e tyre në Spokane, shteti i Uashingtonit, në veriperëndim të Shteteve të Bashkuara, për shkak të një zjarri që i është afruar.

Situata e krijuar detyroi guvernatorin lokal të shpallte gjendjen e jashtëzakonshme.

Rreth 81 mijë hektarë u dogjën në 12 zjarre të mëdhenj në të gjithë shtetin e Uashingtonit, në një vit rekord, të katërt radhazi të thatësirës mbarëkombëtare, njoftoi zyra e guvernatorit Bob Ferguson.

Thatësira historike dhe erërat e forta po krijojnë kushte të rrezikshme në të gjithë shtetin, u shpreh guvernatori, duke shtuar se gjendja e jashtëzakonshme ndalon shumicën e zjarreve në natyrë dhe bujqësore, deri më 30 shtator.

“Ky është një nga vitet më të ngarkuar me zjarret në histori dhe jemi në gusht”, tha Komisioneri i Tokave Publike, Dave Upthegrove.

Zjarri me përhapje të shpejtë kapërceu lumin Spokane të shtunën pasdite dhe hyri në qytet.

Niveli më i lartë i alarmit të evakuimit u lëshua për zona të mëdha të Spokane-it verior, duke prekur mijëra njerëz në periferi të qytetit, sipas hartës së evakuimit të qeverisë.

Shteti i Uashingtonit, në bregun e Paqësorit, kufizohet me Kanadanë, vend që në korrik u përball me një sezon të ri zjarri pyjor, i përshkruar si “një nga më intensivët në histori” nga kryeministri Mark Carney, me tre milion hektarë të djegur, aq sa sipërfaqja e Belgjikës.

 

Temperaturat ekstreme që kanë përfshirë vendin kanë shtuar angazhimin e Shërbimit të Mbrojtjes nga Zjarri dhe Shpëtimit në Bashkinë Cërrik. Përveç gatishmërisë për ndërhyrje në raste emergjente, ekipet po zbatojnë një sërë masash parandaluese për të reduktuar rrezikun e zjarreve.

Mes masave të ndërmarra janë lagia e akseve rrugore për të lehtësuar efektet e vapës, monitorimi i zonave me rrezik të lartë për shpërthim zjarresh, si dhe verifikimi i hidrantëve për të garantuar funksionimin e tyre në çdo situatë emergjente.

Autoritetet bëjnë thirrje për kujdes të shtuar gjatë kësaj periudhe, duke u kërkuar qytetarëve të shmangin ndezjen e zjarreve në ambiente të hapura dhe të sinjalizojnë menjëherë çdo vatër zjarri pranë shërbimeve emergjente

The post Temperaturat e larta, zjarrfikësit e Cërrikut intensifikojnë masat parandaluese appeared first on Euronews Albania.