Në një takim me bizneset, kryeministri Edi Rama, theksoi se nga viti që vjen do të nisë zbatimi i Paqes Fiskale.

Kreu i qeverisë, tha se me këtë nismë do të ndërtojnë një urë të re besimi e ndërveprimi të shëndetshëm mes administratës tatimore dhe sipërmarrjes.

Sipas tij, “paqe” do të bëhet me ata biznese që nuk janë në konflikt me ligjin dhe nuk janë në procese gjyqësore që afektojnë legjitimitetin e të ardhurave.

Rama tha se, “ky rishikim jep mundësi sipërmarrjeve të vetëkorrigjohen duke ribërë deklarimet e viteve të shkuara, dhe duke pasur si motivim një tatim shumë më të ulët mbi fitimin sesa tatimi që paguani rregullisht”.

Ai tha se për çdo pasqyrë të korrigjuar, fitimi do të tatohet vetëm 5 përqind. Kjo, sipas kreut të qeverisë, do të rrisë formalizimin dhe nuk e cenon integritetin ligjor.

“Kjo rrit formalizimin, nuk cenon integritetin ligjor të të gjithë këtij ndërveprimi dhe ndihmon një proces ku sipërmarrja fokusohet më shumë tek puna dhe sfidat e veta pa pasur barrën e të metave të të shkuarës”, shtoi ai.

Pjesë nga fjala e Ramës:

Paqja fiskale është zotim i yni i fushatës elektorale. Sot është ligj. Pavarësisht disa debateve, të cilat nuk e adresuan dot thelbin e kësaj nisme, ne sot jemi në kushtet kur duke filluar nga janari i vitit që vjen mund ta zbatojmë këtë nismë. Është një nismë, në radhë të parë, për të ndërtuar një urë të re besimi e ndërveprimi të shëndetshëm mes administratës tatimore dhe sipërmarrjes. Nuk është shpikje e jona. Vetë togfjalëshi paqe fiskale ka lindur në Romën e vjetër dhe është një instrument i përdorur me mijëra vjet tanimë.

Së dyti, është instrument për t’i dhënë mundësi të gjithë sipërmarrjeve që nuk janë në konflikt me ligjin, në procese hetimore apo gjyqësore dhe që figurojnë në regjistrat e shtetit si kontributorë legjitimë, që të rishikojnë pasqyrat e tyre fiskale të viteve të shkuara. Ky rishikim jep mundësi sipërmarrjeve të korrigjohen, vetëkorrigjohen duke ribërë deklarimet e viteve të shkuara, dhe duke pasur si motivim një tatim shumë më të ulët mbi fitimin sesa tatimi që paguani rregullisht.

Pra, për çdo pasqyrë të korrigjuar fitimi tatohet vetëm 5 përqind. Kjo rrit formalizimin, nuk cenon integritetin ligjor të të gjithë këtij ndërveprimi dhe ndihmon një proces ku sipërmarrja fokusohet më shumë tek puna dhe sfidat e veta pa pasur barrën e të metave të të shkuarës.

Kjo shkon në paralele me një adresim të përgjithshëm të gjobave, të cilat sipas periudhave dhe vjetërsisë së tyre shkojnë nga fshirja totale tek pagimi përmes disa kësteve prapë me lehtësira. Ashtu sikundër sigurisht, ë themel, paqja fiskale, ka marrëveshjen me sipërmarrjen mbi përcaktimin e tavanit të ri të fitimit.

Që dmth që bazuar në një projeksion shkencor të fitimit mbi fitimin e viteve të shkuara plus mbi rritjen ekonomike të pritshme dhe mbi propozimin për të pranuar si të vitit një shifër X administrata dhe sipërmarrja bien dakord dhe nuk ka më asnjë lloj inspektimi, kontrolli e problematike administrative e burokratike që rëndon shumë më tepër sesa barra fiskale.

The post Paqja fiskale/ Rama takim me bizneset: Nga Janari nisim zbatimin, për çdo pasqyrë të korrigjuar, fitimi tatohet vetëm me 5% appeared first on Albeu.com.

Ditën e sotme,  Agjentët e BKH-së, me urdhër të Prokurorisë së Posaçme, kanë ushtruar kontrolle në bizneset e Klajdi Merkajt.

Sipas gazetares Klodiana Lala, ka dyshime të forta se përmes bizneseve të Klajdi Merkajt janë pastruar milionat e marra nga AKSHI.

“Ndërkohë janë ushtruar dhjetëra kontrolle në banesa, e baza t ndryshme me qëllim sigurim të provave të mëtejshme. Është ushtruar kontroll edhe në ambientet e biznesit të Klajdi Merkaj, i cili është arrestuar më herët në kuadër të organizatës kriminale të Franc dhe Hajdar Çopjas, që drejtohet nga dy vëllezërit. Ka dyshime të forta sipas hetuesve se përmes bizneseve të Klajdi Merkajt janë pastruar milionat e marra nga AKSHI”, informoi ajo.

Klajdi Merkaj, është arrestuar si i dyshuar për pastrim të parave të vëllezërve Franc e Hajdar Çopja.

The post Kontrolle në bizneset e Klajdi Merkajt, pjesë e grupit “Çopja”/ Dyshohet se pastroi milionat e marra nga AKSHI appeared first on Albeu.com.

Shqipëria mbetet një nga vendet me përqindjen më të ulët të shpenzimeve për kërkim-zhvillim (R&D) në raport me PBB-në, si në nivel të përgjithshëm, ashtu edhe në të gjitha nën-sektorët kryesorë që zakonisht mbështesin inovacionin, të tilla si bizneset, qeveria dhe arsimi i lartë. Sipas të dhënave të fundit të Eurostat, në vitin 2024, totali […]

The post Inovacioni, bizneset dhe universitetet shqiptare me investimet më minimale në Europë appeared first on BoldNews.al.

Profesori i ekonomisë, Shkumbin Misini, ka kritikuar deklaratat e ministrit në detyrë të Financave, Hekuran Murati, lidhur me numrin e bizneseve të reja të regjistruara në Kosovë gjatë këtij viti.

Murati ka deklaruar se deri në fund të tetorit janë regjistruar mbi 11 mijë ndërmarrje të reja, ndërsa shifra mund të tejkalojë 13 mijë deri në fund të vitit. Por, sipas profesorit Misini, ky indikator nuk përfaqëson gjendjen e vërtetë të ekonomisë.

Në emisionin FIVE në TV Dukagjini, Misini u shpreh kritik ndaj ministrit:

“Këtu flet publikisht ministri i Financave, që është mediokër në ekonomi. Nuk ka lidhje me ekonomi. Nuk paraqet shëndet ekonomik hapja e bizneseve të reja.”

Ai theksoi se Qeveria Kurti nuk ka performuar mirë në rritjen e punësimit:

“Nëse e qet hapjen e bizneseve të reja, le ta paraqet pasqyrën e punësimit nga viti 2020 deri në 2025. Qeverisja e tij rritjen e punësimit e ka vetëm 1 për qind.”

Misini shtoi se shumë biznese të reja hapen vetëm për të përfituar subvencione nga shteti, shpesh duke punësuar anëtarë të familjes:

“Hapen për shkak të kërkesave, sidomos për subvencionim. Është shumë lehtë të hapet një biznes, por shumë vështirë të mbyllet. Ky le të tregon se në këto 11 mijë biznese, sa është numri i të punësuarve.”

Ai e përshkroi prezantimin e Muratit si pjesë të fushatës zgjedhore, duke theksuar se hapja e biznesit nuk është tregues i mjaftueshëm për të vlerësuar shëndetin ekonomik të vendit.

Në fund, profesori kërkoi që Qeveria të publikojë të dhënat reale mbi punësimin dhe performancën ekonomike gjatë mandatit të saj.

Zyra e Rregullatorit për Energji (ZRRE) në fillim të shtatorit paralajmëroi rishikim të tarifave të energjisë elektrike, duke mos e bërë të qartë nëse do të ketë ngritje apo ulje të çmimit të rrymës.

Si rrjedhojë e kësaj, komuniteti i biznesit ka shprehur shqetësim të madh për ndikimin që një vendim i tillë mund të ketë në ekonomi, e sidomos tek bizneset që kanë kaluar në tregun e hapur energjetik.

Lidhur me këtë shqetësim të bizneseve, kryetari i Odës Ekonomike të Kosovës, Lulzim Rafuna, ka thënë për Telegrafin se bizneset tashmë po përballen me pasiguri të madhe për shkak të vendimit të Zyrës së Rregullatorit për Energji (ZRRE) për daljen e bizneseve në tregun e hapur, pa konsultim paraprak me ta.

“Ne si Odë kemi ndërmarrë të gjitha veprimet e mundshme ligjore dhe demokratike për ta shprehur pakënaqësinë tonë me vendimin e dhunshëm të ZRRE-së për të dalë në treg të hapur, pa asnjë konsultim me bizneset, pra për fazën e tranzicionit”, deklaroi Rafuna.

Ai paralajmëroi se periudha e dimrit tradicionalisht sjell rritje të çmimeve të energjisë, gjë që mund të rëndojë më tej gjendjen financiare të ndërmarrjeve.

“Historia e viteve të kaluara na ka treguar se gjatë muajve tetor deri në mars çmimi i energjisë rritet, jo vetëm në Kosovë, por edhe në bursat ndërkombëtare. Gjithashtu, gjatë këtyre muajve edhe konsumi është më i madh”, shtoi ai.

Rafuna bëri të ditur se Oda Ekonomike ka ngritur padi në Gjykatën Supreme dhe më 5 nëntor 2025 pritet të mbahet seanca gjyqësore me ZRRE-në.

“Më datë 5 nëntor 2025 do të kemi ballafaqimin në seancë gjyqësore me ZRRE-në dhe presim që kolegji i Gjykatës Supreme të vendosë në favor të bizneseve. Kjo për momentin është mundësia e vetme ligjore”, tha Rafuna, duke shtuar se “po të kishim pasur Parlament funksional, situata me siguri do të ishte ndryshe”.

Në anën tjetër, drejtori i Dhomës së Tregtisë dhe Industrisë së Kosovës, Kushtrim Ahmeti, tha për Telegrafin se janë në pritje të vendimit të Gjykatës Themelore në Prishtinë lidhur me padinë që kjo dhomë ka ngritur kundër ZRRE-së, për shkak të shkeljeve në procesin e liberalizimit të tregut të energjisë.

“Paralajmërimin e kemi parë, diçka zyrtare deri më tani nuk ka. Ne ende jemi në pritje të një vendimi nga Gjykata Themelore në Prishtinë lidhur me padinë që e kemi ushtruar kundër ZRRE-së, sa i përket shkeljeve të bëra në procesin e liberalizimit të tregut të energjisë elektrike”, deklaroi Ahmeti.

Ai kujtoi se rritja e çmimit të energjisë prej 16.1% që hyri në fuqi më herët këtë vit tashmë ka ndikuar negativisht në ekonomi.

“Vetëm rritja e çmimit të energjisë për konsumatorët e rregulluar prej 16.1% dhe liberalizimi i tregut tashmë po i tregojnë pasojat negative për bizneset, ekonominë dhe qytetarët. Një rritje e re e çmimit vetëm sa do ta bëjë edhe më të vështirë të bërit biznes në vendin tonë dhe do ta ngarkojë edhe më shumë jetën e qytetarëve”, theksoi Ahmeti.

Sipas tij, Dhoma e Tregtisë mbetet kategorikisht kundër çdo rritjeje të re të çmimit të energjisë.

“Ashtu siç kemi qenë kundër rritjes prej 16.1% dhe procesit të liberalizimit të tregut të energjisë, edhe për këtë jemi kundër. Për veprimet tona të mëtejshme do t’ju njoftojmë”, shtoi ai.

Telegrafi ka provuar të kontaktojë edhe me përfaqësuesit e ZRRE-së për të marrë qëndrimin e tyre lidhur me këto shqetësime, por ata nuk kanë qenë të qasshëm.

Kujtojmë se vendimi i Zyrës së Rregullatorit të Energjisë (ZRRE) për liberalizimin e tregut të energjisë hyri në fuqi më 1 qershor, me gjithë kundërshtimet nga bizneset.

Ky vendim ka prekur 1.300 kompani të mëdha, të cilat kanë më shumë se 50 punëtorë, ose qarkullim vjetor prej mbi 10 milionë euro.

Në Kosovë, liberalizimi i tregut të energjisë është paraparë me Ligjin për energjinë elektrike të miratuar në vitin 2016, por zbatimi i tij është shtyrë për shkak të rrethanave të ndryshme.

Në vendet e Bashkimit Evropian, procesi i liberalizimit të tregut të energjisë ka filluar në fund të viteve ’90 me qëllim rritjen e konkurrencës, efikasitetit, sigurisë dhe zgjedhjes për konsumatorët. /Telegrafi/

Trembëdhjetë pjesëmarrës nga grupe të cënueshme, përfshirë gra dhe përfaqësues të komuniteteve minoritare, kanë përfunduar me sukses programin pesëditor të trajnimit për fillimin dhe menaxhimin e agrobizneseve me praktika të gjelbra.

Programi, i organizuar për rajonin e Prishtinës, ka pasur për qëllim fuqizimin e kapaciteteve të pjesëmarrësve dhe shndërrimin e ideve të tyre në plane konkrete për biznese të qëndrueshme në sektorin e bujqësisë, përcjell Telegrafi.

Pas përfundimit të trajnimit, pjesëmarrësit do të ndjekin një program mentorimi tre-mujor, ndërkohë që disa prej tyre tashmë kanë aplikuar në Skemën e Granteve për Zhvillim Rural, për të siguruar mbështetje financiare për realizimin e projekteve të tyre.

Sipas GIZ Kosovë, ky program do të zgjerohet së shpejti edhe në dy rajone të tjera të vendit, me synimin për të mbështetur më shumë sipërmarrës të rinj në fushën e agrobiznesit.

Trajnimi u organizua nga Kosova Women 4 Women (KW4W) në bashkëpunim me Agjencinë e Punësimit të Republikës së Kosovës (EARK) dhe është pjesë e mbështetjes së Qeverisë Gjermane përmes GIZ Kosovës, për zhvillim të qëndrueshëm ekonomik dhe përfshirës në zonat rurale të vendit. /Telegrafi/

Shumica e ndërmarrjeve të vogla dhe të mesme evropiane po i japin përparësi sistemeve të inteligjencës artificiale mbi mjetet bazë digjitale në të gjitha bizneset e tyre, duke humbur terren ndaj firmave më të mëdha që investojnë në sisteme kryesore digjitale, tregoi një studim i publikuar të mërkurën.

Ndërsa korporatat e mëdha po përvetësojnë vazhdimisht softuerin e inteligjencës artificiale dhe po rrisin investimet, bizneset e vogla në të gjithë Evropën shpesh nuk kanë ekspertizë dhe infrastrukturë digjitale përkatëse, transmeton Telegrafi.

Kompanitë po i drejtohen kësaj teknologjie për të automatizuar detyrat dhe për të ulur kostot në të gjithë sektorin, duke rezultuar në shkurtime vendesh pune të cilat po trondisin industri të tëra.

Anketa, e kryer nga kompania franceze e teknologjisë financiare Qonto, zbuloi se 46% e ndërmarrjeve të vogla dhe të mesme evropiane përdorin mjete të inteligjencës artificiale si ChatGPT çdo ditë, por vetëm një pjesë e tyre zbatojnë kontabilitet digjital, video konferenca, analiza të të dhënave ose menaxhim digjital të dokumenteve.

Kjo mospërputhje po shkakton një paradoks të habitshëm që mund të kërcënojë të ardhmen e shtyllës kurrizore ekonomike të Evropës, thotë Qonto.

Raporti u krye së bashku me firmën kërkimore Appinio pas intervistimit të 1,600 vendimmarrësve të lartë në Francë, Gjermani, Itali dhe Spanjë.

Dy nga çdo pesë biznese ndihen të papërgatitura për transformimin digjital, duke përfaqësuar 10 milionë kompani në të gjithë Evropën, sipas raportit.

Gjermania dallohet me 76% të bizneseve që ndihen të përgatitura mirë, ndërsa Franca përballet me vështirësi me gati gjysmën që ndihen të pajisura në mënyrë të pamjaftueshme për ndryshimin digjital.

"Ndërsa IA ofron mundësi emocionuese, ne besojmë se bizneset evropiane do të duhet të ndërtojnë themele të forta digjitale që mund të mbështesin qëllimet e tyre afatgjata të rritjes dhe inovacionit", tha drejtori ekzekutiv i Qonto, Alexandre Prot.

Anketa sugjeron se ndërhyrjet e synuara mund të ndihmojnë në mbylljen e hendekut digjital të Evropës.

Zvogëlimi i barrës rregullatore në Gjermani, adresimi i mungesës së aftësive në Spanjë dhe kapërcimi i rezistencës kulturore në Francë mund të forcojnë konkurrueshmërinë kundër rivalëve më të pajisur që përdorin gjithnjë e më shumë AI për të ulur kostot dhe për të përmirësuar operacionet. /Telegrafi/

TIRANË, 25 shtator /ATSH/ Rreth 92% e biznesve në vend kanë raportuar fitime gjatë pjesës së parë të këtij vitit.

Banka e Shqipërisë ka publikuar Raportin e Stabilitetit Financiar ku bën të ditur se, ecuria e shitjeve vlerësohet pozitive gjatë gjysmës së parë të vitit 2025,  dhe indeksi më i lartë i shitjeve është regjistruar në ndërmarrjet e mëdha dhe ato të sektorit të ndërtimit dhe të tregtisë.

Sipas BSH-së, për gjysmën e dytë të vitit 2025, të tre grupet e ndërmarrjeve (të vogla, të mesme dhe të mëdha) presin rritje të mëtejshme të shitjeve dhe të rezultatit financiar. Këto pritshmëri kanë rezultuar në rritje krahasuar me gjashtëmujorin e kaluar dhe krahasuar me një vit më parë, veçanërisht në grupin e ndërmarrjeve të mesme dhe të mëdha.

Performanca më e mirë financiare ka ndikuar gjithashtu në uljen e nivelit të borxhit ose huave për bizneset. Rreth 33% e ndërmarrjeve deklarojnë se kanë aktualisht hua për të paguar, dhe kjo peshë ka rënë me përkatësisht 3 dhe 4 pikë përqindjeje, krahasuar me gjashtëmujorin e kaluar dhe me një vit më parë.

Gjithashtu rreth 85% e ndërmarrjeve e konsiderojnë të përshtatshëm nivelin e tyre të huamarrjes, 7% e konsiderojnë të ulët dhe 8% e konsiderojnë të lartë. Krahasuar me periudhën e kaluar, kërkesa për financim te ndërmarrjet e vogla dhe të mesme ka mbetur e pandryshuar, ndërsa te ato të mëdha ka shënuar rënie.

Krahasuar me periudhën e kaluar, raporti hua/kapital ka shënuar rritje vetëm në sektorin e ndërtimit. /j.p/

The post Rreth 92% e biznesve raportuan fitime gjatë pjesës së parë të vitit appeared first on Agjencia Telegrafike Shqiptare.

Është lansuar platforma AGRO B2B, një hapësirë digjitale e krijuar për të lidhur bizneset dhe për të fuqizuar sektorin bujqësor në Kosovë dhe rajon.

Kjo platformë synon të shërbejë si urë lidhëse për agrobizneset kosovare, duke u mundësuar prodhuesve të prezantojnë produktet e tyre, të bashkëpunojnë me partnerë potencialë dhe të kenë qasje në tregje të reja ndërkombëtare.

Përmes saj, prodhimet vendore fitojnë më shumë dukshmëri dhe shanse për tregti në një treg global që kërkon produkte të sigurta, të gjurmueshme dhe cilësore.

Në ceremoninë e lansimit, fjalët hyrëse i mbajtën:

Naim Krasniqi, Menaxher i Përgjithshëm i Fondacionit AgroDev,

Astrid Wein, Drejtore e Caritas-it Zviceran në Kosovë,

Lulzim Rafuna, Kryetar i Odës Ekonomike të Kosovës,

Zef Dedaj, u.d. Drejtor Ekzekutiv i KIESA-s.

Folësit përgëzuan nismën dhe theksuan rëndësinë e bashkëpunimit për ta bërë platformën funksionale, dinamike dhe të dobishme për komunitetin e agrobizneseve.

Prezantimin për funksionalitetet dhe mundësitë që ofron AGRO B2B e bëri Viola Xhemajli nga Fondacioni AgroDev.

Ngjarja mblodhi përfaqësues të institucioneve, organizatave partnere, shoqatave kombëtare, agrobizneseve, fermerëve liderë, përfaqësues të bankave, institucioneve mikrofinanciare dhe Fondit Kosovar për Garanci Kreditore.

Kjo iniciativë u realizua nga Fondacioni AgroDev Kosovo, me mbështetjen e Programit EREA që implementohet nga Caritas Switzerland in Kosovo dhe financohet nga Bashkëpunimi Austriak për Zhvillim (ADC).

Ministria e Ekonomisë ka bërë një njoftim me rëndësi për bizneset prodhuese dhe përpunuese.

Në njoftim janë dhënë udhëzime paraprake për skemën e granteve për energji të pastër për të ndihmuar bizneset prodhuese dhe përpunuese të përgatiten me kohë.

Aty janë publikuar udhëzimet paraprake që shpjegojnë dokumentacionin dhe kriteret e nevojshme për aplikim.

"Këto udhëzime ju mundësojnë të filloni paraprakisht përgatitjen e dokumenteve, në mënyrë që të jeni gati në momentin kur hapen thirrjet. Skema do të mbështesë investime në këto masa: Sistemet e energjisë solare fotovoltaike për prodhim të energjisë elektrike; Sistemet solare termike për ngrohjen e ujit sanitar; Sistemet e baterive për ruajtjen e energjisë elektrike; Masat e efiçiencës së energjisë në ndërtesat e bizneseve; Pajisjet që ulin konsumin e energjisë në linjat e prodhimit", thuhet në njoftim. /Telegrafi/

Kompania kosovare Ciao Berto mirëpriti në ambientet e saj një delegacion të bizneseve nga Finlanda dhe Suedia, në kuadër të një takimi të veçantë të organizuar nga projekti FEGO, i financuar nga SIDA dhe i implementuar nga Swisscontact, në bashkëpunim me Business Club.

Ky takim u vlerësua si një mundësi e rëndësishme për shkëmbimin e ideve, nxitjen e bashkëpunimeve të reja dhe forcimin e lidhjeve mes tregjeve të Kosovës dhe vendeve nordike.

Nga kompania Ciao Berto u theksua rëndësia e krijimit të partneriteteve ndërkombëtare që sjellin zhvillim, inovacion dhe përfitime të ndërsjella.

“Jemi të lumtur që hapëm dyert tona për partnerë të rinj dhe që u bëmë pjesë e një iniciative që synon rritjen ekonomike përmes bashkëpunimit ndërkombëtar,” thuhet në njoftim. /Telegrafi/

Numri i bizneseve në qarqet e vendit po ndjek zhvillimet e popullsisë. Bizneset e tregtisë u tkurrën në të gjitha qarqet, përveç Durrësit dhe Tiranës në vitin 2024 në krahasim me 2023. Sektori i industrisë po zhvendoset nga qytetet e mëdha në kërkim të kostove të lira, ndërsa bumi turistik nuk e rriti numrin e […]

The post Shpopullimi/ Bizneset në rënie në të gjitha qarqet, turizmi nuk e rriti numrin e hoteleve appeared first on BoldNews.al.

Historia e heshtur e “çeljes dhe lulëzimit”, të një prej aferave ekonomiko-financiare, të familjes “Gonxhe”, më të korruptuar e të paprekshme nga drejtësia… Në vitin 2019, Blendi Gonxhe, i emëruar Drejtor i Shërbimeve të Transportit Rrugor, krijoi strukturën “AUTO-RETRO”, duke e shitur atë si një “ide inovative për mbajtjen gjallë të historisë automobilistike në Shqipëri”. […]

The post Skema e mashtrimit/ Si Familja e Blendi Gonxhes përfiton nga investimet dhe pasuritë e shtetit appeared first on BoldNews.al.

Këtë të enjte 31 Korrik 2025, është afati i fundit që Ministria e Infrastrukturës dhe Energjisë, i ka lënë bizneseve për lirimin e hapësirave të zëna në mënyrë të paligjshme, përgjatë akseve kombëtare.

Pas këtij afati, parashikohen ndëshkime për të gjitha subjektet të cilat kanë refuzuar zbatimin e këtij vendimi.

Një ditë më parë, zv. kryeministrja dhe njëherësh ministrja e Infrastrukturës dhe Energjisë, Belinda Balluku e shoqëruar nga Kryeinspektorja e IKMT, Dallëndyshe Bici dhe drejtori i ARRSH, Gentian Gjyli ishin në aksin rrugor Kamëz-Laç, ku inspektuan ecurinë e aksionit, duke përsëritur edhe një herë thirrjen drejtuar bizneseve që të tregohen bashkëpunues në këtë nismë.

Balluku paralajmëroi se nuk do të ketë asnjë tolerim për asnjë subjekt, duke theksuar se siguria rrugore mbetet një prioritet i vazhdueshëm.

“Kemi informuar një javë më parë, i kemi bërë thirrje të gjithë bizneseve dhe subjekteve që ndodhen në zonat e akseve kombëtare për të marrë masa dhe për të liruar hapësirat, duke qenë se janë shkelur në shumë raste, sidomos në rastin e varrezave të automjeteve, aty ku rrinë automjete të cilat tregtohen për pjesë këmbimi apo edhe për arsye të tjera që sipas një akti normativ të vitit 2011 duhet të qëndrojë 1 kilometër larg rrugës kombëtare”, tha Balluku.

Edhe kryeministri Edi Rama, ka përsëritur thirrjen për lirimin vullnetar të hapësirave, duke theksuar se pas datës 31 korrik, çdo shkelje do të pasohet me penalizime.

“31 Korriku afati i fundit për lirimin vullnetarisht të hapësira nga subjektet e vendosura pranë akseve kombëtare të cilat janë kthyer në rrezik për sigurinë rrugore. Penalizime për të gjithë ata që refuzojnë të zhvendosen”, u shpreh Rama.

The post Sot, afati i fundit që bizneset të lirojnë hapësirat përgjatë akseve kombëtare, qeveria paralajmëron ndëshkim për ata që refuzojnë appeared first on Albeu.com.

Bizneset anëtare të Dhomës së Tregtisë dhe Industrisë së Kosovës kanë paralajmëruar veprime të ashpra nëse Zyra e Rregullatorit të Energjisë nuk tërhiqet nga vendimi për liberalizimin e tregut të energjisë.

Në njoftimin për media bëhet e ditur se bizneset shprehin shqetësim të thellë për mënyrën e njëanshme dhe të papërgatitur me të cilën po zbatohet ky vendim, i cili rrezikon rëndë stabilitetin e tyre financiar dhe vetë ekzistencën e shumë kompanive në vend.

“Nëse ZRRE nuk merr SOT vendim për shtyrjen e menjëhershme të këtij procesi, bizneset do të detyrohen të ndërmarrin masa demokratike dhe ligjore të kundërshtimit, përfshirë protesta të gjera dhe bllokim të aktiviteteve ekonomike. Kërkesat për dialog dhe rishqyrtim janë shpërfillur sistematikisht nga ZRRE, duke e thelluar pasigurinë në treg dhe duke e rritur barrën financiare mbi sektorin privat, që tashmë po përballet me sfida të rënda”, thuhet në njoftim.

Bizneset anëtare të DHTIK paralajmërojnë se përgjegjësia e plotë për çdo pasojë të kësaj krize bie mbi ZRRE-në dhe institucionet që lejojnë zbatimin e këtij vendimi të padrejtë.

“Andaj edhe njëherë kërkojmë pezullimin e menjëhershëm të vendimit dhe përfshirjen e drejtpërdrejtë të komunitetit të biznesit në çdo proces që ndikon në funksionimin e tyre”, thuhet në njoftim. /Telegrafi/

The post Bizneset paralajmëron veprime të ashpra nëse ZRRE nuk tërhiqet nga vendimi për tregun e lirë energjetik appeared first on Telegrafi.

TIRANË, 26 korrik/ATSH/ Në të gjithë vendin po vijon aksioni për lirimin e hapësirave publike nga tavolinat dhe karriget që kanë zaptuar trotuaret dhe ambientet e dedikuara për komunitetin dhe qytetarët.

Kryeministri Edi Rama ndau sot në rrjetet sociale pamje nga disa subjekte që kishin marrë peng hapësirën komunitare.

“3 – 4 subjekte kanë marrë peng tërë hapësirën komunitare dhe pyetja për disa komentatorë që qajnë hallin këtu e gjetkë, se duke rivendosur kufirin mes të drejtës e të paligjshmes në hapësirat publike po goditen kursimet e “popullit”, është e thjeshtë: Kush është populli, këta tre katër guximtarë që kanë zënë tërë lulishten e komunitetit apo familjet, të moshuarit, fëmijët, që jetojnë në pallatet përreth dhe dalin nga shtëpitë përmes shtigjeve të lëna nga bizneset?!”, shkroi Rama.

Kryeministri u shpreh se, “edhe kjo hapësirë edhe çdo hapësirë si kjo, do t’i kthehen komunitetit, ndërsa bizneset do të jenë vlerë e shtuar por pa shkelur kufirin e të drejtës së popullit për të lëvizur e marrë frymë lirisht”.

Lirimi i hapësirave publike shihet si një hap i domosdoshëm për rritjen e shërbimit, funksionalitetit të çdo biznesi dhe sipërmarrjeje në përputhje me standardet kombëtare të mikpritjes dhe shërbimit jo vetëm në zonat turistike, por në çdo cep të Shqipërisë.

Lirimi i hapësirave në qytete dhe plazhet publike në të gjithë vendin, si edhe i hapësirave të përbashkëta mes pallateve, pritet të sjellë më shumë hapësira në shërbim të qytetarëve, si edhe një bashkëjetesë brenda standardeve për të gjithë.

/e.i/ /gj.m/

The post Rama: Çdo hapësirë publike e marrë peng do t’i kthehet komunitetit appeared first on Agjencia Telegrafike Shqiptare.

Partia Demokratike, ka reaguar sërish lidhur me ndërhyrjet e IKMT-së në zonat turistike, duke akuzuar qeverinë për përdorim të dyfishtë të ligjit dhe mbrojtje selektive të ndërtimeve në varësi të lidhjeve me pushtetin.

Në një deklaratë për mediat, zëdhënësja për Antikorrupsionin në PD, Genta Vangjeli, u ndal te shembjet në Theth, ku sipas saj banorët kanë ndërtuar mbi prona private të nxitur nga premtime për legalizim dhe zhvillim të turizmit malor.

Sipas PD-së, reagimi shtetëror ndaj tyre ishte i dhunshëm dhe përjashtues, duke injoruar kontributin e qytetarëve që kishin investuar për jetesën në zonë.

Krahasuar me këtë situatë, PD sjell shembullin e një hoteli në zonën e Currilave, Durrës, për të cilin pretendohet se është në pronësi të familjarit të një drejtori në bashki, që sipas saj nuk është prekur nga asnjë institucion kontrolli.

Partia Demokratike, thekson se ndonëse janë denoncuar prej kohësh raste të ndërtimeve të paligjshme në zona të tjera si Spitallë, Porto Romano dhe Shën Vlash, këto nuk janë bërë objekt hetimi nga SPAK apo IKMT.

Sipas PD-së, ky qasje e pabarabartë përforcon perceptimin se institucionet shtetërore veprojnë në mënyrë selektive, ndërsa qytetarët e zakonshëm ndëshkohen për ndërtimet, në të njëjtat kushte ku të tjerët lejohen të zhvillojnë biznese të mëdha pa pengesa.

Deklarata e zëdhënëses së Antikorrupsionit në PD, Genta Vangjeli:

Partia Demokratike dënon me forcë veprimet arbitrare dhe të padrejta të qeverisë ndaj banorëve të Thethit, të cilët, të nxitur nga premtimet publike të Kryeministrit Edi Rama, për legalizime dhe mbështetje ndaj turizmit malor, ndërtuan me mund dhe sakrificë në pronat e tyre private.

Përgjigjja shtetërore ndaj kësaj iniciative qytetare ishte një akt i dhunshëm, shembja e investimeve dhe mohimi i së drejtës për të zhvilluar jetesën dhe turizmin në zonat malore të Shqipërisë.

Por për të kuptuar më mirë këtë akt të pastër hipokrizie, mjafton të zhvendosemi për pak në Durrës, diku në plazhin e Currilave.

Hoteli që po ndiqni në këto pamje ndodhet në plazhin e Durrësit dhe është në pronësi të familjarit të Ardian Iljazaj me detyrë Drejtor i Shërbimeve në bashkinë Durrës.

Pronari i Hotel Villa Tramonto, me adresë në Durrës dhe në Jonufër Vlorë është Edvald Iljazaj, vëllai i Ardian Iljazaj, Drejtor i Shërbimeve në Bashkinë e Durrësit.

Kujtojmë se Ardian Iljazaj, ish-Drejtor i Zyrës Vendore të Pasurive të Paluajtshme në Durrës, pasi u shkarkua nga Edi Rama live dhe u arrestua nga policia për tjetërsim pronash në Kepin e Rodonit gradohet si Drejtor Shërbimesh në bashkinë e Durrësit.

Ndërkohë, biznesi i familjes së tij lulëzon në mes të Durrësit, pa asnjë shqetësim nga IKMT apo organet e drejtësisë edhe pse ndërtimi është futur pothuaj brenda në det.

Ky është standardi i dyfishtë i qeverisë Rama: qytetarët e zakonshëm, veçanërisht ata që nuk janë të lidhur me pushtetin, përndiqen dhe ndëshkohen: ndërsa klientela e qeverisë mbrohet dhe shpërblehet.

Partia Demokratike ka denoncuar vazhdimisht ndërtimet sidomos së fundmi lejet në këmbim të votave në zona si Spitallë, Porto Romano, Kënetë, Shën Vlash e të tjera në Durrës, por këto raste nuk janë objekt hetimi për SPAK, IKMT apo asnjë institucion tjetër.

Kjo sepse në Shqipërinë e Edi Ramës, ligji aplikohet vetëm kundër qytetarëve që nuk i shërbejnë interesave të tij.

Sepse Edi Rama, shfaqet se është vet ligji, është IKMT, është policia, është prokuroria është SPAK-u është drejtësia, është media, është ekzekutivi.

As nuk mban ndonjë keqardhje as shfaq ndonjë interes për ata qytetarë që kanë investuar jetën e tyre në projekte si ato në Theth, që i kanë ndërtuar me borxhe dhe përkushtim, duke besuar në premtimet e tij boshe.

Në fakt për ne asnjë habi… të gjitha këto i ka paralajmëruar prej kohësh lideri i opozitës professor Doktor Sali Berisha.

Koncepti i Ramës nuk është ai në shërbim të Shqipërisë dhe shqiptarëve, por e kundërta. Kjo është arsyeja pse IKMT nuk shkon në Currilat e Durrësit, ku zaptohen pa frikë plazhet.

The post PD: Standard i dyfishtë në shembjet e ndërtimeve, IKMT nuk prek bizneset e lidhura me pushtetin appeared first on Albeu.com.

Duke filluar nga pasditja e ditës së djeshme, në mbrëmje dhe sot në mëngjes, bizneset raportojnë se nuk po arrijnë dot të dorëzojnë online pasqyrat financiare në Qendrën Kombëtare të Biznesit. Aplikimi bëhet përmes sistemit E-Albania. Kjo është një histori që përsëritet shpesh në ditët e fundit të korrikut, teksa subjektet nxitojnë që të dorëzojnë […]

The post Bie sistemi online i QKB-së në e-Albania, bizneset ankohen se nuk po dorëzojnë dot bilancet appeared first on BoldNews.al.

Ministri i Brendshëm, Ervin Hoxha, së bashku me drejtuesit e IMT-së, Policisë Bashkiake dhe Policisë së Shtetit ka dalë këtë të diel në terren, në disa prej zonave më të populluara të Tiranës, në kuadër të një aksioni të koordinuar për lirimin e hapësirave publike të zëna në mënyrë të paligjshme nga subjekte private. Ky aksion […]

The post Pas ultimatumit të Ramës për të liruar hapësirat publike, ministri i Brendshëm zbret në terren appeared first on BoldNews.al.

Kryeministri Edi Rama, ka denoncuar një tjetër rast të zaptimit të hapësirave publike, konkretisht tek zona e “21 dhjetorit” në Tiranë.

Rama paralajmëron bizneset të lirojnë urgjentisht hapësirat, ndërshe do të përballen me pasojat e ligjit.

Situatë klasike “toke të xanun” në Tiranë, tek 21 Dhjetori – kush nuk do t’i tërheqë vetë nga hapësira publike e përbashkët barrikadat që u ka ngritur njerëzve me gjithëfarësoj objektesh, që nga tavolinat dhe frigoriferët në trotuarë e deri tek muret apo trarët e “doganave” rreth pallateve, do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cënim të shëndetit e sigurisë fizike së qytetarëve dhe me radhë…

Koha për t’u bërë bashkë që të gjithë në emër të bashkëjetesës në të njëjtën lagje; shumica duke marrë mbrapsht atë që i takon dhe pakica duke kthyer mbrapsht atë që nuk i takon!

The post Tokë e xanun tek “21 Dhjetori”/ Paralajmërimi i Ramës për bizneset: Hiqni barrikadat dhe lironi trotuaret, ndryshe… appeared first on Albeu.com.