TIRANË, 20 dhjetor/ATSH/ Drejtoresha e Përgjithshme e Radio Televizionit Shqiptar, Eni Vasili, e cilësoi Festivalin e Këngës së RTSH-së, si një shtyllë të identitetit kulturor që ka mbijetuar përtej sistemeve politike.

Në fjalën e saj përshëndetëse, në natën e tretë të Festivalit të RTSH-së, Vasili tha se “në këtë festival ka ndodhur ajo që politika do të kishte dashur shumë ta realizonte: shqiptarët nga e gjithë bota të mblidheshin në Tiranë, në qendrën e shqiptarisë. Ky festival do të jetojë gjatë”.

“Këtu ka ndodhur diçka që nuk ka ndodhur askund tjetër: shqiptarët janë bashkuar. Nga të gjitha trevat, ata kanë ardhur, kanë kënduar, kanë garuar dhe kanë qenë bashkë”, tha Vasili.

Ndryshe nga vitet e tjera, Çmimi i Karrierës këtë edicion nuk shkoi për një individ, por për një organizëm të tërë si Orkestra Simfonike të RTSH-së.

Eni Vasili e cilësoi orkestrën si “xhevahirin në kurorën e çdo festivali”, pa të cilën ky event nuk do të ishte i mundur.

Çmimi u tërhoq nga drejtoresha e Orkestrës, Blerta Ristani, e cila tha se “artistët e kësaj orkestre bëjnë profesionin më të bukur në botë. Kjo është magjia e të bërit muzikë së bashku”.

Nata e tretë e Festivalit të Këngës, u mbajt mbrëmjen e kaluar mes hiteve të nostalgjisë që u interpretuan nga artistë të ndryshëm në skenën e Pallatit të Kongreseve.

/e.i/a.f/

The post Eni Vasili i jep Orkestrës së RTSH-së “Çmimin e Karrierës”: Xhevahir në kurorën e çdo festivali appeared first on Agjencia Telegrafike Shqiptare.

Drejtoresha e Përgjithshme e Radio Televizionit Shqiptar, Eni Vasili, përcolli një mesazh të fortë dhe emocionues gjatë Fest 64, duke e cilësuar Festivalin e Këngës jo vetëm si një ngjarje artistike, por si një shtyllë të identitetit kulturor shqiptar.

Vasili u shpreh se ishte e lumtur të ishte në skenë jo vetëm në cilësinë e drejtoreshës së RTSH-së, por edhe si pjesë e një brezi të formuar artistikisht nga këngëtarët, kompozitorët dhe tekstshkruesit që kanë ndërtuar historinë e këtij festivali ndër vite.

“Jam shumë e lumtur të jem sot në skenë, jo vetëm si drejtoreshë e RTSH-së, por edhe si një produkt kulturor i një brezi që ka formësuar shijet muzikore përmes këngëtarëve, kompozitorëve dhe tekstshkruesve të këtij festivali. Ky është Festivali i 64-t i Këngës në RTSH. Plot 64 vite histori. Edhe pse ka kaluar përmes ndryshimeve të sistemeve, ky festival ka ditur të krijojë art si në kohë censure, ashtu edhe në kohë lirie, gjithmonë përmes tingujve”, theksoi Vasili, duke kujtuar momentet historike kur kjo skenë ka pasqyruar lëvizjet kulturore botërore dhe dëshirën e shqiptarëve për t’u ndjerë pjesë e Evropës”, tha Eni Vasili.

Drejtoresha e RTSH-së përmendi vitin 1972 si një pikë kthese, kur Festivali i Këngës shënoi jo vetëm një revolucion kulturor, por edhe një ndryshim të rëndësishëm shoqëror. Ajo shtoi se edhe në vitet ’90, festivali u bë pasqyrë e frymës së re muzikore, duke sjellë në skenë zhanre si pop dhe rock, në harmoni me skenat perëndimore.

“Në fakt, në këtë festival shqiptarët kanë pasur mundësinë të takojnë lëvizjet kulturore botërore. Mjafton të kujtojmë vitin 1972, kur një festival realizoi jo vetëm një revolucion kulturor, por edhe politik. Pikërisht në këtë skenë shqiptarët kënduan dëshirën e tyre për ta parë Shqipërinë si gjithë Europa”, tha Vasili.

Sipas Vasilit, kjo skenë ka qenë edhe vendi ku janë kënduar dhimbjet kombëtare, eksodi, padrejtësitë historike, por mbi të gjitha ka qenë hapësira ku shqiptarët janë bashkuar më shumë se kudo tjetër.

“Kjo dëshirë u pasqyrua sërish në vitet ’90, kur në këtë festival u këndua pop, rock, ashtu si në të gjitha skenat perëndimore. Në këtë festival kemi kënduar edhe dhimbjet kombëtare, eksodin e madh, padrejtësitë historike. Por mbi të gjitha, këtu ka ndodhur diçka që nuk ka ndodhur askund tjetër: shqiptarët janë bashkuar. Nga të gjitha trevat, ata kanë ardhur, kanë kënduar, kanë garuar, kanë fituar dhe kanë qenë bashkë.

Ndoshta në këtë festival ka ndodhur ajo që politika do të kishte dashur shumë ta realizonte: shqiptarët nga e gjithë bota të mblidheshin në Tiranë, në qendrën e shqiptarisë. Ky festival do të jetojë gjatë. Historia na mëson se organizime të tilla janë mekanizma mbijetese, për të krijuar bashkësi, identitet kulturor dhe për të qenë gjithmonë bashkë përmes gëzimit. Dhe ky festival i mishëron të gjitha këto” u shpreh ajo.

Në përmbyllje, Vasili theksoi se Festivali i Këngës është një mekanizëm mbijetese kulturore, që krijon identitet, bashkësi dhe gëzim. Ajo falënderoi të gjithë artistët dhe stafin e RTSH-së që kanë mbajtur gjallë këtë institucion kulturor për 64 vite, duke u drejtuar me një mesazh mirënjohjeje.

“Në Fest 64 dua të falënderoj të gjithë artistët dhe armatën e madhe të njerëzve që e kanë mbajtur këtë institucion kulturor për 64 vite. Faleminderit të gjithëve që i keni folur dhe i flisni shpirtit”, tha Vasili.

The post 64 vite Festival i Këngës/ Drejtoresha e RTSH, Eni Vasili: Skena e identitet tonë kulturor që ka bashkuar shqiptarët përmes tingujve, sistemeve dhe kufijve appeared first on Albeu.com.

TIRANË, 17 nëntor/ATSH/ Drejtoresha e Radiotelevizionit Shqiptar, Eni Vasili kërkoi sot nga Komisioni për të Drejtat e Njeriut dhe Mjetet e Informimit Publik një fond shtesë prej 90 milionë lekësh të buxhetit për këtë institucion për vitin 2026.

Në seancë dëgjimore me Këshillin Drejtues të Radiotelevizionit Shqiptar ku po shqyrtohet projektligji “Për buxhetin e vitit 2026″, Vasili tha se Ministria e Financave ka parashikuar për vitin 2026 një buxhet me vlerë 319 milionë lekë, ndërkohë që nevoja reale, sipas saj, është 409 milionë lekë, kërkesa jonë për fond shtesë është 90 milionë lekë”.

Vasili deklaroi se në realizimin e buxhetit 2025 (janar–tetor), totali i shpenzimeve nga financimi buxhetor është realizuar në masën 80%, ndërsa fondi për prodhimet filmike është realizuar vetëm 14%.

Por, sipas saj, kjo do të përmbyllet plotësisht deri në fund të vitit, pasi muaji në vijim mbulon ngjarjet kryesore si Festivali i 64-t i Këngës në RTSH, Junior Song dhe programet e fundvitit.

Drejtoresha e Përgjithshme e RTSH shtoi ndërkaq se fondi për orkestrën simfonike, kinematografinë dhe projektet teknike pritet të shpenzohet në nëntor–dhjetor, ndërsa fondi investues prej 100 milion lekësh për 2025 është plotësisht i planifikuar dhe me procedura të mbyllura.

“Projektbuxheti 2026- totali i financimit është parashikuar në vlerën 890 milionë lekë pothuaj aq sa ishte fondi për vitin 2025. Rritja prej 44 milionë lekë për 2026 më shumë se në 2025 për Orkestrën Simfonike të RTSH dhe kinematografisë është rrjedhojë e rritjes së pagave për orkestrën simfonike në tetor 2025. Për programin shërbimi për shqiptarët jashtë kufirit dhe shërbimi për publikun në gjuhë të huaj ka rritje prej 5 milionë lekë në 2026. Ndërsa është ulur fondi i investime, 50 milionë lekë më pak se 2025″, theksoi Vasili.

Vasili u shpreh se “të ardhurat maksimale nuk shkojnë më shumë se 2.2 miliardë lekë, struktura e të ardhurave është kjo; 59% tarifa e aparatit transmetues, 32% financim nga buxheti i shtetit, 9% të ardhura të tjera nga reklama, qira, sponsorizime”.

Ajo theksoi se tarifa e aparatit transmetues nuk është indeksuar prej 10 vitesh, ndërkohë që kostot operative janë rritur ndjeshëm.

Sipas drejtueses së RTSH-së, arsyeja kryesore është se institucioni nuk mund t’i mbulojë më kostot me të ardhurat aktuale, sikurse: rritja e kostove operative, nevoja për modernizim dhe digjitalizim të teknologjive, rritja e kërkesës për përmbajtje digjitale dhe ndërkombëtare, nevoja për bashkëprodhime artistike dhe filmike, shpenzime kapitale që nuk mbulohen dot vetëm nga të ardhurat e RTSH-së.

Drejtoresha e RTSH-së tha se “kemi disa objektiva strategjikë. Për ne është shumë i rëndësishëm krijimi i rrjetit të korrespondentëve në 10 vende kryesore të diasporës, hapja e zyrës së RTSH pranë Parlamentit Europian në Bruksel, zgjerimi i redaksive të huaja, krijimi i portalit multimedial shumëgjuhësh, rivendosja e platformës OTT, rritja me 5% e pagave nga 86.200 lekë në 90.500 në 2026, flasim për pagën mesatare, rritja e kostove të transmetimeve satelitore dhe shërbimeve teknike”.

Kryetari i Këshillit të Radiotelevizionit Shqiptar, Fatjon Hoxhalli, theksoi se “sot sezoni i iri televiziv është nisur në tërësinë e tij, ndërsa procesi i uljes së borxheve vijon me shumë kujdes”.

“Me mbështetje shtesë nga ana e buxhetit kjo kthesë pozitive financiare mund të përshpejtohet duke i hapur rrugë investimeve në teknologji dhe trajtimeve të punonjësve me paga më të mira. Gjatë kësaj periudhe angazhimi i stafit të televizionit ka qenë i orientuar në dy drejtime kryesore. Së pari garantimi i funksionimit normal të institucionit dhe menaxhimi i situatës financiare. Së dyti përgatitjen për procesin e transformimit institucional në bashkëpunim më EB, puna e të cilëve nis zyrtarisht nesër në zyrat e RTSH. Kemi marrë masa që asnjë nga proceset e mësipërme të mos ndërhyjë në pengimin e tjetrit. Projekt buxheti për vitin 2026 është hartuar në përputhje më programin buxhetor afatmesëm 2026-2028”, tha Hoxhalli.

Seancë dëgjimore me Këshillin Drejtues të RTSH në Komisionin e Mjeteve te Informimit Publik

1 nga 3

/k.s/j.p/

The post Vasili: Objektiv, rritje e pagave dhe hapja e zyrës së RTSH-së pranë PE-së appeared first on Agjencia Telegrafike Shqiptare.

Aktori dhe ish-banori i “Big Brother VIP Albania”, Laert Vasili, është rikthyer sërish në vëmendjen e publikut, këtë herë si pjesë e panelit të opinionistëve në emisionin “Për’puthen”. Që në paraqitjet e para, ai ka tërhequr vëmendje për mënyrën e drejtpërdrejtë të të shprehurit dhe për debatet që ka ndezur në studio.

Në një prej episodeve të fundit, diskutimi mes konkurrentëve për lidhjet që krijohen dhe shuhen me shpejtësi u kthye në pikënisje për një debat të fortë mbi martesën. Vasili theksoi se martesa nuk është një hap që duhet ndërmarrë nga impulsiviteti apo si pjesë e një mode, por një vendim që kërkon përgjegjësi dhe pjekuri.

Qëndrimi i tij ngjalli reagime të ndryshme në panel: disa e përkrahën duke theksuar se sot shumë marrëdhënie lindin pa themel të fortë emocional, ndërsa të tjerë argumentuan se qëndrimi në një martesë “vetëm sepse duhet” mund të jetë po aq i dëmshëm për partnerët.

Pavarësisht debateve, ajo që spikati ishte mënyra e prerë dhe e vendosur me të cilën Vasili mbrojti rëndësinë dhe seriozitetin e martesës, duke theksuar se ndjenjat nuk duhen trajtuar si çështje momentesh kalimtare.

“Nëse burri është burrë, martesa nuk është të luash. Nuk martohesh sot për t’u penduar nesër. Nuk më pëlqen ideja ‘po martohem, pastaj shohim’. Ku shkojmë kështu? Të lësh fëmijët, të gjesh një tjetër rrugëve… këto janë marrëzi. Martesa është e shenjtë dhe kërkon përgjegjësi.

Kur zgjedh partnerin e jetës, duhet ta dish pse. Duhet ta shohësh të ardhmen, jo vetëm të tashmen. Martesa nuk mbahet me dëshira të ditës. Mbahet me punë, përkushtim dhe respekt.”-u shpreh Vasili.

The post Aktori ende i pamartuar, Laert Vasili zbulon arsyen, deklarata e fortë në studio appeared first on Albeu.com.

Laert Vasili, një nga figurat më të komentuara pas daljes nga “Big Brother VIP Albania”, tashmë është bërë pjesë e panelit të opinionistëve në “Për’puthen”. Me stilin e tij të prerë dhe qëndrime, ai ka sjellë debat të menjëhershëm në studio, veçanërisht kur ka prekur temën e martesës dhe përgjegjësisë brenda saj.

Gjatë një diskutimi mes konkurrentëve, ku u fol për krijimin e lidhjeve të shpejta dhe prishjen po aq të shpejtë të tyre, Laerti ndërhyri duke theksuar se martesa nuk duhet parë thjesht si një hap romantik apo trend i moshës, por si një vendim me peshë.

“Nëse burri është burrë, martesa nuk është me luajt. Nuk martohesh sot për t’u penduar nesër. Nuk më pëlqen ideja ‘po martohem, pastaj shohim’. Ku shkojmë kështu? Të lësh fëmijët, të gjesh një tjetër rrugëve… këto janë marrëzi. Martesa është e shenjtë dhe kërkon përgjegjësi.”

Deklarata e tij u prit me reagime të ndryshme. Një pjesë e panelit e mbështeti duke theksuar se sot lidhen shumë marrëdhënie të shpejta, pa baza dhe pa përkushtim. Ndërsa një pjesë tjetër argumentoi se të qëndrosh në një martesë vetëm “sepse duhet” mund të sjellë dëme më të mëdha emocionale për të dy partnerët.

Megjithatë, ajo që ra më shumë në sy ishte mënyra e prerë e Laertit në mbrojtjen e vlerës së martesës. Ai theksoi se sipas tij, lidhjet dhe ndjenjat nuk janë thjesht çështje momentesh:

“Kur zgjidh partnerin e jetës, duhet ta dish pse. Duhet ta shohësh të ardhmen, jo vetëm të tashmen. Martesa nuk mbahet me dëshira të ditës. Mbahet me punë, përkushtim dhe respekt.”

The post Ende nuk është martuar, Laert Vasili zbulon arsyen appeared first on iconstyle.al.

Finalisti i edicionit të fundit të “Big Brother VIP Albania”, Laert Vasili, tashmë është bërë pjesë e stafit të opinionistëve në emisionin e njohur të dashurisë, “Për’puthen”.

Gjatë një prej debateve me konkurrentët, Laerti vendosi të ndalet tek një temë kyçe në marrëdhëniet romantike: rëndësia e martesës

Në studio, ai tregoi qartë se për të, martesa nuk është diçka që merret lehtë apo trajtohet si lojë.
Laerti zbuloi se pse vetë nuk është martuar deri më sot, duke argumentuar se barra dhe përgjegjësia e një martese kërkon seriozitet absolut.
Ai u shpreh: “Në qoftë se burri është burrë, martesa nuk është… me lujt nëpër kallamishte. Këtu ke një njeri që nuk është martuar për këtë arsye. S’jam martuar sepse nuk më pëlqen të marr divorc pastaj, më kupton? Të lë fëmijët rrugëve, të gjej një tjetër aty, hajde pas kangjellave… budallallëqe të tilla. Martesa është e shenjtë”.

Fjalët e tij ngjallën reagime në studio, veçanërisht mes konkurrentëve që shpesh shihen duke krijuar lidhje të shpejta brenda programit.

Me stilin e tij të drejtpërdrejtë dhe shpesh provokues, Laerti solli një perspektivë më të matur dhe tradicionale mbi martesën, duke i kujtuar të rinjtë se lidhjet serioze kërkojnë përkushtim dhe përgjegjësi — jo impulsivitet.

Me praninë e tij në “Për’puthen”, pritet që Laerti të vazhdojë të sjellë debate të forta dhe diskutime të sinqerta, duke e bërë emisionin edhe më dinamik dhe të ndjekur.

The post Pse nuk u martua asnjëherë? Laert Vasili zbulon arsyen appeared first on Albeu.com.

Finalisti i edicionit të fundit të “Big Brother VIP Albania”, Laert Vasili, tashmë është bërë pjesë e stafit të opinionistëve në emisionin e njohur të dashurisë, “Për’puthen”.

Gjatë një prej debateve me konkurrentët, Laerti vendosi të ndalet tek një temë kyçe në marrëdhëniet romantike: rëndësia e martesës

Në studio, ai tregoi qartë se për të, martesa nuk është diçka që merret lehtë apo trajtohet si lojë.
Laerti zbuloi se pse vetë nuk është martuar deri më sot, duke argumentuar se barra dhe përgjegjësia e një martese kërkon seriozitet absolut.

Ai u shpreh: “Në qoftë se burri është burrë, martesa nuk është… me lujt nëpër kallamishte. Këtu ke një njeri që nuk është martuar për këtë arsye. S’jam martuar sepse nuk më pëlqen të marr divorc pastaj, më kupton? Të lë fëmijët rrugëve, të gjej një tjetër aty, hajde pas kangjellave… budallallëqe të tilla. Martesa është e shenjtë”.

Fjalët e tij ngjallën reagime në studio, veçanërisht mes konkurrentëve që shpesh shihen duke krijuar lidhje të shpejta brenda programit.

Me stilin e tij të drejtpërdrejtë dhe shpesh provokues, Laerti solli një perspektivë më të matur dhe tradicionale mbi martesën, duke i kujtuar të rinjtë se lidhjet serioze kërkojnë përkushtim dhe përgjegjësi — jo impulsivitet.

Me praninë e tij në “Për’puthen”, pritet që Laerti të vazhdojë të sjellë debate të forta dhe diskutime të sinqerta, duke e bërë emisionin edhe më dinamik dhe të ndjekur. /Telegrafi/

Ish-banori i “Big Brother VIP”, G Bani, ka folur hapur për raportin e tij me aktorin e njohur Laert Vasilin, me të cilin ndau shtëpinë më të famshme në Shqipëri. Në një sesion pyetjesh e përgjigjesh në Instagram, një ndjekës e pyeti nëse ka pasur kontakt me Laertin pas përfundimit të spektaklit.

Përgjigjja e G Banit ishte e drejtpërdrejtë dhe me tone ironike:

“Jo. Te after party kaloi dhe nuk foli. Te premiera e filmit po ashtu. Është intelektual çuni, opinionist te Për’puthen dhe te Top Story, jo do si do. Pak delirant, po media kështu i don.”

Me këtë deklaratë, G Bani la të kuptohet se marrëdhëniet e tyre nuk janë aspak të afërta, ndonëse të dy janë pjesë e botës së televizionit dhe shpesh ftohen në evente të përbashkëta.

Duke e përshkruar Laertin si një person “intelektual dhe opinionist”, G Bani nuk kurseu as një thumb, duke nënvizuar se ai është “pak deliran”, por se kjo është pikërisht ajo që kërkon media, personazhe që ngjallin debat dhe që tërheqin vëmendjen e publikut.

Kujtojmë se pas “Big Brother Vip Albania”, aktori i njohur Laert Vasili nisi një eksperiencë të re në emisionin “Përputhen”, aty ku është në rolin e opinionistit.

The post G Bani tregon marrëdhënien me Laertin pas “Big Brother VIP” appeared first on iconstyle.al.

Këshilli Drejtues i Radio Televizionit Shqiptar dhe deputetët e Komisionit për të Drejtat e Njeriut dhe Mjetet e Informimit Publik ritheksuan gjendjen e keqe në të cilën ndodhet transmetuesi publik. Drejtuesit e rinj premtuan transformim me ndihmën e EBU-së. Mbi 380 milionë lekë borxhe e penalitete në gjyqe të humbura, mungesë programesh origjinale, kufizim në […]

The post BIRN: Dëgjesa në Kuvend kthehet në vajtim për televizionin publik appeared first on BoldNews.al.

Mbi 380 milionë lekë borxhe e penalitete në gjyqe të humbura, mungesë programesh origjinale, kufizim në përhapjen gjeografike, shikueshmëri të ulët dhe një institucion i vjetruar dhe i keqmenaxhuar. Kjo është çka u prezantua nga Këshilli Drejtues i Radio Televizionit Shqiptar të martën në raportin vjetor të gjendjes së transmetuesit publik para Komisionit për të […]

The post Dëgjesa në Kuvend kthehet në vajtim për televizionin publik appeared first on Reporter.al.

Vera Camaj ka denoncuar me video pranë OSCE Albania se prona që i përket familjes së saj prej 500 vitesh po tentohet të grabitet nga dhëndri i Kujtim Qefalisë, Aleksandër Vasili. Ajo tregon se 18 mijë metra ullishte që i përkasin asaj po tentohen të grabiten nga Aleksandër Vasili për të cilin shprehet se ka […]

The post VIDEO/ Dhëndri i Kujtim Qefalisë kërcënon qytetaren dhe tenton ti grabisë pronën: Ke 72 orë jetë appeared first on BoldNews.al.

Një shofer i linjës ndërkombëtare Sarandë-Athinë është dënuar nga Gjykata e Sarandës me 3 vjet e 4 muaj burg, pasi u kap një vit më parë me 3.4 gram kokainë në pikën e kalimit kufitar Qafë-Botë. Bëhet fjalë për 52-vjeçarin Vasillaq Vasili, i cili ndodhet në paraburgim që nga 18 nëntori 2024. Sipas dosjes hetimore, […]

The post U kap me kokainë, dënohet me 3 vjet e 4 muaj burg shoferi i linjës Sarandë-Athinë appeared first on BoldNews.al.

Në raportin e dorëzuar në Kuvend për vitin 2024, Radio Televizioni Shqiptar, RTSH paraqet një një situatë të zymtë financiare dhe programative, të shkaktuar nga vendimet gjyqësore për shkarkime të padrejta nga puna si dhe mosrealizim të fondit për prodhime të pavarura. Raporti thekson televizioni publik po përballet me një barrë të rëndë financiare si […]

The post RTSH ekspozon në Kuvend krizën financiare appeared first on BoldNews.al.

Në raportin e dorëzuar në Kuvend për vitin 2024, Radio Televizioni Shqiptar, RTSH paraqet një një situatë të zymtë financiare dhe programative, të shkaktuar nga vendimet gjyqësore për shkarkime të padrejta nga puna si dhe mosrealizim të fondit për prodhime të pavarura. Raporti thekson televizioni publik po përballet me një barrë të rëndë financiare si […]

The post RTSH ekspozon në Kuvend krizën financiare appeared first on Reporter.al.

Dhimbja për humbjen e vëllait të Gjestit ka prekur thellë miqtë dhe kolegët e tij nga bota e muzikës, televizionit dhe ish-banorët e reality show-ve ku ai ka marrë pjesë.

Përveç reagimeve të shumta të publikuara më herët, edhe disa figura të tjera publike kanë ndarë fjalë të ngrohta ngushëllimi.

Gerta Gixhari, ish-banore e Big Brother VIP Albania në të njëjtin edicion me Gjestin, ka treguar dhimbjen e saj duke theksuar se nuk ka fjalë që mund ta lehtësojnë një fatkeqësi të tillë.

Ajo i shprehu ngushëllimet më të sinqerta familjes Kelmendi dhe uroi që Zoti t’i japë forcë në këto momente kaq të rënda.

Edhe Kida, këngëtarja e njohur, reagoi përmes një postimi ku shkroi se kjo humbje është e rëndë dhe e vështirë, duke i uruar qetësi dhe forcë Gjestit dhe familjes së tij për të përballuar këtë tragjedi.

Një tjetër reagim erdhi nga Laert Vasili, i cili gjithashtu ishte pjesë e Big Brother VIP Albania. Ai ndau një video emocionuese me Gjestin, duke i shprehur ngushëllime për humbjen e madhe dhe duke e inkurajuar që të gjejë forcë.

Neda Balluku, opinioniste e edicionit të fundit të Big Brother VIP Albania, publikoi një mesazh prekës ku theksoi se kurrë nuk do të donte të shkruante fjalë të tilla për dikë, aq më pak për Gjestin. Ajo u lut që Zoti ta lehtësojë dhimbjen e familjes dhe të prekurve nga kjo tragjedi.

Reagim të fortë dha edhe Rovena Stefa, këngëtare dhe ish-banore e Big Brother VIP Kosova në të njëjtin edicion me Gjestin.

Ajo u shpreh thellësisht e tronditur, duke thënë se ky lajm i ka thyer zemrën dhe e konsideroi humbjen si një kob të madh për familjen Kelmendi. /Telegrafi/

Lajmi i hidhur për ndarjen nga jeta të vëllait të Besart Kelmendit ka tronditur opinionin publik dhe miqtë e tij të shumtë. Aktori Laert Vasili ka reaguar me një mesazh ngushëllimi, duke i shprehur solidaritetin dhe dhimbjen e tij për këtë humbje të papritur.

“Ndarja nga jeta e vëllait të Besartit, në një moshë kaq të hershme, na ka tronditur të gjithëve. I shpreh ngushëllimet e mia më të sinqerta Besartit dhe familjes Kelmendi për këtë humbje të madhe e të papritur,” – shkruan Vasili në një postim në rrjetet sociale.

Në video shfaqet momenti ku Vasili e përqafon dhe e puth në ballë Besartin, duke i dhënë mbështetje morale në këto ditë të vështira.

Si ndodhi aksidenti?

Aksidenti i rëndë ndodhi në fshatin Qungur në komunën e Pejës pasditen e sotme, ku si pasojë ka humbur jetën Eldion Kelmendi, vëllai i reperit të njohur nga Peja, Gjesti dhe nje tjeter mbeti i plagosur.

Mësohet se i riu ka ndërruar jetë në vendngjarje. Aksidenti ndodhi rreth orës 14:00, kur një veturë është përplasur me një motor. Po ashtu, është raportuar se një tjetër banor i fshatit me iniciale K.B është lënduar rëndë dhe aktualisht ndodhet në trajtim në spitalin e Pejës. Banorët e zonës prej të cilëve u mësuan detajet kanë shprehur ngushëllimet e tyre dhe kanë kërkuar që të zbardhen sa më parë rrethanat e aksidentit.

Hetimet janë në vazhdim. Po ashtu ende nuk kemi një reagim nga reperi Gjesti, i cili ka qenë fituesi i edicionit të shkuar të Big Brother VIP Albania, aty ku tregoi edhe lidhjen e veçantë që kishte me vëllain e tij.

The post Laert Vasili ngushëllon Gjestin për humbjen e vëllait të tij: Zoti të dhëntë forcë appeared first on iconstyle.al.

Dasma e djalit të ish-kryeparlamentares Jozefina Topalli, Genar Topalli me modelen Cindy Marina, ka bërë që të ketë reagime të shumta.

E kjo u diskutua edhe në programin “Top Story” të Grida Dumës, ku të ftuar kanë qenë: Armand Peza, Laert Vasili e gazetari Ronaldo Sharka.

Të njëjtit kanë diskutuar për detajet, raportimet se dasma kushtoi 500 mijë euro dhe përse nuk u realizua në Shqipëri.

Foto: Screenshot/YouTube

Biseda në studio:

Laert Vasili: Ata të trashëgohen se në dasëm dhe në vaki ne dimë t’i qëndrojmë në krah njeri tjetrit. Të ishte në rregull ajo parti, ju zonja Duma nuk do jepnit dorëheqjen. është një propagandë këtu e 15 vjet që “nuk mbushet shporta, por papritur hapet Roma”. Kjo vërteton edhe njëherë se dashuria më vetëmohuese është e nënës për të birin. Nëse është fatura 500 mijë euro, do të doja kush e bëri këtë llogari. Sa merremi pse nuk fiton zgjedhjet PD, si do shkojnë në zgjedhjet e tjera? Na mbështesni ne se do heqim hajdutët? Si, me 500 mijë euro në Romë? Po të doni për shqiptari, aty nuk kishte as çifteli dhe as kostume popullore shqiptare.

Armand Peza: Nuk kam asnjë njohje personale me familjen Topalli, as me zonjën as me zotërinë. Madje unë votoj majtas. I kam organizuar festën e vajzës dy vjet më parë me rekomandimin tim në Shkodër. Ka qenë një gjë modeste sepse ashtu e deshën. Askush nuk u ngrit të bënte këtë zhurmë që po bëjmë sot. Festa ishte e përbashkët. U organizua në mënyrë të tillë me dëshirën e vajzës. Çdo vajzë do të jetë një princeshë atë ditë. Isha i ftuar në atë festë. Mu desh të bëja një llogaritje sepse në kriteret tona është që ti duhet ti çosh dhuratë çiftit diçka më shumë se sa po konsumon. Nuk doja të isha i ekzagjeruar dhe as inferior. Menuja ku kanë bërë festën është 160 euro për person. Menutë në Shqipëri fillojnë nga 3500 lekë dhe shkojnë deri në 280 euro për person. 230 të ftuar me 160 euro për person, shkon diku te 32800 euro. Edhe njëherë sa kjo për vanitetet, dekoret dhe një herë tjetër sa kjo shifër për shpenzimet e udhëtimeve, veshjeve. Po ta llogarisësh nuk është ndonjë vlerë që nuk përballohet nga binzesmenët shqiptarë. Cindy e ka kërkuar kështu dasmën, ia kanë paguar prindërit e saj. I ati ka një flotë me 100 mjete transporti. E ëma ka një perandori, ka 120 trajnerë që trajnojnë me mijëra fëmijë.

Grida Duma: Ti ke parë një dasëm të tillë politikanësh në ndonjë vend tjetër evropian për të thënë që pse shqiptarët reagojnë kështu? Ne nuk mund të themi ç’pati populli që reagoi?.

Armand Peza: Kur thua që kjo dasëm kushtoi 500 mijë euro, njerëzit thonë “ku jemi”.

Renaldo Sharka: Çështja është ku duam ta çojmë këtë çështje te romanca Eva, Cindy dhe Genari apo te fakti që politikanët shqiptarë thjesht diskutohen për luksin e tyre. Futen me veshje shumë të thjeshta dhe dalin me veshje shumë të shtrenjta. Unë e quaj llastim të djalit të Jozefinës këtë dasmë. Nuk kanë qenë 500 mijë euro por 200 mijë, nuk është ky debati. Pse nuk u bë kjo ceremoni në Shkodër?.

Armand Peza: Dasmën e vajzës e bëri siç e deshët ju.

Laert Vasili: Kush ju? ç’është ky patetizëm?.

Armand Peza: Ju pra që thoni ‘të shkojë në Shkodër’.

Laert Vasili: Edhe unë ditëlindjen e bëra në Big Brother. Aty do ndalojmë tani? është komplet jashtë teme. /Telegrafi/

- YouTube www.youtube.com

Radiotelevizioni Shqiptar vijon të përballet me një stuhi akuzash dhe kritika të shumta publike. Pas denoncimit publik të gazetares Kozeta Kurti për projekte të papaguara prej muajsh dhe konfirmimit nga moderatori Florian Agalliu se edhe ekipi i tij është në pritje të shpërblimeve, në dritë kanë dalë edhe dokumente që tregojnë se si është abuzuar me fondet e RTSH-s edhe me kostumet e kërkuara për drejtuesit e emisioneve.

Sipas Albanian Post, fondet e RTSH-së janë përdorur për kostume që arrijnë deri në 1 mijë euro, këmisha prej 250 eurosh dhe shami xhaketash deri në 50 euro copa. Porositë, të kryera pranë stilistit Altin Mici, shfaqen në tabela të brendshme, por pa një kontratë të mirëfilltë që të justifikojë faturimet.

Ky kontrast mes luksit dhe vonesave të pagave ka shkaktuar indinjatë të gjerë, duke rritur presionin mbi drejtuesit aktualë të RTSH-së. Në mes të kësaj situate, drejtoresha Eni Vasili ka reaguar duke falënderuar gazetarët dhe moderatorët për mirëkuptimin, por edhe duke theksuar se menaxhmenti i ri është përballur me “një situatë katastrofike borxhesh dhe detyrimesh” të trashëguara nga e kaluara.

“Sigurisht, nuk është përgjegjësia e tyre që iu premtuan projekte që nuk mund të paguheshin, por kjo nuk e bën menaxhmentin e ri fajtor”, tha Vasili pak ditë më parë.

Ky është një tjetër shembull i abuzimeve që kanë ndodhur në RTSH, të cilat e kanë çuar institucionin kryesor mediatik në një situatë kritike, për shkak të pakujdesisë në menaxhimin e fondeve, deri edhe për garderoba me çmime jashtë normales.

The post Kostume deri në 1000 euro te Altin Mici: RTSH mes akuzave për abuzime luksi dhe krizës financiare, moderatorët pa paga appeared first on iconstyle.al.

Kur Eni Vasili mori drejtimin e Radio Televizionit Shqiptar në fund të prillit 2025, të gjithë e dinin se institucioni kishte probleme serioze me funksionimin e brendshëm dhe strukturën në tërësi, ashtu si edhe probleme të caktuara financiare. Por, pakkush mund ta pandehte se transmetuesi publik në vend, ishte kthyer në një “gropë thithëse” të […]

The post Borxhet e RTSH-së/ Nga Beniada te Kozeta Kurti e Nazarko, sa paguheshin “VIP-at” (FATURAT) appeared first on BoldNews.al.

Radio Televizioni Shqiptar ndodhet përballë një prej krizave më të mëdha financiare në historinë e tij, duke rrezikuar seriozisht pjesëmarrjen e Shqipërisë në Festivalin Europian të Këngës. Eni Vasili, drejtoresha e re e RTSH-së që nga 9 prilli, pranoi për BIRN se ekziston një “situatë katastrofike borxhesh dhe detyrimesh”. Ajo tha se menaxhmenti i ri “po bën më të mirën për të menaxhuar situatën”.

“Falënderoj të gjithë gazetarët, autorët dhe moderatorët e projekteve të mars-qershorit 2025 për mirëkuptimin lidhur me vonesat në pagesat e RTSH-së. Sigurisht, nuk është përgjegjësia e tyre që iu premtuan projekte që nuk mund të paguheshin, por kjo nuk e bën menaxhmentin e ri përgjegjës, i cili është përballur me një situatë katastrofike borxhesh dhe detyrimesh dhe po përpiqet të bëjë më të mirën për ta menaxhuar atë”, tha Vasili për BIRN.

Ajo shtoi se aktualisht ka një “prioritizim të pagesave”, pasi detyrime të rëndësishme i detyrohen Unionit Evropian të Transmetimeve, EBU, lidhur me festivalin e Eurovizionit.

“Sigurisht, ka një prioritizim të pagesave në këtë moment dhe po përpiqemi të shlyejmë disa detyrime ndërkombëtare fillimisht, disa prej të cilave nuk janë paguar që nga janari 2024. Mosshlyerja e tyre do ta vendoste RTSH-në në rrezik për të humbur partneritetin me EBU-në dhe pjesëmarrjen në Eurovizion, apo humbjen e shumë të drejtave televizive”, tha Vasili për BIRN.

Vasili theksoi gjithashtu se Bordi i Administrimit* ka marrë në shqyrtim edhe borxhin e brendshëm dhe disa formula të rinegocimit të tij nga sektori i financës dhe së shpejti pritet të dalë me një vendim.

Autorët pa paga dhe akuzat e Kozeta Kurtit

Kriza aktuale vjen vetëm pak ditë pasi gazetarja dhe autorja e njohur, Kozeta Kurti, shpërtheu publikisht kundër RTSH-së, duke denoncuar se autorët e emisioneve nuk janë shpërblyer financiarisht për më shumë se pesë muaj. Sipas saj, nga 14 projekte të dorëzuara, 12 vazhdojnë të mbeten pa pagesë, duke e cilësuar situatën si “të papranueshme”. Ajo akuzoi drejtuesit për mungesë respekti dhe komunikimi, duke theksuar se problemi nuk lidhet vetëm me vonesat financiare, por edhe me mënyrën e trajtimit të autorëve dhe bashkëpunëtorëve.

Trashëgimia e skandaleve nga Alfred Peza

Situata e sotme është edhe pasojë e trashëgimisë së problemeve nga drejtimi i mëparshëm i Alfred Pezës,i cili u shoqërua me skandale të njëpasnjëshme. Në mandatin e tij, dhjetëra gazetarë, kameramanë dhe punonjës të RTSH-së u shkarkuan në mënyrë arbitrare, shpesh për arsye banale, duke shkaktuar revoltë dhe peticione për shkarkimin e tij. Pas dorëheqjes së Pezës, vendin e tij e mori përkohësisht Aurora Polo, ndërsa institucioni mbeti i përfshirë në procese gjyqësore të shumta dhe me një borxh të akumuluar prej rreth 6 milionë eurosh.

***Nëse borxhet ndaj EBU-së nuk shlyhen në kohë, Shqipëria rrezikon seriozisht të mos marrë pjesë për herë të parë në Eurovision, një goditje jo vetëm për RTSH-në, por edhe për imazhin kulturor të vendit.

The post RTSH drejt kolapsit: Borxhet e papaguara vënë në rrezik pjesëmarrjen e Shqipërisë në Eurovision appeared first on iconstyle.al.