TIRANË, 18 dhjetor /ATSH/ Tregu i ri i gjësë së gjallë dhe vajit të ullirit në Mallakastër është një mbështetje konkrete për fermerët e zonës për nxitjen e tregtimit të prodhimeve bujqësore.

Ministri i Bujqësisë dhe Zhvillimit Rural, Andis Salla, u shpreh se ky treg përfaqëson një hallkë të munguar deri dje dhe një hap të domosdoshëm sot për lidhjen e prodhimit vendas me konsumatorin, në kushte të përshtatshme tregtimi.

Sipas ministrit kjo qendër është një garanci për produktet “Made in Albania”, veçanërisht në prag të festave të fundvitit, duke ofruar mbështetje konkrete për fermerët dhe prodhuesit vendas.

Ai theksoi se iniciativa përçon një sinjal të qartë se me më shumë organizim, mekanizim dhe mbështetje institucionale, prodhimi shqiptar mund të rritet dhe të konkurrojë denjësisht në tregjet europiane.

Fermeri Xhavai Avdia, i angazhuar në rritjen e gjelit të detit, u shpreh se tregu i gjësë së gjallë përbën një ndihmë të madhe për fermerët, pasi siguron kushte dhe standarde të përshtatshme tregtimi.

Nga ana e tij, Ilir Sula, prodhues i vajit të ullirit dhe bimëve mjekësore, vlerësoi rëndësinë e tregut si për tregtimin vendas, ashtu edhe për nxitjen e eksporteve.

Ai theksoi se produktet shqiptare janë të preferuara në tregjet e huaja.

“Para dy vitesh eksportonim në Itali, ndërsa sot eksportojmë në Maqedoninë e Veriut. Nëse mekanizohemi më tej, mund të konkurrojmë në tregjet ndërkombëtare”, tha Sula, duke vlerësuar impaktin pozitiv të tregut të ri për zhvillimin e sektorit bujqësor. e.xh/j.p/

The post Salla: Tregu i ri në Mallakastër lidh prodhimin vendas me konsumatorin appeared first on Agjencia Telegrafike Shqiptare.

TIRANË, 14 dhjetor /ATSH/ Mallakastra është veshur me ngjyrat festive këtë dhjetor, me qytetin të zbukuruar me drita dhe instalacione ndriçuese që sjellin gëzim dhe hare për banorët dhe vizitorët.

Kryeministri Edi Rama ka ndarë në rrjetet sociale pamje nga atmosfera e festave, duke shfaqur qytetin të mbushur me ngjyra, dritë dhe dekorime të ndryshme që i japin një pamje unike qytetit gjatë sezonit të fundvitit.

Pema e Vitit të Ri, e zbukuruar me ornamente dhe drita festive, është epiqendra e qytetit, ndërsa rrugët që të çojnë tek sheshi qendror krijojnë një preambul të atmosferës festive në sheshin kryesor.

Në video shfaqet bredhi i rrethuar nga fëmijë të veshur si Babagjyshi me kapuçët e tyre, duke i dhënë atmosferës edhe më shumë shkëlqim dhe magji.

Zbukurimet festive dhe aktivitetet e organizuara në qytet janë bashkëshoqëruese dhe tregues i angazhimit të bashkisë për të krijuar një ambient të këndshëm dhe mikpritës për banorët dhe turistët që vizitojnë Mallakastrën gjatë sezonit të dimrit.

Mallakastra po kthehet gjithnjë e më shumë në një destinacion tërheqës për turizmin kulturor dhe jo vetëm. Nga njëra anë, qyteti antik i Bylisit tërheq vizitorët e apasionuar pas historisë dhe antikitetit; nga ana tjetër, turizmi kulinar dhe bujtinat që po shtohen çdo ditë ofrojnë mundësi të reja për pushime dhe relaks, duke përfshirë edhe zonat përreth qytetit.

Vizitorët mund të eksplorojnë gjithashtu Kalanë e Ballshit, një mrekulli arkitekturore me histori shekullore, Ujëvarën e Dukatës, e njohur për bukurinë natyrore, si dhe fshatrat malorë të Mallakastrës, që ofrojnë peizazhe të mahnitshme dhe tradita autentike lokale. Për adhuruesit e kulturës dhe gastronomisë, rajoni ofron mundësi për të shijuar kuzhinën tradicionale dhe produkte organike, duke i bërë vizitat një eksperiencë të plotë për të gjithë llojet e turistëve.

1 nga 7

/a.f/

The post Dhjetori i festave ndriçon Mallakastrën appeared first on Agjencia Telegrafike Shqiptare.

CAKRAN- Në qendër të njërës prej zonave me të populluara rurale të Fierit dhe Mallakastrës, dyqani i vogël i Durim Musarajt është gjithmonë me klientë. Është i vetmi këpucar në të gjithë zonën e Cakranit dhe Mallakastrës, ndaj është I detyruar të punojë pa ndërprerje.

“Punoj deri në gjashtë orë në ditë.. arrij të fitoj deri në 10 mijë lekë në ditë…”

Durimi është i vetmi këpucar për një zonë me popullsi prej 40 mijë banorësh në Cakran dhe Mallakastër.

“Kjo është një zonë shumë e madhe. Kam klientë që vijnë edhe nga Mallakastra”

Mes dy epokave, përpara dhe pas komunizmit, zanati i këpucarit nuk ka ndryshuar vetëm veglat e punës, ndërsa njerëzit, të pasur ose jo, i riparojnë këpucët të paktën një herë përpara se ato të bëhen të papërdorshme.

“Të gjithë i sjellin këpucët për riparim.. mirëmbajtje… edhe të pasurit”, theksoi ai.

Me një kurs profesional në rininë e tij, 40 vjet punë si këpucar, e kanë shndërruar në mjeshtër të riparimit, por edhe krijimit të këpucëve nga e para.

Bëra shkollën e mesme, pastaj kursin një vjeçar dhe pastaj fillova punë këtu. Më përpara kemi bërë edhe këpucë me porosi”, shtoi ai.

Një shërbim që u duhet të gjithëve, por që askush nuk e do si profesion. Durim Musaraj është i fundit në këtë zonë që ushtron zanatin e këpucarit.

Nuk ka tjetër ne zonë.. vetëm unë jam. Po mundohem të bind djalin ta vazhdojë, por nuk e dëshiron këtë zanat”, pohoi ai.

Pjesa më e madhe e këpucarëve në Fier janë në moshë pensioni, një tregues ky se zanati i vjetër po zhduket gradualisht/abcnews.al

Megjithëse kërkojnë kushte të veçanta klimatike në Myzeqe dhe Mallakastër po kultivohen bimë mjekësore.

Rreth 46 hektar sipas drejtorisë së Bujqësisë në Fier janë mbjellë me dafinë organike, hithër e sherebelë. Sipas agronomëve bimët mjekësore  janë një investim fitimprurës.

Me aplikimin e metodave biologjike për luftimin e sëmundjeve në vend të pesticideve bimët mjekësore sipas agronomëve po japin rendiment edhe në ato zona që mendoheshin të papërshtatshme.

Fermerët në Divjakë dhe Mallakastër që i kultivojnë prej rreth 5 vitesh tashmë po shtojnë sipërfaqet.

/abcnews.al/

Situata u agravua më shumë, pasi vëllai i Kelmendit ndërroi jetë dhe duhej marrë leje tek tre vëllezërit për të kryer nderimet, ndërsa akoma më e rëndë situata është bërë tani, ku prej ditësh, Kelmendi dhe familjarët e tij nuk mund të bëjnë dot varrin e të ndjerit që bën 1 vjetorin e vdekjes, pasi […]

The post Tre të ‘fortë’ bllokojnë rrugën e varrezave, Bashkia Mallakastër nuk jep zgjidhje! appeared first on BoldNews.al.

Policia ka arrestuar M. M., 54 vjeç, nga Mallakastra, pasi dyshohet se ka ngacmuar seksualisht vajzën e tij 14-vjeçe. Ndërkohë policia bën me dije se ka arrestuar edhe dy persona të tjerë për dhunë në familje. G, G., 34 vjeç, banues në fshatin Petovë, Fier, dyshohet se ka ushtruar dhunë ndaj vëllait të tij. D. […]

The post Dyshohet se ngacmoi seksualisht vajzën e tij, arrestohet 54-vjeçari në Mallakastër appeared first on BoldNews.al.

Policia ka arrestuar M. M., 54-vjeç, nga Mallakastra, pasi dyshohet se ka ngacmuar seksualisht vajzën e tij 14-vjeçe.

Ndërkohë, policia bën me dije se ka arrestuar edhe dy persona të tjerë për dhunë në familje.

G, G., 34-vjeç, banues në fshatin Petovë, Fier, dyshohet se ka ushtruar dhunë ndaj vëllait të tij.

D. H., 29-vjeç, banues në Lushnjë, dyshohet se ka ushtruar dhunë ndaj babait të tij.

The post E rëndë në Mallakastër/ Dyshohet se ngacmoi vajzën e tij 14-vjeçe, arrestohet 54-vjeçari appeared first on Albeu.com.

Një aksident tragjik ka ndodhur pasditen e kësaj të premteje ku një i mitur ka humbur jetën.

Sipas raportimeve, aksidenti fatal ndodhi në aksin Memaliaj-Mallakastër ndërsa 10-vjeçari s’i mbijetoi plagëve.

Shkaqet dhe rrethanat e aksidentit janë ende të paqarta ndërsa policia dhe grupi hetimor ndodhen në vendngjarje për të zbardhur shkaqet dhe rrethanat e aksidentit.

The post Aksident tragjik në aksin Memaliaj-Mallakastër, humb jetën fëmija 10 vjeç appeared first on Albeu.com.

U raportua si vdekje aksidentale nga goditja e kalit, por vdekja 58 vjeçarit Jorgo Ajredini nga Maliqi ka marrë një tjetër rrjedhë. Policia dhe Prokuria e Korçës kanë rinisur hetimet për ngjarjen e ndodhur në fshatin Rëmbec, pasi familjarët e viktimës kanë ngritur pretendime se ngjarja nuk është aksidentale, por kriminale.

Ata thonë se Ajredini u gjet pranë fushës së sportit të fshatit në një kanal, me disa plagë në kokë, të lokalizuara në ballë dhe pas veshëve.

Sipas familjarëve, 58 vjeçari është goditur me sëpatë nga një banor i fshatit me të cilin kishte një konflikt për motive familjare, ngjarje e ndodhur rreth 1 vit e gjysëm më parë.

Dyshimet e familjarëve janë ngritur pas komunikimit të fundit të tyre me 58 vjeçin, i cili ka pohuar se e kishin goditur.

“Kam qenë në Rëmbec bashkë me vëllanë. U ndamë aty. E gjeta duke pirë ndonjë gotë te muzeumi, tek klubi. Vëllai mori kalin dhe shkoi ta lidhte në jonxhë, unë ika në shtëpi. Vjen kushëriri, më zgjon dhe më thotë: “Është goditur vëllai nga kali.” Shkuam 45 minuta para se ta nisnin në Tiranë. E pyeta vëllain dhe më tha: “S’më ka goditur kali, por një person nga Pogradeci.”. Shkova në Tiranë një ditë, të nesërmen e denoncova në Maliq. Çështja ishte shumë e rëndë. Ishte në gjendje kome, doktorët e ngritën lart, sepse ishte pak më mirë. “Më goditi,” tha vëllai, por s’qe i vetëdijshëm. Pastaj vajti prapë poshtë dhe e ngritën përsëri. Fundi ja ku është… Me pak fjalë e kanë goditur. Në vendin që duhej lidhur kali nuk ishte kali; ai duhej të ishte në jonxhë. Atij i bënë pritë. Kur tha “më goditën” tha edhe “një i shkurtër nga Pogradeci”. Këtë e tha vetë. Dua të vërtetën. Policia s’ka bërë asgjë.

 “Vëllait tim ia mori të shoqen ky djalë dhe e goditi me sëpatë. Ngjarja ka mbi një vit e gjysmë. Nuk besoj të jetë i njëjti autor, por nga goditjet që pashë janë me sende të rënda, nga ato që pashë unë në spital në Tiranë. Në Tiranë ndenji 15 ditë në koma, mjekët thanë se ishte në gjendje të rëndë. Ekspertiza nuk na dha përgjigje, por prokurorisë së Korçës. Ne po e varrosim vëllain, por duam të zbardhet ngjarja. Nuk e ka goditur kali, 1000%.”

Jorgo Ajredini në datën 13 Gusht u dërgua nga familjarët në spitalin e qytetit të Korçës me plagë në kokë. Për shkak të gjendjes së rënduar shëndetësore, 58 vjeçari u dërgua për mjekim të specializuar në Tiranë.  Ai ndërroi jetë të dielën e 7 shtatorit, pas disa javësh në gjendje kome.

Në lidhje me ngjarjen, deri më tani, janë shoqëruar dhe pyetur në cilësinë e dëshmitarëve dhe personave që kanë patur dijeni, rreth 15 persona, mes të cilëve familjarë dhe banorë të fshatit Rëmbec. Që në momentin kur ndodhi ngjarja, policia ka sekuestruar kamerat e sigurisë që ndodheshin në zonë, të cilat janë administruar dhe po ekspertohen nga prokuroria. Ndërkohë, grupi i përbashkët hetimor i policisë dhe prokurorisë, është në pritje të raportit përfundimtar mjeko ligjor, i cili do të përcaktojë nëse vdekja e Jorgo Ajredinit është aksidentale ose kriminale./abcnews.al

Një 45-vjeçar ka mbetur i plagosur me thikë pas sherrit me një të ri 26-vjeçar në Mallakastër. Sipas policisë, pas një debati mes tyre, i riu goditi me thikë 45-vjeçarin, duke i shkaktuar dëmtime të lehta. I plagosuri mori mjekim në spital dhe u largua për në banesë, pasi plaga nuk paraqiste rrezik, ndërsa autori […]

The post Plagosje në Mallakastër! I riu qëllon me thikë 45-vjeçarin pas sherrit appeared first on BoldNews.al.

TIRANË, 8 gusht/ATSH/ Si pasojë e aktivizimit të Mekanizmit Europian të Mbrojtjes Civile, që nga orët e para të mëngjesit të sotëm, në Shqipëri kanë mbërritur për të ndihmuar në përballimin e situatës së zjarreve dy avionë “Air Tractor Fire Boss” të Forcës Ajrore suedeze dhe një avion “Canadair” i Forcës Ajrore kroate.

Mjetet ajrore operojnë nga Baza Ajrore e Kuçovës dhe janë vënë në dispozicion për të mbështetur nga ajri operacionet e shuarjes së zjarreve në Mallakastër dhe Finiq.

Ekuipazhet ndërkombëtare asistojnë në terren strukturat vendore zjarrfikëse, emergjencat civile dhe trupat e Forcave të Armatosura, të cilat, nën koordinimin e Agjencisë Kombëtare të Mbrojtjes Civile (AKMC), vazhdojnë monitorimin dhe kontrollin e disa vatrave aktive zjarri.

Autoritetet shqiptare kanë vlerësuar ndihmën ndërkombëtare si të rëndësishme në përballimin e situatës së krijuar nga përhapja e flakëve në disa zona të vendit. /a.f/

The post Avionë nga Suedia dhe Kroacia ndihmojnë në shuarjen e zjarreve në Mallakastër dhe Finiq appeared first on Agjencia Telegrafike Shqiptare.

Tre vatra zjarri janë ende aktive në masivin pyjor të Lofkëndit në Mallakastër, ku terreni i thepisur dhe i vështirë po pamundëson ndërhyrjen e mjeteve zjarrfikëse. Në 24 orët e fundit, Shqipëria është përballur me një valë zjarresh në disa zona malore dhe pyjore, përfshirë jugun dhe qendrën e vendit. Temperaturat e larta, që në […]

The post Vijojnë të mbeten aktive vatrat e zjarrit në Mallakastër appeared first on BoldNews.al.

TIRANË, 8 gusht /ATSH/ Në Finiq dhe Mallakastër është intensifikuar puna nga toka dhe ajri për të frenuar përhapjen e vatrave të zjarrit dhe në mbrojtje të zonave të banuara.

Ministri i Mbrojtjes, Pirro Vengu ndau sot pamje nga operacioni për shuarjen e flakëve në këto dy vatra.

Vengu u shpreh se, në Finiq, ku intensiteti i erës ndikoi në riaktivizim dhe përhapje të vatrave gjatë natës, 120 forcave operacionale në terren u janë bashkuar që prej orëve të mëngjesit dy avionët suedezë të siguruar nga Mekanizmi Europian i Mbrojtjes Civile dhe një helikopter i Forcës Ajrore.

Falë ndërhyrjes së kombinuar nga toka dhe ajri janë mbrojtur banesat dhe është krijuar perimetër sigurie në Dhivër dhe Janicat.

Të gjitha përpjekjet tashmë të angazhuara në frenimin e vatrave dhe mbrojtjen e banesave në perimetrin Navaricë – Memoraq dhe Rumanxë, dhe vigjilencë të shtuar në zonën e Leshnicës, thekson Vengu.

Në Mallakastër, ku situata është përmirësuar gjatë orëve të fundit, momentalisht po veprojnë 25 forca nga Forcat e Armatosura të Shqipërisë, 25 forca nga MZSH dhe 24 forca nga bashkitë Mallakastër dhe Patos.

Në këtë zonë po vepron aktualisht dhe në avion “Canadair” i Forcës Ajrore kroate.

Ndërkohë, shton ministri, në lartësitë e Bërzhitës, ku dyshohet për zjarrëvënie të qëllimshme, forcat e MZSH Tiranë ndodhen në terren dhe momentalisht nuk ka asnjë rrezik për banesat.

Vengu nënvizon se, situata në rang vendi mbetet dinamike ndërkohë që presim rritje të temperaturave në ditët në vijim.

Ministri i Mbrojtjes u bën thirrje banorëve të zbatojnë udhëzimet e autoriteteve në terren.

“Ligji do të veprojë me forcën maksimale ndaj çdo zjarrvënësi”, thekson ai.

/gj.m/r.e/

The post Vengu: Në Finiq dhe Mallakastër intensifikohet puna për shuarjen e vatrave të zjarrit appeared first on Agjencia Telegrafike Shqiptare.

Tre vatra zjarri vijojnë të jenë aktive në masivin pyjor të Lofkëndit në Mallakastër, ku terreni i vështirë pamundëson ndërhyrjen e mjeteve zjarrfikëse.

Kryebashkiaku i Mallakastrës, Qerim Ismailaj, pohon për Top Channel se përballë kësaj situate, vetëm ndërhyrja nga ajri mund të bëjë të mundur izolimin e plotë të flakëve, të cilat përhapen me shpejtësi të favorizuara nga era.

Qerimaj pohon gjithashtu, se në këtë ditë të tretë të përballjes me flakët, në terren janë angazhuar 11 mjete zjarrfikëse dhe rreth 130 forca zjarrfikëse, të ushtrisë dhe strukturave bashkiake ndërsa thekson se sipërfaqja e përshkuar nga zjarri përllogaritet në 40 ha, kryesisht pisha të mbjella në vitet 70- 80- të.

Po sipas tij, menjëherë pas neutralizimit të plotë të zjarrit, komisionet e verifikimit do të dalin në terren për të bërë një bilanc të dëmeve, jo vetëm të pemëve frutore, por edhe të masivit pyjor.

The post Vijojnë të mbeten aktive vatrat e zjarrit në Mallakastër, terreni i thepisur vështirëson ndërhyrjen nga toka appeared first on Albeu.com.

Shërbimet e Komisariatit të Policisë Mallakastër, si rezultat i kontrolleve të kryera në kuadër të planit operacional “Koordinata”, goditën një tjetër rast të kultivimit të bimëve narkotike.

Nga kontrollet, në fshatin Visokë u konstatua një parcelë ku ishin kultivuar 77 bimë të dyshuara narkotike Cannabis Sativa, një pjesë e të cilave u sekuestrua me cilësinë e provës materiale, ndërsa pjesa tjetër u asgjësua nëpërmjet djegies.

Gjatë ndërhyrjes së Policisë, u kap në flagrancë, në parcelë, shtetasi Kastriot Xhemalaj 58 vjeç, i cili u arrestua për veprën penale “Kultivimi i bimëve narkotike”.

Plani operacional policor antikanabis “Koordinata” vijon intensivisht, në të gjithë territorin e qarkut Fier. Materialet procedurale iu referuan Prokurorisë së Fierit, për veprime të mëtejshme.

58-vjeçar nga Mallakastra ka rënë në prangat e policisë. Kastriot Xhemalaj u arrestua në flagrancë pasi kishte mbjellë në një parcel 77 bimë lëndë narkotike.

“Nga kontrollet, në fshatin Visokë u konstatua një parcelë ku ishin kultivuar 77 bimë të dyshuara narkotike Cannabis Sativa, një pjesë e të cilave u sekuestrua me cilësinë e provës materiale, ndërsa pjesa tjetër u asgjësua nëpërmjet djegies.

Gjatë ndërhyrjes së Policisë, u kap në flagrancë, në parcelë, shtetasi K. Xh., 58 vjeç, i cili u arrestua për veprën penale Kultivimi i bimëve narkotike”, njofton policia./abcnews.al

Vijon të jetë ende aktiv zjarri që përfshiu një ditë më parë pyllin me pisha mes fshatrave Gjynaqare dhe Drenie.

Këtë të enjte në terren kanë mbërritur 25 forca të ushtrisë. Në total përfshirë edhe ekipet zjarrfikëse të Mallakastrës, Patosit dhe punonjës të emergjencave civile janë rreth 80 punonjës që janë të angazhuar për të shuar zjarrin.

Por për shkak të terrenit të thyer, zjarri po shuhet me pompa shpine. Ndërkohë sipërfaqja e prekur nga zjarri ka shkuar në 5 hektarë.

/abcnews.al/

Dy persona janë arrestuar nga policia e Divjakës dhe Mallakastrës për zjarrvënie. Koçi Allkanjari banues në fshatin Korije, u arrestua pasi vendosi zjarr për djegien e mbeturinave në tokën e marrë me qira, por si pasojë e përhapjes së flakëve dogji edhe 170 rrënjë ulliri në pronësi të një personi tjetër. Pëllumb Jançaj banues në […]

The post Dogjën 170 rrënjë ullinj dhe sipërfaqe me shkurre, arrestohen dy persona (Emrat) appeared first on BoldNews.al.

Një zjarr i përmasave të mëdha ka rënë mbrëmjen e sotme në fshatin Drenovë të Mallakastrës.

Flakët janë përhapur me shpejtësi, duke përfshirë një sipërfaqe të konsiderueshme me shkurre dhe ullishte.

Në vendngjarje kanë mbërritur forcat zjarrfikëse, të cilat po punojnë për shuarjen e zjarrit dhe për të parandaluar përhapjen e mëtejshme të tij.

Sipas burimeve nga terreni, ndërhyrja po vështirësohet për shkak të erës së fortë dhe terrenit të thyer./abcnews.al

Një tjetër vatër zjarri është regjistruar në vend. Një zjarr i përmasave masive, raportohet se ka rënë pasditen e sotme në fshatin Drenovë të Mallakastrës.

Bëhet me dije se flakët e përhapura me shpejtësi kanë përfshirë një sipërfaqe të konsiderueshme me shkurre dhe ullishte.

Në vendngjarje ndodhen forcat zjarrfikëse, të cilat po punojnë për shuarjen e zjarrit dhe për të parandaluar përhapjen e mëtejshme të tij.

The post Tjetër vatër zjarri në vend, përfshihet nga flakët masive sipërfaqja me ullishte dhe shkurre në Mallakastër appeared first on Albeu.com.