Neymar ka dhënë një “premtim” të rëndësishëm për Brazilin në prag të Kupës së Botës 2026 në Amerikën e Veriut, duke i dërguar një mesazh të qartë edhe përzgjedhësit të kombëtares, Carlo Ancelottit.

Pasi ndihmoi Santosin të shmangë rënien nga kategoria në elitën e futbollit brazilian, pavarësisht se u përball me probleme në gju gjatë javëve të fundit të sezonit, sulmuesi 33-vjeçar iu nënshtrua një operacioni në gju më herët këtë javë.

Pas vështirësive me gjurin në fund të kampionatit brazilian, Neymar u operua të hënën, ndërsa ndërhyrja kirurgjikale u krye nga mjeku i përfaqësueses së Brazilit, Rodrigo Lasmar.

Santos nuk ka dhënë ende një afat të saktë për rikthimin e sulmuesit, por sipas Globo Esporte, ish-ylli i Barcelonës dhe Paris Saint-Germainit do të ketë nevojë për deri në një muaj për t’u rikuperuar plotësisht dhe për t’u kthyer në stërvitje.

Neymar nuk ka luajtur për Brazilin që nga shtatori i vitit 2023, kur pësoi një këputje të ligamentit të kryqëzuar të përparmë, por ai është i vendosur të rikthehet dhe të zërë vend në skuadrën e Carlo Ancelottit që do të udhëtojë drejt Amerikës së Veriut për Kupën e Botës 2026.

Gjatë një paraqitjeje publike me këngëtarin Thiaguinho, Neymar iu drejtua kombit brazilian me një premtim.

“Do të bëjmë gjithçka të mundur, madje edhe të pamundurën, për ta rikthyer këtë Kupë Bote në Brazil. Në korrik mund të më mbani përgjegjës”.

“Hajde, Ancelotti, na ndihmo pak, në rregull? Nëse arrijmë në finale, premtoj se do të shënoj”, ka deklaruar Neymar.

Edhe pse ylli i Santosit mbetet optimist për të marrë pjesë në Kupën e tij të katërt të Botës me Brazilin vitin e ardhshëm në Amerikën e Veriut, pjesëmarrja e tij nuk është ende 100 për qind e sigurt, pasi mbetet për t’u parë nëse Ancelotti do ta përfshijë sulmuesin veteran në listën përfundimtare të turneut./Telegrafi/

Përzgjedhësi i Spanjës, Luis de la Fuente, do të ketë shumë vendime të vështira përpara në muajt e ardhshëm, teksa përzgjedh skuadrën për Kupën e Botës në SHBA, Meksikë dhe Kanada.

“Furia e Kuqe” nuk ka pësuar shumë ndryshime që nga fushata e suksesshme në Euro 2024, por gjithnjë e më shumë po shfaqen emra të rinj që po ushtrojnë presion si për vendet titullare ashtu edhe për një vend në listën përfundimtare.

Forma e Martin Zubimendit dhe Mikel Merinos ka vënë në diskutim pozitat e Rodrit dhe Fabian Ruiz në formacionin bazë, ndërsa kapiteni i Euro 2024, Alvaro Morata, e ka gjithnjë e më të vështirë të sigurojë një vend në skuadër. Një tjetër repart ku mbizotëron pasiguria është mbrojtja qendrore.

Një nga fytyrat e reja që është kthyer në një thirrje të rregullt nga de la Fuente është Dean Huijsen.

I grumbulluar për herë të parë në mars, Huijsen la përshtypje të mira në çerekfinalet e Ligës së Kombeve po atë muaj dhe, që prej atëherë, ka qenë pjesë e skuadrës sa herë ka qenë në formë, shpesh edhe si titullar.

Megjithatë, sipas Marca, vendi i tij nuk është i sigurt. Huijsen, mes dëmtimeve, ka pësuar një rënie forme së fundmi dhe ka bërë disa gabime befasuese këtë sezon nën drejtimin e Xabi Alonsos.

Një nga faktorët vendimtarë do të jetë rikthimi në futbollin spanjoll i Aymeric Laporte.

Tashmë i rikthyer te Athletic Bilbao, Laporte kishte humbur vendin e tij në kombëtare gjatë vitit të fundit, teksa luante për Al-Nassr në Arabinë Saudite./Telegrafi/

Federata Ndërkombëtare e Futbollit (FIFA) i është përgjigjur kritikave për çmimet e larta të biletave për Kupën e Botës 2026, duke bërë një kategori të lirë.

FIFA tani ka prezantuar kategori të reja çmimesh prej 60 dollarësh, të cilat do të jenë të disponueshme për blerje për të gjitha 104 ndeshjet, përfshirë ndeshjen finale.

Kjo tarifë do të jetë fikse për të gjitha ndeshjet në të gjithë turneun, përfshirë finalen, dhe vlen për rreth 2 për qind të të gjitha biletave të Kupës së Botës 2026.

Biletat nga kategoria e çmimeve të krijuar rishtazi "niveli i tifozëve" do t'u ndahen federatave kombëtare për ndeshjet individuale në të cilat do të luajnë ekipet e tyre.

Këto federata pritet të vënë biletat në dispozicion të "tifozëve besnikë që janë të lidhur ngushtë me ekipet e tyre kombëtare", thuhet në deklaratën zyrtare.

Ky veprim vjen pasi tifozët u tronditën dhe u zemëruan nga çmimet që varionin nga 120 deri në 265 dollarë për ndeshjet e fazës së grupeve, ndërsa çmimi për ndeshjen finale, që do të luhet më 19 korrik në East Rutherford, New Jersey, është 4,185 deri në 8,680 dollarë. /Telegrafi/

Sot (e premte) në Uashington është hedhur shorti për Kupën e Botës 2026, që do të fillojë më datë 11 qershor dhe do të zgjasë deri më 19 korrik.

Pjesë e këtij shorti për herë të parë është edhe Kosova që tashmë ka mësuar kundërshtarët e mundshëm të saj në rast kualifikimi.

Kundërshtarët e mundshëm të Kosovës nëse ‘pren’ biletën për Botëror janë:

Grupi D: USA, Paraguai, Australia dhe *Kosova

Për herë të parë në histori, Botërori do të ketë 48 skuadra pjesëmarrëse (nga 32 më parë) dhe do të organizohet njëkohësisht në SHBA, Kanada dhe Meksikë.

Ndeshjet që do të përcaktojnë gjashtë ekipet e fundit të kualifikuara do të zhvillohen në fund të marsit 2026.

Kujtojmë se Kosova në kuadër të ‘play-off’-it do të luajë në Bratisllavë ndaj Sllovakisë, ku do të synojë të arrijë finalen e madhe e cila do të luhej eventualisht në stadiumin “Fadil Vokrri” përballë Turqisë ose Rumanisë./Telegrafi/

Superkompjuteri i Optas ka publikuar parashikimin e tij të detajuar për kombëtaren që ka më shumë gjasa të ngrejë trofeun e Kupës së Botës 2026.

Në krye të renditjes qëndron Spanja, të cilës Opta i jep 17% shanse për të fituar. Kampionët e Europës konsiderohen ekipi më i balancuar i momentit, me një mesfushë të jashtëzakonshme dhe një repart sulmues që garanton cilësi të lartë.

Pas tyre renditet Franca, me 14.1% shanse. Me Kylian Mbappe të gatshëm për një tjetër Botëror madhështor dhe me një brez të artë lojtarësh, “Gjelat” pritet të jenë sërish protagonistë deri në fazat finale të turneut.

Anglia vjen menjëherë pas Francës me 11.8% shanse, duke marrë një vlerësim të lartë falë brezit të ri të talentuar dhe besimit të madh në punën e Thomas Tuchel.

Opta sugjeron se “Tre Luanët” mund të jenë më në fund gati ta thyejnë mallkimin 60-vjeçar dhe të tentojnë titullin e dytë botëror.

Vetëm më pas vjen Argjentina, me 8.7% shanse. Edhe pse Lionel Messi vazhdon të mbetet në qendër të magjisë albiceleste dhe skuadra e Scalonit dominoi kualifikimet e Amerikës së Jugut, statistikat nuk i vendosin kampionët e botës në mesin e favoritëve kryesorë.

Gjermania, me 7.1% shanse, shihet si një kandidat i rrezikshëm, por jo ndër favoritët kryesorë, për shkak të luhatjeve të shfaqura vitet e fundit.

Portugalia e Cristiano Ronaldos, në Botërorin e tij të fundit, vlerësohet me 6.6% mundësi për të synuar lavdinë e madhe.

Një tjetër surprizë në renditje është Brazili. Edhe me Carlo Ancelottin në stol dhe lojtarë të nivelit të lartë, ata marrin vetëm 5.6% shanse — një tregues i formës së dobët në turnetë e fundit dhe vështirësive për të rikthyer dominimin historik.

Holanda, e cila ka qenë gjithmonë pranë por kurrë në majë të botës, vlerësohet me 5.2% shanse. Ndërkohë, Norvegjia falë Erling Haaland siguron 2.3%, ndërsa Kolumbia e Luis Díaz renditet e dhjeta me 2%.

Opta përmend edhe një detaj interesant: ekipet që vijnë nga ‘play-off’-et, kryesisht për shkak të mundësisë së pranisë së Italisë, kanë 3.7% shanse për të triumfuar në Amerikën e Veriut./Telegrafi/

Nga: Sydney Kamlager-Dove dhe Young Kim / Newswekk
Përkthimi: Telegrafi.com

Ka nisur numërimi mbrapsht për turneun më të madh të futbollit në botë. Këtë javë, Shtetet e Bashkuara janë në qendër të vëmendjes për shortin e Kupës së Botës FIFA 2026 - ku do të përcaktohen ndeshjet e fazës së parë. Me 48 kombe që garojnë për çmimin më të madh në futboll - 32 vende ishin në vitin 2022 - FIFA26 do të jetë Kupa më e madhe e Botës në histori.

Kupa e Botës FIFA 2026 është vetëm një nga garat madhore ndërkombëtare të cilat ShBA-ja do të mirëpresë gjatë 10 vjetëve të ardhshëm, përfshirë Lojërat Olimpike dhe Paralimpike të Verës 2028, Kupën e Botës në Ragbi për meshkuj 2031 dhe për femra 2033, si dhe Lojërat Olimpike dhe Paralimpike Dimërore 2034. Këto ngjarje janë mundësi që vijnë një herë në një brez për ShBA-në, për të sjellë përfitime të qëndrueshme ekonomike në komunitetet anembanë vendit, ndërkohë që vendi shkëlqen në skenën botërore.

Masa më e vërtetë e suksesit e një ngjarjeje sportive është stadiumi i mbushur me tifozë nga e gjithë bota. Megjithatë, teksa Shtetet e Bashkuara përgatiten për atë që po quhet “Dekada Amerikane e Sportit”, një pengesë burokratike rrezikon ta minojë suksesin tonë: vonesat në lëshimin e vizave për udhëtarët.

Si anëtare dypartiake të Kongresit nga Kalifornia - shteti që pritet të organizojë më shumë ngjarje sportive ndërkombëtare në dekadën e ardhshme - nuk mund të theksojmë mjaftueshëm potencialin e jashtëzakonshëm ekonomik që sjellin këto lojëra ose gabimin kolosal nëse e lëmë këtë mundësi të na shpëtojë nga duart.

Parashikohet që Kupa e Botës 2026 do të sjellë një shifër marramendëse prej 30.5 miliardë dollarësh në prodhimin bruto ekonomik në 11 qytete mikpritëse: Atlanta, Boston, Dallas, Hjuston, Kansas-Siti, Los Anxhelos, Majami, Nju-Jork/Nju-Xhersi, Filadelfia, San Francisco/Zona e Gjirit dhe Sietël. Turneu pritet gjithashtu të mbështesë më shumë se 185 mijë vende pune me kohë të plotë dhe të kontribuojë me mbi 3.4 miliardë dollarë në arkën e qeverisë.

Vetëm dy vjet më vonë, Lojërat Olimpike dhe Paralimpike të vitit 2028 në Los Anxhelos pritet të gjenerojnë 18.3 miliardë dollarë. Lojërat LA28 pritet të krijojnë mbi 100 mijë vende pune me kohë të plotë, si dhe mbi shtatë miliardë dollarë në paga dhe 1.5 miliardë dollarë në të ardhura tatimore federale. Këto ndikime ekonomike shtrihen shumë përtej kufijve të qytetit të LA-së. Komiteti Olimpik i Holandës tashmë ka zgjedhur Mishën Vijehon si vendin kryesor të stërvitjes para lojërave, ndërsa Anaheimi do të jetë shtëpia e volejbollit olimpik.

Së bashku, këto dy ngjarje pritet të gjenerojnë më shumë prodhim ekonomik sesa PBB-ja totale e Vermontit në vitin 2023.

Faktori kryesor i kësaj rritjeje ekonomike është dallimi i madh në shpenzimet mes udhëtarëve vendas dhe atyre ndërkombëtarë. Sipas Shoqatës Amerikane të Udhëtimit, vizitorët nga jashtë shpenzojnë mesatarisht katër mijë dollarë për udhëtim në Shtetet e Bashkuara - mbi tetë herë më shumë se udhëtarët vendas.

Sigurimi i këtyre përfitimeve për komunitetet tona varet nga aftësia jonë për të mirëpritur tifozët ndërkombëtarë në qytetet mikpritëse. Prandaj, mund ta paramendoni shqetësimin tonë kur zbuluam se sistemi ynë i vizave nuk është i përgatitur që këto lojëra të jenë të suksesshme.

Aktualisht, ka vonesa të mëdha në lëshimin e vizave për vizitorë nga 151 vende të cilat kërkojnë vizë për të hyrë në ShBA. Për shkak të kërkesës së lartë për viza dhe burimeve të kufizuara në ambasadat amerikane jashtë vendit - ku çdo aplikant duhet të intervistohet dhe vlerësohet - kohët e pritjes për takime për vizë mund të zgjasin disa muaj ose mbi një vit.

Shkalla e këtij problemi është e jashtëzakonshme: Rreth gjashtë milionë tifozë pritet të udhëtojnë në ShBA për Kupën e Botës FIFA 2026, të ndjekur edhe nga 15 milionë vizitorë për Lojërat Olimpike të Verës 2028.

Nga 42 vendet e kualifikuara deri tani, tifozët nga Algjeria, Kanadaja, Kolumbia, Meksika dhe Paraguai të cilët dëshirojnë të udhëtojnë në ShBA për të mbështetur ekipet e tyre, përballen me kohë pritjeje për viza më të gjata se gjashtë muaj - aq kohë sa ka mbetur deri te ndeshja e parë e Kupës së Botës 2026. Të tjerët që nuk planifikojnë udhëtimin disa muaj më parë, mund të përballen me vonesa të ngjashme.

Administrata Trump nisi të ndërmarrë hapa të rëndësishëm për të përballuar këtë sfidë. Pas një letre dypartiake që drejtuam ne në maj, presidenti Donald Trump nënshkroi një urdhër ekzekutiv për krijimin e një Task-Force Federale për Lojërat Olimpike që ka qëllim thjeshtimin e procesit të pajisjes me leje dhe viza përpara LA28-shit. Administrata gjithashtu ka nisur me FIFA PASS për të përshpejtuar takimet për viza për Kupën e Botës dhe për të shkurtuar kohët e pritjes.

Këto veprime janë thelbësore për të përmirësuar kapacitetin dhe për të përmbushur kërkesën, por nuk duhet të ndalemi me kaq.

Nëse qasemi ndaj dhjetë vjetëve të ardhshëm sikur ndaj një periudhë normale, ky do të ishte një gabim i kushtueshëm. Rrezikojmë sabotimin e vetes dhe dështimin në skenën ndërkombëtare, nëse Departamenti i Shtetit nuk është në gjendje të përballojë fluksin e aplikimeve për viza për t’u siguruar që komunitetet tona do t’i të marrin përfitimet për të cilat kanë punuar shumë dhe të cilat u janë premtuar.

Përballimi i kësaj “bombe me sahat” kërkon veprim të shpejtë dhe vendimtar - diçka në të cilën Amerika shkëlqen.

Hapi i parë është të sigurohemi që misionet tona diplomatike jashtë vendit do t’i kenë burimet e nevojshme për të reflektuar prioritetin tonë kryesor: inkurajimin e pjesëmarrjes ndërkombëtare në Kupën e Botës, Lojërat Olimpike dhe përtej tyre.

Hapi tjetër është zbatimi i zgjidhjeve inovative që thjeshtojnë procesin e vizave. Në letrën tonë të majit, propozuam disa masa kyçe: të reduktohen kërkesat e dyfishta për viza për pjesëmarrësit e akredituar, të zgjerohet kapaciteti i përpunimit në konsullatat amerikane në vendet me kërkesë të lartë tifozësh, si dhe të caktohet një staf diplomatik i dedikuar për trajtimin e aplikimeve për viza që kanë të bëjnë me ngjarjet sportive.

Ndeshja e parë e Kupës së Botës FIFA 2026, në tokën amerikane, është më pak se 200 ditë larg. Se a jemi të aftë ta mirëpresim botën - kjo varet nga hapat tanë të ardhshëm.

Si ligjvënëse të përkushtuara për të çliruar potencialin e plotë të Dekadës Amerikane të Sportit, jemi të gatshme të punojmë me presidentin Donald Trump, sekretarin Marco Rubio dhe kolegët tanë nga të gjitha partitë për të qenë të sigurta që këto lojëra historike të jenë sukses i jashtëzakonshëm. Koha për veprim urgjent dhe të koordinuar është tani. Le të fillojmë me punën. /Telegrafi/

Numërimi mbrapsht drejt Kupës së Botës 2026 ka nisur dhe disa prej përfaqësueseve më të forta në botë e kanë siguruar tashmë vendin e tyre në turne.

Anglia e garantoi pjesëmarrjen në Kanada, Meksikë dhe SHBA duke e mbyllur në krye të grupit të saj kualifikues në UEFA, plot dhjetë pikë mbi Shqipërinë që u rendit e dyta, pasi regjistroi tetë fitore në tetë ndeshje.

Vera e ardhshme pritet të jetë një festë e gjithçkaje të bukur që futbolli ka për të ofruar. Megjithatë, sipas raportimeve të The Times, turneu nuk do të zhvillohet pa polemika.

Irani siguroi pjesëmarrjen e tij të katërt radhazi në Kupën e Botës më herët këtë vit, pasi kaloi me sukses tre grupe të vështira kualifikuese të AFC-së.

Por SHBA-ja ka prej vitesh rregulla të rrepta vizash, të cilat mund të pengojnë tifozët iranianë të udhëtojnë për të parë ndeshjet e ekipit të tyre.

Edhe tifozët haitianë nuk do të lejohen të hyjnë në SHBA gjatë turneut për shkak të rregullave strikte të vizave dhe kjo nuk është e gjitha.

Në një tjetër kthesë të papritur, The Times raporton se Shërbimi Amerikan i Emigracionit dhe Doganave, i njohur si ICE, mund të kryejë kontrolle dhe operacione gjatë zhvillimit të ndeshjeve.

Andrew Giuliani, i cili drejton aktualisht grupin e punës së Shtëpisë së Bardhë për Kupën e Botës, e ka konfirmuar këtë në intervistën e tij për The Times, duke shkuar deri aty sa të deklarojë se çdo tifoz që konsiderohet rrezik nuk do të lejohet të hyjë në vend gjatë kohës së kompeticionit.

Për herë të parë në histori, 48 përfaqësuese të ndryshme do të marrin pjesë në Kupën e Botës FIFA në turneun e vitit të ardhshëm.

Kupa e Botës 2026 do të nisë më 11 qershor, ndërsa finalja është planifikuar të luhet më 19 korrik./Telegrafi/

Presidenti i Federatës së Futbollit të Kosovës (FFK) Agim Ademi dhe përzgjedhësi i ‘Dardanëve’, Franco Foda, kanë mbërritur në Amerikë para hedhjes së shortit për Kupën e Botës 2026.

Shorti për Kupën e Botës 2026 do të mbahet nesër (e premte) në Uashington me fillim nga ora 18:00.

Kujtojmë se Kosova tashmë ka siguruar kualifikimin historik në ‘play-off’-in që do të zhvillohet gjatë muajit mars, ku si kundërshtar do ta ketë fillimisht Sllovakinë dhe nëse e kalon atë, fituesin e ndeshjes Turqi/Rumani në finale.

Njoftimi i plotë nga Agim Ademi:

Në Washington D.C. pranë Shtëpisë së Bardhë

Së bashku me përzgjedhësin Franco Foda, realizuam këtë fotografi në afërsi të Shtëpisë së Bardhë, një simbol i demokracisë dhe mbështetjes historike për popullin e Kosovës në rrugën drejt lirisë dhe pavarësisë.

Në Washington D.C. ndodhemi për shortin e Kupës së Botës 2026, ku Kosova për herë të parë bëhet pjesë e shortit. Një moment historik për futbollin dhe për vendin tonë.

Jemi të vetëdijshëm se para nesh janë edhe dy sfida të vështira në “play-off” që ta bëjmë realitet ëndrrën e kualifikimit, por besimi dhe përkushtimi ynë janë të palëkundur.

Të bashkuar për sukses, me besim në Dardanët tanë!

Shorti i Kampionatit Botëror 2026 do të zhvillohet të premten, më 5 dhjetor, në qendrën Kennedy në Uashington, duke nisur nga ora 12:00 me kohën lokale (18:00 sipas orës sonë).

Ceremonia pritet të ndjekë traditën e eventeve të mëdha të FIFA-s: fjalime zyrtare, performanca artistike dhe video simbolike që nënvizojnë misionin e futbollit për të afruar njerëzit në mbarë botën.

Për herë të parë në histori, Botërori do të ketë 48 skuadra pjesëmarrëse (nga 32 më parë) dhe do të organizohet njëkohësisht në SHBA, Kanada dhe Meksikë. Turneu do të zgjasë pesë javë, nga 11 qershori deri më 19 korrik 2026. Të 48 ekipet janë shpërndarë në katër vazo me nga 12 ekipe.

Vazoja e parë përfshin tre vendet pritëse — SHBA, Meksika dhe Kanadaja, së bashku me nëntë përfaqësueset më të mira të renditjes aktuale të FIFA-s.

Vazot e tjera janë ndarë sipas renditjes botërore, ndërsa ekipet më poshtë në renditje janë vendosur në vazon 4.

Nga shorti do të krijohen 12 grupe, secili me katër skuadra, një nga secila vazo,sipas rregullave të FIFA-s.

Format i ri i turneut lejon kualifikimin e dy ekipeve të para nga secili grup, si dhe tetë skuadrave më të mira të vendeve të treta. Kështu, 32 ekipe do të vazhdojnë në fazën eliminatore.

Në anën tjetër, FIFA ka planifikuar të shmangë përplasjet e parakohshme mes disa prej favoritëve më të mëdhenj. Çifte si Spanja-Argjentina apo Franca-Anglia do të ndahen në kahe të ndryshme të rrugës eliminatore nëse kryesojnë grupet, duke mos u ndeshur me njëra-tjetrën deri në fazat e vona.

Turneu përfshin një raund të ri të 16-shes, që do të thotë se skuadra fituese e Botërorit do të duhet të luajë tetë ndeshje, një më shumë se në formatin e mëparshëm.

Vazot për shortin e Kupës së Botës 2026

Vazo 1: Kanada, Meksikë, SHBA, Spanjë, Argjentinë, Francë, Angli, Brazil, Portugali, Holandë, Belgjikë, Gjermani.

Vazo 2: Kroacia, Maroku, Kolumbia, Uruguai, Zvicra, Japonia, Senegali, Irani, Koreja e Jugut, Ekuadori, Austria, Australia.

Vazo 3: Norvegjia, Panamaja, Egjipti, Algjeria, Skocia, Paraguai, Tunizia, Bregu i Fildishtë, Uzbekistani, Katari, Arabia Saudite, Afrika e Jugut.

Vazo 4: Jordania, Kepi i Gjelbër, Gana, Kuraçao, Haiti, Zelanda e Re, katër ekipe evropiane të “play-off”-it dhe dy ekipe nga “play-off”-et ndërkontinentale.

Sipas formulës së re, çdo grup do të ketë pikërisht nga një skuadër prej secilës vazo. Ndeshjet që do të përcaktojnë gjashtë ekipet e fundit të kualifikuara do të zhvillohen në fund të marsit 2026.

Në këto duele, Shqipëria do të përballet në Varshavë me Poloninë, ndërsa Kosova do të sfidojë Sllovakinë në Bratislavë, me shpresën për të siguruar një biletë për finalen e madhe, e cila do të vendos kush do të shkojë në Botëror./Telegrafi/

Humbja që Kosova i shkaktoi Sllovenisë në Lubjanë ishte fatale për përzgjedhësin Matjaz Kek, pasi Federata e Futbollit të Sllovenisë vendos të mos e vazhdojë më bashkëpunimin me të.

Lajmi për ndarjen e palëve u bë i ditur të hënën, ndërsa tani vetë Kek, në një intervistë për mediumin e njohur kroat Sportske Novosti, ka folur edhe për Kombëtaren e Kosovën.

Ai shprehu dëshirën që Kosova të jetë pjesë e Kampionatit Botëror që vitin e ardhshëm do të zhvillohet në SHBA, Kanada dhe Meksikë.

“Tani pasi Sllovenia nuk është në Botëror, nuk kam probleme se për kë të bëj tifo në Kampionatin Botëror. Çdo gjë është më e lehtë”.

Matjaz Kek

“Dëshiroj që edhe Bosnjë-Hercegovina të kualifikohet, edhe Kosova le të kalojë”, ka deklaruar ai.

Gazetari kroat ia kujtoi se Kosova e eliminoi Slloveninë nga gara për Botërorin dhe trajneri e pranoi faktin.

“Po, është e pakëndshme që na ka mposhtur 2-0 në Lubjanë. Para kësaj kemi luajtur në Prishtinë ndeshjen më të mirë dhe është dashur të fitojmë”.

Ndeshja e tetorit në Prishtinë kishte përfunduar pa gola, me sllovenët që kishin krijuar më shumë raste shënimi.

Në përfundim të kualifikimeve, Kosova u rendit e dyta dhe siguroi pjesëmarrjen në 'play-off-in' e marsit, ndërsa Sllovenia përfundoi në vendin e tretë.

Kek vlerësoi nivelin e Kosovës dhe mënyrën se si funksionon ekipi.

“Më ka treguar se në cilën mënyrë mund të funksionojnë vendet e vogla, me bazë më të vogël të lojtarëve por me kualitet shumë të mirë. Ka fituar shumë lojtarë që luajnë në Gjermani, Spanjë”.

“Kur i ke 7-8 të tillë, formon ekip shumë të mirë. Për mua ishte dëshpëruese, por në anën tjetër e pranoj që te Kosova ishin më të mirë”, ka thënë Kek mes tjerash.

Kujtojmë se Kosova në gjysmëfinale të ‘play-off-it’ luan me Sllovakinë në Bratisllavë dhe nëse e fiton atë ndeshje, e pret Turqinë apo Rumaninë në finale e cila vendos kush do të kualifikohet në Botëror./Telegrafi/

Tanimë është vendosur zyrtarisht se ku do të luhet ndeshja gjysmëfinale për Kualifikueset e Kupës së Botës, mes Sllovakisë dhe Kosovës.

Federata e Futbollit të Sllovakisë, ka njoftuar se kjo ndeshje do të luhet në kryeqytet në Bratislavë në stadiumin Tehelne Pole.

Sfida mes Sllovakisë dhe Kosovës zhvillohet të enjten e 26 marsit të vitit 2026 me fillim nga ora 20:45.

Sekretari i Përgjithshëm i Federatës Sllovake të Futbollit, Peter Palencik tha se ishin tre stadiume në garë, por në fund është vendosur për Tehelne Pole, stadium që ka kapacitet prej 22 mijë ulëseve.

"Ne morëm në konsideratë stadiumet në Bratislavë, Trnavë dhe Kosice. U analizuan të gjitha rrethanat, kushtet, kapaciteti, logjistika për të dy ekipet dhe mundësia për ndërhyrje në raste të paparashikuara. Në fund, vendosëm që ndeshja me Kosovën të zhvillohet në Bratislavë dhe këtë informacion ia përcollëm edhe UEFA-s", ka thënë Palencik për faqen zyrtare të Federatës sllovake.

Gjithashtu Federata e Futbollit të Sllovakisë ka njoftuar se së shpejti do të publikohen edhe çmimet e biletave në faqen e tyre zyrtare. /Telegrafi/

Kur Kosova e nisi fushatën kualifikuese për Kupën e Botës 2026 në shtator, ajo e kishte vetëm një fitore në gjithë historinë e saj të re në kualifikimet e Botërorit, dhe disfata e thellë nga Zvicra në ndeshjen hapëse për turneun e verës së ardhshme, i bëri shumë të mendojnë se ekipi kombëtar po shkonte drejt një dështimi tjetër.

Por, për sa hap e mbyll sytë, Kosova i arrti tri fitore dhe dy barazime në një ndryshim drastik dhe mahnitës brenda muajsh për ta arritur plajofin, dhe tani është një hap larg arritjes në Kupën e Botës, pikërisht në dhjetëvjetorin e pranimit në shtëpinë e futbollit botëror, FIFA.

Kosova nuk ka marrë pjesë asnjëherë në një turne të madh, dhe Kupa e Botës verën e ardhshme në Kanada, Meksikë dhe Shtetet e Bashkuara mund të jetë e para.

Dhe, për ta arritur ketë, fillimisht ajo duhet t’i fitojë edhe dy ndeshje të tjera në plajof në mars, një gjysmëfinale kundër Sllovakisë dhe një finale të mundshme kundër fituesit të përballjes Turqi-Rumani.

Për analistin dhe profesorin e sporteve në Universitetin e Prishtinës, Malsor Gjonbalaj, kualifikimi i Kosovës në Kupën e Botës “do të ishte diçka mbresëlënëse, do të ishte përfaqësimi më i mirë që do t’i bëhej vendit në arenën ndërkombëtare”.

“Sepse, e dini çfarë popullariteti të madh e gëzon futbolli, çfarë vëmendje të madhe ka gjithandej botës, prandaj paraqitja e Kosovës në një ngjarje si Kupa e Botës, do të ishte njohja më e mirë për shtetin e Kosovës”, thotë për Radion Evropa e Lirë Gjonbalaj, po ashtu ish-futbollist.

Pas humbjes në ndeshjen hapëse kundër Zvicrës në Bazel në shtator, trajneri i verdhekaltërve, Franco Foda, e pranoi se ekipi i tij u paraqit dobët në mbrojtje në një formacion sulmues 4-3-3 dhe vendosi të ndryshojë qasje dhe taktikë.

“Sot, megjithëse kishim shumë duele, i humbëm ato vendimtaret dhe kjo ndikoi në rezultatin final. Kundër Suedisë këtë gjë duhet ta bëjmë shumë-shumë më mirë”, tha ai pas humbjes.

Foda pastaj ndryshoi skemën dhe kaloi në një formacion klasik 4-4-2 në përballjen e radhës me Suedinë tri ditë më vonë në Prishtinë, duke luajtur futboll mbrojtës, falë të cilit Kosova shënoi dy herë me kundërsulme. Taktikat e tij kryen punë dhe Kosova mori fitoren e parë në Grupin B kualifikues, 2:0.

Pas një paraqitjeje jo shumë të pëlqyer në barazimin pa gola kundër Sllovenisë në ndeshjen pasuese në shtëpi, Kosova i fitoi dy ndeshjet e radhës kundër Suedisë (1:0) dhe Sllovenisë (2:0) për ta siguruar plajofin, pasi iu qëndroi besnike taktikave të Fodës.

Ajo barazoi 1:1 me Zvicrën në ndeshjen e fundit në grup në nëntor, duke grumbulluar në fund 11 pikë në vendin e dytë, mjaftushëm për ta kapur plajofin, pasi Zvica shkoi direkt.

Gjonbalaj vlerëson se kjo vlen falë një pune të gjatë të trajnerit dhe disiplinës që ai ka sjellë në kombëtare.

“Në këtë rast kemi të bëjmë me punë për një kohë bukur të gjatë, një planifikim dhe, sidomos, kemi në krye të ekipit një trajner, i cili e ka realizuar taktikën e lojës me mjaft disiplinë, i ka përzgjedhur lojtarët mjaft mirë dhe mendoj se homogjeniteti i ekipit është çelësi kryesor i këtyre rezultateve deri tani”, thekson ai.

Foda, i cili e mori drejtimin e kombëtares më 2024, bëri shumë ndryshime në ekipin e parë, i ndihmuar shumë edhe nga prurjet e reja, të cilat kanë lënë gjurmët e tyre të dukshme në ekip deri tani.

Pas plajofit të dështuar për Kampionatin Evropian 2020, kur u mposht nga Maqedonia e Veriut, Kosova po vuante ta rindërtonte mesfushën, veçanërisht pas largimit të Hekuran Kryeziut dhe Herolind Shalës.

Pas shumë vitesh përpjekje, Federata e Futbollit arriti të sjellë disa mesfushorë të talentuar, si Elvis Rexhbeçaj më 2024 dhe Leon Avdullahu dhe Veldin Hoxha në prag të kualifikimeve këtë verë.

Rexhbeçaj, i cili luan për Augsburgun në Gjermani, dhe Avdullahu, i cili është pjesë e Hoffenheimit, po ashtu në Gjermani, kanë qenë vendimtarë përkrah Florent Muslijas, i cili ka pasur më shumë detyra sulmuese.

Foda, madje, e vendosi mbrojtësin e djathtë të Comos në Itali, Mërgim Vojvoda, në krahun e djathtë të mesfushës, falë aftësive të tij teknike.

“Tani kemi në mesfushë lojtarë që vrapojnë, bartin barrën, kanë disiplinë të jashtëzakonshme në lojë, siç janë Avdullahu, Rexhbeçaj, Hoxha. Ata bëjnë edhe një lojë të mirë sulmuese me Muslijan, i cili i bashkohet sulmuesve, si një lojtar shumë kreativ dhe teknik, i cili po ndihmon të vijmë më shpejt te goli”, nënvizon Gjonbalaj.

Taktikat e Fodës nënkuptuan, gjithashtu, se ai që shihet si ylli më i madh dhe më i vlefshëm i kombëtares, Edon Zhegova, të mbetej jashtë ekipit të tij startues.

Zhegrova, i cili iu bashkua në verë gjigantit italian Juventus, është sulmues anësor që përshtatet kryesisht në një formacion sulmues 4-3-3.

Lënia e Zhegrovës jashtë formacionit startues habiti shumë njerëz në Kosovë, por Fodës iu shpagua kjo qasje.

“Ne kemi një numër të madh të futbollistëve, secili e meriton të luajë, por secili duhet të jetë i bindur që për ta përfaqësuar shtetin mjaftojnë edhe 30 sekonda apo një minutë lojë. Prandaj, asnjëri nuk duhet të ndihet i fyer kur nuk luan”, thekson Gjonbalaj.

Nuk është vetëm mesfusha që është përmirësuar gjatë kësaj kohe pas ardhjeve të reja, por edhe sulmi me Fisnik Asllanin e Hoffenheimit dhe, posaçërisht mbrojtja, ku Albian Hajdari dhe Dion Gallapeni kanë lënë mbresa.

Gallapeni, 19 vjeç, është mbase përforcimi më i dëshiruar te Kosova, që ka pasur shumë vështirësi ta gjejë një mbrojtës të majtë solid.

Por, a u ndihmua Kosova edhe nga faktorë të tjerë? Gjonbalaj mendon se po.

Nga katër kombëtaret në Grupin B, vetëm Kosova dhe Zvicra arritën fitore. Suedia e Sllovenia nuk ia dolën të merrnin më shumë se barazime.

Që të dyja kanë treguar formë të dobët në këto ndeshje kualifikuese, duke pasur parasysh të kaluarën e tyre.

Suedia u paraqit ndaj Kosovës me dy prej sulmuesve më të shtrenjtë në historinë e Premierligës angleze, Alexander Isakun e Liverpool dhe Viktor Gyokeresin e Arsenalit.

“Nuk ka ekip të lehtë për t’u mposhtur, por është e vërtetë që ato nuk kanë qenë në formën e tyre më të mirë në këto ndeshje”, thotë Gjonbalaj.

Suedia, megjithatë, është në plajof sikurse Kosova, jo përmes rrugës së kualifikimeve, por përmes Ligës së Kombeve, dhe në fund mund të jetë pjesë e Kupës së Botës në verë.

Kosova do të donte që ndeshjet e plajofit të zhvilloheshin tani, duke e parë formën e skuadrës, por asaj do t’i duhet të presë deri në fund të marsit, që nënkupton se është mbase herët të flitet për gjasat.

Dardanët do të udhëtojnë në Bratislavë më 26 mars për t’u përballur me Sllovakinë në ndeshjen gjysmëfinale të plajofit, të cilën duhet ta fitojnë patjetër për t’i mbajtur gjallë shpresat për një finale që do ta çonte në Botëror.

“Mos të harrojmë, jemi në ekzaltim, sepse jemi në plajof, por nuk e kemi kryer punën ende, duhet qetësi e madhe dhe punë e madhe profesionale, për ta arritur kualifikimin, sepse bëhet fjalë për dy ekipe shumë të forta”, vlerëson Gjonbalaj.

Finalen e mundshme, Kosova do ta zhvillonte në Prishtinë kundër fituesit të përballjes tjetër mes Turqisë dhe Rumanisë, më 31 mars.

Derisa beson se gjasat me Sllovakinë janë shumë reale, Gjonbalaj beson se përballja e mundshme me Turqinë do të ishte shumë më e vështirë.

“Mendoj se me Sllovakinë kemi shumë gjasa, ndërsa në ndeshjen finale pres ta kemi kundërshtar Turqinë, e cila, mendoj, është ekip shumë i papërshtatshëm për neve, por do të kemi mundësi sepse luajmë në shtëpi”, thekson ai./REL

The post Kosova ia ndien erën kualifikimit në Kupën e Botës 2026 një dekadë pas pranimit në FIFA appeared first on Albeu.com.

Kombëtarja e Kosovës po hyn në një fazë historike: ‘playoff’-in drejt kualifikimit në Kupën e Botës 2026. Në listën e kundërshtarëve të mundshëm gjenden katër kombëtare: Polonia, Çekia, Sllovakia dhe Uellsi.

Secila nga këto përfaqësuese ka identitet, stil lojë dhe histori suksesi krejt të ndryshme, ndaj njohja e tyre është thelbësore për të kuptuar sfidat që mund të presin Kosovën.

Polonia – përfaqësuese me traditë të gjatë dhe rezultate të mëdha

Polonia është një nga skuadrat më të njohura në Europë. E ka pasur kulmin në vitet ’70 dhe ’80, por mbetet gjithmonë një rival i rrezikshëm.

Arritjet kryesore: vendi i 3-të në Kupën e Botës: 1974 & 1982, kampione olimpike: 1972, nënkampione olimpike: 1976.

Kombëtarja e Polonisë

Ka prodhuar lojtarë të nivelit botëror, si Robert Lewandowski.

Kosova nuk ka luajtur ndonjë ndeshje në nivelin senior A kundër Polonisë, por është përballur me ta në grupmoshat U21 dhe në kategorinë e femrave.

Çekia – kundërshtari më i njohur për Kosovën

Çekia është kombëtarja e vetme nga lista me të cilën Kosova ka luajtur në ndeshje zyrtare.

Në vitin 2019, të dyja skuadrat u ndeshën në kualifikimet e Euro 2020 dhe ndanë nga një fitore.

Arritjet kryesore: Nënkampione e Europës: Euro 1996, gjysmëfinale e Euro 2004, si Çekosllovaki: Kampion Europe: 1976 dhe Nënkampione e Botës: 1934 & 1938.

Republika Çeke

Ndeshjet e ndërsjella me Kosovën: 2019 (Kosovë 2-1 Çeki), 2019 (Çeki 2-1 Kosovë).

Pra, Çekia është kundërshtari i vetëm me të cilin jemi përballur më herët.

Sllovakia – skuadër solide që vjen nga një sistem i ndërtuar mirë

Sllovakia, megjithëse një kombëtare relativisht e re, është e njohur për disiplinë dhe mbrojtje të fortë.

Arritjet kryesore: 1/8 e finales në Botërorin 2010, eliminuan Italinë me fitoren 3-2, pjesëmarrëse në Euro 2016 & Euro 2020.

Sllovakia

Nuk ka ndeshje të zhvilluara në nivel senior mes dy kombëtareve dhe takime kanë ekzistuar vetëm në nivele të moshave dhe sporte të tjera.

Uellsi – rritja e madhe në dekadën e fundit

Uellsi ka bërë një ngritje të jashtëzakonshme, sidomos që nga koha e Gareth Bale.

Arritjet kryesore: Gjysmëfinale e Euro 2016, Botërori 2022 – pjesëmarrja e parë pas 64 vitesh, çerekfinale e Botërorit 1958.

Uellsi

Nuk ka pasur ndeshje të luajtura mes seniorëve të Uellsit dhe Kosovës. Ka përballje vetëm në kategoritë e femrave dhe moshave të reja.

Pse këta kundërshtarë janë sfidues për Kosovën?

Përvojë ndërkombëtare – të gjitha kanë luajtur në Botëror ose Europian.

Shkolla të konsoliduara futbolli – sistemet e tyre të zhvillimit të talenteve janë të qëndrueshme.

Futbollistë me cilësi të lartë – nga Lewandowski te Schick, nga Skriniar te lojtarët e rinj të Uellsit./Telegrafi/

UEFA ka caktuar tashmë katërshen e gjyqtarëve që do të ndajnë drejtësinë në takimin e Kombëtares së Kosovës ndaj Zvicrës.

Kosova është nikoqire e Zvicrës në ndeshjen e fundit të grupeve për kualifikimet në Kupën e Botës 2026.

Ky takim është paraparë të zhvillohet në stadiumin Fadil Vokrri në Prishtinë, me fillim nga ora 20:45.

Lista e ndeshjes ndaj Zvicrës, Foda lë dy yjet e mëdhenj në tribunë

Për këtë ndeshje tashmë UEFA ka caktuar gjyqtarët që do ta ndajnë drejtësinë dhe ata janë italianët e njohur.

Davide Massa do të jetë gjyqtari kryesor i ndeshjes, ndërsa asistentët e tij do të jenë Filippo Meli dhe Stefano Alassio.

Gjyqtar i katërt është caktuar Daniele Chiffi. /Telegrafi/

Kombëtarja e Italisë ka siguruar tashmë një vend në play-off-et e kualifikimeve për Botërorin 2026, para ndeshjes së së enjtes kundër Moldavisë, por për të kaluar Norvegjinë dhe për të kualifikuar direkt në turneun final në verë, skuadra e Gennaro Gattuso ka nevojë për një mrekulli.

Italia ka mbetur në vendin e dytë, me 15 pikë nga 6 ndeshje, ndërsa Norvegjia kryeson grupin me 18 pikë nga 6 ndeshje.

Izraeli është i treti me 9 pikë, por ka luajtur një ndeshje më shumë dhe nuk mund të përmirësojë pozicionin e tij.

Azzurri kanë ende dy ndeshje për të luajtur, kundër Moldavisë të enjten dhe kundër Norvegjisë të dielën.

Si mund të kalojë Italia Norvegjinë?

Ekzistojnë dy rrugë të mundshme, të cilat kërkojnë fat të madh. Nëse Norvegjia humbet pikë në shtëpi kundër Estonisë (ndeshja fillon disa orë para takimit Moldova–Itali të enjten), atëherë Italia mund të marrë vendin e parë nëse fiton dy ndeshjet e saj, kundër Moldavisë dhe Norvegjisë.

Nëse Norvegjia fiton ndaj Estonisë, Italia mund të përfundojë me të njëjtat pikë si skandinavishtët, por do të ketë nevojë për një ndryshim shumë të madh në diferencën e golave.

Aktualisht, diferenca e golave e Norvegjisë është +26, ndërsa e Italisë +10.

Kjo do të thotë se Azzurri duhet të shënojë të paktën 17 gola në dy ndeshjet e ardhshme, një shifër që mund të ndryshojë në varësi të rezultatit të Norvegjisë kundër Estonisë.

Ndërsa Italia është e gatshme për dy përballjet e fundit të këtij cikli kualifikues, çdo gjë varet nga fatlumi i ndeshjeve të tjera dhe një performancë e jashtëzakonshme e skuadrës së Gattusos. Një mrekulli e tillë do të mundësonte kualifikimin direkt në Botërorin 2026, që mbahet në SHBA, Kanada dhe Meksikë. /Telegrafi/

TIRANË, 12 nëntor /ATSH/ Trajneri i Kombëtares, Sylvinho ka dhënë një intervistë për gazetën italiane “Corriere.it” duke thënë se Kupa e Botës 2026 me Shqipërinë është bërë një mision.

Në prag të ndeshjes kundër Andorrës, nesër në orën 20:45, kuqezinjtë janë pranë fazës play-off dhe trajneri kërkon vetëm tri pikë.

Shkrimi i plotë i “Corriere.it”

Nëse keni vënë re ndonjë grafiti të ri në muret pranë shtëpisë suaj, në kapakun e një makine me pluhur ose në asfalt mëngjesin e 12 tetorit, ndoshta ishte në shqip dhe festonte me ngjyra kuqezi fitoren e ekipit kombëtar të Sylvinhos në ndeshjen jashtë fushe kundër Serbisë.

“Tani duhet të fitojmë në Andorrë”, shpjegon trajneri brazilian, ish-ndihmës i Mançinit tek Interi dhe i Tites në Brazil. “Nëse e bëjmë këtë dhe Serbia nuk merr tri pikë në Angli, do të jemi në fazën tjetër. Tre vjet më parë, ishte një ëndërr dhe është bërë një qëllim, madje një mision, shpresa për të shkuar në një Kupë Bote për herë të parë për Shqipërinë është diçka e madhe, një emocion që përfshin të gjithë popullsinë, brenda vendit dhe në të gjithë botën.”

Shqipëria e kishte vënë Italinë në telashe në Kampionatin Evropian, duke barazuar me Kroacinë dhe duke humbur ngushtësisht ndaj Spanjës. Rritja e tyre ka vazhduar.

Po, toka është pjellore dhe ishte përgatitur në vitet e mëparshme nga trajnerë italianë si De Biasi, Reja dhe Panuçi.

Të mos harrojmë se shumë lojtarë janë stërvitur në vendin tuaj, dhe unë vetë kam studiuar për pesë vjet në Coverciano: të dish italisht në Shqipëri është një avantazh.

Ne kemi ambiente të mira, kemi bërë një punë të shkëlqyer duke vëzhguar fëmijët e diasporës dhe kemi organizuar një ekip teknik që luan me peshën e fanellës së tyre. Kjo gjithashtu bën diferencën.

A është Asllani ndër ata që kanë bërë një hap të madh në cilësi?

Po, ai kishte nevojë të luante gjatë gjithë kohës, të ishte titullar. Dhe largimi nga Interi për në Torino e ndihmoi të rritej: ai është një lloj tjetër lojtari, gjithmonë brenda dinamikës së lojës sonë, qoftë si një organizator i thellë apo si mesfushor. Ai na ndihmon të balancojmë dy fazat e sulmit dhe mbrojtjes, që është forca më e madhe e ekipit tonë.

A ishte fitorja në Serbi më shumë sesa thjesht një ndeshje futbolli?

Po, kjo është e vërtetë, megjithëse performanca jonë më e mirë ishte barazimi 0-0 kundër serbëve në ndeshjen e parë.

Nuk ishte e lehtë në fushën e tyre, por kishte respekt midis dy ekipeve, pavarësisht situatës themelore gjeopolitike.

Kur u kthyem në Tiranë, gjetëm një vend që festonte, të gëzuar pa masë.

Thatë se në një shkallë nga 1 deri në 10, ndiheni shqiptar me 8.5. Dhe sa afër ndiheni me eliminatoret në një shkallë nga 1 deri në 10?

Kemi një avantazh, një ‘match-ball’, dhe ndiej që nuk do të na ‘dridhet dora’ në momentin vendimtar. Por gjithçka mund të ndodhë ende, sepse jo gjithçka varet nga rezultati ynë.

Nëse Shqipëria arrin në fazën eliminatore, nuk do të jetë në vazon 4, që do të jetë kundërshtari i parë i Italisë. Kjo është mirë për Gattuso-n dhe për ty gjithashtu.

Po e marrim hap pas hapi, ndërsa Italia tashmë e ka të siguruar të paktën fazën eliminatore. Shpresojmë që me Gattuso-n të kthehet në Kupën e Botës, por pa u përballur me Shqipërinë në finalen eventuale…

Nëse gjërat vazhdojnë kështu, ata do të ngrenë një statujë në Tiranë.

Ajo që bëri diferencën ishte zgjedhja ime për të jetuar atje menjëherë, për të kaluar kohë me njerëzit që më falënderojnë në rrugë, për të marrë frymë në atmosferën e vendit.

Unë dhe stafi im ndiheshim sikur ishim njerëzit e duhur, në vendin e duhur, në kohën e duhur.

A është ende një ëndërr apo një qëllim shkuarja në Kupën e Botës?

Do të ishte një ëndërr e përjetshme, por ne e dimë se asgjë nuk vjen lehtë për ne. Siç u them gjithmonë lojtarëve të mi: le të qëndrojmë gjallë, le të qëndrojmë në lojë. Dhe do të shohim se si do të përfundojë.

/gj.m/r.e/a.f/

The post Sylvinho: Arritja në Kupën e Botës është mision, shpresoj të shmangim Italinë appeared first on Agjencia Telegrafike Shqiptare.

Kombëtarja e Kosovës do të luajë sot (e premte) ndaj Sllovenisë në kuadër të ndeshjeve kualifikuese për Kupën e Botës 2026.

Dardanët janë nikoqir të sllovenëve në ndeshjen e tretë të Grupit B, e cila pritet të zhvillohet në stadiumin Fadil Vokrri në Prishtinë me fillim nga ora 20:45.

Ekipi i Franco Fodas vjen në këtë përballje nga një fitore e madhe ndaj Suedisë dhe synon tri pikët e radhës për të vazhduar ëndrrën e kualifikimit.

Në anën tjetër, ekipi i Matjaz Kek vjen nga një humbje e rëndë nga Zvicra dhe do të tentoj këndelljen me një rezultat pozitiv.

Te Kosova mungojnë Amir Rrahmani dhe Lumbardh Dellova, teksa fubollistët tjerë janë të gjithë të gatshëm për lojë. /Telegrafi/

Përpara Shqipërisë, Serbia kërcënohet me përjashtim nga kualifikimet për Kupën e Botës dhe një pezullim dyvjeçar

Ekipi përfaqësues i Serbisë thuhet se po kërcënohet me përjashtim nga kualifikimet për Kupën e Botës në vitin 2026, dhe këtë e ka bërë të ditur edhe Federata e Futbollit e Serbisë.

Siç është njoftuar nga FSS, biletat për duelin më të rëndësishëm në kualifikueset e Kupës së Botës, pra biletat për ndeshjen me Shqipërinë, nuk do të hidhen në shitje të lirë.

Sipas mediumit Nova.rs, Serbia kërcënohet me përjashtim nga gara (kualifikimi), me një pezullim të mundshëm dyvjeçar nëse ndodh ndonjë skandal në atë ndeshje.

Serbia dhe Shqipëria takohen më 11 tetor (e shtunë) në orën 20:45 në Leskovac, dhe ky vendim i FSS-së nuk do të thotë që tribunat do të jenë bosh.

“Në përputhje me vlerësimin e FIFA-s, udhëzimet e Ministrisë së Brendshme të Republikës së Serbisë, konsultimet me UEFA-n dhe, mbi të gjitha, përvojën e keqe nga ndeshja e mëparshme që u ndërpre në vitin 2014, dhe për shkak të kësaj ekipi ynë mbeti administrativisht pa një vend në një garë të madhe, Komiteti për Çështje Urgjente i FSS-së mori vendim që për duelin e ardhshëm midis Serbisë dhe Shqipërisë, i cili do të luhet më 11 tetor në stadiumin 'Dubocica' në Leskovc, nuk do të ketë bileta në shitje”, shkruan në faqen zyrtare të FSS-së.

Ndryshe, FIFA e ndëshkoi Serbinë katër ditë më parë për sjelljen e tifozëve në ndeshjen kundër Anglisë, të cilën e humbjen me rezultat 0-5. /Telegrafi/

Shqipëria do të luajë kundër Serbisë më 11 tetor në ora 20:45, në stadiumin e Leskovacit sfidën më të rëndësishme të këtij rrugëtimi në kualifikueset e Kampionatit Botëror 2026. Pasi shpalli listën me 25 lojtarët e grumbulluar, trajneri Sylvinho doli sot (e premte) në konferencën zyrtare për media në ”Shtëpinë e Futbollit”.

Tekniku brazilian shpjegoi për gazetarët zgjedhjet e tij në këtë grumbullim, ndërsa theksoi se përballja e 11 tetorit ndaj Serbisë është sfida më e vështirë dhe më e rëndësishme e grupit dhe skuadra duhet të jetë e përqendruar 100%. Drejt Leskovcit, skuadra do të udhëtojë vetëm për të marrë një rezultat pozitiv. Ndër të tjera, ai shpjegoi edhe pse nuk ka ftuar lojtarë si Taulant Seferi, Nazmi Gripshi, Anis Mehmeti, Ernest Muçi dhe Etrit Berisha.

“Kemi grumbulluar 25 lojtarë. Kemi një situatë pak më ndryshe këtë herë. Katër ditë më parë, Ismajli ka pasur një dëmtim dhe nuk ka luajtur. Për ndeshjen e fundjavës nuk do të udhëtojë me ekipin drejt Romës për ndeshjen me Lazion. Mjekët e ekipit të tij do të jenë në kontakt të vazhdueshëm me doktorin tonë, për të parë dhe për të vlerësuar gjendjen e tij. Do të presim fundjavën për të marrë një vendim”, ka thënë fillimisht Sylvinho.

A besoni te skuadra? – Besoj absolutisht te lojtarët tonë. Nuk është momenti i eksperimenteve. Është një moment shumë i rëndësishëm i kualifikimit, ne i njohim shumë mirë lojtarët. Për shkak edhe të dëmtimeve, kemi grumbulluar këtë herë Klisman Caken, i cili hyn në grup. Sepse është momenti i lojtarëve me eksperiencë, nuk është momenti i një djali 21-22 vjeçar, duke qenë se është një ndeshje e rëndësishme. Besoj dhe jam i kënaqur me listën e të grumbulluarve.

Si do ta fitojë Kombëtarja këtë ndeshje? – Do të jetë një ndeshje e fortë dhe e vështirë, për të dyja skuadrat sepse jemi të dyja në moment për t’u kualifikuar. Skuadra e tyre është shumë e fortë dhe me eksperiencë, por në futboll luhet për 90 minuta. Nuk vendoset një ndeshje nga 15 apo 20 minuta. Sigurisht që do të jemi të fokusuar për 90 minuta për të bërë më të mirën. Jemi koshientë për atë që duhet të bëjmë. E thashë edhe më përpara, besoj shumë tek ekipi im, te lojtarët që kur u jep besim, krijohet edhe një atmosferë shumë e mirë te dhomat e zhveshjes. Besoj që do të bëjmë një ndeshje të mirë. Kemi bërë edhe më parë performanca të mira, si në Pragë, në Varshavë dhe do jemi 100% të përqendruar për të bërë 90 minuta të mira.

A është kjo ndeshja që na lë jashtë Botërorit nëse nuk marrim rezultat? – Është një ndeshje e rëndësishme për të qëndruar ”gjallë” dhe të jemi drejt objektivit për të shkuar në Botëror. Nuk është ndeshje definitive, sepse janë edhe dy ndeshje të tjera, përveç ndeshjes me Serbinë për të përfunduar këtë rrugëtim. Duhet të jemi shumë të përqendruar për të marrë fitoren. Duhet të paraqitemi shumë mirë që të kemi rezultat shumë të mirë. Nëse çdo gjë shkon mirë është edhe “play-off”. Objektivi në këtë moment është të përfundojmë në vendin e dytë, duke qenë se Anglia është një ekip shumë i fortë. Tani duhet të përqendrohemi 100% te Serbia. Është pengesë e vështirë, por që do të japim maksimumin.

Çfarë duhet të bëjnë më shumë Seferi, Gripshi dhe Mehmeti për të qenë pjesë e skuadrës? – Fillimisht kemi ndeshje të dytë dhe mund të kemi ndryshime në vazhdim. Nuk kisha dëshirë që në Serbi të shkoja me 26-27-28 lojtarë, preferoj të përqendrohem në 24 ose 25 lojtarë. Sepse edhe nga eksperienca ime si ish-lojtar, të dërgosh lojtarë në tribunë është e shëmtuar dhe të mërzit. Preferoj të flas për lojtarët që kam grumbulluar, por gjithsesi mund të them që Gripshi është një lojtar të cilin e ndjek prej 6 muajsh dhe më pëlqen shumë. Mehmetin e kam vizituar dhe në Bristol, por siç e kam thënë dhe më parë, kemi shumë ‘trafik’ në krahun e majtë si Hoxha, Bajrami, Uzuni. Mehmeti me ne ka luajtur në të djathtë, por me ekipin e tij luan në krahun e majtë. Ai ka luajtur ndeshjet e para me ne, e kemi pozicionuar në të djathtë. Është një lojtar shumë i mirë, nuk kam gjë kundër tij, por preferoj mos të shkoj me 26-27 lojtarë. Jam shumë i kënaqur me lojtarët të cilët kemi grumbulluar. Sa i përket Seferit, ai ka bërë një rrugëtim shumë të mirë me Kombëtaren tonë. Por jam i kënaqur me lojtarët që kemi grumbulluar. Dua të përmend edhe Çokën, i cili më ka pëlqyer shumë në ndeshjen e fundit. I ekuilibruar dhe taktik, por në thelb kjo është lista dhe lojtarët që kemi grumbulluar.

Si është gjendja emocionale dhe psikologjike e lojtarëve për këtë ndeshje? – E kam parë ndeshjen e 11 viteve më parë. Ne jemi të përgatitur për të bërë një ndeshje futbolli, për të pasur një ndeshje të bukur nga të dyja palët. Duhet të përgatitemi mirë për të dhënë 100% tonë. E theksova dhe më parë që kemi grumbulluar 25 lojtarë në mënyrë që të jemi të përqendruar në atë që duam të japim. Pjesë e punës me ekipin është edhe aspekti psikologjik, por nuk do ta quaja aspekt psikologjik. Më tepër preferoj të japim mesazhe tek ekipi, që duhet të punojmë fort dhe të jemi të përqendruar në këtë pjesë. Kemi disa ditë punë radhazi me ekipin, që do të ketë hapësirë për të punuar në aspektin individual.

Etrit Berisha? – Tre portierët që kemi grumbulluar për këtë ndeshje kanë dhënë performanca shumë të mira, si në ndeshje, po ashtu në stërvitje. Ia kam thënë Ilir Bozhiqit, përgatitësit tonë, më ka pëlqyer stërvitja e tyre. Dajsinani po bën shumë mirë. Simoni është lojtar për të ardhmen. Kur e mora në Evropian, e bëra sepse te Simoni kam besim shumë që në të ardhmen mund të marrë një vend në këtë Kombëtare dhe të ecë shumë para. Kemi lojtarë të rinj, nëse shikojmë ka gjithmonë lojtarë të rinj që ftohen. Në futboll ndodh kështu, ka ndryshim brezash. Jemi shumë të lumtur me këta lojtarë dhe do të përgatisim ndeshjet me këto portierë.

Presidenti Duka ka thënë se kjo ndeshje vendos fatin. A mendon se ka rëndësi të dyfishtë, si për Kombëtaren dhe për ju? – Ne duhet të përqendrohemi 100 % te ndeshja me Serbinë. Për të ardhmen duhet të mendoj unë, por nuk është momenti. Nuk më shqetëson aspak, duhet të përqendrohemi te Serbia. Vetëm aty jemi të fokusuar. Nuk duhet të harxhojmë energji me gjëra të tjera. Për të ardhmen mendoj unë, nuk është momenti sipas meje. Ndeshja me Serbinë nuk është e rëndësishme, por shumë e rëndësishme.

Pse mungon Muçi dhe nëse Ismajli do jetë i dëmtuar, do të ketë zëvendësues? – Muçi ka një rrugëtim të ri me një klub të ri, por siç e thashë ka shumë lojtarë në krahun e majtë. Duhet të zgjedh lojtarët. E zgjedh unë të shkoj me 25 lojtarë, jo me 28 në Serbi. Kjo ka qenë zgjedhja ime për sa i përket kësaj ndeshje. Nëse Ismajli nuk ia del, duhet ta mendojmë. Kemi fundjavën përpara dhe duhet të presim. Do të shohim gjendjen e tij dhe të lojtarëve të tjerë, sepse të gjithë lojtarët luajnë këtë fundjavë. Mund të flasim të dielën në mbrëmje për këtë, por tani duhet të presim. Ka një mundësi për të shkuar me 24, do shikojmë.

Ndryshimi i stadiumit për ndeshjen me Serbinë, është më mirë për ne, apo jo? – Nuk ndryshon asgjë ndryshimi i stadiumit. Është një stadium i ri, më i vogël. Ata janë mësuar duke luajtur në atë stadium. Kanë luajtur ndaj Andorrës, ndaj Danimarkës, etj. Në rastin tonë nuk ndryshon asgjë.

/Telegrafi/

Mbajeni mend këtë emër, sepse do t'ju bëhet shumë i njohur në muajt në vijim. Po flasim për Trionda, topin zyrtar të Kupës së Botës 2026, i cili u zbulua zyrtarisht në Nju Jork.

Lëkura e tij e prodhuar nga Adidas përfshin të gjithë teknologjinë e mundshme për të eliminuar prekjet e dyfishta ose të trefishta gjatë goditjeve të penalltisë, dhe për të ditur 'kornizën' që duhet përdorur sepse është e aftë të përcaktojë momentin e saktë kur goditet topi, dhe madje edhe kur një lojtar e prek topin me dorë.

Trionda manifeston kombet pritëse të turneut: Kanadanë, Meksikën dhe Shtetet e Bashkuara. I krijuar me një konstruksion të ri me katër panele për performancë superiore, gjeometria fluide e dizajnit kopjon valët e përshkruara në emrin zyrtar të topit.

Çdo panel përmban ngjyrat kombëtare - të kuqe, blu dhe jeshile - të cilat lidhen për të formuar një trekëndësh në qendër të panelit, duke simbolizuar tre vendet që bashkohen për të pritur turneun për herë të parë.

Tre ngjyra, tre vende

Çdo vend pritës përfaqësohet gjithashtu përmes ikonografisë kuptimplote: një yll për SHBA-në, një gjethe panje për Kanadanë dhe një shqiponjë për Meksikën.

Këto ikona shfaqen si grafika mbresëlënëse në panele dhe janë gdhendur me delikatesë në bazën mat të topit, duke krijuar një teksturë të detajuar të dukshme nga afër.

Dizajni plotësohet me detaje ari në nderim të trofeut të Kupës së Botës FIFA dhe elementë që përshkruajnë motivet në sipërfaqen e topit.

Nga një perspektivë performance, konstruksioni me katër panele është projektuar me qepje të thella dhe vija të skalitura strategjikisht, së bashku me ikona të vendit të ngulitura, duke krijuar një sipërfaqe që siguron stabilitet optimal gjatë fluturimit duke shpërndarë në mënyrë të barabartë rezistencën e ajrit.

"Me Trionda-n, çdo detaj ka një ndikim. Tekstet e stampuara, grafikat e shtresuara dhe ngjyrat e gjalla e bëjnë topin të dallohet menjëherë, duke krijuar një dizajn që ndihet i gjallë”, ka thënë Drejtori i Përgjithshëm i adidas Football, Sam Handy.

Teknologjia në shërbim të futbollit

Një tjetër veçori e re e rëndësishme e topit është se ai përfshin evolucionin më të fundit të ‘Connected Ball Technology’ të Adidas, me një sistem çipi inovativ të montuar anash.

Sensori i lëvizjes IMU 500Hz tani është vendosur brenda një shtrese të krijuar posaçërisht në njërën nga katër panelet, në vend që të montohet në mënyrë qendrore nëpërmjet një sistemi pezullimi. Shtimi i kundërpeshave në tre panelet e tjera siguron stabilitet dhe ekuilibër gjatë fluturimit.

Teknologjia dërgon të dhëna të sakta në sistemin Video Assistant Referee (VAR) në kohë reale, të cilat, të kombinuara me të dhënat e pozicionimit të lojtarëve dhe inteligjencën artificiale, i ndihmojnë gjyqtarët të marrin vendime më të shpejta për pozicionin jashtë loje.

E zhvilluar në bashkëpunim të ngushtë me Kinexon, ‘Connected Ball Technology’ mund të ndihmojë gjithashtu gjyqtarët të identifikojnë çdo prekje individuale të topit, duke zvogëluar kohën e nevojshme për të zgjidhur incidente specifike, të tilla si prekjet e mundshme të topit me dorë.

Kamerat e lidhura

Topi do të marrë informacion nga deri në dymbëdhjetë kamera (në varësi të vendit të ndeshjes, por gjithmonë një minimum prej tetë) të vendosura në të gjithë stadiumet, të lidhura me sensorin e lëvizjes së çipit të jashtëzakonshëm që topi do të mbajë brenda.

Nëse në ndeshjen e Kampionatit Evropian të vitit të kaluar, Fussballiebe, topi zyrtar i turneut, ishte i aftë të zbulonte edhe një prekje me dorë, këtë herë ai shkon edhe më tej dhe do të jetë një faktor përcaktues në vendimet e gjyqtarëve, të cilat do të merren më shpejt dhe me garanci të plota, falë çipit brenda që ofron një lidhje të drejtpërdrejtë me VAR.

Ajo që topi nuk do të ketë është një GPS për të përcaktuar trajektoren e tij, por do të ketë teknologji të vijës së portës. /Telegrafi/