Shtëpitë e futbollit, UEFA dhe FIFA kanë dërguar letra në zyrën e Federatës së Futbollit të Kosovës (FFK) për ta uruar presidentin Agim Ademi për rizgjedhjen si kryetar edhe për katër vite.

Ademi si kandidat i vetëm e siguroi edhe një mandat në krye të FFK-së, ku të gjithë e votuan, ndërsa nuk kishte asnjë abstenim apo kundërshtim.

Urimet drejt Ademit kanë ardhur edhe nga shtëpitë e futbollit, që e kanë uruar për rizgjedhjen në krye.

“I nderuar presidenti Agim, jam i lumtur të ndaj urimet për rizgjedhjen tuaj si president i Federatës së Futbollit të Kosovës”.

“Rritja dhe zhvillimi me një ritëm shumë të qëndrueshëm janë qartësisht të dukshme si në futbollin e femrave ashtu edhe në futbollin e meshkujve, ku për herë të parë së shpejti do ta shohim përfaqësuesen kombëtare të garojë në “play-off” për një vend në Kupën e Botës, duke shënuar një moment vërtet të veçantë në kohën e duhur për futbollin në Kosovë”.

“Ju uroj gjithë të mirat, Agim, teksa hyni në kapitullin e radhës plot entuziazëm që ju pret përpara”, thuhet në letrën e presidentit të UEFA-s Aleksandr Ceferin.

Ndërsa, presidenti i FIFA-s Gianni Infantino përpos Ademit, uroi edhe Komitetin Ekzekutiv, si dhe i falënderoi për kontributin e punës që po bëjnë në Kosovë.

“I nderuar z. President,

Ju lutem pranoni përshëndetjet e mia më të përzemërta dhe urimet më të sinqerta për rizgjedhjen tuaj si President i Federatës së Futbollit të Kosovës.

Do të isha mirënjohës nëse do t’i përcillnit gjithashtu urimet e mia edhe anëtarëve të Komitetit Ekzekutiv të zgjedhur bashkë me ju, ndërsa shfrytëzoj këtë rast për t’ju falënderuar për të gjitha përpjekjet tuaja, punën tuaj dhe kontributin e rëndësishëm në zhvillimin e sportit tonë dhe promovimin e vlerave të tij në Kosovë.

Ju dërgoj juve dhe ekipit tuaj urimet më të mira për këtë mandat të ri dhe shumë suksese për të gjitha sfidat që ju presin përpara. Pres me kënaqësi, i nderuar z. President, të vazhdojmë bashkëpunimin për rritjen dhe prosperitetin e futbollit në Kosovë në vitet në vijim”, thuhet në letrën e FIFA-s./Telegrafi

FIFA mund të ketë mundësinë t’ia heqë Shteteve të Bashkuara të drejtën për organizimin e Kupës së Botës 2026, nëse aktivizohet një klauzolë pak e njohur e kontratës përpara fillimit të turneut.

Me Kupën e Botës 2026 që po afron me shpejtësi, organizatorët tashmë janë në terren në të gjitha 16 qytetet pritëse: Atlanta, Boston, Dallas/Arlington, Houston, Kansas City, Los Anxhelos, Miami, New York/New Jersey, Filadelfia, San Francisco Bay Area, Seattle, Toronto, Vancouver, Mexico City, Guadalajara dhe Monterrey.

Megjithatë, ka pasur thirrje nga deputetë, përfaqësues të medias dhe tifozë që SHBA-së t’i hiqet e drejta e organizimit për shkak të klimës aktuale politike nën presidencën e Donald Trump.

Në janar, një grup prej 23 deputetësh britanikë nënshkruan një mocion ku u kërkohej organizatave ndërkombëtare sportive të shqyrtonin përjashtimin e SHBA-së nga garat madhore, përfshirë edhe Kupën e Botës.

Kjo mbetet shumë e pamundur, duke pasur parasysh ndikimin e madh që SHBA ka në botën e sportit, si dhe faktin se është bashkëorganizatorja kryesore e turneut.

Që nga marrja e detyrës në janar 2025, Trump ka shkaktuar polemika si brenda SHBA-së ashtu edhe në arenën ndërkombëtare.

Në janar, dy shtetas amerikanë u qëlluan për vdekje nga agjentë të ICE (Shërbimi i Imigracionit dhe Doganave) në Minneapolis, Minnesota, duke shkaktuar reagime të gjera dhe zemërim publik.

Po ashtu, në janar, Trump i kërkoi Danimarkës t’ia dorëzonte SHBA-së territorin autonom të Groenlandës, për atë që ai e përshkroi si arsye sigurie.

Shqetësimet dhe sugjerimet për heqjen e të drejtës së organizimit nga SHBA pritet të vazhdojnë deri në fillimin e turneut, por a është kjo reale dhe a ka FIFA fuqinë për ta bërë një gjë të tillë?

Teknikisht, po, por një vendim kaq me ndikim të madh, kaq pranë zhvillimit të turneut, nuk do të merrej pa pasoja serioze.

Sipas rregulloreve të Kupës së Botës FIFA 2026, FIFA ka të drejtën të “anulojë, riplanifikojë ose zhvendosë një ose më shumë ndeshje (ose të gjithë Kupën e Botës 2026) për çfarëdo arsye, sipas diskrecionit të saj të vetëm, përfshirë rastet e forcës madhore ose për shkak të shqetësimeve që lidhen me shëndetin, sigurinë apo mbrojtjen”.

Forca madhore përkufizohet si një ngjarje si lufta, krimi apo çdo rrethanë tjetër e paparashikuar që e pengon një individ ose organizatë të përmbushë detyrimet e parashikuara në një marrëveshje ligjore./Telegrafi/

Presidenti i FIFA-s, Gianni Infantino, është përballur me kritika të forta nga zyrtarët ukrainas dhe drejtuesit e futbollit, pasi shprehu dëshirën e tij për të hequr ndalimin e Rusisë nga garat ndërkombëtare.

Në një intervistë të hënën, Infantino tha se FIFA “nuk duhet të ndalojë kurrë asnjë vend të luajë futboll për shkak të veprimeve të udhëheqësve të tyre politikë” dhe se pezullimi aktual “nuk ka arritur asgjë, thjesht ka krijuar më shumë frustrim dhe urrejtje”.

Ai shtoi se lejimi i djemve dhe vajzave ruse për të luajtur në Evropë "mund të ndihmojë" situatën.

Infantino deklaroi se Rusia duhet të kthehet të luajë futboll – ukrainasit e quajnë deklaratën “degjenerim total” dhe "të papërgjegjshëm” telegrafi.com

Ministri i Jashtëm i Ukrainës, Andrii Sybiha, reagoi në mediat sociale, duke e quajtur Infantinon një “degjenerim moral” dhe duke vënë në dukje se “679 vajza dhe djem ukrainas nuk do të jenë kurrë në gjendje të luajnë futboll - Rusia i vrau”, ndërsa akuzoi presidentin e FIFA-s se po injoron luftën e vazhdueshme të Rusisë.

Ministrja e sportit e Ukrainës, Matvii Bidnyi, i përshkroi komentet e Infantinos si “të papërgjegjshme — për të mos thënë infantile”, duke theksuar vdekjen e atletëve të rinj ukrainas, siç është nxënësja e klasës së 10-të Illia Perezhogin, e vrarë nga një raketë ruse ndërsa luante futboll në Mariupol, dhe lojtarja e futsalit Viktoriia Kotliarova, e vrarë me nënën e saj gjatë bombardimeve në Kiev në dhjetor 2023.

Shoqata Ukrainase e Futbollit i kërkoi FIFA-s të mos ndryshojë qëndrimin e saj ndërsa lufta vazhdon, duke deklaruar se pezullimi është një "metodë efektive presioni kundër agresorit".

Drejtori ekzekutiv i Shakhtar Donetsk, Sergei Palkin, e quajti propozimin një “shkëputje të plotë nga realiteti” pas katër vitesh lufte, duke vënë në pikëpyetje pse Infantino nuk e ka vizituar kurrë Ukrainën për të parë shkatërrimin nga afër.

telegrafi.com

Komentet vijnë në mes të përjashtimit të Rusisë që nga pushtimi i plotë i vitit 2022, një ndalim fillimisht i nxitur nga presioni i kombeve evropiane, përfshirë Poloninë, Suedinë dhe Anglinë, të cilat refuzuan të luanin kundër Rusisë në kualifikueset e Kupës së Botës. /Telegrafi/

Presidenti i FIFA-s, Gianni Infantino, ka mbrojtur vendimin e institucionit më të lartë të futbollit botëror për t’i dhënë Çmimin e Paqes të FIFA-s ish-presidentit amerikan Donald Trump, duke theksuar rolin e tij në ndërmjetësimin e disa konflikteve ndërkombëtare.

Në një intervistë për Sky News, Infantino deklaroi se Trump ka pasur ndikim të drejtpërdrejtë në përpjekjet për paqe.

“Ai luajti një rol të rëndësishëm në zgjidhjen e konflikteve dhe shpëtoi mijëra jetë”, u shpreh presidenti i FIFA-s.

Donald Trump ishte fituesi i parë i këtij çmimi dhe e përshkroi vlerësimin si “një nga çmimet më të mëdha të jetës sime”.

Sipas FIFA-s, arsyeja kryesore për këtë vendim lidhet me rolin e Trump në një marrëveshje paqeje ndërmjet Republikës Demokratike të Kongos dhe Ruandës, si dhe në arritjen e një armëpushimi mes Izraelit dhe Palestinës.

Vendimi i FIFA-s ka nxitur reagime të shumta, veçanërisht në Shtetet e Bashkuara, ku disa zëra kanë hedhur idenë e bojkotimit të Kupës së Botës nga disa vende. Megjithatë, Infantino e ka kundërshtuar me vendosmëri një skenar të tillë.

“Mendoj se në botën tonë të përçarë dhe agresive, kemi nevojë për momente ku njerëzit mund të bashkohen dhe të ndajnë pasionin e tyre për futbollin”, theksoi ai.

Infantino shtoi gjithashtu se edhe politikania venezueliane Maria Corina Machado, e cila ka fituar Çmimin Nobel për Paqen, e mbështet vendimin e FIFA-s për dhënien e këtij çmimi Donald Trumpit. /Telegrafi/

Federata Ndërkombëtare e Futbollit (FIFA) dhe Unioni i Federatave Evropiane të Futbollit (UEFA) kanë konfirmuar zyrtarisht se Federata e Futbollit e Kosovës (FFK) ka realizuar ndryshimet statutore në përputhje të plotë me parimet dhe rekomandimet e FIFA-s dhe UEFA-s, si dhe me Ligjin për Sportin dhe kërkesat e Ministrisë së Kulturës, Rinisë dhe Sportit (MKRS).

Në një shkresë të përbashkët drejtuar presidentit të FFK-së, Agim Ademi, dy institucionet ndërkombëtare vlerësojnë se amendamentet statutore janë rezultat i një procesi gjithëpërfshirës dhe të koordinuar konsultimi ndërmjet FIFA-s, UEFA-s, FFK-së dhe MKRS-së.

Në letër rikujtohet gjithashtu se përfaqësues të FIFA-s dhe UEFA-s kanë qenë të pranishëm në të gjitha kuvendet e FFK-së ku janë miratuar këto ndryshime, me qëllim garantimin e standardeve të qeverisjes.

FIFA dhe UEFA theksojnë rëndësinë e respektimit të parimit të pavarësisë institucionale, duke nënvizuar se procesi zgjedhor i FFK-së duhet të zhvillohet pa asnjë ndërhyrje të padrejtë nga palë të treta.

Sipas tyre, çështjet që lidhen me qeverisjen dhe anëtarësinë e federatës janë kompetencë ekskluzive e organeve statutare të FFK-së.

Po ashtu, FIFA dhe UEFA kanë konfirmuar se përfaqësuesit e tyre do të jenë të pranishëm në Kuvendin Zgjedhor të FFK-së, i cili është planifikuar të mbahet më 5 shkurt 2026, për të vëzhguar zhvillimin e procesit në përputhje me Statutin e FFK-së.

Presidenti i Federatës Spanjolle të Futbollit (RFEF), Rafael Louzan, ka bërë të ditur se finalja e Kupës së Botës 2030 do të zhvillohet në Spanjë, duke theksuar rolin kryesor të vendit në organizimin e këtij edicioni historik.

Botërori i vitit 2030 do të mbahet në mënyrë të përbashkët nga Spanja, Portugalia dhe Maroku, ndërsa ndeshje të tjera do të zhvillohen edhe në Uruguai, Paraguaj dhe Argjentinë.

Ky format i veçantë është planifikuar për të festuar 100-vjetorin e turneut më të madh të futbollit në botë.

“Spanja do të udhëheq Botërorin dhe finalja do të mbahet këtu”, ka thënë Louzan, duke nënvizuar se vendi ka infrastrukturën dhe përvojën e nevojshme për të organizuar ngjarje të tilla të mëdha.

Stadiumet më prestigjioze të vendit, përfshirë ‘Camp Nou’ në Barcelonë dhe ‘Santiago Bernabeu’ në Madrid, konsiderohen kandidatë kryesorë për të pritur finalen.

Përveç vlerës së tyre historike, këto impiante plotësojnë standardet më të larta të FIFA-s për organizimin e ndeshjeve të rëndësishme.

Ky njoftim vjen pas disa muajsh spekulimesh mbi vendet që do të përfshihen në organizimin e Botërorit të ardhshëm dhe pritet të ngrejë interes të madh nga tifozët dhe mediat sportive në mbarë botën. /Telegrafi/

Zgjerohet fronti që kërkon të braktisë kompeticionin më të rëndësishëm futbollistik. Çështja ka përfshirë politikën, ndërsa në anën tjetër është linja e fortë e Washington-it mbi emigrimin, që u mohon pjesërisht tifozëve hyrjen në SHBA.

Botërori nuk ka qenë kurrë më parë kaq në rrezik. Nuk bëhet fjalë për kualifikimin e ndonjë ekipit të madh, problemi është politik. Gjithmonë e më shumë vende europiane po mendojnë ta bojkotojnë eventin e verës, pas zhvillimeve të fundit në raportet me SHBA-të.

Në krye të protestës është natyrisht Danimarka. Tentativat e Trump për të marrë Groenlandën (territor që i përket kurorës daneze) kanë irrituar opinionin publik. Në një sondazh të fundit të portalit “BT”, 90% e danezëve u shprehën pro bojkotit të Botërorit.

Çështja ka prekur edhe Suedinë, ku prej kohësh një pjesë e mirë e konsumatorëve refuzon të blejë mallra “Made in Usa”, si një përgjigje për qartësinë e munguar të pozicionit të Trump për konfliktin mes Rusisë dhe Ukrainës.

Diskutime të forta mbi Botërorin amerikan ka edhe në Gjermani. Zëvendëspresidenti i Federatës, Oke Göttlich, president i St.Pauli, klub i lagjes punëtore të Hamburgut, ka dalë hapur kundër. Ai gjithmonë ka qenë kundër modelit futboll-biznes.

Për “Hamburger Morgenpost”, Göttlich ka thënë se ka ardhur momenti për veprime konkrete të forta. Ky qëndrim është në linjë me kërkesat e tifozëve të St.Pauli, që së fundi i kanë bërë apel FIFA-s për të njohur Federatën e Futbollit të Groenlandës. Një gjest simbolik, që mund të përfaqësojë një “levë diplomatike” ndaj pretendimeve amerikane.

Iniciativa është mbështetur nga disa politikanë të Cdu, por është ndalur nga presidenti i Federatës Gjermane të Futbollit, Bernd Neuendorf, i cili kishte përkrahur protestën e kombëtares gjermane në Katar për të drejtat e njeriut.

Në mes janë edhe problemet që lidhen me faktorin e sigurisë. Sidomos pas imazheve të ditëve të fundit të Minneapolis, me 3 mijë agjentë të Ice të mobilizuar për operacionin anti-emigrim të kërkuar nga Trump. Nuk është ende e qartë se si qeveria amerikane do të administrojë fluksin e tifozëve nga shumë vende të botës që do të ndjekin Botërorin.

Muajt e fundit Washington-i ka pezulluar apo ndaluar vizat turistike për qytetarët e disa vendeve, mes tyre edhe të vendeve të kualiafikuara për në Botëror. Është rasti i Iranit. Po ashtu, nuk është e qartë se në çfarë mënyre do të aplikohet “Fifa pass” i propozuar nga Infantino për të lehtësuar hyrjen e tifozëve të çdo pasaporte.

Klima e rënduar ndërkombëtare, tensioni në rritje në SHBA dhe paqartësia në lidhje me vizat turistike rrezikojnë seriozisht të kompromentojnë shpirtin e vëllazërisë dhe universalitetit që ka qenë gjithmonë baza e Botërorëve. Ideja e kojkotit nga java në javë po fiton kuota.

The post Danimarka dhe Suedia kundër Trump: Bojkotojmë Botërorin në SHBA! Polemika dhe në Gjermani appeared first on Albeu.com.

Ish-presidenti i FIFA-s, Sepp Blatter, mbështeti të hënën një propozim për bojkotimin e ndeshjeve të Kupës së Botës në Shtetet e Bashkuara nga tifozët, për shkak të sjelljes së Presidentit Donald Trump dhe administratës së tij brenda dhe jashtë vendit.

Blatter është figura e fundit ndërkombëtare e futbollit që vë në pikëpyetje të drejtën e Shteteve të Bashkuara si vend pritës. Ai bëri thirrje për bojkot në një postim në platformën X, duke mbështetur komentet e Mark Pieth nga një intervistë që ai dha për gazetën zvicerane Der Bund javën e kaluar.

Pieth, një avokat zviceran i specializuar në krimin ekonomik dhe ekspert në luftën kundër korrupsionit, kryesoi Bordin Mbikëqyrës të Organit të Pavarur për Reformën e Qeverisjes së FIFA-s një dekadë më parë. Blatter ishte president i shtëpisë botërore të futbollit nga viti 1998 deri në vitin 2015 dhe dha dorëheqjen për shkak të një hetimi për korrupsion.

"Duke marrë parasysh gjithçka që kemi thënë, ka vetëm një këshillë për tifozët: Qëndroni larg SHBA-së! Do ta shihni gjithçka më mirë në TV gjithsesi. Dhe me të mbërritur, tifozët duhet të presin që nëse zyrtarëve nuk u pëlqejnë, do t'i vendosin menjëherë në aeroplanin tjetër për në shtëpi. Nëse janë me fat", tha Pieth në një intervistë me Der Bund.

Në postimin e tij për Xu, Blatter citoi Pieth dhe shtoi: "Mendoj se Mark Pieth ka të drejtë që vë në dyshim këtë Kupë Bote".

Shtetet e Bashkuara do të bashkëorganizojnë Kupën e Botës me Kanadanë dhe Meksikën nga 11 qershori deri më 19 korrik.

Shqetësimi i komunitetit ndërkombëtar të futbollit në lidhje me Shtetet e Bashkuara rrjedh nga qëndrimi ekspansionist i Trump ndaj Grenlandës, ndalimet e udhëtimit dhe taktikat agresive në trajtimin e emigrantëve dhe protestuesve anti-imigracion në qytetet amerikane, veçanërisht në Minneapolis.

Një nga nënkryetarët e Federatës Gjermane të Futbollit, Oke Gottlich, tha në një intervistë me gazetën Hamburger Morgenpost të premten se ka ardhur koha për të shqyrtuar seriozisht bojkotimin e Kupës së Botës.

Gjermania po e shqyrton bojkotimin e Kupës së Botës 2026 për shkak të Trump

Dy javë më parë, planet e udhëtimit të tifozëve nga dy prej kombeve kryesore të futbollit në Afrikë u ndërprenë rëndë kur administrata Trump njoftoi një ndalim që do t'i pengonte në mënyrë efektive njerëzit nga Senegali dhe Bregu i Fildishtë të ndiqnin ekipet e tyre kombëtare, përveç nëse ata tashmë kanë viza. Trump përmendi "mangësitë në kontrolle dhe verifikime të të dhënave" si arsyen kryesore për pezullimet.

Tifozëve nga Irani dhe Haiti, dy vende të tjera që u kualifikuan për Kupën e Botës, do t'u ndalohet gjithashtu hyrja në Shtetet e Bashkuara. Ata u përfshinë në paketën e parë të ndalimit të udhëtimit të njoftuar nga administrata Trump. /Telegrafi/

TIRANË, 23 janar/ATSH/ FIFA ka njoftuar zyrtarisht se procesi i akreditimit të mediave për FIFA World Cup 2026 do të menaxhohet ekskluzivisht përmes platformës online FIFA Media Hub.

Në njoftim thuhet se interesi i medieve pritet të jetë shumë i lartë, duke tejkaluar ndjeshëm numrin e akreditimeve të disponueshme. Për këtë arsye, procesi do të jetë transparent dhe i drejtë për përzgjedhjen.

Sipas FSHF-së, aplikimet për akreditim filluan në fillim të janarit 2026, ndërsa afati i fundit për aplikim është 28 shkurt 2026. Nga fundi i shkurtit, FIFA do të nisë konfirmimet e akreditimeve dhe informacionet shtesë për mediet e përzgjedhura. Gazetarët dhe fotografët që duan të aplikojnë duhet të kenë një llogari të miratuar në FIFA Media Hub dhe një kod unik kontrolli të lëshuar nga federata kombëtare përkatëse, ndërkohë që pajisja me kod nuk garanton miratimin e akreditimit, pasi FIFA rezervon të drejtën e verifikimit dhe refuzimit të aplikimeve.

FSHF bën me dije se çdo federatë anëtare do të ketë një kuotë të caktuar akreditimesh, e cila bazohet në pjesëmarrjen në edicionet e mëparshme të Kupës së Botës dhe në statusin e kualifikimit të ekipit kombëtar për këtë edicion. Federatat inkurajohen të bashkëpunojnë me shoqatat kombëtare të gazetarëve për një shpërndarje të drejtë të kuotave. Kategoritë e mediave që mund të aplikojnë përfshijnë shtypin e shkruar (print dhe digital), fotografët, agjencitë ndërkombëtare të lajmeve dhe fotografisë, gazetarët freelance, mediat radio-televizive pa të drejta transmetimi dhe partnerët mediatikë të FIFA-s.

Procesi i aplikimit për bileta për ndeshjet e fazës së grupeve do të nisë pas hapjes së akreditimeve dhe do të kryhet vetëm përmes FIFA Media Hub. Çdo përfaqësues i akredituar mund të aplikojë për maksimum një ndeshje në ditë, në varësi të disponueshmërisë. Pas konfirmimit të akreditimit, FIFA do të ofrojë udhëzime të detajuara për procedurat e vizave, ndërsa federatat inkurajohen të shpërndajnë kuotat sa më herët për të mundësuar organizimin e udhëtimit. Për menaxhimin e kuotave, çdo federatë duhet të caktojë zyrtarisht personat përgjegjës dhe t’i njoftojë FIFA-n, ndërkohë që llogaritë e përdorura janë individuale dhe nuk lejohet ndarja e aksesit.

/e.i/j.p/

The post FIFA hap akreditimet për mediet për Kupën e Botës 2026 përmes FIFA Media Hub appeared first on Agjencia Telegrafike Shqiptare.

Bordi i Shoqatës Ndërkombëtare të Futbollit (IFAB) ka vendosur të mos miratojë propozimin revolucionar për ndryshimin e rregullit të pozitës jashtë lojës, i njohur si "Ligji i Wenger", pas takimit të tyre të rregullt në Londër të martën.

Sipas propozimit të ish-trajnerit Arsene Wenger, sulmuesit do të konsideroheshin në pozicion të rregullt nëse ndonjë pjesë e trupit të tyre ishte në nivel me mbrojtësin e parafundit.

Megjithatë, ndryshimi nuk u miratua, pasi UEFA dhe katër shoqatat britanike (Anglia, Skocia, Uellsi dhe Irlanda e Veriut) e kundërshtuan atë, duke e konsideruar si shumë radikal dhe të mundshëm për të krijuar kaos në mbrojtje. FIFA, nga ana tjetër, e kishte mbështetur ndryshimin për të inkurajuar më shumë futboll sulmues.

IFAB vendosi të vazhdojë testimin më të gjerë të pozicionit jashtë loje, ku përfshihet edhe Premier League në Kanada, si një nga garat që do të provojnë propozimin e Wenger.

Përmirësimet e VAR-it dhe koha e humbur

Gjatë takimit u diskutuan edhe përmirësimet e sistemit VAR dhe mënyrat për të reduktuar humbjen e kohës në lojë. IFAB miratoi përdorimin opsional të VAR-it për të shqyrtuar vendime të pasakta nga goditjet nga këndi, me kusht që kjo të bëhet menjëherë pa vonuar lojën. Ky ndryshim u sugjerua nga shefi i gjyqtarëve të FIFA-s, Pierluigi Collina.

Një shqyrtim i zgjeruar i VAR-it u mbështet edhe për kartonët e dytë të verdhë që çojnë në karton të kuq dhe për penalltitë e humbura. Për të parandaluar humbjen e kohës, u propozuan rregulla më të rrepta për rivëniet anësore dhe goditjet nga porta, ku tejkalimi i një numërimi mbrapsht do t’i jepte posedimin e topit kundërshtarit.

Diskutimet mbi largimin e lojtarëve të lënduar nga fusha për trajtim mbetën të hapura për shkak të mosmarrëveshjeve mbi kohëzgjatjen, megjithëse u propozua që zëvendësimet të kryheshin brenda 10 sekondave për të shmangur vonesat. /Telegrafi/

Tifozët vazhdojnë festën, por nuk dihet si do të jetë fundi. E vërtetë që kombëtarja e futbollit e Senegalit lumturoi popullin e saj, veçse një kërcënim I madh ka lindur për trofeun e Kupës së Kombeve të Afrikës të ngritur në stadiumin e Rabatit nga kapiteni Kulibali dhe shokët e tij.

Maroku, skuadra vendase që humbi finalen, ka bërë ankesë zyrtare në FIFA dhe në Konfederatën e Futbollit të Afrikës, duke kërkuar ose ndeshjen në tavolinë, ose përsëritjen e saj.

Argumenti më I fortë I Federatës Marokene është që Senegali braktisi finalen në sekondat e fundit të pjesës së dytë pasi arbitri Zhan Zhak Ndala dha penallti kundër miqve.

Nxitja erdhi nga trajneri Pape Çau, I cili më pas kërkoi falje për veprimin. Ndërprerja zgjati 17 minuta, dhe I vetmi që kërkoi rifillimin e lojës ishte Sadio Mane, që bindi ekipin të kthehej në terren.

Brahim Diaz e humbi penalltinë e tij në formë “Panenke”, por ankesa e marokenëve thekson se ylli i Realit u ndikua shumë nga kjo ndërprerje.

Jo vetëm ai, por të gjithë lojtarët u ndikuan negativisht. Pritet të shihet se cili do të jetë qendrimi I FIFA-s dhe Konfederatës Afrikane, ndërsa në të kaluarën kemi dy raste të tilla që kanë përfunduar keq për braktisësit.

Në Kupën e Botës në Spanjë në 1982, Kuvajti provoi të linte ndeshjen ndaj Francës i pakënaqur nga arbitri, i urdhëruar nga sheiku Fahd Al Ahmed Al Sabah, ndonëse “gjelat” fituan në fund 4-1 dhe ndeshja u mbyll.

FIFA e gjobiti Kuvajtin me mbi 14 000 USD ose mbi 1.3 milionë peseta spanjolle. Rasti i dytë ishte ai i braktisjes së ndeshjes nga Milani, në fushën e Olimpikut të Marsejës në çerekfinale të Kupës së Kampionëve në 1991.

Francezët po fitonin 1-0 pas barazimit 1-1 në “San Siro”, dhe administratori i deleguar, Adriano Galiani, nxiti italianët të largoheshin pasi ikën dritat në stadiumin “Velodrom”. UEFA ia dha kualifikimin Marsejës, ndërsa Milani u përjashtua një vit nga kupat e Europës./abcnews.al

TIRANË, 20 janar/ATSH/ Kombëtarja shqiptare nuk ka ndryshuar pozicion në klasifikimin e Federatës Ndërkombëtare të Futbollit për muajin janar.

Qeveria e futbollit botëror publikoi renditjen e parë për vitin 2026 me kuqezinjtë që e nisin vitin në të njëjtin pozicion siç e mbyllën edhe vitin 2025, në vendin e 63-të me 1401,07 pikë të grumbulluara.

Ajo që ka fituar sërish pozicion është pikërisht përfaqësuesja e Kosovës. Dardanët e nisin vitin 2026 në vendin e 79-të, një shkallë më lart në krahasim me klasifikimin e publikuar në fund të vitit 2025 me skuadrën e drejtuar nga Franco Foda që shkon në 1308,84 pikë.

Sigurisht që Kupa e Afrikës e mbyllur këtë të dielë ka ndikuar jo pak në klasifikimin e parë të FIFA për këtë vit, me dy skuadrat finaliste që kanë bërë shumë shumë progres duke ngjitur shkallë në këtë renditje. Kështu Maroku edhe pse humbi në finale e sheh veten mes 10 ekipeve më të mira të botës duke u pozicionuar në vendin e 8-të, një ngjitje me 3 vende në krahasim me muajin e kaluar. Ndërsa skuadra kampione e Afrikës, Senegali fitoi 5 vende dhe ngjitet në vendin e 12-të, një pozicionim që zbret Italinë në vendin e 13-të, shkruan TCh.

Për sa i përket kreut, Spanja vazhdon të jetë në vendin e parë, e ndjekur nga kampionia e botës në fuqi Argjentina dhe Franca në të tretin.

/a.f/r.e/

The post Shqipëria ruan pozicionin në renditjen e FIFA-s, Kosova ngjitet në vendin e 79-të appeared first on Agjencia Telegrafike Shqiptare.

Kosova është ngritur për një pozitë në ranglistën e FIFA-s, nga pozita e 80-të, Dardanët është ngritur në pozitën e 79-të.

Ranglista e re e FIFA-s u publikua të hënën pasdite, ndërsa tani Kosova zë vendin e 79-të, që është renditja më e mirë pas pranimit në UEFA dhe FIFA.

Kosova ka pasur ngritje, pasi në këtë ka ndikuar rënia e Gabonit, që u paraqit në Kupën e Afrikës, që ka rënë për tetë pozita.

Kosova tani zë vendin e 79-të

Ndërkohë, Shqipëria mbetet në pozitën e 63-të, sikurse që ishte edhe në renditjen e janarit.

Hoffenheim në rrugën e Ligës së Kampionëve, me tre kosovarë që po shkëlqejnë – kjo e kthen në shans historik edhe për Kosovën

Shtatë pozita e para nuk kanë ndryshuar, me Spanjën, Argjentinën, Francën, Anglinë, Brazilin, Portugalinë dhe Holandën, ndërsa ngritje të madhe ka bërë Maroku, që është i teti, duke u ngjitur për tri pozita.

Vendet e para në renditjen e FIFA-s

Edhe Senegali si kampion është ngjitur për shtatë pozita, tani I 12-të në renditje, para Italisë si e 13-ta. /Telegrafi/

Pas vendimit të Donald Trump për të vendosur ndalime udhëtimi për 15 vende pjesëmarrëse në Kupën e Botës, FIFA ka lëshuar një deklaratë.

SHBA-të janë bashkë-organizatorë të Kupës së Botës të ardhshme FIFA, së bashku me Kanadanë dhe Meksikën, dhe ndalimi i udhëtimit hyn në fuqi vetëm disa muaj para fillimit të turneut.

FIFA tani i ka paralajmëruar tifozët dhe njerëzit e interesuar se një biletë ndeshjeje nuk ju garanton hyrjen në SHBA.

“Një biletë ndeshjeje nuk garanton hyrjen në vendin pritës dhe tifozët duhet të vizitojnë sot faqen e internetit të qeverisë së secilit vend për kërkesat e hyrjes në Kanada, Meksikë dhe Shtetet e Bashkuara”, thuhet në njoftimin për shtyp të FIFA-s.

“Duke pasur parasysh kohën e përpunimit, FIFA rekomandon dorëzimin e aplikimit për vizë sa më shpejt të jetë e mundur.”

The post FIFA paralajmëron tifozët, pasi presidenti Trump ndaloi 15 vende të hyjnë në SHBA appeared first on Albeu.com.

U zhvillua ditën e sotme ceremonia e dorëzimit të stemave të FIFA-s për vitin 2026 për arbitrat djem dhe vajza të futbollit shqiptar.

Ky ishte një aktivitet me rëndësi historike, pasi për herë të parë futbolli shqiptar përfaqësohet në arenën ndërkombëtare me 21 arbitra dhe asistentë, numri më i madh në historinë e arbitrimit shqiptar.

Gjashtë arbitra janë certifikuar me stemën FIFA për vitin 2026: Enea Jorgji, Juxhin Xhaja, Eldorjan Hamiti, Florjan Lata, Emanuela Rusta dhe Eglantina Pjetrushaj. Gjithashtu, me stemën FIFA në VAR është certifikuar Kreshnik Barjamaj.

Asistentët me stemë FIFA janë Denis Rexha, Ridiger Cokaj, Ilir Tartaraj, Rejdi Avdo, Arbër Zalla, Erind Burgu, Marjus Qose, Edjena Kapxhiu, Koleta Prenga dhe Mirjeta Sella. Për herë të parë stemën e FIFA-s si asistentë e kanë marrë Marjo Shazivari dhe Jena Mala.

Futbolli shqiptar përfaqësohet gjithashtu edhe në futsall me dy arbitra FIFA. Pas Arlind Subashit, këtë sezon stemën e FIFA-s e ka fituar edhe Albano Stolaj.

Në këtë aktivitet, të organizuar nga BASHF dhe Sektori i Arbitrimit, ishin të pranishëm Presidenti i Federatës së Futbollit, Armand Duka, shefi i Sektorit të Arbitrimit, Sokol Jareci, Presidenti i BASHF, Tahir Kastrati dhe Sekretari i Përgjithshëm i BASHF, Klajdi Kola.

Presidenti i FSHF-së, Armand Duka, vlerësoi marrjen e stemës së FIFA-s nga arbitrat shqiptarë si një vlerësim për punën dhe kontributin e tyre shumëvjeçar, duke theksuar se ky sukses nuk është vetëm individual, por edhe një përfaqësim i gjithë trupës arbitrale dhe i futbollit shqiptar.

Presidenti Duka theksoi rëndësinë që arbitrat me stemë FIFA të përfaqësojnë vendin me dinjitet në arenën ndërkombëtare, të jenë korrektë dhe konsistentë në vendimet e tyre dhe të shërbejnë si shembull pozitiv në të gjitha nivelet e futbollit, veçanërisht te të rinjtë.

“Dita e sotme është e veçantë për ata që do të marrin stemën e FIFA-s. Është një vlerësim i punës dhe kontributit të tyre shumëvjeçar, i kualitetit dhe i asaj se çfarë kanë dhënë për futbollin shqiptar. Unë dua t’i përgëzoj sinqerisht ata që e kanë arritur. Vërtet është kontribut individual, por edhe i gjithë arbitrave që kanë nxjerrë një klasë arbitrare në arenën ndërkombëtare, në numrin më të madh në historinë e futbollit shqiptar.

Është titull individual, por unë do ta konsideroja edhe si një përfaqësim i futbollit tonë dhe unë kërkoj shumë që ju që keni stemat, që i mbani ose i merrni për herë të parë stemën për të përfaqësuar futbollin shqiptar në arenën ndërkombëtare, ta përfaqësoni futbollin tonë me dinjitet, ta rrisni imazhin e futbollit tonë, të jeni vërtet ashtu siç e keni merituar në kampionatin kombëtar, ta meritoni edhe atje, të jeni korrektë dhe konsistentë në vendimet tuaja në fushën e lojës.

Kjo është një gjë shumë e rëndësishme sepse të gjithë bashkë ne mund të kontribuojmë në rritjen e futbollit, në përmirësimin e perceptimit për futbollin tonë dhe kjo nuk është thjesht për të pasur një titull apo një lëvdatë, por sepse bëheni shembull pozitiv për të pasur më shumë arbitra, më shumë futboll në Shqipëri.

I uroj shumë suksese atyre që vazhdojnë dhe mbajnë stemën dhe, duke qenë se jemi në një takim, përfitoj nga rasti për të thënë një mesazh që ne duhet të jemi korrektë dhe i gjithë trupi arbitrar të jetë shembull edhe në kampionatin kombëtar dhe në të gjitha kampionatet. Ajo që unë dua të theksoj për ju, për shembullin që duhet të jepni dhe atë që duhet të përcillni te të rinjtë apo të tjerët, është që ne duhet të jemi njëlloj, konsistentë, korrektë dhe me respekt maksimal në të gjitha nivelet e ndeshjeve të futbollit, sidomos te të rinjtë”, – tha Presidenti Duka.

Fifa po përballet me kritika të ashpra për dështimin e saj për të adresuar shqetësimet lidhur me aksesin në bileta për tifozët me aftësi të kufizuara në Kupën e Botës 2026. Një organizatë bamirëse e ka cilësuar këtë si “të papranueshme”. Tifozët me aftësi të kufizuara rrezikojnë të paguajnë më shumë për të ndjekur ndeshjet, pasi nuk ka bileta të disponueshme për ta në kategorinë me çmimin më të…

Source

Pas një pushimi shtatëvjeçar, pa luajtur asnjë ndeshje të vetme, skuadra kombëtare e Eritreas po kthehet në futbollin ndërkombëtar garues.

Eritrea është i vetmi anëtar i FIFA-s që nuk kishte renditje. Ky vend afrikan nuk dëshiron të luajë ndeshjet e tij, megjithëse ka të drejtë ta bëjë këtë dhe nuk ka garuar askund për shtatë vjet.

Arsyeja është e çuditshme, federata e futbollit atje nuk dëshiron të luajë ndeshje për të parandaluar lojtarët e futbollit që të përdorin ndeshjet jashtë fushe për t'u larguar nga vendi dhe për të kërkuar azil politik.

Eritrea humbi renditjen e saj sepse, sipas rregullave të FIFA-s, një ekip që nuk luan një ndeshje për 48 muaj humbet të drejtën e saj për në renditjen botërore.

Kjo përfaqësuese afrikane luajti ndeshjen e fundit jashtë fushe kundër Ugandës në vitin 2019 dhe u mposht atje me rezultatin 3-0.

Tani, pothuajse shtatë vjet më vonë, Eritrea ka njoftuar zyrtarisht se po kthehet në futboll dhe turneu i parë që do të luajë është ai kualifikues për Kupën e Kombeve të Afrikës 2027.

Është një pyetje e madhe se në çfarë përbërjeje Eritrea do ta mirëpresë garën e parë pas pothuajse tetë vitesh, por ekziston "materiali" edhe në Evropë, kryesisht në vendet skandinave.

Disa lojtarë në Suedi dhe Norvegji, janë të njohur si Mohammed Saeid (Orebro), Senai Hagos (Asana) dhe Alexander Andue (Stocksund).

Kupa e Kombeve të Afrikës e vitit 2027 do të luhet në Kenia, Ugandë dhe Tanzani. /Telegrafi/

Kupa e Botës 2026 do të shënojë një integrim të thellë të Inteligjencës Artificiale, veçanërisht përmes avatarëve 3D të krijuar për të ndihmuar arbitrat dhe për të përmirësuar përvojën e transmetimit. Kjo risi teknologjike, fryt i partneritetit mes FIFA-s dhe kompanisë Lenovo, pritet të transformojë mënyrën e organizimit dhe përjetimit të ngjarjes madhore sportive. Inovacioni më i rëndësishëm…

Source

Goditja e Rei Manajt që shkundi rrjetën në minutën e fundit të pjesës së parë në ndeshjen Serbi-Shqipëri është me gjasë momenti më sportiv i vitit, që do të mbahet mend gjatë mes ndjekësve të futbollit. Përveçse shënoi fitoren në atë që mund të konsiderohet si një prej përplasjeve më të nxehta sportive të Kombëtares, […]

The post Sporti në 2025: Nga goli i Rei Manajt te podiumet në ski dhe mundje appeared first on Reporter.al.

Presidenti i FIFA-s, Gianni Infantino, njoftoi në Samitin Botëror të Sportit, që u mbajt këto ditë në Dubai, një ndryshim të mundshëm revolucionar të rregullave të pozicionit jashtë loje, të cilin e prezantoi ish-trajneri i famshëm i Arsenalit, Arsene Wenger.

Wenger prezantoi një ndryshim në rregullin e pozicionit jashtë loje dy vjet më parë, dhe IFAB (Bordi Ndërkombëtar i Shoqatës së Futbollit) është organi që duhet të njohë çdo rregull futbolli përpara se ai të miratohet.

Ligji i Wenger u krijua si një propozim për të përmirësuar rregullin e pozicionit jashtë loje, pasi shpesh është një burim polemikash kur ndryshimi midis një mbrojtësi dhe një sulmuesi është aq i vogël sa mezi shihet me sy.

Sipas propozimit të tij, pozicion jashtë loje nuk do të shpallej më nëse vetëm një pjesë e trupit të sulmuesit është përpara kundërshtarit, por vetëm nëse i gjithë trupi i sulmuesit është përpara mbrojtësit.

FIFA prezanton ndryshimin e madh për Kupën e Botës 2026 – ndeshja ndahet në katër pjesë

Për këtë ka folur edhe Infantino së fundmi, duke thënë se po shqyrtojnë diçka të tillë.

"Po shqyrtojmë ndryshimin e rregullit të pozicionit jashtë loje, i cili ka evoluar me kalimin e viteve dhe aktualisht kërkon që sulmuesi të jetë pas mbrojtësit. Ndoshta në të ardhmen sulmuesi do të duhet të jetë plotësisht përpara që të konsiderohet pozicion jashtë loje. Ne vazhdojmë të shqyrtojmë rregullat, duke pyetur veten se si mund ta bëjmë lojën më sulmuese, më tërheqëse", ka thënë Infantino.

IFAB do ta analizojë ligjin e Wenger në një takim më 20 janar në Londër, dhe propozimi do të diskutohet në asamblenë e përgjithshme në Uells në shkurt, dhe synohet të zbatohet sezonin e ardhshëm. /Telegrafi/