Ish-sulmuesi i Francës, Djibril Cisse, tha se e urren Argjentinën pas finales së Kupës së Botës 2022 dhe brohoritjeve të argjentinasve për lojtarët francezë.
Gjatë festimeve për fitoren e tyre në Kupën e Amerikës në vitin 2024, lojtarët e kombëtares argjentinase kënduan një këngë ofenduese për lojtarët e kombëtares franceze.
"Ata luajnë për Francën, por të gjithë janë nga Angola. Nënat e tyre janë nigeriane, baballarët e tyre janë kamerunas, por në pasaportat e tyre shkruan 'franceze'", ishte teksti i këngës së tifozëve.
Videoja u postua nga mesfushori i kombëtares Albiceleste dhe Chelseat, Enzo Fernandez, por ai shpejt e largoi. Enzo më vonë lëshoi një kërkesë publike për falje në rrjetet sociale dhe u kërkoi falje shokëve të ekipit të Chelseat për sjelljen e tij.
Dy vjet më parë, Argjentina mundi Francën në finalen e Kupës së Botës 2022 (3-3, 4-2 në penallti) duke bërë që humbja dhe kjo këngë të bëjnë që Cisse ti cilësoj argjentinasit si rivalin e tyre kryesor dhe më të urryer.
“A është Argjentina rivalja kryesore e Francës në nivelin e ekipit kombëtar? Po, patjetër. Duke marrë parasysh gjithçka që kemi parë", ka thënë fillimisht Cisse.
“Të them të drejtën, më pëlqenin dikur: Maradona dhe të gjithë ata, të gjithë i admironin. Ndjej shumë urrejtje ndaj tyre pas gjithçkaje që ndodhi gjatë dhe pas Kupës së Botës".
“Sinqerisht, nuk e kuptoj se si lojtarët francezë që luajtën me Enzon te Chelsea mund ta falnin atë. Po, sigurisht, të gjithë bëjnë gabime dhe pastaj kërkojnë falje, por kjo shkoi shumë larg, ngeci thellë brenda”, përfundoi ish-sulmuesi. /Telegrafi/
Në një intervistë me Goal, fituesi i Kupës së Botës në vitin 1998, Frank Leboeuf, vlerësoi vendin e Kylian Mbappe në historinë e futbollit francez, duke këmbëngulur se ylli i Real Madridit "nuk mund të krahasohet" me Zinedine Zidane.
Mbappe po katapultohet çdo ditë si një legjendë e Francës, por për një emër të njohur si Lebouf, sulmuesi i Real Madridit është ende larg nivelit apo vendit të Zidane.
“Absolutisht jo. Ai nuk mund të krahasohet. Është e vështirë të krahasosh karrierat dhe kohët gjithashtu. Por ajo që Zizou është i aftë të bëjë, përveç të qenit një lojtar i shkëlqyer, mënyra se si u soll - edhe nëse kishte gabimet e vitit 2006 - njerëzit e duan atë”, ka thënë fillimisht Leboeuf.
Ai shtoi se ndërsa Mbappe është një golashënues i jashtëzakonshëm dhe lojtar i zgjuar, polemikat në jetën e tij private kanë ndikuar në reputacionin e tij në Francë.
“Ai kurrë nuk do ta arrijë aty ku është Zidane, dhe ndoshta askush nuk do ta arrijë. Michel Platini, si në atë kohë dhe Raymond Kopa para tij, ata lojtarë janë ikona. Vetëm në fund të karrierës së tij do të shohim nëse Mbappe mund të vihet në të njëjtin nivel”.
Leboeuf vlerësoi aftësinë e Mbappes në përfundimin e aksioneve dhe kontributet e tij te Real Madridi, por gjithashtu e sfidoi 27-vjeçarin të bënte më shumë në mbrojtje.
“Unë ende kam nevojë të shoh prej tij, pak më shumë - kur humbet topin, për shembull, të tërhiqet pak, vetëm pak dhe të tregojë se ai dëshiron t'i ndihmojë shokët e tij të ekipit. Në kohët moderne, gjithçka ka të bëjë me statistikat, sa gola shënon, sa pasime ke bërë, sa vrapime bën, dhe për mua Kylian Mbappe është shembulli më i mirë i asaj që është futbolli modern tani", përfundoi francezi. /Telegrafi/
Një nga lojtarët më të mëdhenj të futbollit në histori, Zinedine Zidane, ka arritur një marrëveshje në parim për t'u bërë trajneri i ri i Kombëtares së Francës, por vetëm pas Kupës së Botës vitin e ardhshëm.
Zidane, puna e fundit e të cilit si trajner ishte në vitin 2021, kur u largua nga Real Madridi për herë të dytë në karrierën e tij, do të pasojë kështu Didier Deschamps në stolin e "Trikolorëve".
Si lojtar, Zidane e kishte fituar titullin botëror në vitin 1998, dhe tani do të përpiqet të arrijë të njëjtin qëllim si trajner, duke e udhëhequr brezin e ri të Francës drejt majave globale.
Sipas mediumit le10sport, Federata Franceze e Futbollit duhet të ngutet ta zyrtarizoj tani Zidanen, pasi Real Madridi është kthyer në garë dhe mund të ndodh ndonjë befasi e minutave të fundit.
Ju kujtojmë se Deschamps është në pozicionin e trajnerit që nga viti 2012, dhe ai fitoi Kupën e Botës në vitin 2018 në Rusi, vetëm për t'u mposhtur nga Argjentina në finalen tre vjet më parë. /Telegrafi/
Kombëtarja e Argjentinës do të luftojë për të mbrojtur titullin e Kupës së Botës në vitin 2026 që do të zhvillohet në Shtetet e Bashkuara, Meksikë dhe Kanada. Edhe pse kapiteni Lionel Messi nuk e ka konfirmuar ende nëse do të luajë në kampionatin botëror, ai ka zbuluar favoritët e tij për të fituar trofeun.
Pas shortit për grupet e Kupës së Botës 2026, ku do të marrin pjesë 48 ekipe për herë të parë, kanë filluar analizat dhe parashikimet rreth fituesit të mundshëm.
Ylli i Inter Miamit ndau gjithashtu mendimin e tij, i cili, përveç Argjentinës, për të cilën tha se do të "luftojë" për të mbrojtur titullin, ka edhe kandidatë të tjerë.
“Ka skuadra shumë të mira. Spanja, Franca, Anglia, Brazili, të cilat gjithashtu nuk kanë qenë kampionë për një kohë të gjatë, duan ta fitojnë turneun", ka thwnw fillimisht Messi në një intervistë së fundmi me ESPN.
"Gjermania, e cila gjithmonë ka dashur ta mposhtë Argjentinën, tani e dëshiron atë edhe më shumë pas Kupës së Botës së fundit. Do të jetë shumë e vështirë, por nuk kam dyshim se ata do të luftojnë për titullin”, përfundoi ylli argjentinas.
Në Kupën e parë të Botës me 48 ekipe, ekipet u ndanë në 12 grupe me nga katër ekipe. Dy ekipet e para nga secili grup avancojnë në fazën eliminatore, të cilave iu bashkohen edhe tetë ekipet më të mira të vendeve të treta. /Telegrafi/
Superkompjuteri i Optas ka publikuar parashikimin e tij të detajuar për kombëtaren që ka më shumë gjasa të ngrejë trofeun e Kupës së Botës 2026.
Në krye të renditjes qëndron Spanja, të cilës Opta i jep 17% shanse për të fituar. Kampionët e Europës konsiderohen ekipi më i balancuar i momentit, me një mesfushë të jashtëzakonshme dhe një repart sulmues që garanton cilësi të lartë.
Pas tyre renditet Franca, me 14.1% shanse. Me Kylian Mbappe të gatshëm për një tjetër Botëror madhështor dhe me një brez të artë lojtarësh, “Gjelat” pritet të jenë sërish protagonistë deri në fazat finale të turneut.
Anglia vjen menjëherë pas Francës me 11.8% shanse, duke marrë një vlerësim të lartë falë brezit të ri të talentuar dhe besimit të madh në punën e Thomas Tuchel.
Opta sugjeron se “Tre Luanët” mund të jenë më në fund gati ta thyejnë mallkimin 60-vjeçar dhe të tentojnë titullin e dytë botëror.
Vetëm më pas vjen Argjentina, me 8.7% shanse. Edhe pse Lionel Messi vazhdon të mbetet në qendër të magjisë albiceleste dhe skuadra e Scalonit dominoi kualifikimet e Amerikës së Jugut, statistikat nuk i vendosin kampionët e botës në mesin e favoritëve kryesorë.
Gjermania, me 7.1% shanse, shihet si një kandidat i rrezikshëm, por jo ndër favoritët kryesorë, për shkak të luhatjeve të shfaqura vitet e fundit.
Portugalia e Cristiano Ronaldos, në Botërorin e tij të fundit, vlerësohet me 6.6% mundësi për të synuar lavdinë e madhe.
Një tjetër surprizë në renditje është Brazili. Edhe me Carlo Ancelottin në stol dhe lojtarë të nivelit të lartë, ata marrin vetëm 5.6% shanse — një tregues i formës së dobët në turnetë e fundit dhe vështirësive për të rikthyer dominimin historik.
Holanda, e cila ka qenë gjithmonë pranë por kurrë në majë të botës, vlerësohet me 5.2% shanse. Ndërkohë, Norvegjia falë Erling Haaland siguron 2.3%, ndërsa Kolumbia e Luis Díaz renditet e dhjeta me 2%.
Opta përmend edhe një detaj interesant: ekipet që vijnë nga ‘play-off’-et, kryesisht për shkak të mundësisë së pranisë së Italisë, kanë 3.7% shanse për të triumfuar në Amerikën e Veriut./Telegrafi/
Ish-futbollisti holandez, Wesley Sneijder, ka zgjedhur së fundmi favoritët më të mëdhenj për Kupën e Botës 2026.
Kupa e Botës 2026 zhvillohet nga 11 qershori deri më 19 korrik 2026 dhe tashmë Sneijder ka zbuluar disa nga favoritët e tij në një intervistë me gazetën spanjolle Marca.
"Nëse duhet të zgjedh katër skuadra për gjysmëfinalet, ato janë Portugalia, Spanja, Franca dhe Brazili. Konkurrenca është shumë më e fortë. Të gjithë janë aty, do të jetë çmenduri”, ka thënë fillimisht Sneijder.
“Anglia gjithashtu ka një skuadër të jashtëzakonshme, njësoj si Holanda. Ndoshta Gjermania do të rikthehet në rrugën e duhur, kush e di?".
Sneijder bëri 134 paraqitje për ekipin kombëtar holandez, duke shënuar 31 gola dhe duke fituar medaljen e argjendtë në Kupën e Botës 2010 në Afrikën e Jugut dhe medaljen e bronztë katër vjet më vonë në Brazil.
"Të luaja finalen e Kupës së Botës kundër Spanjës ishte e pabesueshme. Ishte një ndeshje shumë e ngushtë. Ne mund të kishim fituar, por për fat të keq ata fituan".
Si kujtesë, Spanja mposhti Holandën 1-0 me një gol të Andres Iniesta në minutën e 116-të.
"Nëse Robben do të kishte shënuar shansin e shkëlqyer që pati, do të kishte përfunduar 1-0 për ne. Në ndeshje të tilla duhet pak fat", përfundoi ish-ylli holandez.
Ndryshe, si lojtar Sneijder luajti për Ajax, Real Madrid, Inter, Galatasaray, Nice dhe Al-Gharafa gjatë karrierës së tij. Ai fitoi 19 trofe klubesh, njëri prej të cilëve ishte Liga e Kampionëve me Interin. /Telegrafi/
Ish-futbollisti francez, Raphael Varane, ka zbuluar në një intervistë me mediumin Le Monde se ka vuajtur nga periudha depresioni gjatë gjithë karrierës së tij, veçanërisht gjatë muajve të parë te Real Madridi dhe në periudhën pas Kupës së Botës 2018.
I pensionuar që nga shtatori i vitit 2024, fituesi i Kupës së Botës ka vendosur ta bëjë shëndetin mendor kauzën e tij kryesore për vitin 2025, duke e promovuar atë përmes fondit të fondeve Generation 2018, të krijuar nga 23 lojtarët që fituan titullin në Rusi.
Varane ka denoncuar faktin se, pavarësisht fokusit në rritje të medias në mirëqenien e atletëve, shëndeti mendor mbetet një temë tabu në futbollin profesional.
Siç e shpjegoi ai për gazetën franceze, kultura e performancës së lartë i detyron lojtarët të "shkojnë përtej të gjitha kufijve taktikë, fizikë dhe teknikë", ndërsa sfidat psikologjike lihen në heshtje.
“Që në moshë shumë të re mësojmë se duhet të shfaqim forcën dhe të fshehim dobësitë”, thotë ish-qendërmbrojtësi, i cili bën thirrje për një ndryshim në këtë mentalitet: “Të tregosh dobësinë tënde nuk do të thotë që je i dobët. Do të thotë që po kërkon zgjidhje për të ecur përpara”.
💪🏼 Varane desvela en Le Monde los problemas de salud mental que sufrió y pide romper el tabú que rodea a este tema
😓 "Con 18 años, en el Real Madrid, sentía que mi sueño se desvanecía; salía del campo y no quería volver a casa"
Episodi i parë ndodhi kur ai ishte 18 vjeç , menjëherë pasi nënshkroi kontratë me Real Madridin. Varane kujtoi se ndihej i vetmuar, mezi merrte kohë loje dhe me ndjesinë se ëndrra e tij po shkërmoqej.
“Në fushë isha i përqendruar, por kur u largova nuk doja të shkoja në shtëpi. Ishte një depresion. Nuk po shijoja më asgjë", shtoi Varane për Le Monde. Në atë kohë, ai pranoi se vuajtja në heshtje ishte pjesë e rrugës drejt suksesit .
Pasi u kurorëzua kampion bote në vitin 2018, ai përjetoi një tjetër pengesë.
"Je në majë dhe pastaj vjen rënia ", shpjegoi ai. Paradoksalisht, thyerja e shkaktuar nga pandemia i lejoi të ngadalësonte, të përpunonte emocionet e tij dhe të rifitonte ekuilibrin. Më vonë, ai mësoi se shoku i tij i skuadrës Samuel Umtiti po kalonte gjithashtu një periudhë depresioni: një simptomë, thotë ai, e izolimit emocional të sportit.
Varane ka kritikuar gjithashtu konkurrencën e tepërt, e cila sipas tij ndikon si në performancë ashtu edhe në mirëqenien mendore. Ai thekson se një nga arsyet e tërheqjes së tij nga kombëtarja në vitin 2023, në moshën vetëm 29 vjeç, ishte "orari i çmendur" që nuk e lejoi të pushonte.
"Nëntë ditë pas finales së Kupës së Botës në Katar, unë tashmë po luaja për Manchester United", kujtoi ai.
Për të, futbolli modern është “me shpejtësi të plotë”, gjë që shkakton më shumë lëndime dhe ul cilësinë e lojës: “Ose nuk luan me 100%, ose luan si robot”. /Telegrafi/
Hugo Ekitike ka vlerësuar periudhën e tij te Liverpooli deri tani dhe ka folur për objektivat që synon në vazhdim.
Sulmuesi 23-vjeçar u shpreh se ndjen përmirësim të vazhdueshëm, pavarësisht se muajin e fundit nuk ka qenë aq produktiv sa i përket golave.
“Ndjej se jam duke u përmirësuar. Edhe pse muajin e fundit nuk shënova shumë, kam rritur disa elementë të tjerë të lojës sime. Gjithçka ka të bëjë me progresin, dhe besoj se jam në rrugën e duhur. Jam i sigurt se gjërat do të funksionojnë”, ka thënë fillimisht Ekitike.
Ekitike komentoi gjithashtu emocionet e përjetuara pas golit të tij të parë me kombëtaren e Francës.
“Ndjehem krenar, është një ndjesi vërtet e mirë”, tha numri 22 i Liverpoolit.
“Është diçka për të cilën kam ëndërruar që fëmijë. Ishte një grumbullim shumë pozitiv me kombëtaren dhe tani jam i lumtur që jam rikthyer”.
Ai shtoi se pas golit kishte marrë një sasi të madhe mesazhesh urimi.
“Mora shumë mesazhe. Sinqerisht, nuk arrita t’i hap të gjitha, por dua të falënderoj të gjithë për mbështetjen dhe dashurinë”, përfundoi sulmuesi francez. /Telegrafi/
Tërheqja e yllit të Real Madridit , Kylian Mbappe , nga ekipi kombëtar i Francës gjatë pushimit të fundit ndërkombëtar ka shkaktuar polemika.
Kapiteni i “Les Bleus”, i cili zhvilloi një paraqitje spektakolare kundër Ukrainës duke siguruar kualifikimin e Francës në Kupën e Botës së ardhshme, u tërhoq nga ndeshja më pak vendimtare ndaj Azerbajxhanit për shkak të një inflamacioni në kyçin e këmbës së djathtë, siç njoftoi zyrtarisht ekipi kombëtar.
Megjithatë, ajo që ka ngritur pikëpyetje është fakti që Mbappe nuk është paraqitur në Madrid për kontrolle mjekësore, por ka udhëtuar drejt Dubait për një pushim të shkurtër të supozuar.
Raportohet se sulmuesi francez pritet t’i bashkohet stërvitjes së Real Madridit të mërkurën dhe të jetë i gatshëm për ndeshjen e fundjavës ndaj Elches në La Liga. /Telegrafi/
Austria, Belgjika, Skocia dhe Spanja janë katër ekipet e fundit kombëtare që kanë siguruar kualifikim të drejtpërdrejtë për Kupën e Botës 2026. Ato i bashkohen Gjermanisë, Zvicrës, Francës, Portugalisë, Holandës, Norvegjisë, Anglisë dhe Kroacisë në listën e ekipeve evropiane që e kanë bërë këtë më parë.
Belgjika pati punën më të lehtë sonte, pasi priti në shtëpi një Lihtenshtajn të dobët, i cili nuk kishte asnjë shans për të shënuar golin e parë dhe për të marrë pikët e para në kualifikuese. Belgët festuan 7:0 falë golave të Hans Vanaken, Jeremy Doku (×2), Brandon Mechele, Alexis Saelemaekers dhe Charles De Ketelaere (×2).
Spanja barazon, Skocia fiton Kupën e Botës në kohën shtesë
Kampionët evropianë, Spanja, barazuan 2-2 me Turqinë në një ndeshje ku atyre iu lejua të humbnin vetëm me shtatë ose më shumë gola për t'u kualifikuar në Kupën e Botës. Dani Olmo e kaloi Spanjën në epërsi me një gol në minutën e katërt, ndërsa turqit e përmbysën rezultatin me golat e Deniz Gul dhe Salih Ozcan. Mikel Oyarzabal shënoi golin e fundit në minutën e 62-të.
Drama më e madhe në betejën për kualifikim në Kupën e Botës u luajt në Skoci, ku ekipit vendas i duhej një fitore kundër Danimarkës për t'u kualifikuar në Kupën e Botës të parë pas vitit 1998. Ajo ia doli mbanë me një fitore 4:2.
Skocezët kaluan në epërsi me anë të Scott McTominay në minutën e tretë, dhe Danimarka barazoi me anë të një penalltie nga shoku i skuadrës te Napoli, Rasmus Hojlund, në minutën e 57-të. Vetëm katër minuta më vonë, danezët mbetën me një lojtar më pak pasi Rasmus Kristensen u përjashtua.
Skocia rifitoi epërsinë me golin e Lawrence Shankland në minutën e 78-të, por vetëm tre minuta më vonë Patrick Dorgu barazoi në 2:2. Ekipi vendas u kualifikua për në Kupën e Botës në kohën shtesë, në të cilën Kieran Tierney dhe Kenny McLean shënuan në minutat e 93-të dhe 98-të të ndeshjes deliri në Skoci.
Real Madridi ka pasur një pushim të mbushur me ngjarje ndërkombëtare deri më tani, me katër lojtarë që tashmë janë larguar nga detyrat e ekipit kombëtar për shkak të një sërë shqetësimesh për lëndime.
Thibaut Courtois (Belgjikë), Federico Valverde (Uruguai), Kylian Mbappe dhe Eduardo Camavinga (Francë) janë rikthyer në Madrid pasi u detyruan të tërhiqeshin nga aksioni, dhe në orët në vijim, atyre mund t'u bashkohet Dean Huijsen.
Sipas gazetës AS, Huijsen, i cili u detyrua të tërhiqej nga skuadra e Spanjës për ndeshjet kualifikuese të Kupës së Botës në tetor, po vuan nga dhimbje muskujsh.
Ai e shfaqi problemin gjatë seancës stërvitore të së premtes në kryeqytetin gjeorgjian Tbilisi, gjë që e ka detyruar të kryejë ekzaminime mjekësore.
Ishte një problem i ngjashëm që çoi në largimin e Huijsen nga skuadra e Spanjës muajin e kaluar, dhe tashmë është konfirmuar se ai nuk do të luajë asnjë rol kundër Gjeorgjisë.
Në varësi të rezultateve të testeve mjekësore, ai mund të përjashtohet edhe për ndeshjen kundër Turqisë të martën, që do të thotë se ai do të kthehet në Real Madrid menjëherë.
Huijsen pritej të luante si titullar kundër Gjeorgjisë
Është një goditje e madhe për Spanjën të jetë pa Huijsen, pasi raportet sugjeronin se ai ishte në radhë për të luajtur si titullar së bashku me Aymeric Laporte në qendër të mbrojtjes.
Luis de la Fuente është tashmë pa Robin Le Normand për shkak të një dëmtimi, që do të thotë se ai do të duhet të zgjedhë midis Dani Vivian dhe Pau Cubarsi për vendin e dytë të qendërmbrojtësit.
Real Madridi shpreson që shqetësimi i Huijsen të mos jetë asgjë serioze, megjithëse ata me siguri do ta mirëprisnin mospërfshirjen e tij kundër Turqisë si masë paraprake.
Ata shpresojnë që ai të jetë në gjendje të jetë i disponueshëm për udhëtimin e vështirë të fundjavës së ardhshme në Elche, megjithëse performancat e tij të fundit për Los Blancos sugjerojnë se ai mund të mos jetë titullar i garantuar për atë ndeshje gjithsesi. /Telegrafi/
Kylian Mbappe është liruar nga grumbullimi i Francës për shkak të shqetësimeve në kyçin e këmbës, ndërsa edhe Eduardo Camavinga është kthyer në Madrid për të kryer teste mjekësore.
Camavinga, i cili humbi ndeshjet e shtatorit pikërisht për shkak të një dëmtimi në kyç, nuk u stërvit me pjesën tjetër të Kombëtares në ditët para fitores 4–0 ndaj Ukrainës. Nga ana tjetër, Mbappe luajti 90 minuta dhe shkëlqeu me dy gola e një asist, duke i drejtuar “Les Bleus” drejt Botërorit 2026.
Meqenëse sfida e së dielës ndaj Azerbajxhanit nuk ka peshë, Didier Deschamps vendosi t’i kthejë të dy lojtarët te Real Madridi.
“Kylian Mbappe ende ka inflamacion në kyçin e djathtë dhe i nevojiten ekzaminime të mëtejshme,” thuhej në njoftimin e Federatës Franceze.
Në të njëjtin komunikim u sqarua se Camavinga ka një problem muskulor në kofshë, edhe pse Deschamps e minimizoi shqetësimin: “Do të largohet të premten për të kryer disa teste. Nuk është dëmtim, vetëm një shqetësim muskulor”.
Kylian Mbappe
Real Madridi rikthehet në fushë më 23 nëntor ndaj Elches, dhe këto ditë do të tregojnë nëse Mbappe apo Camavinga do të jenë gati për ndeshjen e La Ligas.
Edhe pse Mbappe nuk dha shenja shqetësuese kundër Ukrainës, rikthimi i tij para kohe ka hapur diskutime. Sulmuesi ka luajtur çdo ndeshje këtë sezon, duke nisur 16 takime radhazi në La Liga dhe Ligën e Kampionëve, ndërsa minuta më e shkurtër e tij ishte 79 minuta kundër Valencias.
Sido që të jetë, sipas “AS” në Madrid mbizotëron qetësia. Klubi beson se Mbappe, me 18 gola në 16 ndeshje, po merr pushimin e duhur për të shmangur një dëmtim të vërtetë, dhe jo se bëhet fjalë për rikthim të problemit në kyç që e la jashtë në fillim të sezonit./Telegrafi/
Kapiteni i ekipit kombëtar të futbollit të Francës, Kylian Mbappe, shënoi dy gola të rinj të enjten mbrëma me fanellën e Gjelave, duke e udhëhequr ekipin drejt fitores ndaj Ukrainës në raundin e parafundit të kualifikimeve për Kupën e Botës.
Franca fitoi 4-0 dhe siguroi një vend direkt në Kupën e Botës, dhe me këto dy gola, Mbappe arriti në totalin e 400 golave në karrierën e tij, edhe pse është vetëm 26 vjeç.
Për të qenë të saktë, Mbappe mbushi 26 vjeç e 328 ditë dje, duke tejkaluar Lionel Messin për t'u bërë lojtari i dytë më i ri që shënon 400 gola. Vetëm Pele është përpara tij.
🚨🇫🇷 OFFICIAL: Kylian Mbappé reaches 400 career goals at 26 years old! 🤍
"400 gola nuk i bëjnë përshtypje njerëzve. Nëse dua të jem në atë rreth që bën përshtypje, duhet të shënoj edhe 400 gola të tjerë”.
“Cristiano ka pothuajse 1,000 gola? Është e pabesueshme, por do të përpiqem të arrij të pabesueshmen. Duhet të përpiqem, kam vetëm një karrierë", tha Mbappe pas ndeshjes.
400 golat e tij u shpërndanë gjatë një karriere te Monaco (27 gola), PSG (256 gola), Real Madrid (62 gola) dhe për ekipin kombëtar francez (55 gola). /Telegrafi/
Dueli u mbyll 4-0, me Mbappen që udhëhoqi “Les Bleus” drejt një triumfi të thellë dhe biletës për në Botëror.
Forma e tij mbetet e jashtëzakonshme, vetëm në nëntor, sulmuesi i Real Madridit ka shënuar 23 gola për klubin dhe përfaqësuesen, duke konfirmuar se sezoni aktual është një nga më të mirët e karrierës së tij. /Telegrafi/
Mandati i Didier Deschamps si trajner i kombëtares franceze do të përfundojë pas Kupës së Botës 2026, dhe tashmë ka interes nga klube të ndryshme për të pasuar atë.
Koha e trajnerit fitues të Botërorit në Francë po përfundon verën e ardhshme, dhe Deschamps synon të përsërisë triumfin e tij më të madh si trajner i Les Bleus, duke fituar Kupën e Botës 2018. Megjithatë, ai tashmë po planifikon një hap larg ekipit kombëtar dhe disa klube kanë shfaqur interes për shërbimet e tij në nivel klubesh.
Në një intervistë me 'Telefoot', Deschamps konfirmoi kontaktin me një klub saudit.
"Arrita të kontaktoj. Nuk do të përmend emra, por ata e dinë situatën time. Që nga momenti që mora një vendim dhe nuk do ta tërheq atë, kjo është e qartë do të jem i lirë pasi të kenë kaluar afatet dhe nuk do të jem i kufizuar në veprimet e mia".
Sipas 'L'Equipe', klubi i interesuar është Al Ittihad në Arabinë Saudite. Në këtë skuadër, Deschamps do të ribashkohej me disa prej yjeve të tij të dikurshëm, përfshirë Karim Benzema dhe N'Golo Kante, të cilët aktualisht po shijojnë karriera të suksesshme në ligën saudite.
Aktualisht, Sergio Conceiçao është në krye të Al Ittihad, por klubi renditet në vendin e tetë pas tetë ndeshjesh dhe dyshimet për trajnerin portugez kanë filluar të qarkullojnë. Arritja e Deschamps në këtë skuadër pritet të sjellë një mentalitet fitues dhe përvojën e tij të pasur në garat më të larta ndërkombëtare. /Telegrafi/
Klubi saudit Al-Ittihad është i interesuar ta emërojë Didier Deschampsin si trajnerin e tyre të ardhshëm.
Drejtuesit e klubit nga Arabia Saudite janë në dijeni se Deschamps do të marrë një vendim për të ardhmen e tij pas përfundimit të Kampionatit Botëror 2026. Pritet që trajneri francez t’i japë fund periudhës së tij në krye të Francës pas turneut dhe të nisë një kapitull të ri në karrierë.
Ende nuk dihet se çfarë vendimi do të marrë në fund Deschamps, por Al-Ittihad po e ndjek me shumë seriozitet situatën dhe po përgatitet për t’i bërë një ofertë konkrete.
Didier Deschamps
Deschamps, që është në krye të Francës që nga viti 2012, ka fituar Kupën e Botës (2018) dhe Ligën e Kombeve (2021) me përfaqësuesen “Les Bleus”, duke u bërë një nga trajnerët më të suksesshëm në historinë e futbollit ndërkombëtar.
Al Ittihad është gati ta bëjë teknikun francez një ndër trajnerët më të paguar në botë, ndërsa aty do të ribashkohet me dyshen N’Golo Kante dhe Karim Benzema.
Përndryshe, në vendin e tij te Franca pritet të emërohet legjenda e Real Madridit, Zinedine Zidane./Telegrafi/
Pesë gola në kampionat dhe një het-trik në ndeshjen e fundit në shtëpi të Crystal Palace ndaj Bournemouthit. Madje mund të kishte qenë edhe poker, po të mos e kishte humbur rastin në minutat e fundit të ndeshjes.
Por Jean-Philippe Mateta ka zgjedhur këtë mënyrë për t’u rikthyer fuqishëm në Ligën Premier. Sulmuesi francez, i ndjekur prej kohësh prej disa klubeve, po kalon periudhën më të ndritshme të karrierës së tij.
Pas një sezoni të kaluar të jashtëzakonshëm me 14 gola dhe 2 asistime në kampionat, fitoren në FA Cup ndaj Manchester Cityt dhe triumfin në Community Shield, Mateta ka kurorëzuar rrugëtimin e tij me thirrjen e parë në Kombëtaren e Francës, të cilën e nisi në mënyrën më të mirë të mundshme – me gol kundër Islandës në debutim.
Jean-Philippe Mateta
Nga rrënjët deri te ëndrra e realizuar
Historia e Matetës fillon shumë më herët. I lindur në Paris nga një familje me origjinë kongoleze, Jean-Philippe u rrit duke admiruar babain e tij – një ish-futbollist profesionist, karriera e të cilit përfundoi për shkak të problemeve fizike. Pikërisht për këtë arsye, babai i tij nuk dëshironte që i biri të ndiqte të njëjtën rrugë.
Por ishte nëna e Matetës ajo që ndryshoi gjithçka: ajo i dha trajnerit të skuadrës së lagjes numrin e telefonit të djalit, duke i hapur derën drejt ëndrrës.
Pas hapave të parë në Sevran dhe Drancy, Mateta kaloi te Chateauroux, ku nënshkroi kontratën e parë gjysmëprofesionale dhe shënoi 11 gola në 22 ndeshje në kategorinë e tretë franceze. Këto paraqitje e çuan në Lyon, por shpërthimi i vërtetë erdhi te Le Havre, ku realizoi 17 gola, duke e dërguar ekipin deri në “play-off”.
Kështu nisi edhe aventura jashtë Francës: fillimisht në Bundesligë me Mainz, e më pas transferimi në Crystal Palace, ku sot është bërë simbol i skuadrës. Pas periudhave të vështira nën drejtimin e Vieira dhe Hodgson, ardhja e trajnerit Oliver Glasner ndryshoi gjithçka. Austriaku pa te Mateta vendosmëri dhe disiplinë, duke e shndërruar në një nga shtyllat e sistemit të tij.
Ritual i veçantë: Fanella e futur brenda
Përveç golave, Mateta bie në sy edhe për një detaj të veçantë: mban gjithmonë fanellën e futur brenda pantallonave. Një gjest që tifozët e kanë kthyer në “shenjën e tij të dallimit”.
Në një intervistë, ai ka treguar se kjo nisi si shaka, por u kthye në ritual fatbardhës që i kujton vitet e fëmijërisë.
Glasner nuk e kundërshton – përkundrazi, thotë se për sa kohë i sjell fat, nuk ka arsye ta ndryshojë.
Nga argjendi olimpik te Kombëtarja A
Mateta duhej të priste 28 vjet, 3 muaj e 11 ditë për thirrjen e parë në Kombëtaren A të Francës. Por para se të mbërrinte aty, ai kishte spikatur në Lojërat Olimpike “Paris 2024” nën drejtimin e Thierry Henry.
Në ato lojëra, Mateta shënoi në fitoren 3-0 ndaj Zelandës së Re, pastaj realizoi gol vemdimtar kundër Argjentinës në çerekfinale dhe dy gola kundër Egjiptit në gjysmëfinale. Edhe në finale e gjeti rrjetën, por Franca u mposht 5-3 nga Spanja, duke u mjaftuar me medaljen e argjendtë.
Lidhja me Glasner dhe rilindja në Ligën Premier
Mes Glasnerit dhe Matetës është krijuar një raport besimi dhe respekti të ndërsjellë. Sulmuesi, i cili në Gjermani kishte realizuar 27 gola me Mainz në tri sezone, ka gjetur te sistemi 3-4-2-1 të austriakut ambientin ideal për të shprehur potencialin e tij.
Në këtë skemë, ai nuk është thjesht finalizues, por luan në presing, bashkëpunon me mesfushorët dhe krijon hapësira për shokët e skuadrës.
Glasner, i njohur për aftësinë e tij në zhvillimin e qendërsulmuesve – nga Wout Weghorst te Wolfsburg e deri te Kolo Muani te Eintracht Frankfurt – duket se ka gjetur projektin e radhës të suksesshëm.
Me Jean-Philippe Matetën, ai ka ringjallur një sulmues që tani ka fituar jo vetëm besimin e trajnerit, por edhe vlerësimin ndërkombëtar që e ka kërkuar gjatë gjithë karrierës. /Telegrafi/
Që nga mbyllja e periudhës së tij të dytë te Real Madridi në qershor të vitit 2021, emri i Zinedine Zidane është përmendur pothuajse çdo herë që ndonjë klub i madh evropian ka kërkuar trajner të ri.
Mes shumë klubeve që e kanë pasur në radar, më së shumti është përfolur Juventusi, por legjenda franceze ka qëndruar gjithmonë i rezervuar, duke ruajtur qartësinë për qëllimin e tij të vërtetë: drejtimin e ekipit kombëtar të Francës.
Në Festival Dello Sport, të organizuar nga gazeta italiane La Gazzetta dello Sport, Zidane foli hapur për planet e tij.
“Patjetër që do të kthehem si trajner. Unë te Juventusi? Nuk e di pse nuk ndodhi. Ende e kam në zemër atë klub. Më vonë, nuk e di. Por një nga qëllimet e mia është të stërvit ekipin kombëtar francez. Do ta shohim kur të vijë koha", tha Zidane.
Këto deklarata e përforcojnë edhe më shumë dëshirën e Zidanes për të marrë drejtimin e Francës, ashtu siç kishte lënë të kuptohej edhe më herët, në maj të këtij viti.
“Ndihem mjaftueshëm i sigurt për të marrë drejtimin e kombëtares franceze, ku kam luajtur për 12, 13, ndoshta 14 vjet. Sigurisht, është një ëndërr e imja dhe mezi pres ta realizoj. Kur të vijë koha, do të jetë një kënaqësi e madhe nëse më jepet mundësia. E kam lënë karrierën time në pritje për pak kohë, por ende ndihem si trajner", deklaroi Zidane.
Skenari për një kalim të mundshëm të Zidane në stolin e “Les Bleus” duket tashmë i shkruar. Arsyeja është e qartë: Didier Deschamps, aktualisht në krye të Francës dhe një ish-shok i Zidane te Juventusi dhe kombëtarja, ka paralajmëruar se do të tërhiqet pas Kupës së Botës 2026.
Nëse kjo ndodh, Zinedine Zidane duket kandidati më natyral dhe më i pëlqyer për ta trashëguar stolin e Francës, duke nisur një epokë të re me një nga figurat më ikonike në historinë e futbollit francez. /Telegrafi/
Trajneri Zinedine Zidane e ka pranuar publikisht se ëndërron ta drejtojë kombëtaren e Francës.
Zidane ende nuk është në stolin e ndonjë skuadre që kur dha dorëheqje nga Real Madridi nga viti 2021, ndërsa gjatë kësaj periudhe refuzoi Juventusin e Man Unitedin.
Në një intervistë për Gianluca di Marzion, Zidane e la të hapur mundësinë që të marrë drejtimin e “Zonjës së Vjetër”, megjithatë aktualisht fokusi i tij mbetet Franca.
“Padyshim do të rikthehem si trajner. Juventus? Nuk e di pse nuk ndodhi. Ende i kam në zemër sepse më kanë dhënë shumë, nuk e di, por një ndër qëllimet e mia është ta drejtojë kombëtaren e Francës. Të shohim”, deklaroi ai.
Zidane përndryshe shihet si favoriti edhe te Federata Franceze, të cilët po kërkojnë zëvendësuesin e Didier Deschamps që ka informuar të gjithë se do të largohet pas Kupës së Botës 2026.
Gjatë dy periudhave te Real Madridi (2016-2018, pastaj 2019-2021), Zidane i fitoi 11 trofe, përfshirë tre herë radhazi Ligën e Kampionëve, dy tituj të La Liga-s, dy Superkupa të Spanjës, dy Superkupa Evropiane si dhe dy herë Kupën e Botës për klube./Telegrafi/
Sulmuesi i Real Madridit, Kylian Mbappe duket se ka pësuar një dëmtim në ndeshjen e Francës kundër Azerbajxhanit të zhvilluar të premten mbrëma.
Mbappe bëri shenjë të largohej nga fusha përpara se të ulej në tokë dhe u largua drejt e në tunel pasi u zëvendësua në minutën e 82-të të ndeshjes nga Florian Thauvin.
Ylli i Real Madridit ka vuajtur nga i njëjti dëmtim në kyçin e këmbës që nga ndeshja e Real Madridit kundër Villarrealit.
Real Madridi tani do të presë me nervozizëm testet e dëmtimit të Mbappes përpara ndeshjeve të vështira kundër Juventusit në Ligën e Kampionëve dhe El Clasico ndaj Barcelonës më vonë këtë tetor.
Trajneri i Francës, Didier Deschamps, ka konfirmuar se Mbappe pësoi një dëmtim në kyçin e këmbës në ndeshjen kundër Azerbajxhanit.
“Është i njëjti kyç i këmbës ku u lëndua. Dhimbja zvogëlohet kur ai pushon”, ka thënë fillimisht trajneri i Francës.
“Në një ndeshje, kontaktet janë të pashmangshme. Do ta vlerësojmë. Ai ka shqetësime që nuk janë ideale për të”, përfundoi Dechamps.
Deschamps është pjesërisht fajtor për dëmtimin e Mbappes, pasi e mbajti atë në fushë për 85 minuta pavarësisht se e dinte se sulmuesi po ndjente dhimbje. /Telegrafi/
Login
