Liverpooli mund të zhvendosë fokusin te sulmuesi i Bournemouth, Antoine Semenyo, nëse dëmtimi i Alexander Isak rezulton më serioz nga sa pritej.

Sipas raportimeve, “The Reds” po shqyrtojnë aktivizimin e klauzolës së lirimit të Semenyos si një zgjidhje të mundshme në afatin kalimtar të janarit.

Isak, 26 vjeç, pritet të mungojë për një periudhë të gjatë pas një dëmtimi në pjesën e poshtme të këmbës, duke e shtyrë Liverpoolin të kërkojë përforcime në repartin ofensiv.

Në këtë kontekst, Semenyo, 25 vjeç, shihet si një opsion konkret.

Sulmuesi ganez ka një klauzolë lirimi prej 65 milionë eurosh në kontratën me Bournemouth, e vlefshme vetëm gjatë dy javëve të para të janarit.

Kjo klauzolë do t’i mundësonte Liverpoolit ta siguronte lojtarin me një çmim të fiksuar, pa hyrë në një garë ofertash me klube të tjera.

Shpejtësia dhe aftësia për të shënuar gola e bëjnë Semenyon një profil tërheqës për skuadrën e drejtuar nga Arne Slot.

Presioni mbi thellësinë sulmuese të Liverpoolit rritet edhe më shumë për shkak të mungesës së pritshme të Mohamed Salah, i cili do të angazhohet në Kupën e Kombeve të Afrikës.

Ndërsa Hugo Ekitike pritet të udhëheqë sulmin në qendër, Slot mund të veprojë shpejt për të forcuar krahët e sulmit, nëse mungesa e Isak zgjatet më tej. /Telegrafi/

Ish-sulmuesi i Watford, Troy Deeney, ndau mendimin e tij për sulmuesin e Liverpoolit, Hugo Ekitike, duke e vlerësuar lartë për nivelin e treguar.

Ekitike ka rritur nivelin në ndeshjet e fundit me Reds, ndërsa në 23 ndeshje në të gjitha garat ka shënuar 10 gola, ku 7 gola janë shënuar në Ligën Premier.

Forma e mirë e treguar ka bërë që Ekitike të lavdërohet nga ish-golashënuesi anglez, Deeney, i cili ka thënë se mund të garoj me Erling Haaland këtë edicion.

"Sulmuesi më i nënvlerësuar në Ligën Premier. Ai shënoi dy gola në dy ndeshje radhazi”, ka thënë fillimisht Deeney për BBC.

“Djali shënon. Transferim fantastik. Ai do të konkurrojë me Erling Haaland për të parë se kush shënon më shumë gola. Ky djalë është i klasit të parë, ai është me të vërtetë i nivelit të lartë”.

“Ai është një tjetër lojtar që do të mendojë se e meriton të shkojë në Kupën e Botës. Ai mund të luajë në krahun e majtë përkrah Kylian Mbappe për Francën”, përfundoi anglezi. /Telegrafi/

Hugo Ekitike ka vlerësuar periudhën e tij te Liverpooli deri tani dhe ka folur për objektivat që synon në vazhdim.

Sulmuesi 23-vjeçar u shpreh se ndjen përmirësim të vazhdueshëm, pavarësisht se muajin e fundit nuk ka qenë aq produktiv sa i përket golave.

“Ndjej se jam duke u përmirësuar. Edhe pse muajin e fundit nuk shënova shumë, kam rritur disa elementë të tjerë të lojës sime. Gjithçka ka të bëjë me progresin, dhe besoj se jam në rrugën e duhur. Jam i sigurt se gjërat do të funksionojnë”, ka thënë fillimisht Ekitike.

Ekitike komentoi gjithashtu emocionet e përjetuara pas golit të tij të parë me kombëtaren e Francës.

“Ndjehem krenar, është një ndjesi vërtet e mirë”, tha numri 22 i Liverpoolit.

“Është diçka për të cilën kam ëndërruar që fëmijë. Ishte një grumbullim shumë pozitiv me kombëtaren dhe tani jam i lumtur që jam rikthyer”.

Ai shtoi se pas golit kishte marrë një sasi të madhe mesazhesh urimi.

“Mora shumë mesazhe. Sinqerisht, nuk arrita t’i hap të gjitha, por dua të falënderoj të gjithë për mbështetjen dhe dashurinë”, përfundoi sulmuesi francez. /Telegrafi/

Trajneri i Liverpool-it, Arne Slot, ka konfirmuar se portieri numër 1, Alisson Becker, do të mungojë për një kohë të gjatë dhe nuk do të jetë i gatshëm për ndeshjen ndaj Chelseat dhe ndeshjet e ardhshme ndërkombëtare për Brazilin.

Portieri brazilian ka pësuar një dëmtim në muskujt e pasmë të kofshës, i cili kërkon një periudhë rikuperimi prej të paktën gjashtë javësh.

Slot nuk dha një datë të saktë për rikthimin, duke lënë të hapur mundësinë që mungesa të zgjasë edhe më shumë, në varësi të ecurisë së rikuperimit.

Në mungesë të brazilianit, portieri rezervë Giorgi Mamardashvili do të marrë rolin e titullarit në sfidën e rëndësishme ndaj Chelseat, ndërsa Liverpooli përballet me një situatë të vështirë për shkak të mungesave të shumta në skuadër.

Megjithatë, lajmet janë më pozitive sa i përket gjendjes së dy lojtarëve ofensivë, sulmuesit Hugo Ekitike dhe anësorit Federico Chiesa.

Të dy janë afër rikthimit në stërvitje pas dëmtimeve të lehta të pësuara në ndeshjet e fundit dhe po monitorohen nga stafi mjekësor për të vendosur nëse do të jenë të gatshëm për ndeshjet e ardhshme. /Telegrafi/

Arne Slot jep përditësime mbi dëmtimet e Alisson Becker dhe Hugo Ekitike pas humbjes 1-0 ndaj Galatasarayt në Ligën e Kampionëve.

Trajneri i Liverpoolit, Arne Slot, ka konfirmuar shqetësimet për dy dëmtime të rëndësishme në skuadrën e tij pas disfatës kundër Galatasarayt në Ligën e Kampionëve.

Portieri Alisson Becker dhe sulmuesi Hugo Ekitike u detyruan të largoheshin nga loja për shkak të problemeve fizike, duke ngritur pikëpyetje të mëdha për praninë e tyre në sfidën e fundjavës.

Slot sqaroi se dëmtimi i Alisson ndodhi gjatë një rikthimi të shpejtë në mbrojtje dhe shenjat nuk janë aspak premtuese.

“Kur u kthye me sprint, ndjeu diçka. Nuk mund të them saktësisht çfarë, sepse nuk jam fizioterapist, por zakonisht kur një lojtar ndalon në këtë mënyrë dhe nuk rikthehet në fushë, nuk është shenjë e mirë. Në 9 nga 10 raste, kur një lojtar është në tokë, unë frikësohem për më të keqen, dhe me ‘më të keqen’ nënkuptoj që nuk mund të vazhdojë lojën. Kjo ndodhi edhe me Alisson. Normalisht, nuk do të jetë në dispozicion për të shtunën. Është 99.9 përqind, edhe pse e kam thënë 100 përqind më parë, por po e lë 99.9. Gjithsesi, e mendoj si 100 përqind”, ka thënë Slot për portierin Becker.

Në lidhje me gjendjen e sulmuesit francez Hugo Ekitike, Slot tregoi se dëmtimi ndodhi në një aksion ku lojtari tentoi të arrinte një top në zonë.

“Ndjeu diçka kur u përpoq të arrinte një top. Besoj se të gjithë e mbajnë mend atë moment, kur po përpiqeshim të forconim lojën. Në atë çast, një lojtar tjetër ishte në tokë dhe gjyqtari ndali lojën, ndaj as që menduam se mund të kishim një dëmtim. Por Hugo ndjeu diçka. Pas ndeshjes, kjo është pjesa më e vështirë, lojtarët ndihen mirë kur ecin, por është ndryshe kur duhet të sprintojnë apo të godasin topin. Ai tha se nuk mund të vazhdonte, kështu që e zëvendësuam. Tani mbetet të shohim si do jetë për fundjavën”, përfundoi trajneri i Liverpoolit.

Këto zhvillime vijnë në një moment kritik për Liverpoolin, që tashmë po përballet me një kalendar të ngjeshur dhe kërkesën për rezultate pozitive në të gjitha frontet. /Telegrafi/

Trajneri i Liverpoolit, Arne Slot, ka folur për raportimet se Hugo Ekitike do të gjobitet mos pagesë për dy javë pas kartonit të kuq që mori në ndeshjen e klubit kundër Southamptonit në Carabao Cup.

Slot konfirmoi se nuk do të vendoset asnjë gjobë, duke lavdëruar karakterin dhe profesionalizmin e sulmuesit.

"I disiplinuar do të thotë një gjobë, të cilën ai nuk e mori. Unë fola me të. Ai u kërkoi falje menjëherë shokëve të tij të ekipit”, ka thënë fillimisht Slot.

“Ai është i ri dhe lojtarët e të gjitha moshave bëjnë gabime dhe në këtë klub lejohet të bësh një gabim pa u gjobitur".

"Një qenie njerëzore fantastike, nëse do t'i pyesje stafit për tre më të mirët ose më të ngrohtët dhe më të sjellshëm, ai do të ishte aty, kështu që mund të bënte një gabim. Nuk ishte e zgjuar, nuk na dëmtoi", përfundoi trajneri i Reds.

Ndryshe, Ekitike e ka nisur për mrekulli karrierën te Liverpooli, duke shënuar pesë gola dhe një asistim në tetë ndeshje në të gjitha garat. /Telegrafi/

Hugo Ekitike do të përballet me një gjobë të konsiderueshme nga Liverpooli pas përjashtimit në raundin e tretë të EFL Cup ndaj Southamptonit (2-1), menjëherë pas shënimit të golit të fitores, shkruan Mirror.

Sulmuesi francez mori kartonin e dytë të verdhë për heqjen e fanellës gjatë festimit të golit, duke rezultuar në karton të kuq dhe përjashtimin e tij nga loja. Ai kishte marrë më parë një paralajmërim për protestën ndaj gjyqtarit Thomas Bramall, kur hodhi topin në shenjë pakënaqësie. Ekitike hyri në fushë në vend të Alexander Isakut, i cili kishte shënuar golin e epërsisë për Liverpoolin.

Për shkak të këtij kartoni të kuq, sulmuesi do të humbasë ndeshjen e Ligës Premier kundër Crystal Palace në "Selhurst Park" këtë fundjavë.

Festa e golit që i kushtoi

Por pezullimi nuk është i vetmi sanksion. Sipas The Daily Mail, Liverpooli ka vendosur të gjobisë Ekitike duke i zbritur pagat e dy javëve. Duke marrë parasysh se paga e tij vjetore raportohet të jetë midis 15 dhe 16 milionë eurosh, kjo do të thotë se francezi një humbje prej rreth 570,000 euro.

Trajneri Arne Slot nuk e fshehu zhgënjimin e tij për mungesën e disiplinës nga lojtari dhe e kritikoi ashpër veprimin e tij gjatë konferencës për shtyp pas ndeshjes.

“Kartoni i parë ishte tashmë i panevojshëm dhe disi budalla, sepse duhet të kontrollosh emocionet e tua. E di sa e vështirë është të luash në Ligën Premier dhe të përballesh me mbrojtës që mund të bëjnë pothuajse çdo gjë, por kjo nuk justifikon reagime të tilla”, tha Slot.

Slot dhe Ekitike telegrafi.com

Ky incident tregon rëndësinë që Liverpooli vendos mbi disiplinën e lojtarëve të tij, dhe Ekitike do të duhet të mësojë nga ky gabim për të ardhmen. /Telegrafi/

Hugo Ekitike do të përballet me masa disiplinore nga Liverpooli pas kartonit të kuq të marrë në ndeshjen e raundit të tretë të Kupës Carabao kundër Southamptonit.

Francezi ka bërë një nisje të shkëlqyer në karrierën e tij në Liverpool, duke shënuar katër gola në vetëm disa paraqitje.

Megjithatë, ai bëri një gjest të pamenduar kundër Southampton, duke marrë një karton të dytë të verdhë, rrjedhimisht të kuqin pasi hoqi fanellën pas golit.

Ky gjest pritet t’i kushtoj shtrenjtë sulmuesit francez, pasi klubi nga Anfield thuhet se i ka sjellë atij një gjobë.

Sipas mediumit Daily Mail, gjoba që Liverpooli i ka dhënë Ekitikes është ekuivalente me dy javë pagë, që i bie mbi 500 mijë euro bruto apo rreth 255 mijë euro neto.

Paraqitjet e hershme të Ekitikes treguan potencialin e tij, por incidenti ka shërbyer si një kujtesë për disiplinën dhe profesionalizmin që pritet në Liverpool. /Telegrafi/

Hugo Ekitike përjetoi një mbrëmje të hidhur në përballjen kundër Southampton.

Sulmuesi francez shënoi një gol, por vetëm pak sekonda më pas u ndëshkua me kartonin e dytë të verdhë, pasi hoqi fanellën në festim, duke lënë skuadrën e tij me një lojtar më pak.

Pas ndeshjes, trajneri Arne Slot nuk e kurseu kritikën për lojtarin e tij.

“Ishte e panevojshme, po dhe ishte budallallëk, po. E para ishte tashmë e panevojshme, sepse duhet të kontrollosh emocionet e tua. E di sa e vështirë është të luash si sulmues në Ligën Premier, kur mbrojtësit mund të bëjnë pothuajse gjithçka, por nëse e shtyn pak, merr faull kundër teje. Sërish, duhet ta kontrollosh veten”, tha Slot.

Slot kujtoi edhe eksperiencat e tij pas një kartoni të kuq ndaj Evertonit.

“Mendoj se e thashë kur mora kartonin e kuq kundër Evertonit: është gjithmonë budallallëk, sepse emocionet mund t’i shfaqësh në mënyra të tjera. Por nëse kjo të çon te një karton i verdhë ose i kuq, është thjesht budallallëk”.

Trajneri holandez shtoi se edhe nëse bëhet fjalë për një moment madhështor, si gol në finalen e Ligës së Kampionëve, duhet të ketë festë të matur.

“Pastaj i thashë edhe atij: nëse shënon në finalen e Ligës së Kampionëve në minutën e 87-të pasi ke kaluar tre lojtarë dhe e ke dërguar topin në cepin e sipërm, ndoshta mund ta kuptoj. Por jo në këtë rast. Pa dyshim që nuk ishte zgjuarsi, ishte budallallëk”, përfundoi trajneri holandez. /Telegrafi/

- YouTube www.youtube.com

Liverpooli ka fituar në shtëpi ndaj rivalëve lokal të Evertonit me rezultat të ngushtë 2-1 në ndeshjen e vlefshme për javën e pestë në Ligën Premier.

Ekipi i Arne Slot ka vazhduar serinë e qind për qindtë në kampionat duke marrë edhe fitoren e pestë nga pesë ndeshje të luajtura deri tani, ku skuadra e fundit që mposhtën ishte Evrtoni.

Pjesa e parë e ndeshjes u karakterizua me lojë më të mirë të vendasve, të cilët përveç rasteve arritën të shënojnë edhe dy gola.

Goli i parë i ndeshjes erdhi në minutën e 10-të me anë të Ryan Gravenberch për 1-0, ndërsa Hugo Ekitike (29’) shënoi për 2-0.

Në pjesën e dytë, u zhvillua lojë më e barabartë, por kësaj radhe ishin vetëm mysafirët që gjeten rrjetën.

Goli i vetëm në këtë pjesë erdhi në minutën e 58-të me anë të Idrissa Gueye, i cili shënoi për 2-1 dhe deri në fund të ndeshjes qëndroi ky rezultat.

Në ndeshjen e radhës, Reds udhëtojnë te Crystal Palace, teksa Evertoni e pret West Ham Unitedin. /Telegrafi/

Liverpooli ka thyer rekordin për shpenzimet e një skuadre në një afat kalimtar duke investuar plot 481.9 milionë euro, duke kaluar kështu 464 milionët e Chelseat në sezonin 2023/24.

Ky zhvillim vjen vetëm pak vite pasi Jurgen Klopp, në vitin 2022, kishte deklaruar se “Liverpooli nuk mund të konkurrojë me Manchester Cityn në treg”, në kohën kur kampionët anglezë kishin nënshkruar me Erling Haaland.

Fjalët e tij tashmë janë bërë virale, pasi vetë Liverpooli ka kryer afatin kalimtar më të shtrenjtë në historinë e futbollit anglez.

Ja si i ka shpenzuar Liverpooli 481.9 milionë euro 

Alexander Isak (Newcastle) – 144 milionë euro

Florian Wirtz (Bayer Leverkusen) – 125 milionë euro

Hugo Ekitike (Eintracht Frankfurt) – 95 milionë euro

Milos Kerkez (Bournemouth) – 46.9 milionë euro

Jeremie Frimpong (Bayer Leverkusen) – 40 milionë euro

Giovanni Leoni (Parma) – 31 milionë euro

Freddie Woodman (Preston NE) – falas

Si do t’i përshtatet Arne Slotit tridenti i tij i ri?

Nga këto, 364 milionë euro janë investuar vetëm për treshen e re sulmuese: Isak, Wirtz dhe Ekitike. Këta pritet të formojnë një repart sulmues që do të testojë Real Madridin e Xabi Alonsos në Ligën e Kampionëve në ndeshjen e rrethit të katartë të fazës së ligës, pasi vetëm sezonin e kaluar ata kanë kontribuar me 65 gola dhe 33 asistime: Isak (27+6), Ekitike (22+12) dhe Wirtz (16+15). Pa harruar këtu edhe 34 golat dhe 23 asistimet e Mohamed Salahut.

Isak, që vetëm në dy sezonet e fundit në Ligën Premier ka shënuar 44 gola – më shumë se çdo sulmues tjetër përveç Haalandit (49) dhe Salahut (47) – e sheh këtë si një hap gjigant në karrierën e tij: “Dua të bëj histori dhe të fitoj trofe. Ky është vendi i përsosur për ta çuar futbollin tim në një nivel tjetër”, u shpreh sulmuesi suedez.

Megjithatë, ardhja e këtyre yjeve ka hapur dilema për trajnerin Arne Slot. Eksperti Paul Merson paralajmëroi: “Nëse luan Ekitike, atëherë Gakpo mbetet jashtë. Nëse Gakpo shkon majtas, atëherë Ekitike nuk ka vend. Papritmas ke edhe Wirtz, një lojtar 100 milionësh, që ende nuk po e gjen rolin e duhur. Slot ka disa probleme para tij”.

Edhe legjenda e Reds, Steve Nicol, e sheh situatën si të ndërlikuar. “Kur Isak të hyjë në dhomën e zhveshjes dhe të thotë ‘kënaqësi që të njoh’, Ekitike do të tundë kokën dhe të gjithë të tjerët, përveç ndoshta Salahut, do të mendojnë: ‘A do të më prekë kjo mua?’”.

Nga ana tjetër, Jamie Carragher mendon se Slot ka gjetur zgjidhjen: “E shoh Salahun në të djathtë, Isakun si qendërsulmues dhe Wirtzin pas tij si numër 10. Kjo e lë të lirë vetëm pozitën e sulmuesit të majtë”.

Me një repart sulmues që ka kushtuar mbi 360 milionë euro, Liverpooli jo vetëm që ka bërë transferimin më të shtrenjtë në historinë e Ligës Premier, por ka ndërtuar gjithashtu një treshe që mund të sfidojë çdo ekip, madje edhe Real Madridin. /Telegrafi/ 

The post Isak-Wirtz-Ekitike, treshja prej 364 milionë eurosh që kërcënon Real Madridin në Champions appeared first on Telegrafi.

Afati kalimtar i verës filloi më 16 qershor dhe klubet evropiane do të kenë kohë deri më 1 shtator për të siguruar përforcimet e tyre ose për të hequr qafe lojtarët tek të cilët nuk llogarisin më. 

Shumë klube kanë pasur sukses në qëllimet e tyre deri më tani, dhe më poshtë ju sjellim pesë transferimet më të shtrenjta dhe më të profilit të lartë në afatin kalimtar deri më tani. 

Klubet angleze shpenzuan më shumë, dhe dy nënshkrimet më të shtrenjta të sezonit, të paktën për momentin, u siguruan nga Liverpool. 

 “Të Kuqtë” paguan një shumë marramendëse prej 125 milionë eurosh për nënshkrimin më të shtrenjtë të verës, Florian Wirtz.  

From Leverkusen to Liverpool pic.twitter.com/ZGwv3cJysi

— Liverpool FC (@LFC) June 20, 2025

Futbollisti fantastik gjerman mbërriti në Liverpool nga Bayer Leverkusen, dhe transferimi i tij përfaqëson gjithashtu një transferim rekord në historinë e Liverpoolit, duke marrë parasysh se transferimi më i madh i klubit deri më sot ishte nënshkrimi prej 85 milionë eurosh i Darwin Nunez nga Benfica. 

Lojtari i dytë më i shtrenjtë në listë është Hugo Ekitike, i cili mbërriti nga Eintracht Frankfurt, gjithashtu te Liverpool. Transferimi me bonuse vlen 95 milionë euro, dhe lojtari i ri ofensiv nënshkroi një kontratë gjashtëvjeçare me kampionin anglez. 

OFFICIAL: Hugo Ekitike joins Liverpool from Eintracht Frankfurt on six year contract.

€80m fixed fee, €10m easy add-ons and €5m difficult add-ons as package for the French striker.

One more for Arne Slot. pic.twitter.com/gWl5UxM4DK

— Fabrizio Romano (@FabrizioRomano) July 23, 2025

As rivali më i madh i Liverpoolit nuk qëndroi duarkryq. Manchester United solli në radhët e tyre sulmuesin e madh slloven Benjamin Sesko për 85 milionë euro, i cili nënshkroi një kontratë me “Djajtë e Kuq” deri në vitin 2030. 

He’s here!

Benjamin Sesko is officially a Manchester United player!

— Manchester United (@ManUtd) August 9, 2025

I katërti në listën e transferimeve më të shtrenjta të verës është nigeriani Victor Osimhen, i cili u transferua nga Napoli te Galatasaray për një shumë rekord prej 75 milionë eurosh, që përfaqëson transferimin më të madh në historinë 120-vjeçare të klubit.   

Victor Osimhen to Galatasaray, here we go! Club to club documents exchange to start in next 24h after verbal pact.

Galatasaray will pay €40m now, €35m in one year, 10% on future profit and also a goals based bonus.

Victor can’t be sold to any Italian club for 2 years. pic.twitter.com/8sgoBMQKlQ

— Fabrizio Romano (@FabrizioRomano) July 20, 2025

Transferimi i pestë më i shtrenjtë në këtë afat kalimtar i takon po ashtu Unitedit, të cilët nënshkruan me Bryan Mbuemon nga Brentfordi për një shumë prej 70 milionë eurosh./Telegrafi/

Bryan Mbeumo only wanted Manchester United and remained patient and professional until a £71m agreement was reached.

All clubs aware of his preference from the start leading to rival clubs backing off.https://t.co/cwCMrtJ210

— Ben Jacobs (@JacobsBen) July 21, 2025

The post Këto janë transferimet më të shtrenjta që tronditën botën e futbollit këtë verë appeared first on Telegrafi.

Në garën për të përforcuar skuadrat me lojtarët më të mirë, klubet kanë shpenzuar shifra marramendëse, duke vendosur rekorde të reja në tregun e merkatos. Deri tani, ekipet e Premier League janë protagoniste absolute, pasi 8 nga 10 blerjet më të shtrenjta të kësaj vere do të zbarkojnë në kampionatin anglez për sezonin e ardhshëm. […]

The post Premier League dominon merkaton verore: Ja 10 transferimet më të shtrenjta deri tani appeared first on BoldNews.al.

Liverpooli po udhëheq me rezultat 2-1 pas pjesës së parë në finale të Community Shield ndaj Crystal Palace. 

Të parët që kaluan në avantazh ishin pikërisht ‘Të Kuqtë’, të cilët realizuan për 1-0 në minutën e katërt përmes Hugo Ekitike. 

Pas një kundërsulmi të shpejtë, Palace ia doli që të fitojë një penallti në minutën e 17-të si rezultat i një ndërhyrje të palejueshme nga Virgil Van Dijk. 

I saktë nga pika e bardhë u tregua Jean-Philippe Mateta i cili realizoi për 1-1 duke e mposhtur Alissonin. 

17′ mins – BOOM! Mateta is back to kicking corner flags after scoring from the spot

21′ mins – Frimpong busts out the dance moves after restoring Liverpool’s lead in the Community Shield pic.twitter.com/tjQAGWfhni

— Premier League (@premierleague) August 10, 2025

Sidoqoftë, gëzimi i Palace nuk zgjati edhe aq shumë, pasi Liverpooli realizoi sërish për ta rikthyer epërsinë. 

Në tentim për të dërguar një krosim në zonë, Jeremie Frimpong (21’) ia doli ta çojë topin direkt në rrjetë për rezultatin 2-1. 

Mbetet të shihet se çfarë do të ndodhë në pjesën e dytë, nëse Liverpooli do ta thellojë më shumë epërsinë apo Palace do ta vendos sërish baraspeshën./Telegrafi/

The post Pjesë e parë me ritëm – Liverpooli në epërsi ndaj Crystal Palace në finalen e Community Shield appeared first on Telegrafi.

Sulmuesi francez, Hugo Ekitike, u bë lojtar i ri i Liverpoolit disa ditë më parë, dhe fuqia që ka ky sulmues prej 95 milionë eurosh u përjetua nga afër nga shoku i tij i skuadrës Alexis Mac Allister.

Argjentinasi postoi një ‘story’ me foton e tij në profilin e tij në Instagram, dhe menjëherë në shikim të parë, e ënjtura sipër syrit të tij tërheq vëmendjen, i cili, duke gjykuar nga teksti i mësipërm, është vepër e francezit.

Mac Allister shkroi përkrah fotos së përmendur: “Vëlla, goditjet e tua janë shumë të forta”, duke iu drejtuar shokut të tij të ri të skuadrës.

Alexis Mac Allister on his Instagram story. pic.twitter.com/EH17VXtEpa

— Anfield Papers (@AnfieldPapers) July 29, 2025

Nuk është e qartë se si saktësisht e mori Mac Allister dëmtimin e përmendur, por mund të konkludohet se mbrojtjet kundërshtare në kampionatin anglez kundër Ekitike nuk do ta kenë një detyrë të lehtë.

Ju kujtojmë se Ekitike mbërriti nga Eintracht Frankfurt, dhe sipas informacioneve, transferimi, përfshirë bonuset, vlen rreth 95 milionë euro.

Sulmuesi i ri ka nënshkruar një kontratë gjashtëvjeçare me Reds dhe pritet shumë prej tij në sezonin e ardhshëm. /Telegrafi/

The post I rrezikshëm si për kundërshtarët ashtu edhe për shokët e skuadrës: Sulmuesi i ri i Liverpoolit e “sakatoi” Mac Allisterin appeared first on Telegrafi.

Liverpool ka përforcuar repartin ofensiv me transferimin e sulmuesit francez Hugo Ekitike nga Eintracht Frankfurti, duke mposhtur interesin e vonshëm të Manchester United dhe ofertën më të lartë të Newcastle. Sipas “Daily Express” marrëveshja është mbyllur për një shumë 79 milionë paundë duke përfshirë dhe bonuset. Ekitike ka kaluar me sukses vizitat mjekësore dhe ka […]

The post Zyrtare/ Liverpool forcon sulmin, paguan 79 milionë £ për Hugo Ekitike appeared first on BoldNews.al.

Sulmuesi i Eintracht Frankfurt, Hugo Ekitike, dëshiron të bashkohet me Liverpool sezonin e ardhshëm. Sulmuesi 23-vjeçar ka rënë dakord për transferimin në parim. Tashmë ai shpreson se mund të arrihet edhe një marrëveshje midis klubeve. Ai ka një kontratë deri në vitin 2029 me gjermanët, por mund të largohet për 70 milionë euro. Liverpool i […]

The post Liverpool arrin akordin personal me yllin e Bundesligës, nisin bisedimet mes klubeve appeared first on BoldNews.al.

Liverpooli zyrtarisht i ka paraqitur një ofertë zyrtare Eintracht Frankfurt për Hugo Ekitike, pasi ka shtuar përpjekjet për ta nënshkruar atë në 24 orët e fundit.

Kampioni i Ligës Premier ka bërë tashmë lëvizjen e parë drejt transferimit të Ekitikes nga Eintracht Frankfurti duke bërë një ofertë zyrtare.

Megjithatë, sipas ekspertit të transferimeve, Fabrizio Romano, oferta e pazbuluar është refuzuar, me skuadrën e Bundesligës që ka njoftuar se dëshiron më shumë.

Bisedimet janë duke vazhduar midis të dy klubeve dhe Ekitike është i vendosur t’i bashkohet Liverpoolit, pavarësisht interesit nga Chelsea, Neëcastle United dhe Manchester United.

EXCL: Liverpool have submitted official bid to Eintracht for Hugo Ekitike!

Eintracht already informed Liverpool that they want more, proposal rejected but it was initial contact as talks continue.

Ekitike said 𝐲𝐞𝐬 Liverpool, no issues on personal terms. He wants #LFC. pic.twitter.com/AflvOaro2h

— Fabrizio Romano (@FabrizioRomano) July 17, 2025

Në fakt, Romano shton se Ekitike i ka thënë “po” Liverpoolit dhe të dyja palët nuk kanë probleme personale.

Oferta e Liverpoolit për francezin mendohet të jetë 70 milionë funte apo rreth 81 milionë euro. /Telegrafi/

The post Liverpooli dorëzon ofertë zyrtare për Ekitiken, Eintracht Frankfurt e refuzon appeared first on Telegrafi.

Liverpool raportohet se po shqyrton mundësinë e transferimit të sulmuesit të Eintracht Frankfurt, Hugo Ekitike, duke iu bashkuar garës me Newcastle, Arsenal dhe Manchester United për nënshkrimin e sulmuesit francez. 

‘Të Kuqtë’ janë impresionuar nga 23-vjeçari dhe po eksplorojnë një lëvizje të mundshme, ndërsa po vlerësojnë përforcime në repartin ofensiv, mes pasigurive që rrethojnë transferimin e mundshëm të sulmuesit të Newcastle, Alexander Isak. 

Sipas TBR Football, Liverpool ka shprehur interes për Ekitiken, në kuadër të ndryshimeve që po bëhen gjatë kësaj vere nën drejtimin e trajnerit të ri, Arne Slot, pas sezonit ku fituan Ligën Premier. 

Sulmuesi i Eintracht Frankfurt është nën vëzhgim të afërt pas një sezoni mbresëlënës në Bundesliga, dhe raportohet se klubi gjerman kërkon rreth 100 milionë euro për shërbimet e tij. 

Ekitike po tërheq interes nga disa klube angleze, përfshirë Arsenalin, Manchester United dhe Newcastle United. 

Përpjekjet e Liverpoolit mund të varen nga e ardhmja e Isak, i cili mbetet objektivi kryesor i klubit. Megjithatë, vlerësimi prej 120 milionë eurosh i suedezit është një pengesë e konsiderueshme, ndonëse pritet që çmimi të ulet më vonë gjatë afatit kalimtar. 

Liverpool vlerëson cilësitë teknike të Ekitikes dhe beson se ai mund të zhvillohet në një sulmues të nivelit të lartë nën sistemin e Arne Slot. 

Francezi shënoi 22 gola dhe dha 12 asistime sezonin e kaluar, duke fituar vlerësime të mëdha në gjithë Evropën. 

Me largimin e pritshëm të Darwin Nunez dhe ndoshta edhe të Luis Diaz, Ekitike shihet si një zgjidhje afatgjatë për të rifreskuar repartin ofensiv të Liverpoolit./Telegrafi/

The post Liverpooli i bashkohet garës së ashpër për nënshkrimin me sulmuesin francez appeared first on Telegrafi.

Liverpooli është gati të nisë negociatat me Eintracht Frankfurtin për transferimin e Hugo Ekitike, por lëvizja pritet të ndodhë vetëm nëse klubi arrin marrëveshje për largimin e Darwin Nunez.

Sipas “GiveMeSport”, ndërmjetësit e “The Reds” tashmë kanë kontaktuar Frankfurtin dhe kanë sinjalizuar gatishmërinë për të hyrë në bisedime konkrete.

Frankfurti mbetet i palëkundur në vlerësimin prej rreth 100 milionë euro, dhe klubi gjerman nuk është i gatshëm të negociojë për një çmim më të ulët, pavarësisht interesimit në rritje për sulmuesin 23-vjeçar, i cili spikati gjatë sezonit 2024/25.

Ekitike, i njohur për shpërthimet e tij dhe për aftësinë për të luajtur si qendërsulmues apo në krah, është një nga emrat e preferuar të trajnerit të ri Arne Slot.

Por vendimi përfundimtar i Liverpoolit do të varet nga e ardhmja e Darwin Nunez, për të cilin janë të interesuara disa klube nga Evropa dhe Arabia Saudite.

Ndërkohë, Ekitike po ndiqet nga Newcastle dhe Chelsea, ndërsa klubet saudite Al-Hilal dhe Al-Qadsiah gjithashtu kanë shprehur interes, por lojtari preferon të qëndrojë në Evropë.

Aktualisht, Liverpooli shihet si klubi më i përgatitur për të përmbushur kërkesat e Frankfurtit, me Manchester United, Arsenal dhe Chelsea që ende nuk kanë paraqitur oferta zyrtare.

The post Liverpool gati të shpërthejë sërish – 100 milionë euro për Ekitiken appeared first on Albeu.com.