Viti 2025 po mbaron dhe është koha për të bërë një bilanc. Portali i statistikave Squawka ka publikuar një listë me 10 lojtarët që ishin të përfshirë drejtpërdrejt në më shumë gola në Bundesligë në vitin kalendarik 2025.

Lista kryesohet nga Harry Kane, i cili grumbulloi 37 kontribute të drejtpërdrejta në gola (31 gola, 6 asistime) gjatë vitit 2025.

Në vendin e dytë është një tjetër lojtar i FC Bayern Munich: Michael Olise me 32 kontribute (14 gola, 18 asistime).

Kane dhe Olise janë dy lojtarët e vetëm që kanë pasur më shumë se 30 kontribute të drejtpërdrejta në gola në Bundesligë në vitin 2025.

Sulmuesi i Borussia Dortmund, Serhou Guirassy, i cili është në vendin e tretë, ishte i përfshirë drejtpërdrejt në 22 gola - një diferencë mjaft e madhe nga dyshja e Bayernit.

Rastësisht, ka një tjetër lojtar të Bayernit në listën e 10 lojtarëve më të mirë të Squaëkas: Serge Gnabry është në vendin e shtatë me 17 kontribute të drejtpërdrejta në gola. /Telegrafi/

Në moshën vetëm 18 vjeç, Lamine Yamal ka bërë histori në Ligën e Kampionëve, duke u bërë lojtari më i ri ndonjëherë që arrin 14 gola të drejtpërdrejtë (7 gola + 7 asistime) në këtë kompeticion.

Ai theu rekordin e mëparshëm të Kylian Mbappe, i cili kishte 13 të tilla në vitin 2017.

Talenti spanjoll shtoi edhe një asistim tjetër mbrëmjen e së martës, duke shërbyer golin e dytë të Jules Koundes në ndeshjen mes Barcelonës dhe Eintracht Frankfurt në Camp Nou.

Kontributi i fundit i Yamal ndihmoi Barcelonën të siguronte tre pikë tejet të rëndësishme dhe ta mbante ekipin në garën për zonën “top-eight”, duke forcuar më tej statusin e tij si një nga adoleshentët më të rrezikshëm që ka parë ndonjëherë Liga e Kampionëve.

Në këtë moshë dhe me këtë ritëm, Yamal po vazhdon të shkruajë një kapitull të ri në historinë e futbollit. /Telegrafi/

Barcelona është rikthyer te fitoret në Ligën e Kampionëve pas dy dështimeve radhazi. Katalunasit kanë triumfuar në Camp Nou ndaj Eintracht Frankfurtit me rezultat 2-1.

Katalunasit e nisën me gol ndeshjen, kur Robert Lewandowski realizoi pas 10 minutave lojë, megjithatë goli u anulua për pozitë jashtë loje.

E të parët që kaluan në epërsi ishin mysafirët nga Gjermania, kur Knauff u gjend bukur dhe realizoi për 0-1 në minutën e 21-të. Me epërsinë e Frankfurtit 0-1 u mbyllën 45 minutat e para të kësaj sfide.

Pjesa e dytë i takoi krejtësisht Barcelonës, që sulmoi pa ndalë dhe realizoi edhe dy gola të shpejtë me Jules Kounden.

Mbrojtësi francez barazoi shifrat në 1-1 në minutën e 50-të pas asistimit nga Rashford, derisa tre minuta më vonë Lamine Yamal asistoi te francezi i cili shënoi për 2-1.

Deri në fund katalunasit krijuan edhe disa raste të tjera shënimi, por gola më nuk pati dhe Barcelona arkëtoi tre pikë.

Me këtë fitore është në pozitën e 14-të në tabelë me 10 pikë, derisa Frankfurti është e 30-ta me vetëm katër pikë. /Telegrafi/

Sot (e martë), tifozët e futbollit evropian do të përballen me një nga mbrëmjet më dramatike. Në programin e xhiros së gjashtë të fazës së grupeve të Ligës së Kampionëve, shumë skuadra kryesore luajnë për kualifikim dhe për disa prej tyre edhe për mbijetesë në garë.

Ndeshja kryesore e mbrëmjes së sotme padyshim se do të zhvillohet në “Giuseppe Meazza”, me Interin që është nikoqir i Liverpoolit.

Për skuadra si Barcelona dhe Atletico Madrid, kjo natë është thuajse “jetë a vdekje”: një fitore apo mundësi për të shpëtuar sezonin evropian.

Barça pret Eintracht Frankfurt në “Camp Nou”, me presion maksimal për pikë, ndërsa Atletico luan në udhëtim te PSV Eindhoven.

Ndeshje interesante pritet të jenë edhe ato në mes të Bayern Munich-Sporting Lisbona dhe Atalanta-Chelsea.

Për adhuruesit e skuadrave më të vogla nga Kairat Almaty deri te Union Saint-Gilloise, ky mund të jetë shansi i fundit për të befasuar Evropën dhe siguruar pozita që kurrë më parë nuk dukeshin të mundshme. Të parët presin Olympiacosin, teksa të dytët e presin Marseille.

Në ndeshjet tjera të mbrëmjes, Monaco është nikoqir i Galatasarayt, ndërsa Tottenhami e pret Slavia Pragën. /Telegrafi/

Për shumë vite, filozofia e Bayern Munich ka qenë të marrë lojtarët më të mirë të Bundesligës.

Këtë verë, gjiganti bavarez ka identifikuar gjashtë objektiva potencialë brenda kampionatit gjerman për t'i transferuar sezonin e ardhshëm dhe mes tyre është edhe ylli i Kosovës, Fisnik Asllani.

Bavarezët pritet që disa nga ta t'i transferojnë për sezonin e ardhshëm në Allianz Arena.

Nico Schlotterbeck (25, Borussia Dortmund)

Mbrojtësi i Gjermanisë ende nuk ka rinovuar kontratën me Dortmundin, e vlefshme deri më 2027. Bayern shihet si opsioni i preferuar në rast largimi. Megjithatë, transferimi i tij varet nga e ardhmja e Dayot Upamecanos – nëse francezi rinovon, Bayern nuk do të lëvizë për Schlotterbeck.

telegrafi.com

Castello Lukeba (22, RB Leipzig)

Nëse as Upamecano nuk rinovon, e as Schlotterbeck nuk transferohet, Lukeba shfaqet si alternativa e radhës. Leipzig ka një klauzolë prej 80 milionë eurosh për mbrojtësin, por mund të pranojë më pak. Sipas Sky.ch, Lukeba dëshiron transferimin te Bayerni dhe këtë e ka komunikuar përmes agjentëve të tij.

Nga Real Madridi te Liverpooli, United e Chelsea - top klubet evropiane mësojnë klauzolën e Lukebas telegrafi.com

Nathaniel Brown (22, Eintracht Frankfurt)

Frankfurti kërkon të paktën 60 milionë euro për Brown. Edhe pse Bayerni e pëlqen lojtarin, vështirë se do të paguante kaq shumë, sidomos me Alphonso Davies që po rikuperohet dhe Tom Bischof që po përshtatet në krahun e majtë.

Alejandro Grimaldo (30, Bayer Leverkusen)

Një tjetër emër në listë është Grimaldo, një nga më të mirët e Bundesligës këtë sezon. Aftësia e tij për të luajtur edhe në mesfushë dhe goditjet standarde e bëjnë shumë tërheqës. Por vetë spanjolli duket më i prirur drejt një rikthimi në La Liga. Kontrata e tij me Leverkusenin vlen deri në 2027.

Alejandro Grimaldo telegrafi.com

Said El Mala (19, Koln)

Një nga talentet më të mëdha të Bundesligës, El Mala vlerësohet mes 50 dhe 60 milionë eurosh. Edhe këtu Bayern përballet me konkurrencën e klubeve të mëdha evropiane. Ai ka kontratë me Kolnin deri në vitin 2030.

Fisnik Asllani (23, TSG Hoffenheim)

Ylli i Kosovës është në listën e ngushtë të Bayernit për repartin ofensiv. Me gjasat e pakta që Bayerni të nënshkruajë përfundimisht me Nicolas Jackson, Asllani po shihet si zëvendësues i mundshëm për Harry Kane.

Ai mund të largohet këtë verë përmes një klauzole prej 30 milionë eurosh. Drejtori sportiv Christoph Freund e vlerësoi kohët e fundit te Sky: “Mendoj se është një lojtar i mirë, interesant dhe i ri.”

Një tjetër klub i madh futet në garë për transferimin e Fisnik Asllanit telegrafi.com

Bayern do të ketë një verë shumë të ngarkuar, ndërsa lista e emrave tregon se klubi po mendon si për të tashmen, ashtu edhe për të ardhmen. /Telegrafi/

Java e pestë e fazës së ligës në Ligën e Kampionëve solli dy ndeshje shumë të rëndësishme, ku Atalanta dhe Sporting morën fitore të sigurta.

Atalanta e kapitenit të Kombëtares së Shqipërisë, Berat Gjimshiti, shënoi fitore të madhe në udhëtim duke mposhtur Eintracht Frankfurt me rezultat bindës 0-3.

Pjesa e dytë ishte vendimtare për italianët. Ademola Lookman zhbllokoi sfidën në minutën e 60-të, ndërsa vetëm dy minuta më vonë Ederson dyfishoi rezultatin.

Serinë e golave e mbylli Charles De Ketelaere në minutën e 65-të, duke vulosur një fitore të pastër që e mban Atalantën mes ekipeve më në formë të grupit. Gjimshiti udhëhoqi sërish prapavijën me një paraqitje shumë solide, pa i lejuar vendasit të rrezikojnë seriozisht. Ai u zëvendësua në minutën e 76-të.

Në ndeshjen tjetër, Sporting CP triumfoi para tifozëve të vet me rezultat 3-0 ndaj Club Brugge. Goli i parë erdhi nga Matheus Quenda në minutën e 24-t, më pas Rúben Suárez e dyfishoi avantazhin në të 31-n, ndërsa fitoren e vulosi Francisco Trincão në minutën e 70-të.

Pas pesë javësh garë, Sporting dhe Atalanta kanë nga 10 pikë, duke mbajtur respektivisht vendin e 10-të dhe 12-të në renditjen e përgjithshme të fazës së ligës.

Club Brugge qëndron në vendin e 26-të me 4 pikë, po aq sa ka edhe Eintracht Frankfurt, i cili renditet i 28-ti. /Telegrafi/

Sot (e mërkurë) janë në program për t’u zhvilluar nëntë ndeshjet tjera të xhiros së pestë të fazës së ligës në Ligën e Kampionëve.

Mbrëmja e së martës solli disa ndeshje interesante të Ligës së Kampionëve, por sonte pritet të jetë edhe më zjarr, pasi në program ka ndeshje edhe më të forta.

Përballja që priten me padurim nga tifozët e futbollit, padyshim se është ajo e orës 21:00 në mes të Arsenal-Bayern Munich, të cilat janë lider të tabelës pasi kanë nga katër fitore në katër ndeshjet e para.

Përballja tjetër e fortë pritet të jetë ajo në mes Atletico Madridit dhe Interit, e cila gjithashtu zhvillohet nga ora 21:00 në “Metropolitano”.

Gjatë orës 21:00 fillojnë edhe disa ndeshje tjera interesante sikurse ajo e Liverpoolit me PSV Eindhoven, Real Madridit në udhëtim te Olympiacosi, PSG-Tottenham Hotspur, Eintracht Frankfurt-Atalanta dhe Sporting Lisbona-Club Brugge.

Dy ndeshjet e vetme që luhen nga ora 18:45 janë ato në mes të Copenhagen-Kairat Almany dhe Pafos-Monaco. /Telegrafi/

Pasi mori lejen nga UEFA, Barcelona ka njoftuar zyrtarisht se ndeshja e Ligës së Kampionëve kundër Eintracht Frankfurt muajin e ardhshëm do të luhet në Spotify Camp Nou, ndeshja e parë evropiane në stadiumin e rinovuar pas tre vitesh.

Barcelona njoftoi para disa ditësh se ka marrë miratimin për të shfrytëzuar stadiumin e rinovuar me një ndeshje në La Liga ndaj Athletic Bilbaos.

Megjithatë, klubi katalunas tani do ta shfrytëzoj atë edhe në Ligën e Kampionëve, pasi UEFA ia ka lejuar një gjë të tillë.

“FC Barcelona njofton se ndeshja e gjashtë e fazës së ligës së Ligës së Kampionëve, e planifikuar për të martën, më 9 dhjetor në orën 21:00, kundër Eintracht Frankfurt, do të luhet në Spotify Camp Nou”.

“Ky vendim vjen pas marrjes së licencës së parë të tifozëve për Fazën 1B, e cila lejon një kapacitet të rritur dhe përfshin të gjithë zonën anësore, duke shtuar licencën e dhënë tashmë për Fazën 1A — që mbulon Tribunën Kryesore dhe Portën Jugore — dhe hyn në fuqi pasi UEFA të ketë pranuar kërkesën, duke marrë parasysh se janë përmbushur të gjitha kërkesat e nevojshme”, thuhet në deklaratë. /Telegrafi/

Napoli ka luajtur baras me rezultat 0-0 në shtëpi ndaj Eintracht Frankfurtit në kuadër të fazës së ligës në Ligën e Kampionëve.

Të besuarit e Antonio Contes patën dy raste shumë të mira në pjesën e parë me Rasmus Hojlund dhe Eljif Elmas, por portieri mysafir ua mohoi golin që të dyve.

Rastin e vetëm në këtë ndeshje Frankfurti e pati në minutën e 73-të kur Ansgar Knauff rrezikoi seriozisht portën e klubit Italian, por u ndal nga portieri vendas.

Një tjetër mundësi shënimi e pati Hojlund në minutën e 94-të, por portieri i mysafirëve ishte sërish në nivel të detyrës.

Në këtë ndeshje nga minuta e parë luajti edhe kapiteni i Kosovës, Amir Rrahmani i cili kompletoi 90 minuta.

Rrahmani pati një paraqitje tejet pozitive duke udhëhequr me sukses fazën defensive dhe duke mos lejuar sulmuesit e Frankfurtit të rrezikojnë në shumë raste portën.

31-vjeçari në këtë ndeshje kompletoi 101 pasime me një efikasitet prej 93 për qind, teksa pati edhe pesë spastrime, një ndërhyrje dhe katër duele ajrore të fituara./Telegrafi/

Lojtari që shumë shpejtë pritet t’i bashkohet Kosovës, sulmuesi Arijon Ibrahimovic ka dhënë kontributin e parë në Bundesliga që kur nënshkroi me Heidenheim.

Futbollisti me prejardhje nga Prizreni dhuroi një asistim fantastik te Budu Zivzivadze, për të kaluar Heidenheim në epërsi.

Me një stil të bukur para portierit dhe mbrojtësit, Ibrahimovic e vendosi gjeorgjianin në një pozitë shumë të favorshme, ku e kishte të lehtë të shënonte nga afërsia.

Mbetet të shihet nëse Ibrahimovic do t’i bashkohet Kosovës qysh në dy ndeshjet e nëntorit, ndaj Sllovenisë dhe Zvicrës./Telegrafi/

Në ndeshjen e mbrëmshme (e mërkurë) të Ligës së Kampionëve midis Eintracht Frankfurtit dhe Liverpoolit, prezantuesi bëri një gjest prekës për të nderuar të ndjerin tragjikisht Diogo Jota.

Një nga futbollistët më të mirë të Liverpoolit, Jota, vdiq në një aksident me makinë në Spanjë në fillim të korrikut të këtij viti dhe lajmi tronditi të gjithë botën e futbollit.

Dhe mbrëmë, drejtuesit e Eintrachtit u siguruan që futbollisti portugez të mos harrohej, teksa vendosën t’i bënin homazh në një mënyrë prekëse.

Trajneri i Reds, Arne Slott, kishte futur në fushë 10 lojtarë rezervë për ndeshjen dhe, kur formacioni u shfaq në ekranin e madh në stadiumin e Frankfurtit, ai tregonte 11 emra në stolin e anglezëve.

Emrat e dhjetë lojtarëve ishin shkruar me të bardha, dhe emri i Jotës dhe numri 20 ishin shkruar në listë me shkronja tjera dalluese.

Gjithashtu, spiker zyrtar në stadium i bëri homazh Jotës kur lexoi emrat e lojtarëve. Pasi lexoi emrat e dhjetë lojtarëve në stol, ai shtoi: "Përgjithmonë numri 20 - Diogo Jota."

Ndryshe, në fund Liverpooli fitoi bindshëm me rezultat të thellë 1-5. /Telegrafi/

Liverpool tregoi dominim total duke triumfuar 5-1 ndaj Eintracht Frankfurt si mysafir në xhiron e tretë të fazës së ligës në Ligën e Kampionëve.

Ndeshja nisi me avantazhin e Frankfurtit në minutën e 26-të, kur Rasmus Kristensen shfrytëzoi një pasim perfekt jashtë zonës dhe goditi topin drejt shtyllës së majtë, duke e dërguar atë në rrjetë.

Liverpool reagoi shpejt dhe barazoi rezultatin në minutën e 35-të me një gol të Hugo Ekitike, i cili shmangu disa kundërshtarë dhe goditi nga kufiri i zonës në pjesën e poshtme të majtë të portës.

Vetëm katër minuta më vonë, Virgil van Dijk shfrytëzoi një goditje këndi për të shënuar me kokë dhe për të dërguar ekipin e tij në avantazh 2-1.

Në minutën e 44-të, Ibrahima Konate ngriti rezultatin në 3-1 me një tjetër goditje të saktë me kokë pas një harkimi nga këndi të Dominik Szoboszlai.

Në pjesën e dytë, Cody Gakpo shënoi, duke e çuar rezultatin në 4-1 me një goditje perfekte nga jashtë zonës.

Rezultatin final e vendosi Dominik Szoboszlai në minutën e 70-të, pas një pasimi të Florian Wirtz, duke vulosur fitoren e thellë 5-1 për skuadrën e Liverpool.

Liverpool tregoi forcë absolute në sulm, duke bërë atë që pritet nga ky ekip. /Telegrafi/

Sot (e mërkurë) janë në program për t’u zhvilluar gjithsej nëntë ndeshje në kuadër të xhiros së tretë të fazës së ligës në Ligën e Kampionëve.

Pas emocioneve dhe ndeshjeve të zjarrta gjatë të martës mbrëma, tani radhën e ka dita e sotme me pritshmëri të njëjta.

Vëmendja më e madhe padyshim se është te kryendeshja e kësaj xhiros mes Real Madridit dhe Juventusit, e cila pritet të zhvillohet në “Santiago Bernabeu” nga ora 21:00.

Në të njëjtin orar, Liverpooli luan në udhëtim te Eintracht Frankfurt, Bayern Munichu e pret Club Brugge, ndërsa Chelsea është nikoqir i Ajaxit.

Nga ora 21:00 luajnë edhe ndeshjet mes Atalanta-Slavia Praga, Monaco-Tottenham dhe Sporting Lisbona-Marseille.

Dy ndeshjet e vetme të parapara nga ora 18:45 janë ato mes Athletic Bilbao-Qarabag dhe Galatasaray-Bodo/Glimt. /Telegrafi/

Eintracht Frankfurt ka fituar një reputacion të jashtëzakonshëm për aftësinë e tij për të zbuluar dhe zhvilluar lojtarë të rinj, sidomos në pozicionet sulmuese, dhe më pas t’i shesë ata me fitime të mëdha.

Në vitet e fundit, klubi gjerman ka arkëtuar mbi 208 milionë euro duke shitur Luka Jovic, Sebastien Haller dhe Randal Kolo Muani te Milan, West Ham dhe PSG, për të vijuar më pas me të ardhura shtesë prej 170 milionë euro nga transferime të tjera.

Omar Marmoush u transferua te Manchester City në janar për 75 milionë euro, pas një gjysmësezoni të jashtëzakonshëm në Bundesliga (24 gola në 17 ndeshje). Hugo Ekitike ndoqi shembullin e tij, duke u transferuar te Liverpool për 95 milionë euro, pas një sezoni të shkëlqyer në Frankfurt (22 gola në të gjitha garat). Edhe Willian Pacho u bë një tjetër sukses i madh i klubit, i marrë nga PSG për 40 milionë euro në 2024.

Sipas CEO-s së klubit, Axel Hellmann, një staf trajnerësh të klasit botëror, një proces i qartë për zhvillimin e të rinjve dhe një ambient i hapur dhe ndërkombëtar që lejon lojtarët të rriten profesionalisht.

GOAL zgjedh gjashtë lojtarët që mund të jenë të radhës që do të largohen nga Eintracht Franfkurt në vitin 2026 ose më tej për klubet e ëndrrave...

Can Uzun

19-vjeçari gjerman me origjinë turke ka filluar të shkëlqejë në Bundesligë. Ai shënoi 8 gola në debutimin e tij dhe është bërë vetëm i katërti adoleshent i këtij shekulli që shënon në pesë ndeshje radhazi në një nga pesë ligat kryesore evropiane, krahas Julian Brandt, Jadon Sancho dhe Karim Benzema. Uzun ka një kombinim të shkëlqyer të shpejtësisë, driblimeve dhe vizionit të lojës, duke e bërë atë një lojtar shumë i kërkuar nga klubet e Ligës Premier. Vlera e pritshme e tij e transferimit: 80 milionë euro.

Nathaniel Brown

22 vjeç, mbrojtës i majtë shumë i shpejtë dhe teknikisht i kompletuar, i aftë të luajë edhe në krahun e djathtë, si mesfushor apo si sulmues anësor. Brown ka treguar vazhdimësi dhe ka arritur të bëhet pjesë e kombëtares gjermane, duke treguar gjithashtu karakter dhe aftësi lidershipi në fushë. Vlera e tregut: 60 milionë euro.

Kaua Santos

Portier brazilian, 22 vjeç, i ardhur nga Flamengo për vetëm 1.6 milionë euro. Ai ka refleks të shpejtë dhe aftësi të shkëlqyera me këmbë, duke e bërë një portier modern tërësisht. Pas një periudhe rikuperimi nga një dëmtim, Santos u rikthye si titullar dhe tashmë është objektivi i klubeve të mëdha si Manchester United dhe Tottenham.

Jean-Matteo Behoya

20 vjeç, sulmues anësor francez me shpejtësi dhe driblime spektakolare. Në Bundesliga ka shënuar gola vendimtarë dhe ka qenë një nga lojtarët më efektivë në sprintet e shpejta. Arsenal ka shfaqur interes serioz, dhe vlera e tij mund të arrijë deri në 70 milionë euro në vitin 2026.

Hugo Larsson

21-vjeç, mesfushor ofensiv dhe mbrojtës, i njohur për aftësinë e tij për të lexuar lojën dhe për të bërë pasime precize. Ai ka tërhequr vëmendjen e Liverpool, Real Madrid dhe Manchester City, duke u konsideruar një lojtar i ardhshëm kyç për klubet e mëdha evropiane. Larsson ka një forcë fizike të jashtëzakonshme dhe inteligjencë taktike, duke e bërë të vështirë për kundërshtarët ta ndalojnë.

Jonathan Burkardt

25 vjeç, sulmues i fuqishëm dhe preciz, i transferuar nga Mainz për 21 milionë euro. Burkardt ka shënuar 7 gola në 9 ndeshjet e para me Eintracht dhe ka treguar aftësi të jashtëzakonshme për të vendosur ndeshjet.

Ai konsiderohet një nga sulmuesit më të rrezikshëm të Bundesligës dhe ka të gjitha shanset të tërheqë interesin e Ligës Premier në vitet e ardhshme. /Telegrafi/

Mediat zvicerane raportojnë se Eintracht Frankfurt po përgatitet për një tjetër tentativë për transferimin e sulmuesit të Newcastle United, William Osula, në prag të afatit kalimtar të janarit.

Klubi gjerman, i cili nuk arriti ta transferojë sulmuesin danez gjatë afatit kalimtar të verës, ka mbajtur kontakte të vazhdueshme me përfaqësuesit e lojtarit.

Osula, 22 vjeç, ka rënë ndjeshëm në hierarkinë e trajnerit Eddie Howe, pas afrimeve të Nick Woltemade dhe Yoane Wissa.

Me rikthimin e afërt të Wissass në formë të plotë, minutat për Osulën pritet të reduktohen edhe më tej, çka ka shtyrë Frankfurtin të përgatisë një ofertë huazimi me të drejtë blerjeje.

Mësohet se lojtari kishte arritur marrëveshje personale me Frankfurtin në muajin gusht, por transferimi dështoi në ditën e fundit të afatit kalimtar.

Tani, një kalim në Bundesliga mund të konkretizohet, teksa klubi gjerman kërkon të forcojë repartin ofensiv për pjesën e dytë të sezonit.

Osula u transferua te Newcastle nga Sheffield United në vitin 2024 për një shumë rreth 11.6 milionë eurosh.

Në këtë sezon, ai ka realizuar 3 gola dhe ka dhënë 1 asist në 9 paraqitje në të gjitha garat, por ka qenë titullar vetëm një herë në Ligën Premier. /Telegrafi/

Bayern Munich ka shënuar fitore me rezultat 3-0 ndaj Eintracht Frankfurtit, në ndeshjen e vlefshme për javën e gjashtë të Bundesligas.

Skuadra bavareze tregoi superioritetin që në minutat e para, duke siguruar tre pikë të rëndësishme falë golave nga Luis Diaz dhe Harry Kane.

Takimi nisi vrullshëm për kampionët në fuqi, të cilët kaluan në avantazh që në minutën e parë. Serge Gnabry asistoi për Luis Diaz, i cili e pati të lehtë ta dërgonte topin në rrjetë për 1-0.

Frankfurt reagoi dhe gjeti rrjetën në minutën e 14-të me Jean-Matteo Bahoya, por pas rishikimit me VAR, goli u anulua për prekje të topit me dorë në aksionin paraprak.

Në minutën e 27-të, Harry Kane dyfishoi shifrat për Bayernin me një goditje të bukur nga distanca, duke e çuar rezultatin në 0-2.

Pjesa e dytë solli më shumë tension dhe ndalesa për shkak të dëmtimeve dhe ndërrimeve të shumta.

Bayern ruajti epërsinë pa shumë vështirësi duke arritur të shënojë edhe një herë, ndërsa Eintracht Frankfurt nuk arriti të gjejë rrjetën pavarësisht përpjekjeve në fundin e takimit.

Ishte Luiz Diaz ai i cili realizoi në minutën e 84-të për rezultatin përfundimtar të takimit 3-0.

Me këtë fitore Bayerni vazhdon të mbetet lider në Bundesliga me 18 pikë të grumbulluara./Telegrafi/

Në xhiro të dytë të Ligës së Kampionëve, Bodo/Glimt barazoi me Tottenhamin, Atletico Madrid fiton thellë ndaj Eintracht Frankfurt, ndërsa Marseille shkatërroi Ajaxin.

Bodo/Glimt dhe Tottenham ndanë pikët pas një barazimi 2-2. Për vendasit shënoi Hakon Hauge në minutat 53 dhe 66, ndërsa për Tottenham shënoi Van de Ven në minutën e 69.

Ndeshja u vendos në fund nga një autogol i Gundersen në minutën e 89, duke siguruar barazimin për mysafirët.

Atletico Madrid realizoi një fitore të thellë 5-1 ndaj Eintracht Frankfurt. Golat për Atleticon erdhën nga Giacomoi Raspadori (4’), Robin Le Normand (33’), Antoine Griezmann (45+1’), Guiliano Simeone (70’) dhe një penallti e shënuar nga Julian Alvarez (82’).

Goli i vetëm i mysafirëve u realizua nga Burkardt në minutën e 57.

Në një tjetër ndeshje të xhiros, Marseille triumfoi 4-0 ndaj Ajax.

Golat e vendasve u shënuan nga Igor Paixao (6’dhe 13’), Mason Greenwood (26’) dhe Pierre-Emerick Aubameyang (53’), duke i dhënë skuadrës tri pikë të rëndësishme në grup. /Telegrafi/

Eintracht Frankfurt u rikthye në Ligën e Kampionëve duke e mposhtur Galatasarayn me rezultatin të thellë 5-1 në stadiumin Deutsche Bank Park.

Ekipi i Bundesligës arriti të rikthehej nga disavantazhi 1-0 për të shënuar pesë gola kundër gjigantëve turq dhe për të bërë një rikthim të fuqishëm në garën më të madhe evropiane.

Megjithatë, përpara fillimit të ndeshjes, tifozët e Eintracht Frankfurt dhanë një spektakël të vërtetë në tribuna me një koreografi të bukur.

Para fillimit të ndeshjes, tifozët filluan të valëvitnin shumë flamuj të bardhë në tribuna dhe gjithashtu të hidhnin disa elementë me shkëlqim të bardhë në ajër.

Në të njëjtën kohë, në pjesën e tifozëve të Galatasarayt po zhvillohej një shfaqje me pjete piroteknike, por tifozët e Frankfurtit nuk u shqetësuan pasi e lyen stadiumin me të bardhë për një spektakël të bukur.

Kjo atmosferë ka pushtuar rrjetet sociale, me shumë komente pozitive që po shkojnë në drejtim të tifozëve të klubit gjerman. /Telegrafi/

Eintracht Frankfurt ka shënuar fitore të thellë në shtëpi ndaj Galatasaray, derisa Sporting CP triumfoi lehtësisht kundër Kairat Almaty.

Edhe pse në disavantazh, Frankfurt e përmbysi nga 0:1 në 5:1 për t’i marrë pikët e plota.

Galata e zhbllokoi rezultatin me anë të Yunus Akgun, që shënoi nga afërsia pas asistimit të Leroy Sanes (8’).

Pas kësaj, Frankfurti e barazoi përmes Davinson Sanchez, i cili shënoi autogol në përpjekje për ta larguar topin (37’).

Kurse, ishte Can Yilmaz Uzun që e përmbysi epërsinë pas asistimit të Burkardt (45+2’). Vetëm tre minuta më vonë, Burkardt realizoi me kokë pas asistimit të Chaibit (45+5’).

Frankfurt s’u ndalë më kaq, me Burkardt që shënoi sërish – veçse kësaj radhe u asistua nga Broën (66’).

Fitoren e thellë të Frankfurtit e vulosi Ansgar Knauff, që shënoi përballë portierit mysafir pas asistimit të Wahi (75’).

Në anën tjetër, Sporting CP lehtësisht fitoi ndaj skuadrës që po luan për herë të parë në Ligën e Kampionëve, Kairat Almaty me rezultat 4:1.

Trincao (44’, 65’), Alisson Santos (67’) dhe Quenda (68’) ishin golashënuesit e Sportingut, derisa mysafirët golin e vetëm e realizoi Edmilson Santos (86’)./Telegrafi/

Sezoni i ri ka nisur dhe që tani ka sjellë shumë histori intriguese. Çdo vit nuk është e rëndësishme vetëm të shohim cilat klube të mëdha do të konfirmojnë pritshmëritë, por edhe të ndjekim skuadra më modeste që mund të befasojnë duke u ngjitur në skenën e madhe.

Më poshtë janë përzgjedhur pesë ekipe që ia vlen të ndiqen këtë sezon. Sigurisht, kjo është një listë subjektive, ndaj mezi presim të lexojmë sugjerimet tuaja në komente, hapësirën e poshtme që tashmë është ridizajnuar për ju që ta keni më të lehtë komentimin.

Villarreal

Që nga rikthimi i Marcelinos, “Nëndetësja e Verdhë” është kthyer në një projekt interesant. Trajneri spanjoll është i njohur për ndërtimin e ekipeve konkurruese që shpesh tejkalojnë kufijtë e tyre. Në periudhën e parë në Villarreal, ai i çoi verdhezinjtë në gjysmëfinale të Ligës së Evropës dhe në top 4 të La Ligës.

Tani, pas një sezoni ku shënuan më shumë se çdo skuadër tjetër në Spanjë përveç Barcelonës e Real Madridit, Villarreal është gati për një aventurë të re në Ligën e Kampionëve.

Skuadra përmban emra me përvojë si Juan Foyth, Dani Parejo dhe Gerard Moreno, por edhe afrime të reja të rëndësishme si Arnau Tenas, Thomas Partey, Tajon Buchanan dhe Giorgi Mikautadze. Me këtë përbërje, Villarreal premton spektakël.

Villarreal

Paris FC

Mos u ngatërroni – nuk bëhet fjalë për PSG, por për FC Paris, rivalin tjetër të kryeqytetit francez. Edhe pse fillimi në Ligue 1 ka qenë i vështirë, me humbje të thellë 5-2 ndaj Marseilles, projekti i tyre është ambicioz. Klubi mbështetet nga familja Arnault dhe Red Bull, çka e bën të qartë se qëllimet janë afatgjata.

Afrimet e verës, si Kevin Trapp, Pierre Lees-Melou dhe Moses Simon, tregojnë për një kombinim të përvojës me talentin.

Nëse arrijnë të stabilizojnë rezultatet dhe të përforcohen në janar, FC Paris mund të bëhet surpriza e kampionatit francez.

FC Paris

Nottingham Forest

Pas kualifikimit në Evropë për herë të parë pas 30 vitesh, klubi historik anglez do të luajë këtë sezon në Ligën e Evropës. Nën drejtimin e trajnerit të ri Ange Postecoglou, Forest pritet të luajë futboll më ofensiv dhe argëtues.

Në afatin verore ata investuan shumë, duke mbajtur yje si Morgan Gibbs-White dhe duke shtuar emra si Douglas Luiz, Dan Ndoye, James McAtee, Oleksandr Zinchenko dhe portieri skocez Angus Gunn.

Edhe nëse nuk e përsërisin suksesin e Ligës Premier të sezonit të kaluar, Nottingham mbetet një ekip që garanton spektakël.

Nottingham Forest

Como

Projekti i Cesc Fabregas në brigjet e liqenit Como është ndër më interesantët në Itali. Klubi ka bërë një afat kalimtar të nivelit të Serie A, duke sjellë Alvaro Moratën dhe talente premtuese si Martin Baturina e Jacobo Ramon.

Me yje të rinj si Nico Paz dhe një stil loje të bazuar në presion e intensitet, Como synon Evropën. Ambicia e Fabregasit është e qartë: ta vendosë klubin në elitën e futbollit italian.

Como

Eintracht Frankfurt

“Shqiponjat” janë shndërruar në një forcë të qëndrueshme në futbollin gjerman. Pas sukseseve në arenën evropiane dhe një vendi të siguruar në Ligën e Kampionëve, Eintracht mbetet një skuadër që ofron ndeshje spektakolare.

Sulmi i përforcuar me Ritsu Doan dhe Jonathan Burkardt shtohet mbi dyshen e rrezikshme Omar Marmoush – Hugo Ekitike. Klubi ka treguar aftësi për të zhvilluar sulmues të mëdhenj dhe sezoni i ri pritet të sjellë shumë gola dhe emocione.

Eintracht Frankfurt

Përfundim

Këto pesë skuadra – Villarreal, Paris FC, Nottingham Forest, Como dhe Eintracht Frankfurt – janë projekte që kombinojnë histori, ambicie dhe talent.

Sezoni i ri pritet të jetë i mbushur me befasi, dhe këto ekipe kanë potencialin për të shkruar kapituj të veçantë. /Telegrafi/