Cristiano Ronaldo ka bërë një gjest të veçantë për bashkëlojtarët e tij në Kombëtaren e Portugalisë, duke u dhuruar secilit prej tyre një orë të personalizuar nga “Jacob & Co”, në shenjë feste për triumfin në Ligën e Kombeve.

Raportimet sugjerojnë se këto ora luksoze kushtojnë mes 280,000 dhe 400,000 dollarë secila, duke e bërë dhuratën edhe më mbresëlënëse.

Ylli i Al Nassr ka bërë edhe një gjest të ndjerë për të nderuar kujtimin e Diogo Jotës, duke dërguar një orë të tillë edhe për familjen e sulmuesit të ndjerë të Liverpoolit.

Më pak se një muaj para aksidentit tragjik që i mori jetën, Jota ishte pjesë e skuadrës së Portugalisë që mposhti Spanjën në finalen e Ligës së Kombeve.

Në momentin e humbjes së Jotës, Ronaldo kishte shkruar në platformën X: Kjo nuk ka kuptim. Vetëm sa ishim bashkë në ndeshjet e kombëtares, dhe ti sapo ishe martuar".

"Te familja jote, gruaja dhe fëmijët e tu, u shpreh ngushëllimet e mia më të thella dhe gjithë forcën e botës. E di që gjithmonë do të jesh me ta. Prehu në paqe, Diogo dhe Andre. Do të na mungoni të gjithëve”.

Ronaldo njihet për zemërgjerësinë e tij dhe dhuratat e shpeshta që iu bën bashkëlojtarëve dhe stafit në klubet ku punon. /Telegrafi/

Gjatë Asamblesë së Përgjithshme të rregullt të bordit të drejtorëve, Real Madrid bëri një gabim të sikletshëm dhe tejet të ndjeshëm në videon e tij përkujtimore kushtuar personave që humbën jetën gjatë vitit.

Klubi spanjoll synonte të nderonte Diogo Jotën e Liverpoolit dhe vëllain e tij Andre Silva, të cilët humbën tragjikisht jetën më 3 korrik në një aksident automobilistik. Megjithatë, në vend të fotografisë së vëllait të Jotës, në video u shfaq gabimisht Andre da Silva, futbollist i Elches, pikërisht skuadra me të cilën Real Madridi luan sonte.

Pasi gabimi u vu re dhe shkaktoi reagime të menjëhershme, Real Madrid publikoi një njoftim zyrtar në platformën X, duke kërkuar falje publike.

“Real Madrid CF i kërkon falje Elches dhe lojtarit të tyre Andre da Silva për përfshirjen gabimisht të fotografisë së tij në nekrologjinë e videos emocionale, në vend të fotografisë së André Silva, vëllait të Diogo Jotas. Na vjen keq për atë që ndodhi", thuhet në njoftimin e Real Madridit.

Diogo Jota, 28 vjeç, dhe vëllai i tij Andre, 25 vjeç, vdiqën në kilometrin e 65-të të autostradës A-52 në zonën e Zamorës, në drejtim të Benaventes, një ngjarje që tronditi rëndë futbollin portugez dhe atë evropian.

Real Madridi kishte shprehur më herët ngushëllimet e tij për humbjen tragjike, duke bërë homazh për futbollistin portugez gjatë ndeshjes së Ligës së Kampionëve kundër Liverpoolit. Xabi Alonso, Trent Alexander-Arnold dhe Emilio Butragueno vendosën lule pranë një memoriali të improvizuar në afërsi të “Anfield”.

Ndërkohë, ndeshja mes Elches dhe Real Madridit do të zhvillohet sonte me fillim nga ora 21:00. /Telegrafi/

Trajneri i Liverpoolit, Arne Slot, ka theksuar se klubi “kurrë” nuk do ta përdorë vdekjen tragjike të Diogo Jotës si “justifikim” për fillimin e dobët të sezonit 2025–26.

Jota humbi jetën në korrik, në një moment që tronditi botën e futbollit. Shumë lojtarë të Liverpoolit, përfshirë Mohamed Salah, humbën më shumë sesa një bashkëlojtar – ata humbën një mik shumë të afërt.

Edhe pse paraqitjet nuk ishin bindëse, Liverpooli e nisi sezonin me shtatë fitore radhazi në Ligën Premier, Ligën e Kampionëve dhe Carabao Cup. Por më pas erdhi një seri prej katër humbjesh radhazi, që u kthyen në gjashtë disfata në shtatë ndeshje.

Në sfidën e fundit, Liverpooli u mposht bindshëm 3–0 nga Manchester City, duke i lënë të kuqtë tashmë tetë pikë prapa kreut dhe mbrojtjes së titullit që po rrënohet dita ditës.

Slot megjithatë shtoi se klubi anglez nuk e përdorë vdekjen e portugezit për t’i justifikuar rezultate negative.

“Në këtë moment, gjithmonë mendoj se si duhet të jetë për gruan dhe fëmijët e tij, sepse për ta është shumë, shumë, shumë më e vështirë sesa për ne. Por që do ta ndjejmë mungesën e lojtarit dhe të njeriut, kjo është krejtësisht e qartë. Tani luajmë kundër Nottingham Forest; sezonin e kaluar ishim 1–0 në disavantazh dhe atij (Jotës) i mjaftoi një minutë që ta barazonte rezultatin”.

“Gjëja e fundit që do të bëja është ta përdorja këtë si justifikim,” shtoi ai. “E di me siguri se na mungon lojtari, kjo është 100 për qind e vërtetë, dhe na mungon edhe njeriu, por unë nuk mund ta mas ndikimin që kjo ka në rezultatet tona. Është e pamundur për mua ta them dhe kurrë nuk do ta përdorim si justifikim”./Telegrafi/

Ylli portugez Cristiano Ronaldo ka folur me emocion për arsyet pse nuk mori pjesë në varrimin e bashkëkombësit të tij dhe sulmuesit të Liverpoolit, Diogo Jota, i cili humbi jetën tragjikisht në një aksident.

Në një intervistë me gazetarin Piers Morgan, Ronaldo u shpreh se vendimi i tij ishte i menduar dhe personal.

“Pse nuk shkova në varrimin e Jotës? Ndihem mirë me vendimin tim. Dy janë arsyet. Pas vdekjes së babait tim, nuk kam qenë më kurrë në një varrezë. Së dyti, kush më njeh, e di që kudo që shkoj, gjithçka kthehet në një ‘cirk’. Vëmendja do të përqendrohej tek unë, dhe nuk doja që kjo të ndodhte”.

Ronaldo tregoi gjithashtu momentin kur mësoi për lajmin e trishtë.

“Isha në palestër me Georginën kur e dëgjova lajmin. Qava shumë, Georgina mund ta dëshmojë këtë. Nuk e besoja kur mora mesazhet. Ishte një moment shumë i vështirë për vendin, për familjen e tij dhe për të gjithë”.

Ylli i Al Nassr foli me respekt për personalitetin e Jotës.

“Nuk ishte tipi që fliste shumë. Diogo Jota ishte një njeri i madh, një person i qetë. Më pëlqente shumë të bisedoja me të”.

Në fund, Ronaldo dha një mesazh të ndjerë për jetën dhe momentet e saj të paparashikueshme.

“Gjithçka mund të ndryshojë në një çast. Rasti i Jotës na kujton se duhet ta jetojmë çdo moment me gëzim, sepse askush nuk e di çfarë sjell e ardhmja”, përfundoi Ronaldo. /Telegrafi/

Humbja 3-2 e Liverpoolit ndaj Brentfordit i la ata shtatë pikë prapa liderëve Arsenal në Ligën Premier, duke hedhur dyshime mbi mbrojtjen e titullit të tyre.

Ish-mesfushori i Chelseat, John Obi Mikel, beson se problemet e ekipit janë të lidhura me pasojat emocionale nga vdekja tragjike e Diogo Jotës në një aksident me makinë korrikun e kaluar.

Duke folur në podkastin The Obi One, Mikel tha se humbja kishte ndikuar thellë në ekip, veçanërisht në Mohamed Salah, i cili ishte i afërt me Jotën.

Ai theksoi se futbollistët kalojnë një pjesë të madhe të jetës së tyre së bashku dhe se humbja e një shoku skuadre lë plagë të qëndrueshme emocionale që ndikojnë në performancë.

Mohamed Salah

“Nuk duhet të harrojmë se në klub ka ndodhur një tragjedi e madhe që askush nuk e priste. Si futbollistë, ne kalojmë më shumë kohë me shokët e ekipit sesa me familjet tona, sepse jemi bashkë në dhomën e zhveshjes çdo ditë”.

“Humbja e dikujt kaq të rëndësishëm do të lërë gjithmonë gjurmë te lojtarët. Nuk ka rëndësi sa mirë e kanë filluar sezonin apo sa të talentuar janë - diçka e tillë të prek emocionalisht dhe të mbetet brenda”.

"Për mua, çfarëdo që të ndodhë në klub për momentin, emocionet janë ende shumë të freskëta. Kur e sheh Salahun, i cili ishte shumë afër Jotës, ai është një hije e vetes së tij të mëparshme”.

“Kështu që mendoj se duhet të jemi më të kujdesshëm dhe më të kuptueshëm kur kritikojmë këtë ekip të Liverpoolit”, ka thënë Obi Mikel./Telegrafi/

Në ndeshjen e mbrëmshme (e mërkurë) të Ligës së Kampionëve midis Eintracht Frankfurtit dhe Liverpoolit, prezantuesi bëri një gjest prekës për të nderuar të ndjerin tragjikisht Diogo Jota.

Një nga futbollistët më të mirë të Liverpoolit, Jota, vdiq në një aksident me makinë në Spanjë në fillim të korrikut të këtij viti dhe lajmi tronditi të gjithë botën e futbollit.

Dhe mbrëmë, drejtuesit e Eintrachtit u siguruan që futbollisti portugez të mos harrohej, teksa vendosën t’i bënin homazh në një mënyrë prekëse.

Trajneri i Reds, Arne Slott, kishte futur në fushë 10 lojtarë rezervë për ndeshjen dhe, kur formacioni u shfaq në ekranin e madh në stadiumin e Frankfurtit, ai tregonte 11 emra në stolin e anglezëve.

Emrat e dhjetë lojtarëve ishin shkruar me të bardha, dhe emri i Jotës dhe numri 20 ishin shkruar në listë me shkronja tjera dalluese.

Gjithashtu, spiker zyrtar në stadium i bëri homazh Jotës kur lexoi emrat e lojtarëve. Pasi lexoi emrat e dhjetë lojtarëve në stol, ai shtoi: "Përgjithmonë numri 20 - Diogo Jota."

Ndryshe, në fund Liverpooli fitoi bindshëm me rezultat të thellë 1-5. /Telegrafi/

Trajneri i Liverpoolit, Arne Slot ka bërë të ditur se pronarët e klubit, Fenway Sports Group (FSG), kanë paguar në tërësi kontratën e mbetur të Diogo Jotas, duke ia kaluar shumën familjes së tij, pas aksidentit tragjik me makinë në fillim të korrikut, ku humbi jetën sulmuesi portugez së bashku me vëllanë e tij, Andre Silva.

Ky veprim, të cilin Slot e përshkroi si “të rrallë në futboll”, nënvizon përkushtimin e klubit për të mbështetur gruan dhe fëmijët e Jotës në këtë periudhë të vështirë.

Me dy vite të mbetura në kontratën e tij, raportet në Portugali kishin sugjeruar më herët se FSG do ta nderonte shumën e plotë – diçka që tani është konfirmuar nga trajneri në një intervistë emocionuese për TNT Sports.

“Mënyra se si [FSG] e trajtoi këtë situatë, duke ia kaluar të gjitha paratë e kontratës gruas dhe fëmijëve të tij, është për t’u lavdëruar. Ndoshta njerëzit mendojnë se kjo është normale, por në futboll nuk është”.

Tekniku holandez foli edhe për reagimin e jashtëzakonshëm të tifozëve dhe lojtarëve të Liverpoolit pas tragjedisë.

Diogo Jota

“Dhimbja e qytetit, kjo është ajo që e bën kaq të veçantë punën në këtë klub. Mënyra si u sollën tifozët, sa shumë lule kishte, të gjitha memorialet… më prek thellë edhe tani kur e kujtoj”, shtoi ai.

Slot vlerësoi edhe qëndrimin e skuadrës gjatë funeralit të Jotas, duke pranuar vështirësinë e rikthimit në stërvitje në një moment kaq të rëndë:

“Ka çaste kur mendoj: ‘Çfarë duhet të ndiejë gruaja dhe fëmijët e tij tani?’ Sepse tingëllon shumë e rëndë… ndërkohë që jeta jonë vazhdon”.

Jota kishte edhe dy vite kontratë të mbetura, prandaj familja e tij ka marrë mbi 10 milionë funte, pasi portugezi fitonte mbi 100 mijë funte për javë./Telegrafi/

Diogo Jota u nderua në ceremoninë e ndarjes së çmimeve “Topi i Artë” në Paris dje, dhe në këtë ngjarje mori pjesë edhe bashkëshortja e tij, Rute Cardoso.

Mbërritja e saj shënoi paraqitjen e saj të parë publike që nga vdekja e Diogos. Me këtë rast, Rute mbante veshur një fustan të ngushtë të bardhë me detaje argjendi dhe një pelerinë të bardhë.

Shokët e ekipit të Diog, Virgil van Dijk dhe Alisson Becker, u prekën veçanërisht emocionalisht gjatë homazhit për këtë futbollist.

"Këtë verë familja e futbollit u trondit kur mësuam për vdekjen e Diogo Jota, i cili humbi jetën, si dhe të vëllait të tij Andre Silva", tha Kate Scott, e cila ishte prezantuese e ceremonisë së bashku me Ruud Gullit.

— (@)

Gullit shtoi: “Jota ishte një nga të preferuarit e tifozëve që dha gjithçka për klubin e tij, i dashur si nga shokët e ekipit ashtu edhe nga tifozët”, tha ai.

Gjatë ceremonisë së Topit të Artë mbrëmë, u shfaq një video me disa nga momentet më të mira futbollistike të Diogo Jotas.

"E dimë që familja e tij është këtu me ne sonte, kështu që duam të themi se na vjen shumë keq për humbjen tuaj", tha prezantuesi Scott.

Historia e dashurisë së Diogos dhe Rutës filloi në vitet e shkollës së mesme dhe ata e bënë propozimin e tyre zyrtar në vitin 2022. Çifti u martua më 22 qershor të këtij viti, vetëm 11 ditë para aksidentit tragjik në të cilin vdiq futbollisti. Çifti kishte tre fëmijë së bashku. /Telegrafi/

Revista portugeze TV Guia ka ndezur polemika të forta pas botimit të kopertinës së saj të fundit, e cila riktheu në kujtesë një nga ngjarjet më të rënda që ka tronditur futbollin portugez: humbjen tragjike të futbollistit Diogo Jota dhe vëllait të tij, André Silva, më 3 korrik, pas një aksidenti fatal automobilistik.

Në vend që të përqendrohej te dhimbja e familjes dhe homazhet për dy të rinjtë që humbën jetën, revista zgjodhi një qasje krejtësisht të ndryshme, duke vënë në pah një afërsi të supozuar mes mikut të ngushtë të Jotës, mesfushorit Ruben Neves, dhe vejushës së tij, Rute Cardoso.

Në faqen e parë, TV Guia publikoi një artikull me titull: “Ruben Neves dhe Rute. Të bashkuar pas vdekjes”, të shoqëruar me një foto ku ata shfaqeshin duke u përqafuar. Ky imazh, i nxjerrë sipas kritikëve jashtë çdo konteksti, është konsideruar një manipulim i rëndë mediatik dhe një mungesë respekti për dhimbjen e familjes.

Kopertina nuk kaloi pa u vënë re dhe brenda pak orësh u bë temë diskutimi në mediat e tjera dhe rrjetet sociale, duke ngritur pyetje mbi etikën e gazetarisë dhe kufirin mes informacionit publik dhe sensacionalizmit.

Menjëherë pas publikimit, rrjetet sociale u mbushën me reagime të zemëruara. Shumë ndjekës të futbollit e quajtën veprimin e revistës një akt të papërgjegjshëm, duke akuzuar TV Guia se po përdor një tragjedi për të tërhequr vëmendje dhe shitje.

Komentet ishin të shumta dhe të ashpra: disa e konsideruan kopertinën si një fyerje të drejtpërdrejtë ndaj kujtimit të Jotës dhe familjes së tij, të cilët ende janë duke kaluar periudhën e zisë. Të tjerë vunë në dukje se një media serioze duhet të tregojë ndjeshmëri dhe respekt, sidomos në raste të tilla tragjike, e jo të ushqejë thashetheme që nuk kanë asnjë bazë të verifikuar.

Ky rast ka rihapur debatin mbi mënyrën se si disa revista sensacionale i trajtojnë ngjarjet tragjike. Pyetjet kryesore që po shtrohen janë:

-Deri ku mund të shkojë një media për të rritur shitjet?

-A është e drejtë të shfrytëzohet dhimbja njerëzore për të ndërtuar histori që tërheqin lexuesin?

The post Ruben Neves, në një lidhje me bashkëshorten e mikut të tij të ndjerë, Diogo Jota? appeared first on iconstyle.al.

Bota e futbollit është ende në zi për vdekjen tragjike të Diogo Jotas, një lojtar i kombëtares portugeze dhe yllit të Liverpoolit, i cili vdiq së bashku me vëllanë e tij Andre në një aksident me makinë në fillim të korrikut.

Veçanërisht i prekur nga kjo tragjedi është miku i tij dhe ish-shoku i ekipit Ruben Neves, i cili reagoi ashpër ndaj kopertinës së revistës portugeze, TV Guia.

Revista e lartpërmendur publikoi një artikull të mërkurën në lidhje me mbështetjen e Neves për të venë e Jotas, Ruta Cardoso, por lajmi u shoqërua nga një foto që linte të kuptohej një marrëdhënie romantike midis të dyve.

Kopertina e gazetës portugeze (Foto: Twitter)

Fotografia, e cila tregon momentin para një përqafimi ose një puthjeje miqësore në faqe, ishte përshtatur në një mënyrë që sugjeronte intimitet, gjë që shkaktoi reagime.

Futbollisti i Al-Hilal, i cili është në një lidhje me Debora Lourenço për më shumë se 11 vjet, shkroi në rrjetet sociale.

"Unë dhe gruaja ime nuk jemi përfshirë kurrë në ndonjë skandal. Jemi të lumtur, kemi një familje për të cilën jam krenar. I respektojmë të gjithë, por jo ata që nuk i respektojnë të tjerët. Zgjedhja e asaj fotoje është e turpshme", shkroi Neves.

Ai shtoi se ai dhe familja e tij kishin qëndruar pranë familjes së Rute dhe Jota që nga fillimi i tragjedisë dhe se fotoja ishte publikuar pa kontekst me qëllim krijimin e dramës së rreme.

Neves dhe Jota ndanin një dhomë zhveshjeje te Porto, Wolverhampton dhe te skuadra kombëtare e Portugalisë.

Miqësia e tyre ishte e thellë, e mbushur me interesa të përbashkëta, nga video-lojërat deri te dashuria për futbollin. /Telegrafi/

Ruben Neves zbuloi një tatuazh prekës në nder të mikut të tij të ndjerë Diogo Jota.

Mesfushori portugez, 28 vjeç, mori pjesë në stërvitjen për detyrën ndërkombëtare përpara kualifikueseve të Kupës së Botës të vendit të tij.

Në mbledhjen e tyre të parë që nga vdekja tragjike e Jotës, Neves, Cristiano Ronaldo dhe pjesa tjetër e ekipit i bënë homazh ish-yllit të tyre.

Jota dhe vëllai i tij Andre Silva vdiqën më 3 korrik në një aksident me makinë në Spanjë, ndërsa po udhëtonin për të kapur një traget. Sulmuesi, i cili e ngriti titullin e Premier Ligës me Liverpoolin në maj, luajti 49 ndeshje për Portugalinë, më e fundit fitorja në finalen e Ligës së Kombeve ndaj Spanjës më 8 qershor.

Shoku i ngushtë Neves luajti me Jotën te Wolves, si dhe për vendin e tyre – pastaj ndihmoi në bartjen e arkivolit të tij në funeralin e tij. Dhe tatuazhi i tij i ri në pjesën e pasme të këmbës së majtë e përshkruan atë duke përqafuar Jotën në një homazh emocional.

Imazhi i ngjitur në pulpën e tij tregon Nevesin duke përqafuar mikun e tij të dashur, i cili mban veshur fanellën e tij “Diogo J 21”.

Neves do të veshë gjithashtu fanellën me numër 21 të veshur nga Jota për Portugalinë për të vazhduar trashëgiminë e mikut të tij.

The post Gjesti i veçantë i Ruben Neves për Diogo Jotën: një tatuazh në shenjë miqësie appeared first on iconstyle.al.

Mbrëmë e djeshme, një atmosferë e veçantë dhe unike, mbretëroi në Anfield në ndeshjen Liverpul-Bërnmuth.

Ndeshja hapëse e sezonit 2025-26 të kampionëve të Premier Ligës,  pati një homazh rrëqethës nga të gjithë të pranishmit për Diogo Jootën dhe vëllain e tij Andre Silva, të cilët vdiqën më 3 korrik në një aksident me makinë në Spanjën veriore.

Homazhe emocionale u bënë para, gjatë dhe pas fitores 4-2 të të kuqve në Anfield, me Mohamed Salah në lot ndërsa duartrokiste tifozët pas ndeshjes, duke reflektuar mbi mendimet e tyre për shokun e tij të ndjerë të skuadrës.

Me familjen e Jotës të pranishme, një interpretim marramendës i këngës “You’ll Never Walk Alone” para fillimit të ndeshjes u pasua nga një moment heshtjeje, gjatë së cilës tifozët mbajtën pankarta shumëngjyrëshe në Kop dhe në tribunën Sir Kenny Dalglish ku shkruhej “DJ20” dhe “AS30”.

Tifozët brohoritën “Oh, ai mban numrin 20 ” në nder të ish-sulmuesit portugez, ndërsa lojtarët hynë në fushë dhe përsëri në minutën e 20-të, ndërsa një banderolë në Kop shkruante: “Anfield do të jetë gjithmonë shtëpia juaj”.

The most amazing You’ll Never Walk Alone rendition at Anfield by the Liverpool fans for Diogo Jota and his brother #LIVBOU #PremierLeague

pic.twitter.com/0TZQPU5SmW

— Cricketism (@MidnightMusinng) August 15, 2025

Mohamed Salah was the last player to leave the pitch, joining in with a tearful rendition of Diogo Jota’s chant in front of the Kop ❤️ pic.twitter.com/c5Vj4Rfr8C

— Premier League (@premierleague) August 15, 2025

The post Britma, koreografi në “Anfield” në kujtim të Diogo Jotës, Salah shpërthen në lot (FOTO+VIDEO) appeared first on Albeu.com.

Sulmuesi i përfaqësueses së Italisë, Federico Chiesa, ka deklaruar se është i lumtur te Liverpooli dhe ka falënderuar trajnerin Arne Slot për fjalët inkurajuese, ndërsa goli i tij i parë në Ligën Premier iu dedikua në mënyrë të natyrshme Diogo Jotës. 

Chiesa pritej të largohej këtë verë pas një sezoni të vështirë debutues, ku u përball me mungesë minutash, rënie forme dhe probleme fizike. 

Megjithatë, mbrëmë ai hyri nga stoli në një moment kyç, kur rezultati ishte 2-2 kundër Bournemouth, dhe me një goditje fluturimthi riktheu Liverpoolin në avantazh 3-2, përpara se Mohamed Salah të vuloste fitoren 4-2. 

“Mendimi im i parë pas golit ishte për Diogon, vëllain e tij dhe familjen e tyre. Ishte një mbrëmje tepër prekëse, ndaj ta mbyllje kështu ndeshjen ishte shumë emocionuese”. 

“Diogo më ndihmoi nga lart, e shtyu topin drejt rrjetës. Dua të besoj se ashtu ndodhi”, ka thënë Chiesa. 

Diogo Jota dhe vëllai i tij humbën jetën në një aksident tragjik me makinë, vetëm pak ditë pas festimeve të titullit kampion nga Liverpooli.  

Lexo po ashtu Zbulohet se përse u ndërpre për disa minuta ndeshja mes Liverpoolit dhe Bournemouthit

Si shenjë respekti, klubi vendosi të tërheqë fanellën me numrin 20 që Jota mbante. 

Kjo ishte ndeshja e parë e tyre në Ligën Premier që nga ajo tragjedi, e shoqëruar me homazhe të shumta për Jotën dhe familjen e tij./Telegrafi/

The post ”Jota më ndihmoi, e shtyu topin drejt rrjetës”, Chiesa emocionon pas golit ndaj Bournemouth appeared first on Telegrafi.

Sulmuesi Federiko Kieza, shënoi për Liverpulin 6 minuta pasi u aktivizua në lojë, në ndeshjen hapëse për sezonin 2025-26 të Premier Ligës.

Pas fitores, italiani foli për “Sky Sport”, ku u shpreh se Diogo Jota e ndihmoi nga lart që të shënonte gol.

“Pas golit, mendimet e mia të para shkuan te Diogo (Zhota), vëllai i tij dhe familja e tij. Dua të besoj se që nga atje lart ai më ndihmoi të shënoja gol”, tha ai.

Pas kësaj, Kieza mori një moment për t’u çliruar nga barra, duke pasur parasysh dështimin e sezonit të kaluar me të kuqtë, dhe për të shijuar rikthimin e tij me stil.

“Goli më shpërblen për punën që kam bërë. Arrita në kushte të vështira sepse nuk u stërvita me Juven dhe kjo më penalizoi. Pas një viti, po marr njëfarë kënaqësie”, sulmoi ai bardhezinjtë.

“Falenderoj mjekët dhe trajnerin (Arne Slot) që më dhanë këtë shans dhe që kanë qenë gjithmonë të shkëlqyer me mua. Goli është edhe për të”.

Në fund ai u ndal edhe te e ardhmja e tij duke pasur parasysh Kupën e Botës 2026 verën e ardhshme dhe nevojën e tij për minuta në këmbë: “Do të flasim me Liverpulin, por jam i lumtur këtu. Jam në një nga ekipet më të mira në botë. Jam i lumtur që e vesh këtë fanellë. Duhet të jem gjithmonë gati dhe të provoj se mund të luaj për këtë ekip”.

The post Diogo Jota më ndihmoi nga lart që të shënoja gol/ Kieza sulmon hapur Juventusin: Më penalizoi, arrita te Liverpuli në rrethana të vështira appeared first on Albeu.com.

Familja e Diogo Jotës do të jetë e pranishme në Anfield të premten për ndeshjen hapëse të Liverpoolit në Premier League kundër Bournemouth, në një moment emocional për klubin dhe tifozët. Kjo do të jetë hera e parë që ata shfaqen në stadium që pas tragjedisë që mori jetën e Diogos dhe vëllait të tij, Andre Silva, në një aksident me makinë muajin e kaluar në Spanjë.

Liverpooli do të organizojë një homazh për të nderuar ish-sulmuesin e tij, me një moment heshtjeje që do të mbahet në të gjitha ndeshjet e Premier League këtë fundjavë. Lojtarët do të mbajnë shirita të zinj dhe do të shfaqen mesazhe dhe imazhe për Jotën dhe vëllain e tij në ekranet e stadiumeve.

Një mozaik i veçantë nga tifozët do të zbulohet në Kop dhe tribunën Sir Kenny Dalglish gjatë periudhës së heshtjes, duke i dhënë një tjetër dimension homazhit. Trajneri i Liverpoolit, Arne Slot, theksoi rëndësinë e kësaj ndeshjeje si një mundësi për të treguar mbështetje dhe dashuri për familjen e Diogos në këtë moment shumë të vështirë.

The post Familja e Diogo Jotës pritet në Anfield për herë të parë që pas tragjedisë appeared first on iconstyle.al.

Cody Gakpo ka folur për vështirësitë që po kalojnë tek Liverpooli që nga tragjedia me humbjen e bashkëlojtarit të tij, Diogo Jota, i cili ndërroi jetë në moshën 28-vjeçare. 

Ylli i Portugalisë, Jota, dhe vëllai i tij Andre Silva humbën jetën në një aksident automobilistik më 3 korrik. 

Lajmi për vdekjen e Jotës shkaktoi një reagim të madh emocional, me homazhe që erdhën nga e gjithë bota. 

“Po, ka qenë shumë e vështirë. Shumë prej nesh ishin ende në pushime kur ndodhi kjo ngjarje”. 

“U mblodhëm si skuadër dhe si klub sa më shpejt të mundëm. U përpoqëm të jemi pranë familjes sa më shumë që mundëm në ato momente dhe bashkë si ekip të ndihmonim kudo që mundëm”. 

“Vazhdojmë ta bëjmë këtë, dhe secili është i angazhuar më shumë pas skenave sesa në publik, duke u lidhur dhe ndihmuar sa më shumë që mundet”, ka thënë Gakpo fillimisht. 

Lexo po ashtu Presidenti i Federatës Portugeze flet për mungesën e Ronaldos në varrimin e Jotas

Gakpo ishte në pushime kur ndodhi vdekja e Jotas, por ishte ndër ata që morën pjesë në funeralin emocional në Gondomar dhe vizituan një vend përkujtimor jashtë stadiumit ‘Anfield’. 

“Shpresoj që familja e Diogos ndjeu dashurinë që ne kemi për ta, për Diogon dhe vëllain e tij”. 

“Mund të shihje se si përpiqemi të veprojmë si klub dhe ekip, edhe tifozët, qyteti i tërë, çdo dashamirës futbolli, si Liverpool, ne përpiqemi të jemi një familje e vërtetë”, përfundoi ai./Telegrafi/

The post Gakpo flet për vështirësitë që po kalojnë tek Liverpooli pas vdekjes tragjike të Jotas appeared first on Telegrafi.

Këtë sezon, James Milner do të bëhet vetëm lojtari i tretë që luan në Ligën Premier në moshën 40-vjeçare, dhe për veteranin e futbollit do të jetë sezoni i tij i 24-të në radhët elitare të futbollit anglez, të cilit do t’i hyjë me një numër të ri në fanellë.

Milner vendosi ta mbajë numrin 20 në shpinë në sezonin e ri në nder të ish-shokut të tij të skuadrës nga Liverpooli, Diogo Jota, i cili humbi jetën tragjikisht javë më parë.

Te Brighton, Milner mbante fanellën me numër 6, por pasi iu dha mundësia, vendosi ta ndryshonte atë numër në kujtim të Jotës.

“Kur dëgjova se Carlos Baleba donte të ndryshonte numrin e tij dhe tani numri 20 është i lirë, doja ta bëja nga respekti dhe si një mënyrë për t’i bërë dedikim Diogos, i cili ishte një lojtar fantastik dhe të cilin isha shumë krenar ta quaja mikun tim. Do të jetë një nder i madh ta mbaj këtë numër në shpinë”, tha fillimisht Milner.

The lowdown on our new 25/26 numbers… pic.twitter.com/3YKtoEoZdQ

— Brighton & Hove Albion (@OfficialBHAFC) August 1, 2025

Milner theksoi se gjatë udhëtimeve me klubin ai flet me shokët e skuadrës për Jotan dhe bëmat e tyre me fanellën e Liverpoolit, duke theksuar se i pëlqente të ndante fushën dhe dhomën e zhveshjes me portugezin e ndjerë.

“Ai ishte një njeri fantastik, familjar, dikush që gjithmonë e doje pranë teje. Do t’u mungojë të gjithëve. Të gjithë atyre që e njihnin dhe të gjithë atyre që e donin si lojtar”, përfundoi anglezi.

Në nder të Jotës, Liverpooli tërhoqi numrin 20 në të gjitha ekipet.

Është hera e parë në historinë 133-vjeçare të klubit të Liverpoolit që një fanellë është tërhequr nga qarkullimi. /Telegrafi/

Introducing our 25/26 squad numbers! pic.twitter.com/iWmjmsVcmi

— Brighton & Hove Albion (@OfficialBHAFC) August 1, 2025

Same players, new numbers! pic.twitter.com/MirdBWlXCf

— Brighton & Hove Albion (@OfficialBHAFC) August 1, 2025

The post Milner ndryshon numrin e fanellës te Brighton, befason me zgjedhjen e tij appeared first on Telegrafi.

Në ndeshjen miqësore mes Milanit dhe Liverpool-it të zhvilluar në Hong Kong, Rafa Leao nuk shënoi thjesht një gol, ai dha një mesazh zemre. Sulmuesi portugez ia dedikoi realizimin e tij mikut dhe bashkëkombësit Diogo Jota, i cili humbi jetën tragjikisht më 3 korrik në një aksident rrugor në Spanjë, së bashku me vëllain.

Në një gjest prekës, Leao festoi me duart e bashkuara dhe formoi me gishtat numrin 20, numri që Jota mbante te Liverpool. Dyshja kishte ndarë fushën me fanellën e Portugalisë, duke fituar së bashku Nations League 2024–25.

Në stadium, edhe tifozët nga Hong Kongu i bënë homazh Jotës, duke ardhur me fanellat e tij në tribunë. Një moment që tregoi se ndikimi i sulmuesit shkon përtej Europës dhe shifrave në fushë.

The post Një gol për mikun që s’është më: Rafa Leao prek me homazhin ndaj Diogo Jotës appeared first on iconstyle.al.

Gjatë këtij sezoni të Ligës Premier, lojtarët e Liverpoolit do të mbajnë një emblemë me mbishkrimin “Përgjithmonë 20” në fanellat dhe xhaketat e tyre, në nder të ish-sulmuesit Diogo Jota, i cili vdiq tragjikisht në një aksident me makinë në Spanjë tre javë më parë.

Klubi nga Anfield ka njoftuar gjithashtu një përkujtim të veçantë, i cili do të përfshijë një minutë heshtje para ndeshjes së parë të sezonit kundër Bournemouth, e planifikuar për 15 gusht.

Që nga vdekja e Jotas, mijëra lule, shalle, flamuj dhe suvenire të tjera janë vendosur jashtë stadiumit Anfield.

Liverpool njoftoi se të gjitha këto sende u hoqën gjatë javës së kaluar dhe u ruajtën, ndërsa lulet do të kompostohen dhe do të përdoren për të zbukuruar pjesë të Anfield, Qendrës së Trajnimit AXA dhe Melwood.

We wish to express our heartfelt gratitude and appreciation to everyone who has taken the time to leave tributes in honour of Diogo Jota and his brother Andre Silva at Anfield.

The club is now able to provide details on how it will create more permanent tributes moving forward.

— Liverpool FC (@LFC) July 26, 2025

Kujtimet e mbetura do të riciklohen dhe do të përdoren për të krijuar një skulpturë përkujtimore të përhershme, e cila do të vendoset si një pikë qendrore përkujtimore në Anfield.

Klubi, në marrëveshje me familjen e Jotës, ka njoftuar tashmë se fanella e tij me numrin 20 do të tërhiqet nga përdorimi në të gjitha nivelet, duke përfshirë ekipet e meshkujve, femrave dhe të të rinjve. /Telegrafi/

The post Liverpooli do të veshë fanella të veçanta këtë sezon në kujtim të Diogo Jotas appeared first on Telegrafi.

Një ditë gëzimi, përvjetori i martesës së një çifti ka qenë gjithmonë një ditë gëzimi, por ky nuk është rasti për Rute Cardoso-n, e cila nuk e priste që përvjetori i saj i parë i martesës me Diogo Zota-n do të ishte kaq prekës.

Futbollisti portugez u martua me të dashuren e tij më 22 qershor 2025 dhe ata planifikuan një jetë së bashku me tre fëmijët e tyre, por fati kishte plane të tjera. Diogo ndërroi jetë në një aksident me makinë së bashku me vëllain e tij, André, dhe shuajti përgjithmonë ëndrrat e familjes.

Rute Cardoso, e dashura e fëmijërisë së Jotës, nënës së fëmijëve të tij, theu zemrat me postimin e saj në Instagram. Portugezja ktheu kohën pas, duke nderuar përvjetorin e njëmujorit të ditës së tyre të dasmës dhe shoqëroi tre foto të bukura të tyre me një mesazh prekës. “Një muaj i ‘derisa vdekja të na ndajë’. Përgjithmonë. Vajza jote e bardhë”, shkroi Rute në dedikimin e saj prekës për burrin e saj.

Vdekja përfundimisht i ndau shumë herët, por Rute do ta mbajë përgjithmonë Diogon në zemrën e saj.

 

View this post on Instagram

 

A post shared by Diogo Jota (@diogoj_18)

The post Postim tronditës i gruas së Zotas: Një muaj nga ‘derisa vdekja të na ndajë’ appeared first on iconstyle.al.