Juventusi është gati të intensifikojë bisedimet me Liverpoolin për një transferim të mundshëm të Federico Chiesas, me një ofertë zyrtare që pritet të paraqitet në orët në vijim.

Sipas raportimeve të “Tuttosport”, bardhezinjtë po përgatisin një propozim konkret për klubin nga Liga Premier, të vetëdijshëm se do t’u duhet të përmirësojnë kushtet për të përmbushur kërkesat financiare të Liverpoolit.

Struktura e marrëveshjes pritet të mbetet në formën e huazimit, por Juventusi po punon që opsioni i blerjes të shndërrohet në detyrim, me kushte të qarta të përcaktuara paraprakisht.

Ideja e klubit italian është që transferimi i përhershëm të aktivizohet në bazë të numrit të paraqitjeve të Chiesas, si një mekanizëm sigurie për të vlerësuar gjendjen e tij fizike dhe përshtatjen taktike pas rikthimit në një ambient që e njeh mirë, por që ka ndryshuar ndjeshëm që nga largimi i tij.

Negociatat mbeten të ndërlikuara për dy arsye kryesore. Së pari, Liverpooli nuk është i prirur ta lëshojë sulmuesin në këtë fazë të sezonit. Trajneri Arne Slot thuhet se i konsideron opsionet sulmuese të kufizuara, ndërsa klubi ka bërë të qarta pritshmëritë e tij financiare.

Së dyti, Juventusi po pret rikthimin e yllit të Liverpoolit, Mohamed Salah, nga Kupa e Kombeve të Afrikës. Egjipti ka arritur në gjysmëfinale, çka do të thotë se Salah nuk pritet të kthehet të paktën deri javën e ardhshme, një faktor që mund të jetë vendimtar për të ardhmen e Chiesas.

Paralelisht me bisedimet mes klubeve, Juventusi duhet të arrijë edhe një marrëveshje me vetë lojtarin për kushtet personale. Chiesa është i interesuar për një rikthim në Torino, gjë që mund ta lehtësojë procesin, por akordi për pagën ende nuk është arritur dhe mbetet një tjetër hap kyç në finalizimin e mundshëm të transferimit./Telegrafi

Juventusi është në bisedime të avancuara me Liverpoolin për një transferim të mundshëm të Federico Chiesas, raporton mediumi italian Tuttosport.

Gjigantët e Serie A po shqyrtojnë mundësinë e një huazimi gjashtëmujor, i cili mund të shndërrohet në transferim të përhershëm, në varësi të numrit të paraqitjeve të anësorit në gjysmën e dytë të sezonit.

Nga ana tjetër, Liverpooli preferon një shitje të drejtpërdrejtë, por Juventusi po këmbëngul për një strukturë më fleksibile të marrëveshjes për t’iu përshtatur kërkesave të ‘Të Kuqve’.

Chiesa thuhet se është i hapur për një rikthim në Torino dhe ka kontaktuar ish-bashkëlojtarë për t’u informuar mbi ndryshimet që kanë ndodhur në ‘Allianz Stadium’ që nga largimi i tij në vitin 2024.

Sipas Gazzetta dello Sport, 28-vjeçari ua ka bërë të qarta synimet të gjitha palëve, duke sinjalizuar dëshirën për të lënë Ligën Premier pas vetëm 18 muajsh dhe për t’u rikthyer në një projekt që ka pësuar një transformim rrënjësor që nga largimi i tij.

Veçanërisht, Chiesa e sheh projektin aktual nën drejtimin e Luciano Spallettit dhe Giorgio Chiellinit si ambientin ideal për të udhëhequr krijimin e një ‘bërthame italiane’ të re në ‘Allianz Stadium’.

Nga ana e hierarkisë së ‘Bianconerëve’, Chiesa përfaqëson profilin ideal për të forcuar identitetin dhe cilësinë teknike të skuadrës, pa pasur nevojë për një periudhë përshtatjeje.

Ndërkohë, Liverpooli po mban qëndrim për një transferim të përhershëm në vlerën 12–15 milionë euro, për të rikuperuar investimin e bërë, ndërsa Juventusi vazhdon të shtyjë për një huazim me opsion blerjeje./Telegrafi/

Juventusi ka intensifikuar kontaktet për të rikthyer Federico Chiesën në Torino, duke shqyrtuar një propozim të ri drejtuar Liverpoolit që mund të zhbllokojë negociatat e bllokuara mes palëve.

Sipas burimeve pranë klubit, bardhezinjtë po përgatisin një ofertë në formën e huazimit me të drejtë blerjeje, e cila do të shndërrohej në detyrim nën kushte të caktuara.

Kjo formulë synon të mbrojë interesat e të dyja klubeve dhe të lehtësojë finalizimin e marrëveshjes.

Megjithatë, Liverpooli mbetet i palëkundur në qëndrimin e tij, duke u shprehur i hapur vetëm për një transferim të përhershëm dhe për një shifër të konsiderueshme.

Situata e Chiesës në “Anfield” nuk është aspak ideale.

Sulmuesi anësor, i cili po has vështirësi për të gjetur hapësira, qëndroi 90 minuta në stol në barazimin pa gola të Liverpoolit ndaj Arsenalit të enjten, një sinjal i qartë i rolit të tij të reduktuar nën drejtimin e trajnerit Arne Slot.

28-vjeçari u largua nga Juventusi drejt Liverpoolit 18 muaj më parë, por një rikthim në Serie A dhe te bardhezinjtë mbetet një skenar i mundshëm, nëse klubet arrijnë të afrojnë qëndrimet për vlerësimin e kartonit të tij gjatë afatit kalimtar të janarit. /Telegrafi/

Në tregun italian të transferimeve, emri më i përfolur në këto ditë është Federico Chiesa, i cili duket se nuk hyn në planet e trajnerit Arne Slot te Liverpooli.

Sipas mediave, ai është vlerësuar ndërmjet 12 dhe 15 milionë eurosh për të mundur të largohet gjatë këtij afati kalimtar dimëror nëse situata e kërkon.

Liverpooli kishte dukur se po rifitonte ritmin në javët e fundit, por dy barazime të reja ndaj Leeds United dhe Fulham kanë rikthyer dyshimet mbi performancën e skuadrës në Anfield.

Në konferencë për shtyp, Arne Slot shprehu indinjatën e tij ndaj kritikave që e cilësojnë ekipin e tij si “të mërzitshëm”, duke theksuar se gjatë karrierës së tij ka preferuar gjithmonë një futboll sulmues.

Megjithatë, për të menaxhuar valën e humbjeve të fundit, trajneri holandez ka zgjedhur të fusë një mesfushor të katërt, Florian Wirtz, për të marrë më shumë kontroll në mesfushë, në vend që të përdorte një sulmues krahu natyral si Chiesa, i cili duket se nuk hyn plotësisht në planet e tij këtë dimër.

Garë për rikthimin e Chiesas

Sipas ‘La Gazzetta dello Sport’, Milan dhe Napoli janë dy skuadrat me shanse.

Për Napolin, transferimi i Chiesas do të varej nga largimi i Noa Lang drejt Turqisë, ndërsa për Milanin, dëmtimi i fundit i Nkunku ka rritur nevojën për një zëvendësues.

Megjithatë, favoriti kryesor për të siguruar shërbimet e tij duket se është Juventusi.

Nga Torino kanë marrë sinjalin se për ta sjellë Chiesan ne Liverpool ne janar, duhet të paguajnë 12-15 milionë euro, dhe duke pasur parasysh situatën e vështirë ekonomike të klubit, duket se do të përpiqen të negociojnë deri në çastin e fundit për një ulje çmimi që të përputhet me buxhetin aktual.

Federico Chiesa, 28 vjeç, luajti 14 ndeshje për Liverpoolin sezonin e kaluar në të gjitha kompeticionet, ku shënoi 2 gola dhe regjistroi 1 asistim. /Telegrafi/

Liverpool nuk ka asnjë qëllim ta lejojë Federico Chiesan të largohet gjatë afatit kalimtar të janarit, pavarësisht interesimit në rritje nga Napoli dhe Juventus.

Raportimet e fundit nga Italia e kishin lidhur anësorin italian me një rikthim të mundshëm në Serie A në formë huazimi, por këto skenarë pritet të mbeten vetëm në letër.

Sipas Sky Sports UK dhe TuttoMercato, klubi anglez ka vendosur të mbyllë çdo mundësi largimi në mes të sezonit.

Liverpool e sheh Chiesan si pjesë të planeve për pjesën e mbetur të kampionatit dhe nuk është i gatshëm të aprovojë as huazim e as transferim të përhershëm në janar.

Situata mund të rishikohet vetëm pas mbylljes së sezonit, ku klubi do të ishte i hapur për bisedime, por vetëm për një shitje përfundimtare, jo për një marrëveshje të përkohshme.

Federico Chiesa iu bashkua Liverpoolit nga Juventus në verën e vitit 2024 dhe ka kontratë të vlefshme deri në vitin 2028, me edhe dy vjet e gjysmë të mbetura. Në këtë sezon, përfaqësuesi italian ka zhvilluar 15 paraqitje në Ligën Premier, duke realizuar dy gola.

Megjithëse Napoli dhe Juventus vazhdojnë të monitorojnë situatën e tij, çdo rikthim i Chiesas në Serie A do të duhet të presë të paktën deri në verë – dhe vetëm nëse plotësohen kushtet e vendosura nga Liverpool. /Telegrafi/

Juventusi ka kontaktuar zyrtarisht për një rikthim të mundshëm të Federico Chiesas gjatë afatit kalimtar së janarit, sipas raportimeve të fundit.

Gjigantët e Serie A janë të vendosur të përforcojnë repartin ofensiv këtë muaj dhe e shohin Chiesan si një përforcim me vlerë të madhe për skuadrën e tyre, veçanërisht në krahët e sulmit.

Megjithatë, çdo lëvizje e mundshme do të varet nga gatishmëria e Liverpoolit për të negociuar, si dhe nga vetë vendimi i lojtarit.

Burime pranë situatës bëjnë të ditur se bisedimet ndodhen ende në një fazë fillestare dhe aktualisht nuk ka asnjë marrëveshje konkrete.

Pavarësisht kësaj, Juventusi vazhdon ta mbajë në vëmendje sulmuesin italian, teksa kërkon të forcojë opsionet e tij në krahët e ofensivës. /Telegrafi/

Koha e Federico Chiesas te Liverpooli nuk ka qenë e pritshme dhe këtë afat kalimtar dimëror ai mund të gjejë një rrugëdalje te Juventusi në Torino, për të marrë kohën e lojës që i nevojitet për të rikuperuar formën e tij më të mirë.

Chiesa u bë një nga yjet e Serie A dhe një figurë kyçe në sulmin e Juventusit. Pas fitores së Italisë në Kampionatin Evropian 2021, ku ai shkëlqeu, realiteti është se Chiesa nuk ka arritur të ruajë vazhdimisht atë nivel. Te Liverpooli, ai ka kaluar më shumë si një zhgënjim sesa si një titullar i besueshëm: klubi bleu një lojtar kyç dhe përfundoi duke marrë një zëvendësues.

Në sezonin e tij të dytë nën drejtimin e Arne Slot, Chiesa ka gjetur pak më shumë minuta, ndoshta për shkak të mungesës së Mohamed Salah dhe dëmtimit të Cody Gakpo, por e ka të qartë se nuk ka garantuar minuta të vazhdueshme nga stoli. Për këtë arsye, një huazim te Juventusi mund të jetë një mundësi e mirë për të rifituar ritmin.

Sipas La Gazzetta dello Sport, Juventus e sheh Chiesan si një alternativë për të përforcuar sulmin e Spallettit, i cili aktualisht mund të mbështetet vetëm tek Kenan Yildiz, siç u pa edhe dje kur Jonathan David humbi dy pikë me një penallti të Panenkës kundër Lecce.

I shtohet konkurrenca Edon Zhegrovës? Federico Chiesa i hapur për rikthimin te Juventusi telegrafi.com

Chiesa, lojtar kyç përkombëtaren italiane, synon të jetë pjesë e Kupës së Botës dhe e di që për të siguruar vendin në listën e 26 lojtarëve të Gattusos në qershor, duhet të rrisë kohën e lojës. Kur luan rregullisht dhe arrin qëndrueshmëri, ai zakonisht tregon se ka ende shumë për të ofruar në futbollin elitar, por në Anfield kjo ka qenë e vështirë.

Në Torino, Chiesa mund të përdoret në krahun e majtë së bashku me Kenan Yildiz, i cili po përdoret nga Spalletti si një "nëntëshe false". Kjo mund të bëjë që përputhja mes tyre të funksionojë dhe të sjellë cilësinë shtesë që Juventusi ka nevojë për të luftuar për vendin e katërt në Serie A. Lufta për Scudetton duket ende e vështirë për shkak të mangësive të ekipit.

Federico Chiesa, 28 vjeç, luajti vetëm 14 ndeshje për Liverpoolin sezonin e kaluar në të gjitha garat, pa arritur as 500 minuta lojë, duke shënuar dy gola dhe dhënë një asist. /Telegrafi/

Sulmuesi Federico Chiesa nuk është duke e kërkuar largimin nga Liverpooli, por ia ka lënë derën e hapur një rikthimi te Juventusi, skuadër nga e cila u largua më 2024.

Chiesa po shihet si opsion konkret për “Zonjën e Vjetër”, ndërsa “Gazzetta dello Sport” raporton se anësori i Liverpoolit gjithashtu është i hapur për t’u rikthyer në Torino.

Sidoqoftë, mediumi italian shton se Chiesa nuk do t’i bëjë presion LIverpoolit për ta shitur, pavarësisht që ende nuk e ka fituar vendin e titullarit.

Chiesa u përjashtua nga Juventusi në vitin 2024 për t’iu bashkuar Liverpoolit në ditën e fundit të afatit kalimtar, kur atëherë në krye ishte Thiago Motta si trajner.

Trajneri aktual Luciano Spalletti e pëlqen shumë lojtarin, andaj “Bianconerët” po shqyrtojnë mundësinë për ta kompletuar huazimin.

Liverpooli ndërkohë nuk do ta mohonte largimin e Chiesas, por gjithçka do të varet edhe nga Mohamed Salah, pra nëse ky i fundit ikën nga “Anfield” atëherë situata mund të ndryshojë./Telegrafi/

Juventusi është i vendosur të sjellë tre përforcime në afatin kalimtar të janarit dhe i ka vënë syrin ish-sulmuesit të krahut, Federico Chiesa dhe yllit të Real Madridit, Gonzalo Garcia.

Sipas La Gazzetta dello Sport, Juventusi dëshiron t’i japë Luciano Spallettit tre lojtarë të rinj në afatin kalimtar të dimrit.

Prioriteti i Bianconerëve është të forcojnë ekipin në mesfushën qendrore, por takimet e fundit midis Spallettit dhe drejtorëve të klubit kanë nxjerrë në pah nevojën e trajnerit për të marrë përforcime edhe në zona të tjera të fushës.

Mesfushori i West Ham, Guido Rodriguez, është një objektiv në mesfushën qendrore, ndërsa Brooke Norton-Cuffy i Genoas është një lojtar që Juventusi e ka vëzhguar për krahun e djathtë.

Anglezi do të kushtonte të paktën 20 milionë euro, por me Mattia Perin që mezi pret të kthehet në Genoa, të dy klubet mund të diskutojnë një marrëveshje shkëmbimi lojtarë plus para.

Sa i përket sulmit, Juventusi po shqyrton rikthimin e Chiesas në formë huazimi nga Liverpooli, por objektiva të tjera përfshijnë Simon Adingra (Sunderland), Kevin Schade dhe Mikkel Damsgaard (Brentford) dhe Gonzalo Garcia të Real Madridit.

Kthimi i mundshëm i Chiesas do të ishte në formë huazimi me mundësi blerjeje, ndërsa objektivat e tjerë ka të ngjarë të kërkojnë një detyrim blerjeje. /Telegrafi/

Interi po sheh përpara drejt afatit të ardhshëm dimëror të transferimeve, i cili hapet pas pak ditësh.

Ndër emrat që zikaltërit duket se po shqyrtojnë është edhe Federico Chiesa.

Sipas Alfio Musmarrës, gazetar i lidhur ngushtë me Interin, klubi ka shprehur tashmë interesim pranë Liverpoolit.

Marrëveshja mund të realizohet në formën e huazimit me opsion blerjeje.

Ideja e transferimit të Federico Chiesës vjen nga fakti se lojtari mund t’i japë Cristian Chivut mundësinë të kalojë në skemën 3-4-2-1 kur të jetë e nevojshme.

Gjithashtu ai mund të shërbejë si alternativë në krahun e djathtë, duke pasur parasysh se në disa rrethana, veçanërisht te Fiorentina dhe Juventusi, italiani ka luajtur herë pas here në atë pozicion.

Deri më tani gjatë vitit 2025, Chiesa ka zhvilluar rreth 30 ndeshje në të gjitha garat me Liverpoolin, duke numëruar katër gola dhe dy asistime./Telegrafi/

Asistenti i Gennaro Gattusos te Kombëtarja e Italisë, Leonardo Bonucci, ka folur për situatën e Federico Chiesas dhe rikthimin e mundshëm të tij te Azzurrët.

Sipas Bonuccit, ylli i Liverpoolit dëshiron të jetë “plotësisht i gatshëm” përpara se të veshë sërish fanellën e Italisë.

Chiesa ka refuzuar disa thirrje nga trajneri Gattuso që prej emërimit të tij në qershor 2025, por Bonucci zbulon se komunikimi mes palëve ka qenë i drejtpërdrejtë.

“Trajneri pati kontakt të drejtpërdrejtë me Federicon, ashtu si me lojtarë të tjerë që kanë qenë më parë pjesë e ekipit”.

“Federico na ka bërë të ditur se dëshiron të vazhdojë rrugën e tij dhe të jetë në formën më të mirë përpara se të jetë i disponueshëm për ekipin kombëtar”, deklaroi Bonucci për Sky Sport Italia.

Bonucci theksoi se Chiesa vazhdon të jetë pjesë e listës së gjerë të lojtarëve potencialë për fazën e play-offit të Kupës së Botës.

“Ne monitorojmë të gjithë lojtarët, brenda dhe jashtë Italisë. Chiesa është padyshim pjesë e grupit më të gjerë që mund të thirret, por vendimet përfundimtare do të merren në fillim të shkurtit. Shpresojmë që të gjithë të jenë plotësisht të gatshëm,” shtoi ai.

Chiesa nuk ka luajtur për Italinë që nga Euro 2024, ku ishte titullar në humbjen 2-0 kundër Zvicrës në raundin e 1/16-ve. Me 51 paraqitje dhe 7 gola për Azzurrët, ai mbetet një nga emrat më të rëndësishëm të gjeneratës aktuale.

Pas një sezoni të parë të vështirë te Liverpooli për shkak të lëndimeve, ai këtë edicion ka nisur të rikthejë formën: 2 gola dhe 3 asistime në 14 paraqitje, megjithëse rrallë është aktivizuar si titullar. /Telegrafi/

Një lojtar i dashur nga tifozët e Liverpoolit mund të jetë drejt largimit nga klubi kur të rihapet afati kalimtar i janarit.

Kanë kaluar vetëm 11 javë që nga afati kalimtar i verës, i cili solli disa lojtarë të rëndësishëm në Ligën Premier dhe që u mbyll zyrtarisht më 1 shtator, ndërsa tashmë afati i janarit po afrohet me shpejtësi.

Por duket se Liverpooli nuk do të fokusohet vetëm te transferimet e reja në fillim të vitit të ardhshëm, pasi një lojtar i preferuar nga tifozët është lidhur fort me një largim të mundshëm në janar.

Një afat kalimtar i bujshëm për Liverpoolin pa klubin të thyejë rekordin e Ligës Premier në dy raste, duke nënshkruar me Florian Wirtz dhe Alexander Isak për një total rreth 241 milionë eurosh.

Megjithatë, një raport i ri nga eksperti Fabrizio Romano sugjeron se Federico Chiesa mund të largohet në janar nëse minutat e tij nuk rriten gjatë periudhës festive.

Federico Chiesa

“Çfarë po ndodh me Chiesan? Ai ka shprehur publikisht dëshirën e tij për të qëndruar te Liverpooli dhe për të luftuar për vendin e tij”.

“Nëse ai ende nuk gjen minutat që shpreson nga tani deri në janar dhe nëse klubi do të nënshkruante me një tjetër sulmues, atëherë duhet të kemi kujdes”.

“Ekipet italiane do të jenë në gjendje të tentojnë sërish në janar nëse është e nevojshme, në verë, dyert për Chiesan te Liverpooli ishin të mbyllura. Sot, dera është e mbyllur, por mbani sytë nga data 20 janar, në varësi të rrethanave”, ka raportuar Romano./Telegrafi/

Shefi i delegacionit të Italisë, Gianluigi Buffon, këmbëngul se 'Azzurrët' janë duke pritur Federico Chiesan, por paralajmëron se vetëm grupi ka rëndësi përpara play-offit të Kupës së Botës.

Buffon konfirmoi në intervistën e fundit për Gazzetta dello Sport se Italia është në pritje të rikthimit të Chiesa-s në kombëtare.

Anësori i Liverpoolit nuk ka luajtur për 'Azzurrët' që nga qershori 2024, kur skuadra kombëtare u eliminua në fazën e 1/16-it të Europianit nga Zvicra.

Chiesa ka refuzuar disa ftesa të kombëtares nën drejtimin e Gattusos dhe ky i fundit përsëriti më herët këtë javë se ish-ylli i Juventusit ka një problem që duhet ta zgjidhë.

Federico Chiesa

“Duhet t’i rikthejmë të gjithë lojtarët më të mirë. Nëse dikush spikat, nuk ka asnjë lloj përjashtimi, edhe sepse na duhen", tha ish-portieri legjendar.

“Ne po e presim Chiesan, ka shumë pak si ai në Evropë, por Rino nuk ka lënë askënd jashtë që meriton të jetë këtu. Grupi ka rëndësi".

Italia do të përballet me Irlandën e Veriut në gjysmëfinalen e play-offit të Kupës së Botës më 26 mars 2026. Fituesi do të luajë në finale më 30 mars kundër Uellsit ose Bosnjë-Hercegovinës./Telegrafi/

Përzgjedhësi i Italisë Gennaro Gattuso ka zbuluar se sulmuesi Federico Chiesa ka refuzuar sërish të luajë për “Azzurët”.

Anësori i Liverpoolit sërish ka refuzuar të luajë për Italinë, siç bëri edhe muajin e kaluar.

“Flasë ndonjëherë me të. Duhet ta respektojmë vendimin dhe problemin që secili ka. Ne e dimë mirë se çfarë i themi njëri-tjetrit dhe unë duhet ta respektoj atë që më thotë lojtari. Nuk mund të them asgjë tjetër”.

Gazetarët donin të verifikonin dy herë nëse vendimi vinte nga lojtari dhe jo nga Gattuso, dhe me përgjigjen e tij, Gattuso sugjeroi se nuk ishte hera e parë që Chiesa refuzonte të thirrej.

Federico Chiesa

"Po, është tashmë hera e katërt ose e pestë që po e shpjegoj këtë”.

Chiesa nuk ka luajtur për ekipin kombëtar të Italisë që nga Euro 2024.

Ish-ylli i Juventusit luftoi me lëndime sezonin e kaluar, por ai e ka filluar sezonin e ri me një notë tjetër me dy gola dhe tre asiste në 12 paraqitje në të gjitha garat.

Pavarësisht se nuk është titullar i rregullt, tifozët e Liverpoolit e votuan Chiesan si lojtarin më të mirë për shtatorin, megjithatë 28-vjeçari nuk ka luajtur për ekipin kombëtar për më shumë se një vit./Telegrafi/

Federico Chiesa, i cili u bashkua me Liverpoolin gjatë verës së vitit 2024 mes pritshmërive të mëdha, po përballet me një situatë të vështirë nën drejtimin e trajnerit Arne Slot.

Sulmuesi italian ka luajtur vetëm në 14 ndeshje në të gjitha garat këtë sezon dhe rrallëherë ka qenë titullar, pasi trajneri holandez ka preferuar futbollistë të tjerë për repartin ofensiv.

Megjithëse statistikat e tij tregojnë efikasitet të mirë në raport me minutat e luajtura, Chiesa nuk ka arritur të fitojë besimin e plotë të trajnerit, i cili ka theksuar se kërkesat taktike të skuadrës nuk përshtaten plotësisht me stilin e lojtarit italian.

Liverpooli tashmë po vlerëson mundësinë e largimit të tij në janar ose verën e ardhshme, qoftë në formë huazimi apo transferimi përfundimtar, për të liruar hapësirë në skuadër dhe për të shmangur humbje financiare.

Mungesa e përshtatjes me futbollin anglez dhe konkurrenca e madhe në repartin e sulmit kanë ndikuar ndjeshëm në rënien e rolit të Chiesas.

Lojtari pritet të kërkojë një destinacion ku mund të rikthejë formën dhe vazhdimësinë që e karakterizonte në Fiorentinë dhe Juventus.

E ardhmja e tij në Anfield duket gjithnjë e më e paqartë, dhe largimi nga Liverpooli shihet si një hap i mundshëm drejt rilindjes së karrierës së tij. /Telegrafi/

Trajneri i Liverpool-it, Arne Slot, ka konfirmuar se portieri numër 1, Alisson Becker, do të mungojë për një kohë të gjatë dhe nuk do të jetë i gatshëm për ndeshjen ndaj Chelseat dhe ndeshjet e ardhshme ndërkombëtare për Brazilin.

Portieri brazilian ka pësuar një dëmtim në muskujt e pasmë të kofshës, i cili kërkon një periudhë rikuperimi prej të paktën gjashtë javësh.

Slot nuk dha një datë të saktë për rikthimin, duke lënë të hapur mundësinë që mungesa të zgjasë edhe më shumë, në varësi të ecurisë së rikuperimit.

Në mungesë të brazilianit, portieri rezervë Giorgi Mamardashvili do të marrë rolin e titullarit në sfidën e rëndësishme ndaj Chelseat, ndërsa Liverpooli përballet me një situatë të vështirë për shkak të mungesave të shumta në skuadër.

Megjithatë, lajmet janë më pozitive sa i përket gjendjes së dy lojtarëve ofensivë, sulmuesit Hugo Ekitike dhe anësorit Federico Chiesa.

Të dy janë afër rikthimit në stërvitje pas dëmtimeve të lehta të pësuara në ndeshjet e fundit dhe po monitorohen nga stafi mjekësor për të vendosur nëse do të jenë të gatshëm për ndeshjet e ardhshme. /Telegrafi/

Liverpool ka publikuar listën me 21 lojtarë për ndeshjen e Ligës së Kampionëve ndaj Galatasarayt dhe mungesa më e madhe është ajo e Federico Chiesas.

Sulmuesi italian, i cili këtë sezon ka qenë vendimtar me golat dhe asistet e tij në rikthimet dramatike të “The Reds”, çuditërisht nuk është përfshirë nga trajneri Arne Slot.

Lista përfshin emra si Alisson, Van Dijk, Salah, Wirtz, Szoboszlai dhe Isak, por mungesa e Chiesas, që ka shkaktuar habi të madhe tek tifozët. Ende nuk ka një sqarim zyrtar nëse bëhet fjalë për një vendim teknik, një problem fizik apo strategji për rotacion.

Federico Chiesa

Kjo lëvizje vjen në një moment delikat, pasi Liverpool është në garë të fortë në Ligën Premier dhe Evropë, kurse pritej që Chiesa të ishte një nga armët kryesore në sulm.

Chiesa së fundmi u shtua nga Liverpooli në listën e Ligës së Kampionëve, pasi talenti Leoni pësoi një dëmtim të rëndë – pra këputi ligamentin e gjurit dhe do të mungojë për pjesën e mbetur të sezonit./Telegrafi

Trajneri i Liverpoolit, Arne Slot, ka folur hapur për situatën e Federico Chiesas, i cili mbeti jashtë listës së klubit për fazën e parë të Ligës së Kampionëve. Vendimi i holandezit ka ngjallur diskutime, ndërsa ai ka zbuluar edhe reagimin e italianit ndaj këtij përjashtimi.

Chiesa, i cili iu bashkua Liverpoolit verën e kaluar nga Juventusi për një shumë prej 15 milionë eurosh, ende nuk ka arritur të lërë gjurmë të forta në Anfield.

Sezonin e kaluar ai zhvilloi vetëm 14 paraqitje me ekipin e parë, duke grumbulluar gjithsej 466 minuta në të gjitha garat. Në këtë edicion të Ligës Premier, sulmuesi italian është aktivizuar në të tre ndeshjet e para, gjithmonë nga stoli, duke shënuar edhe golin e tij të parë në elitën angleze, por duke mos kaluar më shumë se 11 minuta në fushë për ndeshje.

Chiesa e Slot

Megjithatë, lajmi më i madh erdhi fillimin e shtatorit, kur Chiesa nuk u përfshi në listën Ligës së Kampionëve për pjesën e parë të sezonit 2025/26. Kjo do të thotë se ai nuk do të ketë mundësi të luajë në Evropë, përveçse nëse Liverpool arrin raundet eliminatore dhe Slot vendos të bëjë ndryshime në skuadër.

Në konferencën për shtyp para ndeshjes së radhës, tekniku i Liverpoolit u pyet për këtë vendim dhe për reagimin e lojtarit.

“Sigurisht që ishte e vështirë për një trajner dhe e vështirë për lojtarin. Ai nuk ishte i kënaqur me këtë vendim, por e kuptoi argumentin. Më pëlqeu përgjigja e tij – ishte ajo që dëshiron të dëgjosh nga një lojtar profesionist. Ai do të jetë aty për të ndihmuar ekipin në Ligën Premier dhe në garat e tjera”, u shpreh Slot për Liverpool Echo.

Trajneri holandez shtoi se Chiesa ka treguar profesionalizëm maksimal pas këtij vendimi.

Cheisa dhe Slot

“Ai ka punuar shumë gjatë këtyre ditëve për t’u përgatitur për ndeshjet e ardhshme. Për mua kjo ka më shumë rëndësi sesa fjalët e një lojtari”, deklaroi Slot. /Telegrafi/

Legjenda dhe ish-presidenti i Juventusit, Giampiero Boniperti, dikur tha: “Fitorja nuk është gjëja më e rëndësishme, është e vetmja gjë që ka rëndësi".

Kjo shprehje është bërë pjesë e ADN-së së klubit torinez. Dhe “Zonja e Vjetër” gjithmonë ka bërë gjithçka të mundshme – madje edhe të pamundurën – për të qëndruar në krye.

Megjithatë, vitet e fundit këto fjalë duken sikur janë marrë shumë fjalë për fjalë në zyrat e Continassas. Juventusi ka humbur sensin e vlerësimit për lojtarët që vërtet kanë dhënë kontributin e tyre, ndërsa numri i fitoreve ka rënë.

Ky material nuk synon të analizojë arsyet apo pasojat. Është thjesht një listë me lojtarë që janë larguar – me fakte dhe me fjalët e tyre.

Paulo Dybala (2015–2022)

Erdhi nga Palermo për 41 milionë euro, fitoi 12 trofe në 7 sezone dhe u largua si lojtar i lirë te Roma. Dybala deklaronte se ishte klubi që e largoi edhe pse ai kishte ëndërruar të qëndronte gjatë te Zonja e Vjetër.

“Në mars më njoftuan se nuk kishte më vend për mua në projekt. Nuk ishte çështje financiare, thjesht drejtim tjetër. Nuk ishte zgjedhja ime”, deklaroi argjentinasi.

Paulo Dybala telegrafi.com

Adrien Rabiot (2019–2024)

U transferua falas nga PSG, me një pagë të lartë. Pas pesë vitesh, Juventusi vendosi të mos e rinovonte.
“Thiago Motta më telefonoi, por Giuntoli nuk bëri asgjë për të më bindur. Nuk ndjeva se donin të ndërtonin diçka serioze”, deklaronte francezi.

Adrien Rabiot

Federico Chiesa (2020–2024)

Me kontratë aktive, por i përjashtuar nga planet e Thiago Mottas. Italiani te Liverpooli tregon se klubi nuk i ofroi rinovim.
“Nuk mora asnjë ofertë rinovimi. Më thanë para se të niste sezoni se nuk isha pjesë e projektit”, deklaroi Chiesa.

Federico Chiesa

Wojciech Szczesny (2017–2024)

Pas Buffonit u bë një nga portierët më të mirë të Serie A. Megjithatë, kontrata iu ndërpre. “Nuk e prisja të mos isha pjesë e projektit. E pranova vendimin, edhe pse nuk isha dakord”, deklaroi polaku.

Wojciech Szczesny

Danilo (2019–2025)

Kapiten dhe figurë kyçe. Edhe pse donte të qëndronte, klubi vendosi ndryshe. Danilo nuk ishte në planet e Thiago Mottas.
“Nuk ishte vendimi im. Gjithmonë kam qenë i gatshëm për Juventusin. Më vjen keq që nuk iu thashë lamtumirë tifozëve në stadium”, ka thënë braziliani.

Danilo

Dean Huijsen (2021–2024)

Produkt i Next Gen, i detyruar të largohej pas një huazimi te Roma. Ai tani është pjesë e Real Madridit, ndërsa Juventusi e shiti te Bournemouth. “Më bënë të stërvitesha veçmas. Doja një shans në ekipin e parë, por më thanë se duhej të largohesha”, deklaroi spanjolli.

Dean Huijsen

Samuel Mbangula (2020–2025)

I promovuar nga Motta, belgu u shit te Werder Bremen për 10 milionë euro. “Juventusi më tha se duhej të më shiste për fonde. Nuk ishte zgjedhja ime”, deklaronte pas largimit.

Samuel Mbangula

Matias Soule (2020–2024)

Pas një sezoni të madh te Frosinone, Roma pagoi 25 milionë euro për të. “Motta donte të më mbante, por klubi vendosi ndryshe. Nuk e prisja të largohesha nga Juventusi”, ka thënë argjentinasi.

Matias Soule

Juan Cuadrado (2015–2023)

U largua pa ceremoni pas 8 vitesh. Luajti te Interi dhe Fiorentina pastaj. Ishte nga të dashurit e tifozëve bardhezi.
“Doja të qëndroja. Klubi thjesht njoftoi në rrjete sociale se nuk do të rinovohej kontrata ime. Ishte e pakëndshme”, ishin fjalët e kolumbianit.

Juan Cuadrado

Sami Khedira (2015–2021)

Konflikt me klubin për prishjen e kontratës. U largua si lojtar i lirë te Hertha Berlin. Gjermani për gjashtë vite ishte prej më të mirëve.

Sami Khedira

Emre Can (2018–2020)

U la jashtë listës së Championsit dhe u ndje i tradhtuar. Ishte Maurizio Sarri që nuk e pëlqente lojën e tij dhe vendosi ta linte jashtë.
“PSG më donte, por vendosa të qëndroja. Juventusi më premtoi se do të isha në Champions, pastaj më përjashtuan”, deklaronte gjermani me prejardhje turke.

Emre Can

Gonzalo Higuain (2016–2020)

Pasi klubi mori Cristiano Ronaldon, argjentinasi u detyrua të largohej, fillimisht si huazim te Milani, pastaj te Chelsea. U ble për rekord nga Napoli. “Në thelb, thjesht u përjashtova. Nuk ishte zgjedhja ime”.

Gonzalo Higuain

Paul Pogba (2012–2016; 2022–2024)

Periudha e dytë u shënua nga lëndimet dhe çështja e dopingut. Juventusi e mori me bujë nga Man Utd, por Pogba nuk ishte më i vjetri. “Kërkova ndihmë nga klubi, por nuk ma dhanë. Ishte e dhimbshme të kuptoja se nuk ishin në anën time”, deklaronte francezi.

Paul Pogba

Përfundimi

Në Torino, historia tregon se askush nuk është i paprekshëm. Nga legjendat tek të rinjtë premtues, klubi ka treguar se është i gatshëm të ndajë rrugët në çdo moment, shpesh pa shumë ceremoni.

Vendimet kanë ardhur nën drejtimin e trajnerëve të ndryshëm – Andrea Pirlo, Maurizoi Sarri, Max Allegri, Thiago Motta – dhe drejtuesve si Andre Paratici apo Cristiano Giuntoli. /Telegrafi/

Federico Chiesa ka mbetur jashtë listës së Liverpoolit për në Ligën e Kampionëve dhe largimi i tij nuk është i pamundur gjatë këtyre ditëve.

Ylli italian mund të përfundojë në elitën e futbollit turk, ku afati kalimtar i verës është i hapur deri më 12 shtator.

Pikërisht aty, Besiktas u përpoq të përfitonte nga situata, duke tentuar të transferonte sulmuesin italian.

Megjithatë, Liverpool refuzoi ofertën, edhe pse trajneri Arne Slot nuk e përfshiu Chiesan në listën e UEFA-s për fazën e grupeve. Vendimi lidhet me kufizimet e rregullores për numrin e lojtarëve të huaj.

Pas këtij dështimi, Besiktas u kthye drejt alternativave të tjera. Klubi turk mori çekun Vaclav Cerny nga Wolfsburg për 6 milionë euro dhe më pas siguroi edhe huazimin e turkut Cengiz Ünder nga Fenerbahçe.

Chiesa iu bashkua Liverpoolit verën e kaluar nga Juventusi për 12 milionë euro plus 3 milionë euro bonuse. Ai ka kontratë deri në qershor 2028 dhe fiton rreth 7.5 milionë euro neto në vit.

Me fanellën e “The Reds”, 27-vjeçari ka regjistruar deri tani 17 paraqitje, duke shënuar tre gola dhe dy asistime. Statistikat e tij tregojnë një rol të qëndrueshëm, por jo vendimtar.

Edhe tek kombëtarja italiane situata nuk është ideale. Trajneri Gennaro Gattuso nuk e thirri për ndeshjet kualifikuese të Botërorit 2026 kundër Estonisë dhe Izraelit, por e ka në plan për sfidat e ardhshme të “Azzurrëve”. /Telegrafi/