Finalja e Finalissima 2025 tani ka një datë. UEFA dhe CONMEBOL kanë njoftuar zyrtarisht vendin dhe datën e ndeshjes midis Spanjës dhe Argjentinës, përkatësisht kampionëve në fuqi të Evropës dhe Amerikës së Jugut.

Ndeshja do të luhet në stadiumin Lusail në Doha të Katar, më 27 mars në orën 19:00, me orën tonë lokale.

Kjo do të jetë hera e parë që kombëtarja spanjolle do të garojë për këtë titull, i cili është mbajtur tre herë. Dy edicionet e para, në vitin 1985 dhe 1993, ishin Kupa Artemio Franchi, e fituar përkatësisht nga Franca dhe Argjentina.

Gara rifilloi në vitin 2022 me një ndeshje midis Argjentinës dhe Italisë në Londër, të cilën Argjentina e fitoi, duke siguruar dy nga tre titujt e deritashëm.

Spanja do të mbërrijë në ndeshjen kundër skuadrës së Lionel Scalonit jo vetëm si kampione në fuqi e Evropës, por edhe aktualisht duke zënë vendin e parë në renditjen e FIFA-s, përpara ekipit të Amerikës së Jugut.

Ndeshja e fundit zyrtare midis dy ekipeve daton në mars të vitit 2018, kur ato u përballën me njëra-tjetrën në një ndeshje miqësore në Madrid, të cilën Spanja e fitoi 6-1. /Telegrafi/

Drejtësia argjentinase po i vë në lëvizje të gjitha forcat për rastin e presidentit të Federatës Argjentinase të Futbollit (AFA), Claudio “Chiqui” Tapia.

Gjykatësi Federal, Daniel Rafecas urdhëroi bastisje të reja në një komunitet të rrethuar në Pilar, ku një pronë luksoze e regjistruar në emër të Real Central SRL, e lidhur me Luciano Pantano dhe Ana Lucia Conte, të dyshuar si persona të lidhur me presidentin e AFA-s, është nën hetim. Të dyve u ndalohet të largohen nga vendi.

Operacioni është përveç atyre të kryera në më shumë se pesëmbëdhjetë klube dhe një zyrë në qendër të Buenos Airesit, të gjitha pjesë e hetimit që kërkon të sqarojë akumulimin e pasurisë së Tapias dhe bashkëpunëtorëve të tij.

Gjithashtu nën hetim janë arkëtari Pablo Toviggino, i identifikuar si një banor i mundshëm i rezidencës, dhe firma financiare Sur Finanzas, e akuzuar për operim me kredi për klubet në kushte abuzive.

Çështja ka shkuar tashmë përtej botës së futbollit. Gjykatat duan të dinë nëse ka pasur pasurim të paligjshëm dhe përdorim të personave të famshëm, ndërsa FIFA po vëzhgon nga afër për të shmangur çdo ndërhyrje të mundshme politike që mund ta përjashtojë Argjentinën nga Kupa e Botës 2026 në Shtetet e Bashkuara, Kanada dhe Meksikë, shpjegon gazeta prestigjioze La Nación.

Dhe mes skandalit, kampionët në fuqi të botës po ecin me kujdes. Lionel Scaloni është i pasigurt nëse do të luajë në finale kundër Spanjës në mars në Finalissima, një tjetër shenjë e atmosferës së tensionuar që aktualisht rrethon AFA-n. /Telegrafi/

Kombëtarja e Argjentinës do të luftojë për të mbrojtur titullin e Kupës së Botës në vitin 2026 që do të zhvillohet në Shtetet e Bashkuara, Meksikë dhe Kanada. Edhe pse kapiteni Lionel Messi nuk e ka konfirmuar ende nëse do të luajë në kampionatin botëror, ai ka zbuluar favoritët e tij për të fituar trofeun.

Pas shortit për grupet e Kupës së Botës 2026, ku do të marrin pjesë 48 ekipe për herë të parë, kanë filluar analizat dhe parashikimet rreth fituesit të mundshëm.

Ylli i Inter Miamit ndau gjithashtu mendimin e tij, i cili, përveç Argjentinës, për të cilën tha se do të "luftojë" për të mbrojtur titullin, ka edhe kandidatë të tjerë.

Messi: Synojmë ta fitojmë përsëri Kupën e Botës

“Ka skuadra shumë të mira. Spanja, Franca, Anglia, Brazili, të cilat gjithashtu nuk kanë qenë kampionë për një kohë të gjatë, duan ta fitojnë turneun", ka thwnw fillimisht Messi në një intervistë së fundmi me ESPN.

"Gjermania, e cila gjithmonë ka dashur ta mposhtë Argjentinën, tani e dëshiron atë edhe më shumë pas Kupës së Botës së fundit. Do të jetë shumë e vështirë, por nuk kam dyshim se ata do të luftojnë për titullin”, përfundoi ylli argjentinas.

Në Kupën e parë të Botës me 48 ekipe, ekipet u ndanë në 12 grupe me nga katër ekipe. Dy ekipet e para nga secili grup avancojnë në fazën eliminatore, të cilave iu bashkohen edhe tetë ekipet më të mira të vendeve të treta. /Telegrafi/

Superkompjuteri i Optas ka publikuar parashikimin e tij të detajuar për kombëtaren që ka më shumë gjasa të ngrejë trofeun e Kupës së Botës 2026.

Në krye të renditjes qëndron Spanja, të cilës Opta i jep 17% shanse për të fituar. Kampionët e Europës konsiderohen ekipi më i balancuar i momentit, me një mesfushë të jashtëzakonshme dhe një repart sulmues që garanton cilësi të lartë.

Pas tyre renditet Franca, me 14.1% shanse. Me Kylian Mbappe të gatshëm për një tjetër Botëror madhështor dhe me një brez të artë lojtarësh, “Gjelat” pritet të jenë sërish protagonistë deri në fazat finale të turneut.

Anglia vjen menjëherë pas Francës me 11.8% shanse, duke marrë një vlerësim të lartë falë brezit të ri të talentuar dhe besimit të madh në punën e Thomas Tuchel.

Opta sugjeron se “Tre Luanët” mund të jenë më në fund gati ta thyejnë mallkimin 60-vjeçar dhe të tentojnë titullin e dytë botëror.

Vetëm më pas vjen Argjentina, me 8.7% shanse. Edhe pse Lionel Messi vazhdon të mbetet në qendër të magjisë albiceleste dhe skuadra e Scalonit dominoi kualifikimet e Amerikës së Jugut, statistikat nuk i vendosin kampionët e botës në mesin e favoritëve kryesorë.

Gjermania, me 7.1% shanse, shihet si një kandidat i rrezikshëm, por jo ndër favoritët kryesorë, për shkak të luhatjeve të shfaqura vitet e fundit.

Portugalia e Cristiano Ronaldos, në Botërorin e tij të fundit, vlerësohet me 6.6% mundësi për të synuar lavdinë e madhe.

Një tjetër surprizë në renditje është Brazili. Edhe me Carlo Ancelottin në stol dhe lojtarë të nivelit të lartë, ata marrin vetëm 5.6% shanse — një tregues i formës së dobët në turnetë e fundit dhe vështirësive për të rikthyer dominimin historik.

Holanda, e cila ka qenë gjithmonë pranë por kurrë në majë të botës, vlerësohet me 5.2% shanse. Ndërkohë, Norvegjia falë Erling Haaland siguron 2.3%, ndërsa Kolumbia e Luis Díaz renditet e dhjeta me 2%.

Opta përmend edhe një detaj interesant: ekipet që vijnë nga ‘play-off’-et, kryesisht për shkak të mundësisë së pranisë së Italisë, kanë 3.7% shanse për të triumfuar në Amerikën e Veriut./Telegrafi/

Ish-futbollisti holandez, Wesley Sneijder, ka zgjedhur së fundmi favoritët më të mëdhenj për Kupën e Botës 2026.

Kupa e Botës 2026 zhvillohet nga 11 qershori deri më 19 korrik 2026 dhe tashmë Sneijder ka zbuluar disa nga favoritët e tij në një intervistë me gazetën spanjolle Marca.

"Nëse duhet të zgjedh katër skuadra për gjysmëfinalet, ato janë Portugalia, Spanja, Franca dhe Brazili. Konkurrenca është shumë më e fortë. Të gjithë janë aty, do të jetë çmenduri”, ka thënë fillimisht Sneijder.

“Anglia gjithashtu ka një skuadër të jashtëzakonshme, njësoj si Holanda. Ndoshta Gjermania do të rikthehet në rrugën e duhur, kush e di?".

Superkompjuteri përcakton favoritin kryesor për të fituar titullin e kampionit botëror

Sneijder bëri 134 paraqitje për ekipin kombëtar holandez, duke shënuar 31 gola dhe duke fituar medaljen e argjendtë në Kupën e Botës 2010 në Afrikën e Jugut dhe medaljen e bronztë katër vjet më vonë në Brazil.

"Të luaja finalen e Kupës së Botës kundër Spanjës ishte e pabesueshme. Ishte një ndeshje shumë e ngushtë. Ne mund të kishim fituar, por për fat të keq ata fituan".

Si kujtesë, Spanja mposhti Holandën 1-0 me një gol të Andres Iniesta në minutën e 116-të.

"Nëse Robben do të kishte shënuar shansin e shkëlqyer që pati, do të kishte përfunduar 1-0 për ne. Në ndeshje të tilla duhet pak fat", përfundoi ish-ylli holandez.

Ndryshe, si lojtar Sneijder luajti për Ajax, Real Madrid, Inter, Galatasaray, Nice dhe Al-Gharafa gjatë karrierës së tij. Ai fitoi 19 trofe klubesh, njëri prej të cilëve ishte Liga e Kampionëve me Interin. /Telegrafi/

Kombëtarja e Spanjës shihet si pretendente kryesore për të fituar Kupën e Botës FIFA 2026, që do të zhvillohet në SHBA, Kanada dhe Meksikë, me Kosovën që po ashtu ka gjasa të jetë pjesë e eventit madhor.

Dardanët luajnë në gjysmëfinalen e play-offit, ndaj Sllovenisë, ndërsa nëse kalon tutje, Kosova do të përballet me fituesin e ndeshjes Turqi -Rumani.

Ti kthehemi superkompjuterit të platformës statistikore Opta Sport, i cili e sheh “La Roja” me 17% shanse për të triumfuar në turneun që nis pas verës së ardhshme.

Spanja, kampione aktuale e Evropës, është në një ecuri të jashtëzakonshme prej 31 ndeshjesh pa humbje (25 fitore dhe 6 barazime).

Humbja e fundit daton në mars të vitit 2023 kundër Skocisë, një dëshmi e forcës së skuadrës së drejtuar nga përzgjedhësi De la Fuente.

Franca ndjek pas, Anglia në vendin e tretë

Pretendentja e dytë sipas modelit statistikor është Franca, me 14.1% shanse. “Gjelat”, nënkampionë të botës në vitin 2022, kanë zhvilluar 175 ndeshje nën drejtimin e Didier Deschamps dhe fituan Kupën e Botës 2018 dhe Ligën e Kombeve 2021. Pjesë e skuadrës është edhe fituesi aktual i Topit të Artë, Ousmane Dembele.

E treta në renditje është Anglia me 11.8% shanse. Që nga ardhja e gjermanit Thomas Tuchel, anglezët kanë fituar nëntë nga dhjetë ndeshje, duke rikthyer besimin se mund të luftojnë seriozisht për titull.

Skuadra e parë jashtë Evropës në listë është Argjentina, kampione në fuqi e botës, me 8.7% shanse. Pas saj vijnë: Gjermania, Portugalia dhe Brazili.

Një Kampionat Botëror historik

Kupa e Botës 2026 do të jetë e veçantë për disa arsye. Për herë të parë do të marrin pjesë 48 kombëtare, ndërsa po ashtu për herë të parë organizohet në tre shtete njëkohësisht dhe do të mbahet nga 11 qershori deri më 19 korrik 2026.

Shorti zyrtar i fazës së grupeve do të hidhet më 5 dhjetor në Uashington, çka pritet të konfirmojë rrugën e secilës kombëtare drejt trofeut më prestigjioz në futbollin botëror. /Telegrafi/

Mbrojtësi Sergio Ramos është gati të largohet nga Monterrey, me synimin e vetëm për të ringjallur ëndrrën e tij të rikthimit në Kombëtaren e Spanjës, shkruan Diario AS.

Legjenda e Real Madrid është 39 vjeç, por ambicia për të qenë pjesë e Botërorit 2026 nuk është shuar.

Sipas raportit, dy arsye kryesore e kanë shtyrë Ramosin drejt këtij vendimi: dëshira e familjes për t’u rikthyer në Spanjë dhe shpresa për të bindur përzgjedhësin Luis de la Fuente se ai mund të kontribuojë ende në nivelet më të larta.

Ramos beson se aktivizimi i rregullt në një kampionat më pranë stilit spanjoll, si dhe në gara me nivel më të lartë, mund ta ndihmojë të futet sërish në radarin e kombëtares.

Sergio Ramos

Shembulli i Aymeric Laporte, i cili u largua nga Arabia Saudite për t’u kthyer te Athletic Bilbao me mbështetjen e stafit të Spanjës, shihet si precedent i rëndësishëm.

Që nga viti 2021, Ramos nuk është aktivizuar më për “La Roja”, kur u lëndua në ndeshjen ndaj Kosovës. Ai nuk u grumbullua për Euro 2020, Kupën e Botës 2022 dhe as për Euro 2024 – një mungesë e gjatë për një futbollist që dikur ishte shtylla kryesore e mbrojtjes spanjolle.

Megjithatë, aventura në Monterrey nuk ka qenë negative: Ramos ka luajtur në Kupën e Botës për Klube dhe madje ka shënuar në turne, duke ruajtur nivelin e tij karakteristik defensiv./Telegrafi

Sulmuesi anësor i Barcelonës, Lamine Yamal, ka shprehur besimin dhe dëshirën e tij për të fituar çdo trofe të mundshëm këtë sezon me ekipin dhe kombëtaren.

Yamal është njëri nga emrat më të përfolur në botë viteve të fundit dhe ishte shumë afër të fitonte Topin e Artë 2025, por u mposht në fund nga Ousmane Dembele.

Megjithatë, 18-vjeçari spanjoll nuk është dorëzuar dhe synon të fitojë çmimin e madh individual, por edhe çdo trofe tjetër ekipor me Barcelonën dhe Kombëtaren e Spanjës.

Flick dhe Yamal fitojnë çmimet kryesore të Marca në La Liga për sezonin 2024/25

“La Liga, Liga e Kampionëve, Kupa e Botës apo Topi i Artë? Dua gjithçka. Shpresoj t’i arrij të gjitha dhe për sa kohë që mund të luajmë, është e mundur”, tha 18-vjeçari pasi fitoi çmimin Di Stefano, i cili u dha nga Marca lojtarit më të mirë të sezonit 2024/25.

“Të gjithë trofetë individualë tregojnë se ka qenë një sezon i shkëlqyer për ekipin. Për mua, kjo sjell lumturi dhe krenari”.

“Grumbullimi i çmimeve në moshën time është shumë pozitiv. Do të vazhdoj të punoj dhe të luftoj për të arritur gjëra të tilla", përfundoi sulmuesi i Barcelonës. /Telegrafi/

Austria, Belgjika, Skocia dhe Spanja janë katër ekipet e fundit kombëtare që kanë siguruar kualifikim të drejtpërdrejtë për Kupën e Botës 2026. Ato i bashkohen Gjermanisë, Zvicrës, Francës, Portugalisë, Holandës, Norvegjisë, Anglisë dhe Kroacisë në listën e ekipeve evropiane që e kanë bërë këtë më parë.

Belgjika pati punën më të lehtë sonte, pasi priti në shtëpi një Lihtenshtajn të dobët, i cili nuk kishte asnjë shans për të shënuar golin e parë dhe për të marrë pikët e para në kualifikuese. Belgët festuan 7:0 falë golave të Hans Vanaken, Jeremy Doku (×2), Brandon Mechele, Alexis Saelemaekers dhe Charles De Ketelaere (×2).

Spanja barazon, Skocia fiton Kupën e Botës në kohën shtesë

Kampionët evropianë, Spanja, barazuan 2-2 me Turqinë në një ndeshje ku atyre iu lejua të humbnin vetëm me shtatë ose më shumë gola për t'u kualifikuar në Kupën e Botës. Dani Olmo e kaloi Spanjën në epërsi me një gol në minutën e katërt, ndërsa turqit e përmbysën rezultatin me golat e Deniz Gul dhe Salih Ozcan. Mikel Oyarzabal shënoi golin e fundit në minutën e 62-të.

Drama më e madhe në betejën për kualifikim në Kupën e Botës u luajt në Skoci, ku ekipit vendas i duhej një fitore kundër Danimarkës për t'u kualifikuar në Kupën e Botës të parë pas vitit 1998. Ajo ia doli mbanë me një fitore 4:2.

Skocezët kaluan në epërsi me anë të Scott McTominay në minutën e tretë, dhe Danimarka barazoi me anë të një penalltie nga shoku i skuadrës te Napoli, Rasmus Hojlund, në minutën e 57-të. Vetëm katër minuta më vonë, danezët mbetën me një lojtar më pak pasi Rasmus Kristensen u përjashtua.

Skocia rifitoi epërsinë me golin e Lawrence Shankland në minutën e 78-të, por vetëm tre minuta më vonë Patrick Dorgu barazoi në 2:2. Ekipi vendas u kualifikua për në Kupën e Botës në kohën shtesë, në të cilën Kieran Tierney dhe Kenny McLean shënuan në minutat e 93-të dhe 98-të të ndeshjes deliri në Skoci.

Të gjitha rezultatet e ndeshjeve të ditës së martë:

Kosova - Zvicra 1:1

Suedia - Sllovenia 1:1

Bjellorusia - Greqia 0:0

Skocia - Danimarka 4:2

Bullgaria - Gjeorgjia 2:1

Spanja - Turqia 2:2

Austria - Bosnja dhe Hercegovina 1:1

Rumania - San Marino 7:1

Belgjika - Lihtenshtajni 7:0

Uellsi - Maqedonia e Veriut 7:1

Ekipet evropiane që janë kualifikuar direkt për Kupën e Botës:

Austri

Belgjikë

Angli

Francë

Kroaci

Holandë

Norvegji

Gjermani

Portugali

Skoci

Spanjë

Zvicër /Telegrafi/

Dean Huijsen është larguar nga kampi stërvitor i Kombëtares së Spanjës dhe tashmë është nisur për t’u rikthyer te Real Madridi.

Federata Spanjolle nuk ka dhënë një arsye zyrtare për këtë vendim, por klubi madrilen kishte njoftuar më herët se mbrojtësi i ri po përballet me një problem fizik.

Pikërisht për shkak të këtij shqetësimi, Huijsen nuk ishte në dispozicion për ndeshjen e parë të Spanjës gjatë pushimit të nëntorit.

Huijsen te Real Madridi telegrafi.com

Situata e tij fizike ka bërë që stafi teknik ta mbajë nën monitorim të vazhdueshëm.

Megjithatë, pavarësisht largimit nga kombëtarja, pritshmëritë janë pozitive.

Huijsen pritet të jetë plotësisht i gatshëm për t’u rikthyer në fushë me Real Madridin menjëherë pas përfundimit të angazhimeve ndërkombëtare, në sfidën e radhës kundër Elche. /Telegrafi/

Talenti i Turqisë, Kenan Yildiz, ka pranuar se përballja e radhës në kualifikimet e Botërorit 2026 do të jetë kundër “kombëtares më të mirë në botë”, duke iu referuar Spanjës, që kryeson grupin në raundin e parë të kualifikimeve.

Pas fitores së rëndësishme ndaj Bullgarisë, Yildiz foli hapur për vështirësitë e ndeshjes, duke thënë: “Bullgaria luajti shumë mirë, i përgëzuam në fund të ndeshjes sepse na e vështirësuan punën”.

“Ne luajtëm mirë si ekip. Fusha ishte e rrëshqitshme dhe ishte e vështirë për ne. Fitore me një paraqitje të shkëlqyer. Do të mundohemi të jemi edhe më mirë në ndeshjet e ardhshme”.

Ai shtoi edhe një koment të qartë për fuqinë e rivalit të radhës: “Spanja është aktualisht kombëtarja më e mirë në botë, janë në vendin e parë. Do të bëjmë gjithçka që mundemi dhe, nëse do Zoti, do të marrim një rezultat të mirë atje”.

Yildiz deri tani ka realizuar tre gola për Turqinë në këto kualifikime dhe tashmë po përgatitet për testin më të madh – përballjen me Spanjën, që pritet të jetë vendimtare për garën në grup./Telegrafi/

Spanja dhe Turqia kanë shënuar fitoret e radhës në kualifikueset e Kupës së Botës, ndaj Gjeorgjisë respektivisht Bullgarisë.

Kampioni i Evropës mund të themi se është në Kupën e Botës pas fitores 0-4, pasi mënyra e vetme që Turqia të avancojë para tyre është nëse regjistron fitore në mbi 14 gola.

Spanja e ‘shpartalloi’ Gjeorgjinë, sfidë që e dominoi nga fillimi. Oyarzabal zhbllokoi epërsinë pas vetëm 11 minutave lojë.

Ndërsa, ishte Martin Zubimendi që e dyfishoi epërsinë pas asistimit të Ruiz (22’).

Spanja vazhdoi me stilin agresiv, kurse ishte Ferran Torres që u përkujdes për golin e tretë pas asistimit Oyarzabal (34’).

Dyshja bashkëpunuan pastaj prapë për ta vulosur fitoren, veçse këtë herë Oyarzabal realizoi dhe Torres asistoi (63’).

Spanja pas pesë xhirove ka 15 pikë derisa Gjeorgjia renditet e treta me tre pikë.

Në anën tjetër, Turqia triumfojë me rezultat komod 2-0 ndaj Bullgarisë, sfidë që çuditërisht doli e barabartë.

Hakan Çalhanoglu kaloi Turqinë në epërsi duke shënuar nga pika e bardhë (18’).

Kurse, autogoli i Chernev e mbylli çështjen e fituesit, me këtë të fundit që tentoi ta largonte goditjen e Calhanoglut (84’).

Turqia kësisoj duhet ta fitojë sfidën e radhës ndaj Spanjës me mbi 14 gola për t’u kualifikuar tutje./Telegrafi/

Real Madridi ka pasur një pushim të mbushur me ngjarje ndërkombëtare deri më tani, me katër lojtarë që tashmë janë larguar nga detyrat e ekipit kombëtar për shkak të një sërë shqetësimesh për lëndime.

Thibaut Courtois (Belgjikë), Federico Valverde (Uruguai), Kylian Mbappe dhe Eduardo Camavinga (Francë) janë rikthyer në Madrid pasi u detyruan të tërhiqeshin nga aksioni, dhe në orët në vijim, atyre mund t'u bashkohet Dean Huijsen.

Sipas gazetës AS, Huijsen, i cili u detyrua të tërhiqej nga skuadra e Spanjës për ndeshjet kualifikuese të Kupës së Botës në tetor, po vuan nga dhimbje muskujsh.

Ai e shfaqi problemin gjatë seancës stërvitore të së premtes në kryeqytetin gjeorgjian Tbilisi, gjë që e ka detyruar të kryejë ekzaminime mjekësore.

Ishte një problem i ngjashëm që çoi në largimin e Huijsen nga skuadra e Spanjës muajin e kaluar, dhe tashmë është konfirmuar se ai nuk do të luajë asnjë rol kundër Gjeorgjisë.

Në varësi të rezultateve të testeve mjekësore, ai mund të përjashtohet edhe për ndeshjen kundër Turqisë të martën, që do të thotë se ai do të kthehet në Real Madrid menjëherë.

Huijsen pritej të luante si titullar kundër Gjeorgjisë

Është një goditje e madhe për Spanjën të jetë pa Huijsen, pasi raportet sugjeronin se ai ishte në radhë për të luajtur si titullar së bashku me Aymeric Laporte në qendër të mbrojtjes.

Luis de la Fuente është tashmë pa Robin Le Normand për shkak të një dëmtimi, që do të thotë se ai do të duhet të zgjedhë midis Dani Vivian dhe Pau Cubarsi për vendin e dytë të qendërmbrojtësit.

Real Madridi shpreson që shqetësimi i Huijsen të mos jetë asgjë serioze, megjithëse ata me siguri do ta mirëprisnin mospërfshirjen e tij kundër Turqisë si masë paraprake.

Ata shpresojnë që ai të jetë në gjendje të jetë i disponueshëm për udhëtimin e vështirë të fundjavës së ardhshme në Elche, megjithëse performancat e tij të fundit për Los Blancos sugjerojnë se ai mund të mos jetë titullar i garantuar për atë ndeshje gjithsesi. /Telegrafi/

Lojtari i ri i Real Madridit dhe Spanjës, Dean Huijsen, ka folur hapur rreth dinamikës konkurruese me Lamine Yamal të Barcelonës dhe Dani Carvajal të Real Madridit.

Fjalosja dhe konflikti verbal mes Yamal dhe Carvajal pas El Clasicos së fituar 2-1 nga Real Madridi ndaj Barcelonës ka bërë që të diskutohet shumë për raportet mes futbollistëve te Kombëtarja e Spanjës.

Megjithatë, sipas mbrojtësit të Real Madridit, Huijsen, ky konflikt nuk ndikon aspak te ekipi kombëtar pasi aty janë bashkëlojtarë dhe kur luajnë me skuadra është normale të ketë rivalitet.

Trajneri i Spanjës, De la Fuente flet për grindjen Yamal-Carvajal

“Lamine Yamal dhe Dani Carvajal? Në fushë duam të vrasim njëri-tjetrin, por jashtë ka një atmosferë shumë të mirë. Duhet të jetë kështu”, ka thënë fillimisht Huijsen.

Huijsen theksoi ekuilibrin midis konkurrencës së ashpër në fushë dhe shoqërisë jashtë saj.

“Ne vijmë këtu si shokë skuadre, por kur luajmë në klube, jemi rivalë. Është normale”, përfundoi mbrojtësi spanjoll.

Ky informacion vjen përpara ndeshjeve kryesore ndërkombëtare, ku Spanja do të kërkojë të kualifikohet për Kupën e Botës të vitit të ardhshëm. /Telegrafi/

Legjenda e Barcelonës dhe e futbollit spanjollit Andres Iniesta, po hetohet nga Zyra e Prokurorit Publik në Peru për mashtrim.

Ish-mesfushori i Barcelonës thuhet se ka mashtruar biznesmenët me të paktën 600,000 dollarë (rreth 518,000 euro).

Iniesta është në listën e mesfushorëve më të mëdhenj të të gjitha kohërave, por tani spanjolli është nën kritika në Peru.

Disa sipërmarrës vendas kanë ngritur padi kundër Never Say Never (NSN) Barcelona dhe degës së saj NSN Sudamerica.

Iniesta ishte bashkëpronar i këtyre kompanive, të cilat u krijuan për të organizuar projekte argëtimi në rajon.

Andres Iniesta

Bizneset që paraqitën padinë dyshohet se kanë ofruar mbështetje financiare për një sërë ngjarjesh të organizuara nga kompanitë e Iniestas.

Megjithatë, shumica e këtyre ngjarjeve thuhet se nuk u zhvilluan kurrë dhe paratë nuk u rimbursuan.

Sipas Zyrës së Prokurorit Publik të Perusë, prestigji i Iniestës u përdor për të tërhequr para nën pretekstin e organizimit të ngjarjeve, por kjo nuk ndodhi.

Hetimi është duke vazhduar, por mund të çojë në akuza penale. Iniesta ende nuk ka komentuar mbi akuzat./Telegrafi/

Aitor Karanka, drejtori sportiv i Federatës Spanjolle të Futbollit (RFEF), siguroi se nuk ka asnjë tension mes kombëtares dhe Barcelonës pas largimit befasues të Lamine Yamal nga skuadra e Spanjës të martën.

Karanka hodhi poshtë çdo spekulim që sugjeronte prishje të marrëdhënieve mes dy palëve, duke theksuar se komunikimi me katalanasit është “fantastik”.

Kombëtarja e Spanjës dhe trajneri Luis de la Fuente morën një goditje të fortë të martën në mëngjes, pas njoftimit për largimin e Yamal nga lista e skuadrës për ndeshjet kualifikuese të Kupës së Botës kundër Gjeorgjisë dhe Turqisë, që do të luhen më 15 dhe 18 nëntor.

Ylli i Barcelonës iu nënshtrua një terapie invazive me radiofrekuencë për të luftuar shqetësimet e vazhdueshme nga pubalgjia dhe pritet të mungojë për 7 deri në 10 ditë.

Karanka siguroi se komunikimi midis federatës dhe të gjitha klubeve është në nivel shumë të lartë, duke shtuar se vendimi u mor për të mirën e lojtarit dhe për t’u fokusuar në rikuperim.

Lamine Yamal

“Parehati? Kjo nuk është më puna ime, është çështje e mjekëve. E kam thënë gjithmonë, madje edhe dje, që komunikimi me të gjitha klubet ka qenë fantastik. Kam qenë në kontakt me Deco deri sot në mëngjes, kur u mor vendimi. Dhe gjithçka u bë për të mirën e djalit, që të rikuperohet sa më shpejt”.

“Sa më mirë të jetë në klub, aq më mirë do të jetë edhe për kombëtaren. Trajneri i kombëtares ishte me të mbrëmë dhe sot në mëngjes, përpara se të largohej nga lista”.

“Ishim të lumtur sepse Lamine po kthehej në formën e tij më të mirë; zhvilloi një ndeshje të shkëlqyer kundër Club Brugge dhe shënoi në Vigo para pak ditësh”.

“Ishim të etur ta shihnim sërish, por ai ka disa shqetësime fizike, dhe ajo që duam si kombëtare ashtu edhe Barça, është që ai të rikthehet sa më shpejt në nivelin e lojtarit që na magjepsi jo shumë kohë më pare”, ka thënë Karanka./Telegrafi/

Trajneri Luis de la Fuente shprehu pakënaqësinë e tij për problemet që lidhen me Lamine Yamal dhe tërheqjen e tij nga kombëtarja spanjolle, gjë që do të bëjë që ai të humbasë ndeshjet kundër Turqisë dhe Gjeorgjisë.

Ju kujtojmë se Federata Spanjolle e Futbollit (RFEF) tha se vendimi u mor në përputhje me prioritetet e shëndetit, sigurisë dhe mirëqenies së lojtarëve.

De la Fuente ishte i drejtpërdrejtë në lidhje me mungesën e papritur të yllit të Barçës për shkak të lëndimit.

"Nuk më duket shumë normale. Nuk kam përjetuar kurrë një situatë të tillë", tha De la Fuente pasi mësoi se lojtari i ishte nënshtruar trajtimit pa informuar stafin mjekësor të ekipit kombëtar.

“Këto janë veprime që ndodhin jashtë kontrollit të ekipit kombëtar; ato ndodhin dhe ne duhet t'i pranojmë”, përfundoi spanjolli.

Yamal largohet nga skuadra e Spanjës shkaku i problemit shëndetësor

Kjo situatë i thelloi më tej marrëdhëniet tashmë të tendosura midis Barcelonës dhe ekipit kombëtar spanjoll.

Sipas raportimeve nga Spanja, ka pakënaqësi të madhe brenda Federatës sepse klubi vendosi ta kryente trajtimin pa u konsultuar me mjekët e ekipit kombëtar, edhe pse dihej se kjo do ta pengonte Yamalin të luante për ekipin kombëtar.

Ju kujtojmë se konflikti midis Barcelonës dhe trajnerit Luis de la Fuente ka filluar që nga shtatori, kur trajneri i atëhershëm i Barçës, Hansi Flick, kritikoi Federatën për mënyrën se si e trajtoi lojtarin e ri sulmues, duke pretenduar se ai nuk ishte i mbrojtur mjaftueshëm nga mbingarkesa fizike. /Telegrafi/

Të premten, Luis de la Fuente njoftoi listën e lojtarëve të kombëtares spanjolle për ndeshjet e këtij muaji kundër Gjeorgjisë dhe Turqisë, të cilat mund të sigurojnë vendin e La Rojas në Kupën e Botës 2026.

Dhe në atë listë, shumë sy ishin te Luis Milla. Mesfushori po kalon një sezon të shkëlqyer, duke kryesuar gjithashtu ligën për nga asistimet.

Numri 5 i Getafes ka dhënë gjashtë asistima në këto javët e para të kampionatit, një shifër e pakrahasueshme me asistimet e tjera në La Liga, Ligën Premier, Bundesliga, Serie A ose Ligue 1.

Në fakt, pritshmëria në jug të Madridit ishte aq e madhe saqë mundësia e Millas për t'u bashkuar me ekipin kombëtar u konsiderua "reale".

Llogaritë e Getafes në mediat sociale postuan një mesazh pasi mësuan se mesfushori përfundimisht nuk do të thirrej.

“Vazhdoni të luani, ne e shijojmë ”, shkruhej në tekstin e publikuar në platformën ‘X’, i shoqëruar nga një foto e Luisit, i veshur çuditërisht me fanellën e dytë të ekipit të Getafes, e cila është e kuqe , në një referencë të qartë për atë mungesë. /Telegrafi/

Një sistem i Inteligjencës Artificiale, i zhvilluar nga Olocip ka identifikuar Edu Expositon si zëvendësimin më të mirë të mundshëm për Pedrin në kombëtaren e Spanjës.

Mesfushori i Espanyol kryeson renditjen e AI me një vlerë prej 3.86, pak përpara Martín Zubimendi të Arsenalit (3.80), i cili tashmë është ftuar nga Luis de la Fuente.

Vlerësimi bazohet në cilësinë e veprimeve të një lojtari — pra, në ndikimin që ata kanë në shënimin ose parandalimin e golave dhe jo në sasinë e tyre.

Edu Exposito

Ndër opsionet më të vlerësuara nga AI, tre janë tashmë pjesë e skuadrës: Pablo Fornals (Betis), Alex Baena dhe Pablo Barrios (Atletico Madrid).

Megjithatë, lojtarë si Brais Méndez (Real Sociedad) dhe Santi Comesana (Villarreal) gjithashtu u vlerësuan lart, por nuk u përzgjodhën.

Pavarësisht se është lënë jashtë nga Luis de la Fuente, Olocip e rendit Expositon si lojtarin e nëntë më të vlefshëm në La Liga këtë sezon, përpara Vinicius Junior, me vetëm Kylian Mbappe të Real Madrid që ka gjeneruar më shumë vlerë./Telegrafi/

FIFA ka konfirmuar se Finalissima midis Spanjës dhe Argjentinës do të zhvillohet më 27 mars, me Dohën e zgjedhur si qytet pritës dhe stadiumin Lusail si vendi i ndeshjes.

Ky përballje shumë e pritur do të shohë kampionët evropianë të Spanjës të përballen me mbajtësit e Kupës së Amerikës, Argjentinën, në një përballje spektakolare që premton të shfaqë Lamine Yamal dhe idhullin e tij Lionel Messi.

FIFA synon t’i japë ndeshjes atmosferën e një finale të madhe, me evente të tilla si mbërritjet e ekipeve, seancat stërvitore dhe konferencat për shtyp të planifikuara në një shkallë të madhe.

Data fillimisht ishte vendosur për 28 mars, por FIFA e ka lëvizur një ditë më përpara, në të premten, 27 mars. Ky takim varet nga kualifikimi i drejtpërdrejtë i Spanjës për Botërorin, i cili mbetet i mundshëm.

Federata Spanjolle po planifikon gjithashtu një ndeshje miqësore të dytë gjatë dritares ndërkombëtare të marsit, ndoshta në Doha ose një vend afër, për të përmbushur kërkesat e UEFA-s për numrin e ndeshjeve.

Spanja do të veshë uniformën e bardhë të jashtme, ndërsa pritet që Argjentina të luajë me të zezë./Telegrafi/