Miroslav Klose, golashënuesi më i mirë i të gjitha kohërave në historinë e Kupës së Botës FIFA me 16 gola, ka pranuar se rekordi i tij i gjatë ka të ngjarë të thyhet në të ardhmen e afërt.

Duke folur për gazetën gjermane Bild, fituesi i Kupës së Botës 2014 me Gjermaninë, ka përmendur Lionel Messin dhe Kylian Mbappen si kandidatët kryesorë për ta tejkaluar atë.

“Jam i sigurt se rekordi im i shënimit të golave në Kupën e Botës do të thyhet së shpejti. Ose Lionel Messi e bën këtë në këtë Kupë Bote, ose më së voni, Kylian Mbappe në tjetrën”, ka thënë Klose.

Me turneun e vitit 2026 vetëm pesë muaj larg, Messi (13 gola) dhe Mbappe (12 gola) po i afrohen numrit të Kloses, ndërsa legjenda si Ronaldo Nazario (15) dhe Gerd Muller (14) mbeten gjithashtu ende në top treshe.

Klose theksoi ndryshimet kryesore në epoka që mund t’i ndihmonin yjet modernë, duke vënë në dukje se ai nuk ishte kurrë gjuajtësi kryesor i penalltive të Gjermanisë gjatë karrierës së tij ndërkombëtare - një rol që Messi dhe Mbappe e kanë aktualisht për kombëtaret e tyre.

Sulmuesi i pensionuar, i cili tani është trajner i Nurnbergut në divizionin e dytë të Gjermanisë, nuk shprehu hidhërim për mundësinë e humbjes së rekordit, duke ofruar përkundrazi një vlerësim realist të vëllimit sulmues dhe jetëgjatësisë së sotme në lojë. /Telegrafi/

Përzgjedhësi i Argjentinës Lionel Scaloni thotë se tetë herë fituesi i Topit të Artë, Lionel Messi, do të vendosë vetë nëse dëshiron të merr pjesë në Kupën e Botës 2026.

Messi së fundmi rinovoi kontratën me Inter Miamin ndërsa ende është e paqartë nëse do të tentojë ta fitojë edhe një tjetër trofe me Argjentinën.

I pyetur për mundësinë që Messi të luajë sërish në Kupën e Botës, Scaloni tha se do të jetë vetë në duart e lojtarit.

“Jam takuar me Messin, jam shumë afër shtëpisë së tij. Për Kupën e Botës do të shohim më vonë, kemi biseduar për shumë gjëra por jo për këtë pjesë sepse ende ka kohë. Nuk duhet ta lodhim, le të jetë i qetë dhe do të vendosë”.

“Pastaj do të shohim çfarë është më e mira në bazë të këtij vendimi. Kemi biseduar për gjëra tjera, jo nëse ai do të jetë në Kupën e Botës ose jo”.

“Na që e njohim e kuptojmë se kurrë nuk do të jetë i qetë. Ka lindur garues, dëshiron të fitojë, dëshiron të luajë, gjithmonë të jetë aty. Kjo është shumë e rëndësishme, sidomos për bashkëlojtarët, të cilët e shohin kapitenin të sillet ashtu dhe dëshiron të luajë për kombëtaren gjithmonë”.

Ndërkohë, Argjentina është një ndër favoritët kryesorë për ta fituar Kupën e Botës, pranë Francës, Brazilit, Spanjës e Anglisë./Telegrafi/

Shtetet e Bashkuara, Meksika dhe Kanadaja, do të mirëpresin Kupën e Botës pas disa muajsh. Situata nuk është aspak e mirë, pasi arrestimi i presidentit venezuelian Maduro nga SHBA ka sjellë një klimë të papërshtatshme.

Të rejat e fundit kanë ndezur kambanat e alarmit brenda FIFA-s në lidhje me vendin që do mbajë Meksika në Kupës e Botës.

Një detaj tjetër që duhet marrë në konsideratë janë fjalët e Presidentit të SHBA-së Donald Trump rreth kapjes së Nicolas Maduro në Venezuelë, ç`ka lë shumë hije pas.

Presidenti i SHBA-së ka komentuar se ka një marrëdhënie të shkëlqyer diplomatike me Claudia Sheinbaum, presidenten e Meksikës, por theksoi se ky vend mbetet problematik për shkak të drogës.

“Diçka do të duhet të bëhet me Meksikën”, tha Donald Trump, i cili në disa raste ka përmendur mundësinë e ndërhyrjeve ushtarake në tokën meksikane në disa zona.

Vlen të theksohet se Meksika nuk ka mbështetur ndërhyrjen e SHBA në Venezuelë.

The post Krisje mes Meksikës dhe SHBA-së, arrestimi i Maduros “trazon” Amerikën para Kupës së Botës appeared first on Albeu.com.

Shtetet e Bashkuara do të jenë organizatorët e Kupës së Botës 2026, së bashku me Kanadanë dhe Meksikën. DW ju tregon pse ky kampionat do të jetë i ndryshëm. 1. Tre vende si organizatorë të përbashkët Zakonisht, Kupa e Botës në futboll është një ngjarje e organizuar nga një komb i vetëm, por nuk ka qenë gjithmonë kështu. Kupa e Botës 2002 hapi një rrugë të re kur Japonia dhe Koreja e Jugut…

Source

Toni Kroos ka përmendur Marokun si një befasi të mundshme për Kupën e Botës 2026, përkrah pretendentëve të zakonshëm kryesorë nga Evropa.

Gjatë një bisede me ikonën braziliane Romario, Kroos u pyet për favoritët e tij për turneun që do të zhvillohet në SHBA, Meksikë dhe Kanada.

“Maroku, zgjedhje surprizë. Dhe nuk do të them Brazili, edhe pse nëse fitojnë, është në rregull”, ka deklaruar Kroos.

Përveç kësaj zgjedhjeje të papritur, Kroos përmendi Spanjën, Portugalinë dhe Francën si favoritët kryesorë, por theksoi se Maroku mund të sfidojë sërish pritshmëritë.

Ai duket se i rendit ata madje përpara Gjermanisë, duke vlerësuar cilësinë teknike dhe përmirësimet e fundit të skuadrës.

Përfaqësuesja e Afrikës së Veriut arriti gjysmëfinalet e Kupës së Botës 2022 dhe ka nisur fuqishëm edhe Kupën e Kombeve të Afrikës, duke mposhtur Zambinë 3-0.

Kroos gjithashtu kritikoi formatin e zgjeruar të Kupës së Botës me 48 ekipe, duke thënë: “Nuk jam tifoz i rezultateve 5-0 apo 6-0”./Telegrafi/

TIRANË, 30 dhjetor /ATSH/ Skiatorja italo-shqiptare Lara Colturi e mbylli vitin 2025 në Kupën e Botës në Ski Alpine me një tjetër sukses ndërkombëtar.

Në ndalesën e 15-të të këtij kompeticioni, të zhvilluar në Semmering, Austri, 19-vjeçarja u rendit në vendin e tretë, duke siguruar podiumin e katërt për Shqipërinë gjatë këtij sezoni.

Me këtë rezultat, Colturi u pozicionua në vendin e 7-të të renditjes së përgjithshme të Kupës së Botës në Ski Alpine.

Ministri i Kulturës, Turizmit dhe Sportit, Blendi Gonxhja, vlerësoi arritjet skiatores që përfaqëson Shqipërinë. Sipas tij, Colturi, konfirmoi nivelin elitar dhe përfaqësimin dinjitoz të Shqipërisë në arenën ndërkombëtare.

“Një sukses i jashtëzakonshëm për 19-vjeçaren, e cila mban vendin e 7-të në renditjen e përgjithshme të Kupës së Botës në Ski Alpine. Lara Colturi numëron 4 podiume në 15 gara të sezonit 2025–2026, ndërkohë që gjatë gjithë vitit 2025 ka arritur 6 podiume në total, duke konfirmuar nivelin elitar dhe përfaqësimin dinjitoz të Shqipërisë në arenën ndërkombëtare”, shkroi Gonxhja.

1 nga 5

/m.q/r.e/a.f/

The post 4 podiume në 15 gara, Lara Colturi renditet e 7-ta në Kupën e Botës në Ski appeared first on Agjencia Telegrafike Shqiptare.

Futbollisti i famshëm brazilian, Rivaldo publikoi në rrjetet sociale fotografi dhe video të dhomës ku mban të gjithë trofetë e tij, dhe ajo duket si një muze që feston karrierën e tij të pasur.

Sigurisht, trofetë më të vlefshëm, siç janë Topi i Artë dhe trofeu i Kupës së Botës 2002, janë në plan të parë.

Rivaldo e filloi karrierën e tij profesionale te Santa Cruz në vitin 1991, dhe pesë vjet më vonë u transferua te Deportivo La Coruna.

Pastaj në vitin 1997 ai shkoi në Barcelonë, ku arriti sukseset më të mëdha të karrierës së tij si klub, duke shënuar 130 gola në 235 ndeshje gjatë pesë sezoneve.

Në vitin 2002, braziliani nënshkroi për Milanin, me të cilin fitoi Ligën e Kampionëve, dhe deri në fund të karrierës së tij luajti për Olympiacos, AEK, Bunyodkor dhe disa klube braziliane përpara se të tërhiqej në vitin 2015.

Ai luajti 74 ndeshje dhe shënoi 35 gola për ekipin kombëtar brazilian nga viti 1993 deri në vitin 2003, dhe kulmi i tij ishte fitimi i Kupës së Botës në vitin 2002.

Ndryshe, Rivaldo fitoi Topin e Artë dhe çmimin Lojtari i Vitit nga FIFA në vitin 1999. /Telegrafi/

Shqipëria po lë pas një vit shumë të suksesshëm, ku natyrisht kualifikimi për herë të parë në “Play Off” të Kupës së Botës”, është një nga sukseset më të mëdha që Shqipëria ka arritur ndonjëherë.

Viti 2025, nuk nisi në mënyrën më të mirë të mundshme, duke qenë se Shqipëria vinte nga një dështim në Ligën e Kombeve dhe në fakt, duke parë paraqitjet që janë bërë asokohe dhe duke e lidhur me shortin që kishte Shqipëria, nuk pritej me shumë optimizëm një sukses i tillë.

Por, kuqezinjtë ia dolën që të realizojnë gjysmën e ëndrrës së madhe që kemi të gjithë, pasi në muajin mars do të tentojmë për herë të parë të luajmë në Kupën e Botës, por për të bërë këtë duhet të fitojmë 2 ndeshje që janë sigurisht 2 ndeshjet më të rëndësishme në histori.

NGA ANGLIA TE ANGLIA Shqipëria e nisi rrugëtimin e saj me një transfertë shumë të vështirë në Angli, aty ku në Uembli i duhej mrekullia për të synuar kualifikimin. Por, duke qenë të qartë se kë kishim përballë, nuk mund të pritej shumë e në fakt Anglia e fitoi ndeshjen megjithëse jo pa vuajte. Kuqezinjtë bënë një ndeshje shumë të mirë në Angli pavarësisht se u mundën. Në ndeshjen e dytë, kuqezinjtë bënë atë që duhej të bënin duke fituar me Andorrën në shtëpi me rezultatin 3-0. E në fakt, Anglia ishte skuadra e vetme që na mundi në këto kualifikuese dhe diçka të tillë e bëri edhe pak muaj më parë, në ndeshjen e fundit kualifikuese por që për asnjërën nga skuadrat nuk pati shumë vlerë sepse objektivat ishin arritur dhe ajo sfidë, u kthye në miqësore luksi. Kështu, Anglia na dha fat në ndeshjen e parë për të siguruar vendin e dytë në grup dhe për të na ndihmuar edhe më shumë, “3 luanët” fituan ndeshjen në Londër kundër Serbisë, e cila me kombinimin e fitores së Shqipërisë në Andorra, na solli matematikisht kualifikimin si vendi i dytë në grup, arritje kjo të cilën Shqipëria gjithmonë e ka pasur ëndërr dhe vetëm i është afruar pa e arritur kurrë më parë. Natyrisht kuqezinjtë kishin një rrugëtim të vështirë, me histori e dështime por në fund, ndeshja në Tiranë ishte festë.

FITORJA NË SERBI Shqipëria luajti në qershor kundër Serbisë në Tiranë dhe një penallti e humbur nga Rei Manaj, u komentua gjatë dhe u mendua për shumë muaj se do të ishte momenti që do të mbetej peng në kujtimet e të gjithëve. Por, Rei Manaj diti të bënte mirë, diti të ndryshonte historinë dhe në tetor e bëri diçka të tillë pikërisht në Leskovcin shqiptar, tokën që ndër shekuj ka frymuar kuqezi. Në sekondat e fundit të pjesës së parë, Manaj bën një goditje të bukur nga jashtë zone, për ta çuar topin në rrjetë e duke i dhënë Shqipërisë një fitore historike, të madhe dhe natyrisht me shumë vlera për vetë objektivin që kuqezinjtë kishin. Ai 3 pikësh, e shkëputi skuadrën tonë në vendin e parë dhë nëse deri atë ditë, kualifikimi nuk varej nga ne, goli i Manajt e ndryshoi historinë e kualifikueseve dhe bëri që Shqipëria të vendoste vetë për fatin e saj. Minutat në vazhdim, po flisnin vetëm për Shqipërinë dhe çdo minutë që kalonte, e afronte skuadrën tonë me historinë dhe kështu, më 11 tetor, Shqipëria mori fitoren e parë në histori kundër Serbisë në fushën e blertë, duke qenë se një fitore më parë e pat arritur në vitin 2014, kur Ballist Morina arriti të ngrinte dronin mbi stadium.

KUALIFIKIMI PËR HERË TË PARË Fitorja në Serbi, i hapi rrugë Shqipërisë për të synuar seriozisht vendin e dytë dhe kuqezinjtë e dinin mirë se për ta bërë, duhej patjetër fitore në Andorra. Dhe në fakt, kështu ndodhi. Goli i shënuar nga Kristjan Asllani në atë sfidë, e kualifikoi Shqipërinë, ndërkohë që Serbia nga ana tjetër po mundej në Londër nga Anglia, duke e bërë më të lehtë për skuadrën tonë sepse një rezultat tjetër në Londër, do të linte gjithçka të hapur për ndeshjen e fundit, aty ku Serbia do të priste Letoninë e ne do të përballeshim me Anglinë. Fitorja jonë në Andorra, na çoi në kuotën e 14 pikëve dhe për herë të parë në histori, arritëm që të kualifikohemi në “Play Off” të Kupës së Botës”. Pak javë më parë, u hodh edhe shorti për këtë fazë, ku goglat vendosën Shqipërinë përballë Polonisë dhe fakti që ne jemi në vazon e tretë, e lejon Poloninë që të jetë pritëse teksa për finalen ishte me short. Shqipëria përballet me fituesin e çiftit Ukrainë-Suedi dhe sërish, kuqezinjtë do të përballen në transfertë. Kështu, nëse Suedia arrin të fitojë, finalja do të luhet në Suedi, ndërsa Ukraina ka zgjedhur t’i luajnë në Spanjë ndeshjet e saj.

REKORDET Shqipëria pati një vit fantastik dhe pësoi vetëm 2 humbje, aty ku kuqezinjtë u mundën vetëm nga Anglia në ndeshjen e parë në mars dhe në ndeshjen e fundit në nëntor. Në këtë periudhë mes marsit dhe dhjetorit, kuqezinjtë ishin thuajse perfektë dhe nuk humbën asnjë ndeshje tjetër. Rezultati më zhgënjyes, natyrisht ishte barazimi 1-1 që Shqipëria mori në Letoni, aty ku duke parë nivelin e kundërshtarit, pritej një fitore nga skuadra jonë Kombëtare. Por, pas asaj ndeshjeje Shqipëria nuk po pësonte më gola dhe arriti të merrte edhe barazim me Serbinë. Kjo sfidë me serbët, u pasua më vonë nga 5 fitore radhazi nga skuadra jonë kuqezi. Fitorja e parë në këtë ecuri rekord për Shqipërinë, erdhi në datën 4 shtator në një miqësore me Gjibraltarin, ku skuadra jonë vuajti, nuk bindi por fitoi me rezultatin e ngushtë 0-1. Pak ditë më parë, kuqezinjtë luajtën në Tiranë me Letoninë dhe sërish fituan me rezultatin 1-0, në një ndeshje pa shkëlqim dhe ku në fakt, vendosi një penallti pasi loja nuk ishte shumë bindëse. Te Kombëtarja dukeshin të kënaqur dhe pas ndeshjeve, shpreheshin se në këtë moment, rëndësi kishin pikët dhe loja e bukur e në fakt, diçka e tillë rezultoi të ishte e rëndësishme. Fitorja me Letoninë u pasua një muaj më vonë nga fitorja në Serbi me rezultatin 0-1, ku për skuadrën tonë ishte ndoshta ndeshja më e mirë që kishte bërë në kualifikuese. Fitoren e katërt radhazi, Shqipëria e mori në miqësore ndaj Jordanisë, aty ku shënoi 4 herë por pësoi 2 gola, ndërkohë që fitorja e pestë radhazi dhe natyrisht shumë e rëndësishme erdhi në nëntor, ku Shqipëria fitoi ndaj Andorrës me rezultatin 0-1. Asnjëherë më parë Shqipëria nuk kishte arritur që të fitonte 5 ndeshje radhazi dhe natyrisht kjo ishte një tjetër arritje në vitin 2025 për kuqezinjtë.

HYSAJ KALON CANËN Elseid Hysaj e kishte vitin 2025 një ndër vitet më të veçanta në aspektin personal për sa i përket Kombëtares. Mbrojtësi shkodran u bë këtë vit futbollisti me më shumë ndeshje për Shqipërinë, duke thyer rekordin absolut që Lorik Cana mbante prej vitesh. Në ndeshjen me Serbinë, ku Shqipëria fitoi 0-1, Hysaj luajti ndeshjet e tij numër 93, duke arritur kështu rekordin e ishkapitenit kuqezi, ndërkohë që vetëm pak ditë më vonë e theu këtë rekord. Në ndeshjen me Jordaninë në Tiranë, Hysaj luajti ndeshjen e 94-ët, e cila ishte edhe zyrtarisht ndeshja që vuri rekordin e ri ndërkohë që vetëm pak javë më vonë, e thelloi këtë rekord pasi luajti edhe me Andorrën në transfertë dhe pak minuta me Anglinë në shtëpi para se të dëmtohej. Kështu, Hysaj e mbylli vitin 2025 në kuotën e 96 ndeshjeve, duke qenë absolutisht futbollisti me numrin më të lartë të ndeshjeve që ka zhvilluar me fanellën kuqezi. Ndryshe nga Cana që ka luajtur vetëm në një Europian, Hysaj ishte pjesë e Shqipërisë edhe në Europianin e vitit të shkuar, si edhe pjesë e historisë për kualifikimin në “Play Off”. Megjithëse te Lacio nuk po kalon momentin më të mirë, te Kombëtarja ka pasur ecuri fantastike dhe ka ditur të bëjë mirë e të jetë protagonist sa herë që i është kërkuar, duke kontribuuar jo pak.

RENDITJA E FIFA-s Fitoret që Shqipëria arriti të merrte në kualifikueset e Botërorit, u pasqyruan edhe në renditjen e FIFA-s, aty ku kuqezinjtë u ngjitën disa herë në klasifikim. Kështu, Shqipëria në muajin mars humbi një vend në klasifikim dhe e shihte veten në vendin e 66 të klasifikimit të përgjithshëm të FIFA-s, teksa kjo zbritje u pasua edhe në muajt në vazhdim, ku ndikuan barazimi me Letoninë dhe ai me Serbinë. Në korrik, Shqipëria humbi 2 pozicione të tjera dhe e shihte veten në vendin e 68- të dhe dukej se makthi nuk po merrte fund. Por, në shtator Shqipëria rikuperoi 2 vende dhe u rikthye sërish në vendin e 66-të të klasifikimit të përgjithshëm. Në muajin tetor, kuqezinjtë ishin për rekord duke rikuperuar plot 5 vende dhe për herë të parë për këtë vit, u rendit në vendin e 61 të klasifikimit të përgjithshëm. Humbja me Anglinë ndikoi për klasifikimin e fundit dhe Shqipëria humbi dy pozicione të tjera dhe e mbylli vitin në vendin e 63-të të klasifikimit të përgjithshëm të FIFA-s. Rekordin absolut për klasifikimin në FIFA, Shqipëria e ka në vitin 2015, kur për herë të parë në histori, Shqipëria e shihte veten të renditur në vendin e 36, si kurrë më parë ndonjëherë.

DEBUTIMET Silvinjo e ka treguar shpesh herë që nuk ka shumë besim te të rinjtë dhe i qëndron besnik lojtarëve që kanë kontribuuar më shumë te Shqipëria. Por, përtej kësaj, Shqipëria kishte edhe debutime në vitin 2025 megjithëse nuk ishin të shumta. Simon Simoni ishte portieri që debutoi këtë vit me Shqipërinë, ndërkohë që të njëjtin fat kishin edhe Pajaziti, Cake e Gripshi me këta dy të fundit që iu desh të prisnin vetëm fundin e vitit për të marrë minutat e para. Në mars debutoi Shehu që ishte edhe një nga lojtarët me më shumë paraqitje që nga debutimi i tij dhe luajti titullar thuajse në të gjitha ndeshjet e kuqezinjve, si në zyrtare, ashtu edhe në ato miqësore. Të tjerë debutues në vitin 2025 me fanellën e Shqipërisë, ishin edhe Maldini Kacurri dhe Kristian Shpendi, të cilët luajtën së bashku në një ndeshje miqësore me Gjibraltarin në muajin shtator.

RINOVIMI I SILVINJOS Kontrata e trajnerit të Kombëtares, Silvinjo përfundonte në muajin dhjetor. Por, kualifikimi për në “Play Off” të Kupës së Botës, bëri që kontrata e trajnerit të Kombëtares të shtyhej për më tej. Kështu, palët kanë arritur akord për të rinovuar kontratën duke e bërë të vlefshme deri në fundin e muajit, mars kur edhe do të luhen dy ndeshjet e fundit të këtij rrugëtimi historik. Nëse Shqipëria arrin të kualifikohet, atëherë kontrata e trajnerit brazilian do të rinovohet automatikisht për në vazhdim të Botërorit dhe vetëm pas përfundimit, do të vendoset përfundimisht për të ardhmen e tij. Nëse rrugëtimi i Shqipërisë përfundon në mars, edhe kontrata e Silvinjos skadon por kjo nuk do të thotë se trajneri do të jetë zyrtarisht i larguar. Me shumë gjasa, palët do të ulen sërish për të diskutuar për të ardhmen dhe dëshira e të dyja palëve, duket se është që të vazhdojë bashkëpunimi edhe për më tej, ku Shqipëria do të ketë provën e madhe për të tentuar sërish Europianin dhe ndoshta edhe për të shkruar histori të reja.

ÇMIMET E BILETAVE Një nga gjërat negative të 2025 për tifozët shqiptarë, natyrisht që kanë qenë çmimet e biletave për kualifikueset e Botërorit. Përveç faktit që ishte shumë e vështirë të gjendeshin bileta dhe se shumica e tyre po shiteshin në treg të zi, një tjetër problem ishin çmimet e shtrenjta nga vetë Federata. Kështu, shumë tifozë mbetën pa biletë jo vetëm për faktin se nuk po i gjenin, por edhe për koston e lartë që kishte për xhepin e tifozëve pasi çmimet ishin relativisht të larta, sidomos për ndeshjet e rëndësishme apo edhe për Anglinë në fund.

The post Shqipëria në histori/ Nga fitorja në Serbi te shanset me Poloninë për Botërorin, 2025 në shifra e fakte appeared first on Albeu.com.

Nejmar po i afrohet fundit të karrierës së tij, por ai ende ka ambicien për të qenë një lojtar kyç me ekipin kombëtar brazilian dhe në Kupën e Botës 2026, një qëllim që e ka ndjekur vitet e fundit.

Për ta bërë këtë, ylli i Santos duhet të rifitojë qëndrueshmërinë fizike dhe një nivel të formës fizike që lëndimet e kanë penguar prej kohësh ta arrijë.

Lista e arritjeve të Nejmar është mbresëlënëse, 30 trofe, përfshirë Copa Libertadores me Santos, Ligën e Kampioneve me Barcelonën dhe medaljen e artë olimpike në Rio 2016.

Ai u emërua dy herë Lojtari i Vitit i Amerikës së Jugut dhe fitoi Çmimin Pushkas për golin më të mirë në vitin 2011.

Megjithatë, karriera e tij është shënuar edhe nga incidente jashtë futbollit që e kanë vënë në pikëpyetje vlerën e tij.

Kalimi nga Barcelona te PSG-ja shënoi një pikë kthese, pavarësisht se ruajti një nivel të lartë teknikash.

Nejmar luftoi për të gjetur qëndrueshmëri, duke mos bërë më shumë se 22 paraqitje në Ligue 1 në pesë sezonet e tij në Francë dhe duke dështuar të fitonte Ligën e Kampioneve, duke humbur finalen në vitin 2020.

Vendimi për t’u transferuar në Arabinë Saudite në moshën 31-vjeç dukej si një lloj “sigurimi” për daljen në pension, por më pas erdhi kthimi në shtëpi te Santos.

Viti 2025 ishte një vit i vështirë, braziliani humbi disa ndeshje për shkak të një dëmtimi dhe luajti tre ndeshjet e fundit me një këputje të meniskut që klubi të mos binte nga kategoria.

Ai tani i është nënshtruar një ndërhyrjeje kirurgjikale dhe është gati ta fillojë vitin 2026 në mënyrën më të mirë të mundshme për t’iu përgjigjur thirrjes së Ançelotit.

Megjithatë, nuk është e sigurt nëse ai do të arrijë atje apo jo.

The post Nejmar dhe ëndrra për Kupën e Botës, braziliani dëshiron të provojë se është gati për Ançelotin appeared first on Albeu.com.

Përzgjedhësi i Shqipërisë Sylvinho beson se “Kuq e Zinjtë” mund të sigurojnë biletën për në Kampionatin Botëror 2026, sidomos pasi sipas tij lojtarët janë mësuar me ndeshjet e vështira.

Në një intervistë ekskluzive për podcastin e “ESPN Brasil”, tekniku brazilian komentoi planet e ekipit dhe për mundësinë historike kanë për të siguruar pjesëmarrjen në Kupën e Botës së ardhshme.

“Ky është një moment shumë i rëndësishëm për ekipin dhe për gjithë vendin. Që nga Kampionati Evropian kemi pasur shorte të forta, por sfidat janë pjesë e rrugës që duhet të ndjekim për të arritur objektivat tona”.

“Që nga janari do t’i monitorojmë lojtarët tanë më nga afër dhe do të jemi të pranishëm në disa ndeshje për të ndjekur performancat e tyre”.

Shqipëria do të përballet me Poloninë në gjysmëfinalen e ‘play-off’-it më 26 mars në Varshavë, një hap kyç drejt ëndrrës së madhe të Kupës së Botës. Në rast fitoreje, kuqezinjtë do të luajnë finalen vendimtare më 31 mars ndaj fituesit të përballjes Ukrainë–Suedi.

Ai theksoi se ndeshje të këtij niveli vendosen nga detajet më të vogla.

“E njohim mirë Poloninë, kemi luajtur kundër tyre kohët e fundit. Ata kanë ndryshuar trajner, por lojtarët mbeten të njëjtë dhe janë të një cilësie të lartë. Ata janë në një fazë rindërtimi, ndërsa ne po kalojmë një periudhë zhvillimi. Nuk ka avantazh të qartë, gjithçka mund të ndryshojë brenda 90 minutave”.

“Lojtarët tanë janë mësuar me sfida të vështira. Do të mbështetemi te cilësitë tona dhe te puna që kemi bërë deri tani.”

Kujtojmë, përballja mes Polonisë dhe Shqipërisë zhvillohet më 26 mars 2026./Telegrafi/

Sipas L’Equipe, Neymar udhëtoi të dielën drejt Belo Horizonte për t’iu nënshtruar një operacioni në gjurin e majtë.

Ndërhyrja do të kryhet nga mjeku i Kombëtares së Brazilit, Rodrigo Lasmar, te sulmuesi 33-vjeçar, i cili ndërkohë mund të zgjasë kontratën me Santosin edhe për gjashtë muaj.

Dr. Lasmar, i cili më parë ka kryer dy operacione te Neymar, tani do të përqendrohet në lehtësimin e lëndimit të meniskut, problem që e ka shqetësuar futbollistin gjatë ndeshjeve të fundit.

Pavarësisht dhimbjeve, Neymar dha një kontribut të madh, duke shënuar pesë gola dhe dhënë një asist në katër ndeshjet e fundit të kampionatit, duke ndihmuar Santosin ta mbyllë sezonin në vendin e 12-të.

Neymar do të qëndrojë jashtë fushave dhe nuk pritet të rikthehet në aksion para fillimit të shkurtit. Me kontratën që i skadon më 31 dhjetor, klubi dhe lojtari raportohet se janë pranë marrëveshjes për një zgjatje gjashtëmujore, çka do ta mbante atë te klubi i fëmijërisë së tij.

Neymar ka shprehur motivimin për të qëndruar në një ambient mbështetës në prag të Kupës së Botës 2026.

“Do të bëjmë gjithçka që mundemi për ta kthyer Kupën e Botës në Brazil. Në korrik, mund të më mbani përgjegjës”, kishte deklaruar së fundmi ai./Telegrafi

Presidenti i Shteteve të Bashkuara, Donald Trump, ka ndaluar tifozët e dy shteteve të tjera që të udhëtojnë drejt SHBA-së për Kupën e Botës 2026, një vendim që rrezikon të shkaktojë pakënaqësi të madhe mes adhuruesve të futbollit.

Shtetet e Bashkuara po përgatiten të organizojnë Kupën e Botës 2026, një ngjarje që do të rikthehet në tokën amerikane pas 32 vitesh, që nga edicioni i vitit 1994, i fituar nga Brazili. Megjithatë, një shpallje e re e nënshkruar nga Trump mund të ndikojë drejtpërdrejt në praninë e tifozëve nga dy vende pjesëmarrëse.

Sipas këtij urdhri të ri, hyrja në SHBA pezullohet për shtetasit e dy vendeve afrikane, Senegalin dhe Bregun e Fildishtë, duke përfshirë vizitat afatshkurtra për turizëm dhe punë. Si pasojë, tifozët nga këto dy shtete mund të mos lejohen të hyjnë në SHBA për të ndjekur ndeshjet e Kupës së Botës që do të zhvillohen në territorin amerikan.

Senegali është pjesë e Grupit I, së bashku me Francën, Norvegjinë dhe fituesin e një play-offi mes Bolivisë, Irakut ose Surinamit. Ndeshjet ndaj Francës dhe Norvegjisë do të luhen në “MetLife Stadium” në New Jersey, pra në SHBA, ndërsa ndeshja e tretë e grupit do të zhvillohet në Toronto të Kanadasë, ku tifozët do të kenë mundësi të jenë të pranishëm.

Një situatë e ngjashme vlen edhe për Bregun e Fildishtë, që ndodhet në Grupin E me Gjermaninë, Ekuadorin dhe Curaçaon. Përballjet ndaj Ekuadorit dhe Curaçaos do të luhen në SHBA, ndërsa ndeshja kundër Gjermanisë do të zhvillohet në Kanada.

Urdhrat e mëparshëm ekzekutivë të administratës Trump kanë parashikuar përjashtime për lojtarët, stafet teknike dhe familjarët e ngushtë, që do të thotë se futbollistët nuk do të kenë probleme për të hyrë në SHBA. Megjithatë, kufizimet përbëjnë një pengesë serioze për tifozët.

Në një deklaratë të Shtëpisë së Bardhë thuhet: “Shpallja përfshin përjashtime për banorët e përhershëm të ligjshëm, mbajtësit e vizave ekzistuese, kategori të caktuara vizash si atletët dhe diplomatët, si dhe individët, hyrja e të cilëve i shërben interesave kombëtare të Shteteve të Bashkuara”.

Ky vendim pritet të shtojë shqetësimet mes tifozëve që planifikojnë të udhëtojnë për të ndjekur Kupën e Botës 2026, në një kohë kur tashmë ka kritika të forta për rritjen e çmimeve të biletave dhe mungesën e kuotave të përballueshme për publikun./Telegrafi

Këtë verë, ndërsa bota mblidhet për të festuar Kupën e Botës 2026, tifozët mund të luajnë një lojë simulimi futbolli FIFA ekskluzivisht në Netflix Games.

Loja, e zhvilluar dhe publikuar nga Delphi Interactive, u lejon anëtarëve të Netflix të përjetojnë emocionin dhe dramën e turneut në formën e saj më të pastër - në një format që është i shpejtë për t'u mësuar dhe emocionues për t'u zotëruar për këdo që merr pjesë.

Plus, mund të luani vetëm ose me miqtë në internet: E tëra çfarë ju nevojitet është Netflix dhe telefoni juaj.

“FIFA është shumë e emocionuar që do të bashkëpunojë me Netflix Games dhe Delphi Interactive përpara Kupës së Botës FIFA 2026. Ky bashkëpunim i madh është një moment kyç në angazhimin e FIFA-s ndaj inovacionit në hapësirën e lojërave të futbollit, e cila aspiron të arrijë miliarda tifozë futbolli të të gjitha moshave kudo në botë. Loja jonë e riimagjinuar shënon vërtet fillimin e një epoke të re të futbollit digjital. Do të jetë në dispozicion falas për anëtarët e Netflix dhe është një hap i madh historik për FIFA-n”, tha presidenti i FIFA-s, Gianni Infantino.

“Futbolli është gjëja më e madhe në botë”, tha Casper Daugaard, themelues dhe drejtor ekzekutiv i Delphi Interactive.

“Misioni ynë është i thjeshtë: Ta bëjmë FIFA-n lojën më argëtuese, më të arritshme dhe globale të futbollit të krijuar ndonjëherë.”

Miliona njerëz tashmë e shikojnë Netflix në televizorët e tyre, dhe tani mund të luajnë edhe lojëra aty.

Loja e re FIFA do t'u bashkohet titujve të publikuar së fundmi si pjesë e një grupi lojërash që anëtarët e Netflix mund t'i gjejnë në televizorët e tyre, së bashku me shfaqjet dhe filmat e tyre të preferuar, duke përdorur telefonat si kontrollues. /Telegrafi/

Mesfushori argjentinas, Franco Mastantuono po shqyrton një huazim gjashtëmujor nga Real Madridi për të rritur shanset për Kupën e Botës 2026.

Sipas mediumit El Nacional, ylli argjentinas Franco Mastantuono po e konsideron seriozisht një largim afatshkurtër nga Real Madridi gjatë gjysmës së dytë të sezonit.

Mesfushori i ri synon të sigurojë minuta të rregullta loje, me qëllim që të mbetet pjesë e planeve të trajnerit Lionel Scaloni për Kombëtaren e Argjentinës dhe të rrisë gjasat për pjesëmarrje në Kupën e Botës 2026.

Burime pranë lojtarit bëjnë të ditur se opsioni i huazimit për gjashtë muaj po shihet si një hap strategjik, i orientuar drejt zhvillimit personal dhe konkurrencës në nivel të lartë.

Ky vendim nuk lidhet me mungesë besimi te e ardhmja e tij në “Santiago Bernabeu”, pasi Mastantuono vazhdon të shihet si një investim afatgjatë i Real Madridit. /Telegrafi/

FIFA ka njoftuar të mërkurën se fondi total i shpërblimeve për Kupën e Botës 2026 do të arrijë në 558 milionë euro, që përfaqëson një rritje prej rreth 50 për qind krahasuar me Kupën e Botës 2022 në Katar.

Kampion në fuqi i botës mbetet Argjentina, e cila tri vite më parë e fitoi trofeun pas finales dramatike ndaj Francës, të vendosur me penallti.

Çdo kombëtare që do të kualifikohet për Kupën e Botës 2026 do të përfitojë 1.28 milionë euro si mbulim për kostot e përgatitjes, para nisjes për SHBA, Kanada dhe Mekisikë.

Në total, FIFA do të shpërndajë rreth 619 milionë euro për ekipet pjesëmarrëse në turneun që do të organizohet në Shtetet e Bashkuara të Amerikës, Kanada dhe Meksikë.

Kosova dhe Shqipëria, në muajin mars do të luajnë për mundësinë për t’u kualifikuar për Kampionatin Botërorin të vitit 2026, por edhe për milionat që mund të marrin.

Kosova luan me Sllovakinë e më pas në finale kundër Rumanisë apo Turqisë, ndërsa Shqipëria kundër Polonisë në gjysmëfinale dhe më pas fituesen e çiftit Ukrainë-Suedi.

Me 1.2 milion euro për kualifikim dhe 7 milionë euro minimalisht për pjesëmarrje, për ekipet që zënë vendet nga 33 deri në 48, pra që eliminohen në fazën e grupeve, Kosova dhe Shqipëria, do të kishin minimalisht 8.2 milionë euro.

Shpërndarja e shpërblimeve (në euro)

Kampioni i botës – 42.6 milionë euro

Nënkampioni – 28 milionë euro

Vendi i tretë – 24 milionë euro

Vendi i katërt – 23 milionë euro

Vendet 5–8 – 16 milionë euro

Vendet 9–16 – 13 milionë euro

Vendet 17–32 – 9 milionë euro

Vendet 33–48 – 7 milionë euro

/Telegrafi/

Federata Ndërkombëtare e Futbollit (FIFA) i është përgjigjur kritikave për çmimet e larta të biletave për Kupën e Botës 2026, duke bërë një kategori të lirë.

FIFA tani ka prezantuar kategori të reja çmimesh prej 60 dollarësh, të cilat do të jenë të disponueshme për blerje për të gjitha 104 ndeshjet, përfshirë ndeshjen finale.

Kjo tarifë do të jetë fikse për të gjitha ndeshjet në të gjithë turneun, përfshirë finalen, dhe vlen për rreth 2 për qind të të gjitha biletave të Kupës së Botës 2026.

Biletat nga kategoria e çmimeve të krijuar rishtazi "niveli i tifozëve" do t'u ndahen federatave kombëtare për ndeshjet individuale në të cilat do të luajnë ekipet e tyre.

Këto federata pritet të vënë biletat në dispozicion të "tifozëve besnikë që janë të lidhur ngushtë me ekipet e tyre kombëtare", thuhet në deklaratën zyrtare.

Ky veprim vjen pasi tifozët u tronditën dhe u zemëruan nga çmimet që varionin nga 120 deri në 265 dollarë për ndeshjet e fazës së grupeve, ndërsa çmimi për ndeshjen finale, që do të luhet më 19 korrik në East Rutherford, New Jersey, është 4,185 deri në 8,680 dollarë. /Telegrafi/

Mbrëmjen e së hënës, u zhvillua ceremonia e “Topit të Artë 2025”, aty ku kapiteni i Kombëtares, Berat Gjimshiti u zgjodh “Lojtari i Vitit i Kombëtares”.

Kapiteni u ngjit në skenë për të marrë çmimin dhe falenderoi të gjithë protagonistët që e kanë ndihmuar që të arrijë atë çmim, ndërkohë që pas ceremonisë foli para mediave ku u ndal edhe te Kombëtarja dhe ndeshjet e “Play Off” në mars.

Gjimshiti e mori këtë çmim nga votat e bashkëlojtarëve të tij, të cilët zgjodhën pikërisht kapitenin si më të mirin e vitit.

ÇMIMI- “Së pari ju përgëzoj për organizmin dhe faleminderit. Besoj se vitin e kaluar, mami im bëri një figurë më të mirë se imja. Falënderoj çunat e Kombëtares sepse pa ata nuk vlen asgjë. Futbolli është kolektiv dhe i falënderoj ata, stafin dhe presidentin Duka. Falënderoj edhe kryeministrin dhe më të rëndësishmit, familjen time për sakrificat që kanë bërë. Jam shumë i lumtur që jam sot këtu dhe që e fitoj këtë çmim. Është krenari, por sërish e them që futbolli është një lojë kolektive dhe e ndaj me të gjithë bashkë lojtarët e mi. Sigurisht që është edhe fitore e atyre”.

PLAY OFF- “Rivalët sigurisht që kanë më shumë eksperiencë, kanë shkuar shumë shpesh në Botëror, por prapë besoj se shanset tona janë 50 me 50. Pse jo, të ëndërrojmë. Të jenë të gjithë çunat gati në mars dhe të shkruajmë historinë e futbollit shqiptar”.

PREMTIM- “Si të gjithë, do të japim maksimumin dhe shpirtin në fushë. Të gjithë së bashku do ta arrijmë qëllimin që kemi”.

DËMTIMI- Aktualisht, Gjimshiti ndodhet jashtë fushave për shkak të një problemi fizik. Në ndeshjen e fundit kundër Kaljarit, kapiteni i Kombëtares u detyrua të largohej në minutën e 55-të pas një tendosjeje muskulore në fleksorin e djathtë.

Gjendja e tij do të monitorohet në ditët në vijim, por kjo ndalesë e përkohshme nuk e zbeh aspak një sezon ku ai ka qenë protagonist absolut. Me shumë gjasa, Gjimshiti do të mungojë për skuadrën e tij në ndeshjen e radhës, por pritet që të rikthehet në fushë menjëherë pas kësaj jave dhe mund të kontribuojë me fanellën e Atalantës, që po kalon një moment shumë të mirë.

The post Berat Gjimshiti: Kemi shanse për në Kupën e Botës, të gjithë çunat të jenë gati në mars appeared first on Albeu.com.

Një skandal serioz ka shpërthyer në futbollin afrikan, vetëm disa muaj para ndeshjeve eliminatore ndërkontinentale për Kupën e Botës.

Federata e Futbollit e Nigerisë ka paraqitur një ankesë në FIFA, duke akuzuar Republikën Demokratike të Kongos për përdorimin e lojtarëve të papërshtatshëm gjatë ndeshjeve kualifikuese.

Nigerianët pretendojnë se deri në nëntë lojtarë të RD Kongos kanë ndryshuar shtetësinë e tyre sportivo-kombëtare pak para ndeshjes vendimtare ndaj ekipit të tyre.

Midis emrave të përfshirë janë lojtarë të njohur si Axel Tuanzebe, Arthur Masuaku, Aaron Wan-Bissaka dhe Charles Pickel Sadiki.

Federata Kongoleze ka pranuar se procedurat administrative për ndryshimin e shtetësisë nuk ishin përfunduar në kohë, megjithatë, ata argumentojnë se lojtarët kanë përmbushur detyrat e kërkuara.

Problemi është edhe më i ndërlikuar, pasi kushtetuta e Republikës Demokratike të Kongos nuk lejon shtetësi të dyfishtë. Sipas akuzave nga Nigeria, disa lojtarë mund të kenë mbajtur shtetësinë e mëparshme, çka i bën ata të papërshtatshëm për të luajtur për RD Kongon.

Nëse këto akuza vërtetohen, FIFA mund të anulojë rezultatet e ndeshjeve në të cilat ata kanë luajtur, duke i hequr RD Kongos mundësinë për të marrë pjesë në fazën finale të fazës eliminatore ndërkontinentale.

Nëse ankesat e Nigerisë pranohen, futbolli afrikan mund të përballet me një skandal të madh që mund të ketë pasoja serioze për Kupanë e Botës 2026. /Telegrafi/

Drejtësia argjentinase po i vë në lëvizje të gjitha forcat për rastin e presidentit të Federatës Argjentinase të Futbollit (AFA), Claudio “Chiqui” Tapia.

Gjykatësi Federal, Daniel Rafecas urdhëroi bastisje të reja në një komunitet të rrethuar në Pilar, ku një pronë luksoze e regjistruar në emër të Real Central SRL, e lidhur me Luciano Pantano dhe Ana Lucia Conte, të dyshuar si persona të lidhur me presidentin e AFA-s, është nën hetim. Të dyve u ndalohet të largohen nga vendi.

Operacioni është përveç atyre të kryera në më shumë se pesëmbëdhjetë klube dhe një zyrë në qendër të Buenos Airesit, të gjitha pjesë e hetimit që kërkon të sqarojë akumulimin e pasurisë së Tapias dhe bashkëpunëtorëve të tij.

Gjithashtu nën hetim janë arkëtari Pablo Toviggino, i identifikuar si një banor i mundshëm i rezidencës, dhe firma financiare Sur Finanzas, e akuzuar për operim me kredi për klubet në kushte abuzive.

Çështja ka shkuar tashmë përtej botës së futbollit. Gjykatat duan të dinë nëse ka pasur pasurim të paligjshëm dhe përdorim të personave të famshëm, ndërsa FIFA po vëzhgon nga afër për të shmangur çdo ndërhyrje të mundshme politike që mund ta përjashtojë Argjentinën nga Kupa e Botës 2026 në Shtetet e Bashkuara, Kanada dhe Meksikë, shpjegon gazeta prestigjioze La Nación.

Dhe mes skandalit, kampionët në fuqi të botës po ecin me kujdes. Lionel Scaloni është i pasigurt nëse do të luajë në finale kundër Spanjës në mars në Finalissima, një tjetër shenjë e atmosferës së tensionuar që aktualisht rrethon AFA-n. /Telegrafi/

Nuk do ta arrijë dot patrioten e saj, Shifrin. Në të vërtetë, vështirë se mund të pretendojë të shpallet sërish kampione e botës, por gjithsesi ajo që Lindsi Von bëri në Sankt Moric ishte e jashtëzakonshme.

Skiatorja alpine legjendare amerikanë fitoi një garë në Kupën e Botës pas 8 vitesh të mbushura me dëmtime, dhe në moshën 41-vjeçare.

Ky është rekord për meshkuj e për femra, dhe e lë rekordin e vjetër 3 vjet prapa. Ishte gara e parë e zbritjes së lirë për këtë sezon dhe u mbajt në Alpet zvicerane, në Sankt Moric.

Von, katër herë kampione e botës, dha kohën 1’29’63, 98 të qindat e sekondës më mirë sesa austriakia Magdalena Eger, që doli e dyta.

Ishte gjithashtu fitorja e 83-të e amerikanes, që mbetet e dyta pas amerikanes tjetër Mikaela Shifrin, në renditjen e më të mirëve për të gjitha kohët.

Cilat do të jenë planet e mëtejshme të veteranes? Ajo u mjaftua të bënte shaka duke thënë se i ndryshoi kalendari i dimrit, e ndoshta do të donte një titull të 9-të botëror në zbritjen e lirë, për të shtuar edhe më tej rekordin e saj.