Presidenti ukrainas Volodymyr Zelensky do të rifillojë bisedimet me të dërguarit e presidentit të SHBA-së, Donald Trump në Berlin të hënën, pasi pala amerikane tha se ishte bërë "shumë përparim" në përfundimin e konfliktit më vdekjeprurës të Evropës që nga Lufta e Dytë Botërore.

Zelensky do të takohet përsëri me të dërguarin e SHBA-së, Steve Witkoff dhe dhëndrin e Trump, Jared Kushner, pas pesë orësh bisedimesh të dielën, me udhëheqës të tjerë evropianë që gjithashtu do të zhvillojnë takime në kryeqytetin gjerman gjatë gjithë ditës.

Ukraina tha të dielën se ishte e gatshme të hiqte dorë nga ambicia e saj për t'u bashkuar me aleancën e NATO-s në këmbim të garancive perëndimore të sigurisë.

Por nuk ishte menjëherë e qartë se sa larg kishin përparuar bisedimet për këtë ose çështje të tjera jetësore, siç është e ardhmja e territorit ukrainas, dhe sa shumë bisedimet në Berlin mund ta bindnin Rusinë të binte dakord për një armëpushim, shkruajnë mediat e huaja, përcjell Telegrafi.

Bisedimet vijnë në fillim të një jave vendimtare për Evropën, me një samit të BE-së të enjten që do të vendosë nëse mund të mbështesë një kredi masive për Ukrainën me asete të ngrira të bankës qendrore ruse.

Evropa është kritikuar ashpër nga administrata Trump në javët e fundit për shkak të politikave të saj mbi migracionin, sigurinë dhe rregullimin e kompanive të mëdha të teknologjisë.

E në anën tjetër, Bashkimi Evropian dhe qeveritë kombëtare kanë luftuar për të gjetur një përgjigje të unifikuar ndaj kritikave të SHBA-së.

Ministrat e jashtëm të BE-së do të takohen në Bruksel të hënën për të rënë dakord për sanksione të reja kundër Rusisë, megjithëse mundësia e një pengese të menjëhershme për të rënë dakord për një marrëveshje tregtare të BE-së me Amerikën Latine kërcënon të minojë më tej përpjekjet e tyre për të treguar forcë.

"Ne do të vazhdojmë të bëjmë gjithçka që mundemi për të siguruar që Ukraina të arrijë pozicionin më të mirë të mundshëm negociues dhe, në rast dështimi, që të ketë të gjitha mjetet e nevojshme për t'u hakmarrë kundër kësaj lufte agresioni", tha ministri i Jashtëm gjerman Johann Wadephul për radion Deutschlandfunk.

Presidenti finlandez Alexander Stubb, i cili ka qenë i përfshirë ngushtë në bisedimet për Ukrainën dhe po takohej me Zelenskyn të hënën në mëngjes përpara negociatave të SHBA-së, shprehu një notë shpresëdhënëse.

"Mendoj se jemi në një moment kritik në negociatat për paqe", tha ai për programin televiziv holandez Buitenhof të transmetuar të dielën.

“Dhe në të njëjtën kohë, ndoshta jemi më afër një marrëveshjeje paqeje sesa kemi qenë në çdo kohë gjatë këtyre katër viteve”, tha Stubb, i cili u takua gjithashtu me Kushnerin në Berlin të dielën në mbrëmje. /Telegrafi/

Ministri i Jashtëm gjerman, Johann Wadephul, i kërkoi të dielën Pekinit të përdorë ndikimin e tij mbi Moskën gjatë konsultimeve mbi një armëpushim në Ukrainë, përpara vizitës së tij të parë në Kinë.

"Asnjë vend tjetër nuk ka aq shumë ndikim mbi Rusinë sa Kina dhe është në gjendje të përdorë peshën e saj për të siguruar që Rusia të jetë më në fund e përgatitur për negociata serioze mbi respektimin e sovranitetit të Ukrainës", tha Wadephul në Berlin.

"Është në interesin tonë që Kina të kontribuojë në arritjen e një paqeje të drejtë dhe të qëndrueshme në Ukrainë", shtoi Wadephul.

Kina është akuzuar nga Perëndimi se mbështet përpjekjet ruse të luftës, ndërsa këmbëngul të jetë neutrale.

Wadephul tha se angazhimi me Kinën ishte thelbësor në kohë tensionesh ndërkombëtare në rritje dhe se liria, siguria dhe prosperiteti ishin të lidhura ngushtë me Pekinin, përcjell Telegrafi.

"Kjo do të thotë se zhvillimi i këtij dialogu është në interesin tonë - në shkëmbim të drejtpërdrejtë dhe me drejtësi", tha ai.

Gjatë vizitës në Kinë, Wadephul do të adresojë kufizimet e Pekinit mbi eksportin e metaleve të rralla thelbësore për pjesën më të madhe të industrisë gjermane.

Wadephul do të pritet nga zëvendëspresidenti Han Zheng, ndërsa do të zhvillojë bisedime mbi çështjet kryesore me ministrin e Jashtëm, Wang Yi dhe ministrin e Tregtisë, Wang Wentao.

Ai do të takohet gjithashtu me Liu Haixing, ministër në seksionin ndërkombëtar të komitetit qendror të Partisë Komuniste.

Diplomati më i lartë i Gjermanisë do të ngrejë gjithashtu situatën në Lindjen e Mesme, si dhe shqetësimet në lidhje me Detin e Kinës Jugore dhe Ngushticën e Tajvanit.

Një ndryshim në statusin e Tajvanit mund të ndodhë vetëm me marrëveshje dhe me mjete paqësore, theksoi ai.

Ai tha se Kina, si anëtare e përhershme e Këshillit të Sigurimit të OKB-së, mban përgjegjësi për paqen dhe stabilitetin dhe për ruajtjen e parimeve të Kartës së OKB-së. /Telegrafi/

Ministri i Jashtëm gjerman Johann Wadephul i kërkoi Pekinit të përdorë ndikimin e tij mbi Moskën gjatë konsultimeve për armëpushimin në Ukrainë, përpara vizitës së tij të parë në Kinë.

“Asnjë vend tjetër nuk ka aq shumë ndikim ndaj Rusisë sa Kina për të siguruar që Moska të pranojë negociata serioze mbi respektimin e sovranitetit të Ukrainës”, tha Wadephul në Berlin.

“Është në interesin tonë që Kina të kontribuojë në arritjen e një paqeje të drejtë dhe të qëndrueshme në Ukrainë”, shtoi ai.

Kina është akuzuar nga Perëndimi se po mbështet përpjekjet ruse të luftës, ndërsa Pekini ka këmbëngulur se ka mbajtur një qëndrim neutral.

Wadephul tha se angazhimi me Kinën ishte thelbësor në kohë tensionesh ndërkombëtare dhe se liria, siguria dhe prosperiteti ishin të lidhura ngushtë me Pekinin.

Gjatë vizitës në Kinë, Wadephul do të adresojë kufizimet e Pekinit ndaj eksportit të metaleve të rralla – thelbësore për pjesën më të madhe të industrisë gjermane.

Wadephul do të pritet nga zëvendëspresidenti Han Zheng dhe do të zhvillojë bisedime mbi çështjet kryesore me ministrin e Jashtëm, Wang Yi dhe ministrin e Tregtisë, Wang Wentao.

Ai do të takohet gjithashtu me Liu Haixing, ministrin e seksionit ndërkombëtar të komitetit qendror të Partisë Komuniste.

Diplomati më i lartë i Gjermanisë do të fokusohet gjithashtu situatën në Lindjen e Mesme, si dhe shqetësimet në lidhje me Detin e Kinës Jugore dhe Ngushticën e Tajvanit.

Administrata e presidentit amerikan, Donald Trump ka deklaruar se Evropa, brenda dy dekadave të ardhshme, do përballet me një “fshirje civilizuese” si rezultat i migracionit dhe integrimit në Bashkimit Evropian.

Në dokumentin e publikuar të Strategjisë së Sigurisë, SHBA-ja thekson se do të “nxisë rezistencën” në kontinent ndaj “trajektores aktuale evropiane”.

Duke reaguar ndaj publikimit të dokumentit, ministri gjerman i punëve të Jashtme, Johann Wadephul, deklaroi se amerikanët mbesin aleat kyç i sigurisë, por se “çështjet e lirisë së shprehjes apo të organizimit të shoqërive tona të lira” nuk hyjnë në këtë kategori.

“Ne konsiderojmë se jemi plotësisht të aftë të diskutojmë për këto çështje vetë në të ardhmen dhe nuk kemi nevojë për këshilla të jashtme”, u shpreh ai.Megjithatë, ai tha se tani do ta “analizonte në detaje strategjinë e re të sigurisë së SHBA-së”, raporton dw.

Ndryshe, dokumenti prej 33 faqesh, i cili përmban hyrjen e nënshkruar nga Trumpi, thuhet se Evropa është në rënie ekonomike, por se “problemet e saj të vërteta janë edhe më të thella”. Ndër to theksohen “aktivitetet e BE-së që minojnë lirinë politike dhe sovranitetin, politikat migratore që po transformojnë kontinentin, censurimi i lirisë së fjalës dhe shtypja e opozitës politike… si dhe humbja e identiteteve kombëtare”.

Në tekst shtohet se “nëse trendet aktuale vazhdojnë, kontinenti do të jetë i panjohshëm për 20 vjet ose edhe më pak”.

Për këtë arsye, politika amerikane duhet të përfshijë “nxitjen e rezistencës kundër trajektores aktuale evropiane brenda kombeve të Evropës”.

Dokumenti thekson qartë rreshtimin e administratës së Trumpit me partitë evropiane nacionaliste të ekstremit të djathtë, “ndikimi në rritje i të cilave… është arsye për optimizëm të madh”. Si shembull i lidhjeve të ngushta përmendet vizita e një zyrtari të lartë të partisë gjermane Alternativa për Gjermaninë (AfD) në Shtëpinë e Bardhë në muajin shtator, për takime me zyrtarë të lartë amerikanë. /Telegrafi/

Në një video të xhiruar në avionin qeveritar, pas kthimit nga vizita në 6 vendet e Ballkanit, Johann Wadephul, tregon telefonin e tij mobil: në playlistën e tij shihet albumi Radical Optimism i Dua Lipës.

Wadephul zbulon edhe një sekret: “Kam pasur një biletë për të shkuar me vajzën time më të voglën në koncertin e saj, por pastaj u bëra ministër i jashtëm”.

Në vijim postimi i ministrit të jashtëm gjerman në Instagram lidhur me vizitën e tij në vendet e Ballkanit: “Pas meje qëndron një udhëtim intensiv në Ballkanin Perëndimor dhe ai tregoi edhe një herë se sa vendimtar është ky moment për Evropën.

Bëhet fjalë për pyetjen se si duam ta formësojmë sigurinë dhe të ardhmen e kontinentit tonë. Sepse pikërisht tani, në një kohë kur agresioni ushtarak i Rusisë kundër Ukrainës vazhdon me gjithë ashpërsinë, nuk guxojmë t’ia lëmë lagjen tonë të afërt ndikimit të shteteve autoritare.

Në qendër të bisedave të mia në të gjitha këto vende ishte procesi i anëtarësimit në BE. Sepse të gjashtë vendet duan që në të ardhmen t’i përkasin BE-së, komunitetit tonë të paqes dhe vlerave.

Dhe këtu vlen parimi: Nuk mund të ketë rrugë të shkurtër. Të gjitha kriteret duhet të plotësohen para se të mund të ketë anëtarësim - nga funksionimi i shtetit ligjor, te lufta efektive kundër korrupsionit dhe krimit të organizuar, e deri te forcimi i të drejtave themelore demokratike.

Por: Kur përpjekjet reformuese janë të dukshme dhe zbatohen në mënyrë të qëndrueshme, ato duhet edhe të vlerësohen, me një perspektivë të vërtetë brenda BE-së. Pikërisht Mali i Zi dhe Shqipëria kanë bërë përparime të mëdha vitet e fundit. Në të njëjtën kohë, nuk nevojiten vetëm përparime në rajon.

Edhe vetë BE-ja duhet të jetë e gatshme për reforma - nëpërmjet proceseve më efikase të vendimmarrjes, për shembull më shumë vendime me shumicë të kualifikuar. Vetëm kështu Evropa mbetet e aftë të veprojë dhe e gatshme për anëtarë të rinj. Ballkani Perëndimor i përket familjes evropiane. Dhe Gjermania mbetet një partner i besueshëm në rrugën e përbashkët drejt BE-së. /Telegrafi/

PRISHTINË, 19 nëntor /ATSH/ Kryeministri në detyrë i Republikës së Kosovës, Albin Kurti, ka pritur sot në takim ministrin e Punëve të Jashtme të Gjermanisë, Johann Wadephul, me të cilin diskutoi mbi marrëdhëniet bilaterale, proceset integruese dhe zhvillimet e fundit në Kosovë dhe rajon.

Në fillim të takimit, Kurti i uroi mirëseardhje ministrit gjerman dhe shprehu mirënjohjen për mbështetjen e pandërprerë të Gjermanisë ndaj Kosovës. Ai theksoi se partneriteti ndërmjet dy vendeve “është i rrënjosur në vlera të përbashkëta dhe vizion të përbashkët për një Evropë të qëndrueshme, demokratike dhe të sigurt”.

Sipas një komunikate të Qeverisë, Kurti nënvizoi rezultatet e qeverisjes gjatë këtij mandati, duke përmendur rritjen ekonomike, forcimin e demokracisë, sundimit të ligjit dhe progresin në luftën kundër korrupsionit, të reflektuar edhe në raportet ndërkombëtare. Ai ritheksoi se Kosova është e përkushtuar të thellojë bashkëpunimin me Gjermaninë dhe të avancojë drejt Bashkimit Evropian dhe NATO-s. Kurti theksoi se Kosova meriton statusin e vendit kandidat për BE, duke kërkuar që Komisioni Evropian të dorëzojë sa më shpejt pyetësorin e anëtarësimit.

Një pjesë e rëndësishme e diskutimit iu kushtua rolit të diasporës kosovare në Gjermani, duke vlerësuar kontributin e saj në rritjen e bashkëpunimit ekonomik, investimeve dhe forcimin e lidhjeve ndërmjet dy popujve.

Në takim u trajtuan edhe zhvillimet në dialogun Kosovë-Serbi. Kryeministri Kurti rikujtoi se edhe më shumë se dy vjet pas sulmit terrorist në Banjskë, organizatori i dyshuar i këtij sulmi, Millan Radoiçiq, vazhdon të jetë i lirë në Serbi, ndërsa Beogradi zyrtar refuzon ta ekstradojë atë dhe grupin e tij, pavarësisht provave dhe aktakuzës së Prokurorisë së Kosovës. Sipas tij, kjo situatë paraqet ende rrezik për sigurinë e vendit.

Në fund, kryeministri Kurti e falënderoi ministrin Wadephul për vizitën, mbështetjen e vazhdueshme të Gjermanisë dhe kontributin e trupave gjermane në kuadër të misionit të KFOR-it për ruajtjen e paqes dhe stabilitetit në Kosovë.

Megjithatë, në këtë komunikatë, nuk përmendet asnjë qëndrim i ministrit Wadephul.

/KosovaPress/

The post Kurti takim me ministrin e Jashtëm gjerman Wadephul appeared first on Agjencia Telegrafike Shqiptare.

Kryeministri në detyrë i Republikës së Kosovës, Albin Kurti, ka pritur sot në takim ministrin e Punëve të Jashtme të Gjermanisë, Johann Wadephul, me të cilin diskutoi mbi marrëdhëniet bilaterale, proceset integruese dhe zhvillimet e fundit në Kosovë dhe rajon.

Në fillim të takimit, Kurti i uroi mirëseardhje ministrit gjerman dhe shprehu mirënjohjen për mbështetjen e pandërprerë të Gjermanisë ndaj Kosovës. Ai theksoi se partneriteti ndërmjet dy vendeve “është i rrënjosur në vlera të përbashkëta dhe vizion të përbashkët për një Evropë të qëndrueshme, demokratike dhe të sigurt”.

Sipas një komunikate të Qeverisë në detyrë, Kurti nënvizoi rezultatet e qeverisjes gjatë këtij mandati, duke përmendur rritjen ekonomike, forcimin e demokracisë, sundimit të ligjit dhe progresin në luftën kundër korrupsionit, të reflektuar edhe në raportet ndërkombëtare.

Ai ritheksoi se Kosova është e përkushtuar të thellojë bashkëpunimin me Gjermaninë dhe të avancojë drejt Bashkimit Evropian dhe NATO-s. Kurti theksoi se Kosova meriton statusin e vendit kandidat për BE, duke kërkuar që Komisioni Evropian të dorëzojë sa më shpejt pyetësorin e anëtarësimit.

Një pjesë e rëndësishme e diskutimit iu kushtua rolit të diasporës kosovare në Gjermani, duke vlerësuar kontributin e saj në rritjen e bashkëpunimit ekonomik, investimeve dhe forcimin e lidhjeve ndërmjet dy popujve.

Në takim u trajtuan edhe zhvillimet në dialogun Kosovë–Serbi. Kryeministri Kurti rikujtoi se edhe më shumë se dy vjet pas sulmit terrorist në Banjskë, organizatori i dyshuar i këtij sulmi, Millan Radoiçiq, vazhdon të jetë i lirë në Serbi, ndërsa Beogradi zyrtar refuzon ta ekstradojë atë dhe grupin e tij, pavarësisht provave dhe aktakuzës së Prokurorisë së Kosovës. Sipas tij, kjo situatë paraqet ende rrezik për sigurinë e vendit.

Në fund, kryeministri Kurti e falënderoi ministrin Wadephul për vizitën, mbështetjen e vazhdueshme të Gjermanisë dhe kontributin e trupave gjermane në kuadër të misionit të KFOR-it për ruajtjen e paqes dhe stabilitetit në Kosovë.

Megjithatë, në këtë komunikatë, nuk përmendët asnjë qëndrim i ministrin Wadephul. /Telegrafi/

Kryeministri në detyrë i Kosovës, Albin Kurti, ka pritur ministrin gjerman të Punëve të Jashtme, Johann Wadephul, duke theksuar partneritetin e palëkundur mes dy vendeve.

“Gjermania ka qenë partnere e palëkundur e nën edhe para pavarësisë. Si dy shtete mike dhe aleate, bashkëpunimin e kemi të rrënjosur në vlerat e përbashkëta që kemi si shoqëri dhe popuj, dhe në vizionin që ndajmë për një Evropë demokratike, të zhvilluar dhe të sigurt,” tha Kurti.

Kurti gjithashtu uroi mirëseardhjen ministrit gjerman dhe theksoi përkushtimin e Kosovës për bashkëpunim të mëtejshëm.

“E sigurova se Republika e Kosovës është e vendosur dhe e përkushtuar të punojë bashkë me Gjermaninë për të thelluar raportet bilaterale dhe për të avancuar në rrugën e saj drejt Bashkimit Evropian dhe NATO-s”, u shpreh Kurti.

Takimi u fokusua në forcimin e marrëdhënieve dypalëshe dhe në angazhimet e Kosovës për integrim euro-atlantik. /Telegrafi/

Ministri i Jashtëm gjerman, Johann Wadephul i kërkoi sot Serbisë t’i japë fund ekuilibrimit diplomatik mes Rusisë dhe Bashkimit Evropian dhe të përcaktohet qartë për kursin evropian.

Gjatë takimit me homologun e tij, Marko Duriç, në Beograd, Wadephul tha se Serbia duhet të vendosë nëse dëshiron të ndjekë me vendosmëri rrugën drejt BE-së, duke u përafruar me politikën e jashtme dhe të sigurisë së unionit, apo të dërgojë “sinjale të përziera që nuk përputhen me vlerat dhe politikat themelore të Bashkimit Evropian”.

Duriç deklaroi se Serbia mbetet  e vendosur dhe e përkushtuar drejt anëtarësimit në BE.

Wadephul i bëri thirrje qeverisë së presidentit Aleksandar Vuçiç të vazhdojë të ndihmojë në forcimin e mbrojtjes së Ukrainës dhe të ushtrojë presion mbi Rusinë për t’i dhënë fund luftës në Ukrainë.

Ai nënvizoi se anëtarësimi në BE kërkon “përparim të prekshëm në reforma, sidomos në  forcën e  ligjit dhe luftën kundër korrupsionit”, si edhe një angazhim të qartë ndaj vlerave evropiane .

Megjithë dallimet, Wadephul theksoi fushat ku mund të ketë bashkëpunim, si furnizimi me energji dhe zgjerimi i burimeve të rinovueshme, me synimin për të reduktuar varësinë nga karburantet fosile ruse.

Presidentja e Kosovës, Vjosa Osmani ka pritur sot në takim ministrin e Punëve të Jashtme të Gjermanisë, Johann Wadephul.

Pas takimit, Osmani dhe Wadephul kanë mbajtur një konferencë të përbashkët për media, transmeton Telegrafi.

Osmani deklaroi se Republika e Gjermanisë ka qenë dhe do të mbetet aleat tradicional i Kosovës.

"Ka qëndruar me ne në momentet më të vështira të Kosovës. Populli i Kosovës e sheh Gjermaninë si mikun më të afërt dhe aleatin më të besueshëm. Qindra mijëra shtetas të Kosovës jetojnë në Gjermani, dhe ne jemi krenar për integrimin e tyre shembullor. Ne e vlerësojmë miqësinë me Gjermaninë, dhe jemi të gatshëm për ndërtojmë një të ardhme të qëndrueshme", theksoi Osmani.

Ndërsa, ministri gjerman, Johann Wadephul, deklaroi se është mirë që Kosova qëndron në anën e tyre.

"Është mirë që Kosova është në anën tonë, ne të gjithë qofshim në BE apo jo, duhet t’ia bëjmë të qartë Rusisë se destabilizimi, dezinformimi, manipulimi, nuk kanë vend në kontinentin tonë .Përpjekjeve për destabilizim, iu përgjigjemi me një Evropë të bashkuar", tha Wadephul.

Ai shtoi tutje se zhvillimi i Kosovës është dëshmi e suksesit, duke shtuar tutje se "shpreson që sa më shpejtë të ketë një qeveri".

Ministri gjerman ka theksuar se Kosovës i duhet sa më shpejt një qeveri e aftë dhe se votuesit janë duke pritur formimin e qeverisë që 8 muaj.

“Ne jemi të bindur që Kosova e ka forcën dhe vullnetin për të zbatuar reformat e nevojshme. Gjermania është e gatshme që të iu ndihmojë me gjithë fuqinë që ka në këtë rrugëtim. Mbetet esenciale që gjendja këtu të mbetet e qetë.... dhe të mos vijë te konfrontimet siç ka ndodhur më 2023, 2024. Gjermania mbështet dialogun. Ky proces ka ngecur kohëve të fundit. Është shumë e rëndësishme që këtu të ketë përparim konkret. Marrëveshja e Ohrit duhet të zbatohet shpejt dhe në plotëni, këtë e presim nga të dyja palët. Dialogu për normalizim duhet të vazhdojë me kriterin për mirëkuptim”, ka thënë ai. /Telegrafi/

Presidentja e Kosovës, Vjosa Osmani ka pritur në takim ministrin e Punëve të Jashtme të Gjermanisë, Johann Wadephul.

Takimi ndërmjet tyre është duke u mbajtur në presidencës.

Pas Osmanit, ministri gjerman do të zhvillojë një takim edhe me kryeministrin në detyrë, Albin Kurti./Telegrafi/

TIRANË, 17 nëntor /ATSH/ Ministrja për Europën dhe Punët e Jashtme, Elisa Spiropali, mirëpriti sot në Tiranë, ministrin e Jashtëm të Gjermanisë, Johann Wadephul, duke e vlerësuar si një mik dhe partner të besueshëm të Shqipërisë.

Në një reagim në rrjetet sociale Spiropali e falënderoi Wadephul për qartësinë e mendimit dhe forcën e bindjes me të cilën Gjermania mike qëndron si shtyllë e besueshme në krah të Shqipërisë dhe Ballkanit Perëndimor.

“Në një kohë kur fjalët shpesh humbin peshën, vlerësojmë veprimin tuaj të qëndrueshëm, atë lloj miqësie që nuk matet me deklarata, por me përkushtim konkret për një rajon të bashkuar në standarde dhe në shpirt europian”, theksoi Spiropali.

“Ne vijojmë udhëtimin tonë me besim të qetë e përkushtim të thellë: të ngremë shtetin e së drejtës mbi themele të forta, të ruajmë ritmin e reformave që e bëjnë demokracinë tonë më të pjekur, të ndërtojmë ekonomi që qëndron mbi konkurrencë, drejtësi dhe besim publik”, theksoi ministrja Spiropali.

Spiropali theksoi se, “Europa për ne nuk është vetëm destinacion, është mënyra se si duam të jetojmë, të mendojmë e të qeverisim çdo ditë”.

/gj.m/a.f/r.e/

The post Spiropali për vizitën e Wadephul: Gjermania në krah të Shqipërisë dhe Ballkanit Perëndimor appeared first on Agjencia Telegrafike Shqiptare.

Ministri i jashtëm gjerman Johann Wadephul ka reaguar përmes një postimi në rrjetet sociale, pas një takimi që zhvilloi në Tiranë këtë të hënë, më 17 nëntor, me homologen e tij shqiptare Elisa Spiropalin.

Ai shkruan se në asnjë vend tjetër europian nuk ka parë një mbështetje aq të fortë për BE-në se sa në Shqipëri.

“Shqipëria është e vendosur fuqimisht të ndjekë rrugën jo gjithmonë të lehtë drejt BE-së. Në asnjë vend tjetër në rajon mbështetja për BE-në dhe orientimi europian nuk është aq i fortë sa është këtu. E dashur Elisa Spiropali, ne qëndrojmë të vendosur pranë jush dhe do t’ju mbështesim në këtë rrugë.”, shkruan Wadephul.

Ministrja për Europën dhe Punët e Jashtme Elisa Spiropali e mirëpriti sot në Tiranë, Ministrin e Jashtëm të Republikës Federale të Gjermanisë, Johann Wadephul, i cili po zhvillon një tur në gjashtë shtetet e Ballkanit Perëndimor: Bosnjë dhe Hercegovinë, Mal i Zi, Shqipëri, Serbi, Kosovë dhe Maqedoninë e Veriut.

Në takimin bilateral, ministri gjerman theksoi përparimin që Shqipëria dhe Mali i Zi kanë bërë lidhur me reformat jetike për procesin e anëtarësimit si ato në fushën e sundimit të ligjit .

Të dy ministrat ndanë bindjen se Ballkani Perëndimor është pjesë e natyrshme dhe e pazëvendësueshme e familjes europiane.

Ministri i Jashtëm gjerman Johann Wadephul u ka kërkuar shteteve të Ballkanit Perëndimor të zbatojnë reforma të mëtejshme, duke thënë se kjo është thelbësore për të çuar përpara përpjekjet e tyre afatgjata për anëtarësim në BE dhe për t’iu kundërvënë përpjekjeve të Rusisë dhe Kinës për të ushtruar ndikim në rajon. “Sundimi i ligjit, lufta […]

The post Wadephul apel vendeve të Ballkanit: Sundimi i ligjit, kusht i panegociueshëm për integrimin europian appeared first on BoldNews.al.

Kur ministri i Jashtëm i Gjermanisë Johann Wadephul të dielën (16.11.2025) zbret në Sarajevë për fillimin e vizitës së tij katërditore në rajon, ai hyn në një ekuilibër të brishtë. Rajonin e njeh mirë – për vite me radhë ai ka drejtuar Grupin e Ballkanit Perëndimor të CDU/CSU në Bundestag. Kësaj radhe Wadephul nuk udhëton si politikan specialist, por si drejtues i një ministrie, kursi i së cilës ndaj vendeve të këtij rajoni perceptohet gjithnjë e më i paqartë.

Nga Podgorica, ku të hënën (17.11.2025) nisin bisedimet politike, vjen një kërkesë me kortezi, por e drejtpërdrejtë për orientim. Në një aktivitet të DGAP në Berlin më 13 nëntor, ministrja e Integrimit të Malit të Zi, Biljana Papovic, tha për DW se shpreson për "më shumë angazhim nga Berlini dhe më shumë qartësi se Ballkani Perëndimor mbetet prioritet i qeverisë gjermane”.

Për Podgoricën, drejtimi energjik i Gjermanisë mbetet thelbësor – jo vetëm për marrëdhëniet dypalëshe, por për gjithë dinamikën e procesit të zgjerimit në BE.

Një sinjal i rëndësishëm politik

Në Tiranë, roli i Gjermanisë shihet ende pozitivisht. Por analistja politike Alba Cela nga AIIS paralajmëron, se mbështetja e Berlinit "nuk është aspak e vetëkuptueshme”. Barometri i fundit i BE-së tregon se vetëm 49 për qind e gjermanëve mbështesin zgjerimin. Prandaj, vizita e Wadephul për Tiranën është një sinjal politik me peshë.

Mbështetja për BE-në në Shqipëri është ndër më të lartat në rajon: mbi 80 për qind e qytetarëve janë pro anëtarësimit. Megjithatë, eksperti i DGAP-it, Milan Nic, kujton se Shqipëria "ndodhet ende në fillimin e një rruge të vështirë”. Vendi nuk ka mbyllur ende asnjë kapitull negociues dhe, sipas tij, sfidat më të mëdha do të shfaqen në fushat themelore: çështjet e pronësisë, rregullimi dhe mjedisi. "Aty fillon dhembja e vërtetë”, thotë Nic. Po ashtu, lufta kundër korrupsionit mbetet një temë e përhershme.

Serbia: ndalesa më delikate

Pika më e ndjeshme e turit është Beogradi. Mbështetja për BE-në në Serbi është rreth 38 për qind, ndërsa ndikimi i Rusisë mbetet i fortë. CDU ka lidhje të ngushta politike me partinë e presidentit Aleksandar Vuçiq – por Serbia është vendi më i dobët në raportin e progresit të Komisionit.

Deputeti i Bundestagut Boris Mijatovic (Bündnis 90/Die Grünen), i cili gjendet njëkohësisht në Ballkan së bashku me kolegun e tij Anton Hofreiter, kujton zgjedhjet e vitit 2023 në Serbi. OSBE dokumentoi manipulime dhe parregullsi – Mijatovic pret që Wadephul ta ngrejë këtë çështje në Beograd.

Ai paralajmëron edhe për një boshllëk të ri gjeopolitik: tërheqja e USAID-it nga programet e medias dhe demokracisë "krijon një problem të madh”, sepse liron më shumë hapësirë për ndikim rus.

Po me Kosovën dhe Bosnjën?

Kosova, shteti më i ri i Evropës, para tre vjetësh paraqiti kërkesën për anëtarësim në BE. Sot vendi ndodhet në krizë politike: tetë muaj pas zgjedhjeve parlamentare nuk ka ende qeveri funksionale, dhe zgjedhjet e reja duken të pashmangshme. Politologia Njomza Arifi shpreson që vizita e Wadephul "të japë një sinjal ndaj krizës dhe t'i nxisë përgjegjësit të gjejnë një zgjidhje”.

Në Sarajevë, ministri gjerman do të takohet me Presidencën e Bosnjë-Hercegovinës dhe Përfaqësuesin e Lartë ndërkombëtar, Christian Schmidt. Bosnja paraqiti kërkesën për anëtarësim në dhjetor 2022.

Mos harroni Maqedoninë e Veriut

Mijatovic thekson, se Maqedonia e Veriut nuk duhet lënë në hije. Vendi ndryshoi emrin në vitin 2019 për të zgjidhur konfliktin me Greqinë dhe bëri reforma thelbësore. Megjithatë tani kërkohet sërish ndryshim kushtetues për të futur pakicën bullgare. Pasiguria është e madhe. "Ne e kemi ndryshuar emrin… por çfarë vjen pas kësaj?”, pyet ai. Kjo pyetje përmbledh humbjen e besimit ndaj procesit të zgjerimit.

Shkupi është kandidat që nga viti 2005. Në 2022 nisi negociatat, por që prej atëherë ka pak lëvizje. Në kryeqytet Wadephul do të takohet me homologun e tij Timco Mucunski.

Shpejtim apo frenim?

Pritjet ndaj Wadephul janë të qarta: Berlini duhet të pozicionohet. Paraardhësja e tij, Annalena Baerbock, e kishte shpallur integrimin e Ballkanit Perëndimor si një nga tri prioritetet kryesore. Sot, thotë Mijatovic, dëgjohen "herë tre, herë pesë prioritete – dhe ndonjëherë Ballkani Perëndimor nuk është aty”.

Edhe heqja e postit të të Dërguarit të Posaçëm për Ballkanin Perëndimor shihet si sinjal negativ. Ky post së fundit mbahej nga Manuel Sarrazin. Qeveria aktuale e hoqi pozicionin për të ulur numrin e të dërguarve të posaçëm.

Sipas ekspertit Nic, përgjigjja më e qartë për kursin e qeverisë gjermane do të shfaqet vetëm më vonë: "Në vitin 2026 do të shihet nëse Gjermania do ta përshpejtojë zgjerimin – apo nëse ai do të mbetet sërish viktimë e prioriteteve që konkurrojnë mes tyre.”/Deutsche Welle

Ministri i Jashtëm gjerman, Johann Wadephul bëri thirrje sot për një reformë të Kombeve të Bashkuara në mënyrë që institucioni global të jetë në gjendje të përballojë sfidat e shekullit XXI.

”Më shumë se çdo gjë tjetër, kjo do të thotë që Jugut Global, veçanërisht Afrikës, duhet t’i jepet më shumë peshë”, tha Wadephul në një debat parlamentar për 80-vjetorin e OKB-së.

Ndërsa pranoi se OKB-ja ndonjëherë ka qenë e paaftë për veprim, kryediplomati gjerman tha se organizata me 193 anëtarë mbetet forumi i vetëm në të cilin të gjitha shtetet e botës mund të flasin me njëra-tjetrën.

Wadephul nënvizoi nevojën që Gjermania të jetë e gatshme të marrë një rol udhëheqës brenda OKB-së. Gjermania po kandidon për një vend jo të përhershëm në Këshillin e Sigurimit të OKB-së për vitet 2027-2028.

Ligjvënësit e pothuajse të gjitha fraksioneve theksuan rëndësinë e institucionit, me Isabel Cademartori, një social-demokrate, që e përshkroi OKB-në si zemrën e domosdoshme të një bote të globalizuar në të cilën asnjë krizë nuk ndalet në kufijtë kombëtarë. Megjithatë, Beatrix von Storch, një anëtare e ”Alternativës për Gjermaninë”, vuri në dyshim integritetin e OKB-së.

Ministri i Jashtëm gjerman Johann Wadephul të mërkurën i kërkoi Izraelit dhe Hamasit të mos e rrezikojnë planin e paqes në Gaza, pasi luftimet u ndezën përsëri në territorin bregdetar të shkatërruar nga lufta pavarësisht një armëpushimi.

"Të gjitha përpjekjet tani duhet të përqendrohen në përmbushjen e pritjeve të njerëzve në një rajon të tërë", tha Wadephul përpara se të nisej për një udhëtim disaditor në Lindjen e Mesme.

Ministri i bëri thirrje Hamasit të përmbushë detyrimet e tij sipas planit të paqes të udhëhequr nga SHBA-të, i cili kërkon që grupi ekstremist palestinez të çarmatoset dhe të kthejë eshtrat e të gjithë pengjeve izraelite, pika që kanë shkaktuar grindje të mëdha midis dy palëve që kur armëpushimi hyri në fuqi më 10 tetor.

Ndërkohë, Wadephul i bëri thirrje Izraelit të ushtrojë "përmbajtje ushtarake për të parandaluar vuajtjet e reja".

Rajoni është në një udhëkryq, tha ministri, duke shprehur shqetësime të thella për luftimet e reja në Gaza.

Rreth tre javë pasi filloi armëpushimi, përleshjet e dhunshme shpërthyen përsëri në Rripin e Gazës të martën, me dhjetëra të raportuar të vrarë në sulmet izraelite pasi Izraeli akuzoi Hamasin për sulmin ndaj forcave të tij.

Më pas të mërkurën, ushtria izraelite tha se do të vazhdojë të respektojë armëpushimin.

Përveç shenjave të vazhdueshme se Hamasi nuk ka ndërmend të çarmatoset, Izraeli është gjithashtu i zemëruar nga vonesa në kthimin e eshtrave të pengjeve të rrëmbyera gjatë sulmeve të 7 tetorit 2023.

Ndërsa Hamasi ka liruar të gjithë të rrëmbyerit e gjallë, ende nuk ka liruar eshtrat e të gjithë pengjeve të vdekur, duke fajësuar për vonesën shkatërrimin e territorit. /Telegrafi/

Një numër vendesh – përfshirë Gjermaninë – diskutuan për rindërtimin e Gazës në Paris. Mbetet e paqartë se cili do të jetë roli i Evropës në këtë projekt të gjerë.

Sipas Ministrit të Jashtëm gjerman Johann Wadephul, ndihma për njerëzit në Rripin e Gazës duhet të fillojë menjëherë. Në Paris, politikani i CDU-së tha: “Jemi gati të ofrojmë ndihmë humanitare në Rripin e Gazës menjëherë.”

Wadephul mori pjesë në një konferencë të disa ministrave të jashtëm nga vendet evropiane dhe arabe që u mblodh urgjentisht (09.10.2025) në kryeqytetin francez. Ai tha se duhet të merren masa shpejt, sepse “mijëra e mijëra njerëz atje janë ende në rrezik”.

Që nga fillimi i javës Wadephul theksoi, rëndësinë e një konferencë të përbashkët rindërtimi me Egjiptin: “Por do të duhet të jetë një konferencë politikisht më e gjerë, e cila përcakton gjithashtu një kornizë politike për Rripin e Gazës, dhe sigurisht gjithmonë mban parasysh se qëllimi përfundimtar duhet të jetë një zgjidhje me dy shtete.”

Wadephul: “Izraeli duhet të jetë atje!”

Izraeli nuk duhet të mungojë në një konferencë të tillë, tha ministri gjerman. Ai gjithashtu mbështeti idenë që zhvillimet e mëtejshme në Rripin e Gazës duhet të jenë nën një mandat të OKB-së: “Ne kemi nevojë për një kornizë ligjore për gjithçka që po ndodh aktualisht në Rripin e Gazës”, theksoi Wadephul. Megjithatë, mbetet për t’u parë nëse plane të tilla të gjera do të dëgjohen nga negociatorët kryesorë në Egjipt – izraelitët, palestinezët dhe amerikanët.

Edhe para marrëveshjes midis Izraelit dhe grupit terrorist islamik Hamas për një shkëmbim të burgosurish dhe tërheqjen e trupave izraelite nga Rripi i Gazës, Wadeful kishte nisur një iniciativë për rindërtimin në Rripin e Gazës, rajonin bregdetar të shkatërruar në Mesdhe.

Për këtë qëllim, ministri gjerman fundjavën e kaluar e zgjati udhëtimin e tij në Lindjen e Mesme për të vizituar Izraelin dhe Egjiptin. Në Kajro, ai tha, se Gjermania ishte gati të niste një konferencë mbi rindërtimin me Egjiptin.

“Le të ndihmojmë në rindërtimin e Gazës”

Politikanët nga partitë konservatore në pushtet të Gjermanisë, CDU dhe CSU, dhe Socialdemokratët (SPD), ranë dakord me të në Berlin. Eksperti i politikës së jashtme të CDU-së, Jürgen Hart, tha: “Gjermania ka shhumë arsye për të ndihmuar në formësimin e rindërtimit të Gazës: politika e migracionit, politika e sigurisë, arsye humanitare. Dhe, së fundmi, por jo më pak e rëndësishme, për arsyet e veta kombëtare.”

“Arsyetimi shtetëror” i Gjermanisë, një term i vështirë për t’u kuptuar, në thelb nënkupton se Gjermania është e përkushtuar pa kushte për ekzistencën dhe sigurinë e shtetit të Izraelit. Kjo logjikë shtetërore bazohet në përgjegjësinë për gjenocidin ndaj rreth gjashtë milionë hebrenjve evropianë të kryer nga nazistët midis viteve 1933 dhe 1945.

Në Berlin, zëdhënësi i politikës së jashtme i SPD-së, Adis Ahmetoviq, sugjeroi se Gjermania mund të kontribuonte në veçanti në “ndërtimin e strehimoreve të përkohshme, largimin e rrënojave, restaurimin e furnizimit me ujë dhe ndërtimin e objekteve sanitare”. Ministrja gjermane e Zhvillimit, Reem Alabali Radovan (SPD), ka bërë tashmë propozime të ngjashme gjatë një vizite në Izrael në fund të gushtit.

Planet konkrete janë mjaft të paqarta

Megjithatë, planet konkrete për rindërtim mbeten mjaft të paqarta – madje edhe në Berlin. Zëdhënësi i Ministrisë së Jashtme, Martin Gizeh, në përgjigje të një pyetjeje nga DW, tha:

“Nuk mund t’ju jap detaje të mëtejshme në këtë pikë, përveç se konferenca do të zhvillohet. Konteksti është i qartë: bëhet fjalë për rindërtimin e Gazës, por sigurisht edhe për zgjidhje afatgjata për stabilitetin në rajon, duke përfshirë mbrojtjen e Izraelit nga agresione të mëtejshme. Konferenca e Parisit është pika fillestare për këtë.”

Izraeli kritikon ashpër takimin e Parisit

Reagimi i Ministrit të Jashtëm izraelit, Gideon Saar, ndaj takimit të organizuar me nxitim në Paris tregon se sa të vështira ka të ngjarë të jenë përpjekjet evropiane për të zhvilluar një plan për rindërtimin e Rripit të Gazës.

Wadepful u takua me Saar në Izrael vetëm pak ditë më parë. Ata kanë raporte të mira mes tyre. Megjithatë, Saar tani ka vlerësuar se konferenca e Parisit ishte “e panevojshme dhe e dëmshme”.

Ai shkroi në platformën X: “Ne e shohim këtë si një përpjekje tjetër të Presidentit Macron për të larguar vëmendjen nga problemet e tij të brendshme në kurriz të Izraelit.”

Marrëdhëniet e Izraelit me Francën kanë rënë në një pikë të ulët që kur Presidenti Emmanuel Macron njohu shtetin palestinez në fund të shtatorit. Shumë vende të tjera evropiane kanë bërë të njëjtën gjë, por Gjermania nuk e ka ndërmarrë këtë hapu dhe nuk iu bashkua këtyre vendeve.

Deklarata e Saar e bën të qartë se është kryesisht e paqartë se çfarë roli mund të luajnë vendet evropiane, dhe për rrjedhojë Gjermania, në rindërtimin e Gazës. Dhe në hapat e parë të planit 20-pikësh të Presidentit të SHBA-së Donald Trump, Evropa do të luajë vetëm një rol mbështetës./DW

PRISHTINË, 27 shtator/ATSH/ Presidentja e Kosovës Vjosa Osmani, me ftesë të ministrit të Punëve të Jashtme të Gjermanisë, Johann Wadephul, mori pjesë këtë javë në Nju-Jork në takimin e radhës të Fondit Global për Angazhim dhe Qëndrueshmëri të Komunitetit (GCERF), ku Kosova është vend partner nga viti 2017.

Osmani u shpreh në një postim në rrjetin social Facebook, se në takim “riafirmova përkushtimin e palëkundur të Kosovës për të luftuar terrorizmin dhe ekstremizmin e dhunshëm. Nga ndërtimi i sistemeve të paralajmërimit të hershëm, deri te përballja me radikalizimin online, Kosova është shndërruar në një model për rajonin – duke treguar se përmes bashkëpunimit, qëndrueshmërisë dhe vlerave të përbashkëta, edhe sfidat më të mëdha globale mund të tejkalohen”.

Kujtojmë se Osmani ka udhëtuar në Nju-Jork për të marrë pjesë në fillimin e punimeve të Asamblesë së Përgjithshme të Kombeve të Bashkuara.

Gjithashtu, Presidentja e Kosovës, Vjosa Osmani ka marrë pjesë edhe në takimin e liderëve të shteteve të Ballkanit Perëndimor dhe Kroacisë në Nju-Jork.

The post Osmani merr pjesë në takimin e Fondit Global për Angazhim dhe Qëndrueshmëri të Komunitetit appeared first on Agjencia Telegrafike Shqiptare.

Presidentja e Kosovës, Vjosa Osmani, ka marrë pjesë në takimin e radhës të Fondit Global për Angazhim dhe Qëndrueshmëri të Komunitetit (GCERF), i mbajtur këtë javë në New York me ftesë të Ministrit të Punëve të Jashtme të Gjermanisë, Johann Wadephul.

Në fjalën e saj, Osmani riafirmoi përkushtimin e palëkundur të Kosovës në luftën kundër terrorizmit dhe ekstremizmit të dhunshëm. Ajo theksoi se Kosova, që nga viti 2017 është vend partner në GCERF, ka arritur të ndërtojë sisteme të paralajmërimit të hershëm dhe të përballet me fenomenin e radikalizimit online, duke u shndërruar në një model për rajonin.

Sipas saj, përmes bashkëpunimit ndërkombëtar, qëndrueshmërisë dhe vlerave të përbashkëta, edhe sfidat më të mëdha globale mund të tejkalohen.