Shërbimet turke të inteligjencës njoftuan sot (22 dhjetor) se arrestuan një udhëheqës të dyshuar të grupit Shteti Islamik (ISIS), i cili po planifikonte sulme në rajon dhe deri në Evropë, “midis Afganistanit dhe Pakistanit”, raportoi Agjencia Anadolu. “Mehmet Gören, një nga udhëheqësit e dyshuar të organizatës terroriste Shteti Islamik, u arrestua në rajonin Afganistan-Pakistan në […]

The post Shërbimi sekret turk arreston drejtuesin e lartë të ISIS, po përgatiste sulme terroriste në Evropë appeared first on BoldNews.al.

UASHINGTON, 20 dhjetor /ATSH-ANSA/ – Komanda Qendrore e SHBA-së (CENTCOM) njoftoi se ka goditur më shumë se 70 objektiva në sulmet e saj kundër ISIS-it në Siri.

“Forcat amerikane goditën më shumë se 70 objektiva në vende të shumta në Sirinë qendrore me avionë luftarakë, helikopterë sulmi dhe artileri”, theksoi ajo.

Forcat e Armatosura të Jordanisë gjithashtu ofruan mbështetje me avionë luftarakë”, thuhet në një postim në X nga Admirali Brad Cooper, komandant i CENTCOM.

“Ne do të vazhdojmë të ndjekim pa pushim terroristët që kërkojnë të dëmtojnë amerikanët dhe partnerët tanë në rajon”, theksohet në të. /os/

The post UASHINGTON – SHBA godet 70 objektiva të ISIS-it në Siri appeared first on Agjencia Telegrafike Shqiptare.

SHBA-të thonë se ushtria e tyre ka kryer një “sulm masiv” kundër grupit të Shtetit Islamik (ISIS) në Siri, në përgjigje të një sulmi vdekjeprurës ndaj forcave amerikane në vend.

Komanda Qendrore e SHBA-së (Centcom) tha se avionët luftarakë, helikopterët sulmues dhe artileria “goditën më shumë se 70 objektiva në vende të shumta në të gjithë Sirinë qendrore”. Në sulm u përfshinë edhe avionë nga Jordania.

Thuhet se operacioni “përdori më shumë se 100 municione precize” që synonin infrastrukturën dhe vendet e njohura të armëve të ISIS-it, shkruan BBC.

Presidenti Donald Trump tha se “ne po sulmojmë shumë fuqishëm” kundër fortesave të ISIS-it, pas pritës së 13 dhjetorit në qytetin e Palmirës, ​​në të cilën u vranë dy ushtarë amerikanë dhe një përkthyes civil amerikan .

Në një deklaratë për X, Centcom, i cili drejton operacionet ushtarake amerikane në Evropë, Afrikë dhe Indo-Paqësor, tha se Operacioni Hawkeye Strike filloi në orën 16:00 të premten.

Komandanti i Centcom-it, Admirali Brad Cooper, tha se SHBA-të “do të vazhdojnë të ndjekin pa pushim terroristët që kërkojnë të dëmtojnë amerikanët dhe partnerët tanë në të gjithë rajonin”.

Sekretari i Mbrojtjes i SHBA-së, Pete Hegseth, tha se operacioni “nuk është fillimi i një lufte, por një deklaratë hakmarrjeje”./abcnews.al

Siria ka arrestuar pesë persona të dyshuar për lidhje me të shtënat ndaj trupave amerikane dhe siriane në qytetin qendror sirian të Palmyra të shtunën, tha Ministria e Brendshme e Sirisë të dielën.

Dy ushtarë të ushtrisë amerikane dhe një përkthyes civil u vranë nga një sulmues i cili shënjestroi një konvoj të forcave amerikane dhe siriane, përpara se të qëllohej për vdekje.

Ministria e Brendshme Siriane e ka përshkruar sulmuesin si një anëtar të forcave të sigurisë siriane të dyshuar për simpatizim me Shtetin Islamik.

Sulmi ndodhi mezi një muaj pasi Siria njoftoi se kishte nënshkruar një marrëveshje bashkëpunimi politik me koalicionin e udhëhequr nga SHBA-të kundër Shtetit Islamik, gjë që përkoi me vizitën e Presidentit sirian Ahmed al-Sharaa në Shtëpinë e Bardhë.

"Njësitë tona kryen një operacion të saktë dhe vendimtar sigurie në qytetin e Palmyra, pas një sulmi terrorist frikacak të kryer dje nga një individ i lidhur me Shtetin Islamik", tha Ministria e Brendshme e Sirisë në një deklaratë.

"Operacioni u krye në koordinim të plotë me Shërbimin e Përgjithshëm të Inteligjencës dhe forcat e koalicionit ndërkombëtar, dhe rezultoi në arrestimin e pesë të dyshuarve, të cilët u referuan menjëherë për t'u marrë në pyetje", u tha ndër tjera.

Tre ushtarë amerikanë u plagosën në sulm, tha Komanda Qendrore e ushtrisë amerikane. Agjencia shtetërore e lajmeve siriane SANA tha se dy personel sirian u plagosën gjithashtu.

Ministria e Brendshme e Sirisë tha se kishte vlerësuar sulmuesin vetëm disa ditë para sulmit dhe kishte arritur në përfundimin se ai mund të kishte pikëpamje ekstremiste. Një vendim për të ardhmen e tij ishte në pritje.

Koalicioni i udhëhequr nga SHBA-të ka kryer sulme ajrore dhe operacione tokësore në Siri duke synuar të dyshuarit e Shtetit Islamik në muajt e fundit, shpesh me përfshirjen e forcave të sigurisë të Sirisë. Siria muajin e kaluar gjithashtu kreu një fushatë mbarëkombëtare duke arrestuar më shumë se 70 persona të akuzuar për lidhje me grupin.

Shtetet e Bashkuara kanë trupa të stacionuara në Sirinë verilindore si pjesë e një përpjekjeje dhjetëvjeçare për të luftuar Shtetin Islamik, i cili mbajti pjesë të Sirisë dhe Irakut nga viti 2014 deri në vitin 2019.

Qeveria e Sirisë tani udhëhiqet nga ish-rebelë që rrëzuan udhëheqësin Bashar al-Assad vitin e kaluar pas një lufte civile 13-vjeçare, përfshirë anëtarë të ish-degës së Al Kaedës në Siri, të cilët u ndanë nga grupi dhe u përleshën me Shtetin Islamik. /Telegrafi/

Presidenti amerikan Donald Trump është zotuar se Shtetet e Bashkuara do të hakmerren, pasi dy ushtarë dhe një civil amerikan u vranë në një sulm të Shtetit Islamik në Siri.

“Ne vajtojmë humbjen e tre patriotëve të mëdhenj në Siri. Ishte një pritë e tmerrshme. Kemi edhe tre të plagosur. Do ta shihni. Ne do të hakmerremi”, tha Trump.

Presidenti amerikan u tha gazetarëve në Shtëpinë e Bardhë se presidenti i Sirisë, Ahmed al-Sharaa, ishte i shkatërruar nga ajo që ndodhi dhe theksoi se Siria po luftonte përkrah trupave amerikane.

Muajin e kaluar, gjatë vizitës në Washington të al-Sharaa, Damasku iu bashkua koalicionit ndërkombëtar kundër ISIS.

Dy ushtarë amerikanë dhe një përkthyes u vranë të shtunën në Siri nga militantët e grupit ekstremist të ISIS ndërsa po mbështesnin operacione kundër terrorizmit në këtë shtet.

Sulmi ndaj trupave amerikane në Siri ishte i pari me viktima që nga rënia e Presidentit Bashar Assad një vit më parë.

Dy ushtarët Amerikanë dhe përkthyesi i tyre u vra në zonën e shkretëtirës së Palmirës nga një person qe hapi zjarr ndaj një patrulle të përbashkët të forcave amerikane dhe siriane në këtë zone.

Observatori Sirian për të Drejtat e Njeriut deklaroi se vizita e delegacionit amerikan në Palmirë është pjesë e një strategjie të Shteteve të Bashkuara për të zgjeruar praninë e tyre në Siri, veçanërisht në zonat e shkretëtirës./abcnews.al

Dy ushtarë amerikanë dhe një përkthyes civil të SHBA-së u vranë në Siri gjatë një prite të armatosur në qytetin Palmyra, në qendër të vendit. Sipas Komandës Qendrore të SHBA-së (Centcom), sulmi u krye nga një militant i Shtetit Islamik (ISIS), i cili u vra gjatë përplasjes.

Tre ushtarë të tjerë amerikanë mbetën të plagosur, ndërsa media shtetërore siriane raportoi se edhe dy pjesëtarë të forcave siriane të sigurisë u plagosën.

Presidenti amerikan Donald Trump e cilësoi ngjarjen si një sulm të ISIS-it dhe paralajmëroi një kundërpërgjigje të fortë. Sulmi u dënua gjithashtu nga qeveria siriane dhe zyrtarë të lartë amerikanë, të cilët theksuan angazhimin për vazhdimin e luftës kundër terrorizmit.

Ngjarja është ende nën hetim dhe identitetet e viktimave nuk janë bërë publike, në pritje të njoftimit të familjarëve.

Presidenti i SHBA-së, Donald Trump, tha se “do të ketë hakmarrje shumë serioze”, pasi dy ushtarë amerikanë dhe një civil u vranë në një sulm në Siri për të cilin Uashingtoni fajëson grupin e Shtetit Islamik.

“Ky ishte një sulm i ISIS-it kundër SHBA-së dhe Sirisë, në një pjesë shumë të rrezikshme të Sirisë që ata nuk e kontrollojnë plotësisht”, tha ai.

Trump u tha gazetarëve në Shtëpinë e Bardhë se presidenti i Sirisë, Ahmed al-Sharaa, ishte “i shkatërruar nga ajo që ndodhi” dhe theksoi se Siria po luftonte përkrah trupave amerikane.

Komanda Qendrore e SHBA-së njoftoi se tre ushtarë u plagosën në një pritë nga një anëtar i vetëm i ISIS-it në Sirinë qendrore.

Ushtria amerikane tha se personi i armatosur u vra.

Sulmi ndaj trupave amerikane në Siri ishte i pari me viktima që nga rrëzimi i presidentit Bashar Assad një vit më parë.

Zëdhënësi kryesor i Pentagonit, Sean Parnell, tha se civili i vrarë ishte një përkthyes amerikan dhe se sulmi kishte në shënjestër ushtarët e përfshirë në operacionet e vazhdueshme kundër terrorizmit në rajon. /Telegrafi/

Stepat e thata të Sirisë verilindore shtrihen pothuajse pa ndërprerje deri në kufirin me Irakun, ku boshllëkun e thyen vetëm ndonjë pompë nafte, derisa rruga të çon drejt një kampi gjigant. Një gardh metalik i mbuluar me tela me gjemba rrethon kompleksin e madh dhe kamionë furnizimi shtrihen për më shumë se gjysmë kilometri jashtë portave.

Ky është kampi i ndalimit Al Hol, ku shumica e të ndaluarve janë familjarë, gra, motra dhe fëmijë, të luftëtarëve të grupit terrorist Shteti Islamik (ISIS). Në burgjet përreth ndodhen mbi 8 mijë luftëtarë të ISIS-it.

Për vite me radhë, ISIS-i sundoi pjesë të mëdha të Sirisë dhe Irakut fqinj, duke zbatuar në mënyrë brutale interpretimin e tij ekstrem të ligjit islamik. Ndërsa forcat siriane të udhëhequra nga kurdët, me mbështetjen e SHBA-ve, rimorën territoret, mijëra luftëtarë të ISIS-it dhe dhjetëra mijëra familjarë të tyre u ndaluan.

Forcat amerikane ua besuan aleatëve të tyre kurdë ruajtjen e të ndaluarve dhe familjeve të ISIS-it. Por tani, Pentagoni po redukton praninë ushtarake në Siri dhe ka sinjale se zyrtarët amerikanë duan që qeveria e re siriane të marrë përgjegjësinë për burgjet dhe kampet e ndalimit.

Kjo është pjesë e një përpjekjeje më të gjerë për të integruar milicinë e fuqishme kurde, të njohur si Forcat Demokratike Siriane (SDF), në ushtrinë e rindërtuar të vendit, ndërsa autoritetet përpiqen të ribashkojnë Sirinë pas një lufte civile 13-vjeçare.

Një pengesë serioze është mosbesimi i shumë kurdëve ndaj qeverisë dhe angazhimit të saj për të luftuar ISIS-in. Qeveria drejtohet nga ish-rebelë islamistë, dikur të lidhur me Al Kaedën, dhe shumë kurdë frikësohen se ata mund të lirojnë militantë të ISIS-it.

Megjithatë, deri tani qeveria ka mbajtur një qëndrim të fortë publik kundër ISIS-it. Në nëntor, Siria pranoi të bashkohej me një koalicion të udhëhequr nga SHBA-të kundër grupit, i cili vazhdon të jetë aktiv në vend.

Sipas vlerësimeve të Kombeve të Bashkuara dhe zyrtarëve amerikanë, gjatë vitit të fundit ISIS-i ka zgjeruar shtrirjen, shpeshtësinë dhe ashpërsinë e sulmeve. Grupi ka sulmuar një kishë ortodokse greke në Damask dhe ka kryer atentate me bomba kundër forcave të qeverisë siriane.

Administratorët e kampeve thonë se operativë të ISIS-it ndodhen ende brenda tyre dhe fokusohen në radikalizimin e fëmijëve.

“Kur vizitova kampin Al Hol këtë vit, fëmijët silleshin në grupe brenda hapësirës së rrethuar. Më të vegjlit mbanin fort rrobat e gjata të zeza të nënave. Disa gra i largonin fëmijët me shpejtësi nga vizitorët e huaj, duke murmuritur fjalën “kafir”, që në arabisht do të thotë “jobesimtar””, raportoi gazetarja Alissa Rubin për New York Times.

Disa gra shmangnin kontaktin me të huajt, ndërsa të tjera mblidheshin rreth meje, duke kërkuar dëshpërimisht të dëgjoheshin. Për shumë prej banorëve, nuk ka rëndësi se kush është në pushtet.

“Duam të kthehemi në shtëpi. Jemi shumë të lodhur”, më tha në pranverë Um al-Bara, një grua nga qyteti irakian Hit. Ajo ishte e veshur, si shumë të tjera, me rroba të zeza që mbulonin trupin, fytyrën dhe duart, në respekt të rregullave fetare të ISIS-it.

Administratorja e kampit, Jihan Hanan, tha në nëntor se nuk ishte e sigurt nëse Um al-Bara ishte ende në kamp apo ishte kthyer në Irak bashkë me mijëra gra të tjera irakiane.

Një tjetër grua, duke mbajtur pranë një vajzë të vogël me hundë që rridhte, më tha se quhej Hawla dhe kishte dy vajza dhe dy djem. Ajo tha se fëmijët po vuanin sepse nuk kishte shkollim të rregullt dhe se ata po ndëshkoheshin për veprimet e babait të tyre, ndonëse nuk kishin bërë asgjë të keqe.

Sipas Hanan, Hawla dhe fëmijët e saj u lejuan të ktheheshin në Irak në vjeshtë, pasi kishin kaluar gjashtë vjet në Al Hol.

“Kam nevojë për trajtim mjekësor”, lutej Lutf al-Nassan, 65 vjeçe, duke më kapur për mënge. Ajo tha se kishte probleme me zemrën dhe se ilaçet i kishin mbaruar. Zyrtarët e kampit thanë se nuk dinin nëse ajo ishte kthyer në Irak.

Kampi Al Hol dhe kampi tjetër aty pranë, Roj, strehojnë aktualisht mbi 27 mijë familjarë të luftëtarëve të ISIS-it. Asnjëri prej tyre nuk është akuzuar për ndonjë krim.

Kampet ndodhen në një zonë verilindore të kontrolluar nga kurdët dhe të siguruara nga SDF. Administratorët paralajmërojnë se po rritet një brez i ri i indoktrinuar nga nënat me ideologjinë ekstremiste të ISIS-it.

“Të gjitha gratë këtu janë të radikalizuara. Ato qëndruan me ISIS-in deri në fund”, tha Hokmiya Ibrahim, administratore e kampit Roj. “Por problemi më i madh është se nënat po i edukojnë fëmijët sipas ideologjisë së Shtetit Islamik”, shtoi ajo.

Sipas administratorëve, rreth 60% e popullsisë së dy kampeve janë nën 18 vjeç. Shumica e këtyre fëmijëve kanë kaluar vite të tëra në një ambient ku mbizotëron ideologjia kufizuese e ISIS-it.

Të ndaluarit më ekstremë në Al Hol janë kryesisht nga vende jashtë Lindjes së Mesme, përfshirë Taxhikistanin, Azerbajxhanin, Francën dhe Rusinë. Rreth 6 mijë gra dhe fëmijë jetojnë në një zonë të veçantë të kampit, e mbyllur për vizitorët për shkak të rrezikshmërisë.

Kushtet në të dy kampet janë të rënda. Pakënaqësia, dhuna dhe problemet shëndetësore janë të përhapura. Armët kontrabandohen rregullisht dhe gratë ose djemtë më të rritur përpiqen shpesh të arratisen.

Qindra automjete hyjnë çdo ditë për furnizime dhe mund të përdoren për të nxjerrë njerëz fshehurazi, tha Hanan.

“Çdo ditë njerëzit po ikin dhe duket si një operacion i organizuar”, shtoi ajo.

Administratorët thonë se mezi po arrijnë t’i mbajnë kampet funksionale, sidomos pasi administrata Trump uli këtë vit fondet e USAID-it për shërbime bazë si uji, buka dhe kujdesi mjekësor. Edhe pse furnizimi me ujë dhe bukë u rifillua më vonë, shërbimet mjekësore, arsimore dhe për mbrojtjen e fëmijëve mbeten të pezulluara.

Pas këtyre shkurtimeve, u rritën dhuna dhe arratisjet, ndërsa pati protesta kundër vendimit për ndalimin e pagesave ndaj disa organizatave ndihmëse. Disa të ndaluar sulmuan zyrat e ndihmës, duke thyer dyer e dritare dhe duke plagosur roje.

Vitin e kaluar, një çift në Al Hol vendosi jelekë shpërthyes artizanalë dhe kërcënoi se do t’i shpërthente gjatë një operacioni sigurie. Ata u vranë pasi refuzuan të dorëzoheshin.

Shumë prej të ndaluarve duan të kthehen në Siri, Irak ose vende të tjera, por disa shtete refuzojnë t’i pranojnë për arsye sigurie, duke i lënë gra dhe fëmijë në një gjendje pasigurie të përhershme.

Iraku dhe Siria janë zotuar të riatdhesojnë shtetasit e tyre. Në vitin 2024, rreth 40% e të ndaluarve ishin sirianë, sipas OKB-së. Iraku ka kthyer gati 19 mijë shtetas, ndërsa Siria deri tani vetëm disa qindra.

Disa gra mbeten besnike ndaj ISIS-it, por të tjera duan vetëm të kthehen në familjet e tyre, si Evelyne De Herdt, një belge 35-vjeçare. Ajo tha se ishte zhgënjyer nga lëvizja dhe kërkonte “një jetë normale”.

E rritur katolike, ajo u konvertua në Islam me kërkesë të bashkëshortit dhe erdhi në Siri në vitin 2015. Vajza e saj, Asia, lindi po atë vit. Bashkëshorti u vra duke luftuar për ISIS-in, ndërsa Asia u vra në vitin 2019 gjatë luftimeve. Belgjika ka pranuar të rikthejë vetëm disa gra me fëmijë, por ka refuzuar të tjerat pa fëmijë.

“Sepse vajza ime ka vdekur, unë nuk konsiderohem nënë”, tha ajo me zë të ulët.

Kështu, si mijëra të tjera, ajo vazhdon të presë, e braktisur në shkretëtirë.

15 dhe 17-vjeçarët, të cilët e identifikuan veten me organizatën terroriste “Shteti Islamik” (IS), planifikuan të vrisnin sa më shumë njerëz të ishte e mundur me një kamion. Synimi i tyre ishte tregu i Krishtlindjeve në Leverkusen. Dy ditë para sulmit të planifikuar, adoleshentët u arrestuan pasi policia mësoi për bisedat e tyre në internet. Të miturit, të cilët janë […]

The post Të rinj, ekstremë dhe të dhunshëm – cilat janë arsyet? appeared first on BoldNews.al.

Kur isha fëmijë në qytetin e Halkidës, ngjitesha me miqtë e mi në muret e mëdha prej guri të varrezës lokale hebraike, duke u përpjekur të shikoja atë që fshihej pas pemëve të selvisë, pishave dhe eukaliptit që e mbrojnë atë nga zhurma dhe gjallëria e qendrës së qytetit. E vendosur në Evia, në pikën […]

The post Kujdestari që ruan sekretet e varrezës së lashtë hebraike të një qyteti grek appeared first on Reporter.al.

Policia ka publikuar pamje nga aksioni 12 orësh, që u përball me rezistencë të dy personave të dyshuar për kryerjen e veprimeve terroriste.

Blutë kanë reaguar rreth operacionit “Oroshi”, që u mbyll me vetëdorëzimin e Julian Cumrraku dhe Arben Uka.

Pas 12 orësh në rrethim, pamundësisë për t’u larguar dhe negociatave me të afërmit e tyre, ata vendosën të dorëzohen.

Në banesë iu gjetën 5 armë zjarri, municion luftarak, granata dore difensive, kapsolla detonatore dhe fitil zjarrpërcjellës, përfshirë flamurin e ISIS.

“Më datë 24.11.2025, rreth orës 09:00, shërbimet e Komisariatit të Policisë Pukë, gjatë kontrollit të territorit në fshatin Orosh, Fushë-Arrëz, kanë konstatuar një person i cili, sapo ka parë shërbimet e Policisë, është larguar me shpejtësi duke u futur në një banesë të braktisur, pronë e shtetasit P. C.

Shërbimet e Policisë i kanë bërë thirrje që të dilte nga banesa, por personi nuk i është bindur thirrjes së Policisë dhe ka kërcënuar punonjësit e Policisë.

Ndodhur në këtë situatë, bazuar edhe në informacionet e siguruara më parë për rrezikshmërinë e këtij personi, shërbimet e Policisë rrethuan banesën dhe kërkuan ndërhyrjen e forcave policore të specializuara, me qëllim sigurinë e jetës së punonjësve të Policisë.

Në vendngjarje shkuan Forcat Speciale Renea, të cilat morën në kontroll perimetrin e jashtëm të banesës që mbahej nga forcat e Komisariatit të Policisë Pukë dhe forcat “Shqiponja” të DVP Shkodër.

Në momentin që Forcat Speciale Renea i kanë bërë thirrje personit të dalë nga banesa, nga brenda banesës është qëlluar me armë zjarri në drejtim të forcave speciale Renea.

Pas 12 orësh në rrethim, ku Forcat Speciale Renea u bënë thirrje të vazhdueshme për t’u dorëzuar, pamundësisë për t’u larguar nga rrethimi dhe pas negociatave me të afërmit e tyre të cilët luajtën një rol të rëndësishëm në finalizimin e operacionit pa përdorur forcë dhe pa shkaktuar dëmtime, të dy personat që ndodheshin në brendësi të banesës u dorëzuan.

Në momentin e vetëdorëzimit, shtetasi E. U. kishte një dëmtim tejshpues në kofshën e djathtë, i cili menjëherë është transportuar me ambulancë për në Spitalin Rajonal Shkodër dhe ndodhet jashtë rrezikut për jetën.

Gjatë kontrollit të banesës janë sekuestruar, në cilësinë e provave materiale, 4 armë zjarri automatike dhe një armë zjarri pistoletë, një flamur i Organizatës Terroriste “Shteti Islamik” (ISIS), i vendosur në faqen e murit ndërmjet armëve të lartpërmendura, 17 copë granata dore difensive, municion luftarak, kapsolla detonatore elektrike për shpërthimin e lëndëve eksplozive, fitil zjarrpërcjellës që përdoret për shpërthimin e lëndëve plasëse, dy gëzhoja.

Në përfundim të veprimeve të para hetimore u bë arrestimi në flagrancë i shtetasve:

E. U., 35 vjeç, lindur në Gjorm-Kurbin, i dënuar për veprën penale “Nxitja e urrejtjes dhe grindjeve”.

J. C., 34 vjeç, lindur në Pukë, i dënuar për veprat penale “Vjedhje” dhe “Kanosje””, thuhet në reagimin e plotë të policisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Nxitja, thirrja publike dhe propaganda për kryerjen e veprave me qëllime terroriste”, “Prodhimi i armëve luftarake”, “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve shpërthyese dhe i municionit”. /TCH/

- YouTube www.youtube.com

Gjykata Federale Penale e Zvicrës ka dënuar dy burra me 30 dhe 53 muaj burg për siç është thënë “mbështetje të organizatës terroriste Shteti Islamik”.

Siç raportojnë mediat vendase, përcjell Telegrafi, Zyra e Prokurorit të Përgjithshëm kishte kërkuar dënime më të larta.

Sipas raportimit, Dhoma Penale i liroi dy burrat nga akuza e pjesëmarrjes në një organizatë terroriste për aktivitetet e tyre brenda kuadrit të grupit të dyshuar terrorist kosovar “Vëllezërit e Vitisë” dhe degës së tij zvicerane në Gjenevë.

Kështu, theksojnë mediat zvicerane, një kosovar duhet të vuajë 15 muaj nga dënimi prej 30 muajsh. Veç kësaj, gjykata urdhëroi që ai të deportohet për pesë vjet.

Gjithashtu ajo e shpalli atë fajtor për akuza të shumta mashtrimi, pastrim parash, falsifikim dokumentesh dhe marrje të paligjshme të ndihmave familjare.

Ndërsa siç raportohet më tej, i pandehuri tjetër u dënua gjithashtu për mashtrim tregtar, pastrim parash, falsifikim të shumëfishtë dokumentesh, përshkrime dhune, marrje të paligjshme të përfitimeve të sigurimeve sociale dhe vepra të tjera penale

The post Njëri prej tyre nga Kosova, një gjykatë zvicerane dënon dy burra për ‘mbështetje të ISIS’ appeared first on Albeu.com.

Gjykata Federale Penale e Zvicrës ka dënuar dy burra me 30 dhe 53 muaj burg për siç është thënë “mbështetje të organizatës terroriste Shteti Islamik”.

Siç raportojnë mediat vendase, përcjell Telegrafi, Zyra e Prokurorit të Përgjithshëm kishte kërkuar dënime më të larta.

Sipas raportimit, Dhoma Penale i liroi dy burrat nga akuza e pjesëmarrjes në një organizatë terroriste për aktivitetet e tyre brenda kuadrit të grupit të dyshuar terrorist kosovar "Vëllezërit e Vitisë" dhe degës së tij zvicerane në Gjenevë.

Kështu, theksojnë mediat zvicerane, një kosovar duhet të vuajë 15 muaj nga dënimi prej 30 muajsh. Veç kësaj, gjykata urdhëroi që ai të deportohet për pesë vjet.

Gjithashtu ajo e shpalli atë fajtor për akuza të shumta mashtrimi, pastrim parash, falsifikim dokumentesh dhe marrje të paligjshme të ndihmave familjare.

Ndërsa siç raportohet më tej, i pandehuri tjetër u dënua gjithashtu për mashtrim tregtar, pastrim parash, falsifikim të shumëfishtë dokumentesh, përshkrime dhune, marrje të paligjshme të përfitimeve të sigurimeve sociale dhe vepra të tjera penale. /Telegrafi/

Siria ka kryer operacione parandaluese që synojnë qelizat e Shtetit Islamik - duke arrestuar 71 persona gjatë 61 bastisjeve.

U sekuestruan eksplozivë dhe armë, ndërsa ministria e brendshme zbuloi se po punonin mbi informacione "të sakta" të inteligjencës.

Shumë nga të ndaluarit ishin kriminelë të kërkuar, dhe forcat policore morën prova që i lidhnin ata me aktivitete terroriste.

Një deklaratë shtoi se operacioni ishte pjesë e "përpjekjeve të vazhdueshme kombëtare për të luftuar terrorizmin dhe për t'u përballur me komplotet që synojnë sigurinë e vendit dhe qytetarët".

Bastisjet vijnë ndërsa presidenti sirian Ahmed al Sharaa udhëton për në Uashington për një takim me Donald Trumpin, ku ai do të bashkohet me një koalicion kundër ISIS-it.

Ndërkohë, SHBA-të po përgatiten të krijojnë një prani ushtarake në Damask për të mundësuar një pakt sigurie që po ndërmjetësohet midis Sirisë dhe Izraelit.

Ndryshe, ish-presidenti Bashar al-Assad u rrëzua nga pushteti në fund të vitit të kaluar pas 25 vitesh në pushtet dhe iku në Rusi pasi regjimi i tij mori fund.

QQë atëherë, administrata kalimtare e al Sharaa është përpjekur të rivendosë sigurinë, të zbatojë reforma ekonomike dhe të bashkëpunojë me partnerët ndërkombëtarë. /Telegrafi/

Në fund të tetorit, qielli mbi kampin e Rojit në verilindje të Sirisë është i kthjellët, pa asnjë re që të zbusë nxehtësinë përvëluese të shkretëtirës së Rojavës, afër kufirit me Turqinë dhe Irakun. Aty, një mur i lartë i ngritur tregon qartë se kampi nuk do të mbyllet shpejt. Ky vend, nën kontrollin e […]

The post Kampi i Rojit, plagë e hapur e ISIS-it: 2 100 gra dhe fëmijë të bllokuar në shkretëtirë appeared first on BoldNews.al.

Gazeta zvicerane 24heures.ch, një prej mediave më të njohura në Zvicrën frankofone, ka raportuar për një rast të madh hetimor që përfshin dy shqiptarë – një nga Kosova dhe një nga Maqedonia e Veriut – të cilët dyshohen për mbështetje dhe financim të një grupi të lidhur me Shtetin Islamik (ISIS)

Sipas gazetës, hetimi që po zhvillohet prej disa vitesh në kantonin Vaud është drejt përfundimit dhe konsiderohet si një ndër më të mëdhenjtë kundër terrorizmit në Zvicrën frankofone.

Dy burrat, të moshës rreth 30 vjeç, akuzohen për pjesëmarrje dhe financim të një organizate terroriste. Ata janë në paraburgim prej tre vitesh dhe do të dalin para Gjykatës Penale Federale në Bellinzona më 3 dhe 4 nëntor.

Sipas aktakuzës së përgatitur nga Prokuroria Federale e Zvicrës, njëri nga të dyshuarit – një 37-vjeçar nga Kosova që jetonte në Gjenevë – kishte rol udhëheqës në një grup të quajtur “Vëllezërit e Vitisë”, me degë në Gjenevë të njohur si “Vëllezërit e Gjenevës”, të cilën ai e drejtonte si “emir” që nga viti 2015.

Grupi dyshohet se ka pasur lidhje ideologjike me Shtetin Islamik dhe ka mbledhur rreth 30 ndjekës, mes tyre edhe persona që më pas u bashkuan me ISIS-in në Siri. Autoritetet zvicerane pretendojnë se “Vëllezërit e Gjenevës” kishin rekrutuar të rinj, përfshirë një 14-vjeçar që kishte refuzuar t’u bashkohej.

Në hetim përmenden edhe imamë radikalë shqiptarë të ftuar në Zvicër nga ky grup, përfshirë Rexhep Memishin – i dënuar më parë në Maqedoni të Veriut për rekrutim të luftëtarëve për ISIS-in – dhe Qëndrim Jasharin, i cili thuhet se kishte lexuar një tekst të zëdhënësit të ISIS-it gjatë një takimi në Gjenevë.

Sipas hetuesve, grupi ishte i mirëorganizuar, me takime të rregullta dhe disiplinë të plotë fshehtësie. Në Kosovë, pjesëtarë të tij dyshohet se kishin fshehur armë dhe municione me synimin për të krijuar një “shtet islamik” në një rajon të caktuar të vendit.

Gjithashtu, sipas aktakuzës, “Vëllezërit e Gjenevës” kishin dërguar mes 64.000 dhe 78.000 euro në Ballkan për të mbështetur aktivitetet e grupit të lidhur me ta në Kosovë. Një pjesë e këtyre parave dyshohet se ishte përdorur për blerje armësh dhe për tentim ndikimi ndaj prokurorëve kosovarë.

Hetimi zbuloi se të dyshuarit kishin përfituar dhjetëra mijëra franga nga mashtrime me sigurimet shoqërore, ndihma sociale dhe kredi të rreme gjatë pandemisë së Covid-19.

Në rast se shpallen fajtorë, ata përballen me deri në 10 vjet burg dhe me detyrimin për të kthyer fitimet e përfituara në mënyrë të paligjshme, si dhe për të mbuluar mbi 1.4 milion franga zvicerane të shpenzuara në hetim.

Avokatët e tyre kanë refuzuar të komentojnë, ndërsa mbrojtja pritet të kërkojë lirimin e tyre për shumicën e pikave të aktakuzës.

Prokuroria Speciale e Kosovës ka ngritur të premten dy aktakuza të ndara ndaj dy personave të dyshuar për nxitje të përçarjes dhe mosdurimit. Në një njoftim për media, Prokuroria i identifikoi dy të akuzuarit vetëm me inicialet D.B dhe E.B. Ata akuzohen se kanë nxitur dhe përhapur publikisht urrejtje dhe mosdurim ndërmjet grupeve fetare, duke […]

The post Prokuroria e Kosovës ngre aktakuzë ndaj dy përkrahësve të dyshuar të ISIS-it appeared first on BoldNews.al.

I fjetur prej shumë kohësh, kërcënimi i Shtetit Islamik rikthehet sërish. Koalicioni i udhëhequr nga Shtetet e Bashkuara njoftoi se forcat e tij kanë vrarë një  një militant kryesor të grupit ekstremist në Siri, i cili ishte duke planifikuar sulme në Europë dhe në SHBA. Agjencia kundërterrorizmit e Irakut njoftoi se e kishte ndihmuar koalicionin […]

The post Rikthehet kërcënimi i ISIS në Europë! Vritet militanti që po planifikonte sulme appeared first on BoldNews.al.

Forcat e Mbrojtjes së Izraelit kanë konfirmuar eliminimin e një figure të lartë të organizatës terroriste ISIS në Rripin e Gazës, gjatë një sulmi ajror të kryer nga Komanda Jugore dhe Inteligjenca Ushtarake.

Lajmi u bë i ditur përmes një deklarate në rrjetin social X, ku IDF njoftoi se Muhammad Abd al-Aziz Abu Zayda, i njohur si kreu i distriktit “Palestinë”, është vrarë në zonën e Al-Bureij.

Sipas deklaratës zyrtare, Abu Zayda ishte figura më e lartë e ISIS-it në Gaza, përgjegjës për përcaktimin e politikave, planifikimin dhe ekzekutimin e operacioneve të grupit në disa rajone, përfshirë Judenë, Samarainë, Gazën dhe gadishullin e Sinait.

Ai kishte rol kyç në transferimin e armëve dhe pajisjeve luftarake si dhe në sigurimin e fondeve për veprimtarinë terroriste të grupit në rajon.

Krahas operacionit në Gaza, forcat izraelite kanë ndërmarrë edhe një tjetër sulm ajror të koordinuar në Libanin jugor, duke eliminuar Ahmed Na’im Matuk, një komandant i lartë i Forcës “Radwan” të Hezbollahut.

Sipas IDF-së, Matuk ishte kreu i një shtabi batalioni dhe ka qenë i përfshirë në planifikimin e disa komploteve kundër Izraelit që nga nisja e konfliktit.

The post Gjatë një sulmi ajror në Rripin e Gazës, Izraeli vret dhe kreun e ISIS appeared first on Albeu.com.

TEL AVIV, 29 gusht /ATSH-DPA/ – Forcat izraelite kanë vrarë një anëtar të lartë të grupit terrorist Shteti Islamik në Rripin e Gazës, deklaroi ushtria.

Muhammad Abd al-Aziz Abu Zubaida u vra në një sulm në zonën Bureij në qendër të territorit bregdetar të mbyllur”, shkroi IDF në Telegram.

Bureij është shtëpia e një kampi refugjatësh.

Sipas ushtrisë, Abu Zubaida ishte përgjegjës për degën e grupit në Palestinë, duke mbikëqyrur politikat, planifikimin dhe sulmet në Rripin e Gazës, Bregun Perëndimor dhe Gadishullin Sinai.

”Dega e Shtetit Islamik në Gaza thuhet se është e përfshirë në mënyrë aktive në luftimet kundër trupave izraelite”, sipas deklaratës. /os/

The post TEL AVIV – IDF: Kemi ekzekutuar në Gaza një anëtar të lartë të Shtetit Islamik appeared first on Agjencia Telegrafike Shqiptare.