Prej tre ditësh, qyteti i Vlorës vijon të jetë pa ujë si pasojë e një defekti të shkaktuar në linjën kryesore të transmetimit të ujit. Situata më problematike raportohet të jetë në spitalin e qytetit, ku thuhet se pacientët po furnizohen me ujë nga autobotet e zjarrfikësve. Sipas informacioneve, një ndërhyrje e kryer dy ditë […]

The post Tre ditë pa ujë/ Rëndohet situata në Vlorë, spitali furnizohet me autobotët e zjarrfikësve appeared first on BoldNews.al.

TIRANË, 11 dhjetor /ATSH/ Programi i Kombeve të Bashkuara për Zhvillim (UNDP), në partneritet me Qeverinë e Polonisë dhe Ministrinë e Brendshme përuruan sot një stacion të ri zjarrfikësish në bashkinë e Pogradecit.

Objekti shënon një moment të rëndësishëm të projektit “Forcimi i Kapaciteteve të Shërbimit Shqiptar të Mbrojtjes nga Zjarri dhe Shpëtimit” të financuar nga Qeveria e Polonisë dhe zbatuar nga UNDP.

Stacioni i ri zjarrfikës i Pogradecit zëvendëson një strukturë të vjetëruar dhe tani ofron infrastrukturë moderne duke përfshirë tre vende për zjarrfikës, zyra administrative dhe koordinimi, konvikte dhe ambiente kuzhine, një palestër, zona magazinimi dhe një postë shërbimi për kamionë, të gjitha të bëra të mundura falë projektit.

Këto investime përmirësojnë ndjeshëm kushtet e punës dhe kapacitetin e reagimit të zjarrfikësve bashkiakë, duke siguruar mbrojtje më të mirë për komunitetet, asetet ekonomike dhe burimet natyrore.

Bashkia e Pogradecit ka kontribuar financiarisht në këtë stacion zjarrfikësish.

Përfaqësuesja e Përhershme e UNDP-së  në Shqipëri Randi Davis e pranishme në këtë aktivitet vuri në dukje se “ky projekt përfaqëson një paketë gjithëpërfshirëse mbështetjeje për shërbimet komunale të mbrojtjes nga zjarri në Shqipëri”.

“Ne shprehim mirënjohjen tonë më të thellë për Qeverinë e Polonisë për mbështetjen e tyre bujare, si dhe për qeverinë dhe autoritetet komunale të Shqipërisë për bashkëpunimin e tyre. Së bashku, ne kemi forcuar qëndrueshmërinë e komuniteteve dhe kemi përmirësuar sigurinë e zjarrfikësve që shërbejnë me guxim dhe vetëmohim. Ndërsa projekti ka avancuar kapacitetet e zjarrfikësve të Shqipërisë, UNDP dhe partnerët e pranojnë se nevojiten modernizime dhe investime të mëtejshme”, tha Davis.

Projekti, i nisur në dhjetor 2020 në përgjigje të tërmetit shkatërrues të nëntorit 2019, u hartua për të adresuar boshllëqet kritike në infrastrukturën e zjarrfikësve të identifikuara në vlerësimin e nevojave pas fatkeqësisë.

Me një buxhet total prej 2.7 milionë eurosh të siguruar nga Qeveria e Polonisë, projekti ka sjellë përmirësime të prekshme në shërbimet e emergjencës në vijën e parë në dhjetë komuna prioritare.

Nga përurimi i stacionit të ri zjarrfikës së Pogradec

1 nga 4

/e.i/j.p/

The post Stacion i ri zjarrfikësish në Pogradec appeared first on Agjencia Telegrafike Shqiptare.

Një zjarr ka rënë në një prej bizneseve në afërsi të Leskovikut. Sipas informacioneve paraprake mësohet se zjarri ka përfshirë një prej shtëpive të drurit që ky biznes agroturizmi ka.

Zjarri dyshohet të ketë rënë nga pakujdesia, ndërkohë fatmirësisht raportohet vetëm për dëme material.

Evropa përjetoi këtë verë ditë të tëra ferri për shkak të flakëve që përfshinë shumë vende. Mbi 1 milion hektarë tokë janë djegur deri më tani përgjatë këtij viti, duke shënuar kështu edhe një rekord. Studimet thonë se ndryshimet klimatike kanë shtuar valët e të nxehtit dhe thatësirën, duke shkaktuar më shumë zjarre në pyje […]

The post Avionët zjarrfikës që s’u panë kurrë! Ministri Pirro Vengu “fluturon” me fjalë, jo me flotë! appeared first on BoldNews.al.

TIRANË, 4 tetor /ATSH/ Kryeministri Edi Rama deklaroi sot se, zjarrfikësit do të përfshihen në formulën e rritjes së pagave të Forcave të Armatosura.

Në aktivitetin për kapitullin e ri të mbrojtjes civile nëpërmjet transformimit të Forcës zjarrfikëse dhe inovacionit në Farkë, ku mori pjesë edhe ministri i Mbrojtjes, Pirro Vengu, ministrja e Punëve të Brendshme, Albana Koçiu dhe ministri i Shtetit për Pushtetin Vendor, Ervin Demo, Rama u shpreh se, “zjarrfikëset do të kalojnë në një nivel tërësisht tjetër vëmendjeje, trajtimi dhe mbështetjeje”.

Rama u shpreh se, “zjarrfikësit do të përfshihen në formulën e rritjes së pagave të Forcave të Armatosura, të cilat sot janë dëshmitare të një rritjeje të vazhdueshme dhe të qëndrueshme të pagave, me synimin që në Shqipërinë 2030 ne të kemi një Forcë të Armatosur të republikës së Shqipërisë në mesataren e pagave të NATO-s”.

Rama theksoi se, është një synim shumë ambicioz, por plotësisht i realizueshëm.

Sot, vijoi kreu i qeverisë, “kemi Forcat e Armatosura më të mirëpaguara të rajonit, ndërkohë që kur e kemi nisur këtë proces kishim Forcat e Armatosura më të keqpaguara të kontinentit tonë”.

“Në këtë formulë do të fusim edhe zjarrfikësit, për të cilët do të bëjmë një rritje të vazhdueshme të pagës”, tha Rama.

“Është shumë e rëndësishme dhe e domosdoshme”, tha Rama.

Rama shtoi se, për të gjithë është shumë e rëndësishme dhe e domosdoshme edhe për punonjësit e policisë, por theksoi ai, “e vërteta është që ndaj zjarrfikësve kemi një borxh që nuk mund ta lëmë të thellohet, pasi ndërkohë që ata përballen me një sfidë kolosale, gjithmonë e më të madhe çdo stinë vere, pagat e tyre nuk i përgjigjen lartësisë së kësaj sfide”.

Rama u shpreh se nuk është vetëm çështje pagash, por shtoi ai, “është një plan i tërë për modernizimin e mëtejshëm dhe për rritjen e kapaciteteve të gjithë trupës tonë të zjarrfikësve”.

Kryeministri shprehu besim se, “ky vit deri në përballjen e ardhshme do të jetë kyç për të pasur një performancë shumë më të mirë në territor, ku jo vetëm shpirti i sakrificës, jo vetëm ndjenja e fuqishme e shërbimit, që i kanë karakterizuar për hir të së vërtetës të gjithë djemtë, edhe ndonjë vajzë, se kemi pak vajza tek zjarrfikësit  për hir të së vërtetës, në këtë përballje, por edhe aftësitë teknike, mbështetja me teknologji, mbështetja me mjete të jenë në një nivel që rritet vit pas viti”.

/gj.m/a.f/

The post Rama: Rritje pagash për zjarrfikësit, sipas formulës së FA appeared first on Agjencia Telegrafike Shqiptare.

Një zjarr i fuqishëm shpërtheu pak para mesnatës në qendër të Shkupit, në afërsi të Tregut të Gjelbër. Zjarri ka përfshirë disa automjete të parkuara, ndërsa flakët janë përhapur me shpejtësi dhe kanë kapluar një pjesë të marketit afër.

Banorët e zonës janë shqetësuar nga tymi i dendur dhe shpërthimet që dëgjoheshin nga automjetet në flakë.

Në vendngjarje kanë ndërhyrë tri makina zjarrfikëse, të cilat kanë arritur ta vënë nën kontroll zjarrin. Po ashtu, në terren ka qenë e pranishme edhe policia, e cila ka rrethuar zonën dhe po punon për të zbardhur shkaqet e incidentit.

Fatmirësisht, nuk raportohet për të lënduar, por dëmet materiale janë të konsiderueshme. Autoritetet pritet të japin më shumë informacione në orët në vijim.

Emisioni “Fiks Fare” vijoi të denoncojë situatën e paralajmëruar të zjarreve gjatë verës në Shqipëri, ku qindra kilometra katrorë janë djegur nga jugu në veri. Emisioni solli dëshmi të tjera nga fshatrat e Gramshit, të banorëve që iu mbijetuan flakëve, por humbën të gjithë pasurinë. Ndërkohë, një grup tjetër i Fiksit, udhëtoi edhe në zonën […]

The post Përballja me zjarret/ Zjarrfikëset e viteve ’60-’70, në 2025 asnjë investim në flotën ajrore e tokësore appeared first on BoldNews.al.

Herët në mëngjes, rreth orës 4, ka shpërthyer zjarr në një autoservis në lagjen Pintija në Shkup. Sipas dëshmitarëve, fatmirësisht është shmangur një katastrofë.

“Herët në mëngjes, para orës 4:00, shpërtheu një zjarr i madh në një servis automjetesh para Pintijës (mbi Staklarën, në vendin e quajtur Kamenik), ku kishte disa automjete, vaj dhe sende të tjera të ndezshme".

"Brigada e Shkupit për Mbrojtje nga Zjarri menjëherë doli në vendngjarje dhe me 8 automjete, pas një beteje të vështirë, zjarri u shua para orës 6:00”, deklaroi për Kanal 5 drejtori i DMSH-së, Stojançe Angellov.

Një makinë është djegur mbrëmjen e kësaj të diele në Ksamil.

Mjeti ishte i parkuar në një lagje të Ksamilit. Sipas burimeve paraprake mjeti ishte me targa rumune. Zjarrfikësja ndodhet në vendngjarje për shuarjen e mjetit. Ende nuk dihet shkaku dhe pronari i mjetit./abcnews.al

Rrjetet sociale po përhapin fotografi të një kamioni të ri zjarrfikës për kushtet më të vështira.

Ai është i firmosur nga gjermani Rebo Sondermaschinen, i cili ka konvertuar një traktor bujqësor standard në GTLF-V 12000, një kamion i madh zjarrfikës për pyje me aftësi modulare.

Baza është John Deere 6R 250, dhe është një kamion zjarrfikës i pajisur plotësisht me aftësi dukshëm më të mëdha se konkurrenca, transmeton Telegrafi.

Për fillestarët, ekziston një motor nafte me gjashtë cilindra 6.8 litra me 301 kuaj-fuqi, i cili në kombinim me rrota të mëdha siguron manovrim të shkëlqyer, madje edhe nëpër tokë moçalore dhe me baltë. Mund të kapërcejë edhe pengesa ujore 1.20 metra të thella.

Një nga karakteristikat e veçanta është vetë kabina, e pajisur me një sistem mbrojtës dhe pajisje frymëmarrjeje që i lejojnë të kalojë nëpër zjarr.

Megjithatë, ajo që e bën këtë automjet të dallohet në veçanti është aftësia e tij për të shuar zjarret. Rezervuari ka një kapacitet deri në 12,000 litra ujë dhe 410 litra shkumë, dhe shkalla e rrjedhjes së pompës është deri në 360,000 litra në orë.

 

View this post on Instagram

 

A post shared by ostfriesen.tv (@ostfriesen.tv)

Mjeti ka tre topa uji – dy në pjesën e përparme dhe një në rimorkio. Për shembull, kamioni zjarrfikës Unimog TLF 4000 për terrene të vështira ka një kapacitet prej vetëm 4,000 litrash.

Një vlerë e veçantë e konceptit është modulariteti i tij. Mjete të ndryshme mund të montohen në aksesorë standardë, siç është një parmendë masive e përparme për heqjen e pengesave, një makinë mbushëse me thasë rëre, një vinç, pompa dhe një litar çeliku 80 metra i gjatë me një forcë tërheqëse prej 67.

 

View this post on Instagram

 

A post shared by BOS-Fahrzeuge.info (@bos_fahrzeuge.info)

Kjo shkathtësi lejon që ai të përdoret në shuarjen e zjarreve, por edhe në luftën kundër përmbytjeve, rrëshqitjeve të tokës ose fatkeqësive të tjera natyrore.

Testimi aktualisht po kryhet nga departamenti i zjarrfikësve, dhe një vendim do të merret më vonë nëse ky mjet do të ofrohet në treg. /Telegrafi/

The post Shikoni çfarë mund të bëjë ky kamion zjarrfikës appeared first on Telegrafi.

24 zjarrfikës, policë dhe ushtarë u nderuan sot në një ceremoni të posaçme nga kryeministri Edi Rama, për përpjekjet e bëra me zjarret gjatë verës.

“100 misione nga ajri, qindra ndërhyje dhe ky shtet nuk u thye, por tregoi se mekanizimi i Mbrojtjes Civile nga fshati më i largët deri tek qendra e Tiranës mundi dhe diti të jepte më të mirën.”, u shpreh Kryeministri Rama në ceremoninë e mirënjohjes publike.

Vendi ynë këtë verë u përfshi nga zjarre të mëdha duke prekur edhe zonat e banuara, të cilat çuan në shpërngulje të banorëve. Situata në gusht ishte kritike në Delvinë dhe Gramsh, ndërsa sipas Ministrisë së Mbrojtjes u angazhuan në terren 10 mijë forca.

U regjistruan dëme në banesa, bujqësi e blegtori dhe 56 mijë hektarë tokë e pyje u dogjën.

Në vend të nderimeve, kushte më të mira pune

“S’mund të dilnim nga kjo verë ferri për nga temperaturat pa plagë por kemi një kapital njerëzor që nuk e lë kurrë më Shqipërinë në baltë, mirënjohje të veçantë”, u shpreh kryeministri Rama në ceremoninë e mirënjohjes publike.

Mirëpo, zjarret përpos dëmeve që shkaktuan na ofruan edhe një panoramë të gjendjes në të cilën punojnë forcat zjarrfikëse në vend.

Vendi ynë numëron rreth 1250 zjarrfikës, ndërsa sipas ligjit për shërbimin e mbrojtjes nga zjarri dhe shpëtimi duhet të ketë 1 zjarrfikës për 1500-2000 banorë.

Bledar Bajrami, drejtues i sindikatës së zjarrfikësve në Shqipëri, u shpreh për Citizens.al se në raport me popullsinë dhe shtrirjen gjeografike nevojat nuk plotësohen.

“Ne nuk plotësojmë numrin për qytetin. Ne mbulojmë edhe pyjet. Duhet të ketë një normë, sa zjarrfikës duhen për kilometër të një pylli. Gjë e cila nuk është përcaktuar nga askush”, deklaroi Bajrami.

Sipas një raporti të Institutit për Bashkitë e Shqipërisë, numri mesatar i zjarrfikësve në nivel kombëtar është 0.8 zjarrfikës për 1500 banorë, ndërsa ai i automjeteve zjarrfikëse është 0.9 për 10.000 banorë. Pra, 25% nën nivelin që kërkohet sipas ligjit 152/2015 “Për shërbimin e mbrojtjes nga zjarri dhe shpëtimin”.

Sipas Bajramit, zjarrfikësit punojnë në kushte të vështira, pa mjete dhe mbështetje financiare.

“Makineritë në shumicën e bashkive janë shumë të vjetra, i përkasin viteve ’90. Veshjet nuk janë të mirëfillta për pyje”, u shpreh ai.

Ndërsa theksoi se nuk kanë ofiçina ku të dërgojnë mjetet për ti riparuar dhe shpesh bashkitë nuk shpallin tender për mirëmbajtje të mjeteve.

“Nuk kanë lekë për të rregulluar mjetet. Mjetet po rregullohen nga drejtori, shefat dhe zjarrfikësit nga xhepi i vet. Kanë hequr nga xhepi vet dhe kanë rregulluar makinat, me pretekstin që nuk është bërë tenderi”, u shpreh Bajrami.

Paga të ulëta dhe mos pagesë e orëve të natës

Në vitin 2023, kryeministri Rama deklaroi se do të ketë rritje pagash për punonjësit e forcave zjarrfikëse sipas kategorive me 20 mijë lek të reja në muaj.

Mirëpo, përfaqesuesit e sindikatës e shohin një rritje që nuk justifikon punën dhe kushtet në të cilat punohet.

“Nëse fillon sot punë, si asistent zjarrfikës merr 530 mijë lek të vjetra. Rritet nga 50 mijë lek të vjetra për gradë. Pastja hyn dhe vjetërsia e punës dhe shkon edhe 700 mijë lek për ata që kanë mbi 20 vite punë”, tha Bledar Bajrami për Citizens.al.

Prej vitit 2019, zjarrfikësit nuk marrin më as pagesë për orët e natës. Për këtë, Bajrami dhe të tjerë zjarrfikës i janë drejtuar gjykatës.

“Janë 5 vendime gjykate për orët e natës që zjarrfikësit nuk i marrin. Prej vitit 2019 nuk e marrim pagesën për orët e natës. Pagesa është 100 mijë lek (të vjetra). Kur kanë qenë pagat 390 mijë lek, i binte 30% e pagës. Na është mohuar 30% e pagës për shumë vjet, derisa u rrit rroga vjet”, argumenton Bajrami.

Ndërsa në bashki të ndryshme, zjarrfikësit nuk paguhen as për orët shtesë, duke ju deklaruar se do të mund ti marrin pushime gjatë dimrit.

“Kam Korçën, nuk marrin orët e punës që dalin jashtë orarit. Ju kanë thënë do i merrni pushime gjatë dimrit. Tani, ti nuk ke numrin e zjarrfikësve për të bërë shërbimin, për të dhënë leje dhe jo për të dhënë leje plus për të zëvendësuar shërbimet”, shprehet Bledar Bajrami, duke shtuar se nuk mundesh ta lësh shërbimin me dy punonjës.

Nevoja për flotë ajore

E mbështetur në Mekanizmin Evropian, Shqipëria mori ndihmë këtë verë përmes avionëve “Canadair” të posaçëm për fikjen e zjarreve,  dhe “Blac Hawk” të cilët erdhën nga Republika Çeke, Sllovakia, Emiratet e Bashkuara Arabe, Kroacia dhe Greqia. Ndërsa vetë, Shqipëria nuk ka një flotë të dedikuar avionësh për fikjen e zjarrit, përpos premtimeve dhe zotimeve të përsëritura për të krijuar një të tillë.

“Avionët janë një krah i fuqishëm në betejë dhe ne do kemi së shpejti flotën e avionëve tanë që do nisë të ndërtohet me 2 avionë zjarrfikës, por magjia është bashkërendimi dhe sakrifica në tokë”, tha sot kryeministri Rama.

Bajrami tregon se përpos përgatitjes së zjarrfikësve, pa një ndihmë ajrore nuk mund të izolojnë vatrat e zjarrit në hapësira pyjore.

“Nëse zjarri kalon 20 metra çfarë ti bësh? Duhet avioni.Kalon flota ajrore, bën shuarjen e zjarreve, futen trupat zjarrfikëse dhe bëjnë izolimin e vatrave që mos të përhapen sërish dhe bëhet një izolim”.

 Sipas tij vendit i duhen helikopterë dhe jo avionë.

“Avionin e përdor vetëm dy muaj në verë dhe nëntë muaj do ta mbash në hambar. Helikopteri të jetë pjesë e shërbimit zjarrfikës dhe e përdor gjatë 12 muajve të vitit, për fikjen e zjarreve, për evakuime, për përmbytje, për humnera ku na bien turistët”, u shpreh Bajrami.

Përhapja e zjarreve dhe pamundësia për ti izoluar më shpejt sipas Bajramit vjen edhe nga shërbimi pyjor jo efikas.

“Nuk krijohen breza sigurie. Nuk mbahen pastër rrugët. Ato rrugë që janë të mirëmbahen dhe të rregullohen që të kalojë zjarrfikësja”, përfundoi Bajrami ndërsa vuri theksin te nevoja për ivestim nga ana e bashkive për shërbimin zjarrfikës.

Lexo gjithashtu:

• Shqipëria mes flakëve
• Zjarret, pasojat dhe sfidat për vendin

The post “Mirënjohje pa kushte pune”, zjarrfikësit mes flakëve dhe premtimeve appeared first on Citizens.al.

Besnik Hasani, zjarrfikësi i Delvinës, nderohet nga Kryeministri Edi Rama me medalje ari për guximin në betejën me flakët   Një moment krenarie për Bashkinë Delvinë dhe banorët e saj: zjarrfikësi Besnik Hasani është nderuar nga Kryeministri i Shqipërisë, Edi Rama, për trimërinë dhe përkushtimin e treguar gjatë përballjes me zjarret që përfshinë zonën këtë […]

The post Besnik Hasani, zjarrfikësi i Delvinës, nderohet me medalje ari për guximin në betejën me flakët appeared first on Saranda Web.

Sali Berisha ka reaguar pasi Edi Rama dekoroi disa prej forcave zjarrfikëse që luftuan me flakët që përfshinë vendin këtë verë dhe shprehet se këta punonjës nuk kanë nevojë për dekorata, por për kushte më të mira pune. Berisha shprehet se shpërndarja e këtyre dekoratave, është një tallje për ta. “Ramaduro u ka shpërndarë sot […]

The post Rama dekoroi punonjësit e Shërbimit Zjarrfikës, Berisha: Tallje! Duan kushte më të mira pune appeared first on BoldNews.al.

TIRANË, 27 gusht/ATSH/ Kryeministri Edi Rama u shpreh sot se, në përballje me flakët e zjarrit dhe temperaturat e “ferrit” të verës, vendi ynë ka një potencial njerëzor që dëshmoi se nuk e lë kurrë Shqipërinë në baltë.

Nga ceremonia e Mirënjohjes Kombëtare të dhënies së medaljeve dhe shpërblimeve për të gjithë forcat e angazhuara në operacionet e shpëtimit ndaj zjarreve, Rama tha se avionët nga jashtë i marrin edhe vendet e tjera, sepse i tillë është Mekanizmi Evropian i Mbrojtjes.

“Vendet në pamundësi për të përballuar këtë lloj emergjence, marrin ndihmë edhe nga të tjerët. Reciprokisht këmbejnë mjetet”, tha Rama.

Kreu i Ekzekutivit shprehu një falënderim të veçantë për Emiratet e Bashkuara që u gjenden me shumë shpejtësi duke dërguar helikopterë dhe avionë.

Rama tha se “duke nderuar 24 ushtarë, policë, zjarrfikës me medalje ne duam të nderojmë Shqipërinë që tregoi se “po” kemi të meta, kemi ende shumë për të investuar në mjete dhe sisteme inteligjente, por nuk mund të dilnim nga kjo verë ferri për nga temperaturat pa plagë. Por, kemi mbi të gjitha një kapital njerëzor që nuk e lë më kurrë Shqipërinë në baltë”.

“Mirënjohje të veçantë dhe ky kapitull i ndezur jo vetëm nga flakët e pyjeve, por dhe të fjalëve, sot merr një mesazh të vetëm si epilog, se edhe përballë flakëve më të egra Shqipëria tregon forcë të madhe proporcionale. Sa më e madhe sfida, aq më i madh solidariteti, aq më e fortë ndjenja e përkushtimit dhe aq më të angazhuar dhe të motivuar profesionalisht njerëzit me uniformë”, pohoi Rama.

Kryeministri u ndal edhe te nevoja për përmirësimin më tej të sistemit, duke përfshirë teknologjinë dhe duke punuar për parandalimin.

“Duke menduar për zjarret e ardhme kur temperaturat janë të ulëta dhe duke u përgatitur si për një  ndeshje të radhës me një përbindësh që do të bëhet edhe më i egër. Le të mbështesim më fuqimisht edhe kapitalin njerëzor, duke bërë gjithçka për të rritur edhe mbështetjen financiare”, vijoi Rama.

Rama cilësoi se i është përgjigjur “pozitivisht dhe me përulësi propozimeve të bëra nga ministritë për të bërë dekorimet dhe për të shpërndarë disa medalje, si një shenjë simbolike mirënjohjeje dhe një mesazh për të gjithë këtë trupë, e cila meriton nderimin më të posaçëm”.

/e.i/j.p/

The post Mirënjohja për zjarrfikësit, Rama: Kemi kapital njerëzor që nuk e lë më kurrë Shqipërinë në baltë appeared first on Agjencia Telegrafike Shqiptare.

Në një ceremoni të zhvilluar me rastin e Mirënjohjes Kombëtare për forcat e angazhuara në përballimin e zjarreve masive gjatë verës, kryeministri Edi Rama vlerësoi përkushtimin dhe profesionalizmin e shërbimeve emergjente shqiptare.

Ai theksoi se, ndërkohë që vendet e Mesdheut si Franca, Greqia, Italia, Portugalia dhe Turqia u përballën me dëme të mëdha dhe viktima për shkak të flakëve, Shqipëria arriti të reagojë me efikasitet falë angazhimit të forcave në terren dhe mbështetjes së partnerëve ndërkombëtarë.

Rama nënvizoi se avionët zjarrfikës janë ndihmës të rëndësishëm, por se forca kryesore mbetet ajo në tokë. Më tej kreu i qeverisë tha se së shpejti Shqipëria do të disponojë flotën e saj ajrore për përballimin e emergjencave natyrore.

“Ndërkohë që i gjithë Mesdheu ishte në flakë si asnjëherë më parë, në Francë, Portugali, Greqi e Itali. U dogjën qindra mijëra hektarë tokë, kurse Turqia numëroi dhe viktima. Parafytyroni që BE del nga kjo verë me mijëra hektarë tokë të bëra shkrumb e hi. Prandaj kur dëgjojmë që shajnë Shqipërinë, duhet të kenë parasysh që avionët nuk janë magjistarë, por ndihmës të cilët nuk na kanë munguar nga mbështetja e BE, ku Shqipëria bën pjesë me të drejta të plota. Avionët janë një krah i fuqishëm, ku ne do të kemi së shpejti flotën tonë, e cila do të jetë me dy avionë zjarrfikës. Por, kryesorja jonë është forca në tokë”, tha kryeministri Rama./abcnews.al

Një zjarr ka rënë në oborrin e një banese në fshatin Rreth në Libofshë të Fierit.

Mësohet se flakët të favorizuara nga era e fortë këtë pasdite kanë rrezikuar banesën në të cilën ra zjarri.

Me ndërhyrjen e zjarrfikësve dhe të banorëve të zonës është neutralizuar vatra e zjarrit.

/abcnews.al/

Një automjet tip Mercedes-Benz është përfshirë nga flakët gjatë lëvizjes në aksin rrugor Sevaster – Vajzë, në territorin e bashkisë Selenicë. Sipas informacioneve paraprake nga shërbimi zjarrfikës dhe policia, dyshohet se shkaku i zjarrit mund të ketë qenë një shkëndijë elektrike ose një defekt teknik në motorin e mjetit. Fatmirësisht, nuk raportohet për persona të […]

The post Merr flakë një makinë në ecje në Vlorë, shkrumbohet plotësisht appeared first on BoldNews.al.

TIRANË, 13 gusht /ATSH/ Ministria e Mbrojtjes, njoftoi sot se, ekipet e zjarrfikësve te BMEC (Forcat e Armatosura) kanë arritur të ndalojnë me sukses avancimin e flakëve drejt banesave në Delvinë.

Të shpërndara në pika të ndryshme të qytetit, mjetet zjarrfikëse dhe efektivët vazhdojnë prej disa orësh luftën me zjarrin.

Ministria e Mbrojtjes vuri në dukje se efektivët janë të mbështetur nga ajri dhe kanë bashkëpunimin me strukturat lokale të emergjencave civile dhe Policinë e Shtetit.

/gj.m/j.p/

The post MM: Ekipet e zjarrfikësve ndalojnë avancimin e flakëve drejt banesave në Delvinë appeared first on Agjencia Telegrafike Shqiptare.

Sektori i zjarrfikësve në Shqipëri, që prej Reformës Territoriale të vitit 2015, është transferuar nën administrimin e bashkive, por pa fonde dhe mjete shtesë, duke lënë shumë prej tyre pa mjetet dhe pajisjet e nevojshme për reagim efikas. Një drejtues i sektorit të zjarrfikësve në një nga bashkitë e mëdha të vendit tha në kushtet […]

The post Reforma/ Zjarrfikësit as të “njerkës as të nënës”, kompetencat e transferuan pa fonde appeared first on BoldNews.al.

Në një kohë kur Shqipëria po kalon një situate dramatike për shkak të zjarreve të favorizuara nga temperatuarat ekstremisht të larta dhe avionët zjarrëfikës të ardhur nga vendet e BE-së nga flota e Mekanizmit të Mbrojtjes Civile po ndihmojnë Shqipërinë të përballojë situatën, zyrtarët e lartë duket se po “fshihen” pas propagandës duke maskuar të vërtetën mbi […]

The post Pirro Vëngu fshihet pas propagandës! Shqipëria nuk i ka mbyllur procedurat për blerjen e dy avionëve zjarrfikës appeared first on BoldNews.al.