Udhëheqësit e Bashkimit Evropian do të takohen sot në Bruksel për të gjetur një përgjigje të përbashkët ndaj presidentit të SHBA-së Donald Trump në lidhje me aspiratat e tij për Groenlandën.
Ai duhej të vendoste një tarifë shtesë prej 10% për mallrat nga disa aleatë evropianë nga 1 shkurti, por dje ndryshoi mendje.
Trump kishte thënë se tetë vende evropiane do të përballeshin me tarifa më të larta derisa Shtetet e Bashkuara të siguronin atë që ai e përshkroi si “blerjen e plotë dhe totale” të Groenlandës së administruar nga Danimarka.
Dje, Trump tha se nuk do të përdorte forcën dhe hoqi dorë nga kërcënimi i tij për tarifa ndërsa përmendi një marrëveshje të paspecifikuar të NATO-s mbi ishullin Arktik.
Përpara samitit, disa zyrtarë theksuan se BE po përpiqej të zgjidhte situatën dhe se blloku do të merrte në konsideratë zbatimin e kundërmasave vetëm nëse tarifat e kërcënuara do të vendoseshin.
”Java e rrëmujës me Trump do të thotë se marrëdhëniet transatlantike janë në një udhëkryq”, tha presidentja e Komisionit Evropian, Ursula von der Leyen përpara samitit.
”Evropa preferon dialogun dhe zgjidhjet, por ne jemi plotësisht të përgatitur të veprojmë, nëse është e nevojshme, me unitet, urgjencë dhe vendosmëri”, theksoi ajo.
SHBA-ja mund të detyrohet të kthejë qindra miliarda dollarë të mbledhura nga tarifat.
Shtetet e Bashkuara mund të detyrohen të rimbursojnë të ardhurat e mbledhura nga tarifat doganore nëse Gjykata e Lartë e SHBA-s e shpall të paligjshme politikën e tarifave, tha presidenti amerikan, Donald Trump.
Sipas Trumpit, shumat që mund të duhen kthyer arrijnë në qindra miliarda dollarë, dhe ai vlerëson se nuk sheh se si këto para mund të kthehen pa shkaktuar dëme për një numër të madh njerëzish.
“Shtetet e Bashkuara mund të detyrohen të rimbursojnë të ardhurat nga tarifat doganore nëse Gjykata e Lartë shpall politikën e tarifave të paligjshme”, tha lideri amerikan, raporton cnbc.
Vendimi i Gjykatës së Lartë mbi ligjshmërinë e tarifave të vendosura nën International Emergency Economic Powers Act është akoma në pritje - Gjykata tërhoqi vendimin e planifikuar në seancën e fundit dhe nuk dha një afat të ri, duke e shtyrë mundësinë e një vendimi për disa javë, ndoshta deri më 20 shkurt.
Nëse gjykata i shpall tarifat të paligjshme, kjo mund të çojë në kërkesa për rimbursime nga importuesit amerikanë për tarifat që kanë paguar, dhe ekspertët juridikë thonë se kjo çështje do të jetë komplekse për t’u zbatuar praktikisht. /Telegrafi/
Presidenti i SHBA-së, Donald Trump, ka kërcënuar të vendosë një tarifë prej 200% për verën dhe shampanjën franceze, pasi një ndihmës i presidentit francez, Emmanuel Macron, tha se Franca "nuk ka ndërmend" të pranojë një ftesë për t'u bashkuar me "Bordin e Paqes" për Gazën.
"Askush nuk e do atë sepse ai do të largohet nga detyra shumë shpejt", tha Trump pasi dëgjoi nga një gazetar se Macron ka të ngjarë të mos i bashkohet bordit.
"Do të vendos një tarifë prej 200% për verërat dhe shampanjat e tij dhe ai do të bashkohet, por nuk është i detyruar të bashkohet", tha ai, transmeton Telegrafi.
Mandati pesëvjeçar presidencial i Macron do të përfundojë në maj 2027 dhe ai nuk mund të kandidojë përsëri për një mandat të tretë në përputhje me ligjin francez.
"Bordi i Paqes" ishte një ide e propozuar fillimisht nga Trump shtatorin e kaluar si pjesë e planit të tij për t'i dhënë fund luftës në Gaza, megjithëse iniciativa tani duket se synon ndërmjetësimin e konflikteve globale në një kuptim më të gjerë.
Një draft statuti i dërguar rreth 60 vendeve nga SHBA-të u bën thirrje anëtarëve të kontribuojnë 1 miliard dollarë në para të gatshme nëse duan që anëtarësimi i tyre të zgjasë më shumë se tre vjet, sipas dokumentit të parë nga Reuters.
Karta sugjeron që Trump do të shërbejë si kryetar inaugurues i bordit dhe do të kryesojë vendimet e anëtarësimit.
Presidenti rus Vladimir Putin është ftuar të bashkohet me bordin, si dhe kryeministri i Mbretërisë së Bashkuar, Keir Starmer, udhëheqësi bjellorus Alexander Lukashenko, kryeministri indian Narendra Modi dhe të tjerë.
Ekzistojnë frika se Bordi mund të minojë kornizën e Kombeve të Bashkuara, dhe numri i madh i ftesave që janë dërguar gjithashtu ngre pyetje në lidhje me mandatin e bordit dhe proceset e vendimmarrjes.
Presidenti amerikan publikoi gjithashtu një mesazh privat me tekst nga Macron në platformën e tij Truth Social, në të cilin presidenti francez e ftoi Trumpin të darkonte në Paris të enjten.
Në mesazhe, Macron i tha Trumpit se mund të ftonte ukrainasit, danezët, sirianët dhe rusët të merrnin pjesë në margjinat e një takimi të G7 të enjten.
Presidenti francez i tha gjithashtu Trump se nuk e kuptonte se çfarë po "bënte" oresidenti i SHBA-së në Grenlandë.
Uashingtoni njoftoi se tetë vende evropiane do të përballen me një tarifë prej 10% mbi eksportet e tyre amerikane nga 1 shkurti, nëse nuk mbështesin propozimin e SHBA-së për të blerë territorin gjysmë-autonom danez. Kjo normë do të rritet në 25% në qershor nëse nuk arrihet një marrëveshje.
Në mënyrë specifike, kërcënimi synon Danimarkën, Norvegjinë, Suedinë, Francën, Gjermaninë, Mbretërinë e Bashkuar, Holandën dhe Finlandën. /Telegrafi/
Forcat ushtarake Amerikane kanë kryer një sulm ajror në veriperëndim të Sirisë, një operacion ky që solli vrasjen e një drejtuesi të lartë të lidhur me Al Kaedën, i cili ishte përfshirë në mënyrë të drejtpërdrejt në planifikimin e sulmeve kundër forcave të Shteteve të Bashkuara.
Komanda Qendrore Ushtarake e Shteteve të Bashkuara deklaroi se objektivi i sulmit ishte Bilal Hasan al-Jasim, i përshkruar nga ushtria amerikane si “një drejtues terrorist me përvojë”.
Komanda Ushtarake Amerikane deklaroi se Al Jasim kishte planifikuar sulme terroriste dhe kishte lidhje të drejtpërdrejta me autorin e një sulmi të ISIS-it në Palmyra, Siri, më 13 dhjetor.
Në atë sulm, dy ushtarakë amerikanë dhe një përkthyes amerikan humbën jetën, ndërsa disa pjesëtarë të forcave amerikane dhe siriane u plagosën. Pete Hegseth, Sekretari Amerikan i Mbrojtjes kishte deklaruar në muajin dhjetor se forcat ushtarake partnere të Shteteve të Bashkuara kishin vrarë autorin e atij sulmi.
Komandanti i Komandës Qëndrore ushtarake Amerikane Brad Cooper deklaroi se eliminimi i Bilal Hasan al-Jasim tregoi se eliminimi i këtij terroristi tregon vendosmërinë e Shteteve të Bashkuara për të ndjekur dhe neutralizuar çdo individ që sulmon forcat Amerikane.
Pas sulmit ndaj forcave Amerikane ne dhjetor presidenti amerikan Donald Trump kishte premtuar hakmarrje, duke e cilësuar incidentin si “një sulm të ISIS-it kundër SHBA-së”. Javën e kaluar, Shtetet e Bashkuara vijuan sulme të gjera ajrore në Siri në kuadër të operacionit të quajtur “Hawkeye Strike”.
Sipas Komandës Qendrore ushtarake amerikane , gjatë këtij operacioni janë goditur mbi 100 objektiva të infrastrukturës dhe armëve të ISIS-it, duke përdorur më shumë se 200 municione precize. Operacionet nisën në dhjetor, me objektiv bastionet e ISIS-it në territorin sirian.
Gjatë vitit të fundit, forcat amerikane dhe ato partnere kanë arrestuar më shumë se 300 operativë të ISIS-it dhe kanë vrarë mbi 20 të tjerë në Siri, duke eliminuar kërcënime të drejtpërdrejta për Shtetet e Bashkuara dhe sigurinë rajonale, thuhet në deklaratën zyrtare.
Kreu i Partisë Republikane, Fatmir Mediu, në 35-vjetorin e themelimit, u shpreh se kjo parti u ndërtua mbi vlerat e djathta, duke shtuar se politika është mision dhe shërbim, jo privilegj
Gjithashtu, ai bëri thirrje për bashkimin e opozitës kundër korrupsionit dhe për rikthimin e demokracisë dhe vlerave euroatlantike.
Partia Republikane, festoi 35-vjetorin e themelimit me një pritje ku morën pjesë drejtues, anëtarë e simpatizantë, si dhe kryetari i Partisë Demokratike, Sali Berisha, dhe përfaqësues të opozitës.
Republikanët u ndërtuan mbi vlerat e djathta-familjen, pronën, lirinë, shtetin e së drejtës, patriotizmin dhe besimin në Zot – duke nënvizuar se politika është mision dhe shërbim, jo privilegj.
Ai bëri thirrje për bashkimin e opozitës kundër korrupsionit dhe për rikthimin e demokracisë dhe vlerave euroatlantike.
Ish-kryeministri Sali Berisha, vlerësoi figurën e Sabri Godos dhe rolin e aleancës me PR-në në integrimin euroatlantik, duke theksuar nevojën për reagim qytetar dhe një qeveri teknike për zgjedhje të lira.
TIRANË- Kryeministri i Shqipërisë Edi Rama ka hedhur poshtë aludimet e opozitës se shqiptarëve u janë pezulluar vizat për në SHBA.
Rama sqaroi se nuk bëhet fjalë për vizat, por lejet e qëndrimit për punë, pasi administrate Trump ka parë abuzimin me to nga të huajt gjatë qëndrimit në SHBA.
Por edhe kësaj radhe, për Ramën, burimi i dezinformimit për shqiptarët ishte opozita.
Ai i paralajmëroi sërish se nga entuziazmi i nxituar do të shkojnë tek humbja e thelluar.
“Dhe në fund, për kripë, jo për ëmbëlsirë, dua të them dy fjalë për ata që u hodhën përpjetë, ose më saktë, për ata që jetojnë të hedhur përpjetë dhe që, në përpjetësinë e tyre, i shtuan hedhjeve edhe një hedhje të radhës dhe të së njëjtës natyrë: dezinformim, çoroditje e opinionit publik, helmim i të gjithë atyre që kanë akoma fuqinë t’i dëgjojnë, duke thënë që Amerika i ndaloi vizat për Shqipërinë.
Kjo është e pavërtetë! Shtetet e Bashkuara të Amerikës nuk kanë ndaluar vizat për Shqipërinë.
Shtetet e Bashkuara të Amerikës, administrata aktuale, nën orientimin e qartë prej kohësh të Presidentit Trump për politikën e re lidhur me emigracionin, ka vendosur që për 75 vende të botës, ndër të cilat edhe disa vende të Ballkanit, ku përfshihet edhe Kosova, të bëhet një pezullim i përkohshëm për sa i përket lejeve të punës në Shtetet e Bashkuara, jo vizave për në Amerikë, por lejeve të qëndrimit në Amerikë për punë, pasi për këtë kategori vendesh kanë vënë re fenomenin e marrjes së vizës për turizëm, marrjes së vizës për biznes dhe më pas të mosrespektimit të afateve, por të qëndrimit atje për të filluar një punë, dhe kjo është diçka që shkon në linjën krejt normale të politikës së re të Presidentit Trump dhe që nuk ka pikën e lidhjes me të gjitha ato që u thanë nga ata që hidhen përpjetë dhe që, përsëri, kur të bien në tokë, do të shohin se terreni mbi të cilin qëndrojnë është gjithmonë më i rrëshqitshëm. Pra, do të humbin thellë e më thellë dhe do të hidhen përpjetë lart e më lart.”, tha Rama./abcnews.al
E hënë, 4 prill 2022. Me valixhe në duar, çantë në krahë dhe shumë ëndrra në mendje e zemër, Artina – emër i vendosur nga redaksia e Radios Evropa e Lirë për ta ruajtur anonimitetin e së intervistuarës – u nis drejt SHBA-së. Në maj të vitit paraprak, ajo ishte përzgjedhur fituese e asaj që […]
KOPENHAGË, 16 janar /ATSH/ – Një delegacion dypartiak i Kongresit të SHBA-së vizitoi sot Danimarkën për të shprehur mbështetje ndaj Kopenhagenës dhe Groenlandës, në një moment kur presidenti Donald Trump po rrit presionin për aneksimin e ishullit arktik.
Vizita synoi të dëgjojë shqetësimet lokale dhe t’i përcjellë ato në Uashington, me qëllim uljen e tensioneve, sipas BBC.
Delegacioni prej 11 anëtarësh u takua me kryeministren daneze Mette Frederiksen dhe kryeministrin e Groenlandës, Jens-Frederik Nielsen. Senatori Chris Coons tha se qëllimi ishte “të ulet temperatura” përmes dialogut dhe të kuptohet pozicioni i vendeve të përfshira.
Presidenti Trump ka deklaruar se Groenlanda është jetike për sigurinë e SHBA-së dhe se ajo mund të merret “lehtë” ose “vështirë”, duke përmendur ide për blerje ose përdorim force. Danimarka dhe Groenlanda e kanë refuzuar kategorikisht çdo ide të tillë, duke theksuar sovranitetin e tyre.
Megjithëse Groenlanda ka popullsi të vogël, ajo është e pasur me burime natyrore dhe ka rëndësi strategjike për mbrojtjen, veçanërisht për sistemet e paralajmërimit të hershëm dhe kontrollin e lëvizjeve në Arktik. SHB-ja tashmë operon bazën ushtarake “Pituffik” dhe ka të drejtë të rrisë praninë ushtarake sipas marrëveshjeve ekzistuese.
Trump, megjithatë, ka këmbëngulur se SHBA-ja duhet ta zotërojë Groenlandën për ta mbrojtur nga kërcënime të mundshme ruse apo kineze. Danimarka ka paralajmëruar se një veprim i tillë do të minonte NATO-n, pasi aleanca nuk ka parashikuar kurrë përdorimin e forcës nga një anëtar kundër një tjetri.
Vendet evropiane janë rreshtuar në mbështetje të Danimarkës, duke theksuar se siguria e Arktikut është përgjegjësi e përbashkët e NATO-s. Disa prej tyre kanë dërguar trupa në Groenlandë për një mision të kufizuar zbulimi, ndërsa Franca ka njoftuar dërgimin e mjeteve tokësore, ajrore dhe detare.
Në SHBA, disa ligjvënës po përpiqen të bllokojnë aneksimin përmes projektligjeve, duke përmendur rolin e Kongresit në miratimin e fondeve ushtarake./ /Ad.Ab./ a.jor.
Prokuroria e Tiranës njoftoi të premten se kishte sekuestruar disa shoqëri tregtare, mbi 23 hektarë tokë në Dhërmi si dhe automjete dhe llogari bankare në pronësinë e shtetasit spanjoll Alvaro Castillos – i akuzuar për ngritjen e një skeme ndërkombëtare mashtrimi me vlerë 30 milionë euro nga Spanja deri në Shtetet e Bashkuara të Amerikës. […]
Administrata e udhëhequr nga Donald Trump e cilësoi bombardimin e njësive bërthamore iraniane vitin e kaluar si një nga sukseset e saj të mëdha ushtarake.
Bombarduesit B-2 të Forcave Ajrore Amerikane hodhën 14 nga bombat më të mëdha në botë, duke goditur dy instalime bërthamore iraniane pa asnjë viktimë amerikane ose humbje aeroplanësh, duke përfshirë dhjetëra aeroplanë luftarakë, tankerë dhe aeroplanë mbështetës që ndihmuan në ekzekutimin e misionit.
Tani presidenti Donald Trump po kërcënon të sulmojë përsëri Iranin, këtë herë në solidaritet me qindra mijëra iranianë të zakonshëm që kanë dalë në rrugë për të kundërshtuar regjimin e linjës së ashpër në Teheran.
Por çdo sulm i ri i SHBA-së ndaj Republikës Islamike nuk ka gjasa të pasqyrojë sulmet e njëhershme që goditën tre objektiva bërthamore verën e kaluar, thonë analistët, shkruan CNN, përcjell Telegrafi.
Sipas shkrimit të CNN, një sulm në mbështetje të protestuesve do të duhet të përqendrohet në një sërë qendrash komande dhe objektiva të tjera që lidhen me Korpusin e Gardës Revolucionare Islamike (IRGC) të Iranit, forcat e saj të lidhura me Basij dhe forcën policore iraniane, të cilat janë organizatat kryesore që kryejnë shtypjen e përgjakshme të disidentëve.
Por këto qendra komande ndodhen brenda zonave të populluara, që do të thotë se ekziston një rrezik i konsiderueshëm që sulmet amerikane të vrasin pikërisht civilët që Trump po përpiqet të mbrojë, thonë analistët.
Dhe vrasja e civilëve mund të ketë efekt të kundërt, duke e zhvlerësuar atë që SHBA-të po përpiqen të arrijnë dhe duke i dhënë regjimit të Iranit si një fitore propagande ashtu edhe një thirrje për t'u bashkuar, veçanërisht për ata qytetarë që mund të duan reforma, por po aq nuk kanë dëshirë të bombardohen përsëri nga SHBA-të.
"Çfarëdo që të bëjë (SHBA-ja), duhet të jetë shumë e saktë pa viktima", vlerëson analisti me bazë në Hawaii, Carl Schuster, një ish-kapiten i Marinës Amerikane.
Çdo sulm që dëmton civilët "edhe nëse pa dashje" rrezikon të armiqësojë "disidentët që janë të bashkuar vetëm në urrejtjen e tyre ndaj regjimit. Humbjet na bëjnë një fuqi të huaj që përpiqet të shtypë, të dominojë Iranin, jo një ndikim çlirues", tha Schuster.
Por çfarë armësh mund të përdorë SHBA-ja?
Ndërsa bombarduesit B-2 ishin “gjëja e mprehtë” e sulmit amerikan të verës së kaluar në vendet bërthamore, objektivi i larmishëm i vendosur tani mund të jetë më i përshtatshëm për asete të tjera amerikane, thanë analistët.
"Selitë qendrore dhe bazat rajonale të IRGC-së mund të goditen nga raketat (Tomahawk)", thotë Schuster.
Tomahawkët shumë të saktë mund të qëllohen nga nëndetëset e Marinës Amerikane dhe anijet sipërfaqësore larg brigjeve iraniane, duke minimizuar rrezikun e viktimave amerikane.
Një tjetër opsion raketash është JASSM.
Duke mbajtur një kokë luftarake depërtuese prej rreth 500 kilogramësh dhe me një rreze veprimi deri në 620 milje (1,000 kilometra), JASSM mund të qëllohet gjithashtu larg brigjeve iraniane nga një gamë aeroplanësh të Forcave Ajrore Amerikane, duke përfshirë F-15, F-16 dhe F-35 dhe bombardues B-1, B-2 dhe B-52, si dhe luftëtarë F/A-18 të Marinës Amerikane.
Dhe analistët thanë se dronët mund të përdoren, gjithashtu. /Telegrafi/
Ngrirja e vizave të emigracionit për 75 vende nga Shtetet e Bashkuara ka shkaktuar një debat politik në Shqipëri, me opozitën që fajëson qeverinë e kryeministrit Edi Rama. Të enjten, ministrja e Jashtme, Elisa Spiropali hodhi poshtë pretendimet e opozitës se lëvizja e Shteteve të Bashkuara ishte një përgjigje ndaj politikave të Ramës. “Vendimi i […]
Presidenti i Shteteve të Bashkuara të Amerikës, Donald Trump, e ka bërë të qartë se të huajt që emigrojnë në SHBA duhet ta mbajnë veten me punë, dhe jo të bëhen barrë e shtetit.
Prandaj, të mërkurën e 14 janarit vendosi ta pezullojë përkohësisht lëshimin e vizave të emigrimit nga 75 vende të botës, përfshirë Kosovën.
Tani, Departamenti amerikan i Shtetit po e bën rishikimin e plotë të të gjitha politikave, rregulloreve dhe udhëzimeve, për t’u siguruar që emigrantët nga këto shtete – që autoritetet amerikane i cilësojnë si vende me rrezik të lartë – të mos i shfrytëzojnë ndihmat sociale të shtetit amerikan dhe të mos bëhen barrë e parasë publike, shkruan Evropa e Lirë.
Vendimi, i cili prek edhe kosovarët që duan të aplikojnë për vizë emigrantësh, e njohur më shumë si “Green Card”, do të hyjë në fuqi më 21 janar 2026.
Më poshtë mund të lexoni krejt çfarë duhet të dini për këtë çështje.
Çfarë është viza e emigrimit?
Viza e emigrimit është vizë që ia mundëson një shtetasi të huaj të hyjë në Shtetet e Bashkuara, me qëllim që të jetojë atje përjetë. Pra, në thelb, kjo vizë është bileta që ia mundëson përfituesit të bëhet ligjërisht banor i përhershëm në SHBA, si mbajtës i “Green Card”.
Kjo vizë u lëshohet atyre që duan të zhvendosen përherë në SHBA, në vend se ta vizitojnë përkohësisht për turizëm, studime ose punë.
Pasi i pranohet viza, personi zakonisht fiton të drejtën për të jetuar përherë në SHBA, për të punuar pa kufizime, dhe përfundimisht për të aplikuar për shtetësi amerikane.
A lejohet aplikimi për vizën e emigrimit gjatë periudhës së pezullimit?
Po. Shtetasit nga vendet e prekura nga vendimi i Trumpit mund të bëjnë kërkesë për vizë dhe mund të marrin pjesë në intervistë.
Departamenti i Shtetit njoftoi se do të vazhdojë të caktojë terminë për intervista, pavarësisht se gjatë kohës së pezullimit nuk do të lëshojë viza të emigrimit për shtetasit e 75 vendeve të prekura.
Kush nuk preket nga ky pezullim?
Shtetasit me dy shtetësi që aplikojnë me pasaportë të vlefshme të një vendi që nuk është i futur në listën e 75 vendeve të prekura nuk preken nga ky vendim.
Për shembull, nga të gjitha vendet e Ballkanit Perëndimor, vetëm Serbia nuk preket nga ky vendim.
Si ndikon pezullimi tek ata që kanë vizë të vlefshme?
Vendimi i Trumpit nuk ndikon tek ata që tashmë kanë vizë të vlefshme të emigrimit. Pra, vendimi nuk kërkon heqjen e vizave të lëshuara paraprakisht.
A vlen vendimi për vizat turistike?
Jo. Ky vendim vlen vetëm për aplikantët për vizë të emigrimit. Vizat turistike nuk janë viza emigrimi, prandaj edhe nuk preken.
Pse e mori Trump këtë vendim?
Presidenti amerikan tha se një përqindje tejet e lartë e të huajve që janë zhvendosur në Shtetet e Bashkuara, përmes vizës së emigrimit, nuk punojnë – por varen nga ndihmat sociale amerikane.
Ai nuk dëshiron që të huajt që synojnë të emigrojnë në Shtetet e Bashkuara të bëhen barrë e parasë publike dhe ndihmave të shtetit.
Për shembull, 46 për qind e shtetasve të Kosovës që kanë shkuar në SHBA përmes vizës së emigrimit marrin ndihma sociale nga Qeveria amerikane, sipas listës së publikuar nga Trump në rrjetet sociale më 4 janar.
SHBA-ja i kishte lëshuar 6.674 viza emigrimi për kosovarët në 10 vjetët e fundit, apo mesatarisht rreth 670 viza në vit, sipas të dhënave të Departamentit të Shtetit.
Radio Evropa e Lirë ka kontaktuar Qeverinë në detyrë të Kosovës për të marrë një koment prej saj për këtë çështje, por deri në momentin e publikimit të këtij teksti nuk ka pranuar një përgjigje.
Butani i prin listës, pasi 81.4 për qind shtetasve të tij që janë zhvendosur në SHBA përmes vizës së emigrimit, jetojnë me ndihma sociale.
Të dhënat zyrtare tregojnë se Shtetet e Bashkuara kishin lëshuar mbi 612.000 viza emigrimi në gjithë botën në vitin 2024, që është më shumë së në vitin paraprak (562.976).
Departamenti i Shtetit i Shteteve të Bashkuara ka njoftuar se, duke filluar nga data 21 janar 2026, do të pezullojë lëshimin e të gjitha vizave emigruese për aplikantët që janë shtetas të 85 vendeve të caktuara, përfshirë Shqipërinë.
Sipas analistit pranë ABC News, Artur Nura, kjo masë nuk prek vizat turistike apo studentore, por lidhet kryesisht me politikat e administratës Trump për emigrimin dhe tregun e punës në SHBA, duke synuar rregulla më strikte dhe mbrojtjen e interesave të brendshme amerikane, ndërsa marrëdhëniet dypalëshe mes Shqipërisë dhe SHBA-së mbeten të pandikuara.
“Kjo politikë u takon vetëm për vizat e emigrimit të përhershëm. Prandaj dhe është vendosur ky kufi. Trump nuk do që të bëjë kompromis për të drejtat e emigrimit, në kurriz të amerikanëve. Për ata që duan që të studiojnë, apo për vizë turistike nuk janë të prekura. Për ata që shkojnë që të shkojnë për të punuar, do të ketë një lloj pezullimi. Mendoj që administrata Trump do të vendosë rregulla më strikte për të gjithë ata që duan të punojnë në Amerikën.
Do të jetë e përkohshme, por me Trump asnjëherë nuk dihet. Mendoj që edhe Trump do të reflektojë. Amerika nevojë gjatë gjithë kohës për krah pune. Kjo është në raport me politikat e brendshme të SHBA, Trump kërkon që premtimet e tij elektorale t’i mbajë. Trump ka bllokuar projekte pafund që kanë dëmtuar edhe Perëndimin. Ka edhe një qasje të politikave të tij, në raport me politikat liberale të kohëve të kaluara. Për Shqipërinë kemi të bëjmë me marrëdhënie të shkëlqyera, projekte pafund me vlera të mëdha. Ofertat nga Kina në Ballkan janë të pafundme.
Për shkak të politikave të kësaj qeverie, prezenca e investimeve në Kinë janë shumë modeste. Në planin e marrëdhënieve dy palëshe, në këndvështrimin tim, nuk ka një cen të mirëfilltë. Nuk preken vizat turistike. Ka raste edhe për ata që kanë shkuar në Amerikën mund të kthehen, por nuk besoj se do të këtë shumë shqiptarë. Administrata e Ambasadës po funksionin normalisht”, tha Nura.
Këto janë pasojat e epokave koloniale, dhe kështu ka qenë për mijëra vjet.
Turneu i madh kontinential po luhet në Afrikë, veçse është Franca vendi që përfaqësohet me më shumë lojtarë.
Sipas statistikave, në Kupën e Kombeve të Afrikës ka plot 107 futbollistë të lindur pikërisht në tokën franceze. Ata janë të shpërndarë nëpër kombëtare të shteteve që dikur kanë qenë pjesë e Perandorisë së mbretërve Luigjë, të Napoleonit dhe deri në kohën e Republikave.
Flitet për shtete si Bregu I Fildishtë, Kameruni, Nigeri, Burkina Faso, Mali, Senegali që është finalist i Kupës, Çadi, Guinea etj.
Kaq e thellë është epërsia e Francës në këtë drejtim, saqë shtetet afrikane e ndjekin me shumë distancë.
Në të vërtetë, në Bregun e Fildishtë kanë lindur vetëm 29 lojtarë, në Afrikë të Jugut 28, në Egjipt 25 dhe në Nigeri 24. Gjithsesi, pavarësisht dominimit të vendlindjes franceze, të gjuhës frënge dhe të kulturësë Parisit, Lionit apo Marsejës, sërish favoritë për të fituar trofeun janë dy yje të Marokut që kanë lindur në Spanjë, si Brahim Diaz apo Ashraf Hakimi./abcnews.al
Ambasada e Shteteve të Bashkuara në Tiranë ka reaguar zyrtarisht pas vendimit të Departamentit të Shtetit për pezullimin e lëshimit të vizave emigruese për një listë vendesh, përfshirë Shqipërinë.
Ambasada në një njoftim sqaron se vendim prek vetëm vizat e reja emigruese dhe nuk ndikon në vizat turistike ose ato që janë lëshuar më parë.
Përditësime mbi Përpunimin e Vizave Emigruese për Shtetasit nga Vendet me Rrezik të Lartë të Përdorimit të Përfitimeve Publike
Presidenti Trump ka bërë të qartë se emigrantët duhet të jenë financiarisht të vetë-mjaftueshëm dhe të mos përbëjnë barrë financiare për amerikanët. Departamenti i Shtetit po kryen një rishikim të plotë të të gjitha politikave, rregulloreve dhe udhëzimeve për të siguruar që emigrantët nga këto vende me rrezik të lartë të mos përdorin ndihma sociale në Shtetet e Bashkuara dhe të mos konsiderohen barrë publike.
Duke filluar nga 21 janari 2026, Departamenti i Shtetit do të pezullojë lëshimin e të gjitha vizave emigruese për aplikantët që janë shtetas të vendeve të mëposhtme:
Afganistan, Shqipëri, Algjeri, Antigua dhe Barbuda, Armeni, Azerbajxhan, Bahamas, Bangladesh, Barbados, Bjellorusi, Belize, Butan, Bosnje dhe Hercegovinë, Brazil, Birmani, Kamboxhia, Kamerun, Kepi i Gjelbër, Kolumbi, Bregu i Fildishtë, Kubë, Republika Demokratike e Kongos, Dominikë, Egjipt, Eritre, Etiopi, Fixhi, Gambia, Gjeorgji, Ganë, Grenadë, Guatemalë, Guine, Haiti, Iran, Irak, Xhamajkë, Jordani, Kazakistan, Kosovë, Kuvajt, Republika e Kirgistanit, Laos, Liban, Liberi, Libi, Moldavi, Mongoli, Mali i Zi, Marok, Nepal, Nikaragua, Nigeri, Maqedoni e Veriut, Pakistan, Republika e Kongos, Rusi, Ruandë, Shën Kits dhe Nevis, Shën Luçia, Shën Vincent dhe Grenadinat, Senegal, Sierra Leone, Somali, Sudani i Jugut, Sudan, Siri, Tanzani, Tajlandë, Togo, Tunizi, Ugandë, Uruguai, Uzbekistan dhe Jemen.
Pyetje të Shpeshta
Çfarë ndodh me takimin tim për intervistën e vizës emigruese?
Aplikantët për vizë emigruese që janë shtetas të vendeve të prekura mund të dorëzojnë aplikimet për vizë dhe të marrin pjesë në intervista, dhe Departamenti do të vazhdojë të caktojë takime për aplikantët, por asnjë vizë emigruese nuk do të lëshohet për këta shtetas gjatë kësaj periudhe pezullimi.
A ka ndonjë përjashtim?
Shtetasit me dyshtetësi që aplikojnë me një pasaportë të vlefshme të një vendi që nuk është i listuar më sipër janë të përjashtuar nga ky pezullim.
A ndikon kjo në vizën time aktuale të vlefshme?
Asnjë vizë emigrimi nuk është hequr si pjesë e këtij udhëzimi. Për pyetje që lidhen me hyrjen në Shtetet e Bashkuara, ju referojmë te Departamenti i Sigurisë Kombëtare i Shteteve të Bashkuara.
A zbatohet kjo për vizat turistike?
Jo, ky pezullim zbatohet vetëm për aplikantët e vizave emigruese. Vizat turistike janë viza jo-emigruese.
Ambasada amerikane në Tiranë, ka sqaruar se cilët qytetarë shqiptarë mund të udhëtojnë në drejtim të SHBA-ve dhe cilat kategori janë të ndaluara.
Sipas njoftimit, shqiptarët që disponojnë vizë amerikane lejohet të udhëtojnë drejt SHBA-ve vetëm nëse kanë për qëllim turizmin, pushimet, blerjet, takime biznesi apo vizite te miqtë e të afërmit.
Ambasada thekson gjithashtu se, nuk lejohet udhëtimi drejt SHBA-ve me qëllim lindjen e fëmijës, studimi për një diplomë apo me qëllim pune.
Njoftimi i ambasadës:
Është përgjegjësia juaj ta përdorni vizën tuaj në mënyrë korrekte.
Disa aktivitete që LEJOHEN me vizë vizitori B1/B2:
Turizëm
Pushime
Blerje
Vizitë me miq ose të afërm
Takime me bashkëpunëtorë biznesi
Pjesëmarrje në një konventë ose konferencë
Aktivitete që NUK LEJOHEN me një vizë vizitori B1/B2:
Turizëm lindjeje (udhëtim me qëllim kryesor lindjen në Shtetet e Bashkuara për të marrë shtetësinë amerikane për fëmijën)
Punë që rezulton në pagesë nga një punëdhënës ose biznes amerikan
Ambasada Amerikane ka theksuar se DASH po kryen një rishikim të plotë të të gjitha politikave, rregulloreve dhe udhëzimeve për të siguruar që emigrantët nga këto vende me rrezik të lartë të mos përdorin ndihma sociale në Shtetet e Bashkuara dhe të mos konsiderohen barrë publike. Përditësime mbi përpunimin e vizave emigruese për shtetasit nga vendet me rrezik të lartë të përdorimit të përfitimeve…
TIRANË, 15 janar/ATSH/ Ministrja për Evropën dhe Punët e Jashtme Elisa Spiropali deklaroi sot se vendimi i fundit i SHBA-ve nuk ka bllokuar lëvizjen dhe udhëtimin e qytetarëve shqiptarë drejt SHBA-ve.
Në reagimin e saj, ministrja Spiropali theksoi se ka ndjekur me vëmendje gjatë gjithë mbrëmjes së djeshme atë që e cilësoi “rrebeshin e spekulimeve politike mbi çështjen e vizave drejt SHBA”.
Ministrja deklaroi se ndërkohë që Shqipëria sot respektohet e çmohet kudo dhe është më aktive se kurrë, disa të udhëhumbur në Tiranë kanë vënë kujën se SHBA-të, sipas tyre, kanë ngrirë dhe bllokuar vizat për shqiptarët.
“Fabula e tyre e çartur shkon aq larg, sa deklarojnë se partnerët tanë historikë dhe strategjikë, e kanë futur Shqipërinë në listën e zezë. E paimagjinueshme!”, tha ajo.
Në fakt, sipas Spiropalit, të dyja këto, janë fund e krye trillime politike.
“E vërteta është se vendimi i fundit i SHBA-ve nuk ka bllokuar lëvizjen dhe udhëtimin e qytetarëve shqiptarë drejt SHBA-ve. Kurrsesi! Nuk janë bllokuar as vizat për qëllime turistike, studentët, biznesi, vizita te familjarët apo evente të lidhura me punën”, deklaroi kryediplomatja shqiptare.
“Askush nuk ndalohet të udhëtojë dhe të vizitojë si turist, student, qytetar apo edhe zyrtar, por rregullat e Qëndrimit në SHBA do të ndryshojnë në linjë me politikën e tyre të imigracionit”, sqaroi ministrja Spiropali.
Pra, vijoi ajo, nuk bëhet fjalë për një vendim që targeton Shqipërinë, por për një rishqyrtim lidhur me procesimin e vizave për qëllime imigrimi në SHBA për 75 vende, përfshirë 5 vende të Ballkanit Perëndimor.
“Departamenti Amerikan i Shtetit njoftoi se do të pezullohet përpunimi i vizave të imigracionit deri në rishikim zyrtar, dhe ky vendim vjen si pjesë e masave të administratës amerikane për të kufizuar abuzimet me avantazhet që ofron sistemi amerikan i migracionit”, sqaroi më tej ministrja Spiropali.
“Pra shkurt dhe thjesht, vendimi nuk ka të bëjë asgjëkundi me fabrikime nga më të çuditshmet për nongrata imagjinare mbi Shqipërinë dhe shqiptarët”, theksoi ajo.
“Përtej gjithë kësaj tymnaje, një e vërtetë e madhe është e qartë si drita e diellit: Shqipëria ka qenë dhe mbetet aleati dhe partneri strategjik i Shteteve të Bashkuara të Amerikës, vend mik me të cilin na bashkon një rrugë e gjatë dhe e pandashme vlerash dhe qëllimesh”, përfundoi reagimin Spiropali.
Reagimi i ministres vjen ndërsa ajo ndodhet në një udhëtim drejt Kievit, për vizitë zyrtare e ku do të rikonfirmojë mbështetjen e Shqipërisë në krah të Ukrainës, në kushtet e sulmeve masive që targetojnë infrastrukturën kritike dhe popullatën civile në mes të një dimri të egër.
TIRANË, 15 janar/ATSH/- Ambasada e SHBA-ve në Tiranë ka sqaruar se cilët qytetarë shqiptarë mund të vijojnë të udhëtojnë në drejtim të SHBA-ve dhe cilat kategori janë të ndaluara.
Sipas njoftimit të ambasadës amerikane, shqiptarët që disponojnë vizë amerikane lejohet të udhëtojnë drejt SHBA-ve vetëm nëse kanë për qëllim turizmin, pushimet, blerjet, takime biznesi apo vizite te miqtë e të afërmit.
Ambasada thekson se nuk lejohet udhëtimi drejt SHBA-ve me qëllim lindjen e fëmijës, studimi për një diplomë apo me qëllim pune.
Departamenti Amerikan i Shtetit ka marrë vendim për pezullimin e vizave të emigrantëve për 75 vende, ku mes tyre përfshihet edhe Shqipëria dhe Kosova.
“Është përgjegjësia juaj ta përdorni vizën tuaj në mënyrë korrekte”, deklaron ambasada e SHBA-ve në reagimin e saj në rrjetet sociale.
Disa aktivitete që LEJOHEN me vizë vizitori B1/B2:
Turizëm
Pushime
Blerje
Vizitë me miq ose të afërm
Takime me bashkëpunëtorë biznesi
Pjesëmarrje në një konventë ose konferencë
Aktivitete që NUK LEJOHEN me një vizë vizitori B1/B2:
Turizëm lindjeje (udhëtim me qëllim kryesor lindjen në Shtetet e Bashkuara për të marrë shtetësinë amerikane për fëmijën)
Punë që rezulton në pagesë nga një punëdhënës ose biznes amerikan
Departamenti i Shtetit tha të mërkurën se do të pezullojë përpunimin e vizave të imigrantëve për qytetarët e 75 vendeve.
Dhe sipas mediave të huaja, përcjell Telegrafi, bëhet fjalë për shtetasit e të cilëve administrata e Donald Trump i ka konsideruar të prirur të kenë nevojë për ndihmë publike ndërsa jetojnë në Shtetet e Bashkuara.
Departamenti i Shtetit, i udhëhequr nga Sekretari i Shtetit, Marco Rubio, tha se kishte udhëzuar zyrtarët konsullorë të ndalonin aplikimet për viza imigrantësh nga vendet e prekura në përputhje me një urdhër më të gjerë të lëshuar në nëntor që shtrëngoi rregullat rreth imigrantëve potencialë që mund të bëhen "barrë publike" në SHBA.
Pezullimi, i cili do të fillojë më 21 janar, nuk do të zbatohet për aplikantët që kërkojnë viza jo-emigruese, ose viza të përkohshme turistike ose biznesi, të cilët përbëjnë shumicën dërrmuese të kërkuesve të vizave.
Kështu, siç parashikojnë mediat, kërkesa për viza jo-emigruese pritet të rritet ndjeshëm në muajt dhe vitet e ardhshme për shkak të Kupës së Botës 2026 dhe Lojërave Olimpike 2028, të cilat të dyja do të jenë pritëse ose bashkë-pritëse në SHBA.
"Administrata Trump po i jep fund abuzimit të sistemit të imigracionit të Amerikës nga ata që do të përfitonin nga populli amerikan", ka thënë departamenti në një deklaratë.
“Përpunimi i vizave imigruese nga këto 75 vende do të ndalet ndërsa Departamenti i Shtetit rivlerëson procedurat e përpunimit të imigracionit për të parandaluar hyrjen e shtetasve të huaj që do të merrnin ndihmë sociale dhe përfitime publike”.
Kujtojmë se administrata e Presidentit Donald Trump ka kufizuar tashmë rëndë përpunimin e vizave imigruese dhe jo-imigruese për qytetarët e dhjetëra vendeve, shumë prej tyre në Afrikë, Azi dhe Amerikën Latine.
E udhëzimet e nëntorit mbi të cilat bazohet vendimi i së mërkurës u drejtuan zyrtarëve të Ambasadës dhe konsullatave të SHBA-së që të verifikojnë në mënyrë gjithëpërfshirëse dhe të plotë aplikantët për vizë për të demonstruar se ata nuk do të kenë nevojë të mbështeten në përfitimet publike nga qeveria në asnjë kohë pas pranimit të tyre në SHBA.
Ndërsa ligji federal tashmë kërkonte që ata që kërkojnë qëndrim të përhershëm ose status ligjor të provonin se nuk do të ishin një barrë publike, Trump në mandatin e tij të parë zgjeroi gamën e programeve të përfitimeve që mund të skualifikonin aplikantët, dhe udhëzimet në kabllogram duket se shkojnë më tej në fushëveprim.
Kështu, imigrantët që kërkojnë të hyjnë në SHBA tashmë i nënshtrohen një ekzaminimi mjekësor nga një mjek i cili është miratuar nga një Ambasadë e SHBA-së.
Ata kontrollohen për sëmundje ngjitëse, si tuberkulozi, dhe u kërkohet të zbulojnë çdo histori të përdorimit të drogës ose alkoolit, gjendjeve të shëndetit mendor ose dhunës. Ata gjithashtu duhet të kenë një numër vaksinash.
Dhe direktiva e re i zgjeroi ato me kërkesa më specifike.
Ajo tha se zyrtarët konsullorë duhet të marrin në konsideratë një sërë detajesh specifike në lidhje me njerëzit që kërkojnë viza, duke përfshirë moshën, shëndetin, statusin familjar, financat, arsimin, aftësitë dhe çdo përdorim të mëparshëm të ndihmës publike pavarësisht nga vendi.
Ajo theksoi gjithashtu se ata duhet të vlerësojnë aftësitë e aplikantëve në anglisht dhe mund ta bëjnë këtë duke kryer intervista në anglisht.
Ekspertët thanë në atë kohë se kjo mund të kufizojë më tej se kush mund të hyjë në vend në një kohë kur administrata republikane tashmë po i shtrëngon këto rregulla.
Ndërkohë është publikuar edhe lista me vendet e prekura nga pezullimi i njoftuar të mërkurën, që janë: Afganistani, Shqipëria, Algjeria, Antigua dhe Barbuda, Armenia, Azerbajxhani, Bahamas, Bangladeshi, Barbadosi, Bjellorusia, Belize, Butani, Bosnja dhe Hercegovina, Brazili, Burma, Kamboxhia, Kameruni, Kepi i Gjelbër, Kolumbia, Kongo, Kuba, Dominika, Egjipti, Eritrea, Etiopia, Fixhi, Gambia, Gjeorgjia, Gana, Grenada, Guatemala, Guinea, Haiti, Irani, Iraku, Bregu i Fildishtë, Xhamajka, Jordania, Kazakistani, Kosova, Kuvajti, Kirgistani, Laosi, Libani, Liberia, Libia, Maqedonia e Veriut, Moldavia, Mongolia, Mali i Zi, Maroku, Nepali, Nikaragua, Nigeria, Pakistani, Republika e Kongos, Rusia, Ruanda, Shën Kits dhe Nevis, Shën Lucia, Shën Vincenti dhe Grenadinet, Senegali, Sierra Leone, Somalia, Sudani i Jugut, Sudani, Siria, Tanzania, Tajlanda, Togo, Tunizia, Uganda, Uruguai, Uzbekistani dhe Jemeni. /Telegrafi/
Login
