Ylli me prejardhje nga Kosova, Xherdan Shaqiri është i fundit nga figurat e njohura që ka reaguar pas vërshimeve të ditëve të fundit që kanë përfshirë shumë qytete të vendit.

Ditët e fundit të kësaj jave kanë qenë jo të mira për popullin e Kosovës, pasi shumë nga qytetet kanë pësuar vërshimeve, të cilat kanë shkaktuar dëme të mëdha materiale.

Pas këtyre vërshimeve, mobilizimi ishte i madh nga të gjithë dhe përveç institucioneve, u lajmëruanedhe qytetar dhe biznese të ndryshme për t’i dalë në ndihmë të gjithë atyre që pësuan dëme materiale apo u bllokuan.

“Lutuni për Kosovën”, Granit Xhaka reagon pas vërshimeve në shtetin tonë

Gjatë ditës ishte kapiteni i Sunderlandit, Granit Xhaka, i cili ka shfrytëzuar profilin e tij në Instagram për të postuar një fotografi të vërshimeve në Kosovë, duke shkruar: “Lutuni për Kosovën”.

Fotografinë e njëjtë dhe mbishkrimin “Lutuni për Kosovën” e ka postuar disa orë më vonë edhe një tjetër emër i njohur i futbollit botëror.

Postimi i Xherdan Shaqirit

Bëhet fjalë për Xherdan Shaqirin, i cili gjithashtu bashkë ndjenë me bashkëvendësit e tij, pasi dihet se ylli i Baselit ka prejardhje nga Gjilani.

Ndryshe, qytetet më të prekura nga vërshimet ishin Gjakova, Mitrovica, Malisheva, Klina, Skenderaj dhe Drenasi. /Telegrafi/

Pas një pushimi shtatëvjeçar, pa luajtur asnjë ndeshje të vetme, skuadra kombëtare e Eritreas po kthehet në futbollin ndërkombëtar garues.

Eritrea është i vetmi anëtar i FIFA-s që nuk kishte renditje. Ky vend afrikan nuk dëshiron të luajë ndeshjet e tij, megjithëse ka të drejtë ta bëjë këtë dhe nuk ka garuar askund për shtatë vjet.

Arsyeja është e çuditshme, federata e futbollit atje nuk dëshiron të luajë ndeshje për të parandaluar lojtarët e futbollit që të përdorin ndeshjet jashtë fushe për t'u larguar nga vendi dhe për të kërkuar azil politik.

Eritrea humbi renditjen e saj sepse, sipas rregullave të FIFA-s, një ekip që nuk luan një ndeshje për 48 muaj humbet të drejtën e saj për në renditjen botërore.

Kjo përfaqësuese afrikane luajti ndeshjen e fundit jashtë fushe kundër Ugandës në vitin 2019 dhe u mposht atje me rezultatin 3-0.

Tani, pothuajse shtatë vjet më vonë, Eritrea ka njoftuar zyrtarisht se po kthehet në futboll dhe turneu i parë që do të luajë është ai kualifikues për Kupën e Kombeve të Afrikës 2027.

Është një pyetje e madhe se në çfarë përbërjeje Eritrea do ta mirëpresë garën e parë pas pothuajse tetë vitesh, por ekziston "materiali" edhe në Evropë, kryesisht në vendet skandinave.

Disa lojtarë në Suedi dhe Norvegji, janë të njohur si Mohammed Saeid (Orebro), Senai Hagos (Asana) dhe Alexander Andue (Stocksund).

Kupa e Kombeve të Afrikës e vitit 2027 do të luhet në Kenia, Ugandë dhe Tanzani. /Telegrafi/

Mesfushori shqiptar, Granit Xhaka ka shfrytëzuar rrjetet sociale për të bashkë ndjerë vuajtjen me qytetarët e Kosovës pas vërshimeve të mëdha që kanë ndodhur në disa prej qyteteve të vendit tonë.

Ditët e fundit të kësaj jave kanë qenë jo të mira për popullin e Kosovës, pasi shumë nga qytetet kanë pësuar vërshimeve, të cilat kanë shkaktuar dëme të mëdha materiale.

Iniciativa të ndryshme qytetare kanë reaguar duke ofruar mbështetje të ndryshme për të prekurit, ndërsa duarkryq nuk kanë qëndruar as figura të njohura që kanë reaguar pas vërshimeve.

I tillë është edhe kapiteni i Sunderlandit, Granit Xhaka, i cili ka shfrytëzuar profilin e tij në Instagram për të postuar një fotografi të vërshimeve në Kosovë.

Postimi i Xhakës në Instagram

“Lutuni për Kosovën”, ka shkruar Xhaka në përshkrimin e fotografisë së postuar në ‘story’ të profilit të tij.

Ndryshe, qytetet më të prekura nga vërshimet ishin Gjakova, Mitrovica, Malisheva, Klina, Skenderaj dhe Drenasi. /Telegrafi/

Në verë, Thomas Muller u transferua te Vancouver Whitecaps si transferim i lirë pasi kontrata e tij me FC Bayern Munich skadoi. Megjithatë, ai mbetet një tifoz i klubit bavarezë.

Sulmuesi gjerman është entuziast për sezonin aktual të FC Bayern dhe optimist për Ligën e Kampionëve.

Në një intervistë me gazetën BILD, 36-vjeçari komentoi për sezonin aktual të FC Bayern, ku tregoi se ish-skuadra e tij po zhvillon një sezon të madh.

UEFA nuk tregon mëshirë as për ekipet më të mëdha: Bayern Munichu merr një gjobë të madhe për sjelljen e tifozëve

“Bayern ka luajtur një gjysmë të parë të shkëlqyer të sezonit. Ekipi jo vetëm që luan futboll spektakolar, por gjithashtu punon shumë, lufton dhe tregon përkushtim”, ka thënë fillimisht Muller.

“Mund ta ndjesh se si punojnë së bashku; kanë fituar shumë ndeshje pasi ishin në disavantazh. Kjo e bën argëtuese për t’u parë. Jam përpjekur të shikoj sa më shumë ndeshje të jetë e mundur".

Legjenda e kampionëve të rekordeve gjermane bëri gjithashtu një parashikim interesant për Ligën e Kampionëve. Ai e sheh klubin e tij të preferuar së paku në finalen e turneut të këtij sezoni. /Telegrafi/

Avantazhi sulmues i Arsenalit i detyrohet shumë Leandro Trossard, transferimit “rezervë” i cili e ka tejkaluar shumë atë që i shpëtoi në janar të vitit 2023.

“Topçinjtë” e ndoqën Mykhailo Mudryk nga Shakhtar Donetsk përpara se Chelsea ta transferonte për mbi 100 milionë euro - një transferim i cili që atëherë ka dështuar me pezullimin e vazhdueshëm të Mudryk pas një testi të dështuar për doping në dhjetor 2024.

Arsenali u kthye te Leandro Trossard i Brighton për rreth 30 milion euro, një marrëveshje që fillimisht shkaktoi kritika si një opsion i besueshëm, por jo spektakolar.

Megjithatë, belgu është bërë sulmuesi më i besueshëm i Mikel Artetas , duke dhënë momente vendimtare kundër kundërshtarëve elitar.

Trossard ka shënuar 19 gola kundër “Gjashtëshes së Madhe” të Ligës Premier që kur iu bashkua Arsenalit dhe gjatë ditëve të tij në Brighton - më shumë sesa kanë shënuar Ryan Giggs (18 gola) dhe Eden Hazard (17 gola) në të gjitha karrierat e tyre.

Në vitin kalendarik 2025, Trossard udhëhoqi Arsenalin me 25 kontribute golash (13 gola, 12 asistime), përpara Bukayo Saka, Kai Havertz dhe Martin Odegaard. Këtë sezon, goli i tij çdo 214 minuta në ligë renditet më i miri midis lojtarëve të rregullt të Artetas me të paktën 100 minuta të luajtura.

“Për mua ishte e ndaluar që ai (Trossard) të largohej”, tha trajneri në nëntor mes interesimit nga klubet saudite.

Trossard qëndroi, mori një rritje page dhe që atëherë ka shkëlqyer kryesisht në krahun e majtë me 96 për qind të kohës së tij në lojë këtë sezon duke zhbllokuar finalizimet dhe driblimet e tij.

Me 35 gola dhe 29 asistime në 147 paraqitje nën drejtimin e Artetas, 31-vjeçari mbetet një armë kyçe teksa Arsenali përgatitet të presë Liverpoolin sonte. /Telegrafi/

Analistët e Real Madridit thuhet se ishin të pranishëm në ndeshjen gjysmëfinale të Superkupës së Spanjës midis Barcelonës dhe Athletic Bilbao.

Sipas raportimeve të mediave spanjolle, disa analistë të Real Madridit ishin të pranishëm gjatë ndeshjes së mbrëmshme të Superkupës së Spanjës, të cilën katalunasit e fituan me rezultat të thellë 5-0.

Los Blancos do të kërkojnë të mposhtin sonte (e enjte) rivalët e tyre të përbetuar, Atletico Madridin, për të krijuar një El Clasico në finale, të ngjashme me edicionin e kaluar.

Megjithatë, shanset janë kundër skuadrës së Xabi Alonsos për shkak të dëmtimit të Kylian Mbappe dhe pasigurisë rreth gjendjes fizike të Antonio Rudiger.

Për më tepër, ata pësuan një humbje poshtëruese kundër Atletico Madridit në La Liga më herët këtë sezon. /Telegrafi/

Lojtarët e Evertonit në duelin kundër Wolverhampton (1-1) morën dy kartonë të kuq dhe e përfunduan ndeshjen me vetëm tetë lojtarë në fushë, të dy të cilët u ndëshkuan për shkak të situatave të pazakonta.

Nuk ishin nisjet e dhunshme që normalisht çonin në kartonë të kuq. Përkundrazi, edhe Jack Grealish mori dy kartonë të verdhë pa kryer asnjë faull të vetëm.

Evertoni udhëhoqi që nga minuta e 17-të kundër ekipit më të dobët të ligës me një gol nga Michael Keane, por 18-vjeçari super i talentuar Mateus Mane barazoi për vizitorët në minutën e 69-të.

Vetëm më pas pasuan skenat kaotike. Në minutën e 83-të, pamë kartonin e parë të kuq të çuditshëm dhe ishte Michael Keane ai që shënoi golin për Evertonin.

Video was uploaded to Streamin.me on Jan 07, 2026.

Keane i tërhoqi flokët lojtarit kundërshtar Toluwalase Arokodare dhe mori një karton të kuq direkt për këtë.

Mbrojtësi i Evertonit nuk mund të mos habitej që tërheqja e gërshetit të kundërshtarit mund të rezultonte në një karton të kuq direkt.

Video was uploaded to Streamin.me on Jan 07, 2026.

Jack Grealish ndërhyri aty dhe mori kartonin e parë të verdhë për protestë. Jo shumë kohë më pas, Grealish, i pakënaqur me vendimin e gjyqtarit, filloi ta duartrokiste gjyqtarin Thomas Kirk, kështu që ai mori kartonin e dytë të verdhë dhe u përjashtua pa asnjë faull.

Megjithatë, këta dy kartonë të kuq nuk ndikuan në rezultatin përfundimtar pasi ndeshja u mbyll me barazim 1-1. /Telegrafi/

Sulmuesi i Brentfordit, Igor Thiago ka arritur një rekord të madh individual, duke u bërë braziliani me më shumë gola në një sezon të Ligës Premier, kur tani sa ka filluar gjysma e dytë e sezonit.

Thiago shënoi dy herë në ndeshjen e luajtur në shtëpi ndaj Sunderlandit në kuadër të fitores 3-2 në xhiron e 21-të Ligës Premier.

Sulmuesi 24-vjeçar shënoi në minutat e 30-të për epërsinë 1-0 dhe në minutën e 65-të për 2-0, duke shkuar në koten e 16 golave deri tani këtë sezon.

Nga supermarketi dhe puna si murator, në yll të Ligës Premier - historia e Igor Thiagos së Brentfordit

Me 16 gola në sezonin që po zhvillohet, Thiago ka thyer rekordin për numrin e golave të shënuar në një sezon të Ligës Premier nga një lojtar brazilian.

Me këtë shifër, ylli i Brentford ka arritur të lë pas emra të mëdhenj të bashkëvendësve të tij, të cilët kanë luajtur ndër vite në elitën e futbollit anglez.

Ai i kaloi Roberto Firminon, i cili me Liverpoolin në sezonin 2017/18) kishte 15 gola brenda një sezonit, po aq sa kishte edhe Gabriel Martinelli me Arsenalin në sezonin 2022/23 dhe Matheus Cunha me Wolverhampton në sezonin 2024/25.

Me 17 xhiro të mbetura deri në fund të sezonit në Ligën Premier, Thiago mund ta çojë rekordin edhe më larg, duke vendosur ndonjë shifër që do të jetë vështirë të thyhet në të ardhmen nga ndonjë lojtar tjetër brazilian. /Telegrafi/

Trajneri i Bournemouth, Andoni Iraola, ka konfirmuar transferimin e afërt të Antoine Semenyos te Manchester City pas fitores ndaj Tottenham Hotspur.

Semenyo shënoi golin e fitores 3-2 në një lamtumirë perfekte për klubin e tij. Duke folur për BBC Match of the Day, Iraola konfirmoi largimin e tij.

“Kishim nevojë për këtë, kemi qenë shumë afër në ndeshjet e fundit. Futbolli nuk mund të kalojë çdo herë në anën tjetër dhe sot ishte momenti perfekt, edhe për Antoine [Semenyo]”, ka thënë fillimisht Iraola.

“Të luante ashtu siç luante, me përkushtimin për të ndihmuar në çfarëdo mënyre deri në sekondën e fundit. Mendoj se futbolli ka qenë i drejtë dhe i ka dhënë një moment të bukur”.

“Ndeshja e fundit e Semenyos për Bournemouth? Mendoj se ishte, për fat të keq për ne mendoj se ishte. Ai ka qenë, nëse jo më i miri, një nga më të mirët që kam stërvitur. Ai është përmirësuar çdo sezon".

“Ai ka shënuar 10 gola në gjysmë sezoni dhe nuk është një numër nëntë. Nuk janë vetëm numrat, por shumë gjëra – fiziku, topat në ajër dhe faza mbrojtëse. Ai do të jetë një humbje e madhe”, përfundoi trajneri i Bournemouthit. /Telegrafi/

Interi thuhet se është i interesuar për Dodon, Nahuel Molinan dhe madje edhe për rikthimin e mundshëm të Mattia Zanottit, pasi objektivi i tyre kryesor në krahun e djathtë, Joao Cancelo, do t'i bashkohet Barcelonës.

Interi është në kërkim të një anësori të ri të djathtë, pasi titullari i tyre, Denzel Dumfries, nuk pritet të kthehet në aksion para muajit mars.

Nerazzurrët kishin hapur bisedime me Al-Hilal për Cancelon, por mbrojtësi portugez ka zgjedhur të kthehet në Barcelonë.

telegrafi.com

Sipas gazetarit Matteo Moretto, mbrojtësi i djathtë i Fiorentinës, Dodo, është një opsion për Nerazzurrët edhe nëse gjigantët e Serie A nuk kanë filluar ende negociatat me toskanët. Napoli, nga ana tjetër, tashmë është interesuar për brazilianin.

Gazeta Tuttosport përfshin Nahuel Molina të Atletico Madridit midis opsioneve të Interit për krahun e djathtë, por sipas gazetës me bazë në Torino, Nerazzurrët mund të marrin në konsideratë edhe rikthimin e Zanottit.

telegrafi.com

22-vjeçari është produkt i akademisë së Interit, dhe gjigantët e Serie A kanë një klauzolë blerjeje, kështu që rikthimi i tij i mundshëm nga FC Lugano ndoshta do të ishte më i lirë sesa nënshkrimi i Dodos ose Molinës. /Telegrafi/

Napoli thuhet se është i gatshëm të vlerësojë çdo ofertë të mundshme nga Superliga e Arabisë Saudite për Kevin De Bruyne këtë muaj, me ish-yllin e Manchester City që është gjithashtu i hapur për të eksploruar opsionet e tij.

De Bruyne iu nënshtrua një ndërhyrjeje kirurgjikale në tetor dhe nuk pritet të kthehet në aksion para marsit 2026.

Sipas mediumit italian Il Mattino, Napoli dhe De Bruyne mund të ndahen që në afatin kalimtar të janarit, pas vetëm gjashtë muajve ‘martesë’.

Ky medium shton se disa klube të Superligës Saudite mbeten të interesuara për yllin belg, dhe Napoli është i hapur për të dëgjuar ofertat këtë muaj.

Il Mattino pretendon se edhe vetë De Bruyne do të merrte në konsideratë largimin nga Napoli, pasi një transferim në Superligën Saudite mund t’i lejonte atij t’i jepte përparësi rikuperimit të tij në përgatitje për Kupën e Botës 2026.

De Bruyne pritet të kthehet në Napoli javën e ardhshme për të vazhduar rikuperimin e tij.

Ish-ylli i Manchester Cityt u transferua në Stadio Maradona si transferim i lirë verën e kaluar. Ai shënoi katër gola dhe dha dy asistime në 11 paraqitje në të gjitha garat përpara se të pësonte një dëmtim serioz në kofshë në tetor. /Telegrafi/

Përmes komunitetit të saj Street View, Google Maps mundëson eksplorimin virtual të destinacioneve dhe bukurive natyrore më të bukura, dhe është e mundur të gjesh një foto që është një perlë e vërtetë për një nga yjet e futbollit të sotëm.

Lojtari i kombëtares angleze dhe anëtari i Barcelonës, Marcus Rashford, është pjesë e Google Street Vieë sepse kamerat e kanë filmuar atë si një djalë 11-vjeçar që priste të transportohej në qendrën stërvitore të Manchester United.

Kur kamerat e Google Street Vieë kaluan nëpër periferi të Mançesterit, Marcusi i vogël po priste një autobus klubi i veshur me uniformën e Manchester United, klubit mëmë ku ai filloi karrierën e tij dhe luajti derisa u huazua te Barcelona verën e kaluar.

Fotografia është bërë në Wythenshawe, lagjja ku u rrit Rashford. Sipas Google Maps, fotografia është bërë në prill të vitit 2009, kur Rashford luante për akademinë e United, pasi ishte bashkuar për herë të parë me klubin në vitin 2005.

Rashford ka folur shpesh hapur gjatë gjithë karrierës së tij për vështirësitë me të cilat është përballur gjatë rritjes dhe sfidat e të jetuarit në një familje me një prind të vetëm. Si rezultat, pas ngritjes së tij në famë, ai është bërë një nga humanitarët më të mëdhenj në botën e futbollit.

Me transferimin e tij në formë huazimi te Barcelona, Rashford ka bërë një hap të madh përpara dhe duket se më në fund ka filluar ta zhvillojë karrierën e tij futbollistike në mënyrën që pritej.

Vlera e tij aktuale është 40 milionë euro sipas faqes së specializuar Transfermarkt. /Telegrafi/

Kapiteni i Kombëtares së Kosovës, Amir Rrahmani thuhet se do të rinovojë kontratën e tij me Napolin edhe për disa vite, teksa edhe paga e tij do të ketë ngritje të dukshme.

Sipas gazetarit të njohur italian Nicolo Schira, Amir Rrahmani do të nënshkruajë një kontratë të re me Napolin.

Qendërmbrojtësi i Kombëtares së Kosovës do të fitojë 3.8 milionë euro në vit, që është ndoshta kontrata më e pasur që ai ka pasur në karrierën e tij.

Sipas faqes së specializuar Capology, një burim jozyrtar i pagave të futbollistëve, me kontratën e tij të mëparshme ai fitonte 3.2 milionë euro në sezon.

Schira tutje pretendon se Rrahmani ka refuzuar oferta më të larta nga Arabia Saudite, Turqia dhe Liga Premier për të qëndruar në Napoli.

Rekord i jashtëzakonshëm: Amir Rrahmani qendërmbrojtësi me më së shumti gola në Serie A në pesë vite

Si kujtesë, Rrahmani luajti për RNK Split, Lokomotiva Zagreb dhe Dinamo Zagreb nga viti 2015 deri në vitin 2019. Hellas Verona e transferoi i atë nga Dinamo për 3.5 milionë euro, dhe Napoli i pagoi 15 milionë euro në vitin 2020.

Ai ka luajtur 109 ndeshje në Superligën e Kroacisë dhe ka dy tituj kampionë kroatë, teksa në Serie A ka luajtur deri tani plotë 156 ndeshje, duke fituar gjithashtu dy tituj kampioni. /Telegrafi/

Trajneri i Milanit, Massimiliano Allegri ka thotë se po e “shikon” vetëm një duel titulli midis Interit dhe Napolit, të cilët mbeten favoritë për të fituar Scudetton këtë sezon.

Milani renditet i dyti në tabelën e Serie A, vetëm një pikë poshtë liderit, Inter. Nga ana tjetër, kuqezinjtë kanë një pikë epërsi ndaj Napolit të vendit të tretë, por Allegri përsërit se Nerazzurrët dhe Partenopei janë favoritët për titull këtë sezon.

Një gazetar me shaka i kërkoi sot teknikut italian të etiketonte se kush midis tij, Cristian Chivu dhe Antonio Conte, ishte i keqi, i miri dhe i shëmtuari, dhe Allegri u përgjigj duke buzëqeshur: “Nuk e di, mund të them vetëm se tani për tani, unë jam në anën e atij që po e shikon duelin”.

Napoli do të presë sot Veronën, e cila po vuan, ndërsa Interi do të vizitojë Parmën, por Nerazzurrët dhe Partenopei do të takohen në San Siro të dielën në një përballje për titull.

Parashikimi i Serie A për sezonin 2025/26 – Kush janë favoritët për të fituar titullin?

Interi dhe Napoli kanë humbur nga katër ndeshje në Serie A secili, ndërsa Milani ka humbur vetëm një herë dhe është i pamposhtur në 16 xhirot e fundit të ligës. Interi nuk ka barazuar asnjë ndeshje këtë sezon, me 13 fitore dhe katër humbje.

"Statistikisht, duket si një anomali, por me kalimin e një sezoni, numrat ekuilibrohen", vuri në dukje Allegri.

"Nuk mendoj se një ekip mund të përfundojë pa barazime, por kjo mund të ndodhë. Mendoj se titulli do të përfundojë rreth 86-88 pikëve, por varet edhe se si do të shkojnë ndeshjet kokë më kokë".

Milani ka shënuar me gjuajtjen e parë në portë në 12 ndeshjet e Serie A këtë sezon, megjithatë një pjesë e medias po e kritikon Allegrin për stilin e tij të lojës në mbrojtje.

Antonio Conte: Qëllimi ynë është të mbrojmë Scudetton

“Kritika është gjithmonë e mirë nëse bëhet në mënyrën e duhur. Të stimulon. Askush nuk e mban të vërtetën absolute, sigurisht jo unë”, u përgjigj Allegri.

"Forca e këtij grupi është se çdo ditë ata vijnë në stërvitje me dëshirën për t'u përmirësuar. Ne pësuam 10 gola kundër Pisas, Cremoneses, Sassuolos, Torinos dhe Parmës. Pati një periudhë ku na ra përqendrimi; shpresojmë që nesër të mund të tregojmë vazhdimësi”, përfundoi trajneri i Milanit.

Të enjten, Rossonerët do të presin Genoan në San Siro. /Telegrafi/

Pas një periudhe në ‘periferi’ të skuadrës, Rodrygo Goes është rishfaqur si një figurë vendimtare për Real Madridin, duke justifikuar besimin e vazhdueshëm të trajnerit Xabi Alonso.

Sulmuesi brazilian kishte kaluar muaj duke luftuar për minuta, shpesh duke u shfaqur vetëm shkurt dhe duke parë shokët e skuadrës si Gonzalo Garcia të bënin bujë në media.

Nën drejtimin e Alonsos, roli i Rodrygos fillimisht ishte i kufizuar, me lojtarë më të rinj ose me profil më të lartë që preferoheshin shpesh. Megjithatë, Alonso nuk e braktisi kurrë, madje duke i dhënë përparësi atij mbi Endrick ndonjëherë.

Sipas gazetës Marca, ringjallja e Rodrygos ka qenë e shpejtë. Ai ka qenë titullar në katër nga pesë ndeshjet e fundit - duke u futur nga stoli vetëm në Copa del Rey dhe ka kontribuar me dy gola dhe tre asistime. Ndikimi i tij në ekip është rikthyer, duke i dhënë vetëbesim, shkëlqim dhe shkathtësi sulmuese.

Një moment kyç erdhi në ndeshjen e Ligës së Kampionëve kundër Manchester Cityt, një skuadër që më parë kishte treguar interes për Rodrygon. Pavarësisht mundësisë për një transferim, ai qëndroi dhe la gjurmë, duke shënuar dhe duke rimarrë vendin e tij në skuadër.

Alonso vlerësoi zhvillimin e sulmuesit të tij: "Sa më shumë ta përfshijmë, aq më e mirë është zakonisht loja tjetër. Ne kemi nevojë për të në formën e tij më të mirë dhe ai dha një performancë të plotë”.

Në Valdebebas, Rodrygo shihet përsëri si një aset strategjik për të tashmen dhe të ardhmen, duke demonstruar se sa shpejt mund të ndryshojë fati i një lojtari në futboll - nga jashtë loje në i domosdoshëm vetëm brenda disa javësh. /Telegrafi/

Ekipi i tij u eliminua nga Kupa e Kombeve të Afrikës në një mënyrë të dhimbshme të martën, por statuja njerëzore e Republikës Demokratike të Kongos, Michel Kuka Mboladinga, do të mbahet mend si mbështetësi më i shquar i turneut afrikan.

Kuka i veshur me shumë ngjyra ka fituar famë si tifozi që qëndron krejtësisht i palëvizshëm gjatë gjithë ndeshjeve të ekipit të tij, duke shikuar drejt qiellit me krahun e djathtë të ngritur dhe pëllëmbën e hapur.

Ai është bërë një yll mediatik dhe të martën u shoqërua nga një delegacion prej disa qindra mbështetësish kongolezë, udhëtimi i të cilëve në Marok u pagua nga qeveria e vendit.

Ata zunë vendin e tyre në tribuna në Rabat për ndeshjen e fazës së 1/8-ës kundër Algjerisë, të cilën ‘Leopardët’ e humbën 1-0 me një gol në fund të kohës shtesë.

Poza e Kukës është frymëzuar nga ajo e një statuje të udhëheqësit të pavarësisë së Kongos dhe ish-kryeministrit Patrice Lumumba, e cila qëndron në Kinshasa.

Lumumba shërbeu për një kohë të shkurtër si kryeministri i parë i vendit në vitin 1960 dhe u vra vitin pasardhës nga një kombinim i separatistëve nga rajoni i Katanga-s dhe mercenarëve belgë.

Trupi i tij u tret në acid dhe nuk u gjet kurrë, megjithëse dekada më vonë u zbulua se mbetjet, përfshirë një dhëmb, ishin mbajtur në Belgjikë.

Vrasja është një nga momentet më të errëta në historinë e marrëdhënieve midis Belgjikës dhe ish-kolonisë së saj.

Tifozët kongolezë në Kupën e Kombeve, të cilët folën me AFP-në, shprehën krenari që panë homazhin e Kukës për Lumumban.

“Kuka është "vëllai ynë". Ai ka zgjedhur të imitojë Lumumban... heroin tonë. Kjo është arsyeja pse ne brohorasim emrin e tij", tha 30-vjeçarja Laetitia Malula gjatë një tubimi me tifozë në Kazablanka në prag të ndeshjes kundër Algjerisë.

Pjesëmarrja e Republikës Demokratike të Kongos në Kupën e Kombeve ka ardhur në mes të një konflikti të vazhdueshëm në lindje të vendit përgjatë kufirit me Ruandën, ku konflikti ka shpërthyer që nga viti 2021 me ringjalljen e grupit të armatosur M23 të mbështetur nga Ruanda.

Kuka nuk foli për AFP-në, me sa duket pasi e kishte hequr veten nga vëmendja e madhe e medias.

Por, 35-vjeçari Jered Bitobo, kreu i komunikimit të grupit të mbështetësve të cilit i përket Kuka, e përshkroi pozën e bashkatdhetarit të tij si "një shenjë paqeje".

"Ai po dërgon një mesazh të fortë, si në nivel lokal ashtu edhe në atë ndërkombëtar. Pëllëmba e hapur është shenjë paqeje dhe ne kemi nevojë për paqe në vendin tonë", tha Bitobo.

Kuptohet që Kuka e ka kryer për herë të parë këtë pozë disa vite më parë gjatë ndeshjeve të ekipit kryesor kongolez, AS Vita Club. /Telegrafi/

Arne Slot është drejtuar mediave përpara ndeshjes së Liverpoolit me Arsenalin dhe ka shuar çdo thashetheme transferimi për afatin kalimtar të janarit.

Lëndimet e disa lojtarëve kanë bërë që Reds të lidhen me disa përforcime gjatë janarit, por trajneri i ekipit, Slot, ka thënë se është i kënaqur me organikën e skuadrës.

“Para së gjithash, jam i kënaqur me skuadrën që kemi, është në përputhje me mua, Richard Hughes dhe pronarët”, ka thënë fillimisht Slot në konferencë.

“Ky grup është i talentuar nëse të gjithë janë të disponueshëm, asgjë pozitive nga lëndimet, por ndoshta nëse do të mund të mendoja për rrëfimin që është gjithmonë aty, se kemi shpenzuar kaq shumë gjatë verës”.

“Jo, ne zëvendësuam dhe shpenzuam pak më shumë sesa morëm. Askush nuk donte ta dëgjonte, por ndoshta tani, për herë të parë, njerëzit e shohin se ne kemi zëvendësuar me lojtarë shumë të mirë".

“Pra, edhe në ndeshjen e fundit dhe atë para se të mund të ndikoja nga stoli, Frimpong me një asistim dhe titullarët janë lojtarë të jashtëzakonshëm futbolli, kështu që ky klub është në një pozicion shumë të mirë nëse të gjithë janë të disponueshëm. Në të ardhmen e shkurtër dhe afatmesme deri në afatgjatë”, përfundoi trajneri i Reds. /Telegrafi/

Një foto e Adeniyi Kayode, shoferit 47-vjeçar të Anthony Joshuas, i cili shkaktoi një aksident fatal me makinë që la të vdekur dy persona, është publikuar për herë të parë.

Kayode u akuzua për shkaktimin e një aksidenti trafiku në të cilin mbetën të vdekur dy burra, ndërsa Joshua gjithashtu pësoi lëndime të lehta.

47-vjeçari akuzohet për drejtim mjeti të pakujdesshëm, ku përplasi Lexus-in e tij me një kamion të parkuar në një autostradë në Nigeri. Kayode është paraqitur për herë të parë në një gjykatë në Sagamu, ku akuzohet për drejtim mjeti të rrezikshëm që shkaktoi vdekjen, drejtim mjeti të pakujdesshëm dhe neglizhent, si dhe mungesë leje drejtimi.

Ai përballet gjithashtu me akuza për drejtim mjeti pa kujdes, shkaktim të lëndimeve trupore dhe dëmtim të pronës, dhe përballet me burgim të përjetshëm.

Adeniyi Kayode

Në të njëjtën kohë, shoferi i kamionit, me të cilin u përplas Lexus, është ende në arrati pasi është larguar nga vendi i aksidentit.

Zëdhënësi i policisë, Oluseyi Babaseyi, theksoi se të akuzuarit Kayode iu dha një garanci prej 3,500 dollarësh me dy garantues. Ai u la në paraburgim derisa të përmbushen kushtet e garancisë.

"Klienti im është deklaruar i pafajshëm dhe se ajo që ndodhi ishte një aksident. Nuk kam pasur ende mundësi të flas me të, por e di që ai thotë se frenat dështuan", tha avokati i Kayode, Olalekan Abiodun.

Dalin pamjet e frikshme të aksidentit që pësoi Anthony Joshua

Avokati zbuloi gjithashtu fatin e jashtëzakonshëm të Joshuas në këtë aksident tragjik me makinë. Joshua ishte ulur në ulësen e përparme në fillim të udhëtimit, por më vonë u zhvendos në ulësen e pasme sepse nuk mund të ulej siç duhet.

Trajneri dhe miku i tij që vdiqën në aksident ishin pikërisht të ulur në ulësen e përparme. /Telegrafi/

Lennart Karl zyrtarisht i kërkoi falje Bayern Munich për komentet e tij, ku pranoi se ëndërron të luajë për Real Madridin.

Ndikimi i 'LK10' në Bundesligë këtë sezon ka qenë aq i madh sa deri më tani këtë sezon ai ka shënuar 6 gola dhe ka dhënë 2 asistime në 22 ndeshjet që ka luajtur për Bayernin në të gjitha garat.

Talenti 17-vjeçar, i cili pati një provë me Real Madridin në moshën 10-vjeçare, kohët e fundit pranoi se ëndërron të luajë për Real Madridin një ditë, duke shkaktuar polemika.

“Shpresoj që kjo të mbetet mes nesh. Bayern është një klub shumë i madh. Është një ëndërr të luaj atje, por një ditë dua të shkoj te Real Madrid. Ky është klubi im i ëndrrave, por kjo mbetet mes nesh", komentoi Karl, i cili ka një kontratë me Bayernin deri në vitin 2028.

Talenti më i madh i Bayernit çmend bordin: Dua të luaj për Real Madridin

Deklaratat e Karlit shkaktuan një kataklizëm te Bayern Munich, në shtypin gjerman dhe në rrjetet sociale, ku adoleshenti u akuzua dhe u etiketuar si "mi".

Në Gjermani, raportohet se Karl i ka kërkuar zyrtarisht falje Bayern Munich për deklaratat e tij dhe të gjithë atyre që janë ndjerë të ofenduar prej tyre.

"E mora me qetësi. Isha në klubin e tifozëve dhe të nesërmen ai erdhi të na shihte dhe tha: 'Mendoj se thashë diçka të pakëndshme që mund të keqinterpretohej'. Për ne, çështja është mbyllur. Nuk ka qenë kurrë problem. Ai po luan mirë në fushë, ndihet shumë rehat te FC Bayern dhe e di se çfarë ka këtu. Kjo është ajo që ka rëndësi", shpjegoi Max Eberl, drejtor ekzekutiv i Bayern Munich.

Tha se e ëndërronte Real Madridi - talenti gjerman shkakton kaos te tifozët e Bayern Munich

Eberl shpjegoi se "Lennart Karl erdhi tek unë dhe tha se nuk kishte problem, se ishte shumë mirënjohës ndaj Bayern Munich. Dhe ndamë pak nga përvoja jonë. Kisha një ish-trajner, Hans Meyer. Ai më tha: 'Fol gjithmonë për veten, në këtë mënyrë nuk do të bësh gabime', dhe unë ia kalova këtë atij".

Nga ana e tij, Christoph Freund, drejtori sportiv i Bayernit, tha në lidhje me 'rastin Lennart Karl' se "e kuptoi menjëherë se çfarë turpi ishte. Ai kërkoi falje të nesërmen dhe e diskutuam çështjen. Ai tha: 'Nuk e kisha menduar kështu'. Ai ndihet shumë rehat te Bayern. Po e shijon vërtet këtë kohë". /Telegrafi/

Në ndeshjen e sotme (e mërkurë) kundër Burnleyt, trajneri i përkohshëm i Manchester Unitedit, Darren Fletcher, ka mundësinë të bëjë histori dhe të përfshijë në lojë dy nga djemtë e tij.

Fletcher ka marrë përkohësisht stolin e gjigantëve të Old Trafford që po vuajnë dhe do të debutojë sonte në udhëtim kundër Burnley. Ai vendosi të marrë stolin e nxehtë dhe të shuajë "zjarrin" pas shkarkimit të Ruben Amorim.

Por ajo që është interesante është se dy djemtë e tij, Jack dhe Tyler, luajnë për ekipet e të rinjve të Manchester United, janë talentë të mëdhenj dhe po trokasin në derën e ekipit të parë.

Jak dhe Tyler Fletcher

Në fakt, Jack, është paraqitur tashmë në tre ndeshje të Ligës Premier për United nën drejtimin e Amorim këtë sezon, ndërsa Tyler është ende në pritje të debutimit të tij.

Dhe trajneri në detyrë i United, Darren Fletcher, po i mban tifozët në ankth nëse ndonjë nga mesfushorët e tij do të luajë kundër Burnley në ‘Turf Moor’.

"Nuk do t'ju zbuloj asgjë. Ata janë pjesë e grupit dhe u stërvitën të hënën, për këtë u ra dakord edhe para se të shkoja unë atje. Ata kanë qenë në ekip kohët e fundit", ka thënë Fletcher.

Vëllezërit Fletcher janë dy talentë të mëdhenj në akademinë e Unitedit dhe me siguri do të duan të tregojnë veten në dritën më të mirë në ndeshjen e sotme, veçanërisht nëse babai i tyre i sjell ata në lojë.

Kjo do të bënte histori sepse në futbollin elitar botëror, një baba dinte si të përdorte njërin nga djemtë e tij në një ndeshje, por asnjëherë nuk ka ndodhur t’i përdor dy djem në fushë. /Telegrafi/