Prokuroria e Posacme ka dalë me një njoftim zyrtar lidhur me aksionin e zhvilluar gjatë ditëve të fundit, sa I takon një veprimtarie të paligjshme në fushën e Call Center-ave që kishte në focus mashtrimin e shtetasve italianë përmes kriptovalutave.

Sipas njoftimit aksioni është iniciuar nga në investigim i emisionit “Le iene”, ndërkohë që gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Sipas SPAK, tetë persona kanë rënë në prangat e policisë gjatë këtij operacioni.

 

Njoftimi i plotë

Prokuroria e Posaçme kundër Korrupsionit dhe Krimit të Organizuar rregjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.

Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.

Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Toëer”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.  Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve. Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale të menaxhuara nga drejtuesit e këtij aktiviteti të kundraligjshëm, duke përdorur platforma mashtruese.

Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Toëer”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.

Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit.

Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.

Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.

Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i. Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Doëntoën One”, në Bulevardin Bajram Curri.

Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar. Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.

Shtetasit e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.

Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas të tjerë, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.

Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.

Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.

Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të  “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.

Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.

Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.

 

Gratë kanë një rrezik më të lartë për të zhvilluar demencë krahasuar me burrat, duke përbërë rreth dy të tretat e të gjitha rasteve në nivel global.

Ekspertët prej vitesh kanë diskutuar arsyet e kësaj diference, ku një nga faktorët e përmendur shpesh është rënia e nivelit të estrogjenit gjatë menopauzës, e cila mund të ndikojë në funksionin e trurit, shkruan Medical News.

Për këtë arsye, vëmendja është përqendruar edhe te terapia hormonale zëvendësuese (HRT), e përdorur nga shumë gra për lehtësimin e simptomave të menopauzës, dhe ndikimi i saj i mundshëm në shëndetin kognitiv.

Një studim i ri ndërkombëtar hedh dritë mbi këtë debat, duke raportuar se nuk ka prova që terapia hormonale e menopauzës të rrisë apo të ulë rrezikun e demencës te gratë pas menopauzës. Studiuesit analizuan të dhëna nga një numër i madh studimesh të mëparshme, duke përfshirë prova klinike dhe studime vëzhguese, me qëllim vlerësimin e lidhjes mes përdorimit të HRT dhe zhvillimit të demencës apo çrregullimeve të lehta njohëse.

Rezultatet treguan se, pavarësisht kohës së fillimit të terapisë, kohëzgjatjes së përdorimit apo llojit të hormoneve të përdorura, nuk u gjet asnjë ndryshim domethënës në rrezikun e demencës te gratë që kishin përdorur terapi hormonale krahasuar me ato që nuk e kishin përdorur. Kjo sugjeron se HRT nuk duhet parë as si faktor rreziku dhe as si masë mbrojtëse ndaj demencës.

Sipas vlerësimeve të studiuesve, në vitin 2021 rreth 57 milionë njerëz në mbarë botën jetonin me demencë, një shifër që pritet të rritet ndjeshëm në dekadat e ardhshme për shkak të plakjes së popullsisë globale. Studimet e mëparshme kanë treguar vazhdimisht se gratë janë më të prekura nga kjo sëmundje, por ky studim i fundit sugjeron se terapia hormonale nuk është shkaku i këtij dallimi gjinor.

Ekspertët shtojnë se, ndonëse HRT nuk duket se ndikon në demencë, parandalimi i rënies kognitive kërkon një qasje më të gjerë, që përfshin stil të shëndetshëm jetese, aktivitet fizik, ushqim të balancuar, kontroll të sëmundjeve kronike dhe mbështetje të shëndetit mendor.

Sinjali – aty ku e vërteta flet para lajmit!

/GazetaSinjali/

The post Terapia hormonale e menopauzës nuk ndikon në rrezikun e demencës te gratë appeared first on Sinjali.

Italia mund të mos jetë ndër vendet e kërcënuara me tarifa të reja amerikane, por kjo nuk e ka ndalur kryeministren Giorgia Meloni t’i shprehë drejtpërdrejt qëndrimin e saj presidentit amerikan, Donald Trump, lidhur me këtë vendim.

Meloni ka deklaruar se nuk pajtohet me njoftimin e tarifave të reja nga ana e Trumpit, duke e cilësuar këtë veprim si një “gabim”.

“Parashikimi i një rritjeje të tarifave kundër atyre kombeve që kanë zgjedhur të kontribuojnë në sigurinë e Grenlandës është një gabim dhe unë nuk pajtohem me të”, ka thënë ajo.

Kryeministrja italiane ka bërë të ditur se kishte folur me Trumpin disa orë më parë, duke i shprehur atij mendimin e saj për këtë çështje.

“Mendoj se ai ishte i interesuar të dëgjonte, por më duket se nga pikëpamja amerikane, mesazhi që po vinte nga kjo anë e Atlantikut nuk ishte i qartë”, ka shtuar Meloni, pa zbuluar reagimin e Trumpit ndaj fjalëve të saj.

Ajo ka sugjeruar se ka të ngjarë të ketë pasur një “problem mirëkuptimi dhe komunikimi” mes Evropës dhe Shteteve të Bashkuara lidhur me vendimin e disa shteteve evropiane për të vendosur një numër të kufizuar trupash në Grenlandë.

Sipas Melonit, ky vendim nuk duhet të interpretohet si “anti-amerikan”.

Prandaj, ajo ka theksuar se “dialogu duhet të rifillojë dhe të shmanget një përshkallëzim”.

Sinjali – aty ku e vërteta flet para lajmit!

/GazetaSinjali/

The post Tarifat amerikane, Meloni kundër Trumpit: Veprimi i tij është një gabim appeared first on Sinjali.

Presidenti francez Emmanuel Macron pritet t’i kërkojë Bashkimit Evropian të aktivizojë instrumentin anti-shtrëngim nëse SHBA vendos tarifa për shkak të Grenlandës.

Ky mekanizëm, i papërdorur më parë, do t’i lejonte BE-së të kufizojë importet e mallrave dhe shërbimeve si kundërpërgjigje.

Thirrjes i është bashkuar edhe shoqata gjermane e inxhinierisë VDMA, e cila paralajmëron se dorëzimi i BE-së do të inkurajonte kërkesa të reja nga presidenti amerikan Donald Trump.

Ky i fundit ka kërcënuar disa vende evropiane me tarifa 10% nga shkurti për shkak të kundërshtimeve ndaj pretendimeve të tij mbi Grenlandën.

Sinjali – aty ku e vërteta flet para lajmit!

/GazetaSinjali/

The post Macron kërkon kundërmasa të BE-së ndaj tarifave të mundshme të SHBA-së për Grenlandën appeared first on Sinjali.

Deputeti i zgjedhur i LDK-së, Anton Quni, ka deklaruar se dallimi në numrin e votave të tij, pas rinumërimit të kryer në Qendrën e Numërimit në Prizren, ka ndodhur pa dashjen dhe dijeninë e tij.

Përmes një reagimi në profilin e tij në Facebook, Quni ka thënë se kjo është bërë me qëllim të njollosjes së personalitetit dhe karrierës së tij politike.

Ai u ka kërkuar falje të gjithë kolegëve kandidatë për, siç ka deklaruar, votat e të cilëve mund të jenë tjetërsuar në favorin e tij.

Deputeti i zgjedhur i LDK-së ka theksuar gjithashtu se është i gatshëm të bashkëpunojë me Policinë, Prokurorinë dhe çdo organ tjetër të drejtësisë për ta zbardhur këtë skandal deri në fund.

Ndërkohë, sipas të dhënave të Komisionit Qendror të Zgjedhjeve (KQZ), të publikuara në ueb-faqe dhe të përditësuara për herë të fundit në ora 12:20, nga procesi i rinumërimit Anton Quni rezulton me minus 479 vota.

Postimi i plotë:

DEKLARATË PËR MEDIAT DHE OPINIONIN PUBLIK

Në lidhje me zhvillimet e fundit dhe raportimet mbi procesin e numërimit të votave në Qendrën e Numërimit në Prizren, ndjej detyrim moral dhe qytetar që të sqaroj pozicionin tim ndaj këtyre parregullsive që cenojnë procesin zgjedhor.

Dëshiroj të bëj të ditur me përgjegjësi të plotë se çdo rritje e votave në emrin tim është bërë pa dashjen dhe pa dijeni timen. Unë nuk kam kërkuar, inkurajuar apo asistuar në asnjë formë devijimin e vullnetit të qytetarëve. Kjo ngritje artificiale e votave nuk përfaqëson mbështetjen time reale dhe as parimet e mia njerëzore.

Përmes këtij operacioni, i cili nuk mund të cilësohet ndryshe veçse si kriminal, më është njollosur personaliteti dhe karriera. Përfshirja e emrit tim në skema të tilla manipuluese është një goditje e rëndë për dinjitetin tim dhe besueshmërinë që kam ndërtuar me vite para elektoratit.

Motivin dhe qëllimin e vërtetë prapa këtij operacioni kriminal duhet ta vërtetojnë institucionet e drejtësisë.

Unë jam i interesuari që të zbardhet e vërteta:

-Pse u zgjodh emri im për këtë manipulim?

-Kush janë urdhërdhënësit dhe ekzekutorët në Qendrën e Numërimit?

U kërkoj ndjesë publike të gjithë kolegëve kandidatë, votat e të cilëve mund të jenë tjetërsuar në favorin tim.

Garimi duhet të jetë i drejtë dhe çdo votë e fituar me meritë duhet të shkojë te personi që e ka marrë atë besim.

Deklaroj se jam plotësisht i gatshëm të bashkëpunoj me Policinë, Prokurorinë dhe çdo organ tjetër të drejtësisë për të zbardhur këtë skandal deri në fund.

E vërteta është mbrojtja ime e vetme.

Me respekt,

Anton Quni

Sinjali – aty ku e vërteta flet para lajmit!

/GazetaSinjali/

The post Quni reagon pas dallimit në vota: Më është njollosur personaliteti dhe karriera – goditje e rëndë për dinjitetin tim appeared first on Sinjali.

Një zyrtar iranian në rajon ka deklaruar të dielën se autoritetet kanë verifikuar se të paktën 5,000 persona janë vrarë gjatë protestave në Iran, përfshirë rreth 500 pjesëtarë të personelit të sigurisë.

Zyrtari, i cili ka folur për Reuters në kushte anonimiteti, ka fajësuar “terroristët dhe protestuesit e armatosur” për vrasjen e “iranianëve të pafajshëm”.

Ai ka bërë të ditur se disa nga përleshjet më të rënda dhe numri më i madh i viktimave janë shënuar në zonat kurde në veriperëndim të Iranit, një rajon ku separatistët kurdë kanë qenë aktivë dhe ku shpërthimet e dhunës kanë qenë ndër më të ashpra edhe në periudhat e mëhershme të trazirave.

“Numri përfundimtar nuk pritet të rritet ndjeshëm”, ka thënë zyrtari, duke shtuar se “Izraeli dhe grupet e armatosura jashtë vendit” kishin mbështetur dhe pajisur personat që dolën në rrugë.

Autoritetet iraniane fajësojnë rregullisht armiqtë e huaj për trazirat, përfshirë Izraelin, armik i betuar i Republikës Islamike, e cila kishte nisur sulme ushtarake ndaj Iranit në qershor.

Ndërkohë, grupi i të drejtave të njeriut HRANA, me seli në SHBA, ka njoftuar të shtunën se numri i të vdekurve kishte arritur në 3,308, duke shtuar se janë konfirmuar më shumë se 24,000 arrestime.

Edhe grupi i të drejtave të kurdëve iranianë Hengaë, me seli në Norvegji, ka deklaruar se disa nga përleshjet më të rënda gjatë protestave që shpërthyen në fund të dhjetorit kanë ndodhur në zonat kurde në veriperëndim të Iranit.

Sinjali – aty ku e vërteta flet para lajmit!

/GazetaSinjali/

The post Protestat në Iran: Numri i viktimave arrin deri në 5 mijë appeared first on Sinjali.

Rinumërimi i votave po e lë jashtë Kuvendit ministrin në detyrë dhe kryetarin e KDTP-së, Fikrim Damkën, pasi i janë hequr 68 vota, duke zbritur në 2.449.

Ndërkohë, Ergul Mazreku ka kaluar në avantazh me 2.511 vota dhe pritet ta marrë mandatin e deputetit në vend të Damkës.

Sinjali – aty ku e vërteta flet para lajmit!

/GazetaSinjali/

The post Rinumërimi i votave lë Fikrim Damkën jashtë Kuvendit appeared first on Sinjali.

Ambasadorët e BE-së do të mbajnë një takim urgjent më vonë sot pas kërcënimit të presidentit amerikan Donald Trump për të vendosur tarifa ndaj tetë aleatëve që kundërshtojnë marrjen e propozuar të Grenlandës nga ana e tij.

Trumpi thotë se planifikon të vendosë një tarifë prej 10% për mallrat nga Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda nga 1 shkurti – dhe më vonë mund të rritet në 25%, raporton BBC.

Kryeministri i Mbretërisë së Bashkuar Keir Starmer e quajti planin e Trump “krejtësisht të gabuar”, pasi marrëdhënia e tij me presidentin e SHBA-së është nën tension.

Ndërkohë, mijëra njerëz kanë protestuar kundër planeve të Trump në Grenlandë dhe Danimarkë.

Sinjali – aty ku e vërteta flet para lajmit!

/GazetaSinjali/

The post Ambasadorët e BE-së do të zhvillojnë bisedime emergjente pasi Trumpi kërcënoi me tarifa për Grenlandën appeared first on Sinjali.

Një rast i rëndë, me pasoja të thella emocionale dhe sociale, është raportuar në Ferizaj, ku një vajzë e mitur ka denoncuar se është ngacmuar seksualisht në mënyrë të vazhdueshme nga babai i saj, për një periudhë të gjatë kohore.

Burime të sigurta nga strukturat e afërta me rastin bëjnë me dije se ngjarja është raportuar më 17 janar 2026, rreth orës 23:30, ndërsa viktima e mitur, me inicialet A.B, ka paraqitur ankesë zyrtare ndaj të dyshuarit M. B.

Sipas deklarimeve të viktimës, i dyshuari kishte ushtruar ngacmime seksuale sistematike ndaj saj për rreth një vit e gjysmë, në periudha të caktuara, duke e mbajtur të mituren nën presion dhe frikë.

Në kuadër të trajtimit të këtij rasti, është intervistuar edhe nëna e të miturës, e cila po ashtu ka dhënë deklaratë lidhur me zhvillimet e fundit brenda familjes.

Sipas saj, para dy ditësh ajo ishte sulmuar fizikisht nga bashkëshorti i saj në momentin kur e kishte njoftuar atë se vajza e tyre kishte krijuar një lidhje dashurie me një person tjetër, çka kishte shkaktuar reagim të dhunshëm nga ana e tij.

Ndërkohë, gjatë intervistimit, i dyshuari M.B. i ka mohuar kategorikisht akuzat, duke deklaruar se nuk është kryes i veprave penale që i vihen në barrë.

Pas përfundimit të intervistimit të palëve dhe analizimit të informacioneve fillestare, me vendim të Prokurorit të Shtetit, rasti është iniciuar për veprat penale “Ngacmimi seksual” dhe “Sulmi”, ndërsa i dyshuari është dërguar në Qendrën e Ndalimit në Ferizaj, ku do të qëndrojë në mbajtje për 48 orë.

Rasti është duke u trajtuar nga organet kompetente, ndërsa hetimet pritet të vazhdojnë me veprime të tjera procedurale, përfshirë sigurimin e provave dhe sqarimin e plotë të rrethanave të kësaj ngjarjeje.

Gazeta Sinjali do t’ju mbajë të informuar me zhvillimet e reja rreth këtij rasti.

Sinjali – aty ku e vërteta flet para lajmit!

/GazetaSinjali/

The post E trishtë: Babai dyshohet se e ngacmonte seksualisht vajzën e mitur për më shumë se një vit, përfundon në ndalim appeared first on Sinjali.

Një rrahje është raportuar në orët e para të mëngjesit në kryeqytet, ku një person dyshohet se është sulmuar fizikisht dhe ka marrë trajtim mjekësor si pasojë e lëndimeve.

Sipas informatave të siguruara ekskluzivisht nga Gazeta Sinjali, rasti ka ndodhur më 18 janar 2026, në intervalin kohor 04:00-04:15, në rrugën “Ahmet Krasniqi” në Prishtinë, përkatësisht te “Bouje Club”, ku është raportuar një rrahje në progres.

Në vendin e ngjarjes kanë dalë njësitë policore, të cilat kanë kontaktuar me palën ankuese, A. Z, rreth 22-vjeçare, i cili ka deklaruar se është sulmuar me grusht nga i dyshuari Liridon Haziri, rreth 35-vjeçar, duke i shkaktuar lëndime trupore, për të cilat edhe ka pranuar tretman mjekësor.

Sipas deklarimit të ankuesit, në incident dyshohet se kanë qenë të përfshirë dy persona, mirëpo deri më tani është arritur të identifikohet vetëm njëri nga ta.

Lidhur me rastin është kontaktuar prokurori kujdestar, i cili ka udhëzuar që rasti të iniciohet si “Lëndim i lehtë trupor”

Me vendim të prokurorit, i dyshuari është dërguar në mbajtje për 48 orë, ndërsa hetimet për zbardhjen e plotë të rrethanave të incidentit po vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Përleshje në orët e para të mëngjesit te “Bouje Club” në Prishtinë, një person përfundon në mbajtje (EMRI) appeared first on Sinjali.

Një kontroll rutinë i Policisë së Kosovës në kryeqytet ka përfunduar me arrestim, pasi një person dyshohet se është kapur me armë zjarri pa leje.

Sipas informatave që ka siguruar Gazeta Sinjali, rasti ka ndodhur më 17 janar 2026, rreth orës 16:00, në Bulevardin “Bill Clinton” në Prishtinë, ku njësia e reagimit të shpejtë, gjatë pikës së kontrollit të automjeteve, ka hasur në një armë zjarri tek një person.

Burimet bëjnë të ditur se i dyshuari është identifikuar si Arian Alija 39 vjeçar, të cilit gjatë kontrollit trupor i është gjetur një armë e tipit Glock 19, kalibri 9mm, me karikator dhe 15 fishekë.

Në vendin e ngjarjes kanë dalë edhe njësitë e rendit nga Stacioni Policor Jugu, si dhe hetuesi kujdestar, ndërsa i dyshuari është shoqëruar për procedura të mëtejme në stacion.

Pas intervistimit në prani të avokatit mbrojtës dhe në konsultim me prokurorin kujdestar, rasti është iniciuar për veprën penale:

“Mbajtje në pronësi, kontroll ose posedim të paautorizuar të armëve”

Me vendim të prokurorit, i dyshuari është dërguar në mbajtje për 48 orë, ndërsa hetimet lidhur me rastin po vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | “Glock” me 15 fishekë në brez në Bulevardin “Bill Clinton”, arrestohet i dyshuari në Prishtinë (EMRI) appeared first on Sinjali.

TIRANË, 18 janar/ATSH/ Deputetja e Partisë Demokratike Jorida Tabaku reagoi sot lidhur me deklaratën e kryeministrit Edi Rama në lidhje me Korporatën Shqiptare të Investimeve (AIC).

Duke e krahasuar me modelin italian, Tabaku tha se nuk është e qartë se cilit institucion i referohet kryeministri.

“Cilindo model italian të marrë si referencë Kryeministri, rezultati është i njëjtë: në Itali funksionet janë të ndara qartë me ligj. Banka financon, agjencia administron pronën; ndërsa në Shqipëri ato janë përqendruar në një ent të vetëm, pa garë dhe pa llogaridhënie.
Dallimet janë thelbësore”, tha ajo.

Tabaku theksoi se në Itali, institucionet funksionojnë si banka publike që menaxhojnë para dhe rrezik financiar, ndërsa Korporata Shqiptare e Investimeve nuk menaxhon fonde, por merr prona publike me vendime qeverie dhe i fut ato në marrëveshje ndërtimi me privatë.

“Ndërsa institucionet publike europiane veprojnë përmes prokurimit publik dhe konkurrencës së hapur, AIC shmang garën dhe krijon privilegje të drejtpërdrejta për partnerë të përzgjedhur”, u shpreh Tabaku.

Ndërkohë, Tabaku theksoi se në Europë, ndërhyrja publike bëhet aty ku tregu dështon, për banesa sociale, zona të varfra apo infrastrukturë strategjike.

“AIC bën të kundërtën, duke ndërhyrë aty ku tregu funksionon më së miri dhe duke krijuar konkurrencë të pandershme të sponsorizuar nga shteti. Ndërkohë, qeveria shqiptare është njëkohësisht edhe lojtari që ndërton, edhe arbitri që firmos për veten, ndërsa rreziku financiar i kësaj skeme nuk shfaqet sot në buxhet, por u lihet shqiptarëve si faturë për nesër”, vijoi ajo.

Tabaku iu referua vendimit të Këshillit të Ministrave, ku qeveria ia kaloi godinën e ish-shkollës jetimore “Zyber Hallulli” Korporatës Shqiptare të Investimeve.

“Një pronë publike me funksion social iu hoq fëmijëve jetimë përmes një firme qeveritare, pa debat publik dhe pa transparencë. Korporata e Investimeve veproi jo si institucion shtetëror, por si një pronar i keq: hoqi fëmijët nga godina, i zhvendosi në periferi dhe e nxori pronën nga funksioni i saj social”, u shpreh ajo.

/m.m/r.e/

The post Tabaku për Korporatën e Investimeve: Dallime thelbësore me Italinë, ku funksionet ndahen me ligj appeared first on Agjencia Telegrafike Shqiptare.

The post Vijon prishja e objekteve të paligjshme në Shkodër appeared first on Agjencia Telegrafike Shqiptare.

TIRANË, 18 janar/ATSH/ Zëvendësministrja e Shëndetësisë dhe Mirëqenies Sociale, Eugena Tomini vizitoi sot Qendrën Shëndetësore Nr. 5 në Tiranë, ku bisedoi me mjekët mbi situatën e krijuar nga virozat e stinës.

Tomini bëri thirrje për kujdes të shtuar ndaj personave me sëmundje kronike dhe konsultim të rregullt me mjekun e familjes.

Sipas mjekëve të kësaj qendre, kryesisht pacientët vijnë me viroza respiratore të stinës, por nuk mungojnë edhe rastet me kovid.

Pacientët testohen pranë kësaj qendre për testet e kovidit, ndërsa për analiza të mëtejshme mostrat dërgohen për analizim edhe pranë Institutit të Shëndetit Publik.

Tomini theksoi rëndësinë e vaksinimit, ndërsa theksoi se certifikatat e vaksinimit gjenerohen edhe përmes platformës qeveritare “e-Albania”.

/m.m/r.e/

The post Virozat e stinës, Tomini: Kujdes i shtuar ndaj personave me sëmundje kronike appeared first on Agjencia Telegrafike Shqiptare.

TIRANË, 18 janar/ATSH/ Ministri i Turizmit, Kulturës dhe Sportit Blendi Gonxhja ndau sot statistikat e zhvillimit të turizmit dhe kulturës për vitin 2025, që dëshmojnë rritjen e interesit për Shqipërinë.

Gonxhja u shpreh se këto statistika reflektojnë ndikimin e politikave të ndjekura, investimeve të realizuara dhe bashkëpunimit mes institucioneve qendrore e vendore.

Konkretisht në vitin 2025 Shqipërinë e vizituan mbi 12,4 milionë vizitorë të huaj, ose rreth 770 mijë më shumë krahasuar me vitin 2024.

Vetëm nga Kosova, numri i vizitorëve shënoi rritje me 5,3% krahasuar me vitin 2024.

Të ardhurat nga turizmi për 9-mujorin 2025 arritën në 4,4 miliardë euro, ose një rritje prej 14,5%.

Po ashtu, sitet e trashëgimisë kulturore u vizituan nga mbi 1,5 milionë vizitorë, duke shënuar rritje të të ardhurave me 30,63% krahasuar me vitin 2024.

“Këto të dhëna dëshmojnë jo vetëm rritjen e interesit për Shqipërinë si destinacion, por edhe përmirësimin gradual të standardeve, shërbimeve dhe ofertës kulturore në të gjithë territorin”, u shpreh Gonxhja.

Njëkohësisht, Ministri theksoi se “ato na vendosin përpara nevojës për planifikim më të kujdesshëm, menaxhim të qëndrueshëm dhe orientim strategjik, në mënyrë që ky zhvillim të përkthehet në përfitime afatgjata për komunitetet, ekonominë dhe imazhin ndërkombëtar të vendit”.

/m.m/r.e/

The post Gonxhja: Mbi 12,4 milionë vizitorë të huaj në 2025-ën appeared first on Agjencia Telegrafike Shqiptare.

Në vazhdën e reagimeve për letrën e presidentit Trump për Bordin e Paqes, kryeministri Edi Rama ka sulmuar mediat për raportimet e tyre, duke i akuzuar për manipulim dhe dezinformim. Ndërkohë që në media, mëngjesin e sotëm, qarkulloi një artikull i Bloomberg, i cili theksonte se anëtarësimi në Bordin e Paqes kërkon 1 miliard dollarë, […]

The post Rama sulmon mediat: Tenxhere që shpërndajnë gënjeshtra appeared first on BoldNews.al.

Nga Boldnews.al I mbytur nga zullumet e llumshme të hajnisë të qeverisjes në formë dhe ide të qeverisë së tij, kryeministri Edi Rama nuk ka qoftë edhe një zë të vetëm kundër brenda strukturave të PS-së. Të paktën publikisht! Shumë prej tyre, Rilindas të zhgënjyer a socialistë të hershëm të anashkaluar, nën zë apo në […]

The post Socialistët që hanë bar duke shkelur edhe parimet!   appeared first on BoldNews.al.

Prokuroria e Fierit ka dërguar për gjykim çështjen penale ndaj Lulzim Muça, i cili akuzohet se në qershor të vitit të kaluar ka tentuar të vrasë bashkëfshatarin e tij, Ferit Balkiu, në zonën e Divjakës. Ngjarja ka ndodhur më 9 qershor 2025, rreth orës 15:30, në fshatin Çermë Sektor. Sipas hetimeve, pas një debati verbal […]

The post Goditi bashkëfshatarin me thikë, zbardhet sherri në Fier appeared first on BoldNews.al.

Qeveria izraelite ka shprehur kundërshtimin e saj ndaj përbërjes së bordit ekzekutiv për Gazën, të ngritur nga administrata e Donald Trump, duke argumentuar se ky mekanizëm nuk është koordinuar me Izraelin dhe bie ndesh me politikën zyrtare të qeverisë izraelite. Në një deklaratë zyrtare, autoritetet izraelite bënë të ditur se ministri i Jashtëm i Izraelit, […]

The post Izraeli kundër planit amerikan për Gazën! appeared first on BoldNews.al.

“Turizmi malor ka filluar që për Krishtlindje, sidomos në destinacionet e Korcës, Voskopojës dhe Dardhës, që janë më të preferuarat dhe ofrojnë disa shërbime turistike. Në Dardhë ka një pjesë për ski, e përshtatshme kryesisht për fillestarët, pasi nuk kemi qëndra të mëdha skijimi. Presim që vitet e ardhshme të rritet kapaciteti akomodues dhe të zhvillohen edhe vende të tjera si Puka…

Source