TIRANË, 13 janar/ATSH/ Drejtoria e Përgjithshme e Burgjeve bën me dije se zinxhiri komandues i Burgjeve të Durrësit është pezulluar sot pas ngjarjes, ku u arratis i paraburgosuri Altin Ndoci.

Më herët, Drejtoria e Përgjithshme e Burgjeve njoftoi se i paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore.

Në njoftim, cilësohet se të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit.

“Pavarësisht ndërhyrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali”, theksohet në njoftim.

Drejtoria e Burgjeve thekson se strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes.

/e.i/j.p/

The post Arratisja e Ndocit, pezullohet zinxhiri komandues i Burgjeve të Durrësit appeared first on Agjencia Telegrafike Shqiptare.

TIRANË, 13 janar/ATSH/ Drejtoria e Përgjithshme e Burgjeve njofton se i paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore.

Sipas Drejtorisë së Përgjithshme të Burgjeve, të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit.

Në njoftim, cilësohet se pavarësisht ndërhyrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali.

Drejtoria e Burgjeve thekson se strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes.

/e.i/j.p/

The post I paraburgosuri Altin Doci u arratis nga Spitali i Durrësit, ishte për vizita mjekësore appeared first on Agjencia Telegrafike Shqiptare.

TIRANË, 13 janar/ATSH/ Drejtori i Përgjithshëm i Policisë së Shtetit, Ilir Proda u shpreh sot se ky institucion qëndron në këmbë përballë sfidave të shumta ndër vite.

Në aktivitetin e organizuar në Hotel International, me rastin e 113-vjetorit të krijimit të Policisë së Shtetit, ku të pranishëm ishin edhe drejtuesi i SPAK, Klodian Braho, kreu i BKH-së, Joni Keta, e të tjerë përfaqësues të lartë, Proda tha se 13 janari është një ditë historike dhe jetike për vendin tonë sepse pa rend nuk ka liri dhe pa siguri nuk ka të ardhme.

“Kjo e vërtetë e thjeshtë ka udhëhequr misionin e Policisë së Shtetit që nga dita kur plaku i mençur, kryeministri i saj kohe Ismail Qemali vendosi krijimin e Policisë së Shtetit, e cila përgjatë rrugëtimit të saj ka qenë gur themeli i rendit, i ligjit, stabilitetit shoqëror por edhe simbol i bashkimit kombëtar”, tha Proda.

Proda tha se Policia shqiptare ka ecur krah për krah me historinë e vendit, ka përballuar sfida të mëdha, dhe momente vendimtare por duke ruajtur me fanatizëm misionin e mbrojtjes së jetës, pronës dhe sigurisë së qytetarëve.

“Misioni i saj është simbol sakrifice, guximi dhe përkushtimi ku çdo uniformë flet për një detyrë, çdo emblemë për një frymë dhe çdo veprim për një premtim të patundur ndaj shoqërisë. Gjatë 113 viteve, 231 punonjës të policisë ranë dëshmorë pasi dhanë gjithçka duke vendosur jetën e tyre mbi çdo rrezik për të mbrojtur qytetarët dhe ligjit. Në këtë rrugëtim 113-vjeçar kanë kontribuuar gjenerata të tëra dhe sot gjejmë rastin të shprehim mirënjohjen për veteranët e policisë, ata janë thesari i përvojës dhe burim frymëzimi i profesionalizmit për brezat e rinj”, tha Proda.

Sipas Prodës, viti 2025 tregoi fuqinë dhe vendosmërinë e Policisë në operacione të suksesshme kundër grupeve kriminale, luftë të pandërprerë ndaj kultivimit dhe trafikimit të narkotikëve, zbardhje të ngjarjeve kriminale, ulje të kriminalitetit, përballim të suksesshëm të sezonit turistik dhe të aktiviteteve me famë ndërkombëtare, si dhe zhvillim të Akademisë së Sigurisë si një qendër moderne dhe konkurruese për të rinjtë.

“Të gjitha këto janë dëshmi se Policia e Shtetit nuk stepet, nuk thyhet dhe nuk ndalon kurrë. Ajo zhvillohet, trajnohet dhe punon çdo ditë më mirë, për qytetarin dhe ligjin. Përpos kësaj, organizata jonë nuk është perfekte, ashtu si dhe ne nuk jemi të tillë. Të gjithë ne jemi në sfidë të përditshme, sfidë me veten, sfidë me standardet, sfidë me pritshmëritë, për të mësuar nga gabimet dhe për t’u përmirësuar”, vijoi ai.

Proda nënvizoi se çdo operacion, çdo mision dhe çdo angazhim është provë se ligji nuk është thjesht një normë, por një realitet i prekshëm për qytetarët.

“Rezultatet e vitit të kaluar tregojnë se bashkëpunimi dhe koordinimi me partnerët kombëtarë dhe ndërkombëtarë janë baza e suksesit tonë. Policia e Shtetit është tashmë një partner i besueshëm dhe i barabartë, e angazhuar në skuadra hetimore dhe operacione të përbashkëta kundër krimit të organizuar dhe krimeve globale, në funksion të rritjes së sigurisë kombëtare, rajonale dhe më gjerë”, tha Proda.

Drejtuesi i Policisë së Shtetit shtoi se profesionalizmi dhe besueshmëria e Policisë së Shtetit, përgjatë vitit 2025, u vlerësuan me çmime dhe tituj nga partnerët ndërkombëtarë.

“Ne jemi ajo që bëjmë dhe jo ajo që flitet për ne, nëpërmjet sulmeve dhe përbaltjes së padrejtë ndaj kontributit të mijëra burrave dhe grave, djemve dhe vajzave që sakrifikojnë çdo ditë për të mirën e përgjithshme”, përfundoi Proda.

/e.i/j.p/

The post 113-vjetori i themelimit, Proda: Policia, tashmë partner i besueshëm i angazhuar në skuadra hetimore ndërkombëtare appeared first on Agjencia Telegrafike Shqiptare.

TIRANË, 13 janar/ATSH/ Temperaturat e ulta dhe i ftohti rrisin ngarkesën mbi zemër dhe mund të përkeqësojnë sëmundjet kardiake.

Mjekët kardiologë flasin për kujdes të shtuar në këto ditë të ftohta dimri për pacientët me sëmundje zemre, për mjekim rregullisht dhe shmangien e ekspozimit të zgjatur në të ftohtë.

Ministria e Shëndetësisë dhe Mirëqenies Sociale ndau sot një videomesazh të Dr.Ermir Tafajt, mjek kardiolog pranë Qendrës Spitalore Universitare “Nënë Tereza”, i cili jep disa këshilla për këta pacientë, por edhe për personat e shëndetshëm.

Tafaj shprehet se “moti i ftohtë dhe temperaturat e ulëta ndikojnë në gjendjen e arterieve koronorare”.

“Kemi dy kategori njerëzish, ata që mjekohen për sëmundje të zemrës dhe pacientët e shëndetshëm. Pacientët të cilët kanë probleme me enët e zemrës duhet patjetër të jenë më të kujdesshëm në temperaturat e ulëta. Duhet të marrin mjekimin e rregullt, duhet të kenë veshur disa shtresa në momentin që janë temperaturat e ulëta”, tha Tafaj.

Sipas Dr.Tafajt, në vendet me borë këto pacientë bëjnë një lloj sforcimi të shtuar duke marrë lopatat për të hequr borën në segmente të caktuara, çka mund të shfaqë edhe te pacientët që nuk kanë qenë në dijeni më përpara episode të dhimbjes së gjoksit.

“Edhe pacientët të cilët janë të shëndetshëm dhe nuk kanë qenë në dijeni që mund të kenë pasur ose jo ngushtim të enëve koronare kuptojnë që i ftohti dhe sforcimi në të ftohtë shfaq klinikën e dhimbjes së gjoksit. Duhet me patjetër të jenë të kujdesshëm të dy grupet e popullatave, si ato që kanë probleme me enët e zemrës dhe ato që janë të shëndetshëm”, tha mjeku.

“Një dhimbje shtrënguese e cila mund të përhapet majtas-djathtas gjoksit, që mund të marrë krahun e majtë ose të dy, ose mund të përhapet mbrapa shpatullave. Një dhimbje që mund të hapet dhe pushon kur ne futemi në ambient të ngrohta ose kur ndalojmë sforcimin. Këto dhimbje janë një alarm i kuq që duhet të shkohet drejt mjekut”, vijoi Tafaj.

Mjeku kardiolog u ndal edhe te simptomat e një tjetër goditjeje në zemër, siç është infarkti akut i miokardit.

“Një emergjencë e cila nuk pret. Sa më shpejt të shkojmë në urgjencë, aq më i madh do të jetë përfitimi që do të ketë muskuli i zemrës”, përfundoi Tafaj.

/e.i/j.p/

The post Tafaj: Moti i ftohtë ndikon tek pacientët me sëmundje zemre, ja si të kujdesen appeared first on Agjencia Telegrafike Shqiptare.

TIRANË, 13 janar/ATSH/ Bashkia e Shkodrës në përditësimin e situatës për shkak të reshjeve të shiut dhe motit të keq të ditëve të fundit, njoftoi se nga monitorimi i vazhdueshëm gjatë natës dhe orëve të para të mëngjesit, situata hidrologjike në territorin e bashkisë Shkodër paraqitet më e përmirësuar krahasuar me ditën e djeshme, me ulje të niveleve të ujit në zonat e prekura.

Në zonën Obot, është konstatuar rënie e nivelit të ujit. Aksi rrugor që lidh fshatin Obot me rrugën kryesore paraqet prezencë uji rreth 100 cm, nga 110 cm që ishte një ditë më parë, duke shënuar ulje rreth 10 cm. Aksi vijon të monitorohet në mënyrë të vazhdueshme.

Mjetet e bashkisë Shkodër dhe strukturave mbështetëse qëndrojnë edhe sot në Obot, në gatishmëri të plotë për çdo nevojë dhe për garantimin e aksesit dhe ndihmës ndaj banorëve. Varkat janë të pranishme edhe sot në terren, për të garantuar transportin dhe ndërhyrjen në rast nevoje.

Bashkia Shkodër njofton se gjatë ditës së djeshme është realizuar furnizimi i banorëve me 1 kamion.

Në Obot ka banesa me prezencë uji në oborre, ndërsa deri në këto momente nuk ka raportime për prezencë uji në brendësi të banesave.

Në Njësinë Administrative Dajç, në zonën Urrelat – Shirq, është konstatuar ulje e nivelit të ujit rreth 10 cm krahasuar me ditën e djeshme. Vijon të ketë prezencë uji në kanalet kulluese të tokave bujqësore, por pa depërtim në banesa.

Sipërfaqja e tokës bujqësore me prezencë uji është në Dajç rreth 80 hektarë, Velipojë rreth 120 hektarë, Ana e Malit rreth 550 hektarë, Bërdicë rreth 50 hektarë.

Bashkia Shkodër njofton se totali i sipërfaqes në ujë është 800 hektarë.

Situata paraqitet e qëndrueshme dhe në përmirësim, ndërsa monitorimi në terren vijon pa ndërprerje nga strukturat përgjegjëse. /e.i/j.p/

The post Bie niveli i ujërave në zonat e prekura nga reshjet në Shkodër, 800 ha tokë ende nën ujë appeared first on Agjencia Telegrafike Shqiptare.

TIRANË, 12 janar/ATSH/ Bashkia Shkodër në përditësimin e situatës, si pasojë e motit të keq dhe reshjeve të shiut të ditëve të fundit vuri në dukje se në krahasim me orën 08:00 të mëngjesit, situata paraqitet me ulje të nivelit të ujit në zonat e Obotit dhe Dajçit, ndërsa vijon monitorimi i vazhdueshëm nga strukturat përgjegjëse.

Sipas raportimeve nga KESH, që prej mbrëmjes së djeshme është shënuar ulje e nivelit të shkarkimeve, çka ka dhënë efekt të drejtpërdrejtë në uljen e nivelit të ujit në zonat me prezencë uji.

Bashkia Shkodër informoi se aksi rrugor që lidh fshatin Obot me rrugën kryesore paraqet prezencë uji rreth 105 cm, çka e bën të pamundur aksesin me mjete rrugore, përfshirë edhe mjetet e larta të Forcave të Armatosura. Në këto kushte, transporti i banorëve po realizohet me varkat e Forcave të Armatosura.

Në fshatin Obot, 65 banesa paraqesin prani uji në oborre, ndërsa nuk ka raportime për banesa me prezencë uji në brendësi. Gjatë ditës së sotme po vijon furnizimi i banorëve me ujë të pijshëm dhe koncentrat për gjënë e gjallë, në ndihmë të familjeve të prekura.

Më tej, në njoftim thuhet se në zonën Urrelat – Shirq, uji ka dalë në kanalet kulluese të tokave bujqësore. Deri në këto momente, nuk ka raportime për prezencë uji brenda banesave.

Sipërfaqja totale e tokës bujqësore me prani uji vlerësohet rreth 945 hektarë, e shpërndarë sipas njësive administrative është në Dajç rreth 120 hektarë, në Velipojë rreth 195 hektarë, Ana e Malit rreth 600 hektarë dhe Bërdicë rreth 30 hektarë.

Monitorimi në terren vijon pa ndërprerje nga strukturat përgjegjëse dhe çdo zhvillim i mëtejshëm do të komunikohet në vijim.

/e.i/j.p/

The post Prani uji rreth 105 cm në rrugën drejt fshatit Obot të Shkodrës appeared first on Agjencia Telegrafike Shqiptare.

TIRANË, 12 janar/ATSH/ Ekipet e punës së bashkisë Shkodër, janë në terren duke punuar për kriposjen e aksit Bogë-Theth.

Kryetari i bashkisë Shkodër, Benet Beci njoftoi se pavarësisht kushteve ekstreme të motit, me temperatura shumë të ulëta, nga -8°C deri në -15°C, po punohet intensivisht për kriposjen e aksit Bogë–Theth.

Beci tha se qëllimi është që të garantohet qarkullimi i mjeteve në këtë aks dhe rritja e sigurisë për drejtuesit e tyre.

Autoritetet lokale u bëjnë thirrje drejtuesve të mjeteve të tregojnë kujdes të shtuar gjatë lëvizjes në zonat malore dhe të përdorin goma dimërore, ndërsa aksioni do të vijojë.

Reshjet e dëborës kanë përfshirë zonat veriore të vendit, por pastrimi i akseve kombëtare po bëhet rregullisht duke i mbajtur ato të hapura për qarkullimin.

/e.i/j.p/

The post Beci: Kriposje e aksit Bogë-Theth në kushte ekstreme moti appeared first on Agjencia Telegrafike Shqiptare.

TIRANË, 12 janar/ATSH/ Korpusi i Spitalit Universitar po modernizohet, por edhe pse disa hapësira spitalore janë në proces rikonstruksioni, sistemi shëndetësor operon me kapacitete të plota, pa ndërprerje të kujdesit ndaj pacientëve.

Ministria e Shëndetësisë dhe Mirëqenies Sociale njofton se ndërhyrjet kirurgjikale vijojnë normalisht, sallat operatore funksionojnë me dy turne, ndërsa sallat operatore të rasteve urgjente vijojnë në gatishmëri të plotë 24 orë për të garantuar reagim të menjëhershëm në çdo situatë emergjente.

Sipas MSHMS, stafi mjekësor dhe teknik po punon në koordinim të plotë për të siguruar vazhdimësinë, efikasitetin dhe cilësinë më të lartë të kujdesit shëndetësor, për të përmbushur nevojat e çdo pacienti që kërkon trajtim.

Prof.Asc. Vilson Ruci, shef shërbimi i Ortopedisë pranë SUT-së tha se këtë vit puna ka nisur plot intensitet dhe me ngarkesë maksimale që në ditët e para të vitit në shërbim të pacientëve, të komunitetit dhe gjithë njerëzve që kanë nevojë për shërbim.

“Struktura jonë është elitare, pasi ne jemi qendër traume në nivel terciar që përballon me sukses politraumën muskolo-skeletike neurokirurgjikale, të rasteve të rënda në të gjithë Shqipërinë në bashkëpunim me spitalet e mëdha rajonale dhe bashkiake”, tha Ruci.

“Jemi gjithmonë në koordinim të përsosur për menaxhimin e pacientëve të traumatizuar, aksidentuar dhe atyre që kanë nevojë për shërbimet tona. Megjithëse spitali filloi një fazë të re rikonstruksioni, i cili do të rrisë cilësisht shumë shërbime që i ofrohen pacientëve, sigurojmë të gjithë komunitetin, opinionin publik, familjarët që do i ofrojmë shërbimin tonë”, vijoi ai.

Dr. Ruci shtoi se është organizuar një plan masash që ekipet dhe strukturat e SUT-së të jenë në gjendje gatishmërie, nga puna me dy turne dhe orare të zgjatura në mënyrë që të gjithë pacientët në kohën minimale të mundshme të marrin shërbim maksimal.

Ndërsa, Dr. Alfred Cake, shef shërbimi i bllokut operator në SUT, tha se ndërhyrjet kirurgjikale vijojnë normalisht.

“Jemi duke punuar me dy salla, me dy turne për të mbuluar nevojat e pacientëve, ndërkohë që sallat urgjencës vijojnë të jenë në punë 24 orë për të mbuluar shërbimin e traumës. Në SUT zhvillohen ndërhyrjet për të gjitha gamat e nevojave dhe pa asnjë ndërprerje vazhdojmë me të njëjtin intensitet në koordinim me stafin mjekësor dhe stafet e tjera ndihmëse”, pohoi Cake.

/e.i/j.p/

The post Punime në Spitalin Universitar të Traumës, ndërhyrjet kirurgjikale vijojnë normalisht appeared first on Agjencia Telegrafike Shqiptare.

TIRANË, 12 janar/ATSH/ Bashkia e Shkodrës njoftoi sot se situata hidrologjike paraqitet e qëndrueshme dhe nën monitorim të vazhdueshëm, me nivele uji nën kuotat kritike dhe pa banesa me prezencë uji në brendësi të tyre.

Sipas bashkisë Shkodër, sipërfaqja totale e tokës bujqësore me prani uji vlerësohet rreth 945 hektarë, e shpërndarë sipas njësive administrative Dajç rreth 120 hektarë, Velipojë rreth 195 hektarë, Ana e Malit rreth 600 hektarë dhe Bërdicë 30 hektarë.

Sipas bashkisë, prania e ujit është e kufizuar në sipërfaqe të hapura bujqësore. Në Obot, uji është prezent vetëm në oborre, pa depërtim në banesa; qarkullimi është i garantuar dhe realizohet me mjete të Ushtrisë, është i bllokuar kalimi me mjete për shkak të rritjes së nivelit të ujit në rrugë.

Bashkia Shkodër bën me dije se situata e lumenjve mbetet e kontrolluar. Niveli i Bunës në Dajç është 6.64 metra. Në Urën e Vjetër të Bunës, niveli i ujit është 8.70 metra, rreth 0.50 metra nën kuotën kritike (9.50 metra). Në Urën e Bahçallëkut, lumi Drin paraqitet në kuotën 7.70 metra, rreth 2.30 metra nën kuotën kritike (10.00 metra).

Hidrovoret po punojnë në kapacitet të plotë dhe pa ndërprerje, duke mbajtur nivelet e ujit në kuota të sigurta. Furnizimi me energji elektrike është normal. Argjinaturat, kanalet kulluese dhe shkarkuesit e Digës së Rezervuarit të Shkodrës nuk paraqesin problematika apo rrezik për përmbytje.

/e.i/j.p/

The post Kuotat e lumenjve nën kontroll, 945 hektarë tokë bujqësore me prani uji në Shkodër appeared first on Agjencia Telegrafike Shqiptare.

 

View this post on Instagram

 

A post shared by Edi Rama (@ediramaal)

TIRANË, 11 janar/ATSH/ Bujtina Trojani në Lëpushë është “ftesë” për të shijuar bukuritë e Alpeve shqiptare në dimër.

Mes petkut të bardhë të dëborës, sportit të skive, bukurive të natyrës alpine dhe ushqimit tradicional, ky investim i familjes Trojani mikpret vizitorët që shkojnë në Lepushë dhe Këlmend.

Kryeministri Edi Rama ndau në rrjetet sociale videon e guesthousetrojani, ku vajza 11- vjeçare me emrin Suela, së bashku me familjen e saj mikpresin mes traditës dhe bukurive natyrore.

“Aty ku mrekullia e natyrës dhe e shqiptarit jetojnë më bukur se kudo. Këto vende jetojnë me turizëm në të 4 stinët. Rrugët janë lehtësisht të kalueshme me goma dimri për Lepushë dhe Këlmend”, shkruan Rama.

Ndërkohë, ministri i Turizmit, Kulturës dhe Sportit, Blendi Gonxhja u shpreh se destinacionet turistike malore vijojnë të jenë të aksesueshme.

Sipas tij, “edhe pse ka pasur reshje të dendura dëbore, falë punës së koordinuar në terren nga bashkitë dhe autoritetet përkatëse, akset rrugore që lidhin pikat turistike janë pastruar dhe funksionale, duke mundësuar lëvizje të sigurt për vizitorët dhe operatorët turistikë”.

“Fundjavat në zonat malore po kthehen në një alternativë ndryshe pushimi për familjet dhe të rinjtë, duke kombinuar natyrën, sportet dimërore dhe mikpritjen lokale, si një mundësi e mirë për zhvillim dhe promovim të turizmit gjatë gjithë vitit”, tha Gonxhja.

Gonxhja shtoi se “në disa raste trafiku dhe numri i lartë i mjeteve rrugore në të njëjtën kohë, drejt destinacioneve fundore, ka krijuar ngadalësim lëvizjeje e radhë pritjeje por kërkohet mirëkuptimi i qytetarëve, ndërsa policia dhe autoritetet rrugore vijojnë monitorimin dhe informimin”.

/e.i/j.p/

The post Rrugët drejt destinacioneve turistike dimërore, lehtësisht të kalueshme me goma dimri appeared first on Agjencia Telegrafike Shqiptare.

TIRANË, 11 janar/ATSH/ Tri fëmijë të mitur në Durrës janë marrë në mbrojtje nga Shërbimi Social, pas denoncimit nga gjyshja se ish-nusja e djalit i kishte lënë vetëm.

Policia Durrës njofton se specialistët për Hetimin e Krimeve të Stacionit të Policisë Plazh referuan materialet në Prokurori, ku nisi procedimi penal ndaj shtetases B. B., 33 vjeçe, për veprën penale “Keqtrajtimi i të miturve”.

Sipas Policisë, procedimi penal nisi pasi ditën e sotme, rreth orës 17:20, është paraqitur shtetasja D. V., e cila ka deklaruar se ish-nusja e djalit të saj kishte lënë vetëm tre fëmijët e mitur në pallatin ku banonte, rasti i publikuar dhe në rrjete sociale.

Nga ana e shërbimeve të Policisë, në bashkëpunim me Zyrën e Mbrojtjes së Fëmijëve, u bë e mundur marrja në mbrojtje e tre fëmijëve, të cilët u dërguan në spital për ekzaminime mjekësore dhe më pas u morën në kujdes nga Qendra e Mbrojtjes së Fëmijëve Durrës.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

MSHMS: Grupi Teknik Ndërsektorial do të vendosë mbi masat e mëtejshme për mbrojtjen e fëmijëve

Pas sinjalizimit nga media ditën e sotme, mbi braktisjen e mundshme të tre fëmijëve nga nëna e tyre, Shërbimi Social Shtetëror, në bashkëpunim me Policinë e Shtetit mori deklaratat përkatëse nga nëna, fëmijët dhe gjyshja e tyre.

Sipas një njoftimi nga MSHMS, tre fëmijët u dërguan në Spitalin Rajonal Durrës, ku po qëndrojnë nën kujdesin e mjekëve, të shoqëruar edhe nga nëna, ndërkohë që iu është siguruar ushqim dhe veshmbathja e nevojshme.

Në vijim, do të mblidhet Grupi Teknik Ndërsektorial, për të vendosur mbi masat e mëtejshme për mbrojtjen e fëmijëve.

/e.i/j.p/

The post Procedim penal 33-vjeçares në Durrës, braktisi 3 fëmijët e mitur appeared first on Agjencia Telegrafike Shqiptare.

TIRANË, 11 janar/ATSH/ Reshjet e borës të orëve të fundit kanë qenë një arsye më shumë që qytetarët t’i drejtohen Parkut Kombëtar të Dajtit për një aventurë mes natyrës dhe borës.

Por, e gjithë situatë ka sjellë trafik të rënduar dhe vështirësi në qarkullimin e automjeteve në aksin që lidh Tiranën me Dajtin.

Fluksi i lartë i qytetarëve që kanë zgjedhur Dajtin për të shijuar dëborën, ka krijuar radhë të gjata automjetesh dhe lëvizje të ngadaltë në këtë zonë.

Më herët, drejtuesja e komanduar e bashkisë Tiranë, Anuela Ristani u shpreh se aksi rrugor Qafë Priskë – Shëngjergj, i cili ishte i mbuluar nga bora, është pastruar dhe është trajtuar me kripë për të mundësuar qarkullimin e automjeteve.

Megjithatë, për shkak të temperaturave të ulëta dhe mundësisë së ngricave, u është bërë thirrje drejtuesve të mjeteve të lëvizin me kujdes të shtuar, të respektojnë sinjalistikën rrugore, të ulin shpejtësinë gjatë lëvizjes dhe të sigurohen që automjetet të jenë të pajisura me zinxhirë dëbore për gomat, me qëllim shmangien e aksidenteve.

/e.i/j.p/

The post Trafik i rënduar në rrugën e Dajtit appeared first on Agjencia Telegrafike Shqiptare.

TIRANË, 11 janar/ATSH/ Pas reshjeve të ditëve të fundit, situata në territorin e bashkisë Fier është e qëndrueshme dhe nën monitorim të vazhdueshëm nga strukturat përgjegjëse dhe specialistët e terrenit.

Ministri i Bujqësisë dhe Zhvillimit Rural, Andis Salla u shpreh sot nga inspektimi në hidrovorët Hoxhara 1 dhe 3 në Darzezë të Fierit, se situata është në monitorim të plotë.

Salla tha se hidrovorët Hoxhara 1 dhe Hoxhara 3, ashtu si të gjithë hidrovorët në të gjithë territorin e Shqipërisë, kanë qenë në punë pa ndërprerje gjatë reshjeve intensive, për menaxhimin e prurjeve të larta dhe lehtësimin e situatës në zonat bujqësore.

Ministri Salla u shpreh se ekipet kanë monitoruar në terren 24/7 gjithë situatën e shkaktuar për shkak të reshjeve të dendura të shiut.

Salla falënderoi të gjithë ekipet që kanë qenë në gatishmëri të plotë ndaj këtyre ditëve të vështira, por shtoi se duhet akoma vigjilencë.

/e.i/j.p/

The post Salla: Situata nga reshjet në Fier e qëndrueshme, hidrovorët në punë appeared first on Agjencia Telegrafike Shqiptare.

TIRANË, 11 janar/ATSH/ Reshjet e dendura të shiut dhe borës dhe përkeqësimi i motit të këtyre ditëve ka nxjerrë në gatishmëri të gjitha ekipet shëndetësore dhe emergjencat në të gjithë vendin.

Spitali Rajonal Shkodër, ka funksionuar pa asnjë ndërprerje 24/7, përmes masave të menjëhershme organizative dhe operacionale të ndërmarra.

Ministria e Shëndetësisë dhe Mirëqenies Sociale njoftoi se falë këtyre masave, nuk është cenuar në asnjë moment shërbimi ndaj shëndetit të qytetarëve.

Stafi mjekësor me profesionalizëm, përgjegjësi dhe përkushtim ka përballuar me sukses situatën dhe duke garantuar vijimësinë e çdo shërbimi.

Sipas MSHMS, spitali Rajonal Shkodër mbetet i angazhuar e në gatishmëri të plotë duke dhënë shërbim shëndetësor 24/7 dhe duke qenë pranë çdo qytetari edhe në kushte të jashtëzakonshme.

Koordinimi i vazhdueshëm me spitalet rajonale, 36 njësitë vendore të kujdesit shëndetësor dhe katër drejtoritë rajonale vazhdon në të gjithë vendin. MSHMS bëri me dije se përmes raportimeve të përditësuara dhe komunikimit të drejtpërdrejtë, me qëllim garantimin e një reagimi të shpejtë, është ndërtuar një sistem shëndetësor efektiv për çdo situatë.

/e.i/j.p/

The post Spitali Rajonal Shkodër, në gatishmëri për çdo shërbim shëndetësor në kushte të vështira të motit appeared first on Agjencia Telegrafike Shqiptare.

TIRANË, 11 janar/ATSH/ Artistja ikonë e humorit shqiptar, Zyliha Miloti feston sot 80-vjetorin e lindjes.

E lindur dhe e rritur në Shkodër, Miloti i ka dhënë skenës së artit dhe humorit shqiptar, qindra role dhe personazhe në teatër dhe kinema. Figura e saj ka shoqëruar breza të tërë artdashësish duke sjellë humor të spikatur dhe të qeshura.

Zyliha Miloti, është vlerësuar me titullin Mjeshtre e Madhe dhe tituj të tjerë të shumtë, për kontributi e saj të çmuar në artin dhe kulturën shkodrane dhe më gjerë.

Me rastin e 80-vjetorit të lindjes së saj, kryebashkiaku i Shkodrës Benet Beci përcolli urimet e tij.

“Që në moshën 14-vjeçare, ajo u ngjit për herë të parë në skenë dhe 66 vite më pas, vazhdon ende të dhurojë humor të pakrahasueshëm. Me personazhe që na kanë bërë të qeshim e të reflektojmë, dhe batuta që kanë kaluar nga një brez te tjetri, Zyliha Miloti ka qenë dhe mbetet një nga shtyllat e humorit shqiptar”, tha Beci.

Zyliha Miloti nderohet jo vetëm si një artiste e spikatur, por edhe si një figurë që ka lënë gjurmë të thella në kujtesën e parodisë shkodrane dhe artit shqiptar.

/e.i/j.p/

The post Zyliha Miloti feston 80-vjetorin e lindjes appeared first on Agjencia Telegrafike Shqiptare.

TIRANË, 11 janar/ATSH/ Sekretari i Përgjithshëm i Partisë së Lirisë, Tedi Blushi u shpreh sot nga Xhafzotaj e Durrësit se “Durana Tech Park”, një qendër ku operojnë një numër i madh biznesesh në fushën e teknologjisë dhe të Start-up-eve, është thjesht dhe vetëm një livadh.

“Kjo zonë gëzon status të veçantë, dhe është një parajsë fiskale për zhvillimin ekonomik dhe ku operojnë, të paktën, 46 kompani në fushën e teknologjisë, por numri i tyre, në fakt, llogaritet të jetë mbi 100. E ngjashme me skemën kriminale të inceneratorëve, nuk ka një tullë të vendosur e jo më të flitet për një park Teknologjik.  Parku ekziston vetëm në këtë projekt 3D të Edi Ramës”, u shpeh Blushi.

Sipas Blushit, “Durana Tech Park” rezulton e regjistruar në 20 shkurt të vitit të kaluar, në Qendrën Kombëtare të Biznesit, ku kompanitë përfitojnë 0% tatim mbi fitimin për një periudhë 15-vjeçare për të gjitha të ardhurat që gjenerojnë nga veprimtari.

“Përjashtim nga TVSH-ja për mallrat dhe shërbimet e përdorura për qëllime kërkimi dhe zhvillimi. Lehtësime në sigurimet shoqërore, ku kontributet mund të paguhen mbi bazën e pagës minimale për një periudhë të caktuar. Përjashtim nga të gjitha taksat për një periudhë 10-vjeçare për pagat e personelit që punon në kërkim-zhvillim në këtë park inekzistent”, tha Blushi.

Sekretari i Përgjitshëm i PL-së, i bëri ftesë SPAK-ut që të vizitojë livadhin dhe të tregojë godinën e “Durana Tech Park”, për të cilën sipas Blushit u dhanë edhe certifikatat e para dhe u njoftua se të paktën 40 rezidentë ndodheshin në këtë godinë.

/e.i/j.p/

The post Blushi: “Durana” si inceneratorët, parku teknologjik nuk ekziston appeared first on Agjencia Telegrafike Shqiptare.

TIRANË, 11 janar/ATSH/ Reshjet e borës të rëna gjatë orëve të fundit në Qafë Thanë kanë krijuar një panoramë të jashtëzakonshme dimërore.

E “veshur” tërësisht nga petku i bardhë i borës, Qafë Thana ka tërhequr qytetarë dhe vizitorë që kanë zgjedhur këtë vend për të kaluar momente çlodhjeje dhe argëtimi në natyrë.

Kryeministri Edi Rama ndau në rrjetet sociale, pamje të qytetarëve, mes tyre familje e fëmijë përgjatë përgjatë segmentit të Qafë Thanës që shijojnë momente të bukura të lojës me borë.

Vizitorët kanë shfrytëzuar reshjet për të luajtur me borë, për të bërë fotografi, duke gjallëruar këtë pikë turistike edhe gjatë muajit të parë të vitit.

Autoritetet rrugore kanë bërë të ditur se qarkullimi i automjeteve vijon normalisht, megjithatë drejtuesit e mjeteve këshillohen të tregojnë kujdes të shtuar, të përdorin goma dimërore dhe të respektojnë udhëzimet e Policisë Rrugore, për shkak të rrugës së rrëshqitshme.

Pika në Qafë Thanë po shndërrohet në një alternativë ideale për turizmin dimëror, duke ofruar pamje unike për vizitorët vendas dhe ata të huaj.

/e.i/j.p/

The post Qytetarët shijojnë Qafë Thanën e “zbardhur” nga bora appeared first on Agjencia Telegrafike Shqiptare.

TIRANË, 11 janar/ATSH/ Polumbarët e Regjimentit të Operacioneve Speciale dhe Forcat e Armatosura janë angazhuar në një operacion kërkim-shpëtimi për gjetjen e të riut që dyshohet se u mor nga rrjedhja e lumit Mat në Klos ditën e djeshme.

Ministri i Mbrojtjes, Pirro Vengu u shpreh se polumbarët e Regjimentit të Operacioneve Speciale dhe 22 efektivë të Forcave të Armatosura po vijojnë pa ndërprerje kërkimet për gjetjen e të riut që dyshohet se u mor nga rrjedha e lumit Mat pas një aksidenti me makinë.

Vengu tha se “me ndihmën e dronëve dhe pajisjeve të specializuara, çdo metër terreni po kontrollohet, nga ura e Darsës në Klos deri në bashkinë e Matit”.

Ngjarja e rëndë u shënua gjatë natës së djeshme në Klos, ku një automjet tip “Audi” me targa angleze doli nga rruga dhe ra në përroin e fshatit Dars.

Pas aksidentit, drejtuesi i mjetit, 24-vjeçari me iniciale A. L., u largua nga vendngjarja pa njoftuar policinë dhe pa i dhënë ndihmë pasagjerit që ndodhej me të në makinë.

Policia arriti ta identifikonte dhe ta arrestonte të riun pak kohë pas ngjarjes.

Situata mbetet kritike për pasagjerin e mjetit, shtetasin J. K., 30 vjeç, për të cilin vijojnë prej orësh kërkimet e specializuara.

/e.i/j.p/

The post Operacion kërkim-shpëtimi për gjetjen e të riut pas aksidentit në Klos appeared first on Agjencia Telegrafike Shqiptare.

TIRANË, 11 janar/ATSH/ Punonjës të shërbimeve publike janë angazhuar për largimin e mbetjeve urbane dhe pastrimin e vijës bregdetare në zonën e Plazhit të Vjetër në Vlorë.

Për shkak të motit të keq dhe dallgëve të forta, deti në Plazhin e Vjetër të Vlorës ka nxjerrë në breg mbetje të ndryshme. Ndaj, këtë fundjavë, aksioni u përqendrua në këtë pikë të vijës bregdetare për pastrimin e zonës dhe rikthimin në gjendjen e duhur.

Kryeministri Edi Rama ndau pamje të këtij aksioni, ku grupet e punës së Ndërmarrjes së Shërbimeve Publike Vlorë me mjetet e punës pastruan vijën bregdetare në Plazhin e Vjetër.

Aksionet për pastrimin dhe mbajtjen pastër të vijës bregdetare do të intensifikohen gjatë muajve në vijim, në prag të sezonit veror, për të garantuar një vijë bregdetare të pastër dhe mikpritëse për qytetarët vendas dhe turistët e huaj.

/e.i/j.p/

The post Pastrim i vijës bregdetare në zonën e Plazhit të Vjetër në Vlorë appeared first on Agjencia Telegrafike Shqiptare.

TIRANË, 11 janar/ATSH/ Kryetari i Partisë Demokratike, Sali Berisha reagoi në rrjetet sociale pas deklaratave të kryeministrit Edi Rama në podkastin “Flasim” lidhur me nevojën për reflektim serioz ndaj politikës penale në vend.

Berisha tha se Kryeministri Rama sulmoi drejtësinë për të mbrojtur interesat e veta dhe të bashkëpunëtorëve të tij.

“Kjo dëshmon se ai nuk pranon dhe nuk do të pranojë vendimet e prokurorëve dhe gjyqtarëve, meqë sipas tij ata nuk janë të paanshëm dhe janë injorantë, jo cilësorë”, tha Berisha, ndërsa theksoi se me këtë qëndrim, Rama sërish pranon fajësinë e tij.

“Ky qëndrim është një apel për çdo shqiptar të ngrihet për largimin e tij nga pushteti, një ditë e më pare”, vijoi Berisha.

Kreu i PD-së u ndal edhe te situata në vend për shkak të motit të keq të ditëve të fundit, ku u shpreh se “Rama sot nuk foli për hallin e dhjetëra mijëra qytetarëve që nga Gjirokastra në Shkodër që kanë banesat të përmbytura”.

“Me këtë, ai mirë bëri, sepse përveç motit, shkak tjetër madhor i gjendjes së tyre të vështirë është vetë ai dhe ministrat e tij që, të pangopur, kanë vjedhur fondet e investimeve në infrastrukturën mbrojtëse nga përmbytjet”, tha Berisha.

Sipas tij, Rama i cili ka bllokuar nëpërmjet 83 mandateve heqjen e imunitetit dhe arrestimin e Ballukut, përsëri sulmoi drejtësinë si të paanshme dhe jo cilësore.

/e.i/j.p/

The post Berisha: Rama sulmoi drejtësinë për interesat e veta appeared first on Agjencia Telegrafike Shqiptare.