TIRANË, 2 janar/ATSH/ Reshjet e dëborës kanë përfshirë ditën e sotme edhe zonën e Qafë Thanës, në Pogradec.
Drejtoria Vendore e Policisë Elbasan bën të ditur për ATSH-në se “në orët e paradites në Dragostunjë ka pasur prezencë akulli, ndërsa Policia Rrugore ndodhet në krye të detyrës për të menaxhuar situatën dhe ardhur në ndihmë mjeteve që bllokohen”.
Autoritetet policore i bëjnë apel drejtuesve të mjeteve të jenë të pajisur me zinxhirë, ndërkohë që lëvizja vijon e ngadaltë në të dy krahët e rrugës.
Sipas policisë, kontraktorët po kryejnë kriposjen e rrugës për të shmangur ngricat dhe rrëshqitjet e automjeteve.
Aktualisht ngrica ka te Çesmja e Miftarit, ndërkohë që vihet re një trafik i shtuar të automjeteve që qarkullojnë drejt juglindjes.
Është hapur pas dy ditësh pika kufitare e Qafë-Thanës në Korçë pasi ishte bllokuar prej dy ditësh. Mësohet se është zhbllokuar aksi Strugë-Qafë Thanë, ku ndodhi aksidenti i autobotit me gaz.
Aksidenti ndodhi dy ditë më parë në aksin Strugë- Qafë Thanë, dhe pavarësisht përpjekjeve, autoboti është arritur të hiqet këtë pasdite ndërsa do të fillojë qarkullimi i mjeteve normalisht në këtë pikë kufitare.
Gjatë ditëve që dogana ishte e bllokuar, qarkullimi u drejtua në doganën e Tushemishtit dhe atë të Goricës.
Njoftimi i plote:
Drejtoria Vendore e Kufirit dhe Migracionit Korçë
Pika e Kalimit Kufitar Qafë Thanë
Nga kontakti i vazhdueshëm me autoritetet e policisë kufitare të Maqedonisë së Veriut, jemi njoftuar se, aksi rrugor “Strugë-Qafë Thanë”, i cili ishte i bllokuar që në datën 30.12.2025, për shkak të një aksidenti rrugor, aktualisht është zhbllokuar.
Lëvizja e mjeteve dhe e shtetasve, po kryhet lirisht si në hyrje dhe në dalje të Republikës së Shqipërisë, duke respektuar procedurat e verifikimit kufitar.
Një aksident rrugor është bërë shkak që rruga ndërkombëtare Shqipëri-Maqedoni e Veriut në Qafë-Thanë të bllokohet për një kohë të pacaktuar. Policia Kufitare e Korçës e ka konfirmuar sot (30 dhjetor) bllokimin e qarkullimit që prej orëve të paradites, duke sqaruar se shkak është bërë rrëzimi i një autoboti me gaz në pjesën maqedonase. Sipas […]
TIRANË, 31 tetor/ATSH/ Punimet për ndërtimin e aksit të ri rrugor Elbasan-Qafë Thanë, me gjatësi rreth 50 km, po përparojnë me ritme të larta, duke marrë formë çdo ditë e më shumë.
Zëvendëskryeministrja dhe njëherësh ministre e Infrastrukturës dhe Energjisë, Belinda Balluku bëri të ditur sot se 70% e punimeve të fazës së dytë janë tashmë të përfunduara.
Sipas saj, nënkalimi i hekurudhës dhe mbikalimi automobilistik janë ndërtuar, ndërsa po ecet me ritme të shpejta në formimin e trupit të rrugës.
“80% e trasesë është hapur dhe po punohet me shtresat rrugore, ku ka përfunduar aplikimi i konglomeratit bituminoz dhe binderit”, theksoi Balluku.
Ky aks, që do të lidhë Portin e Durrësit me Pikën Kufitare Qafë Thanë, për të vijuar më tej drejt Maqedonisë së Veriut dhe Bullgarisë, është pjesë e Korridorit VIII. Rruga do të jetë e kategorisë B, me katër korsi lëvizjeje dhe do të mundësojë një shpejtësi maksimale prej 110 km/orë.
Projekti parashikon gjerësi korsie prej 3,75 metra secila, me 1,8 metra trafikndarëse në mes të gjelbëruar dhe anësoret në anën e bregut të lumit.
Rruga do t’iu vijë në ndihmë rajoneve të Elbasanit dhe Korçës për zhvillimin e turizmit, duke shkurtuar ndjeshëm distancën kohore të udhëtimit.
Korridori VIII është pjesë e korridoreve europiane, ndërkohë që një komponent tjetër i tij është edhe ndërtimi i linjës hekurudhore, një projekt për të cilin Qeveria Shqiptare ka avancuar ndjeshëm.
Fluks i lartë është krijuar në pikën kufitare të Qafë-Thanës këtë fundjavë, në drejtim të doganës së Maqedonisë së Veriut.
Fluksi i lartë i automjeteve që udhëtojnë nga Shqipëria drejt Maqedonisë ka shkaktuar vonesa në kalim, ndërsa udhëtarët raportojnë pritje për përpunimin e dokumenteve.
Autoritetet kufitare janë në terren për të menaxhuar situatën dhe për të lehtësuar qarkullimin, i cili pritet të mbetet i dendur gjatë gjithë fundjavës./abcnews.al
Deputeti i Partisë Demokratike, Belind Këlliçi, ka reaguar pas publikimit mbrëmë në emisionin “Piranjat” në Syri TV, ku u denoncua një skemë korruptive në Bashkinë e Tiranës, që sipas tij, është një version i përmirësuar i skemës së njohur si “5D”. Këlliçi shkruan se Arli Naska, ish-drejtues i Drejtorisë së Taksave dhe Tarifave Vendore, dyshohet […]
Në vendkalimin kufitar “Qafë Thanë”, në kufirin Shqipëri – Maqedoni e Veriut është arrestuar një shtetas i Maqedonisë së Veriut i kërkuar me urdhërarrest ndërkombëtar.
“Është arrestuar F.A. (32) banor i Maqedonisë së Veriut, i kërkuar me urdhërarrest ndërkombëtar i lëshuar nga Interpol Visbaden/Gjermani për vepër penale ‘mashtrim’. Ky shtetas i Maqedonisë së Veriut do të ekstradohet në Gjermani”, thonë nga Ministria e Punëve të Brendshme.
Ky është rast i njëpasnjëshëm në të cilin policia shqiptare arrestoi një shtetas të Maqedonisë së Veriut i kërkuar me urdhërarrest ndërkombëtar në këtë vendkalim, gjatë hyrjes në territorin shqiptar.
Para pak kohësh ishte arrestuar A.A. (34), banor i Kërçovës, i cili ishte dënuar me 20 vjet burg dhe i kërkuar me urdhërarrest ndërkombëtar i dhënë nga Interpoli, Bernë, Zvicër, në bazë të urdhrit të Prokurorisë Publike të kantonit Argau.
Policia Kufitare e Korçës ka arrestuar dhe proceduar tre shtetas në pikat kufitare të Qafë Thanës dhe Kapshticës, gjatë operacioneve të fundit për goditjen e krimeve ndërkufitare. Në Qafë Thanë, u kap dhe u arrestua shtetasi F. A., 32 vjeç, banues në Maqedoninë e Veriut, i shpallur në kërkim ndërkombëtar nga Interpol Wiesbaden/Gjermani për veprën […]
Një shtetas polak është ndaluar në pikën kufitare të Qafë Thanës, pasi ka tentuar të kalojë kufirin me armë në mjet.
Arma u zbulua pas kontrolleve të policisë kufitare në doganë. Në mjet i janë gjetur armë zjarri dhe armë të ftohta, (1 sëpatë, 2 thika dhe 4 radio dore).
Janë publikuar pamje nga aksidenti që ndodhi mëngjesin e sotëm në Qafë Thanë. Siç shihet, përplasja mes dy makinave ka qenë shumë e fortë, dhe pjesa e përparme e tyre është shkatërruar totalisht. Nga ngjarja kanë mbetur të plagosur tre persona, një prej të cilëve ndodhet në gjendje të rëndë. Dyshohet se shkak i aksidentit […]
Dy orë pritje në Qafë Thanë. kolona e gjatë në kufirin Maqedoni-Shqipëri në temperatura përvëluese
Qindra qytetarë po përballen me pritje të gjata deri në dy orë në pikën kufitare të Qafë Thanës, mes Maqedonisë së Veriut dhe Shqipërisë.
Kolona të gjata mjetesh janë krijuar në kufirin Maqedoni e Veriut dhe Shqipëri, ndërsa temperaturat e larta mbi 35°C po e rëndojnë edhe më shumë situatën për udhëtarët.
Qytetarët kërkojnë nga autoritetet zgjidhje sa më të shpejtë të problemit të madh, të pritjeve të gjata.
Jemi në pikun e sezonit turistik, dhe në pikën e kalimit kufitar të Qafë-Thanës dhe Kapshticës ka pasur një fluks udhëtarësh të cilët kanë hyrë në territorin e Shqipërisë për të kaluar pushimet. Sipas statistikave të një dite më parë rezulton se në Kapshticë kanë hyrë 3937 ndërsa kanë dalë 3428 shtetas. Në pikën kufitare të Qafë-Thanës kanë hyrë 5311 shtetas, ndërsa kanë dalë 4516 të tjerë.
Dy shtetas janë proceduar në gjendje të lirë pas dy rasteve të paligjshmërisë të konstatuara në pikë-kalimet kufitare të Qafë Thanës dhe Goricës. Në rastin e parë, në Qafë Thanë, një 30-vjeçar nga Maqedonia e Veriut dyshohet se ka ndihmuar një shtetas maroken të kalojë kufirin në mënyrë të paligjshme. Emigranti është gjetur i fshehur […]
Vijon fluksi i udhëtareve në pikën kufitare të Qafë-Thanës. Dhjetëra mjete nga Maqedonia e Veriut po presin në radhë për të hyrë në territorin shqiptar.
Për të menaxhuar fluksin janë hapur 4 sportele për udhëtarët dhe një sportel për kamionët. Shumica e udhëtarëve vijnë për pushime në bregdetin shqiptar./abcnews.al
Në pikën kufitare të Qafë Thanës është regjistruar sot një fluks i lartë automjetesh në dalje të Shqipërisë, duke krijuar një radhë pritjeje që tejkalon 1 kilometër. Shumica e udhëtarëve janë shtetas të huaj dhe shqiptarë nga Maqedonia e Veriut, të cilët po kthehen nga pushimet verore në vendin tonë. Sipas tyre, pritjet janë të […]
Radhë kilometrike janë krijuar në doganën e Qafë-Thanës. Më të shumtë në fluks kanë mbetur shtetasit e huaj dhe shqiptarët e Maqedonisë, të cilët kthehen nga plazhi. Sipas tyre pritjet janë të gjata, ndërsa shkak është bërë pala maqedonase, e cila nuk rakordohet me palën shqiptare për të punuar me procedurë të përshpejtuar. Sezoni i verës ka rritur fluksin në këtë pikë të kalimit kufitar…
Fluks i lartë i automjeteve në dalje të Shqipërisë në Qafë Thanë.
Aktualisht është krijuar një radhë pritje prej 1 km, ndërsa të më të shumtë janë shtetasit e huaj dhe Shqiptarët e Maqedonisë të cilët kthehen nga plazhi.
Sipas tyre pritjet janë të gjata, ndërsa shkak është bërë pala maqedonase e cila nuk rakordohet me palën Shqiptare për të punuar me procedurë të përshpejtuar.
Sezoni i verës ka rritur kalimet në ketë pike te kalimit kufitar, sidomos për pushuesit të cilët vinë dhe ikin brenda ditës nga Shqipëria./tch/
Banorët e Belshit dhe zonave përreth po përballen me ndërprerje të energjisë elektrike prej tetë orësh në ditë, nga ora 06:00 deri në 14:00, në një periudhë kur temperaturat kanë arritur deri në 43 gradë Celsius. Operatori i Sistemit të Transmetimit njofton se ndërprerjet janë të planifikuara për shkak të punimeve teknike në ndërtimin e […]
Personave që nga Greqia kanë hyrë në Shqipëri, por dhe ata që kanë dalë nga vendi ynë drejt shtetit fqinj nga pika kufitare e Qafë Botës, të dielën iu është dashur të presin disa orë në radhë.
Kjo për shkak se autoritetet greke po punojnë vetëm me një sportel ku procedohet në të njëjtën kohë me hyrjet dhe me daljet. Ndërkohë që autoritetet shqiptare aktualisht punojnë me tre sportele ato greke pritet të marrin masa në fillim të javës së ardhshme.
Paraditen e të dielës nga pika kufitare e Qafë Botës kaluan rreth 1400 shqiptar dhe të huaj me 460 mjete.
Me radhë janë përballur dhe ata persona që kanë hyrë në Shqipëri nga Maqedonia e Veriut. Në pikën kufitare të Qafë Thanës në anën e Maqedonisë së Veriut iu është dashur të presin deri në tre orë në doganë.
Sipas policisë kufitare shkak është bërë fluksi i lartë i udhëtarëve. Procedurat për të hyrë në Shqipëri kryhen vetëm në pjesën e policisë së Maqedonisë së Veriut. Kapaciteti i saj i përpunimit të të dhënave në sportele është shumë më i ulët se në doganën shqiptare./abcnews.al
Ndërtimi i rrugës Elbasan-Qafë Thanë po shoqërohet me pasoja mjedisore prej ndërhyrjeve në shtratin e lumit Shkumbin, çka ka ngjallur shqetësim mes banorëve dhe aktivistëve lokalë.
Në njësi administrative si Labinot-Fushë apo Xibrakë degëzime të lumit janë spostuar për t’i hapur vend zgjerimit të trasesë së rrugës. Në periudha të ndryshme kompanitë e kontraktuara për punimet kanë zhvendosur rërë dhe zhavorr, kanë turbulluar rrjedhën, gërryer toka bujqësore dhe ndryshuar gjendjen e sedimenteve të lumit.
Kjo dinamikë ka prekur më së shumti biodiversitetin e jetës në lumë dhe peshkimin.
Shkumbini buron nga mali i Valamarës – mes Korçës, Gramshit dhe Pogradecit – dhe përshkon 181 kilometra mes tre qarqeve dhe gjashtë qyteteve përpara se të derdhet në Adriatik. Ai konsiderohet një lum i rëndësishëm për kulturën, bujqësinë dhe turizmin.
Ilustrim i shtrirjes së lumit Shkumbin/Citizens.al.
Investime pa kujdes për mjedisin
Aktivistë dhe gazetarë lokalë kanë dokumentuar aktivitetin shqetësues të kompanive të kontraktuara për punimet e rrugës Elbasan-Qafë Thanë në shtratin e Shkumbinit. Ekskavatorë dhe kamionë u fotografuan në tetor duke marrë zhavorr dhe gurë nga lumi.
Pamjet nga terreni treguan se ndërhyrjet janë kryer me mjete të rënda, pa ndonjë masë mbrojtëse mjedisore apo tabelë informuese.
Kjo vërtetoi pretendimet e vazhdueshme për dëme në mjedis nga aktivistët e “Nismës për mbrojtjen e lumit Shkumbin”, pasi ndërhyrjet në rrjedhë dëmtojnë cilësinë e ujërave, stabilitetin hidrologjik dhe diversitetin biologjik të rrjedhës.
Ndërhyrjet në lum/Facebook, Nisma Mbro Lumin Shkumbin nga ndotjet, Librazhd.
Rruga Elbasan-Qafë Thanë, pjesë e “Korridorit VIII”, është pjesë e një projekti të konsideruar i rëndësisë së veçantë nga qeveria, pasi lidh portin e Durrësit me Maqedoninë e Veriut dhe Bullgarinë.
“Kërkuam të binin kambanat e alarmit në lidhje me rrezikun që po shkakton ndërtimi i rrugës, atë të shkatërrimit të rrjedhës natyrore të lumit,” tha Matilda Alliu nga “Nisma për mbrojtjen e lumit Shkumbin”.
Shqetësimit të aktivistëve i bashkohet zëri i ekspertëve mjedisorë si Ahmet Mehmeti, të cilët thonë se krahas ndërhyrjeve për ngritjen e hidrocentraleve, devijimi i rrjedhës së lumit është “alarmant” dhe “një krim ndaj natyrës”.
Mehmeti shprehet se, bazuar edhe në vëzhgimet që janë bërë, tokat që mbajnë gjallë jetën e fshatarësisë janë dëmtuar nga punimet e rrugës.
Ndërhyrjet në lum/Facebook, Nisma Mbro Lumin Shkumbin nga ndotjet, Librazhd.
“Brigjet e lumit Shkumbin janë dëmtuar dhe gërryer. Në ndërtimin e veprave madhore, siç janë këto superstrada, gjithmonë do ketë probleme. Por këtu hyn faktori njeri dhe projekti i merr parasysh gjithmonë këto probleme”, thotë ai më tej.
Për ekspertin Mehmeti, shkeljet e rregullave për ndërtimin e mureve mbajtëse dhe dëmtimi i rrjedhës rrisin rrezikun e erozionit dhe shembjes së tokës.
“Është thelbësore që ligjet ndërkombëtare për mbrojtjen e lumenjve të aplikohen dhe të respektohen për lumin Shkumbin, për të siguruar një zhvillim të qëndrueshëm dhe mbrojtjen e interesave të komunitetit”, përfundon ai.
Luljeta Bylykbashi, përfaqësuese e Qendrës Mjedisore për Studime dhe Zbatime, shpreh shqetësim për situatën mjedisore, sidomos në zonën e Librazhdit, teksa biologia Marilda Osmani, pedagoge në Universitetin “Aleksandër Xhuvani” apelon për një menaxhim më të përgjegjshëm.
Ndërhyrjet në lum/Facebook, Nisma Mbro Lumin Shkumbin nga ndotjet, Librazhd.
Bylykbashi thotë se kompanitë e kontraktuara për punimet kanë shkelur standardet mjedisore duke ndikuar negativisht te gjendja e lumit. Sipas saj përtej ndërhyrjeve që po kryhen për rrugën nevojitet që për zonën ku kalon Shkumbini të vendoset një normë e atillë zhvillimi që ta stimulojë turizmin dhe ndërtimin miqësor me natyrën.
“Turizmi ka potencial të madh këtu, por nuk mund të realizohet pa një lumë të pastër,” thotë ajo.
Lumi Shkumbin është një arterie ujore me rëndësi historike, kulturore dhe ekologjike për Shqipërinë. Por ndërhyrjet inxhinierike nuk janë të vetmet që nuk po shoqërohen me respektim të standardeve mjedisore.
Në zonat e urbanizuara rreth Shkumbinit nuk ka impiante të trajtimit të ujërave të zeza. Industria, sipërmarrjet dhe restorantet shkarkojnë mbetje dhe ujëra direkt në lumë, njësoj si fshatrat e zonës që hedhin mbetjet bujqësore.
Ndërhyrjet në lum/Facebook, Nisma Mbro Lumin Shkumbin nga ndotjet, Librazhd.
“Lumi vazhdon të ndotet në mënyrën më të keqe dhe nëse Këshilli i Basenit Ujor të Lumit Shkumbin nuk merr masa drastike dhe të vërë para përgjegjësisë ata që paguhen për të mbrojtur e monitoruar lumin, vihet në pikëpyetje roli dhe efektiviteti i këtij këshilli”, përfundon Ahmeti.
Citizens iu drejtua me kërkesa për komente Bashkisë Librazhd, për të kuptuar se çfarë qëndrimi ka nga ky institucion në lidhje me gjendjen e lumit përgjatë zonave që ajo mbulon. Mirëpo nuk mori përgjigje deri në botimin e këtij shkrimi.
Nëse situata vijon me këtë prirje përkeqësuese vendi rrezikon të humbasë jo vetëm një pasuri natyrore, por edhe besimin e komunitetit në projekte të mëdha infrastrukturore.
Ndërhyrjet në lum/Facebook, Nisma Mbro Lumin Shkumbin nga ndotjet, Librazhd.
Login
