Ambasadori Christopher Hill, një nga figurat më të njohura të diplomacisë amerikane në Ballkan dhe negociator kyç i çështjes së Kosovës, gjatë një interviste në Euronews Albania, foli dhe për vendimin e tij për të dëshmuar në Hagë në procesin ndaj ish-presidentit Hashim Thaçi.

Hill ndau refleksione personale dhe u shpreh mbi arsyet që e shtynë të merrte pjesë në këtë gjyq, duke theksuar rolin e përgjegjësisë morale dhe faktit që nuk kishte prova për përfshirjen e Thaçit në krime lufte.

Ai tha se vendimi për të dëshmuar nuk ishte nën presion politik apo profesional, por një përgjegjësi morale ndërsa theksoi se gjatë qëndrimit të tij në Kosovë dhe vizitave në fshatra ku ndodhën krime lufte, nuk pa asnjë provë që Thaçi të kishte urdhëruar apo kryer krime.

“Ai nuk më kërkoi për mbështetje, unë fola me disa njerëz sepse mendoja se ishte një përgjegjësi morale dhe vërtet mendoj se është një përgjegjësi morale. Isha aty, në vende të ndryshme në Kosovë, nuk qëndrova vetëm në Prishtinë, kam qenë në gjithë këto fshatra ku ka pasur krime lufte. Padyshim që ishin krime lufte, ka pasur krime ku autorë kanë qenë serbët kundrejt shqiptarëve, por më falni, ka pasur edhe krime të tjera. Unë ama në atë kohë nuk di asnjë lloj krimi për të cilin mund të thosha se u shkaktua nga z. Thaçi dhe ai tani ka diku tek 5 vite që është në burg, në paraburgim, dhe unë ndjeva se ishte përgjegjësi morale që të shkoja në Hagë, siç bëra, dhe kalova 3 ditë duke dëshmuar dhe ndonjëherë është e vështirë sepse prokurori ishte mjaft i ashpër për këtë çështje, por unë ndjeja se ishte diçka e padrejtë për ta mbajtur atë aty. Shqetësimi im ishte se aty gjatë luftës, unë pashë shumë gjëra gjatë luftës, por asnjëherë nuk pash Hashim Thaçin të vriste njerëz apo të jepte urdhra që të vriteshin njerëz, nuk pash diçka të tillë. Dhe kur mu kërkua që të dëshmoja, pranova”, tha ai.

Ambasadori shprehu gjithashtu rëndësinë e sqarimit të rolit të UÇK-së, duke theksuar se nuk ishte një njësi plotësisht e komanduar nga Thaçi, por me aktorë të pavarur.

“Mendoj se pjesë e kësaj ideje është se ajo që po përpiqeshin të thoshin prokurorët është se UÇK-ja ishte një njësi shumë e organizuar dhe se urdhri jepej nga kreu dhe ekzekutohej nga personi që ishte në fund. Kjo ishte një ekzagjerim i shkallës së organizimit vertikal të UÇK-së. Pra unë nuk mendoj se ka prova nga ajo kohë, ka pasur edhe aktorë të pavarur dhe e kam përmendur edhe tek libri im diçka të tillë. Ndonjëherë kur z. Thaçi binte dakord për diçka në Rambuje dhe më pas shkonte në shtëpi dhe kërkohej një leje, unë u habita që ishte përgjegjës, por ndjeja se ishte e rëndësishme për prokurorin dhe tre gjyqtarët në Hagë që të kuptonin këndvështrimin tim. Unë asnjëherë nuk e pranova idenë se kishte një UÇK që kishte një person në krye, Thaçin, që ishte duke dhënë këta urdhra. Jo, ajo që doja të thoja është që nuk pashë prova për diçka të tillë. Dhe duhet të jetë një gjykim që duhet të mbështetet mbi prova, pra ndjeva përgjegjësi morale që ta tregoja historinë siç e ndjeva unë. Unë nuk pretendoj t’i di të gjitha por kur më pyetën, unë ose do thoja “nuk e di” ose do thoja atë që unë dija.”

Pyetje: Si mendoni se do përfundojë ky gjyq?

Hill: “Uroj ta dija, uroj që të kisha një makineri që të më tregonte të ardhmen, dhe uroj që të kisha një makineri të kohës ku do shkoja pas në të kaluarën…”

Ambasadori Christopher Hill, një nga figurat më të njohura të diplomacisë amerikane në Ballkan dhe negociator kyç i çështjes së Kosovës, gjatë një interviste në Euronews Albania, foli dhe për vendimin e tij për të dëshmuar në Hagë në procesin ndaj ish-presidentit Hashim Thaçi.

Hill ndau refleksione personale dhe u shpreh mbi arsyet që e shtynë të merrte pjesë në këtë gjyq, duke theksuar rolin e përgjegjësisë morale dhe faktit që nuk kishte prova për përfshirjen e Thaçit në krime lufte.

Ai tha se vendimi për të dëshmuar nuk ishte nën presion politik apo profesional, por një përgjegjësi morale ndërsa theksoi se gjatë qëndrimit të tij në Kosovë dhe vizitave në fshatra ku ndodhën krime lufte, nuk pa asnjë provë që Thaçi të kishte urdhëruar apo kryer krime.
“Ai nuk më kërkoi për mbështetje, unë fola me disa njerëz sepse mendoja se ishte një përgjegjësi morale dhe vërtet mendoj se është një përgjegjësi morale. Isha aty, në vende të ndryshme në Kosovë, nuk qëndrova vetëm në Prishtinë, kam qenë në gjithë këto fshatra ku ka pasur krime lufte. Padyshim që ishin krime lufte, ka pasur krime ku autorë kanë qenë serbët kundrejt shqiptarëve, por më falni, ka pasur edhe krime të tjera. Unë ama në atë kohë nuk di asnjë lloj krimi për të cilin mund të thosha se u shkaktua nga z. Thaçi dhe ai tani ka diku tek 5 vite që është në burg, në paraburgim, dhe unë ndjeva se ishte përgjegjësi morale që të shkoja në Hagë, siç bëra, dhe kalova 3 ditë duke dëshmuar dhe ndonjëherë është e vështirë sepse prokurori ishte mjaft i ashpër për këtë çështje, por unë ndjeja se ishte diçka e padrejtë për ta mbajtur atë aty. Shqetësimi im ishte se aty gjatë luftës, unë pashë shumë gjëra gjatë luftës, por asnjëherë nuk pash Hashim Thaçin të vriste njerëz apo të jepte urdhra që të vriteshin njerëz, nuk pash diçka të tillë. Dhe kur mu kërkua që të dëshmoja, pranova”, tha ai.

Ambasadori shprehu gjithashtu rëndësinë e sqarimit të rolit të UÇK-së, duke theksuar se nuk ishte një njësi plotësisht e komanduar nga Thaçi, por me aktorë të pavarur.

“Mendoj se pjesë e kësaj ideje është se ajo që po përpiqeshin të thoshin prokurorët është se UÇK-ja ishte një njësi shumë e organizuar dhe se urdhri jepej nga kreu dhe ekzekutohej nga personi që ishte në fund. Kjo ishte një ekzagjerim i shkallës së organizimit vertikal të UÇK-së. Pra unë nuk mendoj se ka prova nga ajo kohë, ka pasur edhe aktorë të pavarur dhe e kam përmendur edhe tek libri im diçka të tillë. Ndonjëherë kur z. Thaçi binte dakord për diçka në Rambuje dhe më pas shkonte në shtëpi dhe kërkohej një leje, unë u habita që ishte përgjegjës, por ndjeja se ishte e rëndësishme për prokurorin dhe tre gjyqtarët në Hagë që të kuptonin këndvështrimin tim. Unë asnjëherë nuk e pranova idenë se kishte një UÇK që kishte një person në krye, Thaçin, që ishte duke dhënë këta urdhra. Jo, ajo që doja të thoja është që nuk pashë prova për diçka të tillë. Dhe duhet të jetë një gjykim që duhet të mbështetet mbi prova, pra ndjeva përgjegjësi morale që ta tregoja historinë siç e ndjeva unë. Unë nuk pretendoj t’i di të gjitha por kur më pyetën, unë ose do thoja “nuk e di” ose do thoja atë që unë dija.”

Pyetje: Si mendoni se do përfundojë ky gjyq?

Hill: “Uroj ta dija, uroj që të kisha një makineri që të më tregonte të ardhmen, dhe uroj që të kisha një makineri të kohës ku do shkoja pas në të kaluarën…”

The post Rrëfehet ambasadori Christopher Hill: Pse vendosa të dëshmoj për Thaçin në Hagë appeared first on Albeu.com.

Me një karrierë të gjatë diplomatike në rajonin e Ballkanit, Hill është një dëshmitar i drejtpërdrejtë i rrugëtimit të Shqipërisë, nisur nga pika zero e demokracisë deri te realiteti i sotëm 35 vite më vonë, ende me të njëjtat thirrje të Shqipërisë për në Europë.

Në një rrëfim për “Exclusive” me gazetaren e Top Channel, Kristi Gongo, Hill shprehet se SHBA-ja nuk kishte asnjë lidhje me arrestimin e Fatos Nanos një vit pas zgjedhjeve të vitit ’92.
-Pas fitores së PD ne zgjedhjet e ’92, një vit me vonë, lideri i opozitës, Fatos Nano u burgos dhe ekziston një narrativë që kjo u bë me lejen e SHBA-së?

Hill: Jo, aspak. Mund të them me siguri sepse isha këtu deri në verën e vitit 1993, dhe ju tregoj personalisht se kjo është 100% gënjeshtër. E kam fjalën, unë isha këtu. Dhe kurrë nuk kam dëgjuar për një rast në Europë, sigurisht jo, por askund, që ambasadori amerikan të thotë: ‘oh, vendoseni në burg.’ Nuk kam dëgjuar kurrë diçka të tillë. Dhe e di që është njëfarë legjende këtu, por thjesht nuk e pranoj që ka ndodhur ndonjëherë.
-Pra ju nuk autorizuat arrestimin e Nanos?
Hill: Jo, jo, nuk ka asgjë të bëjë me ne. Sigurisht që jo. Edhe pse pas largimit tim nga Shqipëria nuk mund të them nëse dikush ishte i përfshirë, por dyshoj. Me të vërtetë dyshoj. Mendoj se ishte e përshtatshme për disa njerëz të thonin: ‘oh, ai është në burg për shkak të amerikanëve,’ por kjo është më shumë një deklaratë anti-amerikane sesa diçka tjetër.

The post Arrestimi i Nanos me bekimin e Amerikës? Rrëfimi i ish-ambasadorit të parë të SHBA në Tiranë: Ja e vërteta appeared first on Albeu.com.

Me mbi tre dekada përvojë diplomatike në Ballkan, ambasadori amerikan Christopher Hill është një nga dëshmitarët më të afërt të transformimit politik të Shqipërisë – nga fillimet e brishta të demokracisë deri tek rrugëtimi ende i papërfunduar drejt Bashkimit Europian.

Në një intervistë për Top Channel me gazetaren Kristi Gongo, Hill ka hedhur poshtë kategorikisht narrativën e njohur se arrestimi i Fatos Nanos në vitin 1993 u krye me miratimin apo mbështetjen e SHBA-së.

Pas zgjedhjeve të vitit 1992, ku Partia Demokratike erdhi në pushtet, një vit më vonë lideri socialist Fatos Nano u arrestua – një ngjarje që prej vitesh është shoqëruar me interpretimin se gjithçka u bë me “bekimin amerikan”.

Por Hill e quan këtë version plotësisht të pavërtetë.

“Jo, aspak. Mund të them me siguri sepse isha këtu deri në verën e vitit 1993 – dhe kjo është 100% gënjeshtër. Unë isha këtu. Dhe kurrë, askund, nuk kam dëgjuar që një ambasador amerikan të thotë: ‘Vendoseni në burg.’”, deklaroi ai.

Ai theksoi se një narrativë e tillë më shumë i shërben retorikës anti-amerikane sesa së vërtetës historike.

“Nuk ka asgjë të bëjë me ne, sigurisht që jo. Edhe pse pas largimit tim nuk mund të them çfarë ka ndodhur më pas, dyshoj shumë. Mendoj se disa njerëzve u interesonte të thoshin se Nano u burgos për shkak të amerikanëve – por kjo është vetëm një deklaratë anti-amerikane”, u shpreh Hill.

Diplomati i njohur, i cili ndoqi nga afër vitet e para të tranzicionit politik në Shqipëri, nënvizoi se SHBA-të nuk kanë pasur asnjë rol në vendimin për arrestimin e Nanos, duke i dhënë fund një prej miteve më të qëndrueshme të politikës shqiptare të viteve ’90.

TIRANË, 5 dhjetor /ATSH/ Kryetari i grupit parlamentar të Partisë Socialiste dhe Drejtues Politik për Diasporën, Taulant Balla mori pjesë në promovimin e librit “Në shërbim larg vendit tim: Jeta në vijat e para të frontit të Diplomacisë Amerikane”, të ambasadorit amerikan dhe mikut të shqiptarëve, Christopher R. Hill, përfaqësuesi i parë diplomatik nga Uashingtoni pas rënies së komunizmit në Shqipëri.

Christopher R. Hill është po ashtu një nga diplomatët amerikanë më të rëndësishëm për Ballkanin gjatë luftës në Kosovë.

Balla e cilësoi librin një dëshmi të vyer mbi diplomacinë ndërkombëtare, rolin e SHBA në Ballkan dhe kontributin e dialogut për paqen.

Ai veçoi fragmente që i kushtohen zhvillimeve në Kosovë dhe përshkrimit të Hill për Ushtrinë Çlirimtare të Kosovës, duke cituar nga libri se: “Këto takime të rastësishme ndihmuan shumë për nisjen e një procesi në të cilin UÇK-ja filloi të zbulohej më shumë rreth vetes… Pavarësisht se kush ishte në drejtim të UÇK-së, ajo po bëhej gjithnjë e më pak një çështje e Drenicës. UÇK-ja u instalua jo vetëm në Drenicë, por edhe në të gjithë Kosovën”.

Sipas Ballës, ky qëndrim i qartë i një diplomati kyç amerikan rrëzon çdo përpjekje për të deformuar të vërtetën historike mbi luftën çlirimtare.

“Një dëshmi e drejtpërdrejtë, nga një aktor kyç i diplomacisë amerikane, që konfirmon se UÇK-ja ishte një lëvizje çlirimtare mbarëkombëtare, e lindur si reagim ndaj dhunës dhe padrejtësisë, dhe jo produkt i interesave lokale apo personale. Një e vërtetë historike që nuk mund të deformohet dhe që përbën themelin e drejtësisë për Kosovën dhe luftën e saj për liri”, shkruan Balla.

Një nga diplomatët e parë amerikanë që ka takuar dhe ka punuar me përfaqësuesit e UÇK-së, Hill muajin kaluar dëshmoi pro ish-komandantëve në gjyqin e tyre në Hagë.

/gj.m/r.e/a.f/

The post Balla: Christopher Hill, një nga diplomatët amerikanë më të rëndësishëm për Ballkanin gjatë luftës në Kosovë appeared first on Agjencia Telegrafike Shqiptare.

TIRANË, 5 dhjetor/ATSH/ “Në shërbim larg vendit” titullohet libri i Christopher R. Hill, ish-ambasadorit të parë amerikan në Shqipëri pas rënies së komunizmit, i cili u promovua sot në Tiranë.

Në prezantimin  e librit të botuar në shqip, ku ishte i pranishëm edhe kryeministri Edi Rama, ish-ambasadori Hill tha se “gjendem këtu në Shqipëri rreth 34 vjet pasi mbërrita për herë të parë. Kur më çuan në hotel Dajti ndoshta disa prej jush e ka dëgjuar dhe qëndrova në shkallët e hotel Dajtit pasditen e një të diele dhe të gjithë ecnin përpara hotelit. Mendoja me vete se ndoshta a nuk ka pasur këtu automjete private dhe përgjigja ishte po nuk kishte pasur, por gjithashtu përfaqësonte diçka tjetër për Shqipërinë dhe njerëzit e tij të mrekullueshëm, ndjenjën e afërsisë dhe përgjërimin për më shumë marrëdhënie”.

“Kur vjen në një vend ashtu siç duhet të bëjë çdo diplomat hidhesh me kokë në të, jam vërtet shumë vlerësues që kryeministri tha diçka që një orë e gjysmë më parë iu përmenda studentëve ndërkohë që po flisnim se çfarë bën një diplomat, gjëja e parë është që të zhvillosh aftësitë e dëgjimit, të dëgjosh se çfarë thonë njerëzit”, tha Hill.

Ish-ambasadori Hill tha se “nuk kam parë një vend kaq kompleks sa Shqipëria, në Europë dhe Shqipëria ka respekt të mirëfilltë për historinë dhe kjo është shumë e rëndësishme. Në jetën time ka qenë motori të respektoj këdo”.

Më tej ai tha se “e di që në Shqipëri ka pasur një fokus tek çështjet rajonale, por ishte një përmirësim krahasuar me idenë që Shqipëria ishte krejt e izoluar nga pjesa tjetër e botës . Ajo u bë më pak e izoluar dhe nisi të shndërrohej në një lojtare pozitive në rajon qysh prej asaj kohe në përpjekje për të punuar në problemet që kanë qenë dhe vazhdojnë të jenë”.

“Shqipëria u bë aktore dhe ajo që është më e rëndësishme Shqipëria shkon edhe më tej bëhet aktore edhe në Europë, dërgon trupa në çështje të ndryshme që aleanca euroatlantike po përpiqet ti trajtojë, në fakt nuk bëhet vetëm anëtare e një komuniteti ballkanik, por një anëtare në marrëdhëniet euroatlantike. Ndaj kur shikon pse Shqipëria është në NATO, nuk është pse SHBA e tha se Shqipëria duhet të jetë në NATO, por populli e tha që duam të jemi në NATO dhe do të bëjmë gjithçka që do të na çojë në NATO, ky ishte suksesi i madh i shqiptarëve”, theksoi Hill.

Më tej, Hill u shpreh se “tani përballë Shqipërisë është çështja e Bashkimit Europian si diplomat amerikan i mbështes të gjithë ata që duan të hyjnë në BE, por është e lehtë për mua, por nuk është e lehtë për Europën. Kërkohen shumë përpjekje dhe mendoj se Shqipëria po i bën këto përpjekje”.

“Është shumë e rëndësishme që të hyhet në BE dhe nuk ka më asnjë dyshim që Shqipëria do të bëhet anëtare e BE-së”, tha Hill.

/k.s/a.f/

 

The post Hill: Nuk ka më asnjë dyshim që Shqipëria do të bëhet anëtare e BE-së appeared first on Agjencia Telegrafike Shqiptare.

Kryeministri i Shqipërisë Edi Rama mbajti sot një fjalim gjatë prezantimit të librit të diplomatit amerikan Christopher Hill.

Rama tha se Hill ka lënë shenjë te të gjithë ata që e njohin duke e falënderuar për atë që ai ka bërë.

“Pyes veten si mund ta bëjë dikush punën e të qenie personi më i rëndësishëm në vend, pra kushto që ka qenë ambasador amerikan. Të qenit ambasador amerikan në Shqipëri është puna më e mirë pas të qenit president në Amerikë. Me shumë distancë, me mjaft kujdes kur dëgjon. Kisha mundësinë ta njoh shumë më vonës sesa ai më njihte ai mua, dhe kjo është gjëja e mirë e amerikanëve sepse ti mund mos i njohësh por ata të njohin ty. Nuk është kudo e lehtë siç është në Shqipëri.”

“Unë do të doja vetëm që të falënderoja rektori dhe këdo tjetër që më bëri këtë nder për të më dhënë mundësinë për të ndarë disa nga mendime e mia në këtë ngjarje. Nuk e kam lexuar librin, por do e lexojë dhe do të flas publikisht për të. Nëse kthehesh dhe je i interesuar për të bashkëbisedim më të gjatë rreth librit do isha i lumtur ta bënim bisedën dhe t’ju ngacmoja me disa pyetje. Më lejoni ta përmbyll me një citim që është këtu dhe është e përzgjedhur. Chris, faleminderit shumë për atë që je përpjekur të bësh, të takon ty që të vendosësh se sa i suksesshëm je. Ke lënë shenja te të gjithë që ka të kanë takuar”, u shpreh Rama, transmeton Tch.

TIRANË, 5 dhjetor/ATSH/ Kryeministri Edi Rama është i pranishëm në prezantimin e librit të diplomatit amerikan Christopher Hill.

Në fjalën e tij, Rama theksoi se nuk mund ti thoja pranisë sime këtu. “Ky moment ka të bëjë me dikë që gjithnjë më ka interesuar, kohë përpara sesa të bëhenim miq.

E mora përsipër rrezikun të flas edhe pse nuk e kam lexuar librin, pasi ftesa erdhi pa librin. Nëse do kisha shkruar një libër për ambasadorët në vendin tonë do ta titulloja “Fantazmat dhe Primadonat”, ku Hill do të ishte fantazma, të tjerët  të gjithë “Primadona””, tha Rama.

“Është mjaft e çdutishme pasi kur koha koalon Primadonat zbehen dalë nga dalë, ndërsa fantazmat jo”, theksoi kryeministri.

vijon…

 

 

The post Rama në prezantimin e librit të diplomatit amerikan Christopher Hill appeared first on Agjencia Telegrafike Shqiptare.

Ndoshta ishit mësuar ta deshifroni ndryshe figurën ikonike të Winston Churchill, të këtij lideri të madh të glorifikuar deri në vërbim, por ajo Daniela Musini, ka guxuar ta sjellë këtë personalitet nën një ndriçim faktesh reale, jo për ta zbehur atë, por për ta treguar njerëzor, ashtu siç ai ishte. Po! Arrogant, i bezdisshëm, kokëfortë, oportunist dhe egocentrik, kështu e gjykonin bashkëkohësit…

Source

TIRANË, 19 nëntor/ATSH/ Këshilli Kombëtar i Integrimin Europian (KKIE) në bashkëpunim me European Movement Albania (EMA) organizuan sot një takim ndërgjegjësues me përfaqësues të institucioneve, botës akademike dhe organizatave të shoqërisë civile, pjesë e KKIE-së.

Takimi i konceptuar si një forum për dialog midis deputetëve të Kuvendit, institucioneve publike, botës akademike dhe shoqërisë civile mbi përafrimin e kuadrit të të drejtave të njeriut të Shqipërisë me standardet e BE-së, pati një fokus të veçantë në çështjen e të drejtave të njeriut, sundimin e ligjit dhe llogaridhënien institucionale.

Nënkryetari i Këshillit Kombëtar të Integrimit Europian, Taulant Balla theksoi rëndësinë e takimit në një moment vendimtar në procesin e integrimit europian të vendit, kur tashmë Shqipëria ka hapur zyrtarisht të gjithë grupkapitujt e negociatave me Bashkimin Europian.

Balla nënvizoi faktin se tashmë ajo që shihej si ambicie e largët, është shndërruar në një realitet konkret pune dhe Shqipëria ka hapur të gjithë grup-kapitujt brenda një viti, duke u bërë ndër vendet me ritmin më të shpejtë të ecurisë negociuese në historinë e zgjerimit të Bashkimit Europian.

Sipas tij, kjo është dëshmi jo vetëm e punës dhe vendosmërisë së institucioneve, por mbi të gjitha e mbështetjes së jashtëzakonshme të qytetarëve shqiptarë, pasi mbi 90% e tyre, e shohin të ardhmen e vendit brenda BE-së.

Balla theksoi se në thelb të transformimit që do të shoqërojë procesin e integrimit qëndrojnë të drejtat e njeriut, të cilat sipas tij nuk janë thjeshtë standarde që duhen plotësuar për të përmbushur kriteret e BE-së, por vetë themeli i shtetit demokratik.

Duke iu referuar Raportit të Komisionit Europian për Shqipërinë për vitin 2025 dhe Raportit të Shtetit të së Drejtës, Balla nënvizoi se vendi ka bërë progres të prekshëm, si dhe vlerësoi se Kuvendi ka luajtur dhe do të vazhdojë të luajë një rol të rëndësishëm në procesin e integrimit.

Duke u ndalur në masat e marra, Balla përmendi ngritjen e dy komisioneve të përhershme parlamentare, që kanë për objekt pune, avancimin dhe mbrojtjen e të drejtave të njeriut, si dhe mbikëqyrjen e vazhdueshme të institucioneve të pavarura për të garantuar zbatimin e rekomandimeve të lëna nga Kuvendi, por dhe përmbushjen e detyrimeve në kuadër të procesit të integrimit.

Balla u ndal dhe në ligjin e sapomiratuar për barazinë gjinore, si dhe nismën e ndërmarrë në drejtim të mbrojtjes së të drejtave të gazetarëve dhe pavarësisë së medias nga Komisioni për të Drejtat e Njeriut dhe Mjeteve të Informimit Publik, i cili ka ngritur një grup pune me ekspertë vendas dhe të huaj nga Këshilli i Europës, për të hartuar paketën ligjore për mediet.

Balla informoi se tashmë Kuvendi ka hyrë në fazën përfundimtare të proceseve të zgjedhjes së Avokatit të Popullit dhe Komisionerit për Mbrojtjen nga Diskriminimi, dy institucione kyçe në arkitekturën e të drejtave të njeriut. Integrimi, sipas tij, “është një proces transformues i të gjithë shoqërisë, që kërkon një dialog sa më të gjerë dhe përfshirjen sa më shumë të qytetarëve në njohjen e reformave integruese”.

Më tej Gledis Gjipali, koordinator i Konventës Kombëtare për Integrimin Europian në Shqipëri/ drejtor ekzekutiv i Lëvizjes Europiane në Shqipëri, vlerësoi bashkëpunimin e mirë ndër vite me KKIE, për trajtimin e çështjeve të veçanta dhe të ndjeshme për shoqërinë shqiptare dhe rrugën transformuese që do të sjellë procesi.

Duke nënvizuar rolin që ka shoqëria civile për të sjellë shqetësimet apo sugjerimet e aktorëve të ndryshëm të interesit pranë institucioneve kryesore në procesin e integrimit europian, Gjipali vlerësoi punën e Kuvendit për krijimin e një platforme interaktive të konsultimit publik.

Ai vlerësoi rëndësinë e rritjes së bashkëpunimit dhe angazhimit në proces edhe nga ana e shoqërisë civile, për të bërë të mundur të garantohet gjithëpërfshirja dhe vendimmarrja të shtrihet edhe tek grupet e interesit që kanë potencialin e duhur për të kontribuar.

Ndërsa Ivan Štefanec, ish-deputet dhe eurodeputet sllovak, vlerësoi progresin e bërë nga Shqipëria dhe nënvizoi rëndësinë që ka mbështetja e qytetarëve shqiptarë për ta parë të ardhmen e vendit brenda BE-së.

Štefanec theksoi rëndësinë e forcimit të rolit të Kuvendit për monitorimin e procesit të negociatave dhe punës së qeverisë, por dhe çuarjen përpara të procesit.

Ai vlerësoi arritjet e shënuara nga Reforma në Drejtësi dhe nismën e marrë për krijimin e të parit portofol qeveritar virtual, i mundësuar nga inteligjenca artificiale, që do të jetë përgjegjës për të gjitha prokurimet publike.

Po ashtu, Štefanec theksoi se pavarësisht arritjeve mbresëlënëse që janë arritur, duhet të vijohet të tregohet vëmendje në drejtim të pavarësisë së gjyqësorit dhe respektimit të të drejtave të njeriut, lirinë e medias, garantimin e aksesit nga të gjithë qytetarit të shërbimeve on-line dhe forcimin e llogaridhënies dhe garantimin e transparencës institucionale.

Në pjesën e dytë të takimit, Nirvana Deliu, drejtoreshë e projektit Lëvizja Europiane në Shqipëri (EMA) paraqiti disa rekomandime të dala nga konsultimet me shoqërinë civile dhe ekspertët lidhur me çështje të të drejtave të njeriut.

/m.m/r.e/

The post KKIE, takim për përafrimin e kuadrit të të drejtave të njeriut me standardet e BE-së appeared first on Agjencia Telegrafike Shqiptare.

Christopher Hill, ish-diplomati amerikan në ditën e tretë të dëshmisë së tij ën Dhomat e Specializuara të Hagës deklaroi para gjykatësve dhe prokurorëve se nuk kishte dëgjuar ndonjëherë se drejtoria politike ishte pjesë e shtabit të përgjithshëm të UÇK-së.

Gjatë dëshmisë së tij në Hagë, ai tha se shtabi i përgjithshëm ishte më shumë organ ushtarak dhe përbëhej prej komandantëve lokalë, ndërsa drejtoria politike më shumë një organ që merrej me politikën e jashtme, atje ku sipas tij bënte pjesë edhe ish presidenti Hashim Thaçi.

 “Ideja që drejtoria politike ka ndonjë rol brenda shtabit të përgjithshëm ishte diçka që personat në drejtori, përfshirë Adem Demaçin, po e përdornin për të treguar se kishin përgjegjësi. Për ne kjo tregonte se bëheshin shumë përpjekje në kuptimin që personat donin ta konsolidonin pozicionin e tyre dhe të ishin më të fortë se disa të tjerë. Nuk ishte një grup personazh i organizuar mirë që të kishin hierarki komanduese, kjo ishte përshtypja jonë”, nënvizoi ish-diplomati Hill.

Christopher Hill u pyet pse ish-udhëheqësi i Serbisë, Sllobodan Millosheviç, përmendi me emër Hashim Thaçit gjatë takimit të tyre.

“Millosheviç mendonte se ne po largoheshim nga Rugova dhe këtë e konsideronte gabim i rëndë sepse kjo do ta detyronte atë të merrej me UÇK-në, që kishte qëndrim të ashpër. Rugova asnjëherë nuk kërkoi më pak se pavarësia, por pranoi se nuk ishte i interesuar për luftën e armatosur. Millosheviç ishte i shqetësuar se “ne do ta mënjanonim Rugovën dhe të zgjidhnim UÇK-në si partneren tonë. Pse shqetësohej për këtë, nuk jam i sigurt”, u shpreh Hill.

I dërguari i SHBA-së për Kosovën në kohën e luftës, Christopher Hill, u pyet për procesin e Rambujesë. Ai tha se gjatë bisedimeve ai ishte optimist se Rambujeja do të funksiononte.

Ai tha se morën sinjale nga shtabi i përgjithshëm i UÇK-së se e përkrahnin marrëveshjen, por tregoi se kishin shqetësime se çfarë do të ndodhte në Serbi pas saj.

“Shqiptarët u kthyen në Kosovë për të gjetur paqe, pas Rambujesë serbët u kthyen në Serbi për t’u përgatitur për luftë”, tha ai.

Sipas tij, ky proces hodhi poshtë idenë e Sllobodan Millosheviçit që “shqiptarët nuk pajtohen për asgjë”.

Trupi gjykues e pyeti Hillin për Adem Demaçin. Sipas diplomatit amerikan në pension, Demaçi ishte një person që kishte qëndrime të ashpra ndaj Serbisë dhe “një lloj mllefi” pasi kishte qenë i burgosur. Për shkak të këtij qëndrimi SHBA nuk kishin interesa ta promovonin si figurë.

Pas diplomatit Christopher Hill, radha është për dëshminë e gjeneralit Wesley Clark.

/abcnews.al/

Diplomati i pensionuar amerikan Christopher Hill gjatë dëshmisë së tij në Hagë, ka thënë se Shaun Burns, ish-shefi i misionit diplomatik vëzhgues në emër të Shteteve të Bashkuara të Amerikës (KDOM), ka ekzagjeruar përshkrimin për UÇK-në.

Sipas dëshmitarit, ai ishte më i prirur që të besonte se kjo organizatë kishte hierarki organizative, raporton “Betimi për Drejtësi“.

Kjo u tha pas përfundimit të pyetjeve nga ana e gjyqtarit Guénawl Mettraux kur pyetjet për këtë dëshmitar i filloi gjyqtari, Christoph Barthe.

Fillimisht, Hill u pyet për dy kabllograme të lëshuara gjatë luftës. Njëri prej këtyre kabllogrameve ishte i Shaun Burns.

Në këtë kabllogram, Burns kishte thënë se “Shtabi i Përgjithshëm i UÇK-së përbëhet prej gjashtë zyrave kryesore; Politike, Informacionit, Logjistika, Policia, Drejtësia dhe Operativa”.

Ai tutje kishte thënë se Drejtoria Politike përbëhej nga shtatë persona e që një prej tyre jeton jashtë vendit duke e pasur fjalën për Bardhyl Mahmutin.

Ndërsa, për Thaçin e kishte përdorur termin “Komisar politik i Drenicës”, e që duket të jetë kreu i Drejtorisë Politike.

Përveç kësaj, ai kishte thënë se “Drejtoria Politike mund të jetë edhe një sinonim për udhëheqjen e UÇK-së”.

Për këtë, Hill tha se Burns ishte më i prirur që të besonte se ekzistonte një linjë hierarkie në UÇK.

“Kishte persona që nuk pajtoheshin me shumë gjëra që po ndodhnin atje në terren. Shaun ishte më i prirur se unë që të besonte se ekzistonte një objekt që kishte linjën hierarike të komunikimit që ndryshe njihej si UÇK-ja. Termi “komisar” është term perëndimor”, tha ai.

Sipas Hill, Burns mendonte se ekzistonte një strukturë e mirë-organizuar e UÇK-së.

“Unë nuk ndaja të njëjtin mendim sikur Shauni. Unë mendoj se kjo ishte një orvatje për të përshkruar një organizatë dhe mendoj se e kishte ekzagjeruar përshkrimin e kësaj organizate”, tha Hill. /Betimi për Drejtësi/

PRISHTINË, 12 nëntor /ATSH/ Diplomati amerikan Christopher Hill vijon këtë të mërkurë, më 12 nëntor, për të tretën ditë me radhë, dëshminë në mbrojtje të ish-presidentit të Kosovës, Hashim Thaçi, në Gjykatën Speciale në Hagë.

Hill, i cili ka qenë i dërguar i posaçëm i SHBA-së gjatë luftës në Kosovë, u pyet nga trupi gjykues se kush ishte përgjegjës në UÇK. Sipas Hill, ky ishte problemi, pasi amerikanët nuk gjenin një pikë kontakti të konfirmuar për të cilin mund të komunikonin për të ardhmen.

Hill gjatë dhënies së dëshmisë të tij në Hagë tha se nuk donte që Adem Demaçi të kishte rol udhëheqës në UÇK. Hill e cilësoi Demaçin si një person me mendime të forta dhe të vështirë për të bashkëpunuar.

“Ai ishte gjithmonë shumë i rreptë shumë strikt për çdo temë, kishte një lloj mllefi se kishte qenë i burgosur dikur, njihej si një person me opinione shumë të forta ndaj Serbisë, nuk ishte një person me të cilin mund të bashkëpunoje, kishte opinione shumë të forta dhe shumë mirë që kishte opinione të veta dhe u qëndronte fortë, por në aspektin e bashkëpunimit ishte shumë i vështirë dhe ne nuk ishim të interesuar ta promovonim atë si person”, tha Hill.

Gjatë pyetjeve të trupit gjykues, Hill tha se Demaçi mendonte se duhej të kishte pozicion udhëheqës në UÇK për shkak të vuajtjeve të tij të mëparshme.

“E saktë, e kam takuar disa herë dhe ndonjëherë personat që kanë mendime të forta kanë edhe ndikim dhe nuk doja të isha në një situatë ku nuk i dija mendimet e tij, por për faktin e bashkëpunëtorëve tanë, personalisht unë nuk isha në favor të z. Demaçi që ta konsolidonte këtë ekip. Duhet të kuptoni që në mungesë të sistemit komandues, kishte një lloj lufte për pozicione mes personave dhe ai mendonte se kishte vuajtur më shumë se të tjerët dhe i takonte rrjedhimisht një rol drejtues.

Nuk më takonte mua të caktoja se kush duhet të kishte rol udhëheqës apo drejtues, por unë nuk doja që të ishte ai personi që të konsolidonte këtë rol, pra ishte shqetësim, sepse kur takon amerikanët ata marrin një pozicion tjetër, kanë një lloj influence, kështu që unë e takova personin në mënyrë që të shmangia një situatë që ai ta shfrytëzonte takimin që ta avanconte pozicionin e vet”, tha diplomati amerikan.

Kujtojmë se Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim prej nëntorit të vitit 2020. Ish-krerët e UÇK-së akuzohen për krime të pretenduara të luftës, për çka ata janë deklaruar të pafajshëm.

/KosovaPress//r.e/

The post Hill: Nuk kishte një strukturë të qartë komanduese në UÇK appeared first on Agjencia Telegrafike Shqiptare.

Sot, në orën 09:00, diplomati amerikan Christopher Hill, i dërguari i posaçëm i SHBA gjatë luftës në Kosovë, vijon dëshminë e tij në seancën gjyqësore ndaj ish-krerëve të UÇK-së, para Dhomave të Specializuara në Hagë. Hill ka nisur dëshminë dy ditë më parë, duke rrëfyer se përfshirja e tij në çështjen e Kosovës erdhi si kërkesë e ish-sekretares amerikane Madeline Albright, në maj të vitit 1998.

Source

Ish-diplomati amerikan, Christopher Hill gjatë dhënies së dëshmisë të tij në Hagë tha se nuk donte që Adem Demaçi të kishte rol udhëheqës në UÇK.

Hill e cilësoi Demaçin si një person me mendime të forta dhe të vështirë për të bashkëpunuar, transmeton KosovaPress.

"Ai ishte gjithmonë shumë i rreptë shumë strikt për çdo temë, kishte një lloj mllefi se kishte qenë i burgosur dikur, njihej si një person me opinone shumë të forta ndaj Serbisë, nuk ishte një person me të cilin mund të bashkëpunoje, kishte opinione shumë të forta dhe shumë mirë që kishte opinione të veta dhe u qëndronte fortë, por në aspektin e bashkëpunimit ishte shumë i vështirë dhe ne nuk ishim të interesuar ta promovonim atë si person", tha Hill.

Gjatë pyetjeve të trupit gjykues, Hill tha se Demaçi mendonte se duhej të kishte pozicion udhëheqës në UÇK për shkak të vuajtjeve të tij të mëparshme.

"E saktë, e kam takuar disa herë dhe ndonjëherë personat që kanë mendime të forta kanë edhe ndikim dhe nuk doja të isha në një situatë ku nuk i dija mendimet e tij, por për faktin e bashkëpunëtorëve tonë personalisht unë nuk isha në favor të Demaçi që ta konsolidonte këtë ekip. Duhet të kuptoni që në mungesë të sistemit komandues, kishte një lloj lufte për pozicione mes personave dhe ai mendonte se kishte vuajtur më shumë se të tjerët dhe i takonte rrjedhimisht një rol drejtues...10:13:00... Nuk më takonte mua të caktoja se kush duhet të kishte rol udhëheqës apo drejtues, por unë nuk doja që të ishte ai personi që të konsolidonte këtë rol, pra ishte shqetësim sepse kur takon amerikanët ata marrin një pozicion tjetër kanë një lloj influence, kështu që unë e takova personin në mënyrë që të shmangia një situatë që ai ta shfrytëzonte takimin që ta avanconte pozicionin e vet", tha diplomati amerikan.

Kujtojmë se Hashim Thaçit, Kadri Veselit, Jakup Krasniqit e Rexhep Selimit ndodhen në paraburgim prej nëntorit të vitit 2020. Ish-krerët e UÇK-së akuzohen për krime të pretenduara të luftës për çka janë deklaruar të pafajshëm. /Telegrafi/

I dërguari i posaçëm i SHBA-së gjatë kohës së luftës në Kosovë, Christopher Hill do të vazhdojë sot dëshminë e tij në seancën gjyqësore ndaj ish krerëve të UÇK-së para Dhomave të Specializuara në Hagë.

Hill filloi dëshminë e tij para dy ditësh ku tregoi se si kishte nisur të merrej me çështjen e Kosovës. Ai tha se kjo ishte kërkesë e ish sekretares amerikane, Madeline Albright që ia bëri atij në atë kohë.

"Së pari jam përfshirë [në çështjen e Kosovës] nga SHBA në maj të vitit 1998, mora telefonatë nga Madeline Albright që më kërkoi të merrja përsipër postin e të dërguarit të posaçëm në Kosovë, ku i raportoja sekretares së shtetit, Madeline Albright. E kuptova rolin tim që ne duhet të ofronim mbështetje dhe zgjidhje politike dhe duhet të ndihmonim të zbraznim forcat atje nga dhuna në rritje, jam përpjekur me kolegët që në fillim fare të mund të ndërtonim një plan autonomie në mënyrë që të rikthehej autonomia e Kosovës dhe në mënyrë të tillë që të kishte qeverisjen e vet. Kjo ishte pista kryesore që ndiqnim me Kosovën dhe Serbinë", tha fillimisht ai.

Përveç kësaj, Hill sqaroi edhe takimin e ish-presidentit, Ibrahim Rugova me Millosheviqin duke thënë se ky takim ishte kërkesë e ambasadorit, Holbrooke.

"Kjo ishte hera e parë kur ambasadori Holbrooke shkoi në Prishtinë unë shkova me të dhe ne u ulëm me Presidentin Rugova, edhe pse nuk e kishim menduar paraprakisht, ambasadori mendoi që do ishte ide e mirë që Presidenti Rugova të takohej me Millosheviqin në Beograd sepse shpresonte që ky takim do të zgjidhte shumë probleme, unë isha më skeptik. Takimi ndodhi në Beograd në fund të majit apo fillim të qershorit. Mendoj që kjo e dëmtoi atë sepse nuk mendoi që kishte mendim të fuqishëm në Kosovë se takimi me Millosheviqin mund të ndihmonte për situatën në Kosovë. Ai ishte i shqetësuar, por nuk donte të gjendej në situatën ku refuzonte sugjerim nga ambasadori. Rugova ishte udhëheqësi joformal i gjithë Kosovës dhe mendoi që kundërshtimi ndaj tij po rritej sepse kishte përshtypje që ai nuk po arrinte progres. Ai po kalonte një moment të vështirë për të legjitimuar udhëheqjen e tij dhe ndjenja e arritjes së diçkaje në raport me Serbinë, sepse Bosnja kishte rrugë-dalje falë marrëveshjes së Deytonit", tha Hill.

Tutje, Hill kujtoi edhe takimin e tij të parë me ish-presidentin, Hashim Thaçi dhe përshtypjet e para që ia dha ai gjatë këtij takimi.

Hill thotë se pas takimit me Thaçin, ai kishte përshtypjen se Thaçi ishte më i përshtatshëm për ambient universitar sesa atë ushtarak.

Diplomati amerikan shtoi se nga takimi me Thaçin ai nuk e kishte përshtypjen se Thaçi e udhëhiqte dhe kishte nën kontroll UÇK-në.

“Më kujtohet takimi i parë (me Thaçin), por nuk më kujtohet sepse kam thënë që kemi qenë të ulur për tokë, sepse më kujtohet që kemi qenë të ulur në disa stola, dhe më kujtohet që ata erdhën me armë në duar dhe më kujtohet që unë i thash që ‘ne nuk ndihemi rehat të negociojmë me persona që kanë armë në duar’, dhe më pas iu kërkova që armët t’i mbajnë jashtë shtëpisë. Ai fliste butë, në mënyrë të mendueshme dhe më kujtohet përshtypja që ai ishte më tepër i përshtatshëm për një ambient universitar sesa për një mjedis ushtarak. Ishte në mesin e tre personave që erdhën, por nuk e kisha përshtypjen që ai ishte në kontroll (UÇK)”, tha Hill.

Kujtojmë se Hashim Thaçit, Kadri Veselit, Jakup Krasniqit e Rexhep Selimit ndodhen në paraburgim prej nëntorit të vitit 2020, akuzohen për krime të pretenduara të luftës për çka janë deklaruar të pafajshëm. /kp/

PRISHTINË, 11 nëntor/ATSH/- Ish-diplomati amerikan, i dërguari i posaçëm i SHBA-së gjatë kohës së luftës në Kosovë, Christopher Hill deklaroi sot në Hagë se nuk ka arsye për të besuar se ish-presidenti i Kosovës, Hashim Thaçi është përfshirë në aktivitete për të cilat akuzohet.

Në ditën e dytë të dëshmisë së tij, Hill iu përgjigj pyetjeve të avokatit mbrojtës të Thaçit, Lluka Mishetiç, duke theksuar se nuk ka dëgjuar në atë kohë që ish-presidenti kishte urdhëruar aktivitete të paligjshme të cilat i ngarkohen në këtë aktakuzë.

“Nuk kam arsye të besoj, dhe as nuk kam dëgjuar në atë kohë që ai të ketë urdhëruar aktivitete të paligjshme, dhe siç e kuptoj unë, ai është mbajtur i burgosur për një kohë të caktuar lidhur me këto çështje. Pra, ndjeva që duhet të thosha atë që dija në lidhje me situatën”, tha Hill.

I pyetur nëse kishte komunikuar me Thaçin në kohën e bombardimeve të NATO-s, Hill e mohoi një fakt të tillë, por shtoi se gjatë periudhës së bombardimeve të NATO-s, ish-presidenti i Kosovës, Ibrahim Rugova ishte mbajtur në Beograd pa dëshirën e tij.

Gjatë dëshmisë së tij, Hill deklaroi se menjëherë pas takimit në Kumanovë forcat serbe ushtarake dhe policore kishin filluar të largohen nga Kosova dhe NATO po zbarkonte në Kosovë.

Në vijim të seancës gjyqësore, Hill u pyet edhe nga avokatët mbrojtës të Jakup Krasniqit.

Hilla tha se Jakup Krasniqi nuk ishte person i rëndësishëm në Ushtrinë Çlirimtare të Kosovës.

I pyetur për Xhavit Halitin, ish-diplomati amerikan u shpreh se takimi i parë me Ushtrinë Çlirimtare të Kosovë konkretisht me Xhavit Halitin ndodhi në kryeqytetin shqiptar, në Tiranë.

“Ca njerëz më kishin thënë se ishte në nivel shumë të lartë. Dikush më kishte thënë se ishte shok me personat e rëndësishëm në UÇK. Nuk isha i sigurt se kush kishte të drejtë, por ishte ai që përfaqësonte dëshirën për të ndjekur pistat e propozuara”, tha Hill.

Hill tha se nuk ka ndjekur të gjitha ndryshimet e personelit brenda UÇK-së, po interesi i tij ishte që të gjente një grup njerëzisht brenda që të flisnin dhe të merrnin mbështetjen për marrëveshjen autonome.

“Puna ime që të punoja që të transmetoja pikëpamjet e qeverisë amerikane dhe të punoja bazuar në udhëzimet me Uashingtonit për të arritur marrëveshjen për autonomisë. Unë nuk kam ndjekur të gjitha ndryshimet e personelit brenda UÇK interesi im në UÇK ka qenë që vetëm të gjeja dhe të konstatoja një grup njerëzisht që mund të flisnim me një grup më të gjerë në mënyrë që të mbështesnin marrëveshjen për autonominë”, tha ai.

The post Hill: Nuk besoj që Thaçi të ketë urdhëruar aktivitete të paligjshme appeared first on Agjencia Telegrafike Shqiptare.

Ish-diplomati amerikan, Christopher Hill të martën gjatë dhënies së dëshmisë së tij pranë Dhomat e Specializuara të Kosovës (DhSK) në Hagë, tha se dikush i kishte thënë se Xhavit Haliti ishte në nivel të lartë e dikush ishte shok me personat e rëndësishme të UÇK-së.

Aktualisht pyetje për dëshmitarinë e pestë të mbrojtjes së ish-presidentit, Hashim Thaçi po parashtron prokurori James Pace, i cili i tha se ka planifikuar rreth pesë orë për dëshminë e Hill-it në Hagë.

Ish-diplomati amerikan, Christopher Hill tha se takimi i parë me Ushtrinë Çlirimtare të Kosovë konkretisht me Xhavit Halitin ndodhi në kryeqytetin shqiptar, në Tiranë.

“Ca njerëz më kishin thënë se ishte në nivel shumë të lartë. Dikush më kishte thënë se ishte shok me personat e rëndësishëm në UÇK. Nuk isha i sigurt se kush kishte të drejtë, por ishte ai që përfaqësonte dëshirën për të ndjekur pistat e propozuara”, tha Hill.

Nga ZPS-ja pati interesim për komunikimet dhe takimet që Richard Holbrooke dhe vetë Hill kishin me Hajdin Abazin i cili ishte caktuar shef i shtabit të përgjithshëm të UÇK-së në sektorin e informimit publik me kërkesë të Kadri Veselit.

Hill tha se nuk ka ndjekur të gjitha ndryshimet e personelit brenda UÇK-së, po interesi i tij ishte që të gjente një grup njerëzisht brenda që të flisnin dhe të merrnin mbështetjen për marrëveshjen autonome.

“Puna ime që të punoja që të transmetoja pikëpamjet e qeverisë amerikane dhe të punoja bazuar në udhëzimet me Uashingtonit për të arritur marrëveshjen për autonomisë. Unë nuk kam ndjekur të gjitha ndryshimet e personelit brenda UÇK interesi im në UÇK ka qenë që vetëm të gjeja dhe të konstatoja një grup njerëzisht që mund të flisnim me një grup më të gjerë në mënyrë që të mbështesnin marrëveshjen për autonominë",tha ai.

Christopher Hill, i cili ishte përfaqësues special i Shteteve të Bashkuara për Kosovë gjatë luftës, dëshminë e tij në Hagë e ka nisur dje, dhe është dëshmitari i pestë i thirrur nga mbrojtja e Hashim Thaçit e cila përfaqësohet nga avokati Luka Mishetiq.

Kujtojmë se Hashim Thaçit, Kadri Veselit, Jakup Krasniqit e Rexhep Selimit ndodhen në paraburgim prej nëntorit të vitit 2020. Ish-krerët e UÇK-së akuzohen për krime të pretenduara të luftës për çka janë deklaruar të pafajshëm. /Kp/

Ish-diplomati amerikan, Christopher Hill gjatë dëshmisë së tij në Hagë sot deklaroi se përshtypja e tij ishte se Jakup Krasniqi nuk ishte person i rëndësishëm në Ushtrinë Çlirimtare të Kosovës.

Hill ka folur edhe për takimin e tij me Thaçin dhe Krasniqin në Dragobill.

"Kjo është përshtypja juaj, nga sa keni parë se zotëri Krasniqi nuk ishte person i rëndësishëm në UÇK...", pyeti avokati i Jakup Krasniqit, Aiden Ellis.

"Po, kjo ishte përshtypja ime”, tha Hill.

Christopher Hill u pyet po ashtu nga mbrojtja e Jakup Krasniqit nëse ka qenë në dijeni në lidhje me nismën e Sllobodan Millosheviqit për “krijimin e një njësie lokale policore” në fshatrat e pjesës perëndimore të Kosovës, ai mohoi një gjë të tillë.

Ai tha se po të ishte në dijeni për këtë do t’i thoshte se ishte ide e keqe.

Hill teksa foli për negociatat e janarit të vitit 1999 në Rambuje, tha se një “shkëmbim i vetëm që kishte ndodhur mes UÇK-së dhe ushtarëve të konfliktit”.

“... Do të kisha thënë që është një ide e keqe”, tha ai.

“Jo, por të kisha qenë në dijeni të kësaj gjëje do të kisha thënë që është një ide e keqe. Jo çdo nismë e presidentit Millosheviq na raportohej, me thënë të drejtën as seriozisht nuk e merrnim... Ai planifikonte të merrte masa ndëshkimore shumë të rrepta nëse nuk bëhej diçka”, u shpreh ai.

Ai tha se nuk e dinte se e kishte lejuar lirimin e ushtarëve serbë dhe Hill shtoi se ishte problematikë e vazhdueshme me UÇK-në sepse nuk e dinin kush ishte përgjegjës atje.

Ish i dërguari i posaçëm i SHBA gjatë kohës së luftës në Kosovë, Christopher Hill tha se edhe sot i qëndron mendimit të tij dhe skepticizmit të tij se organizimi i konferencave mund të zgjidhje problemet e Kosovës.

Pse Hill tha se ishte skeptikë që organizimi i një konference mund të zgjidhte këtë çështje?

“Isha skeptikë që organizimi i një konference mund të zgjidhte këtë çështje për më tepër isha skeptikë dhe i lodhur nga ideja se Dejtoni ishte ideja për të zgjidhur problemin e Kosovës të cilin unë e gjykoja si një konflikt shumë ndryshe”, tha ai.

Gjatë dëshmisë së tij ish-diplomati amerikan konfirmoi se më 6 nëntor 1998 ishte takuar me Thaçin dhe Krasniqin në Dragobill.

Tutje në gjykatore, Hill deklaroi se Adem Demaçi ishte kundër negociatave me serbët dhe ishte kundër çdo gjëje që nuk e trajtonte çështjen e pavarësisë.

“Ne e dinim që Adem Demaçi ishte kundër çdo negociate me serbët dhe ishte kundër çdo gjëje që nuk trajtonte çështjen e pavarësisë. Pra, kur ekzistonin problematika serioze të rënda, ne supozonim që është Demaçi pas këtyre”, tha ai.

Mbrojtja e Veselit dhe Selimit nuk pati pyetje për dëshmitarin e pestë të mbrojtës së Thaçit, Christopher Hill.

Ndërsa, aktualisht ish i dërguari i posaçëm i SHBA gjatë kohës së luftës në Kosovë, Christopher Hill po përgjigjet në pyetjet e Zyrës së Prokurorit të Specializuar.

Hill dëshminë e tij në Hagë e ka nisur dje, dhe është dëshmitari i pestë i thirrur nga mbrojtja e Hashim Thaçit e cila përfaqësohet nga avokati Luka Mishetiq. Ndërsa, kanë mbetur veç edhe dy dëshmitarë për tu dëgjuar.

Kujtojmë se Hashim Thaçit, Kadri Veselit, Jakup Krasniqit e Rexhep Selimit ndodhen në paraburgim prej nëntorit të vitit 2020. Ish-krerët e UÇK-së akuzohen për krime të pretenduara të luftës për çka janë deklaruar të pafajshëm. /kp/

Dëshmitari Christopher Hill, ish-ambasador i ShBA-së në Serbi, ka shpjeguar arsyen pse vendosi të dëshmojë në mbrojtje të ish-presidentit të Kosovës, Hashim Thaçi. Ai theksoi se nuk beson se Thaçi ka qenë i përfshirë në veprimtari të paligjshme. “Koha nuk i shëron të gjitha plagët, por mendoj që pas 25 vjetësh, është kohë e madhe […]

The post Pse po dëshmon pro Thaçit në Hagë? Hill: Nuk është përfshirë në veprime të paligjshme appeared first on BoldNews.al.