PRISHTINË, 20 janar/ATSH/ Kryeministri në detyrë, Albin Kurti, ka thënë se Serbia më mirë se kurrë më herët e ka kuptuar se Kosova është shtet, edhe pse vazhdon ta refuzojë njohjen. Ai, në Forumin Ekonomik Botëror në Davos të Zvicrës, akuzoi edhe partitë opozitare se për shkak të mungesës së bashkëpunimit të tyre, vendi shkoi dy herë në zgjedhje vitin e kaluar. Derisa ka theksuar se populli i Kosovës, sipas tij, refuzon të kthehet “në epokën e korrupsionit”.
Ai tha se kontribuuesi i destabilitetit në rajon përmes Serbisë është Federata Ruse.
“Nga katër fqinj që kemi si Republika e Kosovës, tre na njohin. Vetëm Serbia nuk na njeh dhe nuk duket se do ta bëjë së shpejti. Edhe pse mendoj se e kuptojnë më mirë se kurrë që jemi shtet tjetër. Realiteti ka ndryshuar shumë. Por ajo që duhet të ndodhë është që të shuhet ëndrra e tyre për kthim. Po ashtu, kontribuuesi i saj është Perandoria Ruse, apo ajo që është tash Federata Ruse. Perandoria Ruse nuk dëshiron fqinj, por është e pamundur që të mos kesh fqinj”, tha ai.
Krahas kësaj, ai akuzoi opozitën sa i përket zgjedhjeve të reja, duke nënvizuar se mungesa e bashkëpunimit nga ana e tyre i solli zgjedhjet e reja dhe rezultatin e mirë për të, ku mori mbi 51 për qind të votave.
“Së pari, nuk shkuam në zgjedhje të reja pse donim. Ky nuk ishte qëllimi ynë, por ishte pasojë e mungesës së bashkëpunimit me opozitën. Ne fituam në shkurt 42.3 për qind, por nuk ishte e mjaftueshme. Provuam gjithçka. Provuam të takoheshim me një apo dy parti politike opozitare. Njëra nga to nuk donte të takoheshim, njëra nga to e dëshironte pozitën e kryeparlamentarit me vetëm tre deputetë. Pastaj, nuk e pranuan emrin tonë të propozuar për kryeparlamentar, megjithëse e zëvendësuam atë emër dhjetëra herë; opozita sërish iu tha ‘jo’ të gjithëve. Pastaj, unë e zëvendësova emrin tim me zëvendësin tim në parti, Glauk Konjufca, i cili ishte kryeparlamentar dhe do të jetë zëvendëskryeministër dhe ministër i Jashtëm i radhës. Prapë thanë jo. Kështu që, përgjatë vitit 2025, ishte e qartë për njerëzit se nuk kishim një qeveri jo pse nuk fituam zgjedhjet, por sepse askush nuk donte të bashkëpunonte me ne. Kështu që, mendoj se nëse do të doja zgjedhje të reja, njerëzit do të më ndëshkonin mua. Unë nuk doja zgjedhje të reja, por nëse zgjedhjet e reja ishin aty, më mirë të isha gati. Kështu që kishte pasoja nga mosbashkëpunimi i opozitës, jo nga një entuziazëm i imi për zgjedhje të reja”, shtoi Kurti.
Në anën tjetër, Kurti ka thënë se gjatë mandatit të tij qeverisës e ka trashëguar një situatë me korrupsion endemik, andaj sipas tij, populli i Kosovës refuzon që të kthehet në të ardhmen në atë gjendje.
Ai theksoi se askush brenda kabinetit qeveritar të tij s’e ka as imagjinatën më të vogël të përfshirjes në çfarëdo shkalle të korrupsionit.
“Ne e kemi trashëguar një situatë kur korrupsioni ka qenë endemik. Ka rezistencë dhe qëndrueshmëri të fortë të njerëzve që të mos kthehen kurrë më aty. Pra, shpresa jonë janë njerëzit; që ata do ta njoftojnë sistemin dhe publikun për korrupsionin që e hasin. Askush, absolutisht askush brenda kabinetit të ministrave s’e ka as imagjinatën më të vogël të përfshirjes në çfarëdo shkalle të korrupsionit, prandaj duhet të udhëheqim me shembuj”, përfundoi ai.
Lëvizja Vetëvendosje në zgjedhjet e 28 dhjetorit ka fituar 51.11 për qind të votave. /KosovaPress/
Kryeministri në detyrë, Albin Kurti, ka thënë se Serbia më mirë se kurrë më herët e ka kuptuar se Kosova është shtet, edhe pse vazhdon ta refuzojë njohjen.
Ai, në Forumin Ekonomik Botëror në Davos të Zvicrës, akuzoi edhe partitë opozitare se për shkak të mungesës së bashkëpunimit të tyre, vendi shkoi dy herë në zgjedhje vitin e kaluar. Derisa ka theksuar se populli i Kosovës, sipas tij, refuzon të kthehet “në epokën e korrupsionit”.
Ai tha se kontribuuesi i destabilitetit në rajon përmes Serbisë është Federata Ruse.
“Nga katër fqinj që kemi si Republika e Kosovës, tre na njohin. Vetëm Serbia nuk na njeh dhe nuk duket se do ta bëjë së shpejti. Edhe pse mendoj se e kuptojnë më mirë se kurrë që jemi shtet tjetër. Realiteti ka ndryshuar shumë. Por ajo që duhet të ndodhë është që të shuhet ëndrra e tyre për kthim. Po ashtu, kontribuuesi i saj është Perandoria Ruse, apo ajo që është tash Federata Ruse. Perandoria Ruse nuk dëshiron fqinj, por është e pamundur që të mos kesh fqinj”, tha ai.
Krahas kësaj, ai akuzoi opozitën sa i përket zgjedhjeve të reja, duke nënvizuar se mungesa e bashkëpunimit nga ana e tyre i solli zgjedhjet e reja dhe rezultatin e mirë për të, ku mori mbi 51 për qind të votave.
“Së pari, nuk shkuam në zgjedhje të reja pse donim. Ky nuk ishte qëllimi ynë, por ishte pasojë e mungesës së bashkëpunimit me opozitën. Ne fituam në shkurt 42.3 për qind, por nuk ishte e mjaftueshme. Provuam gjithçka. Provuam të takoheshim me një apo dy parti politike opozitare. Njëra nga to nuk donte të takoheshim, njëra nga to e dëshironte pozitën e kryeparlamentarit me vetëm tre deputetë. Pastaj, nuk e pranuan emrin tonë të propozuar për kryeparlamentar, megjithëse e zëvendësuam atë emër dhjetëra herë; opozita sërish iu tha ‘jo’ të gjithëve.
Pastaj, unë e zëvendësova emrin tim me zëvendësin tim në parti, Glauk Konjufca, i cili ishte kryeparlamentar dhe do të jetë zëvendëskryeministër dhe ministër i Jashtëm i radhës. Prapë thanë jo. Kështu që, përgjatë vitit 2025, ishte e qartë për njerëzit se nuk kishim një qeveri jo pse nuk fituam zgjedhjet, por sepse askush nuk donte të bashkëpunonte me ne. Kështu që, mendoj se nëse do të doja zgjedhje të reja, njerëzit do të më ndëshkonin mua. Unë nuk doja zgjedhje të reja, por nëse zgjedhjet e reja ishin aty, më mirë të isha gati. Kështu që kishte pasoja nga mosbashkëpunimi i opozitës, jo nga një entuziazëm i imi për zgjedhje të reja”, shtoi Kurti.
Në anën tjetër, Kurti ka thënë se gjatë mandatit të tij qeverisës e ka trashëguar një situatë me korrupsion endemik, andaj sipas tij, populli i Kosovës refuzon që të kthehet në të ardhmen në atë gjendje.
Ai theksoi se askush brenda kabinetit qeveritar të tij s’e ka as imagjinatën më të vogël të përfshirjes në çfarëdo shkalle të korrupsionit.
“Ne e kemi trashëguar një situatë kur korrupsioni ka qenë endemik. Ka rezistencë dhe qëndrueshmëri të fortë të njerëzve që të mos kthehen kurrë më aty. Pra, shpresa jonë janë njerëzit; që ata do ta njoftojnë sistemin dhe publikun për korrupsionin që e hasin. Askush, absolutisht askush brenda kabinetit të ministrave s’e ka as imagjinatën më të vogël të përfshirjes në çfarëdo shkalle të korrupsionit, prandaj duhet të udhëheqim me shembuj”, përfundoi ai.
Lëvizja Vetëvendosje në zgjedhjet e 28 dhjetorit ka fituar 51.11 për qind të votave. /KP/
Pas eliminimit nga shtëpia e Big Brother VIP Kosova, Bia Khalifa është rikthyer në qendër të vëmendjes mediatike me deklarata të drejtpërdrejta lidhur me eksperiencën e saj brenda spektaklit. E ftuar në emisionin “Ora 7”, ish-banorja u përball me pyetje të shumta rreth marrëdhënieve të krijuara gjatë qëndrimit në shtëpi, veçanërisht për afrimitetin e saj me Edin.
Gjatë intervistës, Bia u pyet hapur nëse mes saj dhe Edit kishte pasur marrëdhënie intime gjatë kohës që ndodheshin në BBVK. Pa hezitim dhe me një buzëqeshje, ajo e pranoi këtë fakt, duke thënë shkurt: “Krejt e dimë, po”. Deklarata e saj u prit me interes të madh nga publiku, duke nxitur menjëherë reagime dhe komente në rrjetet sociale.
Afrimiteti mes Bia-s dhe Edit kishte qenë i dukshëm edhe gjatë transmetimeve live të spektaklit. Përqafimet e shpeshta, momentet e afërsisë dhe komunikimi i ngrohtë mes tyre kishin ngritur prej kohësh dyshime te shikuesit për natyrën e marrëdhënies së tyre. Megjithatë, deri në daljen e Bia-s nga shtëpia, asnjëri prej tyre nuk kishte folur hapur për këtë çështje.
Këto situata nuk kaluan pa u vënë re nga publiku, duke u kthyer shpesh në tema diskutimi në rrjetet sociale dhe në studio televizive. Për disa, afrimiteti i tyre ishte pjesë e lojës dhe emocioneve të izolimit, ndërsa për të tjerë përfaqësonte një lidhje të sinqertë të krijuar brenda shtëpisë më të famshme.
Pas daljes nga BBVK, mbetet për t’u parë nëse raporti mes Bia-s dhe Edit do të vazhdojë edhe jashtë kamerave apo do të mbetet thjesht një kapitull i mbyllur i eksperiencës së tyre televizive.
Ish-ambasadori serb Sreçko Dukiq ka vlerësuar se Presidenti i Serbisë, Aleksandar Vuçiq, po e përfshin vendin e tij në konflikte globale përmes deklaratave të fundit lidhur me aktivitetin e shërbimeve të inteligjencës në Iran.
Vuçiq kishte pohuar se CIA dhe Mossadi janë aktivë në Iran, gjë që sipas Dukiq, mund të perceptohet si një mesazh politik nga Uashingtoni dhe Tel Avivi.
“Këto deklarata mund t’i shkaktojnë dëme politikës së jashtme Serbisë. Ajo nuk është aktore në konfliktet e Lindjes së Mesme, as nuk ka interes të përfshihet në interpretimet që akuzojnë dy shërbimet më me ndikim të inteligjencës perëndimore”, tha Dukiq në një intervistë për gazetën Nova.
Ai shtoi se pretendime të tilla publike “objektivisht mund të kuptohen si një narrativë armiqësore ndaj SHBA-së dhe Izraelit, duke e përfshirë kështu Serbinë në konflikte globale dhe luftëra inteligjence që e tejkalojnë atë shumë herë”.
Ish-ambasadori përmendi gjithashtu krahasimin që Vuçiq kishte bërë me vitin 1953 dhe përmbysjen e Kryeministrit iranian Muhamed Mossadegh, duke e cilësuar këtë si një “kornizë klasike propagandistike e diskutimit antiamerikan dhe antiperëndimor”, e cila mund të perceptohet si një mesazh politik në Uashington dhe Tel Aviv.
Ai paralajmëroi se “deklarata të tilla e ndërlikojnë më tej pozicionin e Serbisë dhe sjellin konfuzion në politikën e jashtme”.
Refuzimi për të takuar delegacionin e Parlamentit Evropian
Pak ditë më pas, gjatë vizitës së tij në Abu Dhabi, Vuçiq deklaroi se nuk dëshiron të takohet me një delegacion të Parlamentit Evropian që vizitoi Beogradin, duke i cilësuar ata si “të paftuar”.
Ai u shpreh se nuk do të jetë në Serbi gjatë ardhjes së tyre, pasi ka angazhime të tjera të planifikuara, por shtoi se “nëse do të isha në Beograd, nuk do të takohesha me ta gjithsesi”.
“Urrejtësit e Serbisë u ulën dhe ranë dakord që do të vinin në Beograd dhe nuk na pyetën dhe as nuk na informuan. Ne nuk i thirrëm. Ata erdhën të paftuar (...) Kam edhe angazhime të tjera të planifikuara në Davos. Nuk po i shmang, por edhe nëse do të isha në Beograd, nuk do të takohesha me ta”, citohet të ketë thënë Vuçiq.
Ai shtoi se dëshiron të takohet “vetëm me njerëz që i dëshirojnë të mirën Serbisë dhe se do ta bëjë këtë në Davos”. I pyetur për pasojat e mundshme të refuzimit të tij, Vuçiq tha se ato “do të jenë të tmerrshme” dhe se delegacioni do të mund të sjellë një deklaratë ose rezolutë tjetër.
Akuza ndaj Kroacisë, Kosovës dhe Shqipërisë
Në një zhvillim tjetër, Vuçiq akuzoi të hënën Kroacinë për bashkëpunim me Kosovën dhe Shqipërinë me qëllim “shkatërrimin e Serbisë” dhe e përshkroi këtë bashkëpunim si një kërcënim ushtarak.
Ai bëri këto deklarata gjatë një vizite në Trebinje, Bosnjë e Hercegovinë, ku mori pjesë në hapjen e një spitali të ri, por fokusi i tij në fjalim ishte më shumë në analizat gjeostrategjike sesa në kujdesin shëndetësor.
Sipas Vuçiq, shqetësimi i tij i veçantë është Kroacia dhe bashkëpunimi i saj në mbrojtje me Kosovën dhe Shqipërinë.
Ai theksoi se kjo aleancë nuk është kundër Austrisë, por sipas tij është drejtuar kundër popullit serb.
“Në Beograd, ne e kuptojmë shumë mirë aleancën e re ushtarake të krijuar midis Zagrebit, Prishtinës dhe Tiranës. Ajo nuk u krijua kundër askujt tjetër, por kundër popullit serb”, tha ai.
Presidenti serb njoftoi gjithashtu për një forcim të ndjeshëm të kapaciteteve ushtarake të vendit.
“Ne jemi të dytët në botë për sa i përket përparimit të kapaciteteve tona ushtarake dhe brenda dy vjetësh do t’i dyfishojmë kapacitetet tona ushtarake”.
Ai akuzoi Kroacinë se po përpiqet të ndikojë në proceset në Mal të Zi, duke e cilësuar këtë si një komplot anti-serb.
Po ashtu, Vuçiq i lidh teoritë e tij të konspiracionit me protestat që zhvilloheshin në Serbi gjatë vitit të kaluar dhe kritikoi përpjekjet për rrëzimin e tij nga pushteti.
“Ata që mendojnë se ne jemi naivë dhe do të jemi në gjendje të bëjmë gjëra si në vitin 1941 dhe shumë herë në histori, le ta dinë: ju bëtë gjithçka vitin e kaluar për të më rrëzuar nga pushteti, me një miliard euro të investuara, dhe dështuat... Unë nuk jam Slobodan Millosheviqi, as naiv dhe as budalla që t’ju besoj”, deklaroi Vuçiq.
“Kërcënimi i Kërshëndellave” i Shteteve të Bashkuara të Amerikës ka qenë një moment vendimtar për Kosovën dhe një nga dokumentet më të forta të politikës amerikane ndaj regjimit të Slobodan Millosheviqit, ka thënë shkrimtari dhe aktivisti Blerim Shala.
Në bashkëbisedimin në podcastin PIKË me publicistin Veton Surroi, Shala ka kujtuar se gjatë viteve 1991–1992 kishte kontakte intensive dhe të drejtpërdrejta të përfaqësuesve politikë shqiptarë me diplomacinë amerikane, përfshirë Departamentin e Shtetit, Këshillin e Sigurisë Kombëtare dhe Kongresin amerikan.
Sipas tij, në vjeshtën e vitit 1992, pala amerikane i kishte informuar se po përgatitej një vendim i jashtëzakonshëm për Kosovën, i cili do të materializohej në atë që u quajt më vonë “Kërcënimi i Kërshëndellave” – një kërcënim unilateral i SHBA-së ndaj Serbisë, pa u thirrur në NATO apo në ndonjë mekanizëm tjetër ndërkombëtar.
Shala theksoi se ky kërcënim nuk erdhi “nga qielli”, por ishte rezultat i analizave strategjike të institucioneve më të larta amerikane, si dhe i zhvillimeve të reja politike në Serbi, ku paraqitja e Milan Paniqit krijoi rrezik real për humbjen e pushtetit nga Millosheviqi.
Ai ka thënë se kishte presion të madh nga senatorë amerikanë që shqiptarët e Kosovës të merrnin pjesë në zgjedhjet e dhjetorit 1992 në Serbi, me arsyetimin se demokratizimi i Serbisë do të sillte rrethana më të favorshme për Kosovën. Megjithatë, sipas Shalës, pjesëmarrja në zgjedhje ishte jashtëzakonisht problematike dhe u refuzua.
Në këtë kontekst, ai theksoi se në vitin 1992 nuk kishte asnjë shenjë që shqiptarët e Kosovës po përgatiteshin për luftë, përkundrazi, shenjat tregonin se Millosheviqi mund ta niste një konflikt në Kosovë për të shmangur humbjen e pushtetit.
“Kërcënimi i Kërshëndellave” u cilësua nga Shala si brutal, sepse për herë të parë SHBA-ja paralajmëroi drejtpërdrejt se do të ndërhynte ushtarakisht nëse Serbia do të ishte përgjegjëse për shpërthimin e luftës në Kosovë. Sipas tij, ky mesazh e tronditi Millosheviqin dhe shërbeu si faktor frenues.
Ai shtoi se ky kërcënim u la si amanet nga presidenti George H. W. Bush dhe u rikonfirmua më pas nga administrata e Bill Clintonit, duke mbetur një dokument bazë i politikës amerikane ndaj Kosovës deri në fund të viteve ’90.
Njëri nga ekspertët e politikave në Ballkanin Perëndimor, Dushan Janiq, ka thënë që në mars ose prill Shtetet e Bashkuara të Amerikës do të paraqesin një dokument për njohje të ndërsjellë mes Kosovës dhe Serbisë.
Ai ka shtuar se dokumenti në fjalë nuk do të jetë non-paper, dhe kjo i ka frikësuar serbët.
“Pra, në muajin prill, më së largu në muajin maj, është prezantuar draft-marrëveshja për njohjen reciproke nga Shtetet e Bashkuara të Amerikës”, ka deklaruar Janiqi në podkestin DLZ.
“Le të më sqarojë dikush, edhe pse nuk duhet të më sqarojë asgjë, sepse kam biseduar me Gjuriqin dhe kurrë më…”.
“Çfarë kanë bërë administrata, e kush është ministri i Punëve të Jashtme? Çfarë ka bërë ai në Uashington nëse nuk e ka në duar këtë tekst që po bëhet një kohë të gjatë?”
“Po ju them që në muajin mars ose prill do të prezantohet dokumenti, prandaj ata po frikësohen, sepse kur kemi zgjedhur mënyrën e emërimit e kemi quajtur non-paper”.
“Ata frikësohen nga kjo sikur gjarpri kur e sheh bretkosën. Kjo nuk do të jetë non-paper dhe po punohet seriozisht në pikat më të larta. E njëra prej pikave është njohja reciproke mes Kosovës dhe Serbisë”.
Të paktën 27 anëtarë të një grupi në Kolumbi u vranë në përleshje me një fraksion rival në një luftë për kontrollin e një zone në Kolumbinë jugperëndimore, raportuan autoritetet ushtarake të dielën.
Përleshjet, të cilat kanë qenë më të dhunshmet në muajt e fundit, ndodhën në zonën rurale të komunës El Retorno, në departamentin e Guaviare, 300 kilometra (186 milje) në jugperëndim të Bogotës, tha një burim ushtarak.
Rajoni është strategjik për prodhimin dhe trafikimin e kokainës.
Përleshjet ndodhën midis një fraksioni të Forcave të Armatosura Revolucionare të Kolumbisë (FARC) të udhëhequr nga Nestor Gregorio Vera, i njohur me emrin e tij të luftës Ivan Mordisco, dhe një tjetri të udhëhequr nga Alexander Diaz Mendoza, i njohur ndryshe si Calarca Cordoba, specifikoi një burim i dytë ushtarak.
Të dy grupet ishin pjesë e të ashtuquajturit Shtabi i Përgjithshëm Qendror, por u ndanë në prill 2024 për shkak të mosmarrëveshjeve të brendshme.
Viktimat ishin të gjitha nga grupi i Vera, sipas dy burimeve ushtarake, të cilat folën në kushte anonimiteti.
Një udhëheqës nga grupi i Mendozës konfirmoi gjithashtu përleshjet dhe 27 vdekjet për Reuters.
Fraksioni guerilas i udhëhequr nga Diaz Mendoza është aktualisht i angazhuar në bisedime paqeje me Presidentin Gustavo Petro, ndërsa grupi i Veras vazhdon armiqësitë pasi qeveria pezulloi një armëpushim dypalësh.
Këto fraksione tani rivale kishin refuzuar një marrëveshje paqeje të vitit 2016 që lejonte afërsisht 13,000 anëtarë të FARC-ut të braktisnin luftën e armatosur dhe të riintegroheshin në shoqëri pas çarmatimit.
Konflikti i armatosur i Kolumbisë, i cili zgjati mbi gjashtë dekada dhe u financua kryesisht nga trafiku i drogës dhe minierat e paligjshme, ka rezultuar në mbi 450,000 vdekje dhe miliona të zhvendosur, me përpjekjet e paqes të Petros që aktualisht kanë ngecur. /Telegrafi/
Rizgjedhja dërrmuese e Vetëvendosjes (LVV) të Albin Kurtit në zgjedhjet parlamentare të dhjetorit 2025 në Kosovë përfaqëson një ndryshim sizmik në llogaritjet politike të rajonit.
Kjo nënkupton refuzimin kategorik nga votuesit e Kosovës të një brezi të tërë të politikës amerikane dhe evropiane në vend dhe kërkon një rikalibrim të rëndësishëm nga Uashingtoni, por mbi të gjitha, nga Brukseli, të qëndrimit të tyre ndaj Prishtinës dhe Beogradit.
Marrëdhënia e Kurtit si me administratën e parë Trump ashtu edhe me Shtëpinë e Bardhë të Biden ishte e njohur për tensionet e saj. Në vitin 2020, Kurti akuzoi të dërguarin e atëhershëm rajonal të SHBA-së, Richard Grenell, për orkestrimin e një grushti shteti parlamentar kundër qeverisë së tij të parë, dhe administrata Biden vendosi sanksione ndaj Kosovës në maj 2023 pas një serie trazirash nacionaliste serbe në veri të vendit, për të cilat fajësoi Kryeministrin, shkruan Odgovor.
Në zemër të frustrimeve si të amerikanëve ashtu edhe të evropianëve me Kurtin ishte bindja se ai po pengonte zbatimin e Marrëveshjes së Brukselit të vitit 2013, konkretisht dispozitën që Kosova duhet të vazhdojë me krijimin e të ashtuquajturës “Asociacion i Komunave (me Shumicë) Serbe”.
Më gjerësisht, si SHBA-ja ashtu edhe BE-ja u zemëruan ndaj ndjekjes së një agjende sovraniste nga Kurti, e cila synonte të siguronte sundimin e plotë të institucioneve shtetërore të Kosovës mbi të gjitha pjesët e territorit të vendit, dhe ndiqte integrimin e Kosovës në sistemin ndërkombëtar pa referencë ose mbështetje në progresin në negociatat me Beogradin.
Në fakt, Kosova ishte e angazhuar në ndjekjen e njëanshme të objektivave të saj për në BE dhe NATO, të cilat qeveria Kurti besonte qartë dhe theksonte se ishin në kohezion të plotë ideologjik si me Uashingtonin ashtu edhe me Brukselin, por nuk përputheshin domosdoshmërisht me renditjen e preferuar të asnjërës prej tyre.
Çuditërisht, ky ishte një mëkat shumë më i madh në sytë e shumë zyrtarëve të lartë amerikanë dhe evropianë, sesa refuzimi i hapur i projektit euroatlantik nga Serbia.
Ndërsa Kurti dhe qeveria e tij përpiqeshin të ngrinin institucionet demokratike dhe të sigurisë të Kosovës, Serbia po nxitonte me shpejtësi drejt sundimit të një njeriu nën Aleksandar Vuçiçin dhe po e bënte gjithnjë e më të qartë afërsinë e saj strategjike me Rusinë dhe Kinën. Pavarësisht kësaj, administrata Biden e bëri Serbinë fokusin qendror të politikës së saj ndaj Ballkanit Perëndimor.
Ambasadori Christopher Hill i dha Beogradit lëvdata gjithnjë e më të pabesueshme, edhe pse regjimi i Vuçiçit organizoi sulmin paraushtarak në Banjska, përplasjen më të rëndësishme ndërshtetërore në rajon që nga fundi i viteve 1990. Ky incident madje e detyroi Shtëpinë e Bardhë t'i jepte udhëzime të qarta Serbisë që të largonte ushtrinë e saj nga kufiri i Kosovës, vetëm që Hill të pohonte shtatë muaj më vonë se Serbia ishte një partnere më e ngushtë për NATO-n sesa Kosova.
Rastësisht, pothuajse menjëherë pas largimit nga shërbimi publik, Hill iu bashkua si Këshilltar i Lartë Iniciativës Pupin, një organizatë që synon të "sigurojë që zërat serbë të dëgjohen në Uashington, DC... e angazhuar për të ripërtërirë marrëdhëniet SHBA-Serbi përmes nismave akademike, politike dhe kulturore".
Por me fitoren vendimtare të LVV-së në dhjetor, e cila e pa partinë të fitonte zgjedhjet e katërta radhazi, dhe me përqindjen më të lartë të votave deri më sot (51.11%, një rezultat edhe më i madh se përqindja e saj prej 50.25% e vitit 2021), Kurti dhe blloku i tij janë thjesht një fakt politik. Uashingtonit dhe Brukselit mund të mos u pëlqejë kjo, por zgjedhjet e Kosovës, ndryshe nga ato të Serbisë, janë të lira dhe të ndershme, dhe Albin Kurti dhe LLV janë jashtëzakonisht të popullarizuara.
Sidomos ndërsa Rusia vazhdon agresionin e saj kundër Ukrainës, dhe ndërsa Shtëpia e Bardhë sinjalizon planet e saj të dukshme në Groenlandë, Evropa duhet të shqyrtojë me maturi kushtet në kontinent.
Në Kosovë, vetë anëtarët e BE-së kanë forcuar dorën e kundërshtarëve të saj duke refuzuar të njohin plotësisht sovranitetin e një shteti demokratik, vendosmërisht pro-perëndimor. Fitorja dramatike e Kurtit dhe mandati i qartë popullor që qeveria e tij e ka kapur përsëri, janë një mundësi për të siguruar interesat gjeopolitike të Evropës.
Së pari, Brukseli dhe kryeqytetet duhet t’ia hapin rrugën Kosovës për të realizuar aspiratat e saj evropiane dhe atlantike. Spanja, një nga pesë vendet e BE-së që nuk e njohin sovranitetin e Kosovës, duket më në fund e gatshme t’i lejojë Prishtina të fillojë të ndërmarrë disa nga hapat zyrtarë drejt anëtarësimit në bllok. Kjo është vonuar shumë, dhe kundërshtimi i Madridit ndaj sovranitetit të Kosovës – njohja e të cilit historikisht e ka kushtëzuar me marrëveshjen me Serbinë – është bërë plotësisht i paqëndrueshëm që nga njohja e saj e njëanshme e Palestinës.
Së dyti, si pjesë e angazhimit evropian për t'u riangazhuar me Kosovën, kryeqytetet duhet të mbështesin gjithashtu hyrjen e vendit si një anëtar i barabartë dhe sovran në dy institucione kritike ndërkombëtare: Këshillin e Evropës dhe Partneritetin për Paqe të NATO-s. Kosova tashmë i plotëson kriteret për t'u bashkuar me të dyja, por mungon vetëm vullneti politik për të lejuar hyrjen e saj. Mbajtja e Kosovës jashtë në të ftohtë shërben vetëm për të shpërblyer kokëfortësinë e nacionalistëve të linjës së ashpër në Beograd dhe ruan artificialisht avantazhin e Serbisë në lidhje me statusin ndërkombëtar të dy shteteve.
Së treti, në lidhje me marrëdhënien transatlantike, këto manovra do t'i ofronin një mundësi tjetër Evropës për t'i sinjalizuar SHBA-së aftësinë e saj për ndarjen e barrës. Kjo, nga ana tjetër, adreson aspekte të shqetësimeve kryesore të Uashingtonit me sigurinë e Arktikut dhe Ukrainën (domethënë që Evropa nuk po paguan pjesën e saj të drejtë në lidhje me interesat e përbashkëta atlantike) dhe demonstron angazhimin e vërtetë të Evropës ndaj besueshmërisë së saj gjeopolitike dhe vetëmbrojtjes.
Së fundmi, një rinisje e tillë e politikave do ta alarmonte Beogradin se pengimi i integrimit të Kosovës në sistemin ndërkombëtar nuk do të tolerohet për një kohë të pacaktuar. Dhe nëse kjo do të ndodhte në një kohë relativisht të shkurtër, Brukseli dhe Uashingtoni mund të sigurojnë edhe vullnetin e mirë politik në Prishtinë për të kërkuar riangazhimin e Kosovës në Marrëveshjen e Brukselit.
BE-ja dhe kryeqytetet nuk mund ta përballojnë më shpërfilljen e tyre miope dhe provinciale të Ballkanit Perëndimor.
Kosova dhe vullneti demokratik i qytetarëve të saj i ofrojnë Brukselit një mundësi për të pohuar rëndësinë e vet gjeopolitike. Nuk duhet ta shpërdorojë këtë mundësi./Telegrafi.
Pas mbledhjes së jashtëzakonshme të Këshillit për Siguri Kombëtare në Serbi, mbajtur më 4 janar 2026, presidenti i Serbisë Aleksandar Vuçiq ka pretenduar se Forca e Sigurisë së Kosovës, po armatoset në kundërshtim me të drejtën ndërkombëtare dhe se aleanca Kroaci- Shqipëri- Kosovë, sipas tij, cenon drejtpërdrejt interesat dhe sigurinë e Serbisë.
Vuçiq e ka cilësuar këtë situatë si një kërcënim për vendin e tij, duke theksuar se Serbia tashmë po përgatitet për t’u mbrojtur.
Këto deklarata, vetëm sa e kanë pasuruar atë që njohësit e sigurisë dhe lajmeve të rreme e shohin si propagandë serbe.
Hulumtuesi nga instituti “Octopus”, Gurakuç Kuçi tha për KosovaPress se ankesat e presidentit serb janë pjesë e një strategjie psiko-propagandistike.
Edhe pse Vuçiq, sipas Kuçit e di se Kosova është në forcimin e ushtrisë së saj në kuadër të NATO-s, ai e prezanton atë si kërcënim ndaj Serbisë.
“Aleksandar Vuçiqi është prej atyre njerëzve që bashkë me propagandën serbe nuk lë çdo lloj mjeti që s'ta përdor kundrejt Kosovës. Ai e di mjaft mirë që Kosova është në forcimin e ushtrisë së saj në kuadër të NATO-s dhe vetë ka pasur deklarata nga NATO-ja dhe SHBA-ja që armatosja e Kosovës është ka bëhet konform rregullave dhe deri në 2028-ën që është edhe e planifikuar transformimi në ushtri operacionale. Por megjithatë ata e përdorin këtë çështje duke u përfshirë edhe elementet e tjera që po ndodhin kohëve të fundit si një lloj strategjie, si një lloj operacioni psiko-strategjik që e bën Vuçiçi”, ka thënë Kuçi.
Kuçi ka theksuar se institucionet e Kosovës duhet të jenë të përgatitura për t’u përballur me këtë lloj komunikimi strategjik nga Serbia.
Si nevojë imediate për të ndërhyrë, Kuçi ka parë çështjen e rrjeteve sociale dhe mediave, ku po manipulohet me publikun.
“Organet e sigurisë në Kosovë bashkë me të gjitha institucionet e tjera duhet të kenë një strategji e cila e ka parasysh se si funksionon STRATCOM-i ose strategjia e komunikimit të Serbisë dhe në këtë mënyrë duke pasur parasysh strategjinë e tyre, atëherë të krijohet një lloj kundër-strategjie e cila në bashkëpunim me shoqërinë civile, mediat dhe po ashtu akterë të cilët janë me interes në Kosovë, ta mbajnë masën e paprekshme nga kjo lloj propagande dhe nga kjo lloj lufte hibride që është duke ndodhur. Ndoshta nevoja imediate që duhet të ndërhyhet është çështja e rrjeteve sociale dhe çështja e mediave ku shumë media të paidentifikuara apo pa pronarë dhe po ashtu rrjete sociale të ndryshme, janë duke manipuluar publikun dhe ne i kemi vërejtur këto që ka jashtëzakonisht shumë shpërndarje, like dhe komente të cilat janë duke përçarë masën dhe duke e shtyrë përpara interesat e Serbisë kundrejt Kosovës”, ka shtuar ai.
Edhe hulumtuesi në Hibrid Info, Festim Rizanaj, ka vlerësuar se deklaratat e Vuçiqit kanë ndikuar në përhapjen e narrativave të rrezikshme.
Këto deklarata, sipas tij, krijojnë panik te komuniteti serb në Kosovë, të cilët Rizanaj i këshiloonn që këto narrativa t’i verifikojnë dhe të përdorin më shumë burime të besueshme të informacionit.
“Në momentin që Vuçiç është deklaruar se Kosova po armatoset për ta sulmuar Serbinë, këto narrative janë amplifikuar edhe nga personalitete të tjera, njëkohësisht edhe media të tjera, me qëllim që në një farë forme kjo ndikon në konsumin e brendshëm, krijon një lloj viktimizimi se Kosova po armatoset me qëllim. Njëkohësisht ka qarkulluar edhe narrative se kjo e dëmton edhe sigurinë e serbëve në Kosovë... 1:25 Këto janë të rrezikshme sepse krijojnë panik, kryesisht te komuniteti serb në Kosovë sepse ata në bazë të informacioneve që kemi kryesisht informohen nga mediat në Serbi dhe nuk i përdorin mediat kredibile që janë në Kosovë. kjo mund të krijojë te ta një lloj panike, njëkohësisht edhe mund t'i dezinformojë serbët në Serbi lidhur me zhvillimet në Kosovë...2:02 Duhet t'i verifikojnë këto narrativa, njëkohësisht duhet të përdorin edhe më shumë burime të informacionit të lidhur me tema të tilla të sigurisë”, ka thënë Rizanaj.
Ndërkohë, Ministria e Mbrojtje i ka cilësuar deklaratat e presidentit serb si të pavërteta dhe tendencioze.
Zëdhënësja e kësaj ministrie, Liridona Gashi, në një përgjigje për KosovaPress ka theksuar se zhvillimi i FSK-së nuk ka plane kërcënuese.
“Forca e Sigurisë së Kosovës po zhvillon kapacitetet e saj për qëllime mbrojtëse, në përputhje me Kushtetutën e Republikës së Kosovës dhe standardet e NATO-s, si dhe në koordinim të plotë me partnerët tanë ndërkombëtarë. FSK-ja nuk është dhe nuk do të jetë e orientuar ndaj kërcënimit apo sulmit ndaj asnjë shteti. Përkushtimi ynë ndaj vlerave perëndimore dhe paqes dëshmohet edhe nga fakti se të gjitha prokurimet ushtarake realizohen në mënyrë transparente me shtetet anëtare të NATO-s për dallim nga Serbia”, është shprehur ajo.
Në Këshillin për Siguri Kombëtare në Serbi, presidenti Vuçiq ka thënë se procesi i transformimit të FSK-së po zhvillohet me mbështetje nga fuqi të mëdha perëndimore dhe Turqia, sipas tij në shkelje të Rezolutës 1244 të Këshillit të Sigurisë të OKB-së.
“Neve na shqetëson veçanërisht armatosja e mëtejme e Prishtinës, në kundërshtim me Kartën e OKB-së, Rezoluta 1244 është pezulluar de facto, edhe pse jo de jure; de facto ajo është pezulluar nga fuqitë e mëdha perëndimore dhe nga disa aktorë rajonalë si Turqia. Ata po e armatosin Prishtinën me shpejtësi, ndërsa një kërcënim të veçantë për sigurinë, integritetin territorial dhe sovranitetin e Serbisë përbën aleanca apo koalicioni i sapokrijuar i Prishtinës, Tiranës dhe Zagrebit, i cila përfshin edhe prodhimin e përbashkët të sistemeve komplekse luftarake, nga automjete me katër rrota aktive deri te idetë për mjete dhe armë më të fuqishme në të ardhmen”, ka thënë Vuçiq.
Institucionet e Kosovës theksojnë se Rezoluta 1244 nuk ndalon krijimin apo zhvillimin e Forcës së Sigurisë së Kosovës, ndërsa zhvillimi i saj po bëhet në përputhje me Kushtetutën e Republikës së Kosovës dhe në koordinim me partnerët ndërkombëtarë, përfshirë NATO-n.
Në anën tjetër, Serbia vazhdon ta konsiderojë Rezolutën e Këshillit të Sigurimit si dokument juridik ende në fuqi, duke e përdorur atë si bazë për të kundërshtuar shtetësinë e Kosovës dhe për të argumentuar se transformimi i Forcës së Sigurisë së Kosovës në ushtri bie ndesh me këtë rezolutë.
Mijëra persona u mblodhën në Novi Sad, ku studentët universitarë, të cilët prej më shumë se një viti udhëheqin protesta masive, u zotuan se do të vazhdojnë luftën kundër korrupsionit gjatë qeverisjes së presidentit Aleksandar Vuçiç. Protestuesit brohoritën “hajdutë”, duke akuzuar qeverinë për korrupsion të shfrenuar. Studentët deklaruan se kanë hartuar një plan për rikthimin […]
Autoritetet në Beograd kanë pohuar se Milan Radoiçiq nuk ka urdhëruar vrasjen e Oliver Ivanoviqit. Ata gjithashtu kanë pretenduar se e dinë kush është vrasësi, dhe më pas kanë deklaruar se e dinë se ai mbrohet nga Gjermania – gjë që Gjermania e ka mohuar.
Sot, ata pretendojnë se vrasësi i Ivanoviqit sigurisht nuk është me prejardhje serbe. E vërteta është se, tetë vjet më vonë, ende nuk dihet asgjë, edhe pse ekziston një vendim gjykate në Prishtinë, i cili përfshin, mund të thuhet pa ekzagjerim, personazhe dytësore.
Kush shtiu gjashtë herë Oliver Ivanoviqin në shpinë më 16 janar 2018 – nuk dihet. Po ashtu, nuk dihet kush e organizoi vrasjen dhe me urdhër të kujt, raporton N1.
Por dihet se cilët ishin tre policë në vendin e krimit atë ditë lejuan shkatërrimin e provave. Po ashtu, dihet se një Marko Roshiq e ka ndjekur Ivanoviqin dhe i ka djegur veturën, gjë që, sipas vendimit të gjykatës, ka ndihmuar në kryerjen e vrasjes. Pra, janë gjykuar ndihmësit, por ende nuk dihet kujt po i ndihmonin ata.
“Me jetët tona po luajnë prej vitesh si Beogradi zyrtar, ashtu edhe Prishtina zyrtare dhe komuniteti ndërkombëtar. Dhe me kalimin e kohës jam gjithnjë e më i sigurt se të tria palët dinë gjithçka lidhur me likuidimin e Oliver Ivanoviqit, por për shkak të disa interesa të tjera dhe politikës që zbatojnë ndaj serbëve në terren, vazhdojnë të heshtin”, tha Marko Jakshiq, ish-bashkëpunëtor i Oliver Ivanoviqit.
Gjatë këtyre tetë viteve, Beogradi zyrtar ka folur pak, e disa herë edhe në mënyrë të pamenduar, transmeton Telegrafi.
“Ne e dimë saktësisht kush është vrasësi dhe kemi kërkuar nga organet gjermane, nën mbrojtjen e të cilave është ky person, që të na japin informacion”, deklaroi në vitin 2023 atëherë ministri i Brendshëm, dhe tani ministri i Mbrojtjes, Bratislav Gashiq.
“Ne punojmë shumë seriozisht dhe mendojmë se kemi edhe emrin e vrasësit. Shqiptarët nuk e kanë, ata nuk kanë asnjë ide. Milan Radoiçiq nuk është një “lule”, por sipas të gjitha informacioneve që kemi marrë nga Ministria e Brendshme dhe Agjencia për Informacion dhe Siguri, mund të themi me siguri se ai në asnjë mënyrë nuk ka marrë pjesë në vrasjen e Oliver Ivanoviqit”, deklaroi presidenti i Serbisë, Aleksandar Vuçiq, në korrik 2019.
Megjithatë, kjo “lule” përmendet me emër dhe mbiemër në vendimin e gjykatës. Ai nuk është i akuzuar dhe as i dënuar, por gjykata në Prishtinë e identifikon Milan Radoiçiqin si lider të një grupi kriminal, aktivitetet e të cilit çuan në vrasjen e Ivanoviqit. Sipas kryetares së Kuvendit, nuk ka asnjë mundësi që vrasësi të jetë serb.
Deklarata e saj u bë pas homazheve për Oliver Ivanoviqin, të mbajtura në Katedralen e Shën Savës, në praninë e gruas së tij, Milena Popoviq, dhe të djalit të tyre.
“Vetëm fakti që Prishtina ka sabotuar hetimin dhe nuk ndan asnjë informacion tregon se vrasësi nuk është me prejardhje serbe. Duke ditur çfarë vlerash përfaqëson Prishtina, nëse ata do të kishin pasur ndonjë dyshim se dikush me prejardhje serbe qëndronte pas vrasjes së Oliver Ivanoviqit, ai person prej kohësh do të ishte akuzuar dhe provat do të ishin dorëzuar. Pra, sipas tyre, Prishtina po fsheh dikë tjetër”, tha kryetarja e Kuvendit, Ana Brnabiq.
Nga televizioni Pink, ku disa muaj para vrasjes u transmetua një video që e shënjestroi Ivanoviqin, sot flet edhe presidenti i Serbisë, Aleksandar Vuçiq, duke pohuar se Kosova po përpiqet të fajësojë Beogradin zyrtar për vrasjen.
“Natyrisht, siç e keni parë, ata nuk ia dolën, por më vjen keq që nuk na dhanë asnjë analizë forenzike që e kërkuam nga të huajt, në mënyrë që të mund të ofronim prova për të gjitha përfundimet që kemi arritur rreth organizimit të vrasjes dhe motivit. Nuk na dhanë as imazhe satelitore për shkak të mjegullës që ishte atë ditë… Por besoj se asgjë nuk mund të fshihet përgjithmonë. Nuk ekzistojnë krime të përsosura, ashtu siç e kemi mësuar nga disa krime të tjera në Kosovë, dhe besoj se do të arrijmë ta zbulojmë këtë deri në fund”, tha Vuçiq.
Drejtësia është e ngadaltë, por do të arrihet vetëm kur Aleksandar Vuçiq dhe SNS-i i tij të mos jenë më në pushtet, është i bindur nipi i Oliver Ivanoviqit.
“Problemi vjen ekskluzivisht nga maja e pushtetit, dhe prandaj them – derisa sistemi të mos ndryshojë, derisa SNS-i të mos ndryshojë, derisa dikush tjetër të mos marrë kontrollin e qeverisjes së këtij shteti, absolutisht nuk do të ndodhë asgjë. Derisa kjo të mos ndryshojë, është e pamundur të kërkosh ndonjë të vërtetë, e jo të vërtetën për vrasjen e Oliver Ivanoviqit”, tha Aleksandar Ivanoviq.
Ndërsa përfaqësues të pushtetit në Serbi, ashtu si edhe në vitet e mëparshme, nderuan kujtimin e Ivanoviqit në Beograd, një pjesë e opozitës vendosi lule në vendin e krimit në Mitrovicën e Veriut. /Telegrafi/
Zyrtarët e inteligjencës serbe testuan topa zanorë te qentë në bashkëpunim me shërbimin famëkeq të sigurisë të Rusisë, sipas dokumenteve qeveritare të para nga POLITICO.
Dokumentet serbe konfirmojnë se administrata e presidentit Aleksandar Vuçiq kreu eksperimente me altoparlantë me fuqi të lartë të njohur në gjuhën e folur si topa zanorë, dy javë pasi një demonstratë antiqeveritare në Beograd u ndërpre nga ajo që protestuesit e përshkruan si një shpërthim zanor paralizues, transmeton Telegrafi.
Testimi i përbashkët i armëve zanore te kafshët nxjerr në pah thellësinë e bashkëpunimit të sigurisë midis Rusisë - kundërshtares më të ashpër të BE-së - dhe Serbisë, një kandidate e bllokuar e BE-së, qeveria e së cilës po përballet me një sfidë serioze.
Pajisjet Akustike me Rreze të Gjatë (LRAD) tregtohen për komunikim në distancë të gjatë, por kur përdoren në distancë të afërt, ato mund të rrezikojnë dëmtimin e dëgjimit. Ato janë raportuar gjithashtu se shkaktojnë dhimbje koke, marramendje dhe të përziera. Qeveria ka mohuar vendosjen e topave zanorë te demonstruesit.
Serbia është në kthetrat e lëvizjes së saj më të madhe protestuese në dekada. Për më shumë se një vit, dhjetëra mijëra njerëz - herë pas here qindra mijëra qytetarë - kanë dalë në rrugë në të gjithë vendin, duke organizuar tubime të rregullta mbarëkombëtare që pasqyrojnë zemërimin në rritje ndaj qeverisë.
Më 15 mars 2025, gjatë njërës prej demonstratave më të mëdha, një zhurmë e papritur dhe therëse përshkoi bulevardin kryesor të Beogradit, duke bërë që një valë njerëzish të fshiheshin.
Videot e filmuara nga kënde të shumta tregojnë trazirat që përshkojnë turmën e mbushur plot e për së gjati, përpara se njerëzit të largoheshin me panik.
Demonstruesit që mbërritën në dhomat e urgjencës së Beogradit raportuan të përziera, të vjella, dhimbje koke dhe marramendje. Ata raportuan se kishin dëgjuar një zhurmë si "një grup motoçiklistësh" ose një "lokomotivë" që po shkonte në drejtim të tyre.
Pasi fillimisht hodhi poshtë akuzat se autoritetet kishin vendosur një top zëri, Vuçiq tha se "një hetim i plotë do të kryhet brenda 48 orëve dhe më pas të gjithë ata që janë përgjegjës për trillime dhe gënjeshtra të tilla brutale do të mbahen përgjegjës para autoriteteve".
Ministri i Brendshëm, Ivica Daçiq gjithashtu mohoi çdo shkelje, duke këmbëngulur se Serbia "nuk përdori asnjë mjet të paligjshëm, përfshirë një të ashtuquajtur top zëri".
Një muaj pas protestës, agjencia e inteligjencës serbe, BIA, publikoi një raport që e kishin porositur nga Shërbimi Federal i Sigurisë (FSB) i Rusisë, duke pohuar se pajisjet me decibel të lartë "nuk u përdorën gjatë protestave" dhe duke arritur në përfundimin se nuk kishte pasur ndonjë "ndikim masiv psikologjik, moral dhe fizik tek njerëzit".
Testet në kafshë u kryen si pjesë e hetimit pas protestës, sipas dokumenteve të para nga POLITICO, të cilat u prodhuan nga BIA dhe një ministri qeveritare.
Qëllimi ishte të vlerësohej nëse simptomat e përshkruara nga protestuesit ishin në përputhje me efektet e topave zanorë, të cilët zyrtarët serbë kishin pranuar më parë se policia i zotëronte.
Rreth dy javë pas protestës, specialistët e inteligjencës serbe dhe ruse mblodhën një grup qensh në një vend testimi të BIA-s, për të vlerësuar "efektin e emetuesve në objektet biologjike". Qentë u zgjodhën si subjekte testimi për shkak të "ndjeshmërisë së tyre të lartë ndaj efekteve akustike".
Kafshët u testuan me dy modele LRAD — LRAD 100X MAG-HS dhe LRAD 450XL — të prodhuara nga kompania me seli në Kaliforni, Genasys, në "diapazone prej 200, 150, 100, 50 dhe 25 metrash", sipas dokumenteve.
Fletët e të dhënave për modelet e vendosura tregojnë se ato mund të lëshojnë tinguj deri në 150 decibel, ekuivalenti i një motori reaktiv në ngritje.
Dokumentet gjithashtu sugjerojnë se testet mund të jenë kryer pa miratimet e kërkuara për eksperimentet në kafshë.
"Ministria e Bujqësisë, Pylltarisë dhe Menaxhimit të Ujërave nuk ka informacion nëse janë kryer teste të efekteve të LRAD 100H dhe LRAD 450XL, si dhe teste të tjera të efekteve të pajisjeve të tjera te qentë", thuhet në dokumente.
"Kjo Ministri nuk ka marrë kurrë një kërkesë për miratim për të kryer teste te kafshët, dhe për këtë arsye nuk është lëshuar asnjë vendim që miraton testin në fjalë, si dhe teste të tjera të ngjashme", vazhduan ata.
Danilo Qurçiq, avokat serb i të drejtave të njeriut, tha se qentë iu “nënshtruan ose eksperimenteve ose abuzimit”, siç përcaktohet sipas Aktit të Mirëqenies së Kafshëve të Serbisë.
Ai tha se ligji serb kërkon që eksperimentet në kafshë të regjistrohen paraprakisht dhe të miratohen nga organet kompetente - duke përfshirë shqyrtimin nga një komision etik - dhe ndalon në mënyrë të qartë testimin në kafshë për “testimin e armëve dhe pajisjeve ushtarake”.
Radomir Lazoviq, një politikan i opozitës, i përshkroi testet si “pjesë të një fushate nga Aleksandar Vuçiq për të mbuluar përdorimin e topave zanorë kundër popullit të tij në protestat e marsit”.
“Mijëra njerëz ndjenë efektet masive të kësaj arme zanore në lëkurën e tyre vitin e kaluar”, tha ai.
Në raportin e tyre në lidhje me eksperimentet me qen, FSB këmbënguli: “Kur transmetuan sinjalet bazë dhe të testimit, objektet biologjike (qentë) nuk ndjenë shqetësim (ndryshime në sjellje) në distancën nën hetim. Qentë u kontrolluan 3 ditë pas testeve dhe nuk treguan ndonjë ndryshim në gjendjen e tyre”. /Telegrafi/
Ish-këshilltari për Sigurinë Kombëtare i presidentit Donald Trump, John Bolton, deklaroi se politika e Shteteve të Bashkuara për shpalljen e personave “non grata” nuk përdoret si mjet për goditje politike, por bazohet vetëm në interesat e sigurisë kombëtare amerikane.
I ftuar në emisionin “Off the Record” - A2CNN, Bolton theksoi se vendimet për sanksionime dhe shpallje “non grata” merren mbi baza faktike dhe gjeopolitike, dhe jo si rezultat i lobimeve apo debateve të brendshme politike në vendet e prekura.
Sipas tij, edhe pse këto vendime mund të kenë pasoja politike lokale, kjo nuk është arsyeja që i motivon Shtetet e Bashkuara.
Duke folur për marrëdhëniet Kosovë–Serbi, Bolton sqaroi se administrata e parë Trump mbështeste idenë që palët vetë të gjenin një zgjidhje të përhershme, pa imponim nga jashtë.
Ai tha se SHBA nuk ishte kundër përshtatjes së territoreve, për sa kohë që kishte dakordësi mes dy vendeve dhe gjithçka bëhej brenda kuadrit ligjor.
Sipas Bolton, zgjidhja përfundimtare është thelbësore për të shmangur ndërhyrjen e aktorëve të jashtëm që synojnë destabilizimin e Ballkanit.
Bolton vlerësoi se rreziku i paqëndrueshmërisë në Ballkan mbetet real, sidomos në kontekstin e luftës në Ukrainë dhe ambicieve të Rusisë.
Ai theksoi se stabiliteti i rajonit është në interes të SHBA-ve dhe se NATO mbetet shtylla kryesore e sigurisë, pavarësisht sfidave aktuale në marrëdhëniet transatlantike.
Një ndejë tradicionale e organizuar nga serbët për Vitin e Ri në Zagreb të Kroacisë, ku performoi këngëtarja serbe Snezhana Gjurishiq ka nxitur shumë reagime në Kroaci për shkak të një kënge për Kosovën.
Pjesë nga kjo këngë u shpërndanë menjëherë në ballinat e tabloideve serbe. “Kudo që shkoj, kthehem te ti sërish. Kush mund të ma vjedhë Kosovën nga shpirti”, janë pjesë nga kënga e Vidovdanit, që tash i ka kushtuar këngëtares Gjurishiq.
Pos marrjes së vëmendjes mediatike, Këshilli Kombëtar Serb tani po përballet me padi nga këshilltari i qarkut Vukovar-Srijem, Nikola Kajkiq. “Gjatë asaj mbrëmjeje, performues nga Serbia dhe muzikantë nga Serbia interpretuan këngë të ndryshme që kishin elemente dhe karakteristika të kundërvajtjes dhe veprës penale të nxitjes së urrejtjes e përçarjes në baza kombëtare e fetare”, ka thënë ai, raporton Koha.net.
E këngëtarja Gjurishiq e pyetur për këtë ka thënë se është pritur mirë nga publiku teksa ka shtuar se është ajo që duhet të ngrejë padi ndaj Kajkiqit “për fjalët e rënda”.
“Sepse e kam kënduar këngën time që nuk e ofendojnë askënd. Dhe kushdo që e quan atë mbrojtës, lëreni ta mbrojë veten dhe ta pastrojë shpirtin nga urrejtja që ka ndaj njerëzve”, ka thënë ajo për RTL Danas.
“Mbrëmja Serbe”, që organizohet tradicionalisht nga Këshilli Kombëtar Serb në Kroaci, është një prej mbledhjeve më të mëdha të komunitetit serb në Kroaci dhe financohet pjesërisht me para të shtetit.
Edhe ambasadori i Kosovës në Kroaci, Martin Berishaj, është pyetur për këtë çështje. Ai ka thënë se Kosova e Kroacia kanë raporte të shkëlqyeshme që s’mund të dëmtohen nga ngjarje të tilla. “Është e parëndësishme të komentoj mbi një këngë që u këndua në një hapësirë të mbyllur para një shoqërie që dihet se çka mendojnë për Kosovën”, ka thënë ai.
Alba dhe Bia kanë vendosur të ulen dhe të sqarojnë situatën mes tyre. Përplasja e javës së kaluar, e cila kishte tërhequr vëmendje të madhe brenda shtëpisë, duket se ka marrë një kthesë më të qetë, me të dyja vajzat që kanë reflektuar mbi atë që ndodhi. Gjatë bisedës, Bia u shpreh e penduar për debatin dhe pranoi se përplasja kishte ardhur për një histori që tashmë i përket së kaluarës.
Drejtori i Institutit Octopus, Arben Fetoshi, ka paralajmëruar për një ofensivë të koordinuar propagandistike të Serbisë, e cila, sipas tij, paraqet rrezik serioz për stabilitetin dhe sigurinë në Kosovë.
Fetoshi ka theksuar se Serbia po e kornizon çdo incident në Kosovë si sulm etnik ndaj serbëve, duke ndërtuar një narrativë të rrezikshme të “viktimizimit”, e cila synon të paraqesë shqiptarët si agresorë dhe institucionet e Kosovës si burim dhune.
“Një ofensivë propagande e Serbisë që duhet të merret si alarm nga institucionet e Kosovës dhe komuniteti ndërkombëtar, për shkak të prapavijës së rrezikshme të ‘viktimizimit’”, ka shkruar Fetoshi.
Sipas tij, përmes narrativave si “valë e histerisë anti-serbe”, “sulm etnik” dhe “dhunë e falangave të Kurtit”, Serbia po përpiqet të legjitimojë ndërhyrjen e saj në Kosovë, duke pretenduar se ndërkombëtarët po heshtin përballë këtyre zhvillimeve.
Ai ka shtuar se kjo strategji synon jo vetëm kriminalizimin e Kosovës, por edhe nxitjen e tensioneve etnike dhe krijimin e një preteksti për ndërhyrje, ndërkohë që mediave u furnizohen “burime dhe deklarata” të harmonizuara me këtë narrativë propagandistike.
“Ky agresivitet i koordinuar propagandistik i Serbisë duhet të trajtohet si kërcënim serioz, veçanërisht në kontekstin e ‘rrethimit ndërkombëtar’ që ajo po përjeton kohët e fundit”, ka theksuar Fetoshi.
Në përfundim, ai vlerëson se Serbia po e përdor ‘viktimizimin’ si instrument nxitës dhe si paravan për ndërhyrje, duke e bërë të domosdoshëm reagimin e institucioneve të Kosovës dhe vëmendjen e shtuar të bashkësisë ndërkombëtare.
Rasti i Milan Vukashinoviqit nga Leposaviqi, i cili u plagos rëndë në rrethana ende të paqarta në fillim të nëntorit të vitit të kaluar pranë fshatit Jelakcë, vazhdon të tërheqë vëmendjen e publikut.
Ndërkohë që institucionet kompetente të Serbisë vazhdojnë të shmangin deklaratat zyrtare dhe dhënien e informacionit konkret, personat që ndjekin dhe hetojnë këtë ngjarje kanë marrë edhe kërcënime.
Detajet e ngjarjes së 1 nëntorit u rrëfyen nga vetë i plagosuri Vukashinoviq gjatë dëshmisë së tij para prokurorit, të cilën e kishte Nova.rs. Konkretisht, më 12 dhjetor ai dëshmoi para prokurorit të lartë publik në Prokuple, në spitalin e burgut në Beograd, duke përshkruar në detaje ngjarjen kur u qëllua me armë në shpinë pranë fshatit Jelakcë.
Sipas fjalëve të tij, atë ditë ai ishte planifikuar të takohej me Dragomir A. në territorin e Kosovës, me të cilin kishte pasur takime edhe më parë në atë zonë. Dragomir A. ishte duke i sjellë mjaltë dhe raki, transmeton Telegrafi.
Rreth orës 11:00, teksa po lëvizte në një rrugë alternative, automjeti i Vukashinoviq u përplas me një pemë që ishte vendosur tërthorazi në rrugë, por ai nuk ndaloi dhe vazhdoi udhëtimin.
“Kur dola nga rruga në një livadh, disa persona me vetura më rrethuan dhe filluan të qëllonin. Në një moment e kuptova se po qëllonin drejt meje dhe ndjeva se isha goditur. Atëherë, në një çast, fluturova jashtë përmes xhamit të përparmë", deklaroi Vukashinoviqi gjatë dëshmisë së tij.
Ai shtoi se, pasi kishte dalë nga automjeti, iu afruan persona të panjohur, e dërguan te automjeti i Dragomir A., i cili ndodhej në livadh, dhe me atë mjet e transportuan në spitalin e Prokuples. Pas marrjes së ndihmës së parë, Vukashinoviqi u transferua në Qendrën Klinike të Nishit, ku qëndroi i shtruar deri në mesin e nëntorit, më pas u transferua në Burgun Qendror.
Vukashinoviqi pësoi lëndime të rënda trupore nga të shtënat; plumbi ende ndodhet në shtyllën kurrizore, gjë që, siç thotë ai, e mban të lidhur pas shtratit. Në Nish iu hoq një veshkë, ndërsa po ashtu pësoi edhe frakturë të kyçit të këmbës së djathtë.
Në dëshminë e tij, ai mohoi pretendimet e kallëzimit penal të 1 nëntorit, duke pohuar se nuk ka kryer veprën penale për të cilën akuzohet, pasi iu lexua urdhri për zhvillimin e hetimit.
Duke folur për jetën e tij në Kosovë, Vukashinoviqi tha se jeton atje që nga lindja dhe se për vite me radhë kishte tentuar pa sukses të punësohej, duke iu drejtuar, ndër të tjerëve, edhe përfaqësuesve të Listës Serbe. Pasi nuk mori ndihmë në vitin 2015, ai iu drejtua institucioneve të Kosovës.
Definitivno je Srbin MILAN VUKAŠINOVIĆ streljan srpskim metkom, kao životinja!
Danas je pronađen MILANOV automobil koji je uništen prilikom napada na njega!
Pozivam Eulex i Kfor da izvrše uviđaj lica mesta, ali MEĐUNARODNU ZAJEDNICU da reaguje, jer ovo je "Banjska 2" 👇 pic.twitter.com/ztAVY40xUS — Ivan Ninić (@INinic) November 8, 2025
Informacionin e parë për plagosjen e Vukashinoviqit e publikoi në rrjetin social X avokati i familjes, Ivan Niniq, duke ngritur një sërë pyetjesh lidhur me rrethanat e të shtënave. Sipas pretendimeve të paraqitura nga Niniqi, Vukashinoviqi u plagos në shpinë, ndërsa dyshohet se në incident ishin të përfshirë persona të veshur me uniforma ushtarake, pa asnjë shenjë dalluese, në xhipa pa targa regjistrimi.
Deri më sot, nuk janë bërë publike informacione zyrtare për këtë rast, dhe opinioni mbetet pa përgjigje për pyetjet se kush ka qëlluar, pse dhe me urdhër të kujt.
Ende në paraburgim, në spital – avokati i ka shkruar SUK-ut
Vukashinoviqi vazhdon të ndodhet në spitalin e burgut në Beograd, me plumbin që i ka mbetur ende në shtyllën kurrizore, ndërsa masa e paraburgimit ndaj tij mbetet ende në fuqi. Deri tani, ai është marrë në pyetje nga organet kompetente, ndërsa, sipas informacioneve jozyrtare të Nova.rs, nëna e tij e ka vizituar vetëm një herë.
Avokati i familjes Vukashinoviq ka paraqitur kallëzim pranë Sektorit të Kontrollit të Brendshëm të MPB-së kundër personave NN, pjesëtarë të Ministrisë së Punëve të Brendshme të Serbisë. Sipas kallëzimit, më 1 nëntor 2025, pranë fshatit Jelakcë, pa shenja policore, pa targa regjistrimi dhe pa asnjë paralajmërim, ata hapën zjarr ndaj një automjeti në lëvizje.
Në kallëzim thuhet se drejt automjetit që drejtohej nga Vukashinoviqi u shkrepën më shumë se 25 plumba, duke i shkaktuar lëndime të rënda kërcënuese për jetën, përfshirë një plagë depërtuese në shtyllën kurrizore, me plumb që ende ndodhet në trup, gjë që e mban të lidhur përjetësisht pas shtratit spitalor. Kallëzimi thekson se me këtë akt janë shkelur rëndë rregullat e shërbimit policor dhe se ekzistojnë baza dyshimi për veprën penale të vrasjes së rëndë në tentativë.
Nga ana tjetër, Prokuroria e Lartë Publike në Krushevc, e cila ka marrë përsipër kallëzimin penal nga Prokuroria e Lartë Publike e Prokuples, deri më sot nuk e ka kontaktuar mbrojtjen lidhur me hetimet.
Shërbimet serbe të sigurisë kanë heshtur për këtë rast, derisa mediat pro-regjimit raportuan një informacion se pjesëtarë të Agjencisë së Sigurisë dhe Informacionit (BIA), në bashkëpunim me organe të tjera shtetërore, arrestuan dy persona në zonën e Rashkës nën dyshimin për spiunazh. Sipas raportimeve, të ndaluarit dyshohet se gjatë një periudhe më të gjatë kanë mbledhur informacione konfidenciale me rëndësi për sigurinë e Republikës së Serbisë dhe i kanë përcjellë ato shërbimeve inteligjente shqiptare.
“Hetimi ka zgjatur disa muaj, ndërsa arrestimi është vazhdim i aksionit të 1 nëntorit, kur në vijën administrative u arrestua Milan Vukashinoviq”, raportuan mediat pro-regjimit, duke shtuar se Vukashinoviqi kishte tentuar të ikte, por shërbimet serbe të sigurisë kishin përdorur armë zjarri dhe ai u plagos.
Nga ana tjetër, edhe Policia e Kosovës ka reaguar disa ditë pas ngjarjes, duke pohuar se shërbimet serbe e kishin rrëmbyer Vukashinoviqin.
“Më datë 01.11.2025, Policia e Kosovës ka pranuar informacion se në zonën e Leposaviqit dyshohet se një person (M.V.) shtetas i Kosovës me përkatësi etnike serbe, është plagosur dhe është rrëmbyer brenda territorit të Kosovës nga ana e Xhandarmërisë së Serbisë”, thuhej në njoftimin e Policisë së Kosovës.
Njëkohësisht, autoritetet në Kosovë po kryejnë ekspertizën e telefonave të Vukashinoviqit të plagosur – njëri i gjetur në automjet dhe tjetri në shtëpinë familjare.
Ndërkaq, më herët, Milan Vukashinoviqi kishte qenë në 'llupën" e mediave pro-regjimit serb për shkak të përplasjes së tij me Listën Serbe. /Telegrafi/
Në shtëpinë e Big Brother VIP Kosova 4, një bisedë e drejtpërdrejtë mes Labinot Rexhës dhe Limit ka tërhequr vëmendje, pasi u prek tema e hyrjes së tij në BBVK dhe njohja me Bia Khalifën.
Gjatë diskutimit, Labinoti e pyeti Limin për rrethanat e këtij takimi, ndërsa banori vendosi të rrëfejë publikisht një histori nga e kaluara, duke insistuar se nuk po bën “lojë” me askënd. “Çdo gjë është real, s’kam kohë me bë lojë me askënd. A di si e kam njohur Bian, ishim te puna, dhe ishim me shokë, dhe pimë u bëmë tap. Ka 4 e 5 vjet. Dhe ikën krejt në shpia”, u shpreh ai.
Më tej, Limi tregoi se pas largimit nga puna, rruga e tij kishte marrë një kthesë të papritur. “Dhe u nisa për te shpia, por u ndala në strip klub. Edhe hy në Instagram, t’u pa këtu shoh Bia Khalifa që më ka bërë follow. Kur shoh direkt po më shkruan. Dhe erdhi në klub, dhe vazhdova party”.
Në këtë moment, në bisedë ndërhyri edhe Benita, e cila e komentoi situatën me një vërejtje të prerë: “Mos e ngatërroni të dashur, me një natë. S’është i dashur kur je një natë”.
Ndërkohë, sipas asaj që u la të kuptohet në shtëpi, Limi tani po e orienton vëmendjen drejt një tjetër banoreje, Dolces, duke lënë pas diskutimin për Bian.
Tonino Picula, raportues i Parlamentit Evropian për Serbinë, ka reaguar ndaj një deklarate të presidentit të Serbisë, Aleksandar Vuçiq, i cili tha se ashkush në shtetin serb nuk dëshiron të takohet me përfaqësuesit e delegacionit të Parlamentit Evropian sepse “po vijnë pa ftuar” në Beograd.
Picula i tha televizionit “Nova” se nuk është e vërtetë që delegacioni i Parlamentit Evropian po shkon të paftuar në Beograd. Ai tha se ambasada e Serbisë në Bruksel është informuar dhe që delegacioni i Bashkimit Evropian në Beograd ka punuar në programin e takimit paraprakisht.
Ai shpjegoi se kjo është praktikë e zakonshme e Parlamentit Evropian dhe se nuk ka asgjë të jashtëzakonshme në këtë vizitë, përveç reagimit të autoriteteve serbe dhe situatës në vend. Qëllimi i delegacionit – i përbërë nga deputetë të partive të ndryshme në Parlamentin Evropian – është të bisedojë drejtpërdrejt me njerëz që përfaqësojnë ndjenjat e qytetarëve të Serbisë dhe të fitojë një pamje më të plotë të situatës në vend.
Picula tha se autoritetet serbe duket se kanë zgjedhur këtë bojkot të takimit, që ai e konsideron një mënyrë për të shmangur dialogun me ata që janë kyç për vendimmarrjen rreth anëtarësimit të Serbisë në Bashkimin Evropian.
Ai theksoi gjithashtu se dokumentet e pranimit midis BE‑së dhe Serbisë, si për çdo vend kandidat, duhet të verifikohen nga Parlamenti Evropian, për çka ky takim ka rëndësi.
Në vijim të intervistës, Picula shtoi se Evropa pret që ky takim të japë informacione të qarta dhe një pamje më të mirë të perspektivës së Serbisë në rrugën drejt BE‑së, si nga ata që janë në pushtet, ashtu edhe nga përfaqësues të komunitetit akademik.
Ai gjithashtu përmendi se kjo mosdakordësi për takimin nuk është diçka e re për të, por këtë herë mesazhi ka peshë më të madhe, sepse bëhet fjalë për refuzimin e bisedimeve me përfaqësues të Partisë Popullore Evropiane, e cila ka lidhje me një pjesë të partisë në pushtet në Serbi.
Ndryshe, kryetarja e parlamentit serb, Ana Brnabiq ka thënë se delegacioni vjen “pa ftesë” dhe se ajo nuk do të takohet me ta, pasi gjatë vizitës së tyre do të jetë në Estoni. /Telegrafi/
Kryeministri Edi Rama tha se përmes hidrocentraleve, synon të shesë energji të rinovueshme në shtetet e Bashkimit Evropian, përmes projektit të përbashkët me Italinë dhe Emiratet e Bashkuara Arabe.
“Ne kemi 100% energji të ripërtëritshme. Nuk kemi energji nga karburantet fosile. Ne varemi nga humori i Allahut. Kur Allahu qesh shumë dhe nuk qan, atëherë nuk kemi shi dhe duhet t’i drejtohemi importit. Vitet e fundit kemi investuar shumë në energji diellore dhe atë të erës”, tha Rama në fjalën e tij në panelin Samitit të Javës së Zhvillimit të Qëndrueshëm në Abu Dabi.
“Plani po ecën mirë dhe besojmë se në fund të vitit 2028 do të jemi plotësisht sovran. Nuk do të blejmë më energji nga jashtë. Ndërkohë kemi edhe një bashkëpunim strategjik. Ambicia jonë është që së bashku me Emiratet e Bashkuara Arabe dhe Italinë, të kemi një bashkëpunim trepalësh, të krijojmë një bazë të ngarkesës në Shqipëri. Dr Sulltani, zoti e bekoftë, po synon që të mbërrijmë në 3 Giga dhe përmes kabullit ndërlidhës me Italinë, t’i shërbejmë Evropës me energji të gjelbër dhe sigurisht së bashku me miqtë tanë arabë të bëjmë para, për t’ia shitur pra Europës”, shtoi Rama. (A2 Televizion)
Login
