Do të ketë pasoja serioze nëse udhëheqësit e Bashkimit Evropian nuk arrijnë të gjejnë një zgjidhje për mbështetjen e vazhdueshme financiare për Ukrainën, tha kryeministri polak, Donald Tusk ndërsa mbërriti në samitin e BE-së në Bruksel.
BE-ja është nën presion për të gjetur një mënyrë për të mbuluar nevojat financiare dhe ushtarake të Kievit, ndërsa skemat aktuale të financimit përfundojnë në muajt e ardhshëm.
Propozimi më i diskutuar i financimit përfshin vënien në dispozicion të aseteve të ngrira ruse për Ukrainën, sipas sanksioneve të BE-së si një kredi, të cilën Kievi do të duhej ta shlyente vetëm nëse Rusia do të bënte dëmshpërblime pas luftës.
Por, Belgjika, ku mbahen asete ruse të ngrira me vlerë afërsisht 185 miliardë euro (217 miliardë dollarë) nga një total prej 210 miliardë eurosh ka kundërshtuar planin e BE-së, duke përmendur rreziqe ligjore dhe financiare.
“Mendoj se të gjithë udhëheqësit evropianë duhet më në fund të ngrihen në këtë rast”, tha Tusk.
Duke iu drejtuar parlamentit belg, kryeministri belg Bart De Wever përsëriti shqetësimet e tij dje në mëngjes dhe kërkoi që BE të merrte një borxh të përbashkët për të financuar Ukrainën.
Kryeministri i Polonisë, Donald Tusk, ka deklaruar të enjten se pavarësia e shtetit të tij do të rrezikohej, nëse Ukrainë do të detyrohej të kapitullonte.
Ai u ka thënë gazetarëve gjatë një takimi të liderëve të BE-së në Bruksel lidhur me financimin e Ukrainës se udhëheqësit janë të angazhuar “në një proces shumë të vështirë” të përpjekjes për të arritur një marrëveshje, me një grup vendesh më kritike “teorikisht më të rrezikuara nga një lloj veprimi hakmarrës ose financiar nga Rusia”, e që është kryesisht Belgjika.
Ai thotë se ata po kërkojnë mënyra për t’i bërë të gjitha vendet të ndihen rehat me atë që po propozohet.
Por ai ka shtuar se edhe Polonia do të rrezikohej nëse Ukraina do të detyrohej të kapitullonte, si pasojë e mosveprimeve nga Evropa.
“Pavarësia polake do të ishte nën kërcënim nëse rezulton se si pasojë e vendimeve të dobëta ose mungesës së veprimit nga Evropa, Ukraina do të detyrohej të dorëzohet nga lufta”, ka deklaruar ai.
Bisedimet diplomatike të paqes me pasojat më të mëdha të 80 viteve të fundit kanë ecur përpara me një ritëm jashtëzakonisht të ngadaltë. Por oferta e fundit e Ukrainës për të hequr dorë nga përpjekja e saj për t’iu bashkuar NATO-s në këmbim të garancive perëndimore të sigurisë mund ta ndryshojë këtë. Presidenti ukrainas Volodymyr […]
Nëse Rusia sulmon përsëri Ukrainën, Shtetet e Bashkuara do t'i përgjigjen ushtarakisht agresorit, tha kryeministri polak Donald Tusk, i cili mori pjesë në samitin e Berlinit për paqen në Ukrainë.
"Për herë të parë, dëgjova negociatorët amerikanë të thoshin, dhe Steve Witkoff ishte i prerë këtu: Amerika do të përfshihet në garancitë e sigurisë për Ukrainën në një mënyrë të tillë që rusët të mos kenë dyshime, se në rast të shkeljes së armëpushimit përgjigja e SHBA-së do të jetë ushtarake", tha kryeministri polak, transmeton Telegrafi.
Tusk e quajti një fakt që "ndoshta për herë të parë ishte kaq qartë e dukshme që amerikanët, evropianët dhe Ukraina janë të gjithë në të njëjtën anë."
Kryeministri polak theksoi gjithashtu se e vetmja mënyrë e vërtetë për ta detyruar Rusinë të hyjë në bisedime serioze për t'i dhënë fund luftës, ose të paktën për të rënë dakord për një armëpushim, është që i gjithë Perëndimi të veprojë së bashku.
"Ne duhet të veprojmë si aleatë përkrah amerikanëve dhe ukrainasve në mënyrë që rusët dhe Putini të shohin se është e pamundur të fusim një pykë midis këtyre tre palëve", vuri në dukje Tusk. /Telegrafi/
Kryeministri polak, Donald Tusk, ka thënë se udhëheqësit e BE-së që morën pjesë në një takim joformal në Angola patën një diskutim “serioz” mbi bisedimet e paqes në Ukrainë, duke rënë dakord se 28 pikat e propozuara nga SHBA-ja dhe Rusia “duhet të ripërpunohen” pasi disa nga ato janë “të papranueshme”.
Duke folur nga Luanda, ai ka thënë se ishte veçanërisht e rëndësishme që asnjë marrëveshje të mos e dobësonte sigurinë e gjerë të Polonisë dhe të Evropës.
Tusk ka shtuar se zgjidhja e paqes nuk duhet të “favorizojë agresorin”.
“Nuk mund të ndodhë që Evropa të përfundojë duke paguar për veprimet e Rusisë”, ka thënë ai.
Tusk ka thënë gjithashtu se BE-ja është e qartë se nuk do të bie dakord për kufizimin e numrit të ushtarëve në forcat e armatosura të Ukrainës. Kryeministri polak ka shtuar se bisedimet mbeten “delikate”, pasi udhëheqësit evropianë janë të etur ta mbajnë SHBA-në në anën e tyre.
Tusk ka theksuar gjithashtu se sanksionet e vendosura ndaj Rusisë po funksionojnë dhe se ato duheshin mbajtur në fuqi për ta detyruar Rusinë të hynte në një marrëveshje paqeje.
“Çdo marrëveshje paqeje për Ukrainën duhet të forcojë, jo të dobësojë, sigurinë tonë”, ka thënë ai.
Ka pasur shumë raporte kontradiktore rreth asaj se kush e shkroi planin me 28 pika për t'i dhënë fund luftës në Ukrainë, i cili shihet gjerësisht se favorizon Rusinë pasi mbështet disa nga pozicionet kryesore maksimaliste të Moskës, shkruan The Guardian.
Një grup senatorësh amerikanë thonë se Marco Rubio u tha atyre se plani në fakt nuk është një propozim amerikan dhe nuk pasqyron qëndrimin zyrtar të Uashingtonit, pretendime të cilat janë kundërshtuar shumë nga departamenti i shtetit i SHBA-së.
Senatorët pretendojnë se Sekretari i Shtetit u tha atyre se ishte një plan rus i zbuluar nga një përfaqësues i Moskës, që SHBA-të kishin rënë dakord ta kalonin në Ukrainë për ta shqyrtuar dhe më pas për t'iu përgjigjur.
"Sekretari Rubio na telefonoi këtë pasdite. Mendoj se na e bëri shumë të qartë se ne jemi marrësit e një propozimi që iu dorëzua njërit prej përfaqësuesve tanë. Nuk është rekomandimi ynë, nuk është plani ynë i paqes. Është një propozim që u pranua", u citua të ketë thënë të shtunën senatori republikan Mike Rounds, i cili është anëtar i komitetit të inteligjencës së Senatit.
“Si ndërmjetës, ne kemi bërë rregullime për ta ndarë atë. Dhe nuk e publikuam”, shtoi ai.
Senatori i pavarur i Maine, Angus King, tha se Rubio u tha atyre se plani “nuk ishte plani i administratës”, por më shumë i ngjashëm me një “listë dëshirash të rusëve”.
Pas komenteve, Rubio iu kundërpërgjigj duke thënë: “Propozimi i paqes u hartua nga SHBA-të. Ai ofrohet si një kornizë e fortë për negociatat e vazhdueshme. Ai bazohet në kontributin nga pala ruse. Por ai bazohet gjithashtu në kontributin e mëparshëm dhe të vazhdueshëm nga Ukraina”.
Kryeministri polak, Donald Tusk, një nga aleatët më të vendosur të Ukrainës, shtoi spekulimet këtë mëngjes, duke thënë në një postim në X se “do të ishte mirë të dihej me siguri se kush është autori i planit dhe ku është krijuar” përpara se të fillojë puna për diskutimin e dispozitave të tij. /Telegrafi/
Ministri i Jashtëm i Polonisë, Radosław Sikorski, tha të mërkurën se do të urdhërojë mbylljen e konsullatës së fundit ruse që ende vepron në vend, pasi autoritetet thanë se inteligjenca ruse dyshohej se qëndronte pas shpërthimit në një linjë hekurudhore në Poloni, i konsideruar si një akt sabotimi.
Sikorski deklaroi se e kishte paralajmëruar vazhdimisht Rusinë se prania e saj diplomatike dhe konsullore do të reduktohej më tej nëse nuk do të ndërpriste veprimet armiqësore kundër Polonisë, raportoi agjencia polake e lajmeve PAP.
"Në lidhje me këtë, megjithëse nuk do të jetë përgjigja jonë e plotë, kam vendosur të tërheq pëlqimin për funksionimin e konsullatës së fundit ruse në Gdansk", tha ai.
Ai shtoi se Moska do të njoftohej zyrtarisht brenda disa orësh, transmeton Telegrafi.
"Këtë herë ishte jo vetëm një akt përmbysjeje, siç ndodhi më parë, por një akt terrori shtetëror pasi qëllimi i tij i qartë ishte të shkaktonte viktima njerëzore", tha Sikorski.
Mbyllja do ta lërë Rusinë vetëm me ambasadën e saj në Varshavë.
Kryeministri i Polonisë, Donald Tusk, e ka përshkruar shpërthimin e fundjavës në një linjë hekurudhore që lidh Varshavën me kufirin me Ukrainën, si një "akt sabotimi të paparë".
Shpërthimi dëmtoi shinat pranë Mikës, rreth 100 kilometra në juglindje të kryeqytetit polak. Askush nuk u lëndua.
Në një incident të veçantë gjatë fundjavës, linjat e energjisë u shkatërruan në zonën e Puławy, rreth 50 kilometra nga Lublini në Poloninë lindore.
I pyetur për komentet e Sikorskit, zëdhënësi i Kremlinit, Dmitry Peskov, tha se "marrëdhëniet e Rusisë me Poloninë janë përkeqësuar plotësisht".
Të martën, Tusk i tha parlamentit polak se dy të dyshuarit kishin bashkëpunuar me shërbimet sekrete ruse për një kohë të gjatë.
Ai tha se identitetet e tyre ishin të njohura, por nuk mund të zbuloheshin për publikun për shkak të hetimit në vazhdim, dhe se dyshja tashmë ishte larguar nga Polonia, duke kaluar në Bjellorusi.
Zyrtarët perëndimorë kanë akuzuar Rusinë dhe përfaqësuesit e saj, për organizimin e dhjetëra sulmeve dhe incidenteve të tjera në të gjithë Evropën që nga pushtimi i plotë i Ukrainës në vitin 2022.
Qëllimi i Moskës, thonë zyrtarët perëndimorë, është të minojë mbështetjen për Ukrainën, të nxisë frikën dhe të ndajë shoqëritë evropiane.
Polonia kishte urdhëruar tashmë mbylljen e dy konsullatave të tjera ruse. Konsullata në Kraków u mbyll më herët këtë vit pasi Polonia përcaktoi se një zjarr që shkatërroi një qendër tregtare në Varshavë në vitin 2024 ishte rezultat i zjarrvënies së urdhëruar nga shërbimi i inteligjencës ruse.
Dhe në vitin 2024, Sikorski urdhëroi mbylljen e konsullatës në Poznań, në përgjigje të akteve të sabotimit, përfshirë zjarrvënies, që ai tha se ishin sponsorizuar nga Moska. /Telegrafi/
Dy qytetarë ukrainas që prej kohësh kanë punuar me inteligjencën ruse, janë identifikuar si të dyshuarit prapa dy akteve të sabotimit në rrjetin hekurudhor të Polonisë, ka njoftuar kryeministri polak Donald Tusk.
Njëri nga dy të dyshuarit tashmë është dënuar në mungesë për akte sabotimit në pjesën perëndimore të Ukrainës, tha Tusk në Parlamentin e Polonisë, transmeton Telegrafi.
Të hënën, Tusk vizitoi skenën ku ka ndodhur shpërthimi në afërsi të Mika, në juglindje të Varshavës, që dëmtoi linjën hekurudhore që çonte në kufirin ukrainas – duke e quajtur “akt të paprecedentë sabotimi”.
Një incident tjetër i ngjashëm ndodhi në afërsi të Pulaw, ku një tren me pasagjerë u ndal befasisht kurse dëmet janë evidentuar në kabllo.
Autoritetet polake fillimisht njoftuan se ekzistonin gjasa të mëdha që aktet e sabotimit janë urdhëruar “nga agjencitë e huaja të inteligjencës”.
Zëdhënësi i Ministrit polak për Shërbime Speciale, theksoi se “gjithçka çon në shërbimet ruse të inteligjencës”. /Telegrafi/
Polonia paralajmëron se Putini po përgatitet për luftë me NATO-n, pasi linja hekurudhore u hodh në erë në një 'akt të paprecedentë sabotimi'
Rusia po përgatitet për luftë kundër NATO-s, paralajmëroi gjenerali më i lartë i Polonisë, pasi një hekurudhë në rrugën për në Ukrainë u dëmtua në një 'akt të paprecedentë sabotimi'.
Shefi i Shtabit të Përgjithshëm të Forcave të Armatosura Polake, Wieslaw Kukula, paralajmëroi se Rusia 'ka filluar periudhën e përgatitjes për luftë' dhe se 'ata po ndërtojnë një mjedis këtu që synon të krijojë kushte të favorshme për agresion të mundshëm në territorin polak'.
Një sulm ushtarak rus ndaj Polonisë do të shkaktonte një përgjigje sipas Nenit 5 të NATO-s - që ka të ngjarë të arrijë në një Luftë të Tretë Botërore.
Gjenerali Kukula shtoi se Rusia është aktualisht e angazhuar në 'një situatë para luftës - ose atë që ne e quajmë luftë hibride', transmeton Telegrafi.
Ai u citua të thoshte: 'Putini po krijon një atmosferë të caktuar këtu që synon të minojë besimin e publikut në qeveri, në strukturat kryesore si forcat e armatosura dhe policia, si dhe të krijojë kushte të favorshme për agresion të mundshëm në territorin polak'.
Ministri i jashtëm i Estonisë, Margus Tsahkna, paralajmëroi në Uashington se ora po ecën që makina ushtarake e Rusisë të kërcënojë drejtpërdrejt shtetet e NATO-s.
Vladimir Putin do të “kthehet në kufijtë tanë baltikë me edhe më shumë trupa dhe pajisje ushtarake sesa kishin para pushtimit në shkallë të plotë” brenda “dy deri në tre vjetësh, ose më pak”, paralajmëroi ai.
Synimet e diktatorit të Kremlinit ishin “të pushtonte Ukrainën, të dominonte vendet e saj të afërta, të ndante Perëndimin dhe të nxirrte SHBA-në nga Evropa”.
Deklaratat erdhën vetëm disa ditë pasi një shpërthim shkaktoi dëme në linjën Varshavë-Lublin, që lidh kryeqytetin polak me kufirin ukrainas.
Duke aluduar fuqimisht për përfshirjen e dyshuar ruse, kryeministri i Polonisë, Donald Tusk, tha se autorët do të kapeshin “pavarësisht se kush janë mbështetësit e tyre”.
Një makinist treni raportoi për herë të parë parregullsi në shina rreth orës 7:40 të mëngjesit sipas orës lokale të dielën, duke nxitur një inspektim që zbuloi se kishte një seksion të dëmtuar pranë Mikës, afërsisht 62 milje në juglindje të Varshavës.
Zyrtarët thanë se nuk ishte e qartë nëse shpërthimi ndodhi vonë të shtunën apo herët të dielën.
Dy pasagjerë dhe disa anëtarë të stafit ishin në tren, por nuk u raportuan të lënduar, thanë zyrtarët.
Një tren i dytë u dëmtua veçmas të dielën dhe incidenti është nën hetim, konfirmoi ministri i brendshëm Marcin Kierwinski.
Një tren në linjën Swinoujscie për në Rzeszow u detyrua të ndalonte të dielën në mbrëmje rreth 31 milje nga Lublini, pasi kabllot elektrike që furnizonin me energji trenin u dëmtuan, tha Kierwinski në një deklaratë.
Në bord kishte 475 pasagjerë, por nuk u raportuan të lënduar. /Telegrafi/
VARSHAVË, 26 tetor /ATSH-DPA/ – Kryeministri polak Donald Tusk nuk pret një paqe të qëndrueshme në Ukrainë për sa kohë që presidenti rus Vladimir Putin është në pushtet, tha ai për gazetën britanike “The Sunday Times”.
Konflikti rrezikon të shndërrohet në një “luftë të përjetshme” nëse nuk ndodh diçka drastike në Rusi, tha ai në intervistën e botuar sot.
“Tani pyetja kryesore është sa viktima do të shohim”, tha Tusk. “Nuk kam asnjë dyshim se Ukraina do të mbijetojë si shtet i pavarur”, u shpreh Tusk.
Sipas kreut të qeverisë polake, Rusia po përballet me vështirësi të thella ekonomike, jo më pak edhe si rezultat i sanksioneve të reja amerikane kundër kompanive ruse të naftës.
Megjithatë, rusët kanë një avantazh të madh ndaj Perëndimit dhe sidomos Evropës: “Ata janë të gatshëm të luftojnë… në kohë lufte, kjo është absolutisht çështja thelbësore”, tha Tusk.
Tusk paralajmëroi Britaninë e Madhe që të mos i nënshtrohet “iluzionit të ëmbël” se lufta kundër Ukrainës është larg.
Rusia mund të arrijë çdo kryeqytet evropian, përfshirë Londrën, me raketa balistike me mbushje bërthamore.
“Ne tashmë jemi të ekspozuar ndaj sulmeve masive në hapësirën kibernetike”, shtoi Tusk. /Ad.Ab./
VARSHAVË, 20 tetor /ATSH-AA/ – Kryeministri i Polonisë, Donald Tusk ka thënë se asnjë vend nuk duhet t’i bëjë presion Ukrainës që t’ia dorëzojë territorin Rusisë për një marrëveshje paqeje.
“Askush prej nesh nuk duhet të ushtrojë presion mbi (presidentin ukrainas Volodymyr) Zelenskyy për çështjen e lëshimeve territoriale. Të gjithë duhet t’i bëjnë presion Rusisë që të ndërpresë agresionin. Lëshimet nuk kanë qenë kurrë rruga drejt paqes së drejtë dhe të qëndrueshme”, shkroi Tusk në platformën sociale të kompanisë amerikane X të dielën vonë.
Komentet e tij erdhën mes raportimeve se Washingtoni i kishte kërkuar Kievit të merrte në konsideratë lëshimin e pjesëve të Ukrainës lindore për të siguruar një marrëveshje me Moskën.
Sipas gazetës “The Washington Post”, i dërguari amerikan Steve Witkoff thuhet se i ka bërë presion një delegacioni ukrainas gjatë një takimi në Shtëpinë e Bardhë të premten që të pranojë humbjen e rajonit të Donbasit si pjesë të një zgjidhjeje të mundshme.
Raporti përkoi me një intervistë për “Fox Business” të transmetuar të dielën, në të cilën presidenti amerikan Donald Trump tha se presidenti rus Vladimir Putin “do të marrë diçka”, duke shtuar: “Ai ka fituar njëfarë prone”.
Rajoni i Donbasit, që përfshin Donetskun dhe Luhanskun, ka qenë pika qendrore e konfliktit që nga viti 2014, kur separatistët e mbështetur nga Rusia pushtuan republikat separatiste pas aneksimit të Krimesë nga Moska.
Forcat ruse më vonë zgjeruan kontrollin mbi pjesën më të madhe të zonës pasi nisën një “operacion special” në shkurt 2022. Trump dhe Putin pritet të takohen së shpejti në Budapest për të diskutuar mbi perspektivat e përfundimit të luftës. /os/
Kryeministri i Polonisë, Donald Tusk, ka reaguar me tone të forta kundër çdo përpjekjeje për t’i kërkuar presidentit ukrainas Volodymyr Zelensky lëshime territoriale si pjesë e negociatave për paqe me Rusinë. Në një deklaratë publike të shpërndarë në platformën X , Tusk theksoi se presioni duhet të ushtrohet ndaj agresorit, jo ndaj viktimës. “Askush prej nesh nuk duhet t’i bëjë presion…
VARSHAVË, 8 tetor /ATSH-DPA/ – Kryeministri polak Donald Tusk ka deklaruar se është kundër ekstradimit të një shtetasi ukrainas të kërkuar në Gjermani në lidhje me shpërthimet e vitit 2022 që goditën tubacionet e gazit Nord Stream.
I dyshuari, një 46-vjeçar i identifikuar nga autoritetet gjermane me urdhër-arrest evropian si Volodymyr Z, u arrestua javën e kaluar pranë Varshavës.
Një gjykatë polake ka urdhëruar ndalimin e tij për 40 ditë, ndërsa autoritetet po shqyrtojnë dosjet e çështjes që ka dërguar Gjermania. Më pas, gjykata do të vendosë nëse do të pranojë ekstradimin.
Duke folur dje gjatë një vizite në Lituani, kryeministri Tusk tha se do të respektojë vendimin e gjykatës, por e bëri të qartë qëndrimin e tij; “Sigurisht që nuk është në interesin e Polonisë, dhe as në interesin e ndershmërisë e drejtësisë, që ky qytetar të ndiqet penalisht apo të ekstradohet në një vend tjetër”, tha ai në një konferencë për shtyp.
“Problemi me’ Nord Stream 2’ nuk është që u hodh në erë. Problemi është që u ndërtua”, u shpreh Tusk ne X.
Që në fillim, Polonia i ishte kundërvënë ndërtimit të tubacioneve nënujore që sillnin gaz natyror nga Rusia direkt në Gjermani, duke argumentuar se ato do ta bënin Evropën më të varur nga energjia ruse.
Tubacioni Nord Stream 1 furnizonte Gjermaninë me gaz rus, ndërsa Nord Stream 2 nuk kishte hyrë ende në funksion për shkak të luftës së nisur nga Rusia kundër Ukrainës në shkurt 2022. Të dyja linjat janë aktualisht jashtë funksionit. /Ad.Ab./
VARSHAVË, 29 shtator /ATSH-PAP/ – Lufta në Ukrainë është gjithashtu lufta jonë, na pëlqen apo jo, u tha kryeministri polak Donald Tusk pjesëmarrësve në Forumin e Sigurisë në Varshavë.
Në fjalimin e tij hapës në konferencën ndërkombëtare dyditore mbi sigurinë evropiane dhe globale, Tusk deklaroi se detyra më e rëndësishme për udhëheqësit e mendimit është “ta bëjnë të gjithë komunitetin perëndimor, të gjithë komunitetin transatlantik, të vetëdijshëm me dhimbje, thellë në mendjet dhe zemrat e tyre, se një luftë është duke u zhvilluar”.
“Ne duhet të kuptojmë… se kjo është lufta jonë, sepse lufta në Ukrainë është vetëm një pjesë e këtij projekti të tmerrshëm që shfaqet në botë herë pas here. Qëllimi i këtij projekti politik është gjithmonë i njëjtë: si të skllavërohen kombet, si të privohen individët nga liria, çfarë të bëhet për të siguruar që autoritarizmi, despotizmi, mizoria dhe mungesa e të drejtave të njeriut të triumfojnë”, shtoi ai.
“Paqja nuk është diçka veçanërisht specifike për këtë pjesë të botës. Përkundrazi. Dhe kjo është arsyeja pse ky reflektim mbi sigurinë, mbi luftën, mbi paqen, mbi komunitetin perëndimor, është kaq i rëndësishëm”, shtoi ai.
“Nëse e humbasim këtë luftë, pasojat nuk do të ndikojnë vetëm në brezin tonë, por edhe në brezat e ardhshëm. Në Poloni, në të gjithë Evropën, në Shtetet e Bashkuara, në të gjithë botën”, vuri në dukje ai./ /os/
VARSHAVË, 26 shtator /ATSH-PAP/ – Kryeministri polak Donald Tusk ka pohuar se Moska ka qëllime të këqija ndaj të gjithë botës së lirë, ku fqinjët e Rusisë janë të parët që janë shënjestruar.
Dronët paralizuan së fundmi aeroportin në Kopenhagen, kryeqytetin e Danimarkës, dhe më pas në Aalborg, qytetin e katërt më të madh të vendit.
I pyetur sot në lidhje me incidentin dhe provokime të tjera të mundshme nga Rusia, ai tha se ‘’ishte në kontakt me udhëheqësit e vendeve që, si Polonia, kanë arsye për shqetësim”.
“Për mua, është shumë e rëndësishme që po dëshmojmë një konsolidim të qartë të opinioneve. Aleatët evropianë nuk kanë qenë kurrë kaq të bashkuar për çështjen e luftës midis Rusisë dhe Ukrainës, për faktin se Ukraina duhet të mbështetet kundër agresionit rus dhe se ne duhet të jemi vërtet vigjilentë”, shtoi ai.
“Rusia ka qëllime të këqija ndaj të gjithë botës së lirë dhe ata që kufizohen me të janë, sigurisht, të parët që preken, si shtetet baltike, Polonia, Ukraina, sigurisht, dhe vendet skandinave”, shtoi ai.
Tusk tha gjithashtu se do të flasë së shpejti me kryeministren daneze, Mette Frederiksen dhe do të diskutojë çështjen e mbështetjes financiare të shteteve anëtare për Ukrainën me sekretarin e përgjithshëm të NATO-s, Mark Rutte./ /os/
Retorika ndryshuese e presidentit të SHBA-së, Donald Trump, në lidhje me mundësinë e Ukrainës për të rifituar të gjitha territoret e pushtuara nga Rusia sugjeron një qëllim për të zvogëluar përfshirjen e SHBA-së në përfundimin e luftës në Ukrainë, deklaroi kryeministri Donald Tusk.
”Presidenti Trump ka pohuar se Ukraina, me mbështetjen e Bashkimit Evropian, mund të rimarrë të gjithë territorin e saj. Pas këtij optimizmi të habitshëm qëndron njoftimi për përfshirje të reduktuar të SHBA-së dhe transferimin e përgjegjësisë për përfundimin e luftës te Evropa. Më mirë e vërteta sesa iluzionet”, shkroi Tusk në X.
“Pa problemet ekonomike që lufta po i shkakton Rusisë, mendoj se Ukraina, me mbështetjen e Bashkimit Evropian, është e aftë të luftojë dhe të marrë të gjithë Ukrainën në formën e saj origjinale”, shkroi Trump në platformën Truth Social pas takimit të tij me presidentin ukrainas Volodymyr Zelensky në Asamblenë e Përgjithshme të OKB-së.
Trump shtoi se “me kohë, durim dhe mbështetjen financiare të Evropës dhe, në veçanti, të NATO-s, kufijtë origjinalë nga të cilët filloi kjo luftë janë një mundësi reale”.
VARSHAVË, 22 shtator /ATSH-ANSA/ – Polonia do të reagojë me vendosmëri ndaj shkeljeve të hapësirës së saj ajrore, deklaroi sot kryeministri polak, Donald Tusk.
”Varshava është e gatshme të marrë çdo vendim për të rrëzuar objektet fluturuese kur ato shkelin territorin tonë dhe fluturojnë mbi Poloni”, theksoi ai.
”Megjithatë, kur kemi të bëjmë me situata që nuk janë plotësisht të qarta, siç është fluturimi i fundit i avionëve luftarakë rusë mbi platformën e naftës ‘Petrobaltic’ – por pa asnjë shkelje, sepse këto nuk janë ujërat tona territoriale, duhet të mendohemi dy herë para se të vendosim për veprime që mund të shkaktojnë një fazë shumë akute të konfliktit”, theksoi ai./ /os/
Për herë të parë në historinë e NATO-s, një shtet anëtar është sulmuar nga një rival. Incidenti përfshinte 19 dronë luftarakë rusë (nuk ka konfirmim se ishin të pajisur me koka bërthamore), disa prej të cilëve hynë në Poloni nga Bjellorusia. Kremlini duhet të ketë qenë i vetëdijshëm se viktimat ishin një mundësi reale (një […]
Autoritetet polake kanë dhënë alarmin mbrëmjen e sotme pasi një dron u pikas duke fluturuar mbi ndërtesa qeveritare në kryeqytetin Varshavë, përfshirë zonën e rrugës Parkowa dhe Pallatin Belweder, rezidenca e rëndësishme shtetërore. Lajmin e bëri publik kryeministri Donald Tusk përmes një postimi në rrjetin social X, duke njoftuar se droni u neutralizua nga Shërbimi […]
Një dron që fluturonte mbi ndërtesat qeveritare u neutralizua në Poloni, njoftoi kryeministri i vendit Donald Tusk.
"Kohët e fundit, Shërbimi i Mbrojtjes së Shtetit neutralizoi një dron që po vepronte mbi ndërtesat qeveritare (Rruga Parkowa) dhe Pallatin Belvedere", tha politikani.
Sipas tij, dy qytetarë të Bjellorusisë u ndaluan.
Tani policia polake po heton rrethanat e incidentit.
Przed chwilą Służba Ochrony Państwa zneutralizowała drona operującego nad budynkami rządowymi (Parkowa) i Belwederem. Zatrzymano dwóch obywateli Białorusi. Policja bada okoliczności incydentu. — Donald Tusk (@donaldtusk) September 15, 2025
Bëhet e ditur se Pallati Belvedere është një nga rezidencat e presidentit polak.
Ai dhe Rruga Parkowa ndodhen pranë njëra-tjetrës në kryeqytetin Varshavë.
Ambasada ruse ndodhet gjithashtu pranë tyre. /Telegrafi/
Login
