TIRANË, 27 nëntor/ATSH/ Shqipëria vazhdon të mbetet një destinacion tërheqës për turistët polakë, të cilët nuk po vizitojnë vendin tonë vetëm gjatë sezonit veror, por edhe gjatë muajve të tjerë të vitit.

Sipas INSTAT-it, rreth 279 mijë turistë polakë vizituan Shqipërinë gjatë 9 muajve të parë të vitit 2025, duke mbetur një nga grupet më të rëndësishme të vizitorëve të huaj.

Polonia ka qenë vazhdimisht një prej tregjeve kryesore për turizmin shqiptar, duke u renditur ndër 5 vendet kryesore.

Në muajt e verës, prania e polakëve ka qenë gjithashtu e dukshme, duke përfaqësuar 11% të vizitorëve të akomoduar në korrik, 12% në gusht dhe 11% në shtator.

Po ashtu, të dhënat tregojnë se turistët polakë zgjodhën të qëndrojnë për periudha më të gjata, duke e bërë Poloninë një nga tregjet më të rëndësishme europiane për sektorin e akomodimit në Shqipëri.

Përveç vizitave turistike, polakët kanë treguar interes të shtuar edhe për investime në prona në vendin tonë, një tjetër shenjë e forcimit të lidhjeve mes dy vendeve. /j.p/r.e/

The post Turistët polakë zgjedhin të qëndrojnë më gjatë në Shqipëri appeared first on Agjencia Telegrafike Shqiptare.

TIRANË, 25 nëntor/ATSH/ Fluksi i turistëve të huaj shënoi rritje edhe gjatë muajve të vjeshtës duke shënuar numra rekord. Turistët tërhiqen nga plazhet e virgjëra dhe qytetet historike, mikpritja e banorëve, apo kuzhina tradicionale, që ofron një eksperiencë unike mes Europës dhe Mesdheut. Shqipëria ofron gjithashtu një kombinim unik të natyrës, kulturës dhe aktiviteteve aventuriere, nga male e liqene me ujëra të kristalta, te rrugët e vjetra që ruajnë histori shekullore.

Sipas të dhënave zyrtare të INSTAT, vetëm në muajin tetor, mbi 908 mijë vizitorë të huaj kanë hyrë në Shqipëri, duke shënuar një rritje të ndjeshme prej 19,3% krahasuar me tetorin e vitit 2024.

Në total, përfshirë edhe hyrjet e shtetasve shqiptarë, gjatë muajit të kaluar janë regjistruar mbi 1,5 milionë hyrje në të gjitha pikat doganore të vendit.

Të dhënat tregojnë se 95% e vizitorëve të huaj vijnë nga Europa, ku Evropa Jugore përfaqëson 73% të hyrjeve, ndërsa Europa Perëndimore 12%.

Për sa i përket qëllimit të vizitës, 98% e vizitorëve vijnë për turizëm ose vizita personale, një tregues që ka shënuar rritje prej 19,7% krahasuar me tetorin e vitit të kaluar. Hyrjet për arsye biznesi dhe profesionale gjithashtu janë rritur, me 3,8%.

Në 10 muajt e parë të vitit 2025, Shqipëria ka mirëpritur mbi 11,1 milionë vizitorë, një rritje prej 6,7% krahasuar me të njëjtën periudhë të vitit 2024.

1 nga 4

/j.p/r.e/

The post Mbi 908 mijë vizitorë të huaj vetëm në tetor appeared first on Agjencia Telegrafike Shqiptare.

Një 24-vjeçar shqiptar është arrestuar nga karabinierët italianë, si pjesë e një rrjeti shpërndarjeje të drogës dhe trafikut të saj. Aksioni është kryer në Vairano Patenora, në Via Panoramica, nga efektivët e Stacionit Vairano Scalo në Caserta të Napolit. Shqiptari nuk kishte një vendbanim fiks, por kishte hyrë ligjërisht në Itali si turist. Oficerët e […]

The post Shkoi në Itali si turist, i riu shqiptar kapet duke shitur kokainë për 40 euro doza! appeared first on BoldNews.al.

Një turist nga Finlanda, i quajtur Anssi Raasio, ka humbur në Shkodër që prej datës 9 tetor. Sipas familjarëve, Raasio ndodhej prej disa ditësh në qytetin verior, ku kishte vendosur të kalonte dimrin, por ditën e fundit që është parë ka qenë duke ndryshuar vendin e akomodimit, për t’u zhvendosur në një shtëpi tjetër. Që […]

The post Zhduket në Shkodër turisti finlandez, familja: Nuk ka asnjë kontakt që prej 9 tetorit appeared first on BoldNews.al.

Dy turistë nga Zvicra, gjatë eksplorimit të malit të Shebenikut, kanë humbur rrugën dhe kanë kërkuar ndihmë nga autoritetet lokale.

Policia e Komisariatit të Librazhdit është mobilizuar menjëherë për të lokalizuar dhe asistuar çiftin e huaj.

Pasi u realizua një kërkim i detajuar në terren, pas disa orësh, turistët janë lokalizuar dhe u gjetën në gjendje të mirë shëndetësore.

Turistët falënderuan punonjësit e Policisë për gatishmërinë dhe ndihmën e dhënë, si dhe punonjësit e zonave të mbrojtura.

Drejtoria Vendore e Policisë Elbasan mbetet e angazhuar maksimalisht për të garantuar sigurinë e turistëve dhe vizitorëve të huaj në Shqipëri.

Hardh Fest ka bërë publike shifrat zyrtare të raportit të ndikimit socio-ekonomik, realizuar në bashkëpunim me IDRA Research & Consulting.

Sipas raportit, Hardh Fest 2025 ka arritur të gjenerojë një qarkullim ekonomik prej 11.1 milionë euro bruto, ndërsa 7.7 milionë euro neto kanë përfunduar drejtpërdrejt në biznese, gastronomi, sektorin e verës dhe akomodimit në Komunën e Rahovecit.

60,000 pjesëmarrës dhe turistë nga Kosova dhe rajoni morën pjesë në festivalin 3-ditor.

Për çdo 1euro të investuar nga grantet apo sponsorizimet, ekonomia lokale përfitoi rreth 47.8 euro qarkullim. Nëse ky financim ndahet sipas burimeve, rezulton se për çdo 1 euro të investuar nga Komuna e Rahovecit janë gjeneruar rreth 220 euro në ekonomi, për çdo 1 euro nga grantet qeveritare rreth 183 euro, ndërsa për çdo 1 euro të sponzorizuar nga bizneset/private rreth 93.6 euro.

Përfituesit kryesorë ishin bizneset lokale, me rritje të ndjeshme në shitje dhe frekuentim.

Përveç ndikimit financiar, raporti vlerëson Hardh Fest si një platformë të rëndësishme kulturore që promovon trashëgiminë e Rahovecit, mikpritjen dhe industrinë e verës përmes muzikës live, artit, traditës dhe përfshirjes komunitare.

TIRANË, 20 shtator/ATSH/ Turistët po vizitojnë Lezhën jo vetëm për plazhet e saj, por edhe për historinë dhe kulturën që ruan.

Memoriali i Gjergj Kastriotit, kalatë mesjetare, muzeu etnografik dhe kishat e qytetit po tërheqin gjithnjë e më shumë vizitorë, duke e kthyer qytetin në një destinacion historik të preferuar.

Muzeu etnografik ka regjistruar mbi 3500 vizita, ndërsa kalatë dhe kishat e zonës po tërheqin gjithashtu një numër në rritje vizitorësh.

“Vizitorët vlerësojnë Lezhën si një thesar historik dhe kulturor, dhe asetet e qytetit po marrin gjithnjë e më shumë vëmendje”, tha Zefi.

Deri në fund të vitit parashikohet që numri i vizitorëve të kalojë 30 mijë, duke shënuar një rritje të ndjeshme krahasuar me vitin 2024.

/a.f/

The post Lezha tërheq turistët me historinë dhe kulturën e saj, mbi 20 mijë vizitorë në Memorialin e Gjergj Kastriotit appeared first on Agjencia Telegrafike Shqiptare.

Ai u arrestua ditën e parë të pushimeve të tij në Itali nga karabinierët, të cilët e ngatërruan me një kriminel të kërkuar. Ai kaloi pothuajse një muaj në burg para se të lirohej dhe pushimet e një turisti rumun nuk shkuan tamam siç kishte shpresuar. “Makthi mbaroi”, tha Ovidiu A., një rumun 30-vjeçar, ndërsa […]

The post Turisti rumun arrestohet gabimisht në Itali, bën 1 muaj burg për shkak të emrit të njëjtë me një kriminel appeared first on BoldNews.al.

Një ngjarje tragjike tronditi mbrëmë zonën turistike të Alpeve Shqiptare, ku një turist holandez humbi jetën pasi ra në një humnerë në shtegun malor mes Thethit dhe Valbonës, konkretisht në zonën e Qafës së Valbonës. Ngjarja ndodhi në orët e vona të ditës së djeshme dhe sipas raportimeve paraprake, viktima ishte pjesë e një grupi […]

The post Tragjedia në Qafën e Valbonës/ Nxirret nga humnera trupi i pajetë i turistit holandez appeared first on BoldNews.al.

Një ngjarje e rëndë është denoncuar në redaksinë e JOQ nga shtetasi austriak me origjinë rumune, Dirnstorfer Alexandru Christian, i cili prej mbi 30 vitesh jeton në Austri. Pushimet e tij dyjavore në Durrës, të planifikuara me bashkëshorten dhe djalin 16-muajsh që vuan nga probleme shëndetësore, janë kthyer në makth. Sipas dëshmisë së Christian, një […]

The post Turisti denoncon dhunën barbare në Durrës: Më futën kaçavidën në ballë, policia më përcolli! appeared first on BoldNews.al.

Një turist që po kalonte shtegun mes Thethit dhe Valbonës është aksidentuar rëndë duke rënë në një humnerë në zonën e Qafës së Valbonës.

Miqtë e tij njoftuan menjëherë policinë, e cila së bashku me ekipet e kërkim-shpëtimit, infermierë dhe helikopter, u nisën drejt vendit të ngjarjes.

Sipas raportimit të fundit, turistit i aksidentuar nuk i janë gjetur shenja jete.

The post Aksidentohet rëndë turisti në shtegun Theth-Valbonë, gjendet pa shenja jete nga ekipet e kërkim-shpëtimit appeared first on Albeu.com.

Dy turistë francezë janë shpëtuar pas një operacioni kërkimi që zgjati rreth 2 orë në Parkun Kombëtar “Shebenik”, në zonën e njohur si Maja e Gurit.

Autoriteti i Zonave të Mbrojtura Elbasan, me ndihmën e banorëve të zonës, bëri të mundur lokalizimin e tyre dhe më pas i shoqëroi deri në vendin ku po qëndronin. Fatmirësisht, turistët ndodhen në gjendje të mirë shëndetësore.

Parku Kombëtar “Shebenik–Jabllanicë” është një nga destinacionet më të rëndësishme të turizmit natyror në Shqipëri, i njohur për majat e larta malore, pyjet e dendura dhe biodiversitetin e pasur. Gjatë verës dhe vjeshtës ai tërheq dhjetëra turistë vendas e të huaj, por terreni i vështirë shpesh sjell sfida për orientimin.

The post Dy turistë francezë humbin rrugën në Parkun “Shebenik”, gjenden pas 2 orësh kërkime appeared first on Albeu.com.

Qyteti i Durrësit, i vendosur përgjatë bregdetit adriatik të Shqipërisë, është tashmë një destinacion kryesor për turistët britanikë që kërkojnë një alternativë të përballueshme përkundër qyteteve bregdetare tradicionale evropiane, shkruan filiali italian i faqes së njohur turistike travelandtourworld.com.

Ky qytet bregdetar ka fituar popullaritet falë çmimeve të tij të përballueshme, plazheve mahnitëse dhe përvojave të gjalla kulturore.

Ndryshe nga shumë destinacione të njohura plazhi, Durrësi u ofron vizitorëve një atmosferë më të qetë, ku ata mund të shijojnë të gjithë bukurinë e një bregdeti mesdhetar pa mbipopullime.

Qyteti kombinon historinë e lashtë, arkitekturën interesante dhe shërbimet e arritshme, duke e bërë atë një mundësi tërheqëse për një pushim të përballueshëm.

Çfarë e bën Durrësin unik?

Durrësi, qyteti i dytë më i madh i Shqipërisë, është i njohur për plazhin e tij të bukur, që shtrihet 6,5 kilometra me rërë. Me klimën e tij mesdhetare, ky qytet ofron kushte perfekte për dashamirësit e plazhit.

Bregu është i rrethuar nga gjire të izoluara dhe ujëra bruz, ideale për t’u çlodhur, notuar ose shijuar sporte të ndryshme ujore.

The post Faqja e njohur turistike: Pse britanikët dynden drejt Durrësit për pushime? appeared first on Albeu.com.

Tre turistë të huaj janë shpëtuar në zonën e plazhit të Akuariumit pasi kishin mbetur të bllokuara.

Patrulla e policisë në zonën e Jalës ka ndërhyrë menjëherë pas thirrjes për ndihmë.

Turistët ishin bllokuar në një zonë të thepisur shkëmbore.

Fatmirësisht falë ndërhyrjes të tre turistët janë në gjendje të mirë shëndetësore.

The post U bllokuan në një zonë të thepisur shkëmbore, shpëtohen 3 turistët e huaj në Himarë appeared first on Albeu.com.

TIRANË, 12 korrik/ATSH/ Vetëm 4 kilometra nga qyteti i Shkodrës, pasi lë Urën e Bunës, të shfaqet Shiroka, një nga lagjet më karakteristike dhe atraksionet më të njohura turistike të veriut të Shqipërisë.

E vendosur buzë liqenit të Shkodrës dhe në rrëzë të malit Tarabosh, Shiroka ofron një peizazh mahnitës që tërheq turistë vendas dhe të huaj.

Kryetari i Bashkisë së Shkodrës, Benet Beci, ndau sot pamje nga kjo zonë turistike, e cila në ditët e verës mbushet me vizitorë që shijojnë qetësinë dhe bukurinë natyrore të saj.

Ajri i freskët që vjen nga Alpet dhe filtrohet nga ujërat e liqenit krijon një klimë të shëndetshme dhe tërheqëse, duke e bërë Shirokën një destinacion ideal për pushime të shkurtra, por të paharrueshme.

Shiroka ka një histori të pasur qindravjeçare, e dokumentuar nga zbulimet arkeologjike në vendin e quajtur “Ullini i Vetun” në vitin 1959, të cilat ruhen sot në Muzeun Historik të Shkodrës. Në shekullin e 19-të ajo njihej edhe për aftësitë kurative, duke u kthyer në një prej zonave më të famshme të kohës.

Kjo zonë turistike shquhet për florën dhe faunën e pasur, ku jetojnë në harmoni qindra lloje bimësh, kafshësh dhe shpendësh.

Kombinimi i peizazhit natyror, klimës së freskët, pasurisë ekologjike dhe trashëgimisë kulturore e bëjnë Shirokën një ekosistem të rrallë dhe një destinacion gjithnjë e më të preferuar për turizmin natyror dhe kulturor në Shqipëri. /j.p/

1 nga 8

The post Buzë liqenit të Shkodrës, Shiroka ofron qetësi dhe bukuri të rralla appeared first on Agjencia Telegrafike Shqiptare.

Planet e Akon për të ndërtuar një qytet futurist në Senegal janë fshirë dhe tanimë ai do të fokusohet në diçka më realiste. “Projekti i Qytetit Akon nuk ekziston më”, tha për BBC drejtuesi i trupit të zhvillimit të turizmit në Senegal, Serigne Mamadou Mboup. “Fatmirësisht, është arritur një marrëveshje midis Sapco dhe Alioune Badara Thiam (Akon). Ajo që […]

The post Bëhet “shkrumb e hi” projekti miliarda dollarësh i Akon për qytetin e së ardhmes appeared first on BoldNews.al.

Një pushues i moshuar humbi jetën këtë të premte në plazhin e Zvërnecit. Bëhet me dije se viktima është një shtetas italian, i cili dyshohet se pësoi arrest kardiak gjatë kohës që po lahej në det. Ai u nxorr nga deti nga qytetarët e pranishëm, por fatkeqësisht pa shenja jete. Në vendngjarje mbërritën menjëherë policia […]

The post Turisti italian humb jetën në plazhin e Zvërnecit, dyshimet appeared first on BoldNews.al.

TIRANË, 25 qershor/ATSH/ Në portin detar të Durrësit mbërriti kroçera eksploruese “National Geographic Orion”, pas qëndrimit dy ditor në portet shqiptare.

Anija, e gjatë 102 metra dhe e gjerë 14 metra, me 50 dhoma dhe një ekuipazh prej 70 marinarësh, do të vijojë më pas lundrimin drejt Kroacisë.

Kjo është vizita e parë që “National Geographic Orion” realizon në Shqipëri, duke sjellë në bord 108 turistë amerikanë të interesuar për turizmin e aventurës dhe ekspeditave.

Durrësi është porti i dytë pas Sarandës ku ankoron kjo kroçerë. Turistët do të kryejnë një tur 8-ditor në vende të ndryshme të Mesdheut, përfshirë edhe Shqipërinë.

Pas ndalesës në Durrës, udhëtimi i tyre do të vazhdojë drejt Divjakës, ku do të vizitojnë lagunën e Karavastasë dhe pelikanin kaçurrel, ndërsa qyteti i radhës që do eksplorojnë është Kruja.

Gjatë qëndrimit në Durrës, në bord të anijes u zhvilluan shkëmbime kortezie mes kapitenit të anijes, Alex Dudov, dhe Kapitenit të Portit të Durrësit, Taulant Allkja.

Ky i fundit theksoi se “National Geographic Orion” do të vizitojë portet shqiptare edhe pesë herë të tjera gjatë këtij viti dhe është planifikuar të rikthehet edhe vitin tjetër. Ai e përshkroi anijen si një simbol të turizmit të aventurës dhe ekspeditave, që po sjell në Shqipëri vizitorë të shumtë nga SHBA.

Kapiteni Alex Dudov u shpreh se shpreson të kthehet shpesh në këtë vend të veçantë të Adriatikut dhe Jonit. Ai nënvizoi se në itinerarin e saj janë përfshirë edhe vende si Greqia, Mali i Zi dhe Kroacia, ndërsa synimi i tij është të tregojë “Shqipërinë reale” për turistët, duke inkurajuar kështu rritjen e numrit të vizitorëve në vend.

Një nga veçantitë e “National Geographic Orion” është pajisja me mjete zhytjeje dhe mjete të vogla transporti, të cilat u ofrohen turistëve kuriozë për të eksploruar vende dhe relikte nënujore gjatë udhëtimeve të tyre.

Pas qëndrimit dy ditor në portet shqiptare, anija do të vazhdojë lundrimin e saj drejt Kroacisë, duke mbajtur në agjendë edhe shumë vizita të tjera në portet e Mesdheut./a.gj/

/a.f/

The post Pas Sarandës, kroçera “National Geographic Orion” ankorohet në Durrës appeared first on Agjencia Telegrafike Shqiptare.

TIRANË, 15 qershor/ATSH/ Një 46-vjeçar nga Gjermania u dëmtua gjatë kohës që ishte duke bërë zhytje në afërsi të një mjeti lundrues në Gjipe.

Policia e Shtetit bëri të ditur sot se rreth orës 13:40, në plazhin e Gjipesë, dyshohet se shtetasi K. V., 27 vjeç, banues në Orikum, duke drejtuar një mjet lundrues gomone me dokumentacion të rregullt, jashtë zonës së sigurisë dhe në një distancë të konsiderueshme nga tapat që kufizojnë zonën e notimit, ka dëmtuar, gjatë kohës që ishte duke bërë zhytje në afërsi të mjetit lundrues, shtetasin D. S., 46 vjeç, banues në Gjermani.

Shërbimet e Policisë Kufitare të SPK Dhërmi, menjëherë pas marrjes së njoftimit, kanë ndërhyrë duke i dhënë ndihmën e parë të dëmtuarit dhe më pas kanë organizuar transportimin e tij të menjëhershëm drejt spitalit, për ndihmë mjekësore.

Gjithashtu, shërbimet e Policisë kanë bërë shoqërimin e drejtuesit të mjetit lundrues, shtetasit K. V., në Stacionin e Policisë Dhërmi, si dhe të personave të tjerë që kanë qenë dëshmitarë në këtë ngjarje.

Vijon puna e grupit hetimor, nën drejtimin e Prokurorisë, për zbardhjen dhe dokumentimin e plotë të kësaj ngjarjeje.

/k.s/ /a.g/

The post Dëmtohet 46-vjeçari gjerman, po zhytej në afërsi të një mjeti lundrues në plazhin e Gjipesë appeared first on Agjencia Telegrafike Shqiptare.

Një ngjarje e rëndë ka ndodhur ditën e sotme në zonën bregdetare të Gjipesë.

Sipas policisë, i dëmtuari rëndë është një turist gjerman 46-vjeçar, i cili ka pësuar prerje gjymtyrësh nga helika e një skafi.

Në vendngjarje është thirrur me urgjencë një helikopter për transportin e të plagosurit drejt spitalit.

Burime zyrtare nga policia e Vlorës bënë të ditur se, ngjarja ka ndodhur jashtë zonës së sigurisë, kur gjermani me inicialet D. S., ka qenë duke bërë zhytje.

Himarë/Informacion paraprak

Sot, rreth orës 13:40, në plazhin e Gjipesë, dyshohet se shtetasi K. V., 27 vjeç, banues në Orikum, duke drejtuar një mjet lundrues gomone me dokumentacion të rregullt, jashtë zonës së sigurisë dhe në një distancë të konsiderueshme nga tapat që kufizojnë zonën e notimit, ka dëmtuar, gjatë kohës që ishte duke bërë zhytje në afërsi të mjetit lundrues, shtetasin D. S., 46 vjeç, banues në Gjermani.

Shërbimet e Policisë Kufitare të SPK Dhërmi, menjëherë pas marrjes së njoftimit, kanë ndërhyrë duke i dhënë ndihmën e parë të dëmtuarit dhe më pas kanë organizuar transportimin e tij të menjëhershëm drejt spitalit, për ndihmë mjekësore.

Gjithashtu, shërbimet e Policisë kanë bërë shoqërimin e drejtuesit të mjetit lundrues, shtetasit K. V., në Stacionin e Policisë Dhërmi, si dhe të personave të tjerë që kanë qenë dëshmitarë në këtë ngjarje.

Vijon puna e grupit hetimor, nën drejtimin e Prokurorisë, për zbardhjen dhe dokumentimin e plotë të kësaj ngjarjeje.

The post E rëndë në Gjipe/ Helika e skafit i pret gjymtyrët turistit gjerman appeared first on Lapsi.al.