Presidenti i Rusisë, Vladimir Putin, ka thënë të premten se Moska “ka ide” se si mund të zgjidhet çështja e Industrisë së Naftës së Serbisë (NIS), e cila është nën sanksione amerikane, dhe se bisedimet me Serbinë janë duke vazhduar. “Ne kemi ide se si, në çfarë mënyre dhe në çfarë drejtimi mund të ecim […]

The post Putin: Rusia “ka ide” si të zgjidhet çështja e NIS-it të sanksionuar serb appeared first on BoldNews.al.

Politika e jashtme e Serbisë ka pësuar tre goditje të rënda në vetëm një muaj e gjysmë.

Nga projekti i ndërtimit të një hoteli luksoz në vendin e Shtabit të Përgjithshëm, u tërhoq dhëndri i presidentit amerikan, Donald Trump, Jared Kushner.

Ndërkohë, Rusia thellon krizën me Industrinë e Naftës së Serbisë, pa bërë të ditur nëse dhe kujt do t’i shesë pjesën e saj të pronësisë, për të cilën Amerika ka vendosur sanksione.

As marrëdhëniet me evropianët nuk ecin mirë, dhe kështu Komisioni Evropian në fillim të nëntorit publikoi një raport më të ashpër se kurrë mbi gjendjen në vendin tonë.

Tërheqja e investitorit amerikan

Jared Kushner, dhëndri i presidentit amerikan, Donald Trump dhe figura kryesore e një projekti të madh ndërtimi në vendin e ish-godinës së Shtabit të Përgjithshëm në Beograd, u tërhoq nga projekti i hotelit luksoz.

Arsyeja zyrtare e tij ishte se projekti duhet të bashkonte, jo të ndante qytetarët, duke u tërhequr “nga respekti për qytetarët e Serbisë”, raporton nova.rs.

Tërheqja e tij ndodhi njëkohësisht me ngritjen e aktakuzave nga prokuroria ndaj disa zyrtarëve për keqpërdorim të detyrës në lidhje me këtë çështje.

Kriza në Naftën Industriale të Serbisë (NIS)

Marrëdhëniet me partnerët rusë dhe amerikanë mbeten të tensionuara për shkak të detyrimeve dhe sanksioneve që lidhen me aksionet ruse në NIS.

Rusia ende nuk ka sqaruar tek kujt do t’i shesë aksionet, gjë që ka krijuar paqartësi dhe probleme operative. Kjo situatë ka sjellë sulme diplomatike dhe politike ndaj qeverisë së presidentit, Aleksandar Vuçiqit.

Raporti i ashpër i Komisionit Evropian

Komisioni Evropian publikoi një raport shumë të rreptë mbi situatën në Serbi, duke kritikuar sundimin e ligjit, situatën e mediave dhe luftën kundër korrupsionit. Raporti u perceptua si një goditje tjetër diplomatike ndaj qeverisë dhe politikave të saj të brendshme.

Sipas një ish-diplomati, veprimet e fundit të Evropës, SHBA-së dhe Rusisë tregojnë se politika e jashtme e Serbisë është në një rrugë pa dalje. Ai shton se vendit i nevojitet një rifillim i plotë politik dhe zgjedhje të reja, për të sjellë ide dhe mundësi të reja për zhvillimin e vendit. /Telegrafi/

Këtë të enjte, zgjidhet kreu i ri i SPAK-ut. Në garë janë 4 kandidatë Klodian Braho, Elvin Gokaj, Doloreza Musabelliu dhe Adnan Xholi.

Secili kandidat do të bëjë prezantimin e tij, më pas do të pyetet nga anëtarët e Këshillit të Lartë të Prokurorisë, për të shkuar drejt votimit.

Procesi ndiqet nga përfaqësues të ambasadës amerikane, Nancy VanHorn, ambasadori i BE, Silvio Gonzato, por edhe përfaqësues të misioneve diplomatike të akredituar në vendin tonë.

Por kush janë kandidatët?

Adnan Xholi

Është një nga kandidatët me përvojë të gjatë, i emëruar për herë të parë në vitin 2004. Aktualisht, ai shërben si prokuror në SPAK dhe mban edhe detyrën e shefit të Seksionit të Krimit të Organizuar, një rol kyç në luftën kundër korrupsionit dhe krimit të strukturuar.

Kjo është hera e dytë që Xholi kandidon për kreun e drejtuesit të Prokurorisë së Posaçme. Së bashku me Altin Dumanin dhe Elvin Kondilin ai kandidoi edhe në vitin 2022 kur mori vetëm votën e një prej anëtarëve të KLP-së, Sokol Stojanit. Xholi ka hetuar shumë nga dosjet e krimit të organizuar dhe korrupsionit.

Klodian Braho

I emëruar prokuror në vitin 2007, është po ashtu prokuror pranë SPAK që në krijimin e tij. Aktualisht mban detyrën e shefit të seksionit kundër korrupsionit në Prokurorinë e Posaçme. Ai ka patur një rrugëtim të gjatë në sistemin e drejtësisë, duke mbajtur pozicione të rëndësishme në hetimin e rasteve të korrupsionit. Braho është prokurori, i cili ka hetuar inceneratorin e Elbasanit.

Elvin Gokaj

Një nga prokurorët me përvojë në këtë garë është edhe Elvin Gokaj, i cili ka nisur karrierën e tij në dhjetor të vitit 2000. Ai ka qenë pjesë e SPAK prej kohësh dhe ka kontribuar në hetime të shumta me ndikim të lartë.

Gogaj ka hetuar kreun e Komisionit të Prokurimeve Publike, Jonaid Myzyraj në lidhje me abuzimet në disa tenderë. Akuza ka të bëjë me tenderin për mirëmbajtjen e aksit rrugor Shpal-Ura e Repsit me gjatësi totale 58.7 km dhe me vlerë 2.29 milionë euro. Për këtë procedurë prokurimi krahas Jonaid Myzyrajt, janë marrë të pandehur edhe 10 persona të tjerë, 7 prej të cilëve të akuzuar për shkelje e barazisë në tenderë publikë, kryer në bashkëpunim.

Doloreza Musabelliu

E emëruar në tetor të vitit 2004, është prokurore në SPAK dhe ka një rol të rëndësishëm në strukturën e Prokurorisë së Posaçme. Ajo është një nga prokuroret që ka qenë pjesë e grupit të kanë hetuar dosjen e “Plumbi i Artë” ku tre bashkëpunëtor të drejtësisë kanë zbuluar me dhjetëra krime ndër vite në Shqipëri, të cilët deri tani janë konsideruar si ngjarje pa autor. Një tjetër dosje e hetuar nga prokurorja është edhe masakra e ndodhur në qendër të Lushnjës në 2017, ku u kërkua “burgim i përjetshëm” për Leart Haxhiun dhe dy shokët e tij Anterio Kaloshi dhe Orgest Bilbili.

The post Nis procesi për zgjedhjen e kreut të ri të SPAK, procesi ndiqet nga Nancy VanHorn, ambasadori i BE dhe përfaqësuesi i ambasadës britanike appeared first on Albeu.com.

TIRANË, 11 dhjetor /ATSH/ Skiatori shqiptar, Denni Xhepa arriti një sukses historik në Francë.

22-vjeçari korri një fitore të jashtëzakonshme në garën e Slalomit të FIS-it të zhvilluar këtë të mërkurë në Val Cenis, duke siguruar vendin e parë mes konkurencës së fortë europiane dhe duke valëvitur flamurin kuqezi në pistat ndërkombëtare.

Xhepa e nisi garën me një paraqitje mbresëlënëse në lëshimin e parë, ku regjistroi kohën 43,55 sekonda.

Ai ruajti ritmin e lartë dhe teknikën perfekte edhe në zbritjen e dytë, 45,86 sekonda, duke e mbyllur garën me kohën totale 1:29,41.

Performanca e tij e lartë i dha një avantazh prej 0,76 sekondash ndaj rivalit francez Nash Marchand Hout, ndërsa Theo Lopez u rendit i treti.

“Deni Xhepa fiton Slalomin në Val Cenis! Rezultat i madh sot në Francë! Me ritëm të lartë, teknikë të pastër dhe kontroll perfekt, Deni ngre krenarisht flamurin kuqezi në skenën ndërkombëtare”, thekson Federata Shqiptare e Skive pas triumfit.

Ky rezultat e konfirmon Xhepën si një nga talentet më premtues të skive shqiptare dhe shënon një tjetër hap përpara për sportin e bardhë në vend.

/gj.m/a.f/r.e/

The post Denni Xhepa shkëlqen në Francë, Shqipëria në majë të Slalomit ndërkombëtar appeared first on Agjencia Telegrafike Shqiptare.

Kompania “Meta”, ka nisur heqjen e fëmijëve australianë nën 16-vjeç nga platformat “Instagram”, “Facebook” dhe “Threads”, vetëm një javë para se të hyjë në fuqi ndalimi zyrtar për adoleshentët në rrjetet sociale, raporton BBC.

Kompania teknologjike, njoftoi muajin e kaluar se kishte filluar të informonte përdoruesit e moshës 13 deri në 15-vjeç, se llogaritë e tyre do të fillonin të mbylleshin nga data 4 dhjetor.

Pritet që rreth 150,000 përdorues të “Facebook-ut” dhe 350,000 llogari në “Instagram” të preken nga masa. “Threads”, platformë e ngjashme me X (ish-Twitter), mund të aksesohet vetëm përmes një llogarie në Instagram.

Ndalimi i rrjeteve sociale për të miturit, i pari i këtij lloji në botë, hyn në fuqi më 10 dhjetor.

Sipas ligjit të ri, kompanitë do të përballen me gjoba deri në 49.5 milionë dollarë australianë nëse nuk marrin “masa të arsyeshme” për të ndaluar fëmijët nën 16-vjeç të hapin ose të mbajnë llogari në platformat e tyre.

The post Kompania “Meta” nis mbylljen e llogarive në Facebook dhe Instagram për fëmijët nën 16-vjeç në Australi appeared first on Albeu.com.

Presidenti serb, Aleksandar Vuçiq ka njoftuar qytetarët se Serbia nuk ka marrë vendim pozitiv nga Shtetet e Bashkuara lidhur me Industrinë e Naftës së Serbisë (NIS), dhe si rrjedhojë pompat do të mbyllen.

Sipas të dhënave zyrtare, kjo kompani, me pronësi kryesisht ruse, zotëron rreth 20 për qind të të gjitha pikave të karburantit në shtetin serb - që është gjithsej 1520 pompa, prej të cilave 327 janë të NIS‑it, raporton nova.rs.

Megjithatë, pavarësisht numrit modest, NIS përpunon dhe shet rreth 50 për qind të karburantit të tregut - më shumë se të gjitha pompat e tjera së bashku.

Sanksionet amerikane ndaj NIS, të vendosura më 9 tetor të këtij viti nga Departamenti i Financave i SHBA‑s, janë shkaku i këtij vendimi. Licenca speciale e NIS‑it nuk u rinovua, dhe kompania humbi mundësinë të operojë normalisht.

Si pasojë — përveç mbylljes së pompave — në rafinerinë në Pançevë është nisur procedura e ndërprerjes së punës për shkak të mungesës së naftës për përpunim.

Vuçiq paralajmëroi se, pas mbylljes së pompave të NIS‑it, mund të pasojë edhe mbyllje e pompave të tjera — përfshirë ato të rrjetit Lukoil — duke çuar në ngarkesë dhe radhë në pompa të tjera.

Ndryshe, SHBA-ja ka sanskionuar të gjitha kompanitë që punojnë ose janë nën menaxhim të shtetit rus, të tilla si ato në Serbi. /Telegrafi/

Një lojtar i lotarisë ia atribuoi fatin një takimi të rastësishëm me gjyshen e tij në një dyqan për të fituar një çmim prej 1 milion dollarësh .

Lojtari, i cili i vuri vetes nofkën "Gjyshja është hajmalia ime me fat", u tha zyrtarëve të Lotarisë së Illinois se fati i tij filloi me një ndalesë në Road Ranger.

"Shorti i xhekpotit u zhvillua atë natë, por unë punoj deri vonë, kështu që bëra një pushim të shpejtë dreke për të marrë një biletë dhe për të provuar fatin tim", kujtoi lojtari.

"Kur arrita në dyqan, pashë një veturë që dukej tamam si ajo e gjyshes sime. Dhe e dini çfarë? Ishte vetura e saj”, shtoi ai.

Lojtari tha se takimi me gjyshen e tij ishte fati i parë i ditës - por jo i fundit.

"Ajo vrapoi drejt meje dhe më përqafoi", tha ai.

Pastaj burri bleu një biletë Powerball. Ai i përputhi të pesë numrat, 13-16-18-20-27, duke fituar një çmim prej 1 milion dollarësh.

"E thirra menjëherë gjyshen time dhe përgjigjja e saj e parë ishte: “Je e sigurt që fitove?'", kujtoi fituesi. /Telegrafi/

Partia Demokratike ka njoftuar se sot, në orën 18:30, do të zhvillohet foltorja e parë e turit të ri të takimeve publike, ku Kryetari i PD-së, Sali Berisha, do të mbajë një bashkëbisedim të hapur me qytetarët e Njësisë nr. 9 në Tiranë.

Takimi do të mbahet në zonën e ish-stacionit të trenit.

Ky takim, shënon startin e asaj që pritet të jetë një seri foltoresh që synojnë komunikimin e drejtpërdrejtë me qytetarët.

The post Partia Demokratike nis turin e foltoreve, Berisha zhvillon sot takim me qytetarët e Njësisë nr. 9 appeared first on Albeu.com.

Këtë të hënë, nis shpërndarja e bonusit të fundvitit për qindra mijëra pensionistë në vend, duke shënuar fillimin zyrtar të pagesave që pritet të lehtësojnë shpenzimet e festave.

Edhe pse dita e sotme përkon me ditë pushimi, institucionet që administrojnë pagesat kanë hapur sportelet posaçërisht për këtë proces, një masë që synon të shmangë vonesat dhe fluksin e ditëve në vijim.

Pensionistët mund ta tërheqin bonusin në pikat ku marrin zakonisht pensionin, në postë apo në bankë, ndërsa pagesat në llogari bankare kryhen automatikisht.

PËRFITIMI

Sipas skemës së miratuar, bonusi ndahet në dy nivele, duke favorizuar ata me të ardhura më të ulëta. Pensionistët që marrin deri në 20 mijë lekë në muaj përfitojnë 15 mijë lekë shtesë, ndërsa ata që përfitojnë mbi këtë shumë marrin bonus prej 10 mijë lekësh.

Ky diferencim konsiderohet si një mënyrë për të mbështetur më fort familjet që ndodhen në vështirësi ekonomike, sidomos në periudhën e fundvitit kur rriten shpenzimet për ushqime, barna dhe produkte të tjera të domosdoshme.

Procesi i pagesave do të vijojë pa ndërprerje gjatë gjithë muajit dhjetor dhe pensionistët që nuk arrijnë ta tërheqin menjëherë, kanë afat deri më 30 qershor të vitit të ardhshëm.

Pas kësaj date, e drejta për të përfituar bonusin humbet, prandaj autoritetet këshillojnë që të mos shtyhet pa arsye tërheqja e tij.

Me hapjen e sporteleve që në ditën e parë dhe me proces të koordinuar mes ISSH-së, Postës dhe bankave, shpërndarja e bonusit synon të jetë më e shpejtë dhe më e qetë se vitet e kaluara.

Ky bonus, konsiderohet nga pensionistët një mbështetje e rëndësishme në prag të festave, një shtesë që u vjen në ndihmë për të përballuar kostot e jetesës dhe për të kaluar një fundvit më të lehtë.

REAGIMI

Pavarësisht zërave se nuk do të jepet shpërblim këtë fundvit, qeveria ka theksuar se fondi për këtë pagesë është i garantuar dhe se asnjë informacion i përhapur së fundmi për shtyrje apo mungesë të bonusit nuk ka qenë i vërtetë, duke i dhënë fund pasigurive që qarkulluan në ditët e fundit.

Me nisjen e pagesave sot, të moshuarit janë të ftuar të marrin përfitimin e tyre pa hezitim dhe me procedura të thjeshtuara. Në nisje të podkastit “Flasim”, kryeministri Edi Rama,, u ndal te shpërblimi për pensionistët.

“Miratuam këtë javë shpërblimin e fundvitit për pensionistët, duke i dhënë fund zërave të kënetës së madhe politike e mediatike, që helmuan gjyshër e gjyshe me informacionin e rremë se shpërblimi i këtij fundviti do të ndahej çdo muaj të vitit tjetër dhe këtë vit nuk do të kishte shpërblim. Jo, shpërblimet janë nisur drejt pensionistëve dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro”, – tha Kryeministri Rama, duke sjellë në vëmendje edhe politikën për rritjen e pagave dhe pensioneve që do të zbatohet duke nisur nga janari 2026.

“Me hyrjen e vitit të ri 2026 nis edhe historia e re e rritjes së pensioneve, të cilat do të nisin të rriten nga janari e do të dyfishohen në janar 2027, do të trefishohen në janar 2028, do të katërfishohen në janar 2029, e do të pesëfishohen në janar 2030”, – u shpreh ai.

The post Nga sot nis shpërndarja e bonusit për pensionistët, ja sa do të përfitojnë të moshuarit appeared first on Albeu.com.

Presidenti i Serbisë, Aleksandar Vuçiç, njoftoi më 30 nëntor se nga e marta rafineria e Industrisë së Naftës së Serbisë (NIS) në Pançevë nuk do të funksionojë më dhe se Serbia do të duhet të “gjejë mënyra të ndryshme për të menaxhuar” situatën. Vuçiç u tha qytetarëve se duhet të jenë të qetë, sepse shteti […]

The post Mbyllet industria serbe e naftës/ Vuçiç: Nga e marta nuk do të funksionojë më! appeared first on BoldNews.al.

Edhe pse e hëna është ditë zyrtare pushimi, rreth 750 mijë pensionistë në të gjithë vendin, mund të tërheqin bonusin e fundvitit pranë pikave të postës.

Sipas Institutit të Sigurimeve Shoqërore, bonusin prej 15 mijë lekësh, do ta përfitojnë mbi 540 mijë persona, si të moshuarit që marrin deri në 20 mijë lekë pension, pensionet e invaliditetit, pensionet familjare dhe sociale, si dhe disa kategori të tjera pensionistësh.

Ndërsa bonusin prej 10 mijë lekësh do ta përfitojnë mbi 221 mijë individë, si personat që marrin pension mbi 20 mijë lekë, personat që marrin pension të parakohshëm, apo përfituesit e trajtimeve financiare të veçanta.

Bonusi i fundvitit mund të tërhiqet gjatë gjithë muajit dhjetor, ndërsa për ata që e kanë të pamundur gjatë kësaj periudhe, afati për tërheqje është deri më 30 qershor 2026.

Sipas Ministrisë së Financave, në skemën e pensioneve janë alokuar rreth 7.6 miliardë lekë, prej të cilave 5.9 miliardë lekë shtesë për fondin e dedikuar për bonusin e fundvitit për rreth 750 mijë pensionistë.

Gjithashtu, qeveria ka parashikuar që prej muajit janar të vitit të ardhshëm të ketë një rritje graduale mujore të pensioneve, përtej indeksimit të zakonshëm vjetor.

The post Shpërblimi i fundvitit për pensionistët, ja kur nis shpërndarja e bonusit appeared first on Albeu.com.

Ditën e sotme, po mbahet ceremonia mortore për artistin e ndjerë Shpat Kasapi në Pallatin e Kulturës në Tetovë, ku janë mbledhur familjarë, miq, kolegë dhe dashamirës të muzikës për t’i bërë homazhe dhe për t’u ndarë nga ai që u nda papritur nga jeta.

Klankosova.tv, sjell pamje nga ceremonia.

Për të nderuar Shpatin, në Tetovë gjenden edhe figura publike si Blero, Adelina Tahiri dhe Big Mama.

The post Nis ceremonia mortore në ndër të këngëtarit Shpat Kasapi në Pallatin e Kulturës në Tetovë (PAMJE) appeared first on Albeu.com.

Presidenti i Serbisë, Aleksandar Vuçiq, tha sot se shteti nuk ka marrë sinjal nga Shtetet e Bashkuara të Amerikës lidhur me çështjen e Industrisë së Naftës së Serbisë (NIS), dhe se rafineria do të mbyllet të shtunën ose të dielën.

“Ne të shtunën ose të dielën dalim nga ‘ecja e qetë’. Atëherë, me shumë gjasë, rafineria duhet të mbyllet. Nuk kemi marrë sinjal nga SHBA-ja se do të marrim licencën për të rinisur prodhimin e derivateve të naftës. Por çfarë të bëjmë”, tha udhëheqësi serb në një paraqitje të përbashkët me kryeministrin e Hungarisë, Viktor Orban.

Ai tha se, bazuar në informacionet që disponon Beogradi, OFAC ishte në pritje të miratonte dhënien e licencës, por vendimi ende po pritet nga Departamenti i Shtetit, raporton nova.rs.

“Ende nuk ka një vendim. Kjo na vë në një pozitë të vështirë. Jemi të përgatitur. Qytetarët nuk duhet të shqetësohen as për ngrohjen, as për energjinë elektrike, as për pikat e karburantit. U kemi thënë që të na japin kohë që t’i japim kohë pronarit të vërtetë të shesë pronën e tij, dhe keni garancitë tona se gjithçka do të jetë ashtu siç keni kërkuar. Nëse kjo nuk ju mjafton, atëherë kam frikë se pas gjithë kësaj fshihen gjëra të tjera”, deklaroi Vuçiq.

Ky i fundit kujtoi se sot është dita e pesëdhjetë që asnjë litër nafte nuk ka kaluar nëpër naftësjellësin e Janaf-it, por se askush në Serbi nuk ka ndier apo parë asnjë problem.

Ndryshe, NIS u vendos në listën e sanksioneve të SHBA-së më 10 janar për shkak të të ashtuquajturit "rrezik dytësor", pra pronësisë me shumicë ruse.

Sanksionet e SHBA-së synojnë, ndër të tjera, parandalimin e financimit të luftës në Ukrainë, përmes parave që vijnë nga kompanitë ruse të energjisë./ Telegrafi/

Presidenti i Serbisë, Aleksandar Vuçiq, tha më 25 nëntor se Serbia ka edhe katër ditë deri në ndalimin e plotë të punës së rafinerisë nëse Shtetet e Bashkuara nuk e aprovojnë licencën e punës për Industrinë e Naftës së Serbisë (NIS). “Rafineria e NIS-it po funksionon, ende nuk është fikur”, tha Vuçiq. Më 18 nëntor, […]

The post “Jemi në situatë të vështirë”, Vuçiç: Edhe katër ditë deri në ndërprerjen e punës në rafinerinë e NIS-it appeared first on BoldNews.al.

Tenisti italian Jannik Sinner ka fituar finalen e Masters në Torino, duke mundur numrin një në botë, Carlos Alcaraz, në dy sete me rezultatin 7:6 dhe 7:5 pas pak më shumë se dy orësh lojë.

Kjo ishte ndeshja e 16-të mes tyre, ku Sinner shënoi gjashtë fitore, ndërsa Alcaraz mbetet me dhjetë fitore.

Ndeshja nisi me lojë të sigurt nga të dy tenistët, që shfrytëzuan servisin e tyre me agresivitet. Shkëmbimet ishin të jashtëzakonshme, dhe italiani dukej më i sigurt teksa loja përparonte, megjithatë ndryshimi nuk dukej i madh në fillim.

Seti i parë shkoi në barazim, ku Alcaraz pati një set point, por Sinner realizoi një mini-break dhe e fitoi setin e parë.

Në setin e dytë, Alcaraz tregoi një lojë më të fortë dhe arriti të merrte epërsinë 2:0, madje edhe 3:1, por në gjashtë lojën e setit të dytë bëri disa gabime të cilat Sinner i shfrytëzoi për të realizuar thyerjen dhe për të kaluar në avantazh.

Italiani e ruajti kontrollin dhe me një pushim tjetër në lojën e dhjetë përfundoi setin dhe ndeshjen 7:5, duke festuar një fitore të merituar.

Ky është titulli i dytë radhazi i Final Masters për Sinner, që i afrohet Alcarazit me vetëm 550 pikë diferencë. Gjithashtu, ky është titulli i gjashtë i sezonit për të dhe i 24-ti në karrierën e tij. /Telegrafi/

Ministrja e Minierave dhe Energjetikës së Serbisë, Dubravka Gjedomiq Handanoviq, deklaroi më 15 nëntor se Shtetet e Bashkuara të Amerikës, që kanë vendosur sanksione ndaj Industrisë së Naftës së Serbisë (NIS) për shkak të pronësisë pjesërisht ruse, nuk i kanë dhënë NIS-it “asnjë ditë që të mund të vazhdojë të punojë”.

Ajo në një konferencë të jashtëzakonshme për media tha se është marrë miratim vetëm për negociata mbi pronësinë, por, siç u shpreh, “jo edhe që NIS dhe rafineria të vazhdojnë të operojnë”, transmeton Beta.

Administrata amerikane ka qenë e qartë dhe ka thënë se dëshiron ndryshim të plotë të pronësisë së NIS-it dhe kërkon tërheqjen e plotë të pronësisë ruse nga kompania, tha Gjedomiq Handanoviq, transmeton RTS.

“Është e qartë se as për shtatë ditë nuk është e mundur të ndryshohet pronësia. Si ministre e energjetikës do të them se na presin vendime të vështira se a duhet të merret kompania, e pastaj të kompensohet dëmi”, tha ajo.

Ajo shtoi gjithashtu se e di që “presidenti Vuçiq ka thënë se është kundër nacionalizimit”, por “nuk do të lejojmë që vendi ynë dhe qytetarët të jenë të rrezikuar”.

Pronaret rusë të NIS-it më 11 nëntor i kanë dërguar kërkesë Zyrës së Departamentit të Thesarit të SHBA-së për kontrollin e pronës së huaj (OFAC), me të cilën kërkonin zgjatjen e licencës së punës, në bazë të negociatave me një “palë të tretë”.

Për shkak të sanksioneve të Shteteve të Bashkuara të Amerikës, të drejtuara ndaj NIS-it për shkak të pronësisë pjesërisht ruse, është pamundësuar furnizimi me naftë të papërpunuar në Serbi.

SHBA-ja vendosi sanksionet për të pamundësuar financimin e pushtimit që Moska nisi në Ukrainë në shkurt të vitit 2022.

Negociatat rreth fatit të NIS-it ende po vazhdojnë, me Rusinë si pronare shumicëshe dhe me SHBA-të që kanë vendosur sanksione.

Vuçiq qysh në janar e ka hedhur poshtë mundësinë e nacionalizimit të NIS-it, pra që kompania më e madhe e naftës në Serbi të rikthehet nën ombrellën e shtetit, por në një deklaratë për RTS më 23 tetor tha se shteti do të ndërmarrë hapa kur të shfaqen probleme me furnizimin.

SHBA-ja shpalli sanksione ndaj NIS-it më 9 tetor, dhe ato janë shtyrë tetë herë./rel

The post Sanksionet e SHBA ndaj kompanisë serbe të naftës, administrata amerikane nuk miraton vazhdimin e punës së NIS appeared first on Albeu.com.

Për momentin, nuk është i pari. Janik Siner është i detyruar të kënaqet me vendin e dytë në renditjen botërore të tenisit për meshkuj, por gjithsesi, ka një kategori ku mbetet i paprekshëm.

Kampioni italian mbushi 722 ditë pa njohur humbje në turnetë në salla të mbyllura, ndërsa e nisi me fitore pjesëmarrjen e tij në Serinë Finale që mbahet në Torino.

Siner është fituesi në fuqi I këtij konkurrimi, që vlerësohet po aq lart sa katër Grand Slemet. Në ndeshjen e parë, ai mundi kanadezin Aliasimë në dy sete. Suksesi erdhi me shifrat e seteve 7-5 e 6-1.

Sidoqoftë, ky lajm sportiv sikur u la pak mënjanë, ndërsa mediat italiane dhe ato europiane njoftuan se dy tifozë të vjetër humbën jetën në Pallatin e Sportit gjatë ndeshjes.

Ata u sëmurën, dhe nuk u shpëtuan dot as në spital, ndërsa në Arenë ndodheshin gjithsej 13 000 njerëz. Në total, italiani ka 27 fitore radhazi në Arena të mbyllura, I mundur për herë të fundit nga Novak Gjokovic.

Pikërisht, Nole I ka shkaktuar edhe humbjen e fundit në Serinë Finale, e pikërisht në sfidën për titull në 2023. Gjithsesi, Siner ka mundësi të mos e mbyllë dot vitin në vendin e parë, pasi kurorën ia mori Karlos Alkaraz. Ai duhet të fitojë në Torino, dhe Alkaraz të arrijë vetëm dy suksese, ndërsa spanjolli e ka marrë të parin./abcnews.al

Ishin dy turne krejt të ndryshëm. Ai i meshkujve në Athinë u bë I madh sepse mori pjesë ish-numri 1 I botës dhe rekordmeni I Grand Slemeve, Novak Gjokoviç, ndërsa ai I femrave ishte Finalja e Turneve Masters, një konkurrim që vjen menjëherë pas Grand Slemeve.

Në kryeqytetin e Greqisë triumfoi pikërish Gjokoviç. Tenisti serb, që është larguar nga Beogradi mesa duket sepse i doli kundër presidentit të vendit, Vucic, ia doli në finale ndaj italianit Muzeti me 3 sete.

Rezultati I seteve ishte 4-6, 6-3 e 7-5 në fushën qendrore në kompleksit sportiv “Paqja e Miqësia”. Ky ishte turneu numër 101 që Nole fiton në karrierë, duke qenë vetëm dy suksese pas legjendës zvicerane, Rozher Federer, që është i dyti për të gjitha kohët me 103.

Në vend të parë, Xhimi Konors me 109. Pas fitores në Athinë, Gjokoviç njoftoi se nuk do të luajë në Finalet e Serisë Masters në Torino që nisin këtë të hënë, dhe ku do të shkojë Muzeti.

Tek femrat pati një të papritur. Tenistja nga Kazakistani, Jelena Ribakina, fitoi Finalet e Serisë Masters, që u zhvilluan përpara meshkujve.

Në Arenën e Universitetit të Mbretit Saud në Riad të Arabisë Saudite, Ribakina mundi numrin 1 të botës dhe favoriten, Arina Sabalenka.

Bjellorusja, që është kampione e Uimbëlldonit në fuqi, u mund në dy sete, me rezultatin 6-3 e 7-6.

Vajza e lindur në Moskë e plotësoi kryeveprën e saj në Riad, pasi në fazën e grupeve mundi numrin 2 të botës, polaken Iga Shviontek.

Ky ishte turneu I 11-të fituar prej saj në karrierë, e ndoshta po kthehet në formën e madhe që pati në 2022 kur triumfoi në Uimbëlldon.

Ka nisur normalisht procesi i votimit për zgjedhjet e parakohshme në Cerrik. Përjashtim bën vetëm qendra e votimit nr. 25/45, e cila ndodhet në një nga zonat periferike të Cërrikut, ku është raportuar një problem teknik me pajisjen e identifikimit biometrik (PEI).

Burime nga KAZA ne 47 Cerrik, bëjnë me dije se stafi teknik ndodhet aktualisht në QV dhe po punohet për rregullimin e pajisjes në mënyrë që procesi të vijojë pa vonesa të mëtejshme.

Ndërkohë, nga verifikimet e kryera deri tani, nuk janë evidentuar mungesa të komisionerëve në asnjë nga qendrat e votimit të bashkisë Cërrik, duke garantuar vijimin e qetë dhe të rregullt të procesit zgjedhor.

The post Nis votimi në Bashkinë e Cërrikut, në një qendër votimi probleme me pajisjen e identifikimit biometrik appeared first on Albeu.com.

Ditën e sotme, ka nisur normalisht dhe pa probleme në Berat, proçesi i votimit për zgjedhjet e pjesshme vendore.

79.323 mijë qytetarë do të votojnë për zgjedhjen e kryebashkiakut të ri të Beratit, ku numri i votuesve është 52.808 votues në qytet dhe 26.515 votues në zonat rurale.

Në këto zgjedhje janë hapur 116 Qendra Votimi,72 Qendra Votimi janë në qytet dhe 44 Qendra Votimi janë në zonat rurale.

Në Berat, janë ngritur dy KZAZ,KZAZ-ja Nr.66,e cila ndodhet në Pallatin e Kulturës “Margarita Tutulani” dhe ku do të numërohet në përfundim të proçesit të votimit 72 kutitë e qytetit dhe KZAZ-ja Nr.67,e cila ndodhet në Bibliotekën “Vexhi Buharaja” dhe ku do të numërohen në përfundim të proçesit të votimit 44 kutitë e fshatrave.

Në garë për drejtimin e bashkisë së Beratit janë dy kandidatë:

1-Ervin Ceca,kandidati i zgjedhur nga Partia Socialiste (kryetari i komanduar i deritanishëm i bashkisë Berat), i diplomuar në Ekonomi Ndërkombëtare dhe.

2-Pavllo Shkarpa, kandidat i pavarur,i dipllomuar në Inxhinieri.

DVP Berat,konfirmon se,ka marrë të gjitha masat për zhvillimin normal dhe pa probleme të proçesit zgjedhor në Berat, duke vendosur efektivë të shruar në të gjitha Qendrat e Votimit dhe më pas në dy KZAZ-të, ku do të zhvillohet proçesi i numërimit të votave.

The post Zgjedhjet e pjesshme lokale, nis pa probleme procesi i votimit në Berat appeared first on Albeu.com.