Botuesi i Koha Jonë, Nikoll Lesi, i ftuar në emisionin “Të Paekspozuarit” në MCN TV, deklaroi se protesta e opozitës nuk e rrezikon aspak mazhorancën, ndërkohë që tregoi një bisedë me një militant të PD-së i cili kishte ardhur me furgon në protestë për të rrëzuar Ramën, siç premtoi Berisha, por u zhgënjye.

“Po nuk ka takat doktori… Duhet të qëndronte ditë-natë në shesh, por prapë me Saliun nuk bashkohet e gjithë opozita. Jam 100% dakord me atë që tha Murrizi, por mund të shtoj, PD dhe Berisha ka disa muaj apo vite, që thonë kjo është protesta e fundit që rrëzon Ramën. Vijnë militantët, njoh të ndryshëm. Njëri më tha këtë rradhë ka mbaraur Rama. Pas mitingut, më tha pagova fugonin, pagova militantët dhe tani nuk vij më. Zhgënjehen njerëzit. Po të ketë lidership të besueshëm opozita, edhe unë dal në protestë, se i thonë katër mandte mazhoranca. Por ka një opozitë, që doktori mban Ramën në pushtet.

Me këtë mënyrë, të djegë dhe të bëjë cfarë të dojë… Në kohën e Bashës ka patur protestë më të madhe PD-ja, ishte edhe më afër pushtetit dhe nuk fitoi dot. Me doktor Berishën, që e ka bërë historinë e vet, nuk vjen në pushtet PD. Kryetari i ri i PD duhet të jetë kandidati për kryeministër. Me PD dhe me Berishën, e mund dot Ramën? Jo. Duhet front i ri”, tha ndër të tjera Lesi.

The post “Mbështetësi i PD më tha, pagova furgonin dhe militanët, por nuk vij më…”/ Lesi: Ramën e mban doktori në pushtet! appeared first on Albeu.com.

Ndonëse defekti i shkaktuar në tubacionin kryesor të Ujësjellësit arriti të riparohej, sërish një pjesë e Vlorës mbetet akoma pa ujë në prag të ndërrimit të viteve. Dhe shkaku, sipas Ujësjellës Kanalizimeve të Vlorës, është vjedhja e saraçineskës, në stacionin e ujësjellësit në lagjen “24 Maji”, pranë Stacionit të Trenit të Mallrave. Sipas njoftimit, vjedhja […]

The post Ndërpritet sërish furnizimi me ujë në Vlorë, Ujësjellësi njofton për një vjedhje appeared first on BoldNews.al.

Urimi i gazetarëve të KOHA JONE për Vitin e Ri 2026!

Source

Prej së dielës banorët e Vlorës janë në protestë për mungesën e ujit të pijshëm. Qyteti hyri të hënën në ditën e katërt pa furnizim, për shkak të një problemi teknik.

Të hënën dhjetëra qytetarë u grumbulluan para bashkisë, ku hodhën vezë dhe letra higjienike, teksa një mbrëmje më parë ata mësynë teatrin “Petro Marko” duke prishur eventin e fundvitit që organizohej nga bashkia.

Revolta erdhi si përgjigje ndaj mungesës së përgjegjësisë dhe rrugëzgjidhjes. Nën zhurmën e bidonëve, ata kërkuan zgjidhje urgjente dhe paralajmëruan rrezik shëndetësor nga mungesa e higjienës.

Uji u ndërpre në qytetin e Vlorës pas një defekti në linjën kryesore të furnizimit. Defekti ndodhi në tubacionin e gjerë, 1 metër, që furnizon depot. Linja ishte investuar në vitet 2009-2010.

Ekipet e Ujësjellës-Kanalizimeve punuan në terren për rregullimin e avarisë, por si duket problemi ishte më serioz se sa u pandeh në fillim duke kërkuar më shumë kohë.

Edhe kryebashkiakja Brunilda Mersini ishte në vendin ku po kryheshin punimet. Ajo e quajti situatën “fatkeqësi natyrore” dhe shmangu debatin për përgjegjësitë, megjithëse përmendi faktin se ujësjellësi prej dy vitesh administrohet nga qeveria dhe jo bashkia.

Sipas Mersinit, testet e fundit dhanë rezultat pozitiv. Zona e Lungomares pritet të furnizohet me presion minimal. Ndërkohë zgjidhja për furnizimin në qytet është dhënë me 15 autobote ujë, ku përparësi u është dhënë institucioneve.

Ndarja e përgjegjësive administrative për shërbimet kryesore të qytetit, mes qeverisë qendrore dhe asaj vendore, kanë qenë problem i vazhdueshëm në Vlorë.

Në vitin 2024, kriza e mbetjeve, zjarri në fushën e depozitimit dhe përmbytjet rritën pakënaqësinë publike dhe paraprinë dorëheqjen e kryebashkiakut Ermal Dredha.

Ndërkohë, furnizimi me ujë mbetet premtim i përsëritur politik prej vitit 2013.

Kryeministri Edi Rama premtoi asokohe furnizim 24 orë si “shenjë qytetërimi”. Në 2021, ai garantoi 100% furnizim në mandatin e tretë.

Në vitin 2025, gjatë një diskutimi online, Rama relativizoi problemin duke kujtuar se as komunizmi nuk kishte pasur ujë 24 orë. Kështu, premtimet ndryshojnë, por realiteti mbetet i njëjtë për qytetarët.

Sipas raportit vjetor 2024 të Entit Rregullator të Ujit, furnizimi mbulon 77.2% të popullsisë. Rritja është vetëm 1.9% krahasuar me vitin 2023.

Raporti thekson ndikimin e kompanive më të mëdha të ujësjellësit, mes tyre Tirana, Durrësi dhe Vlora. Megjithatë, statistikat mbeten larg premtimit për furnizim të qëndrueshëm 24 orë.

Kriza në Vlorë ekspozoi kështu brishtësinë e menaxhimit të sistemit të ujësjellësave dhe mungesën e përgjegjësive të qarta. Ndërsa qytetarët kërkojnë jo vetëm zgjidhje emergjente, por transparencë dhe plan afatgjatë për një shërbim bazë.

The post Fundviti gjen Vlorën pa ujë, bashkia shmang përgjegjësinë appeared first on Citizens.al.

Source

Një defekt i rëndë në linjën kryesore të furnizimit me ujë ka shkaktuar ndërprerjen e menjëhershme të ujit për 9000 banorë të qytetit të Rrëshenit dhe disa fshatra përreth në bashkinë e Mirditës. Dëmtimi ka ndodhur mëngjesin e së premtes. Punonjësit e Shërbimit të Ujësjellës-Kanalizimeve kanë kryer verifikimet në terren dhe kanë konstatuar se bëhet […]

The post Dëmtohet linja e ujësjellësit në Mirditë, mijëra banorë mbeten pa ujë appeared first on BoldNews.al.

NP “Ujësjellësi dhe kanalizimi” – Shkup informoi se sot për shkak të dy ndërhyrjeve të ndara në rrjetin e ujësjellësit, disa rrugë dhe lagje të Shkupit do të mbeten pa ujë apo me presion të zvogëluar në furnizim.

Nga ndërmarrja kumtojnë se për shkak të defektit rrugor nga f-400 mm në rr.”Butelska” p.n., afër servisit “Topal”, në periudhën prej orës 11:00 e deri në përfundim të mënjanimit të tij, pa ujë do të mbeten shfrytëzuesit në rrugët “Ho Shi Min”, “Marko Krale”, “Prizrenska”, “Petar Manxhukov”, “Aleksandar Bujnov”, “Kraishka”, “Kole Kaninski” si dhe shfrytëzuesit e rr.”Butelska” nga aksi 1 deri në aksin 35 dhe nga aksi 2 deri në aksin 14, në rajonin e Komunës së Butelit.

Gjithashtu sot, për shkak të ndërhyrjes në bul.”Aleksandar Makedonski” p.n., në periudhën prej orës 05:00 e deri në përfundimin e punëve, pa ujë do të mbeten shfrytëzuesit në bul.”Aleksandar Makedonski”, rrugët “Palmiro Tolati” dhe Maxhari, banorët e lagjeve Metodija Andonov – Çento dhe fshati hasanbeg, si dhe disa nga shfrytëzuesit në rr.”808″ dhe bul.”Kiro Gligorov”, në territorin e Komunës Gazi Babë.

Presion të pakësuar në furnizimin me ujë, siç informoi NP Ujësjellësi dhe kanalizimi, do të kenë edhe sjfrytëzuesit nga lagjja Autokomandë – zona e ulët, si dhe nga lagjet Triangla dhe Hipodrom, si dhe shfrytëzuesit në rr.”Pero Nakov” në afërsi të Tregut “Kvantashki”.

Nesër, më 30 nëntor, një pjesë e madhe e qytetit të Shkupit do të mbetet pa ujë për shkak të defekteve dhe punimeve teknike në disa zona.

Ndërmarrja Publike Ujësjellësi dhe Kanalizimi njofton se për shkak të punimev teknike që do të kryhen në bulevardin Aleksandri i Madh furnizimi me ujë do të ndërpritet plotësisht nga ora 5 e mëngjesit në lagjen Çento, Maxhari, rrugën Palmiro Toljati dhe fshatin Singeliq.

Ndërprerjet do të zgjasin deri në përfundimin e të gjitha punimeve. Pa ujë ose me presion të ulët do të mbeten edhe banorët e bulevardit Aleksandri I Madh, një pjese të bulevardit Kiro Gligorov, lagjes Autokomandë, Trianglës, Hipodromit dhe zonës rreth tregut në rrugën Pero Nakov.

Po ashtu, për shkak të një defekti të madh në rrugën Butelska, nga ora 11:00 do të ndërpritet furnizimi me ujë për banorët e rrugëve përreth.

Furnizimi do të rikthehet sapo të përfundojë riparimi.

Të kalosh pasditen duke luajtur me një konfigurues makine është një mënyrë e shkëlqyer për të kaluar kohën në një javë të shkurtër festash, veçanërisht kur një prodhues makinash ju ofron qindra mijëra mundësi për të zgjedhur.

Konfiguruesi i Porsche është zakonisht mjaft gjithëpërfshirës, gjë që është e vërtetë për Cayenne EV të reja. Por ka një detaj interesant të fshehur brenda tij: Një konfigurues çelësash, transmeotn Telegrafi.

Porsche u ka ofruar klientëve çelësa të personalizuar në të kaluarën, dhe duhet pranuar se ju mund ta personalizoni çelësin tuaj për modele të tjera, si Macan EV.

Nën seksionin "Brendësia", ku thuhet "Çelësa, Tapete Dyshemeje dhe Portofolet e Manualit të Pronarit", Porsche ju ofron tre opsione të ndryshme të personalizueshme të çelësave për të zgjedhur.

I pari është një çelës standard i lyer me një qese lëkure. Klikimi i skedës "Personalizo" ju ofron 12 opsione të ndryshme ngjyrash - mjaft të zbutura - për vetë çelësin, zgjedhjen tuaj të lëkurës ose Race-Tex për kutinë dhe disa ngjyra qepjeje për kordonin. Kaq është. Ky opsion ju kushton 510 dollarë shtesë.

Për të njëjtin çmim, çelësi i personalizuar i automjetit ju jep disa ngjyra të tjera për të zgjedhur - por prapëseprapë nuk është asgjë tepër mbresëlënëse. Vetëm kur zgjidhni opsionin e çelësit të automjetit të personalizuar për 770 dollarë, kupa juaj mbushet me ngjyra, tekstura dhe mundësi.

Mund të zgjidhni nga tre materiale për mbulesën e sipërme: Lëkurë, Race-Tex ose bojë. Nëse zgjidhni bojë, Porsche ka një gamë prej 16 ngjyrash për të zgjedhur, duke përfshirë disa opsione të çuditshme si Ruby Star Neo ose Python Green.

Mbështjellësi i poshtëm ka të njëjtin material dhe të gjitha opsionet e njëjta të bojës - plus disa të tjera. Në këtë rast, zgjedhja e lëkurës në pjesën e poshtme të mbulesës hap ngjyrën Blu Akuamarine, ngjyrën që shihni këtu. Për aq sa mund të kuptohet, nuk ka kufizime kombinimi, gjë që është mirë.

Pasi të zgjidhni ngjyrat për mbulesën e jashtme, mund të kaloni te vetë mbulesa e çelësit. Edhe këtu, Porsche ju lejon të personalizoni mbulesat e sipërme dhe të poshtme me lëkurë, Race-Tex ose bojë, me deri në 16 opsione.

Kutia e çelësit ka 12 opsione ngjyrash për pjesën e sipërme dhe 14 nuanca të tjera për vijën e hollë. Ngjyra Limestone Beige dhe Ruby Star Neo janë një kombinim i shkëlqyer. Për kordonin, mund të zgjidhni midis tekstit Porsche ose Cayenne, me pesë nuanca delikate. Për këtë ushtrim, do të zgjidhni të Kuqen.

Vetë kordoni ka edhe 12 opsione të tjera ngjyrash, ndërsa qepja e theksuar është e pasur me 19 opsione të ndryshme ngjyrash. Por nëse doni vërtet të çmendeni, mundeni—duke supozuar se keni 770 dollarë shtesë për të paguar përveç çmimit fillestar prej 111,350 dollarësh të Cayenne EV të re. /Telegrafi/

NJU JORK, 20 tetor /ATSH-AA/ – Studiuesit në Spitalin e Fëmijëve ‘Johns Hopkins’ kanë zbuluar një mënyrë për të aktivizuar sistemin imunitar të trupit për të njohur dhe shkatërruar qelizat kancerogjene që më parë ishin të padukshme për të.

Studimi, i botuar në ‘Nature Immunology’, tregon se duke stimuluar dy rrugë kryesore imunitare, shkencëtarët arritën të shndërrojnë tumoret rezistente ndaj sistemit imunitar në tumore “të nxehta ndaj imunitetit”, të afta të sulmohen nga mbrojtjet natyrore të trupit.

Eksperimentet u kryen në modele minjsh të kancerit të gjirit, pankreasit dhe muskujve.

Qasja jo vetëm që shtypi rritjen e tumorit, por gjithashtu krijoi një kujtesë imunitare afatgjate, duke përmirësuar shkallën e mbijetesës dhe duke reduktuar mundësinë e përsëritjes.

“Duke ndërtuar infrastrukturën e duhur imune brenda tumoreve, ne mund të fuqizojmë mbrojtjen e vetë pacientit, si të qelizave T ashtu edhe të qelizave B, kundër rritjes së kancerit, rikthimit dhe metastazës”, citon raporti shkencëtarin e lartë dhe autorin kryesor të studimit, Masanobu Komatsu.

Shumë tumore konsiderohen “të ftohtë imunitar”, që do të thotë se atyre u mungon aktiviteti i qelizave imune i nevojshëm që trajtime të zakonshme si imunoterapia të funksionojnë.

Ekipi i spitalit ‘Johns Hopkins’ kërkoi ta ndryshojë këtë duke stimuluar mjedisin e tumorit me molekula imunoaktive.

Ata u përqendruan në forcimin e strukturave limfoide terciare (TLS), të cilat janë grumbuj qelizash imune që luajnë një rol kritik në organizimin e sulmeve imune.

TLS-ja zakonisht gjenden në tumoret imunoaktive dhe janë të lidhura me rezultate më të mira për pacientët.

Duke përdorur dy molekula imunoaktive, studiuesit rikrijuan kushte të ngjashme me ato që gjendet në tumoret imunoaktive.

Kjo çoi në një rritje të qelizave T vrasëse që sulmojnë kancerin, formimin e enëve të reja të gjakur që lejuan qelizat imune të hyjnë dhe prodhimin e antitrupave që synojnë qelizat tumorale.

Qelizat B brenda TLS-së u zhvilluan në qeliza plazme që prodhojnë antitrupa dhe qeliza kujtese që ndihmojnë sistemin imunitar të njohë dhe të luftojë kancerin nëse ai rikthehet.

Trajtimi gjithashtu rriti qelizat T ndihmëse dhe qelizat T të kujtesës, duke rritur imunitetin humoral dhe ai i ndërmjetësuar nga qelizat.

Sipas shkencëtarit Komatsu, rezultatet sugjerojnë se kombinimi i dy sinjaleve imunoaktive mund të rrisë efektivitetin e trajtimeve aktuale, duke përfshirë kimioterapinë dhe imunoterapitë, në llojë të ndryshme të kancerit.

Hulumtimi u financua nga Instituti Kombëtar i Kancerit (NIH), Departamenti i Mbrojtjes i SHBA-së dhe Departamenti i Shëndetësisë i Floridës.   /os/

The post FOKUS – Identifikohet çelësi imunitar për të ndihmuar trupin të luftojë kancerin appeared first on Agjencia Telegrafike Shqiptare.

Kandidati i pavarur për Bashkinë e Tiranës, Florian Binaj, e ka krahasuar kandidimin e tij me atë të botuesit të gazetës KOHA JONE, Nikoll Lesi në vitin 1997. Binaj u shpreh: “Rasti im është i ngjashëm me atë të zotit Nikoll Lesi kur ai vendosi të kandidojë i pavarur si deputet dhe pati përkrahjen e gjithë spektrit politik. Edhe unë po ndjej të njëjtën frymë bashkimi përtej partive…

Source

Vetëm 10 kilometra larg Durrësit turistik, në fshatin Xhafzotaj të Shijakut, banorët këtë verë kanë pasur vetëm një kryefjalë në bisedat e tyre, mungesën e ujit të pijshëm për ditë të tëra. “Në ditët më të nxehta të gushtit kemi ndenjur një javë pa ujë të pijshëm”, tregoi Lavdija, rreth të 50-ve. Banorja e Xhafzotajt […]

The post Fatura e mungesës së ujit: Dëme, protesta dhe zhgënjim turistik appeared first on BoldNews.al.

Dy ditë më parë, 40-vjeçari Mirel Çokaj, banues në fshatin Fushë-Grudë, humbi jetën tragjikisht në malësinë e Kelmendit në Malësi të Madhe, pasi sipas Policisë, ai ra aksidentalisht në një terren të thepisur malor. Rifat Çokaj, një ish oficer policie me banim në Amerikë, ka bindje se kushëriri i tij Mirel Çokajmerrej me drogë në […]

The post Ra në humnerë? Kushëriri: Mirel Çokajn e kanë vrarë, kishte mbjellë drogë me disa ortakë appeared first on BoldNews.al.

TIRANË, 4 shtator/ATSH-Maela Marini/ Kryeministri Edi Rama, në fjalën e mbajtur në aktivitetin “Shqipëria Turistike 2030”, komentoi rritjen e numrit të turistëve që kanë vizituar Shqipërinë deri tani, të cilët kanë arritur në mbi 9 milionë vizitorë, ndërsa shtoi se prioritet i prioriteteve është rritja e cilësisë.

“Kemi mbi 9 milionë vizitorë, ose thënë ndryshe 500 mijë vizitorë më shumë se vitin e kaluar, gjysmë milion më shumë. Kjo është “rënia” e komentuar krejt gabimisht”, shtoi Rama.

Ashtu sikundër, kryeministri solli në vëmendje se “nuk është e vërtetë që numri i vizitorëve nga Kosova ka rënë, nuk figuron në asnjë lloj shifre”.

“Përkundrazi, ka një rritje, e cila nuk është një rritje e madhe, për shkak se faktikisht ka pak ose aspak shqiptarë në Kosovë që nuk kanë qenë më parë në Shqipëri”, theksoi kryeministri.

Rama nënvizoi po ashtu se “ka rritje të turistëve edhe nga Italia, Mali i Zi dhe Maqedonia e Veriut dhe pa dyshim edhe nga Greqia”.

“Ajo që vlen të theksohet është rritja e madhe nga Franca, nga Gjermania, rritja e konsiderueshme nga Kina, Brazili, Australia, Turqia ose Izraeli”, tha ai.

Ndërsa theksoi se në tërësi ka rritje të numrit të turistëve, Rama nënvizoi se “tanimë nuk kemi objektiv rritjen”.

“Nuk është ky objektivi ynë. Rritja nuk është më prioriteti i parë për ne. Prioriteti i prioriteteve është rritja e cilësisë dhe rritja e numrit të turistëve, e vizitorëve që konsumojnë më shumë në vendin tonë”, shtoi ai.

Kryeministri nënvizoi se turizmi dhe Shqipëria turistike ndihmojnë vendin tonë në aspektin e imazhit ndërkombëtar dhe perceptimin e të tjerëve për ne.

“Ka një përputhshmëri shumë interesante midis rritjes së numrit të vizitorëve dhe përmirësimit të perceptimit. Sjell si shembull Francën, që edhe në Barometrin e bërë së fundmi nga Komisioni Europian, ka një perceptim pozitiv për Shqipërinë populli francez, që as që mund të imagjinohej deri shumë vite më parë, kur Shqipëria dhe shqiptarët shikoheshin si ‘dele e zezë'”, shtoi Rama.

Por, Rama tha se “kemi pa diskutim standarde të tjera sot në turizëm krahasimisht me nga jemi nisur”.

“Theksoj, duke e lidhur me numrin dhe cilësinë që kemi pa diskutim standarde të tjera sot në turizëm krahasimisht me nga jemi nisur. Këtu kam parasysh operatorë turistikë të certifikuar, udhërrëfyesit turistikë të certifikuar, që sot janë afro 1 mijë, ndërkohë që nuk kishim asnjë, strukturat akomoduese të certifikuara e kështu me radhë, si dhe gjithë sistemin e administrimit të plazheve, shërbimit shëndetësor, shërbimit policor. Në një sezon ku faktikisht kemi pasur zero ngjarje të rënda kriminale, apo ku kemi pasur afro 70 mijë vizita të realizuara në qendrat shëndetësore të posaçme që hapen për sezonin”, tha Rama.

/r.e/

The post Rama: Prioriteti ynë, rritja e cilësisë dhe turistëve që konsumojnë në vendin tonë appeared first on Agjencia Telegrafike Shqiptare.

Shqipëria renditet e fundit në Europë për cilësinë e ujërave bregdetare. Shkaku kryesor? Ujërat e zeza të patrajtuara që derdhen në det, mungesa e impianteve të trajtimit dhe menaxhimi i dobët mjedisor.

Esmeralda Topi

Në fillim të vitit 2023, ministrja e Turizmit dhe Mjedisit, Mirela Kumbaro, gjatë një konference të posaçme për prezantimin e “Arritjeve, sfidave dhe objektivave të vitit”, shpalosi ambiciet për përmirësimin e cilësisë së ujërave larës në vend.

“Qëllimi është të shkojmë në zero dhe të avancojmë me një procedurë tjetër që është flamuri blu për plazhet. Synohet zerimi i ujërave larës problematikë”, deklaroi ajo, teksa citoi të dhëna nga Agjencia Europiane e Mjedisit. 

E njëjta agjensi, një vit më vonë ngre alarmin për cilësinë e ujërave në Shqipëri. Ndryshe nga sa zotohej Kumbaro, Shqipëria renditet e fundit në Europë për cilësinë e ujërave larës. 

Këto shifra e vendosin Shqipërinë si vendin me përqindjen më të ulët të cilësisë së shkëlqyer dhe më të lartën për cilësinë e dobët, ndër të gjitha vendet e përfshira në analizë.

“Janë të paktën katër raportet e fundit të Agjencisë Europiane të Mjedisit që tregojnë përkeqësimin e cilësisë së ujërave larës në Shqipëri. Jemi shumë larg flamurit blu. Dhe kjo e dëmton turizmin”, thotë Olsi Nika, drejtues i Eco Albania. 

Të fundit në Evropë

Nga 119 pika të monitoruara në vend, vetëm 16% janë klasifikuar me cilësi “shkëlqyer”, duke shënuar rënie dramatike nga 41% një vit më parë dhe shumë larg mesatares së BE-së që është 85.4%. Edhe më shqetësues është fakti se 22.7% e ujërave në Shqipëri kanë cilësi të dobët. 

46% e ujërave të monitoruara në vend rezultojnë me cilësi të mirë dhe 11.8% kanë cilësi të mjaftueshme.

Ndërkohë që Ministrja Kumbaro promovon idenë e plazheve me flamur blu, një standard ndërkombëtar që kërkon cilësi të lartë ujore, menaxhim të qëndrueshëm dhe shërbime të plota, të dhënat tregojnë se jemi shumë larg tij. 

Agjencia Europiane e Mjedisit thotë se problemi kryesor lidhet me mungesën e investimeve në trajtimin e ujërave të ndotura. Shpeshherë, ujërat e zeza të papërpunuara përfundojnë drejtpërdrejt në det apo lumenj, duke kontaminuar zonat bregdetare që janë kthyer në epiqendra të turizmit masiv. 

Po ashtu, raporti nxjerr në pah se reshjet intensive dhe përmbytjet e herëpashershme mund të shtojnë ndjeshëm ndotjen nga rrjetet e kanalizimeve.

Ndaj për vendet me renditje të dobët, si Shqipëria, Agjencia Europiane e Mjedisit rekomandon masa urgjente duke përfshirë ndërtimin e impianteve të trajtimit të ujërave të zeza, forcimin e monitorimit sezonal dhe përfshirjen aktive të komuniteteve lokale në kontrollin dhe mbrojtjen e mjedisit. 

Përfundim

Nisur nga të dhënat e mbledhura, deklaratën e ministres Mirela Kumbaro për zerimin e ujërave larës problematikë në Shqipëri, e kategorizojmë të pavërtetë.

The post Nga premtimi për “flamur blu”, tek realiteti i ujërave të zeza appeared first on Faktoje.al.

Një automjet zjarrfikës është përfshirë nga flakët gjatë një operacioni për shuarjen e një zjarri në fshatin Jaran, njësia administrative Bajzë, në Malësi të Madhe.

Ngjarja ka ndodhur teksa ekipi zjarrfikës po përpiqej të izolonte vatrën e zjarrit, por për shkak të erës së fortë, flakët janë përhapur me shpejtësi dhe kanë përfshirë automjetin.

Pavarësisht situatës së rrezikshme, fatmirësisht asnjë nga zjarrfikësit nuk ka pësuar lëndime.

Në ndihmë të tyre kanë mbërritur edhe tre mjete të tjera zjarrfikëse, të cilat kanë arritur të vënë nën kontroll zjarrin dhe të shmangin një rrezik të madh për zonën përreth.

Autoritetet lokale po hetojnë për të përcaktuar shkakun e zjarrit. Ndërkohë, Malësia e Madhe vazhdon të mbetet bashkia me numrin më të lartë të vatrave të zjarrit në Qarkun e Shkodrës.

The post Përfshihet nga flakët automjeti zjarrfikës në Malësi të Madhe, nuk raportohen të lënduar appeared first on Albeu.com.

Në vitet 2021 dhe 2022 u bë një investim nga Bashkia e Himarës për ujë 24 orë në fshatin Vranisht. Ujësjellësi u bë, u vendosën tuba, rrjet shpërndarës, u ndërhy te ai i vjetri në burim. Por, 3 vite më pas, banorët ankohen dhe thonë se uji u shkon me pikatore. Sipas tyre, firma apo […]

The post Himarë/ Ujësjellësi i Vranishtit kushtoi 1.7 milionë euro, por uji është me pikatore appeared first on BoldNews.al.

TIRANË, 17 korrik/ATSH/ Ministrja e Arsimit dhe Sportit, Ogerta Manastirliu, bëri të ditur sot se gjimnazi “Dhaskal Todhri” në Elbasan do t’i nënshtrohet së shpejti një rikonstruksioni të plotë, duke sjellë standarde më të mira infrastrukturore për nxënësit dhe mësuesit.

Gjatë një takimi me mësuesit e kësaj shkolle, Manastirliu theksoi se investimi në arsimin cilësor mbetet prioritet, ndërsa nënvizoi se janë duke u ndërmarrë hapa të rëndësishëm për të përmirësuar cilësinë e mësimdhënies dhe për të mbështetur më tej mësuesit.

“Me mësuesit e shkollës ‘Dhaskal Todhri’ në Elbasan ndamë lajmin e mirë se ky gjimnaz shumë shpejt do t’i nënshtrohet rikonstruksionit të plotë, ndërsa diskutuam për hapat që po hedhim për të rritur cilësinë e mësimdhënies dhe për të mbështetur më shumë mësuesit tanë, që janë shtylla e sistemit arsimor”, shkruan ministrja Manastirliu në një postim në rrjetet sociale, teksa ndau pamje dhe të projektit për rikonstruksionin e gjimnazit “Dhaskal Todhri”.

Ky investim vjen si pjesë e programit të qeverisë për përmirësimin e infrastrukturës shkollore dhe krijimin e kushteve më të mira për zhvillimin e procesit mësimor.

1 nga 5

/a.f//r.e/

The post Manastirliu: Gjimnazi “Dhaskal Todhri” do t’i nënshtrohet rikonstruksionit të plotë appeared first on Agjencia Telegrafike Shqiptare.

TIRANË, 16 korrik /ATSH/ Kryeministri në detyrë i Kosovës, Albin Kurti, deklaroi sot se rikthimi i Kosovës në Regjistrin Evropian për Cilësi të Arsimit të Lartë (EQAR) është një sukses i madh dhe dëshmi e angazhimit për të rritur cilësinë e arsimit të lartë dhe për ta përafruar atë me standardet evropiane.

“Vendi ynë ka qenë edhe më herët anëtar i këtij organizmi, por në vitin 2018 e patëm humbur anëtarësinë për shkak të ndërhyrjeve politike të qeverisë së atëhershme të PAN-it në strukturën e Agjencisë së Kosovës për Akreditim (AKA)”, tha Kurti.

Ai nënvizoi se qeveria e tij, përmes Ministrisë së Arsimit, Shkencës, Teknologjisë dhe Inovacionit, që prej vitit 2021 ka mbështetur Agjencinë e Kosovës për Akreditim, duke i krijuar kushtet për të vepruar në mënyrë të pavarur dhe autonome, me profesionalizëm dhe përkushtim.

“Tashmë jo vetëm që u rikthyem anëtarë, por edhe me të drejta të plota, duke qenë vendi i parë në Ballkanin Perëndimor me këtë status”, theksoi Kurti, duke shtuar se kjo sjell mundësi të reja për universitetet dhe studentët kosovarë për të pasur qasje të plotë në programet e BE-së, përfshirë mobilitetin, bursat dhe bashkëpunimin ndërkombëtar.

/a.f/

The post Kosova rikthehet me të drejta të plota në Regjistrin Evropian për Cilësi të Arsimit të Lartë appeared first on Agjencia Telegrafike Shqiptare.

ROMË, 14 korrik /ATSH-ANSA/ – Francesco Bidognetti, bosi i organizatës mafioze ”Casalesi” u dënua me një vit e gjysmë burg për kërcënimin ndaj shkrimtarit të njohur antimafia, Roberto Saviano.

Kërcënimet e Bidognettit e kishin detyruar Savianon të vihej nën mbrojtje policore.

Bosi i ”Casalesi” u ridënua, së bashku me një avokat, për kërcënime të reja kundër shkrimtarit si dhe kërcënime të reja kundër gazetares antimafia Rosaria Capacchione.

Libri i Savianos ”Gomorra” shndërrua në film në vitin 2008 që fitoi çmimin e dytë në Festivalin e Filmit në Kanë në vitin 2009 dhe më vonë krijoi një serial televiziv me sukses ndërkombëtar.

Bidognetti dhe bosët e tjerë të ”Casalesi” po vuajnë tashmë dënime me burgim të përjetshëm për vrasje dhe krime të tjera të mafias. Familja e merr emrin nga baza e saj në Casal di Principe në veri të Napolit.

Saviano, 45 vjeç, i përlotur, përqafoi avokatin e tij pas dënimit dhe u tha gazetarëve se “ata më vodhën jetën”.

Një britmë çliruese mes duartrokitjeve për një odise 16-vjeçare.

Kështu e përshkroi Roberto Saviano të gjithë kohën që kaloi pas shpalljes së kërcënimeve të drejtuara kundër tij dhe gazetares Rosaria Capacchione, direkt nga brenda një salle gjyqi në vitin 2008, nga bosi i ”Casalesi”-t, Francesco Bidognetti, dhe avokatit të tij mbrojtës, Michele Santonastaso.

Dhe lotët nga shkrimtari napolitan shprehin emocionin e justifikimit, ndoshta për të gjithë shtypin, për hapin e ri përpara të bërë nga drejtësia.

Gjykata e Apelit e Romës ka vendosur, duke mbështetur dënimet me një vit e gjysmë burg për udhëheqësin e klanit (i mbajtur tashmë në kushte të ashpra burgu që nga viti 1993) dhe një vit e dy muaj për avokatin e tij.

“Më vodhën jetën”, komentoi Saviano, i cili, pasi u lexua vendimi, përqafoi me lot në sy avokatin e tij, Antonio Nobile, ndërsa duartrokitjet shpërthyen nga salla e gjyqit pas tyre.

“Gjashtëmbëdhjetë vjet gjyq nuk janë fitore për askënd”, shtoi ai.

“Ata shënjestruan ata që raportuan mbi pushtetin kriminal. Dhe ata nuk sulmuan politikën, por gazetarinë, duke lënë të kuptohet se do t’i mbanin gazetarët – dhe emri im dhe ai i Rosaria Capacchione u përmendën – përgjegjës për dënimet e tyre. Kjo nuk ka ndodhur kurrë në një sallë gjyqi askund në botë”, shpjegon Saviano, i cili ka qenë nën mbrojtjen e policisë që nga viti 2006 për shkak të kërcënimeve nga klani ”Casalesi”./  a.jor.

The post ITALI – Saviano në lot pas dënimit me burg të një bosi të mafias: Ata më vodhën jetën! appeared first on Agjencia Telegrafike Shqiptare.