Në Rusi ka vdekur një përfaqësues i industrisë serbe të armatimit.

Nga zyra e tij janë zhdukur dokumente dhe pajisje për ruajtjen e të dhënave, por autoritetet e Moskës heshtin.

Beogradi kërkon sqarime - dhe supozimet mbi këtë rast po vlojnë, shkruan gazeta zvicerane “Tages Anzeiger”.

Pavarësisht nëse bëhet fjalë për helm në çaj, të shtëna në rrugë apo rënie nga dritarja: vdekja e menaxherëve dhe opozitarëve rusë ndjek një rutinë mizore.

Vitet e fundit, karrierat e shumë kritikëve të Kremlinit përfunduan pas aksidenteve të supozuara ose vetëvrasjeve të papritura, prapaskenat e të cilave kryesisht mbetën në errësirë.

Tani, kjo kronikë e zymtë është pasuruar me një episod tjetër.

Radomir Kurtiq, tregtar serb armësh, vdiq në mes të nëntorit në mes të një rruge në Moskë.

Rasti u bë i ditur javën që shkoi, njofton gazeta zvicerane “Tages Anzeiger”.

Rrethanat e vdekjes së tij mbeten të pasqaruara deri më sot, ndërsa thashethemet po vlojnë.

Kurtiq drejtonte përfaqësinë në Moskë të kompanisë shtetërore serbe të armatimit, Jugoimport-SDPR.

Bie në sy fakt se lajmi u përhap fillimisht nga mediat e afërta me qeverinë në Serbi.

Ato flasin për një rast vdekjeje të dyshimtë dhe raportojnë se shërbimet sekrete serbe kanë informuar tashmë presidentin Aleksandar Vuçiq.

Vuçiq deklaroi për televizionin shtetëror RTS se disponon më shumë informacione sesa janë bërë publike deri më tani.

Njëkohësisht, autokrati serb theksoi se nuk dëshiron të marrë pjesë në “përhapjen e dyshimeve dhe teorive konspirative”.

Si Vuçiq, ashtu edhe mediat e Beogradit konfirmuan se një komision hetimor i Jugoimport-SDPR ka inspektuar zyrën e Kurtiqit në Moskë.

Gjatë këtij inspektimi është konstatuar se mungonin dosje dhe pajisje për ruajtjen e të dhënave të kompujterit.

Autoritetet serbe janë veçanërisht të irrituara nga heshtja e palës ruse; deri më tani nuk është dërguar asnjë raport mjeko-ligjor. Kjo rezervë alarmon jo vetëm udhëheqjen politike në Beograd.

Eksperti serb i sigurisë, Nikola Luniq, u shpreh për gazetën “Blic” të Beogradit se bëhet fjalë për një “mesazh brutal politik” të Moskës drejtuar Serbisë.

Në pranverë, shërbimi i inteligjencës së jashtme ruse (SVR) kishte akuzuar të paktën shtatë kompani serbe të armatimit - përfshirë mbi të gjitha Jugoimport-SDPR - se kanë furnizuar Ukrainën me armë dhe municione përmes shteteve të treta në Evropën Perëndimore.

Forcat e armatosura ukrainase duket se kanë marrë qindra mijëra predha dhe miliona fishekë të prodhimit serb që nga sulmi i madh rus në vitin 2022.

Udhëheqja e SVR-së, pasardhëse e KGB-së sovjetike, e akuzoi Serbinë për një “goditje pas shpine”.

Dëshira e prodhuesve serbë të armëve për t'u pasuruar me gjakun e “popujve vëllezër sllavë” i kishte bërë ata të harronin se cilët ishin miqtë e tyre të vërtetë - ky ishte mesazhi nga Moska.

Sipas një raporti të “Financial Times”, Serbia ka përfituar rreth 800 milionë euro vetëm nga dërgesat e armëve për Ukrainën.

Pas kritikave të ashpra nga Moska, Vuçiq bëri një kthesë më 23 qershor dhe deklaroi se Serbia kishte ndaluar të gjitha eksportet e armëve.

Por hulumtimet e rrjetit investigativ ballkanik BIRN si dhe të gazetës izraelite “Haaretz” paraqesin një tablo tjetër.

Sipas raporteve, po atë ditë një aeroplan transporti Boeing-747 u ul në Beograd, për t’u nisur 24 orë më vonë drejt bazës ajrore izraelite Nevatim.

I pyetur se çfarë ngarkese kishte në bord, Vuçiq u përgjigj: “As në ëndërr nuk më shkon ndërmend të tregoj se çfarë është nisur apo çfarë është ulur atje”.

Vetëm në gjysmën e parë të këtij viti, Serbia dërgoi municione në vlerë prej 55,5 milionë eurosh në Izrael; vitin e kaluar vlera ishte 47,9 milionë euro. Që nga viti 2020, eksportet serbe të armëve janë katërfishuar.

Ndër blerësit më të mëdhenj bëjnë pjesë Emiratet e Bashkuara Arabe, Arabia Saudite, Qiproja dhe SHBA-ja.

Paralelisht me këtë, Serbia investon më shumë në forcat e saj të armatosura se çdo vend tjetër i Ballkanit Perëndimor.

Sipas të dhënave të Institutit të Stokholmit për Kërkimin e Paqes (SIPRI), midis viteve 2020 dhe 2024 Serbia e bleu pjesën më të madhe të armëve nga Kina, e ndjekur nga Rusia dhe Franca.

Radomir Kurtiq, i cili vdiq në Moskë, ishte ndër të tjerash përgjegjës për blerjen e armëve ruse për forcat e armatosura serbe, shkruan gazeta zvicerane “Tages Anzeiger”. /Telegrafi/

MOSKË, 17 dhjetor /ATSH/- Presidenti rus, Vladimir Putin tha sot se Perëndimi ka bërë disa herë thirrje për t’u përgatitur për një luftë të madhe me Rusinë – duke e përshkruar këtë si “histeri” dhe “gënjeshtër”, sipas “Reuters”.

Ai tha gjithashtu se nëse Ukraina dhe Perëndimi braktisin bisedimet e paqes, atëherë Rusia do të marrë territoret që pretendon në Ukrainë me mjete ushtarake.

Kremlini tha më herët se qëndrimi i Rusisë për dislokimin e trupave evropiane në Ukrainë – sipas një marrëveshjeje të mundshme paqeje – të ndërmjetësuar nga SHBA-ja – ishte i njohur gjerësisht, por vendi mbetej i hapur për diskutime.

“The New York Times” raportoi se sipas propozimeve aktuale të SHBA-së, Ukraina do të merrte një garanci sigurie nga Perëndimi dhe se një forcë ushtarake e udhëhequr nga Evropa do të ndihmonte Ukrainën – duke vepruar në Ukrainën Perëndimore larg vijave të frontit.

“Nuk do të doja të jepja një koment të vazhdueshëm për median në lidhje me diplomacinë, por qëndrimi i Rusisë – që kundërshton çdo dislokim të tillë – është i qartë”, tha zëdhënësi i Kremlinit, Dmitry Peskov.

“Qëndrimi ynë mbi kontingjentet ushtarake të huaja në territorin e Ukrainës është i njohur mirë dhe absolutisht i qëndrueshëm dhe i kuptueshëm. Por sërish, kjo është një temë për diskutim”, u tha Peskov gazetarëve.

Gjithashtu, Peskov tha se i dërguari special i SHBA-së, Steve Witkoff nuk pritej të vizitonte Moskën këtë javë.

“Rusia pret që SHBA-ja të informojë Moskën për rezultatet e bisedimeve me Ukrainën sapo të jetë gati”, shtoi ai. //a.i/

The post MOSKË – Putin: Thirrjet e Perëndimit për përgatitje për luftë me Rusinë janë gënjeshtra appeared first on Agjencia Telegrafike Shqiptare.

MOSKE, 10 dhjetor /ATSH-AA/ – Zëdhënësi i Kremlinit, Dmitry Peskov tha se ata po i japin përparësi nënshkrimit të dokumenteve që do të sigurojnë paqe afatgjate në Ukrainë.

Lidhur me deklaratat e presidentit ukrainas Volodymyr Zelenskyy për mundësinë e mbajtjes së zgjedhjeve presidenciale në vendin e tij, Peskov e përshkroi atë si një zhvillim të ri. “Kjo është ajo për të cilën presidenti rus Vladimir Putin ka folur një kohë të gjatë. Prandaj, ne do të monitorojmë zhvillimet përkatëse”, tha ai.

Ndërsa për deklaratën e Zelenskyyt se ata po punojnë për një armëpushim lidhur me sulmet e ndërsjella ndaj infrastrukturës energjetike, Peskov tha: “Një paqe e qëndrueshme, e garantuar dhe afatgjatë e arritur përmes nënshkrimit të dokumenteve përkatëse është përparësia jonë absolute. Rusia po punon për paqe, jo për një armëpushim”.

Peskov vlerësoi deklaratat e presidentit të SHBA-së, Donald Trump në intervistën për gazetën “Politico”, duke thënë: “Deklaratat e Trumpit për çështje të tilla si anëtarësimi i Ukrainës në NATO dhe humbja e territorit të saj janë në përputhje me qasjen tonë”.   /os/

The post RUSI – Kremlini: Ne po punojmë për paqe, jo për armëpushim me Ukrainën appeared first on Agjencia Telegrafike Shqiptare.

Kremlini thotë se është duke pritur një përgjigje nga Shtëpia e Bardhë dhe Donald Trump pas bisedimeve të paqes në Ukrainë të mbajtura midis dy vendeve në fillim të kësaj jave.

Të martën, i dërguari i SHBA-së Steve Witkoff dhe dhëndri i Trump, Jared Kushner, udhëtuan për në kryeqytetin rus për t’u ulur me Putin.

Sot, ndihmësi i Kremlinit, Yuri Ushakov, i tha agjencisë shtetërore ruse të lajmeve RIA se “presim reagimin e kolegëve tanë amerikanë ndaj diskutimit që patëm të martën.”

Ushakov shtoi se nuk ka plane për një telefonatë midis Putinit dhe Trumpit dhe nuk është caktuar asnjë datë për një takim të ri me zyrtarët amerikanë.

SHBA-të kanë zhvilluar bisedime si me Ukrainën ashtu edhe me Rusinë në një përpjekje për t’i dhënë fund luftimeve./abcnews.al

Kremlini tha të hënën se një kundërpropozim evropian ndaj një plani paqeje prej 28 pikash të SHBA-së për Ukrainën nuk ishte konstruktiv dhe se thjesht “nuk funksiononte për Moskën”.

Publikimi i draftit të planit të paqes prej 28 pikash të SHBA-së javën e kaluar thelloi shqetësimet në Ukrainë dhe midis fuqive evropiane se kërkesat thelbësore të Rusisë ndaj NATO-s, territorit dhe kronologjisë së çdo marrëveshjeje paqeje ishin pranuar nga Uashingtoni.

Por një plan evropian ndryshon ndjeshëm kuptimin dhe rëndësinë e pikave kyçe mbi NATO-n dhe territorin, sipas një kopjeje të parë nga Reuters, përcjell Telegrafi.

Andaj, "plani evropian, në shikim të parë... është plotësisht jokonstruktiv dhe nuk funksionon për ne", u tha gazetarëve në Moskë ndihmësi i politikës së jashtme të Kremlinit, Yuri Ushakov.

Presidenti Vladimir Putin theksoi të premten se propozimet e SHBA-së për paqe në Ukrainë mund të jenë baza e një zgjidhjeje të konfliktit, por nëse Kievi e refuzonte planin, atëherë forcat ruse do të përparonin më tej.

Ushakov tha se "jo të gjitha, por shumë dispozita të këtij plani (SHBA) na duken mjaft të pranueshme".

Ai shtoi se megjithatë, disa do të kërkonin diskutim më të detajuar.

Kujtojmë se sipas raportimeve të mediave botërore, vendet evropiane kanë përgatitur një plan alternativ paqeje për t'i dhënë fund luftës së Rusisë kundër Ukrainës, i cili ndryshon ndjeshëm nga plani i propozuar nga administrata e Donald Trump.

Siç theksohet më tej, plani evropian i paqes përputhet shumë më ngushtë me interesat e Ukrainës dhe nuk përfshin lëshime ndaj Rusisë që janë të pranishme në versionin amerikan.

Në veçanti, propozimi evropian nuk kufizon madhësinë e Forcave të Armatosura të Ukrainës, nuk ndalon anëtarësimin e Ukrainës në NATO dhe deklaron në mënyrë të qartë se Kievi nuk do të detyrohet të miratojë një status neutral.

Ukraina gjithashtu do të jetë në gjendje, sipas gjykimit të saj, të ftojë "forca miqësore" në territorin e saj - duke përfshirë trupa nga Koalicioni i të Gatshmëve.

Për më tepër, dokumenti evropian parashikon: një armëpushim të menjëhershëm dhe të pakushtëzuar, që do të monitorohet nga Shtetet e Bashkuara dhe vendet evropiane; garanci sigurie ligjërisht të detyrueshme për Ukrainën, përfshirë nga Shtetet e Bashkuara, të modeluara sipas Nenit 5 të NATO-s; asnjë lëshim territorial - çështjet kufitare do të diskutohen pas armëpushimit; kthimi i kontrollit mbi Centralin Bërthamor të Zaporizhzhisë dhe digën Kakhovka në Kiev; restaurimi i plotë dhe kompensimi për dëmet, duke përfshirë edhe përdorimin e aseteve të ngrira ruse; mundësia e vendosjes automatike të sanksioneve ndaj Rusisë në rast të shkeljes së kushteve të paqes. /Telegrafi/

Kremlini ka thënë se përfaqësuesit rusë nuk do të marrin pjesë në bisedimet për Ukrainën në Stamboll nesër.

Presidenti ukrainas Volodymyr Zelensky tha më parë se do të shkonte në Turqi në një përpjekje për të ringjallur negociatat për t'i dhënë fund luftës.

Një burim turk tha se i dërguari special i SHBA-së, Steve Witkoff do t'i bashkohej bisedimeve të planifikuara, transmeton Telegrafi.

Zëdhënësi i Kremlinit, Dmitry Peskov, u tha gazetarëve se presidenti rus Vladimir Putin ishte i hapur për biseda me SHBA-në dhe Turqinë mbi rezultatet e bisedimeve.

I pyetur për të komentuar mbi marrëveshjen e aviacionit të Francës me Ukrainën, e cila do të shohë Kievin të marrë 100 aeroplanë luftarakë Rafale, Peskov tha se marrëveshja ishte "e keqe" dhe "nuk kontribuon në paqe". /Telegrafi/

Figura të lidhura me Kremlinin po bëjnë përpjekje të fundit për të ndaluar ekstradimin nga Dubai i mercenarit rumuno-francez, Horațiu Potra, i dënuar në Rumani për komplot për grusht shteti. Potra, ish-anëtar i Legionit të Huaj Francez, u arrestua më 24 shtator së bashku me djalin dhe nipin e tij, teksa përgatiteshin për të udhëtuar […]

The post Figura të lidhura me Rusinë përpiqen të ndalojnë ekstradimin e mercenarit rumuno-francez appeared first on BoldNews.al.

Menjëherë pas njoftimit të vendndodhjes së samitit të ardhshëm midis Presidentit rus dhe udhëheqësit të Shtëpisë së Bardhë, Donald Trump, pyetja qarkulloi në disa kanale ruse të Telegramit me shumë ndjekës. Pyetja nuk është e pazakontë. Dhe vetë zëdhënësi i Kremlinit, Dmitry Peskov, vuri në dukje se “për momentin, sigurisht, situata logjistike është e paqartë”. […]

The post Putini do të kalojë nga Shqipëria për të shkuar në Hungari? Dilema e Kremlinit appeared first on BoldNews.al.

Zëdhënësi i Kremlinit, Dmitry Peskov, ka deklaruar se Presidenti amerikan Donald Trump po përdor politikat e tij për të detyruar Evropën të blejë hidrokarbure amerikane me çmime më të larta. Në një intervistë për radion RBC, Peskov komentoi thirrjen e Trump për të ndaluar importet e energjisë nga Rusia, duke theksuar se qëllimi i tij […]

The post Kremlini: Trump po e detyron Evropën të blejë energji amerikane me çmime më të larta appeared first on BoldNews.al.

Zëvendësshefi i Shtabit të Vladimir Putinit, Dmitry Kozak, ka paraqitur dorëheqjen e tij.

Kështu së paku raportojnë media të huaja, sipas të cilave, Kozak po shqyrton "oferta të ndryshme për të hyrë në biznes".

Gazetari Alexey Venediktov dhe analisti politik Arkady Dubnov gjithashtu raportuan largimin e tij, duke cituar burimet e tyre, shkruajnë mediat e huaja, përcjell Telegrafi.

Kozak është një nga bashkëpunëtorët më të vjetër të presidentit Vladimir Putin.

Të dy punuan së bashku në zyrën e kryetarit të bashkisë së Shën Petersburgut në vitet 1990.

Që nga fillimi i viteve 2000, Kozak ka mbajtur një sërë postesh të larta si në kabinet ashtu edhe në Kremlin.

Nga viti 2008 deri në vitin 2020, ai shërbeu si zëvendëskryeministër, dhe në vitin 2020 u bë zëvendësshef i stafit të administratës presidenciale.

Në fillim të gushtit, The New York Times, duke cituar burime, raportoi se në vitin 2022, Kozak e këshilloi Putinin të mos pushtonte Ukrainën.

Ndërkohë në vitin 2025, ai thuhet se i kërkoi presidentit të fillonte bisedimet e paqes dhe të ndiqte reformat e brendshme, duke përfshirë vendosjen e shërbimeve të sigurisë së Rusisë nën kontrollin e qeverisë. /Telegrafi/

Duke i ofruar ndihmë ushtarake Ukrainës, vendet e NATO-s janë "në luftë" me Rusinë.

Kështu, siç raportojnë mediat e huaja, përcjell Telegrafi, u tha zëdhënësi i Kremlinit, Dmitry Peskov gazetarëve rusë gjatë një takimi informues më 15 shtator.

"NATO është në luftë me Rusinë; kjo është e qartë dhe nuk ka nevojë për prova. NATO ofron mbështetje të drejtpërdrejtë dhe të tërthortë për regjimin e Kievit", citohet të ketë thënë Peskov, duke përsëritur narrativën e Moskës se mbështetja perëndimore për Ukrainën është e barabartë me pjesëmarrjen në luftë.

Komentet erdhën vetëm disa ditë pasi Polonia konfirmoi se kishte rrëzuar dronë rusë në hapësirën e saj ajrore, rasti i parë i njohur i një anëtari të NATO-s që rrëzon asetet ushtarake të Moskës mbi territorin e vet.

Siç vlerësojnë mediat, pretendimi i Kremlinit se NATO është "në luftë" me Moskën pasqyron nga afër narrativat ruse të dezinformimit që përmbytën hapësirën polake të informacionit menjëherë pas inkursionit.

Sipas tyre, Polonia dhe anëtarët e tjerë të NATO-s nuk janë luftëtarë në luftën Rusi-Ukrainë, por e kanë furnizuar Kievin me armë, trajnime dhe ndihmë financiare për të mbështetur të drejtën e tij për vetëmbrojtje kundër pushtimit në shkallë të plotë të Rusisë.

I vetmi vend që zhvillon luftë në Ukrainë është Rusia.

Kujtojmë se incidenti i 10 shtatorit nuk ishte shkelja e vetme ruse e hapësirës ajrore të NATO-s në ditët e fundit.

Rumania ngriti gjithashtu aeroplanë luftarakë F-16 më 13 shtator, pasi zbuloi një dron që kalonte në hapësirën e saj ajrore gjatë një sulmi rus pranë kufirit ukrainas.

Presidenti Volodymyr Zelensky tha se droni hyri në territorin rumun për gati një orë.

Dhe reagimet sigurisht që nuk kanë munguar.

Shefeja e politikës së jashtme të BE-së, Kaja Kallas, e përshkroi incidentin si një "përshkallëzim të pamatur". /Telegrafi/

Kremlini ka përsëritur ftesën e presidentit rus, Vladimir Putin, për homologun ukrainas, Volodymyr Zelensky, për t’u takuar në Moskë. Zëdhënësi i Kremlinit, Dmitry Peskov, theksoi se Zelensky nuk është ftua për t’u dorëzuar, por për të marrë pjesë në bisedime. Gjatë konferencës së tij në Kinë, Putin deklaroi se nuk e ka refuzuar kurrë mundësinë […]

The post Kremlini fton Zelenskyn në Moskë: Jo për t’u dorëzuar, por për negociata appeared first on BoldNews.al.

Rusia ka qëndrim negativ për propozimet evropiane për garanci të sigurisë për Ukrainën dhe nuk do të pranojë asnjë prezencë të trupave të NATO-s në territorin e shtetit fqinj, tha Kremlini më 27 gusht.

“Në fakt, që në fillim, ishte avancimi i infrastrukturës ushtarake të NATO-s dhe depërtimi i kësaj infrastrukture ushtarake në Ukrainë që mund të përmendet ndoshta si një nga shkaqet themelore të situatës së konfliktit që lindi”, tha ai.

“Prandaj, ne kemi një qëndrim negativ për këto diskutime”.

Të gjitha palët u pajtuan se garancitë e sigurisë për Ukrainën duhet të jenë pjesë e një marrëveshje të paqes, por kanë dallime thelbësore se çfarë forme duhet të marrin këto garanci.

Rusia thotë se duhet të jetë një nga garantuesit e sigurisë së Ukrainës dhe dëshiron të ringjallë një propozim që palët e kanë diskutuar më 2022, në javët e para të luftës. Kievi e refuzon një gjë të tillë, duke thënë se do t’i jepte Moskës veto ndaj çdo mbështetje të jashtme ushtarake për Ukrainën.

Peskov tha se garancitë e sigurisë ishin “ndër temat më të rëndësishme”, por Rusia nuk beson se është e dobishme që këto tema të diskutohen publikisht. Ai tha se samiti që u mbajt këtë muaj mes presidentit amerikan, Donald Trump, dhe atij rus, Vladimir Putin, ishte “shumë përmbajtësor, konstruktiv dhe i dobishëm”.

Trump ka thënë se SHBA-ja nuk do të dislokojë trupa në Ukrainë si pjesë e ndonjë garancie sigurie në të ardhmen. Por, ai e ka lënë të hapur mundësinë për përfshirje të tjera ushtarake amerikane, përfshirë mbështetje ajrore dhe të inteligjencës.

Peskov tha se negociatorët rusë dhe ukrainas për paqen ishin në kontakt, por se ai nuk mund të jepte një datë për kur ata do të takoheshin sërish. Dy delegacionet zhvilluan për herë të fundit bisedime ballë për ballë në Stamboll më 23 korrik, në një takim që zgjati vetëm 40 minuta./ REL

The post Kremlinit nuk i pëlqejnë propozimet evropiane për garanci të sigurisë për Ukrainën, Peskov: Kemi një qëndrim negativ për këto diskutime! appeared first on Albeu.com.

Rafti i librave mund të tregojë shumë për pronarin. Në rastin e presidentit të Rusisë, Vladimir Putin, rregullimi më i fundit i librave në një dollap pas tavolinës së tij tregon se Kremlini i ka paraqitur pamjet e vjetra të takimeve në zyrën e tij si video të reja të paktën pesë herë këtë vit, […]

The post Rafti i librave e tradhton Putinin! Kremlini shfaq pamje të vjetra si të reja appeared first on BoldNews.al.

Kremlini ka konfirmuar se presidenti rus Vladimir Putin dhe ish-presidenti amerikan Donald Trump do të mbajnë një konferencë të përbashkët për shtyp, pas takimit të tyre të premten në Alaska. Sipas ndihmësit presidencial rus Yuri Ushakov, takimi do të nisë në orën 11:30 me orën lokale (19:30 GMT) dhe do të fillojë me një bisedë […]

The post Takimi Putin-Trump në Alaska, Kremlini konfirmon konferencë të përbashkët për shtyp appeared first on BoldNews.al.

MOSKË, 13 korrik /ATSH-DPA/ – Sipas Kremlinit, samiti midis presidentit rus Vladimir Putin dhe presidentit të SHBA-së Donald Trump do të jetë me rëndësi të madhe për paqen dhe stabilitetin ndërkombëtar.

”Me qëllim normalizimin e marrëdhënieve dypalëshe midis dy vendeve, bisedimet e shumëpritura të së premtes në Alaska do të adresojnë të gjitha çështjet që janë grumbulluar, nga konflikti në Ukrainë deri te pengesat për dialogun normal midis dy vendeve”, theksoi zëdhënësi i Ministrisë së Jashtme Alexei Fadeyev.

Komentet e tij erdhën ndërsa Trump përgatitej të zhvillonte bisedime online me presidentin ukrainas Volodymyr Zelensky dhe udhëheqësit evropianë, të cilët pritet të nxisin çështjen e lëshimeve territoriale, duke pasur frikë se Trump mund të ndërmjetësojë një lloj marrëveshjeje me Putinin që do të shkelte sovranitetin e Ukrainës.

Kur u pyet për mundësinë e shkëmbimit të territoreve midis Rusisë dhe Ukrainës për t’i dhënë fund luftës, Fadeyev thjesht iu referua kushtetutës ruse, e cila rregullon çështjet territoriale.

Për ditë të tëra, ka pasur zëra për gatishmërinë e mundshme të Ukrainës për të lëshuar disa territore të pushtuara nga Rusia në këmbim të të tjerëve, megjithëse Zelensky ka refuzuar të bëjë lëshime të tilla.

Që nga fillimi i pushtimit të plotë të Ukrainës në shkurt të vitit 2022, Rusia ka aneksuar në mënyrë të paligjshme katër territoret ukrainase të Luhanskut, Donetskut, Zaporizhzhjës dhe Khersonit, megjithëse nuk ka kontroll të plotë mbi to, dhe kërcënon të aneksojë territore të tjera nëse lufta vazhdon. /os/

The post RUSI – Kremlini: Takimi Trump-Putin ndikim të madh në paqen ndërkombëtare appeared first on Agjencia Telegrafike Shqiptare.

KIEV, 20 korrrik /ATSH-ANSA/ – Deklaratat e Donald Trump tregojnë një dëshirë për të arritur një marrëveshje në Ukrainë sa më shpejt të jetë e mundur, por Uashingtoni po e kupton gjithnjë e më shumë kompleksitetin e këtij procesi “të gjatë dhe të vështirë”, deklaroi zëdhënësi i Kremlinit, Dmitry Peskov.

”Ne jemi mësuar me retorikë mjaft të ashpër dhe të drejtpërdrejtë”, shtoi Peskov, por “në të njëjtën kohë ai konfirmon qëllimin e tij për të vazhduar të bëjë gjithçka që është e mundur për të lehtësuar një zgjidhje paqësore”.

”Putin gjithashtu ka shprehur vazhdimisht dëshirën për të arritur një marrëveshje paqësore sa më shpejt të jetë e mundur”, shtoi ai.

Peskov shtoi se ”një takim midis Vladimir Putin dhe Donald Trump është i mundshëm dhe i nevojshëm”, por ka ende punë për t’u bërë; ai moment nuk ka ardhur ende”.

“Ndoshta do të jetë gjithashtu e nevojshme të formalizohen disa marrëveshje të rëndësishme që do të arrihen me kalimin e kohës, pasi të jetë bërë shumë punë. Por ai moment nuk ka ardhur ende”, vuri në dukje zëdhënësi. /os/

The post MOSKE – Kremlini: Zgjidhja e Ukrainës është një proces i gjatë, Trump e di këtë appeared first on Agjencia Telegrafike Shqiptare.

“Ukraina është gati për bisedime paqeje me Rusinë”, kështu ka deklaruar ministri i Jashtëm ukrainas Andriy Sibikha.

Ai gjithashtu përsëriti thirrjen e Kievit për një takim mes udhëheqësve të Rusisë dhe Ukrainës, duke shtuar se ky mund të jetë hapi më efektiv për shkuar drejt një arritje armëpushimi.

“Ne jemi të gatshëm për negociata të tilla në çdo format, në çdo vendndodhje gjeografike”, tha ai.

Kremlini njoftoi më herët se furnizimi i Ukrainës me armë nga Perëndimi ishte në krye të axhendës dhe se presidenca ruse po e monitoronte nga afër çështjen.

/abcnews.al/

Një takim mes Presidentit rus Vladimir Putin dhe Presidentit amerikan Donald Trump konsiderohet i domosdoshëm nga Kremlini, por kërkon përgatitje të kujdesshme dhe tërësore, tha të enjten zëdhënësi i presidencës ruse, Dmitry Peskov.

“Një takim i tillë është me të vërtetë i nevojshëm; të gjithë e kuptojnë këtë, dhe të dy presidentët kanë shprehur gatishmërinë e tyre për ta mbajtur atë. Megjithatë, ai duhet të përgatitet me kujdes dhe tërësisht,” deklaroi Peskov për gazetarët.

Komentet e tij erdhën si reagim ndaj vërejtjeve të ndihmësit presidencial rus, Yury Ushakov, pas bisedës së fundit telefonike mes dy liderëve. Sipas Ushakov, pavarësisht se një takim i drejtpërdrejtë nuk u diskutua gjatë telefonatës, ideja “është në ajër”.

Putin dhe Trump zhvilluan një bisedë telefonike një ditë më parë, e katërta në vetëm një muaj e gjysmë dhe e gjashta që nga fillimi i vitit. Biseda zgjati rreth një orë dhe fokusohej në zhvillimet në Ukrainë, Lindjen e Mesme dhe çështje të tjera ndërkombëtare.

Megjithëse asnjë takim nuk është zyrtarizuar ende, shkalla e komunikimit dhe gatishmëria e deklaruar nga të dyja palët lënë të hapur mundësinë për një takim të afërt mes dy presidentëve, në një kohë kur tensionet globale dhe lufta në Ukrainë mbeten prioritete ndërkombëtare.

LEXONI GJITHASHTU:

• Kapen tre tonë kokainë në Ekuador, autoritetet: I përket mafias shqiptare
• 15 palestinezë të vrarë në Gaza, SHBA pret përgjigje nga Hamasi për armëpushimin

The post Kremlini: Një takim Putin-Trump është i nevojshëm, kërkon përgatitje të mirë appeared first on Euronews Albania.

Zëdhënësi i Kremlinit, Dmitry Peskov, ka deklaruar se Kremlini nuk mund ta përjashtonte mundësinë që protestat antiqeveritare në Serbi, të ishin një përpjekje për një revolucion, por ishte i bindur se udhëheqja serbe do të rivendoste qetësinë. Të shtunën, policia serbe u përlesh me protestuesit antiqeveritarë që kërkonin zgjedhje të parakohshme dhe fundin e sundimit 12-vjeçar të Presidentit Aleksandar Vuçiç.

“Pavarësisht faktit se Serbia është, sigurisht, nën një presion të paparë nuk mund ta përjashtojmë mundësinë që atje po përdoren metoda të njohura për të nxitur revolucione me ngjyra. Nuk kemi dyshim se udhëheqja aktuale serbe do të jetë në gjendje të rivendosë ligjin dhe rendin në vend në një të ardhme shumë të afërt”, u tha gazetarëve zëdhënësi i Kremlinit, Dmitry Peskov.

Rusia tradicionalisht e sheh Vuçiçin si një aleat të ngushtë dhe udhëheqësi serb ishte në Moskë më 9 maj për të parë një paradë ushtarake për të përkujtuar fitoren e Bashkimit Sovjetik ndaj nazistëve në Luftën e Dytë Botërore.

Muaj të tërë protestash në të gjithë Serbinë, përfshirë mbylljen e universiteteve, e kanë shqetësuar Vuçiç, mandati i dytë i të cilit përfundon në vitin 2027, kur janë planifikuar edhe zgjedhjet parlamentare. Vuçiç tha se pas protestave të së shtunës qëndronin “forca të huaja” të paspecifikuara dhe se demonstruesit u përpoqën të “rrëzonin qeverinë serbe”, por dështuan.

The post Kremlini në anën e Vuçiç, shpreson që presidenti të rivendosë qetësi në Serbi appeared first on Lapsi.al.