VARSHAVË, 12 janar /ATSH-DPA/- Ish-ministri polak i Drejtësisë Zbigniew Ziobro, nga partia nacionaliste konservatore “Ligj dhe Drejtësi” (PiS) –  i cili përballet me akuza për korrupsion – njoftoi sot në X se autoritetet hungareze i kishin dhënë mbrojtje.

Ziobro pretendoN se ishte bërë shënjestër e një “hakmarrjeje personale” nga kryeministri i qendrës së majtë, Donald Tusk.

“Unë zgjedh të luftoj kundër banditizmit politik dhe paligjshmërisë. Unë i rezistoj diktaturës në progres”, tha Ziobro.

“Shteti i së drejtës është në krizë në Poloni dhe shumë njerëz po përballen me persekutim politik. Në Hungari, personave të persekutuar politikisht u jepet azil në përputhje me ligjin e BE-së”, tha Ministria e Jashtme në Hungari për faqen e lajmeve online “Telex”.

Ish-ministri i Drejtësisë akuzohet gjithashtu për devijim fondesh nga fondi i viktimave të krimit për të blerë programin spiun izraelit “Pegasus”.

Kundërshtarët politikë akuzojnë ish-qeverinë e PiS për përdorimin e “Pegasus” për të spiunuar kundërshtarët politikë.

“Pegasus” shfrytëzon dobësitë e sigurisë në telefonat inteligjentë për të fituar akses të gjerë në të dhëna. Ai gjithashtu mundëson përgjimin e bisedave.

PiS qeverisi Poloninë nga viti 2015 deri në vitin 2023. Gjatë kësaj kohe, ajo ristrukturoi ndjeshëm sistemin e drejtësisë, duke çuar në përballje me Komisionin Evropian.

Në tetor 2023, PiS humbi zgjedhjet parlamentare dhe që atëherë ka qenë partia më e madhe opozitare në vend.

Koalicioni i qendrës së majtë i Tusk që atëherë ka punuar për të përmbysur reformat gjyqësore të diskutueshme të qeverisë së PiS. //a.i/

The post VARSHAVË – Hungaria i jep azil ish-ministrit polak mes hetimit për abuzim me pushtetin appeared first on Agjencia Telegrafike Shqiptare.

BRUKSEL, 1 janar /ATSH-DPA/- Hungaria ka humbur të drejtën e saj për ndihmë të konsiderueshme nga BE-ja për shkak të shkeljeve të shtetit të së drejtës, pasi reformat duhej të kryheshin deri në fund të vitit 2025.

Sipas Komisionit Evropian, fondet e humbura arrijnë në më shumë se 1 miliard euro.

Për të liruar fondet, Hungaria duhej të zbatonte reforma të mjaftueshme deri në fund të vitit 2025, duke përfshirë ndryshimin e ligjeve për të parandaluar konfliktet e interesit dhe për të luftuar korrupsionin.

Fondet, të destinuara nga programet për të mbështetur zonat strukturisht të dobëta dhe të planifikuara fillimisht për vitin 2023, u ngrinë pasi një analizë e Komisionit Evropian arriti në përfundimin se Hungaria kishte shpërfillur disa standarde dhe vlera themelore të BE-së.

Humbje të mëtejshme priten

Nëse Hungaria vazhdon të dështojë në zbatimin e reformave të mjaftueshme, ajo përballet me humbjen e fondeve të mëtejshme që arrijnë në miliarda euro në të ardhmen.

Legjislacioni i BE-së i quajtur “Rregullorja e Kushtëzimit të Shtetit të së Drejtës” hyri në fuqi në vitin 2021, duke i dhënë BE-së mjete shtesë financiare dhe buxhetore për të kontrolluar shtetin e së drejtës në shtetet anëtare.

Shtetet e BE-së ranë dakord të ngrijnë rreth 6,3 miliardë euro fonde të caktuara për Hungarinë nga buxheti shumëvjeçar i bllokut për vitet 2021-2027 në fund të vitit 2022 përmes mekanizmit.

Këstit të parë, gjithashtu pak më shumë se 1 miliard euro, i përfundoi afati në fund të vitit 2024 pasi Budapesti nuk arriti të zbatonte reformat e nevojshme.

Miliarda euro të tjera për vendin janë bllokuar gjithashtu pjesërisht nga rregullore të tjera.

Sipas komisionit, një total prej rreth 17 miliardë eurosh u ngrinë së fundmi. Prodhimi ekonomik i Hungarisë në vitin 2024 ishte rreth 205 miliardë euro. //a.i/

The post BRUKSEL – Hungaria humbet të drejtën për ndihmë nga BE-ja me vlerë mbi 1 miliard euro appeared first on Agjencia Telegrafike Shqiptare.

BRUKSEL, 16 dhjetor /ATSH-DPA/ – Hungaria po bllokon dokumentin vjetor të Bashkimit Evropian mbi procesin e zgjerimit për shkak të refuzimit të saj për negociatat e anëtarësimit të Ukrainës në BE, tha sot ministrja daneze për Çështjet Evropiane, Marie Bjerre.

Sipas Bjerre, qeveria e kryeministrit Viktor Orban ka deklaruar se nuk do të mbështesë një vlerësim pozitiv të zhvillimeve në Ukrainë, por ky element i vlerësimit nuk mund të hiqej pasi ishte i mbështetur nga të gjitha shtetet e tjera të BE-së.

Danimarka mban presidencën e radhës të BE-së.

“Ne kemi 26 shtete anëtare që tregojnë mbështetje të fortë për Ukrainën, dhe Ukraina po jep rezultate”, shpjegoi Bjerre gjatë konsultimeve në Bruksel”.

“Formulimi për Ukrainën është i drejtë dhe i balancuar”, theksoi ajo.

Përfaqësuesi gjerman, Gunther Krichbaum, kritikoi sjelljen e Hungarisë dhe akuzoi Budapestin se po ngadalëson proceset e BE-së.

Për Ukrainën, vetoja e Hungarisë nënkupton se nuk mund të shpresojë më për fillimin e raundeve formale të negociatave për anëtarësim në BE.

Qeveria aktuale hungareze justifikon refuzimin e anëtarësimit të Ukrainës me nevojat e mëdha financiare të këtij vendi dhe pretendimin se pakica hungareze në Ukrainë po diskriminohet.

Me Hungarinë në mes të një fushate zgjedhore, nuk pritet që Orban të ndryshojë qëndrim dhe të heqë bllokadën deri pas zgjedhjeve të prillit./  /Ad.Ab./

The post BRUKSEL – Hungaria bllokon deklaratën e BE-së për anëtarësimin e Ukrainës appeared first on Agjencia Telegrafike Shqiptare.

BUDAPEST, 10 dhjetor /ATSH-DPA/ – Hungaria nuk do të zbatojë mekanizmin e solidaritetit për migracionin të dakordësuar nga Bashkimi Evropian dhe nuk do të pranojë asnjë emigrant të vetëm, tha sot një zyrtar i lartë qeveritar.

Gergely Gulyás, kreu i Zyrës së Kryeministrit të Hungarisë, i bëri këto komente në një konferencë për shtyp në Budapest, duke përsëritur kundërshtimin e hershëm të qeverisë së krahut të djathtë ndaj politikave të migracionit të BE-së.

Të hënën, ministrat e Brendshëm dhe të Drejtësisë të BE-së arritën një marrëveshje mbi të ashtuquajturin Mekanizëm Solidariteti, i cili përfshin një sistem për shpërndarjen e emigrantëve midis shteteve anëtare të BE-së.

Sipas planit, vendet që nuk janë të gatshme të pranojnë refugjatë mund të ofrojnë në vend të kësaj kontribute financiare ose mbështetje materiale.

Pakti pritet të hyjë në fuqi në qershor 2026.

“Ne nuk do ta zbatojmë paktin e migracionit”, tha Gulyás.

Ai shtoi se BE-ja “nuk ka autoritet për të vendosur me kë duhet të jetojnë hungarezët” dhe vuri në dukje një referendum të vitit 2016 në të cilin votuesit hodhën poshtë atë që qeveria e përshkroi si zhvendosjen e detyruar të migrantëve nga BE-ja.

Referendumi u zhvillua një vit pas kulmit të krizës së refugjatëve të vitit 2015, gjatë së cilës Hungaria ngriti gardhe me tela me gjemba përgjatë kufijve të saj me Serbinë dhe Kroacinë për të bllokuar migrimin përgjatë rrugës ballkanike.

Kryeministri hungarez Viktor Orbán ka qenë në konflikt me Komisionin Evropian për vite me radhë për shkak të politikave të tij kufizuese të azilit.

Në vitin 2024, Gjykata Evropiane e Drejtësisë gjobiti vendin për shkelje të përsëritura të ligjit të azilit të BE-së, duke vendosur një gjobë të vetme prej 200 milionë eurosh (232 milionë dollarë) dhe një gjobë ditore prej një milion eurosh për mosrespektim./ /os/

The post FOKUS – Hungaria sfidon BE: Nuk do të pranojmë asnjë emigrant appeared first on Agjencia Telegrafike Shqiptare.

Parlamenti Evropian ka paralajmëruar se situata e sundimit të ligjit në Hungari vazhdon të “përkeqësohet”, si dhe ka kërkuar veprime të drejtpërdrejta sipas ligjit të BE-së për të adresuar shkeljet e vazhdueshme.

Në një raport të dytë të ndërmjetëm mbi procedurën e Nenit 7, të miratuar me 415 vota pro, 193 kundër dhe 28 abstenime, eurodeputetët theksuan kërcënimet e vazhdueshme ndaj pavarësisë gjyqësore, integritetit zgjedhor dhe lirive demokratike në Hungari.

Raporti kritikon Budapestin për rishqyrtimin e vendimeve të Gjykatës Evropiane të Drejtësisë para zbatimit, refuzimin për t’u pajtuar me vendimet e Gjykatës Evropiane të të Drejtave të Njeriut dhe minimin e pavarësisë së Këshillit Gjyqësor Kombëtar të Hungarisë.

“Parlamenti vëren se situata e Hungarisë ka vazhduar të përkeqësohet, pjesërisht për shkak të mungesës së përparimit të Këshillit në mbrojtjen e sundimit të ligjit dhe përsërit transformimin e Hungarisë në një ‘regjim hibrid të autokracisë zgjedhore’ “, thuhet në deklaratë.

Ligjvënësit i bënë thirrje Këshillit Evropian të ndërmarrë veprime të drejtpërdrejta sipas Traktatit për BE-në.

Më tej, parlamenti shprehu alarmin për përdorimin në rritje të përmbajtjes politike të gjeneruar nga inteligjenca artificiale pa etiketa përpara zgjedhjeve të vitit 2026, duke përfshirë videot e rreme të lidhura me partinë në pushtet, të cilat mund të shtrembërojnë proceset zgjedhore dhe të shkelin rregullat digjitale dhe të mbrojtjes së të dhënave të BE-së.

Eurodeputetët gjithashtu kërkuan përfundime të shpejta nga hetimi i Komisionit Evropian mbi spiunazhin e dyshuar hungarez që synon institucionet e BE-së, duke theksuar se gjetjet duhet të rezultojnë në pasoja të prekshme.

“Mungesa e veprimeve vendimtare nga Komisioni dhe Këshilli kundër Hungarisë ka lejuar një erozion të vazhdueshëm të demokracisë dhe sundimit të ligjit”, tha eurodeputetja holandeze Tineke Strik.

TIRANË, 16 nëntor /ATSH/ Hungaria pësoi një humbje në sekondat e fundit të ndeshjes me Irlandën, e cila arriti të kthejë rezultatin në 3-2 në favor të saj.

Me këtë triumf, Irlanda siguroi pjesëmarrjen në fazën play-off për Botërorin 2026, ndërsa ëndrra e Hungarisë për të shkuar në Kupën e Botës u mbyll.

Fitorja e irlandezëve është gjithashtu një lajm i mirë për Shqipërinë, pasi tani kuqezinjtë janë shumë pranë sigurimit të një vendi në vazon e dytë.

Tani, për të avancuar, Shqipërisë i duhet që Islanda të mos fitojë ndaj Ukrainës dhe që Maqedonia e Veriut, Bosnja e Hercegovina dhe Kosova të mbeten pas saj në renditjen e FIFA-s.

/gj.m/r.e/

The post Irlanda fiton në Budapest dhe i jep “asist” Kombëtares shqiptare, kuqezinjtë afrohen në vazon e dytë appeared first on Agjencia Telegrafike Shqiptare.

BUDAPEST, 13 nëntor /ATSH/- Bashkimi Evropian duhet të ndalojë dërgimin e parave të qytetarëve evropianë në Ukrainë pas skandalit të fundit të korrupsionit, tha sot në Facebook ministri i Jashtëm hungarez, Peter Szijjarto, sipas “Ukrainska Pravda”.

“Brukseli ka financuar operacionet e shtetit ukrainas me paratë e popullit evropian për shumë vite. Ndërkohë, korrupsioni po lulëzon në Ukrainë, kështu që nuk është çudi që askush nuk ka parë ende një raport të saktë se si janë shpenzuar fondet e marra nga BE-ja… Dhe çfarë dëshiron Brukseli? Të dërgojë edhe më shumë para në Ukrainë, te presidenti Zelensky, në rrethin e ngushtë të të cilit u zbulua së fundmi një rrjet i madh korrupsioni”, tha Szijjarto.

“Është koha për të ndaluar këtë çmenduri, duhet të ndalojmë së dërguari paratë e qytetarëve evropianë në Ukrainë!”, tha ai.

Gjithashtu, ai tha se për sa kohë që partia “Fidesz” mbetet në pushtet, populli hungarez mund të jetë i sigurt: paratë e popullit hungarez nuk do të shkojnë në Ukrainë”, shtoi ai.

Byroja Kombëtare Kundër Korrupsionit e Ukrainës (NABU) ka publikuar pjesën e tretë të “Operacionit Midas”, hetimi ndaj një skeme korrupsioni në shkallë të gjerë në kompaninë “Energoatom”.

Qeveria gjermane vazhdon t’i besojë Ukrainës pavarësisht skandalit të korrupsionit në sektorin e energjisë, por do të monitorojë nga afër zhvillimet.

Më herët, Finlanda deklaroi gjithashtu se skandali i korrupsionit në qeverinë ukrainase nuk do të ndikonte negativisht në planet e Bashkimit Evropian për të ofruar ndihmë financiare për Kievin. //a.i/

The post HUNGARI – Ministri Szijjarto i kërkon BE-së të ndalojë financimin për Ukrainën appeared first on Agjencia Telegrafike Shqiptare.

BUDAPEST, 7 nëntor /ATSH-DPA/- Ministri i Jashtëm i Hungarisë ka zbuluar planet për të blerë shufra karburanti bërthamor nga Shtetet e Bashkuara të Amerikës, përpara takimit midis presidentit të SHBA-së, Donald Trump dhe kryeministrit hungarez, Viktor Orban.

“Shufrat do të përdoren në dy centrale bërthamore të ndërtuara nga Rusia”, tha ministri i Jashtëm, Peter Szijjarta në Uashington.

Në takimin në Shtëpinë e Bardhë, Szijjarto do të nënshkruajë një marrëveshje dypalëshe mbi bashkëpunimin bërthamor me homologun e tij amerikan, Marco Rubio.

Kjo marrëveshje pritet të mbulojë blerjen e teknologjisë moderne për ruajtjen e përkohshme të shufrave të karburantit të shpenzuar dhe blerjen e reaktorëve të vegjël bërthamorë, të njohur si reaktorë të vegjël modularë (SMR).

Hungaria ka patur në funksion një central bërthamor të furnizuar nga ish-Bashkimi Sovjetik në qytetin jugor hungarez, Paks që nga viti 1982.

Dy nga katër njësitë janë menduar të zëvendësohen nga dy reaktorë të rinj të prodhuar nga kompania shtetërore e energjisë bërthamore “Rosatom”.

Ndërtimi i centralit bërthamor, i rënë dakord në vitin 2014, është ende në fazat e tij të hershme.

Deri më tani, Rusia ka qenë furnizuesja e vetme e shufrave të karburantit për centralin bërthamor në Paks. Kjo do të ishte blerja e parë e elementëve të karburantit bërthamor në SHBA për Hungarinë.

Deri në vitin 1998, Rusia i mori sërish shufrat e karburantit të shpenzuar dhe i ruajti ato përkohësisht.

Që atëherë, Hungaria i ka ruajtur ato përkohësisht në afërsi të centralit bërthamor në Paks, i cili ndodhet në pjesën jugore të vendit. //a.i/

The post BUDAPEST – Hungaria zbulon planet për të blerë shufra karburanti bërthamor nga SHBA-ja appeared first on Agjencia Telegrafike Shqiptare.

BUDAPEST, 31 tetor /ATSH/ – Kryeministri hungarez, Viktor Orbán, tha sot se do të përpiqet të bindë presidentin amerikan, Donald Trump, që t’i japë Hungarisë përjashtime nga sanksionet e reja të SHBA-së kundër naftës ruse, gjatë takimit të tyre javën e ardhshme.

Administrata Trump shpalli javën e kaluar sanksione ndaj kompanive kryesore ruse të naftës me lidhje shtetërore, “Rosneft” dhe “Lukoil”, një lëvizje që mund të ekspozojë blerësit e huaj të naftës, përfshirë klientë në Indi, Kinë dhe Evropën Qendrore, ndaj sanksioneve sekondare.

Ndërsa shumica e vendeve të Bashkimit Evropian kanë reduktuar ndjeshëm ose kanë ndalur importet e karburanteve ruse pas pushtimit të plotë të Ukrainës nga Moska më 24 shkurt 2022, Hungaria dhe Sllovakia kanë ruajtur furnizimet me naftë nga tubacioniet ruse.

Orban, aleat i Trumpit, i cili pritet të vizitojë Uashingtonin javën e ardhshme për takimin e tij të parë bilateral me presidentin që nga rikthimi në detyrë në janar, ka argumentuar prej kohësh se Hungaria, nuk ka alternativa të qëndrueshme ndaj naftës ruse.

“Duhet t’i bëjmë amerikanët të kuptojnë këtë situatë të çuditshme nëse duam përjashtime nga sanksionet amerikane që godasin Rusinë”, tha Orbán në një intervistë për radion shtetërore.

Lideri hungarez, i konsideruar gjerësisht partneri më i afërt i presidentit rus Vladimir Putin në BE, ka ruajtur marrëdhënie të ngrohta me Kremlinin, pavarësisht luftës, dhe ka mbajtur qëndrim konfrontues ndaj Ukrainës, duke e paraqitur vendin fqinj si kërcënim të madh për sigurinë dhe ekonominë e Hungarisë.

Orban tha se administrata amerikane dhe Moska dëshirojnë t’i japin fund luftës, por se Ukraina dhe BE-ja janë pengesat kryesore për paqe. Megjithatë, një takim i planifikuar mes Trump dhe Putin në Budapest u anulua së fundmi, pasi zyrtarët rusë bënë të qartë se nuk pranonin një armëpushim të menjëhershëm. /Ad.Ab./

The post BUDAPEST – Orban, përjashtime nga sanksionet amerikane ndaj naftës ruse appeared first on Agjencia Telegrafike Shqiptare.

NJU JORK, 27 tetor /ATSH/- Kryeministri hungarez, Viktor Orban tha se do të takohet me presidentin e SHBA-së, Donald Trump për të mbrojtur Hungarinë nga ndikimi i sanksioneve të SHBA-së ndaj naftës ruse, sipas “Bloomberg”.

Hungaria varet nga Moska për pjesën më të madhe të importeve të saj të naftës dhe gazit. Ndryshe nga shumë vende fqinjë të saj të Bashkimit Evropian, të cilët kanë punuar për të ulur varësinë nga gazi rus pas pushtimit të plotë të Ukrainës nga Moska në vitin 2022, Hungaria që atëherë ka rritur blerjet e saj.

Kjo varësi tani mund të përbëjë një rrezik për sigurinë energjetike për Hungarinë, pasi SHBA-ja javën e kaluar sanksionoi prodhuesit më të mëdhenj të naftës në Rusi në një përpjekje për të sjellë presidentin Vladimir Putin në tryezën e negociatave për luftën në Ukrainë.

BE vendosi gjithashtu një ndalim të plotë transaksionesh për dy kompanitë e mëdha ruse të naftës, Rosneft PJSC dhe Gazprom Neft PJSC, përfshirë ndalimin e importeve të LNG-së duke filluar nga viti 2027.

“Së shpejti do të jem në Uashington për ta diskutuar këtë me presidentin Trump”, tha sot Orban në një intervistë për “La Repubblica” gjatë një vizite në Romë.

“Do të përpiqemi të gjejmë një rrugëdalje, veçanërisht për Hungarinë”, shtoi ai.

“Trump dhe Orban kanë planifikuar të takohen në Uashington javën e ardhshme”, u tha sot gazetarëve ministri i Jashtëm Peter Szijjarto, pa dhënë një datë të saktë.

Qeveria e Hungarisë është përpjekur të bindë administratën amerikane se statusi i saj pa dalje në det nuk i lë zgjidhje tjetër veçse të mbështetet te nafta ruse – pavarësisht një tubacioni alternativ nafte që lidh Hungarinë me detin Adriatik nëpërmjet Kroacisë.

Megjithatë, Trump, i cili ka lidhje të ngushta me Orban, ka filluar ta pranojë argumentin e udhëheqësit hungarez gjatë javëve të fundit.

Por, është e paqartë se ku qëndron administrata amerikane pas vendosjes së sanksioneve të naftës ndaj Rusisë, javën e kaluar dhe pasi një diplomat i lartë amerikan gjatë fundjavës hodhi poshtë në mënyrë të qartë argumentin e Budapestit se nuk kishte alternativa.

“Hungaria, ndryshe nga shumë fqinjë të saj, nuk ka bërë asnjë plan ose nuk ka ndërmarrë asnjë hap aktiv për të ulur importet e energjisë ruse”, tha dje ambasadori i SHBA-së në NATO, Matthew Whitaker, në një intervistë për “Fox News”.

“Ne do të vazhdojmë të punojmë me ta dhe do të punojmë me fqinjët e tyre si Kroacia dhe vende të tjera që mund t’i ndihmojnë ata të heqin dorë nga kjo energji”, shtoi ai.

Qeveria në Budapest tha se kishte nevojë për energjinë ruse për të mbajtur nën kontroll çmimet e energjisë për familjet, veçanërisht para zgjedhjeve të vitit të ardhshëm – në të cilat partia e Orban është pas një lëvizjeje opozitare në rritje dhe me një krizë të kostos së jetesës që kryeson shqetësimet e votuesve. //a.i/

The post HUNGARI – Orban do të takohet me Trump për të diskutuar sanksionet e SHBA-së ndaj naftës ruse appeared first on Agjencia Telegrafike Shqiptare.

Edhe pse për sanksionet ndaj Moskën, Beogradi zyrtar nuk është njësuar me linjën e Bashkimit Europian, presidenti Vuçiç në një dalje për televizionin publik deklaroj se besonte tek anëtarësimi i vendit në union, por për këtë në mes qëndron Kosova.

“Mendoj se do të ketë shumë surpriza, do të ketë shumë vendime të ndryshme gjeopolitike në vitin e ardhshëm. Gjithçka po ndryshon shumë shpejt. Ka disa shanse që Serbia të bëhet anëtare e BE-së para vitit 2030, por se nuk më pëlqen të vendos afate, edhe pse për këtë ka një çështje në mes, ajo e Kosovës dhe për këtë unë jam i qartë: nuk do ta njoh pavarësinë”, ka thënë presidenti serb Aleksandër Vuçiç.

Paralajmërimi i Vuçiç për të ardhmen e serbëve ne komunat veriore të Kosovës ishte optimist, duke deklaruar se në 5 apo 10 vitet e ardhshme roli i tyre do të fuqizohet.

Vuçiç pati një koment edhe për Republikën Srpska, ku krahu i tij i djathtë Milorad Dodik është tërhequr të paktën zyrtarisht nga angazhimi politik, duke uruar paqen në atë zonë

Duke folur për Rezolutën e miratuar për Serbinë në Parlamentin Evropian, ai akuzoj drejtpërdrejt Presidenten e Komisionit Evropian Ursula von der Leyen dhe Presidenti i Këshillit të BE-së Antonio Costa, duke i cilësuar ata simbole të pushtetit që vënë në lëvizje edhe mekanizmat e tjerë të BE.

Përplasja mes tij dhe Von der Leyen ka qenë e fortë, ndërsa në ndalesën e saj të fundit në Beograd, ajo i kujtoj Vuçiç cilat ishin mangësitë e qeverisjes së tij, përfshirë sistemin e drejtësisë dhe korrupsionin.

Në qendër të intervistës ishte edhe takimi i pritshëm mes Trump Dhe Putin në Hungari, për të cilën tha së Bashkimi Europian do të bëj gjithçka për ta parandaluar mbajtjen e një takimi të tillë në Budapest.

Vuçiç u shfaq i bindur se Serbia do të arrijë një marrëveshje me partnerët e saj rusë pas vendosjes së sanksioneve kundër NIS dhe shtoi se do të bëhet gjithçka që të sigurohet që prona ruse të mos rrezikohet. Përsa i përket protestave të studentëve për mbajtjen e zgjedhjeve të reja në vend, Vuçiç edhe njëherë tregoj se nuk ka në plan të lëvizi nga pushteti.

/abcnews.al/

BRUKSEL, 20 tetor /ATSH/- Nuk është mirë që presidenti rus, Vladimir Putin të udhëtojë në Hungari – një vend anëtar i BE-së – për bisedime mbi konfliktin ne Ukrainë, tha sot shefja e politikës së jashtme të Bashkimit Evropian, Kaja Kallas, sipas “Reuters”.

Presidenti i SHBA-së, Donald Trump njoftoi të enjten se së shpejti do të takohej me homologun e tij rus, Vladimir Putin, në Budapest.

“Brukseli e konsideron të pakëndshme të shohë në një kryeqytet evropian një person që i nënshtrohet një urdhërarresti nga Gjykata Ndërkombëtare Penale (ICC)”, tha Kallas.

“BE mirëpret përpjekjet e Uashingtonit për të arritur paqen”, shtoi ajo – ndërsa theksoi rëndësinë e një takimi midis presidentit ukrainas Volodymyr Zelensky dhe udhëheqësit rus, Putin.

“Amerika ka forcën për të ushtruar presion mbi Rusinë që të ulet në tryezën e negociatave, nëse ata e përdorin këtë, atëherë, do të ishte mirë nëse Rusia do ta ndalte këtë luftë”, tha Kallas.

Gjykata Ndërkombëtare Penale ka lëshuar një urdhërarresti për Putinin pas akuzave për rrëmbimin dhe deportimin e fëmijëve dhe të miturve nga territoret e pushtuara ukrainase në Rusi – ndërsa Hungaria njoftoi në prill planet për t’u tërhequr nga Gjykata Ndërkombëtare Penale (ICC), dhe parlamenti i saj miratoi vendimin në maj.

“Lidhur me Budapestin, jo, nuk është mirë… të shohësh që një person – që i nënshtrohet një urdhërarresti nga Gjykata Ndërkombëtare Penale – vjen në një vend evropian”, shtoi Kallas.  //a.i/

The post BRUKSEL – Kallas: Brukseli e konsideron të pakëndshme vizitën e Putinit në Hungari appeared first on Agjencia Telegrafike Shqiptare.

Menjëherë pas njoftimit të vendndodhjes së samitit të ardhshëm midis Presidentit rus dhe udhëheqësit të Shtëpisë së Bardhë, Donald Trump, pyetja qarkulloi në disa kanale ruse të Telegramit me shumë ndjekës. Pyetja nuk është e pazakontë. Dhe vetë zëdhënësi i Kremlinit, Dmitry Peskov, vuri në dukje se “për momentin, sigurisht, situata logjistike është e paqartë”. […]

The post Putini do të kalojë nga Shqipëria për të shkuar në Hungari? Dilema e Kremlinit appeared first on BoldNews.al.

BRUKSEL, 13 tetor /ATSH-DPA/- Komisioneri hungarez i BE-së, Oliver Varhelyi ka mohuar çdo përfshirje në një aferë të dyshuar spiunazhi gjatë një takimi dje me presidenten e Komisionit Evropian, Ursula von der Leyen, tha sot një zëdhënëse e Komisionit Evropian.

“Von der Leyen u takua dje me Varhelyi dhe e pyeti nëse ishte në dijeni të përpjekjeve të shërbimeve të inteligjencës hungareze për të rekrutuar stafin e Komisionit Evropian”, u tha zëdhënësja e saj gazetarëve në Bruksel.

Varhelyi, i cili mban postin e komisionerit të BE-së për Shëndetin dhe Mirëqenien e Kafshëve, tha se nuk ishte në dijeni të përpjekjeve të tilla.

Sipas raporteve të revistës gjermane “Der Spiegel”, gazetës së përditshme belge “De Tijd” dhe medias hetimore hungareze “Direkt36”, qeveria hungareze e udhëhequr nga kryeministri Viktor Orban kishte caktuar agjentë të shërbimit sekret në institucionet e BE-së.

Midis viteve 2015 dhe 2017, tre spiunë dyshohet se u përpoqën të rekrutonin punonjës të Komisionit Evropian ose të merrnin informacione prej tyre.

Njëri prej tyre thuhet se ka punuar i maskuar si diplomat për ambasadorin e atëhershëm hungarez në BE, Varhelyi.

Javën e kaluar, Komisioni Evropian njoftoi se po i merrte shumë seriozisht akuzat dhe do të ngrinte një grup të brendshëm për të hetuar çështjen. //a.i/

The post BRUKSEL – Von der Leyen ngre akuza për spiunazh kundër Hungarisë appeared first on Agjencia Telegrafike Shqiptare.

BUDAPEST, 6 tetor /ATSH/- Hungaria nuk duhet të futë euron si monedhë, sepse Bashkimi Evropian po “shkërmoqet” dhe Hungaria nuk duhet të lidhë fatin e saj edhe më ngushtë me këtë bllok, tha kryeministri hungarez Viktor Orban në një intervistë për portalin ekonomik ”EconomX”, sipas “Reuters”.

Orban gjithashtu tha se norma aktuale e interesit të bankës qendrore 6,5 për qind është “më e lartë se sa mund të ishte” dhe se uljet e normave të interesit do të jenë “shumë më të ngadalta se sa do të dëshironim”, sepse guvernatori Mihalj Varga është një njeri i kujdesshëm.

Monedha zyrtare në Hungari është forinti.

Hungaria nuk ka futur euron, edhe pse është anëtare e Bashkimit Evropian që nga viti 2004. Sipas traktatit të aderimit, Hungaria kishte marrë angazhimin që një ditë të adoptojë euron, por ende nuk ka caktuar një datë dhe nuk përmbush të gjitha kriteret ekonomike për t’iu bashkuar eurozonës (të njohura si “kriteret e Mastrichtit”.

Orban ka deklaruar disa herë se Hungaria nuk ka ndërmend të futë euron së shpejti, pasi dëshiron të ruajë kontrollin mbi politikën e saj monetare dhe beson se kalimi në euro do të kufizonte pavarësinë ekonomike të vendit. /Ad.Ab./

The post BUDAPEST – Orban: Hungaria nuk duhet të adoptojë euron sepse BE-ja po përçahet appeared first on Agjencia Telegrafike Shqiptare.

Presidenti i Republikës, Sh. T. Z. Bajram Begaj, u prit në një takim të veçantë nga Kryeministri i Hungarisë, Viktor Orban.

Kreu i Shtetit vlerësoi mbështetjen e fortë të Hungarisë për anëtarësimin e Shqipërisë dhe të Ballkanit Perëndimor në Bashkimin Evropian, duke theksuar veçanërisht rolin e saj kyç gjatë Presidencës së Këshillit të Bashkimit Evropian në vitin 2024 në avancimin e negociatave, si dhe avokimin e saj të vazhdueshëm për një proces zgjerimi strategjik, të drejtë dhe të bazuar në meritë.

Biseda mes Presidentit Begaj dhe Kryeministrit Orban u fokusua në intensifikimin e dialogut politik mes dy vendeve si aleate në NATO dhe së shpejti në BE.

Dy liderët u fokusuan edhe në situatën e sigurisë në rajon, duke theksuar se anëtarësimi i rajonit në Bashkimin Evropian rrit më tej sigurinë në rajon, por edhe në vetë Bashkimin Evropian.

Presidenti Begaj theksoi se faktori shqiptar në rajon është bashkëpunues dhe evropianist.
Për sa i përket bashkëpunimit ekonomik mes dy vendeve, u theksua se investimet e rëndësishme që janë kryer në sektorin bankar, telekomunikacion dhe transportin ajror janë kthyer në një sukses për investitorët dhe vendin tonë dhe, në këtë kontekst, ai ftoi sipërmarrësit hungarezë të vijnë në vendin tonë. “Të mos hezitojnë të ndjekin shembullin e kompanive shumë të suksesshme hungareze që operojnë tashmë në Shqipëri”, – theksoi Kreu i Shtetit, duke i shprehur Kryeministrit Orban përkushtimin për të inkurajuar hyrjet e mëtejshme të kapitalit hungarez në vend.  

“Shqipëria inkurajon, gjithashtu, mbështetjen hungareze për lehtësimin dhe promovimin e aksesit të produkteve shqiptare në tregun e saj”, – u shpreh Presidenti i Republikës.

Në takim u bisedua edhe për rritjen e ndjeshme të vizitorëve hungarezë në Shqipëri.

Gjatë bashkëbisedimit u vlerësuan hapat e ndërmarra nga qeveria shqiptare dhe ajo hungareze edhe në fusha të tjera, si: drejtësia, bujqësia, arsimi, kultura dhe edukimi. Presidenti Begaj i shprehu Kryeministrit Orban mirënjohje për bursat e dhëna ndaj studentëve shqiptarë.

Gjatë vizitës në Hungari, Presidenti i Republikës, Sh. T. Z. Bajram Begaj, nderoi Heroin Kombëtar, Gjergj Kastrioti Skënderbeu, dhe shenjtoren shqiptare, Nënë Tereza, duke vendosur kurora lulesh në monumentet e tyre që ngrihen në Budapest.

The post Presidenti Begaj pritet në vizitë nga kryeministri hungarez Viktor Orban në Budapest, dy liderët folën edhe për sigurinë në rajon dhe BE appeared first on Albeu.com.

TIRANË, 17 shtator/ATSH/ Presidenti Bajram Begaj i cili zhvilloi vizitë zyrtare në Hungari u prit sot në takim të veçantë nga Kryeministri i këtij vendi, Viktor Orban.

Gjatë takimit, sipas Presidencës, Kreu i Shtetit vlerësoi mbështetjen e fortë të Hungarisë për anëtarësimin e Shqipërisë dhe të Ballkanit Perëndimor në Bashkimin Evropian, duke theksuar veçanërisht rolin e saj kyç gjatë Presidencës së Këshillit të Bashkimit Evropian në vitin 2024 në avancimin e negociatave, si dhe avokimin e saj të vazhdueshëm për një proces zgjerimi strategjik, të drejtë dhe të bazuar në meritë.

Biseda mes Presidentit Begaj dhe Kryeministrit Orban u fokusua në intensifikimin e dialogut politik mes dy vendeve si aleate në NATO dhe së shpejti në BE.

Dy liderët u fokusuan edhe në situatën e sigurisë në rajon, duke theksuar se anëtarësimi i rajonit në Bashkimin Evropian rrit më tej sigurinë në rajon, por edhe në vetë Bashkimin Evropian.

Presidenti Begaj theksoi se faktori shqiptar në rajon është bashkëpunues dhe evropianist.

Për sa i përket bashkëpunimit ekonomik mes dy vendeve, u theksua se investimet e rëndësishme që janë kryer në sektorin bankar, telekomunikacion dhe transportin ajror janë kthyer në një sukses për investitorët dhe vendin tonë dhe, në këtë kontekst, ai ftoi sipërmarrësit hungarezë të vijnë në vendin tonë.

“Të mos hezitojnë të ndjekin shembullin e kompanive shumë të suksesshme hungareze që operojnë tashmë në Shqipëri”, – theksoi Kreu i Shtetit, duke i shprehur Kryeministrit Orban përkushtimin për të inkurajuar hyrjet e mëtejshme të kapitalit hungarez në vend.

“Shqipëria inkurajon, gjithashtu, mbështetjen hungareze për lehtësimin dhe promovimin e aksesit të produkteve shqiptare në tregun e saj”, – u shpreh Presidenti i Republikës.

Në takim u bisedua edhe për rritjen e ndjeshme të vizitorëve hungarezë në Shqipëri.

Gjatë bashkëbisedimit, u vlerësuan hapat e ndërmarra nga qeveria shqiptare dhe ajo hungareze edhe në fusha të tjera, si: drejtësia, bujqësia, arsimi, kultura dhe edukimi. Presidenti Begaj i shprehu Kryeministrit Orban mirënjohje për bursat e dhëna ndaj studentëve shqiptarë.

Gjatë vizitës në Hungari, Presidenti Begaj, nderoi Heroin Kombëtar, Gjergj Kastrioti Skënderbeu, dhe shenjtoren shqiptare, Nënë Tereza, duke vendosur kurora lulesh në monumentet e tyre që ngrihen në Budapest.

Presidenti Begaj nisi dje vizitën zyrtare në Hungari me pritjen nga homologu i tij Tamás Sulyok.

Forcimi i marrëdhënieve dypalëshe bazuar në një miqësi historike, finalizimi i procesit të anëtarësimit të Shqipërisë në BE, situata e sigurisë në rajon dhe në Evropë ishin në fokus të kësaj vizite.

1 nga 3

The post Begaj në Hungari, takim me Kryeministrin Orban: Intensifikim i dialogut politik mes dy vendeve appeared first on Agjencia Telegrafike Shqiptare.

TIRANË, 16 shtator /ATSH/ Presidenti i Republikës, Bajram Begaj u prit sot në Budapest nga presidenti i Hungarisë, Tamás Sulyok.

Begaj u shpreh se kjo pritje është dëshmi e miqësisë historike 103-vjeçare mes shqiptarëve dhe hungarezëve.

“Një pritje shumë e ngrohtë sot në Budapest, dëshmi e miqësisë historike 103-vjeçare mes shqiptarëve dhe hungarezëve. Faleminderit, President Tamás Sulyok!”, shkroi Begaj në një postim në rrjetet sociale.

Presidenti Begaj, po zhvillon sot një vizitë zyrtare në Hungari me ftesë të homologut të tij, Tamás Sulyok.

Kjo vizitë synon të forcojë më tej dialogun politik, marrëdhëniet dypalëshe bazuar në një miqësi historike, bashkëpunimin për finalizimin e procesit të anëtarësimit të Shqipërisë në BE, bashkëpunimin për situatën e sigurisë në rajon dhe në Evropë si dy vende në NATO.

Agjenda e Presidentit Begaj dhe e delegacionit që e shoqëron parashikon takime të veçanta me presidentin Sulyok, me kryeministrin Viktor Orban, si dhe me kryetarin e Asamblesë Kombëtare Hungareze, László Kövér.

Pjesë e agjendës së kësaj vizite është edhe takimi me përfaqësues të komunitetit shqiptar që jeton në Hungari.

1 nga 3

/gj.m//r.e/a.f/

The post Begaj në Budapest, pritet nga homologu hungarez Sulyok appeared first on Agjencia Telegrafike Shqiptare.

TIRANË, 15 shtator/ATSH/ Presidenti i Republikës, Bajram Begaj niset sot për një vizitë zyrtare në Hungari me ftesë të Presidentit hungarez, Tamás Sulyok.

Zyra e shtypit pranë Presidencës bëri të ditur se kjo vizitë synon të forcojë më tej dialogun politik, marrëdhëniet dypalëshe bazuar në një miqësi historike, bashkëpunim për finalizimin e procesit të anëtarësimit të Shqipërisë në BE, bashkëpunim për situatën e sigurisë në rajon dhe në Evropë si dy vende në NATO.

Agjenda e Presidentit Begaj dhe e delegacionit që e shoqëron parashikon takime të veçanta me Presidentin Sulyok, me Kryeministrit Viktor Orban, si dhe me Kryetarin e Asamblesë Kombëtare Hungareze, László Kövér.

Pjesë e agjendës së kësaj vizite është edhe takimi me përfaqësues të komunitetit shqiptar që jeton në Hungari.

Marrëdhëniet diplomatike mes Shqipërisë dhe Hungarisë janë vendosur më 23 maj 1922.

Dialogu politik konsiderohet si një nga shtyllat kryesore të marrëdhënieve dypalëshe.

Hungaria ka përdorur të gjitha mundësitë për të shprehur mbështetjen për integrimin evropian të Shqipërisë dhe ka ofruar mbështetje konkrete me ekspertizë në kuadrin e programeve të binjakëzimit dhe të Fondit të Ballkanit Perëndimor.

/m.m/j.p/

The post Begaj vizitë në Hungari, në fokus bashkëpunimi për finalizimin e anëtarësimit në BE appeared first on Agjencia Telegrafike Shqiptare.

LUKSEMBURG, 12 shtator /ATSH/- Gjykata e Lartë e BE-së tha dje se Komisioni Evropian nuk duhej të kishte miratuar ndihmën shtetërore hungareze për zgjerimin e centralit të saj bërthamor “Paks” nga një kompani ruse, duke vendosur se Komisioni nuk kishte kontrolluar nëse kontrata përmbushte rregullat e BE-së, sipas “Reuters”.

Hungaria i dha të drejtën e ndërtimit, kompanisë ruse “Nizhny Novgorod Engineering”, si pjesë e një marrëveshjeje midis Rusisë dhe Hungarisë mbi përdorimin paqësor të energjisë bërthamore.

Rusia nga ana tjetër i dha Hungarisë një kredi shtetërore për të financuar pjesën më të madhe të prodhimit të reaktorëve të rinj, dhe Komisioni Evropian e miratoi planin në vitin 2017.

Kompania shtetërore ruse e energjisë bërthamore “Rosatom”, e cila nënshkroi një marrëveshje me Budapestin për të ndërtuar dy reaktorë 1,2 gigavat në “Paks” – tha në një deklaratë të mërkurën se do të vazhdonte të ekzekutonte projektin.

“Detyra kryesore e “Rosatom” mbetet të zbatojë projektin në përputhje me standardet më të larta ndërkombëtare të sigurisë dhe në përputhje të plotë me detyrimet kontraktuale”, tha kompania.

Austria fqinje paraqiti një ankesë në lidhje me ndihmën shtetërore të përfshirë në marrëveshje në Gjykatën e Përgjithshme të BE-së në vitin 2018, por e humbi çështjen.

Më pas, ajo paraqiti një apel në Gjykatën e Drejtësisë të BE-së, e cila tha dje se Austria kishte të drejtë – kur njoftoi se Komisioni duhej të kishte shqyrtuar fillimisht nëse rregullat e prokurimit të BE-së ishin në përputhje – përpara se t’ia jepte drejtpërdrejt kontratën e ndërtimit kompanisë ruse. //a.i/

The post LUKSEMBURG – Gjykata e Lartë e BE-së kundër ndërtimit të centralit bërthamor rus në Hungari appeared first on Agjencia Telegrafike Shqiptare.