Mesfushori i Barcelonës, Pedri, ka përfshirë dy bashkëlojtarë të tij në listën e futbollistëve më të mirë të momentit, teksa entuziazmi për Kupën e Botës që po vjen po rritet.

Në një intervistë për revistën Esquire, të publikuar të martën, 23-vjeçari përmendi Lamine Yamal dhe Raphinha, duke i renditur ata përkrah yjeve botërorë si Kylian Mbappé, Mohamed Salah, Erling Haaland dhe Julián Álvarez, kur foli për lojtarët më të mirë që po shkëlqejnë aktualisht.

Pedri u shpreh i etur për t’u përballur me shumicën e këtyre emrave në arenën ndërkombëtare — me përjashtim të Yamalit, shokut të tij të skuadrës te Barcelona, duke theksuar se veçanërisht pret me padurim duelet ndaj Haalandit dhe Salahut, të cilët ende nuk i ka pasur përballë.

Vlerësimi entuziast i Pedrit nënvizon formën e shkëlqyer që po kalojnë Yamal dhe Raphinha këtë sezon, si dhe fuqinë e repartit ofensiv të Barcelonës, e cila po dominon në garat vendore dhe po avancon me ambicie edhe në skenën evropiane.

Pedri mbetet njëri ndër lojtarët kryesor të Barcelonës dhe Kombëtares së Spanjës. /Telegrafi/

Ministri i Jashtëm gjerman, Johann Vandevoll, beson se Rusia do të përdorë një armëpushim të mundshëm në Ukrainë për të përshpejtuar përgatitjet për të sulmuar një vend anëtar të NATO-s, duke paralajmëruar kështu aleancën mbrojtëse të jetë gati për një skenar të tillë.

Ai theksoi se NATO po zgjeron strukturat e saj mbrojtëse, ndërsa Gjermania po riorganizon forcat e saj të armatosura, duke forcuar numrin e ushtarëve dhe pajisjeve në kontekstin e një sulmi të mundshëm rus.

Siguria në Evropë do të varet nga Rusia për një kohë të gjatë, tha ai, duke shtuar se Moska mund të mbahet larg vetëm “nga një pozicion force, uniteti brenda aleancës dhe forcave të armatosura të afta”.

“Mund t’ju këshilloj fuqimisht vetëm të mos bëni asnjë lëshim në të gjitha këto projekte dhe plane, sepse vetëm një pozicion force do të çojë në siguri më të madhe për ne në NATO, por edhe për ne në Gjermani. Nëse Moska arrin një sukses të qëndrueshëm ushtarak në Ukrainë, kjo do të përbënte një kërcënim serioz për NATO-n”, tha Vandeful.

“Vetëm për këtë arsye, mbështetja e Ukrainës mbetet një nga interesat e sigurisë së Gjermanisë. Ministri i jashtëm tha se Ukraina duhet të jetë e përgatitur të bëjë lëshime – duke përfshirë lëshime të mundshme territoriale – nëse këto shoqërohen me garanci të besueshme sigurie nga Perëndimi, dhe kryesisht nga SHBA-ja. Evropianët gjithashtu duhet të kontribuojnë, tha ai.

Mënyra se si strukturohen këto kontribute është diçka “që do ta diskutojmë në thellësi sapo të kemi një armëpushim dhe sapo të shohim se Rusia është vërtet e gatshme të mendojë seriozisht për paqen”, tha ai.

Moska duket e gatshme të negociojë, shtoi ai, por kjo nuk është e njëjta gjë me një gatishmëri të vërtetë për paqe. “Nuk e kemi parë këtë deri më sot”, tha Vandeful.

Sinjali – aty ku e vërteta flet para lajmit!

/GazetaSinjali/

The post Ministri i Jashtëm gjerman thotë se armëpushimi në Ukrainë “s’do t’i japë fund kërcënimit rus” appeared first on Sinjali.

Polonia ka instaluar grupin e parë të një sistemi mbrojtës artilerie në një kullë të re vëzhgimi në Ozierany, pranë kufirit polako-bjellorus, si pjesë e përpjekjeve për të forcuar sigurinë kundër kërcënimeve nga mjetet ajrore pa pilot, thanë zyrtarët të martën. “Është një kullë e veçantë sepse grumbulli i parë i sistemit të artilerisë që do të mbrojë kufirin polak po instalohet në këtë kullë.

Source

Presidenti i Ukrainës, Volodymir Zelensky, ka zhvilluar një bisedë të ngrohtë dhe të frytshme me Presidenten e Komisionit Evropian, Ursula von der Leyen.

Ai shprehu mirënjohjen e tij për gjithë mbështetjen, ndihmën dhe angazhimin maksimal të Bashkimit Evropian, jo vetëm këtë vit, por që nga fillimi i pushtimit të plotë rus.

“Java e kaluar, Këshilli Evropian miratoi një vendim për 90 miliardë euro ndihmë financiare për Ukrainën për periudhën 2026–2027, dhe kjo është jashtëzakonisht e rëndësishme për ne. Vlerësojmë shumë faktin që BE po mbështet Ukrainën në këtë mënyrë në këtë moment vendimtar diplomatik,” shkroi Zelensky në X.

Ai shtoi se negociatat në vazhdim mund ta ndryshojnë rrënjësisht situatën dhe nënvizoi rëndësinë e sigurimit të presionit të duhur mbi Rusinë, në bashkëpunim me të gjithë partnerët ndërkombëtarë.

Gjatë bisedës, u diskutua edhe mbështetja për qëndrueshmërinë e Ukrainës dhe forcimin e pozicioneve të vendit në tryezën e negociatave, ndërsa u dakorduan kontakte të mëtejshme në ditët në vijim.

Zelensky gjithashtu theksoi se, edhe pse bota po përgatitet për Krishtlindje, puna për arritjen e paqes dhe garantimin e sigurisë nuk ndalon asnjë ditë.

Sinjali – aty ku e vërteta flet para lajmit!

/GazetaSinjali/

The post Zelensky bisedon me Von der Leyen: BE-ja po e mbështet Ukrainën në shumë aspekte vendimtare appeared first on Sinjali.

Aktivistja suedeze, Greta Thunberg, u arrestua në Londër nga policia britanike, teksa po merrte pjesë në një protestë pro-palestineze të zhvilluar në qendër të kryeqytetit britanik.

Sipas mediave të huaja arrestimi i saj u konfirmua nga Policia e Qytetit të Londrës, e cila njoftoi se 22-vjeçarja u ndalua për shfaqjen e një pankarte në mbështetje të organizatës Palestine Action, e cila është shpallur organizatë e ndaluar në Mbretërinë e Bashkuar.

Protesta ishte organizuar në shenjë solidariteti me tetë anëtarë të Palestine Action, të cilët ndodhen aktualisht në paraburgim dhe janë në grevë urie prej më shumë se 50 ditësh.

Ata po protestojnë kundër procesit gjyqësor ndaj tyre, si dhe ndaj kushteve të burgimit që, sipas mbështetësve, konsiderohen të padrejta.

Demonstrata u mbajt përpara zyrave të kompanisë Aspen Insurance në Londër.

Organizatorët e protestës pretendojnë se kjo kompani ofron shërbime sigurimi për Elbit Systems, një kompani izraelite e industrisë së mbrojtjes, e cila është shpesh objekt kritikash nga aktivistët pro-palestinezë.

Greta Thunberg, e njohur ndërkombëtarisht për angazhimin e saj në çështjet klimatike, ka zgjeruar vitet e fundit aktivizmin e saj edhe në fusha të tjera, përfshirë të drejtat e njeriut dhe konfliktet ndërkombëtare.

Sinjali – aty ku e vërteta flet para lajmit!

/GazetaSinjali/

The post Arrestohet aktivistja e njohur Greta Thunberg në Londër appeared first on Sinjali.

PARIS, 22 dhjetor /ATSH-AA/ – Një glaciolog francez me përvojë ka paralajmëruar se akullnajat e Alpeve kanë humbur më shumë se gjysmën e vëllimit të tyre që nga fundi i shekullit të 19-të, duke theksuar ndikimin përshpejtues të ndryshimeve klimatike në vargmalin më të lartë të Evropës.

Në një intervistë si pjesë e raporteve speciale “Maja e Evropës: Alpet”, Sylvain Coutterand detajoi ndryshimet e thella që ndikojnë në rajonin e Alpeve të Francës. Ai theksoi një transformim të thellë në peizazhin e Alpeve.

Duke kujtuar vizitat e tij të verës së fëmijërisë në vitet 1970 dhe 1980 në Les Houches, një fshat në rajonin Auvergne-Rhone-Alpes pranë Chamonixit, ai tha se reshjet ishin të shpeshta, çdo dy ditë, duke mbajtur borën në lartësi të mëdha dhe duke lejuar akullnajat të përparojnë.

Sot, temperaturat në rritje janë shumë më të theksuara në vendpushimet e skive si në Chamonix të Francës dhe Zermatt të Zvicrës.

“Ndryshimi i klimës ndihet më intensivisht në male sesa gjetkë”, tha Coutterand.

Regjistrimet e temperaturës në Alpe datojnë që nga vitet 1880.

“Që nga fundi i shekullit të 19-të, akullnajat kanë humbur më shumë se 50 për qind të vëllimit të tyre”, theksoi ai.

Akullnajet e Alpeve filluan të tërhiqen nga shtrirjet e tyre maksimale të Epokës së Vogël të Akullnajeve rreth mesit të shekullit të 19-të, sipas rindërtimeve glaciologjike, me periudha të shkurtra stagnimi ose përparimi të përsëritur në shumë rajone gjatë viteve 1890, 1920 dhe 1970-1980.

Akullnajat në lartësi më të ulëta dhe ato më të vogla që atëherë janë zhdukur plotësisht.

– “Zhdukja e akullnajave po ndodh tani”

“Zhdukja e akullnajave po ndodh tani. Sipas modeleve, akullnajat ikonike si Mer de Glace mund të zhduken midis viteve 2060 dhe 2080. Jemi plotësisht në epokën e ndryshimeve klimatike, pa asnjë fund në horizont”, tha Coutterand.

Duke parë përpara, ai parashikoi sfida të rënda për prodhimin e energjisë hidroelektrike dhe për ftohjen e centraleve bërthamore për shkak të rrjedhës së reduktuar të ujit.

Vetëm në Luginën Chamonix, problemet e ardhshme të furnizimit me ujë duken të mëdha sapo akullnajat të zhduken.   /os/

The post KLIMË – Alpet franceze po humbasin “me shpejtësi” akullnajat e tyre appeared first on Agjencia Telegrafike Shqiptare.

Disa të shtëna me armë zjarri janë dëgjuar në një xhami në Hollabrunn të Austrisë. Nga këto të shtëna pësuan edhe zyrat e partisë së Gjelbër.

Siç raportojnë mediat austriake,  zëdhënësi i policisë, Johann Baumschlager ka deklaruar se janë duke zhvilluar hetimet për të gjetur autorët.

Të shtënat në xhami ka të ngjarë të jenë qëlluar rreth mesnatës.

Në anën tjetër, edhe Zyra Shtetërore për Mbrojtjen e Shtetit dhe Luftimin e Ekstremizmit ka nisur hetimet. Në veçanti, shqyrtohet nëse ka një sfond fetar apo politik për incidentet.

Për këtë rast, ka reaguar edhe komuniteti fetar shqiptar.

“Komuniteti mysliman shqiptar në Austri e dënon ashpër këtë akt dhune kundër një institucioni fetar”, thuhet në Facebook.

Sinjali – aty ku e vërteta flet para lajmit!

/GazetaSinjali/

The post Të shtëna me armë zjarri në një xhami në Austri, reagon komuniteti shqiptar appeared first on Sinjali.

Pavarësisht lidhjeve të shumta ndër vite mes Erling Haaland dhe Real Madridit, sulmuesi norvegjez aktualisht nuk është në planet e klubit madrilen.

Sipas informacioneve të gazetarit Ekrem Konur, drejtuesit e “Los Blancos” besojnë se nevojat sulmuese të skuadrës janë të mbuluara plotësisht nga Kylian Mbappe.

Prej disa sezonesh, media pranë Real Madridit e kanë përmendur vazhdimisht emrin e Haalandit si një objektiv të mundshëm për “Santiago Bernabeu”.

Megjithatë, situata aktuale tregon se klubi nuk ka interes konkret për të ndërmarrë hapa drejt sulmuesit të Manchester Cityt.

Nga ana sportive, Mbappe po kalon një sezon mbresëlënës.

Sulmuesi francez ka realizuar 29 gola dhe ka dhënë 5 asistime në 24 ndeshje zyrtare.

Ndërkohë, Haaland ka shënuar 25 gola dhe ka regjistruar 4 asistime në 23 paraqitje me Manchester Cityn, statistika që konfirmojnë formën e lartë të të dy lojtarëve.

Përtej aspektit sportiv, transferimi i Haalandit do të ishte jashtëzakonisht i vështirë.

Norvegjezi ka kontratë me Man Cityn deri në qershor të vitit 2034 dhe klubi anglez nuk ka ndërmend të lehtësojë largimin e tij.

Edhe pse është përfolur për ekzistencën e një klauzole lirimi, as lojtari dhe as klubi nuk e kanë konfirmuar zyrtarisht një mekanizëm të tillë.

Në këto rrethana, një kalim i Haalandit te Real Madridi duket shumë larg realitetit, të paktën në të ardhmen e afërt. /Telegrafi/

Mosha e 2,2 milionë shqiptarëve që jetojnë jashtë vendit, është mjaft e re sipas të dhënave nga Ces Hub i BE. Shumica e vendeve të BE, zhvilloi censet e popullsisë më 2021, nga të cilat u evidentua popullata e emigrantëve sipas vendeve të origjinës dhe mosha e saj.

Në total 70% e shqiptarëve që jetojnë në BE, janë deri në 45-vjeç. Mbi 60% e emigrantëve shqiptarë janë në moshë pune aktive (15–49 vjeç), me grup-moshën 30–49 vjeç që dominon fort, me 40.7% të totalit.

Kjo peshë është pothuajse identike si për meshkujt, ashtu edhe për femrat, duke treguar se emigracioni nuk është më një fenomen i kufizuar kryesisht te meshkujt, por ka marrë një karakter familjar dhe më të balancuar gjinor.

Sakaq, struktura e popullsisë rezidente në Shqipëri është dukshëm më e plakur. Brenda vendit, pesha e grup-moshave mbi 50-vjeç është rritur ndjeshëm vitet e fundit, ndërsa grup-moshat e reja dhe ato në kulmin e produktivitetit ekonomik janë tkurrur.

Përkundrazi në emigracion, grup-moshat mbi 65-vjeç përbëjnë vetëm rreth 5%, ndërsa moshat mbi 85 vjeç janë pothuajse të papërfillshme (0.3%), ç`ka tregon se emigracioni shqiptar është kryesisht një emigracion i moshave të reja dhe të mesme, jo i pensionistëve.

Edhe grup-mosha nën 15-vjeç ka një peshë të konsiderueshme në diasporë me 19%, ç`ka tregon praninë e familjeve emigrante dhe një proces më të qëndrueshëm vendosjeje jashtë vendit.

Ndërsa në Shqipëri rënia e lindshmërisë, ka ulur ndjeshëm peshën e fëmijëve në strukturën e popullsisë.

Në terma ekonomikë dhe demografikë, grafiku konfirmon se Shqipëria ka “eksportuar” në mënyrë disproporcionale kapitalin njerëzor në moshë pune, duke lënë pas një popullsi gjithnjë e më të vjetër.

Ndërsa jashtë vendit shqiptarët janë kryesisht në moshat që kontribuojnë në rritje ekonomike, brenda vendit barra mbi sistemin e pensioneve, shëndetësisë dhe financave publike është në rritje.

Sipas të dhënave të fundit nga Cens Hub, emigrimi në dekadën e fundit shënonte 56 % meshkuj në Gjermani, 53 % në Greqi dhe 51 % meshkuj në Itali.

Shtetas shqiptarë që jetojnë në Evropë figurojnë të jenë të një moshe të re, edhe në raport me strukturën e popullssisë së vendeve pritëse.

Migrimi i shqiptarëve jashtë vendit nuk është një dukuri e re. Ai është i dokumentuar të paktën që në shekujt e pesëmbëdhjetë dhe të gjashtëmbëdhjetë, me largimin e një mase të madhe banorësh nga trevat shqiptare.

Akoma vazhdon të mbetet veprues dhe të japë impaktet e tij domethënëse, si në aspektet demografike, po ashtu edhe në ato sociale dhe ekonomike të vendit. / Monitor

The post Ikja e të rinjve, 70% e emigrantëve shqiptare në Europë nën 45-vjeç appeared first on Albeu.com.

Cristiano Ronaldo nuk nguroi ta lavdërojë Kylian Mbappe pas paraqitjes së jashtëzakonshme të francezit, i cili barazoi rekordin e tij historik për numrin më të madh të golave të shënuar në një vit kalendarik me fanellën e Real Madridit.

Mbappe hyri në përballjen e së shtunës ndaj Sevillas duke pasur nevojë vetëm për një gol për të arritur kuotën e 59 golave për Madridin gjatë vitit 2025, shifër kjo që përkon me rekordin absolut të Ronaldos dhe njëkohësisht numrin më të lartë të golave të shënuar nga një lojtar i vetëm në një vit në historinë e klubit.

Sulmuesi francez u detyrua të priste deri në minutën e 86-të për të realizuar golin vendimtar nga pika e bardhë e penalltisë. Menjëherë pas golit, Mbappe e shfaqi hapur emocionin e tij, duke festuar me celebrimin e famshëm “siu” të Cristiano Ronaldos, gjest që u prit me entuziazëm nga tifozët në “Santiago Bernabeu”.

Pas ndeshjes, Mbappe ia dedikoi golin idhullit të tij, duke e theksuar edhe në rrjetet sociale, ku publikoi fotografi nga festa e golit së bashku me një imazh nga fëmijëria, kur kishte takuar Ronaldon për herë të parë.

“Besoni në ëndrrat tuaja. Respekt i madh për Cristianon”.

Nën këtë postim, vetë Cristiano Ronaldo reagoi duke e përgëzuar Mbappen, duke përdorur simbole që shprehnin duartrokitje dhe zjarr, si shenjë vlerësimi për arritjen e sulmuesit francez, i cili tashmë ka hyrë në histori të klubit madrilen./Telegrafi/

Nuk ishte fitorja që pritej. Tifozët ende nuk janë të kënaqur me Realin, përkundrazi, por gjithsesi ata përjetuan barazimin e një rekordi në “Santiago Bernabeu”.

Kilian MBape shënoi në fitoren 2-0 ndaj Seviljes dhe arriti në 59 gola të një viti kalendarik, aq sa është niveli më I lartë që ka mbërritur ndonjë yll merenges.

Në 2013, 59 rrjeta kishte shënuar Kristiano Ronaldo.

Kapiteni I Francës mund ta kishte thyer rekordin nëse do të kishte realizuar dy herë, por Sevilja ishte rival I fortë dhe ishte pozitiv fakti që ai arriti ta tundte rrjetën.

Fitore mes vërhsëllimash, – ishte titulli I pamëshirshëm I “Markës”, që ka në kopertinë Mbapenë që feston si Ronaldo, e vazhdon: Mbape barazon rekordin e portugezit në një triumph gri të Madridit”.

“Shumë gola dhe shumë vërshëllima, – titullon e përditshmja tjetër madrilène, “AS”, – Mbape barazon 59 golat e Kristianos dhe ia dedikon atij rekordin”.

Goli tjetër për ekipin e trajnerit Shabi Alonso u shënua nga Xhud Belingham, madje ishte I pari, në fitoren 2-0 në La Liga.

Reali ende shpreson për titullin, duke mos qenë shumë larg Barcelonës, ndonëse forma e deritanishme nuk ka qenë aspak bindëse.

Real Madridi fitoi me rezultat 2-0 ndaj Sevillës në kuadër të javës së 17-të në La Liga, në atë që ishte ndeshja e fundit për ta për vitin 2025.

Një ndër autorët e golave në këtë sfidë ishte Kylian Mbappe, me francezin që realizoi në minutën e 86-të nga penalltia për 2-0.

Me këtë gol, ai barazoi rekordin e Cristiano Ronaldos për më së shumti gola brenda një viti kalendarik me 59 të tillë.

E golin e realizuar, Mbappe ia dedikoi pikërisht Ronaldos duke bërë festimin e tij dhe për këtë ai u përgjigj për gazetarët pas ndeshjes.

“Sot barazova rekordin e idhullit tim, Cristiano Ronaldos, lojtarit më të madh në historinë e këtij klubi”.

“Pse ia dedikova golin tim Ronaldos? Sepse ai ka qenë gjithmonë shumë i mirë me mua, më ka ndihmuar të përshtatem në Madrid, tani është miku im dhe kam një marrëdhënie shumë të mirë me të”.

“Dua t’i dërgoj urimet e mia më të mira, Gëzuar Krishtlindjet dhe një Vit të Ri të lumtur”.

“Në vitin 2026, do ta japim jetën për këtë klub. Kemi shumë gjëra për të dëshmuar”.

“Kur isha një djalë i vogël, thosha se dhurata ime e ëndrrave për ditëlindje do të ishte të luaja një ndeshje për Real Madridin. Sonte, ajo ëndërr u bë realitet”, ka deklaruar Mbappe./Telegrafi/

Mëngjesin e sotëm, në autostradën A9, në komunën Spital am Pyhrn, në rrethin e Kirchdorfit, në Austri, një çift dhe dy fëmijët e tyre kanë mbetur të lënduar si pasojë e një aksidenti trafiku.

Policia ka njoftuar se shoferja, një grua 39-vjeçare nga Kosova, ishte duke udhëtuar në drejtim të Grazit kur humbi kontrollin mbi automjetin, raportojnë mediat austriake, transmeton albinfo.at.

Bëhet e ditur se vetura doli nga rruga në anën e djathtë, u përplas me barrierën ndarëse prej betoni dhe më pas u rrokullis.

Tutje, autoritetet kanë njoftuar se 39-vjeçarja, bashkëshorti i saj 49-vjeçar dhe dy fëmijët, të moshës 9 dhe 15 vjeç, u lënduan dhe u dërguan për trajtim, teksa nuk dihet gjendja shëndetësore e tyre.

Sinjali – aty ku e vërteta flet para lajmit!

/GazetaSinjali/

The post Një familje kosovare e lënduar në aksident në Austri, vetura doli nga rruga dhe u rrokullis appeared first on Sinjali.

Qeveria britanike ka ulur ndjeshëm fondet kundër ndikimit rus dhe dezinformimit në Ballkanin Perëndimor. Ajo ka shkurtuar rreth 40% të buxhetit të dedikuar për këtë rajon, i cili nga vetë kryeministri Keir Starmer është cilësuar si jetik për sigurinë kombëtare të Mbretërisë së Bashkuar.

Financimi britanik për Ballkanin Perëndimor është reduktuar nga 40 milionë paund vitin e kaluar në 24 milionë paund për periudhën 2025–2026. Fondet ishin parashikuar për të përballuar kërcënimet që lidhen me agresionin rus, sulmet kibernetike dhe fushatat e dezinformimit në rajon.

Shkurtimi prek Fondin e Integruar të Sigurisë (ISF), i cili synon adresimin e kërcënimeve më të larta ndaj sigurisë kombëtare të Britanisë, brenda dhe jashtë vendit.

“Rajoni i Ballkanit Perëndimor përfshin Shqipërinë, Bosnjë-Hercegovinën, Kosovën, Malin e Zi, Maqedoninë e Veriut dhe Serbinë. Vitit e kaluar, fondet e ISF-së u përdorën për të kundërshtuar sulmet kibernetike keqdashëse, për të mbështetur institucionet demokratike dhe për të forcuar median e pavarur në rajon”, shkruan The Guardian.

Sipas të dhënave zyrtare, Ndihma Zhvillimore (ODA) për Ballkanin Perëndimor është ulur nga 31.9 milionë paund në 17 milionë paund, ndërsa edhe fondet jo-zhvillimore kanë pësuar shkurtim. Këto masa janë pjesë e planit të qeverisë britanike për të reduktuar ndihmën zhvillimore nga 0.5% në 0.3% të të ardhurave kombëtare deri në vitin 2027.

Kryetarja e Komisionit të Punëve të Jashtme në Parlamentin britanik, Emily Thornberry, paralajmëroi se Ballkani Perëndimor ndodhet në vijën e parë të përballjes me dezinformimin rus. Ajo theksoi se nevojitet më shumë mbështetje për median e pavarur, jo më pak, pasi qytetarët kanë vështirësi të aksesojnë informacion të besueshëm.

Edhe përfaqësues të organizatave joqeveritare kanë shprehur shqetësim, duke paralajmëruar se shkurtimet rrezikojnë të dobësojnë parandalimin e konflikteve dhe ndërtimin e paqes në një rajon të brishtë.

Nga ana tjetër, qeveria britanike u shpreh se këto shifra përfaqësojnë vetëm një pjesë të investimeve totale të Mbretërisë së Bashkuar në Ballkanin Perëndimor, duke theksuar se fondet e ISF-së ndryshojnë sipas prioriteteve të sigurisë kombëtare.

Sinjali – aty ku e vërteta flet para lajmit!

/GazetaSinjali/

The post Qeveria britanike shkurton ndihmën për Ballkanin Perëndimor appeared first on Sinjali.

Presidenti rus, Vladimir Putin duket se po teston durimin e homologut turk, Recep Tayyip Erdogan.

Një UAV i paidentifikuar është rrëzuar në një fushë të zbrazët në distriktin Manyas të Balıkesir-it, Turqi.

Droni është dërguar në Ankara për analizë teknike.

Ndërkohë po hetohet origjina ruse e tij (përfshirë Orlan-10), pas një aksidenti të ngjashëm në İzmit një ditë më parë.

Kujtojmë se edhe gjatë ditës së djeshme ka rënë në shtetin turk një dron i prodhimit rus, raportojnë mediat.

Ndryshe, fluturakja është identifikuar si një dron i zbulimit rus Merlin-VR – një platformë ISR (Intelligence, Surveillance, Reconnaissance) me rreze të gjatë dhe me nivel të ulët zhurme.

Ky dron ka aftësinë të mbulojë distanca deri në 600 kilometra dhe ka autonomi fluturimi prej rreth 10 orësh, duke e bërë një mjet të efektshëm për mbledhjen e informacionit në distanca të largëta.

Merlin-VR lëshohet përmes një katapulte dhe rikuperohet duke përdorur një parashutë, gjë që e bën të përshtatshëm për operacione të ndryshme dhe terrene të vështira.

Ai është i pajisur me sensorë elektro-optikë (EO) që mund të mbajnë deri në 7 kilogramë pajisje, duke mundësuar mbikëqyrje dhe mbledhje informacioni me saktësi të lartë.

Që nga viti 2022, ky dron ka pësuar humbje të shumta nga mbrojtja ajrore ukrainase dhe interceptues FPV, duke treguar sfidat që has në mjedise të mbrojtura.

Një dron i tillë ka një vlerë rreth 300 mijë dollarë, gjë që e bën humbjen e tij një kosto të konsiderueshme.

BREAKING: An unidentified UAV crashed in an empty field in Türkiye's Balıkesir’s Manyas district.

The drone has been sent to Ankara for technical analysis.

While Russian origin (incl. Orlan-10) is being examined, following a similar crash in İzmit a day earlier. pic.twitter.com/hx2o96RluO

— Clash Report (@clashreport) December 20, 2025

Sinjali – aty ku e vërteta flet para lajmit!

/GazetaSinjali/

The post Edhe një dron rus bie në Turqi appeared first on Sinjali.

Rusia fillimisht kishte planifikuar të fillonte agresionin e drejtpërdrejtë ndaj vendeve anëtare të NATO-s deri në vitin 2030, por sipas informacionit të fundit, Kremlini ka rishikuar planet e tij dhe ka vendosur të shkurtojë këtë afat, duke e parashikuar fillimin e një operacioni të mundshëm ushtarak që në vitin 2027.

Këtë e bëri të ditur kreu i inteligjencës ukrainase, Kyrylo Budanov, i cili theksoi se kjo ndryshon ndjeshëm parashikimet strategjike të vendeve perëndimore për sigurinë në kontinentin evropian.

Budanov shtoi se ky zhvillim tregon synimet agresive të Moskës dhe përshpejtimin e agjendës së saj ushtarake, raportojnë mediat ukrainase.

Ai u shpreh gjithashtu se Rusia ka plane konkrete për të pushtuar shtetet baltike, duke përfshirë Estoninë, Letoninë dhe Lituaninë, një veprim që do të përbënte një kërcënim të madh për stabilitetin në Evropën Veriore dhe për sigurinë e aleatëve të NATO-s në rajon.

Nga ana tjetër, Budanov theksoi se Polonia, sipas perceptimit rus, nuk është objekt i pushtimit të drejtpërdrejtë, por shihet si një objektiv për sulme të kufizuara, për një fushatë ushtarake që synon goditje të shpejta dhe strategjike, pa një qëllim për të marrë kontrollin e territorit.

“Kjo tregon një ndryshim të qartë në taktikat dhe strategjitë që Rusia mund të përdorë kundër vendeve perëndimore, duke e bërë situatën e sigurisë në Evropë më të ndjeshme dhe të paparashikueshme,” tha Budanov.

Sinjali – aty ku e vërteta flet para lajmit!

/GazetaSinjali/

The post Shefi i inteligjencës ukrainase paralajmëron: Rusia mund të sulmojë Evropën në vitin 2027 appeared first on Sinjali.

Katër shtetas të Kosovës dhe një i Maqedonisë së Veriut u gjetën duke punuar në kantier, të cilëve u mungonin lejet e qëndrimit dhe të punës.

Gjatë një inspektimi në kantierin e ndërtimit në Unterterzen, u arrestuan pesë punëtorë që po punonin pa leje qëndrimi dhe pune. Ata dhe punëdhënësit e tyre do të paditen, transmeton albinfo.ch.

Në orën 10:20 të mëngjesit, zyrtarë nga Policia e Kantonit të St. Gallenit dhe Zyra e Kantonit të St. Gallenit për Çështje Ekonomike dhe Punë kryen së bashku një inspektim në një kantier ndërtimi në Lehrütistrasse, shkruan tagblatt.ch.

Katër shtetas të Kosovës dhe një i Maqedonisë së Veriut u gjetën duke punuar në kantier, të cilëve u mungonin lejet e qëndrimit dhe të punës. Pesë personat, të moshës midis 28 dhe 59 vjeç, u ndaluan përkohësisht.

Zyra e Migracionit lëshoi urdhra dëbimi nga Zvicra për pesë personat. Për më tepër, kërkesat për ndalim hyrjeje u dorëzuan në Sekretariatin Shtetëror për Migracionin. Katër shtetasit e Kosovës dhe ai i Maqedonisë së Veriut do të raportohen në Zyrën e Prokurorit të Kantonit të St. Gallenit.

Punëdhënësit e të përmendurve do të raportohen gjithashtu në zyrën e prokurorit kantonal të St. Gallenit për punësimin e shtetasve të huaj pa leje. Hetime të mëtejshme janë duke u zhvilluar për të përcaktuar nëse ka pasur ndonjë shkelje në lidhje me pagesën e kontributeve të sigurimeve shoqërore dhe taksën burimore.

Sinjali – aty ku e vërteta flet para lajmit!

/GazetaSinjali/

The post U kapën duke punuar pa leje në Zvicër, katër kosovarëve u lëshohet urdhri për dëbim nga shteti appeared first on Sinjali.

Kredia prej 90 miliardë eurosh për mbrojtjen e Ukrainës, e miratuar nga Bashkimi Evropian në orët e para të mëngjesit të sotëm, nuk do të mjaftojë për të përmbushur nevojat financiare të vendit, ka paralajmëruar ministri ukrainas i Financave, Serhiy Marchenko.

Marchenko u ka bërë thirrje partnerëve që të vazhdojnë punën për një kredi dëmshpërblimi, e mbështetur nga asetet e ngrira ruse që ruhen në vendet aleate të Ukrainës.

“Kredia e dëmshpërblimeve është një zgjidhje sistemike dhe afatgjatë. Ajo do të sigurojë aftësi të qëndrueshme mbrojtëse dhe do ta mbrojë Evropën nga konfliktet e ardhshme”, ka deklaruar Marchenko, sipas komunikatës së Ministrisë së Financave të Ukrainës drejtuar vendeve të G7-ës.

Ndryshe, udhëheqësit e Bashkimit Evropian ranë dakord t’i japin Ukrainës një kredi masive pa interes, prej 90 miliardë eurosh, për të përmbushur nevojat ushtarake dhe ekonomike për dy vitet e ardhshme.

Krerët e shteteve të bllokut prej 27 vendesh kishin planifikuar të përdornin pjesërisht asetet ruse me vlerë 210 miliardë euro, të ngrira në Evropë, kryesisht në Belgjikë.

Megjithatë, pavarësisht përpjekjeve gjatë gjithë natës, ata nuk arritën të bindnin Belgjikën se vendi do të ishte i mbrojtur nga çdo hakmarrje ruse nëse do të mbështeste planin e kredisë.

Sinjali – aty ku e vërteta flet para lajmit!

/GazetaSinjali/

The post Ukraina thotë se 90 miliardë euro nga BE-ja s’mjaftojnë, kërkohen fonde shtesë appeared first on Sinjali.

Aleatët evropianë të Ukrainës po marrin pjesë në një takim tjetër në Shtetet e Bashkuara, ndërsa presidenti Donald Trump bën presion për një plan për t’i dhënë fund konfliktit me Rusinë.

I dërguari amerikan Steve Witkoff dhe dhëndri i presidentit, Jared Kushner, po organizojnë bisedime në Miami që do të përfshijnë negociatorin ukrainas, Rustem Umerov dhe përfaqësues nga Franca, Mbretëria e Bashkuar dhe Gjermania.

Bisedimet diplomatike që synojnë t’i japin fund konfliktit, i cili pritet të hyjë në vitin e tij të pestë në shkurt, janë përshpejtuar në javët e fundit pas publikimit të një plani nga administrata Trump, por ende nuk kanë rezultuar në një armëpushim.

Sekretari i Shtetit i SHBA-së, Marco Rubio tha të premten se Uashingtoni nuk do të imponojë asgjë.

“Ne nuk mund ta detyrojmë Ukrainën të arrijë një marrëveshje. Ne nuk mund ta detyrojmë Rusinë të arrijë një marrëveshje”, tha ai.

Sipas një zyrtari të Shtëpisë së Bardhë, pala amerikane është planifikuar të takohet veçmas me delegacionin rus në Florida këtë fundjavë, ndërsa përpjekjet diplomatike intensifikohen.

Një gjykatë në qytetin gjerman Aachen ka dënuar një burrë me tetë vjet e gjysmë burg për përdhunimin e përsëritur të gruas së tij, duke e drogësuar atë, incizuar aktet dhe më pas duke i publikuar online.

Burri, i identifikuar vetëm si Fernando P për arsye të ligjit gjerman për privatësinë, u gjet fajtor për përdhunim të rënduar, dëmtime serioze trupore dhe shkelje të privatësisë personale.

Gjykata konstatoi se 61-vjeçari, i lindur në Spanjë, kishte droguar dhe përdhunuar gruan e tij në shtëpinë e tyre për një periudhë disa vjeçare, nga viti 2018 deri në 2024, raporton bbc, transmeton Sinjali.

Zëdhënësja e gjykatës, Katharina Effert, tha se burri gjithashtu incizonte keqtrajtimet dhe i shpërndante online. “Ai ngarkonte videot e këtyre veprimeve në grupe chat dhe platforma interneti, duke i bërë të aksesueshme për përdorues të tjerë,” shtoi ajo.

Shumica e gjykimit u zhvillua pas dyerve të mbyllura për të mbrojtur identitetin e gruas së tij.

Avokatja e saj, Nicole Servaty, u tha gazetarëve se gruaja “pat një zë të vërtetë në këtë proces”, duke shtuar: “Ajo ishte në gjendje të dëshmonte, të shprehte ndjenjat e saj dhe gjithçka që e ka ngarkuar.”

Ajo theksoi se vendimi nuk mund të zëvendësojë atë që ka ndodhur. “Por mund të ndihmojë pak në përballimin e situatës dhe përpunimin e asaj që ka ndodhur.”

Verdikti ende mund të apelohet. Mediat gjermane theksojnë se ky rast ka ngjashmëri me një çështje me profil të lartë në Francë vitin e kaluar që përfshinte Dominique Pelicot.

Ai u gjet fajtor për drogimin e fshehtë të gruas së tij, Gisèle, dhe për ftesën e dhjetëra burrave që ta përdhunonin atë ndërsa ishte e pavetëdijshme për vite me rradhë.

Vendimi i Gisèle për të hequr anonimitetin dhe për të zhvilluar një gjyq publik e bëri atë një ikonë feministe, e lavdëruar për dëshminë e fuqishme dhe guximin e saj.

Zyra Federale Gjermane e Policisë Kriminale, BKA, thotë se viktimat e drogimit dhe më pas të abuzimit seksual janë “afro ekskluzivisht gra”.

Ajo shton se këto krime “zakonisht ndodhin duke shfrytëzuar një marrëdhënie besimi” brenda martesave, partneriteteve, familjeve ose midis njohjeve të afërta.

Sinjali – aty ku e vërteta flet para lajmit!

/GazetaSinjali/

The post Gjykata gjermane dënon me 8 vjet e gjysmë burg burrin që drogoi, përdhunoi dhe filmoi gruan e tij appeared first on Sinjali.