Tiranë, 12 dhjetor /ATSH/ – Ministri i Bujqësisë dhe Zhvillimit Rural, Andis Salla, inspektoi sot punimet për rehabilitimin e lumit të Borshit në Himarë, një projekt i kërkuar nga Bashkia Himarë dhe i mbështetur nga qeveria, që synon rritjen e sigurisë së komunitetit dhe mbrojtjen afatgjatë të tokave të kultivuara.
Në vizitë, ministri u shoqërua nga kryetari i Bashkisë Himarë, Vangjel Tavo, deputeti Damian Gjiknuri dhe drejtori i Drejtorisë së Ujësjellësit dhe Kanalizimeve në Fier. Projekti përfshin ndërhyrje në 570 metra të shtratit të lumit, duke frenuar erozionin dhe duke mbrojtur 2,7 km² tokë bujqësore dhe zona të banuara përreth.
Salla theksoi se projekti kontribuon në sigurinë e komunitetit dhe zhvillimin afatgjatë të bujqësisë, duke qenë pjesë e strategjisë qeveritare “Bujqësia 2030”. Ai shtoi se rehabilitimi i kanaleve, digave dhe lumenjve është thelbësor për reduktimin e dëmeve nga përmbytjet dhe për krijimin e kushteve më të favorshme për zhvillimin bujqësor.
Kryetari i Bashkisë Himarë, Vangjel Tavo, vuri në dukje se projekti ishte një kërkesë e hershme e komunitetit dhe tani po realizohet falë bashkëpunimit mes pushtetit lokal dhe qendror. Punimet vijojnë dhe pritet të përfundojnë sipas afateve të planifikuara, duke sjellë përfitime të qëndrueshme për zonën dhe bujqësinë lokale.
TIRANË, 28 shtator/ATSH – Arbi Fortuzi/ Teksa shtatori numëron ditët e fundit të tij, bregdeti i Borshit vijon të jetë i populluar, njësoj si në kulmin e sezonit turistik.
Me një pamje përrallore, Borshi ka një vijë bregdetare prej 7 kilometrash, e kufizuar nga Qeparoi në veri dhe Lukova në jug. Bregdeti i Borshit ofron ujëra kristal të pastra që mirëpresin vizitorë deri në mes të tetorit. Borshi nuk ka vetëm detin, por ofron site historike, shtigje për hicking për të pasionuarit pas natyrës dhe aventurë për ata që duan adrenalinë.
“Turistët nisin të vijnë që prej fundit të prillit dhe kemi deri në mes të tetorit. Veçanërisht, në këtë periudhë të huajt përbëjnë pjesën më të madhe”, tha Artani, një sipërmarrës në fushën e hotelerisë, për Agjencinë Telegrafike Shqiptare.
Ai shtoi se çmimet gjatë shtatorit dhe deri në mes të tetorit variojnë nga 30 deri në 150 euro nata, ndërsa në sezonin korrik-gusht arrijnë deri në 250 euro. “Për mua shtatori dhe maji janë si korriku dhe qershori, vetëm me çmime më të reduktuara. Vitet e fundit zona ka njohur një hov të rëndësishëm në turizëm. Kam jetuar 20 vite në Greqi, Athinë dhe u ktheva para 10 vitesh për të investuar në tokën e familjes. Sot kam 8 dhoma”, u shpreh ai.
Sipas tij, kapaciteti i rezervuar i strukturave në prill arrin deri tek 40-50%, majit është rreth 60-70%, në qershor 80-90%, ndërsa në korrik-gusht arrin 100%. “Java e parë e shtatorit ishte pozitive, me 80-90% të zënies, ndërsa më pas varion 50-60%”, tha Artani.
Borshi ofron atraksione edhe përtej bregdetit. “Nuk kemi vetëm detin, edhe pse është pjesa kryesore, por edhe destinacione për hiking, si maja e Plirit apo parku i Pipanit. Po ashtu është dhe Kalaja e Sopotit. Pamja në këto zona është magjike”, theksoi ai.
Sa i përket origjinës së turistëve, Artani tha se profili i vizitorëve ka ndryshuar vitet e fundit. “Borshi është më familjar si zonë turistike, ndryshe nga Dhërmiu apo Palasa. Fillimisht kishim më shumë italianë, por së fundmi janë shtuar gjermanët, belgët, polakët, finlandezët, suedezët, indianët, francezët e spanjollët. Ka rënie të turistëve italianë dhe anglezë, ndoshta për shkak të stilit familjar të turizmit këtu”, tha ai, duke shtuar se turizmin në jug e mban turisti i huaj.
Në strukturën e tij po qëndronte edhe një çift nga India, Chandan dhe Anad, me vajzën e tyre të vogël. “Ne jetojmë në Gjermani dhe në shtator atje moti nis të mos jetë kaq i mirë sa këtu. Në Shqipëri është shumë bukur, po shijojmë detin e pastër dhe plazhin e qetë”, u shpreh Chandan. Çifti tregoi se kishte vizituar Ksamilin, Beratin dhe Gjirokastrën, ndërsa më pas do të vazhdonte drejt Dhërmiut dhe Tiranës.
“Njerëzit këtu janë shumë të sjellshëm dhe çmimet janë shumë të pranueshme. Ushqimi është shumë i mirë dhe i përshtatshëm për të gjitha shijet. I bëj apel të gjithëve të vijnë në Shqipëri, pasi do kënaqen me motin e mirë, plazhin, ushqimin dhe njerëzit e këndshëm”, tha ajo.
Edhe Mario, prej 12 vitesh në Borsh, rrëfen se sezoni zgjat është zgjatur shumë. “Nisim punën në prill dhe e mbyllim nga tetori. Para dhjetë viteve nisnim në qershor dhe iknim në fillim të shtatorit. Tani kemi kryesisht të huaj, ndërsa në fundjavë shtohen dhe shqiptarët”, tha ai.
Një çift belg, që po pushonte në Borsh, u shpreh se ishte hera e dytë që vizitonin Shqipërinë. “Vjet shkuam në Theth, në lumin e Shalës dhe Shëngjin, këtë vit zgjodhëm jugun. Pamë blogje dhe video në internet që na e rekomanduan”, rrëfeu Lynnt.
Dy turiste gjermane pohuan se Shqipëria është një alternativë e mirë për plazh deri në tetor, falë temperaturave të larta. Ndërsa një çift francez kishte zgjedhur të eksploronte rivierën me kajak. “Kjo zonë është e gjitha për t’u eksploruar, me plazhe të fshehura dhe peizazhe të mrekullueshme”, tha Margareth.
Përveç turizmit detar, Borshi ofron edhe histori e kulturë. Në fshat ndodhet “Kalaja e Sopotit” ose “Kalaja e grekut”, e ndërtuar mbi rrënojat e qytetit antik Meandria, që daton që nga lashtësia. E përdorur për qëllime mbrojtjeje deri në shekullin XIX, ajo lidhet edhe me emrin e Ali Pashë Tepelenës. Kalaja ruan ende mure rrethuese, gjurmë banesash dhe një xhami të periudhës osmane, ndërsa ofron pamje mbresëlënëse të Jonit dhe Korfuzit përballë.
Borshi mbetet një destinacion që ndërthur turizmin detar, malor, aventurier dhe kulinar. Me ullinjtë që rrethojnë fshatin, plazhet e qeta dhe autenticitetin e ruajtur, ai renditet ndër perlat e rivierës shqiptare. Sipas “New York Times”, Borshi është përfshirë në listën e 52 destinacioneve më të bukura për t’u vizituar në botë.
Policia e Himarës ka arrestuar pronarin e një hoteli në Borsh pasi ka kërcënuar me armë dy punëtoret e tij. Në pranga u vu 26-vjeçari Emanuel Shkëmbi. Gjatë konfliktit verbal me punëtoret në hotelin e tij në Borsh, Himarë, shtetaset A.O dhe R.O nënë dhe bijë, 26-vjeçari i ka kanosur me një armë zjarri tip […]
Në kulmin e sezonit turistik dhe me temperatura përvëluese, në zonën e Borshit, mungon energjia elektrike. Pushuesit raportojnë se dritat kanë ikur që mbrëmë në orën 22:00, teksa kanë ardhur herë pas here me shkëputje. Autoritetet bëjnë me dije se shkak është bërë rënia e përforcuesit dhe ngarkesa në Qeparo, por nuk kanë gjetur dot […]
Policia e Himarës ka vënë në pranga një prej autorëve të dyshuar pas plagosjes me armë zjarri që u regjistrua në Borsh në orët e para të së enjtes. Policia thotë se në pranga ka përfunduar 42-vjeçari Hekuran Çela, ndërsa u shpall në kërkim Edmond Vlashi.
Sipas njoftimit zyrtar, ngjarja ka ndodhur në ambientet e brendshme të një lokali, pas një konflikti për motive të dobëta ku u përfshinë disa persona.
42-vjeçari Hekuran Çela nga Borshi është dhunuar fizikisht me grushte nga 55-vjeçari Edmond Vlashi. Pas këtij moment, 42-vjeçari është larguar nga lokali duke marrë një armë zjarri automatik me të cilën ka qëlluar në drejtim të automjetit tip “Volkswagen”, me drejtues shtetasin Erald Shullazi.
I riu Shullazi ndodhet aktualisht në spital, pasi ka marrë plagë në shpatull dhe në këmbë. Sipas hetimeve nga policia, Hekuran Çela ka goditur me qytën e armës edhe një 34-vjeçar.
42-vjeçari Hekuran Çela akuzohet për “Vrasje me dashje”, mbetur në tentativë, dhe “Prodhimi dhe mbajtja pa leje e armëve luftarake dhe e municionit”. Ndërsa I shpalluri në kërkim Edmond Vlashi akuzohet për veprën penale “Dëmtime të tjera me dashje”.
Në vendngjarje janë sekuestruar në cilësinë e provës materiale 4 gëzhoja dhe një krehër me fishekë.
Nga Gazeta ‘SI’- Policia ka arrestuar një nga autorët e dyshuar të plagosjes në Borxh, ndërsa një tjetër i përfshirë është shpallur në kërkim.
Sipas njoftimit zyrtar të Policisë, rreth orës 02:20, pas një sherri për motive të dobëta, shtetasi H. Ç., 42 vjeç, banues në Borsh, është goditur me grushte nga shtetasi E. V, 55 vjeç, banues në Tiranë. Më pas, H. Ç. është larguar nga lokali dhe është rikthyer me armë zjarri, duke qëlluar në drejtim të një automjeti tip “Volkswagen”, i drejtuar nga shtetasi E. Sh, 33 vjeç, të cilin e ka plagosur në shpatull dhe në këmbë. I plagosuri ndodhet në spital, jashtë rrezikut për jetën.
Po ashtu, H. Ç. ka goditur me qytën e armës shtetasin A. D., 43 vjeç.
Pas ndërhyrjes së policisë dhe hetimeve të shpejta, H. Ç. u arrestua në flagrancë, ndërsa E. V. është shpallur në kërkim. Ndaj tyre rëndojnë akuzat për “Vrasje me dashje” e mbetur në tentativë, “Prodhim dhe mbajtje pa leje e armëve luftarake” dhe “Dëmtime të tjera me dashje”.
Në vendngjarje u sekuestruan 4 gëzhoja dhe një krehër me fishekë. Vijon puna për gjetjen e armës së përdorur dhe identifikimin e personave të tjerë të përfshirë në konflikt.
Nga aksidenti tragjik që ndodhin pasditen e djeshme në Borsh, mbetën të plagosur dy persona dhe humbën jetën dy persona një çift bashkëshortës.
Dy të rinjtë u transportuan me helikopter dhe Trauma dhe siç raporton gazetarja e ABC News, Xhoana Çallaku njëri prej tyre ndodhet në gjendje të rëndë.
Kujtojmë se mëngjesin e kësaj të enjteje, me anë të një njoftimi zyrtar policia bëri të ditur dhe arrestimin e autorit të aksidentit, një 29-vjeçar./abcnews.al
Ditën e djeshme rreth orës 14:20, një aksident i rëndë rrugor u regjistrua në afërsi të Borshit, ku humbën jetën Kujtim Mehmeti, rreth 60-vjeç dhe Donika Mehmeti rreth 55-vjeç, të cilët kanë qenë duke udhëtuar me furgon.
Një ditë pas aksidentit tragjik, ku çifti bashkëshortëve Kujtim dhe Donika Mehmeti, humbi jetën pas përplasjes së furgonit me një automjet tip “Benz”, policia ka arrestuar drejtuesin e këtij të fundit.
Sipas policisë, i riu Myfit Qejvanaj, humbi drejtimin e makinës dhe u përplas me furgonin ku ndodhej çifti i bashkëshortëve.
Ndërsa nga aksidenti ka mbetur i plagosur edhe vetë 29-vjeçari dhe pasagjeri që ndodhej në makinën e tij.
Ndërsa dy të rinjtë janë transportuar në QSUT, Tiranë, për ndihmë mjekësore të specializuar.
”Në vijim të veprimeve për dokumentimin e aksidentit të ndodhur më 30.05.2025, në rrugën e Plazhit, Borsh, ku humbën jetën dy shtetas dhe u plagosën dy të tjerë, u arrestua në flagrancë, për veprën penale “Shkelja e rregullave të qarkullimit rrugor”, drejtuesi i automjetit tip “Benz”, shtetasi M. Q., 29-vjeç, banues në Vlorë.
Nga veprimet hetimore ka rezultuar se ky shtetas, duke drejtuar automjetin tip “Benz”, ka humbur kontrollin mbi drejtimin e mjetit dhe është përplasur me një mjet të llojit furgon, që drejtohej nga shtetasi K. M., 66-vjeç, i cili së bashku me pasagjeren D. P., 70-vjeçe, ka humbur jetën në vendngjarje.
Drejtuesi shtetasi M. Q. dhe pasagjeri në automjetin e tij, shtetasi P. A., 23-vjeç, janë transportuar në QSUT, Tiranë, për ndihmë mjekësore të specializuar”, thuhet në njoftimin e policisë.
Një aksident i rëndë u regjistrua ditën e djeshme në rrugën që të çon në plazhin e Borshit, një segment i frekuentuar si nga banorët, ashtu edhe nga turistët. Një furgon që transportonte peshk dhe në të cilin udhëtonin dy bashkëshortët Kastriot dhe Donika Mehmeti, përkatësisht 62 dhe 54 vjeç, është goditur nga një automjet […]
Një plagosje me armë zjarri pistoletë dyshohet se ka ndodhur në fshatin turistik të Borshit mëngjesin e kësaj të enjteje. Sipas informacioneve nga burimet e policisë është plagosur një i ri, të cilin fatmirësisht plumbi e ka kapur në pjesën e dorës, sepse mund të ishte edhe fatal për të. Ngjarja ka ndodhur në një […]
Policia ka vënë në pranga autorin e aksidentit të rëndë që ndodhi ditën e djeshme, 30 korrik, në Borsh, ku ndërruan jetë dy persona dhe mbetën të plagosur dy të tjerë.
Nga veprimet hetimore ka rezultuar se ky 29-vjeçari duke drejtuar automjetin tip “Benz”, ka humbur kontrollin mbi drejtimin e mjetit dhe është përplasur me një mjet të llojit furgon, që drejtohej nga shtetasi K. M., 66 vjeç, i cili së bashku me pasagjeren D. P., 70 vjeçe, ka humbur jetën në vendngjarje.
Drejtuesi shtetasi M. Q. dhe pasagjeri në automjetin e tij, shtetasi P. A., 23 vjeç, janë transportuar në QSUT, Tiranë, për ndihmë mjekësore të specializuar./abcnews.al
Një plagosje me armë zjarri dyshohet se ka ndodhur mëngjesin e kësaj të enjteje në fshatin turistik të Borshit.
Sipas burimeve nga policia, është plagosur një i ri, të cilin fatmirësisht plumbi e ka kapur në dorë, duke shmangur pasoja më të rënda që mund të kishin qenë edhe fatale.
Ngjarja ka ndodhur në një lokal, ku dy shokë po konsumonin alkool. Sipas dëshmive, pas një debati mes tyre, njëri prej të rinjve ka nxjerrë armën e zjarrit dhe ka qëlluar në drejtim të mikut të tij, duke e plagosur.
Menjëherë pas ngjarjes, autori është larguar nga vendi i krimit. Personi i lënduar është transportuar në spital ku po merr ndihmën mjekësore dhe ndodhet jashtë rrezikut për jetën.
Falë ndërhyrjes së shpejtë të Komisariatit të Policisë Himarë, nën drejtimin e shefit të komisariatit, autori u identifikua në kohë rekord dhe u vu në pranga. Ai është shoqëruar në ambientet e komisariatit ku ka dhënë dëshminë e tij dhe ka rrëfyer ngjarjen.
Policia po vijon hetimet për të dokumentuar plotësisht rrethanat dhe motivet e kësaj ngjarjeje.
Mëngjesin e sotëm, një ngjarje e rëndë është regjistruar në një lokal në Borsh, ku një konflikt mes tre miqsh ka përfunduar me të shtëna me armë zjarri dhe një person të plagosur.
I plagosur ka mbetur Erlad Shullazi, 33-vjeç, me origjinë nga Kruja, i cili ka marrë një plumb në dorë.
Ai është transportuar menjëherë në spital, ku po merr ndihmën mjekësore dhe ndodhet jashtë rrezikut për jetën.
Sipas të dhënave paraprake, konflikti ka ndodhur gjatë konsumimit të alkoolit mes tre personave.
Në rrethana ende të paqarta, Hekuran Çelaj, 42-vjeç, ka nxjerrë armën dhe ka qëlluar në drejtim të shokut të tij, duke e plagosur.
Policia ka reaguar menjëherë, duke arrestuar autorin e dyshuar, Hekuran Çelaj, ndërsa është ndaluar edhe shoku i tyre i tretë, Albert Dollaku, për t’u marrë në pyetje lidhur me rrethanat e ngjarjes.
Hetimet vijojnë për të zbardhur motivet e konfliktit dhe për të sqaruar plotësisht dinamiken e ngjarjes.
“Borsh, Himarë/Falë veprimeve të shpejta hetimore, identifikohet dhe shoqërohet në Polici autori i dyshuar i plagosjes me armë zjarri të një shtetasi, pas një konflikti të ndodhur në Borsh.
Shërbimet e Komisariatit të Policisë Himarë, pas njoftimit për një konflikt të ndodhur në një lokal në Borsh, rreth orës 02:20 të datës 31.07.2025, janë angazhuar menjëherë, duke shkuar në vendngjarje.
Nga veprimet hetimore paraprake dhe këqyrja e pamjeve filmike, dyshohet se pas një konflikti midis disa shtetasve, shtetasi H. Ç. ka plagosur me armë zjarri automatike, shtetasin E. Sh., 33-vjeç, banues në Krujë, i cili ndodhet jashtë rrezikut për jetën.
Autori i dyshuar, shtetasi H. Ç., 42 vjeç, banues në Borsh, është lokalizuar dhe shoqëruar në ambientet e DVP Vlorë, për veprime të mëtejshme procedurale. Gjithashtu, janë shoqëruar edhe disa shtetas të tjerë të përfshirë në konflikt. Grupi hetimor, i përbërë nga specialistë për Hetimin e Krimeve të Rënda në DVP Vlorë, nën drejtimin e Prokurorisë, vijon punën për sqarimin e rrethanave, gjetjen e armës së zjarrit të dyshuar të përdorur dhe dokumentimin e plotë ligjor të kësaj ngjarjeje“, njofton policia.
Ngjarjet kriminale zhvendosen drejt bregdetit
Ditët e fundit janë shtuar konfliktet, sherret por edhe ngjarjet kriminale kryesisht në bregdetin e jugut duke sjellë pasiguri për jetën e pushuesve të tjerë.
Edhe mbrëmjen e djeshme një përleshje fizike mes disa të rinjve ka ndodhur pranë një hoteli në Dhërmi, duke tronditur pushuesit vendas dhe të huaj.
Dy palët përfshihen në një sherr masiv me grushte e shkelma një skenë e papërshtatshme për çdo vend turistik.
Ngjarja ndodhi në prani të turistëve, disa prej të cilëve duken të habitur e të shqetësuar nga dhuna që shpërtheu.
Mëngjesin e sotëm, një plagosje me armë zjarri pistoletë dyshohet se ka ndodhur në fshatin turistik të Borshit.
Sipas burimeve të policisë, një i ri është plagosur në dorë, duke shpëtuar kështu nga një goditje fatale.
Ngjarja ka ndodhur brenda një lokali ku dy shokë po konsumonin alkool. Më pas, midis tyre ka nisur një debat i ashpër ulur në tavolinë, dhe një prej tyre ka nxjerrë armën e ka qëlluar.
Pas sulmit, autori është larguar nga vendi i ngjarjes. I plagosuri është dërguar menjëherë në spital, ku po merr ndihmën mjekësore të nevojshme.
Falë reagimit të shpejtë të policisë së Himarës dhe angazhimit të drejtuesit të komisariatit, autori është identifikuar në rekord kohë dhe është vënë në pranga.
Ai është shoqëruar në komisariat dhe ka dhënë dëshminë e tij për ngjarjen.
Policia njofton se ngjarja është zbardhur plotësisht falë punës së saj të menjëhershme në terren.
TIRANË, 27 korrik /ATSH/ Gjatë 24 orëve të fundit, Bashkia Himarë është përballur me një situatë të vështirë zjarresh në zonat Borsh, Piqeras dhe Sasaj, me rrezik të lartë për banesat dhe jetën e qytetarëve.
Kryetari i bashkisë së Himarës, Vangjel Tavo njoftoi sot se aktualisht ndërhyrja po mbështetet edhe nga ajri me helikopter të Forcave të Armatosura, ndërsa ekipet në terren vijojnë të punojnë për të shmangur çdo riaktivizim të mundshëm të vatrave.
Sipas Tavos, situata mbetet dinamike për shkak të erërave të forta dhe të paqëndrueshme, që favorizojnë përhapjen e zjarrit.
Tavo njoftoi se gjatë gjithë natës, në një front të gjerë dhe kompleks, të gjitha kapacitetet tona janë angazhuar në terren për përballimin e flakëve.
“Efektivët e MZSH të Bashkisë Himarë, të mbështetur nga Forcat e Armatosura, Sektori i Emergjencave Civile, Shërbimi Pyjor, si dhe Policia e Shtetit dhe Policia Bashkiake, punuan në koordinim të plotë për të përballuar flakët, për të mbrojtur jetën e qytetarëve dhe për të shmangur dëmet materiale në banesa e prona”, tha Tavo.
Tavo tha se “falë përpjekjeve të palodhura, u neutralizuan dy fronte të rrezikshme në Sasaj dhe Piqeras, duke evituar përhapjen e zjarrit në zona të banuara”.
“Rreth orës 04:00 të mëngjesit, për shkak të ndryshimit të erës, një fron i fuqishëm kaloi rrugën nacionale në fshatin Borsh (lagjja Vonja – drejt Shkallës). Ndërhyrja në kohë bëri të mundur shmangien e djegies së banesave. Për arsye sigurie, në bashkëpunim me Policinë e Shtetit, u evakuuan rreth 40 qytetarë nga zonat më të rrezikuara”, njoftoi Tavo,
Bashkia Himarë shprehu mirënjohje ndaj Ministrit të Mbrojtjes, Pirro Vengu, për gatishmërinë dhe mbështetjen e menjëhershme, veçanërisht për ndërhyrjen nga ajri me helikopterët e Forcave të Armatosura, që ka qenë vendimtare në kontrollin e fronteve aktive të zjarrit dhe në mbrojtjen e jetës dhe pronës së qytetarëve.
TIRANË, 27 korrik/ATSH/ Ministria e Mbrojtjes njoftoi sot se në kuadër të Mekanizmit të Mbrojtjes Civile të Bashkimit Europian, një avion zjarrfikës Canadair është nisur nga Italia dhe do të angazhohet në operacionet ajrore për shuarjen e flakëve në jug të vendit, në zonat Borsh, Piqeras dhe Lukovë.
Ky mjet ajror do të forcojë ndërhyrjet në terrene të vështira dhe të paarritshme nga toka, duke dhënë ndihmë në përballimin e situatës së zjarreve që kanë përfshirë këto zona.
Ndërkohë, helikopterët e Forcës Ajrore do të angazhohen pranë fshatit Zhulat, në rajonin e Gjirokastrës, si dhe në zonën e Qafëbuallit, pranë Bulqizës.
Në Borsh, Piqeras dhe Sasaj rinisi mëngjesin e sotëm aksioni nga ajri me dy helikopterë të Forcës Ajror për të neutralizuar zjarret që kanë kërcënuar banesat dhe bizneset e zonës për shkak të erës së fortë që favorizoi përhapjen e shpejtë të flakëve gjatë orëve të para të mëngjesit.
Pak orë më vonë, MM njoftoi se vatrat në këtë zonë u stabilizuan ndërsa vijon monitorimi në terren për të shmangur situatat e mundshme.
Zjarri që ka përfshirë malin e Borshit vijon me intensitet të lartë, duke shkaktuar një situatë alarmante për gjithë zonën. Edhe pse forcat zjarrfikëse të Himarës kanë qenë në terren gjatë gjithë ditës, vatra e zjarrit nuk është vënë ende nën kontroll.
Terreni i thyer dhe i vështirë ka penguar ndërhyrjen efektive të ekipeve, ndërkohë që flakët po i afrohen zonës së banuar të Puqerasit dhe vetë fshatit Borsh. Sipas burimeve zyrtare, disa banesa janë në rrezik, ndërsa tymi i dendur ka përfshirë të gjithë vijën bregdetare nga Borshi në Qeparo e deri në Himarë.
Në terren ndodhen forcat zjarrfikëse, efektivë të FNSH, Policia e Shtetit si dhe përfaqësues të Bashkisë Himarë. Më herët, një vatër e rrezikshme që i afrohej një manastiri është izoluar me sukses. Megjithatë, shqetësimi mbetet i madh, pasi era që fryn në zonë mund të përhapë më tej flakët, duke i afruar drejt zonave të banuara.
Situata mbetet kritike dhe nevojitet ndërhyrje nga ajri për të shmangur përshkallëzimin e zjarrit. Banorët kërkojnë ndihmë dhe mbështetje të menjëhershme.
Mëngjesin e sotëm, zjarri në Borsh ka dalë totalisht jashtë kontrollit dhe situata vazhdon të jetë alarmante, pasi flakët kërcënojnë banesat dhe bizneset.
U raportua se në Borsh ka nisur një furtune ere, e cila ka bërë që zjarri të marrë përmasa të frikshme.
Ndërsa bëhet me dije se tymi është shumë i dendur dhe është e pamundur të qëndrohet në zonë.
Ndërkohë që paniku është i madh tek qytetarët e shumtë pushues, por edhe tak banorët e zonës nga zjarri i frikshëm.
Në mëngjesin e sotëm, ka nisur ndërhyrja nga ajri me dy helikopterë të Forcave Ajrore, në terren janë edhe forcat zjarrëfikëse, të cilat po luftojnë me flakët.
Prej ditës së djeshme, zjarret që kanë përfshirë zonat e Borshit, Piqerasit dhe Sasajt, janë bërë shqetësim serioz për banorët dhe pushuesit, pasi flakët, të nxitura nga era e fortë, kanë avancuar me shpejtësi drejt zonave të banuara dhe bizneseve të vijës bregdetare.
Ministri i Mbrojtjes, Pirro Vengu, ka njoftuar se në orët e para të mëngjesit të sotëm, ka rinisur aksioni nga ajri me dy helikopterë të Forcës Ajrore, të cilët po operojnë intensivisht për të neutralizuar vatrat aktive.
Sipas autoriteteve, ndërhyrja ajrore është thelbësore për shkak të terrenit të vështirë dhe rrezikut të shtuar në zonat e banimit.
Postimi i ministrit te Mbrojtjes:
Në #Borsh, #Piqeras dhe #Sasaj ka rinisur aksioni nga ajri me dy helikopterë të Forcës Ajrore🚁 për të neutralizuar zjarret që kanë kërcënuar banesat dhe bizneset e zonës për shkak të erës së fortë që favorizoi përhapjen e shpejtë të flakëve gjatë orëve të para të mëngjesit.
👮♂️🚑 Teksa zjarrëfikësit dhe Forcat e Armatosura të stacionuara në Borsh gjatë natës siguruan perimetra sigurie përreth banesave, Policia e shtetit dhe punonjësit e emergjencave civile ndihmuan banorë dhe pushues të evakuohen nga zonat më të rrezikuara, duke shoqëruar drejt sigurisë 40 prej tyre.
⏱️ Zjarrfikësit e Himarës dhe Forcat e Armatosura vijojnë operacionin në terren duke bashkërenduar me ekuipazhet e helikopterëve për të eliminuar çdo rrezik 🧑🧑🧒🧒.
Prej ditës së djeshme, Borshi po përballet me një situatë tejet problematike për shkak të një zjarri masiv që ka dalë jashtë kontrollit. U bë me dije se flakët janë përhapur me shpejtësi, duke shkaktuar panik tek banorët dhe turistët, sidomos gjatë orëve të natës, kur zjarri iu afrua rrezikshëm aksit nacional Vlorë–Sarandë. Ndërhyrja po […]
Login
