Sviatlana Tsikhanouskaya, opozitarja bjelloruse që vepron nga jashtë vendit, e ka marrë Kosovën si shembull të lirisë dhe prosperitetit.

Ajo ka bërë të ditur se ka takuar presidenten e Kosovës, Vjosa Osmani, gjatë qëndrimit në Davos të Zvicrës, ku po mbahet Forumi Ekonomik Botëror.

Në një postim në Twitter, Tsikhanouskaya ka vlerësuar rrugëtimin e Kosovës dhe mbështetjen e saj për popullin bjellorus.

“Rrugëtimi i jashtëzakonshëm i Kosovës tregon se si guximi, qëndrueshmëria dhe solidariteti ndërkombëtar mund të çojnë drejt lirisë dhe prosperitetit. Ne e vlerësojmë mbështetjen e vazhdueshme të Kosovës për popullin e Bjellorusisë”, ka shkruar ajo.

Tsikhanouskaya është figura kryesore e opozitës bjelloruse dhe udhëheqësja simbolike e rezistencës kundër regjimit të Aleksandër Lukashenkos. Ajo u bë e njohur gjatë zgjedhjeve presidenciale të vitit 2020, pasi bashkëshorti i saj, Siarhei Tsikhanouski, u arrestua dhe iu ndalua kandidimi.

Sipas vëzhguesve ndërkombëtarë, zgjedhjet e asaj kohe u manipuluan në favor të Lukashenkos, çka u pasua me protesta të mëdha në mbarë Bjellorusinë. Pas zhvillimeve, Tsikhanouskaya u detyrua të largohej nga vendi dhe që atëherë vepron si opozitare në arenën ndërkombëtare.

Ndryshe, Bjellorusia nuk e njeh shtetin e Kosovës.

Sinjali – aty ku e vërteta flet para lajmit!

/GazetaSinjali/

The post Opozitarja bjelloruse merr Kosovën si shembull të lirisë dhe prosperitetit: Rrugëtim i jashtëzakonshëm appeared first on Sinjali.

Ylli i famshëm botëror, Paris Hilton, ka folur edhe për artistet me prejardhje shqiptare, Rita Orën dhe Bebe Rexhën.

Ajo tregon se ka një raport shumë të mirë me këngëtaret dhe se i thur lavde për punën, karrierën e mbi të gjitha për atë që janë.

“I dua Ritën dhe Beben shumë. Janë vajza fantastike, shumë të talentuara dhe shumë argëtuese”, thotë Hilton në intervistë.

Tutje shtoi: “Sa herë që jemi bashkë, kalojmë për mrekulli. Janë të vërteta, shumë të mira me zemër të madhe, të bukura brenda dhe jashtë. I dua si motra dhe jemi shumë të afërta dhe vërtet i dua dhe jam shumë krenare për të dyjat, mendoj se janë të dyja artiste të jashtëzakonshme, kanë zemër shumë të madhe, gjithmonë shkëlqejnë”.

“Unë thjesht i dua aq shumë dhe do t’i shohë të dyja pas disa ditësh në festën e mikut tim, kështu që mezi pres të rri me to”, ka theksuar mes tjerash Paris për Ritën dhe Bebën në intervistën për Telegrafin.
Krahas kësaj, ikona globale e kulturës pop flet hapur për dokumentarin e saj të ri “Infinite Icon: A Visual Memoir”.

Ajo jep një rrëfim mbi jetën, muzikën dhe rrugëtimin e saj personal.

Sinjali – aty ku e vërteta flet para lajmit!

/GazetaSinjali/

The post Paris Hilton: Rita Ora dhe Bebe Rexha janë fantastike appeared first on Sinjali.

Komandanti i KFOR-it, gjeneralmajor Ozkan Ulutash, ka zhvilluar sot takime të ndara me kryetarët e komunave të Mitrovicës së Veriut dhe Mitrovicës së Jugut.

Në takimet me kryetarin e Mitrovicës së Veriut, Milan Radojeviq, dhe me kryetarin e Mitrovicës, Faton Peci, u diskutua situata e përgjithshme e sigurisë dhe çështjet që prekin komunat.

Ulutash theksoi angazhimin e vazhdueshëm të KFOR-it për ruajtjen e një mjedisi të sigurt për të gjithë qytetarët në Kosovë, pa dallim, si në veri ashtu edhe në jug.

Sinjali – aty ku e vërteta flet para lajmit!

/GazetaSinjali/

The post Ulutash takohet me kryetarët e Mitrovicës, diskuton për sigurinë në veri dhe jug appeared first on Sinjali.

Drejtori i Programave Shëndetësore dhe Komunitare në Shoqatën Mjekësore të Kthimit (Return Medical Association), Ahmed Muhanna, paralajmëroi se vazhdimi i rrethimit mjekësor të imponuar ndaj Rripit të Gazës po sjell një katastrofë humanitare mes mungesës së rëndë dhe nevojës në rritje të ilaçeve esenciale dhe furnizimeve mjekësore në spitale dhe qendra shëndetësore.

Në një deklaratë për mediat Muhanna tha se Shoqata e Kthimit vazhdon punën me kapacitet të plotë dhe menaxhim efektiv për të ruajtur vazhdimësinë e ofrimit të shërbimeve shëndetësore për qytetarët, pavarësisht sfidave në rritje që po përballet sektori shëndetësor.

Ai shpjegoi se shoqata kohët e fundit po vuan nga një mungesë e rëndë e shumë ilaçeve, materialeve harxhuese dhe furnizimeve mjekësore, duke theksuar se nëse politikat që pengojnë hyrjen e sasive të mjaftueshme të këtyre furnizimeve vazhdojnë në ditët në vijim, kjo mund të çojë në ndalim të pjesshëm të disa ndërhyrjeve mjekësore dhe operacioneve kirurgjikale.

Sipas tij, shoqata ende nuk është detyruar të ndalojë shërbimet shëndetësore, përveç një rasti kur puna u reduktua për shkak të mbarimit të furnizimeve me naftë, gjë që u njoftua qartë në media në atë kohë.

Sinjali – aty ku e vërteta flet para lajmit!

/GazetaSinjali/

The post Shoqata Mjekësore “Return Medical Association”: Nëse vazhdon kështu situata në Gazë, atëherë na pret katastrofa appeared first on Sinjali.

Kryeministri britanik, Keir Starmer, shprehu sot shqetësimin e tij lidhur me mundësinë që presidenti rus, Vladimir Putin, të marrë pjesë në “Këshillin e Paqes” të krijuar nga presidenti amerikan, Donald Trump.

Starmer theksoi se kjo është shqetësuese, duke pasur parasysh agresionin e Rusisë ndaj Ukrainës dhe bombardimet e vazhdueshme në vend.

Ai shtoi se ngjarjet e javës së kaluar nuk duhet të shpërqendrojnë përpjekjet për sigurinë dhe stabilitetin evropian.

“Ai po zhvillon luftë kundër një vendi evropian. Bombat po bien pa pushim mbi Ukrainën, nuk duhet të lejojmë që ngjarjet e javës së kaluar të na shpërqendrojnë.” 

Sinjali – aty ku e vërteta flet para lajmit!

/GazetaSinjali/

The post Starmer për Putin në Këshillin e Paqes: Bombat mbi Ukrainë nuk ndalen appeared first on Sinjali.

Në një moment të çuditshëm gjatë fitores 1-0 të Aston Villa ndaj Fenerbahce në Europa League, trajneri Unai Emery u kap duke shtyrë Youri Tielemans pas zëvendësimit të tij në minutën e 89-të.

Belgu kishte përqafuar shkurtimisht pasuesin e tij George Hemmings dhe tentoi të vendoste dorën mbi belin e trajnerit, por Emery, i irrituar, reagoi duke bërtitur dhe duke e shtyrë lojtarin drejt stolit. Incidenti nuk eskaloi, dhe Tielemans nuk u kthye për të reaguar fizikisht ndaj trajnerit.

Shkaqet e zemërimit të Emery mbeten të paqarta, me disa teori që lidhen me kartonin e verdhë të lojtarit ose mënyrën se si ai u largua nga fusha.

Pavarësisht tensionit në stol, Villa arriti të ruajë fitoren falë golit të Jadon Sancho në minutën e 25-të dhe tani është në 16-të më të mirët e Europa League, me 18 pikë dhe vetëm një humbje këtë sezon në Europë.

Ky episod u shpërnda masivisht në rrjetet sociale, ku tifozët shprehën habinë e tyre për sjelljen e trajnerit.

Aston Villa duket të jetë një nga favoritët për të fituar finalen e Europa League në maj, pavarësisht tensioneve në stol.

Unai emery has gone absolutely mental at tielemans wtf #AVFC pic.twitter.com/66GV5NW6Wr

— Matty H (@MH_HCAFC) January 22, 2026

Sinjali – aty ku e vërteta flet para lajmit!

/GazetaSinjali/

The post Trajneri Unai Emery kapet duke shtyrë lojtarin e tij pas zëvendësimit appeared first on Sinjali.

Numri i viktimave nga përplasja mes dy trenave të shpejtë në Spanjë ka arritur në 45, pasi trupat e dy burrave të tjerë u gjetën në një vagon të dëmtuar, tha Qeveria rajonale e Andaluzisë më 22 janar.

Besohet se trupat u përkasin dy personave që figuronin si të zhdukur pas aksidentit, që ndodhi të dielën në mbrëmje.

Identifikimi formal nga Instituti i Mjekësisë Ligjore i Kordobës ende nuk është kryer.

Trupat u gjetën në një vagon që kishte rënë rreth katër metra poshtë hekurudhës dhe që kishte pësuar dëme të mëdha.

Numri i të plagosurve nga aksidenti është 123, nga të cilët 31 vazhdojnë të jenë të shtruar në spital. Gjashtë persona ndodhen ende në kujdes intensiv, njoftuan shërbimet e emergjencës së Andaluzisë në X. Megjithatë, sipas tyre, asnjëri nga të plagosurit nuk është në rrezik për jetën.

Sipas Gardës Civile, në mesin e viktimave kishte tre shtetase të huaja, të gjitha gra: një nga Gjermania, një nga Rusia dhe një nga Maroku.

Kryetari i rajonit të Andaluzisë, Juanma Moreno, tha se nuk ka më persona të zhdukur dhe se kërkimet për viktima janë ndërprerë.

Identifikimi i viktimave ka qenë i vështirë, prandaj autoritetet u kanë bërë thirrje familjeve që dyshojnë se mund të kenë humbur të afërm të ofrojnë mostra të ADN-së, rel.

Dyzet e tre trupa të viktimave veçse janë identifikuar, por identiteti i tyre nuk është bërë publik.

Shkaku i aksidentit, që është një nga më të rëndët në historinë e Spanjës, ende nuk dihet. Autoritetet nuk e kanë përjashtuar mundësinë që shkaku të jetë dëmtimi i hekurudhës ose ndonjë defekt në njërin nga trenat.

Vetëm dy ditë pas aksidentit të së dielës, një shofer treni vdiq pasi u aksidentua me një tren lokal në Gelida, në perëndim të Barcelonës. Dhjetëra pasagjerë u lënduan, pesë prej tyre rëndë.

Një tjetër aksident hekurudhor ndodhi të enjten, kur një tren i vogël lokal u përplas me një kran në Murci, në lindje të Spanjës dhe sipas autoriteteve gjashtë persona pësuan lëndime të lehta.

Sindikata e shoferëve të trenave në Spanjë ka shpallur një grevë kombëtare treditore duke nisur nga 9 shkurti, për të mbështetur kërkesat për më shumë siguri dhe besueshmëri në rrjetin hekurudhor.

Spanja ka rrjetin më të madh në Evropë për trenat e shpejtë me mbi 3 mijë kilometra hekurudhë që lidhin qytetet e mëdha përfshirë Madridin, Barcelonën, Seviljan, Valencian dhe Malagën.

Sinjali – aty ku e vërteta flet para lajmit!

/GazetaSinjali/

The post Rritet numri i viktimave nga përplasja e dy trenave në Spanjë appeared first on Sinjali.

Franca thotë se ka sekuestruar një cisternë nafte në Mesdhe që dyshohet se është pjesë e “flotës hije” të Rusisë, e cila përdoret për t’i anashkaluar sanksionet, raporton “BBC”.

Presidenti francez Emmanuel Macron tha se cisterna, e quajtur Grinch, ishte “subjekt i sanksioneve ndërkombëtare dhe dyshohej se po lundronte me flamur të rremë”.

Marina franceze, me ndihmën e aleatëve përfshirë Mbretërinë e Bashkuar, hipi në bord të anijes të enjten në mëngjes midis Spanjës dhe Marokut. Autoritetet detare franceze thanë se një kontroll i anijes kishte “konfirmuar dyshimet për parregullsi të flamurit”. 

Ambasada ruse në Paris tha se nuk ishte informuar për sekuestrimin.

E ashtuquajtura “flotë hije” e Moskës është një rrjet i fshehtë cisternash që përdoren për t’i shmangur sanksionet perëndimore ndaj eksporteve ruse të naftës, duke transportuar naftën me anije të vjetra me pronësi ose sigurim të paqartë.

Grinch po udhëtonte nga porti arktik i Murmanskut në veriun e Rusisë kur u ndalua, thanë autoritetet franceze. Anija po mbante flamurin e Komoreve, sipas faqeve të ndjekjes së anijeve marinetraffic dhe vesselfinder. Duke njoftuar sekuestrimin në X, Macron tha: “Ne jemi të vendosur të respektojmë ligjin ndërkombëtar dhe të sigurojmë zbatimin efektiv të sanksioneve.

“Veprimtaritë e ‘flotës hije’ kontribuojnë në financimin e luftës së agresionit kundër Ukrainës,” tha ai, duke shtuar se anija ishte “devijuar”.

Sekretari britanik i Mbrojtjes, John Healy, tha se Marina e Mbretërisë së Bashkuar kishte ofruar mbështetje për “gjurmim dhe monitorim”, me HMS Dagger që monitoronte cisternën përmes Ngushticës së Gjibraltarit.

“Së bashku me aleatët tanë, po forcojmë reagimin tonë ndaj anijeve hije për të bllokuar fondet që ushqejnë pushtimin e paligjshëm të Putinit ndaj Ukrainës.”

Mbretëria e Bashkuar ka vendosur sanksione ndaj 544 anijeve të flotës hije ruse.

Presidenti ukrainas Volodymyr Zelensky e përshëndeti veprimin, duke thënë se ishte “pikërisht lloji i vendosmërisë që nevojitet për të siguruar që nafta ruse të mos financojë më luftën e Rusisë”.

“Anijet duhet të ndalohen. Dhe a nuk do të ishte e drejtë të konfiskohej dhe të shitej nafta që transportojnë këto cisterna?” – shkroi ai në X.

Sinjali – aty ku e vërteta flet para lajmit!

/GazetaSinjali/

The post Franca sekuestron një cisternë nafte të dyshuar si pjesë e “flotës hije” ruse në Mesdhe appeared first on Sinjali.

Ivanka Trump ka shkuar në Kryeministri mbrëmjen e së enjtes.

E bija e Presidentit amerikan, Donald Trump, u prit nga Kryeministri Edi Rama.

Të mërkurën në mbrëmje, Ivanka Trump zhvilloi një takim me Kryeministrin Edi Rama dhe një grup arkitektësh ndërkombëtarë. Në fokus të bisedimeve ishin projekte dhe ide të reja zhvillimi, të lidhura me investime strategjike dhe vizion urbanistik në zonën e Vlorës, shkruan A2.

Pas darkës, Rama dhe Ivanka Trump qëndruan disa momente jashtë ambienteve ku u zhvillua takimi, duke shkëmbyer bisedë të shkurtër, ndërsa gjithçka është shoqëruar nga masa të rrepta sigurie.

Më pas, Ivanka Trump është larguar me automjet, së bashku me Kryeministrin Rama, në drejtim të Orikumit.

Sot, Ivanka Trump zhvilloi një tjetër vizitë në Manastirin e Zvërnecit dhe në zonën e Porto Novës.

Sinjali – aty ku e vërteta flet para lajmit!

/GazetaSinjali/

The post Ivanka Trump pritet sërish nga Edi Rama – kësaj radhe në kryeministri appeared first on Sinjali.

Tre persona janë arrestuar në kuadër të operacionit policor të koduar “Bregdeti”, pas një hetimi tre mujor për trafikim të narkotikëve, ku në Pikëkalimin Kufitar Merdare është kapur një sasi e madhe e substancës së dyshuar narkotike.

Burime të sigurta bëjnë me dije se aksioni është zhvilluar nga Njësia Rajonale e DHTN-së në Prishtinë, e përkrahur nga njësitë mbështetëse të Policisë së Kosovës, në bashkëpunim me Prokurorinë Themelore në Prishtinë.

Sipas informacioneve, më 21.01.2026 rreth orës 23:00, është ndaluar i dyshuari:

Halil Stublla, rreth 47-vjeçar.

I njëjti ishte duke drejtuar një kamion me targa vendore, ku gjatë kontrollit janë gjetur të fshehura: 68 paketime me substancë të dyshuar narkotike të llojit marihuanë,

me peshë totale 76 kilogram e 800 gram.

Në lidhje me rastin është njoftuar Prokurori kujdestar nga Departamenti i Krimeve të Rënda në Prishtinë dhe, në koordinim me të, është realizuar edhe kontroll në shtëpinë e të dyshuarit, ku janë sekuestruar:

Një armë zjarri me 5 fishekë të kalibrit 9.9 mm

2 vetura

1 kamion

1 telefon celular

2,950 euro para të gatshme

Aksioni ka vazhduar edhe më 22.01.2026 rreth orës 06:15, ku me asistencë të NJSO-së, janë bastisur edhe dy lokacione në fshatin Godishnjak – Podujevë, në shtëpitë e të dyshuarve:

Rafet Xhema, rreth 65-vjeçar

Albion Xhema, rreth 24-vjeçar

Gjatë kontrollit, janë gjetur dhe sekuestruar:

  4 paketime me substancë të dyshuar narkotike të llojit marihuanë, me peshë 4 kilogram e 454 gram

2 vetura

2 telefona celularë

thasë najloni të zbrazët, ngjitës dhe materiale që dyshohet se janë përdorur për paketim

Po ashtu, është gjetur edhe një armë me gas e modelit Signasauser, për të cilën është iniciuar rast i veçantë nga Stacioni Policor në Podujevë.

Në vendngjarje ka dalë edhe Njësia e Forenzikës Rajonale – Prishtinë, e cila ka kryer fotografimin dhe konfiskimin e provave materiale.

Të dyshuarit janë shoqëruar në zyrat e DHTN-së për procedura të mëtutjeshme dhe, pas intervistimit, me urdhër të prokurorit kujdestar janë dërguar në mbajtje për 48 orë.

Sipas vlerësimeve, vlera e substancës së sekuestruar arrin rreth 160 mijë euro, ndërsa rasti po hetohet edhe më tej.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | “Bregdeti” – Arrestohen 3 të dyshuar në Merdare, kapen 76.8 kg marihuanë dhe armë zjarri, bastisen shtëpi e sekuestrohen vetura e para appeared first on Sinjali.

Analisti Fatos Lubonja ka zbuluar një bisedë që, sipas tij, ka zhvilluar vite më parë me ish-ambasadorin amerikan Donald Lu, në kohën kur në Shqipëri po miratohej reforma në drejtësi. Gjatë një interviste në emisionin Kjo Javë, Lubonja tha se Lu i kishte pohuar se ish-kryeministri Sali Berisha dhe ish-presidenti Ilir Meta do të përfundonin […]

The post Lubonja: Donald Lu më tha se do t’i vinte radha edhe Ramës për t’u arrestuar appeared first on BoldNews.al.

Kreu i Partisë Demokratike, Sali Berisha, ka deklaruar se kryeministri Edi Rama është filmuar brenda zyrës së Ergys Agasit, nga vetë ky i fundit. I ftuar në emisionin “Opinion”, Berisha shtoi se aty kanë hyrë edhe ministra, gjyqtarë, prokurorë dhe zyrtarë policie. Ergys Agasi është shpallur në kërkim nga SPAK në kuadër të hetimeve për […]

The post Berisha: Rama është filmuar në zyrën e Ergys Agasit appeared first on BoldNews.al.

Janë zbuluar detaje të reja lidhur me hakerimin e sistemit elektronik të SPAK, një skemë që dyshohet se ka funksionuar si një rrjet i strukturuar me role të ndara dhe qëllime të mirëpërcaktuara. Në qendër të hetimeve ndodhen tre persona: Agim Ismaili, ish-drejtor i Përgjithshëm i Burgjeve, Zambak Gjoni dhe Arnold Rrokaj. Sipas të dhënave […]

The post Nga Ngresi i Gjykatës së Lartë te Anton Martini i Hetimit Tatimor, kush janë zyrtarët që morën dosjet e hakeruara të SPAK appeared first on BoldNews.al.

Nga Boldnews.al Deliri dhe tallja për opozitën ishin dy element të cilët kryeministri Edi Rama jo vetëm i shfrytëzoi, por e çoi deri në fund për të denigruar një subjekt politik që lindi si shpresë në vigjilje të rënies së komunizmit dhe është kthyer në kushte mbijetese, e abonuar për një kohë të gjatë dhe […]

The post Opozita vetëofrohet për tu “kastruar” nga Rama! appeared first on BoldNews.al.

Gazetari, Ervis Iljazaj përmes një postimi në Facebook ka komentuar votimin e marrëveshjes për Bordin e Paqes në Kuvend, duke e cilësuar sjelljen e opozitës si qesharake. Ai shkruan se opozita votoi një marrëveshje që ende nuk është firmosur, duke e konsideruar këtë veprim në kundërshtim me Kushtetutën. Iljazaj shton se dokumenti mban emrin personal […]

The post Votoi marrëveshjen e Bordit të Paqes, Iljazaj: Opozita qesharake deri në dhimbje appeared first on BoldNews.al.

Kryetari i Partisë Demokratike, Sali Berisha, deklaroi se opozita ka votuar në parim marrëveshjen me Shtetet e Bashkuara të Amerikës për Bordin e Paqes, por nuk ka votuar emrin e kryeministrit Edi Rama. Gjatë një interviste në emisionin Opinion, Berisha sqaroi se qëndrimi i opozitës ka qenë në përputhje me interesin e Shqipërisë dhe me […]

The post Berisha: Opozita votoi marrëveshjen me SHBA, jo përfaqësimin e Ramës appeared first on BoldNews.al.

Ivanka Trump, ka mbërritur mbrëmjen e së enjtes në ambientet e Kryeministrisë, ku është pritur nga kryeministri Edi Rama. Vizita në Kryeministri vjen pas takimit të zhvilluar një mbrëmje më parë mes Ramës dhe Ivanka Trump gjatë qëndrimit të saj në Vlorë. Ajo mbërriti në Shqipëri 2 ditë më parë e shoqëruar nga disa arkitektë, […]

The post Ivanka Trump dhe Edi Rama takohen në Kryeministri appeared first on BoldNews.al.

Aktori i humorit Bes Kallaku duket se po jeton një kapitull të ri në jetën e tij sentimentale dhe këtë herë ka zgjedhur ta ndajë hapur me publikun. Përmes një InstaStory që mori vëmendje të madhe, Kallaku publikoi një foto ku shihen dy duar të shtrënguara. Detaji që spikati ishte tatuazhi në parakrahun e tij, […]

The post Bes Kallaku në një lidhje të re dashurie? ‘Gdhend’ në dorë emrin e një vajze appeared first on BoldNews.al.

Një aksident i rëndë rrugor është shënuar këtë të enjte në Itali, ku ka humbur jetën një i ri shqiptar, Klaudio Gjoka. Ngjarja ka ndodhur në autostradën e Rrugës Shtetërore SS589 Saluzzo–Barge, pranë Abacisë Stafarda. Sipas mediave italiane, aksidenti u shkaktua nga një përplasje e fortë mes një kamioni dhe një automjeti tip Audi, që […]

The post EMRI/ Aksident tragjik në Itali, humb jetën i riu shqiptar appeared first on BoldNews.al.

Zëdhënësja e presidentit amerikan, Donald Trump, Karoline Leavitt, njoftoi se, mes të tjerash, Belgjika e kishte pranuar ftesën e Shtëpisë së Bardhë për t’iu bashkuar Komitetit për Paqe, por pak më vonë nga Brukseli erdhi një përgënjeshtrim.

Zëvendëskryeministri dhe ministri i Punëve të Jashtme të Belgjikës, Maxime Prevot, shkroi në X se ky informacion nuk është i vërtetë.

“Belgjika nuk ka pranuar të nënshkruajë dokumentin themelues të Komitetit për Paqe; ky informacion është i pasaktë”, shkroi Prevot.

Ai shtoi se përgjigjja e Belgjikës do të jetë në përputhje me përgjigjen e përbashkët të vendeve evropiane.

— (@)

“Ne dëshirojmë një reagim të përbashkët dhe të koordinuar të Evropës. Ashtu si shumë vende të tjera evropiane, kemi disa rezerva ndaj këtij projekti”, tha më tej Prevot.

Ndërkohë, asnjë vend i Bashkimit Evropian, përveç Hungarisë, nuk e ka pranuar ende ftesën për t’iu bashkuar Komitetit për Paqe të Trumpit.

Nga ana tjetër, dy vende të BE-së, Franca dhe Sllovenia, e kanë refuzuar shprehimisht të jenë pjesë e këtij Komiteti për Paqe, të cilin Trump e ka konceptuar si një lloj zëvendësimi për Kombet e Bashkuara.

Përveç Hungarisë, aktualisht në Komitetin për Paqe bëjnë pjesë Bjellorusia, Izraeli, Turqia, Arabia Saudite, Katari, Egjipti, Emiratet e Bashkuara Arabe, Azerbajxhani, Armenia, Kosova, Maroku, Pakistani, Indonezia, Uzbekistani, Paraguai, Kazakistani, Bahreini, Jordania dhe Vietnami. /Telegrafi/