Ylli i Hollywood-it, Angelina Jolie, udhëtoi në kufirin Rafah që lidh Egjiptin me Gazën për të vizituar palestinezët e plagosur dhe punonjësit humanitarë që shpërndanin ndihma.

Ajo foli me anëtarë të Gjysmëhënës së Kuqe dhe shoferë kamionësh, duke shqyrtuar mënyrën e shpërndarjes së ndihmave në territorin e shkatërruar.

Sipas mediave lokale, Jolie ishte e pranishme për të parë nga afër situatën e palestinezëve që ishin evakuuar për arsye mjekësore dhe për të diskutuar me punonjësit humanitarë mbi nevojat e tyre.

Kjo vizitë vjen dy muaj pas misionit të saj në qytetin e luftuar të Khersonit, Ukrainë, ku vizitoi spitale dhe takoi fëmijë refugjatë. Jolie, e cila ka shërbyer si Ambasadore e Vullnetit të Mirë e UNHCR-së dhe si E Dërguar e Posaçme, ka kryer më shumë se 60 misione në terren për të ndihmuar refugjatët dhe familjet e zhvendosura. Ajo ka vizituar refugjatë ukrainas në qytete të ndryshme, përfshirë Lvivin dhe Romën, duke i mbështetur fëmijët dhe familjet e tyre që kanë ikur nga lufta.

Në një postim për Instagram, Jolie shkroi: “Fokusi im, së bashku me kolegët e mi @refugees, është që të bëhet gjithçka e mundur për të siguruar mbrojtjen dhe të drejtat themelore të njerëzve të zhvendosur dhe refugjatëve.”

Puna e saj humanitare dhjetëra vjeçare i solli Çmimin Humanitar Jean Hersholt në vitin 2013 dhe e bëri të njohur angazhimin e saj ndaj çështjeve humanitare dhe të drejtave të njeriut në nivel global.

Sinjali – aty ku e vërteta flet para lajmit!

/GazetaSinjali/

The post Ylli i Hollywood-it viziton kufirin Egjipt-Gazë për të ndihmuar të plagosurit dhe refugjatët appeared first on Sinjali.

Ishte momenti më i përfolur i natës së ndërrimit të viteve! Ibrahim Tatlıses dhe balerina e famshme Asena janë parë bashkë në të njëjtën skenë pas një çerek shekulli “luftë” dhe distancë totale.

Gjatë puntatës speciale të Vitit të Ri në “İbo Show”, Asena u shfaq papritur në studio. Ajo performoi kërcimin e saj të famshëm oriental, ashtu siç bënte dikur në vitet e arta të programit.

Kur Tatlıses pa ish-partneren e tij të dikurshme, “Perandori” nuk i mbajti dot emocionet. Ai shpërtheu në lot, duke krijuar një nga skenat më prekëse televizive të viteve të fundit.

Ishte një rikthim në kohë që askush nuk e priste, duke pasur parasysh ndarjen e tyre të stuhishme në fillim të viteve 2000.

Sinjali – aty ku e vërteta flet para lajmit!

/GazetaSinjali/

The post Ibrahim Tatlıses takon ish të dashurën pas 25 vitesh, qan me dënesë kur e sheh – video appeared first on Sinjali.

Përplasjet në shtëpinë e Big Brother VIP 5 po bëhen gjithnjë e më të nxehta, teksa banorët përpiqen të fitojnë terren në garën për Çmimin e Madh.

Një nga debatet më të nxehta u zhvillua mes Armelës dhe Brikenës, të cilat kanë pasur ‘fërkime’ të mëparshme, por këtë herë u përplasën rreth dushit.

Pjesë nga debati:

Armela: Të kam bërë kompliment. Pse mendon se kanë gocat xhelozi ndaj teje? Se mendon se je kokrra e yllit? Ke ardhur për Miss?

Brikena: Mos të lahesh je zhulse. Po të lahesh, thoni pse lahesh?

Armela: Lahu moj, s’ka asgjë të keqe. Ty të vjen inat se ta kam vënë në dukje se lahesh në mëngjes kastile?

Brikena: Unë kam qejf të lahem në mëngjes, ti ke qejf në mbrëmje. Çfarë ka të keqe këtu? Pse e përmend këtë gjë?

Armela: Ti lahu në mëngjes. Por ti nuk lahesh pas Prime-t që e ke trupin të lyer komplet. Ti e bën kastile. Ma ke bërë krevatin zhul me pudër këtu se nuk laheshe pas Prime-t. Të thash 100 herë lahu.

Brikena: Ok e dashur.

Sinjali – aty ku e vërteta flet para lajmit!

/GazetaSinjali/

The post Përplasje mes Armelës dhe Brikenës: Ti nuk lahesh pas Prime-t kastile se… appeared first on Sinjali.

Banorët e preferuar të publikut kanë bërë lëvizjet e tyre strategjike në shtëpinë e Big Brother VIP, duke zgjedhur aleatët e tyre në këtë fazë të lojës.

Deri tani, pesë banorët më të votuar nga publiku janë:

Miri

Brikena

Iliri

Stine

Kristi

Pas përzgjedhjes së aleatëve, banorët që mbetën jashtë zgjedhjeve janë: Stenaldo, Armela, Juela, Lore dhe Mal.

Sinjali – aty ku e vërteta flet para lajmit!

/GazetaSinjali/

The post Të preferuarit e publikut bëjnë zgjedhjen e tyre në BBVA – kush përfundoi në televotim? appeared first on Sinjali.

Beyoncé është zyrtarisht miliardere! Tanimë këngëtarja i bashkohet një grupi elitar të famshmish që kanë kaluar pragun me tri presje, njofton Forbes. Nga 22 artistët miliarderë të identifikuar, thuajse gjysma janë shtuar në tre vitet e fundit dhe tani ajo është këngëtarja e pestë që hyn në grup pas të shoqit, Jay-Z, Taylor Swift, Bruce Springsteen dhe Rihanna.

Turneu i saj, Renaissance, të cilin ajo e realizoi gjatë vitit 2023 u duk se ishte kulmi i karrierës. Prej tij ajo grumbulloi 600 miliardë dollarë dhe siguroi vendin e saj si një nga ikonat më të mëdha të kulturës pop në botë.

Por 44-vjeçarja nuk u ndal sepse në 2024, me albumin “Cowboy Carter” i hapi vetes mundësi të reja komerciale, një performancë në NFL për Krishtlindje dhe turneun më fitimprurës në botë gjatë 2025 duke fituar denjësisht titullin e miliarderes.

Bey zhvillon disa biznese si një linjë kujdesi për flokët, Cécred, uiski SirDavis dhe një linjë veshjesh, Ivy Park që ndali punën në 2024. Megjithatë, fitimet e saj më të mëdha vijnë nga muzika sepse zotëron të drejtat e katalogut gjigant që ka dhe grumbullon shuma marramendëse nga turnetë.

Në botën e argëtimit, nuk ka asnjë ndërmarrje më fitimprurëse sesa një këngëtar që mund të mbushë stadiume. Një biletë për turneun Cowboy Carter i garanton një spektatori që jo vetëm të shohë Beyoncé duke kënduar ‘live’ për tri orë, por edhe një makinë fluturuese, krahë robotikë që mbushin gota me SirDavis, një dem të artë mekanik dhe të ftuar specialë.

Kombinimi i fitimeve nga turnetë, katalogu muzikor dhe marrëveshjet e biznesit i kanë siguruar 148 milionë dollarë gjatë vitit 2025, thotë Forbes, duke e bërë Beyoncé këngëtaren e tretë më të paguar në botë.

Sinjali – aty ku e vërteta flet para lajmit!

/GazetaSinjali/

The post Pasuri me 10 shifra: Beyonce është zyrtarisht miliardere appeared first on Sinjali.

George Clooney ka marrë shtetësinë franceze, së bashku me bashkëshorten e tij Amal Clooney dhe dy fëmijët e tyre, sipas një dekreti zyrtar të publikuar në gazetën qeveritare të Francës.

Publikimi konfirmon një ambicie për të cilën Clooney kishte lënë të kuptohej në fillim të dhjetorit, kur ai vlerësoi ligjet franceze të privatësisë që e mbajnë familjen e tij të mbrojtur nga paparacët.

“E dua kulturën franceze, gjuhën tuaj, edhe pse jam ende i dobët në të pas 400 ditësh kursesh”, tha aktori atëherë për radion RTL – në anglisht.

“Këtu nuk u bëjnë fotografi fëmijëve. Nuk ka paparacë të fshehur te portat e shkollave. Kjo është gjëja numër një për ne,” tha ai.

Tani qytetar me shtetësi të dyfishtë amerikane dhe franceze, Clooney ka një lidhje të hershme me Europën, që i paraprin martesës së tij në vitin 2014 me bashkëshorten, një avokate britaniko-libaneze e të drejtave të njeriut, e cila flet rrjedhshëm frëngjisht.

Clooney zotëron një pronë në rajonin e Liqenit të Komos në Itali, të blerë në vitin 2002, dhe ai dhe bashkëshortja e tij kanë blerë gjithashtu një rezidencë historike në Angli.

Prona e tyre në jug të Francës – një ish-pasuri vere e quajtur Domaine du Canadel, pranë fshatit Brignoles – u ble në vitin 2021.

Ata zotërojnë gjithashtu një apartament në Nju Jork dhe një pronë në Kentucky, por raportohet se gjatë dekadës së fundit kanë shitur shtëpitë në Los Anxhelos dhe në Meksikë.

Çifti janë prindër të binjakëve tetëvjeçarë.

Clooney i tha radios RTL se, megjithëse familja udhëton shpesh, shtëpia e tyre në Francë “është vendi ku jemi më të lumtur”.

Clooney është gjithashtu regjisor dhe producent, dhe ka fituar dy çmime Oscar: një për aktorin më të mirë dytësor në filmin Syriana (2006) dhe një tjetër si producent për Argo (2012).

Clooney nuk është i vetmi personazh i Hollivudit që kërkon shtetësinë franceze. Regjisori amerikan Jim Jarmusch i tha të premten radios France Inter se edhe ai planifikon të aplikojë për shtetësinë franceze.

“Do të doja një vend që të më lejojë të largohem nga Shtetet e Bashkuara,” tha ai, duke shtuar se e tërheq edhe kultura franceze.

Sinjali – aty ku e vërteta flet para lajmit!

/GazetaSinjali/

The post “Te ju paparacët nuk u bëjnë foto fëmijëve në shkollë”, Clooney dhe bashkëshortja e tij lënë SHBA-në për Francën appeared first on Sinjali.

Beyoncé është shpallur miliardere nga Forbes, duke e bërë atë muzikanten e pestë që i bashkohet njerëzve më të pasur në botë.

Ylli amerikan i është bashkuar një grupi elitar muzikantësh me pasuri 10-shifrore, raporton Forbes, përfshirë Taylor Swift, Rihanna, Bruce Springsteen dhe bashkëshortin e saj Jay-Z, të cilët revista e biznesit i rendit si me një pasuri neto prej 2.5 miliardë dollarësh, shkruan BBC.

Më parë këtë muaj, Forbes vlerësoi pasurinë neto të Beyoncé-s në 800 milionë dollarë dhe parashikoi se ajo do të kalonte pragun e miliarderes për herë të parë pas viteve të suksesit.

Turneu i saj botëror Renaissance 2023 fitoi gati 600 milionë dollarë, duke e bërë atë një nga ikonat më të mëdha të muzikës pop në botë së bashku me Taylor Swift. Beyoncé prodhoi një film të performancës në koncert, i cili ishte turneu i saj i parë solo në shtatë vjet, dhe e shpërndau atë direkt nëpërmjet një marrëveshjeje me rrjetin e teatrit AMC, i cili e pa atë të fitonte gati gjysmën e të ardhurave globale prej 44 milionë dollarësh.

Albumi i saj i vitit 2024, Cowboy Carter, i cili feston dhe kontekstualizon rrënjët e zeza të muzikës country, u prit me vlerësime kritike dhe fitoi çmimin e albumit të vitit në Çmimet Grammy – hera e parë që Beyoncé fitoi çmimin prestigjioz, pavarësisht se u nominua katër herë.

Forbes vlerëson se turneu Cowboy Carter – i cili përfshinte paraqitje të ftuar nga Jay-Z, dy nga tre fëmijët e tyre dhe ish-anëtarët e grupit Destiny’s Child – grumbulloi gjithsej më shumë se 400 milionë dollarë në shitje biletash dhe 50 milionë dollarë të tjerë në mallra të shitura në shfaqje.

Ndërsa turneu theu rekorde biletash në stadiumin Tottenham Hotspur në Londër dhe Stade De France në Paris, ai u shoqërua me shitje të ngadalta biletash me promotorët që ulën disa çmime në një përpjekje për të mbushur vendet.

Megjithatë, ishte bileta me çmimin më të lartë nga çdo artist që vizitoi Mbretërinë e Bashkuar në vitin 2025, me 950 paund, ndërsa më e lira kushtonte 71 paund.

Një shfaqje speciale në pushim për ndeshjen e parë të NFL-së të Netflix-it për Ditën e Krishtlindjeve mblodhi rreth 50 milionë dollarë, përveç 10 milionë dollarëve për një sërë reklamash të Levi’s, tha Forbes.

Sinjali – aty ku e vërteta flet para lajmit!

/GazetaSinjali/

The post Beyonce shpallet miliardere appeared first on Sinjali.

Këngëtari i njohur nga Peja, Gjesti, ka reaguar për herë të parë që pas vdekjes së vëllait të tij, Eldionit.

Vëllai i ka vdekur në shtator të këtij viti në një aksident me motoçikletë.

Që nga ajo kohë, artisti ka qëndruar në heshtje, pa një reagim në rrjete sociale e po ashtu larg muzikës.

Në një postim të ri pas një kohe të gjatë, Gjesti i falënderon të gjithë që i kanë qëndruar pranë në këtë kohë të vështirë.

Po ashtu njofton se në janar të vitit 2026 do të rikthehet në muzikë.

Postimi i plotë i Gjestit (pa ndërhyrje):

“Përshëndetje krejtve shpresoj që jeni mirë, u bë një kohë që nuk jemi parë për këtë po dua t’iu falënderoj secilin prej juve që më keni ndenjur afër mua dhe familjes time në këtë periudhë shumë të vështirë.

Për mua ka qenë e rëndësishme që në këtë kohë me ndejt larg rrjeteve sociale me u marr më shumë me veten dhe familjen time.

Sidoqoqftë, iu kam pasur në mendje dhe zemër siç më keni pasur mua.

Po e shfrytëzoj rastin me këtë video me ia uru Vitin e Ri të gjithëve, ishalla e keni shëndetin, lumturinë edhe familjen se të tjerat bëhen.

Si përfundim desha të iu tregoj se në vitin 2026 në janar kthehem në muzikë aty ku e kam vendin.

Kështu që ju dua, faleminderit shumë”.

View this post on Instagram

A post shared by GJESTI (@gjestt)

Sinjali – aty ku e vërteta flet para lajmit!

/GazetaSinjali/

The post Vdekja e të vëllait – Gjesti reagon për herë të parë në rrjete sociale appeared first on Sinjali.

Brigitte Bardot, e cila ka ndërruar jetë në moshën 91-vjeçare, përmbysi portretizimin e ngurtë të grave në kinemanë e viteve 1950, duke u bërë simbol i një epoke të re të çlirimit seksual.

Në ekran, ajo ishte një përzierje franceze e hijeshisë lozonjare dhe sensualitetit kontinental. Një botim e quajti “princesha e buzëqeshjes provokuese dhe kontesha e joshjes”, por ky ishte një imazh që ajo, me kalimin e kohës, filloi ta urrente.

Brigitte Bardot në fëmijëri. Ajo lindi në vitin 1934 dhe u rrit në Paris, në një familje të pasur.

Bardot ishte një valltare baleti e talentuar, dhe u pranua në Konservatorin e Parisit (Conservatoire de Paris) si adoleshente.

Bardot në një skenë nga filmi i saj i parë në vitin 1952, komedia “Crazy for Love”.

Një foto e aktores në Festivalin e Filmit në Kanë në vitin 1953. Ajo bëri një seri shfaqjesh atje gjatë viteve ’50, duke shkaktuar një stuhi mediatike që më vonë u përshkrua si një “moment bombastik”.

Bardot u martua me bashkëshortin e saj të parë, regjisorin Roger Vadim, në dhjetor 1952 në Paris. Ajo ishte 18 vjeçe.

Vajza me lule: një portret i aktores nga viti 1952.

Kirk Douglas me Bardot në Festivalin e Filmit në Kanë në vitin 1953. Të dy shfaqeshin, së bashku me Dany Robin, në filmin e Anatole Litvak, “Act of Love”.

Bardot në një skenë nga filmi i vitit 1954, “Concert of Intrigue”, një melodramë italiane e vendosur në kohën e Luftës së Parë Botërore.

Brigitte Bardot në kabrioletin e saj Simca dhe Roger Vadim në Lancia Aurelia Spider-in e tij, fotografuar për Paris Match në vitin 1956 në Saint-Tropez, gjatë xhirimeve të filmit “And God Created Woman”.

Bardot me Pablo Picasso-n gjatë Festivalit të Filmit në Kanë në vitin 1956.

Bardot në një skenë nga “And God Created Woman”, filmi i vitit 1956 që vlerësohet se krijoi imazhin e saj të “sex kitten” (vajzë seksi).

Bardot me Jacques Charrier në filmin e vitit 1959, “Babette Goes to War”. Të dy ishin të martuar nga viti 1959 deri në vitin 1962.

Një portret promocional i realizuar në vitin 1959 për filmin “A Woman Like Satan”, me regji nga Julien Duvivier.

Në xhirimet e filmit “A Woman Like Satan” në vitin 1959. Bardot u ankua se atmosfera në set ishte e zymtë dhe se nxehtësia ishte e padurueshme gjatë xhirimeve në Sevilje.

Pas divorcit nga Roger Vadim në vitin 1957, Bardot u martua me Jacques Charrier në 1959.

Në vitin 1960, Bardot solli në jetë fëmijën e saj të vetëm, Nicolas.

Bardot në Itali, duke promovuar filmin “A Very Private Affair”, mes një cirkusi të madh mediatik që e shoqëronte njëkohësisht.

Bardot relaksohet në xhirimet e filmit “A Very Private Affair”, një dramë psikologjike me elemente të skenarit që pasqyrojnë aspekte të jetës së saj personale.

Gjithmonë e përkushtuar ndaj kafshëve, ajo mbante shumë kafshë shtëpiake në vilën e saj në Saint-Tropez.

Një foto pa datë e Bardot-it në plazh.

Bardot në një skenë nga “Contempt”, një film i Valës së Re (New Wave) me regji të Jean-Luc Godard, në vitin 1963.

Në set gjatë xhirimeve të filmit “Viva Maria!” me regjisorin Louis Malle. Bardot luajti në këtë komedi të vitit 1965 së bashku me Jeanne Moreau.

E parë këtu së bashku me Moreau në filmin “Viva Maria!”, për të cilin Bardot mori një nominim Bafta për aktorën më të mirë të huaj.

Pas divorcit nga Charrier në vitin 1962, ajo u martua me fotografin gjerman Gunter Sachs në 1966, e parë këtu duke mbërritur në një aeroport në Londër.

E rrethuar nga paparacët dhe fansat, ajo mbërrin në Festivalin e Filmit në Kanë në vitin 1967 së bashku me Sachs. Çifti u divorcua në 1969, por mbetën miq deri në vdekjen e tij në 2011.

Në vitin 1968, ajo u shfaq në një program special televiziv duke interpretuar këngë, dhe shihet këtu duke u përgatitur me Serge Gainsbourg.

Xhirime në jug të Spanjës në vitin 1968 për filmin “Shalako”, ku ajo luajti së bashku me Sean Connery.

Bardot e parë në shtëpinë e saj në fillim të viteve 1980, së bashku me disa nga kafshët e saj shtëpiake; ajo kishte dhjetëra mace dhe qen.

Brigitte Bardot dhe Jane Birkin në setin e filmit “Don Juan, or If Don Juan Was a Woman”, i shkruar dhe regjisuruar nga ish-bashkëshorti i Bardot, Roger Vadim.

Filmi i saj i fundit para pensionimit në 1973 ishte komedia “The Edifying and Joyous Story of Colinot”.

Bardot duke shijuar një natë në të famshmin Club 55 në Rivierën Franceze në vitin 1974.

Duke u ripërshtatur si aktiviste për të drejtat e kafshëve, ajo themeloi një strehë për qen në Paris, e parë këtu në vitin 2001.

Aktorja franceze u martua me bashkëshortin e saj të katërt, Bernard D’Ormale, në 1992. Ai njihet për politikën e tij të ekstremit të djathtë. Bardot u gjobit vetë katër herë për raste që lidhen me nxitjen e urrejtjes racore.

Sinjali – aty ku e vërteta flet para lajmit!

/GazetaSinjali/

The post Brigitte Bardot, jeta në foto e legjendës së kinematografisë botërore appeared first on Sinjali.

Pas dy netëve të ftohta dimri që u shndërruan në momente të mbushura me ngrohtësi emocionale për artistët dhe publikun, Dafina Zeqiri ka reaguar me një mesazh të gjatë e të ndjerë, ku ka reflektuar mbi përvojën e saj në Supernovë.

“Muzika nuk është forcë që shihet, është forcë që ndihet”, shkruan ajo, duke theksuar se ajo që u përjetua në këto dy netë nuk kishte lidhje me perfeksionin, por me shpirtin dhe me shumë dashni. Sipas saj, dashuria e publikut në dy netët e fundit të dhjetorit do t’i ngrohë zemrën përgjithmonë.

Artistja nënvizon se muzika ka qenë forca që e ka shoqëruar gjatë gjithë karrierës dhe jetës së saj, dhe se pikërisht kjo forcë është arsyeja pse ajo është dhe do të vazhdojë të jetë në skenë.

“Të gjithë kemi nevojë për një zë që flet me tingujt e zemrës”, shprehet Dafina.

Në mesazhin e saj, ajo falënderon të gjithë ata që u bënë pjesë e manifestimit Supernova, duke veçuar band-in, orkestrën, vokalistët dhe gjithë ekipin, për të cilët thotë se dhanë gjithçka nga vetja për publikun.

Çdo sekondë e kaluar së bashku në skenë përshkruhet si pjesë e një rrugëtimi të gjatë, me sfida, por edhe me shumë dashni e kujtime të ndërtuara bashkë.

Dafina ndalet edhe te hapësira e re ku u mbajt koncerti, duke sqaruar se lokacioni nuk arriti t’u përgjigjej të gjitha kërkesave të publikut, por ishte zgjedhja e vetme për të garantuar kapacitetin e biletave të shitura, për shkak të rrethanave dhe përgjegjësive ndaj proceseve të rëndësishme shoqërore, si zgjedhjet demokratike.

Megjithatë, ajo thekson se publiku dëshmoi se hapësira nuk është kurrë pengesë për performanca të sinqerta që burojnë nga shpirti.

“Dhe ky nuk është fundi”, përfundon ajo, duke e quajtur Supernovën një kremtim dhe një premtim për më shumë netë si këto, për më shumë dashni dhe mbi të gjitha për më shumë kujtime të përbashkëta. “Supernova nuk shuhet, por lë gjurmë për më shumë netë nën yje.”

Mesazhi mbyllet me një premtim të thjeshtë dhe të drejtpërdrejtë për publikun: “Shihem së shpejti. Ju dua pafundësisht.”

Sinjali – aty ku e vërteta flet para lajmit!

/GazetaSinjali/

The post Dafina Zeqiri pas dy netëve magjike: Muzika nuk është forcë që shihet, është forcë që ndihet appeared first on Sinjali.

Diddy pati një vizitë nga djali i tij gjatë Krishtlindjeve, ndërsa reperi po vuan dënimin me burg në New Jersey.

Justin Combs, 31 vjeç, vizitoi të atin në Qendrën Korrektuese Fort Dix në New Jersey të enjten, më 25 dhjetor. Përfaqësuesi i Combs, Judah Engelmeier, e konfirmoi lajmin për People.

“Justin e vizitoi dje ,” tha Engelmayer, duke shtuar, “Ata folën dhe ndanë lajme rreth jetës së tyre. Ata diskutuan se si po përballonin kohë të vështira, shikuan prapa në të kaluarën, çfarë mësuan prej saj dhe si mund të bënin më mirë në të ardhmen.”

Vizita zgjati rreth 90 minuta, tha ai.

”Ishte shumë e rëndësishme për Diddy-n, veçanërisht në Ditën e Krishtlindjeve, që të kishte familjen e tij pranë,” shtoi Engelmayer.

Diddy u dënua në korrik për dy akuza për transportimin e grave për qëllime prostitucioni dhe u dënua me 50 muaj burg në tetor. Justin, të cilin reperi e ka me stilisten Mischa Hilton, i kishte kërkuar gjykatës t’i jepte babait të tij “një shans të dytë”, sipas CNN. “Një shans i dytë në jetë, një shans i dytë për të ndrequr gabimet e tij, një shans i dytë për të qenë burri që është vërtet “, i tha ai gjykatësit , duke e përshkruar atë si një ” superhero ” i cili “ka ndryshuar për mirë”. Ai tha gjithashtu për Diddy-n: “Unë besoj se babai im ka ende shumë për t’i ofruar botës dhe veçanërisht fëmijëve të tij”.

Në nëntor, dolën raportime se Cobbs kishte shkelur rregullat e burgut, të cilat përfaqësuesit e tij i kanë mohuar. Më 7 nëntor, TMZ raportoi se ai dyshohet se ishte parë duke pirë alkool që e kishte bërë vetë.

Sinjali – aty ku e vërteta flet para lajmit!

/GazetaSinjali/

The post Festa e gjen prapa grilave, por Diddy nuk mbetet pa vizita appeared first on Sinjali.

Një ngjarje jo fort e këndshme ndodhi për çiftin Adri dhe Iliriana. Në Zhelinë të Maqedonisë, vetura e tyre luksoze, tip “Audi”, u vodh.

Ndihma për gjetjen e automjetit u kërkua publikisht, ndërsa çiftit iu krijua frika reale se automjeti mund të shitej për pjesë ose përdorej për aktivitete kriminale, duke e bërë situatën edhe më alarmante. Pas kërkimeve intensive që zgjatën një ditë të tërë, rasti mori një epilog pozitiv.

Vetura u gjet falë angazhimit të njësitit policor intervenues ALFA, dhe lajmi u konfirmua nga Adri Rogaqi përmes një fotografie të publikuar në rrjetet sociale, ku shfaqet pranë makinës së tij të zezë.

“Më në fund, pas shumë kërkimeve të njësitit intervenues (ALFA), gjindet vetura. Falënderim për të gjithë ata që na ndihmuan dhe na përkrahën moralisht,” – shkroi ai.

Pas rikthimit të automjetit, Adri shprehu edhe zhgënjim për disa persona që, sipas tij, munguan në momentin më të vështirë.

“U rrëzova dhe pashë kush ishte vërtet pranë… emri yt mungonte,” – theksoi ai. Ende nuk dihet se kujt i drejtohet ky mesazh, por më e rëndësishme është se ngjarja përfundoi pa pasoja dhe vetura iu kthye pronarëve.

Sinjali – aty ku e vërteta flet para lajmit!

/GazetaSinjali/

The post Vetura i’u vodh, pastaj i’u rikthye: Adri me akuza të rënda appeared first on Sinjali.

Një situatë e pazakontë ka ndodhur mesditën e sotme me transmetimin e Big Brother VIP Albania, duke shkaktuar konfuzion te ndjekësit e formatit.

Abonentët kanë raportuar se të dyja kanalet e dedikuara për transmetimin 24-orësh janë bërë të paqasshme, duke sjellë një ndërprerje të plotë të pamjeve nga shtëpia.

Ekranet e zeza në të dyja linjat e transmetimit kanë ngritur pikëpyetje te publiku, çka ka detyruar produksionin të reagojë menjëherë përmes një njoftimi urgjent. Sipas “Vëllait të Madh”, shkak i bllokimit të sinjalit janë probleme teknike.

Njoftimi zyrtar: “Për shkak të disa problemeve teknike, sinjali nga shtëpia është ndërprerë. Ekipi teknik po punon për rikthimin e menjëhershëm të transmetimit.”

Për të shmangur çdo aludim për ndonjë incident brenda shtëpisë, produksioni ka sqaruar se monitorimi i banorëve nuk është ndërprerë në asnjë moment.

“Vëllai i Madh ju njofton se banorët janë gjatë gjithë kohës nën monitorimin e kamerave,” thuhet në përfundim të reagimit.

Sinjali – aty ku e vërteta flet para lajmit!

/GazetaSinjali/

The post Ndërpritet papritur transmetimi i BBVA, produksioni del me njoftim appeared first on Sinjali.

Këngëtarja me famë botërore, Bebe Rexha, ka rikthyer vëmendjen e ndjekësve në rrjetet sociale me një set fotografish festive të publikuara në Instagram, ku shfaqet elegante dhe provokuese njëkohësisht.

Në imazhet e ndara me fansat, artistja paraqitet e veshur me një kostum të bardhë, të kombinuar me detaje luksoze prej gëzofi, duke krijuar një stil që ndërthur elegancën, sensualitetin dhe atmosferën dimërore. Fotografitë janë realizuar në ambient të brendshëm, pranë pemës së Vitit të Ri, e zbukuruar me drita dhe elemente festive, duke i dhënë setit një ndjesi intime dhe festive.

Bebe Rexha ka zgjedhur poza të ndryshme – nga ato më artistike deri te close-up-et, ku bien në sy grimi i sofistikuar, flokët e kapura me aksesorë delikatë dhe detajet e manikyrit. Paraqitja e saj është pritur me komente të shumta pozitive, ku fansat kanë lavdëruar stilin dhe sharmin e këngëtares.

Në njërin prej postimeve, Rexha ka shtuar edhe një mbishkrim me nota humori: “Santa didn’t bring me anyone. Still single (Ende beqare, Santa nuk më solli ndonjë këtë vit)”, koment që ka nxitur reagime të shumta nga ndjekësit.

Sinjali – aty ku e vërteta flet para lajmit!

/GazetaSinjali/

The post Bebe Rexha deklaron se është ende beqare: Santa nuk më solli ndonjë këtë vit appeared first on Sinjali.

Ylli i njohur i muzikës në Kosovë, Butrint Imeri, po vjen me një projekt të ri muzikor.

Padyshim, një hit më tepër në karrierën muzikore, projekti i titulluar “Belaja” do të publikohet nesër në ora 18:00.

“Belaja, nesër në ora 18:00. Gëzuar festat”, ka shkruar Imeri.

Sinjali – aty ku e vërteta flet para lajmit!

/GazetaSinjali/

The post “Belaja” nga Butrinti publikohet nesër appeared first on Sinjali.

Alba Pollozhani, banorja e Big Brother VIP Kosova 4, ka deklaruar se flokët e saj të shtuara kanë kushtuar 12 mijë deri në 15 mijë euro.

Gjatë një debati që e bënte me Beniten Alba tha se  tufa e fijeve ka kushtuar nga 120 euro deri në 150 euro.

Pas asaj se çka tha Alba, Edi dyshonte për çmimin e extensions, gjersa edhe Benita i thoshte “ec bre mos ia fut”. 

View this post on Instagram

A post shared by Big Brother VIP Kosova (@bigbrothervipkosova)

Sinjali – aty ku e vërteta flet para lajmit!

/GazetaSinjali/

The post Deklaratë bombë nga Alba: Flokët e shtuara deri në 15 mijë euro? appeared first on Sinjali.

Dafina Zeqiri dhe Marin kanë lansuar projektin e tyre të ri muzikor, të titulluar “4 Pyetje”, pas një periudhe paralajmërimesh në rrjetet sociale.

Që kur u publikuan fragmentet e para, kënga ka arritur të përhapet shpejt në platforma si TikTok, duke tërhequr menjëherë vëmendjen e publikut.

Teksti i këngës është krijuar nga Dafina Zeqiri, Marin dhe Rron Krasniqi.

Përveç këngës, projekti vjen edhe me një videoklip të realizuar nga Basement, i cili tashmë është i disponueshëm në platformën YouTube.

Sinjali – aty ku e vërteta flet para lajmit!

/GazetaSinjali/

The post Publikohet dueti i shumëpritur i Dafina Zeqirit me Marinin appeared first on Sinjali.

Një debat i tensionuar ka ndodhur mes Albës dhe Benitës, ku kjo e fundit ka shpërthyer në zemërim.

Ende nuk dihet se si u arrit deri në këtë pikë, por sipas Benitës, Alba i ka përmendur nënën, gjë që e ka revoltuar këngëtaren.

“Mos fol për mamin tem, mos fol për mamin tem”, i thoshte ajo Albës me nervozizëm.

Pas kësaj situate, shumë nga banorët u mblodhën për ta qetësuar Benitën, e cila ishte e mbushur me emocione të forta.

“E ke mamin sëmurë, ajo po e din më mirë se unë”, u shprehej Benita banorëve të tjerë, teksa përpiqej të qetësohej dhe të rimerrte veten.

Sinjali – aty ku e vërteta flet para lajmit!

/GazetaSinjali/

The post “Mos fol për mamin tim” – Debat i tensionuar mes Benitës dhe Albës appeared first on Sinjali.

Përmes një shkrimi të gjatë në rrjetet sociale, nëna e këngëtarit tashmë të ndjerë, Shpat Kasapi, Gjylymsere Kasapi ka reaguar për shkrimet të ndryshme në rrjete sociale dhe portale për marrëdhëniet e Shpatit me partneren e tij Selvije Jaho dhe me familjen e tij.

Gjylymsere Kasapi ka falënderuar të gjithë për mbështetjen në këtë periudhë të vështirë, por njëkohësisht, ka kërkuar nga opinioni publik që ta lënë të qetë familjen, duke paralajmëruar ndjekje ligjore për ata që, sipas saj, “spekulojnë”

“I falënderoj të gjithë familjarët e familjes KASAPI, familjes sime nga prindërit e mi dhe natyrisht të gjithë shoqërisë sonë ne përgjithësi, kolegëve dhe artistëve nga te gjitha trevat shqiptare për mbështetjen dhe ndarjen me ne, të dhimbjes së madhe qe po përjetojmë me largimin nga jeta të SHPATIT tone të dashur për të gjithë…! Ne mënyrë të veçantë dua të falënderoj SELVIJEN time të dashur, shpirtin e shpitit tim Shpatit, i cili jo vetëm qe e dashuronte por, e adhuronte për butësinë, çiltërsinë, moralin e një bashkëshorteje të devotshme, e cila maksimalisht ishte e përkushtuar jo vetëm si bashkudhëtuese në jetën e tyre të përbashkët, por edhe si një nënë e shkëlqyeshme e nipit tim te vogël, ROELIT”!

“Kjo u vërtetua edhe me faktin se Shpati ndërroi jetë në kraharorin e Selvijes, mbi të cilët u hodh edhe Roeli, duke mos kuptuar se çka ndodhë…!!! Falënderim të sinqertë dua të shpreh edhe për familjen e Sefer dhe Elida Jao, Agimin dhe Besnikun, një familje e mrekullueshme, te cilët gjatë gjithë periudhës martesore të Shpatit dhe Selvijes, kanë qëndruar afër nesh gjithmonë, kurse Shpatin e kishin jo si dhëndrin por si djalin e tyre…”!

“Çdo spekulim ndryshe nga kjo që me zemër të thyer dhe lot në sy prej nëne, vjehrre dhe gjysheje, do e dënoj jo vetëm moralisht por edhe ligjërisht…! Ju lutem atyre, që në këto momente mundohen të na shqetësojnë si familje në përgjithësi, cilindo prej emrave që përmenda më lartë, sidomos Selvijen time të dashur dhe të respektuar, e cila më mban të gjallë ne këto çaste të rënda për mua, të lejojnë t’a përjetojmë dhimbjen tonë të thellë dhe le të shohin punët e tyre personale”!

“Për fund, një FALEMINDERIM të thellë për gjithë ata qe na ngushëlluan për Yllin, Dritën dhe Birin tim dhe të tuajin SHPATIN…! PREHU NË PAQË SHPIRTI I MAMIT”, ka shkruar Kasapi.

Sinjali – aty ku e vërteta flet para lajmit!

/GazetaSinjali/

The post Nëna e Shpatit e revoltuar, paralajmëron dënim ligjor për ata që “spekulojnë” appeared first on Sinjali.

Një deklaratë e fortë publike është publikuar së fundmi nga menaxhmenti i Kushtrimit, lidhur me një situatë të ndodhur në shtëpinë e Big Brother VIP Kosova.

Reagimi vjen pas gjuhës së përdorur nga Labinot Rexha ndaj Kushtrimit, e cila sipas tyre ka kaluar çdo kufi komunikimi dhe respekti.

Në deklaratë theksohet se nuk bëhet fjalë për një incident të izoluar, por për një sjellje të përsëritur që tashmë ka tejkaluar çdo tolerancë.

Ata kërkojnë reagim të qartë dhe të drejtë nga produksioni, duke nënvizuar se gjuha e urrejtjes dhe etiketimet fyese nuk duhet të kenë vend në këtë format.

Më poshtë, deklarata e plotë e publikuar nga familja, menaxhmenti dhe mbështetësit e Kushtrimit:

Si menaxhment, familjarë dhe mbështetës të Kushtrimit, ndjejmë obligim të reagojmë ndaj gjuhës së papranueshme të përdorur sot nga Labinot Rexha në Big Brother VIP Kosova, ku Kushtrimi u etiketua në mënyrë fyese si “serb”.

Kjo nuk është hera e parë që Labinoti kalon kufijtë e komunikimit. Më herët kishte kërcënuar Kushtrimin duke i thënë se “nuk do ta lejojë të këndojë në Zvicër”. Atëherë zgjodhëm të mos e bëjmë të madhe situatën, në respekt të lojës dhe formatit, por sot u tejkalua një vijë ku heshtja nuk është opsion.

Megjithatë, përdorimi i etiketave me prapavijë etnike është i patolerueshëm, i rrezikshëm, ofendues e përçarës.

Kërkojmë reagim të qartë e të drejtë nga produksioni, për të garantuar se gjuha e urrejtjes dhe etiketimet degraduese nuk kanë vend në këtë format. Ku ngjashëm në të kaluarën, etiketimet të tilla janë ndëshkuar me zarf të zi e përjashtim të menjëhershëm. Standardet nuk duhet të jenë selektive!

Dinjiteti i Kushtrimit dhe familjes së tij, nuk negociohet. 

Sinjali – aty ku e vërteta flet para lajmit!

/GazetaSinjali/

The post Labinot Rexha e quan Kushtrimin ‘serb’, vjen me reagim të fortë menaxhmenti i tij appeared first on Sinjali.