Në Departamentin Special të Gjykatës Themelore në Prishtinë është mbajtur shqyrtimit fillestar ndaj tre të akuzuarve për krime lufte, Ljubomir Çimburoviç, Predrag Bradiq dhe Milivoje Iviq. Ky gjykim po zhvillohet në mungesë, pasi të akuzuarit janë të paarritshëm për institucionet e drejtësisë në Kosovë.

Prokurori, Atdhe Dema tha se Prokuroria ka ndërmarrë të gjitha veprimet e nevojshme dhe, sipas tij, janë plotësuar kushtet për gjykim në mungesë.

Aktakuza ndaj tre të akuzuarve Ljubomir Çimburoviç, Predrag Bradiq dhe Milivoje Iviq, i pari që akuzohet në cilësinë e ish-drejtorit të Burgut të Qarkut në Prishtinë, e dy të tjerët si ish- ardianë të Burgut të Prishtinës dhe Lipjanit, u ngrit më 13 maj të vitit të shkuar nga Prokuroria Speciale e Republikës së Kosovës.

Të pranishëm në seancë ishin të dëmtuarit Agron Ramadani, Ali Xhyliqi,Ramadan Nishori dhe Ylber Topalli.

Si gjykim në mungesë, gjyqtari Leon Përlaska tha se nuk do të ketë deklarim rreth fajësisë, ndërsa, sqaroi ai, në afat prej 30 ditësh, mbrojtja ka të drejtë për kundërshtim të provave dhe kërkesë për hudhje të aktakuzës, shkruan RTK.

Në Aktakuzën e Speciales thuhet se, Ljubomir Çimburoviç si drejtor i burgut të Qarkut në Prishtinë, gjatë periudhës së luftës në Kosovë 1998-1999, në Burgun e Prishtinës dhe në paralelen në Lipjan, në bashkëkryerje edhe me zyrtarë tjerë të këtyre burgjeve Predrag Bradiq dhe Milivoje Iviq, gardianë të Burgut të Prishtinës dhe paraleles në Lipjan dhe tashmë të akuzuarin Dragisha Milenkoviq, gardian i Burgut të Prishtinës dhe paraleles në Lipjan, duke vepruar në kundërshtim dhe duke shkelur rregullat e të drejtës ndërkombëtare gjatë luftës, ka qenë gjatë gjithë kohës në dijeni dhe se nuk kishte ndërmarrë asnjë veprim për t’i ndaluar veprimet e gardianëve dhe nuk i kishte raportuar këto veprime në hierarki.

Gjithashtu, thuhet se gardianët në mënyrë sistematike i kishin maltretuar të burgosurit shqiptarë, duke i torturuar në mënyrë çnjerëzore me mjete të ndryshme si shkop gome, shufra metalike, kabllo elektrike, gypa të ujit, shqelma e grushte, deri në alivanosje, duke i u shkaktuar lëndime trupore, ashtu siç e shpjegojnë vetë viktimat, se pas këtyre rrahjeve kishin pasur dhimbje të mëdha në gjithë trupin, dhunë psikike, i kanë lënë pa ngrënë për gati një javë, i kanë kanosur seriozisht për jetë e si pasojë e kësaj dhe rrahjeve të vazhdueshme kanë pësuar gjendje ankthi dhe frikë, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë.

Sinjali – aty ku e vërteta flet para lajmit!

/GazetaSinjali/

The post Ish-drejtori i burgut e dy ish-gardianë gjykohen në mungesë për krime lufte appeared first on Sinjali.

Rasti i trishtë për vrasjen e Liridona Ademajt tronditi mbarë vendin. Tashmë dy vite pas vrasjes, sot po mbahet edhe një seancë për gjykimin e të dyshuarve për vrasjen e saj.

Sot në Gjykatën Themelore në Prishtinë, janë paraqitur video-incizime të tjera që tregojnë momentet pak para vrasjes së Ademajt.

Në pamje shfaqet momenti kur Naim Murseli dhe Liridona Ademaj kishin darkuar së bashku në një restorant, së bashku me dy djemtë, shkruan Klan Kosova.tv.

Ishte vetë Murseli i cili kishte organizuar një darkë pak para ngjarjes tragjike të vrasjes. Më pas, në restorant futet edhe Granit Plava, teksa bën vëzhgime ndaj tyre. E më vonë shihet edhe çasti kur Murseli i afrohet tavolinës së Plavës dhe më pas ia bën me shenjë duke prekur fytyrën.

Sinjali – aty ku e vërteta flet para lajmit!

/GazetaSinjali/

The post Gjykimi për vrasjen e Liridonës – Dalin pamjet nga darka e fundit që Naimi kishte organizuar para momentit tragjik appeared first on Sinjali.

Në orën 09:30 mbahet seanca fillestare në Gjykatën Themelore në Prishtinë ndaj Lubomir Çimburoviqit, Predrag Bradiqit dhe Milivoje Iviqit, të akuzuar për krime lufte kundër popullsisë civile gjatë viteve 1998–1999.

Sipas Prokurorisë Speciale të Kosovës, veprimet lidhen me krimet e dyshuara në Burgun e Prishtinës dhe paralelen e tij në Lipjan. Gjykimi zhvillohet në mungesë të të pandehurve, pasi ata nuk janë të qasshëm për organet e drejtësisë.

Në aktakuzë thuhet se të akuzuarit, si persona zyrtarë, ushtruan dhunë fizike dhe psikike ndaj të burgosurve shqiptarë, duke përdorur mjete të ndryshme dhe duke shkaktuar lëndime trupore dhe pasoja të rënda psikologjike, raporton RTKlive.

Gjykimet në mungesë janë të mundura pas ndryshimeve të fundit në Kodin e Procedurës Penale.

Sinjali – aty ku e vërteta flet para lajmit!

/GazetaSinjali/

The post Sot Gjykata Themelore në Prishtinë shqyrton rastin e tre serbëve të akuzuar për krime lufte appeared first on Sinjali.

Në Pallatin e Drejtësisë në Prishtinë, sot në orën 09:30 mbahet seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Seanca pritet të shënojë një zhvillim të rëndësishëm në këtë proces, i cili ka zgjuar interes të madh publik për shkak të rrethanave të rënda të rastit dhe ndjeshmërisë që ka shkaktuar në opinion.

Rasti i vrasjes së Liridona Ademajt vazhdon të mbetet një nga çështjet më të ndjekura, ndërsa familjarët e viktimës kërkojnë drejtësi të plotë dhe zbardhje të të gjitha rrethanave të ngjarjes.

Sinjali – aty ku e vërteta flet para lajmit!

/GazetaSinjali/

The post Sot seanca gjyqësore ndaj të akuzuarve për vrasjen e Liridona Ademajt appeared first on Sinjali.

Shtatë zyrtarët e lartë të dyshuar për përfshirje në korrupsion janë arrestuar para dy ditësh në një operacion të madh antikorrupsion të Prokurorisë Speciale dhe AKI-së.

Në mesin e të dyshuarve janë gjyqtari i Gjykatës së Graçanicës, me inicialet J.M., zyrtarë nga avokatura N.K., M.D. dhe B.D., eksperti i gjykatës Sh.T., një zyrtar i Departamentit të Shpronësimeve, zyrtari i ATK-së G.L., si dhe ish-ministri i Tregtisë dhe Industrisë, me inicialet F.I.

Për të njëjtën çështje, dje Gjykata Themelore në Prishtinë, Departamenti Special, ka vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit në çështjet penale.

Masa e paraburgimit u caktua për një muaj.

Operacion antikorrupsion i Prokurorisë Speciale dhe AKI-së: Shtatë persona përfundojnë në pranga

Ekskluzive | Këta janë gjashtë të arrestuarit për dallavere me shpronësime

Operacioni antikorrupsion ku përfunduan në pranga 7 zyrtarë të lartë – Kjo është njëra nga të arrestuarit

Sinjali – aty ku e vërteta flet para lajmit!

/GazetaSinjali/

The post Gjykata në Prishtinë vendos masën e paraburgimit prej një muaji për shtatë zyrtarët e dyshuar për korrupsion appeared first on Sinjali.

Organizata e Veteranëve të Luftës së UÇK-së ka shprehur shqetësimin e thellë për refuzimin e Dhomave të Specializuara në Hagë, që t’i mundësojnë Salih Mustafës një vizitë te babai i tij i sëmurë rëndë.

Madje as një rast i tillë nuk po arsyetohet nga Gjykata në Hagë.

Sipas OVL-UÇK-së, babai i komandant Calit ndodhet në gjendje kritike shëndetësore.

“Salih Mustafa është i dënuar me aktgjykim të formës së prerë. Nuk ekziston asnjë rrezik për ndikim në dëshmitarë apo në procesin gjyqësor. Refuzimi i kësaj kërkese është i pakuptimtë, johuman dhe në kundërshtim me parimet themelore të të drejtave të njeriut”, thuhet në reagimin e OVL-UÇK-së.

Po ashtu, nga kjo organizatë bëhet e ditur se ky shqetësim do të ngrihet para të gjitha institucioneve ndërkombëtare të larta, përfshirë organizatat për të drejtat e njeriut, me kërkesën për reagim dhe përgjegjësi për këto shkelje.

“Qëndrimi ynë është se drejtësia pa humanizëm nuk është drejtësi”, thuhet më tej.

Sinjali – aty ku e vërteta flet para lajmit!

/GazetaSinjali/

The post Nuk bëjnë përjashtime as për babain e sëmurë rëndë – Komandant Calit i mohohet vizita, reagon OVL-UÇK-ja appeared first on Sinjali.

Dështimi i shumë seancave gjyqësore përgjatë këtij viti, ka si shkak problemin e dërgimit të ftesave me postë, që shpesh has në vështirësi, si vonesa e adresa të pasakta. Gjykata Themelore në kryeqytet, avokatët si dhe organizatat që monitorojnë punën e gjyqësorit, vlerësojnë se kjo gjendje zvarrit proceset. Për një zgjidhje të këtij problemi propozohet komunikimi elektronik si më efikas, si dhe nxitja e gjykatave drejtë një roli më proaktiv.

Praktika e dërgimit të ftesave me postë, për palët në procedurë, po del të jetë një nga shkaktarët e dështimit të seancave, qoftë në rastet penale apo edhe ato civile. Adresa të pasakta, vonesa në dërgesa e mospranimi i tyre në kohë dhe në procedurën e përcaktuar me ligj, shkakton dështimin tyre.

Vonesa e dërgesave të ftesave për palët në procedurë po ndikon drejtpërdrejt në mbarëvajtjen e proceve gjyqësore. Në shume raste po ndikon në shtyerjen e seancave për çka edhe po zgjaten edhe afatet e gjykimeve.

Gjykata Themelore e ka konfirmuar se në vazhdimësi, e veçanërisht përgjatë këtij viti kanë evidentuar raste të konsiderueshme të vonesave nga ana e postës në dërgimin e shkresave zyrtare dhe në kthimin e fletëkthesave.

“Në lidhje me këtë çështje, administratori i Gjykatës ka zhvilluar një takim me përfaqësuesit e Postës së Kosovës, gjatë të cilit janë paraqitur vështirësitë dhe vonesat që po shkaktohen në procesin e shpërndarjes së ftesave gjyqësore, vonesa këto që po ndikojnë drejtpërdrejt në efikasitetin dhe performancën e punës së gjyqtarëve”, kanë thënë nga kjo gjykatë.

Kjo dukuri rezulton edhe në raportet e organizatave që monitorojnë gjyqësorin. Megjithkëtë, pa faj nuk mbeten as gjykatat.

"Gjykata duhet ta luaj rolin e vet proaktiv, ta mbroj integritetin e vet si gjykatë dhe në rastet kur has në situatë kur ftesa ka mundur të dërgohet por nuk është dërguar për arsye të njëjta, të mbajë shënim zyrtar dhe t’i paraqes këto raste pranë institucioneve përkatëse në mënyrë që gjithkush, për çdo veprim të marr pasojat e veta" , tha Flamur Kabashi nga IKD.

Procedura e komunikimit me post, krijon vështirësi edhe tek avokatët, të cilët shpesh përballen me dështim të seancave gjyqësore, qoftë për shkak të mospranimit të ftesave apo për moskonstatimin e tyre në procesverbal.

“Ka raste edhe kur pranohen ftesat por mungon dëshmia e pranimit nga ana e cilësdo palë për çka gjykata nuk ka mundësi të mbajë seancën. Kjo përveç në raste penale, edhe në raste civile dhe administrative. Konsiderojmë që do të duhej të bëhej zyrtar dhe i obligueshëm komunikimi elektronik sidomos në rastet kur palët kanë përfaqësues në procedurë”, theksoi Florim Shefqeti, avokat.

Efikasiteti më i madh në këtë çështje, nga palët shihet vendosja e një komunikimi elektronik, që do të hidhte poshtë vakumin e një sërë arsyetimeve të ndryshme./RTK

Gjykata Supreme e ka kthyer për rivendosje çështjen e paraburgimit për të akuzuarin për krime lufte në Malishevë, Ramadan Morina, dhe ka anuluar aktvendimin e Gjykatës Themelore në Prishtinë, si dhe vendimin e Gjykatës së Apelit për paraburgim ndaj tij.

Megjithatë, Supremja ka vendosur që Morina të qëndrojë në paraburgim derisa Gjykata Themelore të marrë vendim për këtë çështje në rivendosje.

Më 6 nëntor, Gjykata Themelore ia kishte vazhduar paraburgimin Morinës për dy muaj, ndërkohë që Apeli e kishte vërtetuar këtë vendim më 2 dhjetor.

Kundër këtyre aktvendimeve, kërkesë për mbrojtje të ligjshmërisë ka paraqitur mbrojtësi i të pandehurit Ramadan Morina, avokati Arianit Koci. Ai ka pretenduar se ka pasur shkelje të dispozitave të procedurës penale që kanë ndikuar në ligjshmërinë e vendimit gjyqësor dhe ka propozuar që masa e paraburgimit të zëvendësohet me një masë më të butë.

Sipas pretendimeve të Kocit, kërkesa për vazhdimin e masës së paraburgimit nuk i ishte dorëzuar konform nenit 188 paragrafi 2 të Kodit të Procedurës Penale (KPP).

“Sipas vlerësimit të kësaj gjykate, pretendimet e mbrojtësit të pandehurit janë të bazuara. Siç del nga shkresat e lëndës, mbrojtësi i të pandehurit, edhe më herët ka parashtruar pretendimin se kërkesa për vazhdimin e masës së paraburgimit nuk i është dorëzuar konform nenit 188 paragrafi 2 të KPP-së”, thuhet në vendimin e Supremes.

Prokuroria Speciale ka njoftuar të enjten se ka ngritur aktakuzë ndaj të pandehurit Ramadan Morina, nën dyshimin për kryerjen e veprës penale “Krim i luftës kundër popullsisë civile”.

Sipas aktakuzës, më 31 mars 1999, në fshatin Burim të Komunës së Malishevës, Morina, në bashkëkryerje me pjesëtarë të tjerë të forcave policore dhe ushtarake serbe, ka marrë pjesë në vrasjen e 34 civilëve shqiptarë.

Sinjali – aty ku e vërteta flet para lajmit!

/GazetaSinjali/

The post Supremja e lë Ramadan Morinën në paraburgim, Themelorja do ta rivendosë çështjen appeared first on Sinjali.

Vetëm një ditë pas operacionit të madh antikorrupsion në vend, Prokukoria Speciale sotka ngritur një aktakuzë kundër të pandehurve A.K., F.L., V.P., B.C për veprat penale “Pjesëmarrja ose organizimi i grupit kriminal të organizuar” dhe “Kontrabandimi me migrantë”.

Të njëjtit në bashkëkryerje me persona të paidenfikuar, raportohet se nga muaji janar i vitit 2023 deri në shtator të po atij viti kanë vepruar si grup i organizuar kriminal, me qëllim përfitimi të kundërligjshëm, duke kontrabanduar shtetas të huaj në Kosovë, transmeton Sinjali.

Sipas aktakuzës, të pandehurit kanë marrë pjesë aktive në veprimtarit të kundërligjshme të kontrabandimit të migrantëve, të cilët vinin përmes Shqipërisë nga shtetet të ndryshme si Bangladeshi, Pakistani, Siria dhe vende të tjera, me destinacion shtetet e tjera të Evropës.

Këtëe rëndon fakti se sipas aktakuzës, të pandehurit i kanë kryer në këmbim të shumave monetare prej 100 deri në 300 euro për person.

Sinjali – aty ku e vërteta flet para lajmit!

/GazetaSinjali/

The post Katër persona nën aktakuzë për trafikim të migrantëve, Prokuroria Speciale zbulon detaje appeared first on Sinjali.

Nën udhëheqjen e Prokurorisë Speciale të Republikës së Kosovës, është realizuar një operacion i gjerë policor në rajonin e Prishtinës, i cili ka çuar në arrestimin e shtatë personave të dyshuar për veprat penale të korrupsionit, keqpërdorimit të detyrës zyrtare, dhënies dhe marrjes së ryshfetit, ushtrimit të ndikimit, mashtrimit dhe armëmbajtjes pa leje.

Pas arrestimeve, Prokuroria Speciale ka vendosur që shtatë të dyshuarit të ndalohen për 48 orë për të vazhduar hetimet, transmeton Sinjali.

Gjatë operacionit, janë sekuestruar: Rreth 20,000 euro para të gatshme, armë, bizhuteri, dokumente të ndryshme, dhe pajisje elektronike.

Hetimet janë ende në vazhdim dhe po zhvillohen në koordinim të ngushtë mes Policisë së Kosovës dhe Prokurorisë Speciale të Republikës së Kosovës.

Sinjali ka raportuar edhe më herët për rastin në fjalë:

Ekskluzive | Këta janë gjashtë të arrestuarit për dallavere me shpronësime

Sinjali – aty ku e vërteta flet para lajmit!

/GazetaSinjali/

The post Aksioni antikorrupsion, Prokuroria Speciale: Janë sekuestruar rreth 20,000 euro para të gatshme appeared first on Sinjali.

TIRANË, 18 dhjetor /ATSH/ Kryetari i Partisë Demokratike, Sali Berisha në fjalën e tij në ceremoninë e 35-vjetorit të themelimit Partisë Demokratike, Dega Kavajë, u bëri thirrje qytetarëve të Kavajës dhe të gjithë Shqipërisë për angazhim aktiv politik.

“Ftoj qytetarët e Kavajës dhe të mbarë Shqipërisë të nisim betejën tonë pa kthim, deri në fitoren tonë. Qytetarë dhe qytetarë të Kavajës, historia u thërret përsëri. Historia u thërret ju, thërret të gjithë shqiptarët që i thonë lirisë liri. Të ngrihemi për të përmbysur diktaturën e dytë”, tha Berisha.

“Duke ju uruar gëzuar këtë festë, duke u përulur me nderimin më të madh para veprës së themeluesve të Partisë Demokratike, para veprës së grupeve antikomuniste, para qytetarëve dhe qytetareve të Kavajës, ftoj qytetarët e Kavajës dhe të mbarë Shqipërisë të nisim betejën tonë pa kthim, deri në fitoren tonë, fitoren e Partisë Demokratike, fitoren e Shqipërisë”, theksoi Berisha.

Kreu i PD, i dha sot nga Kavaja ultimatum Kryeministrit Edi Rama që të mos pengojë drejtësinë dhe të largohet nga pushteti.

“Mos guxo të mbrosh me vota të rrëmbyera hajdutët e qeverisë, sepse ne që në vitet ’90 u ngritëm me një motiv të shenjtë për të mbrojtur lirinë, përsëri jemi në këmbë, përsëri jemi të gatshëm me motivin: “Ja të vdesim, ja të rrojmë për liri!”. Ndaj dhe nga Kavaja i them këtij njeriu: mos pengo drejtësinë, largohu nga pushteti!”.

Sipas Berishës, qeveria ka kufizuar hapësirat e debatit parlamentar dhe ka përdorur mekanizma për të dobësuar opozitën.

“Është përqendruar çdo pushtet në një dorë dhe janë mbyllur hapësirat e pluralizmit”, u shpreh ai, duke shtuar se drejtësia po pengohet nga ndërhyrjet politike.

Kreu i PD theksoi se e kishte zgjedhur Kavajën për këtë mesazh, për shkak të rolit historik të qytetit në lëvizjen demokratike dhe antikomuniste.

Ai rikujtoi ngjarjet e shkurtit 1991, duke vlerësuar kontributin e qytetarëve të Kavajës në përmbysjen e diktaturës komuniste dhe në themelimin e pluralizmit politik në Shqipëri.

Në fjalën e tij, Berisha ngriti shqetësime për emigracionin e lartë dhe korrupsionin, duke deklaruar se gjatë dekadës së fundit Shqipëria ka përjetuar largim masiv të qytetarëve dhe probleme serioze me keqqeverisjen.

Ai kërkoi përgjegjësi politike dhe institucionale për këto zhvillime.

/gj.m/r.e/a.f/

The post Berisha: Nisim betejën pa kthim deri në fitoren tonë appeared first on Agjencia Telegrafike Shqiptare.

Trupi gjykues mori aktvendim me të cilin aprovoi propozimin e avokates Filipoviq që të dëgjohet si dëshmitar Millosh Radosavleviq.

Ndërsa për dëshmitarin Goran Tanevski, gjykatësi Arben Hoti tha se Gjykata ka bërë përpjekje për t’u lidhur përmes video-linkut me Gjykatën e Shkupit, mirëpo nuk ka qenë e mundur teknikisht, andaj e kanë lënë mundësinë e hapur për një herë tjetër.

Në këto rrethana, seanca e sotme u ndërpre.

Seanca e radhës u caktua për datën 16 janar, me fillim prej orës 09:30.

Vazhdon gjykimi në rastin Banjska, mungon sërish dëshmitarja Antonijeviq

Në Gjykatën Themelore në Prishtinë po vazhdon gjykimi në rastin Banjska ndaj të akuzuarve Blagoje Spasojeviq, Vladimir Toliq dhe Dushan Maksimoviq.
Në seancën e sotme, e cila filloi me gati një orë vonesë, u planifikua  të dëgjohet dëshmia e dëshmitares Dragana Antonijeviq, për të cilën që dy herë radhazi e ka pranuar ftesën babai i saj i cili thotë se e njëjta gjendet në Serbi.

Prokurori special ka propozuar që në këto kushte deklarata e dëshmitares të lexohet.

“Meqë e njëjta ka refuzuar ta pranoj ftesën, duke shprehur qartë vullnetin e saj për të mos dëshmuar pa paraqitur arsye ligjore, propozoj që dëshmia e saj të lexohet si provë”, ka thënë prokurori Naim Abazi.

Trupi gjykues mori aktvendim për aprovim të propozimit të prokurorit special.

Sinjali – aty ku e vërteta flet para lajmit!

/GazetaSinjali/

The post Ndërpritet seanca për Banjskën – e radhës në janar appeared first on Sinjali.

Gazetari Artan Hoxha, ka deklaruar mbrëmjen e sotme, se drejtësia në vendin tonë është në kolaps. Sipas tij reforma në drejtësi ka dështuar, ndërkohë që stoku i dosjeve ka shkuar në 180 mijë. Hoxha thotë se SPAK heton vetëm 0,3% të dosjeve, ndërsa shton se këto shifra qeveria nuk ja thotë ndërkombëtarëve. “Reforma në Drejtësi […]

The post “180 mijë dosje stok”/ Hoxha: Drejtësia në kolaps! Pse s’ua thonë ndërkombëtarëve appeared first on BoldNews.al.

Procesi i anëtarësimit të Shqipërisë në BE në vitin 2025 pa një përshpejtim të ndjeshëm, me vendin që hapi të gjashtë grupet e negociatave brenda pak më shumë se një viti. Analistët deklarojnë për Ballkanin Perëndimor Evropian se hapi tjetër kyç në rrugën evropiane i referohet përmbushjes së standardeve të ndërmjetme sipas Grupit 1 (Bazat), […]

The post Korrupsioni, gjyqësori dhe ekonomia/ Pengesat kryesore të Shqipërisë drejt BE-së appeared first on BoldNews.al.

TIRANË, 15 dhjetor/ATSH/ Gjykata e Beratit shpalli sot fajtor për tri vepra penale ish-kreun i Shërbimit Informativ Shtetëror në Berat dhe djalin e tij.

Sipas njoftimit për medie, ish-kreu i SHISH dhe djali i tij dënohen me kërkesë të Prokurorisë Berat për tri vepra penale ‘Organizimi i lojërave të fatit’, ‘Mbajtja e Armëve’ e ‘Nxjerrje e sekretit shtetëror’

Nga hetimet mbi procedimin penal nr. 370 të vitit 2023, pas informacioneve se në një ambient në lagjen “30 Vjetori” në një lokal që drejtohej nga shtetasi P. Sh., po zhvilloheshin lojëra fati, u konstatuan kompjuterët e markave të ndryshme, të ndezura dhe në ekrane u shfaqën lojërat online të ngjashme me ato të Adex Casino.

Nga verifikimi teknik, u provua se nëpërmjet një aplikacioni apo software të instaluar në këto pajise elektronike, duke u lidhur në internet, realizoheshin lojëra fati online.

Gjatë hetimeve, u ushtrua kontroll i banesës së shtetasit A.Sh., babait të tij, ku u konstatuan një krehër metalik ngjyrë bronzi me 5 fishekë, të paplasur të kalibrit 7.62 mm, një çantë dore ngjyrë të zezë brenda të cilës u gjetën 3 krehëra, të mbushur secili me nga 7 fishekë të kalibrit 7.62 mm dhe dy USB me mbishkrimet “Turbox” dhe “Kingston”.

Ky shtetas i cili ka ushtruar detyrën si Drejtor i Shërbimit Informativ Berat, shpjegoi se në nëntor të vitit 2023 është larguar nga detyra dhe ka dorëzuar armatimin por ka harruar të dorëzojë municionin e gjetur në banesë nga shërbimet e policisë. Ai sqaroi se, fishekët e kalibrit 7.62 janë fishek të armëve të vjetra që i ka gjetur të godina e vjetër e ShIK-ut dhe i ka marrë si suvenir dhe i ka harruar në banesë.

Por nga verifikimet e kryera nga prokuroria rezultoi se armatimet ishin kthyer dhe kjo provohej edhe nga fletëhyrja që ndodhet në institucion. Ndërkohë që nga verifikimet e kryera rezultoi se, dy nga materialet e ndodhura në Usb-në me emërtimin “Usb drive” janë të klasifikuara në nivelin “sekret” dhe administrohen në SHISH në kopje të vetme. Kopjimi ose shumëfishimi i tyre është i ndaluar dhe në kundërshtim me aktet që normojnë punën e SHISH.

Marrja e këtyre materialeve në kundërshtim me rregullat e sigurisë së informacionit të klasifikuar, që ka rezultuar me ekspozimin e pjesshëm ose tërësor, në mënyrë të paautorizuar, përbën shkelje të sigurisë së informacionit të klasifikuar.

Në përfundim të hetimeve paraprake, pas analizës në tërësi të të dhënave dhe provave të marra, vijmë në përfundimin se, ka të prova të mjaftueshme se të pandehurit P.Sh dhe A.Sh. kanë kryer veprat penale për të cilat akuzohen. Rezulton përfundimisht e provuar se i pandehuri A. Sh. ka qenë me detyrë punonjës i Shërbimit Informativ të Shtetit dhe ka kopjuar materiale që, sipas ligjit të njohur publikisht, përbëjnë sekret shtetëror, dhe i janë besuar për shkak të detyrës.

Marrja e këtyre materialeve në kundërshtim me rregullat e sigurisë së informacionit të klasifikuar, dhe përhapja e tyre në dy Usb brenda në banesën e të pandehurit, kur ai nuk ushtronte më as detyrën e punonjësit të shërbimit informativ të shtetit, që ka rezultuar me ekspozimin e pjesshëm ose tërësor, në mënyrë të paautorizuar, përbën shkelje të sigurisë së informacionit të klasifikuar.

Për sa më sipër, në përfundim të hetimit, Prokuroria pranë Gjykatës së Shkallës së Parë të Juridiksionit të përgjithshëm, Berat kërkoi dhe u pranua nga gjykata:

Deklarimin fajtor të të pandehurit P. Sh., për kryerjen e veprës penale të “Organizimi ose ushtrimi i veprimtarive të lojërave të fatit në kundërshtim me ligjin” dhe dënimin e tij me 2 vite burgim; Në zbatim të nenit 406 pika 1, uljen e dënimit me 1/3, dhe dënimit e të pandehurit përfundimisht me 1 vit e 4  muaj burgim;

Në zbatim të nenit 59 të Kodit Penal, të urdhërohet pezullimi i ekzekutimit të vendimit të dënimit me burgim, duke e vënë në provë të pandehurin për një afat prej 2  vite e 8 muaj me kusht që brenda kësaj periudhe të mos kryejë vepër tjetër penale dhe të mbajë kontakte të rregullta me zyrën e Shërbimit të Provës së vendbanimit të tij;

Deklarimin fajtor të të pandehurit A. Sh. për kryerjen e veprës penale të “Mbajtja pa leje dhe prodhimi i armëve, armëve shpërthyese dhe i municionit” dhe dënimin e tij me 6 muaj burgim.

Deklarimin fajtor të të pandehurit A. Sh. për kryerjen e veprës penale të “Tregimi i sekretit shtetëror nga personi që i është besuar”  dhe dënimin e tij me 2 vite burgim; Në zbatim të nenit 406 pika 1, uljen e dënimit me 1/3, dhe dënimit e të pandehurit përfundimisht me 1 vit e 4 muaj burgim;

Në zbatim të nenit 59 të Kodit Penal, të urdhërohet pezullimi i ekzekutimit të vendimit të dënimit me burgim, duke e vënë në provë të pandehurin A.Sh për një afat 2 vite e 8 muaj me kusht që brenda kësaj periudhe të mos kryejë vepër tjetër pnale; dhe

Në zbatim të nenit 35 të Kodit Penal të pandehurin A.Sh., i hiqet e drejta të ushtrojë funksione publike për një periudhë prej 5 vitesh.

/a.f/r.e/

The post Ish-kreu i SHISH në Berat dhe djali i tij dënohen për tri vepra penale appeared first on Agjencia Telegrafike Shqiptare.

Prokuroria e Lartë Publike në Suboticë të Serbisë i ka pezulluar hetimet kundër ish-pjesëtarit të Njësisë Speciale të Policisë së Kosovës, Arbnor Spahiu, i cili është dyshuar për kryerjen e “vrasjes së rëndë” në fshatin Banjskë të Zveçanit, në veri të Kosovës.

Zyra e Prokurorit ka konfirmuar për Radion Evropa e Lirë se urdhri për pezullim të hetimeve është lëshuar më 21 nëntor, në mungesë të dëshmive.

Spahiu është arrestuar nga autoritetet serbe më 7 qershor në pikën kufitare mes Hungarisë dhe Serbisë, derisa ai dhe familja e tij kanë qenë duke u kthyer me autobus nga Austria në Kosovë.

Ai ka qëndruar më shumë se pesë muaj në qendër ndalimi në Serbi.

Avokati i tij Arianit Koci ka konfirmuar së voni për Radion Evropa e Lirë se ai është liruar më 21 nëntor dhe është kthyer në Kosovë.

“Spahiu është mbajtur pa nevojë kaq gjatë, sepse siç kam thënë në fillim, nuk ka dëshmi për një akuzë të tillë, sepse ai nuk ka qenë pjesë e Policisë së Kosovës atë kohë”, ka thënë avokati.

Serbia e ka akuzuar Spahiun për kryerjen e krimit në Banjskë, kur një grup i armatosur serbësh e ka sulmuar Policinë e Kosovës në shtatorin e vitit 2023, duke e vrarë policin kosovar, Afrim Bunjaku.

Policia ka konfirmuar se Spahiu nuk ka qenë pjesëtar i saj në atë kohë.

Millan Radoiçiq – nënkryetar i Listës Serbe në kohën e kryerjes së sulmit – e ka marrë përgjegjësinë për organizim dhe kryerjen e sulmit kundër Policisë së Kosovës në Banjskë.

Pasi është marrë në pyetje në Beograd në tetor të vitit 2023, Radoiçiq është liruar, por me një ndalesë për udhëtim, ndërsa kryeprokurori e ka bërë të ditur vendimin për të ngritur një aktakuzë në fund të vitit 2024.

Pothuajse një vit më vonë, Zyra e Prokurorit në Serbi nuk u është përgjigjur pyetjeve të Radios Evropa e Lirë se çfarë e ka bllokuar procesin.

Ndërkohë, gjyqi për tre prej 45 të pandehurve për rastin në Banjskë, po zhvillohet nga autoritetetet në Kosovë.

Ato kërkojnë vazhdimisht dorëzimin e Radoiçiqit për ta gjykuar për kryerjen e sulmit, të cilin Kosova e pati shpallur akt terrorist.

Sinjali – aty ku e vërteta flet para lajmit!

/GazetaSinjali/

The post Serbia pezullon hetimet kundër ish-policit kosovar Arbnor Spahiu appeared first on Sinjali.

Vitet e fundit, Shqipëria është tronditur nga disa ngjarje ku të mitur janë vrarë nga bashkëmoshatarët e tyre, pas konflikteve që shpesh nisnin si debate të vogla dhe përfundojnë në akte ekstreme. Fenomeni është shndërruar në një alarm kombëtar, ndërsa thika është bërë arma më e përhapur në duart e adoleshentëve. Më 12 dhjetor 2025, pranë shkollës […]

The post Krimet në shkolla/ Dështimi i sistemit arsimor dhe drejtësisë rrit numrin e vrasjeve te fëmijët appeared first on BoldNews.al.

U mbushën plotë 27 vite nga ngjarja tragjike që ndodhi më 14 dhjetor 1998, kur gjashtë të rinj serbë u vranë në një lokal të vogël në Pejë, i njohur si “Panda”, në një akt që u organizua dhe kurdis nga shteti serb për të hedhur fajin mbi shqiptarët. Ngjarja ka lënë pas një tragjedi të thellë për familjet e viktimave dhe ka shpërthyer tensione etnike në kohën e luftës.

Në skenarin e organizuar nga Serbia, u qëlluan për vdekje: Ivan Radeviq (25), Ivan Obradoviq (14), Vukota Gvozdenoviq (16), dhe Dragan Trifoviq (17). Dy të tjerë, Svetislav Ristiq (18) dhe Zoran Stanojeviq (17), u plagosën rëndë dhe më pas vdiqën në spital nga plagët e marra. Dy persona të panjohur, të armatosur dhe të maskuar, kishin hyrë në lokal dhe hapën zjarr ndaj të rinjve serbë, duke i lënë ata të vdekur ose të plagosur rëndë.

Menjëherë pas ngjarjes, autoritetet serbe e përdorën këtë incident për të akuzuar pesë të rinj shqiptarë nga Peja, të cilët, pa prova të mjaftueshme, u dënuan për veprën penale të “veprimtarisë armiqësore”. Ata u burgosën dhe vuajtën tortura të rënda në burgjet e Serbisë. Megjithatë, ata u liruan pas vetëm një muaji nga fillimi i dënimit, falë ndërhyrjes së Kryqit të Kuq dhe ndërkombëtarëve.

Kjo ngjarje është një kujtesë e dhimbshme e manipulimeve dhe padrejtësive që shqiptarët përjetuan gjatë periudhës së luftës, ku Serbia përdori çdo mundësi për të mbjellë urrejtje dhe për të krijuar konflikte mes grupeve etnike. Të rinjtë shqiptarë, të cilët u dënuan dhe torturuan pa faj, janë një shembull i vuajtjeve që shqiptarët e Kosovës përjetuan në periudhën e luftës dhe pasluftës.

Deklaratat e Presidentit të Serbisë, Aleksandar Vuçiq, të bëra disa vite më parë, kanë nxjerrë në pah një të vërtetë të hidhur që ka mbetur e shtypur për shumë vite. Vuçiq, në një intervistë për mediat ndërkombëtare, pati pranuar se krimi i njohur si “Masakra e Pandës”, i ndodhur më 14 dhjetor 1998 në Pejë, nuk ishte kryer nga shqiptarët, siç u pretendua për shumë vite nga shteti serb dhe mediat pro-qeveritare të Beogradit.

Përveç viktimave të këtij incidenti, ky rast ka lënë një pasqyrë të errët të sistemit të drejtësisë në Serbi dhe ka theksuar rëndësinë e drejtësisë dhe transparencës për të zbardhur të vërtetën e ngjarjeve historike.

Sinjali – aty ku e vërteta flet para lajmit!

/GazetaSinjali/

The post Misteri i errët i “Pandës” në Pejë – Krimi i inskenuar dhe fshehur nga Serbia appeared first on Sinjali.

 Ish-hulumtuesja në Tribunalin e Hagës, Nevenka Tromp, ka thënë se Gjykata Speciale nuk do duhej të ishte bërë kurrë realitet.

Tromp, theksoi se dëshmitë e dëshmitarëve mbrojtës pritet të kenë ndikim në shpalljen e aktgjykimit ndërsa ka komentuar edhe dy skenarët e mundshëm përfundimtar.

Ajo punoi nga 2000-ta e deri në vitin 2012-të, në ish-Tribunalin e Hagës.

Për 12 vjet, si hulumtuese brenda Zyrës së Prokurorit, pa nga afër rastet më të mëdha për krime lufte në ish-Jugosllavi.

Por, themelimi i një gjykatë tjetër që merret me krime lufte në Kosovë, e habiti.

Ajo deklaroi në një intervistë për Tëvë 1, se Specialja nuk ishte dashur kurrë të bëhej realitet.

“Gjykata Speciale nuk do të duhej kurrë të ishte bërë realitet. Ajo u krijua nën presion të madh politik, jo për shkak të rëndësisë së pretenduar të krimeve, por si një koncesion ndaj Serbisë nga komuniteti ndërkombëtar, kryesisht SHBA dhe BE, për ta mbajtur Serbinë të angazhuar në Dialogun e Brukselit. Kjo ishte pjesë e procesit më të gjerë të normalizimit të marrëdhënieve mes Serbisë dhe shtetit të ri të pavarur të Kosovës”, deklaroi Tromp.

Sipas Tromp, pavarësisht që Kosova e bëri këtë hap, pala serbe u tërhoq nga dialogu.

Ndërsa komentoi edhe dy skenarët e mundshëm në shpalljen e aktgjykimit kundër ish-krerëve të UÇK-së.

“Nëse Thaçi dhe tre të akuzuarit e tjerë përfundimisht shpallen të pafajshëm, këto përpjekje mund të shihen si një humbje e madhe kohe dhe burimesh. Për të arritur te ajo që mund të ketë qenë e dukshme që në fillim: se këta individë nuk duhej të ishin akuzuar fare. Nëse, përkundrazi, do të ketë dënim në ndonjë prej rasteve, atëherë do të hapej një debat krejt tjetër: mbi ligjshmërinë, legjitimitetin dhe natyrën e luftës çlirimtare të Kosovës. Si do të shkruhet historia e shtetit të Kosovës? Si do të dokumentohet, memorializohet dhe interpretohet roli i UÇK-së? Çfarë ndikimi mund të ketë kjo për integrimin e plotë ndërkombëtar të Kosovës dhe rrugëtimin e saj nga një shtet de facto në një shtet plotësisht i njohur, anëtar i OKB-së?”, u shpreh ajo.

Ajo  dëshmitë e dëshmitarëve mbrojtës, i cilësoi si të nivelit të lartë.

Sipas saj, dëshmitë e tyre gjykatësit do t’i marrin parasysh në shpalljen e aktgjykimit.

“Dëshmitë e tyre ngrenë një pyetje kyçe: si mund të kishin ndërhyrë ushtarakisht Shtetet e Bashkuara dhe vendet e NATO-s në mbrojtje të Kosovës, nëse UÇK do të ishte një organizatë terroriste? Dëshmitarët theksuan se UÇK ishte një lëvizje rezistence e vetë-organizuar, e ngjashme me formacionet e tjera çlirimtare si FARK-u, e cila reagoi ndaj agresionit të shtetit serb”.

Tromp ka thënë se i gjithë procesi gjyqësor, është shoqëruar me motive politike, vonesa procedurale dhe kosto të larta, duke ngritur shqetësime serioze për efikasitetin dhe drejtësinë e saj.

“Gjatë vizitës sime të fundit në Dhomat e Specializuara me studentë nga Amsterdami, na u informua se buxheti vjetor është rreth 100 milionë euro, kryesisht i paguar nga Komisioni Europian. Duke llogaritur nga themelimi i saj në 2015, kjo nënkupton se janë shpenzuar mbi 1 miliard euro për të hetuar dhe akuzuar vetëm gjashtë individë. Nëse nga këta gjashtë të akuzuar, të paktën tre përfundojnë të pafajshëm, ashtu siç është plotësisht e mundur, atëherë ky proces do të rezultojë një nga eksperimentet më të kushtueshme dhe më pak produktive gjyqësore në historinë moderne”.

Në fund, Tromp ka thënë se përveç një rasti, të gjithë akuzuarit nga ish-Tribunali i Hagës, e që ishin pjesë e UÇK-së, u liruan.

Ndërsa ky Tribunal sipas saj, UÇK-në nuk e kishte cilësuar kurrë si Ndërmarrje të Përbashkët Kriminale.

Prandaj thotë se do të ishte shqetësuese nëse pas kaq vitesh, Dhomat e Specializuara konkludon diçka të kundërt.

The post Ish-hulumtuesja e Hagës: Specialja nuk duhej të ishte bërë realitet appeared first on Sinjali.

Një numër i madh protestuesish, njëzëri, iu bashkuan protestës që u mbajt në Shkup kundër padrejtësive që po u bëhen krerëve të UÇK-së në Gjykatën Speciale.

Organizata e Veteranëve të Luftës së UÇK-së, e cila është më meritorja për ngritjen e zërit në raste të tilla, ka falënderuar pjesëmarrësit me një postim në faqen e saj zyrtare në Facebook.

Këta të fundit kanë shprehur mirënjohjen për pjesëmarrësit e protestës së sotme në Shkup.

“Shqiptarë, të gjithë ju që morët pjesë në protestën kundër padrejtësisë ndaj ish-krerëve të UÇK-së dhe luftës sonë të drejtë.
JU FALEMINDERIT!” thuhet në postim, transmeton Sinjali.

Sinjali – aty ku e vërteta flet para lajmit!

/GazetaSinjali/

The post Mijëra pjesëmarrës në protestën e sotme: OVL-UÇK-së me falënderim të posaçëm appeared first on Sinjali.