Pretendimi: Përafërsisht 85% e refugjatëve në botë janë myslimanë, por ata nuk kërkojnë azil në 56 vendet që janë myslimane

Verdikti: E paprovuar

—————————————————————-

Në rrjete sociale, përfshi ato shqipfolëse, po qarkullon pretendimi se rreth 85% e refugjatëve të botës janë myslimanë, por ata nuk kërkojnë azil në 56 vende myslimane.

Postimi i mësipërm nuk i referohet ndonjë burimi apo statistike ku është marrë kjo shifër.

Deri në fund të qershorit 2025, në botë kishte 42.5 milionë refugjatë dhe 8.4 milionë azilkërkues, sipas Komisionerit të Lartë të Kombeve të Bashkuara për Refugjatët (UNHCR). Për pretendimin se 85% e refugjatëve janë myslimanë, duhen të dhëna mbi përbërjen fetare të refugjatëve në botë.

UNHCR, agjencia e OKB për refugjatët dhe burim kryesor për statistikat e refugjatëve, krijoi Refugee Data Finder, i cili mbledh statistika mbi refugjatët. Megjithatë, ata nuk mbledhin të dhëna mbi përkatësitë fetare të refugjatëve.

UNHCR i merr të dhënat nga operacionet e saj dhe nga qeveritë, të cilat shpesh nuk mbledhin të dhëna mbi fenë e refugjatëve për të mbrojtur privatësinë. Përveç kësaj, meqenëse mbledhja e këtij lloji të dhënash është potencialisht e dëmshme, sistemi i regjistrimit i UNHCR i mbledh ato vetëm nëse janë të rëndësishme për të përcaktuar statusin e refugjatit të një personi.

Qendra Kërkimore Pew, që mbledh karakteristikat demografike dhe sociale të migrantëve, ka kryer një studim me të dhëna mbi përbërjen fetare të migrantëve në botë. Këtu shohim se 47% e të gjithë migrantëve janë të krishterë dhe 29% janë myslimanë, një shifër dukshëm më e ulët se 85%. 

Megjithatë, refugjatët janë një grup i ndryshëm nga migrantët. Ndërsa migrimi shpesh kuptohet si lëvizje vullnetare, refugjatët nuk mund të kthehen në shtëpi dhe duhet të mbrohen sipas ligjit ndërkombëtar. Nuk mundëm të gjenim studime të ngjashme për refugjatët.

Duke përdorur shumicën fetare të vendeve të origjinës së refugjatëve, mund të vlerësojmë vetëm nëse pretendimi është i mundshëm. Megjithatë, Janis Kreuder nga UNHCR paralajmëron se duhet të “konsiderojmë se jo të gjithë qytetarët e një vendi kanë të njëjtat gjasa të jenë bërë refugjatë. Shihni, për shembull, refugjatët Rohingya nga Myanmari, të cilët janë shumicë myslimanë, ndërsa Myanmari është një vend me shumicë budiste.”

Nga afërsisht 42.7 milionë refugjatë, 59% vijnë nga vetëm pesë vende. Pothuajse 7 nga 10 e të gjithë refugjatëve dhe personave që kanë nevojë për mbrojtje ndërkombëtare kanë origjinën nga Siria, Afganistani, Sudani i Jugut, Venezuela dhe Ukraina.

Raporti i UNHCR për Trendet Globale 2024 tregon se venezuelasit dhe ukrainasit, të dy vende me shumicë të krishterë, përbëjnë një pjesë të konsiderueshme të popullsisë së përgjithshme të refugjatëve. Vetëm refugjatët nga këto dy vende përbëjnë 26% të të gjithë refugjatëve të monitoruar nga UNHCR në fund të vitit 2024. Nëse shtojmë refugjatët nga Sudani i Jugut, gjithashtu një vend me shumicë katolike, përqindja rritet në 31%, gjë që e bën menjëherë të pavlefshme teorinë se 85% e refugjatëve në botë janë myslimanë.

Edgar Scrase i UNHCR shkruan se “duke pasur parasysh se vetëm ukrainasit dhe venezuelasit përbëjnë gati një të tretën e të gjithë refugjatëve, duke përfshirë edhe njerëz të tjerë që kanë nevojë për mbrojtje ndërkombëtare, përqindja e vërtetë e refugjatëve që janë myslimanë ka të ngjarë të jetë shumë më e ulët.”

Nga ana tjetër, midis vendeve nga të cilat vijnë shumica e refugjatëve, disa janë me shumicë myslimane, duke përfshirë Sirinë dhe Afganistanin.

Është e rëndësishme të theksohet se, sipas UNHCR, nuk ekzistojnë të dhëna gjithëpërfshirëse të nevojshme për të pohuar se 85% e të gjithë refugjatëve janë myslimanë.

Deri në qershor 2025 kishte 8.42 milionë azilkërkues. Një azilkërkues është një person që “kërkon mbrojtje ndërkombëtare nga rreziqet në vendin e tij ose të saj të origjinës, por kërkesa e të cilit për statusin e refugjatit nuk është përcaktuar ligjërisht.”

Postimi i mësipërm pretendon se refugjatët myslimanë nuk aplikojnë për azil në “56 shtete myslimane.” Meqenëse nuk ka shifra gjithëpërfshirëse për të gjithë refugjatët myslimanë, nuk mund të përcaktojmë saktësisht se ku ata kërkojnë azil. Përsëri, mund të bëjmë vetëm vlerësime bazuar në të dhënat e disponueshme.

Pretendimi ndoshta i referohet 57 anëtarëve të Organizatës së Bashkëpunimit Islamik (OIC). Organizata ka patur 56 anëtarë deri në rivendosjen e anëtarësimit të Sirisë në mars 2025. Ky grup përfshin si shtetet që e kanë shpallur Islamin fe zyrtare shtetërore si edhe vendet me shumicë myslimane.

Të dhënat e vitit 2024 nga UNHCR tregojnë se në 2024, Irani dhe Turqia, dy vende me shumicë myslimane, pritën 6.4 milionë refugjatë (respektivisht 3.5 milionë dhe 2.9 milionë), kryesisht nga Afganistani dhe Siria. Ndër vendet me më shumë refugjatë ishin dhe Kolumbia dhe Gjermania (me 2.8 dhe 2.7 milionë, respektivisht), dy vende me shumicë të krishtere. Më pas vinin Uganda, Pakistani dhe Çadi. Dy të fundit janë vende me shumicë myslimane.

Edgar Scrase pohon se të paktën shtatë nga vendet më të mëdha pritëse janë kryesisht myslimane (Bangladeshi, Irani, Libani, Jordania, Turqia, Çadi dhe Pakistani) dhe së bashku ato strehojnë afër 30% të të gjithë refugjatëve. Të gjitha këto vende janë pjesë e OIC.

Dhjetë vendet kryesore që strehuan refugjatë në vitin 2024

Është e rëndësishme të theksohet se nga të gjithë njerëzit që ikin nga konflikti dhe persekutimi, shumica e tyre qëndrojnë në vendet e tyre të origjinës. Kur shkojnë jashtë vendit, ata shkojnë kryesisht në vendet fqinje. Ashtu si në vitin e kaluar, deri në qershor 2025, 2 nga 3 refugjatë u strehuan në vendet fqinje.

Në shumë raste, vendet fqinje kanë përkatësi të ngjashme fetare. Për shembull, refugjatët nga Siria, një vend me shumicë myslimane, kanë shkuar kryesisht në Turqi, një vend tjetër me shumicë myslimane. E njëjta gjë vlen edhe për refugjatët afganë, që ikin kryesisht në Pakistan dhe Iran.

Kështu, refugjatët myslimanë aplikojnë për azil në vendet me shumicë myslimane, duke përfshirë ato që janë pjesë e OIC.

The post Myslimanët nuk përbëjnë 85% të refugjatëve në botë appeared first on Faktoje.al.

Në një intervistë për Evening Standard, Ora tregoi se prindërit e saj lanë gjithçka pas për të siguruar një të ardhme të sigurt në Mbretërinë e Bashkuar. “Kur prindërit e mi ikën nga Kosova për të shpëtuar nga përndjekja ndaj shqiptarëve, ata rindërtuan jetën nga e para. Nëna ime, që ishte psikiatre në Kosovë, duhej […]

The post Rita Ora rrëfen fëmijërinë e saj si refugjate nga Kosova appeared first on BoldNews.al.

GJENEVË, 8 nëntor /ATSH-DPA/ – Komisioneri i Lartë i OKB-së për Refugjatët, Filippo Grandi, po bën thirrje për zgjerimin e ndihmave humanitare në parlamentin gjerman, ndërsa Bundestagu po përgatitet të finalizojë buxhetin e vitit të ardhshëm.

“Të mbash buxhetin humanitar kaq të ulët është një gabim strategjik i madh”, tha ai në një intervistë.

Më 13 nëntor, komiteti i buxhetit i Bundestagut do të mbidhet për të finalizuar buxhetin e vitit 2026. Gjermania ka më shumë se gjysmën e ndihmës humanitare këtë vit krahasuar me 2024, duke e ulur nga 2,3 miliardë euro në 1,05 miliardë euro. Po i njëjti nivel parashikohet edhe për 2026.

“Nëse ndihmat humanitare po zvogëlohen, do të ketë përsëri një shtytje të njerëzve drejt Evropës”, tha Grandi, duke iu referuar valës së migrimit të viteve 2015-16, kur qindra mijëra refugjatë erdhën në Gjermani, përfshirë shumë nga Siria e shkatërruar nga lufta.

Grandi theksoi se mbështetja humanitare për refugjatët sirianë në vendet fqinje kishte pësuar ulje atëherë për shkak të kufizimeve buxhetore. Ky ishte një nga arsyet e migrimit masiv, argumentoi ai.

Ai vuri në dukje se një situatë e ngjashme po ndodh tani. Si shembull, ai tha se uljet drastike të fondeve nga Shtetet e Bashkuara, Gjermania, Britania, Franca dhe vende të tjera kanë shkurtuar ndihmën për njerëzit që ikin nga konflikti i përgjakshëm në Sudan drejt Çadit.

“E dini kush i kontrollon tashmë ato zona? Trafikantët”, tha Grandi, duke shtuar se ata u thonë njerëzve: “Shikoni, jeni në një situatë të dëshpëruar… Shkoni me ne drejt Libisë. Jepni pak para. Shkoni në Libin dhe nga aty ne do t’ju çojmë në Evropë”. /Ad.Ab./

The post GJENEVË – Grandi: Mungesa e ndihmave humanitare kërcënon rritjen e migracionit appeared first on Agjencia Telegrafike Shqiptare.

Giorgia Meloni në një fjalë të mbajtur në mbyllje të vitit 2024 theksoi se “qendrat në Shqipëri do të funksionojnë”.

Pavarësisht sigurisë së kryeministres italiane Meloni, kampi i refugjatëve në Gjadër, operativ tashmë prej dy vitesh, nuk duket se po funksionon.

Kampi, i cili mendohet se ka kushtuar rreth 100 milionë euro dhe parashikonte të priste rreth 3000 refugjatë në muaj, ka sot rreth 20 persona që presin të deportohen,

Por pse nuk i përmbushi Gjadri pritshmëritë e qeverisë italiane për të zgjidhur njëherë e mirë problemin e emigracionit të paligjshëm?

CitizensShpjegon se kundër kampit u angazhuan organizatat e shoqërisë civile, të cilat e cilësuan “eksperiment njerëzor”, si dhe sistemi gjyqësor në Romë, i cili vendosi disa herë kundër dërgimit të refugjatëve nga Italia në Gjadër dhe më pas u mbështet edhe nga Gjykata Evropiane e Drejtësisë.

Kjo e fundit u shpreh publikisht më 1 gusht 2025 se jo të gjitha vendet që qeveria italiane i konsideronte të sigurta si për shembull Bangladeshi, apo Egjipti, janë realisht të tilla në aspekte jetësore dhe se kthimi pas i refugjatëve që vijnë nga andej është i padrejtë.

Kjo solli që kampi të ndryshonte funksion.

Në fillim ishte menduar të priste çdo refugjat që ndalohej në detin Mesdhe me drejtim Evropën, por sot po përdoret për riatdhesimin e emigrantëve të paligjshëm të cilët ndodhen që qendrat migratore pritëse italiane.

Figura të ndryshme të opozitës italiane e kanë kontestuar marrëveshjen Rama-Meloni dhe e kanë vizituar nga afër kampin në Shqipëri. Ata e kanë quajtur Gjadrin një projekt të dështuar dhe propagandistik të kryeministres italiane Giorgia Meloni.

Ngjashëm edhe shoqëria civile është bërë bashkë për të kërkuar mbylljen e këtij kampi.

Ndryshe, Kryeministri Rama nuk e ka komentuar kurrë çështjen e Gjadrit, madje është shprehur se kampi nuk e shqetëson, pasi ndërtimi dhe menaxhimi i qendrave nuk i përket qeverisë shqiptare, pasi marrëveshja ia ka dhënë juridiksionin palës italiane.

Po për çfarë i shërbeu  Shqipërisë e gjitha kjo?

Gjadri na bëri të kuptojmë se jo gjithmonë mjafton “vëllazëria” midis qeverive të dy shteteve për të çuar përpara “projekte të suksesshme” në nivel politikash dhe të drejtash.

30 vite më parë, ashtu si refugjatët nga Bangladeshi, Egjipti dhe vende të tjera të Afrikës, shqiptarët niseshin si refugjatë drejt Italisë në kërkim të një jete më të sigurt dhe të ardhme më të mirë.

Kampi që u hap në Shqipëri rëndon në ndërgjegjen e shoqërisë sonë, për atë çka nuk do të donim t’u ndodhte njerëzve tanë, por ndërkohë lejuam t’u ndodhte të tjerëve në brigjet tona.

Pavarësisht investimit të majmë dhe tre mijë refugjatëve që parashikonte të priste çdo muaj, aktualisht Kampi i Gjadrit ka rreth 20 persona që presin të depërtohen. Dy vite nga nisja operimit, Citizens shpjegon se kampit jo vetëm ju ndryshua qëllimi fillestar, por shënjoi edhe një nga paktet më të sulmuara për shkelje të të drejtave të njeriut dhe politikave migratore.

The post A dështoi kampi Gjadrit? appeared first on Citizens.al.

Aktivistë shqiptarë dhe italianë protestuan në Tiranë, të shtunën, kundër marrëveshjes “Rama-Meloni”, e cila shënjoi dy vjetorin e saj.

Disa rrjete si “Mesdhe” dhe “Network Against Migration Detention” bashkëpunuan për një plan treditor të quajtur “Të shfuqizohen qendrat e paraburgimit për migrantët”.

Më 1 nëntor u mbaj një marshim nga qendra e Tiranës, në drejtim të Kryeministrisë dhe Ambasadës Italiane, për t’u përmbyllur jashtë qendrave të kampit në Gjadër, në Lezhë.

Të dielën, 2 nëntor, në ambientet e Universitetit të Drejtësisë, u mbajt një konferencë ku pati panele të ndryshme diskutimi mbi ëndrrën evropiane, kolonializmin, të drejtën e lëvizjes, etj.

“Marrëveshja ilegale, rezistenca globale!”

Me një banderolë të madhe, e cila shkruante “Meloni, Rama, Von Der Leyen, Trump, burgjet tuaja të imigrimit janë kriminale” aktivistët marshuan në rrugët e Tiranës, përpara nisjes në Lezhë. Ndërkohe që gjatë marshimit dëgjoheshin thirrjet “Marrëveshja ilegale-Rezistenca globale”.

Aktivisti Edison Lika, i cili ishte i pari që mbajti fjalën, tha se kryeminstri Edi Rama për të mbajtur pushtetin, është i gatshëm, të bëj pakt edhe me djallin dhe është i gatshëm të burgos jo vetëm emigrantët, por të bëj çfarëdolloj “pisllëku” tjetër të nevojshëm.

“Edi Rama e mirëmban pushtetin e tij përmes këtyre figurave; duke bërë marrëveshje ilegale me Melonin, gjë e cila u kalua në heshtje nga Bashkimi Evropian,” theksoj Lika.

Lika shtoj se për shumë vite Evropa ka qenë ëndrra e shqiptarëve dhe jo vetëm si vend që kishte liri ekonomike, që mund të lëvizje lirshëm, por më shumë si aspiratë demokratike.

“Evropa pa demokraci është një Evropë së cilës i ka ardh fundi,” përmbylli Lika.

Të njëjtën retorikë për “shuarjen” e Evropës demokratike mbajtën edhe aktivistë të tjerë. Kështu,  Detjon Begaj, aktivist i diasporës shqiptare në Itali tha se Shqipëria dhe Italia ndajnë të njëjtin vizion oligarkie dhe demokracie dhe kjo nuk është Evropa që ne ëndërruam.

“Giorgia Meloni tha se ky pakt do  të funksiononte, por në fakt nuk funksionoi, e vetmja gjë që funksionoi ishte dhunimi i të drejtave të njeriut” nënvizoi Begaj.

Aktivistët u ndalën edhe tek shpjegimi i narracioni të së djathtës ekstreme dhe jo vetëm, e cila për migrantët jep zgjidhjen “ti ndihmojmë në shtëpitë e tyre”.

“T’i ndihmojmë në shtëpinë e tyre. Dhe pastaj çfarë bëjnë? Giorgia Meloni dhe qeveria italiane, është e gjashta në botë për eksportimin e armëve” përmbylli aktivisti Damiano Borin.

“Kampe që s’po funksionojnë”

Kjo ishte hera e dytë që këto grupime aktivistësh protestojnë në Tiranë kundër marrëveshjes Rama-Meloni. Hera e parë që marshuan në rrugët e Tiranës ishte më 2 dhjetor 2024.

Më 6 nëntor 2023, qeveritë e dy vendeve nënshkruan marrëveshje për të ndaluar valën e refugjatëve. Marrëveshja e pa-konsultuar më parë u bë e njohur për publikun vetëm nga mediat.

Marrëveshja Rama-Meloni për emigrantët parashikonte që rreth 3,000 refugjatë të mbërrinin çdo muaj në kampet e Gjadrit.

Por shifra zyrtare e pakonfirmuar deri më tani e migrantëve që ndodhen aktualisht në Gjadër mendohet të jetë rreth 20 persona. Ajo që është e konfirmuar është se deri në 2 tetor zyrtarisht kanë qenë 17 persona.

I gjithë qëllimi madhor i  kampit, për të cilin ishte krijuar fillimisht, për të shërbyer si qendër depërtimesh për emigrantët e kapur në detin Mesdhe, ra poshtë për shkak të rezistencës dhe ndërhyrjes së Gjtykatës së Romës, e cila hodhi dyshimin mbi listën e vendeve të sigurta, të krijuar nga Italia.

Kjo bëri që Gjykata Evropiane e Drejtësisë të dilte me vendim zyrtar më 1 gusht 2025.

Sipas gjykatësve evropianë, çdo shtet anëtar ka të drejtë të hartojë një listë të vendeve të sigurta të origjinës, por kjo vendimmarrje nuk është absolute. Ajo duhet të mbështetet në të dhëna të qarta, të dokumentuara dhe të aksesueshme, dhe të jetë e kontrollueshme nga proceset gjyqësore.

Kështu kjo solli që disa vende që Italia i konsideronte të sigurta si Bangladeshi, Egjipti, etj. sipas ekspertëve të drejtësisë të kishin shumë aspekte politiko-sociale që mund ti shndërronte të pasigurta për shumë qytetarë, përmendim këtu pasiguria e anëtarëve të komuniteti LGBTQ+ etj.

Për këtë arsye Italia ndryshoi funksionin primar të kampit, duke e përdorur tashmë për riatdhesimin e migrantëve të paligjshëm që ndodhen aktualisht në CPR- të (qendër qëndrimi për riatdhesim) italiane.

Figura të ndryshme të opozitës italiane e kanë quajtur kampin një projekt të dështuar dhe propagandistik të kryeministres italiane Giorgia Meloni. Vetë ish-kryeministri i Italisë dhe senatori i Firences, Matteo Renzi, në një vizitë të tijën në Gjadër në Mars të 2025, tha se ishin rreth një miliard lekë të shkuara dëm.

The post Dy vjetori i marrëveshjes Rama-Meloni kujtohet me protesta appeared first on Citizens.al.

Policia e Gjirokastrës ka arrestuar dy të rinj nga Tirana, të cilët ndihmonin emigrantë nga Vendet e Treta, që të kalonin ilegalisht kufijtë, duke i transportuar me automjet, kundrejt pagesës. Në kuadër të operacionit të koduar “Attempt 5” janë vënë në pranga shtetasit Dori Kraja, 23 vjeç dhe Indrit Gjoni, 22 vjeç, të dy banues […]

The post EMRAT/ Po transportonin refugjatë nga Nepali, arrestohet në Gjirokastër dy rinj nga Tirana appeared first on BoldNews.al.

UASHINGTON, 30 tetor /ATSH-DPA/-  Administrata e presidentit të SHBA-së, Donald Trump ka planifikuar të pranojë shumë më pak refugjatë dhe t’u japë përparësi afrikano-jugorëve të bardhë, sipas një njoftimi të disponueshëm në Regjistrin Federal të SHBA-së.

Sipas planit parashikohet të pranohen maksimumi 7 500 persona që përballen me persekutim për shkak të origjinës, fesë ose bindjeve politike, nga 125 000 që ishin së fundmi, dhe që afrikano-jugorët e bardhë të kenë përparësi.

Favorizimi i afrikano-jugorëve – pasardhës të kolonëve holandezë – u justifikua me arsyetimin se ata dyshohet se ishin viktima të diskriminimit racist.

Trump ka shprehur shqetësim për një diskriminim të tillë të dyshuar.

Afrikanët udhëhoqën regjimin racist të aparteidit të Afrikës së Jugut, i cili diskriminoi rëndë shumicën e njerëzve me ngjyrë, deri në fillim të viteve 1990.

Gjatë mandatit të parë të Trump, ai gradualisht e uli kufirin për pranimin e refugjatëve në vetëm 15 000. Para presidencës së tij të parë, kufiri në vitin 2016 ishte 85 000.

Në vitin e kaluar fiskal, nën drejtimin e presidentit të atëhershëm demokrat Joe Biden, u pranuan deri në 125,000 njerëz.

Gjatë mandatit të Biden, statusi i refugjatit iu dha kryesisht njerëzve nga Afrika, Amerika Latine dhe Karaibet.

Në maj, Trump poshtëroi publikisht presidentin e Afrikës së Jugut, Cyril Ramaphosa gjatë një vizite në Shtëpinë e Bardhë.

Ai akuzoi të ftuarin e tij se Afrika e Jugut po kryente një “gjenocid” kundër fermerëve të bardhë duke treguar një video në një përpjekje për të mbështetur akuzat e tij për gjenocid.

Ekspertët kanë kundërshtuar portretizimin e Trimp për gjenocidin e supozuar.

Qeveria e Afrikës së Jugut i ka hedhur poshtë këto akuza. //a.i/

The post UASHINGTON – SHBA planifikon ulje të ndjeshme të pranimeve të refugjatëve appeared first on Agjencia Telegrafike Shqiptare.

Të paktën 50 persona kanë vdekur pasi një anije që transportonte 75 refugjatë sudanezë u përfshi nga flakët pranë bregdetit libian të dielën, sipas Organizatës Ndërkombëtare për Migracionin (IOM). Agjencia e Kombeve të Bashkuara për migracionin tha të martën se u ka ofruar mbështetje mjekësore 24 të mbijetuarve. “Nevojitet veprim urgjent për t’i dhënë fund […]

The post Anija me refugjatë përfshihet nga flakët pranë brigjeve të Libisë, 50 të vdekur appeared first on BoldNews.al.

SILICON VALLEY (SHBA), 10 shtator /ATSH/ – Silicon Valley, i njohur si një qendër globale për teknologjinë dhe inovacionin, po ndërhyn pas vrasjes së refugjates ukrainase, Iryna Zarutska, që tronditi vendin, sipas foxnews.com.

Eoghan McCabe, CEO dhe themelues i ”Intercom”, premtoi 500 000 dollarë për të porositur piktura murale të fytyrës së Zarutskas në qytetet kryesore të SHBA-së.

Por, veprimi i McCabes tërhoqi vëmendjen e sipërmarrësit miliarder të teknologjisë, Elon Musk, i cili u përgjigj me një ofertë për të kontribuar me milion dollarë.

Musk gjithashtu ka qenë i zëshëm në lidhje me rastin e Zarutskas, veçanërisht mbulimin mediatik të vrasjes dhe reagimin e publikut.

Një person që punonte me fushatën, i cili foli me ”Fox News Digital” në kushte anonimiteti, tha se ata aktualisht janë në bisedime me më shumë se 1 000 artistë në të gjithë vendin dhe po kërkojnë vendet e duhura për të pikturuar muralet.

Gjithashtu, ka fushata posterash në zhvillim e sipër, të cilat do të shfaqen në qytetet kryesore të SHBA-së.

Personi tha gjithashtu se McCabe u frymëzua nga dëshira për të mos e lënë Zarutskan të harrohet ose të injorohet nga mediat kryesore, pasi jeta e saj u mor në një mënyrë kaq brutale.

Personi përmendi gjithashtu një realizim në lidhje me dështimet e politikave të majta.

Veçanërisht, pas vrasjes së George Floyd në vitin 2020, murale dhe statuja në nder të tij u shfaqën në të gjitha qytetet e SHBA-së.

Videoja e kamerave të sigurisë e goditjes me thikë të Zarutskas është bërë virale, duke shkaktuar debat rreth mënyrës se si trajtohen kriminelët dhe siguria publike.

I dyshuari, Decarlos Brown Jr., kishte 14 arrestime të mëparshme kur dyshohet se e kishte vrarë me thikë Zarutskën në një tren.

Presidenti Donald Trump, i cili ka ndjekur një qasje të ashpër ndaj krimit në qytetet anembanë vendit, e dënoi vrasjen dhe tha se videoja ishte “e tmerrshme”.

Ai gjithashtu vuri në dyshim pse i dyshuari, të cilin e quajti një “të çmendur mendërisht”, u lejua të lirohej pavarësisht një precedenti të gjatë penal./  a.jor.

The post SHBA – Musk premton një milion dollarë për të pikturuar murale për refugjaten e vrarë ukrainase appeared first on Agjencia Telegrafike Shqiptare.

I përkulur në një trotuar afër një parkingu dhe duke tymosur vazhdimisht cigare, Majedeldin Abdulhai ka qenë duke mbledhur forcë për rundin e dytë të rrugëtimit që për pak e ka lënë të vdekur. Bëhet fjalë për gushtin e vitit 2015, periudhë kur mijëra njerëz kanë udhëtuar me javë prej Turqisë në drejtim të Ballkanit, […]

The post Refugjatët e vitit 2015: Nga rrugët e rrezikshme të Ballkanit deri te jeta e re në Evropë appeared first on BoldNews.al.

BERLIN, 25 gusht /ATSH-DPA/ – Dhjetë vjet pas deklaratës së saj legjendare ”ne do t’ia dalim”, lidhur me mundësinë e Gjermanisë për të pranuar qindra mijëra refugjatë, ish-kancelarja Angela Merkel beson se vendi ka bërë përparim të madh në integrimin e migrantëve.

”Është një proces. Por, deri tani kemi arritur shumë”, tha Merkel në një intervistë për transmetuesin publik ARD, për një dokumentar që do të transmetohet sot.

”Dhe ajo që ende mbetet për t’u bërë, duhet të vazhdojë të bëhet”, shtoi ajo.

Më 31 gusht 2015, Merkel përdori ato fjalë pasi u bë e ditur se rreth 800 000 refugjatë priteshin të vinin në Gjermani atë vit, ndërsa mijëra të tjerë ishin rrugës nga Hungaria.

Merkel tha se e dinte se kjo  nuk do të ishte e lehtë.

”Ishte e qartë për mua që kjo do të ishte diçka me të vërtetë sfiduese”, theksoi ajo.

Njëkohësisht, tha se shpesh habitej se sa herë i ktheheshin fjalët e saj si kritikë.

Ajo shpjegoi se thjesht donte të pranonte se, ndonëse Gjermania po përballej me një detyrë të madhe, shpresën e vendoste tek populli i saj.

Merkel nuk beson se Gjermania u mbingarkua nga vendimi i saj.

”Nuk mendoj kështu. Gjermania është një vend i fortë. Në përgjithësi, isha e bindur që Gjermania mund ta përballonte”, tha ajo.

Ish-kancelarja theksoi se alternativa do të kishte qenë të ndalohej hyrja e refugjatëve me forcë.

”Unë kurrë nuk do të kisha qenë e gatshme ta bëja këtë”, u shpreh Merkel.

Megjithatë, duke parë pas, ajo tha se ndonjëherë e ka qortuar veten që nuk kishte bërë më shumë për njerëzit në terren në vitet 2012-2013, kur lufta civile në Siri kishte nisur tashmë./   /Ad.Ab./

The post FOKUS – 10 vjet pas hapjes së kufijve, Merkel sheh përparim në çështjen e migracionit appeared first on Agjencia Telegrafike Shqiptare.

Janë vetëm 27 emigrantë që po mbahen aktualisht në Kampin e Gjadrit dhe që janë në pritje të riatdhesimit. Por siç raportojnë mediat italiane, e ardhmja e tyre është e paqartë. Shkak për këtë është bërë një vendim i Gjykatës së Romës, sipas së cilës kushtet për kujdesin shëndetësor të personave që mbahen në këtë […]

The post E paqartë e ardhmja e 27 emigrantëve të Gjadrit, kërkohet transferimi i tyre në Itali appeared first on BoldNews.al.

Një ngjarje tragjike është regjistruar në brigjet e provincës jugore të Jemenit, Abyan, ku është fundosur një anije me refugjatë, për shkak të motit të keq. Sipas raporteve të pa konfirmuara, në anije ndodheshin të paktën 154 persona, ku 54 refugjatë kanë humbur jetën dhe të paktën 100 të tjerë rezultojnë të zhdukur pas këtij […]

The post Tragjedi në brigjet e Jemenit/ Fundoset anija me refugjatë, dhjetëra viktima dhe të zhdukur appeared first on BoldNews.al.

Të paktën 18 refugjatë kanë humbur jetën dhe rreth 50 të tjerë konsiderohen të zhdukur, pasi një varkë u mbyt pranë brigjeve të Tobrukut gjatë fundjavës. Lajmi u bë i ditur nga Organizata Ndërkombëtare për Migracionin (IOM), e cila citon burime lokale për këtë ngjarje tragjike. Deri më tani, dhjetë persona janë shpëtuar nga autoritetet. […]

The post Pëmbytet varka me refugjatë në Detin Mesdhe, 18 të vdekur dhe dhjetëra të zhdukur appeared first on BoldNews.al.

Në një debat televiziv të zhvilluar mes gazetarit britanik Piers Morgan dhe influenceres amerikane Candace Owens, ka shpërthyer një përplasje për numrin e të rinjve shqiptarë që kërkojnë azil në Britaninë e Madhe. Morgan deklaroi se “1 në 3 refugjatë që mbërrijnë në Britani janë të rinj meshkuj nga Shqipëria”, duke ngritur pikëpyetje mbi politikat […]

The post “Një e treta e refugjatëve janë shqiptarë”/ Debat për emigrantët shqiptarë në Britani appeared first on BoldNews.al.

Sulmet izraelite gjatë natës së mbrëmshme dhe mëngjesit të së martës i kanë vrarë më shumë se 90 palestinezë në të gjithë Rripin e Gazës, përfshirë dhjetëra gra dhe fëmijë, thanë zyrtarët shëndetësorë. Një nga sulmet në kampin e refugjatëve Shati në veri vrau një anëtar 68-vjeçar të Hamasit që ishte pjesë e legjislaturës palestineze, […]

The post Sulmet izraelite në Gaza, zyrtarët shëndetësorë: Vriten 93 palestinezë përfshirë gra dhe fëmijë appeared first on BoldNews.al.

Ulet numri i azilkërkuesve në Shqipëri. Sipas të dhënave të Institutit të Statistikave (INSTAT) në vitin 2024, numri i kërkesave për azil në vendin tonë ka rënë me 157 aplikime më pak se sa vitin e kaluar. Konkretisht gjatë vitit 2024 ka pasur gjithsej 104 kërkesa për azil, ndërsa në vitin 2023 janë regjistruar 261 […]

The post Në Shqipëri s’duan të rrinë as refugjatët nga Siria e Afganistani, rënie drastike e aplikimeve për azil appeared first on BoldNews.al.

Në këtë periudhë vape, ku vala e të nxehtit vret shumë lajme, Edi Rama ka ditur të kapë titujt mediave vendase dhe atyre britanike, duke u përfshirë në një polemikë identitaro- humoristike me liderin e “Reform UK”. Replikat kundër Nigel Farage, që kërkon zbrazjen e burgjeve të vendit të tij nga “kriminelët shqiptarë”, të cilët i sheh si një të keqe për Britaninë, do duhej, parimisht, të duartokteshin.

Po ashtu edhe etiketimet për “vendin e erët” që ka fobi ndaj të huajve mund të qëndronin në këtë kontekst.

Përplasja Rama – Farage/ “The Telegraph”: Sa shqiptarë janë në burgjet britanike

Por ama, përpara se të bëjmë patriotin e fasadës ne duhet të ndalemi pak në sfondin e kësaj polemike dhe në bastin që vuri shefi i qeverisë për numrin e bashkëkombasve tanë që gjenden në qelitë e ishullit. Farage, duke iu referuar një të përditshmeje me reputacion të së djathtës, “The Telegraph”, pretendon se 1 në çdo 50 shqiptarë që gjendet në vendin e tij, ka përfunduar pas hekurave.

Rama, duke e tallur, duke botuar një foto të të dyve me rrobabanje të gjeneruar me IA, e ka sfiduar se do ta ftonte të pushonte në brigjet tona, nëse kjo shifër rezultonte e vërtetë. 

Sipas kryeministrit numri i bashkëkombasve tanë në Britani është tre fish më i lartë prandaj dhe numërohen më pak se 1/100 shqiptarë në burgjet e Anglisë dhe Uellsit.

Por, përtej faktit se kush ka të drejtë për numrat dhe përqindjet, pyetja që ngrihet është: a i intereson komunitetit shqiptar atje dhe imazhit tonë në përgjithësi, fokusimi i vëmendjes tek shqiptarët e burgosur?

Pavarësisht nëse Farage e ka të ekzagjeruar llogarinë dhe ajo e shefit të qeverisë mund të jetë më pranë së vërtetës, gjithçka që mbetet në mend nga tërë kjo polemikë, nuk është diskreditimi i gënjeshtrës së liderit të ekstrmit të djathtë, por asocimi i emigrantit shqiptar me burgaxhiun. Duke u ndërkallur në këtë debat, më shumë se të luajë patriotin, mburojë për çunat e Londrës, Rama i jep krahë stigmatizueve të tyre. Edhe më të fortë e bën këtë përshtypje fakti se ai është idhtar i një teorie që e predikon shpesh, asaj se shpifja, e keqja, e errëta, kërkojë shumë mund që të mposhten nga e vërteta dhe dirta. Pikërisht për këtë ai ka zgjedhur që në Shqipëri të mos i japë përgjigje pjesës më të madhe të akuzave kundër tij. Si një mjeshtër i komunikimit dhe i teknikave të manipulimit të opinionit, ai është i ndërgjegjshëm se imazhi negativ edhe kur mposhtet, gjithësesi e lë një njollë.

Atëherë, pse u përfshi në këtë debat kundër parimve të veta, të afishuara, i bindur se tezgjatja dhe mediatizimi i tij nuk do t’i bënte mirë  shqiptarëve të Britanisë? 

E vetmja përgjigje logjike për këtë është se duke u angazhuar në përplasje me ksenofobin Nigel Farage, atë nuk e shqetësonte as imazhi i emirantëve të atjeshëm, as roli prej Skënderbeu në mbrojtje të bashkëkombasve. Kjo polemikë Edi Ramës i shërben për tjetër gjë. Ai do të jëtë me çdo kusht favoriti i etablishmentit evropian, i elitave që duan të ruajnë status quo-në dhe që ende janë dominante në perëndim. Vetëm përmes tyre ai mund të sigurojë legjitilitetin e brendshëm dhe të vijojë mbyljen e syve ndaj regjimit autoratik që ka ngritur.

Natyrisht, për të garantuar përkëdheljen e këtij establishmenti nuk ka target më të mirë se goditja e Nigel Farge. Ish kryqëtari i Brexit, njeriu që prej më shmë se dy dekadash shndërroi në kauzë të të vetën daljen nga BE, duke denoncuar elitat polktike dhe emigracionin e pakontrolluar, ka qenë halë në sy për të gjithë ata që tenton të joshë Edi Rama.

Në këtë kuptim, ajo që ndodhi me ish frymëzuesin e Brexit-it, së fundi, është një deja vue e asaj që pamë me sharjet kurndër Trumpit në fushatën elektorale të 2016, kur ai u etiketua si “fatkeqësi për botën” dhe “turpi i njerëzimit”.

Ndonëse edhe atëherë deklaratat kundër kandidatit miliarder u bënë gjoja me preokupimin se fitorja e tij e mundshme do rrënonte marrëdhëniet e shqiptarëve me SHBA-në, gjithçka u ndërrmor në emër të Sorosit, klintonëve dhe elitave sunduee, në Francë, apo Gjermani.

Kampet me refugjatë/ A do t;u përgjunjet Rama edhe britanikëve?

Atëherë Rama nuk besonte se lideri i MAGA do e mundte Hillary Clintonin, ashtu si dhe sot nuk beson që shefi i “Reform UK”, ka shance të mbërrijë në 10, Downing Street.

Por, ama kur çudia e parë ndodhi, ai s’la akrobaci pa bërë për të rikuperuar gafën e dikurshme, duke shkuar deri tek falja e Sazanit. Tani duhen kryqëzuar gishtat për fatin e keq të Nigel Farage, për të mos hubur llokma të tjera Shqipërie. Ose për të mos pasur burgje të tjera si ato të Melonit, që, tani për tani, thuhet se britanikëve nuk do tu jepen kurrë.

©Lapsi.al

The post Basti me Nigel Farage si gafa me Trumpin appeared first on Lapsi.al.

Shqipëria mori vëmëndjen e titujve kryesorë të mediave britanike javës që kaloi; jo si një destinacion turistik i këshilluar për pushime, por për çështjen shqetësuese të refugjatëve të paligjshëm në Britani, një temë në të cilën vendi ynë konsiderohet ende opsion shkarkimi.

Hapësirën kryesore në media e vodhi replika me deputetin kontrovers të Reform UK, Nigel Farage i cili është aty sa herë flitet kundër shqiptarëve dhe Shqipërisë. Rama u përpoq ta zbusë retorikën e Farage të mbushur me fjalë si “kriminelë shqiptarë” dhe “të burgosur shqiptarë”, ndërsa e ftoi të vizitojë vendin tonë për të kaluar pushimet “me disa nga njerëzit më të ngrohtë që do të takojë ndonjëherë”.

 

https://t.co/5yfTLPfoAB

Ooopsss… Mr.@Nigel_Farage himself has just challenged me on the facts!

What an honor — for a “giant man,” as he described me (meaning, of course, from a “tiny country”) — to earn the attention of Britain’s unrivaled virtuoso of headline politics.

He…

— Edi Rama (@ediramaal) June 27, 2025

Sipas Ramës, nëse rezulton e pavërtetë se 1 në 50 shqiptarë në Britani është i burgosur, siç pretendon Farage, politikani pro-brexit është i ftuar t’i kalojë pushimet në Shqipëri. Kur The Telegraph publikoi sërish një llogaritje të shifrave me të cilin mbështeste Farage, Edi Rama kundërshtoi sërish duke thënë se në Britani jetojnë 100 mijë shqiptarë më shumë nga sa llogarit Home Secretary ndaj dhe shifrat e Farage ishin të pasakta.

Mesazhin e dytë, Rama e shoqëroi me një foto qesharake të prodhuar nga inteligjenca artificiale, ku kryeministri shqiptar dhe politikani britanik janë së bashku në plazh.

Akuzat e Farage për hipokrizi

Shpërthimi i Farage në studion televizive të GBNews iu drejtua direkt Edi Ramës dhe ishte me tone përbuzëse dhe ultimative: “A e di që 1 në 50 shqiptarë që jetojnë në Britani janë të burgosur? Ndaj trego pak vullnet të mirë dhe merri të gjithë që nesër, se ne nuk i duam”. VIDEO KETU

Si një politikan që ka marrë përsipër t’i japë zë frustrimit të anglezëve kundër të huajve që abuzojnë me ligjet në Angli, Farage ishte i drejtpërdrejtë. Më tej, ai e akuzoi kryeministrin shqiptar për një reagim hipokrit në raport me britanikët, të cilët kanë këmbëngulur prej vitesh në hapjen e burgjeve për refugjatët, njësoj siç bëri Meloni.

Madje, siç e shihni në foton më lart, standarti i dyfishtë i Ramës në raport me britanikët, e ka lënë Farage të pataksur.

“Si mund të na kritikojë ne, kur ai kaloi muaj të tërë duke negociuar me kryeministren e Italisë, Melonin?
Ai kishte rënë dakord të merrte një numër të madh emigrantësh të tyre përtej Mesdheut. Në fund nuk mori aq shumë, por ai i bëri ato negociata!” – dëgjohet të thotë Farage në studion e GBNews, i habitur nga standardi i dyfishtë i Ramës.

“Kjo është hipokrizi në një shkallë sipërore! Apo jo?” i drejtohet ai të ftuarve të tjerë.

“Por prit një sekondë – ai thotë se fakti që ne mendojmë të dërgojmë të paligjshmit diku tjetër do të thotë se ne jemi në një vend të errët, ndërkohë që ai vetë negocion për të marrë të njëjtët njerëz nga italianët” vazhdon Farage, me tone habitore.

Akuzat e Farage për hipokrizinë e Ramës nuk janë pa baza. Në fund të fundit, nëse ishte vetë Edi Rama që firmosi një protokoll me Xhorxhia Melonin për hapjen e burgjeve për refugjatët e Italisë, ai nuk ka pse të indinjohet nëse shtete të tjera ngulmojnë për një marrëveshje të ngjashme.

Ndaj reagimi i Ramës që e quan të papranueshme dhe qesharake kërkesën nga Keir Starmer, duket vërtet një hipokrizi.

Përgjia e ashpër e Ramës, Britania në “një vend të errët”

Akuzat për hipokrizi të Farage erdhën pas një prononcimi të vrazhdë, aspak diplomatik, me të cilin Edi Rama refuzoi publikisht, për të disatën herë kërkesën e britanikëve për të krijuar qendra për refugjatë në Shqipëri, sipas modelit të Italisë.

“Është një nga ato gjëra që dhjetë vite më parë thjesht nuk do të ishin të imagjinueshme… që Britania të kërkonte vende për të hedhur emigrantët,” tha Rama nga Tirana, kryeqyteti i Shqipërisë. “Fakti që sot jo vetëm që është e imagjinueshme, por po ndodh, nuk është për shkak se Keir Starmer apo [Rishi] Sunak po bëjnë diçka skandaloze; është për shkak të vendit tuaj që ndodhet në një vend shumë të errët.”

“Tetëdhjetë për qind e gjërave që thuhen, shkruhen, ose pranohen si pjesë normale e diskursit në Britaninë e sotme janë gjëra që [para Brexit-it] do të ishin krejtësisht të papranueshme, krejtësisht qesharake, krejtësisht të turpshme,” tha ai.

Përgjigjia e Ramës për Britaninë e Madhe është një JO e prerë të cilën kryeministrat britanikë në të shkuarën nuk kanë dashur ta dëgjojnë.

Deklaratat e Keir Starmer/ Imazhi i Shqipërisë si “kosh” refugjatësh

Britanikët: Rama turpëroi Keir Starmerin në Tiranë!

“Kam qenë i qartë për këtë që kur Boris Johnson më pyeti dhe kur Rishi më pyeti… Gjithmonë kam thënë jo.” është shprehur Rama, i cili nuk e fsheh irritimin, kur britanikët këmbëngulin njëri pas tjetrit për të njëjtën temë.

Starmer, Sunak, Johnson një kërkesë për Shqipërinë

Rreth një muaj më parë, në një nga vizitat e rralla për një kryeministër britanik në Shqipëri, Keir Starmer kaloi një moment të pakëndshëm gjatë konferencës me Edi Ramën.

Ndërsa kishte mohuar për gazetarët anglezë kërkesën për kampe refugjatësh drejtuar Shqipërisë dhe pasi e kishte anuluar publikisht idenë e Rishi Sunak, Edi Rama e nxorri zbuluar me një lëvizje fare pa takt, kur ia dha përgjigjen negative gjatë konferencës për mediat.

“Kam qenë shumë i qartë që nga dita e parë kur e nisëm këtë proces me Italinë, se ishte një marrëveshje e vetme, për shkak të marrëdhënies sonë të ngushtë dhe për shkak të situatës gjeografike që e bën të logjikshme” tha Rama.

Ai shtoi më pas “Na kanë pyetur disa vende nëse ishim të hapur për marrëveshje të tjera dhe ne u thamë ‘jo’, sepse jemi besnikë ndaj martesës me Italinë – dhe pjesa tjetër është vetëm dashuri.” u shpreh Rama.

Me këto fjalë, Rama e vendosi Starmer përballë një fushate anti-qeveritare nga mediat britanike, të cilat e quajtën vizitën në Shqipëri një turp për kryeministrin e tyre.

Me të njëjtën ëndje e ka parë Edi Ramën edhe Rishi Sunak, aq më tepër kur u njoftua se Xhorxhia Meloni kishte gjetur mënyrën për ta bindur kryeministrin e Shqipërisë t’i japë dritën jeshile për një burg gjigand për refugjatët e Italisë në veri të Shqipërisë.

Fill pas firmosjes së paktit me Melonin, në Romë u organizua një drekë pune për të tre. As Rishi Sunak nuk e bindi dot Ramën, ndërsa gazetarët nxituan në Gjadër dhe titujt kryesorë ngrinin pyetjen retorike: Kujt i duhet Ruanda kur kemi Shqipërinë?

Me Boris Johnson, Rama ka treguar se e kishte më të thjeshtë t’i thoshte JO, pasi propozimi iu bë përmes telefonit. Gjatë një interviste për Financial Times, Rama rrëfeu se “Boris Johnson më telefonoi dhe më tha, ju komplimentoj për udhëheqjen tuaj, le të bëjmë diçka së bashku. Le të kemi një marrëveshje që Britania të sjellë në Shqipëri emigrantët e paligjshëm për t’i mbajtur atje, për t’i përpunuar. Unë thashë, më falni, kjo nuk është e mundur” citon Financial Times.

Ndryshe nga marrëveshja italiane, e cila është për strehimin deri në 3,000 njerëzve në të njëjtën kohë, oferta e Mbretërisë së Bashkuar nuk ishte “një numër fiks”.

“Ishte për të gjithë ata që vijnë në Britani.  .  .  si një tranzit. Unë thashë se nuk ka asnjë mënyrë. Pastaj, kishim të tjera që nuk do t’i përmend. Ndër vendet më të pasura në Evropë” ka treguar Rama në prononcimin për FT.

Shpërthimi i pazakontë i Ramës ndaj britanikëve

Duket sikur me mesazhet e çlirëta në X me Nigel Farage, Rama po tenton ta zbusë disi vrazhdësinë me të cilën ka refuzuar propozimet e britanikëve për kampe refugjatësh.

Këto refuzime bëhen akoma më të hidhura nëse iu shtohet turpërimi publik i Keir Starmerit në Tiranë gjatë muajit maj, shoqëruar nga prononcimi tek The Guardian disa ditë më parë, kur Rama e përshkruan Britaninë e Madhe si një shtet që po qëndron në një “vend të errët”.

Ky vend i errët tingëllon çuditshëm, për më tepër kur i referohet një prej vendeve më të fuqishme të NATO-s dhe një prej aleatëve tradicionalë të Shqipërisë.

Shqipëria si “modeli Ruanda”, Rama si Pol Kagame

Në këto kushte, kur palët po e tendosin marrëdhënien mes tyre, nuk duhet lënë jashtë vëmëndjes se ambasadorët britanikë sa herë dalin në mediat shqiptare përmendin një listë me politikanë non-grata, që thonë se ekziston, por që nuk del asnjëherë./Lapsi.al

The post Kampet me refugjatë/ A do t’u përgjunjet Rama edhe britanikëve? appeared first on Lapsi.al.

Në ditën botërore të refugjatëve, ambasadori i BE-së në Tiranë, Silvio Gonzato, vlerësoi rolin e Shqipërisë ndër vite në ndihmën e dhënë për menaxhimin e flukseve, duke marrë shembujt strehimin e hebrenjve, shqiptarëve të Kosovës dhe afganëve pak vite më parë. Ministri i Brendshëm, Ervin Hoxha nëpërmjet një statusi në rrjetet sociale thekson se refugjatët dhe kërkuesit e azilit të trajtohen me…

Source