Zëvendëspresidenti i SHBA-së, JD Vance, ka deklaruar se Grenlanda është “kritike” për mbrojtjen e Shteteve të Bashkuara dhe të botës nga sulme të mundshme raketore ruse ose kineze, duke akuzuar Europën dhe Danimarkën se “nuk kanë bërë një punë të mirë” në sigurimin e territorit.

Në një intervistë për Fox News, Vance tha se Danimarka dhe aleatët europianë jo vetëm që kanë investuar në mënyrë të pamjaftueshme në mbrojtjen e Groenlandës, por edhe kanë dështuar të angazhohen seriozisht me argumentet e presidentit Donald Trump mbi këtë çështje.

Sipas Shtëpisë së Bardhë, zyrtarë amerikanë po diskutojnë “aktivisht” një ofertë të mundshme për blerjen e Grenlandës – një territor gjysmë-autonom nën sovranitetin danez. Deklarata vjen vetëm një ditë pasi u sugjerua se përdorimi i forcës ushtarake për aneksimin e ishullit nuk përjashtohet si opsion.

Danimarka, aleate e SHBA-së në kuadër të NATO-s, ka paralajmëruar se një veprim i tillë do të nënkuptonte fundin e aleancës. Si Danimarka, ashtu edhe autoritetet e Grenlandës kanë theksuar vazhdimisht se ishulli nuk është në shitje.

Edhe pse është territori më pak i populluar në botë, pozicioni gjeografik i Grenlandës – mes Amerikës së Veriut dhe Arktikut – e bën atë kyç për sistemet e paralajmërimit të hershëm në rast sulmesh raketore, si dhe për monitorimin e lëvizjeve detare në rajon.

Baza Hapësinore Pituffik, e njohur më parë si Baza Ajrore Thule, është operuar nga SHBA që nga Lufta e Dytë Botërore. Vitet e fundit është rritur edhe interesi për burimet natyrore të Grenlandës, përfshirë mineralet e rralla, uraniumin dhe hekurin, të cilat po bëhen më të aksesueshme për shkak të shkrirjes së akullit nga ndryshimet klimatike. Shkencëtarët besojnë se zona mund të ketë edhe rezerva të konsiderueshme nafte dhe gazi.

“Shumë njerëz nuk e kuptojnë se e gjithë infrastruktura e mbrojtjes raketore varet pjesërisht nga Grenlanda,” tha Vance. “Nëse, Zoti mos e dhashtë, Rusia apo Kina do të lëshonin një raketë bërthamore drejt kontinentit tonë apo Europës, Grenlanda është një pjesë kyçe e asaj mbrojtjeje.”

Ai shtoi se përgjigjja ndaj pyetjes nëse Europa dhe Danimarka kanë bërë mjaftueshëm për të siguruar ishullin është “qartazi jo”.

Tensionet mbi të ardhmen e Groenlandës u rritën pas përdorimit të forcës ushtarake nga Trump kundër Venezuelës për të rrëzuar presidentin Nicolás Maduro. Kujtohet se Trump kishte propozuar blerjen e Grenlandës edhe në vitin 2019, gjatë mandatit të tij të parë, por ishte refuzuar.

Sekretari amerikan i Shtetit, Marco Rubio, njoftoi se javën e ardhshme do të zhvillojë bisedime me Danimarkën. Ndërkohë, liderët europianë dolën me një deklaratë të përbashkët në mbështetje të Kopenhagës. “Grenlanda i përket popullit të saj dhe vetëm Danimarka dhe Grenlanda mund të vendosin për marrëdhëniet e tyre,” thuhet në deklaratën e nënshkruar nga Franca, Britania e Madhe, Gjermania, Italia, Polonia, Spanja dhe Danimarka. Ata theksuan se siguria në Arktik duhet të garantohet “kolektivisht” nga aleatët e NATO-s dhe në përputhje me parimet e Kartës së OKB-së, përfshirë sovranitetin dhe integritetin territorial./abcnews.al

Ministrja e Punëve të Brendshme, Albana Koçiu së bashku me Prefektin, Kryetaren e Bashkisë së Durrësit, si dhe drejtues e përfaqësues të emergjencave civile, Policisë së Shtetit e Forcave të Armatosura ishin në Njësinë Sukth i ri, një zonë e prekur orët e fundit nga përmbyjtja. Ministrja Koçiu u bëri thirrje banorëve të prekur, t’u përgjigjen autoriteteve për evakuim.

“Jemi në Vadardh në Njësinë Administrative Sukth, ku aktualisht ka filluar plani i evakuimit. Të gjitha ekipet e Emergjencave Civile, Forcave të Armatosura janë në terren për të evokuar banorët, të cilët janë prekur nga përmbyjtja.

Parashikohen diku tek 500 qytetarë, të cilët do të evakuohen me mjetet e forcave të aramatosura.

Situata paraqitet e vështirë. Aktualisht janë të dislokuara 6 mjete të forcave të armatosura, mbi 200 punonjës në terren në zonën e Vadardhës dhe po punojmë që të mos kemi asnjë incident.

Edhe një thirrje për të gjithë qytetarët, të presin në banesat e tyre, të mos bëjnë lëvizje të pakontrolluara dhe të mos dalin apo të lënë banesën vetë. Në çdo derë do të trokasin stafet e emergjencave civile dhe të Forcave të Armatosura, të cilët do t’i udhëzojnë dhe do t’i transportojnë në zona të sigurta. Ju lutem është shumë e rëndësishme në këto momente të ruajmë qetësinë!” tha ajo.

Në prononcimin për mediat pas përfundimit të mbledhjes urgjente të Shtabit të Emergjencave Civile në Prefekturën e Fierit, drejtuesja politike e qarkut Belinda Balluku, ka pohuar se janë diskutuar me hollësi të gjitha detajet për planin e masave pêr situatën e krijuar nga reshjet veçanërisht në zonat problematike ku ka toka bujqësore, dhe banesa nën ujë.

Më problematike në qark paraqitet situata në bashkinë e Fierit, ndërkohë që edhe në Mallakastër është bërë evakuimi i një familjeje.

Ministrja Balluku tha se në qarkun e Fierit nuk ka dëme në bagëti, pasi janë evakuuar në kohë rekord.

“Gjatë mbledhjes së Këshillit të Emergjencave për qarkun Fier diskutuam për të gjithë situatën. Gjendja emergjente e Fierit është ajo që na shqetëson më shumë pasi Bashkitë e tjera nuk e kanë një problematikë të tillë. Kemi një situatë në Mallakastër në Pocem, vetë kreu i Bashkisë ka ndërhyrë atje për evakuimin e një familje. Kemi diskutuar për të gjithë planin e masave.

Ka një përmirësim të motit në këto momente, përvec erës që do të arrijë kulmin në ultësirën perëndimore me 25 m/s, sa i përket prurjeve të Vjosës ne nuk shohim vetëm reshjet, pasi ka të bëjë edhe me prurjet që vijnë nga zona të tjera por edhe nga Greqia, do monitorojmë në orët e ardhshme” tha ajo ndërsa shtoi se pasi të kalojnë orët kritike do të nise faza e paspërmbytjes që ka të bëjë me dëmshpërblimin e dëmeve proces që do të kryhet nga bashkitë në bazë të akteve ligjore për fatkeqësitë natyrore./abcnews.al

‘Poema e mungesës’ është libri i poetes laureate, Rita Petro, e cila vjen në një rrëfim këtë herë në Pas Mesnatë, në ABC News.

“Poezia ka shumë natë, sepse natën e ndjen vetminë shumë më tepër se ditën. Ndjeshmëritë nisin bëhen më të qarta. Kam patur një clirim shumë të madh kur e kam shkruar poemën dhe m’u duk sikur kisha një detyrë të brendshme, sikur më nxiste dikush. Në fakt, janë 5 vite që e kam mbajtur këtë poemë, doja t’i ikja emocioneve të mëdha, të kaloja te dicka që vetmia është pjesë e natyrë së njeriut.” shprehet ajo.

Poetja rrëfen edhe histori reale që kanë frymëzuar krijimtarinë e saj, si ajo e Latifit, i cili “gjeti dashurinë e vërtetë te një grua e martuar”. Një përvojë që Petro e lidh edhe me jetën e saj personale:
“Edhe unë kam dashuruar një burrë të martuar. Nuk e quaj mëkat.”

Sipas saj, mekati dhe virtyti nuk janë kundërvënie absolute, ndërsa poezia shërben si katarsis për t’u çliruar nga gjykimet morale.

“Mekati nuk është më i mirë se virtyti. Vargjet janë mënyra ime për t’u liruar.”

Dashuria, për Ritën, nuk është as kompromis dhe as gjysmë ndjenje: “Dashuria ime nuk ma mbylli kurrë derën. Ajo nuk mund të jetë gjysmë – duhet të bashkojë shpirtin dhe trupin.” E ndërgjegjshme për jehonën që krijon, Petro e pranon pa hezitim se çmimet e saj bëjnë zhurmë, por misioni i saj mbetet i pandryshuar: “Të shenjtëroj poezinë në këto dy vite.”

Një zë rebel, i lirë dhe i pakompromis, Rita Petro vazhdon të sfidojë normat, duke e kthyer jetën dhe dashurinë në poezi të gjallë./abcnews.al

Fatin nuk e patën njësoj, veçse paraqitjen po. Luka Donçiç dhe Shej Gilgës-Aleksandër dhanë një tjetër mbrëmje spektakolare në basketbollin amerikan, me pikë të shumta dhe gjithçka tjetër.

Gjigandi nga Sllovenia I bëri të gjitha gabimet e mundshme, dhe e ndjeu mungesën e Lebron Xhejmsit, që pushoi këtë herë, ndonëse ishte më I miri në parket.

Luka shënoi 38 pikë, kapi 10 topa në tabela dhe shërbeu 10 asistë, por Los Anxhelos Lejkërsat u mundën në Arenën e San Antonios me shifrat 107-91.

Spërsat ia dolën duke përfituar nga gabimet e shumta të sllovenit në gjuajtjet për tri pikë, duke realizuar dy nga 10, ndërsa Spërsat u mbështetën tek 27 pikët e Keldon Xhonsonit dhe 16 pikëve e 14 topave në tabela të yllit kryesor, Viktor Uembanijama.

Një humbje që ndalon hovin e kalifornianëve, që mbetën pak më prapa nga Oklahoma e San Antonio, dhe u mbërritën nga Denveri.

Shej Gilgës Aleksandër gjithashtu bëri shumë gabime, duke I ngjarë disi rivalit, por kampionët e NBA-së, fituan.

Lideri I tyre realizoi plot 46 pikë, shënuesi më I mirë I mbrëmjes së fundit, dhe shtoi 6 topa në tabela e 6 asistë.

Shej gaboi nga distanca, por gjithçka tjetër e bëri mirë.

Oklahoma kryeson Konferencën Perëndimore me 31 fitore e 7 humbje, ndjekur nga San Antonio, Denveri dhe Lejkërsat./abcnews.al

Ndoshta mund të jetë më në fund një vit i mbarë. Interi ka bërë kaq shumë gabime gjatë gjithë kësaj kohe, veçse momenti jep shumë shpresë për tifozët. Skuadra lombarde triumfoi 2-0 në stadiumin “Tardini” të Parmës, dhe ndoshta nisi një minishkëputje në Serinë A.

Në pritje të Milanit, dhe pas hapit të gabuar të Napolit, zikaltërit bënë detyrën, e madje e bënë shumë mirë. Jo vetëm me golat e shënuar nga Federiko Dimarko dhe Markus Turam, por edhe me lojë.

Emilianët, edhe pse luajtën në shtëpi, nuk arritën të bënin asgjë. Vetëm 3 gjuajtje gjithsej ndaj 21 të miqve, dhe pa e gjetur kurrë kuadratin, ndërsa Interi e bombardoi portierin Korvi me plot 9 goditje të sakta.

Merita e trajnerit Kristian Kivu duket e madhe për ekuilibrin që I ka dhënë ekipit, për mentalitetin dhe për lojën sulmuese. Jo më kot lombardët kanë shënuar 40 gola, shumë më tepër se kushdo në Serinë A këtë sezon.

“La Gazeta delo Sport” shkruan për përpjekjen për shkëputje të Interit, dhe për Napolin që u ndal: Zikaltërit krijojnë diferencë! “Sonte pritet Milani, na kujton “Il Korriere delo Sport”, që shton se Kivo shkallmon Parmën dhe se Interi ka diçka më tepër!”

Interistët padyshim u ndihmuan nga gabimi i rëndë i Napolit. Kampionët në fuqi madje ishin në prag të humbjes në stadiumin “Maradona” ndaj Veronës, edhe pse reaguan me karakter.

Freze dhe Orban realizuan dy herë për vizitorët, përpara sesa Skot Mektominai dhe Di Lorenco të shpëtonin të paktën pikë./abcnews.al

Kur firmosi kontratën ishte thjesht një ish-lojtar i shquar, dhe një brazilian.

Silvinjo, apo sipas emrit të plotë Silvio Mendesh Kampos Zhunior, u prezantua si trajneri i ri i kombëtares në janar 2023 nga presidenti I Federatës Shqiptare të Futbollit, Armand Duka, i cili i dha një diçiturë të veçantë.

Ky ka luajtur me Zotin, tha atëherë Duka, pra me Mesin.

Braziliani, që nuk ishte aq I ri kur erdhi në Tiranë rreth 48 vjeç, shpejt tregoi se vlente shumë më tepër sesa thjesht meqë kishte luajtur me Perëndinë.

Edhe pse ndër trajnerët më të kritikuar kuqezinj, shpesh i emocionuar, skematik, me të njëjtat fjalë në konferenca dhe me njollën e teknikut që e përgatit shumë mirë, por nuk di ta lexojë ndeshjen, ai sot është ndoshta më I suksesshi që është ulur në stolin e Shqipërisë.

Ashtu si De Biazi, arriti finalet e Kampionatit Europian në 2024, ndërsa një hap më tej se italiani i shquar, u kualifikua për në plej ofin e Kupës së Botës.

Pas këtij triumfi të madh, sigluar në nëntor, iu garantua rinovimi i kontratës, edhe pse vetëm për 6 muaj.

Çfarë ndodhi?

Vështirë të ta thotë kush sepse dyert dhe gojët në Federatë janë mbyllur si kasaforta.

Ndoshta, vetë trajneri ka dashur të jetë i lirë në verë për ndonjë aventurë më të mirë, ose ndoshta Federata dhe presidenti I saj, Duka, kanë dashur të presin për të parë nëse përfaqësuesja do të arrijë të shkojë në Botëror verën e ardhshme.

Gjithsesi, Silvinjo ka hyrë në histori.

U bë trajneri i parë që arriti pesë fitore radhazi me Shqipërinë, që nga ajo në Gjibraltar 1-0, për të vazhduar me Letoninë, Serbinë, Jordaninë dhe Andorrën, kur edhe u kualifikuam për në plej of.

Po ashtu, është i pari teknik me 8 ndeshje radhazi pa humbje, gjë që e ka bërë dy herë, nga qershori deri në nëntor 2023, dhe tani, nga marsi deri në nëntor 2025.

I njohur si njeri i profesionit shumë konservator, që bën minimumin e ndryshimeve në formacion, apo edhe në zgjedhjet e tij në grumbullim, deri tani gjithçka I ka shkuar mbarë.

Mund të themi se në rreth 3 vjet në stol, ne kemi parë dy Silvinjo, atë të eliminatoreve të Kampionarit Europian, dhe pastaj të fazës finale në Gjermani në 2024, kur kuqezinjtë ishin më sulmues me 23 gola në 16 ndeshje, dhe më mbrojtës në eliminatoret e Botërorit, kur në gjashtë ndeshje duke përjashtuar Anglinë, pësoi vetëm një gol, atë në Letoni.

Bilanci I tij është I shkëlqyer për një ekip si Shqipëria: 32 ndeshje, 15 fitore, 7 barazime, 10 humbje dhe golat 38-27. De Biazi ka më shumë ndeshje, 52, por bilancin lehtësisht negativ.

Silvinjo ka nënshkruar rinovimin dhe kjo mund të cilësohet firmë për historinë, pra për kualifikimin për herë të parë në finalet e një Kupe të Botës.

Nuk mund të jetë çdo javë në maksimum. Berat Gjimshiti nuk mundi të përsëriste këtë mesjavë mrekullinë që realizoi në sfidën ndaj Romës, por gjithsesi nuk u turpërua.

Kapiteni i Kombëtares shqiptare luftoi fort në ndeshjen që Atalanta e fitoi bindshëm në kampionatin italian në fushën e Bolonjës, e pavarësisht ndonjë gabimi, u vlerësua mjaft mirë.

Mbrojtësi kuqezi e pati të vështirë ndaj lojtarëve ofensivë vendas, ndonjëherë në pjesën e parë e në të dytën, dhe I qëlloi të bënte ndonjë gabim kur pati topin në këmbë, por sidoqoftë, u mbajt fort deri në fund.

Mediat sportive në Itali i dhanë atë që i takonte. “La Gazeta delo Sport” theksoi se përveç sulmuesit Krstoviç që shënoi dy gola, dhe portierit Karnezeki, u dallua edhe I gjithë reparti I mbrojtjes, pra edhe shqiptari.

“Skaj Sport” i dha një notë që duhet cilësuar shumë e mirë, 6.5, duke konfirmuar atë që komentoi “La Gazeta”.

Agjencia e statistikave “Sofaskor” i jep një notë tepër të lartë, 7.5, duke e nxjerrë më të mirin e mbrojtjes, dhe më të mirin në fushë pas Krstoviçit e Bernaskonit.

Për “Eurosportin” është disi më pak i mirë me vlerësimin 6, ndonëse kjo nuk është aspak për t’u hedhur poshtë.

Atalanta ia doli 2-0 në stadiumin “Dal Ara”, dhe u ngjit në kuotën e 28 pikëve. Zona Champions është ende 8 pikë larg, por siç thuhet “shpresa vdes e fundit”./abcnews.al

Po i afrohet mesatares tre gola për ndeshje.

Kjo Barcelona ngjan gjithnjë e më shumë me atë të Pep Guardiolës apo edhe të Luis Enrikes që jo vetëm fitonte, por edhe jepte spektakël, dhe një tjetër shfaqje u dha këtë mesjavë.

Katalanasit e kthyen në festë gjysmëfinalen e Superkupës së Spanjës, të luajtur në stadiumin e Mbretit Abdullah në Xheda të Arabisë Saudite, duke shkatërruar Atletikun e Bilbaos.

Përfundimi ishte 5-0, me sulmuesit që shkëlqyen, pavarësisht se ati që cilësohet si talenti më I madh I botës, Lamin Jamal, luajti vetëm 20’.

Ferran Torres, Fermin Lopez realizuan nga një gol, dhe kapiteni Rafinja shënoi plot dy herë, dhe krijoi një rrjetë tjetër.

Mes heronjve edhe 20-vjeçari Runi Bardji, me origjinë kuvajtiane dhe nënshtetësi suedeze.

“Ekzibicion”, është fjala në titull për “El Mundo Deportivon”, nokaut ndaj Atletikut dhe nivel imponues para finales së të dielës.

“Manita dhe finale, – shkruan e përditshmja tjetër katalanase “Sport”, – shkatërrohet Atletiku, nuk pësohet gol dhe Lamin nuk ishte titullar!”

Në fushë nuk ishin as veterani Levandovski apo I dëmtuari Gavi, ndërsa mbrojtësit dikur të rëndësishëm, Ronald Arauho I është dhënë leje që të qetësohet.

Sidoqoftë, lojtarë si Pedri, Rafinja, De Jong, Kubarsi e të tjerët mjaftuan e tepruan.

Po Bilbao?
Baskët nuk është se nuk u përpoqën, por e patën thuajse të pamundur të preknin topin, pasi ekipi “blaugrana” e zotëroi sferën plot 80 për qind.

Atletik, pa Niko Uilliamsin, gjithsesi provoi shpesh të goditje portën kundërshtare, me 9 tenativa ndaj 14 të Barçës, nga të cilët 4 në kuadrat.

Të besuarit e trajnerit Flik janë tashmë në finalen e Superkupës së Spanjës, dhe sonte do të mësojnë kundërshtarin, pasi do të luhet derbi I Madridit, Atletik-Real.

Barcelona është kampione në fuqi e Spanjës, fituese e vjetshme e Superkupës, kryesuese e La Ligës, dhe zhgënjimi I vetëm, ndonëse ka ende shpresë, është në Champions./abcnews.al

Presidenti amerikan, Donald Trump, ka nënshkruar vendimin për tërheqjen e Shteteve të Bashkuara nga 66 organizata ndërkombëtare, që administrata i konsideroi si “joefektive dhe të dëmshme”.

Ne mesin e tyre janë Komisioni i Venecias i Këshillit të Evropës, Mekanizmi Ndërkombëtar për Tribunale Penale (pasardhësi i Tribunalit Penal Ndërkombëtar për ish-Jugosllavinë), UN Women, e Këshilli për Bashkëpunim Rajonal (RCC).

Në këtë të fundit, Kosova bën pjesë, së bashku me vendet e tjera të Ballkanit Perëndimor dhe kjo organizatë synon forcimin e bashkëpunimit politik, ekonomik dhe shoqëror në Ballkanin Perëndimor dhe Evropën Juglindore dhe synon afrimin e rajonit me Bashkimin Evropian.

Në Komisionin e Venecias – që është trup këshillues për çështje kushtetuese dhe jep rekomandime për parlamentet dhe qeveritë – SHBA-ja ishte vëzhguese e jo anëtare.

Sekretari amerikan i Shtetit, Marco Rubio, tha se këto organizata janë “antiamerikane ose të padobishme”. Po ashtu, SHBA-ja është tërhequr nga disa organizata të tjera të Kombeve të Bashkuara përfshirë nga Departamenti për Çështje Ekonomike dhe Sociale, Qendra Botërore e Tregtisë, Komisioni i Ligjit Ndërkombëtar, Zyra e Përfaqësuesit të Posaçëm të Sekretarit të Përgjithshëm për Fëmijë në Konflikte të Armatosura, Zyra e Përfaqësuesit të Posaçëm të Sekretarit të Përgjithshëm për Dhunën Seksuale në Konflikt, Fondi i OKB-së për Demokraci dhe një sërë organizatash dhe traktatesh ndërkombëtare.

“Nuk do të vazhdojmë të shpenzojmë burime, kapital diplomatik dhe peshën legjitimues të pjesëmarrjes sonë në institucione që janë të parëndësishme për interesat tona ose bien ndesh me to. Ne e refuzojmë inercinë dhe ideologjinë në favor të maturisë dhe qëllimit. Ne kërkojmë bashkëpunim aty ku ai u shërben njerëzve tanë dhe do të qëndrojmë të palëkundur aty ku nuk ndodh”, u tha në njoftimin e Shtëpisë së Bardhë.

Sekretari Rubio shtoi se me këtë tërheqje po materializohet premtimi kyç i presidentit Trump se do të “ndalojë subvencionimin e burokratëve globalistë që veprojnë kundër interesave tona. Administrata Trump do ta vendosë gjithmonë Amerikën dhe amerikanët në radhë të parë”.

SHBA-ja tha se po vazhdon rishikimi i organizatave të tjera ndërkombëtare./rel

Minneapolis është në gjendje të tensionuar këtë të enjte pas të shtënave fatale të një gruaje nga një oficer i Zbatimit të Imigracionit dhe Doganave.

Zyrtarët shtetërorë dhe lokalë kërkuan që ICE të largohej nga shteti pasi 37-vjeçarja Renee Nicole Macklin Good u qëllua në kokë. Por Sekretarja e Sigurisë Kombëtare Kristi Noem tha se agjentët nuk do të shkojnë askund.

Departamenti i Sigurisë Kombëtare ka vendosur më shumë se 2,000 oficerë në zonë në atë që e quan operacioni i tij më i madh i zbatimit të imigracionit ndonjëherë. Noem tha se më shumë se 1,500 persona janë arrestuar.

Vrasja e Macklin Good të mërkurën në mëngjes në një lagje banimi në jug të qendrës së qytetit u regjistrua në video nga dëshmitarët, dhe në mbrëmje qindra njerëz dolën në protestë për të mbajtur zi për të dhe për t’i kërkuar publikut t’i rezistojë zbatimit të imigracionit. Disa më pas kënduan ndërsa marshuan nëpër qytet, por nuk pati dhunë.

René Nicole MacLean Good, nënë 37-vjeçare e tre fëmijëve, wshtw gruaja që u qëllua për vdekje nga një agjent i Policisë së Emigracionit (ICE) të mërkurën në Mineapolis.

Sipas Associated Press, Good ishte shtetase amerikane, e lindur në Kolorado, dhe nuk rezulton të ketë pasur ndonjëherë akuza penale. Në llogaritë e saj në rrjetet sociale, MacLean Good e përshkruante veten si “poete, shkrimtare, bashkëshorte dhe nënë”. Në postimet e fundit, ajo shkruante se po “njihte Mineapolisin”, ndërsa në profilin e saj në Instagram kishte shtuar emoji-n e flamurit ylber. Fotografia e profilit të saj në Pinterest e tregonte duke buzëqeshur dhe duke mbajtur pranë faqes një fëmijë të vogël, ndërsa postimet e saj fokusoheshin kryesisht te temat e tatuazheve, stilimit të flokëve dhe dekorimit të shtëpisë.

Ish-bashkëshorti i saj, i cili kërkoi të mbetet anonim për arsye sigurie të fëmijëve, deklaroi se Good kishte sapo lënë djalin e tyre 6-vjeçar në shkollë të mërkurën dhe po kthehej në shtëpi bashkë me partnerin aktual. Gjatë rrugës, ata u përballën me një grup agjentësh të ICE në një rrugë të mbuluar me borë në Mineapolis, qytet ku çifti ishte zhvendosur vitin e kaluar nga Kansas City, Misuri.

Video të filmuara nga kalimtarë, të cilat po qarkullojnë gjerësisht në internet, tregojnë një agjent të ICE që i afrohet makinës së Good, i kërkon të hapë derën dhe kap dorezën. Kur automjeti fillon të lëvizë, një tjetër agjent i ICE, që ndodhej përpara makinës, nxjerr armën dhe qëllon të paktën dy herë nga një distancë shumë e afërt.

Në një tjetër video, e regjistruar pas të shtënave, një grua shihet e ulur pranë automjetit, duke qarë dhe duke bërtitur: “Kjo është gruaja ime, nuk di çfarë të bëj!”

 

View this post on Instagram

 

A post shared by ABC News Albania (@abcnewsal)

Zyrtarë të administratës Trump e paraqitën në orët e fundit MacLean Good si një element problematik, duke pretenduar se ajo tentoi të përplaste automjetin e saj me zyrtarë federalë. Gjatë një konference për shtyp të mbajtur mbrëmjen e së mërkurës, sekretarja e Sigurisë së Brendshme, Kristi Noem, deklaroi se viktima “po i vëzhgonte (policinë) dhe po pengonte punën e saj gjatë gjithë ditës”.

Ajo shtoi se agjenti i ICE që hapi zjarr ishte goditur në qershor nga një automjet që “e kishte tërhequr për disa metra”.  Ish-bashkëshorti i 37-vjeçares, megjithatë, thekson se ajo nuk ishte aktiviste dhe se nuk e kishte parë kurrë të merrte pjesë në protesta të çfarëdo lloji. Ai e përshkroi Good si një të krishterë të përkushtuar, e cila në rininë e saj kishte marrë pjesë në misione fetare në Irlandën e Veriut. Ajo e donte shumë këngën, kishte qenë pjesë e një kori në shkollë të mesme dhe kishte studiuar interpretim vokal në universitet.

MacLean Good kishte studiuar shkrim krijues në Old Dominion University në Virxhinia dhe kishte fituar një çmim në vitin 2020 për një nga veprat e saj, sipas një postimi në faqen e departamentit të Anglishtes të universitetit në Facebook. Ajo gjithashtu drejtonte një podcast me bashkëshortin e saj të dytë, i cili vdiq në vitin 2023. Ajo kishte një vajzë dhe një djalë nga martesa e parë, sot përkatësisht 15 dhe 12 vjeç, ndërsa djali 6-vjeçar ishte nga martesa e saj e dytë. Sipas ish-bashkëshortit, vitet e fundit Good ishte fokusuar kryesisht te rritja e fëmijëve, megjithëse më parë kishte punuar si asistente dentare dhe si punonjëse në një union kreditor.

Nëna e saj, Donna Ganger, deklaroi për gazetën Minnesota Star Tribune se familja u informua për vdekjen e saj vonë paraditen e së mërkurës. “René ishte një nga njerëzit më të mirë që kam njohur ndonjëherë”, tha Ganger për gazetën. “Ishte jashtëzakonisht e dhembshur. U kujdesej njerëzve gjatë gjithë jetës së saj. Ishte plot dashuri, falje dhe butësi. Ishte një njeri i jashtëzakonshëm.”

Prokuroria pranë Gjykatës së Shkallës së Shkallës së Parë të Juridiksionit të Përgjithshëm Tiranë, kërkon konfiskimin e pasurive të shtetasit I.D., i arrestuar nga autoritetet gjermane për veprën penale të “Prodhimit dhe shitjes së lëndëve narkotike”, të parashikuar nga neni 283 i Kodit Penal.

Nga hetimet mbi procedimin pasuror nr.01 të vitit 2025, rezultoi se ky shtetas ishte i shpallur më parë në kërkim ndërkombëtar nga Interpol Wiesbaden/Gjermani për veprat penale ‘Trafik i lëndëve narkotike’ dhe ‘Mbajtje dhe shitje e armëve luftarake dhe municioneve’ parashikuar nga Kodi Penal Gjerman.

Nga të dhënat rezultoi se kjo veprimtari kriminale është ushtruar gjatë viteve 2019–2020, periudhë e mëparshme në kohë krahasuar me kryerjen e investimeve për blerje pasurie të paluajtshme. Referuar urdhrit të kërkimit ndërkombëtar, evidentohet përfshirja e subjektit në disa episode të shitblerjes së lëndëve narkotike, veprimtari kjo që ka gjeneruar të ardhura të konsiderueshme financiare.

Në analizën financiare të detajuar vërehet se vlera totale e të ardhurave të faktuara të shtetasit Ilber Domi dhe familjarëve të tij është më e vogël se vlera totale e investimeve dhe shpenzimeve vetjake të kryera nga ky shtetas dhe familjarët e tij dhe dyshohet se vjen nga veprimtaria kriminale.

Sa më sipër, Prokuroria pranë Gjykatës së Shkallës së Parë të Juridiksionit të Përgjithshëm, Tiranë, arriti në përfundimin se shtetasi Ilber Domi dhe familjarët e tij janë në pamundësi financiare për kryerjen e investimeve në blerjen e pasurive të paluajtshme dhe të luajtshme për të cilat kërkon konfiskimin si më poshtë:

– Pasuria e paluajtshme lloji “arë”, me sip 850 m² ndodhur në Zall Herr Tiranë;

– Pasuria “njësi”, me sipërfaqe bruto 98.8m²; si dhe

– 2 “poste parkimi”, ndërtuar sipas lejes së ndërtimit për objektin 1-2-9 kate+1kat nën tokë, në rrugën ‘Bulevardi Blu-Kamëz’.

Read More...

Ikona e kinemasë franceze, Brigitte Bardot u përcoll për në banesën e fundit me një funeral që u mbajt në Sint Tropez, vendpushimin e Rivierës Franceze ku ajo jetoi për më shumë se gjysmë shekulli pasi u tërhoq nga fama.

Banorët dhe admiruesit duartrokitën konvojin e funeralit ndërsa arkivoli i Bardot, dikur një nga gratë më të fotografuara në botë, përcillej nëpër rrugët e ngushta të qytetit.

Qindra njerëz u mblodhën në qytetin e vogël për të ndjekur lamtumirën në ekranet e mëdha të vendosura në port dhe në dy sheshe.

Bardot do të prehet në një varrezë me pamje nga Deti Mesdhe, sipas bashkisë së Saint-Tropez. Po aty prehen edhe prindërit e saj dhe bashkëshorti i saj i parë, regjisori Roger Vadim.

Aktorja e njohur u nda nga jeta më 28 dhjetor në moshën 91 vjeç në shtëpinë e saj në Francën jugore, pas një beteje me kancerin.

Bardot dhe u tërhoq nga kinematografia në vitin 1973 në moshën 39 vjeçare, pas një karriere ndërkombëtare që përfshinte dhjetëra filma.

Ndërsa u tërhoq nga industria e filmit, ajo mbeti një figurë publike dhe shpesh kontroverse përmes dekadave të aktivizmit për të drejtat e kafshëve dhe lidhjeve me politikën e ekstremit të djathtë.

Europa është vënë në lëvizje pas deklaratave të Donald Trump se ai kërkon që të bëjë Groenlandën pjesë të Shteteve të Bashkuara. Franca po punon me aleatët për një përgjigje në rast se Uashingtoni zbaton kërcënimin për të pushtuar Groenlandën.

Ministri i Jashtëm i Francës, Zhan Noël Barro, tha se ai dhe homologët e tij nga Polonia dhe Gjermania do të koordinohen për veprimet që do të ndërmarrin.

Diplomati francez mbajti më herët një telefonatë me Sekretarin Amerikan të Shtetit, Marco Rubio, I cili përjashtoi mundësinë e një pushtimi.

Rubio gjithashtu raportohet t’u ketë thënë ligjvënësve në një takim me dyer të mbyllura, se kërcënimet e fundit të administratës kundër Groenlandës nuk sinjalizojnë një pushtim të afërt dhe se qëllimi është blerja e ishullit nga Danimarka.

Nuk është e qartë nëse Rubio thjesht po tentonte të qetësonte ligjvënësit, por administrata Trump ka sinjalizuar prej kohësh se ka kërkuar të bindë Danimarkën të dorëzojë kontrollin e Grenlandës, ishullit më të madh në botë. Zyrtarët amerikanë dhe evropianë thonë se nuk kanë parë shenja se Shtëpia e Bardhë po përgatit një pushtim ushtarak të Grenlandës.

Kreytari I republikanëve në Dhomën e Përfaqësuesve, Mike Johnson, një nga mbështetësit më të vendosur të Donald Trump, reagoi gjithashtu për zhvillimet e fundit, dhe tha se veprimet ushtarake në Groenlandë do të ishin të papërshtatshme.

Trump ka përsëritur ditët e fundit se dëshiron të fitojë kontrollin e Grenlandës, një ide e shprehur për herë të parë në vitin 2019 gjatë presidencës së tij të parë. Ai ka argumentuar se është çelësi për ushtrinë amerikane dhe se Danimarka nuk ka bërë mjaftueshëm për ta mbrojtur atë.

Groenlanda nuk është një anëtare e pavarur e NATO, por mbrohet nga anëtarësimi i Danimarkës në aleancën veriatlantike.

Disa vende në të gjithë Evropën kanë shprehur mbështetje për Groenlandën dhe Danimarkën pas kërcënimeve të vazhdueshme të Donald Trump për të aneksuar territorin.

Udhëheqësit evropianë, përfshirë Keir Starmer dhe Emmanuel Macron, lëshuan një deklaratë të përbashkët duke thënë se Groenlanda i përket popullit të saj.

Federata Shqiptare e Futbollit zyrtarizon rinovimin e kontratës me trajnerin e Kombëtares shqiptare, Sylvio Mendes Campos Júnior (Silvinjo), si edhe me dy zëvendëstrajnerët e tij, Pablo Zabaleta dhe Dorival Guidoni Junior, duke konfirmuar vazhdimësinë e projektit teknik që ka sjellë rezultate historike për futbollin shqiptar.

Kontrata e re me stafin teknik do të jetë e vlefshme deri në korrik 2026, me objektivin madhor kualifikimin për herë të parë në histori të Shqipërisë në fazën finale të Kupës së Botës.

Nën drejtimin e trajnerit Silvinjo, Kombëtarja shqiptare ka shënuar një progres të dukshëm në organizim, identitet loje dhe rezultate, duke siguruar për herë të parë pjesëmarrjen në fazën play-off të Botërorit 2026.

Në muajin mars, kuqezinjtë do të luajnë një kapitull historik, duke u përballur në gjysmëfinalen e play-off-it me Poloninë, më 26 mars, ndërsa në rast kualifikimi, në finalen vendimtare do të përballen me fituesin e çiftit Ukrainë – Suedi.

Vendimi për rinovimin e kontratës reflekton besimin e plotë të FSHF-së në stafin aktual, filozofinë e punës së ndërtuar ndër vite dhe angazhimin për stabilitet, vazhdimësi dhe ambicie të larta. Ky hap synon forcimin e mëtejshëm të Kombëtares, rritjen e konkurrencës dhe përfaqësimin sa më dinjitoz të futbollit shqiptar në arenën ndërkombëtare.

Federata Shqiptare e Futbollit mbetet e vendosur të mbështesë maksimalisht Kombëtaren dhe stafin teknik në këtë rrugëtim historik, me synimin për të kthyer ëndrrën e Botërorit në realitet për të gjithë shqiptarët.

Gjykata e Posaçme ka liruar nga qelia me masën arrest shtëpie CEO-n kinez të kompanisë Bankers Petroleum, Hongping Xiao. Vendimi vjen vetëm pak ditë pasi me kërkesë të Prokurorisë së Posaçme, GJKKO zgjati afatet hetimore me 3 muaj për dosjen “Bankers”. Ka qenë një kërkesë nga vetë CEO I Bankers në gjykatën e posacme, e cila vendosi të zbusë masën e sigurisë.

Më herët Gjykata e Posaçme vendosi të zgjasë me 3 muaj afatet e hetimit për dosjen “Bankers Petroleum”, me kërkesë të SPAK. Prokuroret Enkeleda Millonai dhe Anita Jella argumentuan se kjo zgjatje është e nevojshme për kryerjen e veprimeve të tjera hetimore, për shkak të kompleksitetit të çështjes ndërsa kërkesa u miratua nga gjyqtari Erion Çela.

Hetimet lidhen me deklarime të dyshimta tatimore dhe shmangie të detyrimeve financiare për periudhën 2004–2024, duke shkaktuar dëm të konsiderueshëm financiar në buxhetin e shtetit.
Sipas Prokurorisë, Bankers ka realizuar shitje dhe eksporte nafte në vlerën totale prej 532 miliardë lekësh, por ka deklaruar humbje për çdo vit, me një total prej 11.7 miliardë lekësh, duke shmangur tatimin mbi fitimin dhe duke përfituar rimbursime të dyshimta të TVSH-së.

Hetimi, i cili tashmë është në dorë të SPAK, është zgjeruar duke përfshirë përgjegjësi brenda administratës tatimore dhe doganore, si dhe zyrtarë lokalë që dyshohet se kanë injoruar abuzimet me TVSH-në dhe detyrimet e tjera fiskale, duke shkaktuar humbje të konsiderueshme buxhetit të shtetit. Hetimi filloi më 2 korrik nga Prokuroria e Fierit, ku u ekzekutuan disa masa sigurie ndaj drejtuesve të kompanisë./abcnews.al

Read More...

Moti i keq ka shkaktuar ndërprerje të udhëtimeve në të gjithë Europën. Aeroporti i Amsterdami, Schiphol, ka anuluar më shumë se 700 fluturime dhe të tjera mund të anulohen në vazhdim.

Në Paris aeroporti Sharl dë Gol u detyrua të anulojë 100 nga fluturimet e tij, ndërsa aeroporti Orli anuloi 40 të tjera.

Disa trena të Eurostar janë anuluar këtë të mërkurë duke përfshirë shërbimet nga Stacioni i Londrës për në Stacionin Qendror të Amsterdamit, Stacionin Qendror të Roterdamit dhe Stacionin Gar dy Nor të Parisit. Rrjeti i trenave tha se ndërprerjet do të vazhdojnë edhe të enjten.

Në Mbreterinë e Bashkuar temperaturat kanë rënë ndjeshëm dhe në Skoci është në fuqi një alarm I verdhë për reshje bore dhe ngrica si pasojë e stuhisë Goretti.

Banorët janë paralajmëruar për ndërprerje të udhëtimeve dhe energjisë elektrike.

Ndërkohë pesë persona kanë humbur jetën në Francë dhe një grua në Bosnje. Në Francë vdekjet ishin shkak i aksidenteve rrugore për shkak të ngricave, ndërsa në Sarajevë një grua humbi jetën në spital pasi u godit nga një pemë që u rrëzua nga pesha e reshjeve të borës./abcnews.al