Me propozim të Kryeministrit, Presidenti i Republikës, Sh.T.Z. Bajram Begaj liroi sot nga detyra Ambasadorin e Jashtëzakonshëm dhe Fuqiplotë të Republikës së Shqipërisë në NATO, rezident, zotin Ilir Gjoni.

“Zoti Ilir Gjoni lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.” thuhet në dekretin që mban firmën e kreut të Shtetit./abcnews.al

Sali Berisha thotë që do bëjë protestë kundër qeverisë, por të hënën më shumë do thërrase njerëz që t’i bëjë presion Gjykatës Kushtetuese.

Në mes të një debati të forte politik dhe institucional, për ndarjen e pushteteve, kreu i PD më në fund bëhet me SPAK, kundër Gjykatës Kushtetuese.

Kërcënimi i Berishës, ndonëse është modest për shkak se protestat e tij janë bërë objekt memesh dhe humori, tregon për herë të parë sesi megjithëse në opozitë, ai kurrë nuk e ka shkëputur vëmendjen nga drejtësia, të cilës megjithëse i bën presion çdo ditë, vazhdon t’i ndruhet shumë.

“Keqpërdorin në shkallë ekstreme Gjykatën Kushtetuese për të bllokuar drejtësinë. Bllokimi i drejtësisë është vepër e ngjashme me grushtin e shtetit.
Dhe Edi Ramës do i përgjigjemi si puçist po qe se bllokon drejtësinë. Forcat politike të opozitës, të mbledhura sot, vendosën të mobilizojnë të gjithë potencialet e tyre në një betejë vendimtare, në revolta vendimtare për t’u ndarë nga kjo e keqe e madhe që i ka rënë Shqipërisë mbi krye.

Jemi forcë politike paqësore. Ne diktaturën më të dhunshme të kohërave e kemi përmbysur në mënyrë paqësore. Nuk heqim dorë ne nga parimet tona. Ka revolta paqësore të cilat kanë oshilacionet e tyre dhe grevat, nuk thashë se do hyjnë në grevë deputetët. Jo. Por janë të gjitha opsionet të hapura.

të gjitha pa përjashtim, në një bashkëpunim kriminal të AKSHI-t, që është database i të gjithë të dhënave, janë disponuar nga Ergys Agasi, Fatmir Troplini, Elvis Doçi, Suel Çela, kartelet shqiptare të drogës në Amerikën Latine. Pa përjashtim, të gjitha të dhënat janë eksportuar nga të gjithë sistemet e IT në Shqipëri, nga famëziu Ermal Beqiri, Ergys Agasi, Mirlinda Kaçanaj. Kjo përbën ngjarjen më të rëndë në rrafshin e sigurisë kombëtare.”– tha Berisha.

Kryebashkiaku i Shkodrës, Benet Beci është paraqitur këtë të premte në ambjentet e Prokurorisë së Posacme.

ABC News mëson se Beci është thirrur nga SPAK për t’iu komunikuar mbyllja e hetimeve.

Ai është marrë nën hetim nga SPAK për shkeljen e barazisë në tenderë apo ankande publike bashkë me 7 të tjerë, për tenderin “Zhvillimi strategjik i sektorit energjetik”.

Ndaj tij u regjistrua procedim penal për shkelje e barazisë në tendera apo ankande publike, kryer në bashkëpunim, më 23 tetor 2024. Ndërkohë, më 23 prill të 2025, prokurori Dritan Prençi e mori të pandehur kryebashkiakun socialist.

Bashkë me Benet Becin, nën hetim për këtë tender abuziv janë marrë edhe disa zyrtarë të tjerë, me rol në Komisionin e Vlerësimit të Ofertave./abcnews.al

Për të gjashtën herë Prokuroria e Posaccme ka komunikuar zgjatjen e afateve hetimore për ish zëvëndës kryministrin Arben Ahmetaj, i cili po hetohet për dosjen e inceneratorëve, në një fraksion të ndarë për korrupsion, pastrim parash dhe fshehje pasurie.

Veprimet komplekse që po kryen prokuroria e posaccme janë bërë shkak për të shtyrë sërish hetimet deri në datën 22 mars 2026.

Përmes mbrojtësit ligjorë Henrik Ligori, Ahmetaj i ka pritur me indiferentizëm shtyrjet e herë pas hershme të afateve, teksa interesi i tij që në krye të herës vijon të jete zbardhja e të vërtetës dhe që organi i akuzës të marrë të gjithë kohën e nevojshme.

Në bazë të dispozitave ligjore, kjo është e fundit që SPAK ka mundësi të shtyjë hetimet, më pas duhet të vendosë për dergimin ose jo për gjykim të çështje.

Për të njëjtën ccështje po hetohet edhe bashkëjetuesja e Arben Ahmetajt si dhe ish bashkëjetuesja e tij Albina Mançka dhe Erjola Hoxha. Të dyja këto hetohen për veprën penale “fshehje dhe mos deklarim pasurie” si dhe “pastrim parash”.

Arben Ahmetaj është shpallur në kërkim më 10 korrik të vitit 2023 me urdhër të Prokurorisë së Posaccme Antikorrupsion nën dyshimin për kryerjen e veprat penale “korrupsion”, “pastrim parash” dhe “fshehje pasurie”./abcnews.al

Los Angeles Lakers dhe tifozët e tyre ëndërrojnë të kthehen te titulli kampion në NBA dhe me Luka Donçiç në një formë spektakolare si ajo në ndeshjen e fundit, ky objektiv duket më shumë se i arritshëm.

Basketbollisti slloven bëri një paraqitje nga ato historike, duke ndihmuar kalifornianët në fitoren 143-135 kundër Utah Jazz. Tre shifra dopjo për Donçiç me 45 pikë, 11 topa të kapur në tabelë dhe 14 asist.

Po ashtu, ai bëri edhe 5 vjedhje topi, duke afruar me hyrjen në klubin e legjendave të basketbollit amerikan, që kishin arritur të mbyllnin një ndeshje me katër shifra dopjo.

Këtë mund ta bëjë në të ardhmen, por deri atëherë Luka mund të krenohet me rekordet e tjerë. Ai barazoi Elgin Baylor, si lojtari i dytë I Lakers që arrin të shënojë një “triple double” me të paktën 45 pikë.

Po ashtu, bëhet lojtari i katërt në historinë e skuadrës kaliforniane, që e bën këtë me më shumë se 40 pikë, pas Elgin Baylor, Magic Johnson dhe Jerry Ëest.

Ishte pikërisht kjo paraqitje e Donçiç që vendosi fitoren kundër Ytah, ndërsa nuk qëndroi në hije as LeBron James. “The King” e mbylli sfidën e tij me dy shifra dopjo, 28 pikë, 10 asiste dhe 7 topa të kapur në tabelë.

Me këtë sukses, Los Angeles Lakers mbeten në vendin e katërt në rendijen e përgjithshme të Konferencës së Perëndimit me një seri me 19 fitore dhe vetëm shtatë humbje në këtë sezon të rregullt të NBA. Në këtë mënyrë, tifozët e Lakers mund të ëndërrojnë, ndërsa të gjithë rivalët janë të paralajmëruar./abcnews.al

Nuk është e lehtë të lesh pas një dominim 20 vjeçar. Për dy dekada me radhë futbollin e kanë dominuar një Lionel Mesi dhe një Kristiano Ronaldo, ndërsa në epokën kur është shfaqur Kilian Mbape, ka dalë një sundues I ri.

Ky është Lamin Jamal, talenti I jashtëzakonshëm i Barcelonës dhe i Spanjës, i cili ka dalë në krye të renditjes së fanelave të shitura në 2025. Në moshën vetëm 18-vjeçare, numri 10 katalanas pati një nivel prej mbi 1.3 milionë bluzash të shitura ndërsa ky vit po i afrohet fundit.

Saktësisht, janë 1.32 milionë fanela, duke lënë pas Mesin me 40 000 copë. Magjistari i topit mbetet ende në modë, ndërsa shkëlqen në Shtetet e Bashkuara.

Jamal ka lënë shumë prapa Ronaldon, pasi portugezi është vetëm në vend të shtatë në këtë klasifikim. Tifozët po bëjnë çmenduri për yllin blaugrana, edhe pse ai nuk e ka fituar ende Topin e Artë, ndërsa u eliminua në gjysmëfinale të Championsit sezonin e kaluar. Gjithsesi, nuk është pak fitorja e Kampionatit Europian me Spanjën si dhe titulli kampion në La Liga me Barcelonën./abcnews.al

Është finalja e finaleve. Jo më kot quhet “Finalissima”, sfida që vendos përballë kampionët e Amerikës së Jugut me ata të Europës.

FIFA zyrtarizoi agjendën e ndeshjes, ku do të sfidohen Argjentina dhe Spanja, legjenda Lionel Messi dhe talenti i bekuar që bebe nga ai, Lamine Yamal.

Ndeshja do të luhet në datën 27 mars në stadiumin e Lusail në Katar dhe përfaqëson trofeun e parë të rëndësishëm të vitit 2026, në pritje të finaleve të Kupës së Botës.

Argjentina vjen gjithashtu në këtë finale si kampione e botës në fuqi dhe mbajtëse e këtij të trofeu që e fitoi në stadiumin “Ëembley” në vitin 2022 kundër Italisë me rezultatin 3-0.

Por këtë herë, Messi dhe shokët e tij kanë përballë një rival akoma më të fortë. Spanjën e Lamine Yamal, që pasi mori numrin 10 të “Pleshtit” te Barcelona, kërkon t’i rrëmbejë “kumbarit” të tij edhe fronin në “Olimpin” e futbollit.

Po ashtu, kjo “Finalissima” do të jetë një shijim i “Botërorit 2026”, ku si Argjentina ashtu edhe Spanja janë favoritë.

Ky trofe u krija 40 vite më parë, në 1985, por që nga ajo kohë është luajtur vetëm tre herë. Të parin e mori Franca, ndërsa dy të tjerët në vitin 1993 dhe 2022 titulli është bërë pronë e Argjentinës.

Drita dhe Shkëndija mbyllën me humbje fazën e ligës në Konference League, por asnjë dramë. Madje, dy skuadrat e shqiptarëve mund të festojnë, pasi me pikët e grumbulluara më parë, siguruan kualifikimin në fazën e play off të turneut, një arritje kjo historike.

Në sfidën e gjashtë, Drita u dorëzua pa kushte në transfertën spanjolle kundër Rayo Vallecano. Spanjollët dominuan, ndërsa pjesën e parë e mbyllën me epërsinë minimale pas golit të Lejun në minutën e 33-të.

Pas pushimit të zotët e shtëpisë vulosën fitoren me dy gola të tjerë. Gumbau dhe Pacha shuan shpresat e skuadrës nga Gjilani, që me 8 pikë e mbylli fazën e ligës në vendin e 20 në zonën e play off.

Në raundin tjetër do të luajë edhe Shkëndija që mori vendin e 22-të me shtatë pikë gjithsej. Në ndeshjen e fundit, skuadra nga Tetova u mund 1-0 në fushën e AEK Larnaka.

Kartoni i kuq i Latifit në pjesën e dytë prishi planet e tetovarëve, që shtatë minuta nga fundi i kohës së rregullt u ndëshkuan nga vendasit. Por kjo ishte një humbje e ëmbël, ndërsa si Shkëndija ashtu edhe Drita duhet të përgatiten tani për raundin tjetër të turneut./abcnews.al

Read More...

Dritan Jano, ka deklaruar se nuk ka konflikte dhe se nuk di kush mund të ketë vendosur lëndën plasëse. Ai ka thënë se ka qenë në banesë bashkë me familjen kur ka ndodhur shpërthimi. Ndërkohë në kamerat e sigurisë të marra nga policia, rezultojnë se autorë të kësaj ngjarje kanë qenë dy persona të maskuar që kanë hedhur lëndën plasëse.

Gazetari Ervin Leka tha për ABC News se në skedarët e policisë Dritan Jano rezulton i pastër dhe i pa skeduar, pa precedent penal të mëparshëm. Pista kryesore po hetohen konflikte të fundit që ka pasur Dritan Jano pavarësisht se ai nuk ka deklaruar të ketë konflikte.

Ndërkohë policia po heton edhe ndonjë konflikt për shkak të detyrës së bashkëshortes së Dritan Janos, e cila rezulton të jetë një prej administratorëve të Agjencisë së Pasurive të Sekuestruara dhe Konfiskuara, në Ministrinë e Brendshme. Dritan Jano është nipi i Prokurorit të dalë në pension Thoma Jano./abcnews.al

Tiranë, 18.12.2025 – Aeroporti Ndërkombëtar i Tiranës (TIA) dhe Air Transat kanë kënaqësinë të njoftojnë hapjen e linjës së parë direkte pa ndalesë midis Tiranës dhe Torontos, duke shënuar një moment historik për aviacionin shqiptar. Ky shërbim shënon fluturimin e parë transoqeanik nga TIA dhe lidhjen e parë ajrore direkte midis Shqipërisë dhe rajonit të Atlantikut të Veriut.

Fluturimi inaugurues nga TIA do të realizohet më 19 qershor 2026, në orën 15:00, ndërkohë që fluturimi i parë nga Toronto është parashikuar në 18 qershor 2026, në orën 22:00. Avioni që do të operojë këtë linjë do të jetë një Airbus A330-200, me një kapacitet prej rreth 350 vendesh. Fluturimet do të vijojnë gjatë sezonit veror deri më 9 tetor 2026, me një frekuencë javore.

Linja e re ajrore i përgjigjet kërkesave në rritje për fluturime direkte jo vetëm mes Shqipërisë, por edhe vendeve të rajonit dhe Kanadasë. Vlerësohet se rreth 60 mijë pasagjerë në vit lëvizin në këtë drejtim, kryesisht për turizëm, vizita familjare dhe për nevojat e komuniteteve të diasporës.

Në Kanada jeton një komunitet i gjerë i diasporës shqiptare dhe asaj rajonale, të cilët prej vitesh kanë pasur nevojë për një lidhje ajrore direkte me Shqipërinë. Fluturimi Tiranë–Toronto e thjeshton ndjeshëm udhëtimin, duke e bërë atë më të shpejtë dhe më praktik për pasagjerët.

Kjo linjë gjithashtu pritet të ndikojë pozitivisht për zhvillimin e turizmit, aktivitetin e biznesit dhe në shkëmbimet kulturore, ndërsa Tirana forcon më tej rolin e saj si një pikë lidhëse ajrore për rajonin.

Hapja e këtij destinacioni është rezultat i bashkëpunimit të ngushtë dhe efektiv ndërmjet Aeroportit Ndërkombëtar të Tiranës dhe Air Transat, duke reflektuar një angazhim të përbashkët për zgjerimin e lidhjeve ajrore dhe përgjigjen ndaj kërkesës së tregut me shërbime ajrore cilësore dhe të besueshme. Angazhimi i Qeverisë Shqiptare dhe koordinimi i ngushtë i autoriteteve shtetërore ishte vendimtar në finalizimin e marrëveshjes së lidhjes ajrore ndërmjet Shqipërisë dhe Kanadasë në një kohë rekord.

Hapja e linjës Tiranë–Toronto është bërë e mundur edhe falë investimeve të vazhdueshme të Grupit Kastrati në modernizimin e Aeroportit Ndërkombëtar të Tiranës, të cilat kanë siguruar kapacitetet infrastrukturore dhe operacionale të nevojshme për këtë destinacion ndërkontinental.

Drejtori i Operacioneve i Aeroportit Ndërkombëtar të Tiranës, z. Piervittorio Farabbi, u shpreh:

“Hapja e linjës Tiranë–Toronto me Air Transat është një arritje madhore për TIA-n dhe për Shqipërinë. Ky është shërbimi ynë i parë transoqeanik dhe lidhja jonë e parë direkte me Atlantikun e Veriut. Ne përgëzojmë Air Transat për besimin dhe falënderojmë të gjitha ekipet dhe palët e përfshira për bashkëpunimin e shkëlqyer. Së bashku, po hapim horizonte të reja për pasagjerët, turizmin dhe lidhjet ekonomike ndërmjet Shqipërisë, rajonit dhe Kanadasë.”

“Jemi krenarë që bëhemi linja ajrore e parë që ofron shërbim direkt pa ndalesë midis Amerikës së Veriut dhe Shqipërisë,” tha Sebastian Ponce, Drejtor i të Ardhurave në Transat. “Kjo linjë do të mbështesë rritjen e turizmit në Shqipëri dhe Ballkan, ndërsa do t’u ofrojë pasagjerëve në rajon akses të lehtë drejt Kanadasë dhe lidhje të mëtejshme në të gjithë Amerikën e Veriut përmes rrjetit tonë dhe partneritetit me Porter Airlines.”

Linja Tiranë–Toronto forcon më tej rrjetin në zgjerim të TIA-s dhe nënvizon fokusin strategjik të aeroportit në rritjen afatgjatë, përmirësimin e lidhshmërisë dhe zhvillimin e Tiranës si një nyje kyçe e aviacionit për rajonin.

Rreth Aeroportit Ndërkombëtar të Tiranës (TIA)

Aeroporti Ndërkombëtar i Tiranës është porta kryesore ajrore e Shqipërisë, duke shërbyer si një motor kyç për turizmin, zhvillimin ekonomik dhe lidhjen ndërkombëtare. I vlerësuar si aeroporti me rritjen më të shpejtë në Evropë, aeroporti mban lidershipin në rajonin e Ballkanit Perëndimor për nga lidhshmëria, numri i pasagjerëve dhe investimet.

Rreth Air Transat

E themeluar në Montreal në vitin 1987, Air Transat është një kompani ajrore lider, e votuar nga pasagjerët si Linja Ajrore më e Mirë për Udhëtime Rekreative në Botë 2025 në Skytrax World Airline Awards. Programi i saj ofron akses në destinacione ndërkombëtare, kryesisht në Evropë, Karaibe, bregun lindor të Shteteve të Bashkuara, Amerikën e Jugut dhe Afrikën e Veriut. Air Transat njihet për shërbimin e shkëlqyer ndaj klientit dhe operon me një flotë që përfshin disa nga avionët më efikasë për nga konsumi i energjisë në kategorinë e tyre. Me seli në Montreal dhe baza kryesore në Aeroportin Ndërkombëtar Montréal–Trudeau (YUL) dhe Aeroportin Pearson të Torontos (YYZ), kompania ka rreth 5,000 punonjës me një qëllim të përbashkët: të afrojë njerëzit me njëri-tjetrin. Air Transat është një njësi biznesi e Transat A.T. Inc. (TSX: TRZ).

www.airtransat.comA.T. Inc. (TSX: TRZ). www.airtransat.com

Donald Trump e ka treguar hapur se nuk ka aspak respekt për paraardhësit e tij demokratë dhe këtë e dëshmoi dhe me veprimin e fundit. Në murin e famshëm ku qëndrojnë portretet e gjithë presidentëve në historinë e Amerikës ka ndryshime të dukshme në fytyrat e demokratëve, kur varet përshkrimi për punën e tyre.

Portreti i Joe Biden është zëvendësuar tashmë me foton e një autopeni, i përdorur për të firmosur automatikisht urdhra ekzekutivë dhe ai përshkruhet si presidenti më i keq në historinë amerikane.

Në përshkrimin e tij thuhet se e çoi kombin në prag të shkatërrimit, por Donald Trump u zgjodh me një fitore të thellë për të shpëtuar vendin. Por sulmeve të Trump nuk i ka shpëtuar as Barack Obama. Demokrati përshkruhet si një nga figurat politike më përçarëse.

Përshkrimi i Bill Clinton minimizon arritjet e tij, duke i dhënë meritën republikanëve në Kongres për sukseset legjislative gjatë mandatit të tij. Në një rresht të përshkrimit të tij madje thuhet: Në vitin 2016, gruaja e Presidentit Clinton, Hillary, humbi Presidencën ndaj Donald Trump!”

Ndryshe përshkruhen disa nga presidentët republikanë si për shembull Ronald Regan, të cilit i njihet epiteti si “oratori i madh”

Veprime të tilla nga Donald Trump nuk janë diçka e re, pasi ai është i njohur për sulme te ashpra ndaj rivalëve politikë, me deklarata që shpesh e tejkalojnë korrektësinë politike./abcnews.al

Pas kaosit dhe tensioneve të shkaktuara në seancën plenare nga deputetët e Partisë Demokratike, Kryetari i Grupit Parlamentar të Partisë Socialiste, Taulant Balla reagoi në sallën e Kuvendit duke akuzuar opozitën për bllokim të qëllimshëm të punimeve parlamentare.

Në fjalën e tij, Balla u shpreh me ironi se sjellja e opozitës lidhet me përpjekjen për të motivuar mbështetësit e saj që të marrin pjesë në protestën e paralajmëruar, duke sakrifikuar debatin institucional dhe respektimin e procedurave parlamentare.

“Me shpresën se do të motivohen mbështetësit e Partisë Demokratike për të shkuar në protestën e paralajmëruar, opozita po pengon zhvillimin normal të punimeve të Kuvendit”, deklaroi Balla.

Ai theksoi se, në respekt të plotë të procedurës parlamentare dhe bazuar në nenin 49, pika 1 e Rregullores së Kuvendit, mazhoranca gjendet në pamundësi për të zhvilluar diskutimet e parashikuara në agjendën e ditës, përfshirë edhe çështje të rëndësishme si lufta kundër krimit.

“Sot kemi pasur në axhendë diskutime të rëndësishme, përfshirë edhe luftën kundër krimit, por duket qartë se opozita nuk dëshiron debat dhe nuk lejon zhvillimin normal të seancës”, u shpreh Balla.

Në këto kushte, Kryetari i Grupit Parlamentar të PS i bëri thirrje Kuvendit që të procedohej sipas rregullores. “Ju lutem, të kalojmë menjëherë në votim, sipas propozimit tim”, përfundoi Balla.

Ky fundivit vjen me më shumë në TRING. Platforma më e madhe televizive në Shqipëri, bëhet edhe më e madhe. Me paketën EXTRA+ në Tokësor, Satelitor dhe OTT, do të shihni shumë sport, më shumë kontent, më shumë argëtim.

I gjithë sporti në një vend të vetëm, sepse tashmë në Tring mund t’i shihni të gjitha. Premier League, La Liga, Ligue 1, Kombëtarja Kuq e Zi, Europa League, Formula 1 dhe shumë kompeticione të tjera i bashkohen Champions League, Serie A e Coppa Italia, Bundesliga, NBA e Moto Gp në Tring Sport, për eksperiencën absolutisht më shumëdimensionale dhe gjithëpërfshirëse në vend. Gjigantët e globit, më shumë se 25 kompeticione prestigjioze sportive, të gjitha kampionatet më të forta në botë tashmë në një paketë të vetme.

Por gëzimi i këtij fundviti nuk mbaron me kaq dhe as dhuratat. Nga 20 dhjetori nis Big Brother Vip Albania, reality shoë që mbërthen para ekranit shikuesit dhe në Tring, për herë të parë, tashmë janë listuar 2 kanalet ekskluzive BBVA1 dhe 2, së bashku me Top Channel dhe shumë kanale të tjera, të cilat së bashku me programacionin e larmishëm, me filma e seriale premierë, spektakël e transmetime Live, kontent të dedikuar për të gjithë familjen, do t’i bëjnë këto festa të paharrueshme dhe sigurisht Tring platformën që duhet zgjedhur, si çfdo vit dhe këtë vit më shumë se kurrë.

Tani është momenti për të përfituar më shumë nga abonimi juaj. Mjafton ta plotësoni atë apo të riabonoheni në paketën EXTRA+, e cila me uljet ekskluzive të fundvitit është e përshtatshme për çdo individ e familje, për të shijuar një nivel të ri argëtimi dhe të gjithë sportin në një platformë të vetme…

Përfitoni të abonoheni me ofertën festive në të gjitha pikat zyrtare të shitjes në të gjithë botën, si edhe online në faqen zyrtare tring.al.

Festat janë te dera! Këtë vit, më shumë se çdo vit… Gzo me Tring!

Në Shqipëri vala e të prekurve nga gripi dhe infeksionet e tjera të rrugëve të frymëmarrjes po vjen në rritje.  Javën e fundit sipas Instituti të Shëndetit Publik rreth  12 mijë persona të të gjitha moshave kanë kërkuar ndihmë mjekësore në qendra shëndetësore dhe spitale.

“Ka filluar një trend në rritje qoftë i rasteve të gripit dhe numri i rasteve me infeksione respiratore të  sipërme dhe të poshtme që janë një indikator i qarkullimit të gripit në vend. Janë rreth 12 mijë raste të infeksioneve respiratore, por jemi shumë larg pragut epidemik që arrihet nga fundi janarit dhe fillimi i shkurtit.”

Në  laboratorin e virologjisë janë janë zbuluar raste me të dy nëntipet e gripit atë   Ah1n1 dhe Ah3n2.   Nënvarianti K I këtij të fundit  që ka shqetësuar shumë shtete në botë për shkak të agresivitetit dhe përhapjes më të shpejtë  sipas specialistëve të Institutit të Shëndetit Publik  nuk është identifikuar ende në vendin tonë.

“Ka një qarkullim barabartë dhe AH1 dhe AH3. Variant K  akoma jo. S’ka vend për panik është grip i zakonshëm dhe këto mutacionet e vogla ndodhin çdo vit me viruset e gripit,  por klinika është pak a shumë si çdo vit tjetër.

Ajo që është kryesore është temperatura e lartë që dallon gripin dhe nga virozat e tjera, dhimbje muskulare, kollë rrjedhje hundësh lotim syshë dhe dobësi e theksuar e organizmit. 

Nuk ka raste të rënda për momentin, por në javët të vijim me prirjen në rritje parashikohet dhe rritje e shtrimeve në spital dhe terapi intensive prandaj theksohet me forcë vaksinimi.

Në prag të festave specialistët apelojnë për të shmanguar grumbullimet dhe  për të kontaktuar mjekun e familjes me shfaqjen e shenjave të para të gripit për të vlerësuar gjendjen shëndetësore dhe për të  marrë trajtimin e duhur./abcnews.al

Bashkimi Europian po eksploron prej kohësh mundësinë e një kredie dëmshpërblimi për Ukrainën duke përdorur asetet e ngrira ruse. Por udhëheqësit e bllokut janë të ndarë përpara një vote të rëndësishme që do i jepte dritën jeshile këtij plani.

Më i fundit ishte ministri i jashtëm italian Antonio Tajani, i cili tha se unioni duhet të shqyrtojë mënyra të tjera për të financuar Ukrainën.

Shefi i diplomacisë italiane tha se ky rast duhet të vlerësohet në bazë ligjore dhe nëse Gjykata e Drejtësisë e Bashkimit Europian vendos në favor të Rusisë, blloku jo vetëm duhet të kthejë paratë, por do të pësojë edhe një disfatë politike.

“Ndoshta do të ishte më mirë të mendohej për zgjidhje të tjera”, tha Tajani.

Por Italia nuk është i vetmi shtet që ka rezerva për këtë plan. Vende të tjera anëtare të bllokut, kanë kundërshtime edhe më të forta.

Një lëvizje e tillë nuk mund të ecë para pa Belgjikën, e cila mban një pjesë kryesore të aseteve ruse në institucionin financiar Euroclear.

Belgjika e konsideron propozimin thellësisht të gabuar dhe të mbushur me rreziqe. Sipas kryeministrit të vendit plani është shumë i brishtë, financiarisht i rrezikshëm dhe ligjërisht eksperimental.

Dhe Belgjika nuk është i vetmi vend kundër.  Andrej Babiš, kryeministri i ri i Republikës Çeke, sugjeroi që Komisioni Europian duhet të gjejë mënyra të tjera për të ndihmuar Kievin.

Pa lidhje me Belgjikën është opozita e ashpër e Viktor Orbán të Hungarisë, i cili refuzon kategorikisht të miratojë ndonjë ndihmë të re për Ukrainën, pavarësisht metodës.

Aleati i tij i ngushtë, Robert Fico i Sllovakisë, është zotuar të kundërshtojë çdo ndihmë të re ushtarake për Kievin. Megjithatë, Fico është i gatshëm të mbështesë fonde të reja për të mbështetur rindërtimin e Ukrainës pas luftës dhe për të çuar përpara përpjekjen e saj për anëtarësim në Bashkimin Europian.

Por çfarë mund të ndodhë? Teknikisht, kredia e dëmshpërblimeve mund të ecë përpara me një shumicë të kualifikuar: një minimum prej 16 shtetesh anëtare që përfaqësojnë të paktën 65% të popullsisë së përgjithshme të bllokut.

Kjo do të thotë që skeptikët si Belgjika, Italia, Bullgaria, Malta, Republika Çeke, Hungaria dhe Sllovakia nuk janë të mjaftueshëm për të prishur planin.

Me Gjermaninë, Spanjën, Poloninë, vendet nordike dhe baltike të gjitha në favor, grupi kundërshtar do të kishte nevojë që Franca, e vetmja peshë e rëndë në dispozicion të bënte një kthesë dhe të pozicionohej kundër. Megjithatë, diplomatët dhe zyrtarët pranojnë miratimin e kredisë së dëmshpërblimeve, pa Belgjikën dhe më gjithë pasiguritë e tjera, do të ishte politikisht i paqëndrueshëm.

Këshilli Bashkiak i Tiranës i kërkon zyrtarisht Prokurorisë së Posaçme dhe Drejtorisë së Përgjithshme të Burgjeve të lejojnë kryebashkiakun e Tiranës, Erion Veliaj, që të marrë pjesë fizikisht në mbledhjet për konsultimin dhe detajimin e projektbuxhetit 2026 për qytetarët.

Sipas kërkesës, pjesëmarrja e Erjon Veliajt për konsultimin dhe detajimin e projektbuxhetit është një proces i përcaktuar si detyrim ligjor nga legjislacioni për vetëqeverisjen vendore.

Në kërkesë, anëtarët e Këshillit Bashkiak theksojnë se prania e kryebashkiakut ne kete mbledhje është e detyrueshme për të garantuar bashkëpunimin me këshillin për çështje me interes publik.

Kerkesa e keshillit bashkiak vjen dy dite pasi veliaj iu drejtua keshillit me nje leter ku thekjsonte se konsultimet per buxhetin e kryeqytetit per vitin e ardhshem dhe miratimi i tij duhet te behej me pranine e e tij si kryetar i bashkise.

Kosova përfaqësohet në samitin e Brukselit: BE-Ballkani Perëndimor me presidenten Vjosa Osmani, ndërsa Serbia nuk do të ketë asnjë përfaqësues.

Ka qenë Aleksandër Vuçiç që ka deklaruar se kjo ndodh për herë të parë në 13 apo 14 vitet e e fundit, si një mesazh i fortë për Brukselin.

“Askush nuk do ta përfaqësojë Republikën e Serbisë, kështu që Ballkani Perëndimor do të jetë pa ne. Po e bej këtë për hir të qytetarëve të Serbisë, pavarësisht se kjo do të kritikohet nga Brukseli. Mendoj se po e mbroj Serbinë dhe interesat e saja. Serbia është në anën e saj, pavarësisht nëse kjo i pëlqen Washingtonit, Brukselit apo Moskës.”

Përplasjet e Beogradit me Brukselin kanë qenë të forta muajt e fundit, sidomos pas mesazheve të prera të Marta Kos, komisioneres për zgjerim se Serbia ka ende shume punë për të bërë në procesin e saj të integrimit, përfshirë edhe njësimin me politikën e jashtme të Brukselit, përballë Moskës.

Nga krahu tjetër, presidentja Osmani në një intervistë për Euronews deklaroj se rrugën e Kosovës drejt BE, e vështirësojnë situatat gjeopolitike.

“Absolutisht. Është fati ynë. Ne do të bëhemi pjesë e unionit. Është diçka për të cilën kemi punuar për një kohë shumë të gjatë dhe, edhe pse praktikisht kemi aplikuar vetëm disa vite më parë dhe shpresojmë që aplikimi ynë të jetë shumë shpejt në tryezën e shteteve anëtare të Këshillit. Ndonëse është një proces shumë kompleks, nëse do të zbatohej kriteri i bazuar në meritë, Kosova realisht do të kishte qenë një nga vendet kryesuese deri tani.”

Kosova është i vetmi vend në rajon që nuk e ka statusin e vendit kandidat, me pese shtete të unionit që nuk e njohin pavarësinë e Kosovës dhe ende nën sanksionet e Bashkimit Europian.

Në draft konkluzionet e Brukselit për zgjerimin, Kosova kishte përsëri detyrë ngritjen e asociacionit të komunave me shumicë serbe dhe dialogun me Serbinë, që ka ngrirë plotësisht që pas sulmit terrorist në Banjskë në shtator të 2023-shit./abcnews.al

Franca i ka hequr veton Malit të Zi duke mundësuar kështu që Podgorica të mbyllë pesë kapitujt e negociatave me Bashkimin Europian.

Këto kapituj janë liria e ofrimit të shërbimeve, lëvizja e lirë e kapitalit, e drejta tregtare, bujqësia dhe zhvillimi rural si dhe kapitulli për peshkimin.

Kryeministri i Malit të Zi Millojko Spajiç tha se Bashkimi Europian fiton një shtet anëtar që mund të ecë krah për krah me anëtarët e tjerë, edhe pse dikur ishte vendi më i varfër në ish-Jugosllavi.

Komisionerja për zgjerim Marta Kos tha se Mali i Zi është një kandidat me rezultate të mira dhe jo u dëshmua edhe nga mbyllja e 12 kapitujve nga 33 gjithsej.

Megjithatë ajo theksoi se Podgorica duhet të përshpejtojë procesin e reformave, sidomos në sundimin e ligjit, sistemin gjyqësor dhe luftën ndaj korrupsionit dhe krimit të organizuar.

Kryeministri malazez ka theksuar se vendi synon t’i mbyllë negociatat deri në fund të vitit 2026 dhe të jetë gati për anëtarësim të plotë në vitin 2028.

Megjithatë procesi u vu në pikëpyetje në fillim të dhjetorit, kur Franca vendosi një veto të papritur, për të cilën Podgorica tha se kishte më shumë të bënte me zhvillimet politike në Paris sesa me reformat e Malit të Zi.

Ndryshimi i qëndrimit të Parisit erdhi vetëm disa orë pasi kancelari gjerman Friedrich Merz deklaroi se Bashkimi Europian duhet të nisë punën për traktatin e anëtarësimit të Malit të Zi.

Shqipëria dhe Mali i Zi kanë qenë dy vendet e Ballkanit Perëndimor që kanë ecur me shpejtësi në procesin e anëtarësimit dhe vendi ynë ndërkohë ka hapur të gjithë grupkapitujt dhe nga Brukseli ka pasur sinjale se përfshirja në union mund të jetë e shpejtë.

Dorëheqje përpara shkarkimit nga Kuvendi. Kryeprokurori i Maqedonisë së Veriut, Ljupço Kocevski reflektoj dhe njoftoj pak orë përpara mbledhjes së Kuvendit, që kishte në rend dite votimin për ta larguar atë nga detyra, largimin e tij të parevokueshme nga detyra.

“Në këto gati dy vjet, kam punuar me ndershmëri dhe profesionalizëm dhe jam krenar për këtë, por edhe i zhgënjyer sepse nuk ka bazë ligjore për të mbështetur pretendimet e mia”, tha Kocevski.

Javën e kaluar, qeveria e drejtuar nga kryeministri Hristian Mickoski miratoi një propozim për shkarkimin e prokurorit publik të shtetit “për shkak të gabimeve të mëdha profesionale të bëra në menaxhimin e Prokurorisë Publike, të cilat çuan në një ndërprerje të efikasitetit dhe funksionalitetit të këtij institucioni të drejtësisë.

Sipas arsyetimit të qeverisë, kryeprokurori gjatë ushtrimit të detyrës, ka shkelur dinjitetin e këtij funksioni, duke abuzuar edhe me sekretin hetimor.

Vetë Kocevski e cilësoj këtë venndim politik, edhe pse ndryshoj qëndrim nga vendimi i mëparshëm për të mos u larguar nga detyra.

Procedura për shkarkimin e kryeprokurorit ishte njoftuar fillimisht më 1 gusht, por u pezullua përkohësisht. Çështja më pas u zvarrit, për shkak të targjedisë së Koçanit, kur kryeministri Mickoski deklaroj se po I jepte kohë prokurorisë të angazhohej plotësosht në zbardhjen e tragjedisë së Koçanit ku humbën jetën më shumë se 60 persona.

Në largimin e tij, Kocevski gjithësesi e la një mesazh për sistemin e drejtësisë në vend, duke theksuar se institucionet janë më të mëdha se individët, ndërsa drejtësia patjetër të jetë më e madhe se politika.

Për Maqedoninë e Veriut çështjet e drejtësisë dhe korrupsionit janë të rëndësishme për rrugën e saj të integrimit në BE, si angazhim kyç për të ecur përpara në union, edhe pse kjo solli një përplasje mes pushtetit ekzekutiv dhe drejtuesve te drejtësisë, me një fitore për qeverinë./abcnews.al