Drita dhe Shkëndija mbyllën me humbje fazën e ligës në Konference League, por asnjë dramë. Madje, dy skuadrat e shqiptarëve mund të festojnë, pasi me pikët e grumbulluara më parë, siguruan kualifikimin në fazën e play off të turneut, një arritje kjo historike.

Në sfidën e gjashtë, Drita u dorëzua pa kushte në transfertën spanjolle kundër Rayo Vallecano. Spanjollët dominuan, ndërsa pjesën e parë e mbyllën me epërsinë minimale pas golit të Lejun në minutën e 33-të.

Pas pushimit të zotët e shtëpisë vulosën fitoren me dy gola të tjerë. Gumbau dhe Pacha shuan shpresat e skuadrës nga Gjilani, që me 8 pikë e mbylli fazën e ligës në vendin e 20 në zonën e play off.

Në raundin tjetër do të luajë edhe Shkëndija që mori vendin e 22-të me shtatë pikë gjithsej. Në ndeshjen e fundit, skuadra nga Tetova u mund 1-0 në fushën e AEK Larnaka.

Kartoni i kuq i Latifit në pjesën e dytë prishi planet e tetovarëve, që shtatë minuta nga fundi i kohës së rregullt u ndëshkuan nga vendasit. Por kjo ishte një humbje e ëmbël, ndërsa si Shkëndija ashtu edhe Drita duhet të përgatiten tani për raundin tjetër të turneut./abcnews.al

Drita tashmë ka siguruar kualifikimin në fazën ‘play-off’ të Ligës së Konferencës, një arritje historike për futbollin kosovar.

Klubi gjilanas sot (e enjte) zhvilloi ndeshjen e fundit të fazës së ligës, duke u mposhtur me rezultat 3-0 nga Rayo Vallecano.

Me të përfunduar të gjitha ndeshjet e kësaj faze, tashmë është e ditur se me kë mund të ndeshet Drita në fazën e ‘play-off’-it.

Të besuarit e Zekirija Ramadanit përballë do ta kenë njërën prej Celje ose AZ Alkmaar.

Trajneri i Dritës në konferencën për shtyp pas ndeshjes, ka thënë se do të pëlqente që të përballej me Celjen e Sllovenisë, duke preferuar që ta evitonin AZ Alkmaar.

"AZ Alkmaar e njohim, preferoj Celjen si kundërshtar në play-off", ka thënë ai.

Kjo deklaratë e Ramadanit është e kuptueshme duke marrë parasysh se këto dy skuadra u ndeshën në fazën e ligës, me holandezët që fituan në Prishtinë me rezultat 3-0.

Kujtojmë se shorti për fazën ‘play-off’ të Ligës së Konferencës do të hidhet më 31 janar, teksa ndeshjet do të luhen më datat 19 dhe 26 shkurt./Telegrafi/

Drita tashmë ka siguruar kualifikimin në fazën ‘play-off’ të Ligës së Konferencës, një arritje historike për futbollin kosovar.

Klubi gjilanas sot (e enjte) zhvilloi ndeshjen e fundit të fazës së ligës, duke u mposhtur me rezultat 3-0 nga Rayo Vallecano.

Me të përfunduar të gjitha ndeshjet e kësaj faze, tashmë është e ditur se me kë mund të ndeshet Drita në fazën e ‘play-off’-it.

Të besuarit e Zekirija Ramadanit përballë do ta kenë njërën prej Celje ose AZ Alkmaar.

Vlen të theksohet se Drita fazën e ligës e përfundoi në pozitën e 20-të në tabelë me gjithsej tetë pikë të grumbulluara.

Në gjashtë ndeshje të zhvilluara, Drita pati dy barazime, dy fitore dhe dy humbje.

Ndeshjet e 'play-off'-it të Ligës së Konferencës do të luhen më datat 19-26 shkurt, ndërsa shorti do të hidhet më 31 janar./Telegrafi/

Një fitore nga ato që sjell pikë, lavdi dhe shumë para. Shkëndija i merr të gjitha këto në një natë të madhe të futbollit europian. Skuadra nga Tetova mundi 2-0 Slovan Bratislavën në Conference League, duke hedhur një hap të sigurtë drejt kualifikimit për në raundin tjetër të turneut.

Një autogol i Bajriç në minutën e 34 i hapi rrugën suksesit të Shkëndijës, që vulosi fatin e sfidës në shtesën e pjesës së parë.

Sabastian Spahiu shënoi golin e dytë për të zotët e shtëpisë, që pas pushimit arritën të ruajnë fitoren e dytë në 5 ndeshjet e fazës së ligës.

Me këtë sukses, tetovarët ngjiten në kuotën e 7 pikëve dhe ngjiten në vendin e 21-të në zonën e play off. Krejt i ndryshëm është diskutimi për shqiptarët e tjerë që luajnë në Conference League.

Drita e Gjilanit u dorëzua pa kushte në humbjen 3-0 kundër AZ Alkmaar.

Në stadiumin “Fadil Vokrri” të Prishtinës, skuadra e Kosovës e pa veten në dizavantazh që në minutën e 17-të. Holandezët mbyllën pjesën e parë me epërsinë minimale falë golit të Mijnans.

Pas pushimit, miqtë gjetën edhe dy herë të tjera rrugën e rrjetës me Jensen në të 58-ën dhe Sadik në limitet e kohës së rregullt.

Kjo humbje e mban Dritën e Gjilanit në vendin e 19 në klasifikimin e fazës së ligës dhe gjithashtu në zonën e play off me shpresa për të vazhduar aventurën europiane./abcnews.al

TIRANË, 9 dhjetor /ATSH/ Të enjten do të luhen ndeshjet e radhës në kompeticionet europiane, UEFA Europa League dhe UEFA Conference League.

Arbitrat shqiptarë do të vendosin drejtësi në dy takime.

Në UEFA Europa League, ndeshjen Lyon-Go Ahead Eagles do ta drejtojë Juxhin Xhaja. Asistentë janë Arbër Zalla dhe Rejdi Avdo, ndërsa arbitër i katërt është Olsion Yzeiraj.

Në rolin e VAR është skocezi Andrew Dallas, ndërsa në AVAR është gjermani Christian Dingert.

Takimi Lyon-Go Ahead Eagles do të luhet të enjten në “OL Stadium”, në orën 21:00.

Në UEFA Conference League, ndeshjen Breiðablik-Shamrock Rovers do ta drejtojë Enea Jorgji. Denis Rexha dhe Ridiger Çokaj janë asistentët e tij, ndërsa arbitër i katërt është Kreshnik Cjapi.

Në VAR është italiani Gianluca Aureliano, ndërsa në AVAR arbitri shqiptar Kreshnik Barjamaj.

Ndeshja Breiðablik-Shamrock Rovers do të luhet të enjten në “Laugardalsvöllur”, në Rejkjavik, në orën 18:45.

/gj.m/r.e/a.f/

The post UEFA Europa League dhe Conference League, arbitrat shqiptarë vendosin drejtësi në dy ndeshje appeared first on Agjencia Telegrafike Shqiptare.

Fazës së Ligës në Conference League po i vjen fundi, pasi janë luajtur katër ndeshje dhe kanë mbetur edhe dy të tilla. Shqiptarët në aktivitetet europiane të klubeve përfaqësohen nga dy ekipe, Drita e Gjilanit dhe Shkëndija e Tetovës. Ndeshjet e fundit sollën një derbi mes skuadrave shqiptare në Europë, nga ku doli fituese Drita, e cila në 4 ndeshje ka arritur të regjistrojë 2 fitore dhe 2…

Source

Derbi shqiptar mes Dritës dhe Shkëndijës në Conference League nuk solli vetëm emocion sportiv, por edhe një moment të veçantë me ngarkesë të fortë patriotike dhe simbolike.

Tifozët e Shkëndijës, Ballistët e Tetovës, shpalosën në tribunat e stadiumit në Prishtinë një banderolë prekëse kushtuar dëshmorit Mujdin Aliu.

“Sa herë të jetë nevoja, vëllezërit e Mujdinit vijnë nga Tetova”, ishte mesazhi i përcjellë, duke rikujtuar figurën e luftëtarit të shquar të UÇK-së, i cili dha jetën për lirinë e Kosovës.

Mujdin Aliu, i lindur më 15 janar 1974 pranë Tetovës, ishte pjesë e Ushtrisë Çlirimtare të Kosovës dhe u dallua veçanërisht në Betejën e Koshares, një nga përplasjet më të rëndësishme të luftës. Ai ra dëshmor më 14 prill 1999, duke u shndërruar në simbol të sakrificës dhe bashkimit mbarëkombëtar.

Banderola e shfaqur nga Ballistët u prit me respekt dhe emocion nga tifozët në stadium, duke e kthyer ndeshjen jo vetëm në një përballje sportive, por edhe në një moment reflektimi dhe nderimi për ata që dhanë jetën për liri.

The post Mesazh vëllazëror në derbin shqiptar/ Ballistët e Tetovës nderojnë Mujdin Aliun në Prishtinë appeared first on Albeu.com.

Drita do të luajë nesër (e enjte) ndaj Shkëndijës së Tetovës në kuadër të Ligës së Konferencës.

Në atë që po përshkruhet si një ditë festive për shqiptarët, para duelit në konferencë për media nga klubi gjilanas kanë dalë trajneri Zekirija Ramadani dhe Rron Broja.

Ramadani ndeshjen ndaj Shkëndijës e cilësoi si me të vështirën që ekipi i tij ka pasur deri më tani në arenën ndërkombëtare, teksa shtoi se ata tashmë kanë bërë përgatitjet e duhura dhe janë tejet të motivuar.

“Kemi presion. Jemi para tifozëve tonë. Është ndeshja më e vështirë që e kemi pasur në arenën ndërkombëtare. Patjetër që besoj te ekipi, është mirë që është rikthyer i gjithi, përveç Mesas. Do të mungojë edhe një kohë të gjatë”.

“Kam një bindje që secili futbollist që e merr formacionin dhe mundësinë për të luajtur do ta jap atomin e fundit për ta arritur synimin. Vijmë nga një fitore në Dublin, atje ku shkuam me shumë mungesa, pa katër sulmues. Morëm rezultat pozitiv, por do të jetë më vështirë se në Dublin”.

“Kam besimin tek ekipi im duke u bazuar te stërvitjet që kemi bërë. E kemi bërë analizën, i kemi shpërndarë gjitha informatat, ekipi nesër do të jetë super i motivuar”, ka thënë Ramadani.

Në anën tjetër Broja shtoi se skuadra e njeh mjaft mirë Shkëndijën dhe lojtarët e tyre.

"E njohim shumë mirë Shkëndijën, kanë lojtarë cilësorë. Por edhe ne kemi kualitet dhe nesër do të luftojmë për një fitore historike”, ka deklaruar Broja./Telegrafi/

Drita dhe Shkëndija shkëlqyen në ndeshjet e tyre të radhës në Conference Leage teksa mundën Shelbourne dhe Jagelonian. Skuadra kampione e Kosovës arriti t’i imponohej skuadrës irlandeze në shtëpinë e kësaj të fundit teksa e mundi 0-1.

Gjërat në këtë ndeshje u lehtësuan për Dritën pasi në minutën e 17 skuadra e Shelbourne mbeti në inferioritet numerik pas ndëshkimit me karton të kuq të James Norris pas një faulli ndaj Almir Ajzeraj. Megjithatë 3 minuta më vonë, skuadra irlandeze iu afrua golit me Harry Wood që u ndal nga shtylla. Në minutën e 45 ishte Drita që nuk pati fatin me vete pasi Rron Broja goditi tramversën dhe pjesa e parë u mbyll me barazimin 0-0.

Në pjesën e dytë, Drita arriti të gjejë golin e avantazhit në minutën e 58 pikërisht me Almir Ajzerajn. Historitë e kësaj ndeshjeje nuk ndryshuan më deri në fundin e takimit me Dritën që fitoi duke marrë 3 pikë që e ngjisin në vendin e 15 me 5 pikë. Një paraqitje po kaq të mire bëri edhe skuadra tjetër shqiptare, Shkëndija e Tetovës që arriti t’i imponohej Jagellonias me rezultatin 1-0 ku vendimtar u bë Liridon Latifi me golin e tij. Fitorja e dytë për Shkëndijen në këtë kompeticion që e ngjit atë në kuotën e 6 pikëve.

Ndërkaq Dinamo e Zagrebit zhgënjeu në ndeshjen e radhës së Europa League. Skuadra kroate ku aktivizohet sulmuesi i kombëtares shqiptare, Arbër Hoxha u mund në shtëpi nga Celta Vigo me rezultatin 0-3. Në këtë ndeshje Hoxha ishte titullar, por nuk mundi dot të ndihmojë skuadrën e tij të evitonte humbjen.

Po në Europa League, Roma mori një fitore në transfertë ndaj Glasgow Rangers së Nedim Bajramit me rezultatin 2-0 me 2 gola të Matias Soule. Aston Villa mposhti Maccabi Tel Aviv 2-0, fitore të rëndësishmë mori edhe Real Betis ndaj Olympique të Lyon me rezultatin 2-0.

The post Drita dhe Shkëndija, mbajnë me nder lartë emrin e Shqipërisë, fitojnë të dyja në Conferencë League! appeared first on Albeu.com.

Drita e Gjilanit flirton me fitoren e parë në historinë e saj në Kupat e Europës, porn ë fund duhej të kënaqej me barazimin e dytë në po aq ndeshje në Konferencë Ligë.

Skuadra nga Kosova nuk shkoi më shumë se shifrat 1-1 në ndeshjen e luajtur në shtëpi kundër qipriotëve të Omonia.

Goli i Arb Manaj që në minutën e 12-të i dha epërsinë Dritës. Avantazhi dhe entuziazmi i vendasve zgjati deri në fundin e pjesës së parë, por u anulua përpara pushimit.

Në kohën shtesë, Masuras gjeti rrugën e rrjetës, duke barazuar shifrat. Nuk sollën asgjë përpjekjet e skuadrës nga Gjilani në fraksionin e dytë. Rastet nuk munguan, por finalizimi nuk ishte ai I duhuri.

Në fund vetëm barazim dhe një tjetër pikë për Dritën, që gjithsesi mbetet pozitive në premierën e saj në futbollin e madh europian. Në javën e dytë të Konferencë Ligës festuan shqiptarët e tjerë të Shkëndijës së Tetovës.

Pas humbjes në sfidën e parë në transfertën spanjollle kunër Rayo Vallecano, skuadra kuqezi fitoi 1-0 në shtëpi kundër Shelbourn Rovers. Fati i ndeshjes u vendos vetëm në kohën shtesë, falë një autogoli të Barret.

Me këtë sukses, Shkëndija e Tetovës merr tri pikët e para, duke hedhur një hap të rëndësishëm drejt raundit tjetër në Konference League./abcnews.al

TIRANË, 28 gusht /ATSH/  Dinamo është eliminuar në fazën play-off të Conference League.

Pas humbjes 3-0 në ndeshjen e parë, dinamovitët nuk kanë shkuar më shumë se një barazim 1-1 ndaj Jagiellionas në ‘Arenën Kombëtare’.

Pavarësisht rasteve, pjesa e parë nuk pati gol.

Në pjesën e dytë, Dejvi Bregu ndezi shpresat e ekipit të Ilir Dajës, por vetëm përkohësisht, pasi Rallis i dha fund një herë e mirë dilemave sado të vogla për kualifikimin. Dinamo, pas një rrugëtimi pozitiv, nuk i mbetet gjë tjetër veçse të provojë sërish vitin tjetër.

Gjithashtu sonte edhe, Shkëndija e Tetovës u eliminua nga bullgarët e Ludogorets në Europa League, por gjithsesi do të luajë në grupet e Conference League.

Conference League/ Dinamo City - Jagellonia

1 nga 6

/gj.m//a.f//r.e/

The post Conference League, Dinamo barazon 1-1 me Jagellonian dhe eliminohet në play-off appeared first on Agjencia Telegrafike Shqiptare.

TIRANË, 28 gusht /ATSH/ “Drita” ka arritur të fitojë edhe ndeshjen e dytë kundër “Differdange” në “play-off”, duke u kualifikuar kështu për herë të parë në Conference League.

Pas fitores së parë në Prishtinë me rezultatin 2-1, skuadra e Zekerija Ramadanit bëri detyrën edhe në Luksemburg.

Vendasit u ndëshkuan që në minutën e 3’ me një karton të kuq, duke ia bërë gjërat më të lehta kampionëve të Kosovës.

Në minutën e 62’, ishte Besnik Krasniqi, i cili arriti në mënyrë të shkëlqyer të kthente në gol një 11-metërsh dhe duke hedhur hapin e sigurt drejt fazës së ligës.

Minutat e mbetura u menaxhuan mjaft mirë nga Drita, i cili mori fitoren me rezultatin e përgjithshëm që shënonte 3-1 për të besuarit e Ramadanit.

Drita arrin për herë të parë një kualifikim historik në fazën e grupeve të një kompeticoni europian, teksa të premten e 29 gushtit do të mësojë dhe 6 kundërshtarët me të cilët do të ndeshet në Conference League.

Differdange 0-1 Drita

Krasniqi (P) 62’

/gj.m//a.f//r.e/

The post Conference League, Drita kualifikohet për herë të parë në fazën e grupeve në një kompeticion europian appeared first on Agjencia Telegrafike Shqiptare.

Skuadra e Dritës ka shkruar një faqe të re të futbollit kosovar në arenën europiane. Pas suksesit në Ballkan, kampionia e Kosovës është bërë skuadra e dytë kosovare që arrin fazën e ligës në Ligën e Konferencës.

Gjilanasit triumfuan edhe në ndeshjen e kthimit ndaj Differdange në Luksemburg, duke fituar 1:0. Ndeshja e parë në Prishtinë kishte përfunduar 2:1 në favor të Dritës, gjë që i dha avantazh të madh ekipit për këtë sfidë.

Në minutën e tretë, futbollisti i Differdange, Buch, u ndëshkua me karton të kuq, duke lënë ekipin e tij me 10 lojtarë, çka e bëri më të lehtë dominimin e Dritës. Gol i vetëm u shënuar nga Besnik Krasniqi në minutën e 61-të, nga penalltia.

Me këtë fitore, Drita siguron vendin në fazën e ligës dhe nesër do t’i mësojë kundërshtarët në shortin që do të tërhiqet në mesditë./KultPlus.com

Skuadra e Dritës është vetëm një hap larg historisë, duke synuar për herë të parë kualifikimin në fazën e grupeve të Conference League.

Kampioni i Kosovës do të luajë sonte në transfertë ndaj ekipit nga Luksemburgu, Differdange, në kuadër të play-offit të kësaj gare prestigjioze evropiane.

Drita e ka një avantazh të lehtë pas ndeshjes së parë në Gjilan, ku fitoi me rezultatin 2-1. Kjo fitore i jep gjilanasve shpresa të mëdha për ta mbyllur me sukses këtë rrugëtim evropian.

Ndeshja Differdange – Drita nis në orën 20:00 dhe pritet me shumë interes nga tifozët, të cilët shpresojnë të shohin skuadrën e tyre për herë të parë në një fazë grupesh të UEFA-s./KultPlus.com

TIRANË, 22 gusht /ATSH/ Dinamo City zhvilloi ndeshjen e parë të play-off-it në UEFA Conference League ndaj Jagiellonia, duke u mundur me rezultatin 3-0 në stadiumin “Stadion Miejski w Białymstoku”.

Trajneri Ilir Daja e nisi takimin me këtë formacion titullar: Teqja (GK), Loran, Aliji, Meksi, Tiago Nani; Karamba, Vila, Beqja, B. Berisha, Bregu, Berisha.

Skuadra polake kaloi në avantazh në minutën e 12-të me Jesus Imaz, ndërsa në minutën e 34-të Afimico Pululu shënoi golin e dytë. Në fillim të pjesës së dytë, Norbert Wojtuszek realizoi golin e tretë dhe vulosi fitoren 3-0 të Jagiellonia.

Ndeshja e kthimit mes Dinamo City dhe Jagiellonia do të luhet më 28 gusht, në stadiumin “Air Albania”, në orën 20:45.

1 nga 3

/gj.m//a.f/

The post Dinamo City humbet 3-0 ndaj Jagiellonia në ndeshjen e parë play-off në UEFA Conference League appeared first on Agjencia Telegrafike Shqiptare.

Ndryshe nga Dinamo Siti, mbrëmja e plej-of në Kupat e Europës ishte e suksesshme për dy skuadrat e tjera shqiptare, Shkëndija e Tetovës dhe Drita e Gjilanit. Formacioni tetovar mundi me përmbysje 2-1 kampionët e Bullgarisë, Ludogorets, duke hedhur një hap të sigurt drejt fazës së grupeve në Europa Ligë.

Latifi në pjesën e parë dhe Ibrahimi në të dytën shënuan golat e fitores për Shkëndijën, që i mjafton barazimi në ndeshjen e kthimit për të festuar kualifikimin historik.

I njëjti diskutim vlen për Dritën. Skuadra e Kosovës mundi në Prishtinë 2-1 Diferdanzh nga Luksemburgu dhe afrohet me kualifikimin historik në fazën e grupeve të Konference League.

Dinamo City zhvilloi ndeshjen e parë të play-off-it në UEFA Conference League ndaj Jagiellonia, duke u mundur me rezultatin 3-0 në stadiumin “Stadion Miejski w Białymstoku”.

Trajneri Ilir Daja e nisi takimin me këtë formacion titullar: Teqja (GK), Loran, Aliji, Meksi, Tiago Nani; Karamba, Vila, Beqja, B. Berisha, Bregu, Berisha.

Skuadra polake kaloi në avantazh në minutën e 12-të me Jesus Imaz, ndërsa në minutën e 34-të Afimico Pululu shënoi golin e dytë. Në fillim të pjesës së dytë, Norbert Wojtuszek realizoi golin e tretë dhe vulosi fitoren 3-0 të Jagiellonia.

Ndeshja e kthimit mes Dinamo City dhe Jagiellonia do të luhet më 28 gusht, në stadiumin “Air Albania”, në orën 20:45.

TIRANË, 14 gusht /ATSH/ Dinamo City është kualifikuar në play off-et e Europa Conference League, pasi eliminoi Hajduk Splitin.

Ndeshja e zhvilluar në stadiumin “Arenën Kombëtare” përfundoi me rezultatin 3-1 për blutë pas 120 minutave lojë. Koha e rregullt mbaroi 1-0 për vendasit, rezultat që barazoi humbjen 2-1 të ndeshjes së parë të luajtur në Kroaci. Goli i vetëm në kohën e rregullt u shënua nga Baton Zabërgja në minutën e 14-të.

Në minutën e 78-të, lojtari i Hajduk Split, Abdoulie Sanyang Bamba, u ndëshkua me karton të kuq pas dy ndërhyrjeve të rrezikshme.

Koha shtesë nisi mirë për kroatët, të cilët barazuan rezultatin në minutën e 99-të me golin e Fran Karačić, duke u afruar më shumë se kurrë me kualifikimin. Por Dinamo City reagoi fuqishëm në shtesën e dytë, duke përmbysur gjithçka. Në minutën e 109-të, Eridon Qardaku shënoi një supergol nga jashtë zone, ndërsa dy minuta më pas Hekuran Berisha e dërgoi për herë të tretë topin në rrjetë, duke vulosur fitoren.

Takimi u mbyll me rezultatin 3-1, ndërsa në totalin e dy sfidave Dinamo City triumfoi 4-3, duke siguruar kalimin në fazën play off të Europa Conference League, aty ku do të ndeshet me polakët e Jagiellonia.

Dinamo City-Hajduk Split, Foto: Agim Dobi

1 nga 6

/a.f/

The post Dinamo City kualifikohet në play off-et e Europa Conference League appeared first on Agjencia Telegrafike Shqiptare.

TIRANË, 13 gusht /ATSH/ Egnatia dhe Dinamo City do të luajnë nesër duelet vendimtare të turit të tretë të UEFA Conference League, me objektivin e vetëm për t’u kualifikuar në fazën play-off.

Kampionët në fuqi të Shqipërisë janë më pranë se kurrë për ta arritur këtë objektiv dhe u mjafton edhe një fitore me rezultat minimal, pasi sfida e parë në Ljubljana, në stadiumin “Stožice”, u mbyll në barazim pa gola 0-0.

Gjithçka do të vendoset në Rrogozhinë, në “Egnatia Arena”, ku kampionët e Shqipërisë do të kenë mbështetjen e madhe të tifozëve për të siguruar një tjetër arritje historike. Ndeshja do të luhet në orën 21:00.

Në “Air Albania” do të zhvillohet superdueli Dinamo City – Hajduk Split. Blutë e Dinamos zhvilluan një ndeshje të mirë, shënuan të parët në transfertë, por u mundën 2-1.

Megjithatë, gjithçka mbetet e hapur dhe kualifikimi do të vendoset në Tiranë. Sfida Dinamo City – Hajduk Split do të luhet në orën 20:45.

/gj.m/j.p/

The post UEFA Conference League, Egnatia dhe Dinamo City luajnë nesër duelet vendimtare të turit të tretë appeared first on Agjencia Telegrafike Shqiptare.

TIRANË, 7 gusht /ATSH/ “Ballkani” ka hedhur një hap të rëndësishëm drejt fazës ‘play-off’ të Conference League, duke mposhtur të enjten “Shamrock Rovers” me rezultatin minimal 1-0, në ndeshjen e parë të zhvilluar në stadiumin ‘Fadil Vokrri’ në Prishtinë.

Skuadra e drejtuar nga Orges Shehi dominoi takimin nga minuta e parë, duke krijuar disa raste të rrezikshme.

Arbër Potoku provoi të zhbllokonte rezultatin në minutën e 15-të, por portieri mik ndërhyri në kohë. Tre minuta më pas, ishte radha e Sunday Adetunjit të rrezikonte, por sërish portieri irlandez reagoi me sukses.

Presioni i Ballkanit nuk u ndal as në pjesën e dytë. Në minutën e 54-t, Adetunji gjeti rrjetën me një lëvizje inteligjente në zonë, duke shënuar golin që në fund rezultoi vendimtar.

Pas golit, ekipi nga Kosova kërkoi edhe një të dytë. Almir Kryeziu dhe sërish Adetunji patën raste për të thelluar epërsinë, por portieri i Shamrock Rovers mbajti gjallë shpresat e skuadrës së tij për ndeshjen e kthimit.

Me këtë rezultat, Ballkani siguron një avantazh të rëndësishëm para sfidës së kthimit javën e ardhshme në Irlandë, ku do të kërkojë të mbyllë me sukses një tjetër kapitull evropian.

/gj.m/r.e/

The post Conference League – “Ballkani” i Orges Shehit fiton 1-0 kundër “Shamrock Rovers” appeared first on Agjencia Telegrafike Shqiptare.