Ky fundivit vjen me më shumë në TRING. Platforma më e madhe televizive në Shqipëri, bëhet edhe më e madhe. Me paketën EXTRA+ në Tokësor, Satelitor dhe OTT, do të shihni shumë sport, më shumë kontent, më shumë argëtim.
I gjithë sporti në një vend të vetëm, sepse tashmë në Tring mund t’i shihni të gjitha. Premier League, La Liga, Ligue 1, Kombëtarja Kuq e Zi, Europa League, Formula 1 dhe shumë kompeticione të tjera i bashkohen Champions League, Serie A e Coppa Italia, Bundesliga, NBA e Moto Gp në Tring Sport, për eksperiencën absolutisht më shumëdimensionale dhe gjithëpërfshirëse në vend. Gjigantët e globit, më shumë se 25 kompeticione prestigjioze sportive, të gjitha kampionatet më të forta në botë tashmë në një paketë të vetme.
Por gëzimi i këtij fundviti nuk mbaron me kaq dhe as dhuratat. Nga 20 dhjetori nis Big Brother Vip Albania, reality shoë që mbërthen para ekranit shikuesit dhe në Tring, për herë të parë, tashmë janë listuar 2 kanalet ekskluzive BBVA1 dhe 2, së bashku me Top Channel dhe shumë kanale të tjera, të cilat së bashku me programacionin e larmishëm, me filma e seriale premierë, spektakël e transmetime Live, kontent të dedikuar për të gjithë familjen, do t’i bëjnë këto festa të paharrueshme dhe sigurisht Tring platformën që duhet zgjedhur, si çfdo vit dhe këtë vit më shumë se kurrë.
Tani është momenti për të përfituar më shumë nga abonimi juaj. Mjafton ta plotësoni atë apo të riabonoheni në paketën EXTRA+, e cila me uljet ekskluzive të fundvitit është e përshtatshme për çdo individ e familje, për të shijuar një nivel të ri argëtimi dhe të gjithë sportin në një platformë të vetme…
Përfitoni të abonoheni me ofertën festive në të gjitha pikat zyrtare të shitjes në të gjithë botën, si edhe online në faqen zyrtare tring.al.
Festat janë te dera! Këtë vit, më shumë se çdo vit… Gzo me Tring!
Sezoni i Formula 1 përfundoi së fundmi, me Lando Norris që fitoi kampionatin. Megjithatë, britaniku te McLaren nuk fitoi më shumë para në vitin 2025.
Kur bëhet fjalë për pagat e pilotëve, më i paguari ishte Lewis Hamilton, i cili u pagua 70 milionë dollarë nga Ferrari këtë vit.
Por, legjendari Lewis nuk mblodhi më shumë para këtë vit. Edhe pse paga e Max Verstappen te Red Bull ishte pesë milionë më pak se ajo e Hamilton, ai mori një bonus shumë më të madh.
Kështu, Verstappen mori një bonus prej 11 milionë dollarësh përveç pagës së tij prej 65 milionë dollarësh, dhe fitimet e tij totale për vitin 2025 arrijnë në 76 milionë dollarë.
Verstappen më i paguari i vitit 2025
Bonusi i Hamiltonit pas rezultateve zhgënjyese nuk është për t'u habitur, pasi arrin vetëm në gjysmë milioni dollarë. Pra, Hamilton fitoi gjithsej 70.5 milionë dollarë këtë vit.
Paga e tretë më e lartë ishte Charles Leclerc te Ferrari, i cili mori 30 milionë. Megjithatë, ai mbeti pa bonus, dhe u tejkalua nga Lando Norris i McLaren, i cili mori një bonus prej 39.5 milionë dollarësh përveç pagës së tij prej 18 milionë dollarësh, dhe Oscar Piastri me 37.5 milionë dollarë fitime.
Norris dhe Leclerc
10 pilotët më të mirë të F1 sipas fitimeve në vitin 2025
Lando Norris ka përfunduar një vit të jashtëzakonshëm në Formula 1, duke fituar titullin kampion botëror dhe duke siguruar një shpërblim të konsiderueshëm financiar.
Përveç pagës bazë prej rreth 18.6 milionë euro me McLaren, ai ka marrë edhe rreth 4,65 milionë euro bonus për titullin, si dhe rreth 3,7 milionë euro për shtatë fitoret dhe podiumet e tij, duke e çuar totalin vjetor në rreth 27 milionë euro për vitin 2025.
Ky shpërblim e vendos Norris-in si pilotin e katërt më të paguar në Formula 1, pas Max Verstappen, Lewis Hamilton dhe Charles Leclerc, shumë larg atyre, megjithëse vitin 2025 Verstappen dhe Hamilton nuk arritën podium.
Për krahasim, kolegu i tij te McLaren, Oscar Piastri, do të përfitojë rreth 9,3 milionë euro këtë vit, duke përfshirë shpërblimin për vendin e tretë në kampionat dhe bonuset për shtatë fitoret dhe podiumet e tij.
Fitimet e pilotëve më të paguar të F1 për vitin 2025
Max Verstappen, Red Bull Racing – 60,5 milionë euro
Lewis Hamilton, Ferrari – 55,8 milionë euro
Charles Leclerc, Ferrari – 31,6 milionë euro
Fernando Alonso, Aston Martin – 18,6 milionë euro
Lando Norris, McLaren – 18,6 (27 me titullin) milionë euro
George Russell, Mercedes – 13,9 milionë euro
Lance Stroll, Aston Martin – 9,3 milionë euro
Carlos Sainz, Williams – 9,3 milionë euro
Pierre Gasly, Alpine – 9,3 milionë euro
Alexander Albon, Williams – 7,4 milionë euro
Nico Hulkenberg, Stake F1/Audi – 6,5 milionë euro
Esteban Ocon, Haas F1 – 6,5 milionë euro
Oscar Piastri, McLaren – 5,6 (9,3 vendin e tretë botëror) milionë euro
Gabriel Bortoleto, Stake F1/Audi – 1,9 milionë euro
Yuki Tsunoda, Red Bull – 1,9 milionë euro
Kimi Antonelli, Mercedes – 1,9 milionë euro
Oliver Bearman, Haas – 0,93 milion euro
Liam Lawson, Racing Bulls – 0,93 milion euro
Isak Hadjar, Racing Bulls – 0,7–0,93 milion euro
McLaren ka një vit të suksesshëm financiarisht, dhe fitimi i titullit nga Norris nuk ndryshon ndjeshëm buxhetin e ekipit, por siguron shpërblime të rëndësishme për pilotin dhe një rritje prestigji për skuadrën. /Telegrafi/
Lando Norris është shpallur kampioni më i ri i Formula 1 këtë të diel në pistën Yas Marina, duke i dhënë fund dominimit katërvjeçar të Max Verstappen.
Pas një sezoni maratonë me 24 gara dhe 6 fitore, piloti i McLaren arriti të sigurojë titullin e parë botëror në karrierë dhe të parin për McLarenin që nga viti 2008, kur kurorën e mori Lewis Hamilton.
Ky triumf shënon fundin e mbretërimit të Verstappen, i cili kishte fituar titujt e viteve 2021–2024. Piloti holandez e mbylli sezonin me fitoren e tij të 71-të në karrierë dhe luftoi deri në fund për titullin, duke ushtruar presion maksimal, por MCL39 i McLaren këtë vit ishte një makinë jashtëzakonisht superiore.
Megjithatë, suksesi i Verstappen mbetet i pamohueshëm: ai fitoi tetë gara edhe pse Red Bull në këtë sezon ishte dukshëm pas McLaren-it.
Norris thyen “mallkimin” e gjatë të McLaren. Kanë kaluar 17 vjet që nga titulli i tyre i fundit botëror. Lewis Hamilton, pas kampionatit të 2008-ës, fitoi edhe gjashtë tituj të tjerë, por të gjithë me Mercedes.
Historiku i kampionëve të Formula 1
Në listën historike të kampionëve vërehen disa momente të rëndësishme: Kampioni i parë i Formula 1 ishte Giuseppe Farina me Alfa Romeo në vitin 1950.
I vetmi spanjoll që ka fituar titull botëror është Fernando Alonso me dy kampionate radhazi (2005, 2006).
Michael Schumacher dhe Lewis Hamilton janë pilotët më të suksesshëm në histori me nga shtatë tituj secili. Hamilton ishte shumë pranë titullit të tetë në Abu Dhabi, por një fund i kontestuar me Safety Car, pas incidentit të Nicholas Latifit, i dha titullin Verstappenit.
Lando Norris e përfundoi Çmimin e Madh të Abu Dhabit në vendin e 3-të, pas Max Verstappen dhe Oscar Piastri, por kjo nuk e pengoi të shpallej kampion bote i Formula 1 për vitin 2025.
Në fund të garës, pikërisht në pistë, britaniku u intervistua nga David Coulthard për F1 TV dhe dha disa deklarata, duke u përpjekur të mbante lotët.
"Nuk kam qarë për një kohë të gjatë. Nuk mendoja se do të qaja, por po. Ka qenë një udhëtim i gjatë. Para së gjithash, dua të falënderoj të gjithë në McLaren, por edhe prindërit e mi. Ata janë ata që më mbështetën që nga fillimi. Ndihem i pabesueshëm!”.
“Tani e di, deri diku, se si ndihet Max. Dua ta përgëzoj atë dhe Oscarin, rivalët e mi këtë sezon! Ishte kënaqësi të luftoja me ta, mësova shumë. Ishte një vit i gjatë dhe jam shumë krenar për të gjithë. Shtyva fort deri në fund, në 2-3 xhirot e fundit e lashë të shkonte".
"Luftova deri në fund, kjo sepse Max dhe Oscar nuk ma bënë jetën më të lehtë. Tani dua ta shijoj momentin. Jo shumë njerëz mund ta përjetojnë atë që po përjetoj unë tani. Jam shumë i lumtur!", deklaroi fillimisht ai.
Më pas, në podium, Norris foli me britanikun Jenson Button, kampion bote në vitin 2009.
“Kam dashur ta bëj këtë ëndërr realitet për 16 vjet. Performancat e mia më të mira erdhën në gjysmën e dytë të sezonit. Atëherë nxora maksimumin nga makina. Sot kam familjen time pranë dhe jam shumë krenar që i kam bërë të lumtur. Ju dua! Faleminderit prindërve të mi që më lejuan të realizoj këtë ëndërr!”, deklaroi ai. /Telegrafi/
Fituesi i Çmimit të Madh të Abu Dhabit, Max Verstappen u shpreh se ishte “shumë krenar” pavarësisht se humbi ngushtë titullin e vitit 2025 pas një rikthimi të jashtëzakonshëm.
Verstappen e gjeti veten 104 pikë prapa kreut të kampionatit pas Çmimit të Madh të Holandës në gusht, por ai dhe Red Bull u rikthyen fuqishëm në garë me një seri fantastike paraqitjesh përgjatë gjysmës së dytë të sezonit.
Megjithëse e nisi nga pole position dhe e fitoi garën me një paraqitje mbizotëruese, në fund Verstappen mbeti dy pikë larg përmbysjes së Lando Norris, i cili e siguroi titullin me një vend të tretë.
I pyetur pas garës nëse kishte emocione të përziera, Verstappen tha se humbja e titullit mbetet e dhimbshme, por beson se gara nuk ishte e keqe.
“Ndjehem mirë. Që më herët isha i përgatitur për këto rezultate, sepse na duhej pak fat për të fituar”.
“Nga ana jonë, të paktën e optimizuam fundjavën në mënyrën perfekte – e nisëm nga pole, e fituam garën, mendoj në mënyrë dominuese, ndaj nuk ka shumë për të shtuar”.
“Në fund, sigurisht, humbja e kampionatit me dy pikë duket e dhimbshme, por nga ana tjetër, nëse shikon prej nga kemi ardhur, në Zandvoort ishim më shumë se 100 pikë mbrapa, kështu që mendoj se nuk është edhe aq keq”.
I shtyrë të flasë për krenarinë që ndjen për rikthimin e tij dhe të Red Bull, holandezi shtoi:
“Jam shumë krenar për të gjithë ekipin. Mund të kishim hequr dorë shumë lehtë në atë pikë, kur je kaq larg.
“Nuk mendoj se ky ekip funksionon kështu. Ne gjithmonë përpiqemi të gjejmë përmirësime dhe të kuptojmë problemet tona, dhe këtë pikërisht e bëmë. Ky rikthim ka qenë argëtues, dhe edhe sot ishte një ditë e mirë”.
Verstappen në fund konfirmoi se mbetet krenar me gjithë punën e bërë, pavarësisht që dështuan në fund.
“Nuk e fituam kampionatin, në rregull, ndodh, është pjesë e jetës dhe nuk është diçka për të cilën do të jem shumë i trishtuar. Jeta vazhdon”.
“Jam thjesht shumë krenar për njerëzit me të cilët punoj, ata janë familja ime e dytë, dhe do ta shijojmë këtë moment. Do ta shijojmë gjysmën e dytë të sezonit, do të jemi krenarë për të, dhe vitin e ardhshëm do të jetë një pikëpyetje e madhe për të gjithë”./Telegrafi
Kjo është historia e Lando Norris – një histori që dikur shihej me skepticizëm, por sot lexohet si kapitulli i ri i një kampioni të madh.
Kur Lando Norris (Bristol, 1999) u shfaq në programin e të rinjve të McLaren në vitin 2018, njerëzit flisnin për të si “djali i një multimilioneri”. Babai i tij, Adam Norris, u pasurua duke ndërtuar kompaninë Horatio Investments, të cilën e shiti për 220 milionë funte. Në vitin 2023, pasuria e tij arriti 200 milionë funte, duke e renditur mes më të pasurve në Mbretërinë e Bashkuar.
Shumë e përdorën këtë fakt si kritikë, sikur pasuria e familjes ishte arsyeja pse Lando u ngjit drejt Formula 1. E vërteta është se paratë mund të hapin dyer… por talenti është ai që të mban brenda.
Dhe Norris e tregoi talentin shumë herët: kampion Evrope në karting (2013), kampion bote (2014), fitues i F4 britanike (2016) dhe kampion i FIA F3 Europiane në 2017.
Për disa shkallë të para në karrierë, financat ndihmojnë, por paratë nuk të bëjnë kampion – dhe këtë e ka provuar edhe Lance Stroll. Lando vetë e ka thënë me shaka: “Babai i Stroll është më i pasur se im’”.
Në F2, aty ku talenti dhe presioni vihen në peshore, Norris shkëlqeu dhe humbi titullin vetëm në luftën e fundit kundër George Russell, në një nga sezonet më të forta që mbahet mend.
Fillimet te McLaren dhe ‘kafet për Alonson’
Në vitin 2018, McLaren e solli si pilot rezervë pranë Fernando Alonsos dhe Stoffel Vandoorne. Ishte vetëm 18 vjeç, i turpshëm dhe i ndrojtur, sa duhej lutur që të dilte në fotografi zyrtare. Shpesh shihej duke i çuar një kafe Alonsos para seancave – jo si shërbim, por si gjest respekti ndaj idhullit të tij.
Lando mësonte çdo detaj nga Alonso: qëndrimin, raportimet teknike, komunikimin me inxhinierët. Zak Brown, i cili më vonë do të bëhej arkitekti i rilindjes së McLarenit, ishte menaxheri personal i Norris që në atë kohë.
Kur Alonso u largua dhe më 2019, Norris u bashkua me Carlos Sainz si pilot zyrtar, dyshja krijoi menjëherë një miqësi të fortë. Ditët e simulimit u kthyen në legjenda, plot gara virtuale, humor dhe rivalitet miqësor.
Në pistë, Sainz ishte më i fortë në dy vitet e para (2019 dhe 2020), por Norris tregonte atë shpejtësinë e pastër në një xhiro – një cilësi që e kanë vetëm pilotët e lindur. Sainz mori podin e tij të parë në vitin 2019, ndërsa Norris duhej të priste 2020, në një Red Bull Ring të zbrazur nga pandemia, për të festuar trofeun e parë.
Më pas, Ferrari e mori Sainz, ndërsa Norris vendosi të qëndrojë. Dhe aty filloi ngritja e tij. Fitore në Miami, rritje e McLarenit nën drejtimin e Stellas dhe një makinë që sezonin 2024-2025 u kthye në makinerinë më të mirë.
Dyshimet, krizat dhe kthesa e madhe
Norris ka treguar shpesh se periudha 2019–2020 e dëmtoi emocionalisht: “Nuk e dija si të përballesha me presionin. E mbaja gjithçka brenda dhe humba vetëbesimin. Pyesja veten nëse isha i mirë mjaftueshëm për F1”.
Por pikërisht nga ato dy vite ai doli më i fortë. Dhe këtë sezon, me shtatë fitore, dominim në disa gara dhe rikthim të jashtëzakonshëm pas një periudhe të vështirë, Lando Norris u bë kampion bote i F1.
Një kampion që vazhdon të qeshë, që nuk bie në provokime, që luftoi me Verstappenin me dinjitet – siç pak të tjerë kanë arritur – dhe që sot hyn në historinë e britanikëve të mëdhenj të këtij sporti.
Ky është Lando Norris: nga “djali i pasur me një vend në zonën e ekipeve”… te “piloti që fitoi botën me talent, punë dhe buzëqeshje”. /Telegrafi/
Kampionati Botëror i Formula 1 përfundoi pa dramën që shumë kishin parashikuar, dhe kjo falë një strategjie të zgjuar të McLarenit. Ekipi me bazë në Woking sakrifikoi Oscar Piastrin për të mbrojtur pozitat e Lando Norrisit dhe, falë këtij plani të ekzekutuar në mënyrë perfekte, siguroi titullin e shumëpritur të pilotëve.
Pas dominimit të plotë në Kampionatin e Konstruktorëve, McLaren kishte nevojë vetëm për “xhevahirin e kurorës” — dhe e mori.
Plani ishte i qartë: Lando Norris duhej të përfundonte garën i treti. Ai podium do t’i mbyllte llogaritë, pavarësisht nëse Max Verstappen fitonte apo jo.
Në Yas Marina, holandezi i Red Bullit arriti një triumf tjetër spektakolar, por nuk pati asnjë ndihmë për t’i ndërprerë rrugën pilotit me numër 4.
Titulli u vendos me vetëm dy pikë diferencë: 423 për Lando Norrisin dhe 421 për Max Verstappenin.
Një duel i jashtëzakonshëm që mbeti i hapur deri në shpejtësinë e fundit.
McLaren MCL39, makina që ndryshoi balancat
McLaren pati sezonin më të fuqishëm të dekadës së fundit. MCL39 u dëshmua si një nga makinat më konkurruese në histori — më e shpejtë dhe më e qëndrueshme se rivalët e saj kryesorë. Fakti që të dy pilotët e saj përfunduan brenda tre vendeve të para në renditjen finale është prova më e qartë e superioritetit teknik.
Oscar Piastri, i treti në kampionat, për një kohë të gjatë dukej se do të ishte kandidati kryesor për titull. Australiani fitoi gara, udhëhoqi klasifikimin në disa momente dhe tregoi nivel prej kampioni botëror, duke bërë presion konstant si ndaj Norrisit ashtu edhe ndaj Verstappenit.
Norris, shtatë fitore dhe një sprint final i pabesueshëm
Norris e fitoi titullin falë një reagimi madhështor në fund të sezonit: fitore të rëndësishme në Meksikë dhe Brazil, plus podiume të njëpasnjëshme që i dhanë avantazhin final.
Britaniku nga Bristoli e mbylli sezonin me 7 fitore, po aq sa Piastri dhe një më pak se Verstappen (8). Megjithatë, stabiliteti dhe menaxhimi i situatave të vështira bënë diferencën.
Në Abu Dhabi, ai pati dy momente kritike: presion të vazhdueshëm nga Charles Leclerc në fillim të garës një duel të fortë me Yuki Tsunodan, ku doli nga pista për ta parakaluar.
FIA vendosi të mos e penalizonte, ndërsa Tsunoda u ndëshkua — një tjetër rast i polemikave të zakonshme të fundsezonit.
Max Verstappen, kampion i katër sezoneve radhazi, më në fund u ndal. Ai nisi epokën e tij në vitin 2021 pikërisht në këtë pistë, në një duel të paharrueshëm me Lewis Hamiltonin. Prej atëherë, askush nuk kishte arritur ta thyente.
Por këtë herë, makina e McLarenit ishte thjesht shumë e fortë.
McLaren rikthen një traditë të artë
Lando Norris bëhet piloti i parë i McLarenit që fiton titullin botëror pas Lewis Hamiltonit në vitin 2008.
Pas 17 vitesh pritje, skuadra britanike rikthehet në majën e botës së Formula 1. /Telegrafi/
Lando Norris ka folur pas triumfit historik që i dha atij titullin e parë të kampionit në Formula 1, duke rrëfyer emocionet, presionin dhe sfidat e garës së fundit të sezonit.
Piloti i McLaren pranoi se gjatë garës nuk mund ta largonte plotësisht nga mendja faktin se po luftonte për titullin: “Pak nga të dyja… e mendoja, s’mund të mos e mendoja. Por e dija që gara do të ishte e gjatë deri në xhiron e fundit. Në Formula 1 kemi parë gjithçka të ndodhë, ndaj vazhdova të shtyja deri te dy a tre xhirot e fundit, ku mund të qetësohesha pak.”
Norris shtoi se konkurrenca këtë sezon ka qenë e pamëshirshme: “Doja të luftoja deri në fund, edhe këtë e bëmë. Kështu ka qenë gjatë gjithë vitit, me Max Verstappen duke na ndjekur vazhdimisht, me Oscar Piastri që afrohej sërish në fund… nuk ma bënë jetën të lehtë.”
Piloti britanik u pyet edhe për momentin kur u raportua se ishte nën hetim gjatë garës: “Nuk kisha asnjë ide, as nuk më interesonte. E dija që çdo gjë që kisha bërë ishte në rregull. Thjesht po përpiqesha të shijoja momentin. Jo shumë njerëz në botë — e aq më pak në Formula 1 — përjetojnë atë që përjetova këtë sezon.”
Norris, që ka kaluar nëntë vite me skuadrën britanike, u shpreh veçanërisht i lumtur për ekipin: “Ka qenë një rrugëtim i gjatë me McLaren. Kemi kaluar kohë të vështira dhe momente të mira. Të sjell titullin e pilotëve pas kaq shumë vitesh, ndihem sikur i dhashë diçka skuadrës që ka besuar te unë. Jam shumë krenar për këtë.”
Ai e mbylli me humor dhe emocion: “Jam edhe më krenar për ata që shpresoj t’i kam bërë të qajnë nga gëzimi.”
Lando Norris është shpallur kampion i botës pasi e mbylli në vendin e tretë garën finale të sezonit të dielën në Abu Dhabi.
Norris duhej vetëm të përfundonte në top-treshen e pistës Yas Marina për t’u bërë britaniku i 11-të që fiton kurorën dhe ai e realizoi këtë me një paraqitje mbresëlënëse – e cila madje e pa të hetohej nga komisarët e garës për daljen jashtë pistës kur kaloi Yuki Tsunodën, shokun e skuadrës së Max Verstappen te Red Bull.
Norris shpëtoi pa u ndëshkuar edhe pse Max Verstappen e fitoi garën nga “pole position” – duke e mbyllur sezonin me më shumë fitore se çdo pilot tjetër – kjo nuk mjaftoi për të ndalur marshimin e rivalit të tij të McLaren drejt titullit. Verstappen kaloi vijën e finishit 12.5 sekonda para Oscar Piastrit, ndërsa Norris ishte 3.9 sekonda pas shokut të skuadrës dhe 6.7 sekonda para Charles Leclerc në vendin e katërt.
Norris, 26 vjeç, nuk u lëkund nga nisja agresive e Verstappenit, i cili e ktheu makinën majtas për t’i prerë rrugën rivalit të tij. Holandezi kryesoi, ndërsa Norris mbeti i dyti dhe Piastri i treti. Megjithatë, britaniku humbi një pozitë në xhiron e parë, kur Piastri kaloi nga ana e jashtme në kthesën e nëntë.
Verstappen udhëhoqi kolonën para Piastrit dhe Norrisit, përpara se ky i fundit të ndërronte gomat në xhiron e 16-të.
Më pas erdhi sfida më e vështirë: Tsunoda, i cili u përdor nga Red Bull për t’i prishur ritmin Norrisit.
Në radio u dëgjua mesazhi drejtuar Tsunodës: “Nëse të kap, bëj maksimumin”. Tsunoda u përgjigj: “E di çfarë duhet të bëj, lëreni mua.”
Momenti solli kujtime nga finalja kontroverse e vitit 2021, kur Sergio Perez mori epitetin “Ministri i Mbrojtjes së Meksikës” pasi mbajti pas vetes Leëis Hamilton për disa xhiro.
Sidoqoftë, në fund – Norris arriti ta siguronte vendin e tretë për ta marrë për herë të parë epitetin e kampionit të botës./Telegrafi
ABU DABI, 7 dhjetor /ATSH-DPA/- Britaniku Lando Norris i “McLaren” ka siguruar titullin botëror të pilotëve të “Formula 1” për herë të parë.
Norris, 26 vjeç, u rendit i treti në Çmimin e Madh të Abu Dabit, që i dha fund sezonit, pas fituesit Max Verstappen të “Red Bull” dhe shokut të ekipit, Oscar Piastri.
Por ky rezultat ishte i mjaftueshëm për të siguruar titullin vetëm dy pikë përpara Verstappen dhe 13 pikë përpara Piastri.
Ky është titulli i 13-të i kampionatit botëror për një pilot të “McLaren” dhe Norris është i pari që e fiton atë për ekipin britanik që nga fitorja e Lewis Hamilton në vitin 2008.
“McLaren” ka fituar gjithashtu titullin e Konstruktorëve për vitin 2025. //a.i/
Lando Norris është shpallur sot kampioni i ri i botës në Formula 1. Piloti britanik i Mclaren ka fituar kampionatin mes drithërimave, pasi në fund diferenca e tij pas garës së Abu Dabi ishte vetëm 2 pikë nga Maks Verstapen. Holandezi e nisi nga starti dhe siç pritej, me një strategji perfekte, shkoi i vetëm […]
Formula 1 ka një kampion të ri bote dhe emri i tij është Lando Norris. Piloti britanik i McLaren-it kurorëzoi një sezon të jashtëzakonshëm, plot emocione dhe përmbysje, gjatë së cilit çdo garë është ndjekur me ankth nga tifozët.
Edhe pse në garën finale në Abu Dhabi u rendit vetëm i treti, ky rezultat ishte më shumë se i mjaftueshëm për t’i siguruar titullin më prestigjioz në botën e motorsportit. Fitorja i shkoi Max Verstappen, i cili dominoi pa gabime nga starti deri në vijën e finishit, por që, për vetëm dy pikë, nuk arriti të rrëmbente kurorën e pestë kampion.
Në podium u ngjit edhe shoku i skuadrës së Norris, Oscar Piastri, i cili sezonin e nisi si lider absolut. Megjithatë, disa gabime të rëndësishme në pjesën e dytë të kampionatit i kushtuan shtrenjtë, duke ia lënë skenën dhe lavdinë bashkëpilotit britanik.
Me 423 pikë të grumbulluara, Norris e mbylli sezonin me një avantazh minimal ndaj Verstappen dhe një diferencë prej 13 pikësh ndaj Piastri-t, duke vulosur kështu një sukses historik.
Britaniku i parë që fiton një titull bote në Formula 1 pas Lewis Hamilton më 2020. Piloti i parë i McLaren-it që shpallet kampion që prej Hamilton-it në vitin 2008. Ky triumf shënon jo vetëm kulmin e karrierës së tij të deritanishme, por edhe kthimin e McLaren-it në qendër të betejës për tituj, pas më shumë se një dekade pritjeje.
Norris përfundon kështu një sezon të mbushur me presion, sfida dhe ulje-ngritje, por me një epilog të mrekullueshëm. Ndërsa tifozët shijojnë ende emocionet e këtij suksesi, vëmendja tashmë po zhvendoset te sezoni i ardhshëm, i cili pritet të sjellë rregulla të reja dhe një revolucion të vërtetë në Formula 1.
Ai që cilësohej si më i pamunduri për t’u shpallur kampion i botës, hodhi një hap të madh drejt lavdisë.
Maks Verstapen zuri vendin e parë të provat zyrtare të Çmimit të Madh të Abu Dabit, në kryeqytetin e Emirateve të Bashkuara Arabe.
Piloti holandez, kampion i botës në fuqi, fluturoi me makinën e tij Red Bull e cila papritur është kthyer ajo që ishte deri vjet.
Padyshim, kjo sepse në timonin e saj është më i madhi i brezit të tij, e njëri nga më të mëdhenjtë e të gjithas kohëve, në garë me një Fangio, Sena, Shumaher apo Hamilton.
Verstapen fitoi sfidën e madhe me dy pilotët e Meklarenit, Lando Norris dhe Oskar Piastri.
Ai dha kohën 1’22”207, 201 të mijtat më pak sesa britaniku Norris, ndërsa australiani Piastri mbeti 29 të mijtat pas shokut të ekipit.
Nuk është aspak gjë e vogël që kampioni i botës niset nga vendi i parë këtë të diel, ndonëse as vetëm kjo nuk do të mjaftonte për të mbrojtur titullin.
Verstapen është 12 pikë prapa Norrisit, i cili po të dalë i dyti shpallet kampion i botës, ndërsa Piastri duhet të dalë i pari dhe Norris i nënti që të ketë shpresë.
Çmimi i Madh i Abu Dabit, i fundit i sezonit, nis këtë të diel në orën 14:00.
Kampioni aktual i botës në Formula 1, holandezi Max Verstappen, fitoi pozicionin e parë në seancën e fundit kualifikuese të sezonit përpara garës në Abu Dhabi.
Verstappen zuri pozicionin më të mirë të nisjes në pistën Yas Marina me një kohë prej 1:22.207, duke fituar një avantazh prej dy të dhjetash ndaj Lando Norris në McLaren.
Duhet theksuar se ky dyshe, përndryshe pretendentët kryesorë për titullin, do të pasohet në garën e nesërme nga piloti i dytë i McLaren, Oscar Piastri, i cili ishte 28 të mijëtat më i ngadaltë se shoku i tij i skuadrës.
Rastësisht, kjo është hera e parë në 15 vjet që tre pilotë kanë një shans për të fituar titullin e kampionit botëror në renditjen e pilotëve para garës së fundit të sezonit.
Gara e Çmimit të Madh të Abu Dhabit do të zhvillohet nesër (e diel) duke filluar nga ora 14:00./Telegrafi/
Një darkë e mirë, një gotë verë dhe humor. Nga pamjet publikuara në mediat ndërkombëtare dhe rrjetet sociale, duket si një takim mes miqsh të mirë, por në të vërtetë është përsëritje e “Darkës së Fundit” që përshkruhet në Bibël.
Pilotët e Formula 1 vijuan traditën përpara garës së fundit të “Botërorit 2025” që do të përcaktojë këtë të dielë edhe kampionin e ri në sportin më të rëndësishëm të automobilizmit.
Cirkuiti i Abu Dhabi nuk ka qenë asnjëherë kaq i rëndësishëm. Meritë e një sezoni spektakolar, sidomos në garat e fundit.
Pas dominimit të pjesës më të madhe të tij nga dy pilotët e McLaren, Oscar Piastri dhe Lando Norris, kampioni i botës në fuqi Max Verstappen rigjeti ritmin e duhur dhe në garën e fundit të Botërorit mund të bëjë parakalimin e jetës së tij.
Pas triumfit në garën e çmendur të Katarit vetëm një javë më parë, “holandezi fluturues” ka ngushtuar diferencën në renditjen e përgjithshme të pilotëve.
Ai ka vetëm 12 pikë më pak se Lando Norris i vendit të parë, ndërsa le pas Piastrin në vendin e tretë. Në këtë mënyrë, gjithçka mund të ndodhë në garën e fundit për Çmimin e Madh të Abu Dhabi, ku do të kurorëzohet edhe kampioni i ri i Formula 1.
Maks Verstapen fitoi Çmimin e Madh të Katarit në Formula 1 duke hapur plotësisht garën për titull. Kampioni i botës ka ende mundësi të mbrojë kurorën, ndërsa gjithçka vendoset në 7 dhjetor.
Edhe pse e nisi garën nga vendi i tretë, pas dy makinave McLaren, piloti holandez arriti të shrytëzojë në maksimum mundësitë që iu dhanë, duke ngushtuar diferencën me kreun e renditjes. Në vendin e dytë u rendit australiani i McLaren, Oscar Piastri. Në podium u ngjit edhe Carlos Sainz me Williams, i treti, surpriza e kësaj gare.
Në vendin e katërt u rendit britaniku Lando Norris me makinën McLaren, që ruan vendin e parë në renditjen e përgjithshme, me një garë nga fundi. Kjo garë kishte rregullin e dy ndalesave dhe një set gomash duhej të zgjaste maksimumi 25 xhiro (57 xhiro gjithsej). Hyrja e makinës së sigurisë në xhiron e shtatë, kur mbetën edhe 50 për t’u zhvilluar, ishte mundësia e artë për Verstappen, që e shfrytëzoi dhe më pas menaxhoi pa probleme avantazhin.
Në zonën e pikëve, respektivisht nga vendi i pestë në të dhjetin, u renditën edhe Kimi Antonelli, George Russell, Fernando Alonso, Charles Leclerc, Liam Lawson dhe Yuki Tsunoda. Tjetër garë anonime për Ferrari, ndërkohë që Lewis Hamilton u rendit në vendin e 12-të me “kokëkuqen”, jashtë zonës së pikëve.
Piloti holandez, Max Verstappen, regjistroi një fitore spektakolare në Çmimin e Madh të Katarit në pistën Lusail, duke e ngushtuar maksimalisht luftën për titullin kampion botëror para garës së fundit të sezonit në Abu Dhabi.
Nga fillimi i garës, dramatika nuk mungoi. Një makinë sigurie u shfaq në pistë menjëherë pasi Nico Hülkenberg përfundoi jashtë saj pas një përplasjeje, duke detyruar pothuajse të gjithë pilotët të shfrytëzonin rastin për ndërrimin e gomave.
Vetëm pilotët e McLaren, Oscar Piastri dhe Lando Norris, që po udhëhiqnin garën, vendosën të mos hyjnë në boks në atë moment.
Verstappen fillimisht ishte i treti, por përfitoi nga strategjia më e zgjuar gjatë periudhës së makinës së sigurisë dhe hyri në boks më herët se dyshja e McLaren.
Kjo i dha holandezit avantazhin e nevojshëm për të kaluar Carlos Sainz dhe Kimi Antonelli dhe për të marrë kryesimin.
Pas ndalesës së dytë në xhiron e 33-të, Verstappen u rikthye në vendin e tretë, por pas xhiros së 43-të ai kaloi përsëri Norrisin dhe mori kontrollin e garës.
Në fund, Verstappen përfundoi në vendin e parë me një avantazh prej dhjetë sekondash ndaj Oscar Piastri, ndërsa Lando Norris përfundoi i katërti pas Sainz dhe fitoi 12 pikë.
Para garës së fundit në Abu Dhabi më 7 dhjetor, Norris është vetëm 12 pikë përpara Verstappen dhe 16 pikë përpara Piastrit. Kjo garë e fundit premton një dramë të vërtetë dhe një vendim emocionues për kampionin e ri të botës në Formula 1.
Ajo për të cilën u fol gjatë orëve të fundit tashmë ka marrë formë zyrtare: pilotët e McLaren, Lando Norris dhe Oscar Piastri, janë skualifikuar nga Çmimi i Madh i Las Vegasit.
Norris e përfundoi garën në vendin e dytë, ndërsa Piastri i katërti, por të dy rezultatet u anuluan pas kontrollimeve shtesë teknike, duke i hapur Max Verstappenit rrugën për të ngushtuar diferencën në renditjen e kampionatit.
Menjëherë pas garës, FIA thirri makinat me numrin 4 dhe 81 për inspektim të detajuar. Shefi i McLaren, Andrea Stella, shtyu paraqitjen e tij në media, një sinjal i qartë se diçka nuk ishte në rregull.
Dy orë e gjysmë më vonë, delegati teknik i FIA-s, Jo Bauer, publikoi raportin zyrtar: panelet e shasisë në të dy makinat e McLaren ishin më të holla se minimumi i lejuar prej 9 milimetrash – një shkelje direkte e rregullores teknike të kampionatit.
Si rezultat, të dy pilotët u skualifikuan. Norris humbet 18 pikë, ndërsa Piastri mbetet pa 12 pikë. Nga ana tjetër, Verstappen përfiton ndjeshëm, duke iu afruar vetëm 24 pikë pas kryesuesit, nga 42 sa ishte diferenca më herët.
How the Drivers' Championship looks as we depart Las Vegas... 👀
Me dy gara të mbetura dhe një sprint – pra 58 pikë në lojë – skualifikimi i dyshes së McLarenit e rihap plotësisht betejën për titullin botëror, duke e kthyer fundin e sezonit në një dramë të vërtetë sportive. /Telegrafi/
Max Verstappen triumfoi në Çmimin e Madh të Las Vegasit, duke lënë pas Lando Norris dhe George Russell në një garë të mbushur me emocione dhe rivalitet të fortë.
Situata në renditjen e pilotëve bëhet gjithnjë e më interesante para përfundimit të sezonit. Me vendin e dytë sot, Lando Norris ka tani 30 pikë avantazh mbi shokun e skuadrës Oscar Piastri dhe 42 pikë përpara Verstappen, duke u afruar shumë pranë titullit të tij të parë në Formula 1.
Ai ka mundësinë që të sigurojë kampionatin në garën e ardhshme në Katar.
Norris nisi nga pole position dhe tentoi të mbante kryesimin, por humbi pozicion në njërën nga kthesat e para, ku Verstappen dhe Russell e parakaluan. Britaniku nuk u dorëzua dhe në xhiron e 35-të kaloi Russell për vendin e dytë, duke konsoliduar avantazhin në renditje.
Piastri pati një garë të qëndrueshme, por vendi i katërt e largoi edhe më shumë nga lufta për titull. Një nga surprizat e garës ishte Andrea Kimi Antonelli, i cili, pavarësisht se nisi i 17-ti dhe mori një penalitet prej 5 sekondash, përfundoi në vendin e 5-të, duke treguar potencial të jashtëzakonshëm.
Rezultatet e Çmimit të Madh të Las Vegasit:
Verstappen 2. Lando Norris 3. George Russell 4. Oscar Piastri 5. Andrea Kimi Antonelli 6.Leclerc 7. Sainz 8. Hadjar 9. Hulkenberg 10. Hamilton
Renditja e përgjithshme e pilotëve pas garës së Las Vegas: Norris 408 – Piastri 378 – Verstappen 366 – Russell 291 – Leclerc 222 – Hamilton 149 – Antonelli 132 – Albon 73 – Hadjar 47 – Bearman 40 – Alonso 40 – Lawson 36 – Stroll 32 – Ocon 30 – Tsunoda 28 – Gasly 22 – Bortoleto 19 – Colapinto 0 – Doohan 0. /Telegrafi/
Login
