Kryeministri britanik Keir Starmer ka folur në Paris, duke thënë se “është e rëndësishme” që aleatët evropianë dhe amerikanë të punojnë krah për krah për paqe.

“Jemi më afër këtij qëllimi se kurrë”, shtoi kryeministri britanik, por ai paralajmëroi: “Rrugët më të vështira janë ende përpara”.

Starmer përshkruan disa nga detajet në deklaratën që nënshkroi me Volodymyr Zelensky dhe Emmanuel Macron, duke përfshirë “qendrat ushtarake”.

Megjithatë, ai përsëriti një paralajmërim të dëgjuar prej kohësh nga Evropa – se Putini “nuk është gati për paqe”.

“Gjatë disa javëve të fundit, kemi parë të kundërtën. Sulme të mëtejshme të tmerrshme në Ukrainë, vrasjen e civilëve të plagosur dhe ndërprerjen e energjisë për miliona njerëz në mes të dimrit”, shtoi lideri britanik.

Starmer gjithashtu zotohet të mbajë presionin mbi Rusinë dhe mbështetjen për Ukrainën, si dhe thotë se Britania e Madhe do të marrë pjesë në monitorimin e armëpushimit të udhëhequr nga SHBA-të

Kancelari gjerman, Friedrich Merz, deklaroi se Gjermania mund të angazhojë forca ushtarake në një vend anëtar të NATO-s, fqinj me Ukrainën, sapo të arrihet armëpushimi me Rusinë.

Sipas tij, sapo të arrihet marrëveshja për krijimin e një force ndërkombëtare mbështetur nga SHBA-të, qeveria dhe parlamenti gjerman do të vendosin për natyrën dhe shkallën e kontributit gjerman, duke shtuar se aktualisht nuk përjashtohet asnjë opsion. Kancelari theksoi se mbështetja nuk është vetëm ushtarake për Ukrainën, por edhe për paqen dhe lirinë në të gjithë Evropën.

“Gjermania do të përkushtohet në nivel politik, ekonomik dhe ushtarak. Kjo mund të përfshijë, për shembull, dërgimin e trupave për Ukrainën në territor të NATO-s pas armëpushimit. Ndërsa lufta hyn në vitin e katërt, Gjermania është mbështetësja më e vendosur e Kievit dhe do të marrë përgjegjësi për sigurinë e Ukrainës pas armëpushimit,” tha Merz pas takimit në Paris të “Aleancës së Gatshëmve.

Merz nënvizoi gjithashtu nevojën për kompromise për të arritur paqen dhe shtoi: “Do të bëjmë çdo përpjekje të mundshme, me këmbëngulje, realizëm dhe vizion, për të arritur rezultatin më të mirë: një armëpushim i qëndrueshëm, garanci të forta sigurie dhe paqe në Evropë që lidh ngushtë Ukrainën dhe evropianët, dhe të cilën do ta ndërtojmë së bashku.”

The post Merz: Trupat gjermane mund t’i bashkohen forcës shumëkombëshe jashtë Ukrainës appeared first on Albeu.com.

Telenovela e së shkuarës mes Mateos dhe Brikenës vazhdon të jetë kryefjala e diskutimeve në “Big Brother VIP Albania”.

Ndërsa Brikena po e mohon kategorikisht çdo mundësi për një lidhje, Mateo insiston se mes tyre ka pasur një pëlqim dypalësh.

Por, debati është ndezur edhe më shumë nga një veprim i familjes së Mateos, të cilët menaxhojnë rrjetet e tij sociale. Në Instagramin e tij zyrtar është bërë “repost” një video ku ironizohet hapur qëndrimi i banores.

Familja e ka shpërndarë videon duke lënë të kuptohet se Brikena “ndihet në siklet derisa flet për këtë raport”, duke e interpretuar nervozizmin e saj si shenjë që fsheh të vërtetën.

Ky veprim po shihet nga ndjekësit si një konfirmim i tërthortë se familja e Mateos mbështet versionin e tij të historisë, duke hedhur poshtë mohimet e vazhdueshme të Brikenës.

The post FOTO/ Familja e Mateos tallet me përgjigjen e Brikenës në BBVA, ja me kë e krahasojnë appeared first on Albeu.com.

Është futur një tjetër banor në shtëpinë e BBV, ai është Flori.

Flori është një personazh i njohur në Tik Tok, sidomos për batutat e tij dhe reklamimin e makinave për shitje.

The post “Çuna përshëndetje, shitet kali”/ Futet në shtëpi në mënyrë të pazakontë, njihuni me banorin e ri të Big Brother Vip appeared first on Albeu.com.

Qarku i Lezhës ishte dhe qarku i parë që u përball me motin e përkeqësuar, pasi reshjet intensive ishin prezente që prej mesnatës.

Rrugët e disa lagjeve të qytetit u përmbytën për shkak të prurjeve të mëdha dhe pamundësisë së kanaleve kulluese për të evaduar ujërat.

Mësimi nuk u zhvillua, pasi oborret e institucioneve arsimore u mbuluan nga uji.

Në disa biznese, uji depërtoi në ambientet e brendshme, megjithëse niveli nuk ishte shumë i lartë. Me rritjen e nivelit të ujit në rrugë, qarkullimi i makinave u vështirësua ndjeshëm.

Shirat krijuan probleme edhe në zonat rurale. Situata u përkeqësua nga prurjet e lumenjve dhe përrenjve malorë.

Niveli i lumit Drin u rrit ndjeshëm, duke dalë në shëtitoren pranë tij, gjë që pengoi evadimin e ujërave dhe solli një efekt zinxhir, me përmbytje të tokave bujqësore dhe banesa të rrethuara nga uji.

Edhe lumi Gjadër shtoi frikën për përmbytje në zonën e Zadrimës së Lezhës.

Emergjencat civile ishin të pranishme në terren për të asistuar dhe ndihmuar banorët, megjithëse deri tani nuk është kërkuar evakuim.

Vetëm në bashkinë e Lezhës janë 1 mijë e 10 hektarë tokë e përmbytur, por situata më e rënduar në nivel qarku paraqitet në Kurbin.

Dalja nga shtrati i lumit Ishëm përmbyti qindra hektarë tokë bujqësore.

Disa rrugë të fshatrave Mallkuç dhe Murqinë janë bllokuar.

Në Mamurras, reshjet kanë shkaktuar problematika të mëdha, ndërsa prezencë uji ka në rrugë, banesa dhe biznese.

Niveli i lumit Drojë është në kuotat maksimale dhe rrezikon daljen nga shtrati.

Vështirësi paraqiten edhe në disa akse rrugore rurale, si rruga drejt fshatit Zhejë, aksi Laç–Mamurras, Laç–Milot, si dhe segmenti midis zonës së Shullazit dhe Mal Bardhës.

Bashkia Kurbin ka kërkuar mbështetje me 4 kamionë të kalueshmërisë së lartë, dy varka dhe një pompë për largimin e ujërave, ndërsa strukturat e emergjencave civile vijojnë monitorimin e situatës në terren.

Kosova ka pranuar një dërgesë me sisteme raketore kundërtanke OMTAS nga Turqia, thanë autoritetet më 6 janar. Ministri në detyrë i Mbrojtjes, Ejup Maqedonci, tha se kjo dërgesë ishte kontraktuar me prodhuesin shtetëror turk, Roktesan, në dhjetor të vitit 2023.

“OMTAS [Orta Menzilli Tanksavar Silah] është një sistem modern raketor antitank me rreze të mesme veprimi, i zhvilluar për të neutralizuar mjete të blinduara moderne, përfshirë tanke me mbrojtje reaktive, si dhe fortifikata mbrojtëse ushtarake”, tha Maqedonci.

Sipas tij, rritja e llojllojshmërisë dhe sasisë së sistemeve kundërtanke për Forcën e Sigurisë së Kosovës, synon “mbulimin e distancave të ndryshme të veprimit, terreneve dhe skenarëve të kërcënimit, duke rritur fleksibilitetin operacional”.

Maqedonci nuk tregoi se sa sisteme pranoi Kosova, as sa kushtuan ato. Sipas uebfaqes së Roktesanit, OMTAS është efektiv ndaj mjeteve të blinduara dhe mund të përdoret edhe ditën edhe natën, pavarësisht kushteve atmosferike.

Ai mund të lëshohet nga makinat ushtarake dhe nga platforma trekëmbësh. Ky sistem ka rreze veprimi nga 0.2 deri në 4 kilometra dhe peshon 35 kilogramë (raketa së bashku me tubin lëshues). Sistemi ka një diametër prej 160 milimetrash dhe një gjatësi prej 1.8 metrash.

Vitet e fundit Kosova e ka përshpejtuar armatosjen, duke blerë armë kryesisht nga Shtetet e Bashkuara edhe nga Turqia, përfshirë raketa dhe dronë. Kosova është në proces të shndërrimit të FSK-së në ushtri. Përpjekja nisi më 2018 dhe pritet të zgjasë dhjetë vjet./REL

The post Kosova pranon sisteme anti-tank nga Turqia appeared first on Albeu.com.

Merkato janari dhe Tirana ka nisur me ndryshimet dhe lëvizjet e saja. Drejtori sportiv Omer Bunjaku, është i gatshëm që ekipit të trajnerit, Ardian Nuhiu të mos i mungojë asgjë, madje të ketë dhe hyrje të reja shumë premtuese.

Kryeqytetasit kanë bërë shumë largime që në fillim të këtij viti, por nuk kanë munguar as prezantimet e lojtarëve të rinj. Ndërsa emri i cili po lakohet më shumë është mbrojtësi Diar Halili. Ky i fundit luan për ekipin e Prishtinës.

Qendërmbrojtësi 22-vjeçar ka gjetur akordin me Tiranën dhe pritet të bëhet pjesë e tij në ditët në vijim. Halili ka eksperiencë në Superligën e Kosovës me Prishtinën, ndërsa më parë ka veshur edhe fanellën e Vjosës, Besës dhe 2 Korrikut në kampionatin kosovar, si dhe ka qenë për një vit pjesë e ekipit të Portos U19 në Portugali.

The post Tirana “pa frena” në merkato, bardheblutë gjejnë akordin me talentin shqiptar që ka luajtur te akademia e Portos appeared first on Albeu.com.

Që prej hyrjes në shtëpinë e Big Brother VIP, Miri ka qenë shpesh në qendër të vëmendjes për afrimitetin e tij me Selin. Ky raport është komentuar gjerësisht si nga banorët brenda shtëpisë, ashtu edhe nga publiku jashtë saj.

Por ditën e sotme, bashkëshortja e tij ka thyer heshtjen, ajo ka reaguar për herë të parë në rrjetin e saj social Facebook nëpërmjet një postimi. Në një foto të postuar së bashku me vajzën e tyre dhe Mirin ajo ka shkruar:

Në çdo hap që bën me ty do jem! Ti je më i forti i Big Brother-it! Të dua shumë bashkëshorti im i jetës. Plot besim për çdo vendim që merr atje brenda shtëpisë. Xhelozia nuk ka vend në martesën tonë sepse është e panevojshme. Jam shumë e lumtur me ty!

The post Bashkëshortja e Mirit thyen heshtjen, reagon për situatën e banorit me Selin appeared first on Albeu.com.

Pedagogu i politikës ndërkombëtare, Mentor Beqa, ka deklaruar se Trump dhe administrata e tij po rrisin presionin për të arritur një marrëveshje me Danimarkën, një marrëveshje të ndërmjetme. Sipas tij, kjo marrëveshje do t’i siguronte ShBA-së kontroll ushtarak mbi Groenlandën, por duhet të bien dakord edhe Danimarka dhe banorët e Groenlandës.

“Unë besoj që Trump dhe administrata e tij po rrisin presionin që të gjejnë një marrëveshje me Danimarkën, një marrëveshje të ndërmjetme. Një marrëveshje ku SHBA-ja të ketë kontroll ushtarak mbi Groenlandën. Duhet të bien dakord Danimarka dhe banorët e Groenlandës. Jemi në fazën e rritjes së presionit të ShBA-së, që nuk do t’i përjashtojë ata nga ndërhyrje ushtarake.”

Diplomati Roland Bimo ka deklaruar se me ardhjen e Trump në pushtet, NATO nuk ka ekzekutuar më plotësisht detyrat e saj. Ai shtoi se amerikanët nuk do të futen në luftë për një shtet tjetër dhe se kostoja e konfliktit në Ukrainë po përballohet nga europianët.

“NATO është neni 5, dhe që me ardhjen e Trump në pushtet, NATO ka pushuar së ekzekutuari. Të futen amerikanët në luftë për një shtet tjetër nuk ndodh. Rritja e buxhetit per mbrojtjen u be që kostoja e luftës në Ukraine duhet të përballohet nga europianet, që Trump të fitojë më shumë para, dhe të gjitha paratë që do të shkojnë për prodhimin e armëve.”

Një rekord i ri u vendos për qershitë e çmuara japoneze “Sato Nishiki” nga prefektura verilindore e Yamagatës, kur një kuti u shit për 1.8 milionë jen në tregun Toyosu, ekuivalente me afërsisht 9,850 euro.

Kjo është 140 euro për copë. Në qytetin e Tendos, zemra e prodhimit kombëtar të qershive, një kuti tjetër me 68 fruta u shit për 1.55 milionë jen, një rekord i ri lokal.

Këto qershi shiten në ankande që nuk përfaqësojnë çmimin mesatar të konsumatorit, por shërbejnë si një matës i prestigjit të këtyre produkteve të shkëlqyera. Frutat, të cilat do të shiten në internet, janë të destinuara për një treg të specializuar të ndjeshëm ndaj cilësisë së lartë dhe përfaqësojnë simbolin e luksit që karakterizon këto produkte në Japoni. “Këtë vit, menaxhimi ka qenë veçanërisht sfidues për shkak të motit të paqëndrueshëm. Ne duam të bëjmë çmos për të ofruar një produkt që i kënaq klientët tanë”, tha Kenichi Mannen, zëvendësmenaxher i shitjeve të Ja Tendo Foods, fermës që fitoi ankandin lokal.

Kultivim i detyruar Debutimi i tyre në treg erdhi më herët se periudha tradicionale e pjekjes, e cila zakonisht ndodh në fillim të verës, falë një teknike kultivimi të quajtur “e detyruar”. Siç shpjegojnë mediat lokale, kjo teknikë alternon një periudhë ftohjeje të pemëve, duke simuluar dimrin, e ndjekur nga rritja e mbrojtur e frutave në një serë.

Gjatë trazirave që kanë përfshirë Venezuelën, lëvizja opozitare, e udhëhequr nga fituesja e çmimit Nobel, Maria Corina Machado, ka kërkuar lirimin e të gjithë të burgosurve politikë.

Në një postim në mediat sociale, ajo ndau një deklaratë, duke shtuar: “Ka ardhur koha për të liruar të burgosurit politikë, për të rivendosur të vërtetën dhe për të siguruar që drejtësia të mbizotërojë mbi pandëshkueshmërinë”.

Vetë Machado e ripostoi deklaratën pasi mbetet e paqartë se si duket saktësisht e ardhmja e vendit, dhe si do të ecë përpara drejt një regjimi demokratik.

Në anën tjetër, ish-lideri venezuelas Nicolas Maduro dhe gruaja e tij që janë arrestuar nga ushtria amerikane gjatë një operacioni në Karakas janë shfaqur në bankën e të akuzuarve në gjykatën e Nju Jorkut.

Dyshja janë deklaruar të pafajshëm mbi pesë aktakuzat që rëndojnë mbi ta përfshirë narko-terrorizmin.

Një banesë në fshatin Shkallë të Njësisë Administrative Xibër në Bashkinë e Klosit, është përfshirë nga flakët mbrëmjen e kësaj të marte.

Zjarri ka marrë përmasa të mëdha dhe është përhapur në të gjithë banesën.

Ende nuk dihet nëse ka të lënduar nga zjarri, ndërsa banesa është shkrumbuar tërësisht.

Në vendngjarje janë nisur forcat e zjarrfikëses, të cilat po luftojnë me flakët.

Ndërsa po ashtu ende nuk dihen shkaqet e zjarrit.

The post Përfshihet nga flakët një banesë në Klos, ja çfarë dihet deri më tani appeared first on Albeu.com.

Reshjet e dendura të orëve të fundit kanë shkaktuar përmbytje të shumta në qytetin e Durrësit, duke vënë në vështirësi dhjetëra familje dhe infrastrukturën urbane. Sipas të dhënave paraprake, rreth 100 banesa janë përmbytur ose të rrethuara nga uji.

Ministri i Mbrojtjes, Pirro Vengu, bëri të ditur se në terren janë angazhuar 23 forca, 8 mjete të Emergjencave Civile dhe 7 motopompa, të cilat po punojnë për largimin e ujit dhe menaxhimin e situatës.

Si pasojë e përmbytjeve, deri tani janë evakuuar 60 banorë, të cilët janë strehuar në shtëpinë e pushimit të Ushtrisë, ndërsa autoritetet vijojnë monitorimin e zonave më problematike.

E përmbytur ka mbetur edhe zona e Velierës së Durrësit, një projekt i shumëdebatuar publik, që ka kushtuar mbi 800 milionë lekë. Pamjet nga terreni tregojnë se investimi është kthyer në një tjetër shembull të problematikave infrastrukturore, duke u përmbytur pas reshjeve intensive.

The post Reshjet e dendura në Durrës, evakuohen 60 banorë! Përmbytet dhe Veliera appeared first on Albeu.com.

Dhjetë persona janë shpallur fajtorë nga Gjykata Penale e Parisit për përhapjen e batutave, fyerjeve, fotomontazheve dhe karikaturave në rrjete sociale, ku pretendohej në mënyrë të përsëritur se Brigitte Macron “ishte burrë”. Gjykata i cilësoi këto veprime si sulme të rënda dhe fushatë denigruese online ndaj Zonjës së Parë të Francës.

Të pandehurit u dënuan me masa që variojnë deri në gjashtë muaj burg me kusht, ndërsa një prej tyre mori tetë muaj. Përveç dënimeve penale, secili prej tyre u urdhërua të ndjekë një kurs ndërgjegjësimi për respektin në mjedisin digjital dhe parandalimin e veprave penale online, përfshirë cyberbullying. Gjithashtu, ata duhet t’i paguajnë Brigitte Macron shumën 10.000 euro secili si dëmshpërblim moral.

Gjykata bëri dallim mes roleve të të pandehurve, duke veçuar “nxitësit” kryesorë të thashethemit dhe “ndjekësit”. Mes të parëve ishte Aurélien Poirson-Atlan, i njohur në rrjete si “Zoé Sagan”, i cili për vite kishte përhapur këtë pretendim. Po ashtu u dënua edhe Delphine J., e njohur si Amandine Roy, autore e një videoje virale në YouTube, si dhe Bertrand Scholler, galerist me ndikim në rrjetin X.

Në gjykatë, disa prej të pandehurve u përpoqën të mbroheshin duke e quajtur përmbajtjen “humor” ose “satirë”. Ndërkohë, vajza e Brigitte Macron, Tiphaine Auzière, dëshmoi për pasojat e rënda psikologjike që këto sulme kanë pasur mbi nënën e saj dhe familjen, duke theksuar se ato kanë ndikuar edhe te nipërit e saj.

The post Pretenduan në rrjete se Brigitte Macron “ishte burrë”, 10 të pandehur dënohen deri në 6 muaj burg appeared first on Albeu.com.

Policia iraniane ka shpërndarë me gaz lotsjellës një protestë të zhvilluar në pazarin e madh të Teheranit, bëjnë të ditur organizata joqeveritare dhe pamje video të publikuara në rrjetet sociale.

Sipas videove të verifikuara nga AFP, protestuesit dëgjoheshin duke brohoritur “Pahlavi do të kthehet”, në referencë ndaj dinastisë së Shahut që u rrëzua nga Revolucioni Islamik i vitit 1979. Turma ka thirrur gjithashtu “Seyyed Ali do të rrëzohet”, duke iu referuar udhëheqësit suprem të Iranit, Ajatollah Ali Khamenei.

Në pamjet e shpërndara nga organizatat Iran Human Rights (me seli në Norvegji) dhe Human Rights Activists News (me bazë në SHBA), dhjetëra protestues dëgjohen duke thirrur “Liri! Liri!” dhe “Pa turp”.

Nga ana tjetër, agjencia shtetërore iraniane e lajmeve Fars raportoi për “grumbullime sporadike” që, sipas saj, u shpërndanë nga policia.

Protestat në Iran nisën më 28 dhjetor në Teheran, fillimisht si reagim ndaj rritjes së kostos së jetesës, për t’u përhapur më pas në zona të tjera të vendit. Ky konsiderohet si valë protestash më e rëndësishme që nga viti 2022, kur vendi u trondit nga demonstrata masive pas vdekjes në paraburgim të Mahsa Amini, e arrestuar për shkelje të kodit të rreptë të veshjes.

Sipas një bilanci të AFP-së, bazuar në burime zyrtare dhe mediatike, të paktën 12 persona janë vrarë që nga nisja e protestave, përfshirë edhe anëtarë të forcave të sigurisë. Ndërkohë, organizata joqeveritare me bazë jashtë Iranit vlerësojnë se numri i viktimave mund të jetë të paktën 25 gjatë nëntë ditëve të para të protestave, të nxitura nga rënia e fortë e monedhës kombëtare dhe rritja e inflacionit.

The post Protesta në Teheran, policia shpërndan demonstruesit me gaz lotsjellës appeared first on Albeu.com.

Reshjet intensive të shiut dhe moti i keq, kanë bërë që niveli i lumit Vjosa të rritet në mënyrë të ndjeshme. Niveli i tij ka arritur rreth pesë metra tek Ura e Mifolit. Bëhet me dije se shirat e dendura kanë vijuar, për disa orë me radhë. Ato po regjistrohen jo vetëm në këtë rajon, por në të gjithë jugun e vendit.

Në rritjen e nivelit të saj, kanë ndikuar edhe shkarkimi i disa lumenj të vegjël dhe përrenjëve. Autoritetet lokale paralajmërojnë se shirat pritet të vazhdojnë me intensitet të lartë. Si pasojë e kësaj, rrezikohen përmbytje të mëtejshme, veçanërisht gjatë orëve të para të ditës së nesërme.

Banorëve iu bëhet thirrje të marrin masa paraprake për mbrojen e pasurisë së tyre materiale dhe familjes. Emergjencat civile dhe strukturat lokale po monitorojnë situatën për të ndërhyrë në rast nevoje.

The post Moti i keq/ Rritet niveli i lumit Vjosa, banorët rrezikojnë përmbytjen appeared first on Albeu.com.

Mandati i dytë i Presidentit amerikan Donald Trump po merr formë të qartë përmes ambicieve të tij në politikën e jashtme.

Pas operacionit spektakolar në Venezuelë, ku forcat amerikane kapën presidentin Nicolás Maduro dhe bashkëshorten e tij në Karakas, vëmendja është përqendruar te vendet e tjera që mund të jenë në shënjestër të Uashingtonit

Gjatë deklaratave të fundit, Trump i është rikthyer Doktrinës Monroe të vitit 1823, të cilën e ka riemërtuar si “Doktrina Donroe”, duke theksuar epërsinë e SHBA-ve në hemisferën perëndimore. Paralajmërimet e tij kanë përfshirë disa shtete kyçe.

Groenlanda

Trump ka deklaruar se SHBA-të “kanë nevojë për Groenlandën për arsye të sigurisë kombëtare”, duke përmendur praninë ruse dhe kineze në rajon. Ishulli arktik, pjesë e Mbretërisë së Danimarkës, është i pasur me minerale të rralla dhe ka rëndësi strategjike për rrugët e ardhshme tregtare në Arktik. Kryeministri i Groenlandës i ka cilësuar këto pretendime si “fantazi” dhe ka kërkuar respektim të ligjit ndërkombëtar.

Kolumbia

Menjëherë pas operacionit në Venezuelë, Trump ka kërcënuar presidentin kolumbian Gustavo Petro, duke e akuzuar se po lejon lulëzimin e karteleve të drogës. SHBA-të kanë vendosur sanksione ndaj Kolumbisë dhe Trump ka lënë të hapur mundësinë e një operacioni amerikan, pavarësisht se historikisht Kolumbia ka qenë aleate e ngushtë e Uashingtonit në luftën kundër trafikut të drogës.

Irani

Edhe pse jashtë hemisferës perëndimore, Irani mbetet në fokusin e Trump. Ai ka paralajmëruar se SHBA-të do të reagojnë ashpër nëse autoritetet iraniane shtypin protestat masive antiqeveritare. Irani ka qenë gjithashtu në qendër të tensioneve pas goditjeve ndaj objekteve bërthamore dhe konfliktit të fundit Izrael–Iran.

Meksika

Meksika vazhdon të jetë një nga temat kryesore për Trump, i cili akuzon autoritetet meksikane se nuk po ndalin trafikun e drogës dhe emigracionin e paligjshëm. Ai ka deklaruar se “diçka duhet bërë”, ndërsa presidentja e Meksikës, Claudia Sheinbaum, ka përjashtuar çdo ndërhyrje ushtarake amerikane në territorin e vendit të saj.

Kuba

Trump ka sugjeruar se Kuba është “pranë rënies” dhe se ndërhyrja ushtarake nuk është e nevojshme. Sipas tij, vendi po përballet me vështirësi të mëdha ekonomike, veçanërisht për shkak të varësisë nga nafta venezueliane. Sekretari amerikan i Shtetit, Marco Rubio, ka paralajmëruar autoritetet kubane se duhet t’i marrin seriozisht deklaratat e presidentit amerikan.

Ish-presidenti i burgosur i Brazilit, Jair Bolsonaro u dërgua sot në spital për teste, pas një rënieje në të cilën goditi kokën, siç njoftoi bashkëshortja e tij, Michel Bolsonaro, në një postim në rrjetet sociale.

“Ne do të shkojmë në spital. Dashuria ime do të testohet”, shkroi ai në Instagram, ndërsa u kërkoi mbështetësve të tij të luten për të.

Mediat e huaja shkruajnë se lideri 70-vjeçar i ekstremit të djathtë nuk është në gjendje të mirë shëndetësore. Kjo pasi gjatë natës ka pësuar një krizë gjatë gjumit, ka rënë dhe ka goditur kokën në një mobilje.

The post U rrëzua dhe goditi kokën/ Ish-presidenti i burgosur i Brazilit dërgohet në spital appeared first on Albeu.com.

Një i mitur 14-vjeçar është larguar nga banesa në qytetin e Hasit, teksa ka marrë edhe automjetin e të atit pa leje dhe është larguar.

Policia e Hasit bën me dije se është bërë shpallja në kërkim e 14-vjeçarit, ndërkohë shërbimet e Policisë po vijojnë kontrollet për gjetjen e tij.

Ndërsa ende nuk dihet arsyet që e shtynë të miturin që të largohet nga banesa.

Njoftimi i Policisë:

Më datë 05.01.2026, në Komisariatin e Policisë Has, kanë bërë kallëzim familjarët e një shtetasi të mitur, 14 vjeç, banues në Has, se i mituri ka marrë pa leje automjetin e babait të tij dhe është larguar nga banesa.

U bë shpallja në kërkim e 14-vjeçarit, ndërkohë shërbimet e Policisë po vijojnë kontrollet për gjetjen e tij.

Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës.

The post Ndodh në Has, i mituri merr makinën e të atit dhe largohet nga banesa! Policia e shpall në kërkim appeared first on Albeu.com.

Edhe pse Konkursi i Këngës në Eurovision nuk do të zhvillohet deri në maj të këtij viti, agjencitë e basteve parashikojnë që Izraeli do të fitojë, megjithëse ende nuk dihet se kush do ta përfaqësojë atë.

Siç është raportuar në faqen e Eurovision World, Izraeli aktualisht ka nëntë përqind shanse për të fituar konkursin e muzikës të lartpërmendur.

Pas Izraelit janë Suedia (tetë përqind), Ukraina (shtatë përqind), Finlanda (gjashtë përqind), Italia (katër përqind) etj.

Siç dihet mirë, Spanja, Sllovenia, Irlanda, Holanda dhe Islanda u tërhoqën nga Festivali i Këngës në Eurovision sepse Izraelit iu lejua të garonte.

Përfaqësuesi izraelit i vitit të kaluar, Yuval Raphael, i cili performoi këngën “New Day Will Rise”, fitoi vendin e parë në televotim dhe në fund u rendit i dyti. Që nga ky vit, zbatohet një rregull i ri – publiku mund të votojë 10 herë, në vend të 20 sa më parë.

Këtë vit, edicioni i 70-të i Festivalit të Këngës në Eurovision do të mbahet në Wiener Stadthalle në Vjenë. Gjysmëfinalja e parë është më 12 maj dhe e dyta më 14 maj. Finalja është planifikuar për 16 maj. Do të garojnë 35 vende.

The post A po shkon Eurovisioni në favor të Izraelit? Bastet po e nxjerrin fitues festivalin evropian edhe pse jemi muaj larg organizimit appeared first on Albeu.com.