Duhej të ishte thjesht një ndeshje. Edhe pse luhejn në nivelin e Ligës së Kampionëve, sërish flasim për 19-vjeçarët, dhe nëse në stadium mund të jenë 2 apo 3 mijë njerëz kjo është mjaft.
Nuk ndodh kështu në Gjermani, dhe këtë herë u vendos një rekord.
Plot 50 000 spektatorë mbushën stadiumin e Këlnit, me emrin e sponsorit “Rain Energi”, ndërtuar mbi stadiumin e vjetër Myngersdorfer.
Luanin Këlni vendas dhe Interi milanez, e tifozët vendas dhanë një spektakël në tribuna, duke thyer rekordin e mëparshëm që ishte 40 368 spektatorë, kur Interi luajti ndaj Trabzonsporit në prill të vitit të kaluar.
Për skuadrën zikaltër, titullar ishte portieri i Shqipërisë U19, Alen Taho, i cili bëri disa pritje, ndërsa nuk mund të quhet fajtor për golin.
Ekipi i Shpresave të Interit ia doli vetëm në fund, pasi ndeshja e Championsit për të rinj ishte në barazim 1-1 deri minutën e shtatë shtesë.
Pikërisht në fund, italianët shënuan dy gola.
Duket se tifozët e Këlnit janë të pakënaqur me skuadrën e të rriturve që po kalon sezon të vështirë në Bundesligë, dhe kanë vendosur të ndjekin të rinjtë./abcnews.al
Shikuesit vunë re një detaj në serialin e animuar "The Simpsons" - ekzistencën e një ishulli në pronësi të pedofilit të dënuar Jeffrey Epstein.
Në episodin e sezonit të 12-të "The Computer Wore Menace Shoes", i cili u transmetua në vitin 2000, Homer krijon një faqe interneti për të përhapur thashetheme dhe lajme të rreme nën pseudonimin Z. X.
Midis teorive konspirative të Homerit është një referencë për "të çmendurit në një ishull", të cilën shikuesit e interpretuan si një ishull privat në Ishujt Virgjër të ShBA-së që ishte në pronësi të Jeffrey Epstein.
Një skenë nga episodi, e shkruar nga John Swartzwelder dhe me regji nga Mark Kirkland, përmbante një njoftim në Z. X ku shkruhej: "Vëmendje: Disa të çmendur në ndonjë ishull sundojnë fshehurazi botën".
Reagimet e shumta nga shikuesit në rrjetet sociale ishin të shumta.
"Mbeta pa fjalë pas këtij episodi", "Ky nuk është një serial, por një përshkrim i jetës sonë nga jeta reale", "Ata dinin gjithçka", janë disa nga komentet për këtë serial.
Disa përdorues të mediave sociale kanë pohuar se krijuesi i “Simpsons”, Matt Groening, dyshohet se ka udhëtuar me një nga avionët privatë të Epstein. /Telegrafi/
Një situatë e pazakontë po shoqëron tenderin e madh të internetit me fond limit rreth 5.1 milionë euro, të shpallur disa muaj më parë nga Agjencia Kombëtare e Shoqërisë së Informacionit. Edhe pse gjatë kësaj jave janë shpallur ofertat fituese, zhvillimet e fundit kanë ngritur pikëpyetje serioze mbi atë që po ndodh në Komisionin e […]
Blutë e Londrës ia dolën 1-0 ndaj Pafosit qipriot dhe zunë vend mes 8 ekipeve të para në Champions, por nuk do të jetë e lehtë ta mbrojnë kualifikimin në një atmosferë të vështirë.
Futbollistët e Çelsit arritën në Napoli për sfidën e sotme në orën 21:00, duke e ditur se ndoshta vetëm fitorja mund të jetë e vlefshme.
Jo më kot, plot 8 ekipe kanë nga 13 pikë, përfshi edhe londinezët, dy të tjerë kanë nga 12, Dortmundi ka 11 dhe dy të tjerë kanë nga 10 pikë.
Natyrisht, anglezët e dinë se në stadiumin “Maradona” nuk do të jetë e lehtë të merren tri pikë në javën e fundit të ndeshjeve në grup.
Trajnerit Rosenior do t’i mungojnë disa lojtarë si Koluell, Adarabiojo apo Lavia, por Koul Palmer është kthyer, ashtu si edhe portieri Jorgensen, ndërsa alternativat për zgjedhje do të jenë të shumta.
Napoli I trajnerit Antonio Konte është në pozita më të vështira.
Barazimi në Danimarkë herën e kalur ndaj Kopenhagenit prishi shumë punë, dhe forma në Serinë A po ashtu nuk është shumë e mirë.
Nga ana tjetër, kampionët e Italisë kanë mungesa si De Brujne, Anguisa, Gilmor, Politano, Neresh si dhe kapiteni I Kosovës, Amir Rrahmani, plus portierin Milinkoviç-Saviç.
Napolitanët janë në vendin e 25-të, pra do t’u duhet fitorja për plej ofin, ose ndryshe eliminohen.
Dy ekipet kanë luajtur vetëm dy herë në Champions, në vitin e largët 2012, me Çelsin që u kualifikua për në çerekfinale, veçse me napolitanët që fituan në fushën e tyre me shifrat 3-1.
Do të jetë një finale, e sërish mund të mos mjaftojë. Dortmund-Inter është një nga ndeshjet me më shumë tension dhe emocion sonte në Champions, ndërsa dy skuadrave u duhet vetëm fitorja.
Gjithsesi, asnjëra prej tyre nuk e ka fatin në dorën e saj. Dortmund është në vendin e 16-të dhe një sukses mundet edhe t’i sigurojë një vend në 8 të parat, pra ta kualifikojë direkt, ndërsa humbja mund ta eliminojë.
Verdhezinjtë kanë mungesa si mesfushorin Zabicer si dhe mbrojtësin Zyle, të cilët janë të dëmtuar, ndërsa mbrojtësi i krahut Svenson është i pezulluar. Trajneri Niko Kovaç ka besim, edhe pse forma e ekipit nuk ka qenë e qendrueshme, as në Ligën e Kampionëve dhe as në Bundesligë.
Edhe Interi ka problemet e veta. Trajneri Kristian Kivu do të duhet të bëjë pa mesfushorët e rëndësishëm Barela e Çalhanoglu, ashtu si edhe pa mbrojtësin holandez Damfris, që është jashtë prej shumë kohësh.
Titullarë në mesfushë priten Sucic, Zielinski dhe Mkitarian, në portë Zomer edhe pse I kritikuar, ndërsa në sulm janë yjet në formë si kapiteni Lautaro Martinez dhe Markus Turam.
Për zikaltërit gjithashtu duhet fitorja për të shmangur plej ofin, por gjithsesi ata nuk kanë rrezik eliminimi. Bilanci total është lehtësisht në favor të italianëve, me dy fitore, një barazim e një humbje, por këtë rast vlen më shumë ajo që ka ndodhur në Gjermani.
Borusia fitoi sfidën e fundit mes tyre në fushën e vet, 3-2 në 2019, ndërsa shumë herët, në 1964, në ish-stadiumin “Vestfalenshtadion” dueli përfundoi 2-2./abcnews.al
Në stadiumin Bergamos ndaj Parmës për të u ndez sinjali i alarmit. Berat Gjimshiti nuk mundi ta luante deri në fund ndeshjen e Serisë A, që Atalanta e tij e fitoi 4-0, sepse trajneri Paladino u detyrua ta zëvendësonte në pushim.
Arsyeja?
Një lodhje muskulore e cila mund të kthehej në dëmtim, diçka që është më e lehtë të ndodhë me një futbollist 32-vjeçar.
Gjithsesi, alarmi ishte I rremë dhe kapiteni I kombëtares shqiptare është kthyer në ekip duke qenë gati për sfidën e sotme në Champions.
Jo vetëm kaq, por mbrojtësi I qendrës pritet të jetë titullar.
Gjimshiti u stërvit me ekipin këtë të martë, duke mos raportuar asnjë problem, diçka e rëndësishme në një ndeshje që është padyshim vendimtare.
Atalanta synon të jetë në 8 ekipet e para në Champions, pra të kualifikohet direkt për në fazën e dytë, pa kaluar në plej of.
Bergamaskët janë një pikë prapa vendit të 8-të, dhe fatin e kanë në duart e tyre.
Gjimshiti ka qenë në formë këtë sezon për të mbiquajturën “DEA”, duke shënuar edhe një gol, e duke u paraqitur shumë mirë në shumicën e ndeshjeve, edhe pse ka pasur gjithashtu mbrëmje të vështira.
Nuk dihet nëse do ta ketë fatin ta ngrejë edhe një tjetër trofe europian, por kryesore është që kapiteni shqiptar dhe Atalanta të kualifikohen në Champions.
ANKARA, 26 janar /ATSH-AA/ – Çmimi i arit vazhdoi rritjen rekord, duke tejkaluar nivelin prej 5.000 dollarësh për herë të parë, i nxitur nga pasiguria e vazhdueshme gjeopolitike dhe ekonomike që ka vazhduar të nxisë kërkesën për asete të sigurta.
Çmimi i arit sot u rrit me rreth 2.2 për qind në 5.090 dollarë për ons që nga ora 07:00, pasi arriti nivel rekord prej 5.111 dollarësh më herët gjatë seancës. Çmimet u rritën me rreth 9.1 për qind gjatë javës.
Ari është rritur me rreth 84 për qind gjatë 12 muajve të fundit dhe rreth 17 për qind që nga fillimi i vitit, i mbështetur nga tensionet e rritura tregtare dhe gjeopolitike si dhe uljet e normave të interesit nga bankat kryesore qendrore.
Argjendi gjithashtu përparoi, duke u rritur me 4.6 për qind në 107.6 dollarë për ons, pasi arriti nivel rekord prej 109 dollarësh. Çmimet e argjendit janë rritur më shumë se 252 për qind gjatë vitit të kaluar.
Pjesëmarrësit e tregut theksuan shqetësimet e përtërira gjeopolitike si faktor kryesor, përfshirë kërkesat e presidentit të SHBA-së, Donald Trump mbi Grenlandën. Duke shtuar shqetësimin e tregut, komentet e Trumpit rreth situatës në Iran rritën gjithashtu pasigurinë.
Trumpi kërcënoi të shtunën se do të vendoste tarifa 100 për qind për të gjitha mallrat kanadeze që hyjnë në Amerikë nëse Otava arrin marrëveshje tregtare me Pekinin.
“Nëse Kanadaja bën marrëveshje me Kinën, ajo do të përballet menjëherë me tarifa 100 për qind kundër të gjitha mallrave dhe produkteve kanadeze që hyjnë në SHBA”, shkroi Trump në platformën e tij të mediave sociale Truth Social. /os/
Juventus kthehet te fitorja dhe e bën këtë në skenën më të madhe të futbollit europian për klube. “Zonja e Vjetër” mundi 2-0 Benfikën, ndërsa ky sukses kishte vlerë të dyfishtë për tifozët bardhezi, pasi në pankinën e portugezëve ishte një rival i hershëm si Jose Mourinho.
Sfida ishte në ekuilibër të plotë në pjesën e parë. Të dyja skuadrat kishin rastet e tyre, por nuk arritën t’i shfrytëzonin, duke lënë të pandryshuar rezultatin. Fati I ndeshjes do të merrte një tjerër rrjedhë, pas pushimit.
Në minutën e 55-të, Kephren Thuram ndali topin në rrjetë për epërsinë e Juventus. Të besuarit e Luçiano Spalleti do të gjenin shpejt dyfishimin me golin e qetësisë. Vetëm nëntë minuta më pas, McKennie vrau garën me realizimin e tij.
Në fundin e sfidës, Benfika shpërdoroi mundësinë më të mirë për të rihapur sfidën, ose të paktën për të zbutur humbjen, por Pavidis gaboi nga pika e penalltisë. Festa ishte për Juventus, që ngjitet në kuotën e 12 pikëve në klasifikimin e fazës së ligës.
Kjo do të thotë se faza e play off është e sigurtë, ndërsa matematikisht, “Zonja e Vjetër” mund të tentojë edhe zonën e kualifikimit direkt në ndeshjen e fundit që do të luajë në fushën e Monaco.
Shpresa është që fatin ta kenë me vete. Nuk e fshehu supersticionin presidenti I Barcelonës, Zhoan Laporta, ndërsa skuadra e tij ishte në Pragë për ndeshjen e radhës në Ligën e Kampionëve.
Numri 1 i klubit pati takim edhe me tifozët duke i premtuar trofe këtë sezon, e duket se njerëzit në Katalonjë e në Spanjë përmes futbollit duan të harrojnë tragjedinë hekurudhore që u ndodhi.
Skuadra “blaugrana” i ndihmoi duke fituar një ndeshje spektakolare, dhe që ishte fiks sipas traditës së këtij ekipi. Lojë e hapur, mbrojtje poroze, por sulm “bërthamor” që në fund shënoi 4 gola dhe siguroi tri pikët.
Të besuarit e trajnerit Hansi Flik duhet të bënin autokritikë në të ftohtin e tmerrshëm të Çekisë, që natën vonë arriti në -11 gradë celsius. Humbja në La Ligë ndaj Sociedadit rihapi gjithçka dhe tregoi se asgjë nuk është e sigurt, por gjithsesi katalanasit treguan karakter.
Pasi Slavia kaloi në epërsi, Fermin Lopez përmbysi rezultatin me dy gola në pjesën e parë, edhe pse Levandovski ngatërroi portën, duke shkaktuar autogol. Dani Olmo realizoi një gol kryevepër, dhe Levandovski kërkoi falje me rrjetën personale për suksesin 4-2.
Trajneri Hansi Flik vlerësoi futbollistët e tij për karakterin dhe premtoi se fitorja e Ligës së Kampionëve është e mundur dhe se mbetet objektiv i madh. “Reagim sipëror, – titullon “El Mundo Deportivo”, – Barça u pengua nga I ftohti dhe një nisje e keqe, për të arritur një triumf jetësor. Top 8 është në duart e saj!”
“Të mëdhenj, – është thirrja e të përditshmes tjetër nga Katalonja, “Sport”, – Barça e ka fare pranë kualifikimin për në tetë më të mirat në Champions!” “Blaugranët” janë në vendin e 9-të në renditje, dhe fitorja në Kopenhagen u jep kualifikimin direkt në raundin e dytë, si një nga tetë ekipet e para./abcnews.al
Nuk po bind që nga 26 nëntori. Paris SG vazhdon të jetë gjithmonë kampioni i Europës në fuqi, veçse forma e gjigandit francez nuk dihet se ku ka përfunduar. Skuadra e miliarderëve nga Gjiri Persik dhe e trajnerit spektakolar, Luis Enrike, pësoi një tjetër disfatë, këtë herë në Portugali nga Sportingu.
Kjo ishte humbja e dytë në Champions, e padyshim që kualifikimi direkt nis të rrezikohet. Në një sfidë në stadiumin “Zhoze Alvalade”, PSG bëri më shumë, por as nuk ishte konkret sa duhet, as nuk pati fat.
Në një ndeshje të ashpër, me raste dhe me sulme nga të dyja anët, golat u shënuan pranë fundit. Luis Suarez kaloi vendasit në epërsi në 74’, por vetëm pak minuta më vonë Kviça Kvarackelia barazoi për parizienët.
Ylli gjeorgjan është kthyer në ekip dhe në formë, por kontributi I tij nuk vlejti kur sërish Luis Suarez shënoi golin e fitores në sekondat shtesë. Sulmuesi kolumbian ishte vendimtar.
Kjo ishte ndeshja e dytë radhazi pa fitore në Champions për kampionët e kontinentit dhe nënkampionët e botës, pas barazimit pa gola në Bilbao.
Po ashtu, humbja erdhi pak ditë pas eliminimit të hershëm dhe të papritur nga Kupa e Francës pasi humbi derbin ndaj ekipit shumë më të vogël, Paris FC.
Nuk dihet seë çfarë po ndodh me të besuarit e Luis Enrikes. Ndoshta, sezoni ka qenë tepër i ngarkuar bashkë me Kupën e Botës për klubet, me Superkupën e Europës dhe me Superkupën e Francës.
Rreziku është që yjet parizienë të jenë të rraskapitur ndërsa afron fundi I edicionit dhe të mbeten pa trofe. Jo më kot, Ligën e Parë të Francës e kryeson Lensi, edhe pse vetëm me një pikë më shumë se PSG./abcnews.al
Sërish është një skuadër angleze që po dominon. Nëse vjet ishte Liverpuli që arriti fitore pas fitoreje në fazën e grupit në Champions, stafetën këtë sezon e ka Arsenali.
Skuadra londineze, që po shkëlqen në çdo konkurrim, pasi arriti suksesin e shtatë radhazi, këtë herë në “San Siro”. Pasi mundën Bajernin në “Emirejts”, “topçinjtë” shkatërruan Interin në “San Siro” me shifrat 3-1.
Në një ndeshje të fortë, ku italianët nuk është se u dorëzuan, vendosi ritmi më i lartë i anglezëve. Gabriel Zhezus shënoi dy gola, për avantazhin 1-0 dhe pastaj 2-1, duke bërë të pavlefshme rrjetën nga kroati i ri, Petar Suçiç.
Sulmuesi hungarez, Viktor Gjëkeresh vulosi sfidën gjashtë minuta para fundit. Statistikat janë aty-aty në gjithçka, në gjuajtje në total e në kuadrat, në zotërim topi dhe në numër pasimesh, por Arsenali ishte më I rrufeshëm, pra më I rrezikshëm.
Kjo ishte disfata e tretë radhazi në Ligën e Kampionëve, pas atyre në Madrid ndaj Atletikos dhe në Milano kundër Liverpulit. “La Gazeta delo Sport” komenton: Interi nuk mjafton! Champions, Arseali shënon 3, e vështirë për në të tetat e finaleve!
Po ashtu, e përditshmja raporton fjalët e trajnerit Kivu që thekson se Arsenali pati nivel të çmendur, dhe se një ritëm i tillë nuk ekziston në Itali. “Oh Jezus”, – është titulli në “Il Korriere delo Sport”, që bën lojë fjalësh me mbiemrin e sulmuesit brazilian që shënoi dy gola: Zhgënjim në Champions!
Nga Anglia, “Deili Meil” shkruan se Topçinjtë e pathyeshëm bënë detyrën dhe u konfirmuan si favoritët në Ligën e Kampionëve! Arsenal kryeson renditjen me 7 fitore radhazi, pra me 21 pikë të plota, ndërsa për momentin është jashtë zonës që të kualifikon direkt, në vendin e 9-të dhe mund të zbresë edhe më poshtë. Tashmë duhet fitore në Dortmund, por italianët nuk e kanë fatin në duart e tyre.
Rëndësinë në ekip e ka të madhe. Amir Rrahmani do të jetë një mungesë e rëndësishme për Napolin, që luan këtë të martë në fushën e FC Kopenhagenit në Champions.
Kampionia e Italisë do të ketë një duel për jetë a vdekje, sepse ndodhet në vendin e 23-të, me pikë të barabarta me danezët, pra kjo është një nga finalet se kush do të kualifikohet në plej of.
Duke qenë se sfida e fundit në grup në këtë konkurrim është në stadiumin “Maradona” ndaj Çelsit, nuk mund të bëhen gabime në Danimarkë.
Gjithsesi, Rrahmani është i dëmtuar, dhe është e sigurt që nuk luan këtë mesjavë, ashtu si edhe Politano, ndërsa nuk dihet nëse do të jenë gati për duelin e radhës në Serinë A, ndaj Juventusit në Torino.
Kapiteni I Kosovës pra do të jetë në garë me kohën për të kaluar dëmtimin, në kohën që trajneri Antonio Konte ka probleme tepër të mëdha. Janë gati 10 futbollistë që nuk përgjigjen në apel në Champions, ndërsa për Juven më shumë shpresë ka që të kthehen dy, Neresh dhe Anguisa.
Rrahmani ka pasur probleme me dëmtimet edhe më herët këtë sezon duke humbur 7 ndeshje radhazi në kampionat nga mesi i gushtit deri në 1 nëntor. Kur ai nuk luan, dëmi është i madh sepse flitet për një titullar standard që për napolitanët luan prej gati gjashtë vitesh dhe ka qenë gjithmonë shumë i rëndësishëm.
Kapiteni dardan ka gjithsej 194 ndeshje për Napolin, ndërsa në Serinë A ka mbërritur në 196, pasi ka veshur edhe fanelën e Veronës. Në Champions ka luajtur 17 herë duke shënuar një gol të vetëm, por që nuk harrohet.
Në 12 mars të vitit 2024, mbrojtësi shqiptar nga Kosova realizoi në ndeshjen e luksit ndaj Barcelonës në “Kamp Nou”, edhe pse katalanasit triumfuan 3-1 në ndeshjen e dytë të të tetave të finaleve, dhe u kualifikuan për në çerekfinale.
Një tjetër aferë është gati të shpërthejë, e denjë për një skenar të filmave hollivudianë, ku një drejtuese e një institucioni të rëndësishëm, kopsiti letrat për të bërë fiktivisht një park të madh, duke u lejuar dhjetëra firmave një parajsë fiskale për të mos paguar taksa. Në krye të kësaj skeme qëndron as më pak […]
Në përgjigje të përmbytjeve të fundit që kanë prekur disa rajone të Kosovës, IPKO Telecommunications ka nisur një iniciativë humanitare emergjente në bashkëpunim meKryqin e Kuq të Kosovës, me qëllim mbështetjen e familjeve të prekura nga fatkeqësia natyrore.
Në kuadër të kësaj iniciative, IPKO po dhuron:
• 1,000 pako esenciale, me vlerë totale prej 50,000 euro, që përmbajnë ushqime bazë dhe produkte higjienike për familjet e prekura,
• 500 pako mobile për të mundësuar komunikim të vazhdueshëm,
• Karikues dhe power bank, për të ndihmuar komunikimin gjatë ndërprerjeve të energjisë dhe situatave emergjente.
Shpërndarja e ndihmave do të realizohet përmes Kryqit të Kuq të Kosovës, i cili po koordinon reagimin emergjent në komunat e prekura.
“Në kohë krize, qasja në nevoja bazë dhe mundësia për të qëndruar të lidhur janëjetike. Si kompani e telekomunikacionit, ndiejmë përgjegjësi të fortë për të mbështetur komunitetet tona jo vetëm përmes teknologjisë, por edhe përmes veprave konkrete humanitare,” thanë përfaqësues të IPKO-së.
IPKO mbetet e përkushtuar të qëndrojë pranë qytetarëve të Kosovës në momente sfiduese dhe të mbështesë iniciativa që forcojnë qëndrueshmërinë dhe mirëqenien e komunitetit.
Nuk mund të luhej në këto kushte. Gjithsesi, skuadra italiane e Trapanit doli në fushë për sfidën e plej ofit në Ligën e Kampionëve në basketboll për meshkuj, për të bërë detyrën dhe për t’iu shmangut një dënimi të ashpër.
Rreziku ishte 400 000 euro gjobë, ndërsa ekipi italian me emrin “Sharks”, pra peshkaqenët, pati vetëm pesë basketbollistë në dispozicion për ndeshjen kundër rivalit izraelit, Hapoel Holon,
Kjo për shkak të krizës së rëndë financiare të ekipit nga Apeninet.
Nga pesë lojtarët, dy ishin marrë nga të rinjtë pasi basketbollistët e tjerë e kanë braktisur klubin sepse nuk janë paguar.
Peshkaqenët nga Trapani rezistuan vetëm një periodë prej 10 minutash, dhe në fund nuk kishin mundësi të plotësonin pesëshen në parket.
Hapoel fitoi me shifrat e pazakonshme 38-5, dhe e tillë ishte diferenca cilësore dhe e motivimit nga të dyja palët.
Sipas rregullave të basketbollit europian dhe ndërkombëtar, nëse nuk arrin të përfundosh një ndeshje, I humb të gjitha sfidat e tjera në vazhdim në sezon, pra Trapani tashmë është I eliminuar.
Mëkat, sepse italianët ishin në formë të mirë, ndonëse tani rrezikojnë përjashtimin edhe nga liga e tyre kombëtare, me ndeshjen e fundit që nuk u zhvillua.
Burimi: The Telegraph (titulli: Trump’s stunning show of strength is a major gamble) Përkthimi: Telegrafi.com
Goditje e guximshme strategjike apo akt i pamatur i një të çmenduri? Me përhapjen e lajmit se Shtetet e Bashkuara kishin bombarduar Venezuelën, duke fshirë çdo gjurmë të reputacionit të epokës Biden si një gjigant i butë që trembet nga hija e vet, u bë e qartë se, edhe një herë, Donald Trumpi i kishte kapur të gjithë në befasi. Kolosi i Veriut është zgjuar. Dhe, ai është i uritur.
Kalojnë disa orë dhe presidenti triumfues informonte gazetarët e hutuar në Mar-a-Lago se Shtetet e Bashkuara do të “drejtojnë vendin” derisa të mund t’i dorëzohej një administrate të re. Çfarë? Për sa kohë? Dhe, me sa divizione trupash? Hollësi nuk pati, por sipas tij, gjigandët amerikanë të naftës do të “fitonin para” në ndërkohë.
Ky ishte ndërrim regjimi në formë të plotë. Kaq për “Së pari Amerika [America First]”.
Trumpi zgjodhi sekretarin e Shtetit, Marco Rubio, që të fliste me shtypin përkrah tij. Rubio e meritoi: ky ishte momenti i tij.
Me prejardhje nga jugu i Floridës goxha antikomuniste, një strehë e njohur për disidentët kubanë dhe venezuelianë, Rubio ka kohë që argumenton për ndërrim regjimi në Karakas, duke shpresuar se kjo mund të çojë në rrëzimin e Havanës, një çmim që ka shmangur ShBA-ja që nga ditët e presidentit Kennedy. Ai rezultat mund të jetë i pasigurt, por fraksioni i Rubios i luftëtarëve të vjetër është në ngritje.
Po ashtu, kjo ishte një goditje për fraksionin izolacionist të MAGA-s së Trumpit. Sigurisht, ata mbështetën luftën kundër drogës. Por, këtë? Drejtoresha e inteligjencës kombëtare, Tulsi Gabbard dhe klika e saj kundër ndërhyrjes - të cilët ishin për një marrëveshje me Maduron për naftën e tij - janë injoruar plotësisht, njësoj si atëherë kur, në qershorin e kaluar, ata përpiqeshin më kot të bindnin presidentin që të mos bombardonte lokacionet bërthamore të Iranit.
Qartësisht, kjo nuk kishte të bënte vetëm me narkotikët. Duhet ditur se tregtia e drogës e Venezuelës mbetet pas shteteve narkotike si Kolumbia, Meksika, Bolivia dhe Peruja. Sigurisht, Maduro kishte pluhur të bardhë në duar, por a ishte vërtet ai kreu i sindikatës së drogës, Karteli i Diellit, siç pretenduan Shtetet e Bashkuara në nëntor?
Në të vërtetë, shkalla e fushatës amerikane shkonte përtej objektivave të zbatimit të ligjit. Rrëmbimi i guximshëm i Madurós dhe gruas së tij kujtonte vrasjen e Osama Bin Ladenit në Abotabad më 2011, megjithatë, në gusht, Shtëpia e Bardhë rriti shpërblimin për kapjen e Madurós në 50 milionë dollarë - dyfishi i atij të kreut të Al-Kaedës.
Ekonomia e Venezuelës - me madhësi të ngjashme me atë të Iranit të sotëm - është 280 herë më e vogël se ajo e Shteteve të Bashkuara, por përqendrimi i trupave, që përfshinte 10 mijë vetë, dhjetëra anije luftarake, aeroplanë luftarakë, nëndetëse dhe aeroplanmbajtësen e frikshme “USS Gerald R Ford”, përbënte mobilizimin më të madh të Amerikës që nga lufta në Irak.
Kjo ishte një shfaqje globale force. Në nëntor, Kremlini tha se ishte i hapur për të armatosur Venezuelën socialiste me Oreshnik - raketën e tij më të avancuar hipersonike, për të ballafaquar kërcënimin amerikan; gjithashtu, Maduro kishte kërkuar ndihmë ushtarake nga Pekini dhe Teherani.
Kaq për këtë. Ndërkohë, janë tronditur narkoshtetet rajonale dhe regjimet e majta ekstreme, si Kuba, të cilat janë aleate të Pekinit dhe Moskës. A do të bashkohen rreth flamujve të tyre në një sfidë? Apo do të përulen përpara të çmendurit? Pas kësaj fundjave, një përgjigje duket e mundshme.
Pasojat e këtij Trumpi të ri me “steroide” sapo kanë filluar. Analizojeni Republikën Islamike të Iranit, të përgjakur dhe dinake, e cila disa ditë më parë u kërcënua nga një president “i gatshëm për të qëlluar”.
Kasra Aarabi, analist britanik për Iranin, dje foli me burime nga milicia e frikshme Basij, pjesë e Gardës Revolucionare Islamike. “Ata mendonin se Trumpi po bënte blof për Venezuelën”, më tha Aarabi. “Kështu që nuk i morën seriozisht kërcënimet e tij ndaj Iranit”.
Tani i marrin. Jo vetëm që armiqtë e Amerikës janë frikësuar, por edhe aleatët e saj të plogësht perëndimorë - ende të lënduar pasi ai shkatërroi karnavalin e njohjes së Palestinës, për ta përfunduar luftën e Gazës sipas kushteve të tij - ndihen gjithashtu të parehatshëm. Nëse ky njeri mund të prishë diplomacinë tonë dhe të sulmojë Venezuelën, çfarë tjetër ka në plan?
“Unë e quaj Teoria e të Çmendurit”, i tha Richard Nixon shefit të tij të stafit, Bob Haldeman, siç ka thënë ky i fundit në kujtimet e tij të vitit 1978. “Dua që vietnamezët e Veriut të besojnë se kam arritur në pikën ku mund të bëj gjithçka për të ndaluar luftën ... nuk mund ta ndalim kur është i zemëruar - dhe ai e ka dorën mbi butonin bërthamor”.
Natyrisht, mashtrimi i të çmendurit nuk funksionon nëse nuk është bindës. I vërtetë apo jo, agresiviteti i Trumpit ndaj Venezuelës sigurisht që dha shenja çmendurie. Muajin e kaluar, Washington Post zbuloi se një sulm amerikan ndaj një anijeje droge venezueliane droge u pasua nga goditja e dytë që vrau dy të mbijetuar të kapur pas trupit të anijes. “Vritini të gjithë”, thuhet se ishte urdhri nga sekretari i Mbrojtjes, Pete Hegseth. Ai që atëherë është akuzuar për krime lufte.
Por, me gjithë mburrjet e tij, Trumpi mund të mos jetë aq i çmendur sa duket. Në vitin 2013, sekretari i atëhershëm i Shtetit, John Kerry shpalli një epokë “partneriteti të barabartë” dhe mirësie në Amerikën Latine, pas Luftës së Ftohtë, por qasja muskulore e Trumpit i rikthehet një tradite më të vjetër të politikës së jashtme amerikane, në të cilën Shtëpia e Bardhë ndoqi me vendosmëri interesat e saj në rajon, ekonomike dhe ideologjike, për më shumë se një shekull.
Duke filluar me Doktrinën Monroe të vitit 1893, ndërhyrja amerikane fillimisht u përball me fuqitë evropiane, para se të evoluonte për të luftuar sovjetikët gjatë Luftës së Ftohtë. Midis viteve 1898 dhe 1994, ShBA-ja shkaktoi 41 ndërrime qeverish në Amerikën Latine, 17 prej të cilave përfshinin agresion.
Në veçanti, pushtimi i Panamasë nga George Bushi i vjetër më 1989 - ndjekur nga Operacioni “Promovo Lirinë”, ku Shtetet e Bashkuara mbështetën qeverinë e re panameze për gati pesë vjet - ndihmoi në krijimin e demokracisë së qëndrueshme që shohim sot. A është kjo ajo që Trumpi ka në mendje për Venezuelën?
Ky është Donaldi. Mbaji të gjithë në hamendje, madje edhe ata në anën tënde. Narkotikët mund të kenë formuar rrëfimin, por ekstravaganca venezueliane është pjesë e doktrinës së politikës së jashtme të Trumpit - nga Lindja e Mesme te oborri i tij. Manovro; mashtro; shfaqe një forcë të madhe; godit me egërsi. Në këtë botë të paqëndrueshme, një gjë është e sigurt: i çmendur apo jo, është rikthyer diplomacia amerikane e mbështetur nga forca ushtarake [gunboat diplomacy]. /Telegrafi/
Seriali Simpsons thuhet se parashikoi në mënyrë të çuditshme një seri ngjarjesh kyçe që ndodhën në vitin 2025, duke forcuar reputacionin e serialit me dekada të tëra për aftësinë e tij për të parë të ardhmen.
Shfaqja e Matt Groening u transmetua për herë të parë në vitin 1989 dhe gjatë gati 40 viteve të fundit ka transmetuar disa qindra episode dhe një total prej 37 sezonesh, të cilat vazhdojnë të shfaqen.
Vëmendja është kthyer te numri gjithnjë e në rritje i parashikimeve të sakta që lidhen me vitin 2025.
Shkrimtarët e stafit të Simpsons duket se kanë bërë një sërë parashikimesh që rezultuan të vërteta gjatë gjithë vitit, duke filluar nga “rënia” e Elon Musk deri te kaosi unik i presidencës së dytë të Donald Trump.
Elon Musk dikur kishte një ndikim të madh në publik falë rolit të tij kryesor në disa seriale kulti si The Big Bang Theory dhe Rick & Morty.
Ndër paraqitjet e tij ishte një në The Simpsons një dekadë më parë në 'The Musk Who Fell to Earth' që duket se parashikon gjithashtu pjesërisht të ashtuquajturin Departament të Efikasitetit të Qeverisë (DOGE).
Historia e episodit duket se ka parashikuar në mënyrë të çuditshme rënien nga pushteti të njeriut më të pasur në botë - duke filluar me rolin e tij në përforcimin e Springfield me një termocentral krejt të ri dhe vetura elektrike, pasi u miqësua me Homer Simpsonin.
Por, ashtu si në jetën reale, Musk i thotë Burns se planet e tij kanë rezultuar në humbjen e deri në 50 milionë dollarëve duke e çuar personazhin e serialit drejt zbatimit të shkurtimeve masive nga puna në stilin e DOGE.
Këto shkurtime nga puna goditën miqtë e Homer, Karl dhe Lenny, duke e lënë Musk shumë jopopullor dhe duke e çuar Homer drejt përfundimit të marrëdhënies së tyre përpara se të hipte në një anije SpaceX dhe të largohej nga Springfield.
Në jetën reale këtë vit, Musk iu bashkua administratës së Donald Trump si udhëheqës i DOGE, por më vonë u largua, duke e detyruar atë të largohej nga jeta politike për një periudhë kohore.
Seriali Simpsons thuhet se "parashikoi" edhe presidencën e Trumpit në episodin e vitit 2000 "Bart to the Future", në të cilin Lisa Simpson bëhet presidente e SHBA-së në një vit imagjinar 2030.
Presidenca e saj vjen pas asaj që nënkuptohet gjerësisht se ka qenë një mandat i vetëm i Trumpit në detyrë, gjatë të cilit ai shkakton një krizë buxhetore që trashëgon fëmija i mesëm i Simpsons.
Administrata Trump kaloi një krizë buxhetore në fillim të këtij viti, me qeverinë amerikane të mbyllur për 43 ditë nga mesi i shtatorit deri më 12 nëntor pasi Kongresi dështoi vazhdimisht të miratonte legjislacionin e ndarjeve buxhetore për vitin fiskal 2026.
“The Simpsons” trajtoi drejtpërdrejt ngritjen e Inteligjencës Artificiale në vitin 2025 në episodin e tyre “Keep Chalm and Gary On”, gjatë të cilit Bart përdor ChatGPT për të përfunduar detyrat e shtëpisë.
Por Al është paraqitur shumë në serial edhe më parë, me episodin 16 të vitit 2005 të Treehouse of Horror, i cili u transmetua në fillim të nëntorit të atij viti, i cili gjithashtu e përdori konceptin në një mënyrë çuditërisht të njohur.
Një nga historitë në episodin antologjik paraqet 'BI Bartificial Intelligence', gjatë së cilës Bart bie në koma dhe Simpsonët marrin në shtëpi një djalë robotik në vend të tij të quajtur David.
Davidi rezulton të jetë një djalë më i mirë se Barti dhe, kur djali i vërtetë zgjohet, ai anashkalohet, duke u rikthyer më vonë për të marrë hak.
Një nga ngjarjet më të rëndësishme të vitit 2025 ishte vdekja e Papa Françeskut dhe Konklava pasuese që zgjodhi Papën e parë amerikan, Papën Leo XV, Robert Prevost.
Seriali “The Simpsons” dukej sikur aludonte për një Papë amerikan në një nga episodet e tij më të vjetra, “The Wizard of Evergreen Terrace”, i cili u transmetua në shtator të vitit 1998.
Në episod, prezantuesi i lajmeve nga Springfield, Kent Brockman, lexon një buletin që njofton publikun për një "Papë të rremë" që mban veshur atlete.
Çikago është gjithashtu e famshme për atlete, me Air Jordan 1 "Chicago" të lansuar atje nga Michael Jordan në vitin 1985. /Telegrafi/
Basketbollistët e Los Angeles Lakers vazhdojnë të kalojnë një periudhë shqetësuese, duke pësuar humbjen e katërt në pesë ndeshjet e fundit. Këtë herë, skuadra nga Kalifornia u mposht bindshëm në shtëpi nga Detroit Pistons me rezultatin 128:106.
Kriza te Lakers po thellohet gjithnjë e më shumë, ndërsa pas ndeshjes reagoi edhe Luka Doncic, i cili u shfaq i zhgënjyer dhe theksoi se “diçka duhet të ndryshojë urgjentisht” brenda ekipit.
Performanca individuale e Doncic nuk mjaftoi për të shmangur humbjen. Ylli slloven regjistroi 30 pikë, 11 asistime dhe pesë kërcime, ndërsa LeBron James kontribuoi me 17 pikë. Megjithatë, Pistons dominuan pothuajse gjatë gjithë ndeshjes dhe nuk lanë shumë hapësirë për reagim.
Detroit u udhëhoq nga Cade Cunningham, i cili shkëlqeu me 27 pikë, 11 asistime dhe pesë kërcime, duke e çuar ekipin drejt fitores së 25-të sezonale, kundrejt vetëm tetë humbjeve. Nga ana tjetër, bilanci i Lakers tani është 20 fitore dhe 11 humbje.
Në një tjetër ndeshje, Los Angeles Clippers dhuruan spektakël duke e mposhtur bindshëm Sacramento Kings me rezultatin 131:90. Kawhi Leonard ishte protagonisti kryesor me 33 pikë, duke udhëhequr ekipin drejt një fitoreje të lehtë.
Drama më e madhe e mbrëmjes u pa në përballjen mes Memphis dhe Philadelphia, e cila u vendos vetëm pas kohës shtesë.
Philadelphia triumfoi 139:136, falë paraqitjeve të shkëlqyera të Joel Embiid dhe Tyrese Maxey, të cilët shënuan nga 34 pikë secili.
IPKO Telecommunications po vazhdon transformimin e rrjetit të saj mobil, duke investuar fuqishëm në zgjerimin e teknologjisë 5G dhemodernizimin e infrastrukturës digjitale në Kosovë.
Ky hap strategjik synon të ofrojë shpejtësi më të lartë, kapacitet më të madh dhe një përvojë më të qëndrueshme përpërdoruesit, duke përgatitur rrjetin për nevojat e së ardhmes.
Si pjesë e këtij transformimi, IPKO ka përfunduar me sukses ndaljen e teknologjisë 3G në fund të vitit 2025. Kjo teknologji, e cila ka qenë në përdorim që nga viti 2013, i kashërbyer për më shumë se një dekadë përdoruesve, por sot i hap rrugë teknologjive më të avancuara. Mbyllja e 3G ka mundësuar përdorimin më efikas të frekuencave dhe orientimin e plotë të kapaciteteve drejt rrjetit 5G.
Gjatë vitit 2025, IPKO ka fokusuar investimet kryesore në rrjetin 5G në brezin 3.5 GHz,duke e shndërruar atë në shtyllën kryesore të zhvillimit të rrjetit mobil. Teknologjia 5Gështë aktivizuar edhe në 81 stacione bazë, ndërsa kapaciteti është rritur nga 80 MHz në 100 MHz në të gjitha pikat e këtij brezi. Përveç kësaj, janë ndërtuar edhe 20 stacione të reja të telefonisë mobile, duke siguruar mbulim më të gjerë, densitet më të lartë dhe performancë të përmirësuar të shërbimeve 5G.
Paralelisht me zgjerimin e 5G, IPKO ka vazhduar të përmirësojë edhe rrjetin 4G/4G+, duke e zgjeruar atë në 130 stacione bazë. Në zona të caktuara është rritur kapaciteti i4G për të garantuar stabilitet dhe vazhdimësi të shërbimeve gjatë tranzicionit drejt 5G,duke siguruar që përdoruesit të kenë gjithmonë lidhje të besueshme.
“5G është tashmë shtylla kryesore e zhvillimit të rrjetit të IPKO-së. Përmes mbylljes së teknologjive të vjetra dhe investimeve të vazhdueshme në rrjetin e së ardhmes, pondërtojmë një infrastrukturë moderne dhe fleksibël, të gatshme për kërkesat digjitale të viteve që vijnë. Kjo përkthehet në shpejtësi më të lartë, cilësi më të mirë dhe një përvojëmobile pa kompromis për përdoruesit tanë,” – u shpreh Andras Pali, Drejtor Ekzekutiv iIPKO Telecommunications.
Përmirësimet në rrjetet 5G dhe 4G kanë sjellë rritje të dukshme të shpejtësisë dhe performancës së internetit mobil. Sipas të dhënave të Speedtest Intelligence, IPKO renditet përpara operatorëve të tjerë për nga cilësia e shërbimit. Aktualisht, rreth 44% e përdoruesve të IPKO-së përdorin rrjetin 5G, ndërsa përdorimi i teknologjive më të vjetra është minimal.
Sipas të dhënave zyrtare të ARKEP, IPKO mban 55.08% të tregut të telefonisë mobile në Kosovë, përqindja më e lartë e regjistruar ndonjëherë. Ky rezultat pasqyron investimet e vazhdueshme në rrjet dhe zgjerimin e mbulimit në të gjitha rajonet e vendit,përfshirë edhe pjesën veriore (me përjashtim të Zubin Potokut).
Me këtë qasje të orientuar drejt së ardhmes, IPKO po ndërton një ekosistem modern të rrjetit mobil, ku 5G udhëheq inovacionin, 4G siguron stabilitetin dhe 3G mbyllet si kapitull teknologjik. Kjo krijon një bazë të fortë për zhvillim digjital afatgjatë dhe për përmirësimin e përvojës së përdoruesve në gjithë Kosovën.
Si lider i tregut të telefonisë mobile, IPKO vazhdon të vendosë standarde të reja të performancës dhe shërbimit, duke sjellë teknologji inovative dhe lidhje më të shpejtë e më të besueshme për të gjithë përdoruesit.
Nuk është në nivelin maksimal, por do të jetë aty vitin e ardhshëm. Jasir Asani po bën maksimumin që skuadra e tij, Esteglal, të realizojë objektivat e sezonit, dhe një dorë e dha në Championsin e dytë të Azisë.
Futbollisti kuqezi, që vjet ishte ndër më të mirët në Championsin e parë, me 9 gola në 10 ndeshje, realizoi në fitoren 3-0 që iranianët arritën në fushën e rivalit direkt, Al Muharrak.
Dueli në Bahrein nuk pati histori, dhe ky sukses siguroi kualifikimin e Esteglalit për në raundin e dytë, ndërsa ishte një hakmarrje për humbjen 0-1 të pësuar në Teheran në sfidën e grupit më herët.
Shqiptari shënoi sipas mënyrës së tij, dhe tani ka dy gola e një asist në këtë Ligë të Kampionëve në gjashtë ndeshje, ndërsa ka qenë gjithmonë titullar si dhe ka luajtur 90 për qind të minutave të mundshme.
Përtej rrjetave dhe asisteve për shokët, Asani ka dhënë edhe më shumë kontribut sidomos në lojën sulmuese, në ndërtimin e aksioneve, që në fund kanë përfunduar me top në rrjetë.
Edhe sezoni në total ka qenë shumë i mirë për yllin kuqezi. Shqiptari nga Shkupi ka 10 gola gjithsej, nga të cilët gjashtë në kampionatin e Iranit, dy në Champions dhe dy në Kupën e Iranit, ndërsa ka shërbyer dy asiste.
E gjitha kjo në 19 ndeshje, duke qenë shënuesi më i mirë i Ligës Profesioniste bashkë me dy të tjerë, ndonëse Esteglal duhet të rikthehet tek fitoret për të pretenduar titullin, duke qenë 5 pikë prapa kryesuesit Sepahan./abcnews.al
Login
