Nuk është në nivelin maksimal, por do të jetë aty vitin e ardhshëm. Jasir Asani po bën maksimumin që skuadra e tij, Esteglal, të realizojë objektivat e sezonit, dhe një dorë e dha në Championsin e dytë të Azisë.

Futbollisti kuqezi, që vjet ishte ndër më të mirët në Championsin e parë, me 9 gola në 10 ndeshje, realizoi në fitoren 3-0 që iranianët arritën në fushën e rivalit direkt, Al Muharrak.

Dueli në Bahrein nuk pati histori, dhe ky sukses siguroi kualifikimin e Esteglalit për në raundin e dytë, ndërsa ishte një hakmarrje për humbjen 0-1 të pësuar në Teheran në sfidën e grupit më herët.

Shqiptari shënoi sipas mënyrës së tij, dhe tani ka dy gola e një asist në këtë Ligë të Kampionëve në gjashtë ndeshje, ndërsa ka qenë gjithmonë titullar si dhe ka luajtur 90 për qind të minutave të mundshme.

Përtej rrjetave dhe asisteve për shokët, Asani ka dhënë edhe më shumë kontribut sidomos në lojën sulmuese, në ndërtimin e aksioneve, që në fund kanë përfunduar me top në rrjetë.

Edhe sezoni në total ka qenë shumë i mirë për yllin kuqezi. Shqiptari nga Shkupi ka 10 gola gjithsej, nga të cilët gjashtë në kampionatin e Iranit, dy në Champions dhe dy në Kupën e Iranit, ndërsa ka shërbyer dy asiste.

E gjitha kjo në 19 ndeshje, duke qenë shënuesi më i mirë i Ligës Profesioniste bashkë me dy të tjerë, ndonëse Esteglal duhet të rikthehet tek fitoret për të pretenduar titullin, duke qenë 5 pikë prapa kryesuesit Sepahan./abcnews.al

Anis Mehmeti, është objektivi kryesor i Panathinaikosit për verën e ardhshme, siç është raportuar këtë javë në Greqi.

Një destinacion i papritur ky që doli në dritë vetëm së fundmi.

Mehmeti plotëson karakteristikat e mesfushorit sulmues, që trajneri Rafael Benitez preferon. Vetë 24-vjeçarit i përfundon kontrata në fundin e sezonit, megjithatë zërat janë që do rinovojë.

Bristol Siti, nuk do të mbetet pa gjë. Do të jetë e vështirë megjithatë, që Mehmeti të qëndrojë edhe pas përfundimit të sezonit.

I lindur në Londër, është kthyer në idhull për tifozët e Bristolit. Në 21 ndeshje të Championship deri tani ia ka dalë të shënojë gjashtë gola dhe të asistojë gjashtë të tjerë.

The post E papritur për Anis Mehmetin, kërkohet me ngulm nga trajneri i njohur që fitoi Champions-in me Liverpulin appeared first on Albeu.com.

Shumë pak ditë na ndajnë nga ndërrimi i viteve dhe atmosfera e festave ka përfshirë dhe futbollistët. Mbrëmjen e djeshme, u luajt ndeshja mes Slavia Pragë dhe Atletik Bilbao në Champions dhe sapo ekipi spanjoll mbërriti në Pragë, lojtarët filluan të luanin me topa bore.

Disa nga lojtarët e “Baskëve” u gëzuan si fëmijë kur panë shtresën e parë të dëborës për këtë vit.

Sapo zbritën nga avioni, ata nxituan të bënin topa dëbore dhe filluan t’i hidhnin drejt shokëve të tyre të ekipit që po zbrisnin gjithashtu.

Disa lojtarë spanjollë u habitën kur panë borë kaq herët në sezon.

😂✈️ Athletic Club players throwing snowballs at each other after landing in Czech Republic for their match against Slavia Prague. 🇨🇿❄️ pic.twitter.com/z515dYhINq

— EuroFoot (@eurofootcom) November 24, 2025

The post Atmosferë magjike në prag festash, futbollistët e klubit spanjoll gëzojnë si fëmijë dhe luajnë me topa bore (VIDEO) appeared first on Albeu.com.

Nga stoli kuqezi vjen një paralajmërim. Pablo Zabaleta ia thotë hapur Realit se nëse do t’i rrëshqasë këmba sado pak, sonte do të pësojë një goleadë.

Argjentinasi, ndihmësi i trajnerit të Shqipërisë, Silvinjo, ka qenë futbollist i Mançester Sitit, dhe e ka të qartë se çfarë mund të ndodhë, ndërsa flet për të përditshmen sportive “AS”.

Edhe mediat në Madrid e kanë të qartë se si vjen skuadra e tyre në këtë duel të Championsit. Sipas tyre, Siti i momentit më të mirë vjen në “Bernabeu” në momentin më të keq të ekipit merenges.

Kjo, jo vetëm për humbjen e rëndë pësuar në fundjavë në shtëpi ndaj Seltës në La Ligë. Më shumë se kaq, trajneri Shabi Alonso do të ketë mungesa të jashtëzakonshme.

Përballë Realit në fushë do të jetë njëri nga sulmuesit më të mirë të botës, Erling Haland, ndërsa mbrojtja madrilene fut ujë nga të gjitha anët.

Militao, Karvahal, Aleksandër-Arnold dhe Mendi janë të sigurt që nuk luajnë. Alaba dhe Huijsen janë në dyshim të fortë e normalisht nuk aktivizohen dot, ndërsa Fran Garsia dhe Alvaro Karreras janë në krizë të thellë besimi pas kartonëve të kuq që morën në kampionat.

Për fat, Kilian Mbape, e ka kaluar dëmtimin në kohë, ndonëse nuk pritet të jetë në maksimum dhe Kamavinga po ashtu është jashtë.

Po Siti, vërtet ka ndryshuar kaq shumë? Skuadra e Pep Guardiolës ka tri fitore radhazi, e ndonëse u mund nga Leverkusen në Champions, mund të konsiderohet mënë formë se Reali.

Jo më kot ka 7 fitore në 9 ndeshjet e fundit. Siti nuk do të ketë sërish yllin kryesor të mesfushës, Rodri, po ashtu zëvendësuesin e tij Kovacic, si dhe mbrojtësin Stouns.

Ish-kampionia e Anglisë duhet të arrijë rezultat sepse ndryshe rrezikon kualifikimin, ndërsa kualifikimet janë në favor të madrilenëve, 4-2.

Kjo ndonëse bilanci i ndeshjeve dhe i golave është thuajse i barabartë./abcnews.al

Nuk ishte e lehtë, dhe ende nuk ka siguri. Barcelona vërtet fitoi ndaj Frankfurtit në Champions, veçse rreziku I eliminimit mbetet, dhe për më tepër Lamin Jamal nuk shkëlqeu e nuk do të luajë në ndeshjen tepër të rëndësishme në Pragë ndaj Sllavias.

Talenti botëror mori të verdhë e do të jetë i pezulluar. Katalanasit, ndërkaq rrezikuan shumë pasi Ajntrahti gjerman kaloi në avantazh dhe u desh një skemë e re nga trajneri Hansi Flik për të shpëtuar.

Mbrojtësi I krahut, Zhyl Kunde, papritur u kthye në sulmues zone, dhe shënoi të dy golat, madje shpejt me të nisur pjesa e dytë. Ishin minutat 50 e 53, dhe tek rrjeta e dytë asisti ishte nga Jamal. Natyrisht skuadra blaugrana bëri shumë më tepër, por për t’u kualifikuar i duhen gola me shumicë, jo vetëm fitore të tilla.

Sukses tepër I rëndësishëm ndërkaq për Atalantën. Ajo që në Itali njihet si “Dea”, apo Perëndesha, arriti një fitore prestigji duke mundur Çelsin, pra kampionin e botës për klubet.

Berat Gjimshiti ishte titullar dhe luajti deri në fund, ndërsa Xhanluka Skamaka e Sharl De Keteler përmbysën rrjetën nga Zhoao Pedro.

Kapiteni kuqezi pati edhe momente të vështira, por edhe u tregua vendimtar, ndërsa Atalanta është ekipi më I mirë italian në Champions, me 13 pikë në 6 ndeshje, dhe pranë kualifikimit direkt për në raundin e dytë.

Edhe më I fortë Bajerni që mundi 3-1 Sportingun e Lisbonës. Portugezët shtangën “Alianc Arenën” pasi Kimih shkaktoi autogol në 54’, por bavarezët ishin shumë të fortë.

Karakteri dhe klasi bënë të vetën dhe për 12 minuta, Gnabri, Karl dhe Tah përmbysën gjithçka.

Siç tregojnë statistikat, skuadra e trajnerit Vinsent Kompani ka 37 ndeshje radhazi që nuk mundet në shtëpi në Ligën e Kampionëve në fazën e grupeve, kjo që nga viti 2013.

Është padyshim në momentin e tij. Berat Gjimshiti do të jetë sërish titullar në një ndeshje për Atalantën, ndërsa e bëri sefte me gol pak ditë më parë në Serinë A.

Kapiteni i kombëtares shqiptare nuk do të ketë një detyrë të lehtë, po ashtu si edhe skuadra italiane, sepse përballë tyre do të jetë Çelsi, skuadra tepër e fortë angleze, kampione e botës në fuqi.

Mbrojtësi kuqezi do të udhëheqë linjën e prapavijës, ndërsa e ka treguar se ndaj ekipeve nga Anglia di të luajë shumë mirë.

Kush e harron paraqitjen ndaj Liverpulit në prill 2024, kur bergamaskët u kualifikuan me fitoren e madhe 3-0 në “Anfild” dhe humbjen minimale 0-1 në shtëpi?

Vetë UEFA i veçoi aksionet e kapitenit të Shqipërisë.

Pritet të luajë ndeshjen e 34-ët në Ligën e Kampionëve, në të cilën ka shënuar një gol ndaj Shahtarit të Donjeckut.

Të dyja skuadrat do të kërkojnë maksimumin.

Atalanta ka 10 pikë, po aq sa Çelsi, dhe një fitore jo vetëm që do ta ngjiste mbi rivalin, por edhe do ta ndihmonte për të hyrë ose për të qenë shumë pranë 8 vendeve të para që të kualifikojnë si vazo e parë në raundin e dytë në Champions, duke eliminuar plej ofin, e duke pasur avantazh në short.

Skuadra italiane e trajnerit Paladino ka shumë pak mungesa, vetëm Sulemanën dhe Bakerin.

Çelsi nga ana tjetër po kalon një sezon kontradiktor, duke qenë vetëm në vend të pestë në Premier Ligë, ndonëse mbetet tepër I fortë dhe I rrezikshëm.

Moment më të keq ka kohë që nuk mbajnë mend. Liverpuli duket si një i vdekur që ecën, dhe udhëtimi i radhës në Champions, pas katastrofës në shtëpi ndaj PSV Eindhovenit, e dërgon në Milano.

Të kuqtë udhëtuan drejt aeroportit Malpensa, ndërsa në metropolin e madh të Lombardisë do të kenë sfidën ndaj Interit.

Rival shumë I fortë, dhe në një çast krejt të pavolitshëm, kur Mohamed Salah shpërtheu hapur kundër trajnerit Arne Slot, duke shkatërruar edhe atë pak atmosferë pozitive që kishte mbetur në skuadër.

Në një sezon tepër të vështirë, në të cilin Liverpuli ka vetëm një fitore në 6 ndeshjet e fundit, dhe plot 9 humbje në 15 sfida që nga 23 shtatori.

Salah u stërvit me ekipin një ditë para ndeshjes, por u la në Angli, ndonëse tekniku Slot të paktën nuk ka shqetësime të rëndësishme në lidhje me dëmtimet apo pezullimet.

Yje të rëndësishëm si Virc, Isak, Soboslai, Ekitike, Van Dajk apo Alison janë gati.

Po Interi?

Italianët vijnë në këtë duel pas suksesit të thellë 4-0 ndaj Komos në Serinë A, ku shkëlqyen lojtarë të rëndësishëm si Lautaro Martinez, Markus Turam apo Çalhanoglu, ndërsa pozicioni është shumë I mirë, vetëm një pikë prapa kreut.

Në Champions, lombardët kanë katër fitore e vetëm një humbje, pësuar herën e kaluar në Madrid ndaj Atletikos, ndërsa trajneri Kristian Kivu është përpara një dileme.

Vështirë që tekniku rumun të mbajë të njëjtin formacion, pasi zikaltërit po luajnë ndeshjen e katërt në vetëm 10 ditë, pra ndryshimet mund në formacion mund të jenë Bisek në mbrojtje, Suçiç në mesfushë dhe Boni në sulm.

Dy ekipet kanë gjashtë ndeshje mes tyre në Champions, me 4 fitore të anglezëve dhe dy të italianëve.

Kualifikimet janë 2-1 për Liverpulin që fitoi ndeshjen e fundit në “San Siro”, 2-0 në 16 shkurt 2022.

Kurrë nuk ka humbur ndaj një ekipi të këtij vendi në Mynih. “Alianc Arena” mbetet fortesa e Bajernit ndaj skuadrave portugeze, edhe kur kanë mbërritur Porto e Benfika, e po ashtu tani edhe Sportingu.

Kampionët e Gjermanisë, edhe pse humbën me shifrat 3-1 në Londër ndaj Arsenalit, sërish janë në pozita të forta në Champions, në vendin e tretë në renditje, dhe padyshim që mbeten favoritë absolutë për fitore.

Që pas humbjes me “topçinjtë” kanë ardhur tri fitore ndaj rivalëve gjermanë, me Harri Kejnin në formë të shkëlqyer.

Bavarezët nuk kanë probleme, dhe trajneri Vinsent Kompani mund të zgjedhë cilindo lojtar që dëshiron, me përjashtim të Luis Diazit që pikërisht këtë herë shlyen ndeshjen e fundit të pezullimit.

Portugezët ndërkaq do të kenë mungesa të rëndësishme, dhe saktësisht tre. Fransisko Trinsao, Zhovani Kuenda dhe Pedro Gonsalves janë jashtë dhe ata përbëjnë një pjesë të madhe të forcës sulmuese të ekipit.

Këtë mbrëmje në Champions luan edhe Barcelona, që do të presë në “Kamp Nou” Frankfurtin. Katalanasit janë në situatë krejt tjetër në krahasim me bavarezët, vetëm në vendin e 18-të, dhe rrezikojnë jo vetëm kualifikim direkt, por edhe që të mos shkojnë në plej of, pra të eliminohen fare.

Gjithsesi, lajmet e mira janë që ekipi “blaugrana” është në vendin e parë në La Ligë, pra në formë të mirë në Spanjë. Trajneri Hansi Flik nuk ka mbrojtësin Arauho, që ka marrë leje nga klubi si dhe Dani Olmon e dëmtuar, ashtu si dhe portierin Shezin e Gavin. Gardiani titullar, Ter Shtegen është i rikuperuar, por sërish mes shtyllave pritet të luajë Zhoan Garsia, ndërsa në formë janë Pedri, Lamin Jamal e sidomos Fermin Lopez./abcnews.al

Historinë e shkruajtën në të njëjtën mënyrë, ndërsa tani do ta ndajnë në të njëjtën fushë. Në orën 21:00 në stadiumin “Fadil Vokrri”, dy skuadrat shqiptare që luajnë në Conferencë League, Drita e Gjilanit dhe Shkëndija e Tetovës do të përballen mes tyre në javën e katërt të fazës së ligës në këtë turne.

Kjo është hera e parë që dy ekipe shqiptarë sfidohen në këtë fazë të largët në Kupat e Europës, ndërsa vigjilja e saj ngjan më shumë si një “vëllazërore”. Të tillë e paraqet edhe ky postim i klubit të Shkëndijës pas ditë më parë në llogaritë e tij në rrjetete sociale. Foto e heronjve kombëtarë shqiptarë shoqërohet me komentin: Përtej kufijve, jemi një. Një komb, dy skuadra një ndjenjë.

Një arsye më shumë kjo, që parashikon një interesim të madhe të tifozëve, që pritet të mbushin stadiumin në Prishtinë. Por përtej ndjenjave, kjo ndeshje është e rëndësishme për rrugëtimin e të dyja skuadrave në Konferencë League.

Në tre ndeshjet e para të fazës së ligës në këtë turne, Drita ka një paraqitje më të mirë. Me dy barazime dhe një fitore, skuadra nga Gjilani renditet në vendin e 13 të zonës së play off me 5 pikë.

Me 4 pikë, pas një humbjeje, një fitoreje dhe një barazimi, Shkëndija e Tetovës mban vendin e 21-të dhe pozicionohet në po ashtu në zonën e play off./abcnews.al

Kishte përballje që priteshin me frikë.

E tillë ajo e Juventusit në Norvegji në fushën e Bodo Glimtit.

Italianët ishin nën presion të madh për shkak të gabimeve të shumta këtë sezon dhe sepse norvegjezët, si kombëtare e klube, kanë qenë “mace të zeza”, por këtë herë përfundoi mirë.

“Zonja e Vjetër” ia doli mes të ftohtit dhe borës në stadiumin e qytetit Bodo, ndonëse vendasit e kishin pastruar fushën a thua se luhej në Mesdhe.

Blomberg kaloi të zotët e shtëpisë në epërsi në 27’, ndonëse torinezët përmbysën me anë të Opendës dhe MekKenit.

Gjithsesi, u desh një gol në minutat shtesë nga sulmuesi David për të arritur fitoren, sepse Bodo barazoi në 87’, kur Fet shënoi me penallti.

Juvja ka pak më shumë shpresë për kualifikim në plej of, ndonëse sërish mbetet e vështirë me vetëm 6 pikë.

Napoli po ashtu nuk pritet ta ketë të lehtë, edhe pse fitoi edhe ai.

Kampionia e Italisë mundi Karabagun azer 2-0, ndonëse u desh të priste një orë.

Heroi skocez Mektominai shënoi në 62’ dhe pastaj erdhi autogoli I miqve nga Jankovic.

Skuadra e trajneri Konte ka 7 pikë.

Shumë mirë edhe gjermanët, që janë në pozita më të forta.

Dortmundi është në vendet e para me 10 pikë, pas fitores 4-0 ndaj Vijarrealit.

Nuk është e lehtë të mundet një skuadër spanjolle, por përpara “Murit të Verdhë” triumfi ishte I jashtëzakonshëm falë golave nga Girasi dy herë, Adejemi dhe Svenson.

Epërsia gjermane ishte totale me gjuajtjet në portë 8-1.

Po Leverkusen a pritej të fitonte në stadiumin “Etihad”?

Ndoshta jo, por trajneri I Mançester Sitit ia dha këtë mundësi duke hedhur në fushë ekipin e dytë.

Vetëm lojtarë si Reijnders apo Stouns, shto edhe talentin Marmush, ishin yje të njohur, dhe ish-kampionia e Gjermanisë I ndëshkoi vendasit me golat e shënuar prej Grimaldos dhe çekut Patrik Shik, nga një në çdo pjesë loje.

Mançester Siti rrezikon sado pak pozitat me 10 pikë, ndërsa Leverkusen ka tani 8 pikë.

Në Madrid e quajtën “një dush I realitetit”, sipas shprehjes kastiliane. Në Shqipëri do të thoshim “një dush I ftohtë”, dhe e vërteta është që Barcelona kuptoi në Champions se cili është niveli I vërtetë I saj.

Të paktën për momentin! Një ekip gjithmonë me pretendime të skajshme, që e cilëson veten më të madhin e botës dhe më shumë se një klub, u mund bindshëm 3-0 nga Çelsi në “Stemford Brixh”.

Kjo, pak javë pas disfatës në shtëpi 2-1 me Paris SG, ndërsa në kampionat është humbur El Klasiko në fushën e Realit.

Ka shumë dyshime këtë sezon për skuadrat e La Ligës, por kjo e Barcelonës është një hall i madh. E vërtetë, që kartoni I kuq I Ronald Arauhos prishi shumë punë, sepse u mos në rezultatin 0-1, dhe në fund të pjesës së parë, por përshtypja është se kapitullimi ka shkaqe më të thella.

Çelsi luajti më mirë, më shpejt, me më shumë dëshirë e motivim. Natyrisht, përballë ishte një Barçë pa Pedrin e Gavin, me mesfushë të sajuar, me një Kubarsi tepër të ri në qendër të mbrojtjes, dhe një Arauho që nuk dihet pse ka rënë kaq shumë nga forma.

Një autogol nga Kunde në 27’ hapi rezultatin, pastaj pas pushimit Estevao në 55’ dhe Delap në 73’ fiksuan shifrat 3-0. Nga Anglia, Uejn Runi, sot në rolin e analistit, ngriti në qiell kryeqytetasit: Një Çelsi absolutisht i pabesueshëm, paraqitja më e mirë në një kohë shumë të gjatë!

E përditshmja kryeqytetase, “London Ivning Standard” veçon Estevaon: Çelsi shkatërron blaugranët me një paraqitje në Champions si dikur! Fëmija magjik brazilian I fiku dritat Barcelonës në “Stemford Brixh”!

Nga Katalonja patjetër që kritikat ishin me tone të forta, dhe Gazeta “El Mundo Deportivo” titullon: E shpërfytyruar! Barça, larg nivelit të saj, pëson një nokaut të vërtetë!

E përditshmja tjetër, “Sport” është gjithashtu lakonike: Kështu jo, Barça, me foton e Arauhos në momentin e përjashtimit! Trajneri Italian i anglezëve, Enco Mareska, deklaroi se paraqitja e ekipit të tij ishte më e mira e mundshme, se fitoja la shije shumë të mirë dhe se objektivi është trofeu në Champions.

Kur e thotë tekniku I skuadrës kampione të botës duhet marrë seriozisht. Barcelona ndodhet jashtë zonës së 8 ekipeve të para që shkojnë direkt në raundin e dytë, dhe rrezikojnë të luajnë plej ofin me vetëm 7 pikë.

Çelsi nga ana tjetër tregoi pretendimet e mëdha në këtë konkurrim, ndonëse edhe anglezët duhet të luftojnë për kualifikimin e menjëhershëm, duke pasur 10 pikë.

Edon Zhegrova, ka regjistruar paraqitjen e tij të dytë me fanellën e Juventusit në Champions League, duke hyrë në lojë për disa minuta në barazimin 1-1 kundër Sporting Lisbones.

I aktivizuar në minutën e 72-të, ylli shqiptar i Kosovës solli gjallëri dhe fantazi në krah, duke lënë menjëherë gjurmë me prezencën e tij.

Një paraqitje inkurajuese për Zhegrovën, i cili tashmë pritet të ketë më shumë minuta nën drejtimin e trajnerit të ri të Juventusit, Luçiano Spaleti.

Statistikat e Zhegrovës në ndeshje:

15 prekje të topit

1 driblim i suksesshëm

4 humbje të topit

7 pasime të sakta

4 duele të fituara

Nota: 6.9

The post U fut nga stoli dhe e preku 15 herë topin, shikoni notën dhe statistikat e Zhegrovës në Champions appeared first on Albeu.com.

Këto eliminatore të zonës europiane për Botërorin 2026 pritet të jetë të fundit me këtë format. UEFA pritet të nbëjë një dryshim epokal në fazën kualifikuese të turneve, duke përfshirë edhe ato për “Euro 2028”.

Ideja e hedhur nga presidenti Alexander Ceferin në samitin e Lisbonës, pak javë për një format më modern duket se ka marrë jetë. Sipas mediave ndërkombëtare, qeveria europian e futbollit ka në tavolinë dy mundësi.

Përshtatja e Ligës së Kombeve si fazë kualifikuese për turnetë Europianë dhe Botërorë, ose një eliminatore me formatin e ri të Champions League, pra krijimin e një lige të madhe me 54 kombëtaret pjesmarrëve të ndara në dy grupe me nga 26 skuadra.

Ky ndryshim sipas UEFA është i detyruar, pasi të gjitha të dhënat, nga shikueshmëria televizive deri te shitja e biletave, tregojnë për eliminatore të mërzitshme dhe shumë të shbilancuara mes rivalëve me diferenca të mëdha.

Me një format tjetër, si ai i Ligës së Kombeve, apo Champions League do të kishte më shumë sfida mes skuadrave të mëdha, por edhe përballje të balancuara mes ekipeve të të njëtit nivel dhe me shumë shnase për këto të fundit për të luajtur finalet e një Kampionati Europian apo Botëror.

Po ashtu, një model si ai i Champions League, mund të sillte më shumë të ardhura financiare për federatat, pasi sfidat e mëdha do të rrisnin vlerën e të drejtave televizive, por edhe interesin e tifozëve për të ndjekur sfidat në stadium. Sipas “L’Equipe”, formati i ri i eliminatoreve në zonën e UEFA mund të aplikohet që në kualifikueset e ardhshme për “Euro 2028” dhe më pas për “Botërorin 2030”./abcnews.al

Nuk mund të kishte kohë më të keqe për këtë udhëtim. Yjet e Realit u detyruan të përballonin një fluturim prej 8 orësh deri në qytetin Almati të Kazakistanit, për të luajtur ndeshjen e sotme në Champions, dhe ata u ngjitën në bordin e avionit vetëm 24 orë pas katastrofës në derbin me Atletikon.

Futbollistët e shquar madrilenë iu drejtuan hollit të hotelit me fytyra të mërzitura dhe tepër serioze, duke e ditur mirë se tifozët e tyre presin një reagim të shpejtë e të plotë.

Besohet se moralin e Mbapesë, Vinisiusit, Kurtuasë, Gylerit apo Belinghamit nuk e rriti as pritja me emocione të forta që tifozët kazakë ua ofruan kur arritën në hotel, dhe pastaj edhe në mbrëmje.

Gjithsesi, në fushën e një ekipi debutues në Champions, prej 15 herë kampionëve pritet vetëm fitorja.

Gjithsesi, trajneri Shabi Alonso ka probleme me dëmtimet sidomos në mbrojtje. Karvahal u dëmtua në derbi, por ishte që më parë I pezulluar në Ligën e Kampionëve, ndërsa Aleksandër-Arnold, Rydiger dhe Mendi janë të dëmtuar.

Edhe Militao pësoi dëmtim të shtunën, pra nuk luan, ndërsa Kairat ka krizë në portë me dy portierët të dëmtuar. Shabi Alonso u pyet nëse mentaliteti ishte problem në humbjen e derbit dhe mund të jetë sërish.

“Mendoj se qoftë një humbje, qoftë një fitore, duhet të vazhdojë të ndikojë vetëm 24 orë pas ndeshjes. Padyshim që kemi bërë analizat tona. Nuk mendoj se kishim probleme vetëm për sjelljen e lojtarëve në fushë. Kishim edhe problem me ritmin, kishim probleme taktike, çështje të lojës dhe ne I analizuam ato. Këto janë gjëra që duhet t’i përmirësojmë, përsa I përket përfundimit të aksioneve, ritmit, për të konkurruar më mirë. Tashmë, 24 orë kanë kaluar me kohë, dhe ne kemi nxjerrë përfundimet tona. Tani jemi në Champions dhe duam fitoren këtu në Almati”.

Reali pësoi të shtunën disfatën tepër të rëndë me shifrat 5-2 në derbin ndaj Atletikos në “Uanda Metropolitano”, dhe kjo humbje I kushtoi kreun e renditjes në La Liga, ku u ngjit Barcelona

Në Amsterdam ndaj Ajaksit, nuk shkëlqeu vetëm dopieta e Turamit. Në skenë doli edhe një djalosh 20-vjeçar, që më 28 qershor festoi ditëlindjen e tij: Pio Esposito. Për të, Champions League filloi si në ëndërr.

Një debutim që kritikët e kanë vlerësuar unanimisht, duke i dhënë nota të larta për paraqitjen e tij të parë në turneun më të rëndësishëm europian.

Sportmediaset, Gazzetta, Corriere dello Sport dhe gazetat e tjera kryesore e vlerësuan me notën 7, ndërsa La Stampa i dha edhe më shumë.

Të gjitha këto gjykime tregojnë për një lojtar të ri që hyri në fushë me personalitet, duke mos u ndjerë aspak i vogël përballë një skene kaq të madhe.

Në krah të Turam-it, Pio krijoi menjëherë një bashkëpunim të frytshëm.

Francezi, në fund të ndeshjes, e përmendi shokun e tij duke thënë: “Më në fund, tani të gjithë e njohin Pio-n”.

Fjalë që konfirmojnë se në brendësi të skuadrës ekziston bindja se djali i Esposito-ve është një talent i destinuar për t’u afirmuar.

Stili i tij i lojës ka sjellë krahasime të shumta. Disa shohin te ai ngjashmëri me Edin Dzeko, të tjerë me Luka Toni-n, i cili madje e lavdëroi publikisht në Prime Video.

Fiziku i fortë, kontrolli i topit, vendosmëria në duele dhe aftësia për të punuar për skuadrën janë elementë që e bëjnë të duket më i pjekur se mosha që ka.

Ajo që bëri më shumë përshtypje ishte qetësia. Pa panik, gjithmonë i përqendruar, i gatshëm të ndihmonte mbrojtjen dhe të hapte hapësira për Turam-in.

Një lojtar që nuk i druhen emocioneve të para, por i shfrytëzon ato si karburant për të treguar vlerën.

Drejtuesit zikaltër, me në krye Marota, e kanë pritur këtë debutim si një sinjal të fortë se klubi ka në duar një tjetër pasuri.

Në një kohë kur Inter-i kërkon të ndërtojë të ardhmen pa lëshuar terren, rritja e një lojtari të tillë përbën një investim të çmuar.

Në fund, nata e Amsterdam-it mbetet e veçantë për Pio Espositon: një fillim që ka shijen e një historie të madhe. Dhe tifozët zikaltër kanë arsye të besojnë se ky është vetëm kapitulli i parë i një aventure të gjatë në Europë.

The post Interi gjen një “yll” për të ardhmen/ Pio Espozito, debutim i artë në Champions appeared first on Albeu.com.

16 gola të shënuar në katër duelet e mbrëmjes në Ligën e Kampionëve. Spikasin padyshim triumfet e klubeve prestigjioze, si Barcelona dhe Mançester Siti, respektivisht ndaj Njukastëll dhe Napolit.

Ndërkohë në 2 duelet e tjera, Ajntrakht Frankfurti shpartalloi me 5 gola Gallatasarain, ndërsa Sportingu i Lisbonës, bëri detyrën në shtëpi duke mposhtur me shifrat 4 me 1 modestët e Kairat Almatit.

REZULTATET:

Njukasëll – Barcelona 1-2 – GOLAT E NDESHJES: VIDEO 

Mançester Siti – Napoli 2-0 – GOLAT E NDESHJES: VIDEO 

Frankfurt – Gallatasaraj 5-1  – GOLAT E NDESHJES: VIDEO 

Sporting – Kairat Almati 4-1 – GOLAT E NDESHJES: VIDEO

The post VIDEO/ 16 gola në 4 sfidat e Champions, shikoni të gjitha rezultatet dhe golat! appeared first on Albeu.com.

Barcelona ka fituar me rezultatin 1-2 në transfertën e Njukasëll. Siç edhe pritej, sfida e vlefshme për raundin e parë në Champions nuk ishte e lehtë.

Të tre golat u shënuan në pjesën e dytë me protagonist kryesor Markus Rashford. Ky i fundit realizoi dopietë me golat në minutën e 58-të dhe 67-të.

Rrjeta e gjetur nga Gordon për vendësit në minutën e 90-të pati vlerë vetëm për statistikë. Skuadra e Flik gëzoi në fund 3 pikëshin e parë për këtë edicion në Champions.

Goli i parë i Rashford: (VIDEO)

Goli i dytë i Rashford: (VIDEO)

Goli i Gordon: (VIDEO)

The post VIDEO/ Barcelona korr fitoren e parë në Champions appeared first on Albeu.com.

Mbërriti në Angli me aureolën e favorites.

Barcelona e trajnerit Hansi Flik është padyshim një nga kandidatet kryesore për të fituar Championsin, siç ndodh çdo vit, veçse trofetë nuk merren vetëm nga parashikimet.

Katalanasit, kampionë të Spanjës në fuqi, e dinë se nuk mund të përsërisin gabimet e sezonit të kaluar nëse duan t’ia dalin.

Ata nuk kanë harruar mënyrën sesi u eliminuan nga Interi në gjysmëfinale, kur mendohej se kishin gjithçka në dorë, ndaj edhe janë përgatitur që kjo të mos ndodhë sërish.

Megjithatë, lajmet nga infermieria nuk janë aspak të mira. Ekipit “blaugrana” i mungon talenti kryesor, Lamin Jamal, I dëmtuar, që nuk luajti as në ndeshjen e kampionatit ndaj Valencias.

Po ashtu, jashtë janë dhe Balde, Gavi dhe De Jong.

Barça ka fituar tre nga sfidat e mëparshme ndaj Njukasëllit, dhe ka humbur vetëm një, ndërsa në La Liga këtë sezon kanë 3 suksese, por bënë edhe një hap fals me barazimin 1-1 ndaj Rajo Vajekanos. Ekipi anglez ndërkaq ka më pak shqetësime.

Trajneri Edi Haui nuk llogarit vetëm dy blerjet e verës, Ramsej dhe Uisa, ndërsa italiani Sandro Tonali dhe lojtari tjetër, Fabian Sharr, janë kthyer nga dëmtimet në kohën e duhur./abcnews.al

Nuk ka kaluar shumë kohë, por duhet harruar sa më shpejt. Paris SG është kampione e Europës në fuqi, një titull plotësisht i merituar, veçse katastrofa në finalen e Botërorit të Klubeve ndaj Çelsit ishte një paralajmërim.

Skuadra e madhe franceze do të dalë sonte në fushë në orën 21:00 duke pasur përballë në “Park dë Prensis” një rival të vështirë si Atalantën, ndonëse objektivi është vetëm fitorja.

Për fat, Kvarackelia pritet të luajë edhe pse pësoi dëmtim në fundjavë në kampionat, ashtu si edhe koreanojugori Li. Beraldo mungon për shkak lëndimi, ashtu si Due dhe kandidati për Topin e Artë, Usman Dembele.

Gjithsesi, Barkola udhëheq sulmin dhe mbrojtja e mesfusha janë top. Bergamaskët kanë ende jashtë Ademola Lokmanin, i cili bëri kryengritje për të shkuar tek Interi.

Sulmuesi nuk udhëtoi për në Paris, ndërsa pjesë e ekipit është kapiteni I Shqipërisë, qendërmbrojtësi Berat Gjimshiti.

Trajneri I ri, Juric, ka 4 mungesa: Ederson, Skamaka, Baker e Kolashinac. Dueli shumë i madh i mbrëmjes, gjithnjë në 21:00, është Bajern-Çelsi. Dy ekipet kanë luajtur finalen e Championsit në 2012, fituar nga Blutë e Londrës, ndërsa Çelsi është kampion I botës në fuqi, pasi mundi PSG-në në finale në korrik në Shtetet e Bashkuara.

Bavarezët kanë probleme dëmtimesh si Gerreron, Dejvisin dhe Iton, një problem në krahun e majtë të mbrojtjes. Anglezëve nuk u luajnë Esugo, Lavia dhe Badiashili, Estevao është në dyshim ndërsa Koul Palmer nuk është në 100 për qind.

Sfida tjetër që pritet të japë emocione është Liverpul-Atletiko Madrid. Anglezët, kampionë në fuqi të Anglisë, janë në formë shumë të mirë dhe i kanë fituar të gjitha ndeshjet në Premier Ligë.

Trajneri Slot ka disa mungesa si Xhons, por Isak pritet të luajë 45 minuta, me Kiezën që është lënë jashtë ekipit, ndërsa Mekallister është i gatshëm. Spanjollët kanë mungesa të shumta si Almada, Gimenez, Baena dhe sulmuesi Hulian Alvarez, e nga ana tjetër në dyshim janë Hanko, Le Normand dhe Nikolas Gonzales.

Edhe Interi do të luajë sonte. Ish-kampionia e Italisë dhe nënkampionia në fuqi e Europës synon të lerë pas disfatën e rëndë në finalen e Championsit ndaj PSG-së, ndonëse forma në Serinë A nuk është aspak e mirë. Të paktën, trajneri Kivu nuk ka probleme dhe zikaltërit do të jenë me skuadër të plotë./abcnews.al

E pamundur të niste më bukur se kështu.

Karabag është një emër i rëndësishëm në vendin e tij, Azerbajxhan, por aspak një gjigand në Europë, por starti i tij në Champions ishte një mrekulli.

Suksesi 3-2 në Portugali ndaj Benfikës ishte dhurata më e bukur për tifozët, dhe mënyra më e mirë për të treguar se azerët nuk janë në fazën e grupeve për të kaluar kohën.

Edhe pse “shqiponjat” e Lisbonës goditën shpejt dhe u duk se mbaruan punë me avantazhin 2-0, Karabag e tha fjalën në fund.

Barreneçea e Pavlidhis lumturuan publikun në “Estadio da Luz” që në 16 minutat e para, ndërsa përmbysja nuk është se vonoi.

Leandro Andrade bëri që pjesa e parë të përfundonte 2-1 për vendasit, ndërsa pas pushimit erdhi rrufeshëm barazimi.

Në fund, në minutën e 86-të, Kashçuk siguroi tri pikët për azerët në të papriturën më të madhe të ndeshjeve të para në grup deri tani.

Karabak luajti mjaft mirë, thuajse I barabartë me Benfikën, edhe pse kjo është vetëm pjesëmarrja e tij e dytë në grupet e Ligës së Kampionëve.

Surpriza tjetër u shkaktua në Holandë.

Në një derbi të Vendeve të Ulëta, Union Sent Zhilua triumfoi 3-1 në fushën e PSV Ajndhovenit.

Kampionia e Belgjikës luajti shumë më mirë, siç u detyrua ta pranonte edhe trajneri vendas, Peter Bosh.

Rezultati u rrit vazhdimisht derisa arriti 3-0, me golat e shënuar nga David në 9’ me penallti, El Haxh në 39’ dhe Makallister nëntë minuta para fundit.

PSV, dikur edhe kampione e Europës, realizoi fare në fund me autor Van Bomelin.