Rëndësinë në ekip e ka të madhe. Amir Rrahmani do të jetë një mungesë e rëndësishme për Napolin, që luan këtë të martë në fushën e FC Kopenhagenit në Champions.

Kampionia e Italisë do të ketë një duel për jetë a vdekje, sepse ndodhet në vendin e 23-të, me pikë të barabarta me danezët, pra kjo është një nga finalet se kush do të kualifikohet në plej of.
Duke qenë se sfida e fundit në grup në këtë konkurrim është në stadiumin “Maradona” ndaj Çelsit, nuk mund të bëhen gabime në Danimarkë.

Gjithsesi, Rrahmani është i dëmtuar, dhe është e sigurt që nuk luan këtë mesjavë, ashtu si edhe Politano, ndërsa nuk dihet nëse do të jenë gati për duelin e radhës në Serinë A, ndaj Juventusit në Torino.

Kapiteni I Kosovës pra do të jetë në garë me kohën për të kaluar dëmtimin, në kohën që trajneri Antonio Konte ka probleme tepër të mëdha. Janë gati 10 futbollistë që nuk përgjigjen në apel në Champions, ndërsa për Juven më shumë shpresë ka që të kthehen dy, Neresh dhe Anguisa.

Rrahmani ka pasur probleme me dëmtimet edhe më herët këtë sezon duke humbur 7 ndeshje radhazi në kampionat nga mesi i gushtit deri në 1 nëntor. Kur ai nuk luan, dëmi është i madh sepse flitet për një titullar standard që për napolitanët luan prej gati gjashtë vitesh dhe ka qenë gjithmonë shumë i rëndësishëm.

Kapiteni dardan ka gjithsej 194 ndeshje për Napolin, ndërsa në Serinë A ka mbërritur në 196, pasi ka veshur edhe fanelën e Veronës. Në Champions ka luajtur 17 herë duke shënuar një gol të vetëm, por që nuk harrohet.

Në 12 mars të vitit 2024, mbrojtësi shqiptar nga Kosova realizoi në ndeshjen e luksit ndaj Barcelonës në “Kamp Nou”, edhe pse katalanasit triumfuan 3-1 në ndeshjen e dytë të të tetave të finaleve, dhe u kualifikuan për në çerekfinale.

Napoli ka marrë një goditje të rëndë përpara ndeshjes së Ligës së Kampionëve ndaj FC Copenhagen, pasi Amir Rrahmani do të mungojë me siguri për shkak të një dëmtimi muskulor.

Mbrojtësi i Kosovës u detyrua të largohej nga fusha gjatë fitores minimale 1-0 ndaj Sassuolos, duke ndjerë dhimbje në pjesën e pasme të kofshës.

Sipas raportimeve nga Italia, bëhet fjalë për një problem në fleksor, ndërsa ekzaminimet mjekësore të planifikuara për të hënën do të përcaktojnë saktësisht shkallën e dëmtimit dhe kohën e rikuperimit.

Sky Sport Italia bën të ditur se Rrahmani është jashtë për udhëtimin evropian në Danimarkë, ndërsa paraqitja e tij në sfidën e madhe të Serie A ndaj Juventusit fundjavën e ardhshme mbetet seriozisht në dyshim.

Ky dëmtim është një rikthim i problemit të mëparshëm për Rrahmanin, i cili kishte pësuar një dëmtim të ngjashëm në bicepsin femoral gjatë angazhimit me Kombëtaren e Kosovës më 8 shtator, duke munguar gati dy muaj.

Situata e dëmtimeve po kthehet në një krizë të vërtetë për trajnerin Antonio Conte, i cili aktualisht nuk mund të llogarisë as në Romelu Lukakun, Kevin De Bruyne, André-Frank Zambo Anguissan, Billy Gilmour, portierin Alex Meret dhe Matteo Politanon që po ashtu do të mungojë ndaj FC Copenhagen, pasi pësoi dëmtim muskulor në të njëjtën ndeshje ndaj Sassuolos. /Telegrafi/

Qendërmbrojtësi Amir Rrahmani ka pësuar lëndim në përballjen ndaj Sassuolos.

Kapiteni i Kosovës si zakonisht ishte i padiskutueshëm në formacionin bazë të Antonio Conte, ndërsa po zhvillonte një paraqitje pozitive.

Sidoqoftë, pas 67 minutave lojë – Rrahmani pësoi një lëndim muskulor dhe u largua nga fusha pasi nuk mund të vazhdonte.

Ai u pa duke e kapur me dorë pjesën mbrapa këmbës, ndërsa ende nuk dihet se çfarë lëndimi ka saktësisht.

Brenda pak orëve, Rrahmani do t’i kryejë testet mjekësore për të mësuar më shumë detaje rreth këtij lëndimi si dhe datën e rikthimit në fushën e gjelbër.

Për Conte padyshim kjo do të jetë një problem serioz, meqenëse Rrahmani shihet si pika kyçe në aspektin defansiv./Telegrafi/

Mbrojtësi i Napolit, Amir Rrahmani ka dhënë një intervistë për Radio CRC, duke komentuar ndeshjen e madhe të ligës midis Interit dhe Napolit dhe vështirësitë në përballjen me Nerazzurrët.

Napoli mori një barazim të madh 2-2 në udhëtim te Interi në ndeshjen derbi të dielës mbrëma, duke ruajtur diferencën minus katër pikë me Nerazzurrët, pasi në të kundërt do të mbeteshin shtatë pikë mbrapa.

Pas ndeshjes, kapiteni i Kosovës, Rrahmani ka vlerësuar paraqitjen e ekipit të tij, teksa ka lavdëruar kundërshtarët e Interit, duke i cilësuar si një nga kundërshtarët më të vështirë.

“Nga pikëpamja taktike, ne luajtëm një ndeshje të shkëlqyer: krijuam raste, u mbrojtëm mirë dhe e menaxhuam mirë topin. Momentet individuale vendosën rezultatin dhe kjo është mjaft e drejtë: është një sezon i gjatë në ligë dhe ka ende shumë ndeshje për të luajtur”, ka thënë fillimisht Rrahmani pas ndeshjes.

“Thuram dhe Lautaro? Sigurisht, ka duele individuale, dhe ne kemi mënyrën tonë të mbrojtjes, por gjëja më e rëndësishme është se si e menaxhojmë fazën mbrojtëse si ekip”.

“Interi është një ekip shumë i fortë me lojtarë shumë të mirë: një nga kundërshtarët më të vështirë për t'u përballur. Është shumë e vështirë të menaxhosh lodhjen dhe të përgatitesh për ndeshje çdo tre ditë, por me stafin e trajnerëve dhe shokët e mi të ekipit, përpiqemi të kuptojmë më mirë duke parë video të kundërshtarit”, përfundoi ylli kosovar.

Ndryshe, Rrahmani është një nga lojtarët kryesorë te Napoli i Antonio Contes. Që nga rikthimi i tij nga lëndimi, Azzurrët kanë rifituar qëndrueshmërinë e tyre mbrojtëse. /Telegrafi/

Ky është momenti i parë kur Altin Ndoci arratiset nga spitali i Durrësit dhe largohet me shpejtësi nga parkimi.

Në videon e siguruar nga gazetarja e Fax News, Vanesa Rrahmani, duket teksa Altin Ndoci ikën me shpejtësi, ndërsa nga pas e ndjek efektivi i policisë.

Rreth orës 13.00 të së martës ai është shoqëruar së bashku me një të dënuar tjetër nga dy efektivë policie në pavionin e infektivit. Në pritje të vizitës mjekësore ai ka kërkuar të shkojë në tualet. Me të dalë nga aty ka përfituar dhe ka goditur në befasi efektivin e policisë së burgjeve që po e ruante dhe menjëherë është larguar me vrap, ku e priste një automjet tip Audi i bardhë me të cilin është larguar.

Efektivi që e ndoqi Ndocin në arratinë e tij ka qëlluar me armën e tij të shërbimit në tokë dhe plumbi ka bërë rikoshet. Predha e tij përfundoi në shkallët e Infektivit, ndërsa gëzhoja e tij nuk është gjetur ende.

Video:

Mesfushori Scott McTominay thotë se Napoli nuk dorëzohet pavarësisht mungesave të shumta.

Skocezi shkëlqeu në barazimin e Napolit ndaj Interit, ku shënoi dy herë për t’ia fituar një pikë “Neurazzurëve”.

Pas ndeshjes për “DAZN”, McTominay iu kujtoi analistëve se sa shumë mungesa kanë pasur, duke përmendur edhe kapitenin e Kosovës Amir Rrahmani që në fillimin e edicionit ishte i lënduar.

“Në fillimin e sezonit nuk e kishim as Anguissan, as Lukakun dhe as Rrahmanin. Tani s’e kemi De Bruynen dhe Neresin që janë të lënduar”.

“Nëse do të ishte Interi pa Martinez, Thuram, Barella, Calhangolu... do të ishte më vështirë”.

“Ne nuk dorëzohemi kurrë, gjithmonë japim më të mirën”, deklaroi ai.

Napoli ndërkohë renditet në pozitën e tretë pas 19 xhirove, ku ka mbledhur 39 pikë, katër më pak se lideri Inter./Telegrafi/

Kapiteni i Kosovës, Amir Rrahmani, është përfshirë në mesin e 19 mbrojtësve më të mirë të vitit nga nominimet e publikuara për “EA Sports FC 26 Team of the Year”, një çmim prestigjioz që nderon futbollistët më të spikatur të vitit kalendarik.

Formacioni më i mirë do të zgjidhet nga votat e publikut, ndërsa futbollistët që marrin më shumë vota do të shpallen më 15 janar.

Të gjithë tifozët dhe dashamirësit e futbollit mund të japin votën e tyre për të ndihmuar Rrahmanin të bëhet pjesë e 11-shes më të mirë të vitit dhe të tregojë vlerësimin që meriton për kontributin e tij në fushë.

31-vjeçari ka qenë një nga lojtarët më të rëndësishëm te Napoli, duke shënuar një gol në 16 paraqitje dhe duke dhënë një kontribut të jashtëzakonshëm në mbrojtjen e skuadrës.

Përveç performancave në klub, Rrahmani ka treguar udhëheqësi të madh edhe me Kombëtaren e Kosovës, duke konsoliduar vendin e tij si një nga mbrojtësit më të respektuar të futbollit shqiptar.

Si mund të votoni: Tifozët mund të hyjnë në faqen zyrtare të “EA Sports FC 26 Team of the Year” dhe të zgjedhin futbollistët e preferuar nga secili pozicion për të formuar 11-shen ideale të vitit. /Telegrafi/

Drejtori sportiv i Sparta Pragës, Tomas Rosicky, ka dhënë një vlerësim të qartë për sulmuesin e Kombëtares së Kosovës, Albion Rrahmani, duke e përshkruar si një lojtar shumë fleksibël dhe me aftësi për të luajtur në disa pozita sulmuese.

Megjithatë, ai ka lënë të hapur mundësinë e një shitjeje të Rrahmanit gjatë këtij afati kalimtar, duke treguar se klubi nuk do të kishte asgjë kundër largimit të tij nëse shfaqet një ofertë e mirë.

“Nuk ka kurrë problem të kesh tre sulmues cilësorë. Albioni mund të përdoret në më shumë pozicione, dhe ne mund të shkojmë në pranverë me ta kështu. Nuk do të zemërohem nëse të gjithë qëndrojnë, por gjithashtu mund të humbasim një prej tyre,” theksoi Rosicky të mërkurën gjatë një konference për media.

Ai gjithashtu rikujtoi interesin e mëparshëm për Rrahmanin nga gjiganti francez, Lyon, dhe pret një ofertë të tillë edhe tani.

“E dini që sezonin e kaluar Albioni pati një ofertë shumë interesante nga Lyon, gjë që mund të ndodhë edhe tani”, deklaroi legjenda çeke e futbollit.

Rrahmani, 25-vjeçar, po kalon një sezon të fortë me Sparta Pragën. Ai ka shënuar 12 gola dhe ka kontribuar me dy asistime në 32 ndeshje në të gjitha garat, duke treguar konsistencë dhe aftësi për të bërë diferencën në sulm.

Forma e tij ka tërhequr vëmendjen e klubeve evropiane dhe e vendos atë në qendër të bisedimeve gjatë afatit të janarit. /Telegrafi/

Kapiteni i Kombëtares së Kosovës, Amir Rrahmani thuhet se do të rinovojë kontratën e tij me Napolin edhe për disa vite, teksa edhe paga e tij do të ketë ngritje të dukshme.

Sipas gazetarit të njohur italian Nicolo Schira, Amir Rrahmani do të nënshkruajë një kontratë të re me Napolin.

Qendërmbrojtësi i Kombëtares së Kosovës do të fitojë 3.8 milionë euro në vit, që është ndoshta kontrata më e pasur që ai ka pasur në karrierën e tij.

Sipas faqes së specializuar Capology, një burim jozyrtar i pagave të futbollistëve, me kontratën e tij të mëparshme ai fitonte 3.2 milionë euro në sezon.

Schira tutje pretendon se Rrahmani ka refuzuar oferta më të larta nga Arabia Saudite, Turqia dhe Liga Premier për të qëndruar në Napoli.

Rekord i jashtëzakonshëm: Amir Rrahmani qendërmbrojtësi me më së shumti gola në Serie A në pesë vite

Si kujtesë, Rrahmani luajti për RNK Split, Lokomotiva Zagreb dhe Dinamo Zagreb nga viti 2015 deri në vitin 2019. Hellas Verona e transferoi i atë nga Dinamo për 3.5 milionë euro, dhe Napoli i pagoi 15 milionë euro në vitin 2020.

Ai ka luajtur 109 ndeshje në Superligën e Kroacisë dhe ka dy tituj kampionë kroatë, teksa në Serie A ka luajtur deri tani plotë 156 ndeshje, duke fituar gjithashtu dy tituj kampioni. /Telegrafi/

E bëri sefte edhe këtë vit. Armir Rrahmani mbetet një shtyllë e fortë për Napolin, apo siç shkruajnë mediat sportive, “një shkëmb”, dhe kampionia e Italisë i dha një përgjigje të madhe rivalëve për titull.

Sukses 2-0 në stadiumin “Olimpiko” të Romës ndaj Lacios vendase, duke merituar gjithçka e duke qenë zot i fushës.

Kapiteni I Kosovës shënoi golin e dytë, dhe napolitanët e trajnerit Antonio Konte mbyllën llogaritë që në minutën e 32-të.

Më herët, në 13’, miqtë kaluan në epërsi falë rrjetës nga Spinacola. Për Rrahmanin ky ishte goli i parë i sezonit, diçka që e ka bërë gjithmonë në Itali, përveç sezonit të parë në Serinë A, në 2019-2020.

“Eurosport” e cilëson pikërisht një “shkëmb” dhe i jep notën 7, i dyti lojtar më i mirë në fushë pas sulmuesit Mateo Politano.

Skuadra e dikurshme e Maradonës dha një spektakël që ndoshta edhe nuk pritej, duke pasur parasysh se Konte shpesh është pragmatik.

Pati 66 për qind mbajtje topi, 10 gjuajtje drejt portës, edhe pse vetëm dy në kuadrat, ndërsa Lacio nuk e futi asnjëherë sferën brenda shtyllave të mbrojtura nga portieri serb, Milinkoviç-Saviç.

Me këtë sukses, Napoli u ngjit në kuotën 37 pikë, vetëm një më pak se Milani, pra plotësisht në garën për të mbrojtur titullin e fituar vjet.

Kapiteni Amir Rrahmani po dëshmon se është qendërmbrojtësi më i mirë i Napolit, ndërsa edhe ka vendosur një rekord mahnitës.

Me golin ndaj Lazios, Rrahmani ka shkuar në kuotën e 11 golave brenda këtyre pesë viteve të fundit, duke u bërë golashënuesi me më së shumti gola në Serie A në këtë periudhë.

Rrahmani me paraqitje mahnitëse edhe e fitoi çmimin “Lojtari më i mirë i ndeshjes”, si dhe u vlerësua me notën 8.0 nga “SofaScore”.

Pas ndeshjes, kapiteni i Kosovës deklaroi se është tepër i lumtur për golin si dhe fitoren.

“Jam i lumtur që e gjeta sërish rrugën drejtë rrjetës. Duhet të vazhdojmë. Kemi lojtarë me strukturë, që mund të jenë shumë të rrezikshëm”.

“Më kishte munguar ndjenja e golit, por është gjithnjë më e mirë kur fiton skuadra”.

“Është fitorja e katërt radhazi me rezultat 2-0. Jemi skuadër e mirë dhe shpresojmë të vazhdojmë kështu. Në futboll asgjë s’është e pamundur”, deklaroi ai për “DAZN”.

Ndërkohë, Napoli aktualisht zë pozitën e dytë në tabelë me 37 pikë, një më pak se AC Milani./Telegrafi/

Amir Rrahmani zhvilloi një paraqitje të jashtëzakonshme në fitoren 2-0 të Napolit kundër Lazios, në ndeshjen e vlefshme për Serie A.

Mbrojtësi kosovar ishte protagonist absolut i takimit, duke u vlerësuar me notën 8.0 nga SofaScore, ndërsa kontribuoi edhe me një gol, duke konfirmuar formën e tij të lartë këtë sezon.

Rrahmani luajti 79 minuta, realizoi 95 pasime të sakta nga 100, kishte 105 prekje të topit, fitoi të gjitha duelet në tokë (4/4) dhe në ajër (3/3), duke treguar siguri maksimale në mbrojtje.

Me këtë paraqitje solide dhe vendimtare, Amir Rrahmani vazhdon të jetë një nga shtyllat kryesore të Napolit, duke dëshmuar rëndësinë e tij si në fazën mbrojtëse ashtu edhe në atë ofensive.

Me fitoren ndaj Lazios, Napoli ngritët në pozitën e dytë në tabelë me 37 pikë, një më pak se lideri Milani. /Telegrafi/

TIRANË, 4 janar /ATSH/ Napoli po udhëheq 0-2 në “Olimpico” përballë Lazios, me kapitenin e Kosovës, Amir Rrahmani, që ka vulosur golin e dytë të kampionëve të Italisë.

Mbrojtësi dardan realizoi golin e tij të parë këtë sezon në Serie A, në paraqitjen e dhjetë me fanellën e Napolit, duke konfirmuar formën e mirë dhe rolin kyç në prapavijë.

Goli i Rrahmanit i jep qetësi skuadrës së tij dhe forcon epërsinë në një transfertë të vështirë ndaj Lazios.

Një moment i rëndësishëm jo vetëm për Napolin, por edhe për Kosovën, teksa kapiteni i saj shënon në një nga skenat më prestigjioze të futbollit italian.

/gj.m/a.f/

The post Amir Rrahmani shënon në “Olimpico” ndaj Lazios appeared first on Agjencia Telegrafike Shqiptare.

Shkarkohet nga detyra Drejtori i Drejtorisë Vendore të Policisë Lezhë Lezhë, Altin Mena dhe zëvendës Drejtori i Drejtorisë për rendin dhe sigurinë publike në këtë drejtori, Taulant Gjoka.

Burime për gazetaren Vanesa Rrahmani bëjnë me dije se shkarkimet kanë ardhur si pasojë e performancës së dobët. Proces i cili do të vazhdojë për të gjitha drejtoritë vendore, Drejtori i Përgjithshëm i Policisë së Shtetit Ilir Proda ka firmosur mesditën e sotme shkarkimin nga detyra të Drejtorit të Drejtorisë Vendore Lezhë, Drejtues Altin Mena, dhe të zv.drejtorit për Rendin, Kryekomisar Taulant Gjoka, me motivacionin për performancë të dobët.

Ndërkohë, Drejtori i Përgjithshëm ka komanduar në detyrën e Drejtorit të DVP Lezhë, zv/drejtorin për Hetimin e Krimit, në DVP drejtues Kujtim Gjoka.

Po me të njëjtin motivacionin janë shkarkuar nga detyra Shefi i Komisariatit të Policisë Dibër Mariglen Duçi dhe shefi i Komisariatit të Policisë Kamëz, Besmir Dervishi, mëson Fax News.

Altin Mena është emëruar zëvendësdrejtor për Sigurinë Publike në DVP Kukës.

Ndërsa Taulant Gjoka është emëruar shef i Sektorit të Sigurisë Publike në DVP Shkodër.

Mariglen Duçi, shef i Sektorit për Hetimin e Krimeve në Kukës.

Besmir Dervishi, shef i Seksionit të Krimeve ndaj Pronës në DVP Tiranë.

Ervis Gjoshi, eshte emëruar shef i komisariatit në Dibër.

Sentilian Ndreu, emërohet përkohësisht, shef i Komisariatit nr. 5.

Ndërkohë priten lëvizje të tjera në Policinë e Shtetit.

Ylli i Kombëtares së Kosovës dhe Sparta Pragës, Albion Rrahmani është ndër emrat e përfolur, ndërsa West Ham United po shton kërkimin për një sulmues të ri në afatin kalimtar të janar.

Callum Wilson është aktualisht numri nëntë më i mirë në klub, por trajneri Nuno Espirito Santo nuk e ka nisur me sulmuesin anglez si titullar në asnjërën nga tre ndeshjet e fundit të “Çekanëve”.

West Ham po i jep përparësi një sulmuesi të ri në javët e ardhshme, pasi aktualisht duket se janë të destinuar të bien nga Liga Premier këtë sezon.

Sipas mediumit të afërt me klubin londinez thewesthamway.com, West Hami po kërkon ta sjell Rrahmanin në ‘London Stadium’ këtë dimër.

Lojtari i Kombëtares së Kosovës ka shënuar 12 gola në 32 ndeshje në të gjitha garat këtë sezon dhe është vënë në radarin e trajnerit Espirito Santo.

25-vjeçari aktualisht po luan te Sparta Praga, duke iu bashkuar atyre verën e kaluar nga Rapid Bukureshti.

Është pohuar se West Ham e admiron Rrahmanin, por ende nuk ka bërë ndonjë lëvizje për ta blerë atë. /Telegrafi/

Sulmuesi David Neres realizoi dy gola dhe i dhuroi SSC Napolit fitoren 2-0 ndaj Bolognas, duke i siguruar klubit Superkupën e Italisë për herë të tretë në histori, në finalen e zhvilluar në “King Saud University Stadium” në Arabinë Saudite.

Pas fitores ndaj kampionëve në fuqi të Italisë, AC Milan, në gjysmëfinale vetëm katër ditë më parë, Napoli hyri në finale me vetëbesim të lartë, pavarësisht dy humbjeve radhazi të mëparshme ndaj Benficës dhe Udineses.

Të besuarit e Antonio Contes ishin skuadra më e mirë në pjesën e parë dhe krijuan rastin e parë serioz që në minutën e 10-të, kur pasimi i Scott McTominay gjeti Eljif Elmasin brenda zonës. Mesfushori nga Maqedonia e Veriut pati kohë dhe hapësirë të mjaftueshme për të finalizuar, por në situatë një kundër një me Milinkovic-Savic, goditja e tij përfundoi jashtë shtyllës së majtë.

Megjithatë, David Neres nuk e përsëriti gabimin e parë. Gjashtë minuta para përfundimit të pjesës së parë, braziliani avancoi rreth 25 metra nga porta dhe lëshoi një goditje të fuqishme me të majtën, e cila kaloi mbi portierin Federico Ravaglia dhe përfundoi në cepin e sipërm të rrjetës.

Neres ka hapur rezultatin në secilën nga katër ndeshjet e fundit ku ka shënuar, ndërsa për Bolognan kjo ishte ndeshja e shtatë radhazi ku pëson gol e para.

Edhe pse Bologna kishte arsye për zhgënjim pas paraqitjes së pjesës së parë, shpresat për rikthim u shuan shpejt në fraksionin e dytë. Vetëm 12 minuta pas rifillimit, një gabim fatal në mbrojtje i kushtoi shtrenjtë skuadrës Rossoblu.

Duke tentuar të ndërtonte aksionin nga prapavija, pasimi i Ravaglias drejt Jhon Lucumit u ndërpre nga Neres, i cili i rrëmbeu topin mbrojtësit dhe me një parabël elegante mbi portierin në dalje dyfishoi epërsinë e Napolit. Ky ishte vetëm rasti i pestë në 14 ndeshjet e fundit që Napoli shënonte më shumë se një gol brenda 90 minutave.

Bologna u përpoq të rikthehej në lojë, por Napoli menaxhoi me qetësi minutat e mbetura, duke përballuar presionin dhe duke ruajtur avantazhin deri në fund. Pas dy finaleve të mëparshme të humbura pa shënuar gol, kësaj here skuadra napolitane tregoi pjekuri dhe përvojë për ta mbyllur ndeshjen në favorin e saj.

Me këtë triumf, Antonio Conte fiton Superkupën e Italisë për herë të gjashtë në karrierë – tri herë si lojtar dhe tri herë si trajner – duke forcuar edhe më shumë statusin e tij si një nga trajnerët më të mëdhenj italianë të të gjitha kohërave./Telegrafi

Kapiteni i Kosovës Amir Rrahmani është shpallur futbollisti më i mirë i vitit 2026.

Rrahmani kaloi një tjetër sezon të jashtëzakonshëm, ku ndihmoi Napolin që ta fitojë titullin kampion, i dyti në tre vitet e fundit – ndërsa ishte edhe në formacionin më të mirë në Serie A.

FFK-ja në ceremoninë “Laureatët e Vitit” e shpallën Rrahmanin si më të mirin, por ky i fundit nuk kishte si të ishte i pranishëm shkaku që do të luajë në finalen e Superkupës së Italisë me Napolin, kundër Bolognas.

Në anën tjetër, sulmuesi i Ballkanit Valentin Serebe e fitoi çmimin “Golashënuesi më i mirë i vitit”, të cilit ia dha ish lojtari i “Xhebrailave” Albion Rrahmani.

Rrahmani ndër të tjera deklaroi se për të është shumë i rëndësishëm ky çmim pasi e kishte fituar në dy vitet e fundit.

“Ky çmim që po e dhuroi është me shumë rëndësi për mua sepse e kam fituar në dy vitet e fundit”./Telegrafi/

Franco Foda dhe Amir Rrahmani kanë dhënë votat e tij për çmimet “The Best FIFA 2025”, për “Lojtarin më të mirë”, “Trajnerin më të mirë” dhe “Portierin më të mirë”.

Osumane Dembélé u shpall “Futbollisti më i mirë”, Luis Enrique u shpall “Trajneri më i mirë”, ndërsa Gianluigi Donnarumma u shpall “Portieri më i mirë”.

Timonieri ynë, Franco Foda për “Lojtarin më të mirë”, i ka dhënë pikët maksimale, 5 pikë, sulmuesit të PSG-së, Ousmane Dembélé. Me 3 pikë është votuar Lamine Yamal, ndërsa një pikë ka shkuar për Harry Kane.

Sa i përket homologëve të tij, Foda me 5 pikë e ka vlerësuar Luis Enriquen. Hansi Flick ka marrë 3 pikë, ndërsa Mikel Arteta ka marrë 1 pikë.

Foda ka votuar edhe për “Portierin e Vitit”, ku Gianluigi Donnarumma ka marrë 5 pikë nga ai. Manuel Neuer ka marrë 3 pikë, ndërsa Thibaut Courtois ka marrë 1 pikë.

Edhe kapiteni i Kosovës, Amir Rrahmani, ka dhënë votat e tij për çmimet “The Best FIFA 2025”, për “Lojtarin më të mirë”, “Trajnerin më të mirë” dhe “Portierin më të mirë”.

Sa i përket votave për “Lojtarin më të mirë”, mbrojtësi i Napolit i ka dhënë 5 pikë Ousmane Dembélé, ndërsa 3 pikë kanë shkuar për Kylian Mbappé. Me 1 pikë është votuar Lamine Yamal.

Nga ana tjetër, për votat për “Trajnerin më të mirë”, Amir Rrahmani pikët maksimale (5) ia ka dhënë Luis Enriques. Për Hansi Flick kanë shkuar 3 pikë, ndërsa për Enzo Maresca ka shkuar 1 pikë.

Sa i përket çmimit për “Portierin e vitit”, Rrahmani me pikët maksimale e ka vlerësuar Thibaut Courtois. Gianluigi Donnarumma ka marrë 3 pikë, ndërsa Manuel Neuer ka marrë 1 pikë.

Sa i përket gazetarëve, këtë vit nga Kosova ka votuar gazetari i Telegrafit, Lavdim Pireva.

Në çmimet “The Best” u shpallën edhe fitues të tjerë, të cilët mund t’i gjeni këtu. /Telegrafi/

Qendërsulmuesi Albion Rrahmani e ka rifituar besimin plotësisht te Sparta Praga, ndërsa shënoi për të tretën ndeshje radhazi. Këtë herë në fitoren ndaj klubit rumun Universitatea Craiova.

Pasi mori një pasim të bukur, Rrahmani me një finalizim fantastik ia tundi rrjetën Craiovas, me Spartën që në fund arkëtoi pikët e plota me rezultat 1-2 (VIDEO).

Pas ndeshjes, ylli i Kosovës u shpreh i lumtur me golin e shënuar sidomos pasi ishte në Rumani, aty ku kaloi dy sezone fantastike te Rapid Bukureshti.

“Është mirë të shënosh sërish në Rumani. Jam i lumtur për tre pikët. Ishte ndeshje e vështirë, Craiova luajti futboll të mirë dhe luftoi shumë. Ishte lojë e mirë”.

Albion Rrahmani

“Ndjeja se do të shënoja. Do të doja të luaja më shumë, por trajneri ndoshta ka menduar se do të luaja prapa pas tre ditëve. Shpresoj ta ndihmoj skuadrën edhe të dielën gjithashtu. Është ndjenjë e veçantë të luash në Evropë, kemi edhe një ndeshje dhe duhet të japim 100 për qind”.

Rrahmani ndër të tjera mori edhe një fanellë të re të ish klubit Rapid Bukuresht si dhuratë, për të cilën deklaroi: “Është e re dhe më pëlqen. Ndoshta në të ardhmen do ta vesh sërish, do të doja”.

“Kur isha te Rapidi dhashë më të mirën, por kush e di se çfarë e ardhmja mban? Shpresoj që të fitojnë diçka këtë sezon dhe shumë suksese”, nënvizoi ai.

Sparta Praga përndryshe zë pozitën e gjashtë me 10 pikë, tre më pak se lideri Strasbourg./Telegrafi/

Sparta Praga ka shënuar fitore me rezultat 2-1 në udhëtim ndaj ekipit rumun Universitatea Craiova në kuadër të fazës së ligës në Ligën e Konferencës.

Një ndër më meritorët pse gjiganti çek mori pikët e plotë në këtë sfidë, ishte sulmuesi kosovar Albion Rrahmani.

Pas kritikave të shumta që kishte marrë shkaku i mungesës së golave, Rrahmani me golin e sotëm tani ka tre gola në tri ndeshjet e fundit, duke konfirmuar ringritjen në formë.

Për shkak të golit dhe paraqitjes së tij, Rrahmani u dallua si një ndër lojtarët më të mirë në fushë duke marrë notën 7.7 nga Sofascore.

Rrahmani fitoi gjithsej tri duele në këtë ndeshje, gjashtë pasime të sakta si dhe një driblim të kompletuar.

Ndeshjen e radhës Sparta Praga do ta luajë ndaj Liberec në kuadër të javës së 19-të në elitën e futbollit çek, ku Rrahmani do të ketë mundësinë të shtojë numrin e golave./Telegrafi/