Nga Avokat Arben Llangozi Në Theth dhe Valbonë, Edi Rama tregohet trim. Shemb një kasolle të ndonjë të varfri, nxjerr dronët, bën video e flet për “mbrojtje të natyrës”. Por në mbyll sytë. Atje ku ndërtohet buzë detit pa leje, ku natyra shkatërrohet për luks dhe interesa private, Rama nuk ka as dron, as kamera, […]

The post Edi Rama bëhet trim me të varfrit në Veri, dhe bën qorrin përballë mafies së ndërtimit në Jug appeared first on BoldNews.al.

Shqipëria po afirmohet gjithnjë e më shumë si një destinacion turistik, por rritja e shpejtë e vizitorëve po sjell sfida për natyrën dhe komunitetet lokale. Kështu raporton media Politico.eu në një artikull të gjatë mbi zhvillimet turistike në vend. Sipas shkrimit, rrjetet sociale pas pandemisë ndezën interesin për Shqipërinë, duke e bërë vendin një destinacion […]

The post Politico: Shqipëria humbet shkëlqimin e saj si një perlë e fshehur appeared first on BoldNews.al.

Një udhëtim mes natyrës së bekuar dhe sfidave të turizmit shqiptar.

Nga Esmeralda Topi dhe Atdhe Mulla 

Mëngjesi i 25 gushtit na gjeti në rrugë. Nga Tirana morëm drejtimin për në jug, me synimin për të parë nga afër ecurinë e një sezoni turistik që nisi me pritshmëri të mëdha, por që nuk arriti të kthehej në “bumin” e shumëpërfolur.

Rruga drejt Himarës zgjati rreth tre orë e gjysmë. Për fatin tonë të mirë, zgjimi i hershëm na kurseu trafikun, madje edhe në autostradën Tiranë–Durrës, e cila prej muajsh është kthyer në një makth udhëtimi për shkak të punimeve.

Në hyrje të Vlorës, tek rrethrrotullimi i njohur si “Kulaçi”, disa pika shiu na e prishën humorin për pak çaste. Por ndërsa iu afruam ujit të ftohtë, dielli doli sërish. Plazhet përbri shëtitores së Vlorës ishin thuajse bosh, me ndonjë pushues të rrallë.

Në Radhimë, dielli përvëlonte si në mes të korrikut, por as aty nuk kishte shumë njerëz. Pamja e rrugës na përforconte mendimin se këtë vit, Shqipëria nuk po përjetonte asnjë bum. Këtë përshtypje e konfirmonin edhe të dhënat zyrtare. Sipas INSTAT, në korrik, kulmin e sezonit veror, numri i turistëve të huaj ishte rritur me vetëm 0.4 për qind, ndërsa vizitorët gjithsej me 1.5 për qind krahasuar me një vit më parë. Një rritje e papërfillshme.

Nga Llogaraja në Himarë

Rrugës për në tunelin e Llogarasë, një tabelë blu shkaktoi të qeshura në makinën tone: Green Coast 13 km, Mykonos 598 km, Bodrum 773 km, Ibiza 1,531 km.
I them grupit me shaka:

“Të gjitha këto kanë të përbashkët çmimet e kripura”

Pak minuta më vonë, pasi kaluam tunelin ende pa pagesë, u gjendëm mbi Palasë. Pamja e Jonit ishte mbresëlënëse dhe na shoqëroi deri në Himarë, destinacionin final. Ndryshe nga Vlora, Himara gumëzhinte. Plazhi ishin mbushur me njerëz, vendas e të huaj, duke i dhënë një frymëmarrje ndryshe qytetit.

U ulëm në një lokal modest, buzë plazhit publik. Porosia ishte e thjeshtë: një birrë dhe një kafe e ftohtë. Çmimi? 650 lekë. Deri këtu asgjë e çuditshme, por kur kërkova faturën, kamarieri, një djalë i sjellshëm, u zu ngushtë. “Nuk e kemi ndezur ende…”, tha gjithë siklet.

Këmbëngula dhe pas pak solli një fletë të shkruar me dorë. M’u kujtua menjëherë skena e famshme e faturës së rigonit që Muçi ia kërkonte Bardhës. 

Himara nuk është Dhërmiu

Në Himarë çmimet varionin. Një natë në hotele kushtonte nga 5,000 mijë deri në 50,000 mijë lekë, ndërsa çadrat me dy shezlongë nga 1,000 deri në 2,000 mijë lekë. Restorantet buzë shëtitores kishin çmime të ngjashme me Tiranën, larg “faturave fantazmë” që qarkullojnë në rrjete sociale. Dhe himariotët këmbëngulnin se

“Himara nuk është Dhërmiu!”

Megjithatë, edhe ata pranonin se ky vit kisht një rënie të dukshme. 

Në një market të vogël, bleva një shishe ujë për 50 lekë. Me kupon. Se fsheha habinë ndaj pronarja m’u përgjigj me humor: Shikoji të gjitha çmimet… i kam si në Tiranë. Nuk je në Dhërmi këtu!

“Hoteli është plot, por restoranti nuk ka konsum si vitin e kaluar. Ka rënie me të paktën 20 për qind”,  pohoi menaxherja e një hoteli në Potam. 

Shqiptarët e varur nga “sponsorët”

Pushuesit vendas ankoheshin për çmime të papërballueshme. Një pensionist nga Elbasani, që pushonte me familjen në Potam, tha me humor:

“Për shqiptarët është shumë e shtrenjtë. Kam ardhur me sponsor, se vetë s’doja ta përballoja dot. Kush është sponsori? Baxhanaku!”, dhe qeshi me të madhe.

Edhe turistët e huaj ndanin të njëjtin këndvështrim. Një spanjolle që po qëndronte dy javë nga veriu në jug e përshkruante Shqipërinë për nga çmimet si vend “pak a shumë sa Spanja”. 

“Jo shumë e lirë për ne, është një vend për t’u zbuluar. Çmimet janë të ngjashme me Spanjën”, pohoi ajo, teksa shtoi se Shqipëria mbetet gjithsesi një vend për tu rekomanduar.  

Dy vajza amerikane, në ditën e parë të pushimeve të tyre, mendonin ndryshe.
“Jemi për herë të parë në Shqipëri. E kemi parë në TikTok e Instagram. Ne po bëjmë një udhëtim nëpër botë në kërkim të një përvoje të lirë. Dhe Shqipëria ishte në listën e Ballkanit. Pastaj bëmë kërkimet tona dhe Shqipëria dukej shumë e lirë dhe e bukur”

Vajzat kishin ardhur në Shqipëri pas një jave pushim në vendet baltike dhe skandinave.

“Krahasuar me ato vende që ishin goxha të shtrenjta, këtu është më lirë. Edhe krahasuar me SHBA-të”, thanë njëzëri. 

Turizmi është si ullinjtë

Në oborrin e një hoteli familjar në Himarë, nën hijen e ullinjve, takova vëllezërit Neranxi bashkë me nënën e tyre. Prej 20 vitesh ata e kishin ngritur me mund hotelin “George”. Arturi, vëllai më i madh i familjes e sheh turizmin si punë afatgjatë.

“Unë personalisht jam në të njëjtat nivele, por mundohem me mish e shpirt. Unë nuk shoh të marr lekun e të ikësh, unë investoj tek klienti që ti lë shije të mirë në mënyrë që nëse do rikthehet në Himarë të vijë patjetër këtu” . Vëllai i tij shtoi një krahasim të goditur.

“Turizmi është si ullinjtë, një vit jep prodhim, një vit jo. Kështu është dhe turizmi sepse njerëzit qarkullojnë”

Rënia e turizmit këtë vit, sipas tyre, nuk e ka zanafillën tek çmimet e larta të jugut. Ata besojnë se Shqipëria është bërë më e shtrenjtë në tërësi.

“Jetesa në Shqipëri është shtrenjtuar”, argumenton Turi. 

Dhe kjo është e vërtetë, mendoja teksa bisedoja me ta, familjarë të përkushtuar pas një industrie që siç edhe vetë e pranonin është ende në fillesa. 

“Problemet që kemi ne si industri turistike ishin dhe vjet dhe do të jenë edhe vitin tjetër. Ne jemi në fillim të turizmit masiv, nuk kemi përvojë, as traditë në turizëm siç mund të kenë komshinjtë tanë”, vijon me tej Arturi, duke pranuar edhe abuzimet që ndodhin në jug. 

“Nëse një dhomë ofron kushte për 70 euro, nuk ke pse e shet 90 sepse të gjithë e shesin 90. Kjo është pjesa e abuzimit”, shton ai. 

Në fund, Arturi thotë se industria turistike në Shqipëri duhet të përqendrohet tek pushuesi vendas. 

“Këshilla ime është që të investojmë tek shqiptarët. Këtu e kam fjalën edhe për ata të Kosovës, për emigrantët. Turistët shqiptarë kanë një karakteristikë që shumë pak e kanë kuptuar: Janë të vetmit që mund të të vijnë dhe dy herë brenda një sezoni. Edhe tre herë”

Kosova nuk është më “garanci”

Zak Topuzi që drejton “Shoqatën Shqiptare të Turizmit” kujton se Kosova ka qenë për vite burimi kryesor i turistëve. Por tashmë, sipas tij, “Kosova nuk është më treg i garantuar. Liria e lëvizjes ka sjellë liri zgjedhjeje, dhe kosovarët po zgjedhin përvojën më të mirë, shpesh Greqinë”.

“Një faktor kyç që po ndikon në këtë zhvendosje është fuqia konkurruese e ofertave turistike rajonale në euro. Zhvlerësimi i euros me 27% (krahasuar me lekun) ka rritur ndjeshëm koston e paketave shqiptare. Në Greqi, për të njëjtin çmim, një familje kosovare mund të marrë shërbime të standardizuara, resort të mirë organizuar, vila me kapacitete të kufizuara dhe privatësi të garantuar”, argumenton Topuzi. 

Ndërsa, ekonomisti Artan Gjergji shton se filozofia ‘kap çfarë të kapësh’ nuk është e qëndrueshme. 

“Mekanizmi i tregut është i pamëshirshëm. Nuk ka dënim më të madh për një biznes se sa ndryshimi i sjelljes dhe preferencës së klientëve si pasojë e abuzimit. Duhet reflektim në mendësi para se të jetë shumë vonë”

Sipas tij, çmimet shpesh nuk rriten drejtpërdrejt në vlerë nominale, por në mënyrë të tërthortë, duke abuzuar me sasinë e produktit. 

“Një pica e mesme shitet me çmimin e një pice familjare, ndërsa pica më e vogël ofrohet si standarde. Po kështu, sasia e një sufllaqeje 270 lekëshe në Tiranë është e barabartë me dy sufllaqe 350 lekëshe në Shëngjin, Durrës, apo edhe më keq në Vlorë e Sarandë”

Edhe Irena Beqiraj, eksperte për ekonominë dhe financat e sheh çështjen përmes logjikës ekonomike. 

“Turizmi kërkon infrastrukturë që përdoret vetëm në verë. Investimet që shfrytëzohen tre muaj në vit kanë presion të madh tek çmimet. Për më tepër, Shqipëria importon shumicën e produkteve, dhe ky model nuk mund të mos shoqërohet me inflacion”

***

Rruga e kthimit nga Himara na la me një mendim të vetëm: Shqipëria është e bekuar me natyrë, por turizmi nuk bëhet vetëm me det e me diell përvëlues. Turizmi kërkon respekt për pushuesin, mendje të kthjellët për të ardhmen dhe vizion përtej verës.

Nuk mjafton të hapësh dyert, nëse nuk di të mbash miqtë brenda.

The post Shqipëria turistike këtë verë, mes ëndrrave për “bum” dhe realitetit të shtrenjtë appeared first on Faktoje.al.

Policia Kufitare dhe ajo Detare po vijojnë monitorimin intensiv të hapësirës detare, liqenore dhe lumore, me qëllim rritjen e parametrave të sigurisë.

Gjatë kësaj jave, janë ushtruar kontrolle në 414 mjete lundruese, nga të cilat 26 janë bllokuar për shkelje të ndryshme të rregullave të qarkullimit në ujëra.

Sipas njoftimit të policisë, mjetet e bllokuara janë 16 jet ski, 4 skafe, 3 gomone dhe 3 varka metalike me motor uji të instaluar.

Gjithashtu, 11 mjete lundruese janë kapur duke lundruar brenda perimetrit të sigurisë për pushuesit, duke rrezikuar jetën e qytetarëve. Drejtuesit e këtyre mjeteve janë ndëshkuar me masë administrative prej 100.000 lekësh secili.

Njoftimi i Policisë:

Vijon operacioni “SIGURIA DETARE”

Njësia Policore Detare dhe Policia Kufitare po vijojnë intensivisht monitorimin e hapësirës detare, liqenore dhe lumore, me qëllim rritjen e parametrave të sigurisë.

Nga Komani në Ksamil, si rezultat i monitorimeve dhe kontrolleve të kryera gjatë kësaj jave, janë kontrolluar 414 mjete lundruese, nga të cilat 26 janë bllokuar për shkelje të ndryshme.

Konkretisht: 16 jet ski, 4 skafe, 3 gomone dhe 3 varka metalike me motor uji të instaluar.

11 prej mjeteve lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative prej 100 000 lekësh secili.

Gjithashtu, janë shpëtuar në det 28 shtetas (shqiptarë dhe të huaj), si dhe 9 mjete lundruese, falë ndërhyrjes së menjëhershme të Policisë Kufitare dhe Njësisë Policore Detare, nga Ksamili në Koman.

Policia Kufitare apelon për respektimin me rigorozitet të rregullave të përdorimit të mjeteve lundruese:

Mos shkelni perimetrin e sigurisë;

Lundroni vetëm në zonat e lejuara;

Pajisuni me mjetet e nevojshme të shpëtimit.

Policia e Shtetit fton qytetarët dhe pushuesit të denoncojnë çdo shkelje të rregullave të lundrimit apo të perimetrit të sigurisë në numrin pa pagesë 112, duke i garantuar reagim të menjëhershëm dhe masa konkrete ndaj çdo shkelësi.

The post Policia Kufitare vijon kontrollet intesive në bregdet, bllokon 26 mjete lundruese nga Koman në Ksamil appeared first on Albeu.com.

Çmimet në restorantet shqiptare mbeten ndër më të përballueshmet në rajon, por dallimet mes qyteteve janë të ndjeshme. Një darkë për dy persona në bregdet kushton më shumë se në veri apo në qytetet e tjera brenda vendit, ndërsa mishi i viçit dhe peshku mbeten kategoritë më të shtrenjta. Një përmbledhje e çmimeve në restorante […]

The post Sa kushton një vakt në restorant? Më i liri Durrësi, më i shtrenjti Jugu appeared first on BoldNews.al.

Shqipëria Jugore ka përjetuar një kthesë të jashtëzakonshme ekonomike në vitet e fundit, falë investimeve të konsiderueshme si nga Banka Botërore ashtu edhe nga bashkitë lokale, sipas “Travel and Tour World”.

Qytete kyçe si Berati, Gjirokastra, Përmeti dhe Saranda kanë përjetuar një zhvillim, të nxitura nga transformimi i sektorëve të tyre të turizmit.

Trashëgimia e pasur kulturore e zonës, e kombinuar me përmirësimet strategjike të infrastrukturës, ka rezultuar në një ndryshim dinamik, duke i shndërruar qytetet dikur të qeta në qendra të gjalla të aktivitetit ekonomik.

Restaurimi i trashëgimisë nxit rritjen e turizmit

Për vite me radhë, Shqipëria Jugore ka përjetuar një zhvillim të ngadaltë ekonomik dhe rënie të ndjeshme të popullsisë, veçanërisht në mesin e brezit të ri që kërkon mundësi pune jashtë vendit.

Megjithatë, investimet e fundit e kanë përmbysur këtë trend. Një nxitës kryesor i këtij ndryshimi ka qenë Projekti i Zhvillimit të Integruar Urban dhe Turistik (PIUTD), një iniciativë e nisur në partneritet me Qeverinë Shqiptare dhe Bankën Botërore.

Fokusi i projektit ka qenë restaurimi i monumenteve historike, përmirësimi i infrastrukturës përreth dhe rritja e shërbimeve që lidhen me turizmin.

Vendet ikonike të trashëgimisë si Kalaja e Beratit, Kalaja e Gjirokastrës dhe shëtitorja e Qafës së Pazarit në Sarandë kanë përfituar të gjitha nga këto përpjekje, duke i bërë ato më të arritshme për turistët.

Restaurimi i gati 200,000 metrave katrorë hapësirë publike ka përfshirë përmirësimin e rrugëve me kalldrëm, ndërtimin e trotuareve të reja, instalimin e ndriçimit dhe shtimin e ambienteve për vizitorët si pikat e informacionit.

Këto ndryshime kanë ndihmuar në transformimin e rajonit në një destinacion turistik të nivelit të lartë, duke tërhequr një numër gjithnjë e në rritje vizitorësh çdo vit.

Një bum turizmi në jug të Shqipërisë

Shifrat flasin vetë. Sipas Institutit të Statistikave të Shqipërisë (INSTAT), vendi përjetoi një rritje marramendëse prej 82% të mbërritjeve turistike në vitin 2024 krahasuar me vitin 2019.

Në pjesën jugore të vendit, rritja ka qenë edhe më e rëndësishme. Qytete si Berati kanë përjetuar një rritje të numrit të turistëve pothuajse katërfish, ndërsa numri i vizitorëve në Gjirokastër është gjashtëfishuar.

Kjo rritje e vizitorëve jo vetëm që i ka sjellë dobi sektorit të turizmit, por ka pasur edhe një efekt në bizneset lokale, duke krijuar mundësi të reja në të gjitha industritë.

Investimet e sektorit publik kanë luajtur një rol vendimtar në tërheqjen e sipërmarrësve të sektorit privat, veçanërisht në industritë e turizmit dhe mikpritjes.

Shumë vendas kanë shfrytëzuar mundësinë për të shndërruar shtëpitë e tyre historike në hotele  ose për të nisur përvoja kulinare dhe kulturore.

Për më tepër, rajoni po përjeton një bum në turizmin e aventurës, me shtigje të reja për ecje dhe çiklizëm, autobusë elektrikë dhe madje edhe “zip line-t” që po futen për të tërhequr adhuruesit e aktiviteteve në natyrë.

Krijimi i vendeve të punës dhe përfshirja ekonomike

Një nga rezultatet më të rëndësishme të përpjekjeve të rimëkëmbjes është rritja e konsiderueshme e mundësive të punësimit, veçanërisht në sektorët e mikpritjes, turizmit dhe transportit.

Janë krijuar mijëra vende të reja pune dhe një shifër e jashtëzakonshme prej 50% e këtyre pozicioneve janë plotësuar nga individë që më parë ishin të përjashtuar nga tregu i punës, duke përfshirë gratë, të rinjtë dhe personat me aftësi të kufizuara.

Kjo qasje gjithëpërfshirëse jo vetëm që ndihmon në diversifikimin e ekonomisë lokale, por gjithashtu kontribuon në zhvillimin social të rajonit.

Ndërsa bizneset e reja lindin për të përmbushur nevojat e popullsisë turistike në rritje, mundësitë e punësimit po zhvillohen.

Përveç kësaj, shumë ish-banorë të rajonit, të cilët më parë kishin kërkuar punë jashtë vendit, po kthehen në qytetet e tyre të lindjes, të nxitur nga mundësitë e krijuara rishtazi.

Këta të kthyer, shpesh duke sjellë me vete ekspertizë të vlefshme, kanë qenë të dobishëm në nxitjen e investimeve dhe inovacionit të mëtejshëm.

Rijetësimi i këtyre qyteteve është një produkt si i investimeve të jashtme ashtu edhe i një kthimi të talenteve lokale, duke krijuar një cikël të qëndrueshëm rritjeje dhe zhvillimi.

Një model për zhvillim të qëndrueshëm

Projekti PIUTD nuk ka të bëjë vetëm me turizmin dhe infrastrukturën – por ka të bëjë edhe me qëndrueshmërinë.

Restaurimi i vendeve historike, së bashku me zhvillimin e iniciativave të ekoturizmit, pasqyron një angazhim të fortë për ruajtjen e trashëgimisë natyrore dhe kulturore të rajonit.

Kjo qasje siguron që përfitimet e turizmit do të vazhdojnë të rrjedhin në zonë për vitet që vijnë, duke minimizuar ndikimin mjedisor të zhvillimit të shpejtë.

Projekti u ka mundësuar bashkive të krijojnë njësi turistike përgjegjëse për zhvillimin afatgjatë të sektorit.

Këto njësi do të sigurojnë që sektori i turizmit i Shqipërisë Jugore të vazhdojë të evoluojë në një mënyrë të qëndrueshme, duke balancuar rritjen ekonomike me ruajtjen e aseteve të pasura kulturore të zonës.

Duke investuar si në të kaluarën ashtu edhe në të ardhmen, Shqipëria po hedh themelet për një sektor turizmi të begatë dhe të përgjegjshëm ndaj mjedisit.

Shqipëria Jugore, një histori suksesi në turizëm

Transformimi i Shqipërisë Jugore, veçanërisht në rajonet e Beratit, Gjirokastrës, Përmetit dhe Sarandës, qëndron si një dëshmi e fuqisë së turizmit të trashëgimisë.

Suksesi i projektit PIUTD thekson rëndësinë e ruajtjes së trashëgimisë kulturore, duke nxitur njëkohësisht rritjen ekonomike.

Duke tërhequr investime ndërkombëtare, duke promovuar sipërmarrjen lokale dhe duke krijuar mundësi punësimi gjithëpërfshirëse, Shqipëria ka vendosur një standard të ri për zhvillimin e qëndrueshëm në sektorin e turizmit.

Vera e ka gjetur sërish në Shqipëri këngëtaren me famë ndërkombëtare Dua Lipa.

Pas festivalit Sunny Hill në Kosovë, Dua Lipa sëbashku me partnerin e saj Calum Turner dhe familjen e Këngëtares, u nisën drejt jugut të Shqiëprisë.

Për të disatin vit radhazi Dua zgjedhe jugun e Shqipërisë, në një nga vilat dhe zonat më luksoze në vend, të kalojë disa ditë pushime.

The post “Po çlodh kockat e mija para se të shkoj 30”, vera e gjen Dua Lipën sërish në jug të Shqipërisë appeared first on Albeu.com.

Hyrjet e të huajve në vend janë raportuar në rritje, ndonëse të dobët, gjatë pjesës së parë të këtij viti, por strukturat hoteliere dhe operatorët turistikë shprehen se kjo nuk po reflektohet në bregdet. Sipas tyre, profili i turistit që po viziton Shqipërinë nuk është ai që kërkon plazhet dhe detin me ditë të tëra, […]

The post Dështimi/ Tkurrja e turizmit ul çmimet e hoteleve, sa kushtojnë dhomat nga jugu në veri appeared first on BoldNews.al.

Dua Lipa, ylli i muzikës pop me famë ndërkombëtare, i ka mahnitur edhe një herë fansat me fotot e saj mahnitëse të pushimeve të bëra gjatë një pushimi luksoz në parajsën e bukur bregdetare të Kep Merli në jug të Shqipërisë.

Pas performancës së saj të paharrueshme në “Sunny Hill Festival 2025”, ku ajo dha një shfaqje të jashtëzakonshme live, Lipa zgjodhi të relaksohej dhe të rimbushte energjitë në peizazhin e qetë dhe piktoresk të plazheve të virgjëra të Shqipërisë.
Në imazhe, Lipa shihet duke shijuar diellin dhe detin me familjen e saj, ndërsa mban veshur një veshje elegante të bardhë.

Ajo vesh një bluzë të bardhë të gjatë të zbukuruar me detaje delikate dantelle, të kombinuar me një fund bikini që shfaq elegancë të lehtë.

Pamja përmirësohet më tej nga aksesorët e saj: vathë të mëdhenj, tërheqës, varëse të shtresuara dhe byzylykë ari që shkëlqejnë nën diellin e ndritshëm të verës.

Pamja e relaksuar por joshëse e Lipës kap në mënyrë të përkryer ndjenjën e saj të stilit, duke përzier rehatinë me modën e nivelit të lartë.

The post Dua Lipa shkëlqen në të bardha nga jugu i Shqipërisë, ndërsa vë pah linjat e theksuara të trupit appeared first on Albeu.com.

Pas përfundimit të edicionit të këtij viti të Festivalit Sunny Hill, këngëtarja me famë botërore Dua Lipa ka zgjedhur të kalojë pushimet e saj verore në jugun piktoresk të Shqipërisë.

Pas një performance të zjarrtë në natën e parë të festivalit, që mblodhi artistë ndërkombëtarë dhe dashamirës të muzikës nga e gjithë bota, Dua ka ndarë me ndjekësit e saj një moment relaksi nga riviera shqiptare.

Në një postim në Instagram, ajo ka publikuar një fotografi mahnitëse të bregdetit shqiptar, ku shfaqet një perëndim dielli mbi ujërat kristal të detit Jon. “Arrita në shtëpi me kohë për këtë perëndim të mrekullueshëm të diellit”, ka shkruar ajo në foto, duke reflektuar emocionin dhe lidhjen me vendin e origjinës.

Dua Lipa prej vitesh është një ambasadore e rivierës së Shqipërisë, por edhe Kosovës. Përmes muzikës së saj, intervistave në mediat ndërkombëtare dhe përkushtimit për promovimin e trashëgimisë kulturore, ajo ka ndihmuar në rritjen e imazhit të vendeve tona në skenën botërore.

Përveç se ka folur shqip në shumë emisione ndërkombëtare dhe ka përfaqësuar me krenari identitetin e saj, Dua së fundmi mori nga Presidentja Vjosa Osmani edhe shtetësinë e Kosovës me dekret presidencial, përveç asaj shqiptare dhe britanike që gëzon prej më herët.

The post “Arrita në shtëpi”, Dua Lipa nis pushimet në jug të Shqipërisë pas “Sunny Hill” appeared first on Albeu.com.

Dy ditë më parë, gazetari i njohur Blendi Fevziu, ka folur nga Palasa, ku përmes një video të publikuar në “Facebook”, ka ngritur alarmin për braktisjen e plazheve të jugut nga turistët.

Fevziu shprehet se, plazhet janë boshatisur dhe turizmi i plazheve është nën nivelin e pritshmërive.

Sipas tij, një ndër arsyet kryesore është ulja e numrit të vizitorëve nga Kosova, Maqedonia e Veriut dhe Mali i Zi.

“Dështimi i këtij viti kanë qenë plazhet. Po pse kanë dështuar plazhet? E para dhe kryesorja, nëse referojmë të dhënat e INSTAT, 54% e turizmit vjetor përbëhet nga shqiptarët e Kosovës dhe Maqedonisë dhe më pak të Malit të Zi. Po ashtu një pjesë turistësh që e çojnë në 68% numrin e turistëve që hyjnë në rrugë tokësore, ky lloj turizmi ka pësuar rënie. Shqiptarët e Kosovës janë dukshëm më pak të pranishëm, madje edhe në veri dhe Durrës. Janë shumë pak të pranishëm në jug ku është shtuar turizmi i shqiptarëve të diasporës”, shprehet Fevziu.

Gjithashtu, Fevziu fajëson çmimet e larta për këtë braktisje, duke thënë se çmimet në jug të vendit, janë “të çmendura” dhe ideja për të tërhequr turistët elitarë, është e gabuar, pasi shërbimi nuk përputhet me çmimin dhe turistët elitarë nuk afrohen.

Si shembull, Fevziu përmend faktin se turistët elitarë nuk kanë ku dalin mbrëmjeve, apo nuk kanë ku parkojnë jahtet, pra mungon infrastruktura.

“Duhet ta mbushim mendjen, problemi kryesor i turizmit dhe dëmtimi më i madh janë çmimet. Nuk paragjykoj askënd të vendosë çmimin që do, për shezllonë, dhomën apo restorantin. Çmimi është ofertë-kërkesë, por ka një problem, me çmimet që ka Shqipëria nuk justifikon shërbimin. Në veri çmimet janë ngritur por pak, edhe në Durrës edhe në Velipojë, por janë ngritjet më të ulëta. Çmimet e jugut janë të çmendura!

Dëgjoj njerëz që thonë, po sa e merrni në Mykonos, Saint-Tropez, Monte Carlo, Sardinia, Porto Cervo. Jugu i Shqipërisë pavarësisht bukurive, nuk mund të jetë asnjë prej këtyre, sepse nuk ka shërbime, nuk ofron asgjë. Dëgjoj operatorë turistikë të dalldisur, që thonë nuk na duhet turizmi i lirë, por duam turizëm elitar. Po mirë, këta turistë elitarë ku do të shkojnë pasdite? Në cilin dyqan? Ku do ti parkojnë jahtet apo varkat e tyre? Apo do të rrinë në det me spirancë? Ku janë aeroportet që do të ulen avionët? Ku ka turist elitar që vjen dhe të mos ketë, me përjashtim të dy hoteleve me pesë yje të standardit ndërkombëtar…”, thotë Fevziu i alarmuar.

Ai jep edhe një shembull se si disa njerëz të pasur nga Evropa, zbritën nga jahti për të bërë plazh në Vlorë, por sapo panë plazhin u kthyen sërish në jaht.

“Para ca kohësh nga një jaht në Vlorë zbriti një nga familjet më të pasura të Evropës. Me të zbritur me jaht dhe me të parë plazhin, hipën në varkë dhe ikën sërish. Mos pretendoni turistë elitarë, nuk është gati Shqipëria dhe nuk do të jetë as në dhjetë vitet e ardhshme”, tha ndër të tjera Fevziu.

 

The post Blendi Fevziu alarmohet nga plazhet bosh në jug: Mblidhni mendjen, me keto çmime të çmendura Shqipëria nuk justifikon shërbimin… (VIDEO) appeared first on Albeu.com.

Një person është raportuar i zhdukur nga trageti ndërkombëtar “AKKA”, ndërsa Qendra Kombëtare e Kërkim-Shpëtimit në bashkëpunim të ngushtë me Forcat e Armatosura, Policinë Kufitare dhe autoritetet italiane po zhvillon një operacion të gjerë kërkimi.

Bëhet me dije se kërkimet janë zhvilluar dhe ditën e djeshme nga Kepi i Stillos në jug, deri në grykëderdhjen e Semanit në veri.

Bëhet me dije se kërkimet janë zhvilluar dhe ditën e djeshme nga Kepi i Stillos në jug, deri në grykëderdhjen e Semanit në veri.

Gjithashtu, mësohet se operacioni është zhvilluar në koordinim të vazhdueshëm ndërinstitucional dhe ndërkombëtar, duke ndjekur çdo protokoll të kërkim-shpëtimit në det, por pa rezultat.

Sipas informacioneve, operacioni do të vijohet në varësi të zhvillimeve dhe kushteve atmosferike.

The post Një person u raportua si “i zhdukur” nga trageti, Shqipëria dhe Itali, operacion kërkimi në det appeared first on Albeu.com.

Argjentina Ramosaj, këngëtarja e njohur shqiptare që prej kohësh është tërhequr nga muzika, i ka lënë ndjekësit pa fjalë me disa fotografi të publikuara nga jugu i Shqipërisë.

Në imazhet që ka ndarë në rrjetet sociale, Argjentina shfaqet në top formë, duke treguar linjat e përkryera trupore dhe hijeshinë që e karakterizon në çdo paraqitje publike.

Pavarësisht se nuk është më aktive në skenën muzikore, ajo vazhdon të mbetet një nga figurat më të dashura dhe të ndjekura nga publiku.

Argjentina është larguar prej vitesh nga muzika dhe është zhvendosur së bashku me bashkëshortin dhe djalin e saj në Mbretërinë e Bashkuar, ku jetojnë tashmë në mënyrë të përhershme.

Megjithëse ka lënë pas karrierën muzikore, bukuria dhe prezenca e saj vazhdojnë të jenë në qendër të vëmendjes, duke e bërë atë një ikonë të vërtetë të stilit dhe elegancës.

The post Argjentina Ramosaj shkëlqen nga jugu i Shqipërisë, publikon fotografi mahnitëse duke ekspozuar trupin e skalitur appeared first on Albeu.com.

TIRANË, 9 korrik/ATSH/ Gjiri i Gramës, i ndodhur në Gadishullin e Karaburunit, është një nga plazhet më spektakolare të jugut të Shqipërisë, një perlë që tërheq çdo vit mijëra turistë vendas dhe të huaj.

Gjiri i Gramës, i fshehur në vijëzimin bregdetar të Karaburunit, është kthyer një ndër destinacionet e preferuara nga turistët vendas dhe të huaj në bregdetin e jugut të Shqipërisë.

Ministrja e Turizmit dhe Mjedisit, Mirela Kumbaro ndau në rrjete sociale pamje nga ky gji, i cili mund të rroket përmes shtigjeve këmbësore apo nga deti.

Gjiri i Gramës gjendet në rrëzën e shpatit perëndimor të malit Rrëza e Kanalit, në perëndim të qytezës së Orikumit (Vlorës).

Gjiri detar futet disa qindra metra në tokë, ku formon një bregdet shkëmbor me foleza. Aty ka dhe disa shpella nënujore.

Peizazhi natyror është shumë tërheqës për çdo vizitor. Ky gji është përdorur shumë për mbrojtjen e anijeve nga stuhitë detare.

Gjithashtu ai është përdorur gjatë në Antikitet si gurore. Gurorja e Gramës është mjaft e njohur që në lashtësi.

Detarët që strehonin aty anijet, punëtorët që nxirrnin blloqe shkëmborë që përdoreshin për ndërtim në qytetet ilire e më gjerë, kanë gdhendur edhe emrat në faqet shkëmbore e shumë të dhëna të tjera që bëjnë kureshtar vizitorin.

Ndaj dhe shpesh shpella që ndodhet aty emërtohet si “Shpella e shkrimeve”. Arkeologët i kanë studiuar dhe kanë shkruar për këto dokumente historike të gdhendura në shkëmb.

Vlerat e këtij monumenti natyror janë shkencore, historike, kulturore e turistike. Por sot ky gji i bukur detar shfrytëzohet si një plazh i vogël e intim. Drejt tij shkohet me rrugë tokësore, por edhe detare. Shfrytëzohet nga aventurierët e ujit dhe të shpellave.

/a.f//r.e/

The post Gjiri i Gramës, një nga plazhet më spektakolare të jugut appeared first on Agjencia Telegrafike Shqiptare.

Duke folur mbi zhvillimet në këtë sektor, eksperti i turizmit Isa Krasniqi theksoi se përveç pushimeve tradicionale, në Shqipëri ekziston edhe një segment i turizmit të luksit, ku sipas tij, zona më përfaqësuese mbetet jugu i vendit.

Krasniqi solli edhe një shembull konkret, duke përmendur një rezervim që e kishte bërë vetë në jug, ku çmimi për një natë në hotel arrinte deri në 2,500 euro.

“Te pjesa e jugut të vendit, dashje pa dashje, është pjesa më e shtrenjtë e Shqipërisë. Në Shqipëri ka pushime luksi dhe ka pushime të tepruara, po themi. Unë i ndjek të gjitha kategoritë e turistëve. Ka kategori të caktuara që vijnë për të shpenzuar. Mund të them që në vendin tonë ka edhe 2,500 euro nata – kam rezervuar unë vetë, është zonë në jug. Ka turistë që shpenzojnë dhe vijnë për të shpenzuar. Te Gjiri i Lalzit ka hotele që shkojnë nga 500 deri në 700 euro nata dhe ka turistë që nisen posaçërisht për atë hotel dhe ai është nisur të shpenzojë,” u shpreh Krasniqi.

Deklarata e tij erdhi si një kundërpeshë ndaj një qëndrimi të shprehur më herët në emision nga një operator turistik në Theth, i cili theksoi se turistët e huaj zgjedhin Shqipërinë për bukuritë natyrore dhe jo për luksin.

Në përfundim të bisedës, Isa Krasniqi pranoi se, pavarësisht çmimeve të larta në jug, mund të ketë ende raste me shërbim të pakënaqshëm. Megjithatë, sipas tij, pas dy skandaleve të ndodhura para dy vitesh, situata është përmirësuar ndjeshëm.

The post Turizmi luksoz ‘shkund’ xhepat në jugun e Shqipërisë/ Eksperti zbulon shifrat e çmendura appeared first on Sot News | Lajme.

Në emisionin “NOW” në Euronews Albania u diskutua tema e turizmit dhe ecuria e deritanishme e këtij sezoni.

Duke folur mbi zhvillimet në këtë sektor, eksperti i turizmit Isa Krasniqi theksoi se përveç pushimeve tradicionale, në Shqipëri ekziston edhe një segment i turizmit të luksit, ku sipas tij, zona më përfaqësuese mbetet jugu i vendit.

Krasniqi solli edhe një shembull konkret, duke përmendur një rezervim që e kishte bërë vetë në jug, ku çmimi për një natë në hotel arrinte deri në 2,500 euro.

“Te pjesa e jugut të vendit, dashje pa dashje, është pjesa më e shtrenjtë e Shqipërisë. Në Shqipëri ka pushime luksi dhe ka pushime të tepruara, po themi. Unë i ndjek të gjitha kategoritë e turistëve. Ka kategori të caktuara që vijnë për të shpenzuar. Mund të them që në vendin tonë ka edhe 2,500 euro nata – kam rezervuar unë vetë, është zonë në jug. Ka turistë që shpenzojnë dhe vijnë për të shpenzuar. Te Gjiri i Lalzit ka hotele që shkojnë nga 500 deri në 700 euro nata dhe ka turistë që nisen posaçërisht për atë hotel dhe ai është nisur të shpenzojë,” u shpreh Krasniqi.

Deklarata e tij erdhi si një kundërpeshë ndaj një qëndrimi të shprehur më herët në emision nga një operator turistik në Theth, i cili theksoi se turistët e huaj zgjedhin Shqipërinë për bukuritë natyrore dhe jo për luksin.

Në përfundim të bisedës, Isa Krasniqi pranoi se, pavarësisht çmimeve të larta në jug, mund të ketë ende raste me shërbim të pakënaqshëm. Megjithatë, sipas tij, pas dy skandaleve të ndodhura para dy vitesh, situata është përmirësuar ndjeshëm.

LEXONI GJITHASHTU:

• Operatori nga Thethi zbulon arsyen kryesore pse turistët e huaj vizitojnë Shqipërinë
• Festa për zbulimin e gjinisë sjell kaos, 200 persona të dehur në “Airbnb”

The post Turizmi i luksit në Shqipëri, eksperti tregon shifrat: Sa kushtoi një natë në jug appeared first on Euronews Albania.

Sëmundja e murtajës së bagëtive, ka rikthyer alarmin në sektorin veterinar dhe blegtoral në vend. Me përhapjen e shpejtë të rasteve dhe shtimin e vatrave të infektimit, autoritetet po punojnë në gatishmëri të lartë për të parandaluar përhapjen në zona të tjera.

Qarku i Elbasanit, megjithëse aktualisht i pastër nga raste të konfirmuara, konsiderohet me rrezikshmëri të lartë për shkak të afërsisë me zonat e prekura si Skrapari dhe Devolli.

“Jemi në gatishmëri të plotë. Situata është emergjente dhe kërkon masa të menjëhershme parandaluese”, u shpreh Fatmir Ozuni, Shefi i Shërbimit Veterinar në Elbasan.

Drejtoria Rajonale e Shërbimit Veterinar, ka identifikuar tre vatra të reja, përkatësisht dy në Skrapar dhe një në Devoll.

Pavarësisht se Elbasani nuk ka ende vatra aktive, rreziku është real dhe kërkon ndërhyrje të shpejtë për kontrollin e qarkullimit të kafshëve dhe monitorimin e fermave të afërta.

Sipas të dhënave zyrtare, numri i vatrave me murtajë ka arritur në 10, ndërsa numri i fermave të prekura është 12. Deri më tani, për të frenuar përhapjen e virusit, janë asgjësuar rreth 1200 krerë bagëti të imta, kryesisht dele dhe dhi.

“Nëse situata vihet nën kontroll përpara muajit shtator, do të ishte një lajm shumë i mirë për blegtorinë shqiptare”, tha z. Ozuni, duke shtuar se temperaturat e larta ndihmojnë në frenimin e virusit, pasi ai nuk reziston gjatë në ekspozim me diellin.

Sëmundja, e cila ka pasoja të rënda në sektorin e blegtorisë, është tashmë e pranishme në një sërë qarqesh në vend: Shkodër, Dibër, Bulqizë, Tiranë, Korçë, Devoll, Skrapar, Lushnje dhe Gjirokastër, duke krijuar një hartë të gjerë përhapjeje dhe një nevojë urgjente për masa të shtuara kontrolli.

Autoritetet veterinare, u bëjnë thirrje të gjithë fermerëve dhe blegtorëve që të bashkëpunojnë ngushtësisht me shërbimet përkatëse, të raportojnë çdo rast të dyshuar dhe të ndjekin me përpikmëri protokollet e dezinfektimit dhe karantinimit.

The post Alarmi për murtajën e bagëtive/ Ndizen vatrat e infektimit në Jug dhe Veri të vendit appeared first on Albeu.com.

Këngëtari Adrian Gaxha, prej kohësh larg projektorëve dhe skenës muzikore, por duket se ka zgjedhur një tjetër mënyrë për të tërhequr vëmendje, këtë herë jo me një hit veror, por me një “pushim romantik”.

Këngëtari i njohur është fotografuar në jug të Shqipërisë, në shoqërinë e një vajze të panjohur për publikun.

Të dy u panë në momente të afërta, me buzëqeshje të ndërsjella dhe atmosferë relaksi që flet vetë.

Megjithëse nuk ka asnjë konfirmim zyrtar për statusin e tij sentimental, fansat e artistit kanë nisur të dyshojnë për një lidhje të re, sidomos kur Gaxha s’është parë shpesh në dalje publike kohët e fundit.

 

The post Adrian Gaxha shfaqet në jug të Shqipërisë, a është kjo vajza që i ka “rrëmbyer” zemrën? appeared first on Albeu.com.

Fadromat dhe makineritë e rënda janë parë në disa zona turistike, duke ndërhyrë në struktura që sipas autoriteteve janë ndërtuar në mënyrë të paligjshme.

Inspektorati Kombëtar i Mbrojtjes së Territorit (IKMT) ka nisur një operacion në jug të vendit, në kulmin e sezonit turistik, për të shembur ndërtimet pa leje përgjatë vijës bregdetare.

Ndërhyrjet kanë shkaktuar jo pak shqetësim tek pushuesit dhe operatorët turistikë për shkak të zhurmës së fadromave dhe kaosit që shkaktojnë shembjet.

Bizneset lokale shprehin shqetësimin për dëmet ekonomike që mund të sjellë ky aksion në kulmin e sezonit, teksa shumë prej tyre kanë investuar për të mirëpritur turistët.

Ata thonë se këto ndërhyrje duhet të ishin kryer më herët, para se të niste sezoni, për të shmangur ndikimin negativ në turizëm.

 

The post Fadromat shembin ndërtime pa leje mes pushuesve/ IKMT zbarkon në jug mes sezonit turistik appeared first on Sot News | Lajme.

Vendi ynë do të vijojë të ndikohet nga kushte atmosferike të paqëndrueshme. Moti parashikohet me vranësira mesatare deri të dendura si dhe alternime të herëpashershme kthjellimesh kryesisht përgjatë ultësirës perëndimore.

Në zonën e jugut dhe në relievet kodrinore dhe kryesisht malore në lindje të territorit reshje shiu të herëpashershme me intensitet të ulët deri në orët e pasdites. Më pas ka ndërprerje të reshjeve në të gjithë vendin.

Era do të fryjë me drejtim verilindje – veriperëndim me shpejtësi mesatare 8 m/s ndërsa përgjatë vijës bregdetare dhe në zonat luginore hera-herës do të fitojë shpejtësi 10-17 m/s, shoqëruar me valëzimin në dete të forcës 2-4 ballë.

The post Vranësira dhe kthjellime në vend/ Ja si parashikohet moti për ditën e sotme appeared first on Sot News | Lajme.