Policia e Kosovës në dy raste të ndara ka gjetur armë, municion dhe pajisje ushtarake në Leposaviq.

Sipas një postimi në rrjetin social në Facebook bëhet e ditur se në Drejtorinë Rajonale të Policisë Mitrovicë Veri, përkatësisht në Stacionin Policor Leposaviq, më datat 19.12.2025 dhe 20.12.2025, janë iniciuar dy raste për veprën penale “Mbajtje në pronësi, kontroll ose posedim i paautorizuar i armëve”.

"Rasti I, më datë 19.12.2025, rreth orës 22:07, zyrtarë policorë nga Njësia për Ndërhyrje të Shpejtë (NJNSH), gjatë patrullimit në fshatin Rvatska, Komuna e Leposaviqit, në një shtëpi të pabanuar kanë gjetur dhe sekuestruar: një armë gjuetie, një karabinë, një armë të llojit AK-47, 240 fishekë, një palë dylbi".

Tutje në njoftim thuhet se si rrjedhojë e procedurave hetimore, më datë 22.12.2025, zyrtarët policorë në objektet përcjellëse të shtëpisë kanë gjetur dhe sekuestruar edhe: një pushkë ajrore, mekanizëm për barut, një thikë ushtarake, një fotroll për revole.

Po ashtu në njoftim thuhet se lidhur me rastin, të gjitha veprimet janë ndërmarrë në koordinim me Prokurorin e Shtetit, i cili ka udhëzuar inicimin e rastit penal për veprën penale “Mbajtje në pronësi, kontroll ose posedim i paautorizuar i armëve”.

Aktualisht nuk ka persona të arrestuar dhe rasti është në procedurë hetimore.

Ndërsa në rastin e dytë më datë 20.12.2025, rreth orës 06:45, Policia ka arrestuar personin R.R. (1965), pasi gjatë kontrollit në shtëpinë e tij në fshatin Veacev, Komuna e Leposaviqit, janë gjetur dhe sekuestruar: një pushkë gjuetie, një pushkë gjysmë automatike, një bombë dore, dy tromblona, fishekë të kalibrave të ndryshëm, pajisje të ndryshme ushtarake (çantë, xhaketë, thikë, etj).

"Me urdhër të Prokurorit të Shtetit, pas inicimit të rastit, i dyshuari është liruar në procedurë të rregullt. Policia e Kosovës mbetet e përkushtuar në luftimin e posedimit të armëve të zjarrit, duke vepruar në funksion të ruajtjes së rendit, paqes dhe sigurisë së përgjithshme për të gjithë qytetarët pa dallim". /Telegrafi/

Pasditen e sotme rreth orës 14:35, të shtëna me armë zjarri janë regjistruar në qytetin e Kukësit, ku për pasojë kanë mbetur të plagosur dy persona.

Sipas informacioneve paraprake, ngjarja ka ndodhur në një lokal pranë një pallati në zonën e Radio Kukësit.

Sakaq, të plagosur kanë mbetur shtetasit A. C., 36-vjeç, dhe S. K., 65-vjeç.

Policia bën me dije se dyshohet se autorë të plagosjes janë dy vëllezër, shtetasit F. I., 39-vjeç, dhe N. I., 38-vjeç, të cilët janë identifikuar dhe shpallur në kërkim.

Njoftimi:

Rreth orës 14:35, në qytetin e Kukësit, në rrethana ende të paqarta, janë plagosur me armë zjarri shtetasit A. C., 36 vjeç, dhe S. K., 65 vjeç.

Nga hetimet paraprake dyshohet se autorë janë shtetasit F. I., 39 vjeç, dhe N. I., 38 vjeç, (vëllezër), të cilët janë shpallur në kërkim.

Shërbimet e Policisë vijojnë kontrollet me qëllim lokalizimin dhe kapjen e autorëve.

Grupi hetimor ndodhet në vendngjarje dhe nën drejtimin e Prokurorisë, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, për dokumentimin ligjor të rastit.

The post Të shtëna me armë zjarri në Kukës/ Plagosen dy persona, shpallen në kërkim 2 vëllezër appeared first on Albeu.com.

Detaje të reja kanë dalë në dritë nga sulmi me armë zjarri që tronditi Australinë të shtunën, ku 16 persona, përfshirë edhe një fëmijë, humbën jetën në Bondi Beach. Ngjarja e përgjakshme ndodhi në kohën kur në zonë po zhvillohej një aktivitet publik për shënimin e fillimit të festës hebraike Hanukkah, ndërsa policia e New […]

The post Detaje nga masakra me 16 viktima në Australi/ Autorët ishin babë e bir, dyshohen anëtarë të ISIS appeared first on BoldNews.al.

Një person është arrestuar pasi të enjten rreth orës orës 19:00, dyshohet se ka pasur të shtëna me armë zjarri në një fshat të Vushtrrisë.

Sipas një njoftimi për Policisë së Kosovës bëhet e ditur se njësitë policore menjëherë kanë vepruar dhe në vendin e ngjarjes kanë gjetur dy gëzhoja.

“Pas veprimeve hetimore është identifikuar edhe personi i dyshuar i cili është arrestuar dhe te i cili është gjetur një armë gjysme-automatike e cila është sekuestruar në cilës të provave materiale. Pas intervistimit dhe procedurave tjera ndaj të dyshuarit është iniciuar rasti për veprat penale: ’Mbajtje ne pronësi, kontroll apo përdorim i paautorizuar i armës’ dhe ‘Përdorim i armës’, ndërsa i dyshuari me udhëzim të prokurorit është liruar në procedurë të rregullt”, thuhet në njoftim. /Telegrafi/

Të shtëna me armë zjarri janë regjistruar sot në Shkodër. Ngjarja ka ndodhur pranë Stacionit të Trenit teksa forcat e rendit kanë shkuar në vendngjarje pas informacionit të marrë. Sipas raportimeve një person ka kanosur me armë zjarri një 20-vjeçar, duke qëlluar fillimisht në ajër dhe më pas duke u larguar nga vendi i ngjarjes. […]

The post Të shtëna me armë zjarri pranë “Stacionit të Trenit” në Shkodër (Detajet) appeared first on BoldNews.al.

Është zbardhur ngjarja e së premtes mbrëma në lagjen “Vullnetari” të Elbasanit, ku u dëgjuan të shtëna me armë zjarri në drejtim të një banese. Sipas hetimeve, konflikti mes personave të përfshirë ka nisur disa ditë më parë, pas një përplasjeje për motive të dobëta mes E. C. dhe B. B. Gjatë atij incidenti, E. […]

The post Të shtënat me armë zjarri në Elbasan, si u fshinë pamjet e kamerave të sigurisë (Dinamika) appeared first on BoldNews.al.

Një sulm me armë zjarri ka ndodhur një qytetin e Kalifornisë kur një burrë i panjohur hapi zjarr brenda qendrës tregtare Valley Fair Mall. Sipas njoftimit të policisë, nga të shtënat me armë zjarri janë plagosur 3 veta: një burrë, një grua dhe një vajzë 16 vjeçe. Të plagosurit janë dërguar në spital për të […]

The post Sulm me armë zjarri në Kaliforni, plagosen brenda qendrës tregtare tre persona appeared first on BoldNews.al.

Një person është plagosur nga arma e zjarrit pasditen e së shtunës në Fushë-Kosovë.

Rasti është regjistruar në rrugën “Dardania” më 29 nëntor 2025.

Zëdhënësja e Policisë për rajonin e Prishtinës, Flora Ahmeti, ka deklaruar për Telegrafin se njësitet policore kanë dalë menjëherë në vendngjarje, ndërsa deri tani nuk raportohet për të arrestuar në lidhje me incidentin.

“Aktualisht hetuesit policor kanë nisur një hetim lidhur me rrethanat e këtij rasti”, ka deklaruar Ahmeti.

Policia po vazhdon mbledhjen e provave dhe punën hetimore për të sqaruar motivin dhe autorët e mundshëm të ngjarjes.

Të shtëna me armë zjarri janë raportuar mesditën e kësaj të marte në Lushnjë.

Sipas informacioneve paraprake, të shtënat janë regjistruar në afërsi të kthesës së spitalit ndërsa i plagosur ka mbetur 45-vjeçari Julian Sulo, i njohur si “Juli i Pashakos”, rival i bandës së Aldo Bares.

Në vendngjarje janë gjetur gëzhoja, ndërsa policia po punon për identifikimin e autorëve të ngjarjes.

Sakaq, informacione të pakonfirmuara sinjalizojnë se në fshatin Lifaj është gjetur një mjet i djegur, që dyshohet të jetë përdorur nga personat që kanë qëlluar me armë.

Njoftimi i policisë

“Rreth orës 10:40 të datës 11.05.2025 në afërsi të stadiumit në Lushnjë, dyshohet se është plagosur në këmbë me armë zjarri shtetasi J. S., 45 vjeç, i cili ndodhet jashtë rrezikut për jetën.

Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.
Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve.

Grupi hetimor në drejtimin e Prokurorisë po punon për zbardhjen e plotë të rrethanave të ngjarjes”, njofton policia.

.

Ditën e sotme, të shtëna me armë zjarri janë regjistruar në Lushnje. Gjendet e djegur një makinë në fshatin Lifaj në Lushnje.

Dyshohet se automjeti i cili është i tipit Nissan, i përket autorëve të të shtënave të regjistruara pak më parë në afërsi të kthesës së spitalit.

Mësohet tre persona kanë qëlluar drejt një automjeti në lëvizje, megjithatë ende nuk dihet nëse ka persona të plagosur.

Policia ndodhet në vendngjarje dhe po heton për zbardhjen e rrethanave të ngjarjes.

The post Të shtënat në armë zjarri në Lushnje/ Gjendet një makinë e djegur, dyshohet se i përket autorëve appeared first on Albeu.com.

Mëngjesin e sotëm, të shtëna me armë zjarri janë regjistruar në Lushnje. Sipas informacioneve, mësohet se të shtënat janë regjistruar në afërsi të kthesës së spitalit.

Mësohet se tre persona qëlluan me armë zjarri drejt një makine në lëvizje.

Nuk ka ende informacion zyrtar lidhur me motivet e ngjarjes dhe nëse nga të shtënat ka të plagosur apo viktima

Ndërkohë policia ka rrethuar zonën për të kryer hetimet lidhur me ngjarjen.

The post Të shtëna me armë zjarri në Lushnje (Pamje nga vendngjarja) appeared first on Albeu.com.

Ditën e sotme, sipas uniformave blu, dyshohet për të shtëna me armë në Vlorë. Policia ka ngritur pika kontrolli në zonën e Plazhit të Vjetër.

Dyshohet se një person është qëlluar me armë zjarri, në zonën e Plazhit të Vjetër në Vlorë.

Menjëherë pas njoftimit, policia ka nisur kontrollet në terren dhe ka ngritur pika kontrolli në disa zona të qytetit për të bërë të mundur identifikimin e autorit.

Hetimet vijojnë.

The post Të shtëna me armë zjarri në Vlorë, policia ngre pika kontrolli në zonën e Plazhit të Vjetër appeared first on Albeu.com.

Është identifikuar dhe shpallur në kërkim autori i plagosjes me armë zjarri mbrëmjen e së dielës në zonën e njohur si Institut në Tiranë.

Ngjarja ndodhi mbrëmjen e djeshme në rrugën “Ramadan Citaku”, ku u mbeti i plagosur M. J., 40 vjeç.

Policia thotë se falë veprimeve të shpejta hetimore, u bë e mundur identifikimi i autorit të dyshuar të ngjarjes, shtetasit F. F., 36 vjeç, i cili, pas një konflikti për motive të dobëta, rreth orës 22:20 të mbrëmjes së djeshme, plagosi me armë zjarri në këmbë shtetasin M. J. Ky i fundit ndodhet në spital, aktualisht jashtë rrezikut për jetën.

Vijon puna intensive për kapjen e shtetasit F. F dhe dokumentimin e plotë të rastit. Materialet i kaluan Prokurorisë, për veprime të mëtejshme procedurale. /Tch/

Policia vendore e Shkodrës, ka identifikuar dhe arrestuar autorët e ngjarjes së mbrëmshme që qëlluan me armë zjarri dhe goditën me sende të forta shtetasin Edison Tirana.

Efektivët kanë bërë ndalimin e dy vëllezërve Gjovalin Gjekaj dhe Pëllumb Gjekaj, banues në fshatin Pjetroshan të Malësisë së Madhe ndërsa është shpallur në kërkim nipi i tyre.

Këta dy shtetas, dyshohet se kanë qëlluar me armë zjarri pistoletë automjetin e shtetasin Edison Tirana, 42 vjeç banues në fshatin Trush të njësisë Bërdicë në Shkodër dhe më pas e kanë rrahur atë.

Konflikti mes tyre ka nisur që në doganën e Hanit të Hotit për çështje parakalimi. Dy automjetet kanë parakaluar disa herë njëra tjetrën ndërsa kanë bërë edhe një debat fillimisht mes tyre.

Pas parakalimeve, në afërsi të rrethrrotullimit të Koplikut, shtetasit Gjovalin Gjekaj dhe Pëllumb Gjekaj dyshohet se kanë qëlluar me armë zjarri në pjesën e pasme automjetin tip Benz të Edison Tiranës.

42 vjeçari nga plumbat që ka marrë edhe në gomat e makinës ka humbur kontrollin dhe është përplasur me bordurën e një karburanti.

Edison Tirana, ka dalë nga automjeti dhe është futur në një tokë aty afër për t’i shpëtuar ndjekjes së autorëve.

Autorët e dyshuar i janë vënë pas dhe pasi e kanë gjetur në vendin ku tentoi të fshihej e kanë goditur me sende të forta duke i shkaktuar dëme në trup.

42 vjeçari Edison Tirana rreth orës 19:30 u paraqit në spitalin e Shkodrës, ndërsa është jashtë rrezikut për jetën dhe pasi mori mjekim dha dëshminë e tij në polici duke treguar konfliktin që nisi për parakalimin që nga dogana e Hanit të Hotit.

Policia nisi menjëherë punën duke arritur të identifikojë autorët e dyshuar dy vëllezërit Gjovalin dhe Pëllumb Gjekaj ndërsa shpalli në kërkim nipin e tyre.

Efektivët vijojnë punën për zbardhjen e plotë të ngjarjes së ndodhur mbrëmjen e 15 nëntorit.

The post Zbardhet dinamika e atentatit në Shkodër, arrestohen 2 autorët (EMRAT) appeared first on Albeu.com.

A2 CNN ka mësuar se viktimë në atentatin që u regjistrua vetëm 100 metër nga hyrja e aeroportit të Rinasit, ka mbetur Gilmando Dani, krahu i djathtë i Emiljano Shullazit.

Ndërkohë, autorët dyshohet se i kanë vënë flakën automjetit që përdorën për të realizuar atentatin në fshatin Halil të Krujës.

Ndryshe, Emiliano Shullazi është i njohur për policinë kriminale në vend, por veçanërisht në kryeqytet dhe në Durrës. Në këto qytete ai ka qenë i dyshuar për aktivitete të ndryshme kriminale. Për gjatë viteve, Shullazi është akuzuar për krime të ndryshme të rënda që nga vrasjet, shpërthimet me eksploziv, apo trafik dhe shitje e shpërndarje droge, si dhe akuza të tjera në kuadër të grupit të strukturuar kriminal. /

Mesditën e sotme 11 Nëntor 2025, ka pasur të shtëna me armë zjarri pranë aeroportit të Rinas. Dyshohet se ngjarja është një atentat kriminal.

Nga ngjarja raportohet për viktima.

Sipas informacioneve paraprake,  bëhet me dije se është qëlluar me breshëri plumbash drejt një automjeti.

Raportohet se një person ka mbetur i plagosur dhe një tjetër i vdekur.

The post Të shtëna me armë zjarri pranë aeroportit të Rinasit, dyshohet për viktima appeared first on Albeu.com.

Një plagosje me armë zjarri ka ndodhur mbrëmjen e sotme në fshatin Gjormë të bashkisë Selenicë. Sipas informacioneve paraprake, një 35-vjeçar ka mbetur i plagosur rëndë pas një konflikti ende të paqartë. Raportohet se ngjarja ka ndodhur në qendër të fshatit. I plagosuri është transportuar me urgjencë drejt spitalit të Vlorës dhe ndodhet në gjendje […]

The post Të shtëna me armë në Selenicë, plagoset një person appeared first on BoldNews.al.

Mëngjesin e sotëm, një ngjarje e përgjakshme ka tronditur ishullin e Kretës, ku të paktën tre persona kanë humbur jetën dhe rreth 12 të tjerë janë plagosur, si pasojë e të shtënave me armë zjarri në fshatin Vorizia të Heraklionit, Greqi.

Ngjarja e rëndë dyshohet të ketë ndodhur si pasojë e një hakmarrjeje mes dy familjeve, të cilat prej muajsh kanë qenë në konflikt të hapur.

Sipas mediave greke, pavarësisht ndërhyrjes së forcave të shumta policore, lufta mes familjeve vijon ende në zonë, ndërsa raportohet se janë hedhur mbi 2,000 plumba.

Në mesin e viktimave janë dy gra dhe një burrë.

Njëra prej grave dyshohet se ka humbur jetën pas një ataku kardiak nga frika, ndërsa njëri nga dy burrat e vrarë është njëri nga autorët që hapi zjarr.

Të plagosurit janë transportuar me ambulanca në Qendrën Shëndetësore Moira dhe Qendrën Shëndetësore Agia Varvara, të cilat po ruhen nga policia për të shmangur incidente të tjera.

Raportohet se banorët e fshatit, në panik, po ndihmojnë vetë në transportimin e të plagosurve, duke përdorur edhe automjete bujqësore për t’i çuar në spital.

Sipas të dhënave paraprake, konflikti ka nisur që prej një viti, ndërsa përleshja e sotme besohet se është hakmarrje për një shpërthim që ndodhi mbrëmë vonë në një ndërtesë në ndërtim në të njëjtin fshat.

Policia greke konfirmon se një mjet shpërthyes i improvizuar ishte vendosur në ndërtesë, duke shkaktuar dëme materiale, por fatmirësisht pa viktima.

Shpërthimi mendohet të ketë qenë shkaku që ndezi gjakderdhjen e mëngjesit në Vorizia.

The post Të shtëna me armë zjarri në Greqi, 3 viktima dhe mbi 10 persona të plagosur, dyshohet për hakmarrje mes dy familjeve appeared first on Albeu.com.

Hetuesit e Inspektoratit Policor të Kosovës (IPK) kanë nisur veprimet hetimore pas një incidenti që dyshohet të ketë ndodhur dje në një lokal në fshatin Rigjevë të Komunës së Klinës.

Nga hetimet e deritanishme të IPK-së dyshohet, se dy zyrtarët policorë kanë shtënë me armë që dyshohet të mos jetë armë zyrtare (në bazë të provave të gjetura në vendngjarje) dhe të njëjtit janë të dyshuar për veprën penale “Përdorim i armës”.

Lidhur me rastin e njëjtë hetuesit e IPK-së kanë rekomanduar suspendimin edhe të një rreshteri policor të Stacionit Policor të Klinës pasi që i njëjti në cilësinë e pronarit të lokalit me veprimet e tij ka penguar hetimin zyrtar të IPK-së, duke ndikuar në zhvillimin e procedurave dhe mbledhjen e provave në vendin e ngjarjes dhe me këtë rast i njëjti është i dyshuar për veprën penale “Dhënia e ndihmës pas veprës penale”.

Hetuesit e IPK-së në koordinim me prokurorinë kompetente do të ndërmarrin edhe veprime tjera hetimore drejt ndriçimit të të gjitha rrethanave që ndërlidhen me këtë rast./Telegrafi/

Tre persona janë arrestuar pasi që të njëjtit pas një mosmarrëveshje janë fjalosur në mes vete.

Sipas raportit 24 orësh të Policisë së Kosovës bëhet e ditur se ngjarja ka ndodhur të dielën rreth orës 11:50, në Deçan.

Tutje bëhet e ditur se si pasojë njëri nga të dyshuarit, dyshohet se ka shtënë me armë zjarri në ajër.

“Janë arrestuar tre të dyshuar meshkuj kosovarë pasi që të njëjtit pas një mosmarrëveshje janë fjalosur në mes vete. Si pasojë njëri nga të dyshuarit dyshohet se ka shtënë me armë zjarri në ajër”, thuhet në raport.

Po ashtu siç thuhet në raport nga i dyshuari është konfiskuar një pistoletë me karikator dhe dy fishekë.

“Me vendim të prokurorit pas intervistimit një i dyshuar është dërguar në mbajtje, ndërsa dy të tjerët janë liruar në procedurë të rregullt”, thuhet në raport. /Telegrafi/