Fituesja e Çmimit Nobel për Paqen, Narges Mohammadi, 54 vjeç, është shtruar me urgjencë dje në një spital në qytetin Zanjan, pas një përkeqësimi të rëndë të gjendjes së saj shëndetësore. Sipas familjes së saj dhe fondacionit që mban emrin e saj, aktivistja e burgosur për angazhimin e saj në mbrojtje të të drejtave të njeriut në Iran ndodhet ‘në rrezik për jetën’.

Mohammadi, e arrestuar sërish në dhjetor 2025 pas një lirimi të shkurtër për arsye shëndetësore, dyshohet se ka pësuar dy episode humbjeje ndjenje dhe një krizë kardiake. Që në javët e mëparshme, avokatët e saj kishin sinjalizuar një përkeqësim të shpejtë të gjendjes fizike, të përkeqësuar sipas familjarëve nga muaj të tërë mungese të asistencës mjekësore.

Shtrimi në spital ndodhi vetëm pasi mjekët e burgut pranuan pamundësinë për të menaxhuar situatën brenda strukturës penitenciare. Por, sipas familjes, autoritetet iraniane kundërshtojnë transferimin e saj në Teheran, ku ajo mund të trajtohet nga specialistë dhe nga ekipi i saj mjekësor. «Po luftojmë për jetën e saj», deklaroi vëllai i saj, Hamidreza Mohammadi. Edhe bashkëshorti i saj, aktivisti Taghi Rahmani, denoncoi se Ministria e Inteligjencës po pengon marrjen e trajtimit të nevojshëm.

Komiteti Nobel Norvegjez u ka bërë thirrje autoriteteve iraniane të lejojnë menjëherë transferimin e saj në Teheran, duke theksuar se ‘pa trajtim të duhur jeta e saj është në rrezik’ ‘Narges Mohammadi ndodhet në burg vetëm për aktivitetin e saj paqësor në mbrojtje të të drejtave të njeriut’, deklaroi presidenti i Komitetit.

E vlerësuar me Çmimin Nobel për Paqen në vitin 2023, ndërkohë që ishte tashmë e burgosur, Mohammadi është shndërruar në një nga zërat më të rëndësishëm të opozitës civile iraniane, sidomos pas protestave që pasuan vdekjen e Mahsa Amini në vitin 2022.

Pavarësisht gjendjes shëndetësore dhe periudhave të burgimit, ajo ka vijuar të denoncojë shkeljet e të drejtave të njeriut dhe të mbështesë publikisht lëvizjen e protestës kundër Republikës Islamike.

The post Fituesja iraniane e Çmimit Nobel shtrohet në spital, ndodhet në rrezik për jetën appeared first on iconstyle.al.

Detaje tronditëse kanë dalë nga aksidenti i rëndë që u regjistrua rreth orës 14:20 në lagjen nr. 15 të qytetit të Durrësit këtë të diel, ku 57-vjeçari Nikoll Radaçi, i cili po lëvizte me shpejtësi të lartë me mjetin e tij, përplasi tre të mitur që po luanin në lagjen e tyre.

Si pasojë e përplasjes së shkaktuar nga makina që drejtohej nga 57-vjeçari i dehur, dy 10-vjeçarë humbën jetën, ndërsa i treti është transportuar në Tiranë, ku ndodhet nën kujdesin e mjekëve.

Mësohet se ngjarja bëhet edhe më e rëndë për shkak të rrethanave në të cilat ndodhet familja e njërit prej të miturve që humbi jetën.

Sipas mediave, të dy prindërit e tij e kanë marrë lajmin e kobshëm nga Italia, pasi babai i 10-vjeçarit është i sëmurë me kancer dhe po merrte mjekim atje.

Nga ana tjetër, banorët e zonës kanë hedhur akuza ndaj Nikoll Radaçit, i cili, sipas tyre, ishte një person problematik që shpeshherë kryente manovra të rrezikshme në rrugë dhe konsumonte alkool.

Gjithashtu, ata bëjnë me dije se djali i cili mbeti i plagosur është kushëri me njërin prej dy viktimave.

Ende nuk dihet sesi eshte gjendja e te miturit te plagosur, i cili u dergua direkt ne spital.

The post Babai i njërit prej të miturve që humbi jetën në Durrës, i sëmurë me kancer: Po mjekohej në Itali kur mori lajmin e kobshëm appeared first on iconstyle.al.

Ndërsa disa vende europiane kanë vendosur të anulojnë ose shtyjnë koncertet e Kanye West për arsye që lidhen me interesin publik dhe çështje ligjore, Shqipëria po përgatitet të presë një nga eventet më të mëdha muzikore që është tentuar ndonjëherë në vend.

Më 11 korrik, sipas planit, artisti amerikan pritet të performojë në Tiranë, në një koncert për të cilin do të ndërtohet enkas një stadium i përkohshëm, “Eagle Stadium”, në zonën e Kasharit, përgjatë aksit Tiranë-Durrës. Kapaciteti i tij parashikohet të jetë rreth 60 mijë spektatorë dhe vendndodhja është zgjedhur për shkak të aksesit të lehtë nga aeroporti dhe rrugët kryesore.

Ndërkohë, në disa vende situata ka marrë një drejtim tjetër.

Në Mbretërinë e Bashkuar, autoritetet i refuzuan Kanye West autorizimin elektronik të udhëtimit, duke argumentuar se prania e tij nuk ishte në përputhje me interesin publik.

Në Francë, koncerti i planifikuar në Marsejë u shty pa afat, pasi ministri i Brendshëm paralajmëroi se do të shqyrtonte mundësitë për anulim.

Në Poloni, një tjetër koncert u anulua për arsye formale dhe ligjore, ndërsa në Holandë, megjithëse eventi nuk është anuluar, qeveria ndodhet nën presion për të ndjekur të njëjtin shembull.

Në këtë kontekst, Shqipëria po hyn në një territor të panjohur, duke marrë përsipër një organizim me përmasa gjigante. Nëse ky koncert realizohet me sukses, përfitimet mund të jenë të shumëfishta dhe të prekshme në disa nivele.

Së pari, pritet një rritje e menjëhershme e turizmit. Dhjetëra mijëra vizitorë nga rajoni dhe më gjerë mund të mbërrijnë në Tiranë vetëm për këtë event, duke rritur ndjeshëm kërkesën për akomodim, transport dhe shërbime të tjera. Hotelet, apartamentet me qira ditore, restorantet, baret dhe bizneset lokale do të përfitonin drejtpërdrejt nga kjo lëvizje.

Së dyti, ndikimi ekonomik mund të jetë i konsiderueshëm. Përveç biletave, vizitorët shpenzojnë për udhëtime, ushqim, argëtim, transport dhe blerje, duke krijuar një qarkullim të madh parash në ekonomi dhe duke rritur të ardhurat për bizneset dhe shtetin.

Një tjetër përfitim është promovimi ndërkombëtar. Një koncert i Kanye West në Shqipëri do të tërhiqte vëmendjen e mediave dhe rrjeteve sociale globale, duke e vendosur vendin në fokus si një destinacion i ri për evente të mëdha dhe duke rritur profilin e tij turistik.

Gjithashtu, një organizim i suksesshëm do të ndihmonte në pozicionimin e Tiranës si një qytet që mund të presë evente ndërkombëtare të kësaj shkalle, duke hapur rrugën për koncerte, festivale dhe aktivitete të tjera të mëdha në të ardhmen.

Nuk mungon as efekti në punësim. Një event i tillë kërkon qindra, në mos mijëra punonjës të përkohshëm, nga siguria dhe logjistika, te shërbimet teknike, transporti, hoteleria dhe marketingu, duke krijuar mundësi të menjëhershme punësimi.

Në planin kulturor, ky koncert do t’i jepte publikut shqiptar mundësinë të përjetojë nga afër një artist global pa pasur nevojë të udhëtojë jashtë vendit, duke e afruar më shumë Shqipërinë me skenën ndërkombëtare të muzikës.

Por përtej këtyre përfitimeve, a është Shqipëria gati për një event të tillë?

Një stadium i përkohshëm për 60 mijë persona kërkon standarde të larta sigurie, menaxhim të saktë të turmës, dalje emergjence funksionale, plane evakuimi dhe koordinim të plotë mes institucioneve.

Historia ka treguar se kur këto elemente dështojnë, pasojat mund të jenë të rënda.

Në vitin 2021, në festivalin Astroworld në SHBA, 10 persona humbën jetën nga shtypja e turmës.

Në vitin 2010, në Love Parade në Gjermani, 21 persona humbën jetën në një kalim të mbingarkuar.

Në Danimarkë, në vitin 2000, 9 persona vdiqën gjatë një koncerti nga i njëjti fenomen.

Ndërsa në Indiana, në vitin 2011, një skenë e përkohshme u shemb, duke shkaktuar viktima.

Këto raste tregojnë se rreziku nuk është teorik, por real, sidomos kur bëhet fjalë për turma të mëdha dhe struktura të përkohshme.

Shqipëria ndodhet përballë një mundësie të madhe, por edhe një përgjegjësie po aq të madhe. Një koncert i këtij niveli mund të jetë një sukses historik për ekonominë, turizmin dhe imazhin e vendit. Por në të njëjtën kohë, nëse nuk organizohet me standardet e duhura, mund të kthehet në një problem serioz.

A do të arrijë Shqipëria ta përballojë këtë sfidë dhe ta kthejë në një histori suksesi, apo rreziku është më i madh sesa duket?

The post Kanye West i refuzuar në disa shtete të Europës, Shqipëria hap dyert për 60 mijë spektatorë: Shans historik për vendin, por a jemi gati për sfidën? appeared first on iconstyle.al.

Kjo është një nga ato dilema sociale që nuk kanë një përgjigje të prerë “po” ose “jo”. Për disa, është një vijë e kuqe që nuk duhet kaluar kurrë. Për të tjerë, është një situatë që mund të menaxhohet me kujdes, respekt dhe komunikim. Në thelb, gjithçka varet nga konteksti, njerëzit e përfshirë dhe mënyra si trajtohet situata.

Në radhë të parë, rëndësi ka historia mes mikut/mikeshës dhe ish-partnerit/es së tyre. Nëse marrëdhënia ka qenë serioze, e gjatë ose ka përfunduar në mënyrë të dhimbshme, hyrja në një lidhje me atë person mund të shihet si një tradhti emocionale. Ndjenjat nuk zhduken menjëherë dhe për shumë njerëz, kjo mund të krijojë një ndjenjë mungese respekti ose besimi.

Nga ana tjetër, nëse bëhet fjalë për një lidhje të shkurtër, që ka përfunduar pa drama dhe ka kaluar një kohë e gjatë, situata mund të shihet ndryshe. Koha shpesh e zbut ndikimin emocional dhe i jep hapësirë njerëzve të ecin përpara. Megjithatë, kjo nuk do të thotë që gjithçka është automatikisht në rregull.

Komunikimi është çelësi. Nëse po mendon të dalësh me ish-in e një shoku/shoqeje, është e rëndësishme të flasësh hapur me të përpara se të bësh një hap të tillë. Transparenca tregon respekt dhe shmang keqkuptimet. Edhe pse përgjigjja mund të mos jetë ajo që dëshiron, të paktën i jep mundësinë tjetrit të shprehë ndjenjat e tij/saj.

Gjithashtu, duhet të jesh i/e sinqertë me veten: a ja vlen kjo marrëdhënie të rrezikosh një miqësi? Në disa raste, përgjigjja mund të jetë “po”, sidomos nëse ndjenjat janë të forta dhe reale. Por në shumë raste të tjera, një marrëdhënie e re mund të mos ketë të njëjtën peshë si një miqësi e ndërtuar ndër vite.

Në fund, nuk ka një rregull universal. Ka vetëm kufij personalë, etikë dhe ndjeshmëri njerëzore. Ajo që për dikë është e pranueshme, për dikë tjetër mund të jetë e papranueshme. Prandaj, para se të marrësh një vendim, mendo për pasojat, respekto ndjenjat e të tjerëve dhe vendos me maturi nëse kjo është një rrugë që ia vlen të ndiqet.

The post A është ndonjëherë e pranueshme të dalësh me ish-in e një shoku/shoqeje? appeared first on iconstyle.al.

Post Malone ka shtyrë një pjesë të “Big Ass Stadium Tour Part 2” për tre javë në mënyrë që t’i kushtojë kohë përfundimit të albumit të tij të ri, duke shpjeguar se nuk është ende gati të kthehet në skenë. Artisti po i shtyn performancat e tij për tre javë në mënyrë që të përfundojë muzikën e tij të re, duke u kërkuar falje fansave të tij.

Në një postim në Instagram, Malone iu drejtua fansave të tij, duke vënë në dukje se orari i planifikuar nuk ishte i mundur të zbatohej siç ishte planifikuar fillimisht:

“Përshëndetje miq të festës. Më lejoni të filloj duke thënë se shpresoj që të gjithë atje të keni një ditë të mrekullueshme dhe të kaloni kohë me njerëzit që doni. Duke parë orarin pas festivalit Stagecoach, kuptova se ajo që po përpiqeshim të bënim dhe ajo që është e mundur nuk përputhen vërtet.”

Pastaj, duke shpjeguar arsyet e vendimit të tij, ai theksoi se ishte zotuar të prezantonte materiale të reja, diçka që ende nuk është përfunduar: “E vërteta është se ju premtova muzikë të re dhe nuk kam kohë ta përfundoj atë para se të fillojë turneu. Nuk jemi gati për turneun ende, kështu që po marr vendimin ta shtyj atë me rreth tre javë për të përfunduar këtë muzikë. Duke pasur parasysh këtë, u kërkoj ndjesë atyre që planifikonin të vinin në koncertet e pakta që po anulohen. Mezi prisja të argëtoheshim së bashku.”

Post Malone theksoi se ai tashmë po punon në material të ri për një album të dyfishtë, duke shprehur padurimin e tij për t’u rikthyer në performancat live.

The post Post Malone shtyn koncertet për të përfunduar albumin e tij të ri: Nuk jemi ende gati për turneun appeared first on iconstyle.al.

Pas ruspave ja ku vijnë lejet e para të ndërtimit, në një nga zonat më të bukura të Shqipërisë, Thethi në Shkodër, teksa të parët që “shpërblehen” janë një çift që kanë një biznes në atë zonë. Disa muaj më parë, fadroma dhe mjete të rënda të Inspektoriatit Kombëtar të Territorit shkuan në atë zonë, […]

The post Rama “shpërblen” çiftin Aida dhe Petrit Gjeçaj në Theth, u firmos lejen e ndërtimit për resort 4-katësh appeared first on BoldNews.al.

Një incident i rëndë ka ndodhur në burgun e Nigritës në Greqi, ku një i burgosur palestinez dhe një i burgosur nga Iraku humbën jetën pas një përleshje të dhunshme mes dhjetëra të burgosurve. Sipas informacionit të Ministrisë së Mbrojtjes së Qytetarëve, një nga viktimat vdiq në vendngjarje, ndërsa i dyti u dërgua me urgjencë […]

The post Greqi/ Të burgosurit përplasen me njëri-tjetrin në burgun e Nigritës, humbin jetën dy prej tyre appeared first on BoldNews.al.

Një tjetër aksident tragjik ka ndodhur ditën e sotme në Durrës, ku për pasojë ka mbetur i pajetë një person. 45-vjeçari Arben Karamuço, i cili drejtonte një motomjet me 4 goma, ka humbur kontrollin dhe ka dalë nga rruga. Për pasojë Arben Karamuço ka ndërruar jetë, ndërkohë që një grua e cila ishte me të në […]

The post DETAJE nga aksidenti me vdekje te Kepi i Rodonit, 45-vjeçari ra në humnerë/ EMRI appeared first on BoldNews.al.

Një ngjarje aksidentale me vdekje ka ndodhur sot pasdite të Kepi i Rodonit në Durrës. Një person që po eksploronte zonën me një motorr me 4 rrota është rrezuar për shkak të terrenit të vështirë. Nuk dihen ende detaje rreth aksidentit apo identiteti i viktimës.    

The post Aksident me vdekje te Kepi i Rodonit në Durrës appeared first on BoldNews.al.

Një tjetër fundjavë e gjatë që shënon trafik kilometrik në hyrjet dhe daljet e Elbasanit. Thuajse e gjithë unaza e Elbasanit është paralizuar nga trafiku i mjeteve që kthehen nga juglindja, raporton TCH. E njëjta situatë paraqitet çdo fundjavë, të premteve dhe të dielave në kthim. Kulmin e lëvizjeve e shënojnë fundjavat e gjata.

The post Trafik kilometrik në Elbasan, fluks mjetesh që kthehen nga juglindja appeared first on BoldNews.al.

I mituri që mbeti i plagosur nga përplasja me makinë pasditen e sotme në Durrës është transportuar në Spitalin e Traumës. Në një reagim publik, Ministria e Shëndetësisë bën me dije se fëmija ka marrë dëmtime të shumta dhe është në gjendje të rëndë, por koshient. Fatkeqësisht, dy prej fëmijëve të tjerë të kanë humbur […]

The post Aksidenti tragjik/ I mituri u transportua te Trauma, MSH: Në gjendje të rëndë, ka dëmtime të shumta appeared first on BoldNews.al.

Një tragjedi është shënuar sot në lagjen 15 të Durrësit, ku dy fëmijë janë përplasur për vdekje nga një makinë, ndërsa një tjetër i mitur ndodhet në gjendje të rëndë për jetën. Dëshmitarët kanë treguar pë Top Channel momentet e tmerrit në vendngjarje. “Shteti është për të vënë gjobat. Patrullat vënë gjoba në autostrada, nuk […]

The post Aksidenti që u mori jetën dy fëmijëve/ Banorët: Policia nuk na përgjigjej kur e kemi denoncuar appeared first on BoldNews.al.

Shtetet e Bashkuara kanë paralajmëruar kompanitë e transportit detar se mund të përballen me sanksione nëse paguajnë tarifa ndaj Iranit për kalim të sigurt në Ngushticën e Hormuzit, një rrugë kyçe globale për transportin e naftës dhe mallrave.

Paralajmërimi u bë nga Zyra Amerikane e Kontrollit të Aseteve të Huaja (OFAC), e cila theksoi se pagesat ndaj institucioneve shtetërore iraniane janë të ndaluara për personat dhe kompanitë amerikane, ndërsa edhe subjektet jo-amerikane mund të përballen me pasoja ligjore nëse përfshihen në këto transaksione.

Sipas OFAC, rreziku i sanksioneve përfshin jo vetëm pagesat në para, por edhe forma të tjera si asetet dixhitale, shkëmbimet joformale apo donacionet. Agjencia paralajmëroi se do të vazhdojë të synojë sektorët kyç të ekonomisë iraniane, veçanërisht naftën dhe industrinë petrokimike.

Tensionet në rajon kanë çuar në rënie drastike të trafikut detar përmes ngushticës. Nga rreth 3,000 anije në muaj që kalonin zakonisht, tani vetëm disa anije në ditë po e përdorin këtë rrugë, për shkak të kufizimeve iraniane dhe bllokadës detare të vendosur nga SHBA.

Irani ka deklaruar se po mbledh tarifa nga anijet për të garantuar kalim të sigurt, duke pretenduar se të ardhurat janë depozituar në bankën qendrore të vendit.

Nga ana tjetër, Teherani e ka cilësuar bllokadën amerikane si “pirateri”, ndërsa SHBA argumenton se masat synojnë të kufizojnë të ardhurat e Iranit dhe aftësinë e tij për të shmangur sanksionet.

Një tjetër aksident me pasojë vdekje është regjistruar pasditen e kësaj të diele në Durrës, në afërsi të Kepit të Rodonit.

Sipas informacioneve paraprake, shtetasi Arben Karamuço dyshohet se ka humbur kontrollin e mjetit me katër rrota, duke dalë nga rruga. Si pasojë e aksidentit, ai është gjetur pa shenja jete në vendngjarje.

Forcat e policisë dhe grupi hetimor kanë mbërritur në vendin e ngjarjes dhe po punojnë për zbardhjen e plotë të rrethanave që çuan në këtë aksident tragjik.

/ abcnews.al /

Ky është 57 vjeçari që aksidentoi për vdekje dy fëmijë të mitur dhe plagosi rëndë një të tretë.

Aksidenti tragjik ka ndodhur në lagjen nr. 15 në Durrës, ku një automjet ka përplasur tre fëmijë të mitur.

Sipas informacionit zyrtar nga Policia e Durrësit, i mituri i plagosur është transportuar me urgjencë drejt Spitalit të Traumës në Tiranë, ku ndodhet në gjendje kritike për shkak të dëmtimeve të shumta në trup. Ai po merr ndihmë të specializuar mjekësore, ndërsa mjekët vijojnë përpjekjet për stabilizimin e gjendjes së tij.

Ngjarja e rëndë ka tronditur komunitetin lokal, ndërsa rrethanat e aksidentit janë ende nën hetim. Drejtuesi i automjetit, 57-vjeçari Nikolla Rradaçi, është shoqëruar në komisariat për veprime të mëtejshme procedurale.

Ka shkuar në 10 numri i viktimave në Ukrainë nga sulmet e mbrëmjes së kaluar. Zyrtarët në 5 rajonet e sulmuara me raketa nga Rusia kanë raportuar për të paktën 10 viktima dhe 76 të plagosur.

Presidenti ukrainas Volodymyr Zelensky tha se tre cisterna ruse të naftës, një anije luftarake që mbart raketa lundruese dhe një anije patrullimi u goditën në sulme të ndara në dy porte ruse.

Nuk ka detaje për dëmet ndaj anijeve, por Zelensky tha se cisternat ishin pjesë e “flotës në hije” të Rusisë, e përdorur për t’iu shmangur sanksioneve perëndimore të vendosura pas luftës së nisur nga Moska në vitin 2022.

Forcat ajrore të Ukrainës thanë se Rusia lëshoi 269 dronë gjatë natës, por 249 prej tyre u rrëzuan ose u bllokuan. Ato konfirmuan 19 goditje të drejtpërdrejta nga dronët dhe një goditje nga një raketë balistike në 15 vende, si dhe dëme të shkaktuara nga mbetjet që ranë nga një dron.

Zyrtarët ukrainas thanë se tre persona u vranë në incidente të ndara në rajonin e Khersonit, ndërsa nga dy persona humbën jetën në secilin prej rajoneve Odesa, Donetsk dhe Zaporizhzhia, dhe një në rajonin Sumy.

Në të njëjtën kohë, ushtria ruse tha se Ukraina kishte lëshuar të paktën 334 dronë, me rajonin veriperëndimor të Leningradit që u godit rëndë.

Terminalet e eksportit atje dhe në rajone të tjera janë shënjestruar nga Ukraina javët e fundit, në një seri sulmesh të suksesshme ndaj infrastrukturës ruse të naftës, që sipas Kievit kanë shkaktuar humbje eksportesh me vlerë miliarda dollarë.

Të dielën, Zelensky tha se infrastruktura e terminalit veriperëndimor të Primorskut në Detin Baltik, pranë Finlandës, ishte dëmtuar ndjeshëm dhe se një cisternë nafte dhe një anije patrullimi ishin goditur.

Ai shtoi se anija e tretë e goditur ishte një korvetë e klasit Karakurt, e projektuar për të mbartur raketa lundruese Kalibr.

Udhëheqësi ukrainas më herët tha se edhe dy cisterna të tjera nafte u goditën nga dronët ukrainas në hyrje të portit të Novorossiyskut në Detin e Zi.

Sekretari i shtetit amerikan, Marco Rubio, do të udhëtojë për në Romë ditët e ardhshme për një vizitë që thuhet se synon përmirësimin e marrëdhënieve të tensionuara me qeverinë italiane dhe Vatikanin.

Rubio është planifikuar të jetë në kryeqytetin italian të enjten dhe të premten, të cilat do të shënojnë gjithashtu njëvjetorin e zgjedhjes së Papa Leonit XIV në krye të Vatikanit..

Rubio do të takohet me sekretarin e shtetit të Vatikanit, Pietro Parolin, dhe Antonio Tajani, zëvendëskryeministrin dhe ministrin e jashtëm të Italisë. Rubio ka kërkuar të takohet me kryeministren Giorgia Meloni, por kërkesa nuk është pranuar ende.

Sipas raportimeve në Corriere della Sera, udhëtimi i Rubios u njoftua në një letër drejtuar qeverisë italiane nga ambasadori i SHBA-së në Romë, Tilman Fertitta, i cili, sipas gazetës, ka punuar për rindërtimin e “urës” midis dy vendeve në javët që nga sulmi i paprecedentë i Donald Trump kundër Leonit XIV dhe prishjen e mëvonshme të marrëdhënieve me Romën për shkak të luftës në Iran.

Corriere raportoi se vizita e Rubios kishte për qëllim “shkrirjen” e marrëdhënieve të ftohta si me Romën ashtu edhe me Vatikanin, një mision i përshkruar nga gazeta e përditshme si “jo i pamundur, por i ndërlikuar”.

Trump ka paralajmëruar se do të tërheqë mijëra trupa amerikane nga Italia, pasi Roma ka refuzuar përdorimin e një baze ajrore në Siçili nga aeroplanët amerikanë që transportonin armë për luftën.

Një tjetër aksident tragjik ka ndodhur ditën e sotme në Durrës, ku për pasojë ka mbetur i pajetë një person.

Shtetasi Arben Karamuço, i cili drejtonte një motomjet me 4 goma, ka humbur kontrollin dhe ka dalë nga rruga.

Për pasojë Arben Karamuço ka ndërruar jetë, ndërkohë që një grua e cila ishte me të në motomjet, ka arritur të shpëtojë.

The post Përgjaket Durrësi, një tjetër aksident me vdekje te Kepi i Rodonit appeared first on Albeu.com.

Përgjatë rrugëtimit të tyre në “Big Brother VIP Albania”, Mateo dhe Gimbo ndërtuan një nga lidhjet miqësore më solide dhe të komentuara të shtëpisë.

Sidoqoftë, rikthimi në jetën e përditshme duket se ka sjellë një zbehje të ndjeshme të kësaj harmonie.

Zërat për një distancim mes ish-banorëve po gjejnë gjithnjë e më shumë terren, një përfundim i nxjerrë kryesisht nga heshtja e tyre e plotë në hapësirën digjitale.

Mungesa absolute e postimeve të përbashkëta apo ndërveprimeve në rrjetet sociale ka shërbyer si indikatori kryesor për të nxitur aludimet e publikut se kjo miqësi mund të ketë pësuar një krisje pas fikjes së kamerave.

Megjithatë, dyshja vazhdon ta ndjekë njëri-tjetrin në Instagram.

The post Kriset miqësia mes Mateos dhe Gimbos pas mbarimit të BBV, çfarë u bë shkak? appeared first on Albeu.com.

I mituri që mbeti i plagosur nga përplasja me makinë pasditen e sotme në Durrës është transportuar në Spitalin e Traumës.

Në një reagim publik, Ministria e Shëndetësisë bën me dije se fëmija ka marrë dëmtime të shumta dhe është në gjendje të rëndë, për koshient.

“I mituri ndodhet aktualisht në Spitalin e Traumës. Gjendja e tij është e rëndë, pasi ka dëmtime të shumta. I mituri është koshient”, thotë ministria.

Si ndodhi ngjarja

Katër fëmijë kanë qenë duke luajtur në trotuar, kur një automjet i drejtuar nga Nikoll Radaçi ka humbur kontrollin dhe ka përplasur tre prej tyre.

Si pasojë e përplasjes, dy të mitur kanë ndërruar jetë në vendngjarje, ndërsa një tjetër ndodhet në spital në gjendje të rëndë për jetën, nën kujdesin e mjekëve. Njëri prej fëmijëve ka shpëtuar pa lëndime.

Gazetarja Vali Qyrfyçi raporton se drejtuesi i mjetit është larguar nga vendi i aksidentit menjëherë pas ngjarjes, duke braktisur automjetin, por është arrestuar më vonë nga policia.

Burime bëjnë me dije se i dyshuari dyshohet të ketë qenë nën efektin e alkoolit në momentin e aksidentit.

The post I mituri u transportua të Spitali i Traumës, reagon Ministria e Shëndetësisë: Në gjendje të rëndë, ka dëmtime të shumta appeared first on Albeu.com.