Dosja Epstein ka tronditur edhe Ballkanin.

Dokumentet e fundit të publikuara nga Departamenti Amerikan i Drejtësisë si pjesë e hetimit për Jeffrey Epstein zbulojnë akuza tronditëse për përfshirje të mundshme të një shtetasi të Maqedonisë, profesor në Universitetin e Kolumbias – në eksportimin e trurit të njerëzve nga Maqedonia e Veriut me qëllim fundor, eksperimente shkencore në Shtetet e Bashkuara.

Në një email që mban titullin: Ilaçi 50-vjeçar që mund të zgjidhë krizën e vetëvrasjeve në Amerikë, të dërguar me datë 5 shkurt 2019-të, me emër dërguesi dhe marrësi të censuruar, thuhet se nga Maqedonia kanë mbërritur në SHBA rreth 1000 tru njerëzish, disa prej tyre nga persona që kanë kryer vetëvrasje.

Hetimi nuk përmban asnjë informacion nëse familjet e të ndjerëve dhanë pëlqimin e tyre për një përdorim të tillë të organeve, as nëse institucionet shtetërore ishin në dijeni ose dhanë leje për një lëvizje të tillë.

Në emailin e datës 5 shkurt 2019, diskutohen kërkime që lidhen me shkaqet dhe aspektet biologjike të vetëvrasjeve.

Në dokumente përmenden gjithashtu shkencëtarë nga disa universitete të njohura amerikane, duke përfshirë Pittsburgh, Columbia, Neë York dhe Yale.

Në pjesën për Maqedoninë, thuhet se “vendi i vogël ballkanik siguron “material” referuar organit të trurit tek njerëzit, falë një anëtari të fakultetit të Universitetit të Kolumbias i cili vjen nga atje dhe ndihmoi në organizimin e të gjithë procesit”.

Sipas përshkrimit, organet janë dërguar menjëherë pas heqjes, janë transportuar me aeroplan nën eskortë speciale dhe u dërguar me anije në Shtetet e Bashkuara.

Atje, ata kanë përfunduan në kuti speciale, të shënuara me kode, sipas anës së trurit dhe datës së marrjes, pa specifikuar vendin ku organet i nënshtroheshin më pas procedurave eksperimentale.

Këto pretendime tërheqin edhe një herë vëmendjen ndaj rrjetit të kontakteve dhe aktiviteteve të lidhura me Jeffrey Epstein të shtrira në të gjithë botën.

Në gusht 2019, Epstein u gjet i vdekur në qelinë e tij të burgut në Nju Jork dhe vdekja e tij u cilësua zyrtarisht si vetëvrasje, edhe pse rasti i tij vazhdon të gjenerojë polemika dhe dyshime…

Stuhia “Epstein’ ka përfshirë dy ish presidentë të Kosovës: Atifete Jahjaga dhe Behgjet Pacolli.

Ata përmenden repsektivisht në emailet e datës 12 dhe 19 shtator 2012 nga një person me emrin Daniel dërguar Jefrey Epstein.

Emri i presidentes së Kosovës, qëndron sëbashku me emrin e priceshës së Tajlandës, ku sipas personit që dërgon emailin, të dyja do të vizitojnëAmerikën, për shkak të një takimi në Kombet e Bashkuara.

Ish presidentja Jahjaga ka reaguar pas “lakimit” të emrit të saj në këtë dosje.

Sipas ish presidentes lidhja e emrit të saj më dosjen Epstein është e pabazuar dhe e pavërtetë, duke theksuar se me Epstein nuk ka patur asnjëherë asnjë njohje apo kontakti personal gjatë

“Përmendja e emrit tim nga mediat me rastin e dokumenteve të publikuara së fundmi lidhet vetëm me një korrespondencë elektronike të palëve të treta, e cila nuk përbën dhe nuk dëshmon asnjë takim, njohje apo lidhje personale me mua.” thotë ajo.

Një reagim e ka patur edhe Pacolli, emri i të cilit në email shoqërohet me linkun e një video youtube, link i cili është fshirë tashmë nga kjo platformë, por mban shënimin “Kush është Behgjet Pacolli”?

Edhe ish presidenti i malit të zi Milo Gjuklanoviç është përmendur gjatë dosjeve të hapura për hetimin mbi rastin Epstein, specifikisht në mesazhet e këmbyera mes tij dhe ish emisarit të BE për dialogun Kosovë-serbi Miroslav Lajçak. Të njëjtin qëndrim mohues për njohje me të ka mbajtur apo kontakt personal me të ka mbajtur edhe ish presidenti malazez./abcnews.al

20 shkurti, është dita e rrëzimit të mitit të Enver Hoxhës. Por protesta e javës tjetër e Partisë Demokratike, mund të rrëzojë një tjetër mit. Berisha shpalli 10 shkurtin si ditën Pro SPAK.

“Edi Rama ka asgjësuar drejtësinë, ka asgjësuar institucionin e akuzës për faktin e vetëm se nga ky institucion një prokuror guxoi të hetojë dosjen e tij. Ndaj përparësi absolute për çdo orë të ditës tuaj, organizimi sa më i fuqishëm i protestës së 10 shkurtit”,- tha Berisha.

Mesa duket, edhe data nuk është rastësi. Pavarësisht se 10 shkurti, dikur ka qenë festa e Debatikut, ajo përkon në të njëjtën javë me Shën Valentinin. A po nis një romancë e re mes doktorit dhe SPAK? Për momentin, Berisha është i entuziazmuar me sukseset e janarit. Udhëtimi në Strasburg i ka lënë shije të mirë. Rama tha se është në rreth të kuq, mund të shkelë vërtet në Amerikë, por edhe ai nuk shkel dot aty ku shkel doktori. Sali Berisha e shpalli Këshillin e Europës, ekstraterritorialitet të PD-së.

“Unë e di se ky po bën përpjekje të mëdha për të shkuar përsëri, se ky kështu e ka, por do të më falin shqiptarët, por aty nuk ka vend për narkodiktatorë. Në rast se ky synon të shkojë në atë seli, shqiptarët e Francës dhe Gjermanisë do t’i ketë para saj. Po, do të organizohet një nga protestat më të fuqishme”- shtoi Berisha.

Pra në Tiranë, apo Strasburg, Sali Berisha mendjen e ka te rruga. Por jo të gjithë mendojnë si ai. Deputeti i PD-së, Bujar Leskaj, mendon se braktisja e reformave, është autogoli më i madh edhe se i Lulzim Bashës.

“Nëse ne, si PD, nuk i shkojmë deri në fund rishikimit të Reformës Administrativo-Territoriale, i japim një mundësi të dytë qeverisë së sektit Rama për ta deformuar edhe më tej këtë reformë, me efekte tërësisht jashtë interesit të qytetarëve. Gabimi i dytë është gjithmonë më i madh se i pari.”-shprehet Leskaj.

Leskaj nuk ishte në mbledhjen e grupit për t’ia thënë mendimin e tij Berishës. Mungesa ishte pa arsye. Të tjerë munguan me arsye. Disa deputetë kanë ikur në SHBA për Mëngjesin e Lutjeve. Lutja e Gazit nuk dihet, kurse e Belindit me siguri për t’i hequr non gratën. Shanset kësaj radhe që lutjet të dëgjohen, janë më të mëdha. Bashkë me ta, udhëton edhe Albana Vokshi.

Sali Berisha ka reaguar lidhur me kërkesën e bërë nga gjyqtarët në vend që t’u rritet paga, kërkesë kjo që ka përfunduar në Gjykatën Kushtetuese nëse do të pranohet apo jo.

Për Sali Berishën, gjykatesit nuk mund t’i caktojnë pagat vetë, por është kompetencë vetëm e ekzekutivit. Këto deklarata në dukje në të njëjtën linjë me qeverinë Sali Berisha i bëri në zbatim të masës së sigurisë detyrim paraqitje në SPAK.

“Ka dy aspekte, së pari që ai po bën gjithçka që të ndikojë sepse e ka të rëndësishme, por lidhur me pagat dua të them një të vërtetë. Piramida e pagave është kompetencë e ekzekutivit dhe vetëm e tij, përvçse ndërmarrjet publike”,- tha Berisha

Pasi firmosi në SPAK detyrimin për t’u paraqitur, masë sigurie kjo e vendosur ndaj tij për dosjen Partizani, Sali Berisha nuk harroi të sulmonte edhe gjyqtaren e Posacme Irena Gjoka.

“Irena me nockën e saj cilindo që prek i bën me nockë si veten” – tha ai.

Sulmet ndaj Irena Gjokës, Sali Berisha i bëri një dite pasi KLGJ nuk e pranoi nisjen e verifikimit nëse gjyqtarja e GJKKO Irena Gjoka është në kushtet e mos ushtrimit të detyrës apo jo me argumentin se vendimarrja i takon ILD./abcnews.al

Emri i Jeffry Epstein nuk mbeti larg vëmendjes edhe në çmimet Grammy. Prezantuesi i eventit më të madh muzikor të vitit, Trevor Noah, gjatë batutave të tij përmendi pedofilin që ndërroi jetë në burg në vitin 2019, por edhe presidentin amerikan Donald Trump, i cili është përfolur për lidhjet me Epstein.

“Ky është një Grammy që çdo artist e dëshiron  pothuajse aq sa Trump dëshiron Groenlandën. Gjë që ka kuptim sepse, që kur Epstein është zhdukur, ai ka nevojë për një ishull të ri për të kaluar kohë me Bill Clinton”, tha Noah gjatë batutave të tij.

Por këto fjali shkaktuan zemërim te presidenti amerikan Donald Trump, i cili veçse e cilësoi ceremoninë të pashikueshme, kërcënoi dhe me hapa ligjorë.

Trump tha se nuk mund të flasë në emër të Bill Clinton, por ai vetë nuk ka qenë në ishullin famëkeq në Karaibe e madje as nuk është akuzuar për diçka të tillë.

Kreu i shtëpisë së bardhë paralajmëroi padi ndaj Noah, të cilit i kërkoi të kontrollojë mirë faktet që ka.

Më shumë se tre milionë dokumente për Jeffrey Epstein, u publikuan të premtennga Departamenti i Drejtësisë  që përfshinin përmendjen e figurave të shumta të fuqishme, Elon Musk, Bill Gates, Bill Clinton dhe ish-princin Andrew.

Në reagimin e tij Musk tha se kishte refuzuar vazhdimisht ftesat për të shkuar në ishullin e Epstein, edhe pse email-et e këmbyera mes të dyve treguan në fakt se miliarderi kishte kërkuar vetë të bënte vizita të tilla.

Ndërkohë në Britaninë e Madhe skandali ka qenë i madh, ku veç princit Andreë, i përfshirë ka qenë edhe ish ambasadori britanik në Uashington, Peter Mandelson. Ky i fundit dha dorëheqjen nga Partia Laburiste, pasi iu publikuan emaile me Epstein dhe foto intime me një grua të paidentifikuar.

Në dokumentet e bëra publike përmendet edhe princesha e kurorës e Norvegjisë Mette Marit, e cila i kërkonte Epstein këshilla për djalin e saj. Ky i fundit del para gjyqit në Norvegji, ku përballet me akuza të shumta, ndër to edhe përdhunimi. Nëse dënohet, ai rrezikon deri në 16 vjet burg.

Read More...

Duket si një rrufe në qiell të hapur.

Kristiano Ronaldo, heroi i madh i Ligës Profesioniste të Arabisë Saudite, nuk pritet të luajë në ndeshjen e radhës, dhe kjo jo për arsye sportive.

Superylli portugez, siç bëjnë me dije “A Bola” në Portugali, së cilës I referohet “Marka” në Spanjë, ka marrë vendimin personal për të mos dalë në fushë në shenjë proteste.

Flitet për duelin e sotëm Al Nasr-Al Rijad.

Çfarë ka ndodhur?

Kristiano është i zemëruar nga ajo që e quan trajtim të pabarabartë të klubeve kryesore në Arabi.

Të gjithë klubet më të mëdhenj janë pronë e Fondit Publik Saudit, pra janë sikur të jenë shtetërore, veçse portugezi është i zemëruar që Al Hilal lejohet të marrë yllin francez, Karim Benzema, pavarësisht shpenzimit tepër të madh, por Al Nasr nuk shpenzon dot në mënyrë të barabartë.

Benzema kërkoi rrogë më të lartë tek Al Itihad, por nuk e siguroi dot dhe vendosi të largohej.

Al Nasr dhe Al Hilal janë në garë për titull, dhe Ronaldo beson se në Arabi po punohet që ish-kampionia të triumfojë.

Për momentin, skuadra e portugezit është në vend të dytë, me 43 pikë, tre më pak se rivalët blu, ndërsa CR7 synon të fitojë titullin e parë në Arabinë Saudite, diçka që nuk ka mundur ta bëjë që kur transferuar atje në janar 2023.

Po ashtu, synon Këpucën e Artë duke qenë në vend të dytë në këtë renditje me 17 gola, një më pak se anglezi Tonei.

Kështu është kur luan për skuadrën më të madhe. Publiku në “Santiago Bernabeu” vërshëlleu rëndshëm futbollistët e Realit të Madridit, në përfundim pushim të sfidës së La Ligës ndaj Rajo Vajekanos.

Derbi i vogël i kryeqytetit po shkonte si mos më keq, pavarësisht diferencës qiellore mes dy ekipeve, dhe tifozët u zbrazën për të gjitha.

Të mendosh se pjesa e parë u mbyll në avantazh 1-0 pas golit nga Vinisius, por përkrahësit kastilianë nuk ishin aspak të kënaqur.

Nisja e së dytës ishte edhe me zi me golin e shënuar nga miqtë nga Horge De Frutoz që në 49’.

Çfarë ndodhi më pas?

Pasoi një rrëmujë e vërtetë, një kaos ku yjet madrilenë nuk po njihnin i pari të dytin.

Kjo, edhe pse ata vendosën zemrën në fushë dhe arritën fitoren fare në fund.

U desh gjithsesi një penallti, u desh edhe që Rajo të mbetej me 10 lojtarë pasi senegalezi Sis mori karton të kuq në 80’.

Vajekano protestoi shumë për penalltinë që u duk se ishte dhe Mbape nuk gaboi nga 11 metra larg.

Të përditshmet e kryeqytetit gjithsesi, nuk I falën “merengesit”.

“Marka” shkruajti se ndaj Rajos mbretëroi kaosi më absolut, se Reali ishte I shkatërruar emocionalisht, pa rregull e qartësi në fushë, ndërsa ambienti në “Bernabeu” po bëhet gjithnjë e më armiqësor! “Madridi mori frymë me penallti në minutën e 100-të!”

Gazeta tjetër, “AS”, ishte shumë kuptimplotë në titull: Madridi varet në fije të perit! Në foto, dy golshënuesit, Vinisius e Mbape!

Pas nervave, kartonëve të kuq dhe mbi 100 minutash lojë, Reali doli fitues nga dueli I La Ligës.

Pavarësisht kritikave ndaj lojtarëve dhe trajnerit Arbeloa, rekordmenët e titujve janë në vend të dytë në kampionat, vetëm një pikë prapa Barcelonës që kryeson me 55.

Mund të kishte përfunduar shumë keq. Interi rrezikonte ta humbiste në tavolinë ndeshjen e Serisë A në fushën e Kremonezes, dhe paradoksalisht duhet të falenderojë portierin kundërshtar.

Sapo kishte nisur pjesa e dytë, kur një kapsollë apo thjesht një mjet piroteknik u lëshua nga tribuna prapa portës drejt Emil Auderos.

Numri 1 i vendasve pati probleme në vesh dhe në këmbë, por me ndershmërinë absolute vazhdoi ndeshjen.

Nëse do të kishte kërkuar zëvendësimin, zikaltërit rrezikonin humbjen 3-0 në tavolinë.

Këtë shkruan edhe “La Gazeta delo Sport”.

“Interi arratiset dhe falenderon Auderon, – është titulli I saj, – fluturon në +8, një veprim I çmendur I një ultrasi zikaltër!”

Tashmë, pritet që klubi lombard të dënonet me gjobë 50 000 euro ose më shumë, dhe që të të mbyllet tribuna e tifozëve ultras.

Njeriu që bëri këtë veprim u arrestuar ndërsa kishte humbur tre gishta në përpjekje për të hedhur një kapsollë tjetër.

Duke u kthyer tek ndeshja, Interi ia doli me meritë 2-0 dhe ka nisur një shkëputje në krye të renditjes.

Kapiteni Lautaro Martinez që në 16’ dhe polaku Piotr Zielinski në 31’ I dhanë epërsinë që në pjesën e parë dhe suksesi nuk u vu në diskutim.

Kjo, edhe pse Kremoneze u përpoq të tregohej e rrezikshme në momente të caktuara, por Interi ishte shumë më I fortë dhe më I talentuar.

Zikaltërit kryesojnë Serinë A me 55 pikë ndaj 47 të Milanit, por që do të luajë këtë të martë ndaj Bolonjës.

Mund të kishte qenë një duel interesant, edhe pse në distancë. Një Armando Broja përballë Granit Xhakës nuk është diçka që ndodh përditë, veçse sfida mes shqiptarëve mund të presë për një herë tjetër.

Sandërlendi pret Bërnlin sonte në orën 21:00 në Premier Ligën angleze, dhe sulmuesi I Shqipërisë besohet se mund të jetë sërish titullar, ose ndoshta e nis nga stoli, por gjithsesi është pjesë e ekipit.

Broja ka shënuar vetëm një gol këtë sezon në kampionat, por moralin e ka më të lartë pasi kishte dy vjet pa ia dalë mbanë, ndërsa dëmtimet më në fund nuk e kanë shqetësuar.

Vendasit nuk do ta kenë kapitenin e tyre, Granit Xhaka.

Mesfushori zviceran me origjinë shqiptare, që është edhe kapiteni I Zvicrës, ka pësuar dëmtim dhe do të mungojë të paktën edhe 3 javë të tjera.

Ai ka qenë tepër I rëndësishëm për Sandërlendin, me një gol e tre asiste, që do të thotë pjesëmarrje në 25 për qind të rrjetave, por sidomos është dalluar me rolin udhëheqës në fushë.

Pasi mungoi ndaj Uest Hemit, në humbjen 1-3, nuk luan ndaj Bërnlit, e po ashtu humbet vizitën e Sandërlendit në fushën e Arsenalit, pra rastin për të luajtur ndaj ish-ekipit të tij, ku gjithashtu për disa kohë ishte kapiten.

Nuk bën bujë, por mbetet i pazëvendësueshëm.

Berat Gjimshiti pati një tjetër provë në Serinë A kur tregoi veten dhe ndihmoi Atalantën në një moment shumë të vështirë.

Skuadra bergamaske u detyrua të luante me 10 lojtarë praktikisht gjithë ndeshjen në fushën e Komos, pasi mbrojtësi Ahanor mori të kuq që në minutën e 8-të.

Në inferioritet numerik ndaj një ekipi që po tregohet i jashtëzakonshëm në Itali këtë vit, u desh paraqitja më e mirë në mbrojtje.

Kapiteni I Shqipërisë ishte më i miri i mbrojtjes, dhe më i miri i Atalantës pas portierit Karnezeki, që tregoi klas botëror duke pritur penallti, dhe çdo gjë tjetër që I erdhi përballë.

“Eurosport” e konfirmon këtë dhe i jep mbrojtësit nga Presheva notën 6.5, ndërsa Karnezekit I jep vlerësimin 8.

Nuk ka ndryshim “Skaj Sport”, që gjithashtu e dallon shqiptarin me notën 6.5, në një pasdite të vështirë ku loja në mbrojtje shpëtoi Atalantën.

Edhe “gol.com” është në një mendim me mediat e tjera sportive në Apenine, dhe Gjimshiti meritoi 6.5, me Karnezekin dhe Skalvinin që janë pak më mirë se ai.

Ndërkaq, mbrojtësi kuqezi ka lënë pas Rafael Toloin, duke qenë tani lojtari I shtatë me më shumë ndeshje për Atalantën me 315 paraqitje me këtë fanelë.

I duhen edhe 12 ndeshje të tjera për të kapur vendin e tretë dhe për t’u ngjitur në podiumin e të gjitha kohëve.

Nje tjeter vit, nje tjeter ndarje cmimesh Grammy qe do te mbahet mend ne histori. Artisti puertorikan Bad Bunny vendos rekord duke u bere i pari qe fiton kupen per “albumin e vitit” me nje produksion totalisht ne spanjisht. “Debi Tirar Mas Fotos” eshte albumin rekordmen i artistit 31 vjecar i cili me 8 shkurt do te performoj per syte e gjithe botes ne Super Bowl. Ai eshte cilesuar si artisti me i suksesshem i vitit 2025.

Artisti, emri i vertet i te cilit eshte Benito Ocasio, ja dedikoi fitoren e tij emigranteve, ne kuader te protestave te zjarrta ne SHBA kunder agjenteve ICE ne rruge.
Bad bunny rrembeu 3 kupa nga Grammy kete vit.

Kenga e vitit u shpall “wildflower” nga Billie Eilish. Per Eilish, eshte hera e tjeter qe fiton te njejten kategori. Rekordi I vitit u shpall kenga Luther nga Kendrick Lamar dhe SZA, fitorja e te cileve u shpalle me lapsuse nga Cher, qe sapo kishte marr kupen per “Arritje jetesore”.

Kendrick Lamar shton kupen e 27 Grammy ne raftin e tij te fitores, duke lene pas rekordmenin Jay Z, me cmimin “albumi me i mire rap”.
Kengetarja nga Londra, Lola Young, fiton performancen me te mire pop per kengen messy ndersa Lady Gaga “Albumi me i mire pop” per Mayhem. Te dyja performuan respektivisht ne skenen e Grammy.

Olivia Dean u shpall artistja e re e vitit, dhe performoi kengen e saj hit “Man i need”. Ky ishte viti i 68 i ndarjes se cmimeve Grammy. Shfaqja qe zgjati 3 ore u perzantua nga komediani Trevor Noah.

Eshte nata me e madhe per muziken qe kremtohet cdo vit ne Los Angeles. Ceremonia u fokusua me teper ne performanca, sesa ne fjalime. Kete vit, ne shfaqja u ndan veten 9 cmime, 86 te tjerat iu atribuan artisteve ne nje premiere paraprake pergjate 1 shkurtit.

Palestinezët kanë filluar të hyjnë në kalimin kufitar të Rafah, midis Rripit të Gazës dhe Egjiptit, pasi ai u rihap për lëvizjen e njerëzve. Kalimi kufitar ka qenë kryesisht i mbyllur që nga maji i vitit 2024, kur pala palestineze u pushtua nga forcat izraelite.

Rihapja e vonuar prej kohësh është një pjesë kyçe e fazës së parë të planit të armëpushimit të Presidentit të SHBA-së Donald Trump midis Izraelit dhe Hamasit, i cili filloi në tetor. Vetëm dhjetëra njerëz do të jenë në gjendje të kalojnë në të dy drejtimet çdo ditë. Ndihma humanitare dhe mallrat tregtare ende nuk do të lejohen.

Rreth 20,000 palestinezë të sëmurë dhe të plagosur po presin të largohen nga Gaza për trajtim. Raportet izraelite thonë se vetëm 50 pacientë – të shoqëruar nga dy të afërm – do të lejohen të dalin çdo ditë, dhe se 50 nga dhjetëra mijëra njerëz që u larguan nga Gaza gjatë luftës do të lejohen të kthehen.

Organizata Botërore e Shëndetësisë (OBSH) do të mbikëqyrë transferimin e pacientëve nga territori nën kontrollin e Hamasit, duke i transportuar ata me autobus përmes territorit të kontrolluar nga ushtria izraelite në pikën e kalimit, sipas BBC News.

Ministri izraelit i Mbrojtjes, Israel Katz, paralajmëroi se kushdo që kalon Vijën e Verdhë, e cila shënon territorin e kontrolluar nga Izraeli sipas marrëveshjes së armëpushimit, do të “përballet me zjarr”. Kalimi i Rafah-ut do të drejtohet nga mbikëqyrës nga Bashkimi Evropian dhe stafi lokal palestinez, ndërsa Izraeli do të kryejë kontrolle sigurie në distancë.

Të dielën, autoritetet izraelite thanë se një hapje provuese e pikës së kalimit u krye dhe përfundoi. Një zyrtar palestinez i njohur me rregullimet për provën e kalimit i tha BBC-së se rreth 30 anëtarë të stafit palestinez kishin mbërritur në anën egjiptiane të pikës së kalimit, përpara fazës operative.

Plani 20-pikësh i paqes i Trump për Gazën thotë se rihapja e pikës së kalimit të Rafah-ut në të dy drejtimet do t’i nënshtrohet të njëjtit mekanizëm të zbatuar sipas një marrëveshjeje të mëparshme armëpushimi në janar të vitit të kaluar. Përpara se të pushtohej nga Izraeli në vitin 2024, ky vendkalim ishte pika kryesore e daljes për palestinezët që lejoheshin të largoheshin gjatë konfliktit dhe një pikë kyçe hyrjeje për ndihmë humanitare.

Në dhjetor, qeveria izraelite tha se vendkalimi Rafah do të hapej për t’u lejuar palestinezëve të largoheshin nga Gaza. Por Egjipti tha se vendkalimi do të hapej vetëm nëse lejohej lëvizja në të dyja drejtimet, duke mundësuar kthimin e dhjetëra mijëra palestinezëve që ikën nga Gaza.

Hapja e vendkalimit u vonua gjithashtu për shkak se qeveria izraelite e kushtëzoi gjetjen e trupit të pengut të fundit izraelit të vdekur në Gaza nga Hamasi. Javën e kaluar, ushtria izraelite tha se kishte gjetur eshtrat e oficerit të policisë, Sergeant Ran Gvili, në një varrezë në Gazën veriore.

Ai ishte një nga 251 personat e rrëmbyer nga Hamasi dhe aleatët e tij gjatë sulmit të tyre ndaj Izraelit më 7 tetor 2023, i cili vrau rreth 1,200 njerëz. Fushata ushtarake e Izraelit në Gaza, e nisur në përgjigje të sulmit, ka vrarë më shumë se 71,790 palestinezë, sipas ministrisë së shëndetësisë të drejtuar nga Hamasi në territor.

Read More...

Virusi vdekjeprurës Nipah i konfirmuar në Indi, ka ngritur alarmin në gjithë botën për mundësin e përhapjes së një pandemie të dytë, pas atij të COVID-19. Mjekët infeksionistë në QSUT, thonë se deri tani në Shqipëri nuk ka asnjë shenjë të këtij virusi.

“Nqs ka lënë diçka të mirë pandemia është sensibilizimi… Një sëmundje infektive nuk është asnjëherë larg për të ardh te ne. Nuk kemi konstatuar asnjë rast, nëse do vij jemi gati. Ngelet një virus që nuk ndryshon nga aspektet e gripit, ndoshta agresiviteti spikat në grupmoshë të caktuara, megjithatë varet edhe nga popullata. Raste nuk kemi, ende herët për të fol për mortalitetin”, tha ajo.

Virusi, Nipah përhapet nga lakuriqët e natës, të cilët ushqehen me kafshë të tilla si derrat, ndërsa transmetohet te njerëzit nga frutat që ata bien në kontakt. Transmetimi nga njeriu te njeriu nuk është i lehtë, pasi zakonisht kërkon kontakt të zgjatur me njerëzit e infektuar.

Sa i takon simptomave shfaqet me ethe, dhe simptoma të ngjashme me ata të gripit. Ka një rrezikueshmëri të lartë vdekshmërie, 40-75% dhe nuk ka kurë, megjithëse vaksinat në zhvillim janë në fazën e testimit. Ndërsa, vendi ka arritur pikun e virozave dhe të gripit stinorë, rreth 100 pacientë paraqiten në një ditë në urgjencën e infektivit në QSUT për shërbim spitalor. Mjekja infeksioniste Migena Qato, thotë se 30-40 prej tyre, kërkojnë trajtim spitalorë, kjo për shkak të gjendjes së rënduar shëndetësore.

“Virozat edhe gripi janë kryefjala e diagnozave infective këtë periudhë. Shifrat janë shqetësuese, në 24 orë paraqiten me 100 raste. Simptomat janë n ga më të lehtat si temperaturë, dhimbje musuklare, deri tek bronkopneumonia, që kërkon hosoitalizim dhe kujdes të veçantë. 30-40% e tyre tërheqin vëmendjen që në paraqitjen e parë, kërkojn vëmendje për shtrim” u shpreh ajo. 

Sa i takon grupmoshës së shtrimeve spitalore, më të prekur janë të moshuarit dhe të sëmurët kronik.

“Nga adultët, pra 14 vjeç e deri te mosha e tretë. Për shkak të sëmundjeve kronik, të moshuarit mbajn peshën kryesore, por, edhe grupmosha mbi 50-vjeç, për shkak edhe të sëmundjeve të tjera bashkëshoqëruese që mund të kenë. Kjo sjell gjendje të rënduar për ta”, shtoi ajo.

Sipas Institutit të Shëndetit Publik vetëm javën e fundit rreth 18. 500 persona me infeksione në rrugët e frymëmarrjes kanë kërkuar ndihmë mjekësore, ndërsa mjekët vijojnë të apelojnë për marrjen e vaksinës kundër gripit, për ta kaluar sa më lehtë një gjendje gripale./abcnews.al

Arrestohet në Turqi për llogari të shtetit Italian Blendin Doçi, vëllai i Elvis Doçit i njohur si ‘Visi i Pojës’.

Prindër nëse keni blerë këtë qumësht për bebe mos ia jepini  foshnjes tuaj, por kthejeni aty ku e keni marrë.

Bëhet fjalë për  aptamil 1 pronutra me paketim 800 gramë dhe datë skadence 10 nëntorin e  vitit  2026.

Apeli bëhet nga Autoriteti Kombëtar i Ushqimit pas njoftimit nga autoritetet europiane   se  pas kontrolleve të kryera në Gjermani në  këtë  product  është gjetur lëndë toksike.

Substanca cereulide  që prodhohet nga bakteri bacillus cereus  sipas specialistëve shkakton diarre, dhembje barku ndonjëherë dhe ethe të lehta  8 deri në 16 orë pas konsumimit.

“Aktualisht nuk kemi problematika të raportuara,  masë  parandaluese për ta tërhequr”

Ndërkohë   Autoriteti Kombëtar I Ushqimit thotë se  inspektorët në terren, po monitorojnë tregun dhe po tëheqin produktin.

“Sipas të dhënave të deritanishme janë importuar  648 njësi të këtij produkti,  362 në Kosovë dhe 267 njësi janë shpërndarë në rrjetin e zinxhirit të supermarketeve të roman lala. Sasia më e madhe është tërhequr nga tregu.  Kontrollet po vijojnë në Tiranë, Durrës, Vlorë, Lezhë, Shkodër.”  

Sasia e qumështit të bllokuar do të asgjësohet. Pak ditë më parë  Autoriteti Kombëtar i Ushqimit  bllokoi  edhe  një  sasi të qumështit  për foshnje  “NAN 1 OPTIPRO” 800g  që gjeti  në treg. Kompania prodhuese Nestle kërkoi tërheqjen nga tregu  të produktit   si masë parandaluese  pas zbulimit të  bakterit cereluid në fabrikën  në Holandë./abcnews.al

Me urdhër të Prokurorise së Posacme, agjentët e BKH-së kanë ushtruar kontrolle ne ambientet e kompanisë farmaceutike ‘Evita’ sh.p.k,.

Kontrollet janë ushtruar me urdhër të prokurores Dorina Bejko, pas dyshimeve per pastrim parash.

Përvec kompanisë “Evita”, kontrollet mësohet se janë bërë edhe në një banesë, që lidhet kompaninë  “EVita” në zonën e Selitës.

Në mbeshtjetje te agjenteve të BKH-së në kontroole po marrin pjesë dhe forcat e policisë së Shtetit./abcnews.al

Për analistin Frrok Çupi, PD është qenia më e rrezikshme, më e keqe që ka prodhuar Shqipëria politikisht dhe jo politikisht. Në studion e Neës Line në ABC, Cupi u shpreh se PD me Berishën në krye, ka bërë gjithë të zezat ndaj vendit.

“Ka bërë ndaj vendit të gjitha të zezat. Ka disa njerëz që bashkohen te një strumbulluar që quhet Berisha. Kjo situatë e krijuar, ku Berisha edhe një herë u kap në flagrancë nga Europa, sot ka mbledhur të tijët se ka frikë se do vijnë ta burgosin në zyrë, varet cdo u thotë se këta janë të tërë eunukë, i lëpihen. Ca nuk pret prej tyre, mund të nisin sërish me molotove në parlament, duan të mbulojnë krimin me krimin.” U shpreh ai, ndërsa komentoi edhe një herë sjelljen e kreut të PD, një ditë më parë në Parlamentin Europian.

“Sjellja e Berishës dje ne PE, në ato rrethana PE i tha mbylle gojën dhe ik se nuk njohim atë Shqipëri, po na sjell një fyerje të rëndë që nuk e pranojmë. Sot i dërguari i PE e tha shqip është tjetër gjë Shqipëria dhe tjetër gjë ky që hedh baltë në ekrane. Situata e PD ka vdekur, nuk e njeh një politikë normale kudo të jetë, madje as politika e Honolulusë,” -tha Çupi.

Analisti Frrok Çupi komentoi në studion e News Line, vendimin e KLGJ për mos nisur verifik ndaj gjyqtares Irena Gjoka, duke ia kaluar cështjes ILD-së. Çupi e konsideroi cështjen një shpifje të sajuar nga disa organizata ekstremiste të ndaluara në Greqi që në bashëkpunim me Berishën.

“Është një veprim procedurë, normal realisht duket i thjeshtë. KLGj nuk është organ hetimor, mendoni cfarë absurdi ka. Është një mish mash, një konfuzion që dëshmon se këto organe duhet të përparojnë ose të shpallim që nuk ka drejtësi.

Është një punë e sajuar një shpifje e ndërtuar me mjete gjasme ligjore, nga disa organizata ekstremiste të ndaluara në Greqi që në bashëkpunim me Berishën kanë ndërtuar një përrallë të rrezikshme ligjore. Nuk ka patur asgjë që konsiderohet ligjore në raport me këtë gjë. Dëshmon se këtu ka hyrë ai që ka hyrë me molotov, ai që po nxit Shqipërinë në Strasburg”,-u shpreh Çupi./abcnews.al