Një 27-vjeçar është arrestuar nga policia e Shijakut, pasi dyshohet se ka vjedhur një shumë parash dhe sende të ndryshme në një lokal në fshatin Shahinaj. Sipas njoftimit zyrtar, arrestimi u bë pas kallëzimit të pronarit të lokalit për një vjedhje të ndodhur gjatë natës. Pas veprimeve hetimore, policia identifikoi dhe arrestoi në flagrancë shtetasin […]
Vodhi gjatë natës një shumë parash dhe disa sende në një lokal në Shijak, brenda pak orësh identifikohet, kapet dhe vihet në pranga 27-vjeçari, i dyshuar si autor i vjedhjes. 27 vjeçari, dyshohet dhe si autor i disa vjedhjeve të tjera të ndodhura më parë.
Specialistët për Hetimin e Krimeve të Komisariatit të Policisë Shijak, menjëherë pas marrjes së kallëzimit për një rast vjedhjeje në një lokal në fshatin Shahinaj, organizuan punën për identifikimin, kapjen dhe vënien në pranga të autorit të këtij rasti.
Si rezultat i reagimit të menjëhershëm dhe profesional të shërbimeve të Policisë, u identifikia kap dhe u arrestua në flagrancë shtetasi S. D., 27 vjeç, banues në Shijak, I dyshuar si autor i vjedhjes së një shume parash, pije alkoolike dhe cigare në lokalin e një shtetasi në fshatin Shahinaj.
Vijon puna për dokumentimin ligjor të vjedhjeve të tjera që mund të jenë kryer nga shtetasi S. D. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./abcnews.al
Kjo tablo tregon një sistem ndjekjeje ligjore të ngadalshëm dhe të fragmentuar, ku hetimet nuk arritën të parandalojnë ndërtimet, por thjesht i pasuan ato – duke reflektuar më shumë një reagim pas fakti sesa një kontroll të mirëfilltë mbi territorin. Nga ana tjetër Gjykata e Shkodrës si hallka e fundit e sistemit të drejtësisë nuk […]
TIRANË, 9 dhjetor/ATSH/ Atmosfera festive ka mbërthyer qytetin e Shijakut, ku qytetarët dhe veçanërisht fëmijët po shijojnë magjinë e muajit të dhjetorit. Dritat shumëngjyrëshe, fishekzjarret dhe tingujt e muzikës festive kanë mbushur sheshin kryesor të qytetit me gëzim dhe ngrohtësi.
Kreu i Bashkisë, Elton Arbana së bashku me qytetarët, ndezi dritat e bredhit të festave, duke simbolizuar fillimin e festimeve që do të zgjasin gjatë gjithë muajit.
Kryeministri Edi Rama ndau këtë mbrëmje pamje nga festimet pranë sheshit kryesor të qytetit.
Përveç ndezjes së dritave të bredhit, qyteti do të presë një panair të hapur, ku bizneset lokale do të prezantojnë produktet bio të zonës, duke ofruar një mundësi për të shijuar dhe përkrahur prodhimet vendore.
Shijaku po përgatitet për një muaj të mbushur me ngjarje festive, kulturë dhe argëtim për të gjithë banorët. /j.p/
Urdhëri i Stomatologut, nuk të bën stomatolog. Kjo zonjë, e cila pretendon se është dentiste profesioniste, quhet Genta Elezi Shaholli dhe ka një klinikë stomatologjike në qytetin e Shijakut. Dhe me një fjali të vetme, sapo na vërtetoi se në qarkullim ka mjekë dhe klinika stomatologjike jashtë juridiksionit të Urdhrit të Stomatologut. Në realitet, përpara […]
Një 61-vjeçar është gjetur i pajetë në banesën e tij në Shijak në fshatin Çizmeli. Burime zyrtare nga policia bënë me dije se bëhet fjalë për shtetasin me inicialet T. B. Paraprakisht dyshohet se 61-vjeçari ka humbur jetën prej shkaqeve natyrale. “U gjet trupi i pajetë i shtetasit T. B., 61 vjeç, në banesën e […]
Një 54-vjeçar me banim në Torino është arrestuar në Shijak pasi ka tentuar të vidhte dy automjete, ndërsa në një makinë tjetër vodhi sende me vlerë. Raportohet se i arrestuari është shtetasi M. S., 54 vjeç, banues në Torino, Itali. Sakaq, nga veprimet hetimore, rezultoi se ky shtetas kishte vjedhur sende me vlerë edhe në […]
TIRANË, 26 nëntor/ATSH/ Këshilli i Ministrave ka vendosur sot shpalljen e disa zonave në bashkinë Shijak si “zona me përparësi zhvillimin e ekonomisë malore”, një masë e rëndësishme që synon të nxjerrë në pah potencialin ekonomik dhe turistik të territoreve malore të kësaj bashkie.
Sipas vendimit, zonat zhvillimore përfshijnë njësitë administrative Maminas dhe Gjepalaj dhe shtrihen rreth rezervuarëve kryesorë të zonës, përkatësisht Rubjek 1 dhe 2, Karrec, Karpen, Metallë, Callikës, Çizmelisë, Shtrazës dhe Terzies. Sipërfaqet e këtyre zonave variojnë nga 1,4 hektarë deri në 169,56 hektarë, sipas hartave të sistemit KRRGJSH, të paraqitura mbi ortofoto dhe të bashkëlidhura vendimit.
Konkretisht, zona më e madhe zhvillimore është Rubjek 2 në njësinë administrative Maminas, me 169,56 ha, ndërsa zona më e vogël është rezervuari i Metallës, me 1,4 ha.
Të gjitha këto zona janë të përcaktuara me kujdes për të mundësuar zhvillimin e aktiviteteve të ndryshme ekonomike, duke përfshirë investime në sektorin industrial dhe atë turistik.
Shtrirja, kufijtë dhe pikat e hyrjes dhe daljes së këtyre zonave përcaktohen në hartën treguese, duke mundësuar monitorim dhe menaxhim efektiv të zhvillimeve në terren.
Specialistët për Hetimin e Krimit në Komisariatin e Policisë Shijak, menjëherë pas kallëzimit të marrë për një person që kishte kryer marrëdhënie seksuale me dhunë në një banesë të braktisur në fshatin Pjezë, me një shtetase që vuan nga shëndeti mendor, organizuan punën për kapjen e tij.
Me këtë rast policia arrestoi shtetasin H. G., 44-vjeç, banues në Pjezë të Njësisë Administrative Xhafzotaj, Shijak, ndërsa gjatë kontrollit në banesën e tij u gjetën dhe u sekuestruan në cilësinë e provës një shkop gome dhe një armë gjahu pa leje.
Materialet procedurale i kaluan Prokurorisë së Rrethit Gjyqësor Juridiksionit të Përgjithshëm Durrës, për veprat penale “Kryerja e marrëdhënieve seksuale me dhunë me të rritura, me persona të paaftë për t’u mbrojtur”, “Mbajtje pa leje të organeve kompetente të armëve të gjahut” dhe “Mbajtje pa leje të organeve kompetente të armëve të ftohta”.
Një ngjarje e rëndë ka ndodhur në Shijak ku një vajzë 18-vjeçare, e cila sipas familjarëve vuan nga probleme të shëndetit mendor, është përdhunuar nga një 44-vjeçar. Denoncimi në polici është bërë nga familjarët ndërsa si rezultat, u arrestua shtetasi H. G., 44 vjeç, banues në Pjezë të Shijakut. Gjatë kontrollit të banesës së tij, […]
SHIJAK- Një 27-vjeçar është arrestuar nga policia për vjedhje në disa biznese. Pas hetimeve janë zbardhur dhe dokumentuar tre vjedhje në market dhe në dy biznese.
“Nga veprimet hetimore ka rezultuar se ky shtetas dyshohet të jetë edhe autori i tre vjedhjeve të kryera më herët në biznese të ndryshme në zonën e Shijakut, ku ka vjedhur shuma parash dhe sende me vlerë dhe aksesorë të ndryshëm, në market dhe në dy biznese në fshatrat Borak dhe Xhafzotaj të Shijakut. Në bashkëpunim me Prokurorinë vijon puna për zbardhjen dhe dokumentimin me prova ligjore të disa rasteve të tjera të vjedhjes që dyshohet se janë kryer nga ky shtetas. Në cilësinë e provës materiale, këtij shtetasi i janë sekuestruar rrobat e përdorura gjatë kryerjes së vjedhjeve”, thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhje”.
Një 49-vjeçar ka rënën në prangat e policisë në Shijak. Sipas raportimeve, F.K., ka goditur me grusht mjekun e Radiologjisë.
Shkaqet dhe rrethanat e konfliktit janë ende të paqarta ndërsa policia i ka vënë prangat 49-vjeçarit që dhunoi mjekun A.D., 34 vjeç.
Njoftimi i Policisë
Specialistët për Hetimin e Krimeve në Komisariatin e Policisë Shijak arrestuan në flagrancë shtetasin F. K., 49 vjeç, banues në Shijak, pasi në Qendrën Shëndetësore Shijak, në godinën e Radiologjisë, ka goditur me grusht, mjekun A. D., 34 vjeç.
TIRANË, 16 tetor/ATSH/ Katër familjet e fundit që kishin mbetur të pastreha nga tërmeti i vitit 2019 në Shijak janë sistemuar përfundimisht në banesa të reja, duke shënuar mbylljen e plotë të procesit të rindërtimit në këtë bashki.
Që prej vitit 2021, rreth 1600 familje janë strehuar në shtëpi të reja, ndërsa mbi 3000 familje të tjera kanë përfituar nga rikonstruksioni i banesave të tyre të dëmtuara.
Katër familjet e mbetura jashtë këtij procesi u sistemuan në apartamente të reja të ndërtuara nga Fondi Shqiptar i Zhvillimit, pasi më herët nuk zotëronin truall të mjaftueshëm për zbatimin e projektit.
Kryebashkiaku i Shijakut, Elton Arbana theksoi se ky hap përmbush zotimin e bërë që askush të mos mbetet pa strehë. Ai nënvizoi se pas rindërtimit nuk qëndron vetëm procesi fizik i ndërtimit të banesave të reja, por një histori rikthimi dinjiteti dhe shprese, ku familjet përfitojnë falas një shtëpi më të madhe dhe më të sigurtë se ajo që kishin më parë.
Mbështetja për familjet në nevojë në Shijak do të vijojë edhe më tej.
Qeveria shqiptare dhe bashkia Shijak e kanë prioritet përfundimin e çdo procedure për familjet që janë të kualifikuara sipas sistemit të pikëzimit dhe vendimeve të Këshillit Bashkiak, në mënyrë që të certifikohen dhe të përfitojnë banesën si të pastreha.
Në kuadër të vizionit për zhvillimin e Shijakut, janë planifikuar një sërë investimesh të reja, si rivitalizimi i lumit Erzen, asfaltimi i rrugëve në çdo fshat, si dhe ndërtimi i aksit nga Ura e Ardhishtes deri në njësinë administrative Gjepalaj. Këto ndërhyrje synojnë përmirësimin e cilësisë së jetës dhe zhvillimin e qëndrueshëm të qytetit. /j.p/
Policia e Shtetit ka bërë të ditur se ka arrestuar një 37-vjeçar në Shijak, i cili ishte me rrezikshmëri të lartë shoqërore, i akuzuar si pjesëtar i një grupi kriminal për krime kundër personi.
Në banesën ku fshihej 37-vjeçari, Policia gjeti dhe sekuestro një armë zjarri pistoletë me municion luftarak.
“0Në vijim të punës për lokalizimin, kapjen dhe ndalimin e personave të shpallur në kërkim, strukturat operacionale të Policisë, bazuar në informacionet e siguruara në rrugë operative, për një shtetas në kërkim, me rrezikshmëri të lartë shoqërore, organizuan dhe finalizuan operacionin policor të koduar ‘Ghosts’.
Në kuadër të operacionit, Forcat Operacionale të DVP Durrës, në bashkëpunim me DFPO dhe Forcat Speciale “RENEA”, në afërsi të Liqenit të Thatë, kapën dhe vunë në pranga shtetasin E. A. alias A. A., 37 vjeç, banues në Shijak”, thuhet në njoftim.
Ky shtetas akuzohet nga GjKKO-ja, për veprat penale "Vrasja me paramendim", kryer për hakmarrje, "Pastrimi i produkteve të veprës penale ose veprimtarisë kriminale", të kryera në kuadër të grupit të strukturuar kriminal, si dhe “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale iu referuan SPAK-ut, për veprime të mëtejshme. /Telegrafi/
Një program i koduar mesazhesh që kriminelët besonin se ishte i padepërtueshëm, që prej vitit 2023 po rezulton të jetë çelësi për të goditur grupe të rrezikshme kriminale. Për të arrestuar persona që konsideroheshin të paprekshëm. E për të zbardhur vrasje, dosjet e të cilave ishin pluhurosur në arkivat e Policisë, me siglën “pa autor”. […]
SPAK ka ndërmarrë një operacion të gjerë këtë të enjte në Durrës dhe Shijak, duke çuar në pranga disa persona të përfshirë në veprimtari kriminale të strukturuar. Mes të arrestuarve është edhe Enea Kume, vëllai i deputetit të Partisë Socialiste, Loer Kume.
Sipas informacionit zyrtar të bërë publik nga SPAK, operacioni është zhvilluar në zonën e Gjirit të Lalzit dhe ka pasur në fokus një grup të strukturuar kriminal, i cili dyshohet për përfshirje në veprimtari të rënda kriminale, përfshirë vrasje me pagesë dhe tjetërsim pronash.
Gjatë operacionit janë ekzekutuar gjithsej 9 masa sigurie për veprat penale të “falsifikimit të dokumenteve” dhe “pjesëmarrjes në grup të strukturuar kriminal”.
Përveç Enea Kumes, në mesin e personave të arrestuar janë edhe vëllai i Aleksandër Laho, i njohur ndryshe si “Rrumi i Shijakut”, si dhe Vullnet Muça të dy të njohur për lidhjet me aktivitete kriminale në zonën e Durrësit.
Hetimet mbi këtë rast vijojnë nën drejtimin e Prokurorisë së Posaçme kundër Korrupsionit dhe Krimit të Organizuar (SPAK), ndërsa priten të tjera zhvillime në vijim.
Njoftimi i SPAK:
SPAK godet një grup të strukturuar kriminal të përfshirë në vrasje me pagesë, përvetësim të pronës shtetërore përmes falsifikimit
Prokuroria e Posaçme kundër Korrupsionit dhe Krimit të Organizuar në kuadër të procedimit penal nr. 235/1, të regjistruar më datë 30.6.2023, po zhvillon hetime të thelluara në lidhje me disa vepra penale me rrezikshmëri të lartë, të kryera në bashkëpunim të posaçëm në formën e grupit të strukturuar kriminal.
Hetimi i kryer në bashkëpunim të ngushtë me Europol, Eurojust, si dhe autoritetet ligjzbatuese të Francës mundësoi zbardhjen e një skeme të organizuar kriminale e përfshirë në:
-Vrasje me paramendim e kryer për hakmarrje, përfshirë dhe mbajtjen pa leje të armëve të zjarrit;
-Falsifikimi i dokumenteve dhe korrupsioni aktiv i personave që ushtrojnë funksione publike, kryer më shumë se një herë.
Hetimet u përqëndruan tek disa shtetas shqiptarë, të përfshirë në organizimin dhe realizimin e vrasjes në territorin e Republikës së Shqipërisë për qëllime hakmarrjeje. Personat e përfshirë duke bashkëpunuar me njëri tjetrin kanë arritur të sigurojnë infrastrukturën e nevojshme me: Automjete me qira, armë zjarri, banesa si dhe të kryejnë mbikeqyrje të vazhdueshme me qëllim realizimin e vrasjes.
Gjatë hetimeve intensive të kryera nga hetuesit e Byrosë Kombëtare të Hetimit (BKH), nën drejtimin e prokurorëve të posaçëm është dokumentuar aktiviteti kriminal si dhe identifikimi i disa prej autorëve të dyshuar të veprës penale të vrasjes, me paramendim me qëllim hakmarrjen, në formë e grupit të strukturuar kriminal si dhe autorëve që kanë kryer falsifikimin e dokumenteve të regjistrimit të pasurive të paluajtshme, të kryera në formën e grupit të strukturuar kriminal.
Identifikimi i autorëve të dyshuar për vrasjen për hakmarrje të shtetasit, E.B më datë 21.1.2021, në qytetin e Durrësit. Veprimet e kundraligjshme të vrasjes me paramendim për hakmarrje, mbajtjes pa leje dhe prodhimit të armëve, janë kryer në kuadër të një grupi të strukturuar kriminal. Si drejtues i grupit të strukturuar kriminal dhe si porositës i vrasjes për hakmarrje dyshohet të jetë shtetasi A.B. (alias A.A), në shenjë hakmarrjeje për tentativën për të vrarë nipin e tij, E.A. (alias A.A). Gjithashtu si drejtues dhe koordinator i grupit të strukturuar kriminal, dyshohet të jetë shtetasi, E.A. (alias A.A), si ndihmës dyshohet të jetë shtetasi E.K., ndërsa si ekzekutor dyshohet të jenë shtetasit, E.D dhe A.D. Në lidhje me këtë fakt po hetohet për identifikimin e personave të tjerë, të cilët mund të jenë të përfshirë në këtë ngjarje kriminale.
Gjithashtu nga provat e administruara rezulton se shtetasi, A.L., në rolin e krijuesit, drejtuesit dhe organizatorit, ka krijuar një grup të strukturual kriminal, me synimin për kryerjen e veprimtarisë së kundërligjshme të falsifikimit të dokumenteve, ku pjesëtarë të këtij grupi të strukturuar kriminal janë shtetasit; V.M, (alias V.K); A.B, V.B dhe shtetas të tjerë të paidentifikuar. Keta shtetas dyshohet se kanë falsifikuar dokumente, lëshimi i të cilave bëhet vetëm nga institucioni i Kadastrës në Këshillin e Qarkut Durrës, komisioneve të ndarjes së tokës në fshatrat, Lalëz, Shetaj, Bizë dhe Kërtushaj të rrethit Durrës si dhe të ish Zyrës Vendore të Regjistrimit të Pasurive të Paluajtshme, Durrës. Mekanizmi i përdorur nga anëtarët e këtij grupi të strukturuar kriminal përfshin falsifikimin e plotë të Akteve të Marrjes së Tokës në Pronësi (AMTP), falsifikimin e pjesshëm të AMTP-ve origjinale, përmes shtimit të numrit të parcelave, prodhimin e dokumenteve të falsifikuar dhe futjen ilegalisht të tyre në arkivën e ish ZVRPP Durrës, duke i paraqitur si vendime të Komisionit të Verifikimit të Titujve të Pronësisë pranë Këshillit të Qarkut Durrës, heqjen e fletëve të regjistrave të kartelave të pasurisë në volum, ku kanë qenë të regjistruara prona të zërit kadastral “Pyll” dhe “Pa frut” dhe zëvendësimin e tyre me fletë të reja të falsifikuara në formë dhe përmbajtje, ku pasqyronin të regjistruara pasuri të zërit kadastral “Arë”, prodhimin e dokumenteve tërësisht të falsifikuar të praktikës së rivlerësimit të pasurisë, me qëllim hapjen e rrugës për të kaluar në fazën tjetër që ishte transferimi i pronësisë përmes aktit të shitjes apo aktit të dhurimit, etj. Pasuritë e regjistruara në kundërshtim me ligjin, regjistroheshin në emrin e fshatarëve të fshatrave Lalëz, Draç, Bizë dhe Shetaj, të cilët në pjesën më të madhe të rasteve nuk kishin dijeni se ishin pronarë të këtyre pasurive. Të gjitha këto veprime janë kryer me qëllimin e vetëm, realizimi i përfitimit të paligjshëm përmes shitjes së këtyre pasurive te individë apo kompani të interesuara për investime në zonën bregdetare Lalëz dhe Shetaj (Rëra e Bardhë dhe Kepi i Rodonit).
Pas kërkesës së Prokurorisë së Posaçme Kundër Korrupsionit dhe Krimit të Organizuar, me anë të vendimit nr.97, më datë 1.10.2025, Gjykata e Posaçme Kundër Korrupsionit dhe Krimit të Organizuar ka caktuar masën e sigurimit “arrest në burg”, parashikuar nga neni 238 i Kodit të Proçedurës Penale ndaj shtetasve shqiptarë:
A.L, i dyshuar për veprat penale: a. “Falsifikimi i dokumenteve”, me shume se nje here, kryer në formë të veçantë të bashkëpunimit atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 186/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/1 i Kodit Penal.
2. V.M, i dyshuar për veprat penale: a. “Falsifikimi i dokumenteve”, më shumë se një herë, kryer në formë të veçantë të bashkëpunimit, atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 186/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/2 i Kodit Penal. c. “Korrupsioni aktiv i personave që ushtrojnë funksione publike” dhe “Korrupsion aktiv i dëshmitarit, ekspertit apo përkthyesit”, dhe i kryer në bashkëpunim, parashikuar nga nenet 244 dhe 312 të Kodit Penal.
3. A.B, i dyshuar për veprat penale: a. “Falsifikimi i dokumenteve”, më shumë se një herë, kryer në formë të veçantë të bashkëpunimit, atë të grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 186/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/2 i Kodit Penal.
4. V.B, i dyshuar për veprat penale: a. “Falsifikimi i dokumenteve”, kryer në formë të veçantë të bashkëpunimit, atë të organizatës kriminale dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 186/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/2 i Kodit Penal.
5. E.A, i dyshuar për veprat penale: a. “Vrasje me paramendim”, kryer per hakmarrje, në dëm të shtetasit E.B alias I. K në datën 24.01.2021 në qytetin e Durresit, kryer në formë të veçantë të bashkëpunimit, atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 78/2, 28/4 dhe 334 paragrafi i dytë të Kodit Penal. b. “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë të bashkëpunimit atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 278/1, 28/4 dhe 334 paragrafi i parë të Kodit Penal. c. “Grupi i strukturuar kriminal”, parashikuar nga neni 333/a/1 i Kodit Penal
6. A.B, alias A.A dhe A.S, i dyshuar për veprat penale: a. “Vrasje me paramendim”, kryer për hakmarrje, në dëm të shtetasit Edmir Bregu alias Ilir Kuçi (Maloku) në datën 24.01.2021 në qytetin e Durrësit, kryer në formë të veçantë të bashkëpunimit, atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 78/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/1 i Kodit Penal.
7. A.D, i dyshuar për veprat penale: a. “Vrasje me paramendim”, kryer për hakmarrje, në dëm të shtetasit Edmir Bregu alias Ilir Kuçi (Maloku) në datën 24.01.2021 në qytetin e Durrësit, kryer në formë të veçantë të bashkëpunimit, atë të grupit të strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 78/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/2 i Kodit Penal. c. “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë të bashkëpunimit atë të grupit te strukturuar kriminal dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/4 dhe 334, paragrafi i parë të Kodit Penal.
8. E.K, i dyshuar për veprat penale: a. “Vrasje me paramendim”, kryer per hakmarrje, në dëm të shtetasit Edmir Bregu alias Ilir Kuçi (Maloku) në datën 24.01.2021 në qytetin e Durrësit, kryer në formë të veçantë të bashkëpunimit, atë të grupit te strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 78/2, 28/4 dhe 334 paragrafi i dytë të Kodit Penal. b. “Grupi i strukturuar kriminal”, parashikuar nga neni 333/a/2 i Kodit Penal. c. “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë të bashkëpunimit atë të grupit te strukturuar kriminal dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/4 dhe 334, paragrafi i parë të Kodit Penal.
si dhe masën e sigurimit “Ndalimi i daljes jashtë shtetit” për shtetasen E.A, e dyshuar për veprën penale:
a. “Fallsifikim i dokumenteve”, kryer nga personi që ka pë detyrë të lëshojë dokumentin, parashikuar nga neni 186 paragrafi i tretë i Kodit Penal.
Prokurorët e Posaçëm kanë nxjerrë urdhërat e ekzekutimit të masave të sigurimit më datë 1.10.2025.
Zbatimi i masave të sigurimit ndaj shtetasve V.M, E.K, V.B, A.B dhe E.A, është bërë i mundur nga hetuesit e BKH-së dhe strukturat e Drejtorisë së Përgjithshme të Policisë së Shtetit, ndërsa po vazhdojnë kërkimet për të dyshuarit A.L, E.A, A.B dhe A.D.
Në zbatim të vendimit nr. 614 datë 1.10.2025, u bë sekuestrimi preventiv i 11 (njëmbëdhjetë) pasurive me sipërfaqe totale 254.300 m², në zonën bregdetare të fshatit Shetaj, Durrës.
Falenderojmë Drejtorinë e Përgjithshme të Policisë së Shtetit dhe BKH-në për profesionalizimin e treguar dhe bashkëpunimin e ngushtë në fazën e ekzekutimit të vendimeve të gjykatës.
Falenderojmë veçanërisht Europol, Eurojust, autoritetet gjyqësore të Republikës së Francës dhe autoritetet ligjzbatuese të Belgjikës, Holandës dhe Gjermanisë për bashkëpunimin intensiv dhe kontributin e tyre, gjatë hetimeve të këtij procedimi penal si dhe në zbatimin e masave të sigurimit personal.
Një aksident me pasojë vdekje e një personi ka ndodhur në Shijak mbrëmjen e 22 shtatorit.
Sipas informacioneve paraprake, mësohet se rreth orës 23:55, në segmentin rrugor “Katër Rrugët e Shijakut”, fshati Pjezë, automjeti tip Volkswagen me drejtues një 19 vjeçar, banues në Shijak, është përplasur me automjetin tip Ford me drejtues një, 26 vjeçar, banues në Sukth, Durrës.
Për shkak të plagëve të marra, 26-vjeçari ka humbur jetën në vendngjarje.
Ndërsa i plagosuri është transportuar në spital për ndihmë mjekësore, nën mbikëqyrjen e shërbimeve të Policisë, pasi do të vijojnë veprimet procedurale për aksidentin e ndodhur.
Grupi hetimor vijon punën për zbardhjen e rrethanave dhe shkaqeve të aksidentit./abcnews.al
Një aksident i rëndë me vdekje ka ndodhur rreth mesnatës në segmentin rrugor “Katër Rrugët e Shijakut” në fshatin Pjezë.
Policia njofton se një automjet i drejtuar nga një 19-vjeçar është përplasur me një tjetër automjet me drejtues një 26-vjeçar. Për pasojë ky i fundit ka ndërruar jetë në vendngjarje.
“Rreth orës 23:55, në segmentin rrugor “Katër Rrugët e Shijakut”, fshati Pjezë, automjeti tip Volkswagen me drejtues shtetasin F. R., 19 vjeç, banues në Shijak, është përplasur me automjetin tip Ford me drejtues shtetasin G. K., 26 vjeç, banues në Sukth, Durrës. Si pasojë, shtetasi G. K. ka humbur jetën në vendngjarje”.
Sipas Policisë 19-vjeçari është transportuar në spital për ndihmë mjekësore.
“Ndërsa shtetasi F. R. është transportuar në spital për ndihmë mjekësore, nën mbikëqyrjen e shërbimeve të Policisë, pasi do të vijojnë veprimet procedurale për aksidentin e ndodhur".
Grupi hetimor vijon punën për zbardhjen e rrethanave dhe shkaqeve të aksidentit. /A2/
Fadil alias Julian Balla, i shpallur në kërkim nga SPAK si pjesë e grupit Çopja në Elbasan, rezulton pronar i disa bizneseve. Jo vetëm kompleksi Ajman Park, i sekuestruar nga SPAK, por Julian Balla është gjithashtu pronar i kompanisë AMR shpk, e cila vetëm pak muaj më parë fitoi një tender me vlerë 1.2 miliardë lekë […]
Policia ka njoftuar ditën e sotme se ka arrestuar autorin e dyshuar të zjarrit që përfshiu një sipërfaqe të pyllëzuar në fshatin Shetel, Njësia Administrative Gjepalaj, Shijak. Policia bën me dije se 58-vjeçari duke djegur mbeturina në tokën e tij, zjarri i ka dalë jashtë kontrollit dhe ka përfshirë një sipërfaqe të madhe të pyllëzuar […]
Login
